السطو المصور

فتح أحمد المرضي بوستاً لما يظنه صور؛
فقام تاج السر الملك بالسطو عليه بواسطة صوره الجد جد!

ما يثير الشفقة إنو - الفنان الكبير - أحمد المرضي عامل فيها
الود روحو رياضية؛ و مصر على رفد البوست بما يظنه صور!!

المثير أكثر للشفقة أنو تاج السر لم تأخذه شفقة بما
رسخ في أذهان العامة من أن أحمد المرضي فنان كبير.

غايتو جنس حسادة وحقد دفين ،
يعني عشان ما عرفت تصور فلفليه؟

انا شخصياً شايف إنو أحمد المرضي
فنان ، فنان .

Quote: انا شخصياً شايف إنو أحمد المرضي فنان ، فنان.

______
الفلفلية لا بأس بها .. بس الباقي
التقول مصورو ناجي الملك.

شنو يا ملاسي
البخلي المصور ابقىكاتب
والكاتب ابقى مصور
بعدين ما تنزل لينا
المعرض ده عشان
نشوف معاك ونحكم !!
من عملت الماجستير وفاتح لينا !ّ!!!

Quote: البخلي المصور ابقى كاتب والكاتب ابقى مصور

السؤال يا خال هو: شنو البيخلي الرسام يبقى مصور .. أو يحاول يبقى مصور.

ملاسي

كل هكر وانت طيب

مش في حاجة اسمها فنان شامل

Quote: مش في حاجة اسمها فنان شامل

في .. بس لمن الشامل ما يكون شامل
بيحصل عليهو زي الحصل على أحمد المرضي.


_____
و انت طيب يا خليل.

أحمد المرضي فنان
و تاج السر الملك فنان

و الفن بكل دروبه وسيلة توصيل أفكار و قيم إنسانية للمجتمع,
و تقييم الناس للفن مقرون بتنوع مشاربهم الثقافية و المعرفية

ملاسي أمشي شوف ليك شغلة أو أرجع المدرسة و أعمل ليك دكتوراه و بعد داك تعال إتكلم فى ال ABC بتاعة الفن

الكلام دا وين؟؟؟
خلونا نمشي نستمتع بافن الاتنييين







_____________
بس اوعى تقول لي هناك
لاني فعلا مابمشي هناك

Quote: الكلام دا وين؟؟؟

مش شغلكـ










_________
احتياطا كدا .. دا الهكر

تلقاك انت زاتك ماعارف زي واحد







____________
نمرة تلفوني العندك دي عليك الله استعملها

الهكر شالا مع المسنجر

ود الصايم وراوية دا اللنك
http://sudaneseonline.com/forum/viewtopic.php?t=2509&post...358f57cd19d27e688c50


وللفنانين الرائعين
أحمد المرضى والملك
وافر الحب والأحترام





التعديل :ماهو أى زول يدخل فى بوست زى دا لازم يعمل حسابه

لقد كان والدك الأستاذ ابراهيم ملاسى عليه رحمة الله ورضوانه هو استاذ علم الأحياء وقد درسنا هذه المادة فى بداية الستينيات من القرن الماضى بمدرسة عطبرة الثانوية وقد كان الراحل مسرحياً يكتب المسرحيات ويمثلها معنا وكان فناناً يرسم وكان مصوراً ويشاركنا فى تحرير الجرائد الحائطية
ويمدنا بالصوروكنا نحتفظ معه بعلاقات حميمة وتواصل حتى وفاته.
اللهم أحسن إليه وأسكنه فى نعيم مقيم.

بعد تميز تشكيلي أو اتنين في الفتوغرافيا؛ ظن بقيتهم إنو أي تشكيلي بالضرورة فوتوغرافي؛
فأصبحنا نشاهد لهم معارض فوتوغرافية في الخرطوم أقل ما يمكن أن توصف به أنها مضحكة.

Quote: بس اوعى تقول لي هناك لاني فعلا مابمشي هناك

لحسن الحظ إنو – فعلاً – بهناك.

و لأن ليست هنالك سوى الفلفلية لذا نراها
تطفو من صفحة لأخرى كطبقة زيت تأبي التواري.

و لما نفذت فلفليته قام بتلوينها .. مبالغة

كفاك يا أحمد و للا يزيدك

تعرف يا ملاسي
أول مرة أمشي الحتة ديكـ من رابط روزمين دا!

Quote: كفاك يا أحمد و للا يزيدك

أتوقع أن الأمر تعدى مرحلة الزيادة إلى الإغراق!

شكراً يا روزمين بغض النظر عن غرضك من جلب الرابط.

Quote: التقول مصورو ناجي الملك.

هسي يا ملاسي اخوي الكاشف دا مالك عليه
بعدين دا شيخ مصوري الانترنت على قول عفيفي

Quote: أتوقع أن الأمر تعدى مرحلة الزيادة إلى الإغراق!

المعلق المصري علي زيوار كان يصف أي هزيمة تتعدى 2/صفر بالعلقة.

ذلك؛ بينما تهتف الجماهير في الإستاد: حرااام .. كفااااية .. حرااام .. كفااااية.

بعد الإضطلاع على الرابط
وجدتني لاشعورياً أقوم بعمل save picture as لكل الصور التي قام الـ(مبدع) تاج السر بإدراجها في البوست ووضعها في فولدر خاص وأتجاهل تماماً جميع الصور الأخرى .

حتى بت أتوقع أن سيسلق الفلفلية و يقدم صورتها
بعد إضافة قليل من الملح و زيت الزيتون.

يمين يا ملاسي

تعليقاتكـ دي أخير منها عمليات (إغراق) تاج السر الملكـ

بصفتي زميل صنعة وليست مهنة
فانا صعقت لانتاج الملك (فنان كبير)
وتسالت عن اعمال المرضي ...
فهي تفتقد لل
Proper Technique
واكاد اجزم بانها ناتج ال
Auto-setup

Quote: بعد الإضطلاع على الرابط

سلامت ضلعك

حسين !!

Quote: حتى بت أتوقع أن سيسلق الفلفلية و يقدم صورتها بعد إضافة قليل من الملح و زيت الزيتون.

كل واحد يخلل فلفلايه ....

خل للللللللللوهـ !


انتو ما بتخللللوهوش ليه ؟؟ ,,,,


والله انا بتلايق لياقه صباحية ولا شفت البوست ولا ناوية

جنى وجن الصور يا اشووف عدييييل كدا يا بلاش ...

بعدين الناس البصورو الناس ديل ... فى المحافل وكدا

بمنعوا الناس القاعدين وحاضرين يشوفوا عشان خاطر

يوروا ناس مافيشين ،،، تصدق ؟

التشكيك فى تصوير الملك (يا قولك)
لا يشابهه تشكيك الا التشكيك فى دكتوراة منصور خالد ..















ــــــــــــــ
حسين ... انت ما بجيبوك فى شاهد على العصر ليه ياخ ؟؟
او حتى بالعدم فى اسماء فى حياتنا ؟؟
مش خلاص عملت الماجستير .. وحجيت ؟

معروف سند
أعصابك


إنتو وقت مابتقدروا على الكلام البتقولو
بتكتبو ليه ؟؟!!!

Quote: إنتو وقت مابتقدروا على الكلام البتقولو بتكتبو ليه ؟؟!!!

يا محمد فرح

تصدق وتآمن بالله انا عدلت لانو قبضت روحي كاتب كلمة

"سلامت" (البعدها نظرك)

كنتا كاتبا "سلامة" نظرك

ولحدي اسي داخلني فيها شك

الظاهر الواحد لو قعد معاكم هنا كتير حالتو حتدهور

أقصد ضلعك

اندفاع المرضي للإمام و إصراره على التعويض بإنزال المزيد مما يظنه صور؛
جعل مرماه يستقبل المزيد - و المزيد - من الأهداف.

أرحم نفسك يا أحمد.

.

عرفنا التصوير .. حتى التحفيز غالبك تكتبها صاح يا المرضي!!

_____
فالج لا تعالج.

*

.

]

وماذا عن طلال عفيفي الذي جاء –برضو- بحديث غير جاد عن الحسد وما الحسد،
حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت
برضك متشعبط التصوير ساكت؟

والله يا محسن يا انا ما متشعبط في التصوير ساكت ، أبداً ... متشعبط فيهو
محبة وبعين قوية ... وكمان معجب جداً وأيما إعجاب بفوتوغرافيا المرضي ،
لأني شايف إنو لاقط حالة حية من حاجة بنعتبرا ساكنه . وعبرت عن ده بقولي
إنو أحمد فنان ، ودي شهادة ما بيحتاج ليها أحمد مني .
كما إني بأعتبر الفنون دي حالة من الأداء والتذوق ، ما بيحسما في النهاية
حسين ملاسي ولا محسن خالد (ولا أي واحد تاني ) لأنها خاضعة لمسألة إلتقاط
خفيف ومحب للحالة نفسها ، يعني إنها مش فيزيا ولا كيميا يا خال .

مهماً كتب حسين عن تصاوير أحمد ، فإن تصاوير أحمد بتعبر عن نفسها بمنأى
رأي حسين أو طلال أو عبد الجبار (أو محسن ، لو سمحت ) .

ولسه مليان إصرار إنو صور الفلفلية جميلة .

تحياتي يا فرده .

Quote: السؤال يا خال هو: شنو البيخلي الرسام يبقى مصور .. أو يحاول يبقى مصور.

غايتو سؤال نموذجى يدل على العقلية الملاسية فعلا..

كنت دائما (ولا زلت) أعتقد ان الرسام هو: مصور
وكنت زمان أعتقد ان ملاسى : شاطر فى اللغة العربية





____

ملاسى لا فن ولا ذائقة ما عندك ياكافى البلا ؟!
والله ماأنصفت الرجل ..

Quote: شكراً يا روزمين بغض النظر عن غرضك من جلب الرابط.

لاكن ما بالغتا يا محسن
عندما قلت لك انني من مدة طويلة توقفت عن
التوقيع في اي بيانات جماعية وافضل ان ادون مواقفي بكلماتي
ولا اعدل اي مداخلات ولكن اكتب مداخلة للتعديل..
شكرتني يامحسن وقلت لي انك لاتحب ان تؤجل رد معروف
وذودتني بنصيحة اراك اليوم تعمل بخلافها:
الم تقل لي يومها: لاتجامل في فن ولاماكل
فكلاهما غذاء وياويلك ان فعلت
فتاكل مالاتريد وتجبر على تذوق مالاتستذيق...
واياك وان تتمهل في اللحاق بمن تحب او البخل
بنصره على نفسه...
؟؟؟؟؟
اخوك وليد صفوت

*

بالمناسبة فى حاجة مهمة حقو الناس تلتفت ليها.

انا من المتابعين للبوست المذكور من بدايته فى سودان فوراوول
و حتى احتفظت باحدى صور المرضى كخلفية لجهازى منذ ذاك الوقت و حتى الان
و بدت لى مشاركة تاج السر اٍيجابية فى رفد و تنويع اساليب الشغل و الابداع
و لم اتصورها فى صيغة منافسة للمرضى على اى حال، لكن حفيد الباشبزق هذا جرف
الناس فجاءة بسوء نيته المعهود و طريقتة تفكيره المريضه الى هذا الاٍتجاه


ارجو ان نتحرى الدقة فى تقيم الامر لان المرضى و الملك اكيد لا ينظرا اليه
من هذه النافذة المسمومــة بالحسد الذى لا يتوفر الا عند باشبزوق كبير

Quote: لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين

الله فوقك يا محسن خالد، والله مشتاقين.

لا حولا
ملاسي ح تسكت ليه ؟ أوعك
غايتو حميدة محظوظ بالإيقاف لما يجي راجع بتكون اتنست
لكن انت الله يعينك



اقترح تتسداها في كمال الجزولي - كالعادة

Quote: تطفو من صفحة لأخرى كطبقة زيت تأبي التواري.

تأبى










..

الأخ ملاسي،،
تصاوير ورسومات الفنانين المرضي والملك رائعة حد الدهشة،،
لا اظنك تقصد تبخيسها او التقليل من جمالها،،

قرصة خفيفة:
اظنك قد نسيت أن ترد على مداخلة سعادة العميد محمد أحمد الريح عن والدك الكريم،،


فتح الباري

..

.

حمداً لله يا خطاب أن جاءت مداخلتك نقطة؛
فقد سئمت أخطاء المبدعين الإملائية.

*
شكرا ياحسين

*

لا حولا
ملاسي ح تسكت ليه ؟ أوعك
غايتو حميدة محظوظ بالإيقاف لما يجي راجع بتكون اتنست
لكن انت الله يعينك



اقترح تتسداها في كمال الجزولي - كالعادة

ذلك ما كان من أمر أحمد المرضي و كل تشكيلي
يظن أن منتهى الأمر امتلاكه لكاميرا ديجيتال.

سأعود – لاحقاً - للبنات العريانات المصورن تاج السر ؛
أو ما يطلق عليهن إبداعياً الموديلات العارية.

السيد ملاسي

Quote: فتح أحمد المرضي بوستاً لما يظنه صور؛ فقام تاج السر الملك بالسطو عليه بواسطة صوره الجد جد!

يمكن أن يرد هذا التعليق علي لسان ناقد

وليس علي لسان متلقي

لأن الناقد هو الشخص المؤهل لذلك وليس أنت

فأنت يمكنك القول:

والله ماعجبني تصوير أحمد المرضي لكين عجبني تصوير تاج السر الملك

زول بسألك مافي لأنو دا رأيك الشخصي ودا من حقك وغلطان البسألك

لأن الفنون الجمالية للتذوق فقط

وإنت وذوقك


ولكن أن تقارن بصور موضوعيه فهذا ليس من شأنك

Quote: السؤال يا خال هو: شنو البيخلي الرسام يبقى مصور .. أو يحاول يبقى مصور.

يدرس التصوير كماده في كلية الفنون

كما يدرس الرسم والتلوين والنحت والخزف و .. و ..

وهي بالنسبه للفنان أدوات يستطيع بواسطتها عكس قيم فنيه للمتلقي

كل الناس بيحسو بالجمال والفنان يستطيع أن يعكس ذلك عن طريق هذه الأدوات دي

بعدين لعلمك معرض الفنون ما بفكرة معرض المنتجات ولا معرض السيارات . . .

إنما الفكره عرض تجربة معينه بمعالجات معينه ويدعو لها النقاد والمتلقين

فأكتب كمتلقي لا كناقد

وما تزعل من كلامي دا

يعلم الله قاصد الفايدة

وكان داير يا ملاسي ممكن أن أحدثك عن الفن والفنانين من أول تعريف للفن لحدي أسي


إحتراماتي

Quote: يدرس التصوير كماده في كلية الفنون

و الحالة درس تصوير في كلية الفنون

Quote: وكان داير يا ملاسي ممكن أن أحدثك عن الفن والفنانين من أول تعريف للفن لحدي أسي

لا تحدثني و لا أحدثك .. فالصور تتحدث عن نفسها و هي مفوهة أكثر مما تظن.

Quote: لاتحدثني و لا أحدثك .. فالصور تتحدث عن نفسها و هي مفوهة أكثر مما تظن.

في هذا المقام فأنا أعرف ولا أظن . .

لذلك يمكنني أن أحدثك

لتبادل الفائده ولتفادي الحديث عن ما نجهل

ولك أن تقبل أو ترفض

إحتراماتي

لا بأس يا سيد الهادي .. أمام إصرارك هذا لا يمكنني إلا أن أوفق على
أن تحدثني "عن الفن والفنانين من أول تعريف للفن لحدي أسي" .. اتفضل ...

Quote: كنت دائما (ولا زلت) أعتقد ان الرسام هو: مصور

قطعاً هي نفس الفكرة التي تملكت أحمد المرضي و بقية التشكيليين
الذين زحموا الخرطوم بمعارضهم الفوتوغرافية المضحكة.

السيد ملاسي

ساجمع وأرتب الماده

وألي ذلك الحين أرجو - من أجل الفائده للجميع- إن تحلل لنا هذه الاعمال

بصور موضوعيه ، كناقد

لأننا لم نقرأ إلا رأيك الشخصي


إحتراماتي

Quote: ساجمع وأرتب الماده

السيد الهادي .. وكت ما عندك مادة مجمعة
و مرتبة مالك شابكي من قبيل: أحدثك .. أحدثك

_____
إياك و قوقل.

( سلام لمن يستحق

رسالة من الصاحب محسن كسرت مؤقتا الخلوة الاختيارية ... حوارات و مفاكرات كتيرة مدوره مع الذات و مع ناس تانية لانو واضح او وضح ان ما يعتقد البعض انه بديهي او متفق عليه ليس بذلك وان هناك "خلل ـ شروخات" في مفاصل كثيرة ....
اود مشاركة ما فيها مع اصحاب هموم مفاكرات و دنيا تانيين ـ عنهم الكراون, المرضي ،طلال -

محسن هبش بعض ما اراه مهم، اختلف مع بعض الاراء/الافكار الواردة هنا لكنها قطعا تزعج هذا السكون خاوى الضجيج

معليش يا محسن لنشر الرسالة دون استشارتك، العريبي العبو)

...

هذا ما جاد به .. الزميل .. من مكاتباته وصديقه محسن .. ولحكمه ارتاّها .. عصام
انزلها الينا فى هذا ..... الذى افترعه حسين ..
..
.
. سأعمل على انزالها .. اذا لم يطلع البعض عليها
. واتمنى ان اكون قد تخطيت .. حصة الاملاء
. فلا اكرر او اعيد *..
.


.

*
( صدقنى ما بقدر أعيد )
بعد الاستئذان ..
من الشاعر .. المغنى والكورس
فنى التسجيل والشركات المُنتجه
.

.

..
.. شابكي ..
........
...

Quote: Quote: يا أخَ البنات، أمَّا مشتاقين، وجدتُ رسالتك في بريد البيت وحاولت أخابرك فعلا، ولم يجبني أحد، يا عملات الحرم بت حاج طيفور -ويا حليلها- الله ما أراد. كيفك يا عزيزي في دهسيرة الحياة ومقافيها المشتيّة؟ لقد ارتحت قليلاً من العتالة في شوالات بطاطس متاجر آسدا الإنجليزية ويبدو أنَّني ارتقيتُ كثيراً بعثوري على وظيفة مكتبية جيدة جداً إن لم تكن ممتازة عديل، أهداني لها الصديق سيف بشير مشكوراً، فالرجل أهمَّه أمري منذ قدومي إلى هذه البلاد، وصَرَّح لي بأنّ راحتي في العمل قد تُسهم في إضاءات مجاورة على واقعنا الثقافي كما يزعم سيف بشير وهو مخيّر في زعمه هذا، وله جزيل الشكر مرة ثانية على لُطف هذا الظن. المهم رجعنا تاني لحكاية العمل بوسط مكاتب ثقافية ويبدو أنني أفتقد دفء أشياء لن تكون لها شمسٌ ما بقي الإنسان ناجعاً وشريداً ببوادي الجليد هذي. لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً صار مثلهم. ياخي في واحد من شباب البورد ديل زمان قال، إنو وردي دا يغني بس، لكن ما ينضم حول الغناء. والجماعة يشيلوا ويأمنوا علي كلام الراجل الحكيم دا. وردي لمَّا كان أستاذ تربية فنيّة في شندي –يعني لما كان بنضم حول الغناء وغيره من الفنون- أمّي البتولا بت المُوفد كانت شافعة ترد المياه من الحفائر، تتفتّح الأزاهير حيث تطأ وأينما ما اتجهت لأنّها النبتة تحمل الماء. تخيّل أن يُكرّس فنان حياته كلّها لينجز نفسه في صالح الفنون ورصيدها، ويأتي أي مفعوص وأغلف من نوع –القنيط- حميدة عشان يوريهو ما يُقال وما لا يُقال. وهذا ليس بالأمر الخطير، أبداً يا عزيزي عصام، فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة"، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون، ويات من عندو باسويرد بقى ياهو معزوم علي الفنون والمعارف الجمالية وغير الجمالية، والفلسفة ذاتها يا زول، تنقد الرهيفة يا أيها الفلاسفة المختبؤون حيث هو مكتوب (اكشط هنا scratch here) كما في الكرتلّة، وحينما تكشط على كرتلّة البورد مستخدماً الباسويرد بدلاً عن قطعة عُمْلة –فجأة كدا- تظهر لك رموز وأكواد هؤلاء الفلاسفة. أتفضّلوا، سقراط يأكل السم اللّسمموا. كنتُ أتوقّع أن يدخل تاج السر، ويقول لهؤلاء المتشعلقين ولكبيرهم القنيط "أب شيبة"، ما يجب أن يقال، ولكن السؤال هل هو منتفع من هذا التغوُّل العامّي والركيك، لذائقة فقيرة وجاهلة، قُصاد ذائقة أخرى ترى أنَّه من سابع الشاهقات الخوض مع أمثال هذا اللزج –والدعي الجاهل- ملاسي في حديث عن الفنون. ولكن ماذا عن الملك؟ سطر واحد منه لملاسي مثل: أعرض عن هذا يا ملاسي، ألم يكن مفيداً؟ أما كان من المحتمل أن يسبّب له حرجاً؟ إن بقيت مع ملاسي مزعة حرج! وماذا عن طلال عفيفي الذي جاء –برضو- بحديث غير جاد عن الحسد وما الحسد، حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت برضك متشعبط التصوير ساكت؟ الفنون ياتها، والمعارف شِنْها، التطير عيشتها مع المتشعلقين ومع أجناس البُغاث ملاسي وحميدة وبعوضة وكشاشة وزنّانة، ونقريطة، وإلخ. صدّقني يا عصام ما أغاظني هو سكوت هذا التاج، ياخي إنّي محسن ود البتولا دا، لن أسمح لأي أحد بخلق دعاية رخيصة لي في وجه فنّان أراه فعلاً فنّاناً وإن كان مستواه أقل منّي، وشأنه أصغر منّي، هذه مواصلة لمسألة (تقاليد المجال) التي تحدثت عنها سابقاً. لن أدع –من لا دخل له- بما نحن فيه، ينحشر بيني وبين من هو رفيق درب، مهما كانت رؤاي الخاصّة عن ذاتي وعنه، ومهما بعدت الشقة بيننا في تقدير الأمور وفي الرؤى. لقد رأيتَ بنفسك كيف كنت أعزل من جاؤوا للنيل من سودانوفورل عبري، لأنّ ما يجمعني بنفر فور أول الثلاثة، لا يجمعني بهؤلاء الناقمين من حيث لا أعرف نقمتهم ولا قصتهم. هذا التزام منّي بعدم العشوائية وسوقية وابتذال الأُسس. لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين

..
.
.

السيد ملاسي

Quote: السيد الهادي .. وكت ما عندك مادة مجمعة و مرتبة مالك شابكي من قبيل: أحدثك .. أحدثك

أشكر لك سعة صدرك

وأشكر لك الإحترافيه في التحاور

ما أحدثك عنه فهو مجالي ومعرفتي به أفضل من معرفتك ولكن من الواجب في هذا المقام

أن يأتي المتحدث بنصوص ومراجع حفظا لحقوق الآخرين

بعدين قوقل دا ما دمت عارف إنو فيهو معرفه زي دي كان تفتش تقرأ عشان ماتكتب كلام ساي

أتمني أن تدخل قوقل وتقرأ شوية حاجات عن الموضوع دا وتحلل لينا بصوره موضوعيه

عشان الناس يقدروا يتداخلوا معاك في الموضوع وبي موضوعيه


إحتراماتي

Quote: يمكن أن يرد هذا التعليق علي لسان ناقد وليس علي لسان متلقي

الله ينور عليك يا استاذ عمار تفهمني الحتة دي
والفرق شنو بين سطرين ملاسي والسطر الكتيته ليهو انت وقلت ليهو قولو بدل التعليق بتاعه اول البوست
والقلت عليهو كلام يطلع من لسان ناقد وليس لسان متلقي






احتراماتي انا برضو


______________________
انا في البوست دا الليلة يا ابقى مثقفة يا اخلي ليكم الحتة دي كو كلو

الأستاذه راويه

آسف علي التأخير

Quote: يمكن أن يرد هذا التعليق علي لسان ناقد وليس علي لسان متلقي الله ينور عليك يا استاذ عمار تفهمني الحتة دي والفرق شنو بين سطرين ملاسي والسطر الكتيته ليهو انت وقلت ليهو قولو بدل التعليق بتاعه اول البوست والقلت عليهو كلام يطلع من لسان ناقد وليس لسان متلقي

مدخل البوست

Quote: فتح أحمد المرضي بوستاً لما يظنه صور؛ فقام تاج السر الملك بالسطو عليه بواسطة صوره الجد جد!

أقصد بنقد موضوعي إنو السيد ملاسي يقول لينا صور أحمد المرضي دي مشكلتها شنو ؟
في مشكله في موضوع الصوره ؟ في مشكله معالجة الضوء ؟ في مشكله في زوايا الصوره ؟ في مشكله في خلفية الصوره و؟ و؟
وليه صور تاج السر أحسن منها ؟ ما دام عمل مقارنه بينهم
ديل النقاد بقولوا كده

والمتذوقون -وأنا واحد منهم- فله أن يبدي رأيه- وله كامل الحق في ذلك - فإن كان سلباً فليوضح أسباب ذلك إن كانت بموضوعيه
أو يقل أعجبتني هذا ولم يعجبني ذاك دون أن يبخس مجهود الآخرين

صوبيني إن أخطأت

إحتراماتي

Quote: فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة"، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون،

محسن خالد..!!

والله مافى مفعوص فى الدنيا دى غيرك..

وكتر خيرنا..نحن (المفعوصين والمفعوصات والرجرجة ) ..فمن غيرنا توجك الها للابداع..
حتى تدخل الى جنته وتخرج من تشاء..؟!

نستاهل نحنا ذاتو..أكتر من كده ..
هسه فرقك شنو من ملاسى ؟!!

Quote: وكتر خيرنا..نحن (المفعوصين والمفعوصات والرجرجة ) ..فمن غيرنا توجك الها للابداع.. حتى تدخل الى جنته وتخرج من تشاء..؟! نستاهل نحنا ذاتو..أكتر من كده ..

يا آمنة مختار نحن من زماآآآآآآآآآآآآآآآآن قعد نقول في
شنو ؟من زمن الخرطوم خمر شديدة الإسكار (إصلاح قراءة العوام )
لكن لا يسمع لقصير أمر !!

في انتظار أن يقوم السيد الهادي بجمع و ترتيب مادة مجاله و معرفته
التي سيحدثنا فيها عن "الفن والفنانين من أول تعريف للفن لحدي أسي".

السيد ملاسي

Quote: في انتظار أن يقوم السيد الهادي بجمع و ترتيب مادة مجاله و معرفته التي سيحدثنا فيها عن "الفن والفنانين من أول تعريف للفن لحدي أسي".

بكل سرور




وحتي ذلك الحين في إنتظار نقدك البناء وتحليلك للأعمال

عشان مسأله فلفلايه وزيت وغرقانه ما مفيده ليك ولا لي باقي الناس

فأرجو شاكراً تفضلك بالنقد الموضوعي

لا أعتقد إنو في داعي للسخريه من مجهود الغير حتي وإت رأيت أنه متواضع


إحتراماتي

يا اخ عمار الهادي
سلام..
يازول ملاسي شنو العاوزو كمان يقدم ليك روية ونقدية عن التصاوير وهيك نقة واركلوجية
زولناده قاعد (امفكو) ساااااكت وماعندو حاجة وكيسو فاضي كمان....
نموذج للمفلكب الواقف ليهو في تل ملي بالدراب ويرمي فيه من طرف لارضاء ذاته المفلكبة...
ولو لحق قدم روية نقدية عن صورة واااحدة حرم يحصل ليه ارتجاج في المخيخ..
فما تحلم بعالم نقدي وريف مع هيك مرجف اسفيري

Quote: سأعود – لاحقاً - للبنات العريانات المصورن تاج السر ؛ أو ما يطلق عليهن إبداعياً الموديلات العارية

لاحظ عزيزي القاري
المنحي النقدي وكيرفه عن الناقد الفني ملاسي
ساعود الي البنات العريانات
بنات عريانات..!!!.
قوووم لف ياخي انت ناقد ولا بوليس اداب..
كدي الليلة ابقي قدر كلامك وعود للبنات العريانات يا ملاسي عشان افرج فيك العالمين

Quote: افرج فيك العالمين

كيكي يا عمك...
اشك تلقى عالمين تتفرج بعد شو الآسات أعلاه
ح يظل في العرض حتى الأرشفة الجاية او التهكير الجاي - ايهما اقرب

Quote: ح يظل في العرض حتى الأرشفة الجاية او التهكير الجاي - ايهما اقرب

شايف في صراع حول العالمين ما بين ثنائية محسن خالد الرهيبة ومقولة غنماية الدقيق المدهشة
وياريت نلقي لحكاية البنات العريانات ديل فرقة في النص
في مولد الود ملاسي ده...

ملاسي الداير يرجع للبنات العريانات
يخس...!!

بعدين انا المحيرني
انو زول حاصلة ليهو امفكوية نقدية وفكرية حادة..وقال عاوز يرجع للبنات العريانات كيف يستوي هذا الامر يا قوم

عموما اي عودة من ملاسي لسيرة البنات العريانات
تعني عودتنا هنا ايضا في الاستديو الي (ملاسي العريان)...
ديك تعرية من هدوم
وهنا ستكون تعرية من روية نقدية فنية وفكرية ..
وكلو تعرية مضروب في تعرية i.e(تعريتين والحجر في محلو)

عفوا ملاسى

مسحت المداخلة لأنى لا أعتقد أنه وقت مناسب للمزاح الثقيل
الذى ظننت أنه يشابه ما تفعل بالأخرين (لكن يبدو أن الموضوع أكبر مما كنت أتخيل,وأكبر من مزحة بائخة)

عموما رغم كل ما تفعل تظل زميلنا الذى يعشق أذية الآخرين ونتأذى نحن من أذية الآخرين ومما يؤذيه ويتعرض له هو نفسه .



أمر مؤسف حقا .....

Quote: لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً

يحيرني بحق أمر العوام والرجرجة والدهماء
الذي يشتمهم محسن خالد ويرقصون له
وعدد منهم تداخل بهذا البوست نكاية في ملاسي
بختك يا محسن جمهور من الأغبياء تستخف بهم ويطربون
اللهم لا حسادة





















_______________
من ورده شك أني أعنيه فليحول شكه إلى يقين

Quote: لكن لا يسمع لقصير أمر !!

و إني أشهد هنا بأن الحبشي قصير (القامة) .





_
ما عارف المداخلة دي ح تخليني مع الحنابرة ولا لا !!
سلامات يا حسين.

Quote: وهنا ستكون تعرية

يا قول البني سويفيين - الجنازة - لازم تلطُموا فيها ,,
ياكيكي الراجل ده وقع في يدكم ولافي بلاعة..

Quote: ياكيكي الراجل ده وقع في يدكم ولافي بلاعة..

الراجل يا مجاهد واقع في بلاعة من زمااااااان
وقلنا مع (النيو لوك )والولاية الجديد في العصر الاوبامي نبني ليها بالوعة وليس بلاعة جديدة
لزوم المكوة

بالوعة حنسميها بالوعة تصاوير البنات العريانة في حضرة ملاسي صاحب السلوك العريانة

!!!

Quote: انو زول حاصلة ليهو امفكوية نقدية وفكرية حادة..وقال عاوز يرجع للبنات العريانات كيف يستوي هذا الامر يا قوم

يخرب عقلك كيكي ..!!

دا كلام شنو دا

ثبت أن تلويح السيد الهادي بالحديث - في ما قال انه مجال معرفته -
عن "الفن والفنانين من أول تعريف للفن لحدي أسي" .. مجرد هراء.

السيد ملاسي

Quote: ثبت أن تلويح السيد الهادي بالحديث - في ما قال انه مجال معرفته - عن "الفن والفنانين من أول تعريف للفن لحدي أسي" .. مجرد هراء.

لا أعتقد أنك قرأت مداخلتي الأخيره

عموماً المسأله زي ماقلت ليك من البدايه ما نصر وهزيمه

المسأله مسأله مسئو ليه عن ما نكتب و مسأله فائده

وحديثي عن الفن ليس هراءً لأن ما سأكتبه ليس من عندي فهو أقوال وتحليلات لنقاد وكتّاب مشهود لهم وفي إعتقادي أنه لا صعوبه في ذلك بل أعتقد أن ملاسي أيضاً يستطيع ذلك ولا شنو

وكل هذا من أجل أن تعرف عن ماذا تكتب


ولأن الماده تحتاج قليل من الزمن أرجو إنو تطوّل بالك معاي

لكن لاأعتقد أن رأيك الموضوعي في الصور دي بيحتاج زمن قدر دا

عموماً لو ماعندك رأي موضوعي كلمنا عشان ننسي الموضوع دا

ولا إنت راجي كلامي البكتبو عشان تقدر بعد داك تكتب بي موضوعيه

إذا كان كده برضو مافي مشكله بس وريني

إحتراماتي

Quote: ولأن الماده تحتاج قليل من الزمن أرجو إنو تطوّل بالك معاي

قليل من الزمن زي كم كدا يا سيد الهادي؟!

السيد ملاسي

محاوله مكشوفه للهروب

كنت أتمني أن تكون موضوعي في النقاش علي الأقل مادمت تصر علي عدم الموضوعيه في النقد

متي تعود إلي الموضوعيه . . إعود

مع السلامه

إحتراماتي

لقد أصبح سودانيز رجّة ديوان كبير أو صالة نساء كبيرة
**********
لأغلبية الجهلاء المغنطيسوميكانيكية
*********
ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته
*********
وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين
*********
في قطيع جُهّال هنا
********
كما في الكرتلّة
********
التغوُّل العامّي والركيك
********
لذائقة فقيرة وجاهلة
___________________________________

صاله نساء؟ رجه؟ جهلاء؟ بغاث؟ حنبره؟ رجرجه؟جهال؟ كرتله؟ ذائقه فقيره و جاهله؟

الياهو فهم العساكر الحاكمينكم و ما راضين بيهم, وما انكرتم من زمانكم فانما افسده عليكم عملكم

صدق الحديث فيكم:

" أعمالكم عمالكم كما تكونوا يولى عليكم "
وما خاتي عليكم عبد الملك بن مروان : ما أنصفتمونا يا معشر الرعية ، تريدون منا سيرة أبي بكر وعمر ولا تسيرون فينا ولا في أنفسكم .

انت يا محسن خالد شايف روحك احسن من الناس الاتداخلو هنا و قالو رايهم ديل لانك فناااان وذواااق و ما جاهل والعساكر شايفين روحهم احسن مننا لانه احنا رجرجه و بغاث و جهلاء و ما عارفين مصلحتنا ولا بنفهم احسن منهم
you are even
زعلانين مالكم سمح؟

و كمان عفوك من شيل شوالات البطاطس في اسدا عشان تعلمنا؟









صاله نساء دي شنو بالله؟
الجهلوله الكبيره الحنبره و علي قول الهاكر، الحنطوره

رحاب

كتب السيد الهادي - الذي أرجح أن احتراماتي التي
يذيل بها مداخلاته قد صرفت له مع كلمة المرور - الآتي:

Quote: وكان داير يا ملاسي ممكن أن أحدثك عن الفن والفنانين من أول تعريف للفن لحدي أسي

ثم:

Quote: في هذا المقام فأنا أعرف ولا أظن

ثم:

Quote: لذلك يمكنني أن أحدثك

ثم:

Quote: ساجمع وأرتب الماده

ثم:

Quote: ما أحدثك عنه فهو مجالي ومعرفتي به أفضل من معرفتك

ثم:

Quote: بكل سرور

و أخيراً :

Quote: و حديثي عن الفن ليس هراءً لأن ما سأكتبه ليس من عندي فهو أقوال وتحليلات لنقاد وكتّاب مشهود لهم

فتأمل

بعد أن ودع تاج السر الجميع و خرج؛
نوه المرضي إلى أن البوست سيظل مفتوحاً

السيد ملاسي


لا زلت في إنتظار الموضوعيه والتحليل الفني للأعمال



إحتراماتي

..
.
لمن تجى ويلتف حولك مجموعة من البسطاء
والظرفاء اشعر بمتعة لا تضاهيه فنجان جبنه
بالهوليدى فيلا ..

_________

راوية والصايم ونستكم بتاع قهوجية
واحضار اللينك اضفى على السطو نكهة رائعة

ألاعزاء العلقوا على رسالة محسن خالد
لاحظوا انه دي رسالة في ايميل داخلي بين اتنين اصدقاء ولم تكن للنشر
















_____________________________
نديهو البنيفت اوف داوت ونقدم حسن النية
الى ان يثبت لينا العكس

Quote: لاحظوا انه دي رسالة في ايميل داخلي بين اتنين اصدقاء ولم تكن للنشر

ونس انها نشرت خلاص صارت شان عام


بعدين الحتة القوية بتاعة آس الشايب دي خلي تبقى ايميل خاص لو حلم ساي ما بتتفوت

السطو المسطر للعارف بكل شئ صاحب البوست

تسائلت رحاب

Quote: صاله نساء دي شنو بالله؟

دي يا رحاب سودانييزاونلاين لمن محسن خالد اراد تشويهها .. او لعله اراد تشويه الانثى

Quote: Quote: يمكن أن يرد هذا التعليق علي لسان ناقد و ليس علي لسان متلقي الله ينور عليك يا استاذ عمار تفهمني الحتة دي والفرق شنو بين سطرين ملاسي والسطر الكتيته ليهو انت وقلت ليهو قولو بدل التعليق بتاعه اول البوست والقلت عليهو كلام يطلع من لسان ناقد وليس لسان متلقي احتراماتي انا برضو ______________________ انا في البوست دا الليلة يا ابقى مثقفة يا اخلي ليكم الحتة دي كو كلو

لو حترجي السيد الهادي يبقيك مثقفة يا راوية أخير تخلي الحتة كلو كلو؛
فغاية غرض مداخلات الرجل في هذا البوست أن يشير لعلاقة ما تربطه بالتشكيل .. و قد فعل.

السيد ملاسي

Quote: لو حترجي السيد الهادي يبقيك مثقفة يا راوية أخير تخلي الحتة كلو كلو؛ فغاية غرض مداخلات الرجل في هذا البوست أن يشير لعلاقة ما تربطه بالتشكيل .. و قد فعل.

لا زلت في إنتظار الموضوعيه

إحتراماتي

غايتو يا ناس أتارى نحنا كاتلنا التواضع سااااكت..!!

يعنى مثلا مداخلات السر الملك عن التصوير الفوتوغرافى وأساطينه ، القال عليها واحدمن الأخوة : كانما هى كلام الطير فى الباقير..غايتو أنا واحدة من الناس فهمتها كللللها..
لأنى سمعتها ودرستها على يد واحد من أساطين الفوتوغرافيا فى اعلام بورتسودان عم (أبو وائل ) بتاع (ستوديو وائل)..الله يطراهو بالخير كان راجل حلفاوى قلبو طيب (طبعا الاستطراد الممل ده أسلوب المبدعين المستظرفين )..
والكلام ده كان زمااااان...زمن محسن خالد ده كان لسه بيبى بيرضع..
وملاسى كان لسه ما أتولد ذاتو ..
أيام الاجازة الجامعية ..والبال كان لسه راااايق ومزهزه

وقد اهتممت بتعلم فن الفوتوغرافى..منذ نعومة أظافرى (الاملاء صح يا محسن؟)

وكنت أول بنت (على ما أعتقد)فى بورتسودان تمتلك كاميرا شينة كبيرة بعدسة زووم ، كان الناس يضحكوا فينى لمن يشوفونى أصور بيها فى الرحلات..

والتصوير الذى تعلمته كان (مانوالى ) ..يعنى على أصوله..
ولا كان اتوماتيك ولا ديجيتال..

وبعد سنوات عندما ذهبت الى (الخرتوم) ..وجدت البعض قاشرين بحكاية التصوير دى
وعاملنها موضة ، وكان الحكاية حقتهم براهم ..أو اخترعوها !!

لذلك عافت نفسى هذا الفن ، وزهدت فيه..
وتمردت عليه بكاميرا الموبايل ..بامكانياتها الفنية والتقنية التعبانة..
ولكنى رغبت فى ورود مورد ظننت انه لم يرده أحد غيرى فى السودان ..

هذا كله خوفا من (تبخيس) محتكرى الابداع..
الذين اذا قربنا الشعر شنفونا..
واذا هبشنا الرسم بهدلونا..
واذا فكرنا مجرد تفكير فى كتابة (القصة ) شهروا بينا..
فنحن فى نظرهم مجرد (عوام ) ..يتطاولون على موائد الابداع والمبدعين..

ولا يريدون أن يتركوا لنا شيئا من هذه (الوليمة العامرة ) ..حتى الفتافيت..!!




كرهتونا الابداع ذاتو..

أما المبدعين...هؤلاء الآلهة الذين صنعناهم من عجوة..
فسنأكلهم انشاء الله فى اول جوعة ..
ولا نامت أعين العابدين الذين مازالوا تحت أرجل أصنامهم عاكفين .

محزن جدا ما سطره الاخ محسن خالد في رسالته ..
واعتقد انه اساء لنفسه ولا بداعه قبل ان يسيء للمنبر واعضائه ..
ومهما تجاهل البعض ، اساءاته الجارحة وغير المبررة، احتراما
لابداعه وانتاجه المدهش، الا ان ذلك لا يبرر سقوطه في مستنقع التعالي
الذي ادانه الناس هنا باوضح العبارات يوم كتب الاستاذ يحي فضل الله
ورفاقه بيانهم ذاك.
واعتقد ان تقييم الاخ ملاسي او غيره للاعمال المصورة تلك مجرد رأي شخصي
من متلقي قد يعجبه عملا ما او لا يعجبه وهي مسألة تذوق للفن
لا اكثر ولا اقل . ولا تقدح في قيمة ايا من هذه الاعمال.
واعتقد ان أسوأ من اهانات محسن خالد، هو سكوت البعض
على هذا العبث.
احي الذين كتبوا ينتقدون هذه اللهجة المسيئة للمنبر ولاعضائه..
ادين خطاب الاخ محسن خالد ..
وليعلم محسن ومثله انه لا قداسة ولا احترام الا لمن يحترم نفسه والاخرين.

Quote: يخرب عقلك كيكي ..!! دا كلام شنو دا

هلا ابو النيز
ودي مقاربة اركلوجية ما بين هذا وذاك وتخوف من الانفجار العظيم في حضرة الامفكوية الملاسية الشديدة المفاجئة

Quote: أما المبدعين...هؤلاء الآلهة الذين صنعناهم من عجوة.. فسنأكلهم انشاء الله فى اول جوعة .. ولا نامت أعين العابدين الذين مازالوا تحت أرجل أصنامهم عاكفين .

____
intee sukar ya amona bs mushkiltik old

Quote: intee sukar ya amona bs mushkiltik old

وانت برضه..
بس مشكلتك مش ستايلى

..
.
لكل زوار الصالون الكبير ؛؛

Quote: محزن جدا ما سطره الاخ محسن خالد في رسالته .. واعتقد انه اساء لنفسه ولا بداعه قبل ان يسيء للمنبر واعضائه .. ومهما تجاهل البعض ، اساءاته الجارحة وغير المبررة، احتراما لابداعه وانتاجه المدهش، الا ان ذلك لا يبرر سقوطه في مستنقع التعالي الذي ادانه الناس هنا باوضح العبارات يوم كتب الاستاذ يحي فضل الله ورفاقه بيانهم ذاك. واعتقد ان تقييم الاخ ملاسي او غيره للاعمال المصورة تلك مجرد رأي شخصي من متلقي قد يعجبه عملا ما او لا يعجبه وهي مسألة تذوق للفن لا اكثر ولا اقل . ولا تقدح في قيمة ايا من هذه الاعمال. واعتقد ان أسوأ من اهانات محسن خالد، هو سكوت البعض على هذا العبث. احي الذين كتبوا ينتقدون هذه اللهجة المسيئة للمنبر ولاعضائه.. ادين خطاب الاخ محسن خالد .. وليعلم محسن ومثله انه لا قداسة ولا احترام الا لمن يحترم نفسه والاخرين

انا شايف يا ملاسي وحميدة وطلال وبقية العموم
موضوع السطو المصور دا يتوقف وتشوفوا رسالة الأديب
فهى مليئة بابداعاته الادبية وتعابيرة اللغوية ..

___________

ما يحيرنى فى صالة النساء الكبيرة هذه اعجاب الكثيرين
هنا ببعض ما يطبق عليهم ادباء وكتاب .. امثال محسن خالد هذا واخرون كثر !!؟

Quote: عموما اي عودة من ملاسي لسيرة البنات العريانات تعني عودتنا هنا ايضا في الاستديو الي (ملاسي العريان)... ديك تعرية من هدوم وهنا ستكون تعرية من روية نقدية فنية وفكرية .. وكلو تعرية مضروب في تعرية i.e(تعريتين والحجر في محلو)

كيكي سلام ..
في الأولانية they are in their birthday dresses

وفي التانية he's been totally denuded of his fig leaves

اغرب حاجة انو الجماعة عاملين ما شايفين رسالة محسن!
عجبي !

..
.
يا بشارى

رسالة من مبدع وأديب
فى زول بقدر يتكلم فيها

_______________

صحى صالة ..

تبلدينا
الاساءة تظل اساءة مهما زينها محسن خالد بحسن فصاحته وبيانه..
والاساءة تظل اساءة من اي شخص جاءت ..
المهين اكثر يا تبلدينا، ان الذين وجهت اليهم الاهانات، يمرون
على رسالته وكأنهم لا يرون ..
هل يخاف البعض سلاطة لسانه
هل يخافون لغة "ماتحت السرة" التي يستخدمها في مواجهة
من لا تعجبه كتاباتهم ..
ربما يفوقنا محسن فصاحة .. لكننا على الاقل نملك قلما وبيانا
انظف واعف .

*

*

*

فوق
لادانة اساءات محسن خالد ..
ولادانة السكوت المخزي للبعض.

Quote: دي يا رحاب سودانييزاونلاين لمن محسن خالد اراد تشويهها .. او لعله اراد تشويه الانثى

مع الاعتذار للجميع على الكلام الخارم بارم

!!!
سؤال يا "حسين ملاسى"
او كما تُقتضى ..أدنى.. فروض الإحترام أن نقول
"عمو ملاسى"
ما الغرض فى زج إسمى فى البوست؟؟
...
بغض النظر عن ما اصور والذى هو "فى الغالب" جلسات بوردابية او أحداث عامة..
لا يشبه بأى شكل من الأشكال "ما هو مذكور فى البوست الأصلى هناكـ"الذى تكرمت الأخت روزمين باحضار رابطه

بعدين ياخ انا من متين طرحت روحى "مٌصور"
ولم أدرس التصوير ,,,ولا حتى كورس واحد
ولا أملك فى هذه الدنيا غير كاميرا متواضعة ,,,!!!


لا تعلو أمام ...كاميرتكـ "الغالية"
...






على العموم

شكراً جزيلا..يا عموً لكن ان اردت فتح باب سخرية من احدهم
أحب ان يكون بعيداً عنى
...
...

بسم الله ..

وعذرا قيقراوي

د. محمد حيدر المشرف
يا سيدي
الاساءة لك جريمة لا اتجاسر عليها
و و الله ما قصدتك

و احترامك تاج ازحف على طلبه

قمت بحذف المداخلة كاملة
و اكرر شديد اسفي على ما اوحت به لك أو لغيرك ممن اكن لهم جليل الاحترام

نتلاقى في مساحات اكثر اخضرار و في زمن ارحب

اب

source:

http://www.sudaneseonline.com/forum/viewtopic.php?p=23651...e74ac4691a8b34974bed

بعض من أعمال الفنان أحمد المرضي بجامعة بنسلفينيا - شعبة Penn Design

source:

http://undergrad.design.upenn.edu/index.pl?gallery&filter=Sculpture

Untitled by: Ahmed Elmardi, 2002
Digital media,
Collection of the artist

source:

http://sudaneseonline.com/ahmedmardid5.htm

شرحبيليات أحمد المرضي في سودانيزأونلاين إحتفالا بعملاق موسيقى الجاز شرحبيل أحمد

Source: شـــــــــــــــرحبيل الاستوديو (2)

The same above source

شكرا يا كوستاوي ..

مرضي أستاذي و صديقي و زميلي و ود حلتي ..
أعرف قدر شنو هو فنان حتى النخاع ..
و قدر شنو هو مهموم بالفن و الجمال و قضايا الثقافة و الإبداع و العمل العام بعيد عن الأضواء .

شكراً لانك تحاول إنصاف رجل بقامة المرضي .

الأخ عماد عبدالله شكرا ليك
الأستاذ أحمد المرضي ما فاضي لنوع ملاسي دا

الزول المضيع زمنو كلو في الشمارات و الفتن و اللعلعة و الشوبار




From now
This is my post

قيقراوى ياخى سلام تانى ..
وثلاث ورباع
سلام لك وفى العالمين حتى ترضى ثم ترضى ..

عدنا نحسب وقع حروفنا فى هذا الممشى الاسفيري الزلق .. اشد ما نخشي عداوة الاصدقاء المفترضين
فى هذا الافتراض العريض المدعو سودانييزاونلاين .. ويا كم جميل بكل قبحه
وياهو نحنا .. شين ودشن

يناجون بعضهم - ويا قبح نجواهم - بأن العوام وانا منهم قد ظنوا بأن الكتوف اتلاحقت .. من باب
كما قال رضى الحرف عنه ( من كاتب قوما اربعين يوما ) ظن فى يراعه الظنون

ابدا .. فالكتوف ما اتلاحقت ولا حاجه , نحن اعلم بها .. وقد أخطؤا فهم زهونا بالتلاقح لا التلاحق
خطأ كبيرا

كل مقدر بقدره فى ذا المكان وذات اللحظه الى فاتت منى هسه ..

تحدثت عن الابروتش يا صديقى .. هسع مداخلنا بقت صعبه شديد
يحاننونا بالقدح لا الفكره .. نحاننهم بالاندهاش
ذاك ميثاق ما بيننا ..

لا اعلم تحديدا كيف وحتام سيدهشنا هذا القدح الممدود .. غير انهم - تقدسوا -
قطعا سيجدون لذاك سبيلا ..
وسيهدونا الدباره ..
ربما سيوحون لجاهل منا ما يوحى ..
فنعلم غيهب ما فى سماهم الشاهقه .. وواطاتنا .. وفى انفسنا .. وما جوه العروق

يا قيقراوى ياخى .. ده وغيرو .. تكريس لى قطيعه شاهقه جدا
يعنى محسن خالد ده قاطعنى فى فكرة وجودي فى الدنيا دى .. والجوهر الخفيف جواي .. والاسئله بتاعت كيف ووين ولى شنو
هو ذاتو الفن شنو ؟.. مش ياهو ذائقه للانسنه اللطيفه فى حوارها مع الذات والموجودات الحولها ..

اها يمنعنى فكرتو .. حأمنع منو اندهاشى
ونقعد نحن فى جيهه .. وهو فى جيهه

وانا غير فكرتو بدور منو شنو ؟..
بدور قدحو ؟!
هو العندو قدر شنو عشان يحاننا بيهو .. كتر خيرو ما دايرين

وهسع غير اضحك عليهو من كلامو البقول فيهو ما عندى شى غير الوجع ..الينفعو
فى الخاص والعام

قلنا نتونس معاك .. كان ترضى
ياها الونسه سودانييزاونلاين

سلام



* التعديل لخطأ املائى ( اللقيتو والله اعلم )

source:

http://a2-2a.blogspot.com/2008/10/art-amazing-sudanese-artists.html

By Ahmed Elmardi

source:

http://www.mardisco.com/works08-2.html

Quote: قلنا نتونس معاك .. كان ترضى ياها الونسه سودانييزاونلاين سلام

و الله يا دكتور كلامك سمح تب
و ما دام بقت ونسة ما بناباها . . . نحن ناس عنقالة ساي كلمات متأنقة زي : تثاقف و مثاقفة و عصف ذهني و تداعي و اندياح الخ . . . الكلام اللابس كرفتات دا ما بنعرفلو
لكن رايك شنو اجيك برواقة آخر ليل كدا ؟



يا سيدي انا شاكر لطفك و شكرن على المحاننة الما بي قدح

ملاسي...

اسخف شئ انو زول يبخس مجهود زول....

انتا من حقك تدي رايك في اعمال احمد المرضي لكن بصورة نقد مش تهكم...مع العلم انو النقد دة علم في حد ذاتا وعندو ناسو...


عندك نقد بي صورة علمية علي تصاوير احمد المرضي ممكن تطرحو وكلنا نستفيد..غير كدة شكلك حيكون بايخ ..لانو الموضوع حيكون زي العندك معاهو شئ شخصي..



علي فهمي البسيط ممكن اقول انو احمد المرضي بيستخدم الالوان بصورة صارخة..احتمال يكون عندو رسالة بالطريقة البيستخدم بيها اللون انا ما وصلتني...

ويا ملاسي ما دام انتا عندك راي في المصورين وفي الفن..رايك دة كان تقولوا للزول الصورك في صورة بروفايلك...مفروض ما تتصور الا من زول محترف في التصوير..
بي فهم انو الصورك دة مالو مصورك كاجي عينك كدة؟؟وعيونك غاطسات قدر دة؟؟؟اكيد عشان صورك في وضعية الشمس مضايقاك فيها...بالتالي ما بيعرف يصور...
شينة منك صورتك كلها مليانة عيوب وجاي تدي راي في مصور موهوب بي شهادة خبراء في المجال..

وانتا عشان (عامل) بتفهم في الفن مفروض ما ترضي بي اقل من مصور محترف...


ولا انا غلطانة يا كيكي؟؟؟

Quote: وانتا عشان (عامل) بتفهم في الفن مفروض ما ترضي بي اقل من مصور محترف...

هلا يا سارة...
المصور بعض مرات بكون برئي كما في امر الذئب هزبر الذي اتهم كذبا وبهتانا باكل سيدنا يوسف...
الاشكال في حالة المودل ملاسي يمكن (المودل المصور) وليس المصور
صاح المصور في الصورة ادناه كوجن الضوء وعبث باشواق الزووووم واخد زاويا قائمة 42 درجة
لكنه استطاع استخرج مودل (مغمت) وشايل (موبايل)...
هنا في دلالة بتاعة (تواصل) عبر وسائط وغميت حاصلة..وانا كزول بتاع سيريالية جديدة طوالي ممكن افهم الرسالة الداير يرسلها المصور
لهذه الصورة وهي دلالة (الغميت والتواصل)...
الصورة عنوان كبير لنهج واستايل ملاسي في كل تواصله عبر وسائط
فهو يتواصل اسفيرا مغمت واثيرا مغمت..
اسفيرا التغميتة يتنعكس في شكل خطابه الجائح الي روية الجوانب الفارغة من الاكواب
فعندما كان كل العالم يتحدث عن اوباما وتداعياته التي توثر علي حراك الانسانية كان (المودل المغمت ملاسي) ينظر الي مكوة الشعر
عند اسرة اوباوما
وعندمانما واستطال خلافه مع اخريين هنا ذهب الي صبغة الشعر ايضا يلاعبها الشطرنج لتصفية خلافاته التي لا نعتقد بانها فكرية في
ظل وجود تغميت شديد مفاجئي...

عموما لاحقا ان شهد العالم عصور انحطاط تبشر بالانصرافية سيتكالب القوم علي هذه الصورة
فهي تجسيد حي لحالة (التغميت في زمن الوسائط)

Quote: وتسالت عن اعمال المرضي ... فهي تفتقد لل Proper Technique واكاد اجزم بانها ناتج ال Auto-setup

فعلاً يا وليد .. و لكن – و للأمانة - يحسب له إيقافه لخاصية ال Date Stamp.

كدي بالله فكنا بلا داتا استامب ولا داتا بيس
ورينا رايك الفني والنقدي في ثنائية (التغميت والتواصل) الفوووق دي
وبلاش جقلبة والتفاف معاك

مادام القصة صور في صور ورينا رايك في صورتك دي
علي الاقل اخير من حكاية الصورة العريانة اياها

Quote: كدي بالله فكنا بلا داتا استامب ولا داتا بيس

____
فالج لا تعالج.

داتا -ديت -دايت

ده كلو ما موضوعنا
خلينا في الموضوع الاساسي زي ماقال عمر اومو



لو ربنا لماك في زول بتاع (نظم معلومات جغرافية) خلي يوقع ليك
حكاية الداتا استامب والداتا بيس دي عشان ما تتخلع فينا سااكت
يا مسكين

Quote: المصور بعض مرات بكون برئي كما في امر الذئب هزبر الذي اتهم كذبا وبهتانا باكل سيدنا يوسف

أول مرة تقول ليك حاجة صاح.

دي تفرق يا ملاسي..
وياكافي البلاء لا بتعرف تصور ولا بتعرف تقرا الصورة..
دي حالة بتاعة لهط وانكفاء علي الذات لزوم التمتع بالجاتوه
ولو لاحظت ياكيشة التغميتة زاتها نص كم...
ولكن في حالتك تلك وهي كما قلنا حالة تواصل مع الاخر فلابد من الانفتاح وليس الانكفاء والتغميت كما بداء في حالتك
انت عارف دي اعظم صورة تاخدها فحقو تبروزها ولو غالطك زول طوالي تطلعها ليهو
لانها فعلا تعبر عن حالة انفعال المودل المصور مع الجاتو...رغم ارتجاف الكاميرا الظاهر
وتغميتة نص كم تراقب المصور الذي كان يرتجف فظهر جليا في ضوئيات الصورة درجة الارتجاف الملاسي
كمصور كيشة

Quote: دي حالة بتاعة لهط وانكفاء علي الذات لزوم التمتع بالجاتوه ولو لاحظت ياكيشة التغميتة زاتها نص كم...

بتخفف دمك .. صاح!

Quote: بتخفف دمك .. صاح!

ياراجل انت بتتصور مغمت وبتقراء مغمت برضو ولاشنو
ده اسمو التظارف السجم في اطار رد البضاعة الي اهلها
وعلي عجل

والله دا الكنت خايف منو..

Quote: والله دا الكنت خايف منو..

كان كيكي كان سارة علي - يا تمبس - يكتبوا سااااكت و ناسين السفر!

Quote: و ناسين السفر!

.. والله يا عمووو أنا غايتو رضيان طالما البوست ليهو علاقة بالتصاوير ..
المهم سارة علي وكيكي ..

Quote: والله دا الكنت خايف منو..

مافي خوفا كده يا تمبس لمن ينضمو بيهو..
بس اخونا سحس في حالة افلاس فقام فتش اوراقو القديمة
وقيل اذا افلس الكيشة فتش صوروه القديمة..


حسع تلقاهو مبروزها ومعلقةويومي بعاين ليها يقوم جاري

انت عارف يا تمبس
اليوم داك مفروض بعد الصورة القام اخدها ملاسي بالسرقة دي
مفروض الزول يمشي يطلع في اطول برج في ولاية الخرطوم ويجي متلب يفتت حتة حتة اسبيرات لناس فريق زنقو تاني ما ينفع
بس المشكلة ملاسي داك ما كان ملاسي القضيم ده
اخر فصيل وضحك اهي اهي

Quote: اليوم داك مفروض بعد الصورة القام اخدها ملاسي بالسرقة دي مفروض الزول يمشي يطلع في اطول برج في ولاية الخرطوم ويجي متلب يفتت حتة حتة اسبيرات لناس فريق زنقو تاني ما ينفع بس المشكلة ملاسي داك ما كان ملاسي القضيم ده اخر فصيل وضحك اهي اهي

. لا يا كيكي أنا ما بتفق معاك في الحتة دي .. قول لي كيف..؟
إنت مفترض كزول ود سوق تكون واضع كل الاحتمالات .. لكن حسع بي كلامك اخير عديل كدا تقول انا ابتسمت للكاميرا ..
لانو شنو إنت قايل .. كدا بقت عليك اتنين ما واحدة ..
واحد اتحنكته ..
اتنين اتصورته ..
ياخ (جمال دقلش ) كان لما يلبس الكاكي ويجدع ليهو دبورتين .. يا حــلات البوري فوقو تجي تقول لي ما كان ...؟ يا كيكي ما تهز لينا قناعاتنا بلاي ..
بعدين الابداع دا كيفن اكتر من كدا ..؟!
بلاي لاحظ لي فتحة العدسة مع حركة الملعقة .. مع انعكاس اللون والكونتراستن بتاع الأبيض دا ..
يا كيكي الحصل حصـل .. خلينا نطرح الصورة دي في مزاد عشان يكون فيها حق حصري وكدا

Quote: واحد اتحنكته .. اتنين اتصورته

فعلا يا تمبس بصراحة ال2 حصلوا..
لكن انت لو شفت كتلت الحيل بتاعة ابو الشباب ده حرم مش تصور كليب عديل كده
الراجل مارس علي الجاكلية الشديدة المفاجئة فاثرت في دفاعنا المجهجة تجاه الابتسامة...
ولكن صبرا يا تامبا
اخوك تاني راجع اوزون
والمرة دي مش جمال دقلش بل ساكون في مكنة جمال حامد بتاع مدني وما ادارك ما جمال حامد
ده مش ود سوق ده ود ام سويقو

Quote: حسع تلقاهو مبروزها ومعلقةويومي بعاين ليها يقوم جاري

.. مش احتمال يا كيكي يكون عندو إلبوم ..؟ إنت فاكر الصورة دي ساهلة ..؟
انا شخصيا لو دخلت مزاد ولقيت الصورة دي مستعد ادفع فيها دم قلبي

Quote: .. مش احتمال يا كيكي يكون عندو إلبوم ..؟ إنت فاكر الصورة دي ساهلة ..؟ انا شخصيا لو دخلت مزاد ولقيت الصورة دي مستعد ادفع فيها دم قلبي

البوم ايييه يا تمبس ياخي
ياخي الكاميرا الصورني بيها الزول ده طلعت دخان بعد الصورة دي
وشكلها كده من زمن الانجليز....رشش فلاش مرتجف(اول مرة اشوف لي فلاش مرتجف اليوم داك)
وانا كان ممكن اقلع منو الفيلم ده واعمل فيها (علي عثمان وجماعته)
لكن بصراحة الراجل كان فاصل فصلة بنت لذينة
(انت عارف بكون كاتل حيلو عشان ياخد الصورة دي ويجي يتاجر بيها في الاسافير عندما يتزنق)

محسن خالد
حا يقعد يغربل في روحو من الناس
ويغربلها
ويغربلها
ويغربلها

لمن يقعد في الغربال براه

ومصيره الى الجنون ده لو ما كان مجنون اصلا
اصلو عيونه المنططات ديل حقات مجانين

نعم محسن بكتب كويس .. وبعبر عن نفسه كويس ..وهو معجم لغوي يمشي على الارض
لكن ما اكتر ولا اقلا ولا يعمل لينا فيها تنقا
يعني هو زاتو ما فنان ولا حاجة
زيه وزي اي صاحب مهنة اشتغل فيها كتير بحكم الممارسة حفظ حاجات وبعملها بصورة ميكانيكية

في قننانيط ( حسب تعبيره ) كتار هنا فنانين اكتر منو كل في مجاله

غايتو نحن بنكتب ونغلط املائيا ونحويا وتعبيريا وفكريا كمان
وبنعلق على الحاجة الما عجبتنا بدراية وبدون دراية كان صورة ولا لوحة ولا رواية ولا كلام خارم بارم زي الكتبه محسن فوق ده
وبنقول للصورته شينه
شييييييييييييييييييييييينه ونتجمجر كمان
وللروايته شينة
شيييييييييييييييييييييييييينة
وايخيييييييييييييييي
ونطلع لسانا

ونصفق لمن حاجة تعجبنا حتى لو ما عجبت الناس
ونفخم اتفه حاجة لو وقعت لينا في جرح
ونشاتر ونتشالق ونتحشر

موش نحن الجمهور
امال ايه

حتى راينا عاوزين تبلعونا ليه
والحمد لله الجات النت ومرقت صوت الجمهور عشان يسمعوه الفنانين وناقلي الفن ومعيدي انتاجه وسارقيه كمان

نرجسية وصفوية وغرور وتعالي

___________
عمار الهادي ازيك ياخ
لو انت عمار البعرفه انا
ولو ما هو
برضو ازيك

يا ملاسي..
الليك ليك خليك من الليكليك...

يعني بطل لكلكة وجاوب علي الاسئلة البيسالوها ليك الناس هنا..انتا ما دام ما عندك حجة الشلاقة عليك شنو البتخليك تفتح بوست ويرفعو ليك الباقين..
وشنو قصة سفر وما سفر والكلام الما بيفهمو غيرك..؟؟عندك ردود واضحة رد.. ما عندك عادي قول غلبني..


وقصة سطر وسطرين العاجباك دي ما بتغلبنا..يعني ممكن عادي المرة الجاية ارد ليك بي ربع سطر..لكن اقلاها بتقرا رد...


يا ريت يا سيد ملاسي طلعني انا بالذات من راسك...اقدر علي كيكي الاول..


كيكي وتمبس ادوني درس عصر في قصة السفر دي..ما فخمتا

اوزونودام.. يوم لاقيت حسين ملاسي وبورداب زي الورد..!!!

Quote: كيكي وتمبس ادوني درس عصر في قصة السفر دي

يا سارة في البوست الفووق ده بتلقي حكاية الصورة دي
والاسفار المرجف ده قاصد بيها السفر الي الخرطوم حيث يمكنه استعمال كاميرته
ام دخاخين

Quote: عني شخصيا لاتفزع...الصورة عجبتني

سلام يا حنين
ويا زولة قولي كلام غير كده
في زول بفزع من صورتو ده كلام شنو يا بت الناس هووي

ملاسي ده اصلو لمن يتعصر في خانة اليك يهرب الي سفاسف امور
ولكن علي مين
علي مين
والسونكي سنين

Quote: عني شخصيا لاتفزع...الصورة عجبتني

سلام يا حنين
ويا زولة قولي كلام غير كده
في زول بفزع من صورتو ده كلام شنو يا بت الناس هووي

ملاسي ده اصلو لمن يتعصر في خانة اليك يهرب الي سفاسف امور
ولكن علي مين
علي مين
والسونكي سنين

Quote: قصدي يعني رصيدك لدى الجكس مية مية

هلا يا حنين
ومع تاميني علي نواياك الطيبة الا ان رصيدنا بين الاخوة والاخوات يا حنين
بتبني باحترامنا وتقديرنا ليهم وجهدنا المتواضع بينهم هنا بكل محبة ومودة للجميع
الا لمن تفرعن مثل حالة ملاسينا هذا فله البوت والنبوت

كيكي

والله الحركة دي بكرهاكره العمى اني اسحب مداخلاتي...

لكن بالجد فهمتني غلط...امكن مافهمت هظاري ..

وانا حريصة جدا على ما ذكرت من رصيد اخوي وحرصي على احترامك وتقديرك والمحبة والمودة للجميع

عشان كدة...اعتبرني ماكتبت شيء...

مودتي وتقديري

يا حنين يا حنة
ياخي لا عليك يا صديقتي
ممكن القاك بره البوست ده بالتحديد ويكون امرنا اكثر اريحية ومودة
وصدقيني انا فاهمك تماما صاح ....
لكن يا حنين احنا في غابة في هذا البوست وسط جائع مرجف
فعشان كده الكلام يا حنين بكون دقيق وصارم حتي لا تعطي للاخريين الذين يصطادون في المياه العكرة العبث بالنوايا

ومودتي الخالصة يا حنين

Quote: ومصيره الى الجنون ده لو ما كان مجنون اصلا اصلو عيونه المنططات ديل حقات مجانين

و الله يا وليد قريت كلامك ده قعدته اضحك جنس ضحك.... و الله الزول ده فعلا مجنون ....ده زول مسخوت خلاص

Quote: في قننانيط ( حسب تعبيره ) كتار هنا فنانين اكتر منو كل في مجاله

اها لمن وصلت الحته دي يمكن الجيران يكونو سمعو ضحكي المره قالت لي مالك جنيت
اضحك الله سنك ياخ

Quote: لكن ما اكتر ولا اقلا ولا يعمل لينا فيها تنقا

ما يعمل فيها تنقا كيف ؟
هو تنقا دا كان فيلسوف اصلو؟
يا وليد ما تظلم الراجل ساي...كلامك صاح الزول ده مقدد اللغه...لكن ما وقف عندها ... ده مقدد حاجات كتيره
لكن اكتر حاجه عاجباني فيهو قلة ادبو علي الناس العاملين فيها صعاليق و شفوت و خرابيط فارغه
اي واحد عامل فيها صعلوق و لايوق بوقفو ليك عند حدو و بقفلو في علبه و برميهو في "الادب "خانه ... يحجز "خانتو" مع باقي الناس "الإتأدبت"

مرحب اخونا ناصر

يا زول تنقا ما فيلسوف ؟!
والله تنقا فيلسوف جنس فلسفة في مجاله

بالنسبة لمحسن
الغرور مقبرة العظماء
والترفع عن الناس ما حاجة كويسة
نعم يقعد كل متعدي في علبه تمام.... وكلنا بعجبنا الزول الحافظة مكانته وبواسي الفايت حده
لكن تجني على بورد كامل بدون فرز
والتعالي على منسوبيه وزملائه باعتبار انه زميل معانا هنا
دي حاجة ما مقبولة

هسع محسن خالد قدم شنو عشان يميز نفسه عن اهل البورد

ولا اي شي اكتر من القدموه كتار هنا
ولو ما اون لاين دي ولا كان سمعنا بيه
اون لاين دي ليها دور كبير جدا بالتعريف بمحسن خالد

ولولا اون لاين والطيب مصطفى وحجب تومليت من قبل الرقيب عندنا في السودان ما كنا بنعرفه

ده ما بنفي تميزه
لكن ما قدر يطنقع علينا كلنا مجتمعين


بعدين الناس دي ما قالت مرقت من البلد عشان الكيزان ضيقوا عليهم وحموهم الحوار

طيب مالهم حردوا اون لاين؟


عموما يا حبيبنا
تحياتنا وعبرك التحايا للزميل محسن خالد

Quote: يا زول تنقا ما فيلسوف ؟! والله تنقا فيلسوف جنس فلسفة في مجاله

والله تنقا ده كلنا بنحبو

انتا عارف يا وليد انا كلام محسن ده اخذتو بي فهم تاني خالص ... ما موضوع تعالي و كده

ناس طلعو بيان ... ادانو الهكر .... لا نبزو زول لا اساءوا لي زول .... هم شايفين روحهم مبدعين ....علي كيفم... و يمكن انا و انت شايفين غير كده

ياخ في ناس هنا ما عندها حرمه لا لي مره لا لي راجل كبير لا لي أي شئ...طايحين في الناس شمال و يمين و ما عندهم اي شي يقدموهو للناس غير الهمز و الغمز و اللمز...زي شفع قاعدين في طرف الشارع يطقعو الماره بالحجار ... و ابقي راجل قول عيب ... يقبلو عليك يطقعوك انت زاتك... انا باقي لي محسن خالد كلامو في الناس دي

عموما تسلم يا حبيب

This is my post



I told you

before



Let us go

Quote: Ahmed Elmardi/ Visual artists

كوستاوى حتحتاج فى الاول تشرح لملاسي visual يعنى شنو يمكن يفهم كيف المرضى بقي مصور ..

No, No
الكلام دا عيب يا سلوى
الأستاذ ملاسي دا معلم كبير جدا في توظيف ال visual art و كمان عندو ماجستير قدر الدنيا و عندو كاميرا جديدة و كبيرة قدر الكومر
و صحفي كمان نباهي به الأمم
شفتي مقالآته الطويلة القدر المعلقات
في الصحف اليومية و المجلات العالمية? تجنن.
كمان لو شفتي معارضه الفنية بتاعة الvisual art ح تندهشي

نحن ما بنلعب في ملاسينا دا يا سلوى
سمح?

By Ahmed Elmardi

The same above source

Quote: سأعود – لاحقاً - للبنات العريانات المصورن تاج السر ؛ أو ما يطلق عليهن إبداعياً الموديلات العارية.

لاحقا دي كم يعني إن شاء الله ؟

ولا يكون الدقيق كمل

ود البشري هنالك احتمالان
1-الدقيق كمل ودي الاحتمال الراجح
2-

Quote: كدي الليلة ابقي قدر كلامك وعود للبنات العريانات يا ملاسي عشان افرج فيك العالمين

ده برضو احتمال وارد

والله يا كيكي و مع احترامي ليك لكن ما اظن
البياكل دش الآسات أعلاه على اللباد و يعمل رايح و يمشي فيها بنمرة خمسة زي الماحصل شي
لا اعتقد انو بتهمو فرجة عالمين
ثم العالمين تاني عندهم شنو ما اتفرجوا فيه




_______________________________
الأعصاب كيف مع الكورة , انا شغال ترزي بس بي جاي

The same source above

Quote: كمان لو شفتي معارضه الفنية بتاعة الvisual art ح تندهشي

واللاهى كلو وارد يا كوستاوى ما دام خت راسو بي راس كمال الجزولى احتمال يبز احمد المرضى فى مجال ال visual art..

كيكي يتكيك
وماعندي اي تشكيل في الكيبورد ولك الشدة فوع الكاف التالتة او الياء الاخيرة او الجيم الاولى
الحقنا يا محسن فنحن العوام لانعرف مكان الشدة في حالات الاسماء الاعجمية

Quote: كيكي يتكيك

وليد صفوت
سلامات..
لا ازكر بان هنالك مساحة للمرح و التواصل بيننا طيلة وجودي ووجودك في هذا المكان
وان كنت تبحث عنها عبر هذا التعليق فالف مرحب بك وبكل اريحية..

واما ان كان امرك للسخرية والسخف الاسفيري المجاني فتاكد يا عزيزي بانه سلاح يسهل رده
وبصورة مضاعفة وبكل سخف بارد وما اسهل الاشياء المجانية الرخيصة في هذا المكان

..
.
انت اتعقدت يا هندسة !!

_______________

يا وليد اليومين دى الناس مبهدلاها اغنية نانسى

Quote: انت اتعقدت يا هندسة !!

معقول يا تبليدنا كلامك ده يارجل
بس انا بدي الاخ وليد كل الخيارات عشان يمشي في السكة العاوزها بكل ارتياح
ومادايرين نغلط علي الراجل بانطباع قد يكون خاطي
وكمان ما دايرين ندي شيك مودة واريحية كسراب بقيع نحسبها مودة واريحية والقصة تكون غير كده
.....
طبعا لعملك انا ما مشيت حفل نانسي يا تبلدينا

..
.

Quote: وكمان ما دايرين ندي شيك مودة واريحية كسراب بقيع نحسبها مودة واريحية والقصة تكون غير كده

شنو موضوع الشيكات الحايم اليومين دى
اوعاكـ تتعنق مع الغرقانين

بعدين بالغت كيف ما تمشى حفة لنانسى
ياخى نانسي دى من الجميلات وذات صوت شجى ومليحة
الطلعة بهية الوجه رائعة الابتسامة .. وما غير ذلك فهو محض هراء

_____________

ما عارف الواحد احيانا بستطلتفك بس ياخى ملاسي
دا فردتى شديد

Quote: بعدين بالغت كيف ما تمشى حفة لنانسى ياخى نانسي دى من الجميلات وذات صوت شجى ومليحة الطلعة بهية الوجه رائعة الابتسامة .. وما غير ذلك فهو محض هراء

نانسي غناية وروعة مافي شك
سندة ...ورد (اتو) لناس كثير مدهشين...!!!
بس اليومين الفاتن زنقة بتاعة (قراية ام دق كده)...وقبضني منها الشديد القوووي
وغير الشديد القوووي رجرجة ودهماء زي ناس بدرالدين الامير ومعتز قريش ديل
انا مش حفلة...حرم رقشة ما اركبها معاهم

يازول شكرا كونك مرات مرات بتعود الي رشدك
بس انت شيل ملاسي ده بره الدائرة ما بيني وبينك ما بنختلف كثيرا
باقي ملاسي ده زولي حااااااااار زي ما بقولوا ناس دينقا

الشكر لكل الأصدقاء هنا

الفنان عمار الهادي:
كيفك
أديني إي ميل ياخي!