Post: #1 Title: 27 نوفمبر.... أجمل و أزهي 21 سنة Author: Maha Bashir Date: 11-27-2008, 04:30 PM
أحمد .... كانت رحلة مليانة بكل شئ .... كل يوم من عمرك كان فيه حاجة مختلفة في صغرك كنت بعلمك الحياة و برضو بتعلم منك... لما كبرت أتعلمت منك الكتير ومازلت.... روحك المرحة النقية هي البلسم في الايام الصعبة في غربتنا خليك يا حبيبي زي ما إنت محب للخير حنين مليان تفاؤل مجد و مجتهد زي ما إنت الغربة يا حبيبي نجحنا في إمتحاناتا و النتيجة إبن زيك... و الصعاب يا حبيبي صقلتنا وقوتنا نحمد ربنا علي كدي ... سعادتي بيك يا أحمد كبيرة لأني بشوفك بتختار و كيف بتختار إنك تعيش حياتك في بلد زي كندا أحمد الله عليك ... تمنيتك إبني بكل ما فيك...راضية عنك يا حبيبي وربي يوفقك في حياتك المستقبلية كل سنة و إنت بألف خير ناجح و سعيد
حبي لك بلا حدود
Post: #2 Title: Re: 27 نوفمبر.... أجمل و أزهي 21 سنة Author: Tragie Mustafa Date: 11-27-2008, 04:33 PM Parent: #1
كل سنه واحمد بخير يا مها وربنا يحفظه ويغطي عليه ويجبكم شرور الغربه هو واخته.
خالتو تراجي (الختايه)
Post: #3 Title: Re: 27 نوفمبر.... أجمل و أزهي 21 سنة Author: Hussein Mallasi Date: 11-27-2008, 05:47 PM Parent: #2
ما شاء الله يا مها و كل 21 سنة و انتو جميعاً بخير.
Post: #9 Title: Re: 27 نوفمبر.... أجمل و أزهي 21 سنة Author: Maha Bashir Date: 11-28-2008, 02:53 AM Parent: #3
تحياتي يا حسين
Quote: ما شاء الله يا مها و كل 21 سنة و انتو جميعاً بخير.
شفت كيف يا حسين كبرونا و خلاص كان الكان و الله مرات ما بصدق ....إنو السنين بتجري بالسرعة دي صدق بحس أني بتذكرها يوم بيوم و لحظة بلحظة وكل سنة و إنت واسرتك بألف خير
مودتي مها
Post: #8 Title: Re: 27 نوفمبر.... أجمل و أزهي 21 سنة Author: Maha Bashir Date: 11-28-2008, 02:44 AM Parent: #2
عزيزتي تراجي مساء الخير ياه يا تراجي من كندا دي لكن الاختيار والمسؤلية تجاه الأولاد ما إتعودنا نتراجع أو نتنازل لكن نحمد ربنا هي رحلة شاقة مليئة بصعاب وهوائل لكن أهو بتوفيق ربناواقفين علي رجلينا أحمد يا ترادجي حيتخرج من الجامعة السنة الجايةربنا يحمية و يغطيه وعقبال سند و حازم يارب ربنا يفرحك بيهم بإستمرار
مودتي لك مها
Post: #4 Title: Re: 27 نوفمبر.... أجمل و أزهي 21 سنة Author: عاطف عمر Date: 11-27-2008, 06:05 PM Parent: #1
يااااااااااه يا مها تتركنا مثل هذه المشاعر الصادقة الدفاقة بين مفترق طرق نحس أن كل كلمة منها قد أختيرت بعناية فائقة وأن أى محاولة لاستبدال أى كلمة منها سيكون نتيجته إختلال المعنى . لذلك نحس أن أى كلمات نود المشاركة بها سوف تبدو ( مشاترة ) لروعة تلك اللوحة ، بينما تلزمنا أخوتنا لك وأبوتنا أو عمومتنا أو خؤولتنا لـ ( أحمدنا ) أن نقول له شيئاً حتى وإن أتى مشاتراً . تلك هى معضلتنا لأحمد كل الأماني بمستقبل مزهر أرجو أن يحفظه الله لك ويحفظك له ويحفظكما لبعضكما ولباقي عقد أسرتيكما الصغيرة والكبيرة وأن تسعدي بحصاد غرسك مثلما تعبت في زراعته ورعايته حتى شب عن الطوق وأزهر كأجمل ما يكون الإزهار
Post: #5 Title: Re: 27 نوفمبر.... أجمل و أزهي 21 سنة Author: Elmoiz Abunura Date: 11-27-2008, 06:24 PM Parent: #4
العزيزه مها
عيد ميلاد سعيد للابن أحمد. وربنا يحفظه لك ويوفقه في حياته. وانشاء الله قاعده تحكي ليه قصصك اللذيذه الكتبتيها عن الخرطوم الثانويه بنات, مدرسة بنات حلتنا. ويصادف عيد ميلاد احمد احتفالنا هنا في اشفييل, نورث كارولاينا يعيد الشكر Thanksgiving, والديك الرومي مايديك الدرب. والمناسبه اول 5 اعياد كنت بقضيها مع صديقتنا المشتركه د. رقيه أبوشرف وزوجها د. معتصم محمد حسين في كنتكت. تحياتي لاسرتك في كندا والاهل بالسودان مع ودي وتقديري
P.S راجعي بريدك الالكتروني
Post: #12 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 02:53 AM Parent: #5
المعز
مساء الخير
Quote: عيد ميلاد سعيد للابن أحمد. وربنا يحفظه لك ويوفقه في حياته. وانشاء الله قاعده تحكي ليه قصصك اللذيذه الكتبتيها عن الخرطوم الثانويه بنات, مدرسة بنات حلتنا. ويصادف عيد ميلاد احمد احتفالنا هنا في اشفييل, نورث كارولاينا يعيد الشكر Thanksgiving, والديك الرومي مايديك الدرب. والمناسبه اول 5 اعياد كنت بقضيها مع صديقتنا المشتركه د. رقيه أبوشرف وزوجها د. معتصم محمد حسين في كنتكت. تحياتي لاسرتك في كندا والاهل بالسودان مع ودي وتقديري
شكرا ليك علي الامنيات عارف الشباب ديل لما أحكي ليهم مرات زي كاني انا جاية من كوكب تاني مابيصدقو إنو السودان دا كان فبه حاجات جميلة كدي...و اولادي بيفتكروا إني بعرف كل الناس الفي السودان بالرغم من إنو هم بحبو السودان شديد وبقضوا كل إجازة الصيف كل سنة هناك خالص مودتي
مها
Post: #6 Title: Re: 27 نوفمبر.... أجمل و أزهي 21 سنة Author: Muna Khugali Date: 11-27-2008, 06:28 PM Parent: #4
Quote: أحمد الله عليك ... تمنيتك إبني بكل ما فيك...راضية عنك يا حبيبي وربي يوفقك في حياتك المستقبلية كل سنة و إنت بألف خير ناجح و سعيد
حلاته احمد..أكبر من آيه ب6 شهور..
أكيد متذكره شعورك يوم عرفتي انك حامل بيه.. وفكرتي في شهور الحمل الطويله الكلها شوق وتعب وفرح.. واول لحظه شوفتيه وحضنتيه فيها.. وبتكون أول مره حبا فيها لسه في ذاكرتك جيه بترقص.. واول خطوه مشاها ووقع بعدها.. وامكن منذكره أول كلمة قالها.. وكيف نططتي من الفرح.. امسياتك ونهاراتك وهو في حضنك.. الزول الوحيد في الدنيا الماتزهجي من خدمته ليل ونهار.. القصص الحلوه والحكاوي وكفه الصغير بمر علي ملامج وجهك.. يا سلام علي الرحله الممتعه لحياتكم مع بعض.. الزي المدرسي علي جسده الصغيره وصورة كارنيه المواصلات.. ملبس العيد والسوق والهدايا.. العيد ميلادات والأصحاب.. المدرسه والنجاح المستمر.. وادبه معاك بالدنيا يا مها.. كفايه رضاك عنه يا مها علشان ربنا يفتحها في وشه ويرضي عليه دنيا وآخره..
كل سنه وأحمد طيب..والحمدلله أعطاك أحمد كما تمنيتي.. وعقبال ما تشوفي أولاده وتفرحي بيهم كلهم..
Post: #7 Title: Re: 27 نوفمبر.... أجمل و أزهي 21 سنة Author: Ishraga Mustafa Date: 11-27-2008, 06:47 PM Parent: #6
يا اجمل ام...
سنغنى مع احمد ولدنا لاجلك يامها
ماشاءالله ربنا يحفظو ويغطيهو من كل شر بركة البطن الجابتو يابت امى
Post: #15 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 03:29 AM Parent: #7
أم واصل ومرافئ
يا أجمل أم ...
Quote: يا اجمل ام...
سنغنى مع احمد ولدنا لاجلك يامها
ماشاءالله ربنا يحفظو ويغطيهو من كل شر بركة البطن الجابتو يابت امى
شفتي ياشراقة كيف السنين بتجري بس كتروا لينا من الدعوات دي عقبال ما تشوفي واصل و مرافئ في الجامعة يارب وإنتي كيف أخبارك طولنا ما إتكلمنا خليك قريبة حبي ومودتي
مها
Post: #14 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 03:20 AM Parent: #6
سلامات يا منو
Quote: شعورك يوم عرفتي انك حامل بيه.. وفكرتي في شهور الحمل الطويله الكلها شوق وتعب وفرح.. واول لحظه شوفتيه وحضنتيه فيها.. وبتكون أول مره حبا فيها لسه في ذاكرتك جيه بترقص.. واول خطوه مشاها ووقع بعدها.. وامكن منذكره أول كلمة قالها.. وكيف نططتي من الفرح.. امسياتك ونهاراتك وهو في حضنك.. الزول الوحيد في الدنيا الماتزهجي من خدمته ليل ونهار.. القصص الحلوه والحكاوي وكفه الصغير بمر علي ملامج وجهك.. يا سلام علي الرحله الممتعه لحياتكم مع بعض.. الزي المدرسي علي جسده الصغيره وصورة كارنيه المواصلات.. ملبس العيد والسوق والهدايا.. العيد ميلادات والأصحاب.. المدرسه والنجاح المستمر.. وادبه معاك بالدنيا يا مها..
كيف أخبار أية وعبد الرحيم و يسن إن شاء الله يكونو طيبين ومبسوطين
عارف يا منو بتذكر تفاصيل أول مرة اشوف ضحكته و صورتها وأول مره يقول ماما و أول مرة يحبو و اول مرة يقيف رحلة يا منو في منتهي الروعة طبعا إنت عارفة نوعنا نحنا كيف بوصلم المدرسة وبوديهم دروس الموسيقي و بحضر معاهم الدروس والرياضة وأعياد الميلاد التعبت من الانتظار في العربية و الحمد لله أحمد بيوصل أختو وبيرجعها وصور المدرسة ولعب الكورة في الشارع عارفة أحمد لما كان عمرة سنتين تقريبا لما نمشي السودان كان بيشوف أولاد الحلة بيلعبو كورة ولازم بمشي يلعب معاهم فكانت ريم أختي بتسوقو الشارع يلعب معاهم الكورة وقبل ما نجي كندا أناإستغلت من شغلي وسقت أحمد و ياسمي ومشيت السودان من عمان عشان أشوف اقعد ولا أهاجر المهم دخلتهم المدارس هناك أحمد كان في Unity فكان كل يوم لازم أوديه المدرسة الساعة 6:30 صباحاشايل كورته وبيلعب كورة قبل الحصص وفي آخر اليوم لما أجي أسوقة قميص المدرسة الابيض بس لونه طين وأول والشعر بس زي شلتي التراب وكبيتو في راسو كانت ايام تحياتي وكوني طايما بخير
مها
تحياتي وكوني بخير
مهـــا
Post: #11 Title: Re: 27 نوفمبر.... أجمل و أزهي 21 سنة Author: Maha Bashir Date: 11-28-2008, 04:11 AM Parent: #4
أخوي عاطف
مساء الخير عليك
Quote: يااااااااااه يا مها تتركنا مثل هذه المشاعر الصادقة الدفاقة بين مفترق طرق نحس أن كل كلمة منها قد أختيرت بعناية فائقة وأن أى محاولة لاستبدال أى كلمة منها سيكون نتيجته إختلال المعنى . لذلك نحس أن أى كلمات نود المشاركة بها سوف تبدو ( مشاترة ) لروعة تلك اللوحة ، بينما تلزمنا أخوتنا لك وأبوتنا أو عمومتنا أو خؤولتنا لـ ( أحمدنا ) أن نقول له شيئاً حتى وإن أتى مشاتراً . تلك هى معضلتنا لأحمد كل الأماني بمستقبل مزهر أرجو أن يحفظه الله لك ويحفظك له ويحفظكما لبعضكما ولباقي عقد أسرتيكما الصغيرة والكبيرة وأن تسعدي بحصاد غرسك مثلما تعبت في زراعته ورعايته حتى شب عن الطوق وأزهر كأجمل ما يكون الإزهار
عارف يا عاطف هي رحلة ممتعة بجد و أنا حاسة بكامل الرضي أحمد بحب يلعب كورة من هو طفل لعبت معاه الكورة علمتة السباحة علمتة سوافة العربية إتشاركنا مشاهدة الافلام و الآغاني السودانية و الاغاني الغربية لمايقرأ كتاب و يعجبة يصر علي إني اقرأه لما يكون في فيلم عاجبه بيعزمني سينما, بهتم يأخته و بيشاركها في الاهتمامات وبتسالوا لما تكون عاوزة تاخد قرار و بوريها وبيناقشها في الحاجات المهمة هو قدرها وما خزلني الحمد لله الصيف الفات كان في السودان و عمه مرض و كان راقد مستشفي كان ممارضه كان بيكون صاحي الليل كله قاعد قدام أوضته, للآسف عمة إتوفي ليه في يده وكان من أكثر الاشياء إيلام .... و دي تجربة الموت الاولي ..مافي اصعب من كدي لكن الاحساس بالانتماء للناس هناك هو دا كان الهاجس عندي عشان كدي كان السفر لللسودان كل سنة لازم يكلف ما يكلف المهم لازم يمشوا يشوفو أهلم ويعرفو هم منو وبحمد ربنا إنو مكني إني أقوم بمسؤليتي تجاهم هو و أخته الي الآن حسب ما أنا شايفة... مودتي و تحيات لأسرتك مها
Post: #10 Title: Re: 27 نوفمبر.... أجمل و أزهي 21 سنة Author: تماضر الخنساء حمزه Date: 11-28-2008, 02:58 AM Parent: #1
ربي يحفظ احمد وام احمد وكل حبايب احمد
كل سنة واحمد اجمل
Post: #13 Title: Re: 27 نوفمبر.... أجمل و أزهي 21 سنة Author: احمد معتصم الطيب Date: 11-29-2008, 03:14 AM Parent: #10
كل سنة وأحمد وأم أحمد أسعد.خلى بالك من أمك ياأبوحميد ربنا يخليكم لبعض اللهم أمين.
Post: #18 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 03:36 AM Parent: #13
أستاذي أحمد معتصم الطيب
مساء الخير
Quote: .خلى بالك من أمك ياأبوحميد ربنا يخليكم لبعض اللهم أمين.
عليك نور دا المفيد ....
وكتروا الدعوات بالله وكبروها شكرا ليك علي المرور
ودي و تحياتي مها
Post: #19 Title: Re: 27 نوفمبر.... أجمل و أزهي 21 سنة Author: Safa Fagiri Date: 11-29-2008, 03:43 AM Parent: #13
congratulations لأحمد وربنا يجعلو قرة عين لك ويحفظو ويغطيهو برعايته الكاملة..
وصفاء الاجمل شكرا كتير لللتهنئة و الآمنيات الغربة أبدا ما ساهلة خصوصا لما تتخللها صعاب رتبتها الحياة والظروف ...تخطيناهاببركة دعاء الوالدين لله الحمد و الشكر لفضلة مودتي العميقة مها
Post: #17 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 03:32 AM Parent: #10
تماضر ياإنسانة
Quote: ربي يحفظ احمد وام احمد وكل حبايب احمد
كل سنة واحمد اجمل
شكرايا ستي علي الدعوات الطيبة
مودتي العميقة
مها
Post: #16 Title: Re: 27 نوفمبر.... أجمل و أزهي 21 سنة Author: شهاب الفاتح عثمان Date: 11-29-2008, 03:31 AM Parent: #1
التحيه لك ولكل ام ترى الابن غزال جاهل صغير مهما كبر وايام تتوالى كل عام وانت بخير. وعيد ميلاد سعيد أحمد.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #20 Title: Re: 27 نوفمبر.... أجمل و أزهي 21 سنة Author: Abdlaziz Eisa Date: 11-29-2008, 06:22 AM Parent: #16
سلامات مها
كل عام ولإبن أحمد بخير ان شاء الله
ربنا يوفقه ويجعل له مستقبلا نيرا
تحياتي عبدالعزيز
Post: #23 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 02:18 PM Parent: #20
تحياتي أستاذ عبد العزيز
Quote: كل عام ولإبن أحمد بخير ان شاء الله
ربنا يوفقه ويجعل له مستقبلا نيرا
شكرا ليك وبركة الدعاء الطيب ربنا يبارك ليك
خالص الود مها
Post: #22 Title: Re: 27 نوفمبر.... أجمل و أزهي 21 سنة Author: Maha Bashir Date: 11-29-2008, 02:14 PM Parent: #16