يا محسن :سودانيز أون لاين ليست صالة نساء لكنها منحتك آلاف الأغبياء

سودانيز أون لاين إن لم يكن بها غير
من عرفنا من مثقفات نسائها-ولا أعدد من أسماء
أخواتنا بها -لكفاها ذلك شرفا وفخرا!!

سودانيز أون لاين بكل المعايير وبأحدث
مقاييس التحليل السايبيري-ورغم تكاثر الآفات-
أثبتت أنها الأفضل من جهة :
-الظهور الافتراضي
-التفاعل
-التنوع
-الحجم
-العضوية
وفوق ذلك كله الوقع والتأثير

جئني بما شئت من معايير الكم والكيف , أمدك بأكثر من دليل

Quote: وفوق ذلك كله الوقع والتأثير

بالحساب البلدي البسيط ودون الرجوع إلى غرابيل قوقل
وأدوات الاستشهاد المرجعي الآلية المتقدمة :
كم عدد الحملات الخيرية والنفرات التكافلية التي
سرت بقيم الحب والتضامن والنجدة والمروءة عبر سودانيز أون لاين
كم عدد الكيانات الاجتماعية والصلات التي أنشأها التواصل عبر س أ ؟
كم عدد السرقات الصحفية التي ضبطها أعضاء الموقع ؟


______________
ليس من عندي وصف الآلاف بالغباء
إنما أصله عند محسن في مخاطبة محمد حسبو في خيط سابق

بالله البوست دا لسه قاعد هنا
كنت قايلو اتلحس
حليل زمنك يا محسن
أيام سيرتك تجيب الهواء وسحب البوستات
لكن زي ما قال الشفت براك تغربل في نفسك

من أراد أن يرى مثالا بينا ونموذجا حيا
لأحد هؤلاء الأغبياء فليصبر حتى يتبرع
أحدهم بالتداخل هنا

Quote: لم يتوفَّر لي وقتٌ كافٍ لمراجعة ( ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً صار مثلهم

يا محسن خالد:
إن لك يكن لسودانيز أون لاين عليك سوى أنها علمتك وصل همزة (امرأة)
لكان ذلك حسبها ( فائدة "حاسمة" معاصرة ).

Quote: قيقراوي سلاما

و سلام استاذ محمد
مع ان سلاما تفتح باب الظنون لورودها في حال التنوين المنطوق " وقفا " . . . لانها تكتب سلاماً و اهل التجويد قالو عن التنونين ( انو نون ساكنة تلازم الكلمة . . . و تفارقها وقفاً ) . . . اها نحن هنا شأن الكتابة ما النضمي مش ؟
لكن برضو خلونا نغلّب حسن الظن حتى لو شختتين التنوين ديل اشروا للآية الكريمة ( اذا خاطبهم الجاهلون . . . . ) . . . على ان اكون طالبك تنوين . . .
لأني شايف غضبك على ما اعتقدته انت وصم للناس بالغباء و الجهالة . . . الخ الاوصاف المجانية دي ( حسب قرايتي ليك )
بس غبائي انا شخصياً - بالمناسبة حرر لي شهادة امام الاغبياء كوني الاول - وصل درجة مستعصية جداً " اظنو تحت الخط الاحمر " اقول انو غبائي دا منعني اشوف سبب غضبتك الداعية لكلام زي دا :

Quote: يا محسن خالد: إن لك يكن لسودانيز أون لاين عليك سوى أنها علمتك وصل همزة (امرأة) لكان ذلك حسبها ( فائدة "حاسمة" معاصرة ).

حسب غبائي و القدرت افهموا من كلامك المقتبس دا اقول ليك : اولاً دا ابتسار للنص لأنو " الفائدة الحاسمة " متبوعة باستثناء حددوا كاتب النص و استهل الجملة بـ " أعتقد " . . . فكان اولى انك تحذو حذوه و تقول انك تعتقد . . . في الآخر كلو زول حر في انو يعتقد او لا يعتقد و هو حر في ضميرو :

Quote: ولا أعتقد بأنّ لهذا الموقع فائدة "حاسمة" معاصرة Quote: إلا من ناحية الخبر،

و البفتكر انو اساس النار الولعت هنا دا و ايضاً بسبب تسطيره بعد تحميره و تكويته في مداخلتكقبل الاخيرة :

Quote: لقد أصبح سودانيز رجّة ديوان كبير أو صالة نساء كبيرة.

المشكلة شنو في الجملة دي ؟
مش قال رجة ديوان كبير ؟ هل دا فيه اساءة للرجال ؟
اعتقد - حلوة اعتقد دي مش ؟ غزينا عودنا زي الما حاصل شي - انو لو وقف عندها بكون اساء فعلاً ، لكن فعل خيراً لما واصل الجملة للجزء الاخير
غايتو انا ما استنتجت استنتاجكم دا و لا قادر اشوفوا لي يوم الليلة
يكون دا من الغباء ؟ . . . و لا من الغباء ؟

على كلٍ تحياتي
و بالجد انا شاكر جداً

قيقراوي
يحق لك أن تعتقد ما تشاء

لكن عشان خاطرك وعشان خاطر فدائيتك في (الذب ) عن محسن
أهديك نص الرسالة كاملا كما نقله عصام جبر الله ثم حذفه :
يا أخَ البنات، أمَّا مشتاقين، وجدتُ رسالتك في بريد البيت وحاولت أخابرك فعلا، ولم يجبني أحد، يا عملات الحرم بت حاج طيفور -ويا حليلها- الله ما أراد.

كيفك يا عزيزي في دهسيرة الحياة ومقافيها المشتيّة؟

لقد ارتحت قليلاً من العتالة في شوالات بطاطس متاجر آسدا الإنجليزية ويبدو أنَّني ارتقيتُ كثيراً بعثوري على وظيفة مكتبية جيدة جداً إن لم تكن ممتازة عديل، أهداني لها الصديق سيف بشير مشكوراً، فالرجل أهمَّه أمري منذ قدومي إلى هذه البلاد، وصَرَّح لي بأنّ راحتي في العمل قد تُسهم في إضاءات مجاورة على واقعنا الثقافي كما يزعم سيف بشير وهو مخيّر في زعمه هذا، وله جزيل الشكر مرة ثانية على لُطف هذا الظن. المهم رجعنا تاني لحكاية العمل بوسط مكاتب ثقافية ويبدو أنني أفتقد دفء أشياء لن تكون لها شمسٌ ما بقي الإنسان ناجعاً وشريداً ببوادي الجليد هذي.

لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً صار مثلهم. ياخي في واحد من شباب البورد ديل زمان قال، إنو وردي دا يغني بس، لكن ما ينضم حول الغناء. والجماعة يشيلوا ويأمنوا علي كلام الراجل الحكيم دا. وردي لمَّا كان أستاذ تربية فنيّة في شندي –يعني لما كان بنضم حول الغناء وغيره من الفنون- أمّي البتولا بت المُوفد كانت شافعة ترد المياه من الحفائر، تتفتّح الأزاهير حيث تطأ وأينما ما اتجهت لأنّها النبتة تحمل الماء. تخيّل أن يُكرّس فنان حياته كلّها لينجز نفسه في صالح الفنون ورصيدها، ويأتي أي مفعوص وأغلف من نوع –القنيط- حميدة عشان يوريهو ما يُقال وما لا يُقال.

وهذا ليس بالأمر الخطير، أبداً يا عزيزي عصام، فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة"، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون، ويات من عندو باسويرد بقى ياهو معزوم علي الفنون والمعارف الجمالية وغير الجمالية، والفلسفة ذاتها يا زول، تنقد الرهيفة يا أيها الفلاسفة المختبؤون حيث هو مكتوب (اكشط هنا scratch here) كما في الكرتلّة، وحينما تكشط على كرتلّة البورد مستخدماً الباسويرد بدلاً عن قطعة عُمْلة –فجأة كدا- تظهر لك رموز وأكواد هؤلاء الفلاسفة. أتفضّلوا، سقراط يأكل السم اللّسمموا.

كنتُ أتوقّع أن يدخل تاج السر، ويقول لهؤلاء المتشعلقين ولكبيرهم القنيط "أب شيبة"، ما يجب أن يقال، ولكن السؤال هل هو منتفع من هذا التغوُّل العامّي والركيك، لذائقة فقيرة وجاهلة، قُصاد ذائقة أخرى ترى أنَّه من سابع الشاهقات الخوض مع أمثال هذا اللزج –والدعي الجاهل- ملاسي في حديث عن الفنون. ولكن ماذا عن الملك؟ سطر واحد منه لملاسي مثل: أعرض عن هذا يا ملاسي، ألم يكن مفيداً؟ أما كان من المحتمل أن يسبّب له حرجاً؟ إن بقيت مع ملاسي مزعة حرج! وماذا عن طلال عفيفي الذي جاء –برضو- بحديث غير جاد عن الحسد وما الحسد، حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت برضك متشعبط التصوير ساكت؟

الفنون ياتها، والمعارف شِنْها، التطير عيشتها مع المتشعلقين ومع أجناس البُغاث ملاسي وحميدة وبعوضة وكشاشة وزنّانة، ونقريطة، وإلخ. صدّقني يا عصام ما أغاظني هو سكوت هذا التاج، ياخي إنّي محسن ود البتولا دا، لن أسمح لأي أحد بخلق دعاية رخيصة لي في وجه فنّان أراه فعلاً فنّاناً وإن كان مستواه أقل منّي، وشأنه أصغر منّي، هذه مواصلة لمسألة (تقاليد المجال) التي تحدثت عنها سابقاً. لن أدع –من لا دخل له- بما نحن فيه، ينحشر بيني وبين من هو رفيق درب، مهما كانت رؤاي الخاصّة عن ذاتي وعنه، ومهما بعدت الشقة بيننا في تقدير الأمور وفي الرؤى. لقد رأيتَ بنفسك كيف كنت أعزل من جاؤوا للنيل من سودانوفورل عبري، لأنّ ما يجمعني بنفر فور أول الثلاثة، لا يجمعني بهؤلاء الناقمين من حيث لا أعرف نقمتهم ولا قصتهم. هذا التزام منّي بعدم العشوائية وسوقية وابتذال الأُسس. لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين

سلامات الأخ محمد سليمان,,

كتبت أنت هنا أن بكرى فتح المنبر لجحافل السوقة والعوام ورأى الأستاذ محسن خالد لم يذهب بعيدا وإن إختلفت زوايا الرؤية وطريقة
توصيف هؤلاء السوقة والعوام ,,

وكتب الأخ قيقراوى,,,

Quote: المشكلة شنو في الجملة دي ؟ مش قال رجة ديوان كبير ؟ هل دا فيه اساءة للرجال ؟ اعتقد - حلوة اعتقد دي مش ؟ غزينا عودنا زي الما حاصل شي - انو لو وقف عندها بكون اساء فعلاً ، لكن فعل خيراً لما واصل الجملة للجزء الاخير ؟

,,الحمد لله أنه لم يواصل ولكن السؤال هل هذه الرسالة كتبت أصلا للنشر أم خاصة!!!!!!!!!!!!

محسن خالد يكفيه إنتاجه وكتاباته وبعدها نختلف أو نتفق حوله لا يهم,,,

تحياتى...

قيقراوي ..


إنت ما قريت الجملة دي ولا شنو :

Quote: من أراد أن يرى مثالا بينا ونموذجا حيا لأحد هؤلاء الأغبياء فليصبر حتى يتبرع أحدهم بالتداخل هنا

إنت متبرع سااااااااااكت مالك ؟!!




سلام الحبشي ..

..
.

Quote: الحمد لله أنه لم يواصل ولكن السؤال هل هذه الرسالة كتبت أصلا للنشر أم خاصة

يا أيمن ..
ان كانت خاصة او عامة
فهى قد عبرت بكل صدق وعدم احترام عن وجهة نظر الأديب
عن العوام والرجرجة وعن هذه الصالة النسائية وعدد المطبلاتية

____________

وايضاً نهنئ الأديب _ عبر بوست محمد إى _ بشعبيته والألاف المؤلفه
من قارعى الطبول والمادحين

Quote: إن لك يكن لسودانيز أون لاين عليك

إنا لله ..
إنقليزي ده يا برعي ؟؟

Quote: إن لك يكن لسودانيز أون لاين عليك

Quote: إنا لله .. إنقليزي ده يا برعي ؟؟

بالله انا اتعقدت ساي يعني ؟

الله يطمنك يا عماد ياخ
يعني ما مني ؟

Quote: والمعارف شِنْها، التطير عيشتها مع المتشعلقين ومع أجناس البُغاث ملاسي

:

Quote: Quote: قائد الثورة و لم يكن حاضراً أو مشاركاً في أحداثها القتالية .. كان وين .. مسافر!! حسين ملاسي شرطاعينا عدييييييل شفت قاليك: كان في السجن وبعد داك حكموا عليه بالسجن لا من المسكين جن وسفروه مصر وقصة سفرة أيضاَ في نفس الكتاب تحت عنوان (رأيت البطل علي عبداللطيف)... والله إلا أشتكيك لأبله ناظله.... تخريمة: حقو تفتش الكتاب ده تقراه وبعد داك ترسله لأخونا موصلي يتلقى حسي خرمان ليه. الشايقي

حسن نجيلة يكتب عن وقائع أعدامات ضباط ثورة 1924



*

Quote: لكن عشان خاطرك وعشان خاطر فدائيتك في (الذب ) عن محسن أهديك نص الرسالة كاملا كما نقله عصام جبر الله ثم حذفه : يا أخَ البنات، أمَّا مشتاقين، وجدتُ رسالتك في بريد البيت وحاولت أخابرك فعلا، ولم يجبني أحد، يا عملات الحرم بت حاج طيفور -ويا حليلها- الله ما أراد. كيفك يا عزيزي في دهسيرة الحياة ومقافيها المشتيّة؟ لقد ارتحت قليلاً من العتالة في شوالات بطاطس متاجر آسدا الإنجليزية ويبدو أنَّني ارتقيتُ كثيراً بعثوري على وظيفة مكتبية جيدة جداً إن لم تكن ممتازة عديل، أهداني لها الصديق سيف بشير مشكوراً، فالرجل أهمَّه أمري منذ قدومي إلى هذه البلاد، وصَرَّح لي بأنّ راحتي في العمل قد تُسهم في إضاءات مجاورة على واقعنا الثقافي كما يزعم سيف بشير وهو مخيّر في زعمه هذا، وله جزيل الشكر مرة ثانية على لُطف هذا الظن. المهم رجعنا تاني لحكاية العمل بوسط مكاتب ثقافية ويبدو أنني أفتقد دفء أشياء لن تكون لها شمسٌ ما بقي الإنسان ناجعاً وشريداً ببوادي الجليد هذي. لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً صار مثلهم. ياخي في واحد من شباب البورد ديل زمان قال، إنو وردي دا يغني بس، لكن ما ينضم حول الغناء. والجماعة يشيلوا ويأمنوا علي كلام الراجل الحكيم دا. وردي لمَّا كان أستاذ تربية فنيّة في شندي –يعني لما كان بنضم حول الغناء وغيره من الفنون- أمّي البتولا بت المُوفد كانت شافعة ترد المياه من الحفائر، تتفتّح الأزاهير حيث تطأ وأينما ما اتجهت لأنّها النبتة تحمل الماء. تخيّل أن يُكرّس فنان حياته كلّها لينجز نفسه في صالح الفنون ورصيدها، ويأتي أي مفعوص وأغلف من نوع –القنيط- حميدة عشان يوريهو ما يُقال وما لا يُقال. وهذا ليس بالأمر الخطير، أبداً يا عزيزي عصام، فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة"، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون، ويات من عندو باسويرد بقى ياهو معزوم علي الفنون والمعارف الجمالية وغير الجمالية، والفلسفة ذاتها يا زول، تنقد الرهيفة يا أيها الفلاسفة المختبؤون حيث هو مكتوب (اكشط هنا scratch here) كما في الكرتلّة، وحينما تكشط على كرتلّة البورد مستخدماً الباسويرد بدلاً عن قطعة عُمْلة –فجأة كدا- تظهر لك رموز وأكواد هؤلاء الفلاسفة. أتفضّلوا، سقراط يأكل السم اللّسمموا. كنتُ أتوقّع أن يدخل تاج السر، ويقول لهؤلاء المتشعلقين ولكبيرهم القنيط "أب شيبة"، ما يجب أن يقال، ولكن السؤال هل هو منتفع من هذا التغوُّل العامّي والركيك، لذائقة فقيرة وجاهلة، قُصاد ذائقة أخرى ترى أنَّه من سابع الشاهقات الخوض مع أمثال هذا اللزج –والدعي الجاهل- ملاسي في حديث عن الفنون. ولكن ماذا عن الملك؟ سطر واحد منه لملاسي مثل: أعرض عن هذا يا ملاسي، ألم يكن مفيداً؟ أما كان من المحتمل أن يسبّب له حرجاً؟ إن بقيت مع ملاسي مزعة حرج! وماذا عن طلال عفيفي الذي جاء –برضو- بحديث غير جاد عن الحسد وما الحسد، حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت برضك متشعبط التصوير ساكت؟ الفنون ياتها، والمعارف شِنْها، التطير عيشتها مع المتشعلقين ومع أجناس البُغاث ملاسي وحميدة وبعوضة وكشاشة وزنّانة، ونقريطة، وإلخ. صدّقني يا عصام ما أغاظني هو سكوت هذا التاج، ياخي إنّي محسن ود البتولا دا، لن أسمح لأي أحد بخلق دعاية رخيصة لي في وجه فنّان أراه فعلاً فنّاناً وإن كان مستواه أقل منّي، وشأنه أصغر منّي، هذه مواصلة لمسألة (تقاليد المجال) التي تحدثت عنها سابقاً. لن أدع –من لا دخل له- بما نحن فيه، ينحشر بيني وبين من هو رفيق درب، مهما كانت رؤاي الخاصّة عن ذاتي وعنه، ومهما بعدت الشقة بيننا في تقدير الأمور وفي الرؤى. لقد رأيتَ بنفسك كيف كنت أعزل من جاؤوا للنيل من سودانوفورل عبري، لأنّ ما يجمعني بنفر فور أول الثلاثة، لا يجمعني بهؤلاء الناقمين من حيث لا أعرف نقمتهم ولا قصتهم. هذا التزام منّي بعدم العشوائية وسوقية وابتذال الأُسس. لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين

Quote: لكن عشان خاطرك وعشان خاطر فدائيتك في (الذب ) عن محسن

أبو الذكاء زاتو ياخ ..
بين قوسين كمان ؟ .. ختري يا المبروك .

مثل " سوداني " نديك ليهو .. أريتو ينفعك :
قالوا الأعمى لما يفتّح .. بيجيب لأهلو كفوَة .


.....
ما سويت فينا خير يا محسن .

يا عماد:

لا "تذب" المجنون لا تخلى المجنون "يذبك"


تقول نحنا ناقصين

ندمان انا ـ انا العنصري البذئ الاى حاجة شينة و كعبة و بطالة ـ و سافي التراب ... و التمساح اريتو لو اكلنى

يا سايكوباث

امشي اعمل ليك اشهار شرعى نزل فيهو كل الصفات و التهم و الاختام و اى شئ عاوزه عنى وانا بمضي ليك عليهو و شيلو لصقو في كل البوستات هنا والمواقع المجاورة والاقليمية و الصحف السيارة

و اضمن ليك عماد و محسن بيمضو برضو ... و فردة كمان

بس اتلما ياخى ... لم عولاقك و لواييقك دى عليك

Quote: وبعوضة وكشاشة وزنّانة، ونقريطة،

تمبس وحميدة عرفناهم ..
ديل منو من الزملاء يا الأخوان ..
أفيدونا ونورونا أنار الله دروب حياتكم ...

ود الصايم نقريطة أكيد

كشاشة يتخيل لي بشاشا

بالله يا عصام الزول عيان ؟؟ ..
لطفك يا رب .
تصدق يا مؤمن زمني ده كلو ما جا في بالي الزول عندو " النصيبة " دي !!
بالله طلع عندو بسم الله الرحمن الرحيم ؟
و ليهو فترة ساكيني ليك أبو اللصيق أبو اللصيق .. قرّب يعاديني ياخ ..
أنا قايلو بيتعولق ساكت كده بس .. !!
ياخي كان كده ربك رب الخير مرقني .. ليهو الحمد آلاف .
إنت زاتك الغتاتة ليك شنو وكت عارف الزول " عضير " ؟
كان تديني أي إشارة وللا تهز راسك حتى ياخ ..
و بعدين وكت هو سايكو .. الحكومة فاكاهو ساكت ليه ؟؟
نسأل الله السلامة ..
قلت لي بعشر ما شايف شغلو عديييييل كده ؟


.....
محمد ياخ معليش .. حقك علي ..
أنا بعتذر ليك علني ..
ربنا إن شا الله بي يواليك بالعافية .
قول يامين .

بالله طلع عندو بسم الله الرحمن الرحيم ؟

Quote: إنت متبرع سااااااااااكت مالك ؟!!

قريتا يا عمك
بس مافي طريقة الزول يتبرع في خفاء " فاعل خير " . . .

و بهناك محل سلم علي قلت ليه بجي ارد ليك السلام بهناك مع اني شايفك قافل الباب والاشارة كان للمداخلة دي ذاتا
لكن على مين يا عمك ؟ نحن بتوع الاتوبيس و بنعتقد كمان
و على قولة عماد ( بتصرف ) الرجرجة كان اعتقد بعوق ليهو زول
فكل زول ما رجرجة يضاير قرايتو عليو ساي . . . القراية لنا و لمن سوانا

اسي دا ما ياهو القالو محسن ذاتو . . . دي على وزن " القالو حمد "

يا محمد سليمان :
ليه اعتقدت اني ما قريت المداخلة " كلها " ؟ يا زول و الله قريتا زي عشرة مرات كدا
غايتو الا كان قرايتك هي القراية المعتمدة الوحيدة . . .



و الله على القالو محسن ، الواحد اخلاقوا ذاتو ح تبوظ بالطريقة دي
فسلاما

يا اخوانا هسة انا قلت حاجة

والله ياقيقراوي ختيت نفسك براك في الصف


سوف أضمن لك بوستا للاحتفاءات

بعد العيد الكبير مباشرة

سلامات يا حبيبنا تبلدينا,,,

Quote: Quote: الحمد لله أنه لم يواصل ولكن السؤال هل هذه الرسالة كتبت أصلا للنشر أم خاصة يا أيمن .. ان كانت خاصة او عامة فهى قد عبرت بكل صدق وعدم احترام عن وجهة نظر الأديب عن العوام والرجرجة وعن هذه الصالة النسائية وعدد المطبلاتية ____________ وايضاً نهنئ الأديب _ عبر بوست محمد إى _ بشعبيته والألاف المؤلفه من قارعى الطبول والمادحين

ويظل محسن كاتبا ذو طعم خاص وإنتاجه يشهد له ..
دقو ليهو طبول رقصو ليهو زغردو ليهو دا موضوع آخر..

يا تبلدينا عن نفسى أعرف فقط ما قرأته له وقيمت
ما قرأته له بنفسى لنفسى,,

بعدين ياخ القمم دايما مستهدفة كما علمنا سلفا
عليك النبى راجع كلام عماد عبدالله وإستمتع وأضحك ملء شدقيك,,,

تحياتى

شكرا يا عماد عبد الله على التصويب :
معك حق هي : إن لم وليست إن لك
ربما لا تعرف أن (الكاف) على يمين (الميم) مباشرة على لوحة المفاتيح
لكن أين موقع حرف (الذال) من موقع حرف (الزاي )
حينما تكتب (زمة) وأنت تريد (ذمة )
وحينما يكتب محسن إلى حميدة (الذب ) وهو يريد البذاءة والفحش
بالمناسبة (الذب ) تعني الدفع أو الدفاع
فخذ (ذال) محسن وأعطه (زايك) تصح لغتكما

يا عماد والله العظيم اللاتي صحيحة واللائي صحيحة
حسب مقررات المرحلة الابتدائية
وحتى راجع المصحف الشريف
_______________
قيقراوي
صدقني لم أقرأ مداخلتك
فقط لضيق الوقت

Quote: لكن عشان خاطرك وعشان خاطر فدائيتك في (الذب ) عن محسن

Quote: بالمناسبة (الذب ) تعني الدفع أو الدفاع

سلام يا محمد
لو قريت مداخلتي الاولى ديك على انها ( ذب ) او ذود او دفاع عن أي زول يبقى ما قريتا صاح . . .
لو هي اصلاً دفاع خلينا نقول عن قيم او معاني . . . في تقديري عصام جبر الله اخطأ بنقل خاص لساحة العام مع انو في زمن السايبر سبيس دا الفاصل بقى دقيق جداً . اياً كانت دوافعة فهو اخطأ تقدير رد الفعل . . .
و تعال نتسآل عن اخلاقية مناقشة زول قال ليكم ما جايي . . . لو عاوز تناقش ناقش عصام القاعد معاك دا . . . المقصود من البوست دا شنو ؟ و ليه العنوان بالحدة دي

Quote: يا محسن :سودانيز أون لاين ليست صالة نساء لكنها منحتك آلاف الأغبياء

تفتكر انو محسن ح يتدردق ليك و يجيك متلب ؟
و ليه ما اخدت الجملة كلها ؟ رجّة الديوان صنت ؟
و لا كنت بتتوسل رجة من النوع ابو كديس باستفزاز " الآف الاغبياء " . . . بتكريس مفاهيم مؤسسة الجلابة " خال فاطنة و اخو البنات " و سمي ما شئت من جنس الخطاب الداخل بباب النسوان دا . . . النسوان ما يردن براهن كان في زول اساء ليهن الكتابة كمان دايرا القالو حمد ؟
يا حبيب مهما فعلت ما ح تقنعني انو محسن كان بتكلم عن غير اصوات . . . ضوضاء ، و ضجيج صاخب فـ ( الديوان ) و ( صالة النساء ) واحد في الرجّة .
نجي للغة . . .
ما كلنا في الخاص و مع الخواص بنستخدم نفس اللغة و ألعن كمان . . . و لا البرستيج ما بسمح لينا نتفتا هنا قدام امات سماح ؟
زمن الجامعة بعد نقلونا من البركس لداخلية البنات سمينا شارع الجامعة " الحد الفاصل للطافة و الظرافة و اللياقة " لانو بالجد كان فاصل بين عالمين مختلفين . . . مادياً و روحياً
بقى اخيراً للاتعرضوا او بفتكروا انو اتعرضوا لإساءة مباشرة كامل الحق في الرد كيفما شاءوا . . . و ليهم كامل تضامني حتى ملاسي

تحياتي و الف سلام

قيقراوي
صدقني أيضا لم أقرأ مداخلتك الثانية
فقط لضيق الوقت

الكرام ناذر وتبلدينا ومحمد وعمران
شكرا لكم شكرا لكم على التداخل
ناذر قربت تخرب علينا لولا غباء البعض
لغضبت منك
_______________
الباقون شكرا لتبرعمكم السخي
_______________________________
يوم كان دراويش محسن وأتباعه يطاردون أختا كريمة هنا بسبب خلطها
بين الذال والزاي -وهي لم تتلق تعليمها بالعربية -
يومها كان محسن خالد يتبجح بإصلاح الكتابة !!
لكنه يكتب :

Quote: A.Razek Althalib،.,.. عبد الرازق، البنشوتو فيهو دا (الخنجر) ما (الذب) ،.. النوايا والنيّات برضو سَعَد،.. النوايا تستخدم (للسوء المضمر) في لغة العرب،.. النيّات تُستخدم (للخير المضمر) في لغة العرب،.. و غلط شائع وفادح كونوا الناس يقولوا (إبداء حُسن النوايا)، الصحيح (إبداء حُسن النيّة)،...

وقد جاء في أحد المعاجم :
الذَّبُّ الدَّفْعُ والـمَنْعُ . و الذَّبُّ الطَّرْدُ . و ذَبَّ عنه يَذُبُّ ذَبّاً دَفَعَ ومنع , و ذَبَبْت عنه . وفُلانٌ يَذُبُّ عن حَريمِه ذَبّاً أَي يَدْفَعُ عنهم ; وفي حديث عمر , إنما النِّساءُ لَحْمٌ على وَضَمٍ , إِلا ما ذُبَّ عنه ; قال : مَنْ ذَبَّ منكم , ذَبَّ عن حَمِـيمِه ,

أَو فَرَّ منكم , فَرَّ عَنْ حَريمِهِ

و ذَبَّبَ أَكْثَرَ الذَّبَّ . ويقال : طِعانٌ غيرُ تَذْبِـيبٍ إِذا بُولِغَ فيه . ورجلٌ مِذَبٌّ و ذَبَّابٌ دَفَّاعٌ عن الحريمِ . و ذَبْذَبَ الرَّجُلُ إِذا مَنَعَ الجِوارَ والأَهْلَ أَي حَماهم . و الذَّبِّـيُّ الجِلْوازُ . و ذَبَّ يَذِبُّ ذَبّاً اختَلَفَ ولم يَسْتَقِمْ في مكانٍ واحدٍ . وبعيرٌ ذَبٌّ لا يَتَقارُّ في مَوْضِع ; قال : فكأَننا فيهم جِمالٌ ذَبَّةٌ ,

أُدْمٌ , طَلاهُنَّ الكُحَيْلُ وَقار

فقوله ذَبَّةٌ بالهاءِ , يَدل على أَنه لم يُسَمَّ بالـمَصْدَر إِذ لو كان مَصْدَراً لقال جِمالٌ ذَبٌّ , كقولك رِجالٌ عَدْلٌ . و الذَّبُّ الثَّوْرُ الوَحْشِـيُّ , ويقال له أَيضاً : ذَبُّ الرِّيادِ , غير مهموزٍ , وسُمِّيَ بذلك لأَنه يَخْتَلِفُ ولا يَسْتَقِرُّ في مكانٍ واحدٍ ; وقيل : لأَنه يَرُودُ فيذهَبُ ويَجِـيءُ ; قال ابن مقبل : يُـمَشّي بها ذَبُّ الرِّيادِ , كأَنه

فَـتىً فارِسِـيٌّ , في سَراويلَ , رامِحُ

وقال النابغة : كأَنما الرَّحْلُ منها فَوْقَ ذِي جُدَدٍ ,

ذَبِّ الرِّيادِ , إِلى الأَشْباح نَظَّارِ

وقال أَبو سعيد : إنما قيل له ذَبُّ الرِّيادِ لأَن رِيَادَه أَتانُه التي تَرُودُ معه , وإِن شئتَ جَعَلْتَ الرِّيادَ
http://lexicons.ajeeb.com/openme.asp?fileurl=/html/2061048.html
والكلمة التي كان يعنيها محسن لا تكتب بالذال
فتأمل في حال مصلح الكتابة في المنبر
إلى أن نعود إليك بحال الصحفية اللبنانية المفترضة

Quote: ناذر قربت تخرب علينا لولا غباء البعض لغضبت منك _______________ الباقون شكرا لتبرعمكم السخي

Quote: الباقون شكرا لتبرعمكم السخي

لا شكر على واجب ياخ
برضو باقون ؟ و لا ديلك كانو باقين ؟ *

Quote: قيقراوي صدقني أيضا لم أقرأ مداخلتك الثانية فقط لضيق الوقت

مصدقك يا عمك . . . انت مالك ما مصدقني ؟
ما كمان باقون ساي !!!

ولدي جاء من المدرسة و هو بضحك و قال لي : المدرسة دي غبية !
قلت ليهو : ليه ؟
قال : شالت مني الريال و ما ادتني و لا حاجة ؟!!!
قلت ليه : لو قلت ليك الغبي منو هنا بتتضايق . . .


آسفين للخروج عن الموضوع . . .
بالمناسبة هو الموضوع كان شنو ؟ عن ( الذب ) و الزاي و الذال و لا كان شنو بالضبط ؟
صدقني نسيتو . . . **



-------------------
* الناس تفرّق ( باقون ) يعني اغبياء اما ( باقين ) يعني ما مبدعين
** بسبب الغياب لظروف صحية

ناذر محمد الخليفة
تحياتي
إنت هسع فرزت محمد ياتو فيهم مع الباقين ؟



__________
قيقراوي
من مداخلتك فقط قرأت الاقتباس وعدلته :
قيقراوي
صدقني أيضا لم أقرأ مداخلتك الثالثة
فقط لضيق الوقت

Quote: قيقراوي صدقني أيضا لم أقرأ مداخلتك الثالثة فقط لضيق الوقت

:

والله يا قيقراوي تباري محمد سليمان دا بتتعب .. يمين يوديك البحر ويجيبك عطشان

لاحظت معاي حاجة ؟!

محمد سليمان ما قرا ليك أي حاجة في البوست دا وكلو لضيق الوقت

عليك الله يا الحبشي فضي من زمنك شوية وأقرا مداخلات وتعديلات أخونا قيقراوي .. ما ترد عليهو .. بس عليك الله أقراها وخلاص

Quote: عليك الله يا الحبشي فضي من زمنك شوية

الله عظيم يا ناذر
لكن والله ما عندي زمن
غير أني سأحاول تلبية طلبك
تحياتي

أخوى محمد.....انا واحد من الاغبياء...اعترافاً

ليس دفاعاً عن الاغبياء....بل دفاعاً عن ذلك "الصعلوك"....المتربى عافية... وخير كتير فى أن يثير فينا الغباء....الذى لم يثيروه فينا..."السكت عنه" و لعلك تفعل بمثل هذه الشجاعة...ربما يقول عنها احداً فيها نوع من "الغباء"......


أذكر مرةً صحتها بطول صوتى الى احد الاخوان العرب "يا "احمق"....فزعل منى زعل "الليلة وبكرة"....هل تتدعونى "بالغباء" يا صديق...فبذلت (خت الذين متل ما بدك) كل يومى اوضح له باننأ فى السودان ندعو العصبى بالاحمق....فصار يرددها....كل ما رانى " يا "أحمق"....

فاأ حسست بالغباء.....حقيقتاً...فتركت العصبية.... وصرت كمن لا يسمع.......


لا يتحدث الا همساً!!!!!

لك العافية.....استفيد كثيراً من هذأ البراح....ففيه شىء من نفسى... والى حرية...أتؤوق لها......

لا تنابذ...و لكن انجح فى أن تجزب لك اكبر قدر من المهتمين....بزات اللغة البذءة...قبل أن تجلب الاغبياء.....

لك حبى و احترامى.......

قيقراوي.....انت مجنون كالآخر الغائب... لكنه "احمق" بأن يتركنا فى نص "الطريق".........

صديق - الدوحة

سلام يامحمد E سليمان......انت فعلا رجل مبدع ....حقيقة

على تاج الدين

Quote: والله يا قيقراوي تباري محمد سليمان دا بتتعب .. يمين يوديك البحر ويجيبك عطشان لاحظت معاي حاجة ؟!

يا زول ما لك جايب سيرت البحر ؟
البحر دا نحن اسياد الشي ذاااااتا*
عشاري بحر ابيض كان ودوه البحر ما برجع عطشان لا هو لا زولوا
تحسبوا لعب و لا كيف ؟ البحر نحنا مبارينو من اعاليه لي واطيهو ساي ؟

Quote: محمد سليمان ما قرا ليك أي حاجة في البوست دا وكلو لضيق الوقت

يا زول عافي ليهو لله و الرسول
السؤال انا خشيت بمكنة كاتب ؟
ابداً لا . . . لكن هل هو قرأ لزول تاني اصلاً ؟
و هل ابتسار النصوص و لوي عنق اي حقيقة ، و مصادرة حق الاخرين في انو يكون ليهم رأي مغاير دا ممكن تسميهو قراية ابتداءاً ؟
الديمقراطية مش طريق باتجاهين ( رائح - جاي ) و لا ح نتعامل معاها بفهمنا الشمولي برضو ؟ انو نقول راينا من غير نحفظ للآخر حق ان يعبر عن رأيه و نحترمه . . . تحت شعارات " الحق الذي لا حق بعده " و هذا او الطوفان " . . . محسن خالد شال كورتو و دا حقوا فيما يخص الكتابة . . . لكن في القراية ؟ هنابقى بنعافرك يا محمد سليمان و نقلع حقنا اها دي ديمقراطية الثقافة و التثقيف . . . و كان المبدعين قرروا مجافاتنا ببقى جفاهم قدرنا و حباب قدحهم الا ما بنرضى يأكلونا في خشمنا بـ " ذاكرة عصافير " بندخل يدنا تب و نخمش ما شاء لنا . . . عرفت انا بـ ( ذب ) عن شنو يا محمد سليمان ؟ ما دخلت بوستك منافح او مناكف - عن & لاحد على التوالي - انما ابحث عن حق قراءة تخصني تماماً و تثبيت حقي دا . . .
على عكسك انا كنت حريص اقرأ كل كلمة و حرف
ابتداءاً من العنوان بإئحاته و ما يكرس ليهو من قيم حماية الظعائن و ربات الخدور . . .
مروراً بابراز شغف وإلمام بدهاليز و منعرجات لغة العرب . . .
لانها شكلت مثار دهشة لي تماماً. . .
خصوصاً حكاية اللغة دي ؟!! . . . في حامل خالي من لوثة محموله ؟

Quote: عليك الله يا الحبشي فضي من زمنك شوية وأقرا مداخلات وتعديلات أخونا قيقراوي .. ما ترد عليهو .. بس عليك الله أقراها وخلاص

ما تخسموا ياخ
الزمن اليومين ديل بقى صعب . . . يا ناذر مدام انك سيد الشي ذاتا دحين ابو عركي ما غنى لـ " ضيق الزمن " :
. . . ساعة الكتمة من ضيق الزمن . . . . مش ؟

اها انا ماشي افتش لي رئة و مسام للتنفس . . . و برضو من ضيق الزمن
يعني انا و انت بس الفاضين ؟ طيب ما نقوم نلف ؟

شكرن كتيرن يا ناذر و ما نجيك في شينة ياخ


---------------------
بالمناسبة يا عمك في البوست دا تفرق كتير كان الذال بقت زين

Quote: قيقراوي.....انت مجنون كالآخر الغائب... لكنه "احمق" بأن يتركنا فى نص "الطريق".........

و الله يا صديق دي ترقية لا قبل لي بها . . . اها كدا رجعتني لي ( جني و غباي )
الا اذا كان مؤشر الغياب هنا يشير لعمك " بلة الغائب " او " احمد " الغاب في الركائب . . . ديل غيابهم ما كان مسبب و لا منطقي ذاتو . . . و ما اعتقد انهم فكروا فيه كتير . . . الاول سطع غيابه بعلو اسمه و التاني قرايتو للمستقبل كانت تعبانة خالص ، في غيابه الجماعة جاهم " كلب سنونو صفر . . . حلب الناقة في الشنقاقة " اسي دي ما بشتنة ساي ؟

كان قاصد الفي بالي بالك دا ما خلاكم في نص الطريق . . . هو قرر واقع و رفض يقره . . . المشكلة وين ؟
للاشياء حياة سرية و مزيد . . . فتش و اقرأ . . . و مرر لينا
و الا . . . اب خُرس متاح و مبذول للمحاننة . . . ابعدونا بس من فعل الطيور و حنيتها الزائدة
ويبقى لينا الاسفير فضاء للمحاننة و التثاقف و تبادل الافكار و البذاءات . . . و مالو ؟

Quote: لا تنابذ...و لكن انجح فى أن تجزب لك اكبر قدر من المهتمين....بزات اللغة البذءة...قبل أن تجلب الاغبياء..... لك حبى و احترامى.......

بمناسبة كلامك الموجه لمحمدE سليمان دا يا دفعة اسي غبانا قياساً على ياتو اسكيل ( IQ ) ولا ( EQ ) ؟

Quote: بمناسبة كلامك الموجه لمحمدE سليمان دا يا دفعة اسي غبانا قياساً على ياتو اسكيل ( IQ ) ولا ( EQ ) ؟

غايتو من الصباح للساعة 6 مساءاً بكون الغباء بيسكيل IQ

ومن الساعة 6 مساءاً الى الصباح الآخر بكون بيسكيل EQ

ومرات كثيرة لا هذأ و لا ذاك.....غباءنا بيكون بيكسل أخونا محمد E سليمان "الهنا دها"

شكرا قيقراوي ..


لكن برضو يا ريت أخونا الحبشي يلقى زمن عشان يقرا (آت ليست) مداخلتك دي :

Quote: السؤال انا خشيت بمكنة كاتب ؟ ابداً لا . . . لكن هل هو قرأ لزول تاني اصلاً ؟ و هل ابتسار النصوص و لوي عنق اي حقيقة ، و مصادرة حق الاخرين في انو يكون ليهم رأي مغاير دا ممكن تسميهو قراية ابتداءاً ؟ الديمقراطية مش طريق باتجاهين ( رائح - جاي ) و لا ح نتعامل معاها بفهمنا الشمولي برضو ؟ انو نقول راينا من غير نحفظ للآخر حق ان يعبر عن رأيه و نحترمه . . . تحت شعارات " الحق الذي لا حق بعده " و هذا او الطوفان " . . . محسن خالد شال كورتو و دا حقوا فيما يخص الكتابة . . . لكن في القراية ؟ هنابقى بنعافرك يا محمد سليمان و نقلع حقنا اها دي ديمقراطية الثقافة و التثقيف . . . و كان المبدعين قرروا مجافاتنا ببقى جفاهم قدرنا و حباب قدحهم الا ما بنرضى يأكلونا في خشمنا بـ " ذاكرة عصافير " بندخل يدنا تب و نخمش ما شاء لنا . . . عرفت انا بـ ( ذب ) عن شنو يا محمد سليمان ؟ ما دخلت بوستك منافح او مناكف - عن & لاحد على التوالي - انما ابحث عن حق قراءة تخصني تماماً و تثبيت حقي دا . . . على عكسك انا كنت حريص اقرأ كل كلمة و حرف ابتداءاً من العنوان بإئحاته و ما يكرس ليهو من قيم حماية الظعائن و ربات الخدور . . . مروراً بابراز شغف وإلمام بدهاليز و منعرجات لغة العرب . . . لانها شكلت مثار دهشة لي تماماً. . . خصوصاً حكاية اللغة دي ؟!! . . . في حامل خالي من لوثة محموله ؟

فعلا يا قيقراوي ..

تفرق الـ ذا ذنب من الـ زاي غزال كتير ...

وانا عانيت كتير في إسمي (ناذر) من الحتة دي ...!

Quote: غايتو من الصباح للساعة 6 مساءاً بكون الغباء بيسكيل IQ ومن الساعة 6 مساءاً الى الصباح الآخر بكون بيسكيل EQ ومرات كثيرة لا هذأ و لا ذاك.....غباءنا بيكون بيكسل أخونا محمد E سليمان "الهنا دها"

يا صدّيق يا صديقى,,
أها الحبيشى دا إنشاء الله يلقى زمن يقرأ كلامك دا
وربنا يوسع عليهو زمنو شوية,,والأهم من كدا,,,,يفهمو,,,
ويعرف إنّو لما تدخل ليك دار كتب كبيرة وتسأل أى موظف ,,,,
عندكم أى كتابات سودانية!!!أى كُتّاب سودانيين؟؟؟

من ضمن ما سيأتيك به هذا الموظف,,,
تأكد أن محسن خالد سيكون حاضرا,,,
كما هو حاله فى سماء ألأدب السودانى,,
وأنه قد أنهى مسألة وضع بصمته,,,

وأسأل أيضا عمّن يبحثون عن الشهرة بمناطحة القمم,,أكيد ستجدهم كُثرُ,,,

بمناسبة الحبش والأحباش !!!(الحبيشى شن خبرو؟؟؟)

تحياتى,,,

Quote: بمناسبة الحبش والأحباش !!!(الحبيشى شن خبرو؟؟؟)

مشتاقين كتير و ربك افك كربتو...انشاء الله قريب...قريب جداً جدا

صديق

Quote: انشاء الله قريب...قريب جداً جدا

Siddig A. Omer

بكتبوها كده..



إن شاء الله..
ما تفرجو فينا خلق الله ساكت..

دعهم يا عبد الرازق فإنهم تلاميذ محسن الذين يكتب لهم :

Quote: بجوز في العربي نقول: جاءتني رسالتُك فـقرأتُه......... شفت كيف؟ الفاصل هنا هو (حرف الفاء)

فيصدقون .
بل إن بعضهم يسأله عن الجماع :
أفي قبل الزوج يكون أم في دبرها ؟

لا اعرف ترتيبي بين الأغبياء

لكن حتما هناك من هم قبلي وهناك من يأتون بعدي !!!!!!!!!!!!!!!!!!!!

الى الطليعة


اذا لم نصفق لكم فهذا لا يعني اننا مقطوعي الأيدي !!!!!!!!!!!111

واذا لم نحضر اليكم فهذا لا يعني اننا لم نجد وسيلة تقلنا !!!!!!!!


لقد مضى زمان الطليعة وانتهى

( حبا عشقا ودا )( قصا نثرا شعرا)(رمزا واقعا تخيلا)

( سياسة اقتصادا ولعبا )


من الذكاء أن تصير غبيًا في بعض الأحيان

العزيز محمد اي سليمان
انتظر زيارتك لنا في هذا البوست:
....نداء....

Quote: ...ربما يقول عنها احداً فيها نوع من "الغباء"......

Quote: لا تنابذ...و لكن انجح فى أن تجزب لك اكبر قدر من المهتمين....بزات اللغة البذءة...قبل أن تجلب الاغبياء.....

ذاب الثلج وبان المرج

الم اقل لك بإننا..."اغبياء"...إعترافاً... وإحترافاً

لك حبى وإحتراماتى......

للتوضيح مرة أخرى
ليس من عندي وصف الآلاف بالغباء
إنما أصله عند محسن في مخاطبة محمد حسبو في خيط سابق
حينما وصف هذا المنبر بأنه-باستثناء الحبشي- منبر يحركه الغباء.
لقد وضحت لكم هذا فمن كان لديه اعتراض على ذلك فليوجهه إلى سيده محسن

Quote: فمن كان لديه اعتراض على ذلك فليوجه إلى سيده محسن

علشان يمرقهم ليك هناي ساآآآآي..

Quote: للتوضيح مرة أخرى ليس من عندي وصف الآلاف بالغباء إنما أصله عند محسن في مخاطبة محمد حسبو في خيط سابق حينما وصف هذا المنبر بأنه-باستثناء الحبشي- منبر يحركه الغباء. لقد وضحت لكم هذا فمن كان لديه اعتراض على ذلك فليوجه إلى سيده محسن

طيب ينوبك ثواب ما تنقل لسيدنا محسن خالد تسآؤلاتنا دي بعد ما طفشتوه و قعدتوا لينا انتو :
البكرر كلام الناس التانين بلا فهم بسموه شنو ؟
و البكررو بي فهم لكن في سياق ( يبكوكا و يبكوكا . . . يا اب كوكة ) بسموهم شنو ؟ *
و البفهم الحاجات في شكل ثنائيات مغلقة ( ابيض - اسود . . . سيد - عبد ) بسموه شنو ؟ و كلوز مايندد بكتبوها بالانقليزي كيف ؟
و هل ممكن واحد بتهم الناس بالعنصريين يستخدم كلمة ( سيد ) متبوعة بهاء طاخ كدا مع اي زول تاني ما بعرف عنه اي حاجة ساي كدا ؟
ياخ باعتبار اني ما صديقك ؤ كدا. . . امكن انا بتحسس من الكلمة دي اسي ؟
ساعدونا ببعض السنس في الحتة دي بلاي . . . كرمشتو مشاعرنا ذاتو . . . اسي نقوم نسيح ليكم في المنطقة دي

الأخ قيقراوي السلام عليكم ورحمة الله
صدقني
لم أجد بعد وقتا لقراءة مداخلاتك جميعا
استجابة لرجاء الأخ ناذر سأجتهد لتوفير وقت لقراءة
المداخلة التي اقتبسها .
لقد قرأت لك لأول مرة في بوست صهيل الكتابة بتاع عبد الكريم !!
فعز علي بعدها وقتي أن يضيع !!
أرجو أن تحترم حقي في (الامتناع ) عن القراءة (لك) !!
كما أحترم أنا( حقك) في (القراءة) و(الكتابة) (لي) !
لأني أعلم أنك لا تستطيع الامتناع عن القراءة لي .
هل توافق؟

سلام يا شباب ...

الحبشي ..

Quote: حينما وصف هذا المنبر بأنه-باستثناء الحبشي- منبر يحركه الغباء.

عليك الله محسن خالد قال كدة !!

يا ريت لو جبت إقتباس أو رابط ..

ومرة تالتة بترجاك تفرع نفسك عشرة دقائق عشان تقرا وترد على مداخلات أخونا قيقراوي .

صدقني وأنا عملت دراسة عن الموضوع دا .. أبيخ حاجة إنك تجتهد وتكتب رد لي زول والزول التاني ما يرد عليك ..

ناهيك عن إنو ما يقراها أصلا ..!!

Quote: لأني أعلم أنك لا تستطيع الامتناع عن القراءة لي . هل توافق؟

ما بنختلف يا عمك . . . بس ما تصدق شديد
انت قايل مناطحة قامات المبدعين بترفعك لمقام الكتابة الرفيعة ؟
هذي لا يلقاها الا ذو حظٍ عظيم . . .

يا محمد سليمان سلاما
و المرة دي جد جد
كان تكون صريح بدل " صدقني " دي . . .
اسي تاني يصدقوك كيف ؟


يا ناذر ( الحبشي )* دا وقت ما عندو وقت خليني اقطع معاك
انت حارق رزك مالك ياخ ؟ . . . انا زول عندي وقت فاضي وبجي بغلغل ليك الحفتي دا ساي و امشي انوم
شكرن على الزول البضحك دا ياخ



----------------

* بالمناسبة الحبشي دا كان لقى وقت وقرأ عشان ما ياخد في خاطروا و يجي يطالب باعتذارات ، قولوا ليهو ( الحبشي ) دي استخدمها محسن خالد على حسب الحبشي ذات نفسو و بي كدا بتبقى صفة دامغة غير قابلة للنفي زيها و زي الغباء المستثنى منه الحبشي ذات نفسو و برضو برواية الحبشي ذات نفسو

Quote: سلاما

يا ناذر بحثت عن البوست ولم أجده
إن لم تخني الذاكرة فصاحبته هي الأخت نهال
بمناسبة تماثل الرفيق محمد حسبو
وأذكر أنه وصفني بعدم الأمانة أيضا
_________________________________
قيقراوي
لم أجد وقتا بعد لقراءة ما تخط
ولن أمنعك قراءة ما أخط
لأنك لا تستطيع منع نفسك قراءة ما أخط

Quote: ولن أمنعك قراءة ما أخط لأنك لا تستطيع منع نفسك قراءة ما أخط

بالجد ح اشتاق لما تخط و ما تشيل ذاتو في اليومين الجاية دي
عشان كدا قلت بالمناسبة دي اقول ليك :
كل سنة وانت طيب


............ و












قوم لف باللاي . . .
بلا حبشي . . . بلا اولاد ماما معاك

I Think you will be back

مي 2

بيكوو هي كانت ستوب ريدنق واط يو ار رايتنق

أذ ذس واط يو مين ؟!!

Quote: لكنها منحتك آلاف الأغبياء

يعني البوست ده للأغبياء ؟
على فكرة في حاجات اخير منها الغباء
التحية ليك ولي محسن

Quote: أذ ذس واط يو مين ؟!!

يص
البلقى الهبوب يضري عيشو ساي بس بعدما يتأكد من مصدرها ما تطلع . . . . ( و دي برضو متروكة لفطنة القارئ يا ناذر ) *

اوع تلخبتو لينا الاختساسات . . .
حبشي انت اكتب لي و انا بقرأ ليك
لاني ما بعرف اكتب و انت ما بتعرف تقرأ . . . متفقين ؟

و زي ما قال المثل الشعبي : " الخيل تجقلب و برضو الاتفاق ولد "


لكن نصيحة ليك و الدنيا قبايل عيد : عشان تظل في التوب طوالي خفف شوية . . . و ما تمشي تتشاتر في البوستات و لا تتشاطر . . . سمح؟

الجمهور بحب الخفيف

و انت يا ناذر المديدة دي خليها في الهيتر طوالي زي ما جا في سفر " آرت اوف هوت ماديدا " النسخة اللاوندية

اها يا شباب نلاقيكم بعد العيد
و لي وكتها اتمنى ليكم كل الخير
و كل سنة وانتو طيبين
و ينعاد عليكم اعوام باليمن و البركات زي ما بقولوا اهلنا الخليجيين


--------------
اذكركم الحبشي مستثنى اصلا و هو ذاتو ما قاعد يقرأ البختو ليهو هنا عشان كدا بقيت شايل هم زي ما قال محمود عبد العزيز

Not getting sufficient time yet to read the nonsense generated
here but I’m pretty sure that you will be here again and again.

قيقراوي كل عام وأنتم بخير
أرجو أن أجد سانحة من عطلة نهاية هذا الأسبوع
لقراءة ما كتبت

Quote: لكن برضو يا ريت أخونا الحبشي يلقى زمن عشان يقرا (آت ليست) مداخلتك دي : Quote: السؤال انا خشيت بمكنة كاتب ؟ ابداً لا . . . لكن هل هو قرأ لزول تاني اصلاً ؟ و هل ابتسار النصوص و لوي عنق اي حقيقة ، و مصادرة حق الاخرين في انو يكون ليهم رأي مغاير دا ممكن تسميهو قراية ابتداءاً ؟ الديمقراطية مش طريق باتجاهين ( رائح - جاي ) و لا ح نتعامل معاها بفهمنا الشمولي برضو ؟ انو نقول راينا من غير نحفظ للآخر حق ان يعبر عن رأيه و نحترمه . . . تحت شعارات " الحق الذي لا حق بعده " و هذا او الطوفان " . . . محسن خالد شال كورتو و دا حقوا فيما يخص الكتابة . . . لكن في القراية ؟ هنابقى بنعافرك يا محمد سليمان و نقلع حقنا اها دي ديمقراطية الثقافة و التثقيف . . . و كان المبدعين قرروا مجافاتنا ببقى جفاهم قدرنا و حباب قدحهم الا ما بنرضى يأكلونا في خشمنا بـ " ذاكرة عصافير " بندخل يدنا تب و نخمش ما شاء لنا . . . عرفت انا بـ ( ذب ) عن شنو يا محمد سليمان ؟ ما دخلت بوستك منافح او مناكف - عن & لاحد على التوالي - انما ابحث عن حق قراءة تخصني تماماً و تثبيت حقي دا . . . على عكسك انا كنت حريص اقرأ كل كلمة و حرف ابتداءاً من العنوان بإئحاته و ما يكرس ليهو من قيم حماية الظعائن و ربات الخدور . . . مروراً بابراز شغف وإلمام بدهاليز و منعرجات لغة العرب . . . لانها شكلت مثار دهشة لي تماماً. . . خصوصاً حكاية اللغة دي ؟!! . . . في حامل خالي من لوثة محموله ؟

يا ناذر قرأت ما اقتبسته لي
But I didn't find any point to address
Thanks