سامي ده عندو قصه مع ناس مانشيستر، شيينه في حقهم، اول و اخر حفله احضرها هناك
كان مفروض يعمل حفله والناس كلها اتلمت في عز الشتاء و شتاء مانشيستر شيييين، وكت الحفله جا و سامي ما جا، الساعه حداشر بالليل جات و هو ما جا، انا جيت مع مجموعه قعدنا اتونسنا و نسينا الحفله، بعد شويه نسمع ليك النقاش احتد بين الناس، ووينو؟ هو اصلو كده؟ ياخ ما ممكن ما جعنا احنا! يعني اصللله ما ممكن، شوف الشفع ديل نامو في الواطه كيفن بدون عشاء (انتو المطلعكم من بيتكم بعد الساعه سبعه شنو ما متعشيين)، والله انا كان عندي مواعيد و لغيتها، ياخ انا ضرسي قايم علي (الخفه و نكش التفه ليكم شنو ما دام ضرسكم واجعكم)، bla bla blaaa
المهم كميه من الكلام ما عاديه، بعد شويه جا زول قال سامي حصل ليهو حادث في طريق لندن مانشيستر بالعربيه، صبت في الناس دي مطره، بغم دي ما سمعتها، انا طبيت شنطتي و ووقفت اصله الدنيا امتحانات كانت، و انا في وقفتي جانا سامي داخل يا حليلو متكل و بي عكاكيزو crutches اظن عشان يوري الناس انه صحي حصل ليهو حادث، وهو داخل اول زول علي يده اليمين كان شايل مايكرفون طواااااااالي مداهو ليهو و قال ليهو اتفضل ادينا فاصل
اها، احنا من اليوم داك بقينا شابكين بعض كان زول طلب من التاني حاجه ما في محلها ولا في وكتها
دكتورة رحاب .. طيب ياخي ما تدينا ( فاصل ) انتي .. علي العموم .. اسمعي الاغنية التحت دي بمزاج .. وذي ما قال ابو الشوش الزول دا لمن يكون مزاجه رايق .. بمتع الزول ..
.. ..
للإستماع لإغنية ( أفوت عينيك اقبل وين - عود - سامي المغربي ) اضغط PLAY
رأفت ميلاد .. بالجد انا مبسوط جدا انك جيتنا زاير .. سامي من شباب امدرمان .. الناس دي اتربت والغنا في خشمها .. والحنية عاشوها في شوارع وزقاقات امدرمان ..
.. ..
للإستماع لإغنية ( فلق الصباح - عود - سامي المغربي ) اضغط PLAY
Post: #21 Title: Re: ســــــــامي المغــــــــربي ..!! Author: Ahmed Mohammed Osman Date: 07-26-2008, 00:05 AM Parent: #1
اختلف معاك في الحته دي صوت سامي ادفاء واعمق من صوت بكري ونسبة تطريبو عالية خاصة انو السلم البغني بيهو بارد ومريح بالاضافة لاختيارات سامية (الراقية) عكس بكري البيعتمد علي نظرية العداد بغض النظر عن الاغاني البغنيها
غايتو في عرسي بالغ رسمي ما قصر معاي تب حفله مبالغه كانت حديث فرجينيا و ما جاورها لزمن طويل و لغاية هسع في اي عرس يقولوا والله الحفله حلوه لكن عرس دانيه كان مبالغه و سامي ابدع اكويكم شويه ياالما حضرتوها فاتتكم, سامي بيغني من ثمانيه مساء لغايه ثلاثه صباحا و من ثلاثه لغاية سته و نص تحيه للعروس و ام العروس, الناس مرقت من الصاله سبعه صباحا و انا لغاية هسع رجليني مورمه. بالغ بالغ عديل كده لو بعرف انزل الاغاني كنت نزلها ليكم ممكن زول يوريني عشان احندكم شويه
شكرا ياحميدة يا حبيب.. سامي المغربي لأول مرة استمع اليه كان في عام 2003م عندما أهداني أحد الأخوة شريط كاسيت له.. وكان يحتوى علي حفل له .. به أغاني جميلة من ضمنهااغنية يقول في مطلعها .. أغالب دمعي واتحسر.. وقد استمعت له ولم أصدق أن هناك من يحفظ الزمن الجميل في فنه..خاصة أنه ظهر في فترة الانقاذ حينما توارى الفن خجلا وأسفا من واقع الحال .. الذي جعل الموصلي يهرب بذوقه حتى لا يمسخ .. وجعل الكبار يبتعدون من الانزلاق في الوعر.. مودتي حميدة..
الله يده العافية سامي المغربي راجل ظريف و مكمل الظرافة لي معة اوقات جميلة و رائعة و ذي ما قال واحد اخونا لما يكون المزاج رايق يكون سامي في عرس بنتي مش ابدع ده و الله تجلي واحشنا ياسامي
بالنسبة لنكات الحفظ .. وبما انه الاغاني كلها مرفوعة علي سيرفر سودانيزاونلاين .. وبكري خاتي ليهو كود عجيب كدا ألا يجي معاوية يشرح ليكم طريقة حفظ الاغاني .. ووممكن تأخدوا الرابط .. بإختيار الاغنية والضغط علي رايت كليك في الميديا بلير وادخل علي خصائص بتلقى اللنك .. بس طريقة الحفظ دايرة شرح ..
Quote: شكرا ياحميدة يا حبيب.. سامي المغربي لأول مرة استمع اليه كان في عام 2003م عندما أهداني أحد الأخوة شريط كاسيت له.. وكان يحتوى علي حفل له .. به أغاني جميلة من ضمنهااغنية يقول في مطلعها .. أغالب دمعي واتحسر.. وقد استمعت له ولم أصدق أن هناك من يحفظ الزمن الجميل في فنه..خاصة أنه ظهر في فترة الانقاذ حينما توارى الفن خجلا وأسفا من واقع الحال .. الذي جعل الموصلي يهرب بذوقه حتى لا يمسخ .. وجعل الكبار يبتعدون من الانزلاق في الوعر.. مودتي حميدة..
شئ عجيب ّّّ!!!!!
بعيدا عن قدراته الفنيه ( ولنا فيها رأى غير متخصص)
يعتبر هذا الشخص هو من المؤسسين لمدرسة الغناء الهابط فى السودان... ومسؤول بالدرجه الاولى عن انحدار الذوق السودانى فيما يتعلق بالغناء.
الكاردينال ود الشيخ .. الهبوط زاتو خشم بيوت .. وبما انه الاغاني السودانية مكررة وما في زول قاعد يجيب جديد .. بقت الناس تنوع في اساليب السمع .. سامي صوته هادئ جدا .. و ممكن يغني ليك اغنية جايطة ( شبابية ذي ما بقولوا ) بكل هدوء .. اضافة الي انه الناس البتشتغل معاهو بتكون فاهمة هي بتعمل في شنو .. وحاليا الفنان الاول في الساحة .. بغض النظر عن مستوى الساحة شنو .. كدي اسمع الاغنية الفي المداخلة دي وبعدين احكم .. Re: ســــــــامي المغــــــــربي ..!!
اخونا اليسع .. والله محمد بابكر ( ود حلتنا ) ما فيهو كلام وفي ناس كتيرة بقولوا هو الطلع سامي .. لكن الحكاية وما فيها انه الاتنين ديل متفاهمين جدا .. و ذوقهم واحد ..
.. ..
للإستماع لإغنية ( انت فايق و رايق - سامي المغربي ) اضغط PLAY
كنت في صيف من ايام الخرطوم الحارة وانا اتهيأ للنوم فاذا به ينساب صوت هادي وجميل وعلي الرغم من ان الاغاني ضعيفة من حيث الكلمات الا ان الفنان قد اوهب صوتا عذباً جعلني اسهر بقية وقت الحفلة وهي للاسف الي الساعةالحادي ...ومنذ ذلك الوقت لم اسمعه لمدة سنتان لاني لم اكن اعرف اسمه ولكن في مرة وجدت بالصدفة صديقي يسمع في شريط وسالته ما اسم هذا الفان ؟فقال لي انه سامي المغربي والان اصبحت من مدمنيه .....رغم اني اتحفظ شويه علي بعض الكلمات المختارة ولكنه فنان يتمتع بقدرة عالية علي التطريب وتهذيب النفس .....من هنا اسجل لك شكري اخي حميدة وشكرا لسامي المغربي ...
نرجع تاني لموضوع اللنكات .. حفظ الاغاني المرفوعة في سودانيزاونلاين صعب جدا .. ويحتاج الي شرح .. الرجاء متابعة الشرح من خلال هذا الرابط ..Re: ((25 مايو)) أغنيات وصُور وذكريات ((بعيداً عن السّياسة)) وبالنسبة لرابط الاغاني ستجده ( اضغط بالماوس الزر اليمين علي برنامج الميديا بلير ومن ثم خصائص وستجد الرابط اسفل الصفحة URL ) ..
Post: #92 Title: Re: ســــــــامي المغــــــــربي ..!! Author: محمد الأمين موسى Date: 08-15-2008, 08:19 AM Parent: #91
شكرا أخي محمد حميدة على إتحافنا بصوت سامي، فقد كانت لنا معه أيام لا تنتسى في الرباط بقيادة المبدع عبدالسلام محمد صالح الحبر والمبدع محجوب البيلي وغيرهما... في الواقع إن سامي وإخوته يتسمون بأصوات مريحة وتتغنى غناء باسما حمولة الشجن والتطريب في أصواتهم لا تؤدي إلى الاكتئاب، كما أنهم يتغنون بطبقة صوتية مريحة ودافئة، ولهم بصمة يضعونها بين طيات الألحان وكأنهم استمدوا جيناتها من عائشة الفلاتية وأحمد المصطفى... وبسبب الروح الفرحة الباسمة التي تخيم على أدائهم ينجحون في تطريب المحتفين في المناسبات المختلفة... التحية لعازف العود في شريط القعدة، وهو ينقرش العود على الطريقة اليمنية.
Quote: شكرا أخي محمد حميدة على إتحافنا بصوت سامي، فقد كانت لنا معه أيام لا تنتسى في الرباط بقيادة المبدع عبدالسلام محمد صالح الحبر والمبدع محجوب البيلي وغيرهما...
شكرا أخانا حميدة فقد أعدتنا لزمن جميل صحبنا فيه سامياً في الغربة.
و شكرا لدكتورنا محمد الأمين (الغائب)
شهدنا بداية (ولا أقول بدايات) سامي المغرب... في المغرب. وقتها كان كان طالباً مغرماً بسحر الغناء وسحر الموسيقى: الطرب. ألا رعى الله تلك الأيام! عبد السلام (الحبر) بكل هوسه بالعود، ورغبته المَرَضية في "الهرمنة" ولو على حساب اللحن، و"سينكوباته" المجنونة وقابليته لتلحين أي نص حتى ولو كان نشرة أخبار، وارتجال حفل بأي ثمن وفي أغرب الظروف. ووليد جيتار الشهير بوليد محمود. عضو الفرقة وملحنها الفاهم. والبروفات في شقتنا بأكدال. ألا رحم الله أخي وقرة عيني ورفيق دربي، الشاعر أبا مدين أحمد خليفة، الذي تعهّد سامي في بداياته ووجّهه ـ بصرامة ـ نحو أغاني الحقيبة والتراث، باعتبارها قاعدة أساسية لتكوين ذائقة فنية ناضجة في الكلمات كما في اللحن، وأداة حقيقية لتجويد العمل. وقد كتب له أغنيات على هذا النسق، ظن كل من سمعها أنها من أعمال سيد عبد العزيز أو البنّا. كما كتب له قصيدة "عزة" التي تحولت إلى أوبريت وضع ألحانه عازف الجيتار وليد محمود، وتم تقديمها في مهرجان الربيع للعام 1985 في قاعة وزارة الثقافة بالرباط، مع الفرقة: عبد السلام (كمنجة)، نادر (أكورديون)، محمد الأمين (الدكتور) إيقاع، والداعي لكم بطول العمر (كيبورد). وكثيراً ما كان سامي يطعّم فاصله الغنائي باغنية مغربية، وبخاصة أغنية "قطار الحياة" للمطرب عبد الهادي بلخياط (بالدارجة المغربية)، وهي من أشهر أغانيه وأكثرها شعبية.
أذكر خلال صيف عام 2004 جاء الى هيوستن الأخ الفنان سامي المغربي وبرفقته الأخ محمد بابكر عازف الأورغ البارع وقاما بإحياء حفل كان من أجنح وأجمل الحفلات التي أقيمت لدينا هنا في هيوستن حيث قضينا أسعد وأمتع اللحظات بالإستماع والإستمتاع بالأغاني التي أداها سامي المغربي.. حتى أهلنا الأثيوبيين كانوا في قمة السعادة والأستمتاع بتلك الحفلة. سامي المغربي صوته دافيء وآداؤه رائع ومتميز وذوقه راقي في إختيار الأغاني والموسيقى التي تطرب المستمعين.. ويعجبني فيه سماحة خلقه وتواضعه.. ومجامل لأبعد الحدود ويحفظ أسماء الأشخاص وملامحهم بسرعة.. جلست معه ووجدت فيه الإنسان المرح الشفيف الذي تتجلى فيه روح وصفات الزول السوداني البسيط ود البلد الذي يجذبك بالحديث إليه وكأنك تعرفه منذ فترة طويلة.. كما أنه طباخ ماهر يجيد طهي الطعام..(ياخي الزول دا دخل المطبخ وعمل لينا صينية سمك في بيت واحد أخينا إسمه كمال يوسف شيء لا يوصف.. أكلنا صينية السمك ومشينا الحفلة هيصنا).. يوم لن أنساه أبدا..
الأخ حميدة شكرا لك على هذا البوست الرائع الذي أتحفتنا به والتحية للأخ الفنان الراقي سامي المغربي
ياخى غير الصورة دى بتجنن البنات داخل وخارج السودان وفى زميلتنا قاعدة كان معاى قالت لى الزول ده ما بجى السودان قريب طبعا انا قلت ليها الزول ده مغترب وبعد مسافة لقيتها سرحانة قلت ليها مالك يا شرين ولا كانو فى زول بتكلم تاريها سرحت معاك اشان كده ما تخرب سوقنا ســــــاى يا صاحبى
تحياتى فى المسنجر برسل ليك الرقم بتاعها والصور احتمال تحصل القسمة
يا سحس .. معليش علي الانتظار بس اخوك مشغول اليومين الفاتو ديل .. وعشان الانتظار نديك النكتة دي ..
.. ..
حلفاوي كان بيحضر في حفلة لمحمد وردي والدنيا برد شديد والحلفاوي ما عايز يمشي ويخلي وردي وراه وردي كان بيغني في أغنية لو بهمسة وكرر لو بهمسة عدة مرات أخونا زهج وقام قال ليهو : يامهمد وردي لو بهمسة أو بستة ...خلص خلينا نروّح ..!!!
Post: #127 Title: Re: ســــــــامي المغــــــــربي ..!! Author: حسين محي الدين Date: 09-29-2008, 11:22 PM Parent: #126
Quote: حلفاوي كان بيحضر في حفلة لمحمد وردي والدنيا برد شديد والحلفاوي ما عايز يمشي ويخلي وردي وراه وردي كان بيغني في أغنية لو بهمسة وكرر لو بهمسة عدة مرات أخونا زهج وقام قال ليهو : يامهمد وردي لو بهمسة أو بستة ...خلص خلينا نروّح ..!!!
طبعا اتخيلت منظر صحبك مكنكش من البرد وفي نفس الوكت عايز يسمع
يلا يا شباب من اليوم انشاء الله نواصل في البوست دا .. ونبدأ بالاغاني الجديدة لسامي ( اغاني خاصة ) .. كلمات عدد من الشعراء المعروفين .. و ألحان وغناء سامي المغربي .. بالاضافة لاغاني الحفلات الجديدة .. وهدية خاصة .. شريط كامل مع اروكسترا الاذاعة ( بداية التسعينات ) ..
.. ..
شكر خاص لاخونا محمد المعتصم ( عواضابي ) .. الذي لم يبخل علينا بكل ما هو جديد ..
اضغط PLAY
- ألحان وغناء سامي المغربي )
