بيان حول التعامل الهمجي مع بيان المجموعة

و أعني ببيان المجموعة ما كان عنوانه "بيان شجب و استنكار من مجموعة صحفيين و كتّاب و مبدعين بموقع سودانيزأونلاين" المنشور على الرابط

بيان شجب و استنكار من مجموعة صحفيين و كتاب و مبدعين بموقع سودانيز أون لاين

ألطف توصيف لما فعلته كثّرة من المشاركين هنا هو أنها عملت ضد حق بعض الناس في التعبير و الاجتماع، و سخرت من استخدامهم هذا الحق.

و لكن الأوصاف ليست كلّها لطيفة، فهذه مناسبة لفضح بعض من روح القطيع.

.

أخي محمد حسبو

نحن المصلحين بنعالج في الهجمة على البيان
لكن انت بالكلمتين ديل (الهمجي - القطيع)
كأنك جاي وبتزيد النار اشتعالاً..


تحياتي

ليون

وين ياخ

والله ليك وحشة







__________________________________

حسبو
تحياتي

يا وهبة
حمد الله بالسلامة
من قبيل شايفك
تغطس وتطلع تجيب في
البوستات القديمة
وما فتحته ليك بوست

وقلته انتظرك لامن تجيب
البوست حقنا داك ...

مرة تانية الف حمد الله بالسلامة

يا ود حسبو أها رايك شنو
اعتذر عن الكلمتين ديل سريع
قبل ما الجماعة سامع (الجماعة)
ديك يجو بي هنا ونبقى في مشكلة تانية

مرحباً بك يا أخي صلاح

Quote: انت بالكلمتين ديل (الهمجي - القطيع) كأنك جاي وبتزيد النار اشتعالاً..

هو ذاك يا صديقي،
هو ذاك
.

الأخ العزيز محمد حسبو ,

كامل تقديري لجهودك في تش الضلام بالضو ...

كنت كتبت هذه المداخلة في البوست المذكور وأود أعادتها هنا رجاء:

Quote: الاخوة الاعزاء ... أجد أن تساؤلات الأخ محمد حسبو رغم موضوعيتها قد تم تجاهلها تماما رغم انها كانت ستزيل الغباش عن كثير من النقاط ... أود أن أسال الاخوة الممتعضين من البيان : هل يحي فضل الله من المبدعين أم لا , والاخرون في القائمة كذلك ؟ أعني هل يكفي الشخص كتابة مئات البوستات او حتي الافها في الانترنت او حتي في الصحف الورقية ليساوي او يعد نفسه كاتبا؟ عن نفسي اؤيد البيان واجد ان رد الاخت الجندرية في البداية كان وافيا , قد يكون هؤلاء الناس غير نشطين في المشاركة في المنبر مقارنة باخرين من العضوية , لكن السؤال هل المطلوب من سودانيزاونلاين ان يكون منبرا للتنوير ام ان يكون منبرا خبريا كما هو حاصل الان يملأه الناس بالونسات . مع ظني بأن الشكل الاخير للمنبر هو الذي جعله الاول علي قائمة المواقع السودانية ربما لطبيعتنا كناس حكايين وبتاعين ونسات ... ثمة نقطة أخري : في هذا السودان اي واحد يظن نفسه الافهم في اي حاجة وبيقدر يفتي في اي حاجة , بالذات في الكتابة والابداع , يعني انا مثلا ما شفت لي واحد من الناس ديل يوم كتب بوست عن انتقال طمبل للمريخ والا عن تسجيل منو كده للهلال , فاذا كان الناس ديل ما ادعوا معرفتهم باي حاجة ومعترفين ليكم بتفوقكم في جوانب كتيرة , فياخي خلوهم في الحاجة اللي هم بيعرفوها وبيحاولوا يجودوها ... مع كامل تحياتي واحترامي للأستاذ يحي فضل الله . .

ومرة تانية تلقاني بتساءل : الناس دي مشكلتا شنو مع انو واحد يمارس الابداع ويعتبر انو دا مجال اهتمامو ؟

مرة من المرات محسن خالد كتب عن عداء السودانيين للتميز وذكر قصص منها انو الاول في الفصل طوالي الجماعة يدقوه ليك , واذا كان في

واحد رسام والا كده فدا مشكلتو أكبر ,


مرة تانية ما قادر افهم المشكلة وين : يعني لازم الناس ديل يفتحوا بوستات عن الهلال والمريخ والا عن انو الخرطوم امبارح كان فيها

كتاحة والا شنو الحاصل ...

مرة تانية ح اقتبس من محسن خالد واحدة من مقولاتو الجميلة : فلنحانن الجهلاء , ولكن بقدح الكسرة لا بالفكرة .

أها يازول انا شايف انو دي واحدة من مشاكل التعامل مع المبدعين في السودان , الناس البيهاجمو ديل ما متصورين انو المسألة دي نتاج

تراكم معرفي واجتهاد وقرايات باللاضافة طبعا لي موهبة تم صقلها بمهارة ودربة ...

وهنا أحب أؤكد انو بالنسبة لي في البيان المذكور ما رأيت اي انتقاص لشأن الناس الراكموا معارفهم في الكورة أو حفلات الغنا - ولا أقول

الغنا- أو الناس العندها مخزون وافي من الاسفاف والركاكة , ما هي الحاجات دي برضو نتاج تراكم معرفي وممكن نعتبرا ابداع بطريقة أو

بأخري ...


ياخي قبل كم يوم في موقع سوداني لقيت ليك مجموعة بتكلموا عن الغموض في شعر عاطف خيري وهاك يا هجوم ...

غايتو ... أتأسف للأطالة .



.

Quote: ألطف توصيف لما فعلته كثّرة من المشاركين هنا هو أنها عملت ضد حق بعض الناس في التعبير و الاجتماع، و سخرت من استخدامهم هذا الحق. و لكن الأوصاف ليست كلّها لطيفة، فهذه مناسبة لفضح بعض من روح القطيع.

يا أستاذ محمد حسبو

بل بيانكم هو من عمل على تمييز فئة محددة من زملاء البورد دون فئة غيرها
بل ربما تمادى ذلك إلى نسب نجاح الموقع إلى فئة منها والبقية كما تقول (قطيع)


وبيان بيانكـ هذا يعضد هذه الفكرة .. بأننا لسنا سوى قطيع نمشي خلف تلكـ القائمة!

شكرا شكرا يا صاحب البوست ..
حتي لو كان البيان بحسن نية .. انت الآن اوضحت النوايا الحقيقية ..

..
..

كوم المبدعين .. وكوم القطيع ..
وانا اقول ليه ناس التلفزيون شابكننا كل مرة ( عاد لحظيرة الوطن ) .. قطع شك ما مبدع ..

أوّل هذه المشاكل التي أظهرها التعامل مع البيان هي مشكلة القراءة بالأذنين (أو أي تعبير يفيد عدم فهم المكتوب و محاكمته بما استُمدّ من سواه)، و في هذا إبداعات نرصدها..

مع أنّ البيان لم يحصر صفة من الصفات على موقعيه، بل كان دقيقاً أشد الدقّة في وصف موقعيه بكونهم مجموعة كتّاب الخ دون ألف و لام، و لم يكن من أهدافه حصر شيء أو إحصاء منسوبيه، إلّا أنّ كثيراً من الناس بنى موقفه على أساس أن موقعي البيان احتكروا الكتابة و الإبداع، و الذين نحوا هذا المنحى هم أحد كومين و الله أعلم

كوم: ظن أن عدم ورود اسمه –أو من يهمّه أمرهم- في اللستة يعني أنّه –أو من يهمّه أمرهم- خارج التصنيف

و كوم تاني: لديه رغبة جامحة في الوقوف ضد الصفوية و هذه الأشياء، و لكن لا يعرف أين الموقف المناسب

(النوع التاني دا بلغة العوام يُقال عنه: راكب باص سيرة)
.

حسـبو ..
سؤال ..
هل انت مبدع ..

..
..

بس عشان التصنيف وكدا ..

سلام يا محمد حسبو ..

كيفك وكيف اخبارك ؟!!

سنين ما إتقابلنا ..

إنشالله تكون طيب ؟!!

ليه بس كده يا حسبو؟

ليه؟


هي ناقصة يعني؟؟

حسبو سلام
ما كنا كويسين يا زول بهناك خبااارك فرزت عيشتك
وواقع في الناس تهم كبار كبار
ذكرتني حمي الموتمر الوطني في تعاملهم مع امر اوكامبو كونهم وصفوا الذين ايدوا هذا القرار
بالخونة والعملاء والمرتزقة.....
لدينا بوست بهناك كنا قد اتفقنا علي الحوار فيه فلا ادري هل ستواصل الامر بهناك ام لا...؟؟؟
ان كان الامر لا..!!
اري ما اري بين السطور تهمة محددة بتكميم الراي وحق الاجتماع...واراك ايضا قد كتبتها هناك في البوست
وعشان نكون دقيقين وليس بهمجمين في التجني واطلاق التهم علي الاخريين اتمني ان
تبزر اثباتا صريح وواضح وظاهر للجميع هنا يفيد هذه التهمة او يتحدث عنها بوضوح...!!!
حتي لا اتهمك بالهتافية واطلاق التهم الجزاف ضد مخالفينك للراي...

محمد حسبو تحياتي,
عندي مشاركة صغيرة هناك في البوست المعني , هي موقفي "الرسمي" في الموضوع
لكن الموضوع ده :
زي الكأنه في ناس تلب ليهم حرامي
قاموا الجيران إتلموا حول البيت المعتدى عليه و هم حالة غضب شديد من الحرامي
و يتمنوا لو يلموا في الحرامي عشان يلموا ليهو الغسيل ثم بعد داك يجلدوه جلد غرائب الإبل
يقوم و في أثناء ما هم متلمين غاضبين ,
يجي جاري من هناك جار إسمه (يحي) يقول ليهم أنا و الجيران الآتية أسماءهم: سعاد و محمد و محمد و محسن و أماني و حسبو و ...
قررنا أن ندين بشدة تصرف الحرامي بن الكلب و أن نقترح ال.. و ال.. و ا.....
يقوموا الجيران يقولوا ليهم: يعني لحنتوها و لا دايرين تتجنجصوا و تتفلفسوا
يقوم يجي حسبو يقول ليهم : يعني إنتو ضد لمتنا الخاصة دي , سمح أسمعوا أنا بحدثكم يا ولاد الهرمة:
يقوموا "الجيران الغلبانين" يقولوا ليهو: شوف يا حسبو , مواضيع الحي و مشكلاته دي مواضيع "جماعة"
ما فيها فلان و فلان و كيمان و شللية
يقوم حسبو يقول:
.............. !!

Quote: كوم: ظن أن عدم ورود اسمه –أو من يهمّه أمرهم- في اللستة يعني أنّه –أو من يهمّه أمرهم- خارج التصنيف و كوم تاني: لديه رغبة جامحة في الوقوف ضد الصفوية و هذه الأشياء، و لكن لا يعرف أين الموقف المناسب

يا أستاذ محمد حسبو

أولا:
خروج البيان للعامة (القطيع) يعني دخوله حيز النقد أو الدعم
إذا كان أصحاب البيان لا تقبلون النقد فيه .. فكان من الأولى
إرساله للأخ بكري أبو بكر على إيميله مباشرة!


ثانيا:
إذا كان الغرض من فتح هذا البوست هو الحوار .. أرجو الابتعاد
به عن التعبيرات المستفزة .. حتى لا تصاب بتعبيرات لا تليق بك من (القطيع الراكبين باص السيرة)!

و قد ذكرتُ لعبد الكريم كيكي هنا

http://سودانيز اونلاين يهزم الصوالين المغلقة للتحاور ف...ر والثقافة ....!!!

ما معناه أنّه لو فرَضنا أنّ هذه المجموعة قد تعمّدت عدم دعوة الجميع للوليمة، فهذا أيضاً حقّها ما دامت قد تصرّفت في حدود ما تملك دون حجر على أحد، يعني، من حق هذه المجموعة -و أي مجموعة كتابة- ما تشاء باسمها مستقلّة و دون توجيه الدعوة إلى آخرين لمشاركتها، أمّا أن يظن الآخرون أنّ من حقّهم المشاركة فهذا تطفّل مع قوّة العين و قلّة الذوق و الأدب كمان..
و هو معروف عندنا في طباع أهلنا في جهات عديدة من السودان.

التعديل لتصحيح خطأ.

المعز ..

Quote: لكن الموضوع ده : زي الكأنه في ناس تلب ليهم حرامي قاموا الجيران إتلموا حول البيت المعتدى عليه و هم حالة غضب شديد من الحرامي و يتمنوا لو يلموا في الحرامي عشان يلموا ليهو الغسيل ثم بعد داك يجلدوه جلد غرائب الإبل يقوم و في أثناء ما هم متلمين غاضبين , يجي جاري من هناك جار إسمه (يحي) يقول ليهم أنا و الجيران الآتية أسماءهم: سعاد و محمد و محمد و محسن و أماني و حسبو و ... قررنا أن ندين بشدة تصرف الحرامي بن الكلب و أن نقترح ال.. و ال.. و ا..... يقوموا الجيران يقولوا ليهم: يعني لحنتوها و لا دايرين تتجنجصوا و تتفلفسوا يقوم يجي حسبو يقول ليهم : يعني إنتو ضد لمتنا الخاصة دي , سمح أسمعوا أنا بحدثكم يا ولاد الهرمة: يقوموا "الجيران الغلبانين" يقولوا ليهو: شوف يا حسبو , مواضيع الحي و مشكلاته دي مواضيع "جماعة" ما فيها فلان و فلان و كيمان و شللية يقوم حسبو يقول: .............. !!

والله دا ابلغ توصيف للبيحصل ..

أشكرك يا ناذر
بس خليني أستبدل "البيت المعتدى عليه" ب..( جمعية الحي التعاونية) أو (النادي الإجتماعي الثقافي) !

الأستاذ محمد حسبو يقول

Quote: أمّا أن يظن الآخرون أنّ من حقّهم المشاركة فهذا تطفّل مع قوّة العين و قلّة الذوق و الأدب كمان..

والأستاذة أماني تقول

Quote: موضوع البوست الاساسي وهو ادانة وشجب ما حدث من قبل الناس الوقعت البيان والعايزة توقع

Quote: ولا قالت انها بتصادر حق الاخرين من عضوية المنبر في الادانة والشجب والتضامن

وكلاهما من الموقين على البيان!



بكلامكـ هذا خسرت حتى الأصوات التي شاركت معكم في البيان ودعمته!

لا حول ولا قوه الا بالله!

Quote: لا حول ولا قوه الا بالله!

وأنا لله وأنا اليه راجعون يا ماما منى

Quote: وأنا لله وأنا اليه راجعون يا ماما منى

عارفه يا روزمين..

بكلام القطيع ده..

تاني ما بنحتاج نلبس وجوه حيوانات في الحفلات التنكريه!

Quote: عارفه يا روزمين.. بكلام القطيع ده.. تاني ما بنحتاج نلبس وجوه حيوانات في الحفلات التنكريه!

تبرى يا حبيبة أنت من القطيع
وعليك الله ما تفورى دمك وترفعى ضغطك ساى
أمسحيها لى فى وشى (رغم أنه أتمسحت فيه حاجات كتيرة الليلة )
ستنا وتاج راسنا أنتى

مداخلة الأخ علاء الدين منصور "تمبس"، كانت شرارة الغضب الشعبي العارم، و هي عندما نقرأها الآن، تحفل بالافتراضات الخطأ و الاستدلالات بلا دليل، و لينظر من يريد

Quote: طالما قلت كتاب وكاتبات الموقع ما كان في داعي للستة الفخمة دي .. والبتدل على اللوبي أو بتدي دلالات لي إنو الصفوة المثقفة دي هي النصهت بالموقع .. وهي في الواجهة .. مع إنو في غير صفوة هنا دا العملوهو للموقع دا نجار ما يعملو للخشب .. بعدين حتى الصفوة الفوقانية دي والله فوقم واحدين الواحد ما يعمل صاين إن إلا في المناسبات الرسمية .. وتجي تكتب ليك كلام ما يعجبو .. يقوم يديك محاضرة في علم النفس الاجتماعي والحيواني .. إلخ ويطلعك فاقد تربوي .. بعدين يا استاذ طالما اللستة دي منتقاة بي عناية .. وين اسم الاستاذة (تماضر) شيخ الدين .. الرقم الضخم في موقع سودانيزاونلاين .. والعرفت الناس بالموقع والكتيرين جو داخلين الموقع دا علشانة والكتيرين قاعدين يقرو المحل دا علشانة ..؟ والاغرب من كدا إنها اقدم زولة في اللستة دي دا لو ما كانت من مؤسسي الموقع دا ..

لا أعرف كيف وجد العزيز تمبس دلالات على أن هذه الصفوة المثقفة دي هي التي نهضت بالموقع من هذا البيان؟ و أنها في الواجهة؟
و لأنه من الآن فصاعداً سيصبح الحوار مبنيا على هذا الاستدلال المعيب، نقرأ دفوعات يرد بها تمبس على شيء فكّر فيه لوحده، فيؤكّد على دور آخرين في النهوض بالموقع الخ الخ

ثمّ يذكّرنا صديقنا تمبس، كدليل على إغفالنا لشخص مبدع و ساهم في بناء الموقع في آن معا، و طبعا كل هذا يقوله تمبس ردّا على تمبس نفسه، يذكّرنا تماضر كدليل على تحيّز هذه الانتقائية و فشلها في رصد الذين قام على اكتافهم الموقع!!

و كانت هذه هي شرارة ثورة المهمّشين.
.

Quote: تاريخ التسجيل: 10-10-2005 مجموع المشاركات: 303

بعد التحية والاحترام

اسى انا بسالك يا محمد حسبو انت كنت وين


الا يحق فيك تطبيق نظرية موت العضو


من 2005 ما عندك غير 303 مداخلة بس

هل انت عضوء.....مثلك الاستاذ يحى فضل الله تماما

عالم النت للموجودين فقط....قول لاى مبدع امشى اكتب ليك كتاب
وانشره فى اى مكتبه ,,وبعد كم سنة تعال انشر الثانى

لكن هنا عالم اخر.....حركة مستمرة...لو البورد دا اعتمد عليك يا حسبو
وعلى يحى فضل الله ما كان جاب حقو,,,لانك يتجى بعد كل سنتين
فهمتو اللعبة,,,,

اما الهكرر المزعوم تدمر 350 موقع...منها 10 مواقع تخص شركة سعودية
ما لها دخل بمعارضة الانقاذ,,,نفس الراجل وبنفس السلاح
دا مش تنظير دا كلام زول متخصص اها رايك شنو
اشجبو لينا معاكم للمتضررين كلهم
ودمت

ملاحظة صغيرة
ما متذكر اسمك دا والله مع انو انا موجود 10 ساعات يوميا
الا الخميس والجمعة

Quote: مداخلة الأخ علاء الدين منصور "تمبس"، كانت شرارة الغضب الشعبي العارم، و هي عندما نقرأها الآن، تحفل بالافتراضات الخطأ و الاستدلالات بلا دليل، و لينظر من يريد

.. يا حسبو .. الظاهر لي مالة انو ما عايز اتناقش في المسالة دي ما عجبتك .. وقلت اخير تعيد تدوير المسالة دي بي هنا .. في المحل الخاص بالتعامل الهمجي المخصص للرجرجة والدهماء .. إن شاء الهل ما اكون قريتك بالمقلوب زيما عملت معاي اماني بي هناك ..

Quote: لا أعرف كيف وجد العزيز تمبس دلالات على أن هذه الصفوة المثقفة دي هي التي نهضت بالموقع من هذا البيان؟ و أنها في الواجهة؟ و لأنه من الآن فصاعداً سيصبح الحوار مبنيا على هذا الاستدلال المعيب، نقرأ دفوعات يرد بها تمبس على شيء فكّر فيه لوحده، فيؤكّد على دور آخرين في النهوض بالموقع الخ الخ

قبل التوغل في الالخـات هل اعتقادي الخاص بما سودته هو وجهة النظر التي بناى عليها كل هؤلاء الذين لم تروق لهم فكرة البيان ؟؟
بعدين ياخ دي وجهة نظري انا كزول غير مبدع .. لازم يعني تتطابق مع اللستة من واحد .. إلخ ..؟

Quote: ثمّ يذكّرنا صديقنا تمبس، كدليل على إغفالنا لشخص مبدع و ساهم في بناء الموقع في آن معا، و طبعا كل هذا يقوله تمبس ردّا على تمبس نفسه، يذكّرنا تماضر كدليل على تحيّز هذه الانتقائية و فشلها في رصد الذين قام على اكتافهم الموقع!! و كانت هذه هي شرارة ثورة المهمّشين.

دي ما ثورة المهمشين .. يا حسبو دي ثورة اكتوبر .. بس في واحدين دقسو ما هتفوا في بوستاتم .. لكن لو استمر البمبان دا .. احتمال تلتين اكتوبر الجاي دا تكون دي بداية ثورة جديدة واحتمال نقلع حقوقنا المهضومة ونمارس حقنا في النقد بكل اشكاله ..
مزيدا .. من *الطواطيم الابداعية وغير الابداعية ..
نعم .. اغفالهم .. أو اغفالكم كلو واحد .. انا ما عندي ذنب الظاهر لي لو اثناء قرايتي للبيان .. ما تبينت الحد الفاصل ما بين الفهم واللا فهم .. في طريقة كتابة المثقفين .. والمبدعين .. ومن تلقي العاديين ..
يا حسبو يا صديقي ..
عصام عبد الحفيظ كتب عبارات اعادت قراءة البيان بي شكل يضمن لي حق النقد الاستعملتو .. من كوني من الهمج ..
اقرا الكلام داك .. وورينا الهرجة شنو ..
وأعمل حد فاصل ما بين المجموعة .. ونحن الهمجيين ديل .. لانو المسالة شكلها ماشي لي تجاه آخر.

Quote: لأنه من الآن فصاعداً سيصبح الحوار مبنيا على هذا الاستدلال المعيب،

ما فهمت من الآن فصاعدا دي شنو يا حسبو.أو المقصود بيها شنو هنا دا ..

تحياتي يا وهبة و حبابك

تسلم يا أخي الوليد محمّد الأمين، لا أوافقك في جزء من كلامك و لكن اتفق معك في كثير، بالذات أنّنا محتاجين لأن نتش عين الضلام و السبهلليّة المطبّعة لدرجة أن تصبح حقوقا و على الغير إيفائها، ياخ آخر زول في الحلّة داير يقرِّر في عرس بتّ ناس طرف الحلّة البهناك، و أي زول من حقو أنك تدعيه لي عرسك، و أي زول ما عندو موضوع في الحي ممكن يعمل ليك صورة مليانة أحكام أخلاقيّة هو نفسه عاطل عنها لمجرّد أنك لا تحييه كما يشتهي، كمان كلمات صديقي الموقّع محسن خالد ملهمة، نحانن الجهلاء بالكسرة لا بالفكرة، و الله فيه الخير، و له تحياتي
.

يا حسبو
كتب عصام عبد الحفيظ:

Quote: واوقع الآن ... لانى بصراحة شديدة لم ارى هذا البيان الا اليومفوجئنا به انا وصديقى ايمن حسين ولا علم لنا به ولسنا ضده ولكن ليس بهذه الطريقة

وبيانكم جاء به :

Quote: توقيعات:- 1- د. سعاد ابراهيم أحمد : أستاذة جامعية وكاتبة. 2- محمد وردي : مطرب وموسيقار. 3- محمد المكي ابراهيم : شاعر وديبلوماسي وكاتب. 4- د. مصطفى مدثر : قاص وشاعر وكاتب. 5- محسن خالد : روائي وكاتب. 6- رقية وراق : شاعرة وكاتبة. 7- أماني عبد الجليل (الجندرية) : كاتبة وباحثة. 8- يحيي فضل الله : مسرحي وشاعر وقاص. 9- نانسي عجاج : مطربة. 10-الباقر موسى : فنان تشكيلي. 11- د. عبد الماجد علي بوب : كاتب وباحث. 12- د. بشرى الفاضل : قاص وشاعر وصحفي. 13- طارق الأمين : مدير فرقة الهيلاهوب الفنية. 14- محمد حسبو : صحفي وكاتب. 15- عصام عبد الحفيظ : فنان تشكيلي.

Quote: واوقع الآن ... لانى بصراحة شديدة لم ارى هذا البيان الا اليوم فوجئنا به انا وصديقى ايمن حسين ولا علم لنا به ولسنا ضده ولكن ليس بهذه الطريقة ــــــــــــــــــــــــــــــــــــــــ فقد كرهت الشللية والتكتلات ... فلم نجن منها خردله

عصام عبد الحفيظ
أحد الموقين في البيان!

مداخلة للأخ عصام عبد الحفيظ :

Quote: لانى بصراحة شديدة لم ارى هذا البيان الا اليوم فوجئنا به انا وصديقى ايمن حسين ولا علم لنا به ولسنا ضده ولكن ليس بهذه الطريقة ـــــــــــــــــــــــــــــــــــــــــــــــــ فقد كرهت الشللية والتكتلات ... فلم نجن منها خردله ...

عصام عبد الحفيظ وأيمن حسين تم إلصاق إسميهما زورا مع المجموعة الموقعة !!!
إن كانت هنالك فعلا مجموعة موقعة ..!!

Quote: عصام عبد الحفيظ وأيمن حسين تم إلصاق إسميهما زورا مع المجموعة الموقعة !!! إن كانت هنالك فعلا مجموعة موقعة ..!!

محمد حسبو ما طلع سلباطي متميز لكن..






سلبطة رامية ليها ضل..

و هذه قراءة أخرى لتمبس لا أعرف علام استندت..

Quote: صحفيين وكتاب ومبدعين بموقع سودانيزاونلاين .. تم حصرهم في كم شخص ..

!!
،، - ،، - ،،

يا صائم، ياخ يادابك جيت؟ أنا هناك أحنس فيكم تعالوا أشرحوا لي مالكم يا ناس، تعالوا ورونا الغلط وين آ ناس، و إنت ذكرتك بالإسم و بدل المرّة اتنين، ما عجبك تكون مسئول من كلامك و تجي تضيّع زمنك في النقاش مع البناديك دا، عاجبك اللعب و المسخرة البهناك و عايز تضحك و تترشرش بالموية مع الخائضين، هسة الكلام بقى حار و صبرنا كمل جيت تنصح؟

ود الصائم، أنا ما منتصح ليك، و الوكت فات عليك، فرصتك كانت مبهولة هناك و إنت قائد حملة الباقين، البقاء لله وحده يا صائم.

،، - ،،

ناذر إزيّك
و الله عارضت ليك كم مرّة شفتك ما اتذكرتني قلت خلاص ما دام نسى العشرة الله يسامحو
يا زول كيفنك و طاري تلك الأيام بالخير، و برسل ليك إيميلي بهناك
.

إن صحت "حفيظ قيت.. Hafeez Gate" أعلاه , و هي "آخر المستجدات"

فليس لحسبو "أدنى حق" و أعني "الحق الأدبي" في "فضح ' القطيع ' " ..

عجبي !!..

بل يقع بذلك حسبو في أشر أعماله و تصبح مداخلة حفيظ علاه بمثابة "عاقبة الكذب"!

هل وثق حسبو من صحة "إجتماع أهل البيان" قبل أن يستل لسانه على "القطيع"?!!

بعدما قمت و قلت أمشي أشوف شغلة لي بكرة وقفت في حكاية حفيظ قيت القالها المعز دي، و كمان لقيت سيليمان صاحبي جايبها، قلت دي كان باتت معناها لي بكرة يأجلوا بيها الانتخابات الأمريكيّة،،

طيب يا أخوتي الأعزاء
عصام عبد الحفيظ قال هو لم يوقع على البيان، دا غلط كبير، من الزول الذي وضع توقيع عصام عبد الحفيظ على البيان، و يُسأل عنه و "عليه" أن يجيب.. شخصيا مثلا لم أضع سوى توقيعي على البيان..

فضيلة التمييز، تقول، هذا "الخطأ" ليس في إطار نقاشنا الحالي، نقاشنا حول رد الفعل الهمجي حول البيان لعدم إشراك كل العضوية في التوقيع، و الاتهامات لموقعيه بالاحتكار و وضع اليد الخ

فعليه، أنا ذاتي أقيف مع القطيع في صف المطالبة بتوضيح كيف وُضع توقيع عصام دون إذنه و أبرأ من هذا السلوك التزويري إن ثبت، و أجي بيجاي أزرزركم فيما قدّمت يداكم، ديل موضوعين بينهما برزخ لا يبغيان، من يرى خلاف ذلك يفتي لي و أنا له من السامعين
نلتقي صباحاً إن شاء الله
كونوا بخير
..

غلطة

محمد حسبو ..

Quote: ناذر إزيّك و الله عارضت ليك كم مرّة شفتك ما اتذكرتني قلت خلاص ما دام نسى العشرة الله يسامحو يا زول كيفنك و طاري تلك الأيام بالخير، و برسل ليك إيميلي بهناك

صدق وتامن بالله أبدا ما كنت متذكرك ..

حرام عليك !! وكت أنا ما عرفتك وإنت عرفتني ما تقول ياخ !!

وين الشعر الأسود الفاحم ومتين عملت الصلعة دي ؟

والله ما إتاكدت منك إلا قبل فترة لمن كنا بنتناقش حولك انا وصديق مشترك ..

أيام لها إيقاع ..

إتحاد الجديدة وشاي المغرب في بيتنا و الغداء في بيتكك وعبد العزيز بطة وهباش ..!

إيميلك بالله ورقم تلفونك لو امكن ..

المزرزراتى حسبو و من لف معه

ممكن في نص الزرزرة و الزرزرة المضادة تدو طلة بي هنا؟


على هامش "جضة" الهكر و بيان المجموعة: مقترحات و افكار ع...ساندة مواقع الانترنت

اها وانا جابتني دي يا حسبو

Quote: يا صائم، ياخ يادابك جيت؟ أنا هناك أحنس فيكم تعالوا أشرحوا لي مالكم يا ناس، تعالوا ورونا الغلط وين آ ناس، و إنت ذكرتك بالإسم و بدل المرّة اتنين،

جيتك و كتبت لامن روحي مرقت - كزول ما كتاب ولا مبدع الكتابة الكتيرة مليانها و فارغها بتعبني - ولا هببتو لي
واقول ليك حاجة كمان ابدا ما كان في نيتي اكتب في البوست المعني باعتبار انه ما اتخلق للنقاش و الغلاط وعندو هدف
بل كتابتي هناك جابت لي الكلام و الدعوة للاستحاء كان عجبك
دا كلو اكراما لدعوتك و مناداتك لي بالاسم ضمن اخوة اعزاء , حسي جاي تلوم ود الصايم في عدم جيتو
قول جا , الفايدة شنو ؟

وقت اصلي جيت داير اعلق على الحتة بتاعة مداخلة تمبس الوصفتها بانها الشرارة الاشعلت ثورة القطيع
ما عارف لكن اذا بتعتبر بوست بيان الباقين من ضمن الثورة حابب اقول ليك غلطان يا عمك
لا البوست ثورة - على الاقل بالنسبة لي - لا مداخلة تمبس شرارة

الأخ حسبو


أسمح لي أن أقول لك لم توفقوا في هذا

Quote: بيان حول التعامل الهمجي مع بيان المجموعة

ولا في ذاك ..

Quote: بيان شجب و استنكار من مجموعة صحفيين و كتاب و مبدعين بموقع سودانيز أون لاين

بتدورو الحقيقه العاريه يا صحفيين ومبدعين وكتاب ومفكرين وباحثين ؟؟؟
ولا الجنبها ؟؟؟
الموضوع مخستك
الجندريه قالت هذه مجموعه في اتصال بينها وكتبت البيان ووقعت
وكان كلام متل الخياطه بالحرير .
بعد شويه اتضح انه في ناس نزلوهم في اللست من غير علمهم !!!!عصاام عبد الحفيظ مثالا


النصيحه كان ترسلوا بيانكم دا لبكري وللهكر

وبما انكم نشرتوه كان تقولوا

لكل من يأنس في نفسه صفه الابداع او الكتابه او التفكير او البحث ان يوقع .

ودا كان كفيل بابعاد الجماعه التي لا تتمتع باحد الصفات المذكوره ببيانكم
ويا دار ما دخلك شر .
الموضوع مخستك يا حسبو

اعقل كلام كتبه دكتور بشري الفاضل

وكلام زميلكم ود جبر الله ما يخرش ميه

ما تاكلوا الناس ديل حنك ساكت

أيوة يا محمد حسبو
فبالإضافة لما أشارت إليه doma
إنبنى حديثي على ما تفضلت به أختك في "البيان" و " الإبداع" , "الجندرية" بقولها:
(الناس الوقعت البيان دي
وقعتو لانه ناس عندها تواصل مع بعضها واتفقوا على صياغة البيان وتوقيعوا)
هنا:بيان شجب و استنكار من مجموعة صحفيين و كتاب و مبدعين بموقع سودانيز أون لاين

أها "تواصل" و "اتفقوا" ديل بيجيزوا للزول "قانونيا" أنه يمكن أن يطعن في أي سلوك ما راكب عدله زي ما استشفينا من المداخلة "Hafeezgate "
و بالتالي قلنا ليك أنك , أكوردينقلي , لا تملك الحق في إطلاق النعوت و الأوصاف باعتبارك "تواصل و اتفاق" مما جاء في مداخلة الجندرية
و مما نفته " حفيظ قيت"! ..

الاخ المعز
سلام واحترام

برجاء مراجعة ردي للعزيزة دومة
لطفاً : يقرأ مقروناً بما كتبته للاخ حسبو حول تعبير خلاصته عني تماماً

دومة ازيك

تعبيرك بتاع الخياطة بالحرير دا ما فهمتو

عن عدم توقيع الاخ عصام وكلامي
اوكد انو انه البيان وصلني وتواصلت بصدده مع اخرين
وابديت ملاحظاتي على اخطاء طباعية فقط
ورأيت انه بعبر عن موقفي تماماً ووقعت عليه وارسلت توقيعي
ولذلك قلت انه التوقيع تم بناء على تواصل المجموعة دي
لا اعرف ظرف اضافة توقيع الاخ عصام واخرين وانتظر توضيح ذلك من ذوي الشان ثم ادلو بدلوي

محبتي

جندورتنا حبابك
الخياطه بالحرير
والحق الادبي محفوظ لكبر
تعني انه كلامك كان سمح وعديل وخاتي العيب .

Quote: يا صائم، ياخ يادابك جيت؟ أنا هناك أحنس فيكم تعالوا أشرحوا لي مالكم يا ناس، تعالوا ورونا الغلط وين آ ناس، و إنت ذكرتك بالإسم و بدل المرّة اتنين، ما عجبك تكون مسئول من كلامك و تجي تضيّع زمنك في النقاش مع البناديك دا، عاجبك اللعب و المسخرة البهناك و عايز تضحك و تترشرش بالموية مع الخائضين، هسة الكلام بقى حار و صبرنا كمل جيت تنصح؟ ود الصائم، أنا ما منتصح ليك، و الوكت فات عليك، فرصتك كانت مبهولة هناك و إنت قائد حملة الباقين، البقاء لله وحده يا صائم.

أها يا عمكـ

يعني لمن ود الصايم الزول التبع القطيع ومفجر ثورة قليلي الأدب ديل لم يلبي دعوتكـ للنقاش
شلت في نفسكـ دا كلو!! وقفلت علي باب الحوار .. ورافض حتى النصيحة للابتعاد عن الاستفزاز!

ليه لمن طنشتوا (القطيع) بتاع البورد دا و(كبسلتوا) الإبداع في 20 شخص .. الموضوع بقى ليكـ عااادي؟



فعلا .. نحن (قطيع) ساي .. و(قطيع) مقطع صغار صغار كمان!!

Quote: ما تاكلوا الناس ديل حنك ساكت

هلا يا دوما
الزمن اكل الناس حنك قاسي بالحيل ومستحيل
بالذات مع وليدات (القطيع) المساخيت ديل

صديقي محمد حسبو..حبابك
لينا طولة يا صديق..
و بعد..
شنو يا صديقي ، نهشتك جرثومة استعلاء تعوى بليل.. ام ماذا دهاك يا اخا التمرد و الحرام و الرفض الجميل؟..

تقول العرب.. علمته الرماية و لما اشتد ساعده رماني..و هذا توصيف لحال الذين انتقدوا في البوست الآخر..و هو رمي ايجابي للغاية..و يجب أن يفهم على هذا الأساس..

المسألة يا صديقي.. أن غلطة من تسميهم بالهمجيين و الهمجيات.. أنهم احبوا قدوتهم..وثقوا فيها..و صنعوا لها تمثال من شمع الإحترام و مرمره و رخامه ..و طفقوا يبشرون في الأرض أن قدوتهم متمردة و خارجة..و انهم تعلموا منها ما يصنع التغيير.. عشان كده يا ولد ابا.. لمن تجي القدوة..و تبقى زيها و زي أهل الردة و الرجعية و الطائفية ..فهنا تبدو محنة..ومحنة كبيرة خلاص..!

العادة درجة..و الكلام في سالفو..و من السوالف المتبعة هنا.. انك لمن تكون داير تقود ليك مبادرة..ولا داير ليك تضامن حول قضية معينة.. بتكتب عريضتك زيك و زي أي عرضحالجي..و بتخطها في المنبر وبتكون داير يتضامنوا فيها معاك..و الناس بتجيك..و كل زول/ة بيوقع و بيخط الصفة البتعجبو أو بتعجبها..و الصفات الشخصية او الوظيفية ما ظني محل خلاف..

الفكرة ليست فكرة هذا مبدع و هذا غير مبدع.. ابدا.. الفكرة اكبر من كده..و دي الديموقراطية بتبدأ من هنا..صاحب الهفوة يذكروهو بهفوتو..و يكون موضوعي و يقول و الله هفوة..و لو ما عارف يصلحها كيف.. يسأل و ناس الخير كتير ممكن تساعد..

أراك اكثرت من فكرة القطيع..و هذه تنطبق على الموقعين و الموقعات في الصورة الأولى..و انت منهم يا صديقي..فالدسدسة..و الخيار و الفقوس..لا تزدهر بذرتها الإ في اركان الكرباوي و الغطغطة..و الدفاع عن الغطغطة..و هذه ملامح قطيع ليهو ضل بارد كمان..

مافي زول دايرك تتمسكن لزول..و تتحنن و تتمحن ليهو.. لكن يا صديقي..ده صرح..و كل زول بيخط فيهو طوبتو..و كل من خط طوبة فهو مجتهد..زيو و زي الخطى ليهو طوف عديل..و لمن نجي لقصة الحرص على سودانيز اونلاين و حمايتو..بيكون حرص صاحب الطوبة مساوي لحرص صاحب الطوف..يعني مافي زول/ة بيقدر يقول و الله أنا حرصي أكتر من حرص الغيري عشان كده خلوهو براهو..و لازم كسر رقبوا تعترفوا بيهو كده من غير سيك ميك..

و السكة الماشين فيها دي.. فيها نفاق كبير يا اخوي.. يعني بالمنطق ده ..البنتخبوا رئيس وزراء ح يجي يتفرعن علينا و يقول لينا أنا بنيت الوطن اكتر من اي مواطن عادي.. مع العلم انو المواطن العادي ده هو البزرع و البيسرح..و بيدفع ضرائب عشان توفر السينات التلاتة لرئيس الوزراء (متذكرها سيناتك التلاتة ولا نسيتها؟..ياخي دي عاجباني جنس عجبة..و فيها بلاغة لم تأتي بها الأوائل)..
خلاصتو..لا تمييز بين مواطن و مواطن في شئون المواطنة..و الإنتماء لسودانيزاونلاين مواطنة شئنا أم رفضنا..


خارج النقة دي..
يا اخوي مشروعنا بتاع الحركة الشعبية لتحرير الشعر ماشي كيف؟..
اليومين ديل عندي حاجتين.ز انشاء الله يكونوا وقعوا في عينك..و لو ما وقعوا اشتريتهم ليك..
دريدا..
Politics of Friendship
و فوكو..
Politics of Truth
و تحت تحت انا..
Politics of Hypocrisy
و نشوفك تاني..



كبر

Quote: فعليه، أنا ذاتي أقيف مع القطيع في صف المطالبة بتوضيح كيف وُضع توقيع عصام دون إذنه و أبرأ من هذا السلوك التزويري إن ثبت، و أجي بيجاي أزرزركم فيما قدّمت يداكم،

من هو حسبو هذا الذي يتلون كالحرباء
تارة يدافع عن الصفويين الشلليين
وعندما ينزنق يكون مع القطيع

من انت لتصنف الناس وتصفهم بالقطيع

انا شخصيا استمتع هنا بتمبس وحكايات جده في المورده واخرين اكثر من ذاك الخائض في الحي الذي لا ينام
واسالكم هل قرأتم لهذا الشاب المذهل الشاعر محمد زين الشفيع
هذا المنبر يضم تيار كبير للقادمين بقوة للتغيير
بعيدا عن تطرف المعارضه
وتطرف الحكومه

صاحب البوست حسبو
منو الاداك الحق تنعت الناس بالهمجيه وسلوك مسلك الحيوان فى اتباع روح القطيع ..
الكلام ده عيب ..
راجع نفسك .. واعتذر
وبصوره شخصيه وبصفتى احد الذين تتطالهم اشاراتك القبيحه
اطالبك بالاعتذار منى ..

Quote: بيان حول التعامل الهمجي مع بيان المجموعة

Quote: فهذه مناسبة لفضح بعض من روح القطيع.

ياهو دا أدبكم يا الشيوعيين
وياها دي الفاظكم
ولو غيرتوها ما ح تبقو شيوعيين

زمان شن قلنا ... وتاني رجعنا
لكن برضو أخير من سب الدين
في تطور ملحوظ في الأخلاق والسلوك

دا ما قلمك يا حسبو
الحاصل شنو ؟

محاننتكم بالكسرة خشنة شوية!

سعد الدين تحياتي

Hello brother Mohamed

Nice to see you back

Quote: صاحب البوست حسبو منو الاداك الحق تنعت الناس بالهمجيه وسلوك مسلك الحيوان فى اتباع روح القطيع .. الكلام ده عيب .. راجع نفسك .. واعتذر وبصوره شخصيه وبصفتى احد الذين تتطالهم اشاراتك القبيحه اطالبك بالاعتذار منى ..

very sorry

حسبو يا رفيق ما ضيع وكتك مع ناس (حبمرة وغنمو )
عد إلى القمة ودعهم في قاعهم

Quote: حسبو يا رفيق ما ضيع وكتك مع ناس (حبمرة وغنمو )

أيوصف الإنسان بهذا الوصف..
أين أنت من هذه القمة وهذا القاع يا هذا؟؟؟؟!!!!!!!!!!!!!..

العزيزة doma

ظني أن محسن خالد مبدع لا شك في ذلك , وان كنت أظن الذين يوزعون صكوك الابداع هؤلاء قد يكون لهم رأي في ذلك ,

المهم والخلاني ارجع للموضوع دا انو مقولة محسن خالد دي كانت في سياق غير الكتاحة القايمة دي فأرجو أن تقرأ في سياقها , وحتي

الاستشهاد بيها هنا جاي في سياق بعيد عن ما اشارت اليه مداخلتك ...

مع تقديري ....

Quote: ظني أن محسن خالد مبدع لا شك في ذلك , وان كنت أظن الذين يوزعون صكوك الابداع هؤلاء قد يكون لهم رأي في ذلك , المهم والخلاني ارجع للموضوع دا انو مقولة محسن خالد دي كانت في سياق غير الكتاحة القايمة دي فأرجو أن تقرأ في سياقها , وحتي الاستشهاد بيها هنا جاي في سياق بعيد عن ما اشارت اليه مداخلتك ... مع تقديري ....

عزيزي الوليد محمد الامين حبابك
انت ظنك انه محسن خالد مبدع
وانا مؤمنه انه روائي مبدع ومشروع مفكر كبير
ما بعرف مقوله محسن قالها في ياتو سياق لكين اعتقد اني فهمتها حسب مقدار جهلي

(( when I say my ignorance I really mean it)

اها يعني متل محسن خالد دا ممكن يحانن دومه الجاهله دي بي شنو غير قدح الكسره ؟؟؟؟!!!
اما الفكره لانها عصيه الفهم لقصور معشر الجهلاء فسيحانن بها من هم on the same wave-length
وانا بفتكر ان دور المثقف في بلد 50 في الميه منه ما بعرفوا الواو الضكر و98 في الميه ناس جهلاء ان يحاول المفكرون النزول الي عالمنا بفكرتهم لانهم مشاعل التنوير .بدور اقول كلام كثير الا جني وجن الكتابه والقرايه .
انت عارف انا تقديري للموضوع كله انه في عدم ( سنستفيتي ) من جانب المبدعين تجاه الطبقه العريضه .
محسن لما كان هنا كتب كتابات جاده افادت كثير من الجهلاء.
اها فجاءه ابتعد محسن وما بعرفه اسع بحانن في منو بالفكره ؟؟؟
نحن الكسره الناشفه بقي ما بحاننا بيها . .
( غايتو يا الوليد فتحت لك طاقه تانيه الموضوع كان زعل مبدعين من مبدعين اسه يبقي زعل جهلاء من مبدعين )
اها يا الوليد انت وريني الي ماذا تشير مقوله محسن في سياقها
او في الاستشهاد بيها هنا ؟؟؟
وانا بتعلم منكم ابدا ماني كبيره علي التصويب .

العزيزة doma

شاكر لحضورك مرة اخري واهتمامك بالرد ,

أها يا زولة هسه محسن خالد ما معانا هنا ويمكن ما يقرا الكلام دا , لكن اؤكد ليك انو ما كان ح يتعامل معاك انت بالذات كجاهلة ,

دا عن محسن خالد خليني انا المسكين دا ...

مقولة محسن جات في الصفحة السادسة من " تيموليلت " في سياق الحديث عن العقلية السودانية :

Quote: لتكن الثورة إذن، ولنكن نحن الويقود لها،.. الإنسان كإرادة وفكرة، وهذا طريق اسم لأحد أهم مؤلفات شوبنهاور،.. علينا تحجيم العقليات الخفيفة، علينا تسفيهها ورجمها،.. علينا تشطير العقل إلى حيضان كي لا تختلط الأمور بعضها ببعض،.. عليك أن تجعل العقل الشخصاني في ماعون، والآخر-المبدع-العملي في ماعون، لنحانن الجهلاء، ولكن بقدح الكسرة، لا الفكرة،... علينا مقاتلة الانحيازات الصغيرة، نحن ننحاز للجهة، لابن العم، لصاحبنا، لقريبنا، لنلخص الموضوع ونقول إننا أصحاب عقلية في حمأة الانحياز والخضوع،..

وفي نفس السياق :

Quote: لنحب الجهلاء كأهل لنا، ولنحاننهم بقدح الكسرة لا الفكرة، كي يتحرك الشق الثقافي في المجتمع بجهدنا، وبمثابرتنا،..

في النهاية خليني اشيد بفكرتك الواضحة في الموضوع , وهي ما سميتيها بعدم ال سنستفتي او عدم الحساسية من جانب المبدعين تجاه الطبقة

العريضة ,

بأشيد بوضوح الفكرة لانو اغلب الناس الهايجة في الموضوع دا ما عارفه - كما بدا لي علي الاقل - هي شايته علي وين ,

وانا هنا باختلف معاك : ما شايف في الموضوع اي عدم سنستفتي , بل بالعكس شايف over sensitivity من الطبقة العريضة دي ,

ودا بالمناسبة ما بحصل الا في السودان : الطبقة العريضة دي طوالي دايراك ترضخ لقوانينا وتؤدي ليها فروض الولاء والطاعة ,

يعني باختصار عدم التميز عنها , طيب ماهو الابداع ذاتو نوع من التميز ...

تحياتي وتقديري مرة اخري واعتذاري للأخ محمد حسبو في استغلالي للبوست في الردود الشخصية ...


مع اكيد ودي ...

العزيز الوليد تحياتي اولا شاكره انك اوردت ما وضح المقوله وهذه تجد موافتي الكامله
ويا ريت برضو العقل الشخصاني يتحرر من الانحيازات الصغيره واهمها الانحياز للاقو ego
احترم اختلافك معاي يا الوليد
لكين هذا البيان لا يمثل لي العمل الابداعي الذي يجب ان يتحرر من سيطره العقل الغير مبدع والذي كثيرا ما يكون العائق للابداع والتقدم بالفكر الانساني بل يمكن ان نقاربه بقدح الكسره الذي كان يمكن للجميع ان يشاركوا فيه ولكن عزلهم عن هذا القدح هو عدم الحساسيه التي عنيتها من وجه نظري .
مره اخري شاكره لك الاهتمام بالتعقيب ورفدي بمقوله محسن خالد في سياقها
واعتذر عن غيابي الذي سيكون
اذا انني قررت الاعتزال في اعقاب فشلي المريع في ايصال فكرتي بصوره مرضيه لانسان احبه واثمن فكره وكتاباته .
كونوا بخير جميعا .
.

و دا برضو بيان للناس، شفتو كيف؟

يا ماما دوما ست البنات و معاها صديقي كبر

بانتقائية غير مبرّرة ح أخاطبكم إنتو، و خلي الما عاجبو بعد شوية يقول و ليييه دوما و كبر؟

يا سادتي الحاصل دا ياهو التعامل الهمجي لا زيادة لا نقصان، أنا بشرح و إنتو كضبوني

الإخوة و الأخوات ديل قرأوا بيان من مجموعة تدعي الكتابة و الإبداع، أحسّوا أنو فيه عزل ليهم و لم تتم دعوتهم صراحة للتوقيع عليه، التعامل المتحضِّر هو توجيه النقد لما لم يعجبهم بأي شكل شاءوا، و للموقعين أن يدافعوا عن عدم رغبتهم في توقيع شخص معهم و هذا من حقِّهم كما لهم أن يقرّوا بأنّهم فعلا لم يفلحوا في التعبير عن رغبتهم في مشاركة الآخرين، و هذا خطأ في صيغة البيان يتحمّل موقعيه مسئوليته و هم من يجنون نتيجة ذلك الخطأ بالطبع لأن هدفهم من البيان فقد أحد أركانه و هو مساندة غير الموقّعين. معاي؟

طبعا برضو ممكن يكون في نقد لمضمون البيان من هنا أو هناك، و دا لا يُستأذن فيه، أي مواطن من طين أو من نار يحق ليه طوالي يجي يقول هؤلاء الناس ينادون بكذا و كذا و أنا أرى في هذا كيت و كيت.

الموقفين ديل بالنسبة لي أنا الموقّع أعلاه و أدناه يقعان في إطار ما اعتبره تعاملا حضارياً و شجاعاً و بنّاءً الخ الحاجات الكويسة، نقطة.

يُنشر البيان، يجي الأخ تمبس و الذي من شر أعماله في مناقرة ثوار الهامش يصبح قائداً لثورة مهمّشين، لكن كيف؟ بأن يلصق بالبيان ما ليس فيه، مثل إدعاء هذه الصفوة بالنهوض بالموقع و مثل احتكار الأبداع و حصره فيهم الخ الخ و هي كلها خيالات، يليه شخص يُدعى المشرّف يعتلي المنبر العوّام و يؤكِّد على ما رأته أذنا تمبس، ثم تتوالى حشود الرافضين و الباغين و العادين، و يا كبر و دوما لكوني موقِّع على البيان و لي حساسية عالية تجاه الصفوية و الاحتكار و الإبداع و أظنّكما تعلمان، انزعجت و تجننت و قمت فتحت البيان تاني، حاكم أنا بعرف رقبتي كويس و محاذيري ما برجى الصائم و القائم و الشاعرات و آخرين يجوا يشوفوها لي، المهم يا سيدي و يا ستي، قريت البيان لقيتو ياهو بيعبِّر عن موقفي و تاني ممكن أوقع عليه، و ما فيه لا احتكار لا حصر لا سمح الله بل فيه:

اتّضح أنّ المخترق قد قضى على بعض من الأرشيف الكتابي الضخم و الذي بذل كتاب و كاتبات الموقع جهداً و وقتاً ثمينين من أجل بنائه ليكون رافداً للمعرفة و التوثيق، و في وجهة حفظ اللحظة في ذاكرة أجيال البلاد القادمة ...... إنّ إلحاق الضرر بكتابات أقلام مثّلت بشكل أو آخر الوجدان الحي و أصوات جيل كامل يُعد بمثابة شاهد على عصره, مهما كان الاختلاف مع هذه الكتابات، مسلكٌ لا تقرّه أي تقاليد أو مثل سويّة ....

فيه هذا التقدير الأكيد لإسهامات كتّاب و كاتبات الموقع و أقلامه، فيه وصف لإنتاجهم بأنّه يمثِّل الوجدان الحي و أصوات جيل كامل يُعد بمثابة شاهد على عصره، أي ببساطة، فيه ما يضاد و يفنّد هذه البلاهات و يلغيها قبل أن تنشأ، فقلتُ لنفسي، لإنّني مسئول عما وقّعت عليه، يجب تصحيح هذه الفكرة التي تروِّج للاحتكار أو الحصر أو كل ما يفيد الاستهانة بإسهامات الآخرين، رغم كل ما فيها من غثّ و زبد، لكن بخيرها و فسلها هي فعلا تمثِّل شاهداً حيّاً و أصوات جيل، فبدأت بالحُسنى، شغل يا إخوتي و يا سادتي و يا أيها الكرام و الخ، لم ألحقتم بهذا البيان و بالتالي بنا نحن الموقِّعين هذا الصفات، من أين و كيف؟ راجعا يا دوما و كبر مشاركتي هذه

Re: بيان شجب و استنكار من مجموعة صحفيين و كتاب و مبدعين...وقع سودانيز أون لاين

و طبعا دا برضو يدخل عندي في إطار التعامل باحترام و اهتمام بما يقوله الناس، فأنا و الحمد لله أبديت حرصي على التفاهم مع الإخوة المبادرين لتشويه فكرة البيان و إلصاق ما ليس فيها بما فيه يكفي، حيث لم أقف هنا، بل ذهب للبوستين الذين حشدا الجماهير ضد وليمة أعشاب البحر، و برضو عشانكم إنتو ها هي الروابط

Re: بيان شجب و استنكار من الباقين

و هنا كمان

سودانيز اونلاين يهزم الصوالين المغلقة للتحاور في شان ا...ر والثقافة ....!!!

لكن الفهم شنو؟ أها دي بقى نشرحها عشان فيها معنيين

المعنى الأوّل هو ما لخّصته المقولة، كل شعب يحصل على الحكومة التي يستحقّها، يعني أراذل الناس الحاكميننا ديل، ياهم شبهنا في مجموعنا يعني، كيف؟ لأنو لما تجي بالتي هي أحسن، و تترجّى الناس يوروك مالك أو يتفاهموا معاك، تجيهم بي يا سيدي و يا مولاتي و يا أبوي الفاضل، بيسفهوك، ما بيعرفوا قيمة هذا الخطاب و لا هذا الأسلوب، قلت ليك همجية بالمعنى العديل للكلمة المثبوت في دفتر التأريخ، بقيت أساسك في دا و داك و هم وين؟ هم في شغل فكهون

هييييق ههييق هييق، أوغغغع
هي يا دكتورة إنتي ما مبدعة يعني؟
هي هي هي بري يا ود أمي، أنا عاديييية
أسمع، جيب سفّة إلكترونيّة
جيك جيك جيك أوغغغغع
أبصم
أرشششو

الناس ديل، ناس وليمة لأعشاب البحر ديل، الأغلبية الميكانيكية، سمّها ما شئت، مقتدين بحكومتهم، مش قلت كل شعب يحصل على شبهو؟ الحكومة بتاعتنا تقول ليها تعالي للحوار و خلينا نشارك في البتاع الوطني الخ تقول ليك هيييق هييق بري يا ود أمي الحاميك منو؟ و الرئيس في النهاية يقول هوي يا ملكيّة، الحكومة دي شلناها بالبندقية إيللا نناشدكم و نرجوكم، الداير الفارغة و مقدودة دي يمشي يشد حيلو يشوف بندقيّة برضو و يقلعنا من هنا، تهليل: لا إله إلّا الله، فلترق كل الدماء

ناس الوليمة ديل يا ماما دوما و أستاذي كبر، المناشدات ما بتلفق معاهم و التواضع يا قول محمد الحسن سليمان بفهموه غلط و دا برضو شي شائع عند القطيع السوداني دا و من أسباب تخلّفو الما قادر يواجهها، لذلك لاحظوا، لما تقول ليهم يا همج و يا قطيع بيجوا كلللهم يتجاروا يقولوا في شنو و سجمي و كيفن عاد؟ و دا هو المعنى التاني، معنى القطيع برضو، الإثارة و الغرائز و السفاهات ياها السوق النشط هنا، سوق المحاججة بائر يابا، إن كنت دعيت بعبارات سمحة و مسطحة شهر ما كان جاني تلاتة سلّموا، نرجع للحكومة، هسة الحكومة الساكة عبد الواحد محمّد نور دي و توسِّط في دول الجوار و جوار الدول و حوض الأطلسي و الحزب الشيوعي، مش كان عبد الواحد دا قاااعد عندها مواطن مسكين مهذب يعمل موظّفا و مبدعا و ناشط حقوق إنسان، يا كبر و يا زوبا عليكن الله راجعوا تسلسلي دا و شوفوا اللنكات الرسلتها ليكم لزوم المراجعة و إعادة التفكير، و أنا قبلان إن أدفانس..

مشيت بهناك لي عبد الكريم كيكي، أها يا كيكي نتكلم بالمنطق بعيد عن هوشة الرسوم الكاريكاتورية دي، هاك يا سؤال في هناي سؤال، عبد الكريم يلولو في الكلام و يلولو في اللولوة و يرجع عااادي لي هييييه من الصفوة و الصالونات المغلقة، سودانيز أونلاين يهزم الملل، ميلودي هيتس مش حتقدر تغمّض عينيك، ياخي فوق كم؟

إنتو في ذمّتكم يا ناس المظاهرات المطالبة بحرق وليمة لأعشاب البحر و إعدام سلمان رشدي، القروا فيكم البتاعات ديل يرفعوا يدهم.. ترتفع الأيادي كلللها بالهتاف: لن يحكمنا البنك الدولي لن يحكمنا الاستعمار.. بسم الله بسم الله، يا شباب السؤال كان عن الأذنين كأداة للقراءة، كيفن استنتجتوا استنتاجاتكم دي كلللها، من البيان دا وللا شيتا تاني؟ الإجابة: لن يحكمنا البنك الدولي نحن هواة الصالونات..

يا كبر و دوما، تعالا بالمنطق، خليكم من ناس الأغلبية الميكانيكيّة، أنا يا كبر ما فيني غباش و بفهم بالمنطق، شوفوا زي كلام الناس العاقلة بتاع يا جماعة الخير مش كان أحسن البيان دا يتوسّع و يتضمّن دعوة واضحة للجميع للتوقيع؟ ديل تقول ليهم يا سلااام ياخ، دييبلي سوري و الله عن حسن نيّة فاتت علينا، حاكم نحنا ما متعهّدين بيانات و شخصي الكريم و الله أوّل مرّة يعمل توقيع ذاتو، كان برضو بيبصم و يفتل الخيط، أنا لست مع الكثرة و الهتاف و الويل و إنّ الناس قد جمعوا لكم فاخشوهم، يا أمي دوما أنا أسعد بالوقفة براااي و مفروز، هسة تفتكري غالبني بكلام مكلفت أو سكات مغتغت ساي اتقدّم هذه الجماهير المطالبة بالثأر؟ بقدر و الله، و ديل ما عندهم ذاكرة، هسسسسة لو داير بقلب بهناك زي الحرباء القالها زول من ناس المظاهرة فوق هنا، عليكم الله عاينوا لي جنس ردودهم و حوارهم، يا ظريف الساعة كم؟ و الله اليومين دي سخانة شديدة. و إنتي يا حلوة بتقري وين؟ ناس خالتي فاطمة جايبين مدّاحات في السماية. و يستمر الحوار

يا ماما زوبا، إنتي ما شايفة كويس؟ هسة الناس ديل بالجد ضد الصفويّة؟ طيب دا شي كويس و مجتمعنا في نماء و إزدهار.. لكن ماذا عن الصفويّة الأس و الأساس، قصدي الخمسة أنفار الحاكمين هؤلاء الكم و تلاتين مليون، و منتزعين صفات رئيس جمهورية و نائب تاسع و مستشار و أمن قومي، هي الصفوة أم قلع دي فاهمنها الناس ديل؟ يعني تمبس صاحبي دا مثلا لما يقيف ضد تسليم المجرم البشير لمحكمة الشياطين الدولية يا ربي بيدافع عن الصفوة وللا كيف؟ هم الناس ديل موقفهم شنو بالمناسبة من الوضع القائم، قصدي الوضع كللو بي تخلّفو الاجتماعي البيمحِّن و هم يزيدوهو محن، القلم بيزيل البلم لو الله أراد

طيب الصفوة الفي الحكومة دي خليها، الناس ديل رأيهم شنو في مجموعة مبدعين إسمها هيئة علماء السودان، شيوخ و رهبان و رجال يرتدون السندس و يوقّعون بيانات التكفير و إهدار الدم و يعلموهم الهمجيّة و الصراع مع الدب بتاع الأستاذة الخواجية، ما ياهم العوام ديل متابعينهم و يجلّوهم و يبرّوهم و يحضروهم في التلفزيون و صلاة الجمعة، منو فيهم الثورنجية المعقّدين ديل قاعد يجاهد ضد وصاية شيوخنا الأجلّا و يحشد ضدّها، ما ياهن يتبرّكوا و يقوموا و يقعوا في خاطر هيئة العلماء و مجلس الإفتاء و النبي إيه، أجي ياااا دومة؟ دايرة تقولي لي ولدك حسبو ياخ الناس ديل ما تجرح مشاعرهم هم ناس مبدعين؟ خليك بهناك يا ولدي جهة العزائم و الولائم و القراءة بالأذنين و العقد النفسيّة؟ سوري يا ماما، سوري يا كبر، اتقطّع حتّة حتة و يذر رمادي في الهواء و بطون السوائم.. دي همجيّة و بلاهة و قراءة بالأذنين، و ما عندي لها غير لا يا قطيع..

البيان وينو هو؟ حاشا لله يا كبر، ما مسّني اللغوب و لا بدّلت الجتّة، يا زول أنا لن اتخلّى عن بسطاء الناس كما دعانا بريشت، بس ما بقول ليهم يا سلام إنتو بخير و ياريت لو كل الناس زيّكم، الناس دي حالتها بالبلاء يا صاحبي، و كلّك نظر

خلاصتو:
1 البيان دا يعبِّر عن موقفي من الموضوع
2 من حق أي مجموعة أن تكتب بيان دون دعوة غيرها للتوقيع
3 لم يرق إلى علمي أن نيّة موقِّعي البيان حصره عليهم و عزل الآخرين و إن لم يفلح البيان في التعبير عن هذا
4 هذا البيان لا يحتمل و لا يحمل أي احتكار و لا وصاية و لا بلاهات و عقد ناس تانية، هذا البيان عبّر في ذاته عن خلاف هذه القيم.

يقروا بالأذنين..
ويمشوا علي الايدين!


سبحان الله!

Quote: ناس الوليمة ديل يا ماما دوما و أستاذي كبر، المناشدات ما بتلفق معاهم و التواضع يا قول محمد الحسن سليمان بفهموه غلط

شكرا يا حسبو
مع إني والله لا أذكر أين كتبت هذا القول
لكني لا أشك مطلقا في صدوره عني
لمعرفتي بنفسي أولا ولعلمي بكريم عنايتك بكتبي
ثانيا ولثقتي بتوثيق نقلك ثالثا !!
كن جديدا كل يوم
فقد قيل من كان يومه كأمسه فهو مغبون

Quote: يجي الأخ تمبس و الذي من شر أعماله في مناقرة ثوار الهامش يصبح قائداً لثورة مهمّشين، لكن كيف؟ بأن يلصق بالبيان ما ليس فيه، مثل إدعاء هذه الصفوة بالنهوض بالموقع و مثل احتكار الأبداع و حصره فيهم الخ الخ و هي كلها خيالات،

.. طيب الخيال دا ما نوع من الأبداع ..
وحسع علاقة مناقرتي بي ثوار الهامش علاقته شنو بي البيان دا ..؟
إنت عايز تقول يا همجيين والله الكلام القلتو في حقكم دا ما كويس واللا كمان الواحد يقفل اضانو دي بي قطنة ويقرا بي الما فيها قطنة ..
بعدين في واحدين وقعو عديل كدا في البيان دا وقالو صياغة البيان دا بالطريقة دي .. ما بتبلع
ياربي ديل لابسين سماعات ..؟
يعني حسع الكلام دا كلوووو والبتكتب فوقو وقاعد ليهو من امس ومعلن حالة الطواري علشان بس قرينا بي اضنينا وإنت قريت بي عيونك .. تقول لي تعال وتعال ..؟
يا حسبو .. أقول ليك حاجة..؟
بدل تقعد تستفز في الهمجية ديل والمهمشين .. والـ .. إلخ
حقو توقع لينا في بوست على بياض ..

Quote: خلاصتو: 1 البيان دا يعبِّر عن موقفي من الموضوع 2 من حق أي مجموعة أن تكتب بيان دون دعوة غيرها للتوقيع 3 لم يرق إلى علمي أن نيّة موقِّعي البيان حصره عليهم و عزل الآخرين و إن لم يفلح البيان في التعبير عن هذا 4 هذا البيان لا يحتمل و لا يحمل أي احتكار و لا وصاية و لا بلاهات و عقد ناس تانية، هذا البيان عبّر في ذاته عن خلاف هذه القيم.

.. 1- أنا برضو الكلام القريتو بي اضنيني دا الكتبتو عنو كان تعبيري واللا تعبيري دا لازم يمر بلجنة المصنفات الفنية .. والابداعية.
2- ومن حق اي مجموعة برضو لما تقرا بي اضنينه كلام في الحتات القاعده فيها .. كلام ما واضح بالنسبة ليها ويرجعو علشان يبرروهو .. ويلقو بعداك فوقو تزوووووووير وتقويل كلام لي ناس ما قالتو وخاصة انهم ناس كبار جدا وصحفيين وما مهمشين ... ومطعمين بي ناس اظنهم ما شافو البورد دا زاتو ولا عارفينو بفتح علي وين ..إلخ .. الظاهر لي من حق المجموعة دي .. تحرق لساتك بالطريقة البتعجبة.
3- معناته قريت بي اضنينك زينا واحد وما راقت ليك الحركة دي .. بس إنت اسكيلك عالي .. وموقع ي مانشيستر يونايتد.
4- خلاص الناس دي كلها حقو تبطل البتعمل فوقو دا .. وتهتف بحياة محمد حسبو .. وبي كدا يا حسبو تجيب ليك كاكي والبوت من عندنا .. وتبقي بتاع ثورات برضو زينا واحد ..
خلاصتو حقتي برضو كقائد ثورة:
1- المجموعة الموقعة في البيان داك بي استثناء بعض الاسماء .. بعد الشئ الحاصل دا تاني لو قريت ليها لو بي (اضاني) واللا بي (ترقوتي) أكون بالغتة .. يا خســارة.
يا كبــر ... قريت مداخلاتك في الحتات كلها فيما يتعلق بالامر..
الله يديك العافية .. حقو الواحد يجمع ليك توقيعات الرجرجة ديل.
هوووي يا همجيين إنتو .. يا مهمشين .. اي واحد يجهز (الختم) بتاعو تلقي الواحد فيكم عندو مية قلم وما بيعرف يكتب اسمو ..

Quote: مشيت بهناك لي عبد الكريم كيكي، أها يا كيكي نتكلم بالمنطق بعيد عن هوشة الرسوم الكاريكاتورية دي، هاك يا سؤال في هناي سؤال، عبد الكريم يلولو في الكلام و يلولو في اللولوة و يرجع عااادي لي هييييه من الصفوة و الصالونات المغلقة، سودانيز أونلاين يهزم الملل، ميلودي هيتس مش حتقدر تغمّض عينيك، ياخي فوق كم؟

يا مستر حسبو
اسمح لس اقول ليك باللغة السوقية التي اكتشفت لاحقا بانها من تثري الحوار
بانك ملك ملوك اللولوة واللخطبة وزول رايحة ليك السكة...وفاكيها في روحك كمان...
وخير من يجيد لوي الحقائق في سودانيز اونلاين وتطويعها لمصحلة انطباعه ليس الفج فقط بل انطباع فطير وجائع
قول لي ليييييييييييه..؟؟؟
1-ماهي علاقة نقد اخراج البيان في الموقف من سلطة الانقاذ او الموتمر الوطني تحديدا وماهي الالية الي قست بهاذلك...استنادا علي مادار بينا من حوار
2- مين وين ليك وضع هذا البيان مقياس مطلق للوعي والانتماء والمناداة بالحريات واكمابو...وعلاقة ده بده شنو ومواقف الناس باوكامبو شنو..
خطابك يا حسبو في مجمله خطاب عدواني لا يحمس كثيرا لللتلاقي في نقاط تفيد القضايا الانت متشعلق فيها بالغلط دي
ومصرا تماما علي الصفوية والانت في كل حرف قاعد تكتب فيهو بتاكدفي نظريتي وتمدد في مساحتها....
وبكل اسف انت وامثالك من اللابسبن اثواب الديمقراطية خيلا...اكبر معوق للديمقراطية والحوار وضد مصلحة الجماهير لصورة
تساوي تماما مافعلته كل الانظمة الديتكاتورية في العالم...!!!

Quote: : صاحب البوست حسبو منو الاداك الحق تنعت الناس بالهمجيه وسلوك مسلك الحيوان فى اتباع روح القطيع .. الكلام ده عيب .. راجع نفسك .. واعتذر وبصوره شخصيه وبصفتى احد الذين تتطالهم اشاراتك القبيحه اطالبك بالاعتذار منى ..

Quote: ما برجى الصائم و القائم

كركركركركركركركركركركر

وبما انو انا واحد من القطيع ديل
فما طلعت من الفوق دا كلو الا بالتحفه الفنيه دى

قرقرقرقرقرقرقرقرقرقرقرقرقرقر

Quote: ما برجى الصائم و القائم

الصائم طبعا كلكم بتعرفوهو
اما القائم وللذين لم يعرفوهو فهو .. ابو حتوت

قرقرقرقرقرقرقرقرقرقرقر

واحد من القطيع

يا زول يا مشرّف إنت
إنت الأداك الحق منو توصفني بالصنم و الإنتقائية و باقي أوهامك دي؟
عملتو وللا لا؟
بديتو و غلبك؟
ما تقعد تلاحقني ساي، لا طائل..

جيت في بوستي وتحككك وقلت داير حوار
قلنا ليك مرحب
وواصلت فيه ضاغطا ومتجاوزا لكل الاستفزاز والسخف القعدت تعمل فيهو
وبين ليك موقفي بكل اريحية..
وفجاة وبدون مقدمات ترك باب الحوار وبدون ادني احترام للحوار نطيت وعملت ليك بوست وده من حقك..
ولكن الذي ليس من حقك ابدا هو اختزال الحوار في انطباعية فجة والعمل عليه ووصف الاخريين بالهمج..
فرق شنو انت حسع من الانقاذ البتاذي الناس البتقول ليها ده لا..
ديك بتعذب وبتقتل
وانت لو لقيت طريقة لسلكت نفس منهجها كونك تضيق زرعا بالراي الاخر
وتعمل علي المسير باشيائك الركيكةفي حقول شخوص الذين قالوا...لك لا
لا ليس لبيانك وهذا ما تفصحته انت جيدا في بوستي واقريت به انت ايضا...(اتذكر اسئلتك الشهيرة)
لا عشان الخطاب ده ذاااتو
وهي في اعتقادي الجازم ليس خطابك لوحدك
وهناك اخريين لمن يجي زول فطير زيك كده يخربوا بقولوا ليهو لاااااااااا وبقيفو ليك ديك وجن احمر

مدخل ثالث والي حين عودة..
بالامس لمن جيت للحوار شلناك فوووق العيون وكنت ضيفنا وكان كل ذلك لمصلحة الحوار..
ولكن اليوم اراك مرتدي اثياب التحقير الكذب الغريب..
فهي اثوابا تغرينا بارتداء ثياب (وش الكلب) فهي تليق تماما مع هيك صفاقة...

اسمح لي يا اخ حسبو
استعير كلامك دا واشيلو لافتة لي كم يوم كدي

Quote: خلاصتو: 1 البيان دا يعبِّر عن موقفي من الموضوع 2 من حق أي مجموعة أن تكتب بيان دون دعوة غيرها للتوقيع 3 لم يرق إلى علمي أن نيّة موقِّعي البيان حصره عليهم و عزل الآخرين و إن لم يفلح البيان في التعبير عن هذا 4 هذا البيان لا يحتمل و لا يحمل أي احتكار و لا وصاية و لا بلاهات و عقد ناس تانية، هذا البيان عبّر في ذاته عن خلاف هذه القيم.

سودانيز اونلاين يهزم الصوالين المغلقة للتحاور في شان ا...ر والثقافة ....!!!
كل من اراد الحديث في هذا الامر سلبا او ايجابا
عليه بالتامل في البوست اعلاه...وشكل الحوار فيه وبالتحديد مع مستر محمد حسبو..
حتن يجي ينضم..؟؟
عشان نشوف وليمة الطاوسين الجدد (محمد حسبو نموزجا) دي حدها وين

Quote: : يا عبد الكريم إني أراك قد غرك تواضع حسبو إليك ونزوله إلى وهدة الحوار معك في قاعك ذي الحمأة في بلد العمى (والتعبير لحسبو ) فاشتهيت فرض وصايتك على طريقتي في الحوار !! فأنى لك ذاك ؟ هلا يا محمد ومحمد حسبو لا اري له دوافع تدعوه علي التعالي كوني لم ولن اجنح علي التعالي عليه ولا ينبغي لي ذلك فنحن نتحاور الفكرة بالفكرة والقول بالقول....ولا علو الا للمنطق والحجة فان اصاب فيها شكرته عليها ولملت امري وكسحت.. وان اصبت انا فيها فعشمي ان يلملم هو عفشه ويكسح.. ويبقي بيننا الود واشاعة التحاور باحترام وندية متبادلة تحفها الاريحية والاخاء ... ..... وان بدر يا محمد خلاف ذلك فلكل مقام مقال وحتي ذلك الزمان نشهد له حتي الان بطيب المحاورة

في البوست الذي اتي اليه محمد حسبو متسولا للحوار
نصحني الاخ محمد اي سليمان في كلامه اعلاه..
واعترف الان بصدق قوله وقد يبين فعلا ماهي نوعية ومحاوري لييوم امس
وكما قلت لكل مقام مقال..
فالامس امر...واليوم بالتاكيد خمرا..

لانو يا مستر حسبو احنا البذدرينا لسع امو ما ولدتو..
لسسسع

مدخل طفاشي وكروباوي..
تحترم الناس وتحترم روحك ستجد من يحترمك...
ولكن..!!
تحاول تعمل فيها عشرة بقرش
بالتاكيد حتلقي روحك عشرين وبقرش كمان مع الازمة الاقتصادية الحايمة في راسنا ده..
ومافي مبادرة منا بالاثم والعدوان والكركبة الا لمن اراد لروحه ذلك وها انت قد اردتها...فلك منا تحليقة
والي حين عودة وبرواقة عشان نفكك كنص طاووسي مختال

وقبل العودة الي نص الطاووس المختال
تعرف يا مستر حسبو
زيك ده انا لو كنت مسئول عنه في جسم يعمل علي مصلحة الجماهير والناس
عندي ليهو
1-اوديهو دورة مكثفة وطويلة ليعمل وسط الناس لكي يتعلم الاحساس بيهم ونبضهم وقضاياهم.
2- حللي الثاني ود الخيار الاقرب (ارفدو)لانومعوق كثير للحراك بتاع الخطاب والممارسة بين الجمهور..
ولانو بنظر ليهم من اعالي دكة كاذبة لاتقوي الي الصمود كثيرا ولانو بلتف علي الاخطاء ويشحنها بشحنات تجريمة ضد الاخر..
برفدك زي السلام عليكم...وبخت سفة تكيفني في (قراري ده)...سفة لمصلحة الجماهير

Quote: وقبل العودة الي نص الطاووس المختال تعرف يا مستر حسبو زيك ده انا لو كنت مسئول عنه في جسم يعمل علي مصلحة الجماهير والناس عندي ليهو 1-اوديهو دورة مكثفة وطويلة ليعمل وسط الناس لكي يتعلم الاحساس بيهم ونبضهم وقضاياهم. 2- حللي الثاني ود الخيار الاقرب (ارفدو)لانومعوق كثير للحراك بتاع الخطاب والممارسة بين الجمهور.. ولانو بنظر ليهم من اعالي دكة كاذبة لاتقوي الي الصمود كثيرا ولانو بلتف علي الاخطاء ويشحنها بشحنات تجريمة ضد الاخر.. برفدك زي السلام عليكم...وبخت سفة تكيفني في (قراري ده)...سفة لمصلحة الجماهير

معقولة يا باشمهندس!!!

الرأفة ياخ الرأفة والعفو عند المقدرة!!!
دا جلد لا حصل ولا بحصل ,,,,ياخ العفو
عند المقدرة من شيم الكرماء وأنت راجل كريم!!


شايف مساحات الرفع إتمددت وغطت مساحات الوضوح واللا وضوح
المحيرنى إنو البوست دا بدأ بوجه مختلف !!!أو هكذا نما إلى فهمى!!


ياخ أرفدو وريحنا

تحياتى,,

Quote: شايف مساحات الرفع إتمددت وغطت مساحات الوضوح واللا وضوح المحيرنى إنو البوست دا بدأ بوجه مختلف !!!أو هكذا نما إلى فهمى!!

هلا يا ايمن
يا ايمن يا صاحبي
كلو صار لازمو رفعز
بشاشا داير رفع
الهكر داير رفع
ومحمد حسبو ده برضو داير رفع..
جننونا ياخي (كرو كرو) وبراس موغل في الفراغ عاوز يعمل لينا فيها ضبان ضكر
ويساوم الناس وبتجريم فطير ويزايد علي مواقف الناس..
عشان كده زي ده يا ايمن توريهو هو واقف وين والناس واقفين وين عشااااان يااامن زاتو..
وزي ما قلت شفت في البوست تعاملت معه بكل احترام وتقدير..
وجاي بجاي شابكنا لولوة وما ادراك ما لولوة..
اها اللولوة الديراها دي حنوريها ليهو ...
وتسلم ياامين

مع عميق اعتذاري

يا كيكي!

ما تتعب نفسكـ ساي

ما بستاهل!

Quote: كيكي! ما تتعب نفسكـ ساي ما بستاهل!

مفي تعب كد يا عمك لمن ينضموا بيهو
دي ورافة من طرف الكيبورد لزول يستحق كل حرف وردها فيها
وما تشيل هم كثير يا زول

يا أخوانا سؤال جادي والله ....

محمد حسبو ده منو ؟؟؟
يطرشني ما سمعت بيهو مع أنو لي 4 سنة في الموقع غير لما كنت بتاوق من بره ساكت ...
اللستة بتاعت العشرين نفر ديكـ بعرفهم كلهم ماعدا الزول ده ....

والله العظيم ما تقليل ما شأن أخونا حسبو لكن بالجد عمري ما سمعت بيهو قبل كده ؟؟


الناس دي بقت تبدع من ورانا و لا شنو ؟؟؟

Quote: محمد حسبو ده منو ؟؟؟ يطرشني ما سمعت بيهو مع أنو لي 4 سنة في الموقع غير لما كنت بتاوق من بره ساكت ... اللستة بتاعت العشرين نفر ديكـ بعرفهم كلهم ماعدا الزول ده

انا يا يا خالد غايتو اخر واول مرة شفتو في شكلة مع معتز قريش
ولكن تاني ما شفتو...
وممكن المشلكة مني انا
ولكن بالتاكيد شوفتي ليهو في حول دشمانو مع القريش ابو دقن التحت ده

الأخ كيكي
الأخ محمد حسبو .....

أنفقت يومين في قراءة ما تجادلتم حوله ومعكم مجموعة من الزملاء .... لي ملاحظات .....

اولاً ولإزالة اللبس تعرفت عليكما هنا من خلال كتاباتكما وأحمل لكما كل الود والإحترام ...

في نقطة البيان هناك نقطة جوهرية ربما فاتت على معظم من حمّل وصب جام غضبه على البيان وموقعيه وهي أنهم/ن لم يحتكروا/ن الإبداع أو الكتابة ويمكن معرفة ذلك بالنظر للعنوان :- كتّاب ومبدعين وصحفيين..... لو أرادت تلك المجموعة إحتكار الإبداع أو الكتابة لتمّ إستعمال التعريف وأقصد ( الألف واللام ) .....هذا من ناحية ومن ناحية أخرى سواء إتصلوا ببعضهم أو يعرفون بعضهم وإتفقوا أو لم يتفقوا على صيغة أو بيان ذلك شئ يخصهم ويمكنهم معالجته فيما بينهم المهم أنهم مجموعة رات راياً معيناً وكتبت عنه ... ولم تحتكر الصفوية أو اي من الألقاب الأخرى والدليل كما أوردت .....
بالنسبة للحوار بين الأخويين محمد وكيكي فصراحة يا كيكي أجد أن محمد حسبو قد دعاك للحوار المباشر وحدد نقاط معينة ولم تجب عليها ( على حسب راييّ) أعيب عليه إستعمال كلمة ( اللولوة ) .. ولكنه كان يدعوك مراراً للإجابة عن بعض النقاط ولم تجبه .....

أيضاً أعتقد أن هناك إشكالية إجتماعية في السودان وهي : إذا قام أحد الأشخاص بمناداة نفسه بما يحب ... إعتبرها الباقون أساءة لهم وذلك من منطلق ( أنا أسوأ منك بكلامك هذا ) .....

والله أعلم ..

مودتي

اسامة ( أُمثّل نفسي فقط )

Quote: بالنسبة للحوار بين الأخويين محمد وكيكي فصراحة يا كيكي أجد أن محمد حسبو قد دعاك للحوار المباشر وحدد نقاط معينة ولم تجب عليها ( على حسب راييّ) أعيب عليه إستعمال كلمة ( اللولوة ) .. ولكنه كان يدعوك مراراً للإجابة عن بعض النقاط ولم تجبه

سلام يا اسامة
والزول ده وجد اجابة لكل اسئلته الي اقتضت نقطة الحوار ساعتها ان اجيب عليها..
وممكن طريقتي في الوصول الي الاجابات عبر عدة مراحل من النقاش هي من اوحت لك ولغيرك بانني لم اجب علي بعضهما
ولو لاحظت نمط النقاش هناك بتلاقاني ماشة نقطة نقطة..وفي اسلئة ليس ملزم بالاجابة عليها مباشرة عقب مداخلتة حتي استوضح بعد الامور منه..
لم يتكمل الحوار هناك بالنسبة لي في امر محمد حسبو(وان صرت غير موهلا الان لادارة حوار مع مثل هذه العقلية)
ولكن لو الصبر ساعتها سيتمد الحوار وسيجد كل اجاباته
وحتي لة اكتشفت ساعتها بانني باني افتراضاتي علي خطاء كنت سوف اقول له بكل شجاعة ذلك..
وراجع المداخلات ان ارتد التوثيق اكثر...
....
واما امر اللولوة والكلام البجاي ده فانا برد في تحية بما يليق بها من لغة

Quote: و السكة الماشين فيها دي.. فيها نفاق كبير يا اخوي.. يعني بالمنطق ده ..البنتخبوا رئيس وزراء ح يجي يتفرعن علينا و يقول لينا أنا بنيت الوطن اكتر من اي مواطن عادي.. مع العلم انو المواطن العادي ده هو البزرع و البيسرح..و بيدفع ضرائب عشان توفر السينات التلاتة لرئيس الوزراء (متذكرها سيناتك التلاتة ولا نسيتها؟..ياخي دي عاجباني جنس عجبة..و فيها بلاغة لم تأتي بها الأوائل).. خلاصتو..لا تمييز بين مواطن و مواطن في شئون المواطنة..و الإنتماء لسودانيزاونلاين مواطنة شئنا أم رفضنا..

دي النقة البتخاطبنا كبلوتارية وطبقة عاملة..
عبر مداخل حكايات الريف الإجتماعية للحضر بصيغة بسيطة..
تماثل رمزية مجاملاتنا في ملماتنا..
زي حكاية: سيرمس الشاي الضابنو جنب عمود الأكل وبستلة النشا تكشكش في درب الإستبالية..

حنككـ سنين لكن يا ود أبا كبر..



ياخي رخيت ليكـ عضاني لامن خوفنا توصل الركب..


عافي منكـ يا متر..

والله يا كي كي أول مرة تكيفني
والله كيفتني لامن ختيت سفة وانتكيت
سفة عشان المساكين (المامسكفين)

Quote: والله يا كي كي أول مرة تكيفني والله كيفتني لامن ختيت سفة وانتكيت سفة عشان المساكين (المامسكفين

عارف يا معتز اللحظة الوحيدة الاتذكرت امس اني شفت فيها الزول ده
كانت الشمطة البينكم زمااان ديك...وبكل صدق غيرها يطرشني.
اها الليلة قلنا نحي الثورة شوية ونديهو الفيها النصيب

صاحب البوست حسبو ..

لم الاحظ وجودك اصلا قبل البارحه .. ولم تكن معنى بصفه الصنم ولن تكون ولا ينبغى لك يا .. منو انت ؟.. حسبو !!؟
الاعتذار محمده لن تنالها يا مجهول ..

..
فى الحقيقه وعلى مدار سنوات وجودى لم اسمع ب ( حسبو ) هذه

..
انت قايل نفسك معنى بصفه الاصنام زى وردى .. ولا سعاد ولا محمد المكى ابراهيم ولا جملة الاعلام المذكورين هناك ..
ياتو صدفه تاريخيه بتلمك انت بيهم ..
انت فاقد ابجديات التواجد الحى والتعامل الانسانى البسيط فى حيز بوستيك التافه ده ..
وواضح جدا انك فاقد تجربه انسانيه تسند ضهرك يا .. ؟ .. حسبو!؟..
وما واقف ليك فى ارضيه فكريه تشيل حتى العفونه الدلقتها فى الناس هنا

..
الناس قطيع .. وهمجيين
انت منو .. وقدر منو عشان نتهمك بالانتقائيه يا تمومة الجرتق ..
وبي ياتو فهم ومنو القال ليك انك انت فى مكان ممكن تمارس من خلالوا اي نوع من الاستعلاء


..
تمسك لسانك الزفر ده عليك ..وخليك متأكد وتماما من انك لا تسوى اكتر من النفس الطالع ونازل فيك هبوب

..
انا بلاحقك .. !
ياخى انت مهزله والبتسوى فيهو ده بفضحك شوال فاضى

..
قال حسبو قال

..
ويشيل بختم فى الناس ويصنف .. روح قطيع ونمط سلوكى وهمجيين وهو ذاك ..
شوف الكلام القالوه ليك ناس كبر وتوما واسمعو كويس والزم مكانك فى الصف وتأدب
وحازي كتفك بمن هم فى مستواك

..
وقاعدين هنا عشان نواسي اي (انا) تضخمت بالكضب والخيالات المريضه وبما صدر من دبر هذا الزمن المهزله
والعفن ..

الأخ عبد الكريم
شكراً جزيلاً على الرد ...

Quote: وممكن طريقتي في الوصول الي الاجابات عبر عدة مراحل من النقاش هي من اوحت لك ولغيرك بانني لم اجب علي بعضهما ولو لاحظت نمط النقاش هناك بتلاقاني ماشة نقطة نقطة..وفي اسلئة ليس ملزم بالاجابة عليها مباشرة عقب مداخلتة حتي استوضح بعد الامور منه..

طيب لو قلت ليك الطريقة دي بتنفع مع المهندسين بس ( حسب رأييّ) وما يتنفع معانا نحنا الأدبيين ديل تقول شنو؟......

ما فهمته من - ما تحته خط - أنك تريد معرفة خط تفكيره حتى ترد عليه وهذا ليس اسلوب ناجع للنقاش والمحاورة .. ويجعلك دائماً في موقف الملتف حول المُحاور..... محمد حسبو من جهة أُخرى بغض النظر عن -جودة أو صحة ما قاله من عدمه - أوضح رأيه بينما فشلت في الرد عليه .... ولم تُجب على كثير من تساؤلاته (رأييّ كقارئ محايد )

لم ترد عليّ في أول نقطة أوردتها حول البيان ....

مودتي الكبيرة ..

اسامة

Quote: طيب لو قلت ليك الطريقة دي بتنفع مع المهندسين بس ( حسب رأييّ) وما يتنفع معانا نحنا الأدبيين ديل تقول شنو؟......

سلام يا اسامة وتحية
وراي يا اسامة في البيان كمحتوي قلتو في البوست بهناك
وحتي في بدايات حوارنا مع محمد حسبو كانت هي نقطة البداية التي اتفق معي عليها(في الاسئلة والاسئلة المضادة)
وثبتنا الحتة دي..
وقلت ليهو انا ناظر للموضع من ثلاثة زوايا
1-البيان
2-الممارسة
3- والتفاعل..
وكنت مستعد امشي معاهو في الحتة دي وبالرواقة....
....
القصة يا اسامة ماادبي ولا هندسة ولا انا عاوز التف حول المحاور
بل بالعكس مابدا لك ذلك كان تثبيت مني للاشياء حتي نسهل الحوار بيننا دون انطباع غير مبني علي حقائق..
لذا كنت استوثق منه بعض الحقائق..
وهو ايضا لدرجة سؤاله عن سبب ابتداري للبوست...
...
شي تاني يا اسامة وبما انني كنت المحاور فاعتقد بانني امتلك حق ادارة حواري بالطريقة التي استطيع توصيل فكرتي بها
دون ضغوط من اخريين يهمهم نهايات الاشياء قبل ان تستوي وتتفكك.. والبوست كان ممكن يمشي اسبوع..يوم يومين..
وقد تلاحظ بان حسبو اشار بانه سيعود الي قضية الصوالين ويبين دورها وكنت تواق الي هذا ايضا..ولكن ليس قبل النهاية من امرنا الذي
بداناه...
محمد اخد الامر من منتصف الطريق ومشي عمل البوست ده ولخص القصة حسب مزاجو وحسب انطباعو وحسب قدرتو علي احتمال تفاصيل النقاش
وزمنه (انا ذنبي شنو في الحكاية دي كلها).. غير اني احاورو ولكن بالغة الاخري التي اختارها
وابين للمهتمين الاخرين مثلك بالحوار هناك كان ماشي كيف...وانا متناولو بياتو طريقة..

حسبو كيفنك
تعرف كنت مستمتع جدا بحوارك مع اخونا كيكي
لكن للاسف فجأة نزلت بالحوار إلى قاع القاع

شكراً عبد الكريم ...

Quote: شي تاني يا اسامة وبما انني كنت المحاور فاعتقد بانني امتلك حق ادارة حواري بالطريقة التي استطيع توصيل فكرتي بها

غابت عني تلك النقطة ....


لك الود
اسامة

فكرة العزل..أم جوهر الموقف؟

صديقي محمد حسبو..حبابك
كتر خيرك على الرد..

استوقفتني فكرة العزل التي استخلصتها من القراءة هنا و هناك..و كأنما المنتقدين جوهر فكرتهم هو حردتهم على عزلهم من التوقيع على بيان بعد الشجب و الإدانة .. دعى الى تطوير ضمانة تحمى حرية التعبير كحق طبيعي لأي انسان/ة..

لا اعتقد أن المسألة هي مجرد حردة و بس..و لو الإخوة الكتاب مثلا.. كتبوا بيان يخص مصادرة الصحف..و جعلوه في منبر مغلق..بولوك اسبوت.. او فيس بوك.. او ايميل جماعي..مافي زول /ة ح يناقشهم في خيارهم..
ولو الإخوة الكتاب كتبوا بيان يخص مسألة من مسائل اتحاد الكتاب..و برضك ناقشوا الأمر في منبر مغلق .. لن يعتب عليهم احد و لن يسألهم..و كذا الإخوة الفنانين و الفنانات..و المطربين و المطربات..و المسرحيين و المسرحيات..و الرياضيين و الرياضيات..و لكن..!
حينما يتم وضع بيان في منبر عام مثل سودانيز اونلاين..و في قضية عامة تخص كل عضو/ة قارئ/ة.. في سودانيز اونلاين.. فهذه مسألة كل فرد يظن أنها تمسه و أن له دور فيها حتى لو كان هذا الدور في اطار المجاهرة بالرأي ووسيلة الكلمة..
خطورة الأمر أن دعاة النظرية النقدية و التجاوز..باتوا مثل غيرهم.. يضيقون ذرعا بالمساءلة و المواجبة..
و مثلما قلت.. السودان ده من سنة حفروا البحر فيهو ما يسمى بهيئة علماء السودان.. مافي زول عتب عليها..و كلامك صحيح.. لأنو هيئة علماء السودان..و احترم فيها ذلك..هي صفوة موظفين و عمال حكومة..و عازلين روحهم بعيد من الناس.. و كل البيسوا فيهو قاعدين يسوهو في الخفاء و المكاتب المغلقة..عشان كده لمن يطلعوا ليهم بيان ما قاعدين يقولوا لينا تعالوا شوفوا البيان ده و ادونا رأيكم فيهو..ولا قاعدين يرسلوا لينا و يقولوا لينا يا اخوانا عندنا بيان حول تثبيت هلال العيد.. عشان كده تعالوا وقعوا معانا عشان ..لأننا دايرين نسوى عيد في اليوم السابع و العشرين من رمضان..

المثقفين و المثقفات..و الناشطين و الناشطات.. امرهم مختلف للغاية..لأنهم بعكس صفوة علماء هيئة العلماء.. ماهم موظفين و عمال دولة..و عندهم ادعاء كبير انهم شغالين للمواطن و بالمواطن و من اجل المواطن..و لأنو عندهم ادعاء بالشفافية و ترسيخ قيم المساواة و الديموقراطية.. لمن تكون عندهم قضية محتاجة للتضامن.. بنزلوا للناس بيان و بيقولوا ليهم تعالوا اقيفوا معانا..

وخلاصة النقطة دي.. لو الإخوة الكتاب و الصحفيين و الفنانين و المبدعين.. دايرين يبقوا صفوة زي صفوة ناس هيئة علماء السودان..حلال عليهم..و من هسع ده يمشوا يركبوا صف التوظيف.. و يبقوا حكومة و جناب دولة عالي ..عشان يبعدوا روحهم من الهوام و الرجرجة و الدهماء و الهمجيين و الهمجيات.. الخ..

لمن يكون عندك ادعاء كبير يا صديقي انك..بتعمل للناس و بتشاورهم في امورهم..و داير تعلمهم المشاركة في تقرير شئونهم..وتجي تجليهم و تحصر روحك في ركن ضيق.. هنا بتكون في مشكلة كبيرة.. لأنو بيظهر التناقض بين النظرية و الممارسة..

الناحية التانية.. مثلما ذكرت سابقا.. اهلنا بيقولوا بيت المشارة ما بيخرب..و دي قاعدة ديموقراطية ذهبية.. يعني لو الشباب الهناك ديل .. من اول لحظة عملوا خطوة بسيطة للغاية..نزلوا البيان منفصل..و نزلوا توقيعات النخبة العلية البهية..و بعد داك طالبوا انو الناس توقع معاهم.. ما كان حدث ما حدث..ولا كان جاهم زول قال ليهم عينكم في راسكم..لأنو الأمر حينها سيغدو خيار شخص و تقدير الفرد.. من اراد أن يوقع سيوقع و من لا يريد سهز اكتافهم و يمضي..
و زي ما ناس كتير بتقول ليك ما شفنا علان/ة او فلان/ة قاعدة ت / يكتب معانا هنا.. فدي اشارة مفروض تتفهم كويس.. لأنو في حقارة..و في ناس افتكرت و بتفتكر.. سودانيز اونلاين ده بيتها و عرضها و شرفها.. ككيف يجوا التانيين يدافعوا ليك عنو..و انت قاعد مربع يديينك..مفارقة غريبة لكنها واقع..

المأساة يا صديقي .. أن القدوة لا تختار اتباعها..و الناس الهناك ديل فيهم ناس كتير بتشكل قدوة للكثيرين و الكثيرات..و النقد و التريقة و المعاندة المستمرة.. هي من باب أنو الناس صحيح بتعترف بالغلط..و انو كل زول ممكن يغلط.. لكن غلط القدوة صعب..و الأصعب منو المعاندة و المكابرة في عدم تصحيحه..و هنا تبدو مشكلة تانية كمان..

صحيح اتفق معاك.. انو واحدة من صفات الشخصية السودانية من خلال مصاقرتي (ممكن تسميها متابعة و تأمل برضك) لمنابر النقاش الإسفيرية.. انها عاطفية..والإستفزاز بيلمها زي الما حاصل شئ..و هنا يستحضرني قول مأثور يقوله لي صديقي محمد عثمان باستمرار..و هو ما تخلى الأزمة تحتويك..و عليك باحتواء الأزمة..و هو قول يطابق كتير قول لأبوالقاسم حاج حمد..و هو أن أزمتنا هي أزمة وعي بالمأزق..لا اطالب بتصحيح أو اصلاح.. لكن كمان النخبة حقو تعترف بزلاتها كمان..فاذا كانت الناس ما قادرة تؤثر في الأخرين..و تحدث التغيير.. يبقى تبطل ادعاء و مكابرة..

نشوفك تاني..

كبر



* غايتو البيان بتاع حركة تحرير الشعر.زقاعد فكرة و خطوط عامة..لأنو في شعر خلانا نعيد حساب محبتنا للشعر.. المهم الموضوع ده لسع فكرة و ح تخرج قريب..

فكرة العزل..أم جوهر الموقف؟

صديقي محمد حسبو..حبابك
كتر خيرك على الرد..

استوقفتني فكرة العزل التي استخلصتها من القراءة هنا و هناك..و كأنما المنتقدين جوهر فكرتهم هو حردتهم على عزلهم من التوقيع على بيان بعد الشجب و الإدانة .. دعى الى تطوير ضمانة تحمى حرية التعبير كحق طبيعي لأي انسان/ة..

لا اعتقد أن المسألة هي مجرد حردة و بس..و لو الإخوة الكتاب مثلا.. كتبوا بيان يخص مصادرة الصحف..و جعلوه في منبر مغلق..بولوك اسبوت.. او فيس بوك.. او ايميل جماعي..مافي زول /ة ح يناقشهم في خيارهم..
ولو الإخوة الكتاب كتبوا بيان يخص مسألة من مسائل اتحاد الكتاب..و برضك ناقشوا الأمر في منبر مغلق .. لن يعتب عليهم احد و لن يسألهم..و كذا الإخوة الفنانين و الفنانات..و المطربين و المطربات..و المسرحيين و المسرحيات..و الرياضيين و الرياضيات..و لكن..!
حينما يتم وضع بيان في منبر عام مثل سودانيز اونلاين..و في قضية عامة تخص كل عضو/ة قارئ/ة.. في سودانيز اونلاين.. فهذه مسألة كل فرد يظن أنها تمسه و أن له دور فيها حتى لو كان هذا الدور في اطار المجاهرة بالرأي ووسيلة الكلمة..
خطورة الأمر أن دعاة النظرية النقدية و التجاوز..باتوا مثل غيرهم.. يضيقون ذرعا بالمساءلة و المواجبة..
و مثلما قلت.. السودان ده من سنة حفروا البحر فيهو ما يسمى بهيئة علماء السودان.. مافي زول عتب عليها..و كلامك صحيح.. لأنو هيئة علماء السودان..و احترم فيها ذلك..هي صفوة موظفين و عمال حكومة..و عازلين روحهم بعيد من الناس.. و كل البيسوا فيهو قاعدين يسوهو في الخفاء و المكاتب المغلقة..عشان كده لمن يطلعوا ليهم بيان ما قاعدين يقولوا لينا تعالوا شوفوا البيان ده و ادونا رأيكم فيهو..ولا قاعدين يرسلوا لينا و يقولوا لينا يا اخوانا عندنا بيان حول تثبيت هلال العيد.. عشان كده تعالوا وقعوا معانا عشان ..لأننا دايرين نسوى عيد في اليوم السابع و العشرين من رمضان..

المثقفين و المثقفات..و الناشطين و الناشطات.. امرهم مختلف للغاية..لأنهم بعكس صفوة علماء هيئة العلماء.. ماهم موظفين و عمال دولة..و عندهم ادعاء كبير انهم شغالين للمواطن و بالمواطن و من اجل المواطن..و لأنو عندهم ادعاء بالشفافية و ترسيخ قيم المساواة و الديموقراطية.. لمن تكون عندهم قضية محتاجة للتضامن.. بنزلوا للناس بيان و بيقولوا ليهم تعالوا اقيفوا معانا..

وخلاصة النقطة دي.. لو الإخوة الكتاب و الصحفيين و الفنانين و المبدعين.. دايرين يبقوا صفوة زي صفوة ناس هيئة علماء السودان..حلال عليهم..و من هسع ده يمشوا يركبوا صف التوظيف.. و يبقوا حكومة و جناب دولة عالي ..عشان يبعدوا روحهم من الهوام و الرجرجة و الدهماء و الهمجيين و الهمجيات.. الخ..

لمن يكون عندك ادعاء كبير يا صديقي انك..بتعمل للناس و بتشاورهم في امورهم..و داير تعلمهم المشاركة في تقرير شئونهم..وتجي تجليهم و تحصر روحك في ركن ضيق.. هنا بتكون في مشكلة كبيرة.. لأنو بيظهر التناقض بين النظرية و الممارسة..

الناحية التانية.. مثلما ذكرت سابقا.. اهلنا بيقولوا بيت المشارة ما بيخرب..و دي قاعدة ديموقراطية ذهبية.. يعني لو الشباب الهناك ديل .. من اول لحظة عملوا خطوة بسيطة للغاية..نزلوا البيان منفصل..و نزلوا توقيعات النخبة العلية البهية..و بعد داك طالبوا انو الناس توقع معاهم.. ما كان حدث ما حدث..ولا كان جاهم زول قال ليهم عينكم في راسكم..لأنو الأمر حينها سيغدو خيار شخص و تقدير الفرد.. من اراد أن يوقع سيوقع و من لا يريد سهز اكتافهم و يمضي..
و زي ما ناس كتير بتقول ليك ما شفنا علان/ة او فلان/ة قاعدة ت / يكتب معانا هنا.. فدي اشارة مفروض تتفهم كويس.. لأنو في حقارة..و في ناس افتكرت و بتفتكر.. سودانيز اونلاين ده بيتها و عرضها و شرفها.. ككيف يجوا التانيين يدافعوا ليك عنو..و انت قاعد مربع يديينك..مفارقة غريبة لكنها واقع..

المأساة يا صديقي .. أن القدوة لا تختار اتباعها..و الناس الهناك ديل فيهم ناس كتير بتشكل قدوة للكثيرين و الكثيرات..و النقد و التريقة و المعاندة المستمرة.. هي من باب أنو الناس صحيح بتعترف بالغلط..و انو كل زول ممكن يغلط.. لكن غلط القدوة صعب..و الأصعب منو المعاندة و المكابرة في عدم تصحيحه..و هنا تبدو مشكلة تانية كمان..

صحيح اتفق معاك.. انو واحدة من صفات الشخصية السودانية من خلال مصاقرتي (ممكن تسميها متابعة و تأمل برضك) لمنابر النقاش الإسفيرية.. انها عاطفية..والإستفزاز بيلمها زي الما حاصل شئ..و هنا يستحضرني قول مأثور يقوله لي صديقي محمد عثمان باستمرار..و هو ما تخلى الأزمة تحتويك..و عليك باحتواء الأزمة..و هو قول يطابق كتير قول لأبوالقاسم حاج حمد..و هو أن أزمتنا هي أزمة وعي بالمأزق..لا اطالب بتصحيح أو اصلاح.. لكن كمان النخبة حقو تعترف بزلاتها كمان..فاذا كانت الناس ما قادرة تؤثر في الأخرين..و تحدث التغيير.. يبقى تبطل ادعاء و مكابرة..

نشوفك تاني..

كبر



* غايتو البيان بتاع حركة تحرير الشعر.زقاعد فكرة و خطوط عامة..لأنو في شعر خلانا نعيد حساب محبتنا للشعر.. المهم الموضوع ده لسع فكرة و ح تخرج قريب..

Quote: يا كبــر ... قريت مداخلاتك في الحتات كلها فيما يتعلق بالامر.. الله يديك العافية .. حقو الواحد يجمع ليك توقيعات الرجرجة ديل. هوووي يا همجيين إنتو .. يا مهمشين .. اي واحد يجهز (الختم) بتاعو تلقي الواحد فيكم عندو مية قلم وما بيعرف يكتب اسمو ..

صديقي العزيز تمبس..حبابك
اخر عمرك بقيت رأس هوس كمان..؟


كتر خيرك على الكلام الطيب..ذكرتني حكوة حكاها لي صديق و هي رواية عن موقف حصل لشاعرنا الكبير محمد المهدي المجذوب.. فيقال أن واحد من الكتاب المصريين (اظنوا صنع الله) زار السودان ..و استغرب كيف المجذوب ما يكون وزير الثقافة في السودان..و اخونا المصري كان زعلان شديد من الظلم ده.. اها قام المجذوب قال ليهو.. الوزارة خليها.. الناس ديل فاطني في ترقية خليهم يروقوني و الحق اسكيلي..!!

توقيعات الرجرجة حبابها و مرحب بيها..و كن علي ابقى كبير الرجراجين..لكن يا اخوى خليهم يحلقونا الترقية الفطتنا دي..و بعد داك الباقي هين..!

كبر

Quote: دي النقة البتخاطبنا كبلوتارية وطبقة عاملة.. عبر مداخل حكايات الريف الإجتماعية للحضر بصيغة بسيطة.. تماثل رمزية مجاملاتنا في ملماتنا..زي حكاية: سيرمس الشاي الضابنو جنب عمود الأكل وبستلة النشا تكشكش في درب الإستبالية.. حنككـ سنين لكن يا ود أبا كبر.. ياخي رخيت ليكـ عضاني لامن خوفنا توصل الركب.. عافي منكـ يا متر..

ولد ابا عبد الرازق..حبابك

كتر خيرك على الكلام الطيب في حقي..
لكن الله يجازي محن محمد حسبو و بقية الرفاق.. خلوك يا ولد ابا تتكلم برندوك اليسار زي الترتيب..

اسمعني..
اهلنا بيقولوا.. الكلمة الطيبة بتمرق الدبيب من جحرو..!
شكرا ليك يا حبيب و نشوفك هنك محل المراحليين و الجنجويد..و مراحيم الصين اياهم..

كبر

العزيز ود حسبو

ياخ انت وقصي همرور عندي من المرجعيات في الكتابة المباشرة والمفيدة بس الشايفوا هنا غلبني تب علي قول أهلنا..

Quote: ناس الوليمة ديل يا ماما دوما و أستاذي كبر، المناشدات ما بتلفق معاهم و التواضع يا قول محمد الحسن سليمان بفهموه غلط و دا برضو شي شائع عند القطيع السوداني دا و من أسباب تخلّفو الما قادر يواجهها، لذلك لاحظوا، لما تقول ليهم يا همج و يا قطيع بيجوا كلللهم يتجاروا يقولوا في شنو و سجمي و كيفن عاد؟ و دا هو المعنى التاني، معنى القطيع برضو، الإثارة و الغرائز و السفاهات ياها السوق النشط هنا، سوق المحاججة بائر يابا، إن كنت دعيت بعبارات سمحة و مسطحة شهر ما كان جاني تلاتة سلّموا، نرجع للحكومة، هسة الحكومة الساكة عبد الواحد محمّد نور دي و توسِّط في دول الجوار و جوار الدول و حوض الأطلسي و الحزب الشيوعي، مش كان عبد الواحد دا قاااعد عندها مواطن مسكين مهذب يعمل موظّفا و مبدعا و ناشط حقوق إنسان، يا كبر و يا زوبا عليكن الله راجعوا تسلسلي دا و شوفوا اللنكات الرسلتها ليكم لزوم المراجعة و إعادة التفكير، و أنا قبلان إن أدفانس..

قال الانقلابيون أن الشعب السوداني لم يصل مرحلة النضج و الوعي الديمقراطي بعد لذا وقع عليهم المهمة الرسالية والتكليف الرباني لادخالهم جنة الإنقاذ..
العزيز محمد حسبو في الإقتباس أعلاه يري أن من يحاورهم دون المستوي ومنها وجد مدخلا رساليالادخاهم جنة الإبداع..
أعتقاد الإنقلابيين بتميزهم كان الطريق لقهر الاخر المختلف معه في الرؤيا
إعتقاد محمد حسبو بتميزه عن الاخرين كان المبرر في التحقير والحط من درجة الاخر المختلف معه في الرؤيا
والقهر والتسلط هما الأبناء الشرعيين لتحقير الاخر والحط من درجته
اذن الفرق بين الإنقاذ وحسبو...
ان الأول يمتلك دبابة
والأخير لا




مع خالص تقديري

المشكلة فى شنو والزعل والتجريح ؟

مجموعة طلعت بيان تدين ماحدث فى هذا المنبر
من تخريب وضياع للمعلومات والمكتبات القيمة.

ولو فى شخص بمفردة او مجموعة عايز تنزل بيان
تدين وتشجب فالتفعل
فالابداع فعل حر مفتوح سمى نفسك مبدع او مثقف
او كما تشتهى فلا اعتراض او غضاضة
انا متحير انو الدنيا قايمة وقاعدة فى شنو
والزعل فى شنو

من حق الجميع التجمع وخلق كيانات

سلام

Shams eldin Alsanosi
السلام عليكم ورخمة الله

Quote: العزيز محمد حسبو في الإقتباس أعلاه يري أن من يحاورهم دون المستوي ومنها وجد مدخلا رساليالادخاهم جنة الإبداع.. أعتقاد الإنقلابيين بتميزهم كان الطريق لقهر الاخر المختلف معه في الرؤيا إعتقاد محمد حسبو بتميزه عن الاخرين كان المبرر في التحقير والحط من درجة الاخر المختلف معه في الرؤيا والقهر والتسلط هما الأبناء الشرعيين لتحقير الاخر والحط من درجته اذن الفرق بين الإنقاذ وحسبو... ان الأول يمتلك دبابة والأخير لا

لا بالله عليك يا دكتور ؟
ماذا قلت أنت لدكتور بشرى الفاضل بحقي في خيط
محسن خالد : هجاء الروائي الحسن البكري
هل تذكر ماذا كتبت يا دكتور وماذا كان يكتب سيدكم محسن حينها ؟
أرجو أن تمتلك الشجاعة لإيراد كلامك والرابط هنا
____________________
تحيتي يا محمدحسبو صدقني لم أقرأ كلامك بعد
سوى ما رأيته من أمر تمبس
لقد أساء الرفيق محمد حسبو إلى نفر منا لكنه لا يشبه الآخرين

deleted

إن كنت حزينة بحق على حسبو
فلا تشاركي (حمبرة وغنمو) محاولة النيل من حسبو
وتقديمه كبش فداء أو قربانا يقدم
للتكفير عن أرشيفكم المخجل نعم أرشيفكم جميعا

لقد كان التبول على رؤوس الأشهاد
وشتم الآباء والأجداد إبداعا مقدسا في هذا الأرشيف
الذي أعنيه !!























______________
قلنا نسخن بيكم شوية

فمحمد حسبو -خالة -لم يأت بجديد
وإنما الجدد هم من أصابهم خطابه !!

ما يحدث لمحمد حسبو محزن ومؤسف
أعني ما يحدث له من كل الجهات
بما فيها جهة نفسه
لكن يظل هو الأفضل والأذكى والأعلم من بينكم جميعا
وأعني بكم الآخر المختلف
فهو أصغركم سنا وأكبركم قدرا
لكن فقط حينما يكتب أصالة عن نفسه

ما يحدث لمحمد حسبو محزن ومؤسف
أعني ما يحدث له من كل الجهات
بما فيها جهة نفسه
لكن يظل هو الأفضل والأذكى والأعلم من بينكم جميعا
وأعني بكم الآخر المختلف
فهو أصغركم سنا وأكبركم قدرا
لكن فقط حينما يكتب أصالة عن نفسه

ما يحدث لمحمد حسبو محزن ومؤسف
أعني ما يحدث له من كل الجهات
بما فيها جهة نفسه
لكن يظل هو الأفضل والأذكى والأعلم من بينكم جميعا
وأعني بكم الآخر المختلف
فهو أصغركم سنا وأكبركم قدرا
لكن فقط حينما يكتب أصالة عن نفسه

بالمناسبة يا عزيزي القارئ
محمد حسبو هذا كتب مرة ما معناه
أن لو كان الأمر بيده لحرمني حق المشاركة في هذا البورد
وقتها كانت خالتي دوما تصفق له

الجديد في خطاب حسبو شنو ؟
موش أهو جاب ليكم آية من تنزيل محسن خالد ؟
الجقلبة شنو ؟ ماها آية ولا منسوخة ولا حديث موضوع ؟
أنتو عميتو من كلام محسن في بوست بشاشا : هرار اليونان وصل ليييه ؟
موش قال يستحقوه -الهرار- لأنهم أعداء الحداثة ؟


خليكم من القديم في بوست -حمد لله على سلامة حسبو -
ماذا قال محسن عن IQ بتاع ناس المنبر باستثناء الحبشي

انكسر المرق واتشتت الرصاص
وبلغه رومانسيه والمقام مقام حب كبير ما انهدم
قاروره عطري الجميله وانكسرت.
راهنت عليه فخسرت الرهان
I concede defeat and announce my retirement
مبروك يا حبشي

Quote: إن كنت حزينة بحق على حسبو فلا تشاركي (حمبرة وغنمو) محاولة النيل من حسبو وتقديمه كبش فداء أو قربانا يقدم للتكفير عن أرشيفكم المخجل نعم أرشيفكم جميعا

لووووووووووووول بعدين كيف انا بشارك في النيل من محمد حسبو
تخيل انه من شده حبي لمحمد حسبو دا دايراه يقعد جنبي في واطه الله دي
وما يبقي من الناس المنقطنها وقادين في السماء طاقه .
. يا محمد اي سليمان حسبو دا نحن بنعرف حق قدره تماما عشا ن كدا مارضينا ليه
لانه متل محمد حسبو دا نحن داخرنو لمعارك التنوير والتجديد .
وبتمني الناس القالت ما بتعرف حسبو وما قرت ليهو يدوا نفسهم الفرصه عشان يعرفوه لانهم قطعا سيتعرفون علي محمد حسبو اخر .
بالذات كيكي ومحمد حيدرالمشرف وخالد محمود واخرين .

Quote: وبتمني الناس القالت ما بتعرف حسبو وما قرت ليهو يدوا نفسهم الفرصه عشان يعرفوه لانهم قطعا سيتعرفون علي محمد حسبو اخر . بالذات كيكي ومحمد حيدرالمشرف وخالد محمود واخرين

هلا يا دوماوتحياتي
وايضا نطالب محمد حسبو ان يقراء لينا عشان يتعرف علينا
مش يشوت فينا من طرف لا يدنا ولا كراعنا ونحن لم نبادله الا الاحترام والتقدير

محمد إي سليمان
تحياتي واحتراماتي

Quote: لا بالله عليك يا دكتور ؟ ماذا قلت أنت لدكتور بشرى الفاضل بحقي في خيط محسن خالد : هجاء الروائي الحسن البكري هل تذكر ماذا كتبت يا دكتور وماذا كان يكتب سيدكم محسن حينها ؟ أرجو أن تمتلك الشجاعة لإيراد كلامك والرابط هنا

شكرا يا محمد لانك خليتني أرجع وأذاكر بوست محسن خالد
ياخ البورد دا لو اتقسم لمبدعين(مثقفاتية) وغير مبدعين(همج) انت كوم لوحدك
أنا أعتقد انك شخص تملك زخيرة من العلم والمعرفة تؤهلك لأن تتصدر قائمة المبدعين بهذا البورد بيد أنك لا توظف هذه المعرفة إلا في المطاردات والمماحكات الصبيانية ولا تفعل ذلك إلا من مدخل الاعتقاد المطلق بأنك أعلم الاخرين بهذا المكان .. وهذا الأعتقاد المطلق بصحة رأيك هو الذي يجعلك لا تري في الدكتورة روزمين سوي هشام ادم ومحسن خالد حمار وشمس الدين السنوسي بردعة او محسن سيد والاخرين عبيد وكل من لم يتفق معك في الرأي هم:

Quote: (حمبرة وغنمو)

يعني بالعربي قطيع وهمج ..وعليه يا محمد إي سليمان يمكننا رد كل هذه الكتابة المحمومة ضد محمد حسبو فقط لأنه نازعك تخصصك باستلاف مفرداتك ونظر للاخرين من زاوية نظرك.. فرجائى ان لا تخدع الاخرين بأنك من القطيع المقصود لان قائمة القطيع في هذه الايام شرف لا يدعيه (المبدعين) وتهمة لا ينكرها (الباقين)




..............
حسب وصيتك رجعت للبوست المعني ولقيت واحد فينا وصف التاني ببردعة حمار والموصوف اخذها بروح رياضية ورد ليك بـso what ?
وطبعالامن تقول لواحد بردعة علي حسب فهمي القريب لفهمك (لأننا الاتنبن من غير الناطقين بها) فهذا تحقير ما بعدو تحقير وبعد دا كلو زعلان لأني ما رديت عليك بالمثل..
بالمناسبة مداخلتي للأستاذ بشري الفاضل ليس فيه ما يخجلني بل هي متناسقة تماما مع ما اعتقده وهو أن الاستاذ بشري الفاضل وضع شخص كمحسن خالد الذي يساهم ايجابا بابتدار البوستات والتي قد يصيب فيها ويخطئ مع محمد إي سليمان والذي لا يجيد غير تحويل البوستات لمعارك جانبية يحاول الانتصار فيها لشكلة بايتة فى بوست اخر

وبعد كل هذا الذي قلته فيك
أحمل لك من الاحترام ما يكفي وطن

الاخ محمد حسبو ..
سلامات ..

ارجو شاكرا قبول اعتذاري عن تعمد الاساءه اليك كرد فعل ابدا ما مبرر
مع اختلافى الشديد معك فيما ذهبت اليه من توصيف لمجموعه من زملاءك فى المنبر ..

الاخ محمد

الحصل ده ابدا ما شكل الصراع الذى قد نديره هنا فهو لن يخدم اي اجنده تهتم بهمومنا
الحقيقيه و الكبيره ..

على كل حال وافر التقدير لك ..

محمد حيدر المشرف

عايزه في اخر كلمات لي بهذا المنبر ادون اعجابي بيك يا محمد حيدر المشرف
واقول ليك اني كنت حزينه جدا في غضبتك علي محمد حسبو لانني اعلم كم هو جميل وذكي
ولا يستحق ما قيل عنه من اشياء سالبه وان كان هو من جرها علي نفسه .
تمنيت سرا ان تعتذر له وتمنيت اكثر ان تقرأ له وان تتحاور ا لانكما الاجيال التي عليها الرهان فما انا الا كحمار اعياه حمل الاسفار .
ابقوا عشره علي رفقته
وفتكم بعافيه .

Quote: في اخر كلمات لي بهذا المنبر

تااااني خالتو دومة جابت سيرة البحر!

الأخ محمد حيدر

Quote: الاخ محمد حسبو .. سلامات .. ارجو شاكرا قبول اعتذاري عن تعمد الاساءه اليك كرد فعل ابدا ما مبرر مع اختلافى الشديد معك فيما ذهبت اليه من توصيف لمجموعه من زملاءك فى المنبر .. الاخ محمد الحصل ده ابدا ما شكل الصراع الذى قد نديره هنا فهو لن يخدم اي اجنده تهتم بهمومنا الحقيقيه و الكبيره .. على كل حال وافر التقدير لك .. محمد حيدر المشرف

سبحان الله ... معقولة ؟؟؟
كلموك ... طوالي غيرت موقفك
يهمنا موقفك قبل أن تعرف ...

ود القريش
ياظلامي

انت الجابك بي جاي شنو.....؟

الأخ محمد حيدر

Quote: : الاخ محمد حسبو .. سلامات .. ارجو شاكرا قبول اعتذاري عن تعمد الاساءه اليك كرد فعل ابدا ما مبرر مع اختلافى الشديد معك فيما ذهبت اليه من توصيف لمجموعه من زملاءك فى المنبر .. الاخ محمد الحصل ده ابدا ما شكل الصراع الذى قد نديره هنا فهو لن يخدم اي اجنده تهتم بهمومنا الحقيقيه و الكبيره .. على كل حال وافر التقدير لك .. محمد حيدر المشرف سبحان الله ... معقولة ؟؟؟ كلموك ... طوالي غيرت موقفك يهمنا موقفك قبل أن تعرف ...

يااخوي امشي شوف الافراج الموقت بتاعك حصل فيه شنو....؟
ولا باري ليك فروسية يمكن تكسب سشوار تسرح بيه دقينتك دي

دكتورنا /ود المشرف
ازيك
ولا عليك فهذا القريش
من الرجرجة والدهماء والغوغاء
يعني من حزبنا وكده....!!!

معتز قريش سلام

موقفى من قبل وحتى الان ان الاخ محمد حسبو أخطأ تماما فى تقييمو وردود افعالو تجاه رد الفعل المضاد
للطريقه التى اخرج بها البيان .. وتجنى كثيرا على زملاءه بالمنبر فى وصفهم بانقيادهم لروح القطيع والهمجيه ..
ومارس بذاك نوعا من الاستعلاء ونمطا من السلوك معروف تماما عند النخبه يفترض حق الوصايه على الاخرين ..

واسر لك شيئا آخر ..
مازلت اعتقد ان الاخ محمد حسبو ماضى فى انتقاء الناس حسب ما يعتقد فيهم الكفاءه التامه لمنازلته فكريا
وده افتراض اعتباطى يتنزل من ذات جدا متعاليه .. فها هو يفتح بوستا آخر - غير هذا .. لمناقشه كيكى فقط وهو مالم يوفق
فيه حسب وجهة نظري المتواضعه جدا ..


ما اعتذرت عنه هو ردى عليه وقد اضمرت فيه الاساءه اليه ( فى وضوح اكتر من كده )

تحياتى يا معتز ..
وزي ما بقولوا اخوانك اللبنانيين ( مش قصه هى )

Quote: مازلت اعتقد ان الاخ محمد حسبو ماضى فى انتقاء الناس حسب ما يعتقد فيهم الكفاءه التامه لمنازلته فكريا وده افتراض اعتباطى يتنزل من ذات جدا متعاليه .. فها هو يفتح بوستا آخر - غير هذا .. لمناقشه كيكى فقط وهو مالم يوفق فيه حسب وجهة نظري المتواضعه جدا ..

أخي محمّد

اطمئنك لكون وجهة نظرك ليست هي ما فكرت فيه، فالأخ كيكي كان بدأ معي حوارا و انقطع و أنا اتحمل مسئولية ذلك، ثم أنّه و خلينا نديه حقو كمان كان هو الأكثر مثابرة على إبداء رغبته في الحوار، و على كل يا أخي محمد فتقديري و ربما كنت مخطئا كان هو أن الحوار بين شخصين سيكون أفيد لجهة منع تشتته لا أكثر

لا شيء شخصي يا أخي مشرّف، و أشكرك على كلماتك كلها، أما حكاية دومة فخليها علي..

الاخت العزيزه دوما ..
وكما اشار عبدالله على ابراهيم ان للاماكن عبيرها ..
واجواءها الشديدة الخصوصيه ..
وكذا يقينى انك تكسبين هذا المكان عبيره .. والندى والحميميه ..
فكيف تغادرين الان ؟..
نحتاج .. أحتاج وجودك , ليبقى دوما شيئا من الانسنه والالفه عند حضورنا مشاهد هذا المنبر ..
أنت - ويا للعجب - تراجى
وبالتأكيد منى خوجلى واشراقه وهبه الحسين وهند محمد واخيرا روزمين ..
و اللائي كم اتقصى حدودهم فى هذا المكان ..

ديل هم
البنات الطفوا الرتاين .. وولعن
فياخى ما تفوتى ..

..
محمد

هارون دياب يا صاحب ..
معتز قريش ده اول ضلامى مطنقع وشايف نفسو .. وانيق


..
الاخ محمد حسبو .. شكرا على التوضيح وحنتابع حوارك مع عبدالكريم ..
وانا متأكد جدا انو ما حيكون حوار اطرش ..
تحياتى

انا ما زول توقيع


انا زول بصمة ساااااااااااي


يا ربي اكون مع ياتو فئة!!!!!!!!

الدكتور شمس الدين
شكرا على الاهتمام والرد أولا :

Quote: شكرا يا محمد لانك خليتني أرجع وأذاكر بوست محسن خالد

يا دكتور يبدو أنك لم (تذاكر) البوست !!
لأنك لو ذاكرت فعلا ما كنت قلت :

Quote: وكل من لم يتفق معك في الرأي هم: Quote: (حمبرة وغنمو) يعني بالعربي قطيع وهمج .

راجع البوست مرة ثانية (أو ربما في بوست ذي صلة )
ستجد أن هذا العبارة قد كتبت بواسطة الأخت دومة !!وطبعا عارفه كانت موجهة لمين
صدقني أول مرة تصادفني العبارة كانت الوقت داك !!
ثاني مرة كتبها بوجهي (راجل مرتو )
ثانيا تقول :
ثالثا :

Quote: حسب وصيتك رجعت للبوست المعني ولقيت واحد فينا وصف التاني ببردعة حمار والموصوف اخذها بروح

غير صحيح يا دكتور !!هذا لميرد في البوست !!
ولماذا قدمت ما فهمته أنت عن مداخلتي وقد كانت ردا على مداخلتك !!
جيب الرابط !!

Quote: وهذا الأعتقاد المطلق بصحة رأيك هو الذي يجعلك لا تري في الدكتورة روزمين سوي هشام ادم

هل ممكن تجيب الاقتباس ؟لو سمحت ؟ الدليل ؟
وين أنا قلت روزمين هي هشام آدم ؟
بسرعة الرابط أو حتى القرينة

أخيرا :

Quote: بالمناسبة مداخلتي للأستاذ بشري الفاضل ليس فيه ما يخجلني بل هي متناسقة تماما مع ما اعتقده وهو أن الاستاذ بشري الفاضل وضع شخص كمحسن خالد الذي يساهم ايجابا بابتدار البوستات والتي قد يصيب فيها ويخطئ مع محمد إي سليمان والذي لا يجيد غير تحويل البوستات لمعارك جانبية يحاول الانتصار فيها لشكلة بايتة فى بوست اخر

يا دكتور خجلت ليك صدقني ؟
طيب ما الذي تنكره على محمد حسبو الذي لم مبلغك هذا من الاستعلاء ؟

ول أبا كبر..

Quote: لكن الله يجازي محن محمد حسبو و بقية الرفاق.. خلوك يا ولد ابا تتكلم برندوك اليسار زي الترتيب..

رندوكـ اليسار متعالي وبستعصى على الفهم..
ولا يصلح توليفه في مجتماعاتنا..

ديك نقة عامة الشعب..

Quote: اسمعني.. اهلنا بيقولوا.. الكلمة الطيبة بتمرق الدبيب من جحرو..!

ده ما كلام جدتي الله يرحمها..

Quote: شكرا ليك يا حبيب و نشوفك هنك محل المراحليين و الجنجويد..و مراحيم الصين اياهم..

تقول أنثر بولوجيا البقارة..

أكرمو الضيف ولو كافر..
يا عبدالله ما تكون صابر..


ياخي..

البعاتي لا وجود له إلا في الخيالات المريضة وقصص تخويف الأطفال..



تسلم يا غالي..

عفوا ود الطالب
الوجوه الحائرة في انتظار دكتور السنوسي
اعتذاري عن وردها بعد مداخلتك مباشرة



عبد الرازق يحظر جلب مواد من المعاجم
مفهوم ؟

عفوا ود الطالب
الوجوه الحائرة في انتظار دكتور السنوسي
اعتذاري عن وردها بعد مداخلتك مباشرة



عبد الرازق يحظر جلب مواد من المعاجم
مفهوم ؟

Quote: أنا أعتقد انك شخص تملك زخيرة من العلم والمعرفة تؤهلك لأن تتصدر قائمة المبدعين بهذا البورد بيد أنك لا توظف هذه المعرفة إلا في المطاردات والمماحكات الصبيانية ولا تفعل ذلك إلا من مدخل الاعتقاد المطلق بأنك أعلم الاخرين بهذا المكان .. وهذا الأعتقاد المطلق بصحة رأيك هو الذي يجعلك لا تري في الدكتورة روزمين سوي هشام ادم ومحسن خالد حمار وشمس الدين السنوسي بردعة او محسن سيد والاخرين عبيد

دكتور شمس الدين
قمت بمراجعة البوست ولم أجد كلامك صحيحا
سآتيك به إن شئت
تعرف يا يا دكتور مشكلتكم الانفصام والتناقض

Quote: دكتور شمس الدين

Eid Saeed
I'm waiting for you

وانت طيب يا محمد إي سليمان
يعني فكيت البيرك من الحوار المأزوم بتاع ود جبر الله وقلت تجي تتسلى بهنا مش؟
طيب يا محمد أنا حأغير طريقتي في الحوار وأتبع تكتيكك ..
والحشاش يملا شبكتو

Quote: دكتور شمس الدين قمت بمراجعة البوست ولم أجد كلامك صحيحا سآتيك به إن شئت تعرف يا يا دكتور مشكلتكم الانفصام والتناقض

أقرأ الاقتباس الفوق دا وقول لي الغلط فيهو شنو؟؟

Quote: سآتيك به إن شئت

عيد أمبارك يا شمس

راجع البوست مرة ثانية (أو ربما في بوست ذي صلة )
ستجد أن هذا العبارة قدكتبت بواسطة الأخت دومة !!وطبعا عارفه كانت موجهة لمين
صدقني أول مرة تصادفني العبارة كانت الوقت داك !!
ثاني مرة كتبها بوجهي (راجل مرتو)

ومبارك عليك يا كوستاوي
وتحايا خاصة للأسرة

Quote: غير صحيح يا دكتور !!هذا لميرد في البوست !! ولماذا قدمت ما فهمته أنت عن مداخلتي وقد كانت ردا على مداخلتك جيب الرابط !!

انت عامل فيها مصحح لغة على الفاضي؟
كدي عاين لـ(لم) الفوق دي...
يمكن (تنفيك) من الوجود الاسفيري عديل
وأرجع أقرأ كلامك وشوف انت نفيت شنو
...
لم يرد ولم يورد

دكتور شمس الدين

Quote: انت عامل فيها مصحح لغة على الفاضي؟ كدي عاين لـ(لم) الفوق دي... يمكن (تنفيك) من الوجود الاسفيري عديل وأرجع أقرأ كلامك وشوف انت نفيت شنو ...

( لم يرد) صحيحة
أين المشكلة ؟
لكن اعتبرني مصحح لغة على الفاضي يا دكتور
واعتبر أن (لم ) تنفيني من الوجود الأسفيري
هذا كله لن يحلك
من أين أتيت بجزئية هشام آدم؟
أرجو أن تأتي بالاقتباس سريعا
لقد تركتك من قبل
لكني الآن لن أتركك
حتى تبين لي أين قلت إن روزمين هي هشام آدم
______________
درست لغة عربية (وين) يا دكتور ؟