Post: #1 Title: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 11:45 AM
نانسي عجاج نقلة جديدة في عالم الغناء السوداني متفردة .. تشبه نفسها فقط .. لها طريقها الخاص وطريقتها الخاصة لها صوتها الخاص وإحساسها الخاص لها فهمها الخاص وستكون لها مكانتها الخاصة لها ولها ولها .. وما لكم غير ( السمع ) تعرف كيف تعتلي صهوة الفن وتعرف أكثر كيف تقود زمام المسرح وضع الله فيها سر الحضور والجاذبية .. شيء كالسحر تأخذك إليها وتردك إلى نفسك متى شاءت في حضرتها تشعر بفيض من السعادة وحالة أشبه بالتحليق والسمو صوتها يأخذك .. بعيداً .. يلمس الفرح النائم والشجن المعتق والأحزان القديمة صوت حنين .. عميق .. يدخل الروح بلا مشقة فيهدهدها ويهبها الفرح تسمعها تتمنى أن لا تتوقف عن الغناء .. نانسي عجاج تماماً مثل : إنسياب البـُرء في الروح العليلة
رغم إزدحام الساحة الفنية بالنجوم .. أصبحت رقماً .. أصبحت نجماً لا يشبه البقية بل أصبحت قمراً لا تكتمل ليالي الطرب دون ظهوره
نانسي عجاج أوالفتاة الذهبية .. صوتها من ذهب .. إحساسها من ذهب من بلاد الورد والحليب تتوجه لشواطي اللؤلؤ قادمة من الاراضى المنخفضة لتسمو بنا في مجرات الطرب ودنياواته الجميلة
Post: #2 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 12:27 PM Parent: #1
تصعد المسرح واثقة الخطوة تمشي .. مشحونة بالغناء حتى المسام .. أو يفيض منها في ملامحها الثقة وفي حنجرتها كل الطرب
. . نانسي خُلقت لتغني
Post: #3 Title: Re: نانسي عجـاج .. لأول مرة على مسارح الخليج العربي Author: فيصل نوبي Date: 10-08-2008, 12:57 PM Parent: #2
أخيراً !!
_ فوق ...
Post: #6 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 02:08 PM Parent: #3
Quote: أخيراً !!
صبراً يا نوبي فإن موعدكم الدهشة
ياخ أرفع تلفونك
Post: #4 Title: Re: نانسي عجـاج .. لأول مرة على مسارح الخليج العربي Author: فاروق أبوحوه Date: 10-08-2008, 01:05 PM Parent: #2
Post: #11 Title: Re: نانسي عجاج Author: ثابت محمد Date: 10-08-2008, 02:42 PM Parent: #5
Quote: الاخ محمد ثابت
متى نانسي عجاج في الإمارات العربية
ناهد
الأخت حسن ناهد .. أقصد ناهد حسن ثابت محمد مش محمد ثابت
سنوافيكم قريباً جداً بجدول الحفلات ومنافذ بيع التذاكر
لكن الجولة مدتها شهر واحد يعني شهر نوفمبر خليك إستاندباي ثم شدي رحالك حيث تغني نانسي
شكرا للمرور
Post: #8 Title: Re: نانسي عجـاج .. لأول مرة على مسارح الخليج العربي Author: naeem ali Date: 10-08-2008, 02:31 PM Parent: #1
هنيئا لاهل قطر
والعقبه لينا في السودان
شكرا ثابت
Post: #13 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 03:08 PM Parent: #8
Quote: هنيئا لاهل قطر
والعقبه لينا في السودان
يااااااا ودعلي هنيئاً لكل من سمع أو سيسمع نانسي
بس إنتو نانسي دي حضرتوها خلو ناس الخليج ياخدو فرصة الغربة اللئيمة دي والله والله ماعندها علاج غير نانسي عجاج
شكرا لمرورك
Post: #9 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 02:32 PM Parent: #1
تنويه قبل مواصلة السير
الصورتين المستخدمتين في هذا البوست من تصوير الأخ طلال عفيفي طلال عفيفي ( الرجل الأزرق ) أزرق كما النيل والسماء .. عميق وعالي طلال الذي أحسب أن كاميرته جزء من صدره وماء عيونه عذراً أخي طلال إن فاتني ذكر ذلك لك العذر والعتبى حتي ترضى
ثم لك كل الطرب المحتشد في حنجرة نانسي عجاج
Post: #12 Title: Re: نانسي عجـاج .. لأول مرة على مسارح الخليج العربي Author: Amira Elsheikh Date: 10-08-2008, 02:56 PM Parent: #9
قـطر دائما الاولى فى احتضان الجمال...
يالله ياالله ياثابت...
غايتوتجى تجهجهنا وتمشى ..اصلنا قاعدين على الهبشة...
غايتو اناماماشة الحفل من اسي كلمتكم ومافى زول يجى يقول
شنو وشنو وشنو...
ثابت ازيك وكل سنةوانت طيب ومبشر بالجمال
Post: #14 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 03:22 PM Parent: #12
Quote: قـطر دائما الاولى فى احتضان الجمال
أميرة الشيخ أسعد الله جميع أيامك
أنتم قَـدَرُكم وقـَدْركم الجمال وإحتماله هاهي نانسي عجاج ستحل بأرضكم ربما قادتها رائحة الطرب الأصيل والحزن النبيل ربما تصادف أقدامها أماكن ومسارح إعتلاها مصطفى سيد احمد ليكون وقع الخطى فوق الخطى خيراً ودهشة لكم أهل قطر وأنتم تستحقون الطرب والجمال
وعلى جنب كده بيني وبينك يا أميرة أنا جاي بس يمكن ما أحضر الحفلة نانسي دي عجيبة .. إلا زول مصفح وضد الرصاص شفتي نحن محظوظين كيف نانسي عجاج في الخليج وبنشجع المريخ
عليك الله تاني عاوزين شنو ؟؟ غايتو أنا أكتر من كده ما عاوز
Post: #15 Title: Re: نانسي عجـاج .. لأول مرة على مسارح الخليج العربي Author: كمال ادريس Date: 10-08-2008, 05:45 PM Parent: #1
الحبيب ثابت..... الخليج بس!! مافي غشوة على الخرطوم؟؟
Post: #17 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-08-2008, 08:28 PM Parent: #15
Quote: الحبيب ثابت..... الخليج بس!! مافي غشوة على الخرطوم؟؟
كمال أسعد الله أوقاتك وإجازة موفقة
الخليج لآول مرة .. ياعالم والله لأول مرة والسودان بالتأكيد في قلب نانسي إنت ناوي إجازة طويلة ؟؟
بعدين ياكمال أنا محتاجك شديد وريني كيف ومتين ؟؟
ومرورك بيفرح
Post: #16 Title: Re: نانسي عجـاج .. لأول مرة على مسارح الخليج العربي Author: طارق عبد اللطيف نقد Date: 10-08-2008, 06:20 PM Parent: #1
الحبيب ثابت
Quote: نانسي عجاج في الخليج وبنشجع المريخ
جنس تكسر يازول ادفق براحة000
والله البوست ده يشوفوا ابو صلعة يفتح فيك بلاغ000
ده اسمه 0000
غايتو 000جنس 000غايتو000
Post: #18 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-09-2008, 10:27 AM Parent: #16
بعدين خلينا في الموضوع أنسانا من حنكك ده ومن تكسيري أنا حفلة البحرين نشوفك في الصفوف الأمامية
إتفقنا ؟؟
Post: #19 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-09-2008, 11:06 AM Parent: #1
كل زول يسمع .. يشوف .. ويستمتع بطريقتو
Post: #23 Title: Re: نانسي عجـاج .. لأول مرة على مسارح الخليج العربي Author: حسين نوباتيا Date: 10-10-2008, 02:07 AM Parent: #19
يااخي ما هذا الصوت الملائكي الذي يغسل الدواخل؟؟؟
كنت قد هجرت الغناء السوداني منذ سنين طوال ...لكن هذة النانسي لها صوت لا يقاوم به كل شجن الدنيا..عذب لا يستاذن القلوب ..ينساب في الدواخل كما الحليب البارد في يوم حار..هذة النانسي فلته اتت في زمن انحط فيه كل شي .. فيجب ان نحافظ عليها وندعمها.
سمعتها صدفه في ال youtube قبل شهرين في سهرة لندنية مع الهيلاهوب لاول مرة فاعدت المقطع لعشرين مرة..
ياخي ما تحاولو تكبرو اللفة و تجونا امريكا
Post: #24 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-10-2008, 07:21 PM Parent: #23
Quote: يااخي ما هذا الصوت الملائكي الذي يغسل الدواخل؟؟؟ كنت قد هجرت الغناء السوداني منذ سنين طوال ...لكن هذة النانسي لها صوت لا يقاوم به كل شجن الدنيا..عذب لا يستاذن القلوب ..ينساب في الدواخل كما الحليب البارد في يوم حار..هذة النانسي فلته اتت في زمن انحط فيه كل شي .. فيجب ان نحافظ عليها وندعمها.
سمعتها صدفه في ال youtube قبل شهرين في سهرة لندنية مع الهيلاهوب لاول مرة فاعدت المقطع لعشرين مرة..
ياخي ما تحاولو تكبرو اللفة و تجونا امريكا
حسين نوباتيا كل من يتذوق الفن الاصيل والطرب الراقي لا يمكن أن يمل من سماع نانسي يسمعها مرة وعشرين ومليون ولا يكتفي هذه الفتاة الذهبية تمتلك نواصي الطرب جمال الملائكة ومقدرات الجن
تكبير اللفة ده عند نانسي وحسب إرتباطاتها هي ترغب أن تغني لكل سوداني في كل مكان
مرورك أسعدني أخي حسين كامل المودة
Post: #20 Title: Re: نانسي عجـاج .. لأول مرة على مسارح الخليج العربي Author: حيدر امين Date: 10-09-2008, 11:48 AM Parent: #1
Post: #22 Title: Re: نانسي عجـاج .. لأول مرة على مسارح الخليج العربي Author: حيدر امين Date: 10-09-2008, 09:10 PM Parent: #21
يكمل الطابق الثانى يعنى بس ما يكون يكمل نص الحلو التانى
وبينى وبينك ناس مسقط عايزين شيقوق فى المقلب تجى نانسى وترجع وبعدها فيصل الصحافه ثم طه سليمان
واخونا يكون فى البردانا
Post: #25 Title: Re: نانسي عجـاج .. لأول مرة على مسارح الخليج العربي Author: rosemen osman Date: 10-10-2008, 07:38 PM Parent: #22
.what a lucky people who will have the chance to listen to princes nansi in a live show
good luck nansi
and enjoy your time lucky people
Post: #26 Title: Re: نانسي عجـاج .. لأول مرة على مسارح الخليج العربي Author: ALMURADABI Date: 10-10-2008, 09:05 PM Parent: #25
Quote: Lucky people
دايرين لينا فيزا وتذكرة أمامية يا ناس هناية الفي قطر
عايزين نستمتع مع الجمال من الجانبين فبكل تداوينا فلم يشف ما بنا
منتظرين ياناس هناية القاعدين مع ناس صاحب السمو وأصحاب السعادة
Post: #30 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-11-2008, 08:43 AM Parent: #25
Quote: what a lucky people who will have the chance to listen to princes nansi in a live show
روزمين انيقة القلم والعبارة نعم .. نعم .. محظوظون نحن .. حلم سماع نانسي على المسرح سيتحقق متسمرون حتى الطرب الأخير من حنجرة الفتاة الذهبية
ليتكِ هنا
We Are Realy lucky
كامل المودة
Post: #27 Title: Re: نانسي عجـاج .. لأول مرة على مسارح الخليج العربي Author: كمال ادريس Date: 10-10-2008, 09:54 PM Parent: #1
الحبيب ثابت ننتظر تعليمات ... العناوين بي هناك
Post: #28 Title: Re: نانسي عجـاج .. لأول مرة على مسارح الخليج العربي Author: Kostawi Date: 10-10-2008, 10:11 PM Parent: #27
Post: #31 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-11-2008, 07:55 PM Parent: #28
كوستاوي اسعدك الله أسعدتنا بمرورك شكراً على رفد البوست بصورة نانسي وشكرا لصاحب العدسة والكاميرا الجميلة طلال عفيفي
كامل المودة
Post: #29 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-11-2008, 08:32 AM Parent: #27
Quote: الحبيب ثابت ننتظر تعليمات ... العناوين بي هناك
الجميل كمال إدريس العناوين وصلت والعشم وليس ( التعليمات ) في الطريق
كامل المودة
Post: #32 Title: Re: نانسي عجـاج .. لأول مرة على مسارح الخليج العربي Author: ودالعباسية Date: 10-11-2008, 10:38 PM Parent: #29
الف مرحب بى الفنانه نانسى عجاج فى الدوحة ،، بلد الجمال
وبما انه ما شايف ناس من الدوحة غير اميرة الشيخ ،،
فحبيت ارحب بمقدمها الى دوحتنا والتى حا تنطلق منها الى باقى دول الخليج ،،
وحا نكون متابعين معاكم كل التفاصيل ولو فى اي مساعدة حاضرين ،،
Post: #34 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-12-2008, 02:30 PM Parent: #32
Quote: الف مرحب بى الفنانه نانسى عجاج فى الدوحة ،، بلد الجمال
وبما انه ما شايف ناس من الدوحة غير اميرة الشيخ ،،
فحبيت ارحب بمقدمها الى دوحتنا والتى حا تنطلق منها الى باقى دول الخليج ،،
وحا نكون متابعين معاكم كل التفاصيل ولو فى اي مساعدة حاضرين
ود العباسية لحضورك طعم الفرحة شكراً للمرور والترحيب الجميل مساعدتكم تكون بالحضور وتوزيع رقاع الدعوة على الجميع حتى تستمتع أنت وهم بليلة تحمل كل طرب نانسي عجاج
كل المودة لك ود العباسية
Post: #33 Title: Re: نانسي عجـاج .. لأول مرة على مسارح الخليج العربي Author: naeem ali Date: 10-12-2008, 09:39 AM Parent: #1
البت الدهشه.. (التاكت) بابها علي الانغام.. الصوت (الرشه).. (خدر) خاطر الغنيه ونام.. في حفيف (الرمشه).. ووزع عشقه علي الاحلام.. البت اللون.. ولون (اللون) وكتين يتفشا.. يمرق ضيه علي الوجدان..
Post: #35 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-15-2008, 11:17 AM Parent: #33
Quote: البت الدهشه.. (التاكت) بابها علي الانغام.. الصوت (الرشه).. (خدر) خاطر الغنيه ونام.. في حفيف (الرمشه).. ووزع عشقه علي الاحلام.. البت اللون.. ولون (اللون) وكتين يتفشا.. يمرق ضيه علي الوجدان
نعيم علي زادك الله من نعيمه شكراً على المرور الأخضر الوريف
مسارح الخليج على موعد مع الصوت الحالم والطرب الأصيل مسارح الخليج على موعد مع الفتاة الذهبية والصوت الذهبي
كامل المودة
Post: #36 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-15-2008, 11:30 AM Parent: #1
Post: #37 Title: Re: نانسي عجـاج .. لأول مرة على مسارح الخليج العربي Author: محمد الواثق Date: 10-15-2008, 01:18 PM Parent: #1
منذ اكثر من عامين التقيت صديقي وزميلي طارق الأمين في ابوظبي
Post: #38 Title: Re: نانسي عجـاج .. لأول مرة على مسارح الخليج العربي Author: طلال عفيفي Date: 10-21-2008, 09:14 PM Parent: #37
أخي ثابت ، يا لك من إنسان لطيف وكمان أخبارك حلوه ! قبل كل حاجة بتمنى ليكم أماسي ممتعة في حضرة نانسي الشاية الجميلة والروح الباهية .. كمان بتمنى ليكم كل التوفيق في حفلات منتظمة وناجحة، فبالتأكيد وراء هذا الأمر جهد محترم .
تحياتي لك ولنانسي طبعاً.
Post: #39 Title: Re: نانسي عجـاج .. لأول مرة على مسارح الخليج العربي Author: طلال عفيفي Date: 10-21-2008, 09:25 PM Parent: #38
عامان مرا على أول مرة أستمع فيها إلى نانسي . إستمعت إليها يومها وكأن قلبي غارق في بحيرة من الحليب . صوتها يأخذني إلى منطقة نادرة لا أعرف كيف أصفها ولا أتذكر حتى أين كانت من قبل، منطقة ساحرة وفيها حاجات تجعل فؤادك يبتسم .
Post: #40 Title: Re: نانسي عجـاج .. لأول مرة على مسارح الخليج العربي Author: طلال عفيفي Date: 10-21-2008, 09:39 PM Parent: #39
Post: #41 Title: Re: نانسي عجـاج .. لأول مرة على مسارح الخليج العربي Author: عواطف ادريس اسماعيل Date: 10-22-2008, 07:52 AM Parent: #40
مليون مرحب بالمطربة المبدعة نانسي ..
تستقبلها قلوبنا قبل عيوننا ..
تحتويها أرواحنا قبل آذاننا ..
نزلت سهلا وحلت أهلا ..
Post: #43 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-29-2008, 09:00 AM Parent: #38
طلال عفيفي الرجل الأزرق دائماً حضورك لا يضاهيه سوى الطرب المحتشد في حنجرة نانسي عجاج
كل الوصايا قيد الذاكرة سنوثق سنوثق ونوثق داخل عيون الكاميرات وملفات التصوير وقبل ذلك بين أرواحنا نانسي تستحق
وبرجع ليك برواقة
Post: #42 Title: Re: نانسي عجـاج .. لأول مرة على مسارح الخليج العربي Author: معتصم الطاهر Date: 10-22-2008, 08:55 AM Parent: #1
مرحب بالصوت الملائكى ..
حاجزين
Post: #46 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 11-07-2008, 01:42 PM Parent: #42
Quote: مرحب بالصوت الملائكى ..
حاجزين
معتصم الطاهر الجميل مرحب بصاحب القلم المترف والحس المرهف وجودك جزء من الجمال
و . .
الموعد نانسي عجاج مرورك يدوزن الفرحة بالدواخل
Post: #44 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 10-30-2008, 11:41 AM Parent: #1
وصلت فجر اليوم لمدينة الدوحة الفنانة نانسي عجاج ألف حمداً على سلامة الوصول نانسي حفل الخميس الثالث عشر من نوفمبر سيكون خالداً في ذاكرة الجميع
الجمال والبشاشة والأصالة والكرم من طبعكم يا أهل الوحة أقرنوا ذلك بالحضور
Post: #45 Title: Re: نانسي عجـاج .. لأول مرة على مسارح الخليج العربي Author: ثابت محمد Date: 11-07-2008, 09:37 AM Parent: #44
الأمارات العربية المتحدة حفل أبوظبي الخميس : 20 / 11 / 2008 م حفل الشارقة الجمعة : 28/ 11 / 2008 م
سنوافيكم بمواقع المسارح مساء اليوم مزيد من المعلومات 0509688047
Post: #47 Title: Re: نانسي عجـاج .. لأول مرة على مسارح الخليج العربي Author: معتز القريش Date: 11-08-2008, 04:37 PM Parent: #45
فوق من اجل الابداع والرقة والفن الراقي
Post: #48 Title: Re: نانسي عجـاج .. لأول مرة على مسارح الخليج العربي Author: مدثر محمد عمر Date: 11-08-2008, 07:26 PM Parent: #47
هذه البنت بامكانيات صوتها المحدوده استطاعت ان تفعل الكثير ... تعرف كيف تلبس "توب المرقه" كما قال البزعي عندما سئل عن عدم انتشار الاغنية السودانية فاجاب بأننا لا نعرف كيف نلبس توب المرقه كناية عن اننا لا نعرف كيف نعرض احسن ما عندنا.... ذات تكنيك عال جدا ... لا يتفوق عليها في التكنيك سوي عثمان حسين وشمت محمد نور ... اللذان اثبتا ان الطرب لا يحتاج الي امكانيات صوتيه اكثر منها الي قدرة علي التطريب و "فهم للغنا" .... كل التوفيق والخير لها ولمن يحبها....
Post: #49 Title: Re: نانسي عجـاج .. لأول مرة على مسارح الخليج العربي Author: Tragie Mustafa Date: 11-08-2008, 09:31 PM Parent: #48
يا بختكم بنانسي عجاج.....شيلوها في عيونكم.
Post: #50 Title: Re: نانسي عجـاج .. لأول مرة على مسارح الخليج العربي Author: Alsa7afa_30 Date: 11-08-2008, 09:40 PM Parent: #1
ناس الدوحـة ..
ستاند باي ..
سلامات أخي ثابت ..
Post: #51 Title: Re: نانسي عجـاج .. لأول مرة على مسارح الخليج العربي Author: عبدالمجيد صالح Date: 11-09-2008, 09:27 AM Parent: #1
