Post: #1
Title: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 04:25 PM
عندما زار السناتور باراك اوباما قرية والده
بغرب كينيا غبر بعيد من بحيرة نيانزا
وكان وقتها يخطط لان يكون رئيس لاعظم دول العالم
اطلق القرويين هناك مقولة تحققت امس بالفعل
فقد اطلق القرويين مقولة
ان شخص من قبيلة اللو Luo
سينتحب رئيسا للولايات المتحدة الامريكية
قبل اي دولة اخرى في شرق افريقيا موطن هده القبيلة الاصلي .
فما هي اصول قبيلة اللو Luo
التي انحدر منها والد باراك اوباما .
|
Post: #2
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 04:45 PM
Parent: #1
من قبيلة اللو Luo
بنحدر الزعيم الكيني الراحل وواحد من اباء استقلال كينينا
اودينقا اودينقا
والدي كان واحدا من الجيل الاول من الكينيين الدين ساهموا في
النضال من اجل الاستقلال اسوة بالمعلم بجومو كنجاتا
لكنه اختلف مع كنجاتا لاحقا عندما اصبح اقرب للفكر الماركسي
وقد الف كتابه الشهير Not Yet Uhuru
اي لم تبدأ الحرية بعد
واودينقا هو والد رالي اودينقا مرشح المعارضة للانتخابات الكينية
التى انتهت بمظاهرات واحتجاجات كادت ان تقود البلاد لحرب اهلية
واودينقا الابن نائب برلماني عن دائرة في نيروبي تشمل منطقة كبيرو
التى تضم كينيين من اصول سودانية او ما يسمى هناك بالنوبيان
وهم احفاد السودانيين الدين كانوا ضمن قوة دفاع السودان بالاستوائية
والتي كان يقودها امين باشا التركي ولما انتصرت الثورة المهدية
ودخل الثوار المهدويين الخرطوم
انسحب تلك القوة الى شرق افريقيا وهرب امين باشا بسفينة من ممبسا
لتنتشر تلك القوة في الكثثير من دول شرق افريقيا ويقال ان من احفادهم
الرئيس اليوغندي الاسبق عيدي امين دادا
وهؤلاء الجنود كانوا من قبائل سودانية شتى
وقد استقر بعضهم في نيروبي بمنطقة كبيرو الفقيرة
واصبحوا مواطنيين كينيين بملامح سودانية
لكن ما علاقة والد الرئيس اوباما بقبيلة الشلك
|
Post: #3
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 05:27 PM
Parent: #2
اندهشت عندما سمعت زميلى في العمل رافائيل اوقوتو
الكيني المنحدر من قبيلة اللو Luo يتبادل
بعض الكلمات بلغته مع بعض ابناء قبيلة الشلك الدين كانوا ضمن
قوات الجيش الشعبي بمناطق شرق السودان ايام الحرب
كان رافائيل يعمل معنا بمنظمة IRC الامريكية مديرا لبرنامج الصحةوقد عمل قبلها
مع نفس المنظمة بمناطق سيطرة الجيش الشعبي شمال بحر الغزال
فلما رأى رافائيل دهشتي اخبرني ان قبيلة اللو التى ينتمي اليها
اصولها من مناطق اعالى النيل بجنوب السودان وان اصول قبيلتهم وبالتحديد ترجع الى قبيلة
الشلك السودانية النيلية وان هجرتهم الى الجزء الغربي من كينيا جاء حديثا ...
وانهم حتى الان لديهم نظاما اداريا قبليا اشبه بنظام الشلك اضافة لبعض التشابه في المفردات اللغوية
وايضا السحنات
انتهت افادة رافائيل اوقوتو....
|
Post: #4
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 06:03 PM
Parent: #3
سارة اوباما حبوبة باراك اوباما...
|
Post: #5
Title: Re: والد باراك اوباما اصوله من قبيلة الشلك السودانية ..
Author: noon
Date: 11-05-2008, 06:13 PM
Parent: #4
يعني يا صلاح اوباما طلع من عندينا
طيب وجب علينا نمشي DC نحتفل
|
Post: #6
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 06:35 PM
Parent: #5
الصديقة نون
ابوه طلع قريبك
وقريبي وقريبنا كلنا .
امس في تلفزيون الBBC
دكروا انه بمجرد ان ترشح اوباما للرئاسة وبدأالخبر
في الوصول للقرية
فان بعض القرويين بدأوا في التوافد على حبوبته
عشان يشيلوا منها قروش والبعض عملوا الحالة واحدة
وسكنوا معاها في البيت .
فعليك الله لو قابلتي قريبنا دا قولي ليهو
صلاح قال ليك رسل ليهو فيزا وتدكرة
وزول يستقبلوا في المطار ويوديهو البيت الابيض ..
تحية
.....
|
Post: #7
Title: Re: والد باراك اوباما اصوله من قبيلة الشلك السودانية ..
Author: فرح
Date: 11-05-2008, 06:40 PM
Parent: #6
الزول طلع من عندنا يا دكتور
|
Post: #8
Title: Re: والد باراك اوباما اصوله من قبيلة الشلك السودانية ..
Author: waleed dawash
Date: 11-05-2008, 06:43 PM
Parent: #1
وانا اقول الشبه ده مااااااااا غريب علي
لكن وين ما عارف ...... الا يا داااااابو وقع لي
|
Post: #9
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 06:53 PM
Parent: #8
ايوه طلع قريبك لزم يا فرح
وافرح يا فرح
تحياتي
وشكرا waleed dawash
|
Post: #10
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 07:13 PM
Parent: #8
ايوه طلع قريبك لزم يا فرح
وافرح يا فرح
تحياتي
وشكرا waleed dawash
|
Post: #11
Title: Re: والد باراك اوباما اصوله من قبيلة الشلك السودانية ..
Author: Sobajo
Date: 11-05-2008, 09:29 PM
Parent: #10
طلع من عندينا ، يعني هيطلع عينا عديل كدة ...
|
Post: #12
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-05-2008, 10:47 PM
Parent: #11
| Quote: يعني هيطلع عينا عديل كدة ... |
استاد Sobajo
ادا كنت تقصد ان اوباما حيطلع عين الحكومة السودانية
فليطلعها
اما الناس القاعدين بيطلعوا في عين الشعب السوداني
فهم ليسوا من عندنا ..
ولا ادرى من اين جاءوا ؟
عموما دا ما موضوعنا
موضوعنا ان اسم بارااك يعني باللغة السواحيلية
المبارك او المبروك
واوباما مبروك ..مبروك
|
Post: #13
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-06-2008, 07:34 AM
Parent: #12
سواء كان اوباما دو اصول سودانية شلكاوية او دارفوية
او من قبيلة اللو من غرب كينية فهو ليس جوهر الموضوع
فأن جوهر الموضوع هو انتصار الانسانية كقيمة
فيوصوله للبيت الابيض كرئيس لاعظم دول العالم
لهو انتصارا حقيقيا للانسانية كقيمة
فسمت الانسانيةعلى العرق واللون والطبقة وايضا على الدين .
ولعل البعض يدكر الفيلم الشهير دعوة على العشاء
الدي قام ببطولته الممثل الامريكي الاسود سيدني بواتتيه
وقصة الفيلم ان فتاة بيضاء وقعت في حب شاب اسود
زميلها بالجامعة فاخبرت اهلهاانها وقعت في حب شاب
وسيأتي في الويك اند للعشاء معهم بالبيت دون ان تخبرهم بانه اسود
وعندما يصل للعشاء تصاب اسرتها بالاحبط وتحدث مواقف
عنصرية .
|
Post: #14
Title: Re: والد باراك اوباما اصوله من قبيلة الشلك السودانية ..
Author: salah elamin
Date: 11-06-2008, 10:03 AM
Parent: #13
هدا ما كتبته ردا على الفنان عماد عبدالله في بوسته
أبداً .. أوباما دنقلاوي من " هَامِنْ نَارتي " .. بس
Quote: الفنان عماد عبدالله
والمتداخلات والمنداخلين
انا من ابتدر نشر معلومة ان اصول والد اوباما
من قبيلة الشلك السودانية والتي تنحدر منها قبيلة اللو الكينية الان
وهده المعلومة كما دكرت في البوست عرفتها عن طريق الصدفة
من زميل كيني ينتمي لقبيلة اللو كنا نعمل معا في وقت ما في منظمة امريكية
فكان الشيء بالشيء يدكر
يعني الزميل الكيني لو قال لي ان قبيلة اللو الكينية اصلها من قريش وان الرسول
او العباس جدهم لكنت قد دكرت الموضوع كما هو .
وقد تأكدت من ان قبيلة اللو اصلها من الشلك فيما بعد قبل ان اسمع باوباما
بسؤال كثيرون التقيت بهم فيما بعد
في كينينا والسودان وهناك كينية التقيت بها تفتخر بدلك
وقد دكر المعلومة ايضا المناضل الكيني الراحل اودينقا اودينقا في كتابه
Not yet Uhuru
وتعني لم تتحقق الحرية بعد .
ولم اكن اعرف ان اصل والد اوباما من قبيلة اللو الا بعد فوز باراك اوباما
فربطت الاحداث واحببت ان اشرك الناس في المعلومة .
ففرحي بفوز السناتور الامريكي واكرر الامريكي باراك اوباما ليس من كونه دو اصول افريقيا او كينيا او سودانية بل
من كون فوزه كسر حاجز العنصرية في واحدة من اعتى قلاع العنصرية التاريخية
و ارتفع بقيم انسانية سامية
فتسامت الانسانية على العرق والدين واللون والطبقة والمنشأ..و...و...
فلو كان اوباما من اصول لاتين امريكية او عربية او اسيوية لاحتفلت
ولو كان اوباما امرأة ايضا لاحتفلت
و لو كان ينتمي لاى فئة من الفئات المضطهدة والمهمشة في المجتمع الامريكي لا حتفلت ايضا ..
وهدا ما لزم توضيحه وكفى الله المتداخلين شر القتال .
وهدا هو البوست
والد باراك اوباما اصوله من قبيلة الشلك السودانية .. |
|
|