Post: #1 Title: بـقـيـت ......... جــافــي Author: هاشم أحمد خلف الله Date: 11-08-2008, 12:37 PM
بقيت جافي تخاصمني وتعمل فيها مٌتناسي نسيت ريدي ونسيت حبي نسيت زمناً معاك صافي نسيت أيامي في قُربك وعارف قلبي ليك وافي تعمق في جروحي جروح وعندك كل شئ عادي حقيقة العُشرة تنساها !! ولا نويت تكون قاسي شغلت قليبي بِريدك ملكتا كياني وإحساسي حرام والله تبقى بعيد تزيد لهفي واشواقي وحبك كان سبب فرحي ونور دربي وكان زادي نسيت كل اللي كان بينا نسيت عهد الهوى الماضي لا شمساً علي تشرق تنور دربي يا جافي غلبني الشوق وما بقدر وآهـ لو شوفتا عبراتي وريدك فيني إتغلغل سكن جواي وما خافي عليك الريدة يوم أسال وما تلعب بإحساسي كفاية عذابي في حبك وحبك كان فجُر زاهي
Post: #2 Title: Re: بـقـيـت ......... جــافــي Author: هاشم أحمد خلف الله Date: 11-08-2008, 12:51 PM Parent: #1
Post: #4 Title: Re: بـقـيـت ......... جــافــي Author: هاشم أحمد خلف الله Date: 11-08-2008, 01:18 PM Parent: #3
Quote: قصيدة رهيبة جدا
ما شاء الله .. كتااااب
ومبروك اللحن وبي صوت منو حا نسمعها ولا مفأجاة ؟؟
تحياتي وبالتوفيق يارب
نعومة الحبيبة سعيد والله بمداخلتك وشكراً كتير لإحساسك العالي والله يا إنعام لمن تسمعي اللحن ما حا تصدقي ( مبالغة ) اللحن إستمع ليهو عدد قليل من البورداب بدون عود لكن انا واثق انو حا يعجبكم كلكم خليك قريب يا نعومة
Post: #5 Title: Re: بـقـيـت ......... جــافــي Author: هاشم أحمد خلف الله Date: 11-08-2008, 01:36 PM Parent: #4
إنشاء الله بصوت عزالدين أوباما ههههههههههههههههههههههههها
Post: #17 Title: Re: بـقـيـت ......... جــافــي Author: هاشم أحمد خلف الله Date: 11-09-2008, 07:08 AM Parent: #6
Quote: إنشاء الله بصوت عزالدين أوباما ههههههههههههههههههههههههها
عزو الفنان الجميل والله تستاهل يأخي انت زول مبدع شاعر وملحن ومطرب ادينا شوية معاك بيننا لقاء إن شاء الله بس انا منتظر الفنان الأستاذ مرزوق عشان نكمل البروفة وبعدين ننزل العمل هنا وانا واثق انو حا يعجبكم لوك الصبر يا حبة
Post: #85 Title: Re: بـقـيـت ......... جــافــي Author: عزالدين آدم علي Date: 11-13-2008, 07:25 AM Parent: #17
ازيك يا سيد الاحاسيس الرقيقة والعميقة ....وذات الابعاد التي تتوهنا ونتوووووووه ....ونرجع لزولنا البقى جافي دا ... ياربي يكون مالو ...ما اظن يكون زعلان منك شكل ما بتزعل زول ... بقيت جافي دي كمان كوم كبير ..... كيفك يا استاذ وانا البوست دا جاياه تاني لك محبتي
الشاعر الشفيف هاشم أحمد خلف الله كلام زي الدهب يسلم فهمك وقلمك
ولك أطيب التحايا .
Post: #23 Title: Re: بـقـيـت ......... جــافــي Author: هاشم أحمد خلف الله Date: 11-09-2008, 11:24 AM Parent: #10
Quote: الشاعر الشفيف هاشم أحمد خلف الله كلام زي الدهب يسلم فهمك وقلمك
ولك أطيب التحايا .
حباب الملكة ست الدار مرورك والله شرفنا وكلماتك تسعد الزوار اريت لو كل يوم اكتب قصيدة او موال
ترقبي اللحن يا سمية وإن شاء الله يعجبك
Post: #20 Title: Re: بـقـيـت ......... جــافــي Author: هاشم أحمد خلف الله Date: 11-09-2008, 07:59 AM Parent: #9
Quote: ازيك يا سيد الاحاسيس الرقيقة والعميقة ....وذات الابعاد التي تتوهنا ونتوووووووه ....ونرجع لزولنا البقى جافي دا ... ياربي يكون مالو ...ما اظن يكون زعلان منك شكل ما بتزعل زول ... بقيت جافي دي كمان كوم كبير ..... كيفك يا استاذ وانا البوست دا جاياه تاني لك محبتي
نعمات العسل مشتاقين يا زولة كتير والله آهـ وتاني آهـ يا نعمة خليها في سرك بس الله في ولك من المحبة اضعاف مضاعفة في إنتظار جيتك التانية
Post: #19 Title: Re: بـقـيـت ......... جــافــي Author: هاشم أحمد خلف الله Date: 11-09-2008, 07:44 AM Parent: #8
Quote: Quote: ما نجضتنا نجاض ... الغُنَيه وين ياخي ...
حسام الدين الجميل عارف لاني عارفك زول ذواق والله كنت عايز اتصل عليك واسمعك اللحن مني انا بدون عود بس ما تقلق لوك الصبر مع اخوك عزام وبإذن واحد احد يعجبكم
Post: #30 Title: Re: بـقـيـت ......... جــافــي Author: هاشم أحمد خلف الله Date: 11-10-2008, 04:58 AM Parent: #13
عماد الطيب الحبيب والله مشتاق ليك وينك قاطع الحس والخبر سعدت بمرورك يا جميل والجاي إن شاء الله أجمل خليك قريب بس
Post: #25 Title: Re: بـقـيـت ......... جــافــي Author: هاشم أحمد خلف الله Date: 11-09-2008, 01:31 PM Parent: #12
Quote: الاستاذ الشاعر المبدع / هاشم احمد خلف الله
استمتعت كثيرا بقراءة هذا النص الرائع .. ونحن نجد نفسنا دائما فى النصوص الحزينة.. اشكرك كثيرا على هذا القصيدة الجميلة
دكتور أحمد القرشي عندنا !!! يا له من شرف ويا له من تقدير شرفني حضورك الأنيق يا دكتور وربنا يقدرنا ونقدم كل ماهو جميل وإن شاء الله اللحن المرافق لهذه القصيدة سيكون له شأن .
Post: #14 Title: Re: بـقـيـت ......... جــافــي Author: محمد على طه الملك Date: 11-08-2008, 07:56 PM Parent: #11
إنت وعدت وأنا قعدت .. أيوه كده عايزين نشوف الأعمال الجديده .. بمناسبة الكمونيه يا هاشم.. في العيد الفات كان معاي في البيت عدد من الأصدقاء.. منهم الفنان الشاب عمر جابر والعازف الشاب عبد الرحمن حمد النيل وقدما لنا باقة رائعة من الأغاني .. شايف الشباب نزلوها في يتوب أمشي عليها أكتب عمر جابر يجيك الفديو.. عشان تشوف ابو نضارات القاعد جنب الطفل داك حاتي شيبته كيف بالمناسبه الطيبه دي أهديك أغنية الحبيب قلبه طيب تلقاها في الفديو الأول او التاني .
فعلا قصيدة حلوة جدا وبنتمنى ان نسمعها اغنية بلحن جميل واداء اجمل ..
تسلم
Post: #40 Title: Re: بـقـيـت ......... جــافــي Author: هاشم أحمد خلف الله Date: 11-10-2008, 01:50 PM Parent: #27
Quote: ايه الجمال ده كلو ابو احمد ..
فعلا قصيدة حلوة جدا وبنتمنى ان نسمعها اغنية بلحن جميل واداء اجمل ..
تسلم
حبيب الكل ابو هبه الله وينك غاطس يا زول ليك وحشة والله شايف غيابك طال من الدار لعل المانع خير شكراً يا علاء على التشجيع وإن شاء الله العمل يطلع جميل يا خوي .
Post: #39 Title: Re: بـقـيـت ......... جــافــي Author: هاشم أحمد خلف الله Date: 11-10-2008, 01:40 PM Parent: #26
لك كل المحبة والأحترام وشكرا على أشراكنا هذا العمل منذ بداياته
وموعودون نحن بالجمال دائما منكم فما أسعدنا
ما اسعدنا بيك يا روزمين وبطلتك الجميلة عاجز عن الشكر والإمتنان في حق كلماتك الحنينة ادعي معاي بس انو العمل ينجح وابيض وجهكم في المنبر وبعدين لو ما اشركتكم معاي اشرك منو يعني ؟؟ ما بقينا اهل واصحاب ولا انا غلطان !!
Post: #37 Title: Re: بـقـيـت ......... جــافــي Author: هاشم أحمد خلف الله Date: 11-10-2008, 12:58 PM Parent: #22
Quote: هاشم
سلام مربع
نص جميل و في إنتظار تغريد مرزوق به
Quote: حقيقة العُشرة تنساها !! ولا نويت تكون قاسي
الإتنين صعبات يا هاشم
هلا وغلا بالرئيس ابو جهينة وسلامنا ليك ( اس 8 ) خلاس يا رئيس يوم الأربعاء القادم إن شاء الله نبداء في وضع اللمسات الأخيرة للحن بس المرة دي عايزين نشتغلا بالفرقة الموسيقية الكاملة شوفت الثقة دي كيف
Post: #36 Title: Re: بـقـيـت ......... جــافــي Author: هاشم أحمد خلف الله Date: 11-10-2008, 11:46 AM Parent: #21
ود الجنيد الحبيب يشهد الله مشتاقك كتير وين الحي بيك يا زول يا سمح سعدت بالزيارة الانيقة وبإذن الله سيعجبكم اللحن سبحان الله دي المرة التانية أعمل لحن وانا سائق السيارة بس الحق لله الجو كان جميل ومنعش جداً
Post: #35 Title: Re: بـقـيـت ......... جــافــي Author: هاشم أحمد خلف الله Date: 11-10-2008, 11:34 AM Parent: #15
Quote: شيقا الحبيب حمداً لله على سلامة الرجوع والله وحشتنا بس انت عارف المنبر مرا بتجربة بت لزينة ياخي الهكر خلانا نكلم نفسنا وبقين نشك في بعض عديل كده وبعدين ما خليت لينا رقم تلفون عشان نتصل عليك فيهو على العموم سعيدين وفرحانين بتواجدك بيننا بديك الو بعدين يا غالي
هيييييييييع اتاريك اتعلمت حركات طوفي بقيت تعقب على مداخلات الناس من فوق بطلاق اكان ما انا قلبت بوستيك اكان مليت خشمك طين باللوم .
Post: #50 Title: Re: بـقـيـت ......... جــافــي Author: هاشم أحمد خلف الله Date: 11-11-2008, 12:51 PM Parent: #45
Quote: بسم الله الرحمن الرحيم
الأخ العزيز / هاشم أحمد خلف
سلام ،،، وموفور محبة واحترام !
قرأت الكلمات ،، والكلمات ليست ككل الكلمات !
محبتي .... وصال عالم
أختي الغالية وصال مشتاقك كتير والله وليه يعني غيابك طال كده ؟؟ إن شاء الله المانع خير عموماً حمداً لله على سلامة الرجوع في إنتظار جديدك كما اشكر لك لطفك وتشجيعك يا غالية ولك من المحبه أضعاف مضاعفة
Post: #49 Title: Re: بـقـيـت ......... جــافــي Author: هاشم أحمد خلف الله Date: 11-11-2008, 11:53 AM Parent: #42
Quote: هشومي انا جاي متقريف ليك ما تفطني يفط عنقرتك يا مسنوح
منو البقدر يفطك يا شيقا كل ما في الأمر اني ماشي حسب التسلسل ما تبقى زول خرخار ساي ياخي لو ما شالتك الأرض نشيلك فوق راسنا ده
Post: #48 Title: Re: بـقـيـت ......... جــافــي Author: سيف بخيت موسي Date: 11-11-2008, 11:21 AM Parent: #1
Quote: وريدك فيني إتغلغل سكن جواي وما خافي عليك الريدة يوم أسال
مساء الخير أبو أحمد كلام ذي الماس
لكن : بقيت ما زي زمان
وياريت تدينا ليه غنى
سلام للجميع
Post: #52 Title: Re: بـقـيـت ......... جــافــي Author: هاشم أحمد خلف الله Date: 11-11-2008, 01:00 PM Parent: #48
Quote: Quote: وريدك فيني إتغلغل سكن جواي وما خافي عليك الريدة يوم أسال
مساء الخير أبو أحمد كلام ذي الماس
لكن : بقيت ما زي زمان
وياريت تدينا ليه غنى
سلام للجميع
هلا وغلا بالحبيب سيف الدين بخيت طلباتك أوامر يا غالي تسلم على المرور
Quote: أكتمل اللحن لهذا النص وسينزل قريباً هنا فترقبوه
من غير زعل...
أرجو التفكير كثيراً قبل الإقدام على خطوة نشر مثل هذه (الحاجات)..
يا جماعة حرام عليكم..
إن الإكثار من "تكسير" التلج في الحاجات دي ما بينفع والله...
هاشم..
مع احترامنا للمحاولة....
أرجو إعادة النظر فيها كثيراً..
قبل كدا كان عندنا مصادمات استفاد من بعضها الأخ المهندس معتصم الطاهر..
في سودانيات..
لا أدعي الشعر..
ولا تحسبوني هنا لمحاكمة هذا (النص)...
لكن إن جاز لي الإدلاء برأيي الشخصي.. أكرر الشخصي:
النص دون مستوى النشر...
كمان جابت ليها "تهديد" بالتلحين والإنزال "هنا"...
يا جماعة نحن "نطير" وين ..؟؟؟؟ تطير عيشتنا..
* تصحيح: اسم صاحب البوست والنص.. هاشم وليس هشام..
Post: #53 Title: Re: بـقـيـت ......... جــافــي Author: هاشم أحمد خلف الله Date: 11-11-2008, 01:20 PM Parent: #51
Quote: Quote: أكتمل اللحن لهذا النص وسينزل قريباً هنا فترقبوه
من غير زعل...
أرجو التفكير كثيراً قبل الإقدام على خطوة نشر مثل هذه (الحاجات)..
يا جماعة حرام عليكم..
إن الإكثار من "تكسير" التلج في الحاجات دي ما بينفع والله...
هشام..
مع احترامنا للمحاولة....
أرجو إعادة النظر فيها كثيراً..
قبل كدا كان عندنا مصادمات استفاد من بعضها الأخ المهندس معتصم الطاهر..
في سودانيات..
لا أدعي الشعر..
ولا تحسبوني هنا لمحاكمة هذا (النص)...
لكن إن جاز لي الإدلاء برأيي الشخصي.. أكرر الشخصي:
النص دون مستوى النشر...
كمان جابت ليها "تهديد" بالتلحين والإنزال "هنا"...
يا جماعة نحن "نطير" وين ..؟؟؟؟ تطير عيشتنا..
أخي الحبيب Mahmoud Mustafa Mahmoud
يأخي إن شاء الله عيشتك ما تطير انت دخلت بمحض إرادتك هنا واشكر لك شجاعتك فيما أقدمت عليه من قول ولك كامل الحرية في إبداء رايك . رجعت لملفك الشخصي ووجدتك موسيقي يعني زول عندك معرفة ودراية تامة بالأعمال الفنية طيب يا ريت لو تنورنا وتاخد بيدنا للطريق الصحيح بدلاً من الضجيج العالي إن كان العمل لا يصلح فهذا قرارك واكون لك من الشاكرين لو علمتني كيف اكتب وكيف الحن انا زول هاوي وما اقوم بكتابته هنا ليس بالضرورة يعجب كل الناس
Quote: النص دون مستوى النشر...
كمان جابت ليها "تهديد" بالتلحين والإنزال "هنا"...
النص دون مستوى النشر وعرفناها لكن التهديد وينو ؟؟
يا ريت لو بردت نفسك شوية وقدمت بعض الأرشادات بطريقة هادئية حتى استفيد منها انا ويستفيد غيري كمان كلمة اخيرة اختلاف الأراء لا يفسد للود قضية ولازم كلنا نتحمل بعض بس النقد البناء مهم ولا انا غلطان يا استاذ ؟؟؟
Quote: ولازم كلنا نتحمل بعض بس النقد البناء مهم ولا انا غلطان يا استاذ ؟؟؟
عداك العيب والله يا هاشم..
بعدين أنا لا أستاذ لا ناقد متخصص..
لكن بالمناسبة كلام الناس من عينة "يا رائع" ويا "فنان" ويا "رقيق وملهم"...
لا يقدم ولا يؤخر.. أوعك تنغش وتدرجه في حتة النقد البناء..
على العموم نشكرك على سعة صدرك..
وكلام الببكيك أحسن برضو من "كسير التلج الفوق دا"..
شكراً يا أخونا هاشم
التعديل عشان هشام تكون هاشم... بس
Post: #55 Title: Re: بـقـيـت ......... جــافــي Author: هاشم أحمد خلف الله Date: 11-11-2008, 02:03 PM Parent: #54
Quote: عداك العيب والله يا هشام..
بعدين أنا لا أستاذ لا ناقد متخصص..
لكن بالمناسبة كلام الناس من عينة "يا رائع" ويا "فنان" ويا "رقيق وملهم"...
لا يقدم ولا يؤخر.. أوعك تنغش وتدرجه في حتة النقد البناء..
على العموم نشكرك على سعة صدرك..
وكلام الببكيك أحسن برضو من "كسير التلج الفوق دا"..
شكراً يا أخونا هشام
اخ محمود مشكور على الحوار لكن عندي سؤال هل كل الغناء السوداني مستحب من الجمهور ؟؟ اكيد لا , لان ما تراه انت جميل غيرك لا يراه كذلك فبالتالي لا تظلم المتداخلين أعلاه ربما صادفت الكلمات صداً في نفوسهم فلو لا إختلاف الأراء لبارت السلع . انا شخصياً أحترم واقدر كل إنسان شارك معي في هذا البوست لاني لم أجبر إي منهم للدخول والتعبير عن ما يجوش بخاطره . شكراً مرة أخري للزيارة
لكن بالمناسبة كلام الناس من عينة "يا رائع" ويا "فنان" ويا "رقيق وملهم"...
لا يقدم ولا يؤخر.. أوعك تنغش وتدرجه في حتة النقد البناء..
على العموم نشكرك على سعة صدرك..
وكلام الببكيك أحسن برضو من "كسير التلج الفوق دا"..
شكراً يا أخونا هشام
بلغة شعرية متصالحة مع( الدهشة ) تنهل من نهركما العذب الفرات شربة (إبداع ) سائغة عندما يكتب هاشم ويغني محمود نطرب نحن المتلقون علي أرض البساطة .
بعدين يازول هُوّي أنا طالبك سماية ولقد أتصلنا نمني النفس بزيارتكم ولم يرد جوالكم !
ثانياً:- شابكنا هشام وهو (هاشم أحمد خلف الله ) ياخي ماتخط الكورة واطه جمال السنوسي عرفناه بيهضرب عشان يوم الأتنين 17/11 أنت من الجماعة ولا شنو...........
ياصديقي محمود مصطفي محمود بالإنجليزية أنت زول داير نااااس عبدالدافع عثمان ومصطفي سيد أحمد خلينا مع هاشم وجافيت مابنته وبقيت ....جافي ،
بعدين تعال هنا مانكسر تلج هي الأزمات دي كلها كسيرها قاسي وأحلي تلج تلج هاشم المجمد
لوما عندك مفك طويـــــــــــــــل بسلفك واحد من الضهرية عشان تكسر مكعبات ثلج أسفيري جداوي .
شايف صحبي هاشم روحوا رياضية كيفن كلم جمال السنوسي يبطل هضربة ......بعد يوم 17 نتقابل في النجيلة. سمخ،
،،،،أبوقصي،،،،
Post: #67 Title: Re: بـقـيـت ......... جــافــي Author: هاشم أحمد خلف الله Date: 11-12-2008, 06:02 AM Parent: #56
لك الشكر اخي وصديقي ابو قصي لقد وفيت وكفيت هذا منبر حر ومن حق كل شخص يكتب ويقرأ ولكن نريد من ينتقد ان ياتي بالحلول بعد نقده البناء حتى تعم الفائدة الجميع
Quote: وكلام الببكيك أحسن برضو من "كسير التلج الفوق دا"..
شكراً يا أخونا هشام
ألأخ/االمحترم/ محمود مصطفى
أنا احد الذين دشدشو التلج يا هاشم..وأدشدشو ليك تانى ولى بعد بكره..جنس كلامك دا أحسن من كتير مسموع ومجاز...
أقول للآخ/محمود لو لا إختلاف ألأراء لبارت السلع.....وهذا رأئك الشخصى كما قلت ..ولوكنت ناقد أو شاعر وأبديت رأئك كان بكون أفضل..ولا أحد جبرك على أن تقول هذا الرأى وبهذه الصراحة الشديدة.هل كل الناس المروا ديل مجاملين هاشم..يبقى هاشم عندو قبول وهذا شى جميل..
عمومآ دافعت عن وجهة نظرى لأنى أحد الذين كسروا الثلج يا أخ/محمود..كما زعمت.......لك التحية مع كل الآحترام لوجهة نظرك.خالص مودتى......
ألأخ/هاشم...إرضاء الناس غاية لاتدرك فسعى ما فيهو صلاح نفسك.خالص مودتى لك ولمحمود وجميع
المتداخلين
مودتى..............إسماعيل محمد احمد عباس........
Post: #69 Title: Re: بـقـيـت ......... جــافــي Author: هاشم أحمد خلف الله Date: 11-12-2008, 07:13 AM Parent: #57
Quote: أقول للآخ/محمود لو لا إختلاف ألأراء لبارت السلع.....وهذا رأئك الشخصى كما قلت ..ولوكنت ناقد أو شاعر وأبديت رأئك كان بكون أفضل..ولا أحد جبرك على أن تقول هذا الرأى وبهذه الصراحة الشديدة.هل كل الناس المروا ديل مجاملين هاشم..يبقى هاشم عندو قبول وهذا شى جميل..
عمومآ دافعت عن وجهة نظرى لأنى أحد الذين كسروا الثلج يا أخ/محمود..كما زعمت.......لك التحية مع كل الآحترام لوجهة نظرك.خالص مودتى......
ألأخ/هاشم...إرضاء الناس غاية لاتدرك فسعى ما فيهو صلاح نفسك.خالص مودتى لك ولمحمود وجميع
الرقيق ...هاشم ... لك عميق المحبة للجفا كم طعم وكلو مر ولكن امره ما كان من الاحبة ولا اخص هنا حبيب (الواحد دا)ممكن يكون صديق المهم الرابط محبة بينك والمجافي وليهو اسباب ممكن يكون زول لقى بديل وهنا هو بكون خلاص نساك لكن انت بتفتكر انو جفاك ودا تبرير وهمي لنفسك وممكن يكون اكتشف انك ما بتناسبوا وبرضو يروح وانت تبرر لنفسك وممكن يكون سد حوجتواواستغنى عنك وبرضو الواحد يبرر الزول دا بقى جافي والكلام يطول ويحزن كمان لكن ما اظن انت تستحق الجفا ومن هنا انا اخاطب الزول دا (يا زول سيب الجفا )ونغني مع صديق احمد يا حبيب سيب الخصام سيب الجفا ولك المحبة قال (بكاي قال ) ما الناس كلها بتبكي وقفت على دموع هاشم حقيقة البكاء انواع بكاية وتاني بكاية (مش دموعي
آي وقفت على دموع هاشم الناس كلها بكاها كوم و بكى هاشم كوم براه ياخي دا ببكي بالجملة ببكي بدون فرز اساليني انا منو البكاي دا
Post: #76 Title: Re: بـقـيـت ......... جــافــي Author: هاشم أحمد خلف الله Date: 11-12-2008, 01:12 PM Parent: #60
ينصر دينك يا نعمات ريحتني في حناني زاتو كلامك منطقي ولا يحتاج لاي تأويل ومن هسع دي حا أعمل بنصيحتك واقشقش دميعاتي الظاهر عليك طبيبة نفسية وانا ما عارف والبكاء مالو عليك الله يا نعمات ما بيغسل العيون كلمي ود البشرى ده بالله خلي يعرف
Post: #75 Title: Re: بـقـيـت ......... جــافــي Author: هاشم أحمد خلف الله Date: 11-12-2008, 12:52 PM Parent: #58
حاولت ان انزل لك اغنية تشابه تلك الكلمات الرائعات ولكني فشلت
لذا كان التعديل
Post: #78 Title: Re: بـقـيـت ......... جــافــي Author: هاشم أحمد خلف الله Date: 11-12-2008, 01:32 PM Parent: #61
Quote: هشومي الجميل
حاولت ان انزل لك اغنية تشابه تلك الكلمات الرائعات ولكني فشلت
لذا كان التعديل
خليل الذيذ يا خي سعيكم مشكور وما بتقصر والله عارفك سداد يكفي شعورك الجميل بس
Post: #77 Title: Re: بـقـيـت ......... جــافــي Author: هاشم أحمد خلف الله Date: 11-12-2008, 01:22 PM Parent: #59
Quote: العزيز هاشم أحمد خلف الله
تحية لك وإلى الأمام
*
الأديب الأريب عبدالله الشقليني سعدت بزيارتك كثيراً واشكرك على التشجيع والمتابعة وإن شاء الله دوماً إلى الأمام بفضل إهتمامكم ونقدكم البناء أمد الله في ايامك ومتعك بالصحة والعافية حتى نرتؤي من فيض عِلمكم وآدبكم الجم .
الأحباب الكرام الأختلاف لا يفسد للنص موسيقاه فالكل هنا محل أحترام وتقدير وإن كان نقد أستاذنا محمود مصطفي محمود لهاشم سوف تصله وجهة النظر ويستفيد منها إن شاء الله وها قد ظهر شاعرنا الفخيم معتصم الطاهر وما تزال دندناته تعم ساحات المطار القديم بالحديث،وياريت البوست ماينقسم إلي متعاطف مع هذا دون ذاك وأنا أعلم كل منهم يمتلك ناصية قصيه في معترك الفن والفن بمعناهوا الواسع يتسع للكل المتلقي في النهاية هو فيصل العمل وأعمال هاشم لا ننكر لها متلقينها الكُثر وأيضا ممود مصطفي محمود رجل ذو قامه عالية ومكانه في دنيا الأعمال الفنية وله إبداعاته نشكر كل الذين أثروا هذا الحوار الطيب بطيوب الأحباب ولكم مودتي وأرجوا مجدد أن لا نخرج خارج الإطار الطبيعي للرأي والرأي الآخر مودتي لهاشم ومحمود وكل المارين بالعمل ونرجوا له أن يكتمل في ظل الجوء الصحو هذا وصباحات الله بخيره .
،،،،أبوقصي،،،،
Post: #88 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 07:59 AM Parent: #68
Quote: الأحباب الكرام الأختلاف لا يفسد للنص موسيقاه فالكل هنا محل أحترام وتقدير وإن كان نقد أستاذنا محمود مصطفي محمود لهاشم سوف تصله وجهة النظر ويستفيد منها إن شاء الله وها قد ظهر شاعرنا الفخيم معتصم الطاهر وما تزال دندناته تعم ساحات المطار القديم بالحديث،وياريت البوست ماينقسم إلي متعاطف مع هذا دون ذاك وأنا أعلم كل منهم يمتلك ناصية قصيه في معترك الفن والفن بمعناهوا الواسع يتسع للكل المتلقي في النهاية هو فيصل العمل وأعمال هاشم لا ننكر لها متلقينها الكُثر وأيضا ممود مصطفي محمود رجل ذو قامه عالية ومكانه في دنيا الأعمال الفنية وله إبداعاته نشكر كل الذين أثروا هذا الحوار الطيب بطيوب الأحباب ولكم مودتي وأرجوا مجدد أن لا نخرج خارج الإطار الطبيعي للرأي والرأي الآخر مودتي لهاشم ومحمود وكل المارين بالعمل ونرجوا له أن يكتمل في ظل الجوء الصحو هذا وصباحات الله بخيره .
،،،،أبوقصي،،،،
وفيت وكفيت يا ابو قصي مشكور على المداخلات الهادفة
Post: #86 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 07:46 AM Parent: #64
Quote: الأخ هاشم
سآتيك بالروابط هنا ...
وينك يا هندسة لا سمعنا تعليقك ولا شوفنا روابطك انا لسه في الإنتظار يا معتصم .
Post: #70 Title: Re: بـقـيـت ......... جــافــي Author: Mahmoud Mustafa Mahmoud Date: 11-12-2008, 07:22 AM Parent: #1
بنظرة سريعة جداً.. قمنا بلملمة الأبيات حسب الموسيقى وشبه القافية..(فقط.. حيث لم تتوفر لدينا أي رؤية حتى الآن لأي معايير أخرى).. غايتو طلعنا بما ورد أدناه..
بقيت جافي تخاصمني وتعمل فيها مٌتناسي صحي اتنكرت للعشرة ؟؟ ولا نويت تكون قاسي شغلت قليبي بِريدك ملكتا كياني وإحساسي عليك الريدة يوم أسال وما تلعب بإحساسي
نسيت ريدي ونسيت حبي نسيت زمناً معاك صافي نسيت أيامي في قُربك وعارف قلبي ليك وافي لا شمساً علي تشرق تنور دربي يا جافي وريدك فيني إتغلغل سكن جواي وما خافي
قول لصاحبك سيف أمشي بعيد.. السمكرة دي أخدت معانا 3 دقايق بس..
نرجو من الأخ هاشم قبول رأينا بنفس الروح الرياضية السمحة
Post: #89 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 08:18 AM Parent: #70
Quote: بنظرة سريعة جداً.. قمنا بلملمة الأبيات حسب الموسيقى وشبه القافية..(فقط.. حيث لم تتوفر لدينا أي رؤية حتى الآن لأي معايير أخرى).. غايتو طلعنا بما ورد أدناه..
بقيت جافي تخاصمني وتعمل فيها مٌتناسي صحي اتنكرت للعشرة ؟؟ ولا نويت تكون قاسي شغلت قليبي بِريدك ملكتا كياني وإحساسي عليك الريدة يوم أسال وما تلعب بإحساسي
نسيت ريدي ونسيت حبي نسيت زمناً معاك صافي نسيت أيامي في قُربك وعارف قلبي ليك وافي لا شمساً علي تشرق تنور دربي يا جافي وريدك فيني إتغلغل سكن جواي وما خافي
اخي الفاضل محمود سلام من الله يغشاك بإلله عليك لو من الأول دخلت علينا بوجه نظرك دي مش كان إختصرنا زمن البوست ده ؟؟
Quote: نرجو من الأخ هاشم قبول رأينا بنفس الروح الرياضية السمحة
كيف ما أتقبل رايك بعد الإضافة الفوق دي وبعدين يا صديقي انا لمن كتبت القصيدة ونزلتها هنا كان الغرض هو ان استفيد وجهات النظر قبل اليوم نزلت قصيدة هنا بإسم ( أقبلت ) ووجدت حظها من النقد القوي وقد شارك في النقد
الأستاذة / سلمى الشيخ سلامة استاذنا ورئيسنا الأستاذ / ابو جهينة الأستاذ المخضرم / حيدر قاسم الأستاذ المخضرم/ محمد زين الشفيع الأستاذ والصديق / بله الفاضل
وقد كنت في غاية السعادة والسرور لانهم تطرقوا لعدة نواحي في القصيدة لم اشعر بالحرج بل بالفخر
كلمة أخيرة لك الشكر أجزله لمشاركتك في هذا البوست وإن شاء الله بعد إنزال العمل هنا نشوف رايك برضو
Post: #71 Title: Re: بـقـيـت ......... جــافــي Author: ismeil abbas Date: 11-12-2008, 09:02 AM Parent: #1
ألأخ/محمود
السلام عليكم
Quote: قول لصاحبك سيف أمشي بعيد.. السمكرة دي أخدت معانا 3 دقايق بس..
نرجو من الأخ هاشم قبول رأينا بنفس الروح الرياضية السمحة
ما هو ما شاء الله إنت زول فنان...كده إنت أبديت رايك بذوق..أنا الكترت التلج لهاشم برضو بكثر ليك الثلج...
السمكرة أخذت معاك 3دقايق يعنى ده إستهبال صنايعية بس..لكن برضو لمساتك الفنية ظهرت.....تشكر.......مودتى.....إسماعيل محمد احمد عباس...
Post: #72 Title: Re: بـقـيـت ......... جــافــي Author: Mahmoud Mustafa Mahmoud Date: 11-12-2008, 09:48 AM Parent: #71
الأخ الرزين صاحب الحرف الرصين.. إسماعيل محمد أحمد عباس.. الصفات أعلاه.. ليست من باب تكسير التلج ولا حاجة.. جد والله..
لك صادق التقدير والاحترام.. وأنت تثري كل المساحات التي تتواجد فيها بدافئ الحرف ونبيل العبارة..
Quote: ما هو ما شاء الله إنت زول فنان...كده إنت أبديت رايك بذوق..أنا الكترت التلج لهاشم برضو بكثر ليك الثلج...
السمكرة أخذت معاك 3دقايق يعنى ده إستهبال صنايعية بس..لكن برضو لمساتك الفنية ظهرت........
أبداً والله .. دا من ذوقك بس..
إلا يا اسماعيل أخوي دقيقة.. المعاك في الصورة دي.. دحين مو الدكتور كامل الطيب إدريس ولا عيوني كعبات؟؟
قال ليك ملكية فكرية للطيش... والله أكان كدي وطاتنا أصبحت..
هو يا زول.. أنا أطلع من سيف المستشار القانوني أقع في كامل الطيب إدريس حتة واحدة؟؟
Quote: بقيت جافي تخاصمني وتعمل فيها مٌتناسي نسيت ريدي ونسيت حبي نسيت زمناً معاك صافي نسيت أيامي في قُربك وعارف قلبي ليك وافي تعمق في جروحي جروح وعندك كل شئ عادي حقيقة العُشرة تنساها !! ولا نويت تكون قاسي شغلت قليبي بِريدك ملكتا كياني وإحساسي حرام والله تبقى بعيد تزيد لهفي واشواقي وحبك كان سبب فرحي ونور دربي وكان زادي نسيت كل اللي كان بينا نسيت عهد الهوى الماضي لا شمساً علي تشرق تنور دربي يا جافي غلبني الشوق وما بقدر وآهـ لو شوفتا عبراتي وريدك فيني إتغلغل سكن جواي وما خافي عليك الريدة يوم أسال وما تلعب بإحساسي كفاية عذابي في حبك وحبك كان فجُر زاهي
والله ياهاشم غلطانه شديد وعن نفسى انا زعانه منها جدا ، اى كانت هى منو ماعندها حق كلو كلو ابدا. كلامـــك جميل ، هاشــــم ازيك مشتاقين والله ، وتسلم انت يارب من كل شـــر ...
Post: #94 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 10:57 AM Parent: #80
Quote: والله ياهاشم غلطانه شديد وعن نفسى انا زعانه منها جدا ، اى كانت هى منو ماعندها حق كلو كلو ابدا. كلامـــك جميل ، هاشــــم ازيك مشتاقين والله ، وتسلم انت يارب من كل شـــر ...
ماجدة الماجدة ليك وحشة شديد يا غالية ما تزعلي منها يا ماجدة خليها نحنا برضو ما بنقدر على زعلها ولا مش كده
Post: #83 Title: Re: بـقـيـت ......... جــافــي Author: ابوبكر يوسف إبراهيم Date: 11-13-2008, 06:20 AM Parent: #82
[حرام والله تبقى بعيد تزيد لهفي واشواقي وحبك كان سبب فرحي ونور دربي وكان زادي]
وسلام على روحك الطيبة الحالمة يا هاشم
ما زلت ذاك الرقيق الذي لا يفتر حرفه عن تدوين أجمل المشاعر الإنسانية برومانسية جذابة وجذلة .. لك الود الخالص ومني لك التحايا المضمخة بعذب شعرك الجميل .. تقديري
Post: #96 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 11:45 AM Parent: #83
Quote:
Quote: [حرام والله تبقى بعيد تزيد لهفي واشواقي وحبك كان سبب فرحي ونور دربي وكان زادي]
وسلام على روحك الطيبة الحالمة يا هاشم
ما زلت ذاك الرقيق الذي لا يفتر حرفه عن تدوين أجمل المشاعر الإنسانية برومانسية جذابة وجذلة .. لك الود الخالص ومني لك التحايا المضمخة بعذب شعرك الجميل .. تقديري
صديقي وأستاذي دكتور ابوبكر وجودك في هذا البوست قلادة على عنقي تضئ لي طريق المعرفة والعلم . شاكر لك فيض مشاعرك ودعمك الغير محدود لشخصي الضعيف أجد في مداخلتك الحنية والمحبة والذوق والإنسانية تسلم كتير يا غالي لا حرمنا الله من زيارتكم البهية .
Post: #95 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 11:14 AM Parent: #82
Quote: النص غنائى وجميل وجدير بالتلحين
تسلم خواطرك
هند الجميلة المسكونة بإلابداع حضورك شرفني كتير والله وإن شاء الله يعجبك اللحن يا هند .
Post: #87 Title: Re: بـقـيـت ......... جــافــي Author: سيف بخيت موسي Date: 11-13-2008, 07:53 AM Parent: #1
Quote: لو عندك وقت اليوم ياريت لو تزورنا في منزلنا المتواضع لتسجيل البروفة للاغنية .
شاعرنا أبو أحمد
الزيارة واجبة يا هاشم
لكن الخلعة الدخلت فينا من الناقدبالتقسيط المريح / محمود مصطفى محمود للان ما طلعت
Post: #100 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 10:07 PM Parent: #90
Quote: حامل المسك
الحبيب هاشم
ياخ والله بوستيك الجميل ده عزبني عزاب
قدر ما احاول افتحو ابى ما يفتح معاي
قربت افتح بوست بعنوان يا هاشم بوستيك ما داير يفتح
ولما فتح معاي عزبني اكتر
قصيدة حلوة ومعبرة
ومع تقديري لرأي الاخ محمود وهو زول شكلو فنان من لمساتو التعديلية
وده برضو مطلوب فنحن بنتعلم من بعضنا البعض لكن يا ريت كمان لو دخل لما وراء القصيدة
ليكتشف احساس هاشم الذي يتدفق بحورا من الروعة
لكما معا فائق التقدير
وبالمناسبة
الاستاذ اسماعيل محمد احمد عباس
انا حريص على قراءة اي مداخلة له في اي بوست
لما يحمله هذا الرجل الفنان من دفء وحميمية في عباراته
هاشم يا حامل المسك
الحقنا بالالحان وبسرعة
منتظرييييين
محمد خليل الزول السمح حضورك شرف عظيم لي والله واشكر لك دعمك الغير محدود وكلماتك الجميلة في حقي وحق القصيدة إن شاء الله اللحن يعجبكم يا عريس
اما بالنسبة لصديقي إسماعيل فشهادتي فيهو مجروحة ويكفي انك إكتشفت كل ذلك بنفسك لنا عودة قوية يا غالي
Post: #98 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 06:18 PM Parent: #87
Quote: Quote: لو عندك وقت اليوم ياريت لو تزورنا في منزلنا المتواضع لتسجيل البروفة للاغنية .
شاعرنا أبو أحمد
الزيارة واجبة يا هاشم
لكن الخلعة الدخلت فينا من الناقدبالتقسيط المريح / محمود مصطفى محمود للان ما طلعت
مع الوعد بحضور البروفة القادمة
--------------
البروفة كانت للنص الرئيسي ولا المسمكر
ولا يهمك يا وجيه ليك علي اسجل ليك الأغنية علي قرص دي في دي والزيارة ملحوقة يا زول واللحن طبعا للنص الرئيسي وربنا يكتب سلامتك تمشي وتجي بالسلامة
Post: #93 Title: Re: بـقـيـت ......... جــافــي Author: انعام عبد الحفيظ Date: 11-13-2008, 10:32 AM Parent: #1
Quote: شغلت قليبي بِريدك ملكتا كياني وإحساسي حرام والله تبقى بعيد تزيد لهفي واشواقي وحبك كان سبب فرحي ونور دربي وكان زادي
ماشاء الله عيني باردة بالتوفيق
كيفك يا هاشم
Post: #101 Title: Re: بـقـيـت ......... جــافــي Author: هاشم أحمد خلف الله Date: 11-13-2008, 10:16 PM Parent: #93
Quote: ماشاء الله عيني باردة بالتوفيق
كيفك يا هاشم
نعومة الحبيبة عينك دائماً باردة يا اصيلة يا بت ملوك النيل الحمد لله الحال تمام ولا نفقد شئ سوى عدم مشاهدتكم الغالية ما ذكرتك أيام الخطابات قبل التكنولوجيا الحديثة