يا تمبس.. هاجر كباشى تلعلع فى المكتب!!!

Post: #1
Title: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 07:53 AM
Parent: #0

أمبارح ولا الجمعة ما عارفة،
دخلت المنبر،
و لقيت بوست بتاع تمبس: هاجر كباشى،،

أنا طبيعى بقتل الصوت فى الجهاز للاخر،
و لما كنت فى البيت، أخدت راحتى،
و عليت الفوليوم،
قلت أتثقف شوية.....

نسيت الموضوع، و قفلت الجهاز عادى،
و شلتو الليلة و جيت المكتب،

و أول ما أفتح المنبر،
إذا بها هاجر كباشى تلعلع على الاخر،
و شنو،،
أحاول أقفل الصوت بالفانكشن كيز،
حلف ما يقفل!!!

Post: #2
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 07:54 AM
Parent: #1

الله يسامحك يا تمبس...

Post: #3
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 07:54 AM
Parent: #1

برستيجى راااح،،،،

Post: #4
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 07:55 AM
Parent: #1

أجيب برستيج من وين تانى؟؟؟

Post: #5
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-09-2008, 08:04 AM
Parent: #4

Quote: برستيجى راااح،،،،
أجيب برستيج من وين تانى؟؟؟

الليلة يا هالة ،،،
غايتو البرستيج ما بيتعوض ...

Post: #6
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-09-2008, 08:23 AM
Parent: #5

عادي جدا والله يا هاله غايتو انا كان لقيت يدي .. بكلم ناس المايكروسوفت أخليهم يعملو نغمة الدخول بتاعت الوندوز .. أموت وبعد الموت يصلبوني صلب .. بي صوت هاجر طبعا
بعدين كانت شغاله يا تو أغنية .. لانو في اغنيات مفترض تسمعيها بالصباح وأخرى بالنهار وواحدات بالليل خالص ..
بلاي يا هاله كدي افطري وختي الرحمن في قلبك .. وافتحي الاغنية دي تاني .. واسمعيها من زاوية تانية بي برستيج جديد .. ووريني الحصل شنو..؟

Post: #7
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 08:44 AM
Parent: #1

Quote: بعدين كانت شغاله يا تو أغنية ..

ياها ذااتها،،،،

لكن قاليك أنا لحقت أسمعها،
لأ و قال كنت ماخدة راحتى و بتكلم فى التلفون،
(مكالمة رسمية..)،

الساعة الرميت ليك البتاع (التلفون طبعا)،
و بقيت أكابس فى الجهاز بايدينى الإتنين،
والله الصوت حلف ما ينزل،،،

تقول فعلا كلمت ناس مايكروسوفت يظبطوا الشغلانة عشان ما تقفل....

Post: #10
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-09-2008, 08:58 AM
Parent: #7

Quote: لكن قاليك أنا لحقت أسمعها،
لأ و قال كنت ماخدة راحتى و بتكلم فى التلفون،
(مكالمة رسمية..)،

مكالمة رسمية ..؟
المدير .. male واللا فيميل ..؟
كان ميل عندي اقتراح .. ولو فيميل عندي اقتراح تاني ..
لو بقى ميل اربعين .. ديل ناس الشي زاتو .. والله الحبة ما تجيك .. أحتمال كبير جدا يخصص ليكم ساعتين كل يوم (أحـد) .. للاستماع والاسترخـاء ..
يعني يا هاله تجو يوم الاحد الصباح تسمعوا .. وتعوا .. واحتمال كمان يكون فيها بدل برستيج ينزل ليكم آخـر الشهـر .. مع الاوفر تايم ..

المهم.. كدي جربي علي الصوت شوية ..
معاي واحد مهندس سوداني .. في الطابق التحتاني .. لما جيت داخل الشركة الصباح سامع هاجـر كباشي ..
أنا قلت الليلة ناس الشركة ديل عندهم صبحية واللا شنـو..؟ تقولي يل برستيج ..؟
يازولة افتحي الصوت البسالك ، أنا بكلم ليهو أوبـاما..

Post: #8
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 08:48 AM
Parent: #1

Quote: بلاي يا هاله كدي افطري وختي الرحمن في قلبك .. وافتحي الاغنية دي تاني .. واسمعيها من زاوية تانية بي برستيج جديد .. ووريني الحصل شنو..؟

والله يا تمبس،،
البنية غناية زى ما قلت،،
لكن من الدخلتنى،
حلفت ما أعلى الصوت تانى،
و لا حتى بالسماعات،،،

غايتو باقى لى،
ممكن أتعلم أقرا الصورة أسهل....

Post: #11
Title: Re: يا تمبس.. هاجر كباشى تلعلع فى المكتب!!!
Author: Hussein Mallasi
Date: 11-09-2008, 08:59 AM
Parent: #8

برستيج شنو دا البسمعو فيهو الغنا بالدس دس!!

Post: #9
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 08:53 AM
Parent: #1

أبراهيم،
Quote: الليلة يا هالة ،،،
غايتو البرستيج ما بيتعوض ...

غايتو يا إبراهيم،
البت عاملة جادة و رصينة،
و فجاءة جهازها يلعلع،

حـــارة خــلاصــــ،،،

اللذيذة،
عملت فيها الموضوع ما هامانى،،
و أتصرفت عادى خالص،
و أنا من جوة دايرة أوقفهم صف،
و أقول ليهم السمع حاجة منو؟؟؟

Post: #13
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-09-2008, 09:08 AM
Parent: #9

Quote: برستيج شنو دا البسمعو فيهو الغنا بالدس دس!!

يــا عموو .. لا عليك الله
ناس هندسة لا

Post: #12
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 09:06 AM
Parent: #1

ملاسى سلام،

Quote: برستيج شنو دا البسمعو فيهو الغنا بالدس دس!!

دة برستيج المكتب و الناس الأغراب و ما أصحاب...

Post: #16
Title: Re: يا تمبس.. هاجر كباشى تلعلع فى المكتب!!!
Author: Hussein Mallasi
Date: 11-09-2008, 09:24 AM
Parent: #12

الضيوف الفي الأستوديو شكلهم برضو خايفين على برستيجهم .. خالص

Post: #20
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 10:27 AM
Parent: #16

ملاسى،
شكلك كدة اقتنعت....

Post: #14
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 09:18 AM
Parent: #1

Quote: يــا عموو .. لا عليك الله
ناس هندسة لا

إلا كدة؟؟؟

Post: #15
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-09-2008, 09:24 AM
Parent: #14

هالة ،،،

أقترح تسيبي البوست ده ،،،
وتنزلي المحطة الجاية طوااالي ،،،،،

ما تنسي إنك واحدة من القطيع .....

Post: #21
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 10:29 AM
Parent: #15

Quote: أقترح تسيبي البوست ده ،،،
وتنزلي المحطة الجاية طوااالي ،،،،،

لا يا إبراهيم،
دى ما أنا....

و بعدين قطيع شنو يا راجل؟؟

لا عاش من قطعنا!!!

Post: #17
Title: Re: يا تمبس.. هاجر كباشى تلعلع فى المكتب!!!
Author: هند محمد
Date: 11-09-2008, 09:28 AM
Parent: #1

سلامات يا هالة برستيجك ماراح هدر الاغنية تستاهل
انا ماخلت فينى ركبة
برستيجى اتوفى وانا بطلبها
انزرعت.. من عندك ماطالعة

Post: #18
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 09:45 AM
Parent: #1

هند محمد،
Quote: سلامات يا هالة برستيجك ماراح هدر الاغنية تستاهل

قلتى كدة؟؟
طمنتينى....

Quote: انا ماخلت فينى ركبة
برستيجى اتوفى وانا بطلبها
انزرعت.. من عندك ماطالعة

يا هلا و مرحب بيكى،
كدة معناها نطلب من تمبس تغيير مجرى البوست حقو الأصلى لواحد تانى...

Post: #19
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 09:51 AM
Parent: #1

يا تمبس،
Quote: مكالمة رسمية ..؟
المدير .. male واللا فيميل ..؟

أريتو كان المدير،
دة زول من برة خالص،،،

و بعدين إحنا مدرائنا ديل كان بفهموا جنس دة،
ما كان بقى دة حالهم،،،

ديل ناس فرانكفونية ساكت،،،
يعنى إلا ترطن معاهم فرنساوى، حتى يعتبروك زولهم،،،

كان جيت للجد،
إلا نكلم ليهم أوباما فعلا،،،

Quote: معاي واحد مهندس سوداني .. في الطابق التحتاني .. لما جيت داخل الشركة الصباح سامع هاجـر كباشي ..
أنا قلت الليلة ناس الشركة ديل عندهم صبحية واللا شنـو..؟ تقولي يل برستيج ..؟

يا زول، إنت متأكد ما كان فاتح البوست حقك ذااتو،
و حسه بفتش على برستيجو؟؟؟

Post: #22
Title: Re: يا تمبس.. هاجر كباشى تلعلع فى المكتب!!!
Author: محمد البشرى الخضر
Date: 11-09-2008, 12:50 PM
Parent: #1

من دربي دا و لينك البوست باللوتس نوتس لعلي بن جرش
ما تقولي الراجل فردة من زمن الفجيرة

Post: #23
Title: Re: يا تمبس.. هاجر كباشى تلعلع فى المكتب!!!
Author: ناهد بشير الطيب
Date: 11-09-2008, 01:10 PM
Parent: #22

هالة سلامات يازولة ياعسل ......

البرستيج ده خلاص اعملى ليه ماتم ....وارفعى الفراش تالت يوم بهاجر
وعلى الصوت على الاخر .....كان ما الفرنسيين المعاك يكابروك ....
ايينك ده بس تشوف .....

Post: #25
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 01:33 PM
Parent: #22

محمد البشرى يا مغرض،،،،

___________________________
واسطتك دى ما بتنفع فى حاجة تانية؟؟

Post: #24
Title: Re: يا تمبس.. هاجر كباشى تلعلع فى المكتب!!!
Author: شرف الدين آدم إسماعيل
Date: 11-09-2008, 01:27 PM
Parent: #1

يعني قطاطي ومستوي واطي؟
ولا ملاح كول ؟
ريحته حاجة وطعمه.................

Post: #26
Title: Re: يا تمبس.. هاجر كباشى تلعلع فى المكتب!!!
Author: Tabaldina
Date: 11-09-2008, 01:37 PM
Parent: #1

..
.
هو برستيجكم دا لسه رايح ؟؟
شوفيهو فى الاحياء المجاورة

________

اخرتا العشرة تطلعينا فرتسيين

Post: #54
Title: Re: يا تمبس.. هاجر كباشى تلعلع فى المكتب!!!
Author: ناهد بشير الطيب
Date: 11-10-2008, 02:51 PM
Parent: #26

هو بالله ياتبلدينا ديل انتوا الفرتسيين القاصداهم .....

______________________

ازيك ياتبلدى

Post: #27
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 01:38 PM
Parent: #1

ناهد بشير،
Quote: البرستيج ده خلاص اعملى ليه ماتم ....وارفعى الفراش تالت يوم بهاجر
وعلى الصوت على الاخر .....كان ما الفرنسيين المعاك يكابروك ....
ايينك ده بس تشوف .....

غايتو محاولين نلملموا حتة حتة،
و الليلة صريناها زيادة،
يعنى لعل و عسى،،،

إنتو بس أسألوا مننا،
عشان تتطمنوا بس،،

________________________
تسلمى يا اصيلة،،

Post: #28
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 01:41 PM
Parent: #1

تبلدينا،
غبيتنا ولا شنو؟؟

Quote: اخرتا العشرة تطلعينا فرتسيين

إنت بالذات عارف الفرنسيين ديل منو....

____________________

عليك الله أمسك محمد البشرى دة منى..

Post: #29
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 01:48 PM
Parent: #1

شرف الدين ادم إسماعيل،

Quote: يعني قطاطي ومستوي واطي؟
ولا ملاح كول ؟

ياخى ما تهجمنا ساكت،
إحنا لا جبنا سيرة قطاطى و لا ملاح هنا،

إحنا بس بدأنا رحلة البحث عن برستيج رايح...

هناك فرق!!

Post: #30
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-09-2008, 03:38 PM
Parent: #29

هالة حسن اختنا الطيبة الحنينة الراقية

سلامي الاكيد واحترامي وتقديري وامتناني

سعيد بمواصلتك مرة اخري بعد انتهاء مرحلة الهكر

ونرجوا المواصلة في بوستاتك الجميلة

واكيد ناس المكتب ما بزعلوا طالما الغنية لهاجر

والحصل ده طبعا بيحصل في ارقي المكاتب

فما تشيلي هم فعادي زي زبادي اوكامبو ولا كابو!!!

فتك بالف عافية..اخوكي دايما..اشرف مصطفي

تخريمة لتمبس الجميل:

Quote: أموت وبعد الموت يصلبوني صلب

بلاي يا تمبس لو لقيت لي فيديو لغنية علي دي نزلها لي

وانشاء الله تكون في ميزان اغنياتك!!!!!!!!!!!!!

Post: #31
Title: Re: يا تمبس.. هاجر كباشى تلعلع فى المكتب!!!
Author: Yassir Bainwi
Date: 11-09-2008, 06:28 PM
Parent: #30

هاله صاحبتي كيفك
الجاتك في برستيجك سامحتك

لكن بيني وبينك تحت تحت كدة الغنية تستاهل

وبعدين مافي مشكلة انا عندي برستيج جديد كرت رسلتو واحدة صاحبتنا وطلع ما قدري
ممكن اهديهو ليكي

خالص الود

Post: #33
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 07:31 PM
Parent: #31

ياسر بيناوى يا حلال العقد،

تخيل شكلك كدة حليت لى مشكلتى يا صاحبى،
و القلت عليه دة بطلع مظبوط على،

أها نتفق؟؟؟

مودتى و تقديرى،،،

Post: #32
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-09-2008, 07:18 PM
Parent: #30

أخوى العزيز أشرف مصطفى،

شكرا على تحيتك الجميلة و مؤازرتك القيمة،
و تأكد نبادلك نفس الإحترام و التقدير،

و أنا فخورة أكون عضوة فى منبر واحد مع أمثالك من الخيرين ،،

و زى ما قلت هاجر تستاهل،،،،

مودتى الأكيدة،،

Post: #53
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-10-2008, 01:28 PM
Parent: #30

Quote: بلاي يا تمبس لو لقيت لي فيديو لغنية علي دي نزلها لي

هاك يا اشرف .. اضغط علشان تشتغل معاك ..

Quote: الضيوف الفي الأستوديو شكلهم برضو خايفين على برستيجهم .. خالص
الاغنية دي بالذات يا عموو.. البرستيج فيها كان داووون جدا .. لدرجة انو شكيت في إنو الاغنية دي ليها علاقة طردية مع البرستيج ..
لكن ..
أموت ويصلبوني صلب .. واعرف امجد دا كان قاعد يقول لي رشـا في شنـو..؟
ياربي كان قاعد يقول ليها خلي باقي من البرستيج لي نهاية الحلقة ، نحن على الهوا واللا شنـو ..؟

قاتل الله البرستيج .. وتبا للحمية .. والتقويم

Post: #34
Title: Re: يا تمبس.. هاجر كباشى تلعلع فى المكتب!!!
Author: WadAker
Date: 11-09-2008, 07:40 PM
Parent: #1

سلامات هاله والرائع تمبس
اتخيلى صالة التحرير بكل الهدؤ المشوب بالضجر والتركيز والمدير يبعد عنى زراع او يقل.. ولى يومين ماخد اجازة من بت عجاج ورافع صوت بت كباشى ,وكلو ما يعاين لى اذيد التون درجة, يفصل ارجعو يعاين لى اذيد...و .. تقولى برستيج رايح وقبل شوية بدا الجميع ينطرب ويلولح ,, حمرة عين كده يسمعو طربنا وبى سلمنا الخماسى كمان.. اها رايكو شنو!!

Post: #35
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 06:38 AM
Parent: #1

ود عكر،
سلام،،،،

Quote: اتخيلى صالة التحرير بكل الهدؤ المشوب بالضجر والتركيز والمدير يبعد عنى زراع او يقل.. ولى يومين ماخد اجازة من بت عجاج ورافع صوت بت كباشى ,وكلو ما يعاين لى اذيد التون درجة, يفصل ارجعو يعاين لى اذيد...و .. تقولى برستيج رايح وقبل شوية بدا الجميع ينطرب ويلولح ,, حمرة عين كده يسمعو طربنا وبى سلمنا الخماسى كمان.. اها رايكو شنو!!

و دى دايرة ليها رأى؟؟؟

طبعا عجبتنى حمرة عينكم،،،

قلتى لى الموضوع دة وين؟؟

Post: #36
Title: Re: يا تمبس.. هاجر كباشى تلعلع فى المكتب!!!
Author: الطيب شيقوق
Date: 11-10-2008, 07:13 AM
Parent: #35

التحية لك لك يا هالة الاميرة وللاخ تمبس الظريف

Post: #37
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 07:22 AM
Parent: #1

Quote: التحية لك لك يا هالة الاميرة وللاخ تمبس الظريف

الطيب شيقوق،
جيدا جيد،،

حبابك و مرحب بيك،،،

بجيك بهناك،،،

Post: #38
Title: Re: يا تمبس.. هاجر كباشى تلعلع فى المكتب!!!
Author: الطيب شيقوق
Date: 11-10-2008, 07:35 AM
Parent: #37

Quote: بجيك بهناك،،،

يا مراحب يا هندسة

Post: #39
Title: Re: يا تمبس.. هاجر كباشى تلعلع فى المكتب!!!
Author: azhary awad elkareem
Date: 11-10-2008, 09:00 AM
Parent: #38

Quote: لأ و قال كنت ماخدة راحتى و بتكلم فى التلفون،
(مكالمة رسمية..)،

كا كدى يا هالة ياختى ألحقى صاحبينى سريع..

تمبس..إزيك
والله يا تمبس يا أخوى كان شفت روحك لما تكون
رايق وبعيد من المشاكل بتكون ظريف كيف..
ما أظنك كلو كلو تتور نفسك أو تعمل ليك مشكلة
مع زول أو تكتب وإنت زعلان..
لك محبتى وربنا يديم الهداوة...والمحبة

Post: #40
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-10-2008, 09:09 AM
Parent: #39

أزهري ..
مبروك لخالد حبة ...

معليش ..
إستغلينا حوش هالة ده ..
لكن خالد وهالة كلهم تبعنا .. مافي مشكلة ..

وعشان ما نطلع بره الموضوع ،،

خلي خالد حبة يجيب لينا هاجر كباشي في الحنة

Post: #41
Title: Re: يا تمبس.. هاجر كباشى تلعلع فى المكتب!!!
Author: azhary awad elkareem
Date: 11-10-2008, 09:16 AM
Parent: #40

Quote: خلي خالد حبة يجيب لينا هاجر كباشي في الحنة

والله تأمروا بس يا هندسة..
هو ياخى عرس لينا بى ساهل ولا عرس لينا بى ساهل..
يمين قربنا نفتح فيهو بلاغ..

الله يبارك فيك..وإنشاء ربنا يديم الأفراح..
ونتمنى أن نلتقيكم كلكلم فى العرس
والذى من المؤمل أن يكون على آخر ديسمبر إنشاء الله
وهذه بمثابة دعوة للجميع والحاضر يكلم الغائب..

طبعاً يا هالة زى ما قال أخونا أبراهيم
الموضوع ما محتاج إعتذار..
عشان كلو هندسة فى هندسة..
أصلو أخونا المهندس/خالد محمد عوض الكريم عقد يوم الجمعة
بمدينة العين حيث يقيم أهل العروس..

Post: #52
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-10-2008, 12:48 PM
Parent: #39

Quote: تمبس..إزيك
والله يا تمبس يا أخوى كان شفت روحك لما تكون
رايق وبعيد من المشاكل بتكون ظريف كيف..
ما أظنك كلو كلو تتور نفسك أو تعمل ليك مشكلة
مع زول أو تكتب وإنت زعلان..
لك محبتى وربنا يديم الهداوة...والمحبة
.. والله يا ابو الزهور احييك على المعلومات دي ..
الايامات دي الرياض الجو فيها ماطر وفيهو شوية بتاعت جو ربيعي ومرات كدا .. بتجيب ليها برودة .. اها نحن الظاهر لي الواحد مع الموية وزيادة البحـر حاجاتو بتتصلح ..
والله مسالة اعمل لي مشكلة دي وتوير النفس .. خالص ما في برنامجي ..
ياخ ان اكتر من مرة صرحت أنو الجماعة ديل انا قاعد اكتب ليهم بي يدي الشمال بس وبي اصبعين اتنين .. ولسه ما ختيت يدي اليمين في الكيبورد لكن ما عارف ليه ما عايزيين تصدقوني انو نفسي ما بتووور ولا حاجة ..
الله يديك العافية يا ازهري ويديم المحبة .. والواحد يكون بالو رايق أو حتى لو ما رايق يتشاف انو رايق ..

Post: #42
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 10:40 AM
Parent: #1

دقيقة ..دقيقة ..دقيقة،

الجاب أزهرى لخالد حبة شنو؟؟

Quote: أزهري ..
مبروك لخالد حبة ...

إنتو يا جماعة والله ح تجننونا،،،،

Post: #43
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-10-2008, 10:47 AM
Parent: #42

Quote: أصلو أخونا المهندس/خالد محمد عوض الكريم عقد يوم الجمعة
بمدينة العين حيث يقيم أهل العروس..

طبعا يا أزهري الخبر ده معلن في بوست الهندسة (راجع منبر الهندسة)
وقد اتصلنا بخالد وباركنا ليه ..

Quote: ونتمنى أن نلتقيكم كلكلم فى العرس
والذى من المؤمل أن يكون على آخر ديسمبر إنشاء الله
وهذه بمثابة دعوة للجميع والحاضر يكلم الغائب..

أنشاء الله ..
بس انا اتفقت مع العريس يظبط اليوم قبل رجعتي ..
لأني أنا مفروض أرجع آخر ديسمبر ..

Post: #44
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-10-2008, 10:50 AM
Parent: #43

هالة ،،
Quote: الجاب أزهرى لخالد حبة شنو؟؟

أزهري الطريفي عوض الكريم ..
و خالـد محمــد عوض الكريم ..

وقع ليك ؟

طبعا بتعرفي إشراقة الطريفي ...
أها ..
دي أخت أزهري عدييييييل ...

تحياتنا لإشراقة يا أزهري ...

Post: #45
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 11:02 AM
Parent: #1

إبراهيم،
Quote: طبعا بتعرفي إشراقة الطريفي ...
أها ..
دي أخت أزهري عدييييييل ...

أقول ليهو خالد يقول لى إشراقة!!
يا عم إبراهيم،

أزهرى دة حقنا عديل كدة،
و طبعا صاحبنا،،،

ولا شنو يا أزهرى؟؟
منتظرة الدفع القانونى عشان تخارجنا من ورطة تمبس دى ..
و ما تقول لى حق شنو و بتاع شنو...

Quote: تحياتنا لإشراقة يا أزهري ...

و أنا كمان،،،

و مبروك عرس ولدنا و ولدكم....

Post: #46
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-10-2008, 11:25 AM
Parent: #45

Quote: أقول ليهو خالد يقول لى إشراقة!! يا عم إبراهيم،

Quote: أزهرى دة حقنا عديل كدة، و طبعا صاحبنا،،،

Quote: و أنا كمان،،، ومبروك عرس ولدنا و ولدكم....

Quote: أزهري الطريفي عوض الكريم .. و خالـد محمــد عوض الكريم ..
Quote: وقع ليك ؟
والله ما وقع ليك يا ابراهيم ..
يا هاله ويا ازهري ويا ابراهيم .. عاينو والله انا كنت ماشي معاكم كويس .. ومتابع .. لحدت نص البوست دا (صدنلي) بقيتو تلخبتو .. خالد وازهري واشراقة .. وأحمد.. وعم إبراهيم
يعني بكري ادى الشباب ديل باصووردات واللا الحاصل شنـو..؟
خلونا معاكم في البرستيج..

Post: #47
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 11:34 AM
Parent: #1

Quote: يا هاله ويا ازهري ويا ابراهيم .. عاينو والله انا كنت ماشي معاكم كويس .. ومتابع .. لحدت نص البوست دا (صدنلي) بقيتو تلخبتو .. خالد وازهري واشراقة .. وأحمد.. وعم إبراهيم

شفت كيف يا تمبس؟
الواحد يكون قاعد فى بيتو، لا بيهو و لا عليهو،،
فجاءة يجوهو ناس إبراهيم ديل،
يلخبتو عليهو المسائل،

لكن ولا يهمك،
إحنا (صدنلى)،
بنرجع للبرستيج تانى،

و غايتو عزاؤنا:
واحد: ناس أزهرى ديل لو وقفوا معانا ممكن يلاقوا لينا مخرج،
إتنين: ناس إبراهيم و أزهرى ديل ممكن يقنعوا لينا ناس خالد العريس يجيب بت كباشى للعرس،
وفى الحالة دى، إنت طبعا فى أول قائمة المعازيم،،

Post: #48
Title: Re: يا تمبس.. هاجر كباشى تلعلع فى المكتب!!!
Author: rosemen osman
Date: 11-10-2008, 11:45 AM
Parent: #47

هههة أتخيلت منظرك يا هالة وأنت مخلوعة

يا ستى كفارة لبرستيجكم , علشان تانى ما تعملوا فيها جادين

Post: #49
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-10-2008, 11:56 AM
Parent: #47

إشارة للبند اتنين اعـــلاه يا هاله ..
ما يقنعوهو ولا حاجة خالد دا ..المسالة ما بتحتاج .
تسوقي معاك ناس ازهري .. وتجيبو هاجــر .. وشوفي بعداك البرستيج ببقى كيفن ؟
انا غايتو مركز على الحتة بتاعت البرستيج دي في مناسباتنا السودانية مكن قيدومة .. إلخ
دا بنفع مشروع تخرج مش كدا.. ؟

Post: #50
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 12:00 PM
Parent: #1

العزيزة روزمين،
نشكركم لمؤازرتكم لنا،،

Quote: هههة أتخيلت منظرك يا هالة وأنت مخلوعة

يا ستى كفارة لبرستيجكم , علشان تانى ما تعملوا فيها جادين

اللذيذة يا روز، البت عاملة فيها كوول (على رأى العيال)،
و أقع ليكى فى الجهاز بايدينى الإتنين،،،

لكن ولا يهمك،
بعد كدة،
تانى ركبت ليكى وش،
ولا كأنوا حصل حاجة..

يعنى، إحنا ولا يهمنا برضو!!

Post: #51
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-10-2008, 12:08 PM
Parent: #1

Quote: تسوقي معاك ناس ازهري .. وتجيبو هاجــر .. وشوفي بعداك البرستيج ببقى كيفن ؟

فى الحالة دى يا تمبس،
ندى كل إختساس لزولو،
ولا شنو؟؟
و إختساس هاجر فى حنة العريس دة، حق إبراهيم محمد الحسن،،

إذن يا إبراهيم،
الموضوع أتحسم خلاص،
ولا على كيف العريس بعد كدة،،،

Quote: انا غايتو مركز على الحتة بتاعت البرستيج دي في مناسباتنا السودانية مكن قيدومة .. إلخ
دا بنفع مشروع تخرج مش كدا.. ؟

أنا معاك، بالنسبة لمشروع التخرج دة،
فى رأيى الطالب ح يكون محظوظ،
لأنو ما ح يحتاج بحث كتير،،
من أول مناسبة، النظرية بتتأكد،،،

حظوظ،
ناس تتخرج ببحوث زى دى،
و ناس يقولو ليها، تجيب الديب من ديلو!!

Post: #55
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-11-2008, 09:52 PM
Parent: #51

طبعا يا تمبس عاااااااااااااااااااااااااااااااااااااااااااااااااااااااااااااا

ااااااااااااااااااااااااااااااااااااااااااااااااجز عن الشكر.

انت عارف انا عندي الغنية دي مسجلة في شريط فيديو و هاجر كانت لابسة توب وكانت الغنية بصوت اجمل من كده .. واي زول يزورني خاصة جاي من السودان بفتح ليهو الشريط وبعيدو كم مرة..انا شخصيا شفت الاغنية دي لما يقارب من مائة مرة.

كان نفسي اشوفها في الكومبيوتر واشغلها دايما وقلبت اليو تيوب قلب وما لقيتها لكن الان فرحتني جدا لمن جبتها لي.
برضه من الاغاني العاجباني جدا ولقيتها قريب في اليو تيوب لعابدة الشيخ...بي وبي باقي.

وعندي شريط كاسيت جميل لمصطفي مضوي ارجوا ان تكون سمعته فيه: الوليد الضيف ردتنوا كيف..., منديلي ضاع مني...اذا ما عندك ارجوا شرائه من السودان لانه في غاية الروعة.

تشكر يا تمبس يا حبوب وانشاء الله ما نتحرم منك.

Post: #56
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-12-2008, 06:11 AM
Parent: #55

هالة ،،
Quote: و إختساس هاجر فى حنة العريس دة، حق إبراهيم محمد الحسن،،

إذن يا إبراهيم،
الموضوع أتحسم خلاص،
ولا على كيف العريس بعد كدة،،،

أيوة الموضوع اتحسم خلاص ...

والعريس قال ما عندكم مشكلة ..
بجيب هاجر كباشي ..

Post: #57
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-12-2008, 07:39 AM
Parent: #55

أشرف مصطفى،
صباحاتك طيبة،،

Quote: كان نفسي اشوفها في الكومبيوتر واشغلها دايما وقلبت اليو تيوب قلب وما لقيتها لكن الان فرحتني جدا لمن جبتها لي.

بختك يا عم،،،

و بعدين الأغانى المميزة و الأفلام المميزة،
شكلك ذواقة كبير،

أنا بقيت نفسى أعرف مكتبتك دى فيها شنو بالتحديد،،

(شكلنا لو فى يوم أتجاورنا،
ح نستلف منك وان واى (بس))،،،

تحياتى،،

Post: #58
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-12-2008, 11:41 AM
Parent: #1

إبراهيم،

وين الليلة؟؟
مالكم؟؟
خير...

Quote: أيوة الموضوع اتحسم خلاص ...

والعريس قال ما عندكم مشكلة ..
بجيب هاجر كباشي ..

شفتوا يا جماعة؟؟
و كدة جات الأكيدة،،

شكرا يا عريس،
شكرا يا إبراهيم،،

تمبس، الدعوة وصلت؟؟

أشرف مصطفى،
إنت كمان معزوم،،
تانى منو؟
تانى منو؟
هند محمد، نجيب ليك كرت، و لا كدة الدعوة واصلة،،،

والقائمة تطول...

إبراهيم أقول ليك،
أنا ح اجيب تفويض مفتوح من العريس،
و بعدين أواصل...

Post: #59
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-12-2008, 11:54 AM
Parent: #58

Quote: أنا ح اجيب تفويض مفتوح من العريس،

عندك الجهات القانونية ..
أزهري عوض الكريم ...

يطلع ليك أجدعها تفويض ..

Post: #60
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-13-2008, 00:12 AM
Parent: #59

هالة يا ملكة تحياتي

بالنسبة للزوق لو شفتي مكتبتي ما حا تصدقي

عندي حاجات حتي في السودان ما موجودة

هاكي امثلة:

حنان النيل...اول شريط بتاع قم يا ضرير الشباب وصباح النور

عماد احمد الطيب...جنوبية و يا جارة يا جارة

بعدين عندي ديل كمان

مصطفي مضوي...الوليد الضيف ردتنو كيف وا سواد امه الاهله في الجريف

حيدر بورتسودان...عروس البحر

النور الجيلاني...خواطر فيل

حسين شندي...يا جميل يا راقي احساسك

اللحو...المك نمر

سلين ديون

حنان (مصرية) اغنية بسمة

سميرة سعيد...مش حا اتنازل عنك ابدا مهما يكون

عمرو دياب...ميال

كابوريا

الفيس بريسلي

و........................

الاف من الاغاني الجميلة التي لا تقاوم

دي بس تصبيرة لكن حاجيكي راجع بالمزيد

بعدين كونك تستلفي باتجاه واحد دي تستاهليها وفوقها هدية

مكتبتي كلها تحت امرك

Post: #61
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-13-2008, 00:14 AM
Parent: #1

هالة حسن
ازيك امي انشاء الله طيبة..

يعني بعد اذنك دايرة اشرف مصطفى ده في كلمة....

اشرف مصطفى

النبي فيك

غير الصورة بتاعت بروفايلك دي....

Post: #62
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-13-2008, 01:01 AM
Parent: #61

حنين للبلد

تحياتي

Quote: النبي فيك

غير الصورة بتاعت بروفايلك دي....

اولا مرحب بكي لانو لي فترة ما قابلتك وانا اول ما شفت اسمك اخر مداخلة فرحت جدا وقلت احيكي عبر هذا

البوست.

لكن بصراحة زعلت جدا انك حلفتيني بالنبي

انا ما بحب زول يحلفني بالنبي (ص) ولكن طالما ده حصل حاضر اشيل الصورة

يعني دخلت البوست فرحان من كل قلبي بوجودك ولقيت رسالة لي؟؟؟

طيب ما كان تحلفي!!!بعدين كان تشرحي السبب

وانا طبعا بعزك جدا جدا لكن ما عارف شنو المزعلك من الصورة؟؟؟

علي كل حال عشان انا بعز النبي (ص) مسحت الصورة.

ومرحب بيكي مرة اخري يا اختي العزيزة

Post: #63
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-13-2008, 01:39 AM
Parent: #1

Quote: برستيجى راااح،،،،

البجيب الرااايحة في . . . ادفعي البياض بس و ساعدين باوصاف الفقيد

عموماً كان ما اتلقى . . . الجاتك في برستدجك سامحتك . . .

Post: #64
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-13-2008, 06:56 AM
Parent: #1

أشرف مصطفى،

Quote: دي بس تصبيرة لكن حاجيكي راجع بالمزيد

مش قلت ليك،
أنا كنت واثقة من الكوليكشن بتاعتك،
ح تكون حاجة تمام،،

Quote: بعدين كونك تستلفي باتجاه واحد دي تستاهليها وفوقها هدية

مكتبتي كلها تحت امرك

تسلم يا راجل يا رائع،
كلك ذوق،،،

مودتى و تقديرى و إحترامى،
(ولا على كيف ود البشرى..)

_________________________
خواطر فيل دى،
كنت ح أفتح ليها بوست عديل،،
ممكن لو سمحت بوست الحفظ،
ممنونة،،،

Post: #65
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-13-2008, 07:02 AM
Parent: #1

حنين،
Quote: هالة حسن
ازيك امي انشاء الله طيبة..

إزيك إنتى،
ياخى والله فاقدنك عديل،،

و بالذات حكاية من غير مسنجر دى،

لزى لى إيميلك،
بأى طريقة،،
(عندك رابط فى الفيس بوك؟؟)

Post: #66
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-13-2008, 07:06 AM
Parent: #1

قيقراوى،

Quote: البجيب الرااايحة في . . . ادفعي البياض بس و ساعدين باوصاف الفقيد

طويل، شعرو أصفر، عيونو زرقا،،

Quote: عموماً كان ما اتلقى . . . الجاتك في برستدجك سامحتك . . .

ما أتلقى كيف يعنى،
تجينى تقول لى بنلقاه،
و بعدين ترجع فى كلامك؟؟

أقول ليك حاجة،
الليلة أصلو ما بخليك،،

أها...

Post: #67
Title: Re: يا تمبس.. هاجر كباشى تلعلع فى المكتب!!!
Author: Yassir Bainwi
Date: 11-13-2008, 10:37 AM
Parent: #66

يا هاله البرستيج لو دايراهو تعالي شيليهو سريع
لأنوقيقراوي برضو قال دايرو

Post: #68
Title: Re: يا تمبس.. هاجر كباشى تلعلع فى المكتب!!!
Author: Yassir Bainwi
Date: 11-13-2008, 10:40 AM
Parent: #67

يا جماعة سمعونا اغنية
( برستيجي راح مني والشالو مايتني مايشيل خلافو )

Post: #69
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-13-2008, 11:25 AM
Parent: #67

بيناوى،
كيفك ياخى،

Quote: يا هاله البرستيج لو دايراهو تعالي شيليهو سريع
لأنوقيقراوي برضو قال دايرو

عليك الله أمسكوا لى يا ياسر،
أنا حاجزاهو،،

قيقراوى دة ح يشيلو منك بهنا و يبيعوا لى بسعر السوق،،
ما معانا،،،

Post: #70
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-13-2008, 05:39 PM
Parent: #69

[IMG][/IMG]

Post: #79
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 00:19 AM
Parent: #66

Quote:
الليلة أصلو ما بخليك،،

الليلة وووب او كما قالت

Quote: و بعدين ترجع فى كلامك؟؟

دا ما كلام رجال . . .
البرستيج دا شغل ديغتل الفكي بتاعنا ما ادوهم ليهو في الخلوة
الشغلة دي عاوزة ليها سيرفر ذاكرتو كم ( قيقا ) كدا . . . واحد ما بقضاها ليك . . . نانو شنو ؟ البرستيج دا عويص خلاس . . . تحسبوا لعب ساي ؟
كنا بنرسل ليك المحاية الاسفيرية مسنجر تعملي ليها برنت أوت ( تحوليها لشكل هارد كوبي )* و تبليها و تشربي مويتا . . . لكن نعمل شنو للهكر ؟
ما دا الخلا عمك وردي يردد ( جواباتي البوديها تقول لا بتمشي لا حاجة ؟!! ) . . . اصحى يا بريش !!! . . . دي شغلة دايرة ليها قوالة ؟ . . . انت اتهكرت و ما جايب خبر بس

------------
* عملية الترانسفورمينغ دي مفصلية في شغلتنا دي . . . نانو شنو ؟ شغلتنا دي ما روحية - مادية . . . تراثية ( مكدّبة ) - عصرية ( ديغيتل )
و مع انو البرستيج احساس داخلي ( نفسي - اجتماعي ) متعلق بتحقيق الذات . . . بمعنى تاني البرستيج ذات نفسو في صحته بحوي مرض ( نقص البرستيج المكتسب )* او ( هدر البرستيج المكتسب )* و دي مرحلة متأخرة جداً من المرض . و دي خارج نطاق تخصصنا. دا شغل حكماء ، و شراب محاية ساي ما بجيب نتيجة و قيل الدواء ذاتو ما بعالجا . . . دي الا يمزوا ليها المُر و يشرع للرجال اطلاق اللحى و اعفاء الشوارب - ما كفاية هم شاربين ؟ - تأسياً بالمشوكشين من العرب كما تواتر من اخبار جاهليتهم في مضارب الحبيبات ( ليلى - و سلمى - و بثينة - عزة . . . )

يا شباب عليكم النبي ( زي ما قالت حنين ) واحد يعمل لي الابريفييشن بتاع مرضيني ديل بحروف لاتينية

Post: #71
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-13-2008, 05:50 PM
Parent: #1

Quote: اولا مرحب بكي لانو لي فترة ما قابلتك وانا اول ما شفت اسمك اخر مداخلة فرحت جدا وقلت احيكي عبر هذا

البوست.

لكن بصراحة زعلت جدا انك حلفتيني بالنبي

انا ما بحب زول يحلفني بالنبي (ص) ولكن طالما ده حصل حاضر اشيل الصورة

يعني دخلت البوست فرحان من كل قلبي بوجودك ولقيت رسالة لي؟؟؟

طيب ما كان تحلفي!!!بعدين كان تشرحي السبب

وانا طبعا بعزك جدا جدا لكن ما عارف شنو المزعلك من الصورة؟؟؟

علي كل حال عشان انا بعز النبي (ص) مسحت الصورة.

ومرحب بيكي مرة اخري يا اختي العزيزة

اشرف مصطفى ياتحسس
والله ضحكتني الليلة قلت لي كنت مرتبط شديدبالصورة...طيب عاد لو عاجباك قدر ده ختها تاني عفيناك من الحليفة، لكن بيني وبينك ماعارفة ليه ابدا ماعجبتني وبحس بيها ماعندها علاقة بيك ...وامكن كمان ادتني ايحاء انه اي شيء بالعضل حتى الاختلاف عشان كده كل ما اقول ادخل ارد ليك في اي بوست القى ليك اخونا ده بستعرض لي في عضلاته اغير رايي

بخصوص الحليفة، عاد تعبت معاي ابوي لاني حليييييييييييييييييييييييييييييييفة

بالمناسبة عامل كيف، والله انت زول رضي لكن شلة الانصرافيين اصحابي ديلاك ساكت مستقصدنك

Post: #72
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-13-2008, 05:52 PM
Parent: #1

هالة صحبتي "صحبتي دي بتذكرن اجمل سنين العمر لمن كنت صغيرة"

النبدا اول شيء بت امي بالفيس بوك ده...تصدقي زميلاتي وزملائي في المكتب مجننا بالفيس بوك ده انا عاد مكجناه جن العدو، تعرفي اولا لانهم هم الكرهوني فيه تفتحي الصفحة بتاعة الواحدة تلقيها كلها، الليلة قمت مزاجي معكر لا الليلة مزاجي صحو، سمعت اغنية لي فلتكان العلتكاني ، نزلت كم باوند مشيت سهرت مع صحباتي وين ماعارفة ، زوجي الليلة عزمني شنو ماتفهم..وكلو طبعا بالصور.....كرهونا العيشة والفسفسة....
ثانيا ماعارفة لي بس من خلال تعاملهم مع الفيس بوك حسيت بي بتدخل في خصوصيات الناس ازيد مما يجب وانا جني وجن التحشر، لابحب اتحشر في خصوصيات زول ولا زول يتحشر في خصوصياتي...
نهايته...الفيس بوك السوداني المعدل ماشفتوا ققل كدة تصدقي جاهلة جهل العدو...
كدي بيني وبينك يعني عدم تعاملي مع الفيس بوك ده بأثر في برستيجي ولا كدة..عاد ياامي كلو ولا البرستيج...

هالة...والله الهكر قطع راسنا في ايميلك ..نقول شنو عاد..نسكت بس..

Post: #73
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-13-2008, 05:53 PM
Parent: #1

نسيت اقول

يا اشرف مصطفى شكرا ليك لسحب الصورة

Post: #74
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-13-2008, 09:30 PM
Parent: #73

يا اشرف مصطفى شكرا ليك لسحب الصورة

تسلمي يا حنين علي الرد لكن الصورة ما برجعها تاني

مسالة مبادئ ليس الا

اها تاني ما عندك عزر وتقدري تدخلي في بوستاتي

نشوفك قريب يا بت امي

اخوكي اشرف

Post: #75
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-13-2008, 10:07 PM
Parent: #1

اشرف
وروروووووووووووووووووووووك
صورتك دي اخير منها الاولى

Post: #76
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-13-2008, 10:13 PM
Parent: #75

Quote: صورتك دي اخير منها الاولى

استغفر الله العظيم

Post: #77
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-13-2008, 11:56 PM
Parent: #1

Post: #78
Title: Re: يا تمبس.. هاجر كباشى تلعلع فى المكتب!!!
Author: حمور زيادة
Date: 11-14-2008, 00:10 AM
Parent: #77

حنين .. ياخ انتي وين يا زوله؟؟؟
مالك الحاصل عليك ؟

Post: #80
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 00:28 AM
Parent: #1

Quote: يا هاله البرستيج لو دايراهو تعالي شيليهو سريع
لأنوقيقراوي برضو قال دايرو

ياسر يا صحبي هو الشي داك ياهو البرستيج ؟
قادر الله

زمني دا كلو حايم امفكو بلا برستيج ؟
كدي النمشي نشوفلنا برستيجاً نستر بيهو حالنا . . .

Post: #81
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 00:37 AM
Parent: #1

اشرف و حنين كدي باركوها
امي بت السيمت كان خسموها بالنبي بتقول : النبي ليهو الطاعة و الشفاعة
اها يتبرأ منكم

حنين و الله مشتاقين

التعديل للمطالبة بقرشي و كت طلعت راكب بص سيرة . . . مسحت الصورة

Post: #82
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-14-2008, 01:22 AM

قيقراوي

ازيك يا راقي

Quote: اشرف و حنين كدي باركوها
امي بت السيمت كان خسموها بالنبي بتقول : النبي ليهو الطاعة و الشفاعة
اها يتبرأ منكم

حنين دي اختي يا قيقراوي

انا ازعل من نفسي ولا ازعل منها

بعدين انا عملت فيها مقلب ختيت صورة شينة وهي علقت عليها وبعدين قاعدة تضحك

يعني ما ضحكت في صورة البروفايل الحالية دي

لكن يا حبوب انت ما تابعت الموقف

تسلم يا حبيب

اخوك اشرف

Post: #83
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 01:43 AM
Parent: #1

الله يديم المحبة يا اشرف ياخ
كدي اسمع الكلام دا و شوف كباشية دي جننتو كيف ؟ :
يا نسيم قول للازاهر نامت الناس وانا ساهر،،،،،،،،،،

Post: #84
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 02:01 AM
Parent: #1

اها يا هالة ابقي عشرة على برستيجك
و كلمي الباقين كلو واحد يخلى بالو من برستيشو
دي دشدشة ما بحملا برستيجاً ما مكرّب

هاجر كباشي " درش يدرش دش "

Post: #85
Title: Re: يا تمبس.. هاجر كباشى تلعلع فى المكتب!!!
Author: عبد الناصر الخطيب
Date: 11-14-2008, 03:55 AM
Parent: #1

الأخت المكرمه / هالة حسن
صباحك زين ,,,
__________________________________

الجاتك في برستيجك سامحتك

*سمعي ... ممكن يضيع أتخت برستيج بس في المكتب أحسن ( الهد فون )
تندمج في شغلك وتحويلتك ما ترد ... لحدي ما يرسلوا اليشوفك قاعد ولا زغته
يلقوك قاعد بمزاج يحسدوك عليهوا ...
بس ما سمعته رنت التلفون ... لكين لما تبقي الحته ملحوظة في إجتماعك مع مديرك
يبقي أحسن تودي السماعات الهد فون البيت وتخلي السماعات تلعلع في المكتب ...............

تقديري ,,,

Post: #91
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 01:10 PM
Parent: #85

عبد الناصر الخطيب،
Quote: سمعي ... ممكن يضيع أتخت برستيج بس في المكتب أحسن ( الهد فون )
تندمج في شغلك وتحويلتك ما ترد ... لحدي ما يرسلوا اليشوفك قاعد ولا زغته
يلقوك قاعد بمزاج يحسدوك عليهوا ...
بس ما سمعته رنت التلفون ... لكين لما تبقي الحته ملحوظة في إجتماعك مع مديرك
يبقي أحسن تودي السماعات الهد فون البيت وتخلي السماعات تلعلع في المكتب ...............

شكرا للنصيحة القيمة،

شكلها كدة،
أسأل مجرب،،،

بس ما فهمت أحسن الهيدفون ولا السماعات للبرستيج فى المكتب؟؟؟

عندى قصة تانية مع الهيدفون دة،
بجى بحكيها ليكم،،

Post: #86
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 09:11 AM
Parent: #1

أشرف مصطفى،

شكرا على الأغنية ياخى،
ح أقعد ليها بمزاج،،

قيقراوى،

أشرف و حنين،
ديل الإتنين ناس محترمين،
ما بحتاجوا زول يتدخل بيناتهم،،
عشان كدة،
أنا مبسوطة هم قاعدين بيتفاهموا (على سوء التفاهم)،
فى حوشنا المتواضع دة،،

أقعدوا عافية،،

Post: #88
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 11:28 AM
Parent: #86

Quote: ما بحتاجوا زول يتدخل بيناتهم،،

اها ما تلبنا من البص دا يا اخوانا من بي الليل ؟
تاني نعمل شنو ؟

يا هالة ما حداكم تراب نجي نسفوا ليكم قدامكم عشان تآمنوا ؟ . . .
بعيد عنك هنا نوعية التراب و جودتو ما بتتناسب مع البرستيج بتاعي

Post: #87
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 09:18 AM
Parent: #1

حنين يا حنينة،،

كيف أصبحتى؟؟
(طبعا بأعتبار، ح تشوفى الرسالة دى بالصباح و كدة..)،

أما بشأن الفيسبوك،
فأعرفكم أختى،
أننى أشعر بذات (الشئ) عند التعامل معه،،

بالعربى كدة،
دايما بجينى إحساس،
داير ليهو زول فايق و رايق،
و أنا الحمدلله،،،،

لكن حقيقة لقيتو مفيد جدا، فى الربط بأصدقاء قدامى،
فقدنا الصلة معاهم،،،

حاشية:
غايتو ما بعرف،
أتصرفى،،

Post: #89
Title: Re: يا تمبس.. هاجر كباشى تلعلع فى المكتب!!!
Author: طارق الكوتش
Date: 11-14-2008, 11:38 AM
Parent: #1

هاله يادفعه

بدل بوست اخونا تمبس كان مشيتى للبوست ده >
الفنان محمـــــد وردي ..

كان اترقيتى و بقيتى مدير عام .

مع خالص تقديرنا لك و لهاجر ( حلوه ده)

وبرضو كل التقدير لا خونا تمبس

Post: #90
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 12:54 PM
Parent: #1

قيقراوى،
صباحاتك،،،

Quote: يا هالة ما حداكم تراب نجي نسفوا ليكم قدامكم عشان تآمنوا ؟ . . .
بعيد عنك هنا نوعية التراب و جودتو ما بتتناسب مع البرستيج بتاعي

أولا،
أقبل الإعتذار مننا عشان التعليق،
و أسفين للمراجعة،،

لكن التعليق (بالنسبة لى )
كان بيخاطب حنين و اشرف أكتر من أى زول تانى،،

صحى جا باسمك،
لكن دة من عشمنا بس،،،

و عموما حصل خير،،،

مداخلتك الفوق دى،
ما ناسياها،
بس قاعدة أمرق فى كتب الفيزياء و الكيمياء و الميتافيزيا العندى،
عشان أحاول أربط،
و بجيك صادة،،،

____________________________
اشحن ليك تراب بحر،
ولا رملة ناعمة؟؟

Post: #92
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 01:15 PM
Parent: #1

كوتش،
(دفعة من وين؟؟؟
دة كلام شنو يا راجل؟؟)

Quote: بدل بوست اخونا تمبس كان مشيتى للبوست ده >
الفنان محمـــــد وردي ..

كان اترقيتى و بقيتى مدير عام .

ما قلنا دايرين نتثقف،
وردى دة شايفنو و عارفنو،
لكن خبرات ناس تمبس دى،
نجيبها من وين؟؟؟

بعدين مدير عام دى،
بستحقها أأأآى،
لكن قالوا صغير شوية،،،

بنتظر،،

Post: #93
Title: Re: يا تمبس.. هاجر كباشى تلعلع فى المكتب!!!
Author: طارق الكوتش
Date: 11-14-2008, 01:28 PM
Parent: #1

هاله معليش انا نسيت

Quote: كوتش،
(دفعة من وين؟؟؟
دة كلام شنو يا راجل؟؟)

انت اتخرجت قبل ثلاثه سنه ( وش سنونوا بره ) ... رغم انك ما ربتى ولا ادسمستى !

حلاتك وانت لابسه روب التخرج بقاعة الصداقه فى 2005 > الصور عندى انزلها

Post: #94
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 02:06 PM
Parent: #1

Quote: اشحن ليك تراب بحر،
ولا رملة ناعمة؟؟

رايك شنو تشحني لي رصيد ؟

أي حاجة من البحر بتكون كويسة و بتعمل ماتشينغ طوالي مع البرستيج بتاعي
و الله مسألة البرستيج دي حلوة خلاصة . . . و انا زمني كلو مضيعوا مع الناس الوهم ابو من غير برستيج

Quote: لكن العشم

عشم باكر ولا بتاع الساعة كم ؟
يا هالة اعتذار شنو ياخ
ما قلنا ليكم مكبرين الـ G و مروقين الـ D

لكن البت هاجر دي غناية البرستيج يطير و ما يرك بعدها

Post: #95
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 02:10 PM
Parent: #1

Quote: حلاتك وانت لابسه روب التخرج بقاعة الصداقه فى 2005 > الصور عندى انزلها

ما تنزلها يا طارق،
بسحرونى،،،

Post: #96
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 02:18 PM
Parent: #1

Quote: حنين .. ياخ انتي وين يا زوله؟؟؟
مالك الحاصل عليك ؟

حمور زيادة....قااااااااااااااعدة ابوي قاعدة اختاكم امشي وين انا.....بالمناسبة وحات خوتك امبارح عنونت بوست تحفة كده بي اسمك.....انا لي مدة طويلة من المنبر ده لكن امبارح بالذات لقيت لي مقطع فيديو في اليوتيوب تحفففففة كدة قمت فجأة كدة "امكن من تاثير متابعتي وقرايتي لي بوتاتك الايام دي" هفت لي اعنونه بي اسمك ..
والله بضحك في الرباط وفي العفوية الفيهو لي تلاتة شهور لي قدام كدة..المهم
فجاة اتذكرت انه انتوا في السودان مابتقدروا تشوفوا اليوتيوب...بعت الموضوع..المهم النية وصلت مش

بخصوص اشرف مصطفى....القصة كما يلي لغير المتابعين
حلفتوا يشيل بروفايل العضلات داك..

شالوا

شكرنا

خت لي صورة تانية غير الاسه دي اللي هي صورة مرعبة كدة...وغياظة في "آن واحد"

حلفنا

شالها

خت الصورة الاسه دي

"وكلام الله مابناباه لكن الفي اتعرفت"

هالة....والله ياهالة جيتي الجاية لي الخرطوم دايره ابرمج بيك عديل كدة...يااخي انتي زولة راقية عديل كدة..مرة تانية بوريك ليه.

قيقراوي.......وين الحي بيك ابوي ولا ضارب همبريب الرواكيب...بالجد جد...ازيك .

Post: #98
Title: Re: يا تمبس.. هاجر كباشى تلعلع فى المكتب!!!
Author: حمور زيادة
Date: 11-14-2008, 02:25 PM
Parent: #96

حنونة وينك ياخ ..
شوق الشوق لامن فوق ..

بركة الاطمنا عليك
Quote: فجاة اتذكرت انه انتوا في السودان مابتقدروا تشوفوا اليوتيوب

شكلك طولتي من البلد ..
ازمة البنزين انتهت .. صفوف العيش بقت مافي .. عباس دخل الجيش .. مروة جاها عريس لكن ابت قالت مرتبطه .. حسبو ود خالتي عواطف لقى شغل اخيرا .. سايق ركشه .. و اليو تيوب شغال

طمنينيا على ناس فتحيه بالله

Post: #97
Title: Re: يا تمبس.. هاجر كباشى تلعلع فى المكتب!!!
Author: طارق الكوتش
Date: 11-14-2008, 02:22 PM
Parent: #1

هاله

Quote: ما تنزلها يا طارق،
بسحرونى،،،

البسحروا ديل ناس العرضه جنوب ... اليس كذلك ؟

لكن ناس تمبس ديل ما عرفنا لونهم شنو !

Post: #99
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 02:31 PM
Parent: #1

قيقراوى،

Quote: أي حاجة من البحر بتكون كويسة و بتعمل ماتشينغ طوالي مع البرستيج بتاعي
و الله مسألة البرستيج دي حلوة خلاصة . . . و انا زمني كلو مضيعوا مع الناس الوهم ابو من غير برستيج

قصدك لولى يعنى؟؟
(لؤلؤ)،،،

أسمع يا قيقراوى،
لغاية الرصيد و السمك،
إحنا معاكم،
لكن تجى تقول لى حاجات تانية،
لا أصحابى، لا بعرفكم،،،

الواحد ما يغلط بس،،،

حسه شوف عرفتنا الصغيرة دى، عملت ليك برستيج،
كان لقيت شنو من أصحابك الزمان؟؟

الطمع كعب يا قيقراوى،،،

Quote: عشم باكر ولا بتاع الساعة كم ؟
يا هالة اعتذار شنو ياخ
ما قلنا ليكم مكبرين الـ G و مروقين الـ D

خلاص سحبناهو،
ولا تزعل،،

Quote: لكن البت هاجر دي غناية البرستيج يطير و ما يرك بعدها

بس إنت ما تخليهو يطير كلو،
اقول ليك حاجة،
مسكوا لزول،
بتحتاجوا تانى بعد ما هاجر تخلص و تلم العدة،،،

Post: #100
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 02:32 PM
Parent: #1

حمور زيادة

ايوي ايوووووووووووووووووووووووووووي

كان كدة النرجع البلد

Post: #101
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 02:39 PM
Parent: #1

Quote: قيقراوي.......وين الحي بيك ابوي ولا ضارب همبريب الرواكيب...بالجد جد...ازيك .

دا قولك
هو داب همبريب ؟ و معاهو دعاش و ريحة طمي
ما خليت راكوبة في خط موازي لبحر ابيض مع رحلة الاسكلا . . . بما فيها راكوبة الاستاذ بتاع كوستي *

كنت في السودان الشقيق و جيت لقيت الدنيا هكر و استقطاب مبدعين و مهمشين . . .

للضمان كدا كل عام و انتوا بالف بخير كان ما لاقيناكم في العيد الجاي

--------------------
اشهر محل سمك في المرسى . و ثبت في الاثر الكوستاوي الصحيح ان زيارة كوستي لا تصح الا بزيارته و الا استوجب تجاوز ميقاته الدم .

Post: #102
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 02:43 PM
Parent: #1

حمور،
Quote: ازمة البنزين انتهت .. صفوف العيش بقت مافي .. عباس دخل الجيش .. مروة جاها عريس لكن ابت قالت مرتبطه .. حسبو ود خالتي عواطف لقى شغل اخيرا .. سايق ركشه .. و اليو تيوب شغال

طمنتنى على حسبو لكن،،،

حنينـ،

طيب المرة الجاية دى متين؟؟
طمنينا برضو،،

Post: #103
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 02:43 PM
Parent: #1

حمور،
Quote: ازمة البنزين انتهت .. صفوف العيش بقت مافي .. عباس دخل الجيش .. مروة جاها عريس لكن ابت قالت مرتبطه .. حسبو ود خالتي عواطف لقى شغل اخيرا .. سايق ركشه .. و اليو تيوب شغال

طمنتنى على حسبو لكن،،،

حنينـ،

طيب المرة الجاية دى متين؟؟
طمنينا برضو،،

________________________________
حمور،
الشماتة ما معانا،
أنا بكلمك أهو،،،،

Post: #104
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 02:51 PM
Parent: #1

Quote: لكن ناس تمبس ديل ما عرفنا لونهم شنو !

أخضر بأستك.. ليه؟؟

و فى مقولة أخرى،
ديل ناس سمك أصليين،،
فريش من البحر،،،

ولا كيف يا تمبس؟؟

Post: #105
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 03:48 PM
Parent: #1

Quote: ازمة البنزين انتهت .. صفوف العيش بقت مافي .. عباس دخل الجيش .. مروة جاها عريس لكن ابت قالت مرتبطه .. حسبو ود خالتي عواطف لقى شغل اخيرا .. سايق ركشه .. و اليو تيوب شغال

دا كلو حصل بعد نا مشيت ؟

Post: #106
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 03:55 PM
Parent: #1

Quote: دا كلو حصل بعد نا مشيت ؟

قيقراوى،

ما باركت لحسبو،

بالغت لكن،

إنت فاضى من سمك كوستى؟؟؟

Post: #109
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 04:36 PM
Parent: #106

Quote: قيقراوى،

ما باركت لحسبو،

بالغت لكن،

إنت فاضى من سمك كوستى؟؟؟

ما عشان غايظاني البت مروة قريبتو دي
كل مرة جايبة ليها مكنة
كمان قال مرتبطة قال ؟

مع حسبو دا اللوم احسن يا زولة . . . وظيفتو على الركشة ما تأكلو صير مغلي ساي

Post: #112
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 04:52 PM
Parent: #109

قيقراوى،

Quote: ما عشان غايظاني البت مروة قريبتو دي
كل مرة جايبة ليها مكنة
كمان قال مرتبطة قال ؟

أتاريك إنت الخطيب الرفضتوه؟؟
و أنا ألوم فييك؟؟؟

معليش أمسحها فى وش مروى،
و كان ما لقيتها،
حمور قاعد،،،،

Quote: مع حسبو دا اللوم احسن يا زولة . . . وظيفتو على الركشة ما تأكلو صير مغلي ساي

لكن يا قيقراوى ياخى،
دة براه و دة براه،
بارك ليهو بس،
ما قلنا ليك تصاحبوا،،،

Post: #114
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 06:07 PM
Parent: #112

Quote: أتاريك إنت الخطيب الرفضتوه؟؟
و أنا ألوم فييك؟؟؟

لا دا ما انا . . . انا الاولاني بتاع دايرة تكمل تعليما داك
انا وقتها كنت مرتبط بحفلة في الحلة الجمبهم

Quote: حمور قاعد،،،،

الحالة ؟؟؟؟
كان كيدا ما شاء الله على الطول

Post: #126
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-15-2008, 07:39 AM
Parent: #114

Quote: لا دا ما انا . . . انا الاولاني بتاع دايرة تكمل تعليما داك
انا وقتها كنت مرتبط بحفلة في الحلة الجمبهم[/QUOTE ]

متعاون مع هاجر كباشى كمان؟؟؟

Quote: Quote: حمور قاعد،،،،

الحالة ؟؟؟؟
كان كيدا ما شاء الله على الطول

هو حمور عامل نفسو ما سامع ولا شنو؟؟

Post: #113
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 05:41 PM
Parent: #109

مكرر،،،

Post: #107
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 03:58 PM
Parent: #1

للضمان كدا كل عام و انتوا بالف بخير كان ما لاقيناكم في العيد الجاي

وانت بالف خير ياقيقراوي...لكن ماااااااااااااافاتك كتير ابوي....
خلي بس في سرك.

Post: #110
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 04:43 PM
Parent: #107

Quote: وانت بالف خير ياقيقراوي...لكن ماااااااااااااافاتك كتير ابوي....
خلي بس في سرك.

الله عالم انتو الفاتكم كتير
ياخ السودان دا لذيذخلاس في العيد و في غير العيد ذاتو و ناسوا لذاذ . . . باسطة بس
اها شفت ليكم حمور و زيادة كمان . . . جهرةً من غير حجاب

المرة الفاتت قلتا ليك بدري بدري عشان كنت ماشي السودان . . .
اسي ماشي الحج

Post: #115
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 06:10 PM
Parent: #110

قيقراوي

حجا مبرورا وسعيا مشكورا

عليك الله ادعي لي معاك، النبي فيك

Post: #116
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 06:36 PM
Parent: #115

Quote: قيقراوي

حجا مبرورا وسعيا مشكورا

عليك الله ادعي لي معاك، النبي فيك

ها ما تخسمي ساي . . . ما ماشي احج
مش قالو فيهو منافع ؟
اها نحن بتوع الاتوبيس

ماشي اشتغل . . . اكل عيش ؤ كدا

Post: #117
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 06:43 PM
Parent: #116

Quote: ماشي اشتغل . . . اكل عيش ؤ كدا

انا زاتي في شري قلت قيقراوي ده خلاص كمل....الذنوب وماشي يستغفر ..لسه صغير وجاهل

ياخي خلاص مادايراه معاك تاني... ماترد عشان انا لمن ترد لازم ارجع ارد..والايام دي انا مقلة وكدة مافاضية ليكم

Post: #118
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 06:45 PM
Parent: #116

Quote: ها ما تخسمي ساي . . . ما ماشي احج
مش قالو فيهو منافع ؟
اها نحن بتوع الاتوبيس

قيقراوى،
أها وقت تصلوا عرفة،
يوم الدعاء،
ما برفع إيدك مع الناس؟؟

حنين،
خليكى من قيقراوى دة،
رسلى لى أدعيتك بالإيميل،
بعمل ليها أتاتش،،،

Post: #119
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 07:34 PM
Parent: #118

Quote: قيقراوى،
أها وقت تصلوا عرفة،
يوم الدعاء،
ما برفع إيدك مع الناس؟؟

ما بنصل عرفة لكن حدنا منى بس
ما سألتنّي ماشي اشتغل شنو ؟
شيطان اركز للفليق بتاع الحجاج دا
غايتو فيهم ناس فنانين ( جداعين ) خلاص
و في ناس بتتمها نبذ بس من جنس : ( الله ياخدك اخدت قوزي " تعني بعلها المصون " )

Quote: حنين،
خليكى من قيقراوى دة،
رسلى لى أدعيتك بالإيميل،
بعمل ليها أتاتش،،،

هالة ياخ ما تلخبتي التخسسات هنا
شغل الفقارة الالكترونية دا تخسسنا. . . بالله ما تأملوا شغب ياخ

Post: #120
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 08:30 PM
Parent: #119

Quote: ما بنصل عرفة لكن حدنا منى بس
ما سألتنّي ماشي اشتغل شنو ؟
شيطان اركز للفليق بتاع الحجاج دا
غايتو فيهم ناس فنانين ( جداعين ) خلاص
و في ناس بتتمها نبذ بس من جنس : ( الله ياخدك اخدت قوزي " تعني بعلها المصون " )

قيقراوى،
لا ياخ،
الشغلة دى ما بنرضاها ليك،،،

أقول ليك أحسن شى،
إنت أمشى لم ليهم الشباشب (ولا مؤاخذة)،
بعد الرمى،
بكونوا محتاجينها بعد الزعلة تفوت،،،

Quote: هالة ياخ ما تلخبتي التخسسات هنا
شغل الفقارة الالكترونية دا تخسسنا. . . بالله ما تأملوا شغب ياخ

قيقا،
الإختساس بتاع الدعاوى الإلكترونية دة،
حقنا من زمان،
إنت اللخبت،،،،

خليك فى الحاجات التانية ديك،،
لغاية حسه ما شفنا منكم شى،،،

Post: #123
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 08:53 PM
Parent: #120

Quote: قيقراوى،
لا ياخ،
الشغلة دى ما بنرضاها ليك،،،

أقول ليك أحسن شى،
إنت أمشى لم ليهم الشباشب (ولا مؤاخذة)،
بعد الرمى،
بكونوا محتاجينها بعد الزعلة تفوت،،،

بالجد قاعدين نمشي نبيع صكوك الغفران للحجاج
سمعتن بالهدي و الفدية ؟
اها دي الحاج ما عليهو الا يستلم ورقة ( كوبون ) انو خالص الدمغة و الضريبة . . . دم مافي

المؤاخذات هينة الكلام في البقع منو حجر بتمها سب دين للشيطان !!!؟
دا نرجعوا ليهو كيف ؟ نسب ليهو ؟

Quote: قيقا،
الإختساس بتاع الدعاوى الإلكترونية دة،
حقنا من زمان،
إنت اللخبت،،،،

خليك فى الحاجات التانية ديك،،
لغاية حسه ما شفنا منكم شى،،،

ديك ياتو ؟ برضو الجندر لاحقنا هنا ؟
لا ياختي ما تسلبطي ساي نحنا دايرين الجدادة انتي قالوك مصطلح " بياض " دا جاء من وين ؟

Post: #121
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 08:32 PM
Parent: #119

قيقراوى،
دة الشغل ولا بلاش،

لقيتك متمسك بحقوقك،
و معاك شهادة حنين،
كدة كلو تمام يا بيه،،،

_____________________________
مصطلح بياض جا من وين؟؟
تصدق ما فكرت فيها قبل كدة؟؟
أنتم (أهل الإختساس) أدرى،،،

Post: #122
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 08:34 PM
Parent: #119

Quote: هالة ياخ ما تلخبتي التخسسات هنا
شغل الفقارة الالكترونية دا تخسسنا

ااي بالله ياهالة ماتلخبتي التخسسات
قيقراوي ده..تخسسنا
قلت لي اخصائي فقر وباطنيةوتحجيم واتصالات ورمي جمرات...........

Post: #108
Title: Re: يا تمبس.. هاجر كباشى تلعلع فى المكتب!!!
Author: سناء عبد السيد
Date: 11-14-2008, 04:07 PM
Parent: #1

هالة يختي بركة البقت هاجر كباشي و ما بقى النور الجيلاني

اسة اتخيلي كان يكون النور الجيلاني و تكون الاغنية اغنية vivi

و الله ما كنتي فقدتي البريستيج بس و الله كان فقدتي الوظيفة زاااتا

Post: #111
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-14-2008, 04:48 PM
Parent: #108

سناء عبد السيد،
سلامات،

Quote: اسة اتخيلي كان يكون النور الجيلاني و تكون الاغنية اغنية vivi

و الله ما كنتي فقدتي البريستيج بس و الله كان فقدتي الوظيفة زاااتا

والله كان كدى،
البرستيج هين،
مافى زول مشاركنى فيه،
و أهو ناس بيناوى و قيقراوى قالوا بجيبوا لى واحد تانى،

لكن الوظيفة،
تانى وين نلقاه؟؟؟

شكرا ليكى يا سناء نبهتينى،،،

Post: #124
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-14-2008, 09:06 PM
Parent: #1

Quote: ااي بالله ياهالة ماتلخبتي التخسسات
قيقراوي ده..تخسسنا
قلت لي اخصائي فقر وباطنية وتحجيم واتصالات ورمي جمرات...........

اي و الله يا حنين . . . سبع صنائع و البخت ضائع

شغلة الجمرات دي قالو المصريين لقوا نفسهم اكتر الحجاج - و دي حقيقة - قالو لحسني مبارك نعمل الحج دا عندنا في مصر المهم ما اقتنع بكلامهم و بقى يرمي ليهم في الاسئلة الصعبة الطواف ح يكون وين ؟ و هم يقترحوا في الحلول . . و هو يصعب فيها لما رمى ليهم السؤال الكان بفتكر انو ح يهزمهم بيه : طيب الشيطان ح نقيبوا منينننننن ؟؟
قالوا ليه : معليش سعادتك في دي استحملنا شوية . . . اهي كلها كم يوم و تعدي على خير ان شاء الله

Post: #125
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-14-2008, 09:25 PM
Parent: #1

Post: #127
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-15-2008, 07:50 AM
Parent: #125

Quote: و فى مقولة أخرى،
ديل ناس سمك أصليين،،
فريش من البحر،،،

ولا كيف يا تمبس؟؟
ااي والله يا هـاله .. لكن مالك نسيتي سلطة الدكـــوة
في سمك بياكلوهو بدون سلطة دكــوة ..؟

Post: #129
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-15-2008, 08:19 AM
Parent: #127

Quote: مع خالص تقديرنا لك و لهاجر ( حلوه ده)
وبرضو كل التقدير لا خونا تمبس

Quote: لكن ناس تمبس ديل ما عرفنا لونهم شنو !
.. سلامات يا كوتش ..
نحن لونـا أزرق بي ابيض .. وعندنا حساسية مع اي لون احمر بطيخ ما قاعدين ناكلو ..
اصحى للون يا كوتش .. أصحى للون.

Post: #128
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-15-2008, 08:10 AM
Parent: #1

Quote: ااي والله يا هـاله .. لكن مالك نسيتي سلطة الدكـــوة
في سمك بياكلوهو بدون سلطة دكــوة ..؟

سلطة الدكوة و الشطة الخضراء كمان و جميع أنواع الشطوط،

لكن يا تمبس الناس الاكالين صحى،
السمك ده،
عيش ما بياكلوه معاه،

كدة لزوم، مافى طعم يلخبط عليهو،،،

ناس خبرات،،،

Post: #130
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-15-2008, 08:27 AM
Parent: #128

Quote: السمك ده،
عيش ما بياكلوه معاه،
.. عايني
إنت فتحتي موضوع السمك دا براك ..
حسع خايف اقوم اشرح (واسترســل) قيقراوي دا تخنقو شوكــة نبقى حسع دي في اجرو الحوادث .. ويلاكم القصر العيني ..

الدنيا صباح يا هالة ما تجيبي سيرة البحــر .. نحن ناس قاعدين على الهبشة .. نقوم نغرق ليكم ساكت ..

Post: #134
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-15-2008, 09:16 AM
Parent: #130

Quote: إنت فتحتي موضوع السمك دا براك ..
حسع خايف اقوم اشرح (واسترســل) قيقراوي دا تخنقو شوكــة نبقى حسع دي في اجرو الحوادث .. ويلاكم القصر العيني ..

الدنيا صباح يا هالة ما تجيبي سيرة البحــر .. نحن ناس قاعدين على الهبشة .. نقوم نغرق ليكم ساكت

تمبس،
إنتو الغربة خلتكم تبقوا مساكين و لا شنو؟؟

السمك دة كمان د\اير ليهو صباح و لا مساء؟؟

حسه لو كنت هنا،
شغال فى (أى) مكتب ح....،
أو فى عيادة عامة،
أو حتى محكمة!!،

كان قعدت بالساعتين و التلاتة،
تاكل فى السمك (فى الصباح داك)،
و تمصمص فى الشوك،،،

و بعدين قيقراوى دة ما فاضى لينا،
كمل سمك كوستى كلو،
و حسه قالوا ليهو فى مكة فى سمك حايم،
(ما عارفة كيف)،
لكن منتظرنو يجى يكلمنا،،،،

Post: #131
Title: Re: يا تمبس.. هاجر كباشى تلعلع فى المكتب!!!
Author: Amira Elsheikh
Date: 11-15-2008, 08:48 AM
Parent: #128

السادة اصحاب البريستيج سلام ...

انا حالعلع باسر رجعى ....

لانو لى كم بشوف البوست دا ويدى محرقانى بس الله غالب ..

هالة وتمبس وحنين وبقية المجانين ازيكم

قيقراوى ..

حمدالله على السلامة بالشوفة وبركة الرجعت لكيبوردك سالما

اها الخميس الفات وعلى بعد خطوتين من محل شغلى هاجر كباشى

كانت بتلعلع وعلى الهواء مباشرة .. قال ليك الاعمى شايل المكسر

يعنى كان الخواجة ادانى فرصة كان فركة كعب

باخد لى زوغة امتع اضانى وعينى واجى راجعة لكن تقولو شنو هنامافى اى طريقة

لاى حاجة ومابتقدر تقول لى الخواجة حبوبتى ماتت ولا جيرانا رفع الفراش حق خالتهم

كان مات ابوك زاتو هنا الناس بتقول سورى فور سيز (سورى دى لليلة ماقادرة ابلعها فى مسالة الموت دى)

المهم وعلى ذمة الرواى صاحب البريستج قال لى كانت مبالغة وهاجر كباشى دى

غنت جنس غنا..

مش قلت ليكم انا حالعلع باثر رجعى؟؟

Post: #132
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-15-2008, 08:58 AM
Parent: #1

Quote: .. سلامات يا كوتش ..
نحن لونـا أزرق بي ابيض .. وعندنا حساسية مع اي لون احمر بطيخ ما قاعدين ناكلو ..
اصحى للون يا كوتش .. أصحى للون.

يا تمبس،
أهو لونكم دة بلفق مع ناس الكوتش تمام،

أساسا،
ما بفهموا أى لون تانى،،،

شكلكم كدة أتصاحبتوا،،،

لينا الاجر والله،،

Post: #133
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-15-2008, 09:06 AM
Parent: #1

بت الشيخ،
وينك إنت يا زولة،
بركة الهاجر كباشى مرقتك (من عزلتك)،

Quote: اها الخميس الفات وعلى بعد خطوتين من محل شغلى هاجر كباشى

كانت بتلعلع وعلى الهواء مباشرة .. قال ليك الاعمى شايل المكسر

قلت لى لايف،
و ما مشيتى حتيتى برستيجك،،

والله زعلتينى زعل،،

حسه ناس تمبس ديل،
يكون موقفهم شنو فى الأمم المتحدة،،

لأ كدة،
تووو متش،
تووو متش،،

الله يكون فى عونك يا زولة،

أهى دى،
تستاهل يتفتح ليها بوست براهو،،
و الناس تجى و تتشاور،
لازم الية خطط الطوارئ تكون مفهومة و معروفة للكل عند التعامل مع أولاد جون و سام ديل،،

دعوة للنقاش،،،

Post: #135
Title: Re: يا تمبس.. هاجر كباشى تلعلع فى المكتب!!!
Author: Amira Elsheikh
Date: 11-15-2008, 09:27 AM
Parent: #133

Quote: لازم الية خطط الطوارئ تكون مفهومة و معروفة للكل عند التعامل مع أولاد جون و سام ديل،،

هالة الله يطمنك ....

اليات دى شغل اصحاب البريستيج ناس هندسة تحديدا(وش خبييييييييييث)

شوفو لينا الية سريعة لانى انا متضايقة شديد ... لانو الدوحة دى هنا السودانيين طوالى رابنها

والله بس تقولى نحن وين مابعرف ....

هالة...

مسنجر زاتو مافى عشان الزول كان فى كلام محرقو داير يقولو..

Post: #136
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-15-2008, 09:38 AM
Parent: #135

Quote: مسنجر زاتو مافى عشان الزول كان فى كلام محرقو داير يقولو..

يازولة قولي ,.. نحن هنا دا أخـوان .. اي كلام عايزه تقوليهو قوليهو طوالي ماف بيناتنا (اسرار) ولا (نانسي)

Post: #137
Title: Re: يا تمبس.. هاجر كباشى تلعلع فى المكتب!!!
Author: Amira Elsheikh
Date: 11-15-2008, 09:44 AM
Parent: #136

Quote: اي كلام عايزه تقوليهو قوليهو طوالي ماف بيناتنا (اسرار) ولا (نانسي)

بينا هاجر كباشى يااخوى ..

وبعدين اقراء مداخلتى الفوق دى بهمك .. عشان تعرف انو فعلا بينا هاجر كباشى

Post: #138
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-15-2008, 10:06 AM
Parent: #137

Quote: حسه ناس تمبس ديل،
يكون موقفهم شنو فى الأمم المتحدة،،
.. عادي والله يا هــالة .. كان المسالة فيها خيانات بنستعمل حق (الفيمتو) ..
Quote: وبعدين اقراء مداخلتى الفوق دى بهمك .. عشان تعرف انو فعلا بينا هاجر كباشى
..
ايووووة عشان كدا .. خلاص اتفقنـا يللا رسلي لي الكلام السر دا في رسالة قصيرة .. إنت عارفاني التقنية بتاعت الايميل والحركات دي ما بعرف ليها ..

Post: #139
Title: Re: يا تمبس.. هاجر كباشى تلعلع فى المكتب!!!
Author: Amira Elsheikh
Date: 11-15-2008, 10:15 AM
Parent: #138

Quote: خلاص اتفقنـا يللا رسلي لي الكلام السر دا في رسالة قصيرة .

عشان تردها لى بعد يومين.. مش ؟؟

ابيييييييييت..

Post: #140
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-15-2008, 10:28 AM
Parent: #139

Quote: ابيييييييييت..
ياخ خلي اخلاقك رياضية .. إنت صفوة ياخ

Post: #141
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-15-2008, 01:31 PM
Parent: #1

Quote: هالة وتمبس وحنين وبقية المجانين ازيكم

قيقراوى ..

حمدالله على السلامة بالشوفة وبركة الرجعت لكيبوردك سالما

اي يا قريبتي فرز الكيمان سمح

المجانين في نعيم
و قيقراوي براه . . .

الله يسلمك و كل سنة وانت طيبة ياخ ، و الله كنت عاوز اعيد عليك لكن الله يجازي اللكان الهكر

تكوني طولتي من الحتات دي مش ؟ اها قلتي لي حافظة الرحلة من الاسكلة لي ملكال ؟
دي آخر شموس رمضان 1429 هـ في " الرقيق " بعد " الشوال " البعد " الكوة "
اها دي كلها ما وردت في الاغنية باستثناء " الكوة " و لا حتى في " ظبية البص السريع "

Post: #142
Title: Re: يا تمبس.. هاجر كباشى تلعلع فى المكتب!!!
Author: Amira Elsheikh
Date: 11-15-2008, 02:41 PM
Parent: #141

Quote: تكوني طولتي من الحتات دي مش ؟ اها قلتي لي حافظة الرحلة من الاسكلة لي ملكال ؟

هى داب طولة والله قرمانة قرم عديل للخلا داك والحلال المجدعة فيهو دى

Quote: دي آخر شموس رمضان 1429 هـ في " الرقيق " بعد " الشوال " البعد " الكوة "

دايما ياقيقا بتختنا فى حتات ضيقة من القيقر لى الرقيق

والرقيق دى فى ناس حيحروفها لحدى ما تبقى رقة عديل(اسي القا دى يقروها كيف)

وحاة الله ماكان محتاج تقول جنب الشوال ولا جنب اللعوج

وكان ماخايفة عليك الحرج كان وريتك المحل داااااااك بالضبط والبحصل

فيهو..

ياخ انا اكتر من 20سنة خدمة فى الشارع دا تجى تقول جنب الكوة ؟؟

والله همشتنى شديد...

_______________________________

والله فاقدنك شديدوبركة بالجية

Post: #143
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-16-2008, 00:05 AM
Parent: #142

up

Post: #144
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-16-2008, 00:30 AM
Parent: #1

Quote: وكان ماخايفة عليك الحرج كان وريتك المحل داااااااك بالضبط والبحصل

فيهو..

خليها بيناتنابس يا بت عمي . . .
بحر ابيض ؤ كدا
بالله بطلي نظرات بزاوية حرجة ياخ
خلي الناس تاخد راحتا

Quote: _______________________________

والله فاقدنك شديدوبركة بالجية

يباركوا ليك السمح
الله يخليك يا اصيلة

Post: #145
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-16-2008, 06:34 AM
Parent: #1

صباح الخبرات،
و عذرا يا جماعة للإنقطاع المفاجئ،،

أصل الحكاية،
إنو جهازى فجاءتن كدة عطش و داير قال يشرب موية،

الظاهر كان ماكل سمك يا تمبس،،،،

أميرة الشيخ،
قيقراوى،
البركة فى البوست دة،
ليه أجر كبير،،،

بس مافى زول داير يقول كدة،،

أشرف مصطفى،
شكرا للعتالة،،
إنشالله ما قومت نفسك،،
حقك علينا،،

Post: #146
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-16-2008, 06:34 AM
Parent: #1

حذف للتكرار،،

Post: #147
Title: Re: يا تمبس.. هاجر كباشى تلعلع فى المكتب!!!
Author: ابراهيم محمد الحسن
Date: 11-16-2008, 08:27 AM
Parent: #146

تمبس ،،
Quote: نحن لونـا أزرق بي ابيض .. وعندنا حساسية مع اي لون احمر بطيخ ما قاعدين ناكلو ..

كان كدي انت حارم نفسك من الفواكه عااامة

يا ربي في فاكهة لونها أزرق ?

Post: #148
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-16-2008, 09:01 AM
Parent: #147

Quote: كان كدي انت حارم نفسك من الفواكه عااامة
يا ربي في فاكهة لونها أزرق ?
طبعا لا يا ابراهيم ..
أول حاجة أنا نباتي خالص وبتاع خضروات وسمك وشية.. ولونــا
دا لو احتاج لي فواكـه بيشربه عصير .. دي خبرة (خمسة سنوات ) على التوالي (عصر جــد)
يعني عادي جدا .. (البطيخ + المنقة) .. ( بنعصرم) لمن يكبو الزيت .. بس إنت جهز جردلك إنت لسه شفت ليك (عــصر)

يا هــاله نجيب ليك عصير برتقـال .. واللا كدا كويس ..؟

Post: #149
Title: Re: يا تمبس.. هاجر كباشى تلعلع فى المكتب!!!
Author: معاذ حسن
Date: 11-16-2008, 09:20 AM
Parent: #148

تمبس اليومين دي بقيت أشف من معتصم ذاتو.

Quote: .. بنستعمل حق (الفيمتو

في السقط دا

Post: #150
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-16-2008, 09:32 AM
Parent: #149

Quote: تمبس اليومين دي بقيت أشف من معتصم ذاتو.

نكبر دماغنـا ما ينفع معاك يا معاذ ..
(نشــف) ما تريحونــا ..
ياخ إنت ما تصبر لي حبتين مش احتمال قاعـد (استشف ) فوق راي ..؟

لكن بيني وبنيك يا معاذ..
أنا عامل نسخة احتياطي من معتصم .. أعلى مستوى شفافية وصل ليهو .. طبعا قبال التعديلات الأخيرة
قلت ليك راقد لي فوق راي لكن ما بتصدقني ..

Post: #151
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-16-2008, 10:25 AM
Parent: #1

تمبس سلام،

Quote: يا هــاله نجيب ليك عصير برتقـال .. واللا كدا كويس ..؟

لأ،
أنا مزاجى Tropical Blue

و اقول ليك حاجة،
ناس الاحمر ديل،
اعصروهم لمن لونهم يكمل ذاتو،،،

Post: #152
Title: Re: يا تمبس.. هاجر كباشى تلعلع فى المكتب!!!
Author: tmbis
Date: 11-16-2008, 11:36 AM
Parent: #151

Quote: لأ،أنا مزاجى Tropical Blue

المصيبة القلتيها دي اوعـه علبته تكون خضــرا وفوقـه نجمة حمراء يا هــاله ..؟

الله يقدرك تكسري ليها تلج .. وتتصوري جمبهــا ..
بالنسبة لي ناس الأحمر ديل .. لاقيني بكرة بالليل كان الله حيانا في البورد دا .. لكن لو عصرونا أووعك تسالي مني بخســرك ..

Post: #153
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-16-2008, 12:03 PM
Parent: #152

Quote: المصيبة القلتيها دي اوعـه علبته تكون خضــرا وفوقـه نجمة حمراء يا هــاله ..؟
الله يقدرك تكسري ليها تلج .. وتتصوري جمبهــا ..

لا والله،
(وش برئ)،،،

دى بشربوها فى (كباية) فى الكافى عادى عندنا فى الخرتوم،
و كمان تاكل معاها قطعة جاتو.. بس،،

Quote: بالنسبة لي ناس الأحمر ديل .. لاقيني بكرة بالليل كان الله حيانا في البورد دا .. لكن لو عصرونا أووعك تسالي مني بخســرك ..

أوكى..
فهمت،،

________________________________
إنشالله يا تمبس و معاك ناس الكوتش تنومو بكرة مبسوطيبن،
و كان ما نمتو ذااتو، ما مشكلة يعنى،
ما دام فرحانين،

ناس أميرة الشيخ و إبراهيم ديل،
برضو ببقو أصحابنا،،،

Post: #154
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-16-2008, 12:12 PM
Parent: #1

أميرة الشيخ،

كلام أمبارح،

Quote: اليات دى شغل اصحاب البريستيج ناس هندسة تحديدا(وش خبييييييييييث)

الظاهر كدة،
ما متأكدة،،،،
كدة أسألى كيكى،،

Quote: شوفو لينا الية سريعة لانى انا متضايقة شديد ... لانو الدوحة دى هنا السودانيين طوالى رابنها

والله بس تقولى نحن وين مابعرف ....

ما قلت ليكى،
الناس تجتمع و تبحث الموضوع من كل جوانبه،
و فى النهاية لازم تصل لنتايج مرضية و فعالة للمشاركات (بتاعة الربات و كدة ..)،

ناس تمبس و صحبه،
الظاهر ما فاضيين لينا اليومين ديل،،

نديهم فرصة شوية،،

و يا أميرة، عليكى الله ما فينا من زعل،،،

___________________________
غايتو (الله يستر..)،،

Post: #155
Title: Re: يا تمبس.. هاجر كباشى تلعلع فى المكتب!!!
Author: قيقراوي
Date: 11-17-2008, 00:36 AM
Parent: #1

Quote: قنقراوى،
البركة فى البوست دة،

قنقراوي بالغاء ؟ . . .
قنقر ؤ كدا يعني ؟ . . . عيش الريف ؟؟ ذرة شامية عديل كدا ؟؟؟
هييييييي و تاني هيي يا هندسة : قيقر ماشي الحال . . . رِقِيّق اهي في الدرب . . . ام رقيقة ( ام انثى معكوس قيقر ) ما بطال. . . معاك حتى قرقريبة اهي بتعمل الكسرة البتعمل ماتشينغ مع ام رقيقة ما قلنا حاجة . . . لكن تنسبونا لعيش الريف دي كدا بنرفع عليكم قضية ( نسب ) في " محكمة الكاوبويات " * في كوستي

Quote: البركة فى البوست دة،

لا حولتن الا بالله و البوست مات ليهو منو ؟

-------------------
* المحكمة الشعبية

Post: #156
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-17-2008, 06:30 AM
Parent: #155

قيقا،

أولا حظك كدة،
جهازى عامل فيها شغال براسو براااهو،
شى يسويه و شى يخليه،

إيه رايك،
والله والله أنا صححت الإسم بعد ما مشى،
الظاهر جا راجع تانى،

أكيد فى سر،،

حسه إنت ذاااتك بالغت،

أصححه ليك تانى كيف،
بعد ما أثبت الحالة كدة،،

الواحد ما يغلط أصلو،،

Post: #157
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-18-2008, 00:44 AM
Parent: #156

اب

Post: #158
Title: Re: يا تمبس.. هاجر كباشى تلعلع فى المكتب!!!
Author: حنين للبلد
Date: 11-20-2008, 02:15 PM
Parent: #1

هالة

اها الزول لو داير يمرر ليك شمار، يمررو كيف
الماسنجر معطل، والايميل والتلفون ضاع مع هجمة امدرمان الاخيرة الهكرية

الحل شنو في رايك؟؟؟؟؟؟؟؟؟؟؟؟؟؟؟؟؟؟؟؟؟

Post: #159
Title: Re: يا تمبس.. هاجر كباشى تلعلع فى المكتب!!!
Author: ASHRAF MUSTAFA
Date: 11-25-2008, 01:15 AM
Parent: #158

...

Post: #160
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-25-2008, 07:07 AM
Parent: #1

أشرف مصطفى،
كتر خيرك ياخى،
تاعبنك معانا،

تصدق شمار حنين الرايح ليها دة،
أنا ما شفتو؟؟؟

نجازيك كل خير إنشالله،،،

Post: #161
Title: Re: يا تمبس.. هاجر كباشى تلعلع فى المكتب!!!
Author: Hala Hassan
Date: 11-25-2008, 07:09 AM
Parent: #1

حنين،
سلامات يا صاحبتى،

Quote: اها الزول لو داير يمرر ليك شمار، يمررو كيف
الماسنجر معطل، والايميل والتلفون ضاع مع هجمة امدرمان الاخيرة الهكرية

تصدقى مشكلة فعلا،

الله يجازى الكان السبب،

هاكى دة،
و ما تقوليش لحد،
[email protected]