ناس متعقدة ومتحسسة بس ..

أيوة في مبدعين وفي تانين ما مبدعين ...
الجوطان والسوطان شنو ..؟
أفرزوا الكيمان و..
بطلوا جرسة ..
يتبع ..

هسع يعني في زول يقدر يجيء يقارن لي ود الصائم باسحاق الحلنقي ويقول دا مبدع ودا مبدع ..؟
واللا يخت لي ود البشري في نفس المكان الفيهو الراحل المقيم أبو آمنة حامد ..؟
يتبع ...

وليي ماشين بعيد
امسكوا البورد دا بس
فيهو الموصلي والمعز بخيت وغيرهما من سدنة الغناء وملوك القوافي والموسيقيين والتشكيليين ..
ديل تصنيفم شنو لو ما كانوا مبدعين وغيرهم غير مبدعين ..؟؟

Quote: هسع يعني في زول يقدر يجيء يقارن لي ود الصائم باسحاق الحلنقي ويقول دا مبدع ودا مبدع ..؟ واللا يخت لي ود البشري في نفس المكان الفيهو الراحل المقيم أبو آمنة حامد ..؟

طلوح كيفك ..؟
مبروك وارغو .. ان شاء الله يطلعكم من قرية الوصيفاب .......


وبعدين الشباب الرعاع ديل ماعندهم مشكلة مع المبدعين
مشكلتم مع المثقفاتية الزيك .....

راجع ليك في بوست الروب والزبادى وهنا اخر النهار .....
تحياتى ...........

سلام طلحة ..

التصنيفات دي ما في زول معترض عليها ..

الإعتراض في إنو الموضوع بيخص شأن عام زي سودانيز أون لاين ..

ودي لا فرق فيها بين مبدع وغير مبدع إلا بفروقات عدد المشاركات ..

تراجي عدد مشاركاتها واسهاماتها أكتر من مشاركات مصطفى مدثر ..!

رغم إنها لا مبدعة لا فنانة لا صحفية لا بطيخ !


في سودانيز أون لاين أي زول عندو باص ويرد ،

ما في باصويرد ذهبي وباصويرد من عود العشر !!



ولا شنو ؟!!

بعد التحية..

ناس تحب القشرة بس باسم شهرة ود الصايم..

يا طلحة..


البراميل الفارغة أكثر ضجيجاً..
من يحكم على من مع الوضع في الإعتبار إختلاف أمزجة الناس..



الإبداع خشوم بيوت..

حباب الهلالابي الموجوع ساتي ..
قلت لي الفقراء والمساكين ...؟؟
طيب ياخ ما تقول نحن الرشاشات وتريح نفسك بدل اللفة الطويلة دي ياخ ..
علي العموم ما تخافوا في اموال المريخ حق للسائل والمحروم ..
أما دي :

Quote: المثقفاتية الزيك

كوني من سلالة الاحمر الوهاج فدا كافي لوحده انو ينفي عني اية تهمة اخري سوي أني ..
مبدع صرف .. ( وش فخور طب )
لا فيهو شق ولا طق ..
بالمناسبة ما ملاحظ معاي ان أغلبية المحتجين علي المبدعين هم من الرجرجة والرككاء الهلالاب ( ود البشري والصايم وهلمرجرجة) ..

الاخ العزيز / طلحة

Quote: البراميل الفارغة أكثر ضجيجاً..

وفعلا الابداع خشم بيوت000

في ناس ابداعها في الشتارة000

يا ناذر ياخي اول هام بركة الربطوك في شجرة الصحافة ويربي في عزك القيد الصحفي ..
تاني هام شرفت البوست كما شرفت قبيلة الصحافيين
تالت هام دا:

Quote: ما في باصويرد ذهبي وباصويرد من عود العشر !!

الباصويردات مقامات يا ناذر اخوي ..
يعني مثلا باص ويردك بعد القيد إختلف عن ما قبل القيد ..
سمن وبقي وشو ناير ..
موش انت معاي في دي ..

تحية وتقدير لعبد الرازق
شرفت والله

Quote: من يحكم على من مع الوضع في الإعتبار إختلاف أمزجة الناس

الثوابت والاتفاق العام يا ابو رزقة ..
الناس كلها إلا (مكابر ومشاتر) متفقين علي انو الطيب صالح مبدع .. المرحوم ابو امنة حامد مبدع .. فيصل العجب مبدع ..
وهكذا يعني ..
بالمناسبة يا ابو رزقة انت مريخابي واللا من العوام ..

هلا بطارق عبد اللطيف المبدع بلا شك كونه مريخابي

Quote: في ناس ابداعها في الشتارة000

ما بتفق معاك يا طارق..
حرامي حريف ومتفرد في السرقة مامكن نسميه مبدع ..
والكضاب الحريف في الغش برضو ما مكن نطلق عليه صفة مبدع ..
وعليه مافي زول ممكن يكون مبدع في الشتارة..
لكن في زول مبدع مشاتر ..
قلت لي كيف ..
دا بكون زي زهرة يانعة نبتت في صحراء قاحلة ..
مثلا اذا كان وردي هلالابي فدا مبدع مشاتر ضل طريقو إلى حيث يجب ان يكون المبدعين ..

سلام طلحة ..

Quote: الباصويردات مقامات يا ناذر اخوي .. يعني مثلا باص ويردك بعد القيد إختلف عن ما قبل القيد .. سمن وبقي وشو ناير .. موش انت معاي في دي

لا والله ما معاك في دي ..!!

لو كنت معاك كنت تحت كتبت :


ناذر خليفة : صحفي ورئيس سابق لإتحاد الطلاب السودانيين ..!

سلام طلحة ..

Quote: الباصويردات مقامات يا ناذر اخوي .. يعني مثلا باص ويردك بعد القيد إختلف عن ما قبل القيد .. سمن وبقي وشو ناير .. موش انت معاي في دي

لا والله ما معاك في دي ..!!

لو كنت معاك كنت تحت كتبت :


ناذر خليفة : صحفي ورئيس سابق لإتحاد الطلاب السودانيين ..!

يا طلحة ياخي ما تملانا فقر ساي
انت كان مبدع ولا ساي في ريحة ابداع كان ضربوا ليك - بالنهار - و شاوروك
بالله عليك بعد ما تكمل لفتك - من قوم لف - تعال وقع تاني معانا





دا ما يمنع اني تماما اتفق معاك في حتة رجرجية و دهمائية ود الصائم و من لف لفه

Quote: تراجي عدد مشاركاتها واسهاماتها أكتر من مشاركات مصطفى مدثر ..! رغم إنها لا مبدعة لا فنانة لا صحفية لا بطيخ !

_________________________________________

طلحة تحياتي

يا ناذر ياخ التواضع في حتات كدا بكون تكبر .. (نطرية لا تخرج إلا من مبدع قح)..
ما بتتفق معاي دا حسب وجهة نظرك
لكن الأكيد انو الحكاية فيها إختلاف واختلاف كبير ..
ياخي مرة الباشمهندس بكري وضع تنويه أعلن فيهو :
ايقاف منح العضوية إلا للصحافيين والشعراء .. و .. و ..الخ المبدعين..
اها غالط الحكومة يا ناذر .

جرجير ( من جرجرة)
اما بعد ..
أما زلت متقوقعا لا تقوي علي الإنفكاك من شرنقة الركاكة وبدائية العوام ، أنظر ماقلت هداك الله /

Quote: انت كان مبدع ولا ساي في ريحة ابداع كان ضربوا ليك - بالنهار - و شاوروك

الإتفاق بين المبدعين دائما يتم بطريقة تخاطرية ..
بمعني أن ما يفكر فيه مبدع ما في مكان ما في شىء ما غالبا ما يكون يدور في مخيلة مبدع آخر في مكان آخر ..( نظرية التخاطر والتناظر )

Quote: اتفق معاك في حتة رجرجية و دهمائية ود الصائم و من لف لفه

أراك تمضي بخطي حثيثة في الطريق النخبوي .

عبد الوهاب علي الحاج
خد راحتك ع الآخر يا مبدع ( اليس مريخابي صفوي ..؟)

Quote: الإتفاق بين المبدعين دائما يتم بطريقة تخاطرية ..

مبدعين ولا بط*




* يكتسب البط ابان موسم هجرته الشتوية نحو الجنوب القدرة على التخاطر
حيث يتلقى القطيع توجيهات قائده عن طريق التخاطر اثناء الطيران و عند الوصول للوجهة يفقدها تلقائيا
ناشيونال جيوغرافيك جانيل

إضافة ذات علاقة
باستثناء كل المريخاب صفوة هذا البورد و(بعض) الزاهدين في الإنتماء الكروي فلا يوجد مبدع هنا ..
مجرد رأي ..




حاشية:
اي زول عايز يطلع نفسو من (البعض) الفوق دي ..
علي كيفو .

Quote: ( اليس مريخابي صفوي ..؟)

بجاوبك يوم 17/11







_____________________________________

التوقيع

هلالابي ( تصفوي )

Quote: ودي لا فرق فيها بين مبدع وغير مبدع إلا بفروقات عدد

تبالغ لكن ؟

يعنى هسى بالله الموضوع دة بى عدد المشاركات؟

Quote: ( تصفوي )

بالمناسبة ياطلحة

تصفوي دي جاية من الوصافة

لذا لزم التنويه

جرجير ( من جرجرة)

Quote: بط

و

Quote: قطيع

طب خليت شنو للجواميس والبقر
نعمل ليك شنو عاد .. ما رشاشة وكدا ..

التعديل من أجل التعديل

عبد الوهاب علي الحاج
بالنظر لمداخلتك دي :

Quote: هلالابي تصفوي

مقرونة بالتنويه دا:

Quote: تصفوي دي جاية من الوصافة

أشهد انك نخبوي حتى النخاع ..
ولا نامت اعين الهوام والعوام

هادية محمد
اي كان معني مداخلتك اعلاه
أشكر لك تفضلك للمرور من هنا
ما عدمناك .

Quote: نخبوي حتى النخاع ..

الليلة عمنا طلحة متجلي علي الآخر
( متجلي ) دي لأنو بجلي كتير
أنا ما عارف حكاية الجمهور الصفوة دي جات من وين ؟؟؟؟
يعني المواصفات شنو ؟؟؟
اللهم إلا بالصبر
يا ريت يا طلحة ما تجيب سيرة الكاسات المحمولة جواً دي لأنكم مسختوها
وهي ذاتها بلا طعمة

التجلية الكبيرة في حكاية الإبداع
جلي علي كيفك يا طلحة

هلا والله بفضل الكرار

Quote: يا ريت يا طلحة ما تجيب سيرة الكاسات المحمولة جواً دي لأنكم مسختوها وهي ذاتها بلا طعمة

يالكم من مساكين شديد .

Quote: فيهو الموصلي والمعز بخيت

طلحة..

حسة الناس الهرست تلجم ديل

فيهم واحد نط فى المنبر دة و قال:

انامبدع ؟

الابداع هو حكم المتلقى وحدة... لا شريك لة

وعليكم السلام يا Hassan Makkawi

Quote: حسة الناس الهرست تلجم ديل فيهم واحد نط فى المنبر دة و قال:

الأجابة لا مافيهم واحد نط قال أنا مبدع ..
لكن لو فرضنا نط فهل دا بنفي كونو مبدع
المبدع مبدع يا حبيب حتى ولو شال ليهو لافتة حام بيها ..
لكن بعد كدا تبقي نظرتي ونظرتك ليهو شنو بخصوص تصرفو دا حاجة تانية ..
وبعدين كيف ياخ هرست تلجم ..؟
يعني الزول اصلو ما يجاهر باعجابو بالمبدعين واللا كيف ..
يازول اها العجب مبدع والمريخ ح يرش الهلال للمرة التالتة ..

Quote: الأجابة لا مافيهم واحد نط قال أنا مبدع .. لكن لو فرضنا نط

يكون نط من الطابق الخمسين... على حقل الغام

( النطة الاخيرة )

يا طلحة من تواضع لرب العزة؟...رفعة!!

مذكراتي في بيت الزار


هذا ابداع!!!!

ان تفكر فيما لم يفكر غيرك فية!!

الأخ طلحة

تحياتي واحترامي
انا بالجد ماقادرة افهم قصة التصنيفات الجاتكم بعد الهجمة الهكرية الأخيرة شنو...ومادعواها...للمبدعين احترامنا وتقديرنا لكن من وجهة نظرك ماهو التقييم المتبع لتصنيف المبدع من عدمه..فكل مبدع في مجاله..
ابوي الداير يوقع في اي لائحة دي حاجة بتخصه وانا ضد الحساسية التي تم التعامل من خلالها في الموضوعالمعني لكني ايضا ضد التصنيف والتمييز فما تروه مبدع ربما يراه غيركم غير ذلك والعكس صحيح..فهمي كان لسودانيزاونلاين انها تضم كل الناس دون تصنيف..وسؤالي ماذا قدم المبدعون والمثقفاتية والعوام "من امثالنا" للمنبر ولسودانيز اونلاين هذا هو التقييم...
المنبر من المفترض ان يكون متنفس للكل ..ليس الثقافة ولا البداع بل هنالك جانب غفل الكثيرون عن ذكره وهو الجانب الاجتماعي والانساني...

"حاشية اخيرة"

انا شخصيا لو خلا المنبر من الانصرافيين ود البشرى وود الصايم لما دخلته..

مع احترامي لكل المذكورين في القائمتين "ياجماعة مافي شيء مرجعنا وراء الا النظرة التصنيفية دي مفروض الناس تقعد تشوف هي بتسوي في شنو واظن مافي مشكلة الداير ثقافة وتنظير يمشي محلها والداير ابداع يدوزن والداير انصرافية ينصرف والداير سياسة مكانهاوالداير يشاكل من طرف موجود ..
وريني طيب ياطلحة يا ابوي المشكلة وين.......
تحياتي....

حنين للبلد...من لف لفهم...

عزيزي مكاوي

المبدع الذي (ينطط ) في الناس رافعا عقيرته أنا أنا هذا مبدع متكبر , متعجرف ، متقرضم واذا نط من الدور خمسمائة في حقل الغام شتته حتة حتة فهو مبدع ..
ولو تواضع لله وسكت ليترك أبداعه يتكلم عنه فهو ايضا مبدع ..
وبالمفهوم دا فيمكن ان نطلق علي النوع الأول مبدع متكبر والنوع التاني مبدع متواضع دون ان نجرد اي منهما من صفة الأبداع .
ببساطة

حنين للبلد
شكرا يا اختنا علي المرور والإضافة

!!!

Quote: يعنى هسى بالله الموضوع دة بى عدد المشاركات؟

أيوة !!

أمال العداد لمن سووهو كانت الفكرة شنو ..!

عدد المشاركات بيوضح عدد المساهمات ومدى الإنتماء للموقع دا ..

حتى لو كانت مشاركات غير مبدعة ..!!

إنتي هسي بتتفاصحي كدة وقاعدة ليك أربعة سنوات في المنبر ..!!

قدمتي ليهو شنو بي عدد مداخلاتك الماتامي ألف وتلتمية دا !!

صنفرة :

تشمل هذه النظرية دكتور مصطفى محمود ..!!

الصحفي المبدع ناذر
شكرا لرفع البوست ..

up

ــــــــــــــــــــ

واحد من القطيع

فوووووووووووووووق













________________________________________________
واحد متحسس من بوستك المهبب ده..

علي محمد علي بشير
يازول اتا حاشاك القطعان
أو ليس مريخابي صنديد من قبيلة الزعماء
إذن انت مبدع ولا شك في ذلك .

ادم موسي يا عمك
طبعا لازم تكون متحسس
لانك مصاحب لي الرجرجة والعوام والهوام من أمثال بتاع قطيع البط .*

















* بتاع قطيع البط = جرجير ( من جرجرة)

Quote: هسع يعني في زول يقدر يجيء يقارن لي ود الصائم باسحاق الحلنقي ويقول دا مبدع ودا مبدع ..؟

انت كان تقول فى زول يقدر يقارن لى ودالصايم بطلوح..ويقول دا مكرش(شبعان) وده عادم البطان(جوعان)....











_________________________________________________________
الاول شبعان لانو هلالابى من خمس سنين محتكر البطولات..والتانى مريخابى جوعان منها يكابس فى الوصافه..؟؟؟!!!!!

سلام ياطلحة

اول مرة بايدي وكامل ارادتي افتح لي بوست من بوستاتك
لكن ليك علي

من الليلة اكون اول من يدخلهاتاني







_________________________
انا هلالابية وما مستعدة حتى للمفاهمة

ياطلحه
اخوك
من الرجرجة
والدهماء
والرعاع

وبرضو....
مريخابي وغالب هلال بورسودان قبل دقائق
اها انفع مبدع بالمواصفات دي
سيبك من ناس قريعتي راحت

...

Quote: انا شخصيا لو خلا المنبر من الانصرافيين ود البشرى وود الصايم لما دخلته..

تلف ولا نجي نلف ليكـ

ود الصايم

Quote: تلف ولا نجي نلف ليكـ

عليك الله بي كرتين اصلوا طولنا....

كتب أدم موسي

Quote: الاول شبعان لانو هلالابى

شبع الحمط رمط *




















* شبع الحمط رمط دا حاجة كدا زي الحمل الكاذب ..

هلا والله وحباب راوية بالجد لينا عظيم الشرف بتشريف فخامتك لبوستاتنا المتواضعة ..

Quote: انا هلالابية وما مستعدة حتى للمفاهمة

ما عارف ليي قريتا (أنا هلالابية مافاهمة..)

العزيز هرون دياب

Quote: مريخابي وغالب هلال بورسودان قبل دقائق اها انفع مبدع بالمواصفات دي

ياخ انت وطالما انك مريخابي من سلالة العظماء فأكيد مبدع ومن صفوة المبدعين غالبا او مغلوبا أرقد قفا يا حبيب .

ودو كماين يا زعيم الرجرجة والعوام

Quote: تلف ولا نجي نلف ليكـ

السؤال هو :
إنت ح تفضل طول حياتك الإسفيرية دي لافي في الهواء كدا ساي ..
تكترو تقللو بكلم ليك الراجل داك يا .........


















ملطشة البورد ..

Quote: أيوة !! أمال العداد لمن سووهو كانت الفكرة شنو ..! عدد المشاركات بيوضح عدد المساهمات ومدى الإنتماء للموقع دا .. حتى لو كانت مشاركات غير مبدعة ..!! إنتي هسي بتتفاصحي كدة وقاعدة ليك أربعة سنوات في المنبر ..!! قدمتي ليهو شنو بي عدد مداخلاتك الماتامي ألف وتلتمية دا !!

هسى ماشة الشغل لكن اوعدك اخد لى اجازة بعد يومين وامسك لى قلم احمر
واقعد من الصباح ارد على كل موضوع هنا نشحم العداد دة لابد اكن منتميه ومفيدة
للقراء فى كل مكان وفاعلة فى العمل الاسفيرى وليك على افتح بوست واخت
صور كمان واقول للناس صورة من الحياة يجب التعليق ولا اقصر تانى أبدا
وانا خسرانه ايه.

________________________________________________
صاحب البوست أسفة مفروض اسلم قبل الدخول
ردى كان للفنان الصحفى نازر الخليفة

يعني اسي السيد تنظير الشهير بطلحة فاكر انو ادى الواجب العليه و بالتالي صار مؤهل للتوقيع في بيانات الصفوة الجاية
طلحة يا عزيزي اسمع كلامي وما تجتهد و تحرق رزك في الفاضي
لو سودت صحائف البورد كلها مدحا في المبدعين و قدحا في الباقيين لن تنال مبتغاك
يا عزيزي لا يغرنك ما تراه من تطبيل الوصيفاب و بعض المجليين و الراميهم جمل لتنظيرك الركيك المسمى جزافا كتابة
فتحسبن نفسك مع من اوتوا مجامع الكلم و ناصية البيان و تظنن نفسك عند الناس كاتبا او مبدعا
اسمع يا عزيزي نصيحة من يريد لك الخير و يخشى عليك من نهاية طريق الاماني و الخيال اللذي انت سالكه
يا عزيزي روق في علبك و اقنع بواقعك و اركب معنا - اي وقِّع - فلا مهاتف لك اليوم من اولائك او داع
ان شئت فمرحبا بك حللت اهلا ونزلت سهلا
وإن ابيت فلا املك إلا ان اتمنى لك التوفيق و اختم لك بنصيحتي اللتي ما فتأت اكررها لك الا و هي أن :

قــوم لِـــف

ـــــــ
الأخ طلحة عبد الله سلامات ياخي
أول حاجة أنا عاوز أتونس معاك فما تزعل من ونستي دي معاك وواثقك من إنك ما ح تزعل
والحاجة التانية عنوان البوست من زمان مستفزني لانو فيه ناس, وعقد , وإحساس يعني كورس كامل بتاع علم نفس ..
لكن كدي نصنقر في كلمة (عُقد) ...
تصدق هي (بتختلف) من كلمات كثيرة أصبح يرددها العوام أو العامه مثل اللاوعي , والليبيدو, والنكوص,
والتعويض , الكبت , الغريزة الجنسية , والتناقض الوجداني وغيرها من المصطاحات التي أوجدها فرويد وفرويد ده (مثقف) ,وكلمة عقد دي لم يكتشفها هذا(المثقف فرويد) لكن أجاد أستخدامها , والنبوغ الشعبي أستخدمها قبل فرويد في معني خاص هو (العائق) ويقال أن إمرأة تقول "إن مثل هذا النوع من العري (يعقدني)" ودي لحالها 1/0 لصالح العوام .
طيب تعرف الكلمة البسيطة دي "عقد" أصبحت متداولة ومنتشرة وتجمعت كميات من الأبحاث النفسية والتحليلية , ومليانة بالإفترضات والملاحظات والإحصاءات حول العقد الممكنة مع بعض التفسيرات دون أن يتوصل البحاثة إلي إتفاق أو تركيب معين , فكيف إنك توصلت لي الناس دي متعقدة؟!

نزل لأسفل

هادية محمد
قلت ليك اخدي راحتك طب يا بتنا.

ــــــــ
(إنقلب السحر علي صاحبه)
إحدي الإستخدامات الشعبية لكلمة عقد هو (عقدة النقص) ويفهم عامة عقدة الخجل من الذات
بمعني إنو الواحد بيعاني من العجز (الصحي , أو الذهني أو الإجتماعي) أو شعوره المزعج بعدم الكفاءة أو بتأكيده علي المستوي اللازم وأنه معرض للفشل .

مواصلة لهذا الكلام كتب الفريد آدلر في كتابه المشهور والمعروف (معني الحياة) . وخليك معاي ياطلحه في الإجتماعي دي
قال (لقد تعرفت في زمن طويل إلي حقيقة عقدة النقص في كل حالات الفشل النموذجية , ولكنني جاهدت طويلاً لإيجاد حل للمسألة الأكثر أهمية ,للتعرف إلي كيفية ولادة عقدة النقص من الشعور الناقص وإستنتاجاته , إن عقدة النقص هي الظاهرة المستمرة لنتائج الشعور بالنقص وثبات هذا الشعور ,يمكن تفسير ذلك إنطلاقا من نقص قوي بالشعور الإجتماعي ) إنتهي كلامه
يطلق آدلر علي (الشعور الإجتماعي) فكرة الإنفتاح علي الغير وعلي العلاقة , وإجتياز الذات والثقة بالمستقبل هذا هو الشعور بالواقع بالنسبة له والحس الإجتماعي والحدود الأخلاقية للإرادة والقدرة
والعكس ( النقص في الشعور الإجتماعي ) هو الإنطواء علي الذات والتمركز حولها والعزلة والشعور بالرفض الإجتماعي , وقلة الإنفتاح علي الحقيقة تصدم وتثبت الشعور بالنقص الذي يصبح تدريجياً (عقدة نقص) ...

ــ
ياطلحة عبد الله أقرأة الكلام دا حرف حرف وركز كويس من خلال الأحداث شوف السحر إنقلب ولا لّ.

عمك جرجير( من جرجرة) الشهير هنا بو دالبشري
أنا من زمان عندي إعتقاد قوي جدا في ركاكتك برغم جنوحك للاستشهاد ببعض عبارات وأشعار المبدعين في محاولة رخيصة ومكشوفة منك لمداراة تواضع طرحك وسذاجة افكارك وبدائية أسلوبك ..
وتأكدت تماما قبل يومين عندما أوقعتك فلسفتك العمياء في شر إدعاءاتك حينما كتبت ( قطيع البط ) مجردا هذه الطيور الرقيقة من إيحاء الرومانسية والشاعرية التى تلازمها إينما حلق أو حط (سربها).
وفي سعيك المحموم للتشبه بالمبدعين والمتفردين من أساطين القوافي وسدنة النثر والشعر والحكاوي لا تنفك تتخبط و(تتسلبط) متشابيا للقمة تارة ومتشبها بالنجوم تارة وبالطبع دون مساعيك الأرآجوزية هذه (خرط القتاد) ، وهل يجتنى من القتاد إِلاَّ الشوك..؟
ثم وأنت بين تأقزمك المعتاد وتطاولك المضحك تبدو كعلكة ردئية تتقطع متهتكة كلما عابثتها يد طفل غرير مطا وجرا ، أو تحاكي ببراعة منقطعة النظير ذلك الغراب الذي حاول أن يقلد الطاوؤس في مشيته فلا إستطاع إلى ذلك سبيلا ولا هو إستعاد مشيته القديمة فأصبح يتقافز مأسوفا علي طبيعته وهئيته التى نشأ عليها .
وقديما قال جرير للراعي النميري:
فَغُضَّ الطَّرْفَ إنك من نُميرٍ فلا كعْبا بلغتَ ولا كِلابا
ونصيحتي:
روق في علبك ( بالأحمر)

عماد الطيب
أولا فرويد دا هو ظاتو (سيجموند فرويد) دكتور علم النفس ولا دا مثقف تاني ..؟ لأنو كان ياهو فدا في رائي زول (اكاديمي مير) ( علي وزن عسكري مير) ما عندو في الثقافة اللا بمقدار ما يسوق به نظرياته في علم النفس .
عموما أيا كان فرويدك هذا فحاشا لله أن يكون ما كتبته هنا يحمل معاني ما توصل اليه فالموضوع برمته يا حبيب لا يعدو كونه ممازحة لطيفة (كما أعتقد) لنفر من الزملاء الأعزاء بعدما تفرقت بمشاعرهم تجاه البيان الشهير الهواجس والظنون فطفق بعضهم يكيل من مكائيل الهجاء والعداء لزملاء آخرين لا أفضلهم علي غيرهم كل جرمهم أنهم تضامنوا بروح الإنتماء لابداعهم ضد الهجمة الهكرية للبورد ولا أحسب أنهم قصدوا من فكرتهم تقليلا أو تحقيرا للآخرين .
المهم ما تاخد مفردات العنوان الفوق دا بمعناها الحرفي يا عمدة فلك ولهم وللجميع هنا كل الحب والود.

ــــــ

Quote: أولا فرويد دا هو ظاتو (سيجموند فرويد) دكتور علم النفس ولا دا مثقف تاني ..؟

بالله عليك ياطلحة يعني في فرويد تحدث علي المصطلحات اللي أوردتها ليك غيرو؟!
ما بتحلك (سيجموند) دي ما تنوم عليها كثير

Quote: لأنو كان ياهو فدا في رائي زول (اكاديمي مير) ( علي وزن عسكري مير) ما عندو في الثقافة اللا بمقدار ما يسوق به نظرياته في علم النفس .

أكاديمي صحيح لكن هل بتمنعو إنو يكون مثقف ؟! طيب منو اللي طلع لينا نظرية واحدة من جماعتك اللي بدافع عنهم إن شاء الله ربع نظرية التحليل النفسي اللي قالبة الدنيا لليوم حتي في السياسة ..!

Quote: يا حبيب لا يعدو كونه ممازحة لطيفة (كما أعتقد) لنفر من الزملاء الأعزاء بعدما تفرقت بمشاعرهم تجاه البيان الشهير الهواجس والظنون فطفق بعضهم يكيل من مكائيل الهجاء والعداء لزملاء آخرين لا أفضلهم علي غيرهم كل جرمهم أنهم تضامنوا بروح الإنتماء لابداعهم ضد الهجمة الهكرية للبورد ولا أحسب أنهم قصدوا من فكرتهم تقليلا أو تحقيرا للآخرين .

لا لا لا لا لا لا لا لا لا
دي زوقة منك ومرفوضة تماماً إنت كان بتمازح بترد علي ود البشري بي كدا؟! وأهل الشيء ذاتو غفلوا الموضوع وإنت لسع بوست شغال فيهو
يعني نفهم من كدا إنك قلت زبادي ساقط

Quote: المهم ما تاخد مفردات العنوان الفوق دا بمعناها الحرفي

أنت يا طلحة يا أخوي ما سمعت ناسنا العوام نحن في الشارع العام بيقولوا الجواب بيكفيك عنوانو؟!
ولي سؤء حظ موضوعك كلوا في عصب العنوان
الود أكيد موجود يا طلحة

العزيز تنظير الشهير بطلحة ...
مالي اراك لازلت في غيك سادرا و عن حقيقة امرك متعاميا
يا عزيزي اكرر ليك للمرة التانية روق في علبك و مد رجلين آحلامك و تقييمك لنفسك على قدر لحاف امكانياتك و ملكاتك الرثة الركيكة و المتواضعة
عزيزي تنظير لا تستهلك نفسك و تهلكها في مسح جوخ الصفوة و دق نقارتهم و شيل اباريقهم
فمهما فعلت ما انت بمتلق يوما ما مكالمة - نهارية كانت او حتى ليلية - تُدعى بها لضم اسمك معهم
ولا هم بملقى بالهم لك ولا ينبغي لهم بما انت عليه من ركاكة و تواضع و فقر ابداع
عزيزي دعك في تنظيرك فهو البتعرف ليه و تجيده
ولك فيه جمهور لا باس به يطمبر لك و يدعي الاعجاب بما تركركه هنا

ختاما ما انا لك بناقد بل ناصح فلك الخيار إن شئت فـقوم لف وإلا فلا


__________________________________________________________

يا عمك شايفك بقيت تشرح نفسك كتير
صدقني مافي داعي
شوف انا خاليك سارح في موضوع قطيع البط دا بي راحتك كيف

_____________________________________________________

عمدة .... كيفك
ما تحمل الموضوع اكبر من حجمه و اقراه بالطريقة الصاحبه كتبه بيها

اوماااااااااااااااااك
دا شنو دا يا عمدة البتسوي فيهو دا ياخ ..؟
يعني بس انت حالف تشربكني في نفاثات العقد دي ..
ياخ زول يقول ليك بهظر بهظر تقول ليهو لا ما بتهظر ..
كلامي مع ود البشري دا حالة إستثنائية ما ليها اية علاقة بموضوع البوست الفهتمو انت يا عمدة .. يعني ممكن تعتبرا لغة تفاهم خاصة بيني وبينو ..
هون عليك يا عمدة .

هادية ..

Quote: لكن اوعدك اخد لى اجازة بعد يومين وامسك لى قلم احمر واقعد من الصباح ارد على كل موضوع هنا نشحم العداد دة

في انتظار الابرار بوعدك حتى نشعر أنك فعلا ممن يحق لهم الحدبث بإسم سودانيز أون لاين ..
ونحس- وتحسي معانا برضو - بإنتمائك وحرصك على هذا المكان ..






ناذر خليفة - فنان وصحفي ومحلل إقتصادي سياسي وبتاع مقاولات ..!

الخمجان شديد جرجير المعروف بود البشري وفي رواية أخري زعيم العوام والهوام ..
لك لياقة لا تنضب وفياقة تستحق الشجب ..
يازول انت عايز تصادر خياري في الوقوف إلى جانب المبدعين واللا كيف ..؟
قلت لي خليتني اسرح في مع قطيع البط ..
طيب ما أهو انت جيت داقي في البوست دا روسية من أولو وبرضو خليتك تحجي في الناس بأساطيرك القاطعا من رأسك دي .
متين يا زول قلت ليك أنا مبدع والا عايز اكون مبدع واللا شادوف ..؟؟
إنقرع يا هذا .

هادية ..

Quote: لكن اوعدك اخد لى اجازة بعد يومين وامسك لى قلم احمر واقعد من الصباح ارد على كل موضوع هنا نشحم العداد دة

في انتظار الابرار بوعدك حتى نشعر أنك فعلا ممن يحق لهم الحدبث بإسم سودانيز أون لاين ..
ونحس- وتحسي معانا برضو - بإنتمائك وحرصك على هذا المكان ..






ناذر خليفة - فنان وصحفي ومحلل إقتصادي سياسي وبتاع مقاولات ..!

Quote: ناذر خليفة - فنان وصحفي ومحلل إقتصادي سياسي وبتاع مقاولات ..!

ياخ دا ناذر دا واللا طبلية حلويات زي الفي سوق إم درمان ديلك .