Post: #1
Title: مبروك اولا..... و حتحتفلوا بفوز اوباما كيف يا شباب؟؟؟
Author: Tragie Mustafa
Date: 11-03-2008, 10:39 PM
مبروك باذن الله الفوز غدا لاوباما اول رئيس اسود لامريكا.
بدأت الدعوات تتوالى لكل الاوبامين للتنسيق للاحتفال
فاين ستذهب عشية النجاح؟؟؟؟؟
ويا ناس شيكاغو بختكم قالوا بوليس شيكاغو في استنفار تام
والناس المتوقعه تحضر الاحتفال مع اوباما قرابة ال 70 الف
لكنهم قالوا....متوقع مليون في الشوارع!!
انا غايتو معزومه مع ايفيلين مايري احد زعامات السود بمدينتنا.
الا السيره بعد الفوز لاوباما.
|
Post: #2
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Farahat Sayed
Date: 11-04-2008, 00:30 AM
Parent: #1
هووووووي ياناس كندا
تراجي وحيدر
الرجفه حاصله
خلونا في حالنا
لغايه بكره
يكفينا الله شر الكجه
|
Post: #3
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: أسامة الفضل
Date: 11-04-2008, 00:52 AM
Parent: #2
تراجي
نحن ناس شيكاغو أهل الجلد و الرأس و حانكون في القرانت بارك نستمع للخطاب التاريخي
نشهد صناعة التاريخ عيني عينك
|
Post: #4
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Tragie Mustafa
Date: 11-04-2008, 01:07 AM
Parent: #3
فرحات تبروا يا اخوي من الكجه
Quote:
هووووووي ياناس كندا
تراجي وحيدر
الرجفه حاصله
خلونا في حالنا
لغايه بكره
يكفينا الله شر الكجه |
بس قلنا نعمل زي الخواجات البتفلسوا وبيقلوا بيخططوا مقدما لكل حاجه
يعني اصلا اوباما ومكين الاثنين كل زول حاجز قاعه للاحتفال!!
اها جات علينا نحن الكشا مشا ديل؟؟؟!!
تحياتي لكم ونسقوا ايضا يالا ناس فيلي.
وربنا معانا الهزيمه لن تغشنا.
|
Post: #5
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: اسماعيل عمر ابراهيم
Date: 11-04-2008, 01:09 AM
Parent: #2
الاوبامية العزيزة تراجي
التحايا و الاشواق
هاهنا نحن فى بيتك الكبير
اقتربت السويعات لنعلن للعالم ميلاد عالم جديد
و على قيادته الفذ القوى و الفلتة باراك اوباما
و صدقيني لن يكون الاحتفال فقط بشيكاغو انما يوم غد
سيكون كل مدن امريكا و اوربا وكل قرية بافريقيا شيكاغو آخر
غدآ سيبدأ التاريخ الجديد لامريكا و العالم معلنة النهاية الفعلية
لأسوأ ما اتت به الانسانية من عار وهو الرق و التعالي على العنصر الاسود
مساء غد سيكون يومآ استثنائيآ للعالم و ليست ككل الاماسي...
سنحتفل هنا بمدينة دالاس بولاية تكساس معقل الكيزان اقصد الجمهوريين لنعلنها
داوية بأن الماضي ولى و بغير رجعة و ان الحاضر ارحب و اقوى...
و الله يا اختي ماعارفيين نقعد و لا ننوم .. وكل البلد لسان حالها
يا يوم بكرة ما تسرع تخفف لي نار وجدي
كوني بخير ايتها العزيزة
|
Post: #6
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: هاشم نوريت
Date: 11-04-2008, 01:35 AM
Parent: #5
ياتراجى اوع من النشله
|
Post: #7
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Tragie Mustafa
Date: 11-04-2008, 04:24 AM
Parent: #6
| Quote: ياتراجى اوع من النشله |
بلديتنا انت بس ادعي ليه.... ربك يهون....
|
Post: #8
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Rashid Elhag
Date: 11-04-2008, 04:28 AM
Parent: #7
الله أكبر ...أها يا تراجي الحفلة متين والفنان منو ?
راشد
|
Post: #9
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Tragie Mustafa
Date: 11-04-2008, 04:34 AM
Parent: #8
ام هله هله عديل قلت لي يا اسماعيل ؟؟؟؟!!
وحياتك ما براك....كلنا ولدياتنا ووليدات اصدقاءنا وبنياتنا
حاجه صعبه خلاص.....
Quote:
الاوبامية العزيزة تراجي
التحايا و الاشواق
هاهنا نحن فى بيتك الكبير
اقتربت السويعات لنعلن للعالم ميلاد عالم جديد
و على قيادته الفذ القوى و الفلتة باراك اوباما
و صدقيني لن يكون الاحتفال فقط بشيكاغو انما يوم غد
سيكون كل مدن امريكا و اوربا وكل قرية بافريقيا شيكاغو آخر
غدآ سيبدأ التاريخ الجديد لامريكا و العالم معلنة النهاية الفعلية
لأسوأ ما اتت به الانسانية من عار وهو الرق و التعالي على العنصر الاسود
مساء غد سيكون يومآ استثنائيآ للعالم و ليست ككل الاماسي...
سنحتفل هنا بمدينة دالاس بولاية تكساس معقل الكيزان اقصد الجمهوريين لنعلنها
داوية بأن الماضي ولى و بغير رجعة و ان الحاضر ارحب و اقوى...
و الله يا اختي ماعارفيين نقعد و لا ننوم .. وكل البلد لسان حالها
يا يوم بكرة ما تسرع تخفف لي نار وجديكوني بخير ايتها العزيزة
|
وفعلا يا يوم بكره ما تسرع تخفف لي نار وجدي؟؟؟
اريتنا في العالم الثالث كان رقصنا للصباح
هنا يا اخوي اي حاجه من غير اذن فيلم هندي.
مبروك عليكم انتو ارقصوا لينا غايتو.
|
Post: #10
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: طلعت الطيب
Date: 11-04-2008, 04:56 AM
Parent: #9
الاخت الفاضلة تراجى
ام حازم وسند
تحية وسلام خاصة للاولاد
يازولة الله كريم وانشاء الله يفوز، كلنا والله اعصابنا منتهية فى انتظار النتيجة و(الطلق ) بين القديم والجديد ، انها لحظة تاريخية يا تراجى فى تاريخ الانسانية بشكل عام والديمقراطية بشكل خاص ،،
نمسك الان عن اية تعليقات لحين انتظار النتيجة ، ونرجو ان يكرم الله الانسانية بمرحلة جديدة
تحياتى... والى الغد المشرق باذن الله
|
Post: #11
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: HAYDER GASIM
Date: 11-04-2008, 05:38 AM
Parent: #10
| Quote: نمسك الان عن اية تعليقات لحين انتظار النتيجة |
لا يا الحبان ... لا يمكن أن تمسك الطلق,
وإلا فسوف ينعفص الجنين وإحتمال إتشوه.
فقد بدأت إحتفائي مبكرا, والمجد لأوباما
ومن ينتظرونه على شوارع العالم.
شكرا تراجي ... ومرحا طلعت, وكل الميامين
المناصرين لأوباما العظيم.
... ومودتي
|
Post: #12
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: شكرى سليمان ماطوس
Date: 11-04-2008, 05:53 AM
Parent: #1
الأخت العزيزة / تراجى،،
مبرووك مقدماً "بإذن الله"
عقبال سويـاً ما نبارك للشعب السودان الموحد
(جنوب شمال غرب شرق وسط)
رجوع الحق فى حياة ديمقراطية و عيش كريم
وإندحار للقهر و للإقصاء و للتلسط
نتابع شغوفين بخوض التجربـــــة
-----
ما فى طريقة تكلمى لينا بتاع الهجرة
يشوف لينا جواز أنا و الأولاد و أمهم
وربنا ينوبك فينـا ثواب
ش
|
Post: #13
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Abdlaziz Eisa
Date: 11-04-2008, 06:03 AM
Parent: #12
العزيزة تراجي
سلام
نحن من على البعد معكم بقلوبنا رغم خوفنا واشفاقنا من أن يحصل
ما حصل لآل قور من قبل..
نحاول المتابعة رغم فرق الزمن بتقدمنا 12 ساعة
تحياتي
عبدالعزيز / سنغافورة..
|
Post: #14
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Marouf Sanad
Date: 11-04-2008, 06:07 AM
Parent: #12
الصديقة تراجي
ياخي لو فاز اوباما
ما بنحتفل ذاتو
|
Post: #16
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: أيمن الطيب
Date: 11-04-2008, 06:31 AM
Parent: #12
سلامات يا تراجى,,
شوفى كلام عمنا شكرى دا كيف,,
Quote: عقبال سويـاً ما نبارك للشعب السودان الموحد
(جنوب شمال غرب شرق وسط)
رجوع الحق فى حياة ديمقراطية و عيش كريم
وإندحار للقهر و للإقصاء و للتلسط |
وأضيف,,
ووطن خير ديمقراطى يعيش إنسانه حياة يملؤها
السلام والوئام ويجد صغيره وكبيره ما يحتاجه
ليحي حياة كريمة خالية من الأمراض والحروب,,
معافاة من القهر والذل والظلم والتسلط..
غايتو الإنتخابات الأمريكية دى بتشبه الكورة
السودانية!!!تركّز معاها ما ينوبك غير وجع
القلب
امبارح واحد أمريكى سألوه حاتصوت لماكين
ليه!!!قال سمعت إنو أوباما دا لو فاز حا
يغير العلم الأمريكى والنشيد الوطنى !!!
زى القاعدين فى السهلة ديل هم السووها فينا
فى السودان الخوف عليكم يا ناس العالم الأول
وأول مرة أعرف إنو أمريكا فيها ناس قريعتى راحت
تحياتى وأمنياتى لصديقك أوباما وعقبال ما نشوف
صورك فى البيت الأبيض إنت بس أدعى ليهو وقولى ليهو
ناس كينيا شغالين كجور تش ترش,,سيرسير ياأوباما,,
وما بين أوباما وأوكامبو تبدو خيوط الضوء ,,
|
Post: #15
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Samau'al Abusin
Date: 11-04-2008, 06:19 AM
Parent: #1
العزيزة تراجي،
أوباما نفسه حذر من الإفراط
في التفاؤل.
و الإنتخابات الأمريكية أم
المفاجآت دائما.
شخصيا لن أحتفل حتى أرى
الفوز متحققا.
أصبروا ساعات بس،
يعني ما حبكت!!!
|
Post: #17
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: محمد ابراهيم قرض
Date: 11-04-2008, 06:51 AM
Parent: #1
مش تراجي دي بتشجع أوباما ..
أنا بشجع مكيييين ..
بس عايز أكون ضد تراجي ..
لو شجعت المريخ .. أشجع الهلال
ولو شجعت الهلال أشجع المريخ
ولو شجعت اسرائيل أشجع حزب الله
بس ضد تراجي و أنا وراك والزمن !!!!
|
Post: #18
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: mekki
Date: 11-04-2008, 06:54 AM
Parent: #1
العزيزه تراجى...
أختلف معك فى الكثير من اطروحاتك....لكننى متعاطف مع هذا "الأوباما"...سودانيه ساى وحمرة عين
لأن هذا "الأوباما" فعل شيئا لم يفعله اى قائد سودانى من قبل: لقد استطاع توحيد كل السودانيين!!!
ويا ريت نلقى منو نسخه نجيبها هنا فى السودان حيث منبع اللت والعجن...عسى ولعل!!
بس الله يرضى عليك ما تستعجلى:| Quote: مبروك باذن الله الفوز غدا لاوباما اول رئيس اسود لامريكا. |
خايف تبقى عليكم حكاية العمده "صلاح السعدنى" فى ليالى الحلميه عندما نزل انتخابات ضد "يحيى الفخرانى" ولد (الذوات)...!
كويس انك قلتى انشاء الله
وانشاء الله يفوز اوباما
وعقبال ما نلقى نسخه سودانيه ميه الميه....!!!
|
Post: #19
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: على تاج الدين على
Date: 11-04-2008, 03:01 PM
Parent: #18
فوز السناتور بارك اوباما اضحى قاب قوسين او ادنى بناء على استطلاعات الراى التى
اظهرت تفوقه فى اكثر من 34 ولاية.....وسيكون لهذا الانتصار التاريخى دلالات عظيمة
على المشهد السياسى -الفكرى والثقافى -الاقتصادى الكونى باكمله....يمكن قراءتها
داخل مرجعيات مختلفة....قد يرى بعض المراقبين انه عبارة عن تطور وانتقال للمفاهيم
داخل ثقافة شديدة الخصوصية والانغلاق رجحت كفة العرق الابيض النقى على امتداد ثلاثة قرون
منذ 30 ابريل 1783 ولغاية الان ...فى احقيته فى احتكار القيم والاشياء رغم الواقع
الفسيفسائى فى الحياة العامة واسهاماته فى حضور امريكا القوى فى المسرح الدولى,فى
تقديرى ...هذه الظاهرة ستكون بمثابة خطاب نهضوى وثورة حقيقية ضد الخمول والتكلس
العقلى لفئة العرق الاسود التى رسخت فى المخيال العام صورة الانسان البدائى الذى
يتقصى عن كنهه ,واذا احسن الظن به ...مجبول على المجون والرقص والغناء والفوضوية
والعبثية.....كما ستكون هذه الظاهرة ...مراجعة حقيقية للثقافة السائدة والتراث
الفكرى الذى انبنت عليه ومن ثم الدعوى الى اعادة تشكيلها على اسس جديدة...
اما قراءة البرنامج والاداء والكاريزمتك سنرجئها الى حين الفوز...خلاصة القراءة
يمكن القول ...هنالك نوع من الداروينية التاريخية للمفاهيم فى بيئة الثقافة الامريكية
خارج النص......يا تراجى اياك ان تقيس قياس (العلة والشبه والنوع)
لهذه القراءة ,وتقومى بترحيلها الى دارفور .
تحياتى
على تاج الدين
|
Post: #20
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: عبد الواحد أبراهيم
Date: 11-04-2008, 03:59 PM
Parent: #19
قلوبنا وعقولنا مع باراك أوباما
فوز اوباما لحظة فارقة فى تاريخ الانسانية .
|
Post: #21
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Imad Khalifa
Date: 11-04-2008, 08:12 PM
Parent: #19
Quote: اثبتت التجارب السياسية المتعاقبة فى السودان ان النظم العسكرية هى الافضل
فى اشاعة ثقافة الاستقرار والتنمية ,رغم الانتقادات بشان مصادرة الحقوق
والحريات وغياب الشفافية والمحاسية والصرف السياسى والامنى لحماية النظام
وغيرها من الاسباب ...تبقى الحقيقة هى ان النظم العسكرية رغم كل السوءات
الا انها الافضل على الاطلاق فى بلد مثل السودان ..بنقص تكوينه الوطنى وتخلقه
الاجتماعى وهى تحديات ما زالت تهدد مصيره الوطنى. |
لا يمكن ان يحتفى بانتصار اوباما من تعشعش في نافوخه هذه الافكار المتطرفة ويعتقد باننا لا نصلح
الا ان نُحكم تحت قمع احذية العسكر.
ثم تأتي لتقول مناقضا نفسك:
Quote: وسيكون لهذا الانتصار التاريخى دلالات عظيمة
على المشهد السياسى -الفكرى والثقافى -الاقتصادى الكونى باكمله |
اهم دلالات هذا الانتصار الكبير هو ايمان هذه الشعوب المتحضرة بقيمة الديمقراطية كطريق ومنهاج حكم لا حياد عنه في هذا العصر الذي تدعو انت فيه لان تسود قيم الدكتاتورية والقمع والبطش في السودان.
اتمني الا يكون القهر والقمع وغياب الحريات في بلادنا من اسباب اقامتك في هولندا.
الفاضلة أم سند
لك التحايا والعاقبة عندكم في القريب العاجل
لا شك ان فوز اوبامبا سيغير الكثير من المفاهيم عن السود والمهاجرين في الغرب.
والمهم عندنا هو راية الواضح الذى لايقبل التأويل في قضية دارفور وكذلك رأي نائبه بايدن، فالرجلان مهمومان بضرورة انهاء هذه الكارثة الانسانية فورا.
كسرة:
الظاهر فكي القصر لم يوفق هذه المرة في ايقاف المد الاوبامي الظاهر الجماعة نسو ان اوباما من كينيا (يعني محصن تماما من الرتينزات).
لك تحياتي
|
Post: #22
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: على تاج الدين على
Date: 11-04-2008, 10:06 PM
Parent: #21
Quote: Quote: اثبتت التجارب السياسية المتعاقبة فى السودان ان النظم العسكرية هى الافضل
فى اشاعة ثقافة الاستقرار والتنمية ,رغم الانتقادات بشان مصادرة الحقوق
والحريات وغياب الشفافية والمحاسية والصرف السياسى والامنى لحماية النظام
وغيرها من الاسباب ...تبقى الحقيقة هى ان النظم العسكرية رغم كل السوءات
الا انها الافضل على الاطلاق فى بلد مثل السودان ..بنقص تكوينه الوطنى وتخلقه
الاجتماعى وهى تحديات ما زالت تهدد مصيره الوطنى.
لا يمكن ان يحتفى بانتصار اوباما من تعشعش في نافوخه هذه الافكار المتطرفة ويعتقد باننا لا نصلح
الا ان نُحكم تحت قمع احذية العسكر.
ثم تأتي لتقول مناقضا نفسك:
Quote: وسيكون لهذا الانتصار التاريخى دلالات عظيمة
على المشهد السياسى -الفكرى والثقافى -الاقتصادى الكونى باكمله
اهم دلالات هذا الانتصار الكبير هو ايمان هذه الشعوب المتحضرة بقيمة الديمقراطية كطريق ومنهاج حكم لا حياد عنه في هذا العصر الذي تدعو انت فيه لان تسود قيم الدكتاتورية والقمع والبطش في السودان.
اتمني الا يكون القهر والقمع وغياب الحريات في بلادنا من اسباب اقامتك في هولندا.
الفاضلة أم سند
لك التحايا والعاقبة عندكم في القريب العاجل
لا شك ان فوز اوبامبا سيغير الكثير من المفاهيم عن السود والمهاجرين في الغرب.
والمهم عندنا هو راية الواضح الذى لايقبل التأويل في قضية دارفور وكذلك رأي نائبه بايدن، فالرجلان مهمومان بضرورة انهاء هذه الكارثة الانسانية فورا. |
نحن نقرا التجارب داخل مرجعياتها ...ونقوم بعمليات ذهاب واياب شاقة داخل
التجارب لمعرفة الشروط التاريخية والايديولوجية التى تنتج ظاهرة ما فى زمان
ومكان معينين بمعنى اخر لا يمكن تبيئة المفاهيم فى بيئات غريبة عنها قسرا
او ترحيلها من سياقها التاريخى الذى وجدت فيه الى فضاء اخر .....انا لم
احتف بفوز اوباما بعد ....وانما قرات دلالات الانتصار ان وقع على المشهد الكونى
بقيمه الفكرية والثقافية والاقتصادية -السياسية....هذا من ناحية...ومن جهة اخرى
صدى الانتصار على مفهوم العرق داخل ثقافة شديدة الانغلاق والتحيز للجنس الابيض
وما قد يحدثه هذا الانتصار من نقلة نوعية لجماعات الهامش فى تجهيز وعيها
وترتيب اولوياتها لمواجهة مقتضيات المرحلة.....اما تمجيدنا للتجارب الشمولية
ومدى ملاءمتها للظروف الموضوعية لبلادنا فمرده لجملة من المسوغات ....مجتمع
ناقص التكوين الوطنى + ليست لديه تقاليد برلمانية + ديمقراطية فهمها يقتصر
على النخبة....ومثال على ذلك.....انت مثلا ...من اشد الناس تبشيرا بالنظام
الديمقراطى ....كعقيدة ينبغى ان يحكم بها السودان بكل واقعه المتردى ...
o.k ...ممكن تعطينا ....فكرة عن انواع وطبيعة النظم السياسية؟؟؟
مع الاخذ بعين الاعتبار ....انت واحد من الانتليجنسيا وليس من العامة
الذين لا صلة نسب لهم البتة مع ثقافة الديمقراطية...2/ما هى العلاقة بين
السلطة التنفيذية والتشريعية فى النظام النيابى مثلا؟؟؟وهذا يمت بصلة
لثقافة الديمقراطية...3/من الذى يقدم مشروع القانون ؟؟؟ومن الذى يقدم
مقترح القانون؟؟؟كبف تتم مراقبة الدستور؟؟؟وكيف تتم مراجعة الدستور؟؟
ماهو الفرق بين التشريع الاسمى والتشريع العادى والمرسوم؟؟؟
ما هى انواع الاقتراع الانتخابى؟؟وكم وكم من الاسئلة ذات الصلة بالمجال
الديمقراطى.....دعنى انا المتطرف الشمولى ...يلا ورينا انت ياديمقراطى.
حتى نقتنع ....نحن فعلا نفهم العملية الديمقراطية وواقعنا يستجيب لها.
|
Post: #23
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Tragie Mustafa
Date: 11-04-2008, 10:24 PM
Parent: #22
عماد كتلتني بالضحك....
Quote:
كسرة:
الظاهر فكي القصر لم يوفق هذه المرة في ايقاف المد
الاوبامي الظاهر الجماعة نسو ان اوباما من كينيا (يعني محصن تماما من الرتينزات).لك تحياتي |
لاحظ يا عماد في كم تعليق من خلال هذا البوست عن الرتينزات دي
يعني ناس كثار عارفنها حكومة حاكمانا بالفقراء
الا ابواما ده واقف له اللا نام لا اكل طعام
رجلا مبارك من نطفة مباركه وضعها ابوه برحم مبارك فانتج لنا كل هذه البركات.
مدد يا شيخ اوباما
|
Post: #24
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: مكي ابراهيم مكي
Date: 11-04-2008, 10:37 PM
Parent: #23
الاوبامايه حتي النخاع.. تراجي سلامات
كلها سويعات ويلوح نجم (ظاهرة اوبامانيا العالميه)
في الافق معلنا ببذوغ فجرا جديد في دنيا السياسيه
الامريكيه .. ويكتمل موسم فرح انتظرناه سنين
|
Post: #25
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: على تاج الدين على
Date: 11-04-2008, 10:39 PM
Parent: #23
Quote:
الظاهر فكي القصر لم يوفق هذه المرة في ايقاف المد
الاوبامي الظاهر الجماعة نسو ان اوباما من كينيا (يعني محصن تماما من الرتينزات).لك تحياتي |
دى انا مااكترثت ليها فى البدء ....حتى انفجر بالضحك
على
|
Post: #26
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Imad Khalifa
Date: 11-04-2008, 11:05 PM
Parent: #22
Quote: مجتمع
ناقص التكوين الوطنى + ليست لديه تقاليد برلمانية + ديمقراطية فهمها يقتصر
على النخبة....ومثال على ذلك.....انت مثلا ...من اشد الناس تبشيرا بالنظام
الديمقراطى ....كعقيدة ينبغى ان يحكم بها السودان بكل واقعه المتردى ...
o.k ...ممكن تعطينا ....فكرة عن انواع وطبيعة النظم السياسية؟؟؟
|
السيد علي تاج الدين
اشكرك على رحابة الصدر والرد
الممارسة الديمقراطية هي من اهم الدلالت الايجابية التى اوصلت (او ربما توصل) رجل اسود لقيادة أكبر دولة في العالم رغما عن سيادة الجنس الابيض فيها لقرون ورغما عن وجود بعض جيوب العنصرية البغيضة في بعض اركانها.
دعني قبل ان ادلف في محاورتك حول النظام الديمقراطي ان اسألك سؤالا مباشرا لأن الاجابة عليه ستحدد مسار النقاش بيننا في النقاط التي اوردتها في ردك، والسؤال هو هل انت مؤمن اصلا بالديمقراطية كنظام حكم؟
لك تحياتي
|
Post: #27
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: على تاج الدين على
Date: 11-04-2008, 11:33 PM
Parent: #26
نعم...ياسيد...عماد...انا اؤمن بالديمقراطية كعقيدة سياسية ونظام للحكم لكننى
فى نفس الوقت اشد الناس عداوة لتبيئتها فى فضاء ما لا يتوفر على شروطها الموضوعية.
تحياتى
على
|
Post: #29
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Imad Khalifa
Date: 11-05-2008, 09:00 AM
Parent: #27
الاخ علي تاج الدين
دعني اهنئ تراجي صاحبة البوست وكل السود والملونين في العالم بهذا الفوز التاريخي لباراك اوباما رئيسا للولايات المتحدة الامريكية وهذه من القيم العظيمة للديمقراطية التي جلبت رئيسا اسودا اختاره الشعب الامريكي ليدير شؤونه من البيت الابيض، وبالرجوع للتاريخ الامريكي القريب سنجد ان امثال باراك اوباما لم يكن لهم حق التصويت او الركوب في المركبات العامة مع البيض او حتى الاكل والجلوس في مطاعمهم وملاهيهم ... الخ من المعاملات العنصرية البغيضة التى طويت صفحتها تماما وتم تجاوزها بهذا الفوز الكبير.
كتبت انك مؤمن بالديمقراطية كعقيدة سياسية ونظام للحكم ولكنك:
| Quote: فى نفس الوقت اشد الناس عداوة لتبيئتها فى فضاء ما لا يتوفر على شروطها الموضوعية. |
وهذه نفس المبررات الممجوجة التى يبرر بها العسكر في دول العالم الثالث استيلائهم على السلطة ونفس المسوغات التى تسوغها الطبقة المثقفة الانتهازية لتعطي بها الغطاء الفكري والسياسي والشرعي للانقلابيين.
طالما اتفقنا على ان الديمقراطية هي الامثل لنظام حكم البشر يمكننا انتاج ديمقراطية تلائم فضاؤنا الجغرافي والسياسي والمعرفي، ولدينا تجارب ناجحة في هذا المجال يحق لنا ان نفخر بها ونباهي بها الشعوب رغما عن بعض العيوب والثغرات بها (ولو تركنا العسكر والشموليين وحالنا) لكنا مثالا نحتذي في الممارسة الديمقراطية على مستوى المنطقة والقارة الافريقية بأثرها.
لكما تحياتي
|
Post: #30
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Abuzar Omer
Date: 11-05-2008, 04:38 PM
Parent: #29
الأخ على تاج الدين
و الأخ عماد خليفة
شكراً!! على المحاولة الجادة فى الخروج بالأمر من هذا الخضم الإنفعالى إلى فضاءات السجال الناضج.
نعم نستطيع!!! أن نثرى النقاش, و نستخلص الدروس و العبر. أدرك أن التأريخ قد تغير؛ لأمة توارى
سوءتها و تتصالح مع نفسها.
بالإمكان أن نفتح النوافذ لهواء جديد متجدد؛ و قبل أن يسرقنا سارق؛ أفتحوا بوسط لنقاش عميق
و منكم نستفيد...
|
Post: #32
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Imad Khalifa
Date: 11-05-2008, 08:02 PM
Parent: #30
Quote: الأخ على تاج الدين
و الأخ عماد خليفة
شكراً!! على المحاولة الجادة فى الخروج بالأمر من هذا الخضم الإنفعالى إلى فضاءات السجال الناضج.
نعم نستطيع!!! أن نثرى النقاش, و نستخلص الدروس و العبر. أدرك أن التأريخ قد تغير؛ لأمة توارى
سوءتها و تتصالح مع نفسها.
بالإمكان أن نفتح النوافذ لهواء جديد متجدد؛ و قبل أن يسرقنا سارق؛ أفتحوا بوسط لنقاش عميق
|
الاخ Abuzar Omer
شكرا على هذا الحديث الطيب، ونريدك ان تكون قريبا لاثراء النقاش حول الديمقراطية وفوز اوبامبا كنموذج للممارسة الديمقراطية الصادقة.
فالتاريخ يتغير باستمرار فقط نحتاج كما قلت ان تكون نوافذنا مشرعة لنستنشق الهواء المتجدد....
لك التحايا والشكر مجددا
|
Post: #36
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: على تاج الدين على
Date: 11-06-2008, 08:46 AM
Parent: #30
Quote: الأخ على تاج الدين
و الأخ عماد خليفة
شكراً!! على المحاولة الجادة فى الخروج بالأمر من هذا الخضم الإنفعالى إلى فضاءات السجال الناضج.
نعم نستطيع!!! أن نثرى النقاش, و نستخلص الدروس و العبر. أدرك أن التأريخ قد تغير؛ لأمة توارى
سوءتها و تتصالح مع نفسها.
بالإمكان أن نفتح النوافذ لهواء جديد متجدد؛ و قبل أن يسرقنا سارق؛ أفتحوا بوسط لنقاش عميق
و منكم نستفيد... |
الاخ/ابو ذرو تحية طيبة....وتشكر على الشعور النبيل ....ونتعهد باننا سنقوم
بقراءة تجربة اوباما مرة اخرى على المستوى السوسيولوجى والسياسى .
تحياتى
على
|
Post: #33
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: ثروت سوار الدهب
Date: 11-06-2008, 04:29 AM
Parent: #31
الف مبروك يا تراجي
الاحتفال سيكون في شارع بنسلفانيا عندما يمر براك و مشيل و ساشا و مليا أوباما يوم 20 ياناير 2009 ليؤدي القسم كرئيس الرابع و الاربعين
سنكون هناك كما وعدت على ايام البرابمريس
و كوني معنا يوم يلقي خطاب الInauguration
مافي إحتفال اعظم من كدا
تحاياي
|
Post: #34
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Tragie Mustafa
Date: 11-06-2008, 04:39 AM
Parent: #33
وقتها سنتعرفك عليك يا ثروت باذن الله.
كن بخير و الف مبروك مرة آخرى.
|
Post: #35
Title: Re: مبروك اولا..... و حتحتفلوا بفوز اوباما كيف يا شباب؟؟؟
Author: Elmoiz Abunura
Date: 11-06-2008, 04:40 AM
Parent: #33
الاخت تراجي, والفرسان الثلاثه, حيدر, طلعت, ثروت
لنحتفل جميعا يوم تنصيب باراك حسين اوباما , الرئيس الرابع والاربعين لهذا
الوطن العظيم. ولنلتقي جميعا في D.C باطفالنا غسان, حازم, مروان, سند,ناظم,زيادة,وأخوتهم. لنبدأ التنسيق منذ الان في مسألة السكن,الخ...
والمجد لشعبنا الاميركي الذي تقبل, وساند اوباما, وتيار التغيير.
مع ودي
|
|