لماذا يتجنب البعض ادانة جرائم الاعتقالات التعسفية و التعذيب؟

مثلا حدث كأعتقال و تعذيب الاخوين منعم و عثمان الذي لوردته الاخبار..
بدون فتح بوست للتعبير (مع انو في ناس ما عنهم شغلة غير فتح بوستات بموضوع او بدون موضوع)...ادانة بسيطة توضح انو الناس كلها رافضة لمثل هذه الممارسات...
لست مناضل..او مدعي نضال..و لا اعرف الاخوين المعتقلين الا خلال ما سمعت من اخبار..و لكن ..انسانية كدا..و تسجيل موقف ضد الظلم و الاستبداد..واجب علي ان اعبر..
ليس من الضروري ان اشتم..او ان ازعق..او آتي بما قد يضعني تحت طائلة فانون الظلم...فقط ادين و اعبر عن عدم موافقتي على ما حدث..أكثير هذا؟؟

لست من انصار اجبار الناس على تبني وجهة نظر بعينها من قضية ما...
و ارى ان اي واحد حر في التعبير عن رفضه او تأييده لوجهة نظر ما متى ما شاء او اينما شاء...
او حتى التزام الصمت إن شاء...
و لكن..هناك اشياء ..الصمت حيالها يعتبر تخاذل..ان لم يكن جبن.
أن تسمع بأخيك الاعزل..يعتقل و يعذب ..و تستكثر ان تنطق بكلمة حق تدين فيها ما حدث..أو تستنكر..أو حتى ترجو معاملتهما وفق القانون..
خصوصا إن كنت ممن يكتبون (عمال على بطال) كما يقول اخوانا المصريين..
فلهذا معناه احد امرين:
اما أنك/كي ..........!
أو أنك/كي ..........!

حتى و إن كنت مؤيد أو مشارك حتى في حزب المؤتمر الوطني ...بأختصار و من غير دبلماسية (كوز)!
فرفضك لمثل هذه الممارسات يرفع من رصيدك كأنسان سينظر اليك الجميع ..اصدقاء و اعداء..بعين الاحترام ...
سيرفع من رصيد الحزب الذي تنتمي اليه ... لوجود اناس منضوون تحت لواءه و يجهرون بقول الحق مثلك..
و اخيرا سيرفع من رصيد نفسك امام...نفسك

لماذا تمر بوستات كهذه على (بعض) الناس مرور الكرام ..و لا يهتم بوضع نقطة فقط في احداها؟؟؟
منعم الجاك تعرض للتعذيب حتى ثقب فمه

بيان حول إعتقال ناشطين في مجال حقوق الإنسان ... حملة تضامن
منعم الجاك يتعرض للتعذيب ، وعثمان حُميده يحتاج للحماية .

لانه كلٌ ميسر لما خلق له يا زياد
and you could read this either way

Rihab
I read it one way and I understood it on way as well
and I hope I was right
!!!

لعل أضافة ضحكة أو كتابة كلام بذئ
في بوست كورة
أو غزل في واحة بت ناس!!!
او احماء مشكلة بين اتنين زملاء في البورد (المديدة حرقتني!!)
...
لعل بعض ما ورد أعلاه او كله
أهم عند البعض من قصة مملة بايخة مثل : أخيك يعذب و تنتهك كرامته و يمكن ان يموت ...الخ..الخ
..لعل

Quote: لعل أضافة ضحكة أو كتابة كلام بذئ في بوست كورة أو غزل في واحة بت ناس!!! او احماء مشكلة بين اتنين زملاء في البورد (المديدة حرقتني!!) ... لعل بعض ما ورد أعلاه او كله أهم عند البعض من قصة مملة بايخة مثل : أخيك يعذب و تنتهك كرامته و يمكن ان يموت ...الخ..الخ ..لعل

سلام أخ زياد..

طيب انت دلوقتي لما احنا أسر الشهداء بنزل أخبار في بوستات عن عمايل النظام الأسود معانا..
وبتكون هاصله وفي لحظتها..
وفي كل فتره بنطالب النظام يورينا محل قبور أبناءنا..
حصل وقفت معانا؟؟
حصل دخلت وأدنت؟؟

لا يمكن أفتح بوست وألومك أو غيرك لعدم الدخول والتعليق لأسباب كثيره..
شرحها يطول..وبعصها لا يخدم القضيه في الوقت الحالي..

تحياتي..

سيدتي / الاستاذة مني

Quote: يب انت دلوقتي لما احنا أسر الشهداء بنزل أخبار في بوستات عن عمايل النظام الأسود معانا.. وبتكون هاصله وفي لحظتها.. وفي كل فتره بنطالب النظام يورينا محل قبور أبناءنا.. حصل وقفت معانا؟؟ حصل دخلت وأدنت؟؟

أجاوب بأختصار..
نعم حصل..

Quote: لا يمكن أفتح بوست وألومك أو غيرك لعدم الدخول والتعليق لأسباب كثيره.. شرحها يطول..وبعصها لا يخدم القضيه في الوقت الحالي..

لم افتح بوست للوم من لم يتجاوب معي في نعي الشهيد/ابوبكر راسخ و الذي ابكيه و يبكيه اهله حتى اليوم!!
كلامي واضح عن تعذيب يحدث لاخوة لنا الان!!..تضامن الجميع مطلوب لانقاذهم..
و نقدي كان واضح ايضا لفئة معينة من الاعضاء!...محاولا مخاطبة انسانيتهم...حتى مؤيدي الحكومة منهم!
كنت اتوقع استنكارا لكلامي من كثيرين...
أنت آخرهم

(لا يغير الله ما بقوم حتى يغيروا ما بأنفسهم)
...
و نحن حالنا سيظل كما هو الى يوم يبعثون

Quote: سلام أخ زياد.. طيب انت دلوقتي لما احنا أسر الشهداء بنزل أخبار في بوستات عن عمايل النظام الأسود معانا.. وبتكون هاصله وفي لحظتها.. وفي كل فتره بنطالب النظام يورينا محل قبور أبناءنا.. حصل وقفت معانا؟؟ حصل دخلت وأدنت؟؟

اسئله مني محتاجه اجابه يا زياد

و اضيف عليها بوستات العمل الطوعي
و الناس البتموت كل يوم
و و و

رحاب
راجعي ردي اعلاه

سلام زياد

الاسباب متباينة:
في ناس مشغولة

في ناس زهجانة من الوضع كله
في ناس بتفتكر قصة التوقيعات و البيانات الما مسنودة بي شئ اخر ـ سياسة و قوة ـ ما عندها قيمة وقليلة الاثر (وانا اقرب للراى ده)

في ناس ما عندها اصلا اهتمام بالمواضيع دى ـ ومن حقهم ـ

في ناس تانية بتصفي في حساباتها العامة
في ناس تانية بتصفي في حساباتها الخاصة
في ناس تانية بتصفي في حساباتها العامة و الخاصة

ياخى الان في ناس شمتانة على المعتقلين ديل

فتخيل

و ما خفي اعظم

لو باريت الاسئلة دى بجيك ضغط

وفى ناس كمان محصنين ضد التناقض تعميهم المصلحة والايدولجية
منفصمين عديل كده!!!!!!!!!!!
تراهم يحتجون ضد التعذيب فى ابوغريب وقوانتانمو لكنهم فى قانون الاثبات السودانى (الغير دستورى) الذى صاغه النظام الذى يؤيدون يقنن للتعذيب -انظر للمادة 11- (وبالفعل عذب ولازال يعذب).
تراهم يحتجون ضد اعتقال الاسلاميين فى الجزائر ومصر وغيرها لكن يشرعون لقانون امن يعمل على احتجاز واعتقال الناس لمدة 9 شهور بدون اى تهمة توجه لهم، وبدون أن يقدموا لمحاكمة، ويتمتع رجال الامن بحصانة قانونية(حماية عديل كده يعملوا زى ماعايزين)، ويسمون هذه هى الثوابت والخطوط الحمراء.

تزيد قناعتي كل يوم ان هؤلاء كثر في الشعب السوداني
عشان كدا بقول: (لا يغير الله ما بقوم حتى يغيروا ما بانفسهم)

الاخ/زياد

تحياتي؛؛؛

_________

الاخ /عصام جبر الله


تحياتي ومشتاقين والله.

Quote: في ناس مشغولة في ناس زهجانة من الوضع كله في ناس بتفتكر قصة التوقيعات و البيانات الما مسنودة بي شئ اخر ـ سياسة و قوة ـ ما عندها قيمة وقليلة الاثر (وانا اقرب للراى ده) في ناس ما عندها اصلا اهتمام بالمواضيع دى ـ ومن حقهم ـ في ناس تانية بتصفي في حساباتها العامة في ناس تانية بتصفي في حساباتها الخاصة في ناس تانية بتصفي في حساباتها العامة و الخاصة ياخى الان في ناس شمتانة على المعتقلين ديل

الله يعطيك العافية كفيت ووفيت .وهذا فعلا مايحدث.

Quote: موش لأنو مختلف مع عصام او وليد تمنعنى من الوقوف ضد انتهاكات حقوق الانسان الترابي الجاب المصائب دى كلها و لو بكرة الدنيا غدرت بي قوش نفسه لو اعتقل او عذب ساقيف ضد ذلك دون من او ابتزاز ... واتحاسب معاهو في الباقي في محلو

أُشهد الله انك حقاني اخي عصام .

لك التحية بمثلها يا بشير

سلامات يا عصام
أتفق معك في مجمل ما ذكرت.

Quote: في ناس تانية بتصفي في حساباتها العامة في ناس تانية بتصفي في حساباتها الخاصة في ناس تانية بتصفي في حساباتها العامة و الخاصة ياخى الان في ناس شمتانة على المعتقلين ديل

و أنا بخاطب في حديثي الذين ذكرتهم اعلاه.

Quote: لو باريت الاسئلة دى بجيك ضغط

والله يا عصام مرات بقول: لو باريت سودانيزاونلاين بجيني ضغط.

Quote: لعل بعض ما ورد أعلاه او كله أهم عند البعض من قصة مملة بايخة مثل : أخيك يعذب و تنتهك كرامته و يمكن ان يموت ...الخ..الخ ..لعل

الاخ زياد تحية
اين انت منذ عام 2005 وهو تاريخ تسجليك فى هذا المنبر عندما كان ابناء الشهداء الاطفال يساقون الى زنازين الامن
ويعذبون واين كنت انت عندما قام رجال الامن.. بضرب الامهات والارامل عندما طالبو بالكشف عن مقابر شهدائهم هل رايت احدهم ممن اعتقلو الان ادان او شجب ومعظمهم اعضاء فى هذا المنبر كنا نتوقع على اضعف الايمان منهم كمهتمين بحقوق الانسان ان يكون لهم دور فى الكشف
عن هذة الانتهاكات ..لماذا لم تطالب بما طالبت به اليوم ولم تدين ان الاخريين لايتدخلون ويقضون الوقت بما وصفتهم به
واين كانت.. ضحايا التعذيب او مركز الخرطوم لحقوق الانسان ..عندما ذهب اليهم ابن الشهيد صلاح السيد لمساعدته فى علاج
اذنيه عندما تعرض للتعذيب لماذا رفضو تقدم اى مساعدة له عندم احتاج مساعدته وتعذيبه كان ظاهر وعنده شهادة طبية تسبت اصابته ؟
واين كان مركز الخرطوم او ضحايا التعذيب والاسر تتعرض للاعتقال والتعذيب طيله السنوات الماضيه لماذا لم نرى مناشدة منهم لايقاف الاعتقالات والتعذيب التى طالت حتى اطفال الشهداء هل بالضرورة الانتماء الى تيار معين حتى يحظى الضحيةبالاهتمام ؟!!
وفى كل عام نحتقل بذكرى هولاء الشهداء الابطال على هذا المنبر هل رايتنا يوما قمنا بفتح بوست للاساءه للذين لم يتداخلو
ولم نوصف احد منهم بالفارغه كما وصفت انت بها البعض فكل انسان له الحق فى خيارته التى يختار ولا نحاسب الاخريين على خيارتهم
ولكننا نحاسب كل من يدعى ويسمى نفسه بناشط ضد منتهكى حقوق الانسان ولانرى هذا النشاط الا فى حاله حدوث الانتهاكات على فئه وليس الجميع
وهذة الانتقائية فى الدفاع فى عرف منظمات حقوق الانسان ودساتيرها لهو خرق واضح يتنافى مع المبدا العام لحقوق الانسان وهو الدفاع عن الانسان اى كان نوعه او انتمائه فالانسان انسان قبل ان يكون تنظيم او خلافه ،والحمدلله الذى سخر كل الامكانيات التى تدعم هذة الحقيقة حتى لايقال اننا نتهم الاخرين بدون وجه حق ..
التعديل لاضافه فقرة .
التعديل لازاله فقرة ...

اعتقال الاستاذة هالة الكارب وتفتيش مكاتب صيحة ....... ص...عم الجاك بعد التعذيب

Quote: التعذيب هو التعذيب.. لا يجب أن يوجه للأتجاهات السياسيه أو غيرها.. والذين عينوا انفسهم اوصياء علي حماية حقوق الانسان السوداني..او عينتهم تجمعات ما.. تقع عليهم مسئولية الدفاع المباشر والمتواصل عن كل من عذب من ابناء الشعب.. أما ان كان لهم حق الانتقاء في من يتولوه بدفاعهم..وفيمن يمدوه بالعلاج الضروري..فهم لا يختلفون عن الجلاد!

عشان متبننها ناس زيك كده
مفتكرين انهم افهم واحسن خلق الله

وفارضين وصايا علي الباقين
تاكلوا شنو
وتشربوا شنو
وتصحابوا منو
وتحاربوا كيف

وهسع كمان وصايتك في كيفة الكتابة وعن ماذا نكتب دي جديده لنج
نضيفها للسته

سلام وليد
يكون عندك موقف من زياد او زيد او عبيد ده حقك الكامل

لكن يصبح الموقف ده ـ او اى موقف اخر ـ مبرر لعدم ادانة التعذيب ضد اى شخص غير صحيح.

موش لأنو مختلف مع عصام او وليد تمنعنى من الوقوف ضد انتهاكات حقوق الانسان

الترابي الجاب المصائب دى كلها و لو بكرة الدنيا غدرت بي قوش نفسه لو اعتقل او عذب ساقيف ضد ذلك دون من او ابتزاز ... واتحاسب معاهو في الباقي في محلو

ده لو الواحد عاوز يكون متسق مع روحو طبعا

مرحب عصام

كلامك الكتبته رايك وطبعا ما عندي فيه رائي

انا رائي خلاف رايك

اي زول عاوز يفرض علي راي ما بقبله منه حتى لو كان الصاح

بتخيل لي ده حقي حتى لو كنت ما متسق مع نفسي

اما فيما يختص وحقوق الانسان
هي حقوق الانسان دي الا تنتهك من الكيزان وفي السودان تحديدا

ما قرينا ليك راي في انتهاك حقوق الانسان في غزة مثلا

طلما انو الكلام عن الاتساق النفسي

كل الود

بالمناسبة يا عصام انا وزياد ما عندنا مشكلة مع بعض قبل كده

بل احتمال منسجمين في بوستات تانية

ده عشان ادلل ليك انو الموضوع اختلاف في الرائي ما في الشخص

شخصيا لا اتعامل مع اشخاص في اون لاين
اتعامل مع نك نيم
وراي

بس

كل الود

دا كدا كلام ممكن أرد ليك عليهو يا مان...

Quote: اي زول عاوز يفرض علي راي ما بقبله منه حتى لو كان الصاح بتخيل لي ده حقي حتى لو كنت ما متسق مع نفسي

مافي زول عاوز يفرض عليك حاجة يا مان ...راجع الفقر الكتبتها انا اعلاه:

Quote: ست من انصار اجبار الناس على تبني وجهة نظر بعينها من قضية ما... و ارى ان اي واحد حر في التعبير عن رفضه او تأييده لوجهة نظر ما متى ما شاء او اينما شاء... او حتى التزام الصمت إن شاء...

...
اما عن كلامك:

Quote: هي حقوق الانسان دي الا تنتهك من الكيزان وفي السودان تحديدا

لأ...حقوق الانسان هي حقوق الانسان...لكين شعب السودان أنتهكت حقوقه من قبل الكيزان...و ليس من قبل اسرائيل ولا امريكا!!..و نحنا هنا بهمنا شعبنا السوداني.
(الأولى لك فأولى)
ولا شنو

Quote: عشان متبننها ناس زيك كده

وليد ازيك

طيب بما إنو نحنا من الناس (الذي زياد أخونا ديل)
ممكن توريني المعايير المفترض تتوفر في الزول عشان يشجب أو يدين ؟
بعدين حكاية انك تكون عندك رأي في الناس البيدينو وما بتسجل موقفو
في تجاه المدانين دي بتفتكر انها لافقة ومغطية معاك مثلاً .




،،،،،،،،

معاً لاطلاق سراح الشرافاء


شكراً زياد

خضر ازيك

كلامك ده ما وقع لي

Quote: بعدين حكاية انك تكون عندك رأي في الناس البيدينو وما بتسجل موقفو في تجاه المدانين دي بتفتكر انها لافقة ومغطية معاك مثلاً

شرحو

Quote: ممكن توريني المعايير المفترض تتوفر في الزول عشان يشجب أو يدين ؟

بس ما يكون زيك

تحياتي خضر

الاخت ماجدة لك التحية

Quote: اين انت منذ عام 2005 وهو تاريخ تسجليك فى هذا المنبر

لا أحب شخصنة الامور و قلب امر عام أو ظاهرة للتحدث عن نفسي او عن شخص ما بعينه..لكين سأرد عليك باختصار
لو كنت حقانية رأيتي هذا مع تاريخ تسجيلي

Quote: مجموع المشاركات: 539

ما تجي كمان تقولي لي ما بتفتح الانترنت Often ليه
ما عايز اعيد كلامي حول من قصدتهم بنقدي!...
حاجة غريبة أنو آخر ناس كنت اقصدم بكلامي..هم أول من استنكره

Quote: الاخت ماجدة لك التحية Quote: اين انت منذ عام 2005 وهو تاريخ تسجليك فى هذا المنبر لا أحب شخصنة الامور و قلب امر عام أو ظاهرة للتحدث عن نفسي او عن شخص ما بعينه..لكين سأرد عليك باختصار لو كنت حقانية رأيتي هذا مع تاريخ تسجيلي Quote: مجموع المشاركات: 539 ما تجي كمان تقولي لي ما بتفتح الانترنت Often ليه ما عايز اعيد كلامي حول من قصدتهم بنقدي!... حاجة غريبة أنو آخر ناس كنت اقصدم بكلامي..هم أول من استنكره

ولك التحية اخ زياد
العفو لم اقصد ان احدد لك ماذا تفعل اومتى تقوم بفتح النت .. ولجوئى الى ماانزلته هنا من برفايلك كان فقط
من اجل الاستشهاد بما سوف اقوم بكتابته .. تنكر على التحديد بالرغم من انك من قام به ..فاانت من قام بفتح بوست ووجه لوم لمن لم يتداخل او ينند فى بوستات تضامن محددة .
انا ايضا لا احب شخصنه الامور فكلامى كان عن تنظيم كامل بعضويته ومناصيريه ولم اتحدث عن شى خاص بى وحتى شهدائنا لم يستشهدو لاسباب خاصه انما من اجل وطن كامل .. وكلامى هنا موجود وانت حتى لم ترد على الجزء المهم من كلامى واخذت منه فقط الخاص بعضويتك بالرغم من كلامى
كان واضح ومحدد وهو اننا .. قد سئمنا ووصلنا الحد من محاولة بعضهم احتكار كل شئ .. حتى تقديم المساعدات لمحتاجيها
هم من يحددون لمن تذهب ومن تمنع عنه ظلننا لمدة اكثر من 14 سنه.. ونحن نترفع عن الشكوى عن التجاوزات التى تحدث لاسر الشهداء
من قبل من كنا نفترض فيهم تولى الدفاع وتبنى قضايهم من علاج واعادة تاهيل ولكن بكل اسف بدل كل ذلك كان نصيبهم التجاهل التام ورفض
مد اى مساعدة علاجية لهم وهم من احق الناس بها .
ولازلت عند موقفى وللاسباب الاتيه ..اولا عندما قمنا بانشاء ضحايا التعذيب لم يكن القصد ..ان يستفيد من الخدمات المقدمة منها جهه دون الاخرى او لتكون حكر على مناضل دون الاخر.. فالانتهاك هو الانتهاك والضحية هو الضحية والنضال واحد وان اختلفت اساليبه وتقديم الخدمات هو حق كل ضحية ..وهو ايضا بنداصيل واساسى فى دستور المنظمه .. كما هو ايضا من شروط المانحين ولكن ماذا نقول لمصنفى الضحايا .
اتنين عدم ادانتى علنا او الدخول فى اى بوست وانا هنا اتحدث عن نفسى .. فقط لا يعنى اننى مع النظام فيما قام به او اؤيد التنكيل بالاخرين ..او تعذيبهم .. او شماته فيما حدث لهم .. ابدا نختلف ونصل الحد فى خلافاتنا ويصيبنا الاحباط ولكننا لانكون ابدا مع الصفة الاخرى فموقفنا من النظام واضح ولا مزايدة فيه .
وحقيقة ومافى سبب يدعونى انى مااصدق كلامك وهو انك مابتقصدنا نحن .. ولكن بما انك تركت الكلام بدون تحديد ومعمم واذا كنت انا من الذين لو يتداخلو اذا لاغرابه ان اخذت الامر وكانك تعنينى به .. غير هذا فالمبدا واحد كل له الحريه فى ان يختار اين يتتداخل او يتضامن
وبنفس الحق الذى عندك لتقوم بالانتقاد او التسائل .. لى انا ايضا كل الحق فى ان اوجه اليك سؤالى السابق لما لم ارى لك بوست تقوم فيه بتوجيه النقد او اللوم ..الى الذين لم يتجاوبو مع اانتهاكات التى تواجه بها الاسر العزل من امهات ..وارامل .. واطفال لشهداء 28 رمضان وهم من يتم بهم التنكيل علنية و بصفه مستمرة امام الجميع ..وسؤالى هذا هو سبب ذكرى لتاريخ اشتراك وليس لاى سبب اخر فانا لايعننى كثيرا دخولك النت اوغيرة

ولك التحية والسلام

الأخت ماجدة
صدقيني لم أفهم الكثير مما ترمي اليه بمحاولة البعض احتكار (مساعدات) او شئ من هذا القبيل...لانه ببساطة ليس ليس خلفية عن هذا الموضوع...غير اني ادعم و ادافع موقف اي انسان (حتى لو بأضعف الايمان) يتعرض لتعذيب او اضطهاد بدون بناء موقفي هذا عن هل فلان هذا (او حزبه) تضامن معي ام لا!!! و بالمقابل اقول لك انه أنه امر محزن و مثير لخيبة الامل ان يحدث تجاهل او تقصير في قضية وطنية كبرى كقضية شهداء رمضان...كنت ولازلت من المطالبين بالتحقيق و محاكمة كل من يثبت تورطه في تلك الجريمة التي لا تسقط بالتقادم..
...
و لكن ما تحدثت عنه هنا شئ منفصل و محدد...أثنين من الناشطين أعتقلا و يتعرضان للتعذيب...يجب علي أن ادين (without if and buts ) لتشكيل رأي عام للافراج عنهما...و كما ذكرت مسبقا..لست بحاجر علي طريقة احد في التعبير...لكني مستنكر و مستغرب اعراض البعض (برغم مشاركتهم الفعالة - سياسيا ايضا- في الفارغة و المشتغلة)..و حاولت مخاطبة أنسانيتهم (حتى الكيزان منهم) لايقاف هذا العبث (الاعتقالات التعسفية و التعذيب)...فأذا بي أواجه بنيران...صديقة
شخصيا اعتقد ان التعصب الحزبي هو الذي اضر بالسودان...و ليس الكيزان!!

بالرغم من حده ردك يا وليد، لكن ده جزء مهم من الاجابه علي السؤال: كيفيه الطرح و مين الطارح

عموما، لا شيء يبرر عدم التجاوب في القضايا المهمه

ياتا هي القضايا المهمه؟ كل زول و فهمه بقي و ارفض مبدا الوصايه، اشكر من يذكرني، لكن لا للوصايه!

التجاوب ده بيكون كيف؟ ده بيحدده كل انسان علي حسب ايمانه و موقفه من الاشياء, وادناهو وضحه ربنا، اضعف الايمان بالقلب

هل ممكن ناس تتجاوب من غير ما تكتب في المنبر؟ ممكن

هل ممكن تجاوبها ده يكون عملي اكثر من تجاوب من ادان علنا؟ احتمال

هل ممكن ناس اتجاوبت في المنبر ده وادانت علنا تكون شغاله عكس ما تقول؟ اكيد و علي عينك يا تاجر

يبقي ما لينا الا نذكر

ادانة الجرائم في حق الانسانية واجب يمليه الضمير الانساني واذا كان هناك من فتح بوست ولم تقنعك طريقته افتح بوست وسجل ادانتك بالطريقة التي تراها دة طبعا لو الخلاف في الاسلوب او الاشخاص الا ان تكون تؤيد الجرائم

Quote: ادانة الجرائم في حق الانسانية واجب يمليه الضمير الانساني واذا كان هناك من فتح بوست ولم تقنعك طريقته افتح بوست وسجل ادانتك بالطريقة التي تراها دة طبعا لو الخلاف في الاسلوب او الاشخاص الا ان تكون تؤيد الجرائم

يا سردوب
لو ما الا التقريرية في الاخر دي
كلامك ده كان بكون على العين والراس

انت اكتب كلامك وخليني انا احدد مؤيد ولا ما مؤيد بدون ما تقررني

رحاب خليفة ازيك

Quote: ياتا هي القضايا المهمه؟ كل زول و فهمه بقي و ارفض مبدا الوصايه، اشكر من يذكرني، لكن لا للوصايه! التجاوب ده بيكون كيف؟ ده بيحدده كل انسان علي حسب ايمانه و موقفه من الاشياء, وادناهو وضحه ربنا، اضعف الايمان بالقلب هل ممكن ناس تتجاوب من غير ما تكتب في المنبر؟ ممكن هل ممكن تجاوبها ده يكون عملي اكثر من تجاوب من ادان علنا؟ احتمال هل ممكن ناس اتجاوبت في المنبر ده وادانت علنا تكون شغاله عكس ما تقول؟ اكيد و علي عينك يا تاجر

على قول اهل الرياضيات #
وهو المطلوب

بعدين كدي عايني جنس البوست ده

اعتقال المواطن البريطاني (عثمان حميده )واليوم اعتقال ا...كنديه (هاله الكارب)!
هسع ده بوست مفتوح للتجاوب ولا لعدم التجاوب
اشمعنا يعني المواطنين البرطانيين والكنديين
هل يعني انو السودانيين يتحرقوا بجاز

Quote: هسع ده بوست مفتوح للتجاوب ولا لعدم التجاوب اشمعنا يعني المواطنين البرطانيين والكنديين هل يعني انو السودانيين يتحرقوا بجاز

its wrong ya Waleed if you ask me
وكان الله في عون المواطن عبد المنعم الوقع بي قد القفه

زياد كيفنك
وربنا يعينك فاتح لك نار جهنم عليك يا اخوي.
وفعلا لاي وجد اي مبرر لعدم الادانة.

وليد المبارك

عارف مشكلتك بوردابي بس وبتقرا بعيون البوردابي وما بتعرف نضمي السياسي

بوست زي الانتقدته حضرتك وطبعا بتأكد عليه حضرتها رحاب خليفه

لانكم مابتعرفوا بنكتب لمنو نحن هنا:

Quote: هسع ده بوست مفتوح للتجاوب ولا لعدم التجاوب اشمعنا يعني المواطنين البرطانيين والكنديين هل يعني انو السودانيين يتحرقوا بجاز

في اوراق ضغط لازم تستخدم وعشان رؤساء ناس ناذر الخليفه ومحمد حامد جمعه

يتصروفوا كان لابد من تذكيرهم.


اما حكاية ومعناها السودانين يتحرقوا لو انت شايفها كده

اعتبرها كده لا احتاج لشرح موقف تكفيني.
.

تحياتي تراجي
صدقيني أني كنت اتوقع تفهما و قبولا لكلامي و نقدي أفضل مما وجدت!!
هل الدعوة لموقف انساني و استنكار المتخاذلين و المخذلين صار يدعو للأستنكار!!!

المدعوة رحاب خليفه
عبد المنعم الجاك انا ما بوقعه بقد القفة

شوفي انت العرفتي تسلي باس وردك عشانهم كنت موقعه كم مواطن

دارفوري تمت انتهاك آدميتهم بقد القفة.

واتحداكي....قدر الكتبته في عبد المنعم الجاك ده طلعي

لي قدره كتبتيه من ارشيفك لاجل غبش السودان!

Quote: its wrong ya Waleed if you ask me وكان الله في عون المواطن عبد المنعم الوقع بي قد القفه

Quote: هسع ده بوست مفتوح للتجاوب ولا لعدم التجاوب

it makes no difference ya Waleed sometimes
you just do what you think is right

رحاب
وليد رده ماكان حدة ولا شئ...كان هرج و مرج ما عندو معنى..
زول برد علي بقول لي (الزيك دا)!!...هو بعرفني من وين عشان يحدد (الزييي)؟
أرد عليهو أقول ليهو شنو؟؟...ما عندنا شغلة عشان كمان نقعد نعملا (شكل و لئآمة عبر الاسفير
كلامك الباقي بتفق معاك في عمومه..

الاخ زياد


تحياتي
هي تربية وقيمة صعبة ان تكتسب بين يوم وليلة


الاحزاب والمنظمات هي التي من المفترض تعلم عضويتها لمواقف مثل هذه


الرفض هنا موقف ويترتب عليه مواقف كثيرة


لقد شكل المنبر راي عام قوي لحكومة الفقر الدمار


السعي هنا لكي يصبح التضامن امرا جيدا وواقعا بيننا نعمل علي ذلك


انا في سبيل هذه القضية اقدم نفسي من اجل ما بداخلي من ايمان بقضايا الانسان


يتم تكفييير تجد غالبية صامته

يتم تهديد بالقتل تجد الصامتين والصامتات


العنصرية والتلويح بها تجد اسمع والطاعة



لقد وقفنا في حملات اطلاق سراح الترابي عراب النظام وهي مبدئية المواقف


الان نقول يجب اطلاق سراح عثمان حميدة فورا

من اراد ان يخاطب اي جهات للمساهمة في اطلاق السراح للمعتقلين فاليفعل \ تفعل



انا اوقع هنا واقوم بحملة هنا وفي اماكن مختلفة للمساهمة في انتزاع الحريات وحق التعبير واطلاق سراح المعتقليين



المسالة شائكة
وكلام صديقي عصام كلام صحيح

وسلام لك يا زياد

أتفق معك أخي صبري...

Quote: الاحزاب والمنظمات هي التي من المفترض تعلم عضويتها لمواقف مثل هذه

للأسف فاقد الشئ لا يعطيه!
شكري و تحاياي

Quote: اخيرا سيرفع من رصيد نفسك امام...نفسك

وهنا أكثر الأمور أهمية


شكرا زياد

تعذيب منعم الجاك ورفاقه: أين الحركة الشعبية؟

و البعض نظر لكلامي على انه (فرض وصاية)
البعض يرى امورا اخرى اكثر اهمية مما ترى و أرى يا مؤيد!!

البعض هنا يؤيد التعذيب

وأبدى استعداده للمشاركة فيه


وآخرين أبدوا تأييدهم لاستعمال السيخ ضد الخصوم السياسيين

والبعض شبه إغتيال شهداء رمضان بأنه مثل أكل النبق


وغيره دافع عن إغتصاب الدرافوريات


هذا المنبر يا عزيزي يضم شركاء القتلة



الباقر موسى

الباقر
هؤلاء...حديثي ليس لهم...و ألا لما قلت

Quote: اخيرا سيرفع من رصيد نفسك امام...نفسك

..لك خالص الود

أعتذاري لعدم مشاركتي بالرد على المتداخلين بسبب مشغوليات العمل و الترحال...
لنا عودة سيداتي و سادتي.

من راقب الناس مات هما

وكل نفس بما كسبت رهينة

وكل شاة معلقة من عصبتها

وابو الهل الليلة غالب

الصديق عصام جبرالله


قلت

Quote: في ناس بتفتكر قصة التوقيعات و البيانات الما مسنودة بي شئ اخر ـ سياسة و قوة ـ ما عندها قيمة وقليلة الاثر (وانا اقرب للراى ده)

أكثر ما يخافه المجرم هو تسليط الضوء عليه

أمنستي وهيومانراتسووتش لا تملكا أكثر من الكتابة


الباقر موسى

Quote: عارف مشكلتك بوردابي بس وبتقرا بعيون البوردابي وما بتعرف نضمي السياسي

احمد الله يا تراجي

اني ما بعرف سياسة

دي ما مشكلة يا تراجي
دي محمده

لانو كل مشاكل البلد دي جايبنها الساسة

Quote: لانو كل مشاكل البلد دي جايبنها الساسة

وليد
مما دخلت البوست دا (وبديتا بى جوطتك الفوق ديك )..أخيرا لقيت ليك كلام ممكن أتفق معاك فيهو

اعتقال الاستاذة هالة الكارب وتفتيش مكاتب صيحة ....... ص...عم الجاك بعد التعذيب
تاني نخت الرابط!!!!