Post: #1
Title: قوون تفجر فضيحة كروية من العيار الثقيل
Author: أبوالزفت
Date: 11-19-2008, 06:44 AM
Quote: * محترف بنادي قمة استلم مبلغ مائتي الف دولار من النادي المنافس في وقت سابق وعندما علم ناديه بهذه الخطوة سعي لمعالجة الامر ولكن المفاجأة كانت واللاعب يتسلم مبالغ جديدة قبل القمة ب 24 ساعة·
|
ورد هذا الخبر بصحيفة قوون الصادرة صباح اليوم
تحت عنوان لا تقراء هذا الخبر
|
Post: #2
Title: Re: قوون تفجر فضيحة كروية من العيار الثقيل
Author: osman righeem
Date: 11-19-2008, 06:49 AM
Parent: #1
ابو الزفت
ابو الزفت ياخ
|
Post: #3
Title: Re: قوون تفجر فضيحة كروية من العيار الثقيل
Author: محمد عمر الفكي
Date: 11-19-2008, 10:10 AM
Parent: #2
خبر يحير وسبب الحيرة الاتي
انه اكيد ما دام فيها دولارات اكيد الدافع المريخ والمدفوع له لاعب هلالي لانه الهلال الايام دي حالته اصعب من ليمان برذارس.
الشي البحير هسي انا لو جابوا لي لعيبة الهلال ديل كلهم بدفع فيهم 200 الف جنيه سوداني (بالقديم) خلى ادي واحد منهم 200 الف دولار؟ !!!!
|
Post: #4
Title: Re: قوون تفجر فضيحة كروية من العيار الثقيل
Author: عماد محمود علي
Date: 11-19-2008, 10:23 AM
Parent: #3
| Quote: الشي البحير هسي انا لو جابوا لي لعيبة الهلال ديل كلهم بدفع فيهم 200 الف جنيه سوداني (بالقديم) خلى ادي واحد منهم 200 الف دولار؟ !!!! |
لا يامحمد عمر وانت الصادق شوف دي كمان :
| Quote: ولكن المفاجأة كانت واللاعب يتسلم مبالغ جديدة قبل القمة ب 24 ساعة· |
يعني زيادة في الـ 200 ألف دولار دي ... ياخي غايتو غير هيثم زول بستحق المبلغ ده مافي وهيثم زااااتو بي أخلاقه دي المبلغ ده زااااطو كثير عليه .... وبعدين يدفعوا ليهم علشان شنو ؟ ياخي ديل حمام ميت سااااكت . قال دفعوا قال ... ناس قوون ديل مساطيل ولا شنو ؟ قوموا لفوا ليكم كم لفه مع ناس ود البشرى ديلاااااك أحسن ليكم ... كضابين جنس كضب ..
...................... وخلاص .
|
Post: #5
Title: Re: قوون تفجر فضيحة كروية من العيار الثقيل
Author: منتصر الامين
Date: 11-19-2008, 10:57 AM
Parent: #1
يعنى عديل انسوا يا جماهير الهلال
موضوع انو ناس المريخ شالوا مننا الكاس
وهاكم الخبر دا انشغلوا بيهو
قدييييييييييييييييييييمه يا قون
|
Post: #6
Title: Re: قوون تفجر فضيحة كروية من العيار الثقيل
Author: أبوالزفت
Date: 11-19-2008, 11:20 AM
Parent: #1
ان كان الهلال فمن هو المحترف
ولو كان المريخ فمن هو
|
Post: #7
Title: Re: قوون تفجر فضيحة كروية من العيار الثقيل
Author: طلحة عبدالله
Date: 11-19-2008, 11:48 AM
Parent: #1
ياخي ناس قون ديل لسع شغالين الجرايد بطريقة العصر الحجري ..
يعني في زول غالبو يجي يكتب زي الكلام المبهم الفوق دا ..
لو فعلا صحيح خليهم يجيبوا أسماء ..
وحتي يفعلوا فشخصيا ساعتبر أنو الجريدة كضابة وعايزة توزع بس لانو سوقا بار بفوز المريخ وهي الهلالابية ..
|
Post: #8
Title: Re: قوون تفجر فضيحة كروية من العيار الثقيل
Author: مزاحم الضوي
Date: 11-19-2008, 12:39 PM
Parent: #7
الموضوع معروف
واللاعب كلتشى
وناس المريخ متفقين معاهو من بداية الوسم
واداء كلتشى طوال الموسم كان واضح
ده ماكلاتشى العام السابق
|
Post: #9
Title: Re: قوون تفجر فضيحة كروية من العيار الثقيل
Author: ابو عثمان
Date: 11-19-2008, 12:51 PM
Parent: #1
الأمر ليس مستغرب من قوووووووون رمضان
وطبعا الرشاشات كالعاده عاوزين يشوف فدية للمتاز والظاهر المره دي حتجئ فوق رأس كلتشي بعد ان قنعوا من خيرا" فيهو !!
السنه الفاتت قودين الا طلع من البلد عن طريق السفاره النيجيرية وجاء الدور علي كلتشي الان !!
يا جماعه عيب
|
Post: #10
Title: Re: قوون تفجر فضيحة كروية من العيار الثقيل
Author: Ahmed Mohammed Osman
Date: 11-19-2008, 01:05 PM
Parent: #9
الشينة منكورة صحي والله
ما ياها قوون الجابت خبر وارقو وبقت الصحيفة الصادقة .. ول عشان قصة ال 150 القبل المباراة بقت صحيفة كاذبة
والله حالتكم تحيير
وان صح الخبر،، فانه اكبر دليل علي يأس المريخ من هزيمة الهلال او التعادل حتي..
اتحاد عام وحكام وجاب هجوم الهلال كمان؟؟ دا كلو مثبتينو وما غلبتونا ..
الله يعينكم
|
Post: #11
Title: Re: قوون تفجر فضيحة كروية من العيار الثقيل
Author: الحاج حمد الحاج
Date: 11-19-2008, 07:47 PM
Parent: #10
Quote: يعنى عديل انسوا يا جماهير الهلال
موضوع انو ناس المريخ شالوا مننا الكاس
وهاكم الخبر دا انشغلوا بيهو |
كلام صاح..
بعدين يا رشاشات الممتاز دا لما شلتوهو خمسة سنوات ورا بعض ما شفتو أخلاق الصفوة كيف؟
الحكم دا لما طمبل انفرد و ما في تسلل و صفر حالة تسلل لا وجود لها كنتو وين؟
انتزاع الكأس من داخل زريبة العيش حاااار..
|
Post: #12
Title: Re: قوون تفجر فضيحة كروية من العيار الثقيل
Author: معاوية محمد الحسن
Date: 11-19-2008, 08:12 PM
Parent: #11
سبحان اللة
الهلال المتهم بالتفاوض مع اللاعبين عشية اللعب مع انديتهم اصبح يشكو من مفاوضة لاعبيه
ظاهر ان المقصود كلاتشي لانه رفض ان يوقع عقد مبدئي مع الهلال حتى الان
الخبر القصد منه قتل فرحة المريخاب واتهامهم برشوة اللاعبين
طيب صدقنا انو المريخ قدم رشوة لكلتشي
ياللة ماتلعبوه فى مباراة كاس السودان اليس هو لاعب مرتشي ؟
كلاتشي ثاني هداف الدوري قالوا لم يظهر بمستواه المعروف فى هذا الموسم لانه متعاطف مع المريخ
كفاية شتل اخبار
البحث عن مسببات للهزيمة هو السبب المانع الهلال مايفوز بكاس خارجي
يعني كنتوا عاوزين تغلبونا بمرق وكرنقو وبالمناسبة مرق والمعز قاموا من البطحة ولا لسع
|
Post: #14
Title: Re: قوون تفجر فضيحة كروية من العيار الثقيل
Author: نادر الفضلى
Date: 11-19-2008, 08:47 PM
Parent: #13
فى الرابط أدناه متنبئ الهلال بالبورد خليل كأنه يتنبأً ببهتان كلتشى
ففى الرابط أدناه نفى الشبهة عن كلتشى وقطع قسطنطين قول كل خطيب
طاهر ابو زيد انت ثقيل شكرا اكرم الهادي سليم
|
Post: #15
Title: Re: قوون تفجر فضيحة كروية من العيار الثقيل
Author: الحاج حمد الحاج
Date: 11-19-2008, 10:26 PM
Parent: #14
الأخ المستشار معاوية محمد حسن
| Quote: الخبر القصد منه قتل فرحة المريخاب واتهامهم برشوة اللاعبين |
أكيد لن يستطيعوا أن يحرموا الصفوة من النشوة و الفرح لانتصارات مستمرة و سوف تستمر..
Quote: كلاتشي ثاني هداف الدوري قالوا لم يظهر بمستواه المعروف فى هذا الموسم لانه متعاطف مع المريخ
كفاية شتل اخبار |
دا الكلام المحير..
| Quote: يعني كنتوا عاوزين تغلبونا بمرق وكرنقو وبالمناسبة مرق والمعز قاموا من البطحة ولا لسع |
أحسن ما يقوموا لآنو نفس البطحة ح تتكرر في كأس السودان ما دام في بطاح و ضباح و نطاح.
|
Post: #16
Title: Re: قوون تفجر فضيحة كروية من العيار الثقيل
Author: Elkalakla_sanga3at
Date: 11-19-2008, 10:40 PM
Parent: #15
هوووووووووى صدقوني رمضان داء خرف عديل كد شفو حاجة غيرة
|
Post: #17
Title: Re: قوون تفجر فضيحة كروية من العيار الثقيل
Author: أبوالزفت
Date: 11-20-2008, 07:52 AM
Parent: #1
المقصود بالخبر هو كليتشي
Quote: لم اتسلم أموالاً من أي جه والذين يتهموني بذلك عليهم ابراز الدليل
اتهم النيجري كليتشي أوسونوا محترف الهلال مجلس إدارة ناديه بمحاولة تشويه صورته بسبب رفضه تجديد تعاقده مع النادي بعد انتهاء
فترة قيده ، وقال اللاعب الذي تحدّث لـ (قوون) في حوار مطوّل أمس أن المجلس يريد كذلك أن يحمّله مسؤولية فقدان الفريق لبطولة الدوري الممتاز معتبراً أن الحديث عن استلامه أموالاً من المريخ ماهو إلاّ محاولة لصرف النظر عن القضية الأساسية والمتمثلة في ضياع بطولة الدوري ، وطالب كليتشي المتحدثين عن استلام أموال من المريخ أو القيام بأي اتصالات في هذا الصدد بإبراز الدليل على صحة مايقولون مبيناً أنه الآن يتنزعه شعوران أحدهما شعور بالحزن على نهاية مسيرته مع الفريق بهذه الصورة التي لم يكن يودها وثانيهما احساسه بالخوف وافتقاد الأمان جراء التهديدات العديدة التي وصلته برسائل على هاتفه ·
|
هل فعلا باع كليتشي الهلال؟
ام هل هو كبش الفداء؟
ام هي فرقعة اعلامية لتسويق الصحف بعد انهاء الدوري؟
|
|