شايفك في سودانيز أون لاين

عبارة أسمها كثير
وفعلاً سودانيز أون لاين منتشر بشكل غير عادي
تقريباً في أي لحظة عدد الزوار بيكون عشرة اضعاف الأعضاء في البورد
وكم مرة ألاقي المنبر مفتوح عندما أزور بعض المكاتب والاصدقاء
المهم ( شايفك في سودانيز أون لاين ) عبارة مهمة جدًاً
وتخليك تعمل مراجعة سريعة بينك وبين نفسك عن تبعات كلمة ( شايفك ) دي

كتب أحد الزملاء مرة موضوع عن السعادة
وخلاصة الموضوع أن السعادة ترتكز علي العافية والستر
أها ( الستر ) دا معناه التوازن النفسي أولاً ثم الصورة الذهنية ( الإنطباع )
عنك لدي الآخرين ثانياً
( شايفك ) أكيد بهدها ما بعدها ( 50% ، 50 % ) علي أسوأ الفروض
اللبيب يزيد 50 % وينقص 50 % ،،، والعكس بيعمل العكس

مقولة خالدة

Quote: حريتك تنتهي عند حدود حرية الآخرين

إذن ( الآخرين ) مهمين شئنا أم أبينا

قال سقراط مرة لأحد تلاميذه

Quote: تكلم يا بني حتي أراك

فإذا كنا لا نحب أن يري الناس عورات جسدنالذلك نسترها بالملابس
فعورات نفوسنا أولي أن تغطي بما نعبر عنه من أفكار وإختيار للألفاظ
فتأمل

في هذا المنبر خاصية
( التعديل ) وهي تتيح للكاتب أن يعدل ما يراه يحتاج لتعديل
من أخطأء ( خاصة الإملائية منها )
فإذا بقيت الأخطاء كما هي مع مرور الزمن ورغم تواجد العضو بالمنبر وإطلاعه علي موضوعه
فهذا يعني أنه لا يهتم بالآخرين ،،، أما إذا كان لا يجد الوقت الكافي لمراجعة ما يكتب
فأولي له ألا يكتب اساسا ،،،

شايفك في سودانيزاون لاين

عبارة لها تبعاتها

ليتنا نتذكر هذه العبارة عند كل حرف نطبعه

"أنت ما تكتب"

كما قيل قديما: أنت ما تأكل !

تحياتي

Quote: ليتنا نتذكر هذه العبارة عند كل حرف نطبعه "أنت ما تكتب" كما قيل قديما: أنت ما تأكل !

بالضبط يا صلاح الدين
كما أن هناك مقولة أخري علي في ذات المعني
وهي

Quote: لأن تندم علي ما لم تقل أرحم ألف مرة من ندمك علي ما قلت

رغم أن الدوافع للكلام أحياناً مغرية جداً وأحياناً صعبة التحكم فيها مثل حالات الغضب

سلام يا فضل ..

Quote: شايفك في سودانيز أون لاين

إنت أفضل بيقولوا ليك كدة ..

لكن في عبارة بتتقال لي مرات كدة بتسبب لي شوية ضيق ..

يقابلني زول يسألني :

إنت مش ناذر (بتاع) سودانيز أون لاين ؟!!


وركز كويس في كلمة (بتاع) دي ..!

انت كويس يا ناذر
انا اتقال لي انت ود البشرى بتاع الاسابيع


فضل يا عمك...
رايك في كون عدم تعديل الاخطاء عدم احترام للقراء
فيه قسوة شوية
انا واحد من الناس بكتب زي ما بتونس بحاول اني ما اخطئ لكن جل من لا يسهو طبعا
لكن ما حصل اخدت الموضوع بالطريقة الذكرتها دي

Quote: انت كويس يا ناذر انا اتقال لي انت ود البشرى بتاع الاسابيع

ود البشري يا حبيب
بختك والله
لما تنسبك الناس لي موضوع بتاعك بيعني قمة النجاح
وتفاعل شديد جوه وبره

Quote: رايك في كون عدم تعديل الاخطاء عدم احترام للقراء فيه قسوة شوية

يمكن فيهو حاجة أقسي أكتر كمان وهي عدم إهتمام الكاتب بي نفسو وأدواتو أول حاجة
بس يا ود محمد هو تعبير سخن شوية لكنو والله طالع مني بي محبة شديدة لكل الزملاء أعضاء المنبر
ولو ركزت في الأيقونة icon بتاعت العنوان ح تلقي قلب نابض - زي الفوق هسي دا- بي حبك وحب الزملاء الأعضاء

Quote: انا واحد من الناس بكتب زي ما بتونس بحاول اني ما اخطئ لكن جل من لا يسهو طبعا لكن ما حصل اخدت الموضوع بالطريقة الذكرتها دي

أنا قلت لما يمر زمن ويكون العضو متواجد في المنبر والموضوع فيهو أخذ ورد مفروض الواحد شوية كدا يراجع ما كتب
كتير بنلقي نفسنا ملخبتين شوية وبنتراجع
وكتير بنعشق ولا بنقول

الصحفي ،الفنان والكاتب ناذر

Quote: لكن في عبارة بتتقال لي مرات كدة بتسبب لي شوية ضيق .. يقابلني زول يسألني : إنت مش ناذر (بتاع) سودانيز أون لاين ؟!! وركز كويس في كلمة (بتاع) دي ..!

صدقني بكونوا بيقولها ليك بي محبة شديدة
لأنك كتير مهضوم
وأنا ذاتي متكيف منك يا ناذر يا بتاع سودانيز أون لاين

نكتب ولا من شاف ولا من درى....

Quote: نكتب ولا من شاف ولا من درى....

قاعد تكتب وييين يا أمبدة ؟؟؟؟؟؟؟؟؟

Quote: قاعد تكتب وييين يا أمبدة ؟؟؟؟؟؟؟؟؟

الكتابة فى المنبر يجب أن تحتوى على السباب والشتائم وسياسة ونضال وهلمجرا بعداك تحسب كتابة...
أما الكتابة الهادفة والمشاركات البناءة فال أحد يلتفت إليها وتهوى إلى القاع سريعا....


بعض من مشاراكاتى ..وهناك مشاركة بإسم (مكتبة) تحوى الكثير من الكتب فى كافة المجالات أتمنى من الأخ فضل كرار زيارتها والاستفادة منها

قائمة أشهر الهاكرز والكراكرز فى العالم..بالصور

جائزة نوبل فى الطب لهذا العام 2008


&&&&& مكتبــــــــــــــــــــــــــــــــة &&&&&&&&



Re: مساعده لطلاب البحوث والدراسات...


السيرة الذاتية لباراك أوياما.... كتـــــــــــــاب....B...k Obama: a biography


لهواة الفوتوشوب...


ماذا تعرف عن تضخم البروستات....بالله أى واحد عمرو فوق ا...بعين سنة يجينا بيجاى

أمبدة ؟؟؟؟
ما بتخاف الله سيدك ؟؟؟؟

Quote: قلت إنت قاعد تكتب ولا من شاف ولا من دري ؟؟؟؟؟

ياخي نحن شايفنك لما مليت عينا
وبالذات مواضيعك الهادفة

Quote: قائمة أشهر الهاكرز والكراكرز فى العالم..بالصور جائزة نوبل فى الطب لهذا العام 2008 &&&&& مكتبــــــــــــــــــــــــــــــــة &&&&&&&& Re: مساعده لطلاب البحوث والدراسات... السيرة الذاتية لباراك أوياما.... كتـــــــــــــاب....B...k Obama: a biography لهواة الفوتوشوب... ماذا تعرف عن تضخم البروستات....بالله أى واحد عمرو فوق ا...بعين سنة يجينا بيجاى

أما

Quote: الكتابة فى المنبر يجب أن تحتوى على السباب والشتائم وسياسة ونضال وهلمجرا بعداك تحسب كتابة... أما الكتابة الهادفة والمشاركات البناءة فلا أحد يلتفت إليها وتهوى إلى القاع سريعا....

وإنت سيد العارفين إنو الزبد يذهب جفاء
والدهب غالي لأنو قليل الوجود
تقبل مودتي يا أمبدة

فضل كرار
سلام

Quote: المهم ( شايفك في سودانيز أون لاين ) عبارة مهمة جدًاً وتخليك تعمل مراجعة سريعة بينك وبين نفسك عن تبعات كلمة ( شايفك ) دي

المصيبة انها احيانا كتيييييييييييييرة بتجيب الهواء خاصة لمن واحد يقول
ليك يااخي ماتجيب لي باسوورد....ولا افتح اي بوست تزكية.
هو قايلني ناذر الخليفة
ولا محمد البشري خضر....؟

Quote: المصيبة انها احيانا كتيييييييييييييرة بتجيب الهواء خاصة لمن واحد يقول ليك يااخي ماتجيب لي باسوورد....ولا افتح اي بوست تزكية. هو قايلني ناذر الخليفة ولا محمد البشري خضر....؟

فعلاً الشهرة متاعب يا هارون
وبعدين الجماعة الطالبين خدماتك ديل بيكونوا برضو عاجباهم العمة بتاعتك
دي وقايلنك من قرايب ود الجبل أو ترباس

وبعدين في ناس برضه بيسألوك باستغراب حقيقي..

انتو قاعدين كيف تكتبوا في المكان الكلوا شكل ده؟؟

..........
..........

مهم جدا طبعا كيف يرانا الأخر..لكن الأهم كيف احنا نشوف نفسنا..بمعني الرضاء عن نفسنا..
غير ذلك يصير الأمر نفاقا..
وقيل شويه قلت لهاله في البوست التاني كلام بما معناه..
انه نوعية الكلام البنكتبه..أهم من شكل وغلطات الحروف..
صحيح الكلمه الخاليه من أخطاء الطباعه مريحه..لكن الأريح معاني الكلمات التي تكتبها الحروف..

تجياتي لك يا فضل ولزوارك..

الأخت الغالية مني

Quote: مهم جدا طبعا كيف يرانا الأخر..لكن الأهم كيف احنا نشوف نفسنا..بمعني الرضاء عن نفسنا.. غير ذلك يصير الأمر نفاقا..

دا صميم الموضوع وهدف البوست
وكمان نحن مسئولين لحد كبير جداً عن ( كيف يرانا الآخرون )
لكن المسار الصحيح طبعاً يبدأ من الداخل

Quote: صحيح الكلمه الخاليه من أخطاء الطباعه مريحه..لكن الأريح معاني الكلمات التي تكتبها الحروف..

وما الكلمات إلا وعاء للمعاني
بس نقطة الأخطأء الإملائية دي فرع من الموضوع الرئيس للبوست
وقصدت بها تكامل الإهتمام معني وشكلاً
ولك عاطر الود

Quote: كلمات كاللكمات وداد الكواري ، صحيفة العرب القطرية ، 2008-08-19 لروبن كارتر الملقب بالإعصار جملة يقول فيها: أحياناً تكون الكلمات أقوى من اللكمات. واشتكى الأديب الأيرلندي الأصل برنارد شو قائلاً: «أعتقد أن سبب وفاتي هو أن الناس كلما رأوني أكتب يقولون: ولكنك كبرت يا مستر شو. إنهم وحدهم الذين جعلوني أشعر بأني كبرت، مع أني رأيت التخريف في كل ما يقولون، فليس فيهم واحد قادر على أن يقرأ أو يفهم ما كتبت، فكيف إذا جلسوا للكتابة. فإذا مت فليس لأني عجزت عن الفكر أو الإبداع، ولكن لأن الناس قتلوني» (مات في الثالثة والتسعين). أخبرتني سيدة متقاعدة أنها التقت بزميلة لها في مكان عام وإذا بالزميلة تبادرها قائلة: كم أنا سعيدة أنك مازلت على قيد الحياة. جملة صادمة وتفتقر إلى الذوق. أو أن يقول لك أحد: تبدو شاباً رغم أنك عجوز. ومن أبشع الجمل التي طرقت أذني جملة قالتها سيدة ترتدي أحدث الماركات وأغلاها وتملك لساناً رخيصاً ومبتذلاً، الجملة قالتها لفتاة وصلت لسنٍ معينةٍ دون زواج. قالت لها: هل أنت راضية عن نفسك وأنت عانس هكذا؟ ولم تحر الفتاة جواباً، بل ليس هناك جواب لهذا السؤال الغبي. وسيدة أخرى ذهبت تهنئ صديقتها بالمنزل الجديد فكانت أول جملة نطقت بها بعد دخولها «يامال لضعفة» وهي جملة تدل على الحسد. من أين لكم النقود لتبنوا مثل هذا القصر الفسيح. ويبدو أن الكلام اللطيف أصبح مكلفاً وشاقاً، وأسهل منه الكلمات القاسية المؤذية. وعبارة «قل خيراً أو اصمت» أصبحت مجرد جملة لا يطبقها أحد.

Quote: فإذا كنا لا نحب أن يري الناس عورات جسدنا لذلك نسترها بالملابس فعورات نفوسنا أولي أن تغطي بما نعبر عنه من أفكار وإختيار للألفاظ

ليتنا جميعا نفعل ذلك يا كرار .. حينها سنتعافي ونسعد
--------------------------------------------------

Quote: ليتنا جميعا نفعل ذلك يا كرار .. حينها سنتعافي ونسعد

ليتنا أيها الحبيب / عبدالله الحبيب

وبلا شك - كما تكرمت بالقول - أن السعادة في العافية
والعافية جسدية ونفسية
والنفس تتعافي بالخلق والسلوك القويم ( قولاً وفعلاً )

لك المودة

يا فضل يا حبيب سلام ليك ولضيوفك
طبعا امنقة حاجة أنو يلاقيك زول يقول ليك انت موش قاعد تكتب في سودانيز اولاين ..؟
لكن بالمقابل أحمض حاجة أنو يكون مع الزول اللذيذ السألك دا زول تاني سغيل وقطيم ويقوم طوالي يستلم المايك منو ويقول ليك انت مواضيعك القاعد تكتبا شنو ..

Quote: طبعا امنقة حاجة أنو يلاقيك زول يقول ليك انت موش قاعد تكتب في سودانيز اولاين ..؟

طلحة ياخي إنت من زمن الراي العام أنا متكيف منك
وبقرأ عمودك بالقلبة ( من بيت الشعر ولي فوق )
وزوار سودانين أون لاين البلاقوك ديل مساكين ساي
وأكيد تلقاهم مريخاب

Quote: لكن بالمقابل أحمض حاجة أنو يكون مع الزول اللذيذ السألك دا زول تاني سغيل وقطيم ويقوم طوالي يستلم المايك منو ويقول ليك انت مواضيعك القاعد تكتبا شنو ..

وياريت (السغيل) دا يكون هلالابي أصيل

فضل يا عمك ..طيب ما دام

Quote: فإذا بقيت الأخطاء كما هي مع مرور الزمن ورغم تواجد العضو بالمنبر وإطلاعه علي موضوعه فهذا يعني أنه لا يهتم بالآخرين ،،، أما إذا كان لا يجد الوقت الكافي لمراجعة ما يكتب فأولي له ألا يكتب اساسا ،،،

ما عارف الحتة دي تندرج تحت ياتو خيار

Quote: عبارة أسمها كثير

مش قلت ليك قاسي شوية

Quote: فضل يا عمك ..طيب ما دام Quote: فإذا بقيت الأخطاء كما هي مع مرور الزمن ورغم تواجد العضو بالمنبر وإطلاعه علي موضوعه فهذا يعني أنه لا يهتم بالآخرين ،،، أما إذا كان لا يجد الوقت الكافي لمراجعة ما يكتب فأولي له ألا يكتب اساسا ،،، ما عارف الحتة دي تندرج تحت ياتو خيار

ود البشري
ما تبادلني قسوة بي زنقة ياخ
لأني رهيف وما بستحمل
بس أولي له ألا يصر علي ترك إنطباع خاطئ
يعني فيما يخص الموضوع دا ( ولا تلقوا بأيديكم إلي التهلكة ) ،،،
أو ما يطبز عينه بي أصبعوا


Quote: عبارة أسمعها كثير

شكراً علي التنبيه يا ود البشري ( بيان بالعمل وكدا )

ألأخ/فضل كرار

شكرآ لهذا البوست الجميل.......................

أنا بكتب وبحاول ما أخطىء إملائيآ.بيان بالعمل..................

Quote: فإذا بقيت الأخطاء كما هي مع مرور الزمن ورغم تواجد العضو بالمنبر وإطلاعه علي موضوعه فهذا يعني أنه لا يهتم بالآخرين ،،، أما إذا كان لا يجد الوقت الكافي لمراجعة ما يكتب فأولي له ألا يكتب اساسا ،،،

ده كلام صاح.................ومفيد..تسلم ياراقى

مودتى..............إسماعيل محمد احمد عباس...................

Quote: ده كلام صاح.................ومفيد..تسلم ياراقى

وتسلم ياإسماعيل محمد احمد عباس
وليتنا نتوقف حيناً بعد حين لمراجعة صورتنا الذهنية
لدي الزملاء ، الأصدقاء والأهل بحيث لا نخيب ظنهم فينا
وكما للشركات الضخمة سمعة وbrand name تحافظ عليها
كذلك فإن للإنسان يجب أن يهتم بها وتحضرني هنا قصة السير ستونوفل جاكسون
الذي مشي مسافة ميل تحت المطر أثناء الظلام ليجد شخصاُ تحدث إليه أثناء النهار كي يعتذر
له عن خطأ بدر منه أثناء الحديث ،،، وحين سأله أحد أصدقائه ( لماذا إحتملت كل تلك المشقة
كي توضح هذا الشئ التافه ؟ أجب جاكسون ( لا لشئ إلا أنني لا أستطيع النوم بدون تصحيح تلك الفكرة
الخاطئة التي فهت بها)
وتأمل أيضاً يا إسماعيل ما كتبه راوي القصة في تعليقه عليها:
( لقد تعلم السيد جاكسون أن سمعته في قول الصدق شئ ثمين بالنسبة له، فكان يعير مسألة سمعته
إهتماماً بالغاً بحيث أنه لم يسمح للطخة ولو بسيطة أن تشوه سجله الشريف)
مودتي
فضل كرار

Quote: لقد تعلم السيد جاكسون أن سمعته في قول الصدق شئ ثمين بالنسبة له، فكان يعير مسألة سمعته إهتماماً بالغاً بحيث أنه لم يسمح للطخة ولو بسيطة أن تشوه سجله الشريف) مودتي فضل كرار

بالله شوف جنس الكلام ده....صدق.وامانة..ياليت نحن المسلمون كذلك....كما قال ألأمام الغزالى ذهبت بلاد الغرب وجدت إسلام ولم اجد مسلمين..فى إلتزامهم ووفاءهم وإخلاصهم..

خالص مودتى.أخى فضل
إسماعيل محمد احمد عباس..............

بعض قسوة حنينة

Quote: لا حين للحسن ، لا حدّ يقاس به وإنّما نحن أهل الحدّ والحين فكم تماوج في سربال غانية وكم تألق في أسمال مسكين وكم أحسّ به أعمى فجنّ له وحوله ألف راء غير مفتون عش للجمال تراه ههنا وهنا وعش له سرّ جدّ مكنون خير وأفضل ممن لا حنين لهم إلى الجمال ، تماثيل من الطين

إيلياء أبو ماضي

ود البشرى ,,

Quote: انت كويس يا ناذر انا اتقال لي انت ود البشرى بتاع الاسابيع

بالمناسبة ..

يتاع برضو بتجي معاها كلمة بتاعة ..

واحد قال لي : إنت البت (بتاعة) الصداقة الاسرائيلية دي مالا معاك ؟!!

فضل ..

Quote: صدقني بكونوا بيقولها ليك بي محبة شديدة لأنك كتير مهضوم وأنا ذاتي متكيف منك يا ناذر يا بتاع سودانيز أون لاين

والله المحبة موجودة والشهرة متاعب ..

لكن حصلت مرة قبل سنتين بدون محبة ..

في جلسة كدة واحد قال لي غنت ناذر بتاع سودانيز أون لاين ؟! قلت ليهو أيوة ..!!

طوالي وشو إتغير وقال لي : حقو الواحد هسي يشيل سكينة يطعنك بيها .. مالك مع بت الاحفاد ؟!!!

الكلام دا كان اثناء شكلة إسفيرية كاربة مع العضو بت الاحفاد

Quote: طوالي وشو إتغير وقال لي : حقو الواحد هسي يشيل سكينة يطعنك بيها .. مالك مع بت الاحفاد ؟!!! الكلام دا كان اثناء شكلة إسفيرية كاربة مع العضو بت الاحفاد

دى لذيذه شديد ...


عشان كده انا بكتب باسم مستعار. ولما الناس تجيب سيره سودانيز أون لاين, بسكت ساااكت. و لو سالونى "بتعرفى سودانيز أون لاين؟" . بقول انى سمعتا بيها.

Quote: لكن حصلت مرة قبل سنتين بدون محبة .. في جلسة كدة واحد قال لي غنت ناذر بتاع سودانيز أون لاين ؟! قلت ليهو أيوة ..!! طوالي وشو إتغير وقال لي : حقو الواحد هسي يشيل سكينة يطعنك بيها .. مالك مع بت الاحفاد ؟!!! الكلام دا كان اثناء شكلة إسفيرية كاربة مع العضو بت الاحفاد

أنا بحي الزول دا لس سببين
أول حاجة لأنو أثبت صحة كلامي إنو حكاية شايفك دي عندها تبعات
وتاني حاجة لأنو هرشك

وممكن جداً يا ناذر زول تاني يكون معجب بي كتاباتك فى المنبر ويحلف عليك ما تدفع في محل عشاء
أو أي حاجة تانية
بس المهم الكتابة عندهاأثرها في الناس ( إيجاباً أو سلباً )
و ،،،أنت سيد الكلام إذا حبسته داخلك ولكن ما إن تطلقه صار هو سيدك

فضل كرار،
سلام،،،

ناذر الخليفة،

Quote: في جلسة كدة واحد قال لي غنت ناذر بتاع سودانيز أون لاين ؟! قلت ليهو أيوة ..!! طوالي وشو إتغير وقال لي : حقو الواحد هسي يشيل سكينة يطعنك بيها .. مالك مع بت الاحفاد ؟!!!

قلت لى الشهرة متاعب،،

أنا حسه بس عرفت ليه حسنا الأمنى بيحاول يغطغط على الأمور،،،،

كرار ...

Quote: وممكن جداً يا ناذر زول تاني يكون معجب بي كتاباتك فى المنبر ويحلف عليك ما تدفع في محل عشاء

حصلت مواقف شبيهة ..

دقيقة اخش الارشيف أجيبا ليك وأجي ..



سمارت ...


صدقيني نص عمرك ضايع

ختي صورتك وشوف البيحصل ليك شنو ..

وجدت البوست :

هذا هو الإقتباس :

Quote: قبل أن أواصل في هذا الدوبيت أود أن أحكي قصة طريفة تتعلق بهذا البوست وقد حكيتها لنادية عثمان عندما جاءت إلى الخرطوم .. ذهبت إلى جبل أولياء في نهار إحدى الأيامات من اجل قضاء شأن تجاري مع إحدى الشركات العاملة هناك في تربية وتصنيع الدواجن وعندما دخلت مكتب المدير العام للشركة وجدته يقرأ بإهتمام شديد وإبتسامة واسعة على شاشة الكمبيوتر الموجودة امامه ، وقد أشار لي بالجلوس قبل أن يتبين ملامحي جيدا فجلست وتركته يكمل ما يفعله بمهل ، وبعد قليل ضحك ضحكة خفيفة وإلتفت إلي وما ان رأى وجهي حتى عاد ببصره بسرعة للشاشة التي أمامه وصار ينقل بصره بينها وبيني بسرعة حتى خفت وسقط قلبي بين ضلوعي !! فقد تركت النضال منذ زمن طويل ولم تعد تجمعني بالأحزاب المعارضة أدنى صلة ، فهل هذا المدير يتبع لجهاز الأمن ووجد إسمي في قائمة المطلوبين أم ماذا !!.. ثم سألني الرجل بجدية (إنتا ناذر خليفة؟) وهنا تيقنت تماما أنني لن اخرج من الشركة سليما أو على الأقل سأخرج منها مجندلا بالسلاسل إلى حيث قبو أو معتقل بارد .. وعن لي أن أنكر أنني هو .. ولكن شيئا ما جعلني أقول له بتردد : أيوه أنا ناذر إنشالله خير ؟؟ فما كان من الرجل إلا أن ضحك ضحكة شديدة مجلجلة وقام من مكتبه وصافحني بقوة وهو يسألني عن حالي وأحوالي وقبل أن أفرغ من دهشتي سألني : تطلب شنو بارد ولا ساخن ؟؟ أجبته : كباية موية بس كفاية ؟ فأصر الرجل على أن أطلب شيئا فلما وجدته مصرا طلبت زجاجة مياه غازية وأنا لا زلت متردد ومرتاب ... بعدها تحدث معي الرجل حديثا وديا وطيبا وسألني السؤال الذي يسألني عنه أغلبية البورداب عندما أقابلهم: (ما لقيت العروس لسة؟) هنا إرتحت للرجل تماما عندما أعطاني هذه الشفرة .. فضحكت طويلا وقلت له أكيد أنت واحد من بورداب سودانيز أون لاين ؟ فأجاب بالنفي ولكنه ذكر لي أنه متابع للمنبر بكل دقة وعالما بكل الخلافات وتفاصيلها التي تحدث ولكنه لم يفكر ولا مرة في تقديم طلب للإنضمام .. ثم طلب مني أن أتي معه خلف مكتبه ليريني فيما كان يقرأ .. وما أن جئت خلف الشاشة حتى وجدته يقرأ في هذا البوست .. فضحكنا طويلا ومنها ذكر لي الرجل انه عاشق للدوبيت (ليس الأوتومسفيري طبعا) ولكنه لم يكن يعتقد أن هنالك نوعا يتم جوبكته هكذا مثلما أفعل أنا ورغم أنه كما يقول مستمتع بالدوبيت الذي تكتبه نادية لأنه فعلا (دوبيت) إلا انه أكثر إستمتاعا بما أجوبكه انا رغم انه لا يمكن أن يسميه (دوبيت) و رغم محاولتي إقناعه بأن الدوبيت الأوتومسفيري يختلف عن الدوبيت العادي في صياغته وتركيبته إلا أنه لم يقتنع .. وأضاف أنه لم يقتنع أيضا بقصيدتي الأوتومسفيرية التي أهديتها للأستاذ عثمان محمد صالح وأيضا للنقاش العالمي دافنشي ولكن ذلك لم يمنع من إعجابه بهما .. المهم ان الرجل بالغ في إكرامي وطاف معي بنفسه مكاتب الشركة من أجل تسهيل مهمتي التي جئت لأجلها ولم يكتف بذلك بل ودعني حتى بوابة الشركة وهو يدعوني لزيارته مرة اخرى .. صنفرة : التحية للأستاذ (.........) الذي يتابعنا الأن والتحية لكل قراء هذا البوست من غير أعضاء المنبر ..

وهذا هو البوست بالكامل :

نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !!


شفت كيف يا كرار ويا سمارت

جبتها والله يا ناذر
وهذا هو مربط الفرس
بس عليك الله يا ناذر وبي منتهي الأمانة
إحساسك شنو لما تتذكر الموقف دا

Quote: ذهبت إلى جبل أولياء في نهار إحدى الأيامات من اجل قضاء شأن تجاري مع إحدى الشركات العاملة هناك في تربية وتصنيع الدواجن وعندما دخلت مكتب المدير العام للشركة وجدته يقرأ بإهتمام شديد وإبتسامة واسعة على شاشة الكمبيوتر الموجودة امامه ، وقد أشار لي بالجلوس قبل أن يتبين ملامحي جيدا فجلست وتركته يكمل ما يفعله بمهل ، وبعد قليل ضحك ضحكة خفيفة وإلتفت إلي وما ان رأى وجهي حتى عاد ببصره بسرعة للشاشة التي أمامه وصار ينقل بصره بينها وبيني بسرعة حتى خفت وسقط قلبي بين ضلوعي !! فقد تركت النضال منذ زمن طويل ولم تعد تجمعني بالأحزاب المعارضة أدنى صلة ، فهل هذا المدير يتبع لجهاز الأمن ووجد إسمي في قائمة المطلوبين أم ماذا !!.. ثم سألني الرجل بجدية (إنتا ناذر خليفة؟) وهنا تيقنت تماما أنني لن اخرج من الشركة سليما أو على الأقل سأخرج منها مجندلا بالسلاسل إلى حيث قبو أو معتقل بارد .. وعن لي أن أنكر أنني هو .. ولكن شيئا ما جعلني أقول له بتردد : أيوه أنا ناذر إنشالله خير ؟؟ فما كان من الرجل إلا أن ضحك ضحكة شديدة مجلجلة وقام من مكتبه وصافحني بقوة وهو يسألني عن حالي وأحوالي وقبل أن أفرغ من دهشتي سألني : تطلب شنو بارد ولا ساخن ؟؟ أجبته : كباية موية بس كفاية ؟ فأصر الرجل على أن أطلب شيئا فلما وجدته مصرا طلبت زجاجة مياه غازية وأنا لا زلت متردد ومرتاب ... بعدها تحدث معي الرجل حديثا وديا وطيبا وسألني السؤال الذي يسألني عنه أغلبية البورداب عندما أقابلهم: (ما لقيت العروس لسة؟) هنا إرتحت للرجل تماما عندما أعطاني هذه الشفرة .. فضحكت طويلا وقلت له أكيد أنت واحد من بورداب سودانيز أون لاين ؟ فأجاب بالنفي ولكنه ذكر لي أنه متابع للمنبر بكل دقة وعالما بكل الخلافات وتفاصيلها التي تحدث ولكنه لم يفكر ولا مرة في تقديم طلب للإنضمام ..

والله يا فضل إحساسي كان لا يقاوم ..

Quote: والله يا فضل إحساسي كان لا يقاوم

طبعاً أول حاجة ح تنبسط من نفسك
لكن بعد ما تطير النشوة ( خلينا نكتبها كدا بي كل صراحة )
ح تنتابك بعض الهواجس
مثلاً
لو كان فلتا في الكلام وقلتا حاجة ما بتليق
كنت ح أكون محرج
أو
لو دخلت في شجار غبي مع واحد أو واحدة
كنت ح أتبهدل حتي لو إنتصرت عليهو
لأنو من أساسو ما كان في داعي

قصدي إنو السمعة الكويسة بتتبني بي مجهود وفي زمن طويل
عشان كدا حقو نحافظ عليها شديد
و
و الكلام كتير
بس إنت في التراك الصحيح
كعهدي بك معظم الأحيان

فضل كرار ..

Quote: وتخليك تعمل مراجعة سريعة بينك وبين نفسك عن تبعات كلمة ( شايفك ) دي

يا ريت والله .. ويا ريت لو الناس تحس بصدق بخطورة الكتابة (عدم الكتابة أثناء الإنفعال، والمراجعة قبل إرسال المشاركة). الآراء مختلفة .. نعم، وشخصيات الأعضاء مختلفة ... نعم، لكن الإنضباط في الكتابة بيخلي حتى الإختلاف مفيد.

شكراً للتنبيه.

صنفرة
يا ناذر صلّح دي سرييييع

Quote: في جلسة كدة واحد قال لي غنت ناذر بتاع سودانيز أون لاين