هل شاهدتم هذا الاعلان ???

هل شاهدتم هذا الاعلان ???
حسن وحسين تيمان وللا مش عارف اخوان .. اتزوجو عروسين ( وما عارف ليه ما اتزوجو واحدة عشان يوفرو حق الفستان الظهر في الاعلان) .. وبينما العروستين في انتظار عرسان الهنا .. كان العريسان منسجمان في ونسة ما كملت (طيب متزوجين ليه ما يكملو ونسة ويشبعو من بعض الاول!!)
قال ايه عشان الكلام بالمجان !! هو فعلا الكلام بالمجان والا كانت الشركة المعلنة انتقت كلماتها بعناية اكثر
هذا الاعلان لا يصب في مصلحة الشركة المعلنة واعتقد انو الشخص الذي قام بصياغته وتصميمه لا فكرة له عن الاعلان

شاهدت الإعلان كذا مرة ياأستاذ
ولفت نظري فعلا رداءة الفكرة والإخراج
من الناحية التي ذكرت أنت
وأيضا عن مغزى السؤال عمن تكون عروس حسن وعروس حسين ؟؟؟
إن كان بلا مغزى ... مشكلة !
وإن كان علينا أن نبحث لهذا السؤال عن مغزى ... مشكلتين !!!


وعلى ذكر الرداءة في الإعلانات هذه الأيام
فأكثرها رداءة بالطبع الإعلانان عن بوهيات المهندس
سواء كان بتاع البنت البتقع من البلكونة
ولا البيختتم بي .. هندسة .. مدرسة ... ماانت خريق مدرسة المهندس !!!


لك الشكر على إثارة هذا الموضوع الحيوي والهام

اخوي فتحي
تحياتي .. وشكرا على المرور
فعلا نحن عندنا مشكلة في صياغة الاعلان .. ونتعامل معه باهمال بس المهم اسم المنتج يعرف للمستهلك .. والاعلان عندو تأثيرات سالبة على المتلقي .. عشان كدة انا اقترح عمل لجنة نصوص للاعلانات .. لانو المسألة مش المعلن داير كدة .. المهم الذوق العام والقيم الانسانية دايرة شنو .. وهي مسائل نغفلها كثيرا في الاعلان

وبعدين في حاجات اساسا ما مفروض نعلن عنها لانها عندها اضرار صحية زي بعض المشروبات الغازية .. ودعونا نبدأ حملة نحو اعلان راشد