قصة قصيرة....البحث عن الشهرة......جاوب تكسب!!!

منذ صغرها، كانت تسعى وراء الشهرة. كانت تلفت نظرها صور النجوم و المشاهير فى المجلات و الصحف،. جل متعتها تجدها فى تقصى أخبارهم.
كانت معروفة بين قريناتها، أنها أفضل من تقلد المشاهير، و تتقمص شخصياتهم. فكانت تتمنى أن تصبح مثلهم، و أن يشار إليها بالبنان، فماذا هى فاعلة؟؟
جربت التمثيل، فلم يفتح لها أى باب، حاولت الغناء فلم توفق. كان والدها دائما ما يقول لها: "إنتى يا بت ما تبطلى الجن الفى راسك دة"!!!
و لكنها لم تيأس، إلى أن كان ذلك اليوم، الذى ذهبت فيه إلى السوق، و صادف الهجوم الذى تم من قبل ثلة من المعتدين، ولكن بمشيئة الله، لم يتأذى إلا شخص واحد و كانت إمراة....... فصارت حديث المدينة!!!!

أجب/ أجيبى على الأسئلة الاتية:
الرجاء التقيد بالزمن الموضوع بالورقة.


السؤال الاول:
1. أنفع أكون بديعة أأقصد مبدعة؟
(30 درجة)
(زمن الإجابة: 10 دقائق).



__________________________________________________
يجب أن تكون الإجابة فى ما لا يقل عن خمسة أسطر)

السوأل الاول : الاجابة ( لا ) في خمسة اسطر

السؤال التانى:
(50 درجة)
(زمن الإجابة : 30 دقيقة)

1. ما إسم الشخصية المحورية فى القصة؟
2. من هو والدها؟
3. أين يقع ذلك السوق الذى ذهبت إليه؟
4. ماذا كانت تريد أن تشترى؟
5. ماذا كانت اخر كلماتها؟؟

السؤال الثاني : 1/ فلانة
2/ فلان الفلاني
3/سوق ام دفسو يقع في كوبنهاجن جوار طلمبة جكسا
4/ كانت تشتري فير
5/ اخر كلماتها ( اووووووووووووووب علي )

Quote: السؤال التانى: (50 درجة) (زمن الإجابة : 30 دقيقة) 1. ما إسم الشخصية المحورية فى القصة؟ 2. من هو والدها؟ 3. أين يقع ذلك السوق الذى ذهبت إليه؟ 4. ماذا كانت تريد أن تشترى؟ 5. ماذا كانت اخر كلماتها؟؟

والحمدلله الذي ملكني كل هذا الذكاء والابداع فجعلني قادره دون غيري علي فهم مافي الصدور وكمان العلي السطور..

1-الشخصيه اسمها بت الهنا حليلي انا..وواضح انه ابوها اسمه حليلي انا..

2-كان والدها عالم فضاء..فضاء زي البنكتب فيه احنا هنا ده..

3-السوق يقع في أمبده..واسمه سوق ليبيا..

4-كانت عايزه تشتري خاجه بتلمع تلبسها في المناسبات..

5-آخر كلماتها كانت اثناء هروحها من الدمان بعد أن غاطها البائع بسماجته..قالت له ولاخوانه..
بس..رجرجه دهماء!

حبيبتنا منى،

شكرا للإجابات،
أكيد ح نختها فى الحسبان،
و ح يكون عندها وزن إضافى كمان،،،،




و لو إنو أنا فكرت نضمك للجنة التحكيم،،،

السؤال الثالث:
(20 درجة)
(زمن الإجابة: 20 دقيقة)
1. ما المغزى من وراء القصة؟؟

السؤال التالت : المغزي من القصة انو بالواضح كدة ( يا الباحثين عن الشهره بطلوا شلاقة )

المحترم ياسر بيناوى،
شكرا على الإجابة،

و لك جايزة خاصة، لأولى المشاركات،

و لكن السؤال الاول دة كان الشرك ، و ما بينجح،،،،


الإجابة على السؤال التانى، تحتاج مزيدا من الإجتهاد،

رجاءا، مراجعة الأوراق قبل تسليمها،،،

طبعا يا جماعة الخير،
مراعاة للحيادية، و تطبيقا لاسس المساواة،
سوف يكون التصحيح و الإعلان عن الفايزين،
بعدإنتهاء زمن الإمتحان،
و تسليم جميع الأوراق،،،

طبعا شكلي حأكون الفايز الأول لاني جاوبته في ربع الزمن
وإجاباتي كلهاصاح


ويييييي امتحانك موووووووووووية

Quote: السؤال الاول: 1. أنفع أكون بديعة أأقصد مبدعة؟ (30 درجة) (زمن الإجابة: 10 دقائق).

الإجابة :
هالة ..
بما إنك
بنت هندسة
إذن
لازم تكوني مبدعة


الأجابة في خمسة أسطر ..

ياسر،
شكلك ح تحصد كل الجوايز.....
لكن،
:
:
:
:




إجاباتك كلها صاح،
دى عرفتها كيييف؟؟


و بعدين، إعترف لو سمحت عملت شنو فى باقى المتسابقين؟؟؟







أقعدعافية،،،

حذف للتكرار

قلته ليهم مافي زول يخش خلوني اشيل الجوائز كلها
ونجي نعمل ليها ابو القاسم

اما عرفتها كلها صاح كيف
ببساطة لانو شاااااااااااااااااااااااااااااطر
ومزاكر كويس







مع ودي

كدة وضحت كل خطوط، أقصد خيوط المؤامرة،

و يا أيها المتامرون،
أنا ورايا ناس بتاكل الزلط!!!

وقع ليكم و لا نعيدو؟؟؟؟
(عين بتحمر و بتطفى)،،


و بعدين يا استاذ ياسر شاطر و عرفنا،
مذاكر! المنهج دة شفتو وين قبل كدة؟؟؟

Quote: و بعدين، إعترف لو سمحت عملت شنو فى باقى المتسابقين؟؟؟

الخيل الأصيلة بتظهر في اللفة ,,

هالة ..
ما تجاملي ياسر ساكت عشان هو المتسابق الوحيد وتقولي ليه إجاباتك صاح ..

الإجابة التانية فيها خطأ ..

Quote: السؤال الثاني : 1/ فلانة 2/ فلان الفلاني 3/سوق ام دفسو يقع في كوبنهاجن جوار طلمبة جكسا 4/ كانت تشتري فير 5/ اخر كلماتها ( اووووووووووووووب علي )

ياسر ,,,
السوق ما أم دفسو ...
سوق سعد قشرة ..
وكانت تشتري كيلي ...
وآخر كلماتها كانت .. (سجمي ...)

انت لخبطت شوية ..

إبراهيم يا هندسة،

تأسيسا لمبدأ الحرية و المساواة،
(حسه الجاب حرية دى هنا شنو؟؟؟)
القائم على مراعاة عدالة التصحيح،
و ترسيخا لمفاهيم كلنا أولاد ادم و ادم من تراب،

ما ح اقدر اساعدك،


الرجاء مراجعة الأوراق،
و التأكد من الإجابة على كل الأسئلة،،،

إبراهيم يا أصيل،
(طبعا 10/10)،،،



و بعدين السؤال التانى دة هو أساس الفيلم جدا،
يعنى لازم الإجابة تكون مقنعة و جدا كمان،،،،


ياسر دة، إحنا أديناه جايزة أول مشاركة،
لكن المسابقة الرئيسية لسه ما مضمونة،
عليه الإجتهاد أكثر،،،


_____________________________________
تعال و معك اخرون،،،

Quote: منذ صغرها، كانت تسعى وراء الشهرة. كانت تلفت نظرها صور النجوم و المشاهير فى المجلات و الصحف،. جل متعتها تجدها فى تقصى أخبارهم. كانت معروفة بين قريناتها، أنها أفضل من تقلد المشاهير، و تتقمص شخصياتهم. فكانت تتمنى أن تصبح مثلهم، و أن يشار إليها بالبنان، فماذا هى فاعلة؟؟ جربت التمثيل، فلم يفتح لها أى باب، حاولت الغناء فلم توفق. كان والدها دائما ما يقول لها: "إنتى يا بت ما تبطلى الجن الفى راسك دة"!!! و لكنها لم تيأس، إلى أن كان ذلك اليوم، الذى ذهبت فيه إلى السوق، و صادف الهجوم الذى تم من قبل ثلة من المعتدين، ولكن بمشيئة الله، لم يتأذى إلا شخص واحد و كانت إمراة....... فصارت حديث المدينة!!!!

كاتبة هذه القصه المبدعه هاله قد أبدعت دون شطط..فاتتنا بالحكمه التي لم تفتنا..
والسياحه في قصتها القضيره تمتع الروح والذهن وتصحبك الي عوالم كاد اغلبنا أن ينسي تفاصيلها..
شكرا لها..فقد ارجعتنا الي زمن الحكم!
خكم والله يا هاله يا مبدعه..حكم!

الا انني أري ان القصه ينقصها بعص التفاصيل التي تضفي علي الموضوع ما تضفيه الورده الحمراء علي ضفيرة الراقصه البيضاء..
فمثلا..
عند حديثك عن المجلات والصحف يمكنك أن تزيدي من التفاصيل الدقيقه حتي يستطيع القاريء أن يعيش تفاصيل أحداثها باستمتاع أكثر..
هل كانت مجلات أطقال؟؟
هل كانت مجلات فنيه فقط؟؟
ام كانت مجلات اقتصاديه تباع الفلل الجميله عن طريق اعلاناتها وبها ضور تصورها وهي جالسه بالبلكونه,,أو حتي المطبخ؟؟

ثم والدها..لما كان بيلومها..
هل كان اللوم عنيفا زي اللوم الحاصل في سودانيزاونلاين الايام دي؟؟
ولا لوم من نوع..عيب كده يا بتي ما يصح منك الكلام ده وخلاص؟
............
...........

كذلك حديثك عن ذهابهاالي السوق..
فعلي الرغم من ان كلمة سوق في جد ذاتها تأتي بصورة الحركه الدؤؤبه للذهن..الا انها تحتاج لتفاصيل..
زي شنو يعني؟؟

زي مثلا الدكان الاول الدخلته..هل كان البائع منكوش الشعر وطويل الاطافر ولا لأ؟؟

عل تخلص من سفة السعوط وهو يعرض بضاعته عليها ولا لأ؟؟
ومهم ان تضيفي للدكان الأول دكانين تلاته..مع التركيز علي التفاصيل..
يعني الزوله الكانت لابسه توب برتقاني بورد كبير أخضر..ومعاها أخوها الصغير حارسها..
كابت بتشتري شنو من ملاك الدكان التلاته؟؟
وماتنسي هبل واحد فيهم وهو بيفرج فيها علي أدوات المكياج..كان هبله كيف؟؟
وياريت تكلمينا برضه علي الزوله الدخلت محل التياب وسألت الباعه بسذاجه..
الرسول ما بتبيعوا ويكه هنا؟؟
..........
..........

أما يوم الصدفه ده والمعتدين عايز ليه حاجات كتيره علشان نتكلم فيه..و نقدر نواصل..
أهديك هذا البيت المنشي "من نشا"

سوقي يا الكلك هنا..
وين اروح منك أنا..

توقيع..
مني مبدعه وقاصه (ليس للأثر) وناقده

اوعي تقولي لي الجائزه كتاب!

العزيزة جدا خالص،
منى خوجلى،،

أشكرك للتحليل و النقد الفنى دة و التفكيك،
و حقيقة لقطتيها سريع،
ماشاء الله،

أما عن التفاصيل الغير وافية،
فلكم منى العتبى،
و أكيد ح ترضوا،

طبعا أول محاولة، و أنتى عارفة،
و بعدين السؤال نمرة إتنين كدة ح يكون مكشوف،،،
و إحنا إمتحاناتنا ما ساهلة كدة،
(زى ما ظاهر للعيان يا ياسر...)،

عارفة يا منى،
كلامك دة خلانى أكون عاوزة أكمل القصة،
بعد تسليم النتايج،،،
و أكيد ح أخت كل التفاصيل الذكرتيها فى الحسبان،،،



__________________________________
الجايزة هينة،،،
ما دايرة تشاركى؟؟؟

نص المبدعة هالة حسن نص جرئ يحمل لغته الخاصة مؤسسا لمفاهيم سردية جديدة تتجاوز الوقوع في هوة التنميط لتحلق في افق انسانية و روائية تمتاز بالتلقائية .
ان بنية النص تتناغم مع الحس المعنوي المحمل بالهموم و التطلعات لجيل ما بعد نيفاشا
حاولت الكاتبة في تجربتها ان لا تتقيد بالاشكال التقليدية للسرد فابدعت و سجلت نفسها كروائية و قاصة و شاعرة و مؤرخة و عالمة فلك و لاعبة بلي من الطراز الاول




هاله ازيك ..
طبعا انا من زمااان نفسي ابقى كاتب كبير عشان يجيني كاتب ناشئ اكتب ليو مقدمة زي الرشيتك بيها دي ..
شكرا انك اديتيني الفرصة افش غبينتي ياخ

حمور،
اهو إحساسك بالكلمة و النقطة و الحرف دة،
إنما يدل على حسك العالى و الرهيف،
و الحس دة لا يتأتى إلا للمبدعين جدا،
فهنيئا لك،،،،


كما نود ان نتوجه إليك بالشكر اجزله على هذا النقد التحليلى (الفى الصميم)،،



تنويه:
فى جوايز مخصصة للنقاد كمان،،،
نرجو تسليم المشاركات فى أقرب وقت...

_________________________________________________
بعد التنويه:

Quote: سجلت نفسها كروائية و قاصة و شاعرة و مؤرخة و عالمة فلك و لاعبة بلي من الطراز الاول

لكن،
إنت عرفت كيف أنا بلعب بلى؟؟؟


يا جماعة المسابقة الجاية ح تكون فى البلى، إن شاء الله...

اها براك قلتي المسابقة الجاية ح تكون في البلي

كدة ح تكوني جد جد دايراني احصد الجوائز كلها

لانو انا عندي تلاتة نصوص في اليضوع دا

( يا بلية ) و (رميتك نظر ) و (طقش طقش )

ياسر،
أولا المعذرة لك و لجميع المشاركين،
لعدمتواصلى معكم طوال الفترة الماضية،
و ذلك نسبة....
لعين و صابتنا،
:
:

ولكنها خفيفة و الحمدلله،


أما فيما يخص موضوع المسابقة القادمة،
فانا اشهد، انك قد طرقت باب لم يولج لأحد من قبلك،

و هذا فى حد ذاتع يعتبر إبداع متفرد،،،،
قول 1:

هو ذاك
يا هالة هو ذاك


وخير الكلام ما قل ودل

العزيزة روزمين،
كلامك دة بيهمنا شديد،
و صدقينى لو الناس بحثت داخل النص (الوجيز جدا دة)،
كلها ح تفهم منى خوجلى وصلت لشنو...


محبتى،

Quote: و حقيقة لقطتيها سريع،

كلام لكن
قريت القصة مرتين تلاتة يمين شمال ما لقيت حاجة تتلقط
خلي بالك كبرنا و بقينا نجليها ثابتة

سلامات يا باشـ... مبدعة

المبدعة هالة حسن
القصة أشبه بأشعار زميلنا ابو قوته قنبلة الابداع الموقوته

حاجاوب على السؤال الثالث فقط
المغزى من القصة تطبيق المثل البقول:
ما تعاين لفوق دائما عاين للناس التحت واحمدالله
بانك احسن حالا... لانو اذا عاينت لفوق طوالى حتقع فى حفرة وتكسر رقبتك
ولازم الواحد يعرف بان هناك شئ اسمه الحظ.. ومذكور فى القران"" وما يلقاها
الا الذين صبروا وما يلقاها الا ذو حظ عظيم""
( خمسة سطور) رسلى الجائزة سريع!!!

السر عبدالله،
المغزى من القصة تطبيق المثل البقول:

Quote: ما تعاين لفوق دائما عاين للناس التحت واحمدالله بانك احسن حالا... لانو اذا عاينت لفوق طوالى حتقع فى حفرة وتكسر رقبتك ولازم الواحد يعرف بان هناك شئ اسمه الحظ.. ومذكور فى القران"" وما يلقاها الا الذين صبروا وما يلقاها الا ذو حظ عظيم""

( خمسة سطور) رسلى الجائزة سريع!!!

كدة،
و مع إيراد الاية القرانية العظيمة دى،
و ربطها مع المجهود أعلاه،
إنت طلعت من الفسيخ شربات،،،،

Quote: ( خمسة سطور) رسلى الجائزة سريع!!!

لكن برررضو،
ما ح نعلن الجايزة إلا عند إكتمال النصاب....
(يعنى كل الأجوبة)،،،

---------------------------------
تنوه لجنة التحكيم على أعضائها الكرام، عدم قبول أى نوع من أنواع الرشوة...

معاذ حسن،
إنت وين ياخى،
بنسأل منك،
و بنفتش لقصصك الجميلة،،،



قلت لى،
أبوقوتة؟
ح تخلينى ابحث عن إبداعاته عشان أشوف وجه الشبه،
وأناولو كنت ما متأكدة من إبداعى،
لكن متأكدة من إبداعاته.....



السؤال:
كم مرة تكررت كلمة إبداع فى المداخلة أعلاه؟؟

محمد البشرى،
لا لا لا،
بلاش تواضع،

خلى بالك الموضوع وما فيه،
و الظاهر كدة،
الذبذبات بينى و بين منى خوجلى كانت عالية، و الإرسال مظبوط،،

شفت كيف؟؟؟

حاجة كدة تصيب الواحد بالتبلد. ناس المنبر الحاصل عليهم شنو ؟ عين وصابتهم.

Ombadda,
عندك حق،
عين و صابتنا،
لكن خلى بالك،
المازق (بتمديد الالف) مثل هيك، بتقرب الناس من بعض،

و أهى حالة و تعدى،


إنت بس خليك قريب،،،



-----------------------------
قلت لى بتقرب شتنو لمايرنو؟؟؟

المبدعة هالة طرقت بابا جديدا ل(الابداع) وهو المزج بين (الرواية) و(القصة القصيرة) وهو شىء أقرب ل(ألأقصوصة) ..
فلو قصدت الرواية مثلا لحشدتها بالتفاصيل والتداوير والربط والحل والعقدة والمنشار .
ولو هي قصدت القصة القصيرة لكتبت بلا مواربة في المعني :
(بحثت عن الشهرة في كل مكان وزمان حتى وجدتها اخيرا بين براثن ثلاثة من الذئاب البشرية )..
لكنها (أي هالة ) في ظني لم تقصد هذا أو ذاك وآثرت القفز فوق حاجز النمطية الكلاسيكية لتمتع المتلقي بما جادت به اعلاه ..
إذن فهي مبدعة ..

















مع تحيات
طلحتشكوك..

طلحة عبدالله،،،
طبعا أول ما شفت مداخلتك أدناه، قريت كلمة " المبدوعة هالة"،
و قلت دى تكون صفة جديدة على وزن بديعة يعنى،
ما علينا، نجى للنقد:

Quote: المبدعة هالة طرقت بابا جديدا ل(الابداع) وهو المزج بين (الرواية) و(القصة القصيرة) وهو شىء أقرب ل(ألأقصوصة) .. فلو قصدت الرواية مثلا لحشدتها بالتفاصيل والتداوير والربط والحل والعقدة والمنشار . ولو هي قصدت القصة القصيرة لكتبت بلا مواربة في المعني : (بحثت عن الشهرة في كل مكان وزمان حتى وجدتها اخيرا بين براثن ثلاثة من الذئاب البشرية ).. لكنها (أي هالة ) في ظني لم تقصد هذا أو ذاك وآثرت القفز فوق حاجز النمطية الكلاسيكية لتمتع المتلقي بما جادت به اعلاه .. إذن فهي مبدعة ..

إحم إحم،،،
المبدع الناقد الفنى،
طلحة عبدالله،
الشهير بطلحتشكوك،
أطال الله فى عمره،
قد أبدع فى نقده و أسهب فى تفنيد القصة من كل جوانبها،
و مجاراتها بمثيلاتها، بما هو معروف فى عوالم الأدب و القصص الروائية،
و كان نتاج زاك كله ما بات الان يعرف "بالمقصوصة"... اقصد " الأقصوصة"،
إزن فهو مبدع أيضا.....


----------------------------
تنويه أول:
عندى مشكلة واضحة فى الزال،،،

تنويه تانى:
عايزة أسجل براءة تاليف " الأقصوصة" باسمى!!!

Quote: حاجة كدة تصيب الواحد بالتبلد. ناس المنبر الحاصل عليهم شنو ؟ عين وصابتهم.

مضى نص الزمن

فوق اها

ياسر بينوى،

Quote: فوق اها

شكرا للدعم و التشجيع،


واصل معانا،،،،،

على سر الختم،
والله بينى و بينك مضى الزمن كلو، و أصبحنا فى الزمن الإضافى،

لكن طبعا الجهابزة عارفين لسه فى الملاحق و البدايل،،،،

نديهم فرصة تانى...





-------------------------------
ما وريتنا رأيك شنو؟؟؟

هاله


اشتغل ليك اعلانات ملونه للمسابقه ده هنا بتخفيض خاص ؟ ولا امشى اشتغلهم فى بوستات خليل بالمجان ... قصدى الاعلانات !

طارق ياخى،

إنت عارف ما بيناتنا، و كدة يعنى،،،


إشتغل إشتغل بسرعة،،،


بنتفاهم.............

هالة

ازيك

ما عائزين الجائزة عشان نحن مشهورين بدون جوائز

الهكر شال تلت اليوم الحار ومشي بيهو

انشاء الله ما انفعو

تاني فوق










عشان برضو نحصد جائزة الدعم