Post: #1
Title: سيدي راقد ليهو فوق راي (قصيدة)
Author: amar adam
Date: 10-20-2008, 10:22 AM
سيدي راقد ليهو فوق رأي
عمار محمد آدم
يّلا قرّب وأبقى بي جاي
وبالنميمي ماني مشاي
وكت أحدث ياني سوّاي
دحين بقولك ماني كاواي
سيدي راقد ليهو فوق رأي
لي عهودي انا ماني نسّاي
أصلي ختمي جوه جوّاي
ولامن أوصل ليهو مثوّاي
* * *
للحقائق قلبي لولاي
وما بحقق ذاتي لولاي
يلاّ ناكل ونشرب الشاي
في جنينة سيدي مولاي
سيدي نورق وببقى حاحاي
* * *
في شرقنا أنا ببقى (كولاي)
وفي غربنا حدي (ودّاي)
ليهو سيد أنا ديمه طرّاي
داير أروح لي روحو سرّاي
وللمعاني القلبو قرّاي
دا الما بيبيع وما هو شرّاي
كوني صوفي اليبقى مسراي
لو بقلق ربي رسّاي
انا لو رأيتو يا أفي ما أحلاي
* * *
إنت تكتب ويبقى محّاي
ما بيغضب لي كلام ساي
ذكروا يشجي ويطرب الناي
مثل وحي الشعر نوناي
دا المقاموا العالي هاي هاي
وفي سفرتي أنا سيدي مأواي
0122565663
|
|