Post: #1
Title: صحيفة آخر لحظة
Author: أبوذر بابكر
Date: 10-28-2008, 01:49 PM
تحايا وسلام للجميع
الصحيفة دى يا جماعة تبع منو فى الجنيات؟
يعنى مين الناشر ومين المسئول، والتوجه بتاعها شنو بالضبط؟
بحكم إنه الواحد طاشى من البلد عشان كده ما متابعين الشارع الصحفى هناك
الحصل إنه إتصل على بعض الأصدقاء من الخرطوم وقالو إنه صحيفة آخر لحظة نشرت فى عدد اليوم وفى الصفحة الأخيرة، واحد من نصوص العبد الفقير الشعرية "غناء"
والحاصل إنه هذا العبد الفقير ما عنده أى خلفية عن موضوع النشر، ويشهد الخالق إنه ما سعينا فى يوم من الأيام للنشر لا فى الجرائد ولا فى المجلات، اللهم إلا مكرمات أخونا العزيز "أحمد عبد المكرم" فى جريدة الخرطوم، والإتكرم علينا بنشر بعض النصوص، "ولو ما أخاف الكضب" أظن إنه النص تحديدا من النصوص الإتنشرت فى جريدة الخرطوم
وهسه نشكر الشخص أو الجهة الإتكرمت علينا مجددا ونشرت النص فى "آخر لحظة"
لكين هو مين؟
ده السؤال
ما قاعد نكتب ولا ننشر والله إلا هنا، فى هذا ال "سودانيزاونلاين" الفسيح المريح، وما أظن النص ده متوفر إلا هنا فى سودانيزاونلاين وأرشيف جريدة الخرطوم فقط
فكيف إذن وصل النص ل "آخر لحظة" ؟
|
Post: #2
Title: Re: صحيفة آخر لحظة
Author: أبوذر بابكر
Date: 10-28-2008, 02:05 PM
Parent: #1
ناس آخر لحظة عندهم موقع إليكترونى ؟
فلو تكرم أى واحد من الزملاء هنا يمدنا بعنوان موقعهم الإليكترونى
|
Post: #3
Title: Re: صحيفة آخر لحظة
Author: أبوذر بابكر
Date: 10-28-2008, 02:47 PM
Parent: #1
طيب
ما شاء الله فى زملاء هنا كتار من الصحفيين
مافيهم واحد مع الجماعة ديل ؟
|
Post: #4
Title: Re: صحيفة آخر لحظة
Author: أبوذر بابكر
Date: 10-28-2008, 03:46 PM
Parent: #1
معقول "فرت" زول هنا عنده معلومة عن هذه "اللحظة الأخيرة" مافى ؟
|
Post: #6
Title: Re: صحيفة آخر لحظة
Author: حمور زيادة
Date: 10-28-2008, 03:50 PM
Parent: #4
ابوذر و الله حننتني ياخ
اخر لحظة تصدر من شركة المنحنى
شركة تابعة للحاج عطا المنان
رئيس تحريرها هو حسن ساتي
و مدير التحرير مصطفى ابو العزايم
لا اعرف ان كان لهم موقع الكتروني ام لا لكن لا اظن
طريقك الوحيد للاتصال هو مهاتفة احد الصحفيين
|
Post: #9
Title: Re: صحيفة آخر لحظة
Author: أبوذر بابكر
Date: 10-28-2008, 04:04 PM
Parent: #6
مشكور والله يا حمور
كتر خيرك ياخ
تحنن ساى
دى تراها مشكلة الزول لما يكون مجدوع "برات البلاد" على قول السيدة فيروز
أنا والله كل همى عايز أعرف النص ده وصل للجريدة كيف
مافى أى صلة بتربطنى بيهم، ولا عندى علاقات شخصية مع أى زول بعمل فى مجال الصحافة فى السودان كله
تانى ياخى كتر خيرك وبارك الله فيك
إسم الحلالة أعلاه مافيهو علامة ضمة فى الآخر
عشان طعمها ما يكون زى بتاعة الكيزان ديك
|
Post: #5
Title: Re: صحيفة آخر لحظة
Author: أبوذر بابكر
Date: 10-28-2008, 03:47 PM
Parent: #1
مع إنه الناس هنا، عادة يعنى
دائما عندها معلومة عن أى شى
|
Post: #7
Title: Re: صحيفة آخر لحظة
Author: baha eassa
Date: 10-28-2008, 03:59 PM
Parent: #5
http://www.akhirlahza.net/
بس الموقع متعطل الي حين .. واخر لحظة هي من الصحف المعادية
لسودانيز اونلاين بقيادة الهندي عز الدين الذي طالب بحجب
الموقع من السودان .. واوصل الموضوع للمجلس الوطني .. كدة كفاية؟؟
|
Post: #11
Title: Re: صحيفة آخر لحظة
Author: أبوذر بابكر
Date: 10-28-2008, 04:09 PM
Parent: #7
كيفك يا بهاء
واريت حالك زين
معادية لسودانيز اونلاين؟
معناه معادية لينا
كده الموضوع بقى اصعب كمان
واخونا الهندى عز الدين ياهو الكان معانا هنا ولا واحدن غيره؟
ده كلام عجيب جدا
يا زول كتر خيرك والله
والله لا عندنا شغلة بى جرائد ولا جا جاكى
قاعديت كافين خيرنا شرنا
لا عايزين لينا نشر ولا عايزين قطع
حدنا بس سودانيزاونلاين دى بس
الزول الشى يجيهو فى صمة خشمه
|
Post: #8
Title: Re: صحيفة آخر لحظة
Author: Isa
Date: 10-28-2008, 04:02 PM
Parent: #1
الأخ أبو ذر.. تحياتي
موقع آخر لحظة لا يعمل الآن.. الظاهر عليهم فلسوا!
أنظر
http://www.akhirlahza.net
|
Post: #10
Title: Re: صحيفة آخر لحظة
Author: حمور زيادة
Date: 10-28-2008, 04:05 PM
Parent: #8
اظن ان الاخ عبد اللطيف السيدح عضو المنبر له قريبه تعمل صحفية بالجريدة
|
Post: #13
Title: Re: صحيفة آخر لحظة
Author: أبوذر بابكر
Date: 10-28-2008, 04:17 PM
Parent: #10
تعرف يا حمور
الإخوان الإتصلو على قالو مش النص الشعرى بس المنشور
كمان معاه جزء من السيرة الذاتية
أموت بس وأعرف المعلومات دى جابوها من وين
غالبا غالبا
عشان لاقنى زول مسكين ساى
|
Post: #16
Title: Re: صحيفة آخر لحظة
Author: أبوذر بابكر
Date: 10-29-2008, 08:28 AM
Parent: #10
صباحاتك ألق يا حمور
وشكرا تانى على العون السخى
والمقصود أصلا محاولة معرفة الطريقة الوصلت بيها القصيدة للصحيفة
إحتمال يكونو شافو فيها شى كويس يستحق النشر
ما بطال برضه
لكين الطريقة ما أعتقد مفروض تكون بالشكل ده
يمكن كمان أنا لى رأى فى خط وتوجه الصحيفة، وما عندى رغبة أنشر فيها
ولا شنو بالله
|
Post: #12
Title: Re: صحيفة آخر لحظة
Author: أبوذر بابكر
Date: 10-28-2008, 04:10 PM
Parent: #8
كيف حالك يا عيسى
شكرا ليك ياخى على المجهود المقدر
يفلسو كيف يعنى
ما دام طلعو أهل الجلد والراس
|
Post: #14
Title: Re: صحيفة آخر لحظة
Author: عبد الواحد أبراهيم
Date: 10-28-2008, 04:39 PM
Parent: #12
Quote: رئيس تحريرها هو حسن ساتي
و مدير التحرير مصطفى ابو العزايم |
سلام اخوى حمور
حسن ساتى رئيس مجلس الادارة
مصطفى ابو العزائم رئيس التحرير
الهندى عز الدين نائب رئيس التحرير
عبد العظيم صالح مدير التحرير.
| Quote: اظن ان الاخ عبد اللطيف السيدح عضو المنبر له قريبه تعمل صحفية بالجريدة |
المحررة المقصودة أمنة السيدح .
دى للتصحيح بس المهم هى جريدة مثلها مثل الوطن كدة .
|
Post: #15
Title: Re: صحيفة آخر لحظة
Author: حمور زيادة
Date: 10-28-2008, 05:00 PM
Parent: #14
شكرا يا عبد الواحد للتصويب
اخطأت في المناصب و الصواب ما قال عبد الواحد يا ابا ذر
|
Post: #17
Title: Re: صحيفة آخر لحظة
Author: أبوذر بابكر
Date: 10-29-2008, 08:33 AM
Parent: #1
النص "المغدور" حسبما نشر زمان فى جريدة الخرطوم
|
|