Post: #1
Title: طلب مساعـدة عاجل للأخوة مهندسى المساحـة
Author: Abureesh
Date: 10-23-2008, 12:44 PM
ماهى الخطوات المطلوبة لتصميم و تنفيـذ رسم كروكى (ثلاث أبعاد) لمنطقـة فى مسـاحـة العاصمـة المثلثـة، أو بورتسـودان
من البحر وحتى مشـارف جبال البحر الأحمـر؟
والشكـر مقدمـا لكم جميعـا.
|
Post: #2
Title: Re: طلب مساعـدة عاجل للأخوة مهندسى المساحـة
Author: عبدالكريم الامين احمد
Date: 10-23-2008, 01:39 PM
Parent: #1
هلا يا ابو الريش
وسلامات ياخي
وقبل ما نمشي معاك لقدام يا ابو الريش من الضروري تورينا المساحة دي شكل الاشياء فيها كيف
هل تضاريس او مباني او ماذا...؟
ووثانيا الدقة الانت عاوزها لهذا الرسم (هل لتصاميم دقيقة) ام لشي اخر يجب تحديد الاستخدام المرجو من الخرطة
لانو الموضوع فيهو كم خيار وطريقة وكل طريقة لها دواعي استخدام وخاصة مساحتك المطلوبة كبيرة الحجم
وقد تصل احيانا للمسح الجوي...
في انتظارك علي احر من الجمر
|
Post: #3
Title: Re: طلب مساعـدة عاجل للأخوة مهندسى المساحـة
Author: Abureesh
Date: 10-23-2008, 03:33 PM
Parent: #2
Quote: ماهى الخطوات المطلوبة لتصميم و تنفيـذ رسم كروكى (ثلاث أبعاد) لمنطقـة فى مسـاحـة العاصمـة المثلثـة، أو بورتسـودان
من البحر وحتى مشـارف جبال البحر الأحمـر؟ Regionscape
وما هى الجهات والكفاءات والأليات التى يحتاج اليهـا فى الدراسـة؟
يوضوح الكنتـور للمنطقـة الكاملـة
والشكـر مقدمـا لكم جميعـا. |
الأخ عبد الكريـم،
الفــزاع..
الخرائط مطلوبة لإنشـاء بنيـة تحتيـة لمنطقـة كاملة، تحتوى على مدن ومزارع ومنتزهات وفنادق ومصـانـع.
فقد تحتاج الى التركيبات الجيولوجيـة و المياه الجوفيـة والسهول القابلة للزراعـة، والمرتفعات والشواطئ
الخ..
الخطوة التاليـة لهـذه الدراسـة ستكون عمل نماذج (Models) لل cityscaping and landscaping
المطلوب فى هـذه المرحلـة هـو تقديم خرائط ثلاثيـة الأبعـاد للمنطقـة.
وشكـرا على الإهتمام، وسـوف أناقش معك هـذا إن شاء الله عند عودتى للدوحـة، فأنا الأن فى بلاد السـور العظيم.
|
Post: #4
Title: Re: طلب مساعـدة عاجل للأخوة مهندسى المساحـة
Author: شكرى سليمان ماطوس
Date: 10-23-2008, 05:51 PM
Parent: #1
تحية و سلام يا ابوالريش
ليك و لمداخليكم و لضيوف البوست
سلام لأهلنا فى بلاد السور العظيم
كيكى، ما بقصر ربنا يديه العافية و الصحة
(بختك يا كيكى ... ماشة معاك الأيام دى)
_______
المدينة دى ما عاوزين ليها غاز و بترول
يعنى ممكن نلقى معاكم فرقة
ش
|
Post: #5
Title: Re: طلب مساعـدة عاجل للأخوة مهندسى المساحـة
Author: Abureesh
Date: 10-23-2008, 05:58 PM
Parent: #4
| Quote: المدينة دى ما عاوزين ليها غاز و بترول |
الأخ الفاضل شكـرى،
سلام وشكـرا على المرور والتعليق..
أكيـد حتحتاج لكل الخدمات، وعلى رأسهـا الطاقـة.
عندنا كيكى وشكرى الأن.. الما بقوم المدينـة شنو.. أتمنى أنك أيضـا فى منطقـة شمال شرق الخليج.
|
Post: #6
Title: Re: طلب مساعـدة عاجل للأخوة مهندسى المساحـة
Author: شكرى سليمان ماطوس
Date: 10-23-2008, 06:17 PM
Parent: #5
أبو ريش ياوريف
| Quote: أتمنى أنك أيضـا فى منطقـة شمال شرق الخليج. . |
كدى لما ترجع الدوحة،، بالسلامة
أطلب قطر للبترول 4774246 تلقانى "مصنقر"
و كان مستعجل كلم 5723216
يارااااااجــــــــــــــل !!!
-----
حاولت المسنجر لقيتو مهكـــــــر
ش
|
Post: #7
Title: Re: طلب مساعـدة عاجل للأخوة مهندسى المساحـة
Author: Abureesh
Date: 10-23-2008, 06:30 PM
Parent: #6
Quote: كدى لما ترجع الدوحة،، بالسلامة
أطلب قطر للبترول 4774246 تلقانى "مصنقر" |
ما تيب !
رقمى هنا (نحن 5 ساعات قدامنا!!!)
008613168753688
الأن 1:29 صباحا وعمك خلاص فى الرمق الأخيـر
|
Post: #8
Title: Re: طلب مساعـدة عاجل للأخوة مهندسى المساحـة
Author: عبدالكريم الامين احمد
Date: 10-23-2008, 06:46 PM
Parent: #5
هلا شكري وحباب ابو الريش
وكده الصورة وضحت يا ابو الريش وابشر يا زول امر مقضي...
الامر يتلخص في انتاج خرطة طبوغرافية لرقعة من الارض تبين كل الموجودات في هذه المساحة والارتفاعات
اول المطلوبات ممكن نسلسلها ليك كالاتي..
ا-موشرات عامة
1-كراسة المواصفات من الجهة الطالبة للامر
ودي كراسة يتحدد المعايير الهندسية والمواصفات المطلوبة ودقة العمل المساحي ....
2-القيد الزمني ايضا عامل مهم في مثل هذه الاعمال كونها كثيرة التفاصيل ...وتحتاج الي اعمال مساحية كثيرة ممكن نتكلم عنها لاحقا
وبتحدد للجهة المنفذة اتيام المساحة العاملة وتجهيزاتها الضرورية لانجاز هذا العمل من مهندسين وفنيين وعمال واعمال مساحية مكتبية واجهزة وعوامل مساعدة اخري
ترتيبات مساحية قبل بداية العمل المساحي
1-نقاط التحكم ونظام الاحداثيات المطلوبة (ودي نقاط اساسية وضرورية لبداية اي عمل مساحي في الارض)
ودائما تعمل الدول علي توزيعها بطريقة تسهل الوصول اليها في كل الاعمال وبالاضافة الي نظام الاحداثيات الخاصة بها...
2- ضرورة اختيار شركة مساحية لها القدرة والخبرة والكفاة الفنية العالية لتنفيذ هذا العمل مع الاطمئنان علي تاهيل مهندسيها فنيا واداريا
وامكانيات مرادفة من اجهزة ولوجست
.....
ملامح لطريقة تنفيذ العمل...
كل هذه العملية الضخمة الهدف منها لهدف منها انتاج خرطة ذات مقياس رسم صغير لرقعة كبيرة
1-توزيع نقاط التحكم في كل المنطقة المراد العمل فيها بطريقة تسهل العمل فيها ...(اي تكسير نقاط التحكم الكبري الي نقاط تحكم صغري ذات دقة عالية
من الدرجة الثانية)
1-يبداء علي عدة محاور...ولكن الاولوية يا ابوالريش تعطي للهدف الاولي وهو تجهيز الخرطة الاولي (الماستر) وهي تخلص
فلسفة المساحة الذهبية وهي العمل من الكل الي الجزء
ويتم في هذه الجزئية تجهيز خرطة كبري كلية للمنطقة وهي اساس التوزيع المساحي..وهي خرطة تحدد فقط (الشكل )
ويتم الاعتماد عليها في توزيع المنطقة الي (زونات) او مناطق عمل حتي يجري العمل في اكثر من منطقة حتي يتم انجاز العمل بسرعة ويسر...
.............................
في هذه العملية عموما يا ابوالريش يتم توزيع الاراضي او (الزونات) الي مربعات مربعات اي (GIRD)
وفي كل منطقة يتم رفع مساحي لكل الموجودات لتحديد امكنتها وقياس الارتفاعات مع التركيز الشديد علي مناطق الارتفاع العالي والمنخفض
يتم التعامل معها بصورة خاصة وتفاصيل اكثر ودقة اكثر حتي تظل ظاهرة في الخرطة بارتفاعتها (جبال وهضاب...مجاري مائية)ولاحقا ايضا ستظهر
النتاج في شكل خرطة كنتورية لكل المنطقة الكبري بكل تفاصيلها الارتفاعية...
ده مشروع كبير وضخم يا ابو الريش
وسرعة وكفاة الانجاز يعتمد علي نوعية الاجهزة المساحية المتوفرة
والمقدرات الفنية للجهة المنفذة والاهتمام العالي بصورة يومية
في تفاصيل كثيرة ادارية وفنية..وكلامات كثيرة يا ابو الريش ونحن في الخدمة اربعة وعشرين ساعة
|
Post: #9
Title: Re: طلب مساعـدة عاجل للأخوة مهندسى المساحـة
Author: Abureesh
Date: 10-24-2008, 00:20 AM
Parent: #8
شكـرا يا كيكى على هـذا المجهود الذى أعتبره بداية عملية للدراسـة.
والله انت معلوم ترتيب مال حاجات دا.. بعدين لازم نفرات كتير
الى اللقاء، ولو فى أى اوامر لأحضار شئ معى من هنا فعلى العين والراس، ساكون
عندكم بعد اسبوعين تلاتة إن شاء الله.
|
Post: #10
Title: Re: طلب مساعـدة عاجل للأخوة مهندسى المساحـة
Author: عبدالكريم الامين احمد
Date: 10-24-2008, 03:33 PM
Parent: #9
مراحب يا ابو الريش
وفي انتظارك في الدوحة بالتاكيد..
وكريم خان مافي معلوم زيادة ولكن هذا شوية هرباشات
|
Post: #11
Title: Re: طلب مساعـدة عاجل للأخوة مهندسى المساحـة
Author: Kostawi
Date: 10-24-2008, 04:30 PM
Parent: #10
كدى دقيقة
إنتوا قايلين الدنيا مهدية
و ينو ال permits
بتاعكم
و ال
Rights-of-Ways
و حق السمسارين و حق الزكاة
و خلوء المنطقة من الزلازل و الفئران و الجراد القارض و زبابة التسي تسي
و واطاتكم دي زاتا فيها مواد مشعة جالبة لكل أنواع السرطانيات و التبش
دايرين تستكرتونا
عريبي من البحرين
و عريبي صيني
|
Post: #12
Title: Re: طلب مساعـدة عاجل للأخوة مهندسى المساحـة
Author: Abureesh
Date: 10-24-2008, 07:22 PM
Parent: #11
Quote: دايرين تستكرتونا
عريبي من البحرين
و عريبي صيني |
كوستاوى مرحب بيك..
الزول البفلـع بالحجارة الناس تقول عليه مجنون..
يبقى البلقط الحجارة ويقعـد يفحصهـا نسميـه شنو؟
ياخ شكـرا على الإضافـة الثـرة المهمـة للغايـة، وفعلا مثل هـذا
النضمى يجب أن يبدأ به مشروع الدراسـة..
بس موضوع السمسـرة دا ما عندنـا، وزكاة التراب لسـه ما طلعت بيها
فتـوى.. وعندنـا لجنـة ذات صلاحيات تشريعية وتنفيذية، وأى زول
يحاول يسمسـر حيدوه أيام يقضيهـا فى خدمـة الحى، مثل كنس الشوارع، وبعدها
بنلقى ليه وظيفـة يسترزق منهـا إن شـاء الله.
Kostawi! welcome aboard
|
Post: #13
Title: Re: طلب مساعـدة عاجل للأخوة مهندسى المساحـة
Author: ابراهيم محمود الحاج احمد
Date: 10-24-2008, 08:20 PM
Parent: #12
صديقي العزيز أبو الريش
الرجل الكريم الطيب حبابك عشرة و مشتاقين ليك كثير
ابراهيم كعوك
نيوجرسي
|
Post: #14
Title: Re: طلب مساعـدة عاجل للأخوة مهندسى المساحـة
Author: Abureesh
Date: 10-25-2008, 00:51 AM
Parent: #13
الأخ والصديق الصدوق إبراهيم كعوك
سلام، وياخى انا دائما سـاكى تعليقاتك دى وارد عليها، واخلى مذكرة للإتصال،
ولكن يبدو انك ما قاعد تتابعهـا..
شكـرا على الكلمات الطيبات.. ياخ ارفع السماعـة فى المكتب الجوة جمب الكمبيوتر داك.
أو اتصل ياخ.. حتى الأم أس أن ما فى رد..
|
Post: #15
Title: حقوق العمال في مشروع أبوالريش + مقاسات الكعبة؟
Author: Al-Mansour Jaafar
Date: 10-25-2008, 01:31 AM
Parent: #1
القارئي الكريم
لعناية السادة أبوالريش، ودالأمين، كستاوي
الإحترام
السلام عليكم ورحمة الله
بالله يا إخوانا كان صدق مشروعكم ده ما تنسوا حقوق العمال العينية وحقوق العمال المالية:
السكن الصحي، بمرافق نظيفة وكريمة، المواصلات، الملابس الواقية، معالم وتعليمات السلامة والآمان، وجبتين طعام غير مخصومات من وقت العمل، تأمينات، مياه نظيفة، ودورات مياه في مكان العمل، إضاءة كافية، منع التلوث، رعاية صحية متكاملة، نشاط رياضي وثقافي، علاوات مالية وحوافز، شهادات خبرة وشهادات تفوق في الإنجاز (زمني أو نوعي). وحتى هدايا رمزية، ضمان المعاملة الكريمة لهم في الإجراءات وزيادة موظف أو إثنين لخدمة إشكالاتهم الإدارية، تحفيزهم على تكوين رابطة لشؤونهم، وفي كثير من الأحيان التعامل بجديةمع قضاياهم الخاصة (الإصابات، الوفيات، وفيات الأقارب، السلفيات المالية، الإجازات، العمل الإضافي، فالمشروع قبل مايكون إجراءات هو بشر عمال حتطلع عيونهم ودماءهم عشان يتبني ويقدروا هم يواصلوا الحياة إلى مشروع جديد.
وحتى لوالعمال جايباهم شركة كما هو مألوف فالمسآئل دي لازم تكون واضحة معاها ويتأكد منها من خلال العاملين مباشرة.
ولكم التقدير والإحترام والأمنيات بالنجاح والتوفيق و(السداد)
يا إخوانا في زول عارف مقاسات الكعبة كان القديمة الزمان ديك كان الجديدة؟
|
Post: #16
Title: Re: حقوق العمال في مشروع أبوالريش + مقاسات الكعبة؟
Author: Abureesh
Date: 10-25-2008, 02:27 AM
Parent: #15
عفوا
حذف للتكرار
|
Post: #17
Title: Re: حقوق العمال في مشروع أبوالريش + مقاسات الكعبة؟
Author: Abureesh
Date: 10-25-2008, 02:29 AM
Parent: #15
السيــد المنصـور،
شكـرا على المرور والتعليق..
شكـرا على الإضافـة القيمـة، وتأكد أن موضوع إدارة العمالة والموفظفين لن يكون خاضعـا لإجتهاداتنـا
مهما كانت مواقفنا من حقوق الإنسـان..
ستتولى هـذا إدارة مؤهلـة وعاليـة المهنيـة، وتعمل بشفافيـة منصوص عليهـا لتطبيق القانون.. ولو
لم تكن لوائحنـا أفضل من شروط مكاتب العمل فلن تكن أقل منهـا.
|
|