Post: #1
Title: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-19-2008, 12:23 PM
Parent: #0
جارنا بالحيطة
مشاكله كترت مع زوجته وغلبتو عيشتو
اقدم علي الانتحار
بلع 35 حبة من العقاقير القوية
دخل في اغماءة
في المستشفي تم انقاذه
لما سمع صديقي الساخر القرفان من نفسه بالحكاية
ضحك حتي راينا نواجزيه، ثم قال:
يا كافي البلا ، حتي الانتحار ما بتعرفوه !!
الخواجة كان داير انتحر ، بيبلع ال 35 حبة ديل
ثم ينتظر دقائق
لان المعدة بتفرز كيس يغلف ال 35 حبة
بعد تكوين الغلاف يمكن لمن اراد الانتحار ان يبلع حبة اضافية
لتذويب الكيس !!
ــــــــــــــــــــــــــــــــ
العمل ده تصنيفه رقم كم في قائمة الباقين !
الابداع هنا اذا توفر له اي شرط فحقوق الملكية لصاحب القرفة صديقي !
|
Post: #2
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-19-2008, 01:13 PM
Parent: #1
سؤال يلخص المشهد السوداني في كل الحقب !
| Quote: حتي الانتحار ما بتعرفوه !! |
ومع ذلك،لانجد قوما اكثر مكابرة منا!
|
Post: #3
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-19-2008, 01:53 PM
Parent: #2
40 حزب لها نفس البرنامج
30 دكان موبايلات في صف واحد
10 محلات شاي متلاصقين جوار بعض
واحد عمل سمك ،لما كتروا زباينه جا واحد اشتري الدكان الملاصق وفتحه سمك
بنفس الطريقة، نفس الشطة وقارورة الشطة ونفس الترابيز،صورة كربون!
واحد عمل حركة مسلحة فجاء العشرات واسسوا بنفس الطريقة حركاتهم!
عشرات الصحف السياسية والرياضية ومواقع الانترنت المتشابهة
الاف الحافلات من نفس النوع ونفس خط السير والامجادات والهايسات
والاقساط ذاتها،ونفس البنوك تحاكي بعضها!
لو ضرط احدهم وجابت دخل لامتلا المكان بنفس الموسيقي
الاف يفرشون في الارض نفس البضاعة
نفس المساكن الفقيرة وكذلك الغنية
نفس لون الطلاء
يتاثرون بالاخبار المعجزة ولاينتبهون للامور العادية
محاكاة تصل مرحلة التشبه بالقرود!
في هذا البورد ، بوست منسوخ من بوست منسوخ من بوست لما لانهاية!
شعب غير مبدع يعيش علي ابداع قلة قليلة جدا!!!
|
Post: #4
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 12:18 PM
Parent: #3
عشرات البوستات المتشابهة في نفس الموضوع
مثلا عشرة او اكثر عن فوز اوباما
وقدرها عن السراويل والكمنجات
وضعفها الان عن وفاة حسن ساتي الله يرحمه
يبدا احدهم،لكن البقية لا تتداخل في نفس البوست، طبيعة المحاكاة جبل.
حتي الحكومة تريد نقل اتفاقية نيفاشا الي الشرق ودارفور
وتريد نقل النموذج الماليزي في التنمية..
وتكوين حزب علي قرار المؤتمر الوطني المصري وتجربة اللجان الثورية بليبيا
في المدن والحارات والحمدلله انها ولدت ميتة ، لانها تجعل من الاشقاء امنجية
علي بعضهم البعض..
نفس شركات الاتصالات ونس اسلوب المنافسة والدعاية..
الاعلام:نفس اداء قناة الجزيرة في الاخبار والموسيقي والمؤثرات..
الفن:تقليد اعمي وحدث ولاحرج..
كدي واحد يطلي جدران الشارع بلون او يعمل اية حاجة جميلة شوف الصنايعي
كان مرق من الحي بتاعو تاني..
|
Post: #5
Title: Re: السودانيين ديل حتي الانتحار ما بعرفوه !!!!
Author: جعفر محي الدين
Date: 11-30-2008, 12:25 PM
Parent: #4
ما نحن غنينا
نفس الملامح والشبه والقدلة ذاتها ومشيته
يخيل إلينا أن كل كوارث الدنيا ستنهال عليناإن قمنا بعمل شيء للمرة الأولى
ولكن ما يقوم أحد المجانين بهذا العمل حتى يشيل العميان المكسر
نحن حقوا نسميه البلد
جمهورية السودان التقليدية
محبتي يا حبيب
وكرما لا أمرا
أرمي لي تلفونك في الحتة دي
أو بهناك
|
Post: #6
Title: Re: السودانيين ديل حتي الانتحار ما بعرفوه !!!!
Author: العوض المسلمي
Date: 11-30-2008, 12:33 PM
Parent: #1
سلام اخي عبداللطيف
عندنا طول لسان وقل احسان
غيرها ما عندنا الا ,,
اتلاحقت الكتوف وقل المعروف
|
Post: #7
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 09:38 PM
Quote: ما نحن غنينا
نفس الملامح والشبه والقدلة ذاتها ومشيته
يخيل إلينا أن كل كوارث الدنيا ستنهال عليناإن قمنا بعمل شيء للمرة الأولى
ولكن ما يقوم أحد المجانين بهذا العمل حتى يشيل العميان المكسر نحن حقوا نسميه البلد
جمهورية السودان التقليدية |
مداخلة ممتعة بالجد
الايميل في البوست بهناك صفحة واحد
|
Post: #8
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 09:45 PM
Parent: #7
| Quote: اتلاحقت الكتوف وقل المعروف |
الحبة مرة ويجب بلعها،فقط كي تستمر الحياة .
|
Post: #9
Title: Re: السودانيين ديل حتي الانتحار ما بعرفوه !!!!
Author: محمد عثمان محمود
Date: 11-30-2008, 10:11 PM
Parent: #8
بوستك جميل يا عبد اللطيف، نحن فعلاً عندنا مشكلة يفترض أن نقف عندها طويلاً.
تقليد حتى في القبح، الشوارع الحديثة مثل القديمة ونفس المجاري
وكل واحد لازم يكون عندو بئر سايفون لوحده، وكل واحد عاوز يعمل درابزين قدام بيتهم، وكل واحد عامل فيها
سياسي، وكل واحد عاوز يغني، وكل واحد واقع من السماء ستين مرة.
أعاننا الله
|
Post: #10
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 11:20 PM
Parent: #9
شكرا محمد عثمان محمود علي كلامك هنا
وكل واحد لازم يكون عندو بئر سايفون لوحده، وكل واحد عاوز يعمل درابزين قدام بيتهم، وكل واحد عامل فيها
سياسي، وكل واحد عاوز يغني، وكل واحد واقع من السماء ستين مرة.
مكابرين ومكابرات ومكابراب مكبرة كبرة كبرات
وكرعمائة كرعة وكرعين
شوف برنامج نجوم الغد،كلهم عايزين يغنوا بعد ما شجعوا الولد داك
شوف حتي الاطفال في (جنة الاطفال) رقصتهم واحدة متوارثة مما قمنا
وغنت عقد الجلاد : الشوارع ياها ذاتا
والرقم اللسه واحد ونفس صوت الاسطوانة
وغني مصطفي سيد احمد
حائط التيه والطشاشات
ثم المدن الكابة الخ
وفي الكورة بنلعب بخطة الجدادة فقعت !
|
Post: #11
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 11:32 PM
Parent: #10
ونفس مواقع الانترنت
بعد sudaneseonline.com
ظهرت sudaneseonline.com
وكذلك sudaneseoutline.com
وبيت السودانيين وسودانيات وسوداني انا ونيوسودان وما زالت القردنة
طفل يحبو
|
Post: #12
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 11:38 PM
Parent: #11
قصدت من التعديل sudaneseonline.com
|
Post: #13
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 11-30-2008, 11:43 PM
Parent: #12
اكتب الاحرف double f بدل حرف n في كلمة sudaneseonline فلايتم التعديل
|
Post: #14
Title: Re: السودانيين ديل حتي الانتحار ما بعرفوه !!!!
Author: محمد عثمان محمود
Date: 12-01-2008, 09:41 PM
Parent: #13
لأنناOFF LINE
بجيك راجع
|
Post: #15
Title: Re: السودانيين ديل حتي الانتحار ما بعرفوه !!!!
Author: zico
Date: 12-02-2008, 00:51 AM
Parent: #14
Quote: بيبلع ال 35 حبة ديل
ثم ينتظر دقائق
لان المعدة بتفرز كيس يغلف ال 35 حبة
بعد تكوين الغلاف يمكن لمن اراد الانتحار ان يبلع حبة اضافية
لتذويب الكيس |
هو بالله ياهو كدا
زمني دا كلو ماني عارف
الليلة لقينا معلومة جديدة
|
Post: #16
Title: Re: السودانيين ديل حتي الانتحار ما بعرفوه !!!!
Author: عاطف محمد أحمد زكريا
Date: 12-02-2008, 02:15 AM
Parent: #15
عزيزى عبداللطيف تحياتى
لو سمحت نقطة نظام
| Quote: 40 حزب لها نفس البرنامج |
غير صحيح ...ما وجه الشبه مثلا بين برنامج الحزب الشيوعى والجبهة الاسلامية ابان الحقبة الديمقراطية؟؟
Quote: 30 دكان موبايلات في صف واحد
10 محلات شاي متلاصقين جوار بعض
واحد عمل سمك ،لما كتروا زباينه جا واحد اشتري الدكان الملاصق وفتحه سمك
بنفس الطريقة، نفس الشطة وقارورة الشطة ونفس الترابيز،صورة كربون!
|
تنظيم لأماكن العرض ليس الا...وبدل ما يكون السوق سمك لبن تمر هندى تكون عارف انك قاصد وين لو عاوز موبايل عليك بسوق الموبايلات ولو عاوز خروف عليك بالزريبة
| Quote: الاف الحافلات من نفس النوع ونفس خط السير والامجادات والهايسات |
بتدى شكل جمالى افضل مما لو كانت خلطبيطة
| Quote: الاعلام:نفس اداء قناة الجزيرة في الاخبار والموسيقي والمؤثرات.. |
يا ريييييييييت
وبعدين ياخى ما برانا فى مصر مثلا يوجد سوق الصاغة ما فيه غير الدهب والصياغين ، ووكالة البلح ما فيها غير الاقمشة، وسوق كرداسة ما فيه غير المشغولات اليدوية الى غير ذلك من الاسواق ....نفس المحلات ونفس المعروض ونفس العارضين...
وحكاية انو الواحد يطلى جدرانه يقوم جاره يحاكيه بنفس اللون ..تخيل انو المدن الجديدة المخططة كلها نفس التقسيم واللون الخارجى حتى الشوارع والجناين زى بعض. تعال مصر وشوف دريم لاند والرحاب وخلافها كل وحدة فيها عبارة عن كوبى للتانية وحتى المستثمرين زى ما احمد بهجت مثلا قام ببناء دريم لاند نلقى طلعت مصطفى بنى مدينتى والفكرة واحدة ...يبقى هنا برضو نقول تقليد؟؟
| Quote: شعب غير مبدع يعيش علي ابداع قلة قليلة جدا!!! |
تقدر تقول شعب مغلوب على امره فقير فى الموارد والامكانيات وسيبدع حتما اذا توفرت الظروف الموضوعية للابداع
مع ودى
|
Post: #17
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 12-02-2008, 02:14 PM
Parent: #16
Quote: لأنناOFF LINE
بجيك راجع |
يعني إلا بالكابتال
انا غايتو ما مشت معاي
وشكرا مرة اخري
|
Post: #18
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 12-02-2008, 03:45 PM
Parent: #17
زيكو
Quote: هو بالله ياهو كدا
زمني دا كلو ماني عارف
الليلة لقينا معلومة جديدة |
انا غايتو بره منا، بكتب ساي!
|
Post: #19
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 12-02-2008, 03:52 PM
Parent: #18
تعرف يا عاطف!
الاحزاب كانو اربعة ،اما احزاب الفكة الجات حديثا دي مجرد مكابرات مننا
كسودانيين.
بعدين رصة الدكاكين دي مجرد تقليد من اصحابها،لانهم بيدفعوا خلو رجل
لصاحب الدكان الاصلي ،بعد ما شافوا صاحب الفكرة الاساسية ماشي كويس ومستفيد
يدفعوا خلو رجل عشان يقلدوه ويستفيدو زي ما استفاد..
يعني الحكاية ما فيها خطة ولا يحزنون، مجرد حسد وتقليد قرود.
وشكرا للمداخلة..
|
Post: #20
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 12-21-2008, 07:48 PM
Parent: #19
Quote: ما نحن غنينا
نفس الملامح والشبه والقدلة ذاتها ومشيته |
نحن بنحب اللعب علي المضمون
ما نقول حاجة الا بعد ما يقولها غيرنا او يعملها وتنجح!
ــــــــــــــــــــــــــــ
يا هبوبك خت تلفونك بهناك
|
Post: #21
Title: Re: السودانيين ديل حتي الانتحار ما بعرفوه !!!!
Author: صلاح الفكي
Date: 12-21-2008, 10:36 PM
Parent: #1
| Quote: واحد عمل حركة مسلحة فجاء العشرات واسسوا بنفس الطريقة حركاتهم! |
يعني الواحد لو فكر انه يعمل حركة مسلحة ..تفضحوه من الآن..
لك التحية أخي عبداللطيف حسن علي.. مرة حضرت مشكلة بين سوداني ومصري وسط البطحاء.. السوداني انفعل ومع تجمع الناس حوله .. اصر أن يضرب المصري.. ومع محاولات كثيرة من الذين تجمعوا .. فتحوا له المجال ليضرب المصري.. وعند اقترابه منه.. رأي سيارة دورية متجهة نحوه.. فقال للمصري.. انت قايل نفسك شنو.. انت مصري وانا سوداني.. فرد عليه العسكري.. يعنى يازول في رأسك تاج.. قال ليه ..نعم أنا سوداني .. بتعرف يعنى شنو سوداني .. تعنى الأدب والأخلاق والاحترام والشهامة والشجاعة .. والشجاعة دي لمن واحد مصري زي ده يعترضك ويشتمك.. تعمل ليه كده..(فقام ضرب الرجل كف) بشهادة الشرطي.. فتم أدخاله سيارة الشرطة..
معليش للقصة الطويلة ... لكن ..ضف مع صفاتنا الحماقة والشتارة..
|
Post: #22
Title: Re: السودانيين ديل حتي الانتحار ما بعرفوه !!!!
Author: عبداللطيف حسن علي
Date: 12-23-2008, 07:25 PM
Parent: #21
الاخ صلاح
شكرا علي المداخلة وتذكيرنا بالنقطة الهامة
| Quote: ... لكن ..ضف مع صفاتنا الحماقة والشتارة.. |
اظهر ما تكون في سلوكنا وفهمنا لبعضنا البعض ،متقمصين نظرية المؤامرة البليدة.
|
|