هذا خير عزاء لفلسي وإفلاس عماد عبدالله

في الأيام الأخيرة
وتحديدآ في الخمس الأواخر من الشهر الفضيل
رزقني الكريم ووسع في رزقي
وإنسابت الأموال في جيبي
على عكس الذي يصير في العالم الرأسمالي
وهو يحجل نحو أزمته الأخيرة
التي لو عاش اوانها عزيزنا المفكر الراحل الخاتم عدلان
لعادة له ثقته في الإشتراكية

أقول ، أغدق علي المعطي واسع العطاء
ثم
غيض لي التومات ، الفارات
فاتن على الأخضر واليابس
وقضن على نيتي بقضاء إجازة
بعد طول عناء في مايزيا
او في دمشق
او في المجر تلبية لدعوة صديق الايام المجيدة فيصل هليل
وكذلك جعلني امطل أصدقائي الوعد بالدعم
ولله الحمد


نواصل

فلسي
وإفلاس عماد
لو أثارت اي حساسيات
وتراكمات
غسلتها الامطار
والأعياد
فأنا ما مسئول منها
حيث يمكن للجماهير ان تعدل الوضع
وكذلك للجماهيريات بالنسبة لعماد
فأصبح انا المفلس من إفلاس
وعماد المفلس من فلس
طين

اللهم اجعله خير..
ياهو ده تكتيكك الجديد ، واللا القصة عندها علاقة بالـ(ضمير) ... وكده ؟؟
بالله يا ابوالشباب..Dictionary












-----------------------
ثم .... إنت لمن تكون مُرطّب بتعمل نايم مالك؟؟؟؟ ينفعن التومات ان شاء الله.

كتب صلاح عبدالله

Quote: ياهو ده تكتيكك الجديد ، واللا القصة عندها علاقة بالـ(ضمير) ... وكده ؟؟

كدي قبل ما نفتح الديكشنري يا فردة يا فنان
النحدد حكاية ال { ضمير }
فالضمير في المصطلح الدارج في السودان هو الخصر
والأغاني تعج بذلك وانت سيد العارفين
فلو قاصد ده ، ماتشيل هم على ضميرنا
{ وادي الشبال يا ام ضمير خللي قلوب الشبان تطير }

Quote: ثم .... إنت لمن تكون مُرطّب بتعمل نايم مالك؟؟؟؟ ينفعن التومات ان شاء الله.

لا والله
ما عملت نايم
ولا بقدر
حكيت لبعض الاصدقاء في الداخل
ووعدت ان ادعمهم وقمت بالاتصال باللاري
يوم الوقفة فاعتذروا لي ان الصرافات في السودان بكرة مغلقة
صرافة اليمامة وصرافة الرياض في عفراء مول
وديل قفلوا وسافروا مدني
فقلت نرسل بالعيد


فطاف عليها طائف من ربك
في صورة التومات
بليل
وحتنها حت

Quote: في الأيام الأخيرة وتحديدآ في الخمس الأواخر من الشهر الفضيل رزقني الكريم ووسع في رزقي وإنسابت الأموال في جيبي

يا ربى ده من شنو ابو البنات ده تكون جاته ليلة القدر ولا شنو؟؟؟؟؟؟؟؟؟؟؟؟؟؟؟؟؟؟؟
ههههههههههههههه

هسع الكاشف اخوك ده الجاب سيرتو شنو ..
ادام الله التومات فلله جنودا لن تروها لا انت لا الكاشف ..
ولا عزاء للمفلسين

الصورة واااضح فيها الحاصل يا عمك

إنا لله وإنا إليه راجعون

Quote: هسع الكاشف اخوك ده الجاب سيرتو شنو ..

شفت يا حيدر من قبيل انا كنت حاجزة للعجوز ده(عشة الفلاتية ) عشان دفعته .


غايتو يا عمك انتظر عماد امانة ما دعاى دعاءيجى ينهزك بى واحد دعوة تخلى الفلس يعشعش معاك لى رمضان الجاى (حتموت مش ؟؟؟؟؟؟؟؟؟؟؟؟




كسرة
حيدر كل سنة وانت طيب معليش جات متاخرة
ابو ساندرا ازيك (اوعى ترجعها لى بونية ولا حاجة )

(وش خايف ومدسى وراء منو يا ربى بحمينى )

Quote: الجماهيريات

اها الجماهيريات دى لو عماد فلس بتلقى ليهو صرفة

انت دة مفلس يودوك وين؟؟






ــــــــــــــــــ
جايب سيرة البحر مالك فوق

ابو سامدرا
واخيرا ظهرت

انت الكاشف دة مالك ومالو خليك في فلسك
كل سنة وانت طيب

والله يا ابوساندرا...كتر خيرك فتيت لينا الزول ده

وانا اقول مالو

تحياتى ياابو ساندرا...
رايك شنو نعمل ليك صندوق "ختـَه" و عماد يشيل الاولى ويكب البيرق...!!

الفلس حشمه ووقار

Quote: فلس طين

زي ما قسمت فلسطين دي

اقسم معاه البتاعات ديل

Quote: في الأيام الأخيرة وتحديدآ في الخمس الأواخر من الشهر الفضيل رزقني الكريم ووسع في رزقي وإنسابت الأموال في جيبي

إذاً الأمر كذلك
وصديقنا عبدالرحمن قوي يتساءل
وين إنتا
وليك مدة ما بنتا
وأنا في إشتياق لى شوقتك حبيبي
جرت الفلوس فهفت النفوس لما يريح البال
ووداعاً سودانيزأونلاين و( رفقة ) المفلسين .

زمااان صديقتنا ( ف ) كانت أحد أعضاء شلتنا الجامعية وبحكم أنها تتقدمنا في الدراسة فكانت بمثابة الأخت الكبرى التي تجيد برمجة مشاريع العطلات . يوم الخميس وكأى طلبة ( إقليميين ) كنا ننتظرها في قهوة النشاط وبعد داك نقرر إلى أين المسير .
أها قومي يا ( ف ) كيسي واحد خريج وموظف . رحبنا به وقلنا يكون ( شريكنا ) في البرامج . أول خميس ونحن جالسين بانتظارها بحكم العادة ، رأيناها مع ( حبها ) وإنشغلنا شوية وهوب هى وكيسها ( فص ملح وداب ) .
قابلناها يوم السبت وسألناها ونحن نحاول التظاهر بالظرف
" يوم الخميس كنا منتظرنك ، وشفناك داخلة الجامعة مع ( .. ) لكين أظنك ما أخدتي بالك مننا .
أجابت بصراحتها المفرطة

" شفناكم ، وأنا الطلبت منو نزوغ منكم ، أصلي زهجت من ونسة الناس الما فيها لى فايدة دي "

بركوتة
برضو بركة الشفناك طيب

Quote: وعماد المفلس من فلس

فلس مين يا راجل يا طيب
غايتو يا بركة الفلس أب عربيةً من الوكالة ، وفرش من المحاميد ده .. أريتو فلسنا نحن

قصة عجيبة .. !!!
كدي إنبهل و جيب من الآخر ..
أنّشوف .

قالوا ( حسن باكرته ) لما رفدوه من البوليس زعل ..
قام فتح نقطة في ديوانهم البراني .. و كتب يافطة :
( نقطة شرطة الديم .. لصاحبها حسن باكرته و " ئخوانه " ) همزة على نبرة , و ما تسألني كيف .


كدي دفّق يا اللخو ..

تجو , ولّلا نجو ؟؟؟؟

Quote: غايتو يا بركة الفلس أب عربيةً من الوكالة ، وفرش من المحاميد ده .. أريتو فلسنا نحن

ناس دال هو أى زول بروق بعمل كدة
غايتو بركة بوست أبو ساندرا وأصحابك جابو لينا خبرك
غايتو الشافك راكب حاجة (convertible) تراه ما كضب

تتهنى يا يابا
أنت وصاحبك رغم أدعاءكم الفلس
أريتو فلس السرور

حمد عبدالغفار يا فنان

شايفك في البوست
إتذكرت الأسماء ؟؟؟
هى ( ف )
زولها ( ح )


بدون زيادة منك أو مني

والله أيام يا زمان
ببكي واتحسر عليهم
وما بقول العشنا كان

والله كتر خيركم
بالجد انا لمن حررت البوست يوم الخميس
وعارف إنو قدامي يومين إجازة جمعة وسبت
ومش ح أدخل فيهما المنبر
قدرت إنني حررت شهادة وفاة البوست في ذات لحظة الميلاد
او صرخة ميلاد
ودي أخت رأفت ميلاد عديل

فإذا بكم تنفخون فيه الروح
وتمنحونه الحياة
فكتر خيركم تاني

والمهم
زي مابيقول الولد أخو تماضر

شفت الناس سألت لماذا جبت سيرة الكاشف اخوي
السبب أن الكاشف كان قبل كده أعلن إفلاسه هنا
فعشان كده شملناه
نخن شملتنا
وبصراحة كده
وبيني وبينكم
بعد ما حررت البوست إتصلت في عماد زي خرطومية مرة
ووجدت التلفون مغلقآ
فبالي إرتاح إذ حسبت ان الكاشف مازال مفلسآ
وأغلق الجوال خشية ملاحقات الدائنين
ولم أهنأ طويلآ
حتى تواترت الأنباء عن ترطيب أصابه
فلبد
أو عمل لبتون على زعمات الديامة

اصبرو لي جاييكم

اول ما فكرت في البوست
العنوان الذي رف على خاطري كان
أجيي يا ايسلندا
--------------------
وأجيي مفردة نسائية -كما تعلمون- تعني الدهشة
او الخجلة
كنت بها عايز أعبر غن دهشتي ، من ناحية ، بسبب أعلان دولة لإفلاسها
دهشة ممزوجة بالخجلة
ولاتخلو من تشفي
فالدول صارت تفلس
فما بالنا
انا
واخوي الكاشف
الذي جهر بإفلاسه هنا
ذات زهجة
قبل ان يفتح الله عليه
ويرطب
ولكن بالطبع لن يهنأ طويلآ
لا هو
لا احوه
على زعمات ملاصي
عشان مهما جرى المال في اليدين
سيأتي كل منهما
وانا اولهما
خاوي الوفاض
صفر اليدين
طالما هناك آمسات في البيت
مثل تسنيم
ولمى
والخمس
في العيون الرمش

شكيت ان العنوان : أجيي يا ايسلندا
سيكشف عن اساس موضوع البوست
فينفض عنه الناس الأصلآ ما ناقصين عوار راس ، زي مابيقولوا الخليجيين ،
وحسابات البورصات
والإنهيارات
والبنوك المتعثرة
والدول التي طفقت تخصف الأموال لتستر عري إفلاسها
فضخت مليارات بالهبل
إفترعها الأهبل بوش الصغير ب 700مليارات
بعد ان اراق وجهه قدام الكونغرس

ونواصل مع ردودكم اللطيفة

كل عام وانت بخير في افلاسك وترطيبك
والعمده بنحبو مفلس ومرطب
مع انه ناس الديم الترطيب مالايق معاهم









الديم في زمن الترطيب
الترطيب في زمن الديم

يا ناس هوى أبوساندرأ "اتلحس".......يا أخى أمريكا بتفلس...انت جنيت....ديل بطبعوأ الدولار للعالم "كلوا"... والله "الاشتراكية" دى حا تجننكم.....

خليك مع عبدالواحد ...احسن ليك....على كل "بركاتك" يا شيخ...أبوساندرا...


و تحياتى و تمنياتى الطيبة للعزيز "العمدة"

صديق-القاعد بعيد

Quote: اول ما فكرت في البوست العنوان الذي رف على خاطري كان أجيي يا ايسلندا

حبيبنا ابو ساندرا

ابشرك طالما لسع بجي على حاطرك تقول (اجي )عمرك ما حتفلس..
وحتلقى مهن بديلة..

Quote: وحتلقى مهن بديلة..

Quote:

من المؤكد ايضا انو زول ضحكتو قطر كمثل ما تراصت اعلاه لن يكون بعيدا عن هذه المهن البديلة..

Quote: من المؤكد ايضا انو زول ضحكتو قطر كمثل ما تراصت اعلاه لن يكون بعيدا عن هذه المهن البديلة..

غايتو يا (دكة) لن تكون مهنة من يضحك هكذا كمهنة ( صاحبنا) ..
مرحباً بك (دكة) في (صف) المهن البديلة .. فقد أهلّك رديك أعلاه للفوز بمهنة بديلة (جااااااهزة)

















-----------------------------------
اير سي يا خينا ، أير من وانديمون؟؟

Quote: وحتلقى مهن بديلة..

لا حولااااااااا ...... إنشاء الله أكون فهمت غلط ..... ما لايقة فيهو يا دكين ما لايقة

أبو ساندرا ..

إنشاء الله لا تشوف فلسطين لا فلسكاب بركة شيخك "العُمدة" ..... قول يامين

Quote: من المؤكد ايضا انو زول ضحكتو قطر كمثل ما تراصت اعلاه لن يكون بعيدا عن هذه المهن البديلة..

إنا لله ..


......
الليلة الدق .

ونمن شفت ابو ساندرا في مكتبة جرير في ليلة خميس ولقيتو سارح

سالت نفسي وقلت : الزول دا سارح وين!!


والفيك بان يا ابو ساندرا

Quote: في الأيام الأخيرة وتحديدآ في الخمس الأواخر من الشهر الفضيل رزقني الكريم ووسع في رزقي وإنسابت الأموال في جيبي على عكس الذي يصير في العالم الرأسمالي وهو يحجل نحو أزمته الأخيرة التي لو عاش اوانها عزيزنا المفكر الراحل الخاتم عدلان لعادة له ثقته في الإشتراكية

العزيز ابو ساندر
تعرف اول ما قريت كلامك ، انتصب فى وجهى المذيع الشهير محمد سليمان صاحب البرنامج التلفزيونى على ايام السبعينات من القرن الماضى (دنيا دبنقا دردقى بشيش ) وقولته الشهيرة ( يا راجل حرام عليك ) ...
وكأن مجرد نقد المرحوم الخاتم للماركسية وتجربة الحزب الشيوعى هى انتقال للسوق الحر وهو ما عبر عنه قرشى عوض قبل ايام فى بوست اخر قال فيه ان المرحوم الخاتم اشاد باليمين الامريكى ..
وحتى تتضح الصورة للقارىء دعنا نتامل رؤية الخاتم حول هذا الامر وبعدين الحكم عليه اذا كان ما يحدث الان فى الاسواق العالمية هى المعيار لذلك الحكم .
طبعا وكما تعلم فان الخاتم بعيد حروجه من الحزب الشيوعى لم يساهم فى تأسيس حركة حق مباشرة وانما اسس مع اخرين ومن ضمنهم المرحوم خالد الكد تنظيم اسمه الحركة السودانية للديمقراطية والتقدم ، والتى جاء فى برنامجها حول السوق ما يلى :
( - اننا نعتقد ان السوق، هو اقدم المؤسسات التى ابتدعها المنتجون لتبادل منتجاتهم ، اكثر فعالية فى توزيع السلع ، وتحديد الاسعار ، والاستجابة لافضليات المستهلكين من اية عملية بيروقراطية مهما كانت كفاءتها . انه حافز لتجديد الوسائل الانتاجية ، ونشر السلطة الاقتصادية على اوسع نقاط ، وتوفير المعلومة وامكانية التصرف العقلانى على اساسها . من هذه النواحى لا يمكن للانسانية ان تستغنى عنه ، على الاقل فى المستقبل المنظور.
- ومع ذلك فان السوق يمكن ان يكون مصدرا لمظالم اجتماعية مدمرة اذا ترك لالياته الخاصة واتجاهاته التلقائية . فيما هو ساحة للتبادل بين المالكين للسلع ، مهما كانت ، فانه يعنى عمليا سحق من لا يملكون . وبما ان المالكين للسلع انفسهم ليسوا على مستوى واحد من القوة الاقتصادية ، فان الاقوياء منهم يفرضون شروطهم على الضعفاء الذين تحيط بهم دائما ظروف حياتية تجعلهم مضطرين لقبول شروط مجحفة للتبادل . كما ان السوق يحتوى على قوى هائلة للتدمير الذاتى ، تتمثل فى الاستجابات غير العقلانية للاحداث الاقتصادية والسياسية وخاصة فى مجال النقد واسواق الاوراق المالية. فضلا عن ان السوق لا يستجيب مطلقا لكثير من الاحتياجات الاجتماعية الاساسية.
- ان كل هذا يضع مبررات قوية لتدخل المجتمع ، ومن خلال الدولة الديمقراطية ، لمقاومة اتجاهات السوق السلبية ، ومحاصرة نتائجه الضارة اجتماعيا ، والتحكم فيه بصورة فعالة ، لضمان التبادل العادل بين المخدمين والمستخدمين ، وتحقيق التوازن بين المنتجين والمستهلكين ، وتوفير ضروريات الحياة الانسانية للجميع ، وضرب مواقع الاحتكار وخاصة فى سلع الاستهلاك المادى والفكرى ( اعلام صحافة نشر ) وضرب العناصر الطفيلية التى تتوالد كنباتات الفطر فى كل مراحل العملية الانتاجية ومفاصلها .)

Quote: - ان كل هذا يضع مبررات قوية لتدخل المجتمع ، ومن خلال الدولة الديمقراطية ، لمقاومة اتجاهات السوق السلبية ، ومحاصرة نتائجه الضارة اجتماعيا ، والتحكم فيه بصورة فعالة ، لضمان التبادل العادل بين المخدمين والمستخدمين ، وتحقيق التوازن بين المنتجين والمستهلكين ، وتوفير ضروريات الحياة الانسانية للجميع ، وضرب مواقع الاحتكار وخاصة فى سلع الاستهلاك المادى والفكرى ( اعلام صحافة نشر ) وضرب العناصر الطفيلية التى تتوالد كنباتات الفطر فى كل مراحل العملية الانتاجية ومفاصلها .)

1- مقاومة إتجاهات السوق السلبية
2- محاصرة نتائج السوق الضارة إجتماعيآ
3- التحكم في السوق بصورة فعالة
4- ضمان التبادل العادل بين المخدمين والمستخدمين
5- تحقيق التوازن بين المنتجين والمستهلكين
6- توفير ضرورات الحياة الإنسانية للجميع
7- ضرب مواقع الإحتكار وخاصة في سلع الإستهلاك المادي والفكري
8- ضرب العناصر الطفيلية

الأهداف الثمان اعلاه
بتتم كيف ؟ بيد من ؟

الإجابة في صدر المقتطف
{ بتدخل المجتمع من خلال الدولة الديمقراطية }

دي مش ياها الإشتراكية ذاتها
ياعم طلعت ؟

العزيز ابو ساندرا
ارتبطت كلمة الاشتراكية بالتطبيق الماركسى الذى انهار مع نهاية الالفية ، ارتبطبت بحزب واحد وجهاز دولة بيروقراطى كان بمثابة غول ضخم فى مقابل مجتمع مدنى ضعيف ومتهالك لانه مجرد من كل شىء. وقد شاب ذلك الفهم حتى الفلسفات القومية التى تأثرت بالماركسية فى فترة تأسيسها الاولى مثل القومية العربية وغيرها والتى وصفها المرحوم الخاتم ك (متعب الهزال) تطوف حول المجتمعات الديمقراطية وذلك فى رواية مدن الملح . ولذلك فمصطلح العدالة الاجتماعية اكثر دقة .. المجتمع الديمقراطى الذى قصده الخاتم ومن معه فى الوثيقة اعلاه لاع علاقة له بالاشتراكية بهذا المفهوم .