Post: #1 Title: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 00:35 AM Parent: #0
في كتابه ""يقول مايكل هارت في مقدمة كتابه العظماء مائة : إن اختياري محمداً، ليكون الأول في أهم وأعظم رجال التاريخ، قد يدهش القراء، ولكنه الرجل الوحيد في التاريخ كله الذي نجح أعلى نجاح على المستويين: الديني والدنيوي." http://www.egypty.com/100/characters.asp في هولاء المائة الاعظم في التاريخ فيهم موسيقيين هما (بتهوفن رقم ٤٥) و (جوهان سبستيان باخ ٧٢) وهنا تاتي قيمة الفن العالية بين كل الثقافات الاخري بما فيها الدينية والموسيقى من اشرف المهن كما ان الموسيقي الجاد هو معول من معاول الحرية والديمقراطية والعدالة وفي رحلتي الي السودان التقيت بنهى بدر الدين عجاج ابنة زميلي الذي رحل بعد ان مات غيلة ولكنه لم يمت في عقول محبيه وستظل الحانه الرائعة فخرا لكل ال عجاج. فقد ادهشتني هذه البنت المهذبة التي لا ترفع صوتها الا لماما ولم ار في جديتها في الاونة الاخيرة الا القليل من الفنانات منهن د منال بدر الدين ياسمين ابراهيم المقيمة باستراليا ثم عافيه حسن ولحسن حظي فلدي تعاون معهن جميعا. فنانة منهمكة في مشروعها الجاد بان تضع لنفسها مكانة رفيعة في تاريخنا الموسيقي وتحافظ على تراث والدها الفني الذي لايقيم بالجواهر جديرة باحترامي واهتمامي سمعت لها سي دي كامل ليس فيه اغنية واحدة ليست بجديده هذه جرآة لا يقدر عليها الا من له عزيمة مستمدة من امثال راحلنا المقيم بدر الدين عجاج . ان علاقتي مع اسرة العجاجاب بكل فروعها علاقة عميقة شفيفة بافراحها واتراحها وجاء بدر الدين ليجعلها عميقة بابداعه الرفيع واتت نهى لتجعلها اعمق بسلوكها القويم فنا وخلقا اهتمامها بفنها ووقتها الذي تهبه لذلك مائة بالمائة ساعرض بعض اعمالها هنا واتعرض لاحدها الا وهي (استآمنتك) وهي من شعر مدني النخلي الحان راحلنا المقيم بدر الدين عجاج توزيع الموسيقار القادم بقوة عمر القصاص ولنسمع اولا
Post: #2 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 00:40 AM Parent: #1
تبدا الاغنية بخربشات لطيفة بين البيز ولايقاعات والاورغ تمهيدا لدخول الموسيقي الاساسيه\ ويالها من موسيقي
Post: #3 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 01:18 AM Parent: #1
المقدمه الموسيقية نفسها ذات (نفس متقطع) اي انها في اولها ميالة للايقاع في عبارتين موسيقيتين ايقاعيتين تليهما عبارتان مسترسلتان لحنيتان ثم تعود الموسيقي ثانية في ريقها الممهد منطقيا لتمهد لهذا الغناء الرفيع البديع
Post: #4 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 03:04 AM Parent: #3
تخل نهى قائلة استآمنتك سر الكان في ترنيم بديع وترد عليها لازمة موسيقية انزلاقية
واللحن يتصاعد علوا بقولها الارض المالحه والطوفان نظرات العين الخ متصاعدا ثم يالون الطيف لحن ملون بالوان الطيف وصوت خارج من مزمار داؤدي ونوصل مع هذه البنت البديعة
Post: #5 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: محمد النيل Date: 09-27-2010, 04:10 AM Parent: #4
تعرف يااستاذ الموصلى بعد ان سئمنا جديد الشباب احيا فينا هذا العمل الرائع امل الجديد منهم اى الشباب لا اذكر مطربين جدد اكثروا من عملهم الخاص بعد جيل الخالدى ومحمود تاور حيث انتقل الجيل بعدهم لمحمود عبد العزيز وفرفور و عصام محمد نور فاستكانوا لغناء غيرهم معتمدين على الاعمال الجاهزة بمباركة من الجهات الاعلامية التى شجعتهم على ذلك الا بعض من المحاولات المخجلة لانتاج قليل جدا مقارنة بترديد غناء الاخرين رغم ان الساحة تعج بشعراء شباب مبدعين ورغم التطور الموسيقى وظهور جيل درجات الدكتوراة الموسيقية
شكرا لاهتمامك بما هو جديد
Post: #6 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: عبد الدائم سيد أحمد Date: 09-27-2010, 07:41 AM Parent: #5
والله يا استاذ حيرتنـــــا
عن نفسى استمعت لنهى عجاج كتير جدا" فى برامج تلفزيونية
صراحة وبصراحة لا ارى فيها اى صوت جميل ولا تطريب ولا اى شى يجذبنى كمستمع عادى
خالص الود
Post: #7 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Masoud Date: 09-27-2010, 08:20 AM Parent: #6
عزيزي الأستاذ الموصلي: تحياتي وشكرا على هذه المفاجأة الرائعة التي اسمها نهى عجاج وشكراً لمدني النخلي على الكلام الما خمج .
في علمي البسيط أن السوبرانو هو الصوت النسائي الغنائي و ينقسم إلي ثلاث درجات أندرها في الوجود صوت الكونترالتو. هل نهى تمتلك هذه الدرجة النادرة؟ تحياتي لك في منفاك الأختياري. السمك خارج الماء كم هو سعيد الحظ ! سلام لصديقك محمد السني !!!
Post: #17 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 11:54 AM Parent: #7
Quote: زيزي الأستاذ الموصلي: تحياتي وشكرا على هذه المفاجأة الرائعة التي اسمها نهى عجاج وشكراً لمدني النخلي على الكلام الما خمج .
في علمي البسيط أن السوبرانو هو الصوت النسائي الغنائي و ينقسم إلي ثلاث درجات أندرها في الوجود صوت الكونترالتو. هل نهى تمتلك هذه الدرجة النادرة؟ تحياتي لك في منفاك الأختياري. السمك خارج الماء كم هو سعيد الحظ ! سلام لصديقك محمد السني !!!
بروف مسعود الشوق مطر والله نعم الاصوات النسائية تنقسم الى اربعة اقسام سوبرانو ميتزو سبرانو التو كونتر التو
ونهى من فئة السوبرانو شكرا ايها المربي الخلوق على تشجيعك ابنتك نهى وسلام لحبيبي محمد السني الفنااااااااااان
Post: #8 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Masoud Date: 09-27-2010, 08:21 AM Parent: #6
عزيزي الأستاذ الموصلي: تحياتي وشكرا على هذه المفاجأة الرائعة التي اسمها نهى عجاج وشكراً لمدني النخلي على الكلام الما خمج .
في علمي البسيط أن السوبرانو هو الصوت النسائي الغنائي و ينقسم إلي ثلاث درجات أندرها في الوجود صوت الكونترالتو. هل نهى تمتلك هذه الدرجة النادرة؟ تحياتي لك في منفاك الأختياري. السمك خارج الماء كم هو سعيد الحظ ! سلام لصديقك محمد السني !!!
Post: #9 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Shawgi Sulaiman Date: 09-27-2010, 08:38 AM Parent: #8
الأستاذ موصلي لك التحايا حيث ما كنت
فعلا نهى فنانة قادمة بقوة وأكثر ما يعجبني فيها إنها محدثة لبقة ومثقفة وقوية الشخصية ، وعلى فكرة هذه شهادة كبيرة منك على الجميع أن يحترمها لأنها من الموصلللللللي الموسيقار . أتمنى ان ارى أعمال مشتركة بينكم في القريب العاجل
Post: #10 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: انور التكينة Date: 09-27-2010, 09:16 AM Parent: #9
Post: #11 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Hamid Elsawi Date: 09-27-2010, 10:05 AM Parent: #10
الأصوات القادمة تَحمِل بين موجاتها عَبَق
نحتَاج انْفاس لِفَهمها و الحُكم عَليها
واصِل اُستاذْ الموصِل و التاريخ لي قِدام
مُتابعِين
ويا شوقِي مُشتاقِين ــــــ
Post: #12 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 09-27-2010, 10:57 AM Parent: #11
ماشاء الله علي نهي يا موصلي
غنااااااااايه لما بي هناك.
أداء يحلق بالروح فوق النجوم ويخليك فاغر فاه الدهشة..
أتابع أعمالها منذ فتره باستمتاع كامل الدسم نهي في الطريق الصحيح يا موصلي..
--------------------- ياخي فرتق لينا أغنية لوّحت رائعة الكتيابي
Post: #23 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 12:06 PM Parent: #12
Quote: ماشاء الله علي نهي يا موصلي
غنااااااااايه لما بي هناك.
أداء يحلق بالروح فوق النجوم ويخليك فاغر فاه الدهشة..
أتابع أعمالها منذ فتره باستمتاع كامل الدسم نهي في الطريق الصحيح يا موصلي..
الشاعر المرهف فاروق ابو حوه نعم فنهى تسير في طريق سليم ونحن معها بكل قوه كل الود
Post: #27 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 12:48 PM Parent: #12
Post: #22 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 12:03 PM Parent: #11
Quote: الأصوات القادمة تَحمِل بين موجاتها عَبَق
نحتَاج انْفاس لِفَهمها و الحُكم عَليها
واصِل اُستاذْ الموصِل و التاريخ لي قِدام
مُتابعِين
ــــــ
العزيز حامد كلامك هو عين العقل وسنواصل باذن الله
Post: #20 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 11:59 AM Parent: #10
انور ياخي انت زول جميل
Post: #19 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 11:58 AM Parent: #9
Quote: الأستاذ موصلي لك التحايا حيث ما كنت فعلا نهى فنانة قادمة بقوة وأكثر ما يعجبني فيها إنها محدثة لبقة ومثقفة وقوية الشخصية ، وعلى فكرة هذه شهادة كبيرة منك على الجميع أن يحترمها لأنها من الموصلللللللي الموسيقار . أتمنى ان ارى أعمال مشتركة بينكم في القريب العاجل
يا حبيبنا شوقي نهي في فنها تاخذ طريق العزم الاكيد والروح الفولاذية لذا فانني احترمها بجد
Post: #31 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 05:34 PM Parent: #8
مادام بروفيسور مسعزد دبل المشاركة فنحن ندبي الترحيب ثم نعود للتحليل
Post: #16 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 11:49 AM Parent: #6
ولا يهمك يا ابو عبده لكن انا سمعتها حي وشفت جديتها وتقدمها الملحوظ حب الناس مذاهب لك المحبة
Post: #13 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 11:08 AM Parent: #5
Quote: تعرف يااستاذ الموصلى بعد ان سئمنا جديد الشباب احيا فينا هذا العمل الرائع امل الجديد منهم اى الشباب لا اذكر مطربين جدد اكثروا من عملهم الخاص بعد جيل الخالدى ومحمود تاور حيث انتقل الجيل بعدهم لمحمود عبد العزيز وفرفور و عصام محمد نور فاستكانوا لغناء غيرهم معتمدين على الاعمال الجاهزة بمباركة من الجهات الاعلامية التى شجعتهم على ذلك الا بعض من المحاولات المخجلة لانتاج قليل جدا مقارنة بترديد غناء الاخرين رغم ان الساحة تعج بشعراء شباب مبدعين ورغم التطور الموسيقى وظهور جيل درجات الدكتوراة الموسيقية
شكرا لاهتمامك بما هو جديد
حبيبنا محمد النيل نهى فنانه من ذهب كلها على بعضها كده ولا شكر على واجب
Post: #14 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: وليد عبد اللطيف Date: 09-27-2010, 11:26 AM Parent: #13
استاذنا الموصلي ... كل سنة وانت طيب
Quote: والله يا استاذ حيرتنـــــا
عن نفسى استمعت لنهى عجاج كتير جدا" فى برامج تلفزيونية
صراحة وبصراحة لا ارى فيها اى صوت جميل ولا تطريب ولا اى شى يجذبنى كمستمع عادى
خالص الود
اوافق كلام عبد الدايم (عاشق البلابل ) تابعت حلقة نهى عاج ولو يأثرني غناها لكن اختها لما تغني للكحلاوي ( قالو علي شقي ومجنون ) بتكتلني الف مره
----------------------------------- استاذنا نهى للان في مرحلة اعداد فنان ممكن نحكم عليها بعد فتره لان شكلها عندها ثقة كبيرة في نفسها ومنتظرين ذلك ( مع تمنياتي لها بالتوفيق )
Post: #15 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 09-27-2010, 11:35 AM Parent: #14
Quote: اوافق كلام عبد الدايم (عاشق البلابل )
يا وليد استمع لنهي عجاج في أغنية (لوّحت)
يا جنيت يا جنيت..
تحياتي يا وليد..
Post: #18 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: جمال محمود Date: 09-27-2010, 11:56 AM Parent: #15
Post: #24 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: جمال محمود Date: 09-27-2010, 12:12 PM Parent: #18
Post: #30 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 04:27 PM Parent: #24
تشكر يا جمال يا راقي ولا عدمناك
Post: #28 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 01:52 PM Parent: #18
كلك جمال
ياجمال
لك الاحترام
Post: #21 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: محاسن أحمد محمد Date: 09-27-2010, 12:01 PM Parent: #15
ياسلام غنايه ياستاذ الموصلى نهى عجاج وبشعر باحزن و بالجديه فى غناها
ربنا اوفقها ونسمع الكتير منها وماتقيف وتقدر تستفيد من تجربة الجميع
Post: #29 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 02:28 PM Parent: #21
Quote: ياسلام غنايه ياستاذ الموصلى نهى عجاج وبشعر باحزن و بالجديه فى غناها
ربنا اوفقها ونسمع الكتير منها وماتقيف وتقدر تستفيد من تجربة الجميع
صدقتي يا محاسن فهذا الشبل من ذاك الاسد لك خالص شكري
Post: #26 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 12:41 PM Parent: #15
Quote: يا وليد استمع لنهي عجاج في أغنية (لوّحت)
يا جنيت يا جنيت..
تحياتي يا وليد..
مامعقول يا فاروق ياخ هسع ما اديت وليد اي خيار
Post: #25 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 12:20 PM Parent: #14
Quote: اوافق كلام عبد الدايم (عاشق البلابل ) تابعت حلقة نهى عاج ولو يأثرني غناها لكن اختها لما تغني للكحلاوي ( قالو علي شقي ومجنون ) بتكتلني الف مره ----------------------------------- استاذنا نهى للان في مرحلة اعداد فنان ممكن نحكم عليها بعد فتره لان شكلها عندها ثقة كبيرة في نفسها ومنتظرين ذلك ( مع تمنياتي لها بالتوفيق )
وليد ازيك شفت كلامك الاخير ده الكلام الصحيح هي تسير بقوة وعزيمة وتتطور احيانا الفنان بتكعبل في مساره الصعب فالحكم من حفله لا يعطي فكرة عن كنه الفنان اسمع الاغنيتين في الفيديو وقول لي مودتي ومحبتي لك
Post: #32 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 07:32 PM Parent: #1
ولماتسمع ياحالك كيف ينتابك احساس بالشفقة على هذا الوطن المعرض للانفصال واجمل مافي هذه المنطقة غناءا هو الصوت الثاني الموازي لصوتهااذ ان الصوتين من فعلها في هارمونية تعبر عن جرأة ما بعدها جراة, توافق لم اراها الا لماما
Post: #33 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: أسامة البلال Date: 09-27-2010, 07:57 PM Parent: #32
نتمني لها التوفيق يا أستاذ وشكرا لوفائك لزميلك الراحل في شخص كريمته
_________________________ مداخلة شتراء يا عبدالدائم في بوست وفاء وإحتفاء
Quote: والله يا استاذ حيرتنـــــا
عن نفسى استمعت لنهى عجاج كتير جدا" فى برامج تلفزيونية
صراحة وبصراحة لا ارى فيها اى صوت جميل ولا تطريب ولا اى شى يجذبنى كمستمع عادى
خالص الود
Post: #34 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-27-2010, 09:50 PM Parent: #33
Quote: نتمني لها التوفيق يا أستاذ وشكرا لوفائك لزميلك الراحل في شخص كريمته
لقد كان بدر (بدرا) فلماذا لا نحافظ على تالق سيرته العطرة وفنه المحترم الذي لا يحتوي اي ذرة من اسفاف لذكراه ولاسرتيه الصغيرة والكبيرة (جميعا) كل الاحترام والسلام والمحبة
Post: #35 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Sabri Elshareef Date: 09-28-2010, 05:14 AM Parent: #34
Quote: ولماتسمع ياحالك كيف ينتابك احساس بالشفقة على هذا الوطن المعرض للانفصال
تحياتي يا موصلي وتحية لنها
غريبه هنا ان الوطن معرض للانفصال بهناك قلبك يؤكد لك ان الوحدة قائمة
هي مجرد ملاحظة واتاسف ان لم تكن في محلها
انا متيقن من ان اهل الجنوب دفعناهم \ن دفعا للانفصال
ودونك تصريح الجاهل الوزير كمال عبيد في ان الجنوبي حقنه لن يجدها في حال الانفصال ؟؟؟
عموما سلام لك ولنها تاني
Post: #38 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-28-2010, 10:29 AM Parent: #35
عزيزي صبري اذا انفصل جنوب السودان باختيار شعب الجنوب فعلينا ان انحترم ذلك الخيار ولكن الساسة من الجانبين سيتحملان مسؤولية تاريخية ليس الان فقط ولكن منذ استقلال السودان والتاريخ لن يرحم شكرا لتحياتك المخلصة للابنة نهى ونتمنى آن يجنب الله اسرة الراحل العظيم الصغيرة والكبيرة المصاعب ويوحدها ويآخذها بسلامه وامانه تحياتي
Post: #36 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-28-2010, 05:14 AM Parent: #34
تسجيل قديم يظهر هذا الاب الحنون الذي يداعب الاورغ في حب ابدي ويدندن مع ابنته في تناغم يساندها في ان تتقوى حتى تقف على رجليها ولو قارنا بين تسجيلاتها الحديثة وهذا فان ذلك يدلنا كم مقاتلة تلك البنت وان والدها لو حضر هذا الوقت لرفع راسه عاليا نم قرير العين يابدر الدين قمة الفلسفة تقول بان الموسيقى هي العلوم والرياضيات والهندسة والادب والموسيقى نفسها اذن فان الموسيقى فهي ارفع مقاما ================== لمن لا يعرفون فان الراحل المقيم بدر الدين هو رائد الاورغ الحديث في بلادنا من زمن الموصلي كان اسمو (يوسف ود الصحافه) وبيغني في اعراس العجاجاب في بانت والحلة الجديه والصحافه تخيلو
Post: #37 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: عبد الدائم سيد أحمد Date: 09-28-2010, 08:22 AM Parent: #36
الاخ اسامة البلال
Quote: مداخلة شتراء يا عبدالدائم في بوست وفاء وإحتفاء
موضوع البوست عن نهى عجاج وانا قلت رائى فيها وما زلت مصر عليهو ، واذا الموصلى سمعها على الطبيعة مرة نحن كمستمعين ومشاهدين سمعناها عشرات المرات وصوتها عادى ولا يطرب حتى لو عملت مئة عمل جديد واتكلمت كلام موزون ، نحن كمستمعين يهمنا الصوت فى الاول والاخير
مع احترامى لكل المتداخلين
وللراحل بدرالدين عجاج الرحمة والمغفرة
Post: #39 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: عفاف الصادق بابكر Date: 09-28-2010, 10:37 AM Parent: #37
استاذنا الموصلى .. لك التحايا النواضر ..
يكفى نهى احترامها لي شخصيتها والرزانه البادئه عليها ..
اما صوتها يطغى على كل الدواخل ..
Post: #41 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-28-2010, 07:04 PM Parent: #39
الاستاذة عفاف في قولك هذا
Quote: يكفى نهى احترامها لي شخصيتها والرزانه البادئه عليها ..
اما صوتها يطغى على كل الدواخل
كم انت انسانة وذواقة كل الاحترم
Post: #40 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-28-2010, 11:23 AM Parent: #37
حبيبنا عبد الدائم نحترم رآيك ولا شك فلولا اختلاف الاذواق لبارت الاغنيات كل الود اسمه رجل فنان ورقيق ولا يقصد الكلمة بمعناها المطلق
Post: #42 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-28-2010, 09:32 PM Parent: #40
مسافر ليه شعر علاء سنهوري الحان الراحل المقيم بدر الدين عجاج توزيع عمر القصاص ======= نقم قريرا في قبرك ايها المبدع
Post: #43 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-30-2010, 03:48 AM Parent: #42
اها نواصل التحليل في الدخلة القادمة
Post: #44 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: عواطف ادريس اسماعيل Date: 09-30-2010, 07:39 AM Parent: #43
ربنا يحفظها .. سمعتها في هذا البوست لأول مرة
صوت آسر ممهور بالشجن .. مضمخ بالحزن النبيل
شكرنا قامتنا الفنية أستاذ الموصلي فلإبداعك ترفع القبعات أيضا
أم مجاهد
Post: #45 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 09-30-2010, 03:24 PM Parent: #44
Quote: ربنا يحفظها .. سمعتها في هذا البوست لأول مرة
صوت آسر ممهور بالشجن .. مضمخ بالحزن النبيل
شكرنا قامتنا الفنية أستاذ الموصلي فلإبداعك ترفع القبعات أيضا
أم مجاهد
آم مجاهد المقدرة المحترمة آلآم مدرسة اذا اعددتها اعددت شعبا طيب الآعراق لك الشكر فعلا هنالك حزن دفين في صوتها يشدك اليها تسلمي ومشرفانا والله
Post: #46 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-02-2010, 12:41 PM Parent: #1
نهى عجاج نسمة تملآ الفضاء بعبق حزن نبيل هميم وبصوت غنفواني
Post: #47 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: لطفي علي لطفي Date: 10-02-2010, 07:55 PM Parent: #46
الاخ الموصلي
تخريمة
هل تعرف اين قرأ بدرالدين عجاج الوسطي و اين كان يسكن؟
لطفي
Post: #48 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 10-02-2010, 10:57 PM Parent: #47
موصلي يا زين الزينين:
مالو لو وصلت حروفنا للبت المطره دي..؟؟ إمكن يغشانا منها ضل يبرد علينا هجير الغربه ..
-------------------- رحيـق باكـر
وأجيك يا يازول لو تقبل يا بعض رحيق من باكر يا طعم الفرح المتواتِر يا ماضي حاضر ومستقبل
و أجيك من ضو يا ضو بي شوق الوطن القدامي في أرضك تغرق أقدامي يا روحي ودمي وهندامي مالحزن الكتّر هدامي بي شوفتك برحل وبترجّل
أزمانك .. تضبط أوزانك.. إنسانك.. نيلك .. وإحسانك يازول بي طيبة أوطانك .. صبار في فرحك واحزانك.. يا كائن أفضل إمكانك زينت سماحك حين زانك
قدامي وساكن في الخاطر حبوباً شامخ تتقدّل ضحّاكاً رغم الأقدار متيقِن بكره بتتعدّل لا إنت جبينك بنصرّ لا مره بشاشتك تتبدّل
أحضانك تشرع أبوابه .. للشوق القايم زي غابه .. الناس الطاعم ترحابه .. كان حتي دقيقاً ما فضّل ترميهُ يميناً تتفضّل
يا بعض رحيقاً من نيلك يا طهر النيل البسقيلك في ونسه شُفع في ليلك بتنادي عديلك لي شليلك تبقالك سرجاً لي خيلك تهديك الزمن الما وقّل تديك سماحك تتبجل يا ريتك ترضي وتتقبّل يا ماضي .. حاضر .. ومستقبل .
Post: #51 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-03-2010, 02:11 PM Parent: #48
Quote: موصلي يا زين الزينين:
مالو لو وصلت حروفنا للبت المطره دي..؟؟ إمكن يغشانا منها ضل يبرد علينا هجير الغربه ..
-------------------- رحيـق باكـر
وأجيك يا يازول لو تقبل يا بعض رحيق من باكر يا طعم الفرح المتواتِر يا ماضي حاضر ومستقبل
و أجيك من ضو يا ضو بي شوق الوطن القدامي في أرضك تغرق أقدامي يا روحي ودمي وهندامي مالحزن الكتّر هدامي بي شوفتك برحل وبترجّل
أزمانك .. تضبط أوزانك.. إنسانك.. نيلك .. وإحسانك يازول بي طيبة أوطانك .. صبار في فرحك واحزانك.. يا كائن أفضل إمكانك زينت سماحك حين زانك
قدامي وساكن في الخاطر حبوباً شامخ تتقدّل ضحّاكاً رغم الأقدار متيقِن بكره بتتعدّل لا إنت جبينك بنصرّ لا مره بشاشتك تتبدّل
أحضانك تشرع أبوابه .. للشوق القايم زي غابه .. الناس الطاعم ترحابه .. كان حتي دقيقاً ما فضّل ترميهُ يميناً تتفضّل
يا بعض رحيقاً من نيلك يا طهر النيل البسقيلك في ونسه شُفع في ليلك بتنادي عديلك لي شليلك تبقالك سرجاً لي خيلك تهديك الزمن الما وقّل تديك سماحك تتبجل يا ريتك ترضي وتتقبّل يا ماضي .. حاضر .. ومستقبل .
ياسلام عليك ياخ والله نهى ما تستاهل الا كل خير وليك علي اطلعها على سنجة عشره تحياتي يا جميل
Post: #53 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 10-04-2010, 06:58 PM Parent: #51
تسلم يا موصلي ربنا يديك كل العافيات ظاهرات وخافيات
Quote: وليك علي اطلعها على سنجة عشره
أخوك (سطّح) طبعاً
والفهم يفهمنا يا جماعه أصلو الكُبُر حصل..
Post: #54 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-05-2010, 05:00 AM Parent: #53
Quote: أخوك (سطّح) طبعاً
والفهم يفهمنا يا جماعه أصلو الكُبُر حصل..
لابسه احلى حليه لحنيه
مع هذا الصوت الملائكي الحزين
Post: #49 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-02-2010, 11:22 PM Parent: #47
Quote: الاخ الموصلي
تخريمة
هل تعرف اين قرأ بدرالدين عجاج الوسطي و اين كان يسكن؟
لطفي
الحبيب علي لطفي الحقيقة عندما كنت اغني بالرق وانا في الثالثة عالي كان الراحل عازفا محترفا مع كبار الفنانين بما فيهم الاستاذ محمد الامين وكنت مره بغني في بيتهم ولما شفتو الرجغه جاتني من صوف راسي لي كرعي وقتها انا كنت زول بهابش وفنطوط ساكت وكنت سعيد اني بغني للعجاجاب وحسانهم الجميلات حتى كتبت فيهن شباب امدر ياروح الدر لي اهاتكم انا نمي بجر ليكم ريدي ومغنى نشيدي شوفكم مرحي وفرحة عيدي رحم الله ذلك البدر وحفظ اسرتيه الكبيرة والصغيرة واحاطهما بسلام وئام وليس ذلك ببعيد عند الله ------------- اها يلا انت ورينا انا شن عرفني ههههههههه
Post: #50 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: لطفي علي لطفي Date: 10-02-2010, 11:31 PM Parent: #49
الاخ الموسيقار الموصلي
الموسيقار المرحوم بدرالدين عجاج قرأ في مدرسة الشيخ لطفي الاهلية برفاعة التي صارت لاحقا مدرسة الشيخ لطفي الثانوية لتعليم ابناء الجنوب, و لقد كانت مداخلتك في بوست الوحدة الجاذبة لها جاذبية عذبة كالطفولة, ولقد سكن في منزل الشيخ لطفي, كما ان اخيه الاكبر كان استاذا بالمدرسة
و في الختام لك خالص التحايا
اخوك لطفي علي لطفي
العم عزالدين عجاج يظهر في هذه الصورة مع الاساتذة الاجلاء ولقد كانت هذه الصورة لوداع الوالد و هو منقولا من مدرسة والده مديرا الي مدرسة ابوجبيهة الوسطي
Post: #52 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-04-2010, 01:05 AM Parent: #50
ياخي ده زمن بعيد يالطفي غايتو عز الدين اما يكون الواقف على يمن الزول ابو طاقية باشوات ده او واحد من الاتنين القاعدين تحتو كدي بالله شوف كلامي ما قريب؟؟؟؟
Post: #55 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: وليد عبد اللطيف Date: 10-05-2010, 07:25 AM Parent: #52
Quote: يا وليد استمع لنهي عجاج في أغنية (لوّحت)
يا جنيت يا جنيت..
إن شاء الله اجن وازيد في الجن وانتو جنوني ياحلوين انتي لي قلبي زاد عمرو وليه السلوى والمُنية جنوني عيون ... لو شافه عطشان سنين يروى ليه ما اجن وازيد في الجن
Post: #56 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-05-2010, 01:54 PM Parent: #55
Quote: إن شاء الله اجن وازيد في الجن وانتو جنوني ياحلوين انتي لي قلبي زاد عمرو وليه السلوى والمُنية جنوني عيون ... لو شافه عطشان سنين يروى ليه ما اجن وازيد في الجن
وباذن الله ياوليد حنجهز ليها دي عشان تغنيها بطريقه تجيب ليك الجن الكلكي ذاتو تسلم ياوليد
Post: #57 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 10-05-2010, 04:03 PM Parent: #56
Quote: وباذن الله ياوليد حنجهز ليها دي عشان تغنيها بطريقه تجيب ليك الجن الكلكي ذاتو تسلم ياوليد
ربنا يقويك يا موصلي وتتحفنا بالجمال..
يا وليد ياخي جيب (قرمه) من الجن الكلكي الجاييك دا
إن قال الموصلي سيجننك فسيحدث
وشيل شيلتك بقيت للنص أختا الرمله ما تقع البكان الهش دي الممطوره ما بتبالي من الرش.
Post: #58 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: ابو جهينة Date: 10-05-2010, 05:05 PM Parent: #57
عزيزي أبوهديل
تحايا ماكنة
المقدمه الموسيقية نفسها ذات (نفس متقطع) اي انها في اولها ميالة للايقاع في عبارتين موسيقيتين ايقاعيتين تليهما عبارتان مسترسلتان لحنيتان ثم تعود الموسيقي ثانية في ريقها الممهد منطقيا لتمهد لهذا الغناء الرفيع البديع
كلامك دة ذاتو عاوز ليهو لحن مصاحب
نهى صوت واعد يرجى منه الكثير و بلا شك أن لرعايتكم ستكون لها الأثر البين
دمتم
Post: #59 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-06-2010, 02:19 AM Parent: #58
Post: #60 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-06-2010, 03:33 PM Parent: #57
Quote: ربنا يقويك يا موصلي وتتحفنا بالجمال..
يا وليد ياخي جيب (قرمه) من الجن الكلكي الجاييك دا
إن قال الموصلي سيجننك فسيحدث
وشيل شيلتك بقيت للنص أختا الرمله ما تقع البكان الهش دي الممطوره ما بتبالي من الرش.
صحي والله كيفن الممطوره بتبالي من الرش ويامطيره صبي لينا انت ياخي بتجيب الكلام ده من وين باين عليك عجيزوني هههههه
Post: #61 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 10-06-2010, 09:19 PM Parent: #60
Quote: صحي والله كيفن الممطوره بتبالي من الرش ويامطيره صبي لينا انت ياخي بتجيب الكلام ده من وين باين عليك عجيزوني هههههه
هههههه يا موصلي عطر القدال ما بيغبانا تب .. ونحن أولاد بيوت الطين يا جميل..
عجيزوني دي ما فيها شك تب والدليل صورتي الفي البروفايل دي في شهر 10 دا
وشهر 10 حبابو 10
برضو:
النعمه بتعرف عاطيها والجمره بتحرق واطيها
Post: #62 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-07-2010, 12:33 PM Parent: #50
يا صديقي لطفي علي لطفي ياخي شحتفت روحنا ولم تجب على السؤال تحياتي
Post: #63 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: أبي بكر سيد احمد Date: 10-07-2010, 04:30 PM Parent: #62
استاذي الموصلي ...
اولاً لك انت كل التحايا والود لأنك بتقيف على مثل هذه التجارب المميزه
ثم التحايا والتقدير لروح استاذنا وصديقناالراحل بدر الدين عجاج اللي رفد الساحه بصوتيين رائعيين
ثم التحايا والتقدير لصاحبه الروح الجاده جداً نهى عجاج
_____________ مستنيين طلتك على البلد من جديد
ابوبكر سيد احمد
Post: #64 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-07-2010, 09:23 PM Parent: #63
Quote: ستاذي الموصلي ...
اولاً لك انت كل التحايا والود لأنك بتقيف على مثل هذه التجارب المميزه
ثم التحايا والتقدير لروح استاذنا وصديقناالراحل بدر الدين عجاج اللي رفد الساحه بصوتيين رائعيين
ثم التحايا والتقدير لصاحبه الروح الجاده جداً نهى عجاج
_____________ مستنيين طلتك على البلد من جديد
ابوبكر سيد احمد
لا حول والله القلوب شواهد فعلا تصور انا من غير ما الحظ ردك هنا كتبيت في بوستك ياخي انا حبيتك كده لله وو الله العظيم محضر ليك قنابل هيدروجينيه من المزازيك لانو صوتك دخل واقام في عقلي وقلبي ربنا يحفظك ياخي ربنا يحفظك جاييكم واها اجهز لي في عيد الضحيه نغني سوا باذن الله وابقي عشره على روحك
Post: #65 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: أبي بكر سيد احمد Date: 10-07-2010, 09:37 PM Parent: #64
تسلم يا أستاذي ...
ونحن كمان ...كبرت محبتك جوانا بعد ما لاقيناك( وليس من رأى ...)
منتظرك جد
وشكراً على مداخلتك الحميمة بهناك
ربنا يجيبك لينا بالف الف سلامة
_______________
تقبل تحيات الفنان الجميل عمر جعفر
Post: #66 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-07-2010, 10:43 PM Parent: #65
Quote: تسلم يا أستاذي ...
ونحن كمان ...كبرت محبتك جوانا بعد ما لاقيناك( وليس من رأى ...)
منتظرك جد
وشكراً على مداخلتك الحميمة بهناك
ربنا يجيبك لينا بالف الف سلامة
_______________
تقبل تحيات الفنان الجميل عمر جعفر
تسلم كتير تستاهل انت كل خير لتهذيبك واحترامك لفنك عليك الله حبو بعض ولمو معاكم كل الشباب المبدعين وركزوا على فنكم انتم قادة الفن السوداني القادمين بقوه وانا من بره من جوه معكم بكل قوه كل الود وسلام تاني وتالت ليك ولي عمر المره دي اثبت هنا معانا وبيناتنا الكثير
Post: #67 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: إبراهيم عبد الحليم Date: 10-08-2010, 07:31 PM Parent: #66
Quote: محضر ليك قنابل هيدروجينيه
احححح ونحن البدينا منوا
بعد ده نشوف بن لادن يدينا قنبلة قنبلتين هههه
Post: #68 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-08-2010, 11:24 PM Parent: #67
Quote: احححح ونحن البدينا منوا
بعد ده نشوف بن لادن يدينا قنبلة قنبلتين هههه
ابراهومه اخوي نحن قاعدين في اميركا مالك علينا لعدين انتو مش ناس هتلر والجبتو لينا الجوطه دي كلها؟؟؟
Post: #69 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: أبي بكر سيد احمد Date: 10-09-2010, 00:17 AM Parent: #68
ابراهيم عبد الحليم ...
ياخي عاش من شاف صورتك الإسفيريه...
كل الغنا الفسفوري العندك ده .. وبرضو داير ليك قنابل
مشتهنك ... وواحشنا يا حبيب
استاذي الموصلي :
Quote: ابراهومه اخوي نحن قاعدين في اميركا مالك علينا لعدين انتو مش ناس هتلر والجبتو لينا الجوطه دي كلها؟؟؟
ههههههههههههههه
يبدو إنك ح تتهم بالنازيه عما قرييب ههههههههههههه
اخيير ليك وظيفة جامعة السودان ....
دمتم بخيير
Post: #70 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 10-09-2010, 10:22 AM Parent: #69
يا (الفجّروك) عليّ النار والضيق عليّ
-------- إنتو بقيتوا مشبوهين أنا متخاااارج من هنا
Post: #71 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-09-2010, 01:58 PM Parent: #69
Quote: ههههههههههههههه
يبدو إنك ح تتهم بالنازيه عما قرييب ههههههههههههه
اخيير ليك وظيفة جامعة السودان ....
دمتم بخيير
كدي لمن نجي اقنعوني والله داير الجيه بس تقول شنو وسآحاول الاجتماع بهم باذن الله
Post: #72 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: إبراهيم عبد الحليم Date: 10-09-2010, 08:57 PM Parent: #71
Quote: يا (الفجّروك) عليّ النار والضيق عليّ
-------- إنتو بقيتوا مشبوهين أنا متخاااارج من هنا
ادروب اخوى ابوحوة دخول حقل الالغام ما زى خروجه اركز معاى امام هذه النصايب المسمينها قال شنووو هيدرجنوية. جهز حربتك وسيفك فالسيف اصدق انباء من الهيدروجين ادروب ابوحوة مرحب بك فى ساحات الوغى بالجنبة كدى ساحات الشعر
مشتاااقون يا شاعر يا راقى
Post: #73 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: فاروق أبوحوه Date: 10-09-2010, 09:35 PM Parent: #72
Quote: ادروب اخوى ابوحوة دخول حقل الالغام ما زى خروجه اركز معاى امام هذه النصايب المسمينها قال شنووو هيدرجنوية. جهز حربتك وسيفك فالسيف اصدق انباء من الهيدروجين ادروب ابوحوة مرحب بك فى ساحات الوغى بالجنبة كدى ساحات الشعر
مشتاااقون يا شاعر يا راقى
حبيبنا إبراهيم : نحن يا دوب حدنا السيف والعكاز والقرجه .. إنت و الجماعه (الطوال) ديل دخلتونا في فسفور وهيدروجين والذي منو.. ياخي نحن جينا زادنا غنيوه قلنا (النهي) دي تتدوزنه لينا بصوته بعد بصمة الموصلي الجميل .. تقوموا تقلبوها لينا قنابل و ما عارف فسفور..
أنا غايتو أخير لي أبقي مرقه ساكت ، والبتبقي عليكم كلموني بالله..
مشتاقين يا إبراهيم ياخي..
Post: #74 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Emad Ahmed Date: 10-09-2010, 09:41 PM Parent: #73
سلامات أستاذنا الموصلي
حواء السودان ولود ولن تعقر أبدا وعندما استمع لنهي عجاج وعصام محمد نور وعمر
جعفر نطمئن كثيرا بان مستقبل الأغنية السودانية في امان بوجود هذه الأصوات التي يرجي
منهاالكثير .
Post: #75 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: وليد عبد اللطيف Date: 10-10-2010, 07:04 AM Parent: #74
ابو حوه حبيبنا
Quote: إن قال الموصلي سيجننك فسيحدث
وشيل شيلتك بقيت للنص أختا الرمله ما تقع البكان الهش دي الممطوره ما بتبالي من الرش.
ياخي استاذنا (الموصلي ) من زمان جننا لكن هل شاهدته في التلفزيون في اجازته في السودان ماشاء الله وعيني باردة طرب ماعادي تقول لي شنو هو في جن اكتر من كدى ياجماعة صاحبي ابو صلعة (فرفور) امكانياته الصوتية خطيرة شوفو ليه حاجه حلوة عايزين ليه شيء جديد بس يكون من النوع المعتق .. . . امس وانا بشاهد لقاء مع الاستاذ ابو الجعافر في التلفاز هديته كانت وصله فنية لنانسي عجاج (مرحب بي بلدنا حبابه ) حاجة تجنن طوالي تذكرت بوست الموصلي الرجل الوفي والكبير كبير يا ابوحوة ..
Post: #76 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: عمران حسن صالح Date: 10-10-2010, 10:40 AM Parent: #75
أستاذنــا الموصلي لامن واحد بى علمكـ وثقافتكـ يأشر لي نهي عجاج بالإعجاب فده زيادة فرح وخير لينا بالتأكيد نهى عجاج حضرت ليها قبل سنين أول لقاء لها بشاشة النيل الأزرق ومن ديكـ وهي حاضرة وبسمع ليها بى متعة شديدة ويلا يا أستاذ الموصلي أكيد عندكـ ليها المفرح حلقة الشروق كانت قبل فترة قصيرة وهي من المميز لدى نهى
Post: #77 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: أبي بكر سيد احمد Date: 10-10-2010, 11:18 AM Parent: #76
يا صديقي عمران ...الف تحيه وسلام
Quote: أستاذنــا الموصلي لامن واحد بى علمكـ وثقافتكـ يأشر لي نهي عجاج بالإعجاب فده زيادة فرح وخير لينا بالتأكيد
ده كلام صاااااح
اضف لي كدي المتتبع لسيره العزيزه نهى عجاج بيكتشف انها .. ومن بداياتها ركزت على
غناها الخاص .. ودي حاجة مميزه جداً واكيد بتكسبها احترام جمهورها وزملائها
الى الأمام يا نهى ... وموفقة إن شاء الله
Post: #81 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-11-2010, 06:27 AM Parent: #76
Quote: لامن واحد بى علمكـ وثقافتكـ يأشر لي نهي عجاج بالإعجاب فده زيادة فرح وخير لينا بالتأكيد نهى عجاج حضرت ليها قبل سنين أول لقاء لها بشاشة النيل الأزرق ومن ديكـ وهي حاضرة وبسمع ليها بى متعة شديدة ويلا يا أستاذ الموصلي أكيد عندكـ ليها المفرح
الصديق الذواق بحق عمران حسن صالح اقف مع نهى لثلاث اسباب اولا هي من قبيلة العجاجاب التي احبها ووالدها فنان فقدناه مبكرا وكنا نآمل منه الكثير ثانيا فنانه نادره في اخلاصها لما تقدمه شجاعه فيما تقدمه ولا تنحني لعاصفة الاجترار ثالثا لم ار واحدا من وسطنا الفني لا يكن لها احتراما لما تتميز به من تهذيب لمسته بنفسي ورايته بام عيني وهي في مقام بناتي هديل واريج والحان ====== لكل هذه الاسباب اجد نفسي واقفا معها وبكل قوة ولك انت التحية لوقفتك ففي مثل هذه الوقفات سند لمن هم في وضع نهي يثبت قلبها ويقوي عزيمتها فتقبل كامل احترامي
Post: #80 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-10-2010, 08:40 PM Parent: #75
شرفتنا كتير والله ياوليد التشجيع للفنان امر ذو قيمة شاهقة العلو تحياتي
Post: #78 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-10-2010, 01:37 PM Parent: #74
Quote: سلامات أستاذنا الموصلي
حواء السودان ولود ولن تعقر أبدا وعندما استمع لنهي عجاج وعصام محمد نور وعمر
جعفر نطمئن كثيرا بان مستقبل الأغنية السودانية في امان بوجود هذه الأصوات التي يرجي
منهاالكثير .
مرحب بيك ياعمده يامن توجناك ملكا للتوثيق شكرا لهذه المشاركة القيمه
Post: #79 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: وليد عبد اللطيف Date: 10-10-2010, 02:46 PM Parent: #78
استاذنا الموصلي ... سلامات
Quote: مرحب بيك ياعمده يامن توجناك ملكا للتوثيق شكرا لهذه المشاركة القيمه
بعد الله يرجع الفضلك لك باضافة المنبر بواحد من عمالقة التوثيق وهو ملك التوثيق (عماد عثمان ) وتشكر كتير على ذلك
Post: #82 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: Elmosley Date: 10-11-2010, 04:04 PM Parent: #79
Quote: بعد الله يرجع الفضلك لك باضافة المنبر بواحد من عمالقة التوثيق وهو ملك التوثيق (عماد عثمان ) وتشكر كتير على ذلك
الفضل لله من قبل ومن بعد ياوليد ولكنني فخور بانني اسهمت في آن جعلت هذا الموقع يستمتع بعضوية هذا الرجل المجد المجتهد الخلوق
Post: #83 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: محمد النيل Date: 10-12-2010, 02:32 AM Parent: #82
^
Post: #84 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: علاء الدين صالح Date: 10-12-2010, 05:16 AM Parent: #83
أستاذي وأستاذ الكُل موصلي
ما دُمنا في حضرة الفن والإبداع.. وما دُمنا بصدد الحديث عن الراحل المقيم بدر الدين عجاج.. أرجو أن تسمح لي بإعادة نشر مقال قديم لشخصي الضعيف سطَّرته بإحدى المنتديات بتاريخ 15/1/2008 م.. وبعدها حتماً ستكون لي عودة من أجل عيون الأمّورة القادمة بقوة ثلاثية للإبداع نُهى عجاج.. (ولا نامت أعيُن أصدقائي عبد الدائم سيد أحمد ووليد عبد اللطيف)
بعد أكثر من ثمانية سنوات من التوقف عن الكتابة.. شخبط قلمي الصديء كلمات في رثاء الموسيقار الراحل بدر الدين عجاج.. وذلك في أمسية الجمعة 11 يناير 2008.. والتي كنت قد أطلقت عليها الجُمعة الحزينة.. كنت قد أدرت جهاز الفيديو وشاهدت شريط كنت قد سجلته من إحدى حلقات برنامج "مساء جديد" على قناة النيل الأزرق مع الموسيقار الراحل وابنته الفنانة (نهى)، ويحتوي الشريط على أربع أغاني جديدة للفنانة اليانعة نهى بدر الدين عجاج، في معظم هذه الحلقة كان الراحل يشدو أثناء عزفه مع ابنته التي وهبها الله ذاك الصوت الشجي.. فغنَّت وكان بدر الدين يردد معها الكوبليه الأول:
لا مسافة ولا مسافات لا سفر لا شوق محكَّر في عيون الليل سهر يا زمان الغربة بحلم بي ليالي الهجعة بحلم بي دروب الرجعة بحلم بي مواسم عودة لي بلد المطر الأماني الضاعو في زمن السفر أنا وحبيبي سوا بنجيبا طورية في يد الحبيب كورية في يد الحبيبة غنوة في طوع المطر والمطر الله بيجيبو يا زمان الغربة بحلم بليالي الهجعة بحلم بي قعدة في ضل الشجر ولقمة من ايد الحبيبة يا حبيبة ويا حبيبة يا اماني بقت قريبة شوقي ليكم شوق مطر واتكحلن عينَيْ سهر
في اليوم السابق، الخميس.. كانت مدينة جدة قد شهدت هطول "المطرة اليتيمة" الوحيدة التي طال انتظاري لها.. وجدة معروف عنها أن خريفها ما هو إلا دقائق معدودة.. وفي اليوم التالي الجمعة.. كانت لا تزال هناك بقايا دعاش اختلط مع بقايا الحزن في دواخلي وأنا أستمع لتلك الكلمات.. وأؤكد دون مبالغة أن من يستمع لتلك الأغنية "لا مسافة" أداءً ولحناً سيضع لنهى مكانة ليست أقل من مكانة الراحل مصطفى سيد أحمد في قلوب الناس.. فالأغنية تشبه مصطفى كثيراً. وتأججت نار الحزن في قلبي بعد أن استمعت للأغنية الثانية "مسافر ليه".. وكأنَّ كلمات تلك الأغنية الرائعة وألحانه المبدعة كانت تنذر بقرب الأجل:
مسافر ليه ونار اشواقنا ما زالت موقِدة في الخطاوي أسى ومدفِّقة في الغناوي حنين عناوينك بقت في زحمة السفر الكساك غربة وسقتنا أنين تواشيح لي مكان مبهم تحلق في سماهو الروح تفتش زول سكن نبض الحنايا سنين أيا عارف الزمن غدار أما حسيت تباريح السفر والخوف أما صحيت عويناتك علام النوم وسط دمعك رحيق قلبك إذا ملهوف مسافر ليه وجرحك ني ونيلك تاه بلاهو الضي وموج زمنك بقاسي الطوف
تجلَّت لي روعة الراحل بدر الدين في تلك الألحان.. واستمر إبداع نهى فغنَّت من كلمات الشاعر مدني النخلي "بهاجر ليك":
بهاجر ليك وراجع ليك وما قايل بجيني زمن حكايتي مع الحنين بتطول بهاجر ليك عشان أرتاح في لون الصباح وارتاح وفي ضي السنين الغاب شقاها وطل بعدو صباح بهاجر ليك وخايف من دموع عينيك تبلل طرفك المشتاق تطَرِّيني الوداع وابكي على الزمن الصِبِح فراق أصلو الما عرف عينيك وما عرف الحنين حراق
ومع تكراري وإعادتي لتلك الأغاني.. بدأت معي رحلة من الألم والحزن الشديدين.. فكتبت هذا الرثاء المتواضعة كلماته:
في رثاء الموسيقار الراحل بدر الدين عجاج
أَنَّىَ أصوغُ لبـدرِ الدينِ قافـيةً * * فلقدْ دفنْتُ قصيدَ الشعرِ من أمَـدِ لكنَّها الأحزانُ تُبكينا ولا تدري * * تسري وتعْـرُجُ بين الهَمِّ والكَمَدِ تغـزو لتغتالَ بالآلامِ خاطِرَتي * * فيُصيبُني منـها نَصْلٌ من النكَـدِ وأقومُ أسيـراً والقلبُ منكسراً * * قد أرفَـعُ الرايـةَ مستسـلمٌ لِغَدِ لأعُودَ أنظُمُ في الأقدَارِ أشعَاراً * * القلبُ منزوعٌ كفريسـةِ الأسَـدِ قد طرِبَتِ الآذانُ واستمعتْ لهُ * * من لحنِهِ العذبُ من أنغامِ مجتهِدِ صاغَتْ أنامِـلَهُ لحنـاً وأُغنيةً * * واستوطنتْ أَلَقَـاً ما فيهِ من كَبَدِ رقصَتْ مشاعِرُنا طرباً وتَحناناً * * من فيضِ ألحانِهِ كالنَخْلِ في بلدي بانَتْ خصائِلُهُ للناسِ واجتمعَتْ * * في قلبِـهِ دُرَرٌ تنأى عنِ الحَسَدِ بَكَتِ الجموعُ ولفقـدهِ ذرَفـَتْ * * دَمعاً من العينِ يُدمي القلبَ والكَبِدِ ظلَّتْ يداهُ لفِعـلِ الخيـرِ نافِحَةً * * وبملئِها تُعطي في الكربِ والجَلَدِ نَمَتْ فضائِلُهُ في بسـتانهِ زهْراً * * بهيُّ اللونِ فاحَ شـذاهُ في البـلَدِ فُتِحَتْ أبوابُهُ للجودِ مُشْرَعَــةً * * جودُ الكِرامِ بِلاْ إحصـاءَ للعَـدَدِ سَمِعْتُكَ تَشْدُو "مُسافر ليهْ وجَرْحَكْ نَيْ" * * فها سفـرٌ من الدنيــا بِلا وَلَـدِ شَدَوْتَ "لا مسافة ولا مسافات لا سفر" * * فما عـادَ المسـافرُ للهَوى يَفِـدِ سَمِعْتُكَ تشْدُو "وما قايل بجيني زمَنْ" * * جارَ الزمانُ وقدْ أضحَيْتَ في اللَحَدِ تلكَ الجموعُ وقد ضاقَ المكانُ بهِمْ * * أهلُ الفنونِ وما في الدار مِنْ أحَدِ وفَقـَدَتْ آلة "الأورغن" أنامِـلَهُ * * وغابَتْ شمسُ مُبدِعِـهَا إلى الأبَدِ قَدْ غَيَّبَ الموتُ بدرَ الدينِ في عَجَلٍ * * فاغْسِلْهُ يا مولايَ بالثلجِ والبَـرَدِ ما كانَ للقـَدَرِ المُبَاغِتِ مُهْـلَةً * * كبِضْعِ ثوانٍ بينَ البـرقِ والرَّعَدِ نُمْ هانِئاً فَلا نامَتْ عُيونُ الغَدْرِ قَطْ * * أنتَ الشهيـدُ وهُمْ في كلِّ مُتَّقَـدِ فَيْضٌ وإغْدَاقٌ في الغُفْرانِ نَنْشُدُهُ * * من خالِقِ الإنسانِ والروحُ في الجَسَدِ وتَنَزَّلَتْ حُورُ الجِنَـانِ عَلَيْكَ يَا * * بَدْرَ التَّمَامِ بإحْسَـانٍ من الصَمَدِ وعلَيْكَ رَحْمَتُهُ تُزْجَى بـِلا حَـدٍّ * * مَا دَارَ في الأيَّامِ مِنْ سَبْتٍ ومِنْ أَحَدِ
علاء الدين صالح
Post: #85 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: علاء الدين صالح Date: 10-12-2010, 05:55 AM Parent: #84
أستاذي موصلي
نُهى تسير بخطوات واثقة نحو النجاح لأنها بدأت بداية صحيحة.. فتسجيل حلقة هذه الأغنية تم قبل 3 سنوات بالضبط.. وهذه الأغنية وغيرها من أغانيها أنا واثق من أنها سيكون لها شأن كبير كشأن نُهى طالما أنَّك تقف بجانبها.. أنت أُستاذنا ومُعلِّمنا الذي علَّمنا معنى الحياة ومعنى الحُب.. ومُعلِّم الأجيال.. ودي المحريّة فيك
فتحيَّاتي لك أيُّها الإنسان
Post: #86 Title: Re: نهى عجاج ابنة اخي الراحل بدر الدين عجاج لابداعك ترفع القبعات Author: لؤى Date: 10-19-2010, 07:43 PM Parent: #1
Quote: فنانة منهمكة في مشروعها الجاد بان تضع لنفسها مكانة رفيعة في تاريخنا الموسيقي
يا أُستاذ مساء الـخير
لنُهـَى الفنّانة صاحبة الصّوت الـجّميل والأداء الـجّاد الـتّحيّة ، ولك ولـتسمح لي بعد إذنك بلصق هذا العمل هنا
