Post: #1 Title: "موال النيل " تجربة تستحق إلتفاتة Author: tarig almakki Date: 10-04-2008, 11:20 AM
موال النيل سودانيين باند تجربة جديدة وإسلوب جديد
أتمنى إنو السادة الموسيقيين بالمنبر يشاركونا بآرائهم في التجربة دي وما يبخلو على هؤلاء الشباب بالنقد .
Post: #2 Title: Re: "موال النيل " تجربة تستحق إلتفاتة Author: tarig almakki Date: 10-04-2008, 06:27 PM Parent: #1
بالنسبة لي أنا طارق فأنا بعتبر الشباب ديل ناس فنانيين وعندهم الكتير عشان يقدموهو لو صمدو وما إتفرقو لأنهم محتاجين زمن كبير عشان يرسخو أعمالم في قلوب الناس ويأسسو لي نفسهم قاعدة عريضة بقدر الإبداع اللي هم بيقدموهو . طبعاً موال النيل ليست التجربة الأولى لكن أنا شفت فيها إستفتاحية طيبة وأنا من خلال البوست ده حا أقدم أكتر من تجربة وأتمنى إنو الشباب يلقو النقد البستحقوهو .
Post: #3 Title: الله العظيم .. حتفرج Author: حجة امنة Date: 10-04-2008, 06:41 PM Parent: #1
جداً جميل
Post: #4 Title: Re: "موال النيل " تجربة تستحق إلتفاتة Author: tarig almakki Date: 10-05-2008, 07:20 AM Parent: #1
أكيد جميل يا آمنة شباب بحبو فنهم والفيهم وافرة ياخي في حنية غريبة في الأصوات
Post: #5 Title: Re: "موال النيل " تجربة تستحق إلتفاتة Author: محمد سنى دفع الله Date: 10-05-2008, 09:45 AM Parent: #4
ده الجمال زاتو اتلم التاريخ العريق ممدوح فريد و الحداثة في الجزار ومحمد عثمان و طريــــــــــــف ابداع والف مبروووك عودة الســـــــــــــــــودانييين
Post: #8 Title: Re: "موال النيل " تجربة تستحق إلتفاتة Author: tarig almakki Date: 10-06-2008, 09:49 AM Parent: #5
حبيب الكل وأستاذي السني شكراً على الكلمات لكن العارفو أنا إنو عندك معاهم مشاريع كبيرة يا ريت تكلمنا عن المجموعة من خلال معرفتك القديمة والحديثة بيها
Post: #6 Title: Re: "موال النيل " تجربة تستحق إلتفاتة Author: عثمان دغيس Date: 10-05-2008, 10:21 AM Parent: #1
الأخ طارق.. لك محبتي وتقديري لما تقوم به .. وما أحوج شبابنا خاصة المبدع منهم لإخضاع تجاربهم للنقد الهادق .. وقبل ذلك الإستعانه بمن يوجههم لجادة الطريق ... تجربة جميلة ومجهود مقدر وفكرة رائعة ... لكنهم كمعظم من تناول تجربة الغناء على إيقاع الدليب الأعرج ( الصعب ) إلا على أهله .. فقد وقعوا في فخ الدليب الخادع ...!
ليتهم يتعلمون أن صعوبة الدليب تكمن في تركيب إيقاعه بأشكاله المختلفة تركيباً معقداً ... وهو يكتسب حلاوته من هذا التعقيد ..وهو ما يسميه الموسيقيين ( السانكوب ) .. يعني لو ما إتسنكب مظبوط يكون أشتر وشكله مقلوب ...
فهو مسنكب الضربة الأساسية .. ومسنكب بالضربة الأخرى ( التك ) ... وتجي الطامة الكبرى بواسطة الصفقة التي تزيد الإيقاع بلة ( أقصد سنكبة ) !!! الغناء والتأليف عليه كأنه ( بره الزمن ) .. وكما قلت أن معظم من تناولوا تجربة التأليف على هذا الإيقاع وقعوا في ذات الفخ ... بما فيهم وردي نفسه ( وهو إبن الشمال ) !!!! عموماً تجربة جريئة وواعدة جداً وأصوات عارفة بتعمل شنو ...!
وننتظر رأي علمائنا وأساتذتنا وأخص بذلك أستاذنا الدكتور الموصلي فهو سابر أغوار هكذا تجارب ...
Post: #7 Title: Re: "موال النيل " تجربة تستحق إلتفاتة Author: tarig almakki Date: 10-06-2008, 09:47 AM Parent: #1
الفنان عثمان دغيس شكراً كتير على الإضافة الثرة الأضفتها وأنا بي دوري حا أنقلا للشباب لكن يا دغيس نحنا هنا ما بصددد الأغنية دي بس , أنا حا أحاول من خلال البوست ده نقل أعمال وألوان متعددة لأعمال السودانيين ويا ريت تقيم لينا الموسيقى والأصوات وأتمنى إنو إستاذنا الموصلى يستجيب لي طلبك ويجي يشارك في التقييم ده ولك مني التحايا .
Post: #9 Title: Re: "موال النيل " تجربة تستحق إلتفاتة Author: tarig almakki Date: 10-06-2008, 09:50 AM Parent: #1
بعاد
Post: #10 Title: Re: "موال النيل " تجربة تستحق إلتفاتة Author: عثمان دغيس Date: 10-06-2008, 12:31 PM Parent: #9
[QUOTE]<
بعاد
أها هنا تجدني يا طارق مأخوذاً بهذا الأداء الشجي جداً ... أصوات معبرة جداً .. أحد هذه الأصوات ذكرني واحد سمعته قبل شهر في السودان إسمه ( زولو ) .. ياخي ده أخطر مغني مر على السودان .. ده رأيي طبعاًُ .. فعلاً ده مستوى مبشر جداً .. بس محتاجين رأيك يا دكتور الموصلي .. حتى تعم الفائدة ...
تخريمة : إنت بتنكت الحاجات الزي دي من وين ؟؟؟!
Post: #11 Title: Re: "موال النيل " تجربة تستحق إلتفاتة Author: Rihab Khalifa Date: 10-09-2008, 01:51 AM Parent: #1
طارق
لحن و كلمات الاتنين حلوات
بس في حاجه بتنغص علي الاستماع، النطق الغلط للحروف، حكايه مزعجه شديد، لانك في قمه الاستمتاع و يجي حرف الظاء زي الزال
------ انا لسه في الحلقه الخامسه بالمناسبه و مشروره
