مؤتمر لتطوير الفن الموسيقي السوداني بمساعدة الناشئة من الفنانين/ الفنانات

Quote: عمر جعفر

استاذنا يوسف ......... سلامات وكل سنة وانت طيب وعقبال تحقق كل مشاريعك الفنية والخاصة ,طبعا ماعندنا حاجة نفيدك بيهاغايتو بنسمع ليك عشان كده بقول ليك بالتوفيق .
عمر جعفر ده سمعتو في رمضان ده والحقيقة زول غناي خلاص عشان كده بفتكر انك كنت موفقا وانت تبدا تعاونك مع الشباب بعمر ده.
مودتي

صديقي موصلي

كل سنه وانت طيب

موضوع هام جدا

حاجيك بس اديني فرصه احتحت تعب سفري

Quote: صديقي موصلي كل سنه وانت طيب موضوع هام جدا حاجيك بس اديني فرصه احتحت تعب سفري

في انتظار مقارحاتكم واراء نيرة عرفتم بها
حتحت وتعال

الحبيب بهاء لعلك والاسره بخير
زمن طويل خلاص
بالتآكيد مشورتك لها قيمة عالية

الحمد لله الواحد في تمام الصحة
لان كما بيلتفت كثير للمحبطات
كل الود

امنية نرجو ان تتحقق

المؤتمر يعمل على الاتي
١- توفير التدريب العالي لمن لم تتح لهم الفرصة دراسة الموسيقى بمساعدة
المراكز الموجودة بالسودان او بفتح معهد متخصص لذلك.
٢- الغوص في مؤلفات الموسيقيين ممن توفوا ولم يسعفهم الزمن في تقديمها وهم كثر وعلى راسهم
مصطفى سيد احمد - خليل اسماعيل - سليمان ابو داؤود - احمد زاهير وغيرهم
٣-الغوص في مؤلفات الموسيقيين التي لم تر النور وهم احياء وتوجد امكانية تقديمها لاخرين
ابو عركي - الموصلي - محمد الامين - وردي - السقيد - ابن الباديه - شرحبيل على سبيل المثال لا الحصر.
ونواصل

التعاون مع بعض المواقع الموسيقية للتنقيب عن المخبوء من الغناء والالحان
Sdanesesongs.net

مثالا

في هذا المؤتمر يجب ان يكون للقادمين الجدد حضورا ملحوظا

لحد نجيك

UP

أخي العزيز المفضال أبو هديل
كل سنة و إنت و الأسرة الكريمة بألف خير

الفكرة ألمعية و ممتازة
و لكن
لا يغيب عن فطنتك أمر هام
ألا و هو أن تطوير الفن السوداني و هو بحالته الراهنة لا يمكن أن يتم بمجرد مؤتمر تصاغ فيه الخطب و تُقرأ فيه الأوراق من ذوي الإختصاص ثم ينفض السامر بينما ساقية الفن تدور بنفس القواديس الحالية و تضخ الفن الحالي ( إلا فيما ندر ) و الذي لا يزال يتمسك بأهداب أعمال كبار الفنانين من جيلكم و الجيل الذي قبلكم و فناني الحقيبة إلا قلة قليلة تعد على أصابع اليد.

تعرف يا أبو هديل أين تكمن معضلة الفن السوداني و ما هي أسباب تعثر خطواته ؟
هو أنه للأسف هناك بعض الشعراء و بعض الملحنين يتعاملون بأسلوب المجاملة مع بعض الأصوات و هم في قرارة نفوسهم يعلمون أن الأعمال المهداة لهؤلاء ستكون في عهدة حناجر ستؤدي إلى وأد الكلمة و إلى طمس اللحن.
( دون ذكر أسماء إستمعت و نفر غير قليل إلى إحداهن تؤدي أغنية حقيبة ، فأشفقت عليها و على الأغنية نفسها ، و رغم أن كثيرين أيدوا إمتعاضي إلا أن هناك بعض من يجاملون لسبب أو آخر و يؤكدون درجة التطريب في الصوت إياه.)

نتمنى علهذا المؤتمر أن يخرج بميثاق شرف واضح المعالم بأن لا يمتطي صهوة أجهزة الإعلام كل من صفق /صفقتْ له شلة في ليلة سمر أو قعدة أنس.

نرجو أن تكون لجنة النصوص في كل مجالات الإعلام المختلفة موحدة من أساتذة مشهود لهم بالحيادية و الخبرة و الساحة بلا شك مليئة و تعج بهم ..
عام 1977 كنت ضمن الذين تقدموا للإلتحاق بمعهد الموسيقى ( لأسباب كثيرة آثرت الإغتراب )، و كان من ضمن أعضاء على ما أذكر اللجنة الأستاذ عثمان مصطفى.
و كان من ضمن الممتحنين المرحوم بدرالدين عجاج الذي ما أن شاهد بعض الذين يعرف أنهم لا ينطبق عليهم حتى كلمة هواة ، علق تعليقا أذكر ما معناه أن ( الحكاية جاطت ) .. رحمه الله.

كلمة أخيرة : نتمنى كل النجاح لهذا المؤتمر حتى يستطيع الخروج بما يحقق أمجاد الفن السوداني الذي كان.
دمتم

الحبيب ابو جهينة
شكرا لمشاركتك السمينة و (الثمينة)
بجيك ليها نقطة نقطة

Quote: لفكرة ألمعية و ممتازة و لكن لا يغيب عن فطنتك أمر هام ألا و هو أن تطوير الفن السوداني و هو بحالته الراهنة لا يمكن أن يتم بمجرد مؤتمر تصاغ فيه الخطب و تُقرأ فيه الأوراق من ذوي الإختصاص ثم ينفض السامر بينما ساقية الفن تدور بنفس القواديس الحالية و تضخ الفن الحالي ( إلا فيما ندر ) و الذي لا يزال يتمسك بأهداب أعمال كبار الفنانين من جيلكم و الجيل الذي قبلكم و فناني الحقيبة إلا قلة قليلة تعد على أصابع اليد.

ابوجهينة الحبوب
هذا قطعا لن يكن موتمر للخطب ولكنه سيكون مثل (ساعة الزمن) تعود بن الي جذورنا تارة وتآخذنا الي المستقبل تارة اخرى سيكون ورشة عمل عريضة
سيتمخض عنها الكثير المثير فيما يختص بالنهوض بفنوننا
وبجيك تاني

Quote: الفكرة ألمعية و ممتازة و لكن لا يغيب عن فطنتك أمر هام ألا و هو أن تطوير الفن السوداني و هو بحالته الراهنة لا يمكن أن يتم بمجرد مؤتمر تصاغ فيه الخطب و تُقرأ فيه الأوراق من ذوي الإختصاص ثم ينفض السامر بينما ساقية الفن تدور بنفس القواديس الحالية و تضخ الفن الحالي ( إلا فيما ندر ) و الذي لا يزال يتمسك بأهداب أعمال كبار الفنانين من جيلكم و الجيل الذي قبلكم و فناني الحقيبة إلا قلة قليلة تعد على أصابع اليد.

سنحاول بقدر الامكان ان ننشْئ مؤتمر ذو أهداف محددة وعملية بلا لبس

Quote: تعرف يا أبو هديل أين تكمن معضلة الفن السوداني و ما هي أسباب تعثر خطواته ؟ هو أنه للأسف هناك بعض الشعراء و بعض الملحنين يتعاملون بأسلوب المجاملة مع بعض الأصوات و هم في قرارة نفوسهم يعلمون أن الأعمال المهداة لهؤلاء ستكون في عهدة حناجر ستؤدي إلى وأد الكلمة و إلى طمس اللحن. ( دون ذكر أسماء إستمعت و نفر غير قليل إلى إحداهن تؤدي أغنية حقيبة ، فأشفقت عليها و على الأغنية نفسها ، و رغم أن كثيرين أيدوا إمتعاضي إلا أن هناك بعض من يجاملون لسبب أو آخر و يؤكدون درجة التطريب في الصوت إياه.)

المسؤلية تقع على هؤلاء قطعا

Quote: نتمنى علهذا المؤتمر أن يخرج بميثاق شرف واضح المعالم بأن لا يمتطي صهوة أجهزة الإعلام كل من صفق /صفقتْ له شلة في ليلة سمر أو قعدة أنس.

هذه ممكن وتبقى المعايير المعقولة

Quote: كلمة أخيرة : نتمنى كل النجاح لهذا المؤتمر حتى يستطيع الخروج بما يحقق أمجاد الفن السوداني الذي كان. دمتم

نرجو أن تتحقق هذه الامنيه ويديك العافية

Quote: لحد نجيك UP

مرحب ابراهومه وفي الانتظار

Quote: الفكرة تتآتى في ان الكثير من المواهب الجديدة تتنكب الخطى وتتشبث بالاجترار ربما لامساك ذوي الخبرة عن المساعدة او استسهال الجدد لتصفيق الجمهور هنالك شباب كثر اعرفهم وبيني وبينهم Not work

صديقي الجميل الموصلي.
دائما تستلهم افكارا نيرة وخيرة.
بالتأكيد سنرى بصماتك المميزة في مثل هذا المؤتمر.

محبتي.

Quote: المؤتمر يعمل على الاتي ١- توفير التدريب العالي لمن لم تتح لهم الفرصة دراسة الموسيقى بمساعدة المراكز الموجودة بالسودان او بفتح معهد متخصص لذلك. ٢- الغوث في مؤلفات الموسيقيين ممن توفوا ولم يسعفهم الزمن في تقديمها وهم كثر وعلى راسهم مصطفى سيد احمد - خليل اسماعيل - سليمان ابو داؤود - احمد زاهير وغيرهم ٣- الغوث في مؤلفات الموسيقيين التي لم تر النور وهم احياء وتوجد امكانية تقديمها لاخرين ابو عركي - الموصلي - محمد الامين - وردي - السقيد - ابن الباديه - شرحبيل على سبيل المثال لا الحصر. ونواصل

استاذ موصلي

عفوا..اشعر بالاجدوي من هذا المؤتمر، لا بل اري بان الوصف الامثل لمثل هكذا نشاط هو (مركز بحثي وتوثيقي) لان الاهداف المعلنة من قبلكم ليست اهداف مؤتمر بل نواة لمؤسسة.

برايئ ان المؤتمر الذي سيعمل علي تطوير الموسيقا يجب ان يكون هدفه(المراجعة الشاملة لتاريخ النشاط الموسيقي والمؤسسات التي تخدمه في السودان)...التاريخ الذي كبل الموسيقا واقعدتها.

البداية الصحيحة في الخوض في التاريخ وليس في القفز عليه

Quote: استاذ موصلي عفوا..اشعر بالاجدوي من هذا المؤتمر، لا بل اري بان الوصف الامثل لمثل هكذا نشاط هو (مركز بحثي وتوثيقي) لان الاهداف المعلنة من قبلكم ليست اهداف مؤتمر بل نواة لمؤسسة.

حبيبنا عثمان كل سنه وانت طيب
بالنسبة لي فان الهاجس الاول والمطلب السريع هو اخراج هؤلاء الشباب من قمقم الاجترار والتخبط نتيجة لاشيا كثيره
وفي حوارنا هذا قد نطلع باجندة كثيرة صالحة لعدة موتمرات قول ياباسط

Quote: برايئ ان المؤتمر الذي سيعمل علي تطوير الموسيقا يجب ان يكون هدفه(المراجعة الشاملة لتاريخ النشاط الموسيقي والمؤسسات التي تخدمه في السودان)...التاريخ الذي كبل الموسيقا واقعدتها. البداية الصحيحة في الخوض في التاريخ وليس في القفز عليه

فلنترك الخوض في التاريخ للمؤرخين ولنترك الخوض في غماره الموسيقي المتقولب للمهتمين بالتطوير
اها انت معانا هات ايدك
كل الود

Quote: صديقي الجميل الموصلي. دائما تستلهم افكارا نيرة وخيرة. بالتأكيد سنرى بصماتك المميزة في مثل هذا المؤتمر. محبتي.

حبيبنا الفاتح ايدكم معانا بالافكار النيرة
المستمدة من معرفتكم بالعالم
كل الود

أستاذنا الفاضل الموصلي... يبدو لي وكأن هذا المؤتمر سيكون الأول من نوعه إذا لا نسمع كثيرا عن مؤتمرات أو ندوات تتطرق - بكيفية علمية - لحال الفن في السودان. نسأل الله أن يوفقكم إلى عقد هذا المؤتمر حتى يكون قاعدة صلبة لتطوير الفن السوداني خاصة إذا تمكن المؤتمرون من استلهام الموروث الموسيقي السوداني في كافة بقاع السودان وإدماجه في التيار العام للتأليف والتلحين الموسيقي. فهناك العديد من الإيقاعات المهمشة (التوية والحسيس في شمال كردفان بدار حمر على سبيل المثال)؛ وتهميش الكرير في الموسيقى السودانية (بينما نجد له بعض التجليات في الموسيقى الحبشية)؛ تهميش الرقص في التيار العام للغناء السوداني... تهميش العزف الانفرادي في العديد من التوزيعات الموسيقية... وتهميش التسجيلات الموسيقية الصرفة (حرام أن يفني أستاذنا محمدية عمره في العزف وراء كل من هب ودب من المغنين دون أن تكون له اسطوانات موسيقية يبرز فيها روحه الموسيقية العظيمة، والأمر نفسه ينطبق على الأستاذ عوض حمودي وغيره من العازفين المبدعين)؛ أتمنى أن يتضمن المؤتمر ورقة أو توصية تدعو إلى حصول الفنان العازف الماهر عوض حمودي على عود عراقي حقيقي من النوع الذي يرافق نصير شمة (لأن العود الذي يعزف عليه يشابه عزف الإيقاع على جردل البلاستيك!) وأتمنى أن يتضمن المؤتمر ورقة عن البصمة الصوتية التي تعطي للمغني وجوده وتميزه حتى إن أدى أغنية غيره بدت وكأنها أغنيته، بمعنى أن التقليد القائم على السعي نحو مطابقة الصوت هو مجرد عبث لا فائدة منه. وفيما يتعلق بأخلاقيات الغناء، أتمنى أن يتضمن المؤتمر توصية تحث المقلدين على ذكر أسماء أصحاب الأغنية قبل المشاركة في تأديتها خاصة في الحفلات الخاصة وحفلات الأعراس حتى لا يرسخ في ذهن الشباب أن الأغنيات التي يتغنى بها رصفائهم هي من نتاجهم دون أن يعرفوا أصحاب الفضل.
وأخيرا أتمنى أن تقوم المؤسسات الكبرى (التجارية والحكومية... وفي ذلك فليتنافس ناس سوداني وزين وإم تي إن) براعية هذا المؤتمر الهام ودعمه ماديا بسخاء حتى يتداعى إليه ناس عاصم الطيب وغيرهم من المبدعين من أقاصي المعمورة، وأتمنى أن تصبح أروقة المؤتمر فضاء خصبا لعقد الصفقات الفنية والإنتاجية الهادفة إلى الارتقاء بمستوى المنتوج الفني السوداني القابل للتصدير.
ولا تنسوا إحداث جائزة كبرى لأحسن فنان سوداني للعام تعطى لأفضل مغني وأفضل شاعر غنائي وأفضل ملحن وأفضل موزع موسيقي وأحسن مؤلف موسيقي وأحسن عازف وأحسن منتِج فني-غنائي وأحسن ناقد فني (موسيقي-غنائي)... جوائز مادية وتقديرية قيمة يتنافس عليها الجميع.

كل سنة وانت طيب يا دفعة,,

وينك ووين ايامك,,


الفكرة جميلة والاجمل سيكون خطوات ملموسة للتطبيق,,




ستجدنا في اول الصف,,وجاهزين موية ونور

Quote: كل سنة وانت طيب يا دفعة,, وينك ووين ايامك,, الفكرة جميلة والاجمل سيكون خطوات ملموسة للتطبيق,, ستجدنا في اول الصف,,وجاهزين موية ونور

تسلم ايها النقي النبيل
الايام دي انا وصاحبك مجدي نشمشر فيك بين الفينة والاخرى
كل سنه وانت طيب وفي انتظار مساهماتك القيمة دوما

ياسلام يا محمد لديك الكثير من الافكار النيرة ساتي لانقاشها بالتفصيل

Quote: أستاذنا الفاضل الموصلي... يبدو لي وكأن هذا المؤتمر سيكون الأول من نوعه إذا لا نسمع كثيرا عن مؤتمرات أو ندوات تتطرق - بكيفية علمية - لحال الفن في السودان. نسأل الله أن يوفقكم إلى عقد هذا المؤتمر حتى يكون قاعدة صلبة لتطوير الفن السوداني خاصة إذا تمكن المؤتمرون من استلهام الموروث الموسيقي السوداني في كافة بقاع السودان وإدماجه في التيار العام للتأليف والتلحين الموسيقي. فهناك العديد من الإيقاعات المهمشة (التوية والحسيس في شمال كردفان بدار حمر على سبيل المثال)؛ وتهميش الكرير في الموسيقى السودانية (بينما نجد له بعض التجليات في الموسيقى الحبشية)؛ تهميش الرقص في التيار العام للغناء السوداني... تهميش العزف الانفرادي في العديد من التوزيعات الموسيقية..

كلامك صاح ومايخرش الميه يا ابو حميد
لقد قام الكثيرين من اساطين الموسيقى الشعبية
بتجميع الكثير من موسيقي الشعوب واستفادوا منها في سيمفونياتهم ورباعياتهم الوترية وغيرها
وبجيك لباقي كلامك

Quote: وتهميش التسجيلات الموسيقية الصرفة (حرام أن يفني أستاذنا محمدية عمره في العزف وراء كل من هب ودب من المغنين دون أن تكون له اسطوانات موسيقية يبرز فيها روحه الموسيقية العظيمة، والأمر نفسه ينطبق على الأستاذ عوض حمودي وغيره من العازفين المبدعين)؛ أتمنى أن يتضمن المؤتمر ورقة أو توصية تدعو إلى حصول الفنان العازف الماهر عوض حمودي على عود عراقي حقيقي من النوع الذي يرافق نصير شمة (لأن العود الذي يعزف عليه يشابه عزف الإيقاع على جردل البلاستيك!) وأتمنى أن يتضمن المؤتمر ورقة عن البصمة الصوتية التي تعطي للمغني وجوده وتميزه حتى إن أدى أغنية غيره بدت وكأنها أغنيته، بمعنى أن التقليد القائم على السعي نحو مطابقة الصوت هو مجرد عبث لا فائدة منه. وفيما يتعلق بأخلاقيات الغناء، أتمنى أن يتضمن المؤتمر توصية تحث المقلدين على ذكر أسماء أصحاب الأغنية قبل المشاركة في تأديتها خاصة في الحفلات الخاصة وحفلات الأعراس حتى لا يرسخ في ذهن الشباب أن الأغنيات التي يتغنى بها رصفائهم هي من نتاجهم دون أن يعرفوا أصحاب الفضل.

نعم عزيزي محمد فالصوت كالبصمة ولن يتم تقليده مهما كانت براعه المقلد هذه واحدة، بينما التقليد يجر للاجترار وهذا ما نريد ان نتفاداه بقدر استطاعتنا ذلك.

Quote: أخيرا أتمنى أن تقوم المؤسسات الكبرى (التجارية والحكومية... وفي ذلك فليتنافس ناس سوداني وزين وإم تي إن) براعية هذا المؤتمر الهام ودعمه ماديا بسخاء حتى يتداعى إليه ناس عاصم الطيب وغيرهم من المبدعين من أقاصي المعمورة، وأتمنى أن تصبح أروقة المؤتمر فضاء خصبا لعقد الصفقات الفنية والإنتاجية الهادفة إلى الارتقاء بمستوى المنتوج الفني السوداني القابل للتصدير.

نعم فمشكلة الفنون السودانية كلها تقريبا هي الانتاج (اعني بذلك الانتاج المصروف عليه) ابتغاءا للجودة لايمكن ان تقارن فنان بيصرف من اجل انتاج الاغنية حتي تظهر في فيديو كليب ٢٠٠ الف دولار مع فنان لا يتعدي تمويله للاغنية الخمسمائة دولار.

Quote: لا تنسوا إحداث جائزة كبرى لأحسن فنان سوداني للعام تعطى لأفضل مغني وأفضل شاعر غنائي وأفضل ملحن وأفضل موزع موسيقي وأحسن مؤلف موسيقي وأحسن عازف وأحسن منتِج فني-غنائي وأحسن ناقد فني (موسيقي-غنائي)... جوائز مادية وتقديرية قيمة يتنافس عليها الجميع.

هذه الجوائز سمعت انها عملت في مهرجان جديد الاغنيات ولكن الاضافة هنا احسن منتج فني واحسن ناقد واحسن موزع ولربما اهلنا في السودان لم يعرفوا بان التوزيع الموسيقي هو الاقسي بين الفعاليات الخاصة بالاغنية.
الف شكر

عزيزي أبوهديل،

سلامات يازول، أتمناك بخـير ،

هل هناك مساحة للمعلوماتية في مثل هذا المشـروع؟ أحلم بقاعدة بيانات أونلاين قابلة للفلترة بآلاف الطرق، يمكن عبرها فتح الباب للمبدع لتسجيل أنفسهم، مع المجالات المتخصصين فيها، والمجالات الفرعية، بحيث يمكن للشخص أن يبحث - على سبيل المثال لا الحصر - عن مغني، له طبقة صوتية معينة، وعمره بين العشرين والثلاثين، يجيد الانجليزية، وله أكثر من خمسة اعمال مؤداة! أو عن شاعر غنائي، يكتب بالعامية، وله ثلاثة دواويين منشورة، وجنسه ذكر، مثـلاً؟! وهذه الخاصية التي تساعد على الفرز والفلترة تتيح للمبدعين من أمثالك أن يفتحوا مشاريع فنية داخل أونلاين داخل الموقع، بحيث يقوم المدير الفني بتحديد عدد الأشخاص المطلوبين، ومواصفاتهم، ومن ثم يقوم النظام بالبحث له عنهم، ودعوتهم للانضمام إلى المشروع المزمع، ويكون الرد اختيارياً فمن تعجبه الفكرة ينضم ومن لا فلا (شيء شبيه بالفيس بوك ولكنه أكثر تخصصاً). بعد ذلك يمكن البدء في العمل، وتوزيع الأدوار، الشاعر يقوم بعمله، والملحن، ثم المغني، والكورس، وإلخ ...

ممكن نحلم ؟

ود شاموق
ياخي ليك وحشه
كلام التكنولجي ده كلام سمح
وهام جدا بجي اقزقز معاك فيهو
كل سنه وانت طيب

أخونا الأستاذ يوسف

أحمد الله أن ( هترشتي ) قد أوحت أليكم بهذه الفكرة الألمعية النيّرة.
وهذا شرف لا يدانيه شرف ، أسأل الله لك التوفيق والنجاح..
إن جاز لي أن أدلي بدلوي هنا ، فإنني وبعد إذنك أرى أنه لابد من وجود كيان
يهتم بالشأن الفني تكون مهمته التخطيط والتنسيق والتنفيذ والإشراف على جميع الأنشطة
الخاصة والمهتمة بشؤون الموسيقى والفن في البلد..
ولكن هذا لا يمنع من قيام المؤتر ( كبداية ) ويمكن أن يكون من ضمن توصيات المؤتمر قيام كيان يعني بالموسيقى والفن
وأتصور أن الكيان يجب أن يكون كياناً مستقلاً عن أجهزة الحكومة وإداراتها ، وذلك لضمان البعد عن البيروقراطية
التي تحكم الآن الموسيقى والفن في البلد ، وأن يكون بجهود شخصية خالصة ، ويمكن إشراك الكيانات المهتمة
وكذلك يمكن اللجوء الى الأجهزة الرسمية للمساعدة في تنفيذ خططكم وبرامجكم.
وطالما أنك بصدد تأسيس شركة فنية في السودان ، فيمكن للشركة أن تقوم بهذا العمل.


سأعود..

Quote: أخونا الأستاذ يوسف أحمد الله أن ( هترشتي ) قد أوحت أليكم بهذه الفكرة الألمعية النيّرة. وهذا شرف لا يدانيه شرف ، أسأل الله لك التوفيق والنجاح..

حبيبنا صلاح منو القال ليك هترشه والله كلامك سمح وان كانت لغته لا تشبه رقتك البتة هههههه
شوف ياصلاح النت والتكنلوجيا ديل لم ياتيان اعتباطا لقد اصبح عدم التعامل معهما يعد في مصاف
الامية
عشان كدا انا دايما بقاوم مقترحات زملائي الموسيقيين بالابتعاد عنهما .
فلقد عرفت هنا وهناك الكثيرين ممن كلامهم قد افادني كثيرا
وتعلمت و(علمت) وهنا تآتي عملية المثاقفة
الان بعد المداخلات الكثيرة الثرة التي اتتني هنا عندي فرصه اقزقز بيها شهرا كاملا وادش
اها في انتظار المزيد منك وجيب لينا معاك عماد وباقي الشكلنجيه في بوستك داك
كل الود ياجميل

مزيد من الورش والمؤتمرات
والمحاضرات والعروض الحرة
لنرتقي بفنوننا
مودتي ومحبتي

Quote: مزيد من الورش والمؤتمرات والمحاضرات والعروض الحرة لنرتقي بفنوننا مودتي ومحبتي

ده الكلام
كل سنه وانت طيب ايها الصديق المبدع
ياخي مافي حاجه جديده نتفرج عليها؟؟

Quote: المطلوب اقامة مؤتمر موسع للنهوض بفن الموسيقى السوداني الاستاذ الموصلى اعياد سعيدة رغم ابتعادنا لفترة قد طالت عن المنبر ولكننا قد تابعنا رحلتكم الناجحة لارض الوطن يحتاج ا لناشئة لهذا الدعم المقدر بالتوفيق دائما

منعم كيف حالك يا مرهف
كل سنه وانت طيب
لقد كانت رحلة العمر والله
شعبنا طيب ومضياف ولا ينسى
اخبار زميلتنا العزيزه زينب شنو؟
يارين لو ارسلت لي تلفونك وتلفونها
بالماسنجر
النيه لزيارة كندا في البال
كل الود

يا أستاذ موصلي..

كل عام وأنتم بخير يا حبيب..

ياخ فاتحين لينا بوست بميلاد لحن وأغنية..وصوتنا (إنقرش) من المناداة عليك..

ياخ تعال ساي قول لينا الله يجيركم..

غايتو للضمان كدا.. هاك الأغنية هنا..

مع صادق الود والمؤازرة لفكرة المؤتمر الرائعة..

ده ابو خدره
اها البوست يلقوهو وين

طارق ده ما نسحرو كلما يكبر صوتو بيتعتق

فوووووووووووووووق

هيع زميلنا الفنان الجميل ترهاقا
شكلو كدي عندو كلام كتيير داير يقولو
كمان مقعد الكديسه جمب ال######ه
هلا هلا

أستاذنا الموصلي وضيوفه الكرام... مواصلة لما ذكرته في مداخلة سابقة بأن تكون ثمرة المؤتمر جائزة سنوية لأفضل المبدعين في مجالات فن الغناء المختلفة، أضيف: حبذا لو أتى إعلان الجائزة السنوية كتتويج لتظاهرة فنية تتخللها ورش عمل وندوة مصغرة. فعلى سبيل المثال، يمكن أن تكون ورش العمل على شاكلة: كيف تبدأ مشوارك الفني الاحترافي؟ كيف تستعد لإقامة حفل غنائي؟ وكيف تحافظ على صوتك؟ تدريب على مهارات تطوير الصوت. كيف تدير فرقة غنائية-موسيقية؟ كيف تصبح مدير أعمال فني؟ كيف تصبح صحافيا فنيا؟ مهارات التعامل مع وسائل الإعلام والجمهور. كيف تطور مهاراتك في العزف وتحافظ عليها؟ الأساليب الحديثة في إنتاج الأعمال الفنية الموسيقية-الغنائية (إنتاج شريط/أسطوانة - إنتاج فيديو كليب). تأليف الموسيقى التصويرية (والموصلي جاهز لتأطير هذه الورشة). ورشة عن حقوق الملكية الأدبية والفنية وأخلاقيات المهنة. ورشة عن تنظيم الحفلات الغنائية الكبرى...
أما الندوة المصغرة فقد تكون مخصصة للتعريف بفن أحد المبدعين الراحلين الذي يجب أن تكرم أسرته ضمن الجوائز السنوية. وأتمنى أن يوصي المؤتمر ببناء دار أوبرا تليق بعظمة الفن السوداني يساهم فيها جميع السودانيين اختيارا بمن فيهم أصحاب المغنى (بالتبرع بعداد حفلة!) واقترح أن يعقد هذا المؤتمر بصفة دورية كل سنتين على الأقل يتدارس فيها حال الفن الغنائي-الموسيقي السوداني.

يقول محمد الامين موسى

Quote: ستاذنا الموصلي وضيوفه الكرام... مواصلة لما ذكرته في مداخلة سابقة بأن تكون ثمرة المؤتمر جائزة سنوية لأفضل المبدعين في مجالات فن الغناء المختلفة، أضيف: حبذا لو أتى إعلان الجائزة السنوية كتتويج لتظاهرة فنية تتخللها ورش عمل وندوة مصغرة. فعلى سبيل المثال، يمكن أن تكون ورش العمل على شاكلة: كيف تبدأ مشوارك الفني الاحترافي؟ كيف تستعد لإقامة حفل غنائي؟ وكيف تحافظ على صوتك؟ تدريب على مهارات تطوير الصوت. كيف تدير فرقة غنائية-موسيقية؟ كيف تصبح مدير أعمال فني؟

وانا اقول
كلام سمح واركز علي الورشة الفنية كل الذي طرحته مفيد وعلمي
تسلم وبجيك للباقي

يقول محمد الامين

Quote: كيف تصبح صحافيا فنيا؟ مهارات التعامل مع وسائل الإعلام والجمهور. كيف تطور مهاراتك في العزف وتحافظ عليها؟ الأساليب الحديثة في إنتاج الأعمال الفنية الموسيقية-الغنائية (إنتاج شريط/أسطوانة - إنتاج فيديو كليب). تأليف الموسيقى التصويرية (والموصلي جاهز لتأطير هذه الورشة). ورشة عن حقوق الملكية الأدبية والفنية وأخلاقيات المهنة. ورشة عن تنظيم الحفلات الغنائية الكبرى... أما الندوة المصغرة فقد تكون مخصصة للتعريف بفن أحد المبدعين الراحلين الذي يجب أن تكرم أسرته ضمن الجوائز السنوية. وأتمنى أن يوصي المؤتمر ببناء دار أوبرا تليق بعظمة الفن السوداني يساهم فيها جميع السودانيين اختيارا بمن فيهم أصحاب المغنى (بالتبرع بعداد حفلة!) واقترح أن يعقد هذا المؤتمر بصفة دورية كل سنتين على الأقل يتدارس فيها حال الفن الغنائي-الموسيقي السوداني.

نعم الورشه عمل في غاية الاهمية وهو من اساسيات هذا المؤتمر هنالك موسيقيون شباب كثر يطالبونني بمساعدتهم في مجال معرفة التاليف للسينما
او ما يسمي بالموسيقي التصويرية وانا بفكر اعمل كورسات للتاليف والموسيقي الاليكترونية اوتلاين وده بمشي مع كلامك وكلام ود شاموق.

اما التعريف بالمبدعين القدامي وجوانب ابداعهم فهذا مهم جدا للاجيال الموسيقية الجديدة نعم هذا المؤتمر يمكن آن يكون سنويا او كل سنتين.
كل الود

Quote: إن جاز لي أن أدلي بدلوي هنا ، فإنني وبعد إذنك أرى أنه لابد من وجود كيان يهتم بالشأن الفني تكون مهمته التخطيط والتنسيق والتنفيذ والإشراف على جميع الأنشطة الخاصة والمهتمة بشؤون الموسيقى والفن في البلد.. ولكن هذا لا يمنع من قيام المؤتر ( كبداية ) ويمكن أن يكون من ضمن توصيات المؤتمر قيام كيان يعني بالموسيقى والفن وأتصور أن الكيان يجب أن يكون كياناً مستقلاً عن أجهزة الحكومة وإداراتها ، وذلك لضمان البعد عن البيروقراطية التي تحكم الآن الموسيقى والفن في البلد ، وأن يكون بجهود شخصية خالصة ، ويمكن إشراك الكيانات المهتمة وكذلك يمكن اللجوء الى الأجهزة الرسمية للمساعدة في تنفيذ خططكم وبرامجكم. وطالما أنك بصدد تأسيس شركة فنية في السودان ، فيمكن للشركة أن تقوم بهذا العمل.

اتفق معك تماما ياصلاح
لابد من الاستقلاليه ولكن ان انعقد الموتمر في السودان
فلربما هذا يحتاج الي دعم رسمي يحترمواستقلالية المؤتمر
وفي هذا نختلف مع د كودي وساتي للتفاصيل في ردي المفصل عليه

Quote: زيزي أبوهديل، سلامات يازول، أتمناك بخـير ، هل هناك مساحة للمعلوماتية في مثل هذا المشـروع؟ أحلم بقاعدة بيانات أونلاين قابلة للفلترة بآلاف الطرق، يمكن عبرها فتح الباب للمبدع لتسجيل أنفسهم، مع المجالات المتخصصين فيها، والمجالات الفرعية، بحيث يمكن للشخص أن يبحث - على سبيل المثال لا الحصر - عن مغني، له طبقة صوتية معينة، وعمره بين العشرين والثلاثين، يجيد الانجليزية، وله أكثر من خمسة اعمال مؤداة! أو عن شاعر غنائي، يكتب بالعامية، وله ثلاثة دواويين منشورة، وجنسه ذكر، مثـلاً؟! وهذه الخاصية التي تساعد على الفرز والفلترة تتيح للمبدعين من أمثالك أن يفتحوا مشاريع فنية داخل أونلاين داخل الموقع، بحيث يقوم المدير الفني بتحديد عدد الأشخاص المطلوبين، ومواصفاتهم، ومن ثم يقوم النظام بالبحث له عنهم، ودعوتهم للانضمام إلى المشروع المزمع، ويكون الرد اختيارياً فمن تعجبه الفكرة ينضم ومن لا فلا (شيء شبيه بالفيس بوك ولكنه أكثر تخصصاً). بعد ذلك يمكن البدء في العمل، وتوزيع الأدوار، الشاعر يقوم بعمله، والملحن، ثم المغني، والكورس، وإلخ ... ممكن نحلم ؟

ود شاموق العزيز احلم كما يحلو لك بل من واجبك وواجبنا ان يتحقق الحلم الي واقع فقد اصبح للمعلومات والمعلوماتية الدور الاكبر واليد الطولى في كل المجالات
هسع انا بعمل في ماجستير بيخلص في سبتمبر عن دور الموسيقي والتكنلوجيا معا في خدمة التعليم.
وعملت شوية تجارب نجحت الى حد ما
نحتاج اليكم في الاخذ بيد الناشئة للدخول الى هذا العالم العريض المفيد تحديثا وتوثيقا
اها ساعدنا في هذا الجانب بمزيد من المقترحات

الأستاذ الموسيقار الموصلي كل عام وأنتم بخير ولك التحية وأنت تحاول جاهداً أن تصنع من الفسيخ شربات كما يقولون لأن الساحة الفنية السودانية الآن تعج بانصاف المبدعين في شتى ضروب الفن وهذا باين وجلي وما محتاج لوصف أكثر من ذلك ،، وفعلاً لابد من وقفة للتصحيح وللتقنين وإلا سيضيع تراث وتاريخ الفن السوداني الماضي والحاضر ونحن فعلاً نحتاج لمن يأخذ بيدنا لبر الأمان وسط كل هذه الضوضاء والقوقاء ، فالمشروع كبير وعظيم ونتمنى أن يوفقك الله فيه وأن تجد العون والسند من كل فنان ومهتم بالفن ،،
نحن طبعاً بره السودان وبقينابنتفرج من بعيد فقط على الوضع لكن قلوبنا معكم ...

تحياتي : ياسر العيلفون

الأخ الأستاذ والفنان الموصلى،
تحياتى.

فكرة (المؤتمر) فكره ممتازه، أتمنى أن يقام وأتمنى أن نرى الكثير من الفعاليات التى قد تأسس للتقدم بالفنون الموسيقية فى السودان.. فحالها حقيقة محزن.

فى إعتقادى أن الموسيقى السودانية السائده فقيره إذا مانظرنا اليها بعيون إقليمية أو عالميه، وهذا ليس إنتقاص من مساهمات الكثيرين فى التقدم بها من مرحله الى أخرى... مثل هذه الفعالية قد تبتدر حوار مثمر حول حالة الموسيقى فى السودان..

هل تنون قيام مثل هذا المؤتمر فى السودان أم خارجه؟

هاهو( الثيم) الاساسى؟

ماهى المحاور؟
ماهى الاوراق؟
من هم مقدمى الاوراق؟

بعد تحديد إسم الفعالية مؤتمر/ كونسورتيم/ ورشة...الخ يحدد (الثييم)....
يحدد المكان، الزمان، والجهات الداعمه...

اقترح أن يقام المؤتمر خارج السودان (عشان الناس تاخد حريتها وكده).

للأوراق ضمن المحاور التى يمكن العمل على تحديدها أقترح كفاتحة خير...


1/ الفنون الموسيقية تصنيف وتعريف:
أن تناقش هذه الورقة تعدد الفنون الموسيقية والعلاقة بينهما والأدوار المختلفه...من الفنان ومن المطرب ومن الموسيقار ومن الملحن ومن الموزع و من العازف ومن غنى الصوت ومن المنتج.... الخ..ومن المحامى...

2/ الموسيقى والفاشية، دروس من التاريخ الى نظام الانقاذ ....
تناقش هذه الورقه أو المحور التجارب الموسيقية فى ظل الانظمة الدكتاتورية والفاشية وصعود أو هبوط الفنون الموسيقية فيها. أثر هذه الانظمة على الموسيقى والموسيقيين، طبيعة الفنون المنتجه.... دور الموسيقيين فى مناهضة أو دعم هذه الانظمة ودور الموسيقى وطبيعة توظيفها...الخ


3/ الموسيقى والتعليم:
أن تناقش هذه الورقه دور (الدولة) ومسؤلية مؤسساتها التعليمية تجاه التعليم والتثقيف الموسيقى.
وتناقش أيضا الموسيقى كماده يجب أن تدرس فى المدارس ودورها الذى يتجاوز مجرد التطريب،
ودور الموسيقى فى تطوير وتنمية مقدرات الطلاب العقلية.

4/مقاربات موسيقية إقليمية وعالمية:
تناقش الورقه تجارب من دول أو ألوان موسيقية نجحت فى الخروج من دائرة محليتها...
وتناقش نماذج الثقافه الموسيقية ،الموسيقى والالات الشعبية التى تجحت فى الاتصال بجمهور خارج ثقافتها المحدوده.. الخ

تحديات الفنون الموسيقية فى السودان- محور يمكن أن يحتوى عدة أوراق تعالج المشكلات ذات الطابع المتخصص والمحلى - من أول الحقوق الأدبية الى آخر كتابة (الكونتراكتس)


مع التحية.

الفنان التشكيلي المبدع د خالد

شكرا علي هذه المساهمة الثره

ساتي لمنقشة بنودها بندا بندا

خصوصا مكان المؤتمر والفن والسياسة

بعد ان انتهي من مناقة المساهامات السابقة

تحية طيبة

Khalid Kodi قال:

Quote: الموسيقى والفاشية، دروس من التاريخ الى نظام الانقاذ .... تناقش هذه الورقه أو المحور التجارب الموسيقية فى ظل الانظمة الدكتاتورية والفاشية وصعود أو هبوط الفنون الموسيقية فيها. أثر هذه الانظمة على الموسيقى والموسيقيين، طبيعة الفنون المنتجه.... دور الموسيقيين فى مناهضة أو دعم هذه الانظمة ودور الموسيقى وطبيعة توظيفها...الخ

الموصلي يرد علي Khalid Kodi:

Quote: شكرا علي هذه المساهمة الثره

وفي رده علي مداخلتي يقول :

Quote: فلنترك الخوض في التاريخ للمؤرخين ولنترك الخوض في غماره الموسيقي المتقولب للمهتمين بالتطوير

!!!!!!!!

لا علينا ...

الاهداف التي وضعتهاهي في الحقيقة توصيات يمكن ان تخرج بها ورقة او مجموعة نقاش داخل المؤتمر ، لكن موضوع المؤتمر- الـ(theme) - شي مختلف. يمكن الاستفادة بشكل كبير من مقترح الاوراق التي قدمهاKhalid Kodi .


سلمت

الأخ عثمان،
تحيات،
لا ارى نتاقض.

أعتقد ان الأخ الفنان الموصلى عينه على التوصيات النهائية- وأن تكون مثمره...
وبالتأكيد متى ماتم تضيق وحصر الموضوعات وتحديدها بدقه اكانت التوصيات محدده.

تحديد محاور ، كل محور قد يحوى على عدة أوراق يوسع من قضايا الحوار دون أن يخل بالوصول الى نتائج بعينها. وأعتقد انه هذا هو الشكل الأفضل.

فلقاء صغير قد لايسمح بتناول موضوعات كالتى ذكرت بينما ينحصر على موضوعات أخرى قد تكون محصوره...

عموما أمنياتى بالتوفيق.

Quote: تعرف يا أبو هديل أين تكمن معضلة الفن السوداني و ما هي أسباب تعثر خطواته ؟ هو أنه للأسف هناك بعض الشعراء و بعض الملحنين يتعاملون بأسلوب المجاملة مع بعض الأصوات و هم في قرارة نفوسهم يعلمون أن الأعمال المهداة لهؤلاء ستكون في عهدة حناجر ستؤدي إلى وأد الكلمة و إلى طمس اللحن.

يبقا كده يا ابو جهينة حكمت على المؤتمر بالفشل فأستاذنا الموصلي وقع في نفس المعضلة دي يوم جامل شروق ابو الناس مش في إنو يوزع ليها أو يلحن ليها لا فده حق مشروع لكن في الإصرار على الدفاع عنها مع إنو مقتنع في جواهو ..
وكمان تنامى لمسامعي اخيراً إنو النخلي زاااتو قنع من خيراً فيها وعرف إنو إتورط في مجاملة صوت ضعيف راهن على نجاحه في كل اللقاءات التلفزيونية والصحفية والاذاعية ..
كل تمنيات استاذ الموصلي في مشروعك الفني الكبير بس كل ما اسمع رأيك وكلامك عن نهى عجاجأحس إنك لسة ما عايز تستفيد من تجربة شروق يا زول يا فنان ..
تحياتي وكل سنة وانت طيب..
تخريمة :
ركز مع عمر قصاص وعافية حسن كده انت صاح ..

Quote: يبقا كده يا ابو جهينة حكمت على المؤتمر بالفشل فأستاذنا الموصلي وقع في نفس المعضلة دي يوم جامل شروق ابو الناس مش في إنو يوزع ليها أو يلحن ليها لا فده حق مشروع لكن في الإصرار على الدفاع عنها مع إنو مقتنع في جواهو .. وكمان تنامى لمسامعي اخيراً إنو النخلي زاااتو قنع من خيراً فيها وعرف إنو إتورط في مجاملة صوت ضعيف راهن على نجاحه في كل اللقاءات التلفزيونية والصحفية والاذاعية .. كل تمنيات استاذ الموصلي في مشروعك الفني الكبير بس كل ما اسمع رأيك وكلامك عن نهى عجاجأحس إنك لسة ما عايز تستفيد من تجربة شروق يا زول يا فنان .. تحياتي وكل سنة وانت طيب.. تخريمة : ركز مع عمر قصاص وعافية حسن كده انت صاح ..

عمر صديقي
ياخي بنوتنا ديل مالك عليهن
بعدين بخصوص شروق لو كان عندي راي غير كنت قلتو ليك مش انت صاحبي
كيف عرفت اني مقتنع في جواي
ياخي انا جواي غرييييييييق
كان جاك شمار قول لي عشان امشي ازعمط ليك سيدو ههههه
وانت انتهزت انشغالي بكم بوست وقمت على البنوت ديل
لكن بخلصهم وبجيك بي غادي
كل سنه وانت طيب

عثمان يا خالد رجل موسيقي عميق في تفكيره
مايريده موضوع كبير اوافقه عليه ولكن يحتاج لمؤتمر قائم بذاته
ان مشكلتي الان العلاج العاجل لحمي الاجترار التي اجتاحت السودان في وجود مواهب كبيره وعظيمه
لا تجد من يخرجها من ذلك القمقم

جاء صديقي عثمان عجبين بهذا الكوت

Quote: Khalid Kodi قال: Quote: الموسيقى والفاشية، دروس من التاريخ الى نظام الانقاذ .... تناقش هذه الورقه أو المحور التجارب الموسيقية فى ظل الانظمة الدكتاتورية والفاشية وصعود أو هبوط الفنون الموسيقية فيها. أثر هذه الانظمة على الموسيقى والموسيقيين، طبيعة الفنون المنتجه.... دور الموسيقيين فى مناهضة أو دعم هذه الانظمة ودور الموسيقى وطبيعة توظيفها...الخ الموصلي يرد علي Khalid Kodi: Quote: شكرا علي هذه المساهمة الثره وفي رده علي مداخلتي يقول : Quote: فلنترك الخوض في التاريخ للمؤرخين ولنترك الخوض في غماره الموسيقي المتقولب للمهتمين بالتطوير !!!!!!!! لا علينا ...

بينما ردي كاملا

Quote: الفنان التشكيلي المبدع د خالد شكرا علي هذه المساهمة الثره ساتي لمناقشة بنودها بندا بندا خصوصا مكان المؤتمر والفن والسياسة بعد ان انتهي من مناقشة المساهامات السابقة

عليك الله ياصديقي عثمان الا ينطبق علي هذا مقولة
لا تقربوا الصلاة ....... دون اكمالها
تحياتي فانا لم اوافق علي الجانب الذي تفضلت بذكره انما شكرته علي المساهمة الثرة كاملة
بمافيها ما اختلف عليه او اتفق وانت ايضا مشاركاتك ومداخلاتك معي دوما ثره ياعثمان

Quote: الأخ الأستاذ والفنان الموصلى، تحياتى. فكرة (المؤتمر) فكره ممتازه، أتمنى أن يقام وأتمنى أن نرى الكثير من الفعاليات التى قد تأسس للتقدم بالفنون الموسيقية فى السودان.. فحالها حقيقة محزن. فى إعتقادى أن الموسيقى السودانية السائده فقيره إذا مانظرنا اليها بعيون إقليمية أو عالميه، وهذا ليس إنتقاص من مساهمات الكثيرين فى التقدم بها من مرحله الى أخرى... مثل هذه الفعالية قد تبتدر حوار مثمر حول حالة الموسيقى فى السودان.

نعم صديقي العزيز د خالد كودي فان الموسيقيون السودانيون لم يتحاورو منذ امد بعيد ولم يحدث تداول بينهم كاجيال مختلفة كما لم يحدث تحاور بين الفنانين وشركات الانتاج الفني لامد طويل وهذا ينسحب علي مابين الفنانين والقنوات الفضائية بل لم يحدث ذلك بين الشعراء والملحنين والمولفين الموسيقيين.

Quote: ماهى المحاور؟ ماهى الاوراق؟ من هم مقدمى الاوراق؟ بعد تحديد إسم الفعالية مؤتمر/ كونسورتيم/ ورشة...الخ يحدد (الثييم).... يحدد المكان، الزمان، والجهات الداعمه... اقترح أن يقام المؤتمر خارج السودان (عشان الناس تاخد حريتها وكده). للأوراق ضمن المحاور التى يمكن العمل على تحديدها أقترح كفاتحة خير

المحاور بالنسبة للحوار والاوراق ستنبثق عن هذا الحوار ومقدميها غالبا من الذين لهم درايه وعلاقة وثيقة كل بالفكرة التي ستنبثق عن هذا الحوار.
احبذ ان يقام الموتمر بالسودان لعدة اسباب
اولا المراد منه ان يكون مستصحب بمهرجان موسيقي كبير وورش موسيقية موسعة مما يتطلب مشاركات موسعة للموسيقيين
وهذا سيكون عاملا صعبا لانعقاده بالخارج لعوامل التمويل
ثانيا الهدف الاكبر هو مشاركة القادمين الجدد من الناشئة وهم اصلا موجودين بالسودان
التمويل يفضل ان يكون اهليا ولكن الرعاية ضرورة بان تكون من وزارة الثقافة بحكم التسهيلات من حيث توفير المسارح والقاعات والتاشيرات للاجانب المشاركين فيه وهذا يتطلب اختيار زمان مناسب غالبا بعد استفتاء الجنوب بمدة لان هذا سيقرر اتجاهات الموتمر من حيث المشاركة والتراث الشعب.

Quote: 1/ الفنون الموسيقية تصنيف وتعريف: أن تناقش هذه الورقة تعدد الفنون الموسيقية والعلاقة بينهما والأدوار المختلفه...من الفنان ومن المطرب ومن الموسيقار ومن الملحن ومن الموزع و من العازف ومن غنى الصوت ومن المنتج.... الخ..ومن المحامى...

ده كلام سمح وورقة مضمونه

Quote: / الموسيقى والفاشية، دروس من التاريخ الى نظام الانقاذ .... تناقش هذه الورقه أو المحور التجارب الموسيقية فى ظل الانظمة الدكتاتورية والفاشية وصعود أو هبوط الفنون الموسيقية فيها. أثر هذه الانظمة على الموسيقى والموسيقيين، طبيعة الفنون المنتجه.... دور الموسيقيين فى مناهضة أو دعم هذه الانظمة ودور الموسيقى وطبيعة توظيفها...الخ

بما ان وهذا المؤتمر محدد الاهداف وليس غرض معارض بقدر ما انه موتمر للتوعية والخروج بالموسيقي السودانية من قمقمها الي افاق ارحب فهذا الجزء
لي فيه تحفظ بهذا المسمى ولكنني اقترح بان ياتي تحت باب (الموسيقى والديموقراطية / الفنان والحرية وهكذا سيكون مقبولا ويعطي المؤتمر حياديته مع التمسك بالمفاهيم العامة التي يجب ان يلبسها الفنان الحريه والديموقراطية وهما غذاد روح الفنان.

Quote: 3/ الموسيقى والتعليم: أن تناقش هذه الورقه دور (الدولة) ومسؤلية مؤسساتها التعليمية تجاه التعليم والتثقيف الموسيقى. وتناقش أيضا الموسيقى كماده يجب أن تدرس فى المدارس ودورها الذى يتجاوز مجرد التطريب، ودور الموسيقى فى تطوير وتنمية مقدرات الطلاب العقلية.

هذا هام للغاية اذ اننا لازلنا نجهل دور الموسيقي في التعليم هذا جانب من موضوعي للماجستر في جامعة (جاب مان باميركا) ولكن هل نحن قد اوفينا الموسيقى نفسها من التعليم؟؟ هذا سؤال يجاب عليه في المؤتمر.

Quote: /مقاربات موسيقية إقليمية وعالمية: تناقش الورقه تجارب من دول أو ألوان موسيقية نجحت فى الخروج من دائرة محليتها... وتناقش نماذج الثقافه الموسيقية ،الموسيقى والالات الشعبية التى تجحت فى الاتصال بجمهور خارج ثقافتها المحدوده.. الخ تحديات الفنون الموسيقية فى السودان- محور يمكن أن يحتوى عدة أوراق تعالج المشكلات ذات الطابع المتخصص والمحلى - من أول الحقوق الأدبية الى آخر كتابة (الكونتراكتس) مع التحية.

نعم فمثال دول غرب افريقيا ليس ببعيد ومثال مصر ليس ببعيد ومثال اثيوبيا ليس ببعيد
فقذ نريد ان نصارح انفسنا ونفتح قلوبنا لعقولنا.
تسلم ياخالد على هذه المشاركة الثرة

ياسر بس قلت ارحب بيك اولا بعدين بجيك لي كلامك

اصلوا الحوار بقي حار والنقاط كثيره

الاساذ الموصلي

دائما في المقدمة
فلك الحب
تقدم

فكرة رائعة بحق

معها الى ان ترى النور

الحبيب موصلي:
كل سنه وإنت طيب


لا غبار علي الفكرة سوي أنها ممتازه و تحتاج لتعاون الجميع..

قرأت كل حرف هنا ..
وسأعود لكتابة ما أراه وأتمناه من الفكرة.


كل التحايا

صديقي موصلي
كثير من المواهب موجوده وايضا اصوات جميله جدا استمعنا اليها من خلال الاجهزة المختلفة لكن كما ذكرت الكثيرين منهم اثروا تصفيق الجمهور اما البقيه فتجتر اغاني الفنانين الكبار والقليل منهم جادون في تلمس طريقهم والظهور بانتاجهم الخاص.
وحسب اعتقادي ان الظروف الاقتصادية الحالية في السودان هي العامل الحاسم في كل العمليه الفنية من اشعار والحان وغيرها
وكما يعلم الجميع ان كبار الملحنين امثال بشير عباس وعبد اللطيف خضر والفاتح كسلاوي وعمر الشاعر ويوسف الموصلي كلهم موجودون لكن اين الجديد ؟
قليلون هم المواصلون في التلحين او مساعدة الشباب
في الماضي كان هنالك توامة بين الشاعر والمطرب او الشاعر والملحن امثال بازرعه وعثمان حسين او وردي واسماعيل حسن او عمر الشاعر وتجاني حاج موسي او حسن الزبير وحسن بابكر

اما الان فلا نجد امثال هذه الثنايات لماذا؟
الشي الاخر اعلم ان العديد من الملحنين لديهم الكثير من الانتاج ولكنه لا يصل لعدة عوامل ارجو البحث عن ذلك الامر.
الشي الاخر شركات الانتاج لعبت دورا كبيرا وخطيرا في عدم ظهور انتاج جديد وذلك بتحديدهم اغاني بالاسم للمطرب لتسجيلها
الشئ الاخر الهام هنالك عدد من الفنانين الرواد مما جفت حناجرهم ولا اعتقد ان باستطاعتهم تقديم اي جديد بحكم العمر مثل هؤلاء اتمني ان يسخروا امكانياتهم للتلحين لمثل هؤلاء الشباب

اؤيد كلام الاخ خالد للاجابة علي بعض الاسئلة:
1- لا بد من وجود جهة لرعاية مثل هذا المؤتمر . ما هي وهل هي جهة حكومية ام اهليه وما هي مصلحتها في رعاية مثل هذا المؤتمر؟
2- اين ومتي ينعقد المؤتمر؟
3- من هم المشاركون فيه؟
4- الاوراق المقدمة هل تكون مفتوحة ام تحدد مواضيعها سلفا؟
5- التوصيات لكي تكون نافذة او ملزمة تتطلب مشاركة جهات نافذه او سلطة هل سيتم دعوة الوزارات او الاجهزة الاعلامية المعنية بالامر ؟
ايضا
اتمني ان تتم مناقشة :
1- دور الفنانين الكبار والملحنين في الاخذ بيد الناشئة من المطربين.
2- شركات الانتاج ودورها في تطوير فن الغناء الموسيقي في السودان

نحن في النهاية اخي يوسف معكم قلبا وقالبا وان شاء الله تجدونا مساهمين معكم بكل امكانياتنا

سدد الله خطاكم ووفقكم

Quote: صديقي موصلي كثير من المواهب موجوده وايضا اصوات جميله جدا استمعنا اليها من خلال الاجهزة المختلفة لكن كما ذكرت الكثيرين منهم اثروا تصفيق الجمهور اما البقيه فتجتر اغاني الفنانين الكبار والقليل منهم جادون في تلمس طريقهم والظهور بانتاجهم الخاص.

كلامك صحيح ، هذا مما يستدعى بان يقوم ذوي الخبرة بالاخذ بيد هؤلاء

Quote: وحسب اعتقادي ان الظروف الاقتصادية الحالية في السودان هي العامل الحاسم في كل العمليه الفنية من اشعار والحان وغيرها وكما يعلم الجميع ان كبار الملحنين امثال بشير عباس وعبد اللطيف خضر والفاتح كسلاوي وعمر الشاعر ويوسف الموصلي كلهم موجودون لكن اين الجديد ؟

هولاء اصابهم شيئ من الغضب نتيجة لتهافت الجدد على الجاهز والاجترار (لا بد من نهره) لهم/هن

Quote: قليلون هم المواصلون في التلحين او مساعدة الشباب في الماضي كان هنالك توامة بين الشاعر والمطرب او الشاعر والملحن امثال بازرعه وعثمان حسين او وردي واسماعيل حسن او عمر الشاعر وتجاني حاج موسي او حسن الزبير وحسن بابكر اما الان فلا نجد امثال هذه الثنايات لماذا؟ الشي الاخر اعلم ان العديد من الملحنين لديهم الكثير من الانتاج ولكنه لا يصل لعدة عوامل ارجو البحث عن ذلك الامر. الشي الاخر شركات الانتاج لعبت دورا كبيرا وخطيرا في عدم ظهور انتاج جديد وذلك بتحديدهم اغاني بالاسم للمطرب لتسجيلها الشئ الاخر الهام هنالك عدد من الفنانين الرواد مما جفت حناجرهم ولا اعتقد ان باستطاعتهم تقديم اي جديد بحكم العمر مثل هؤلاء اتمني ان يسخروا امكانياتهم للتلحين لمثل هؤلاء الشباب

توجد هذه التوآمة الان ولكنها قليلة خجولة منزوية
تخوف الجدد من الجديد وعدم صبرهم علي النجاح المتدرج وتلهفم علي الشهرة هو افة الافات
نتمنى آن يرعي الكبار صغارهم وهذه سنة الحياه
ساعود لاحقا للرد على اسئلتك في هذه المساهمة
كل الود

حبيبنا طارق
اليك ردودي على اسئلتك

Quote: اؤيد كلام الاخ خالد للاجابة علي بعض الاسئلة: 1- لا بد من وجود جهة لرعاية مثل هذا المؤتمر . ما هي وهل هي جهة حكومية ام اهليه وما هي مصلحتها في رعاية مثل هذا المؤتمر؟ 2- اين ومتي ينعقد المؤتمر؟ 3- من هم المشاركون فيه

الرعاية نسعي لان تكون آهلية مستقلة ولكن لابد من تصديق الاجهزة الرسمية ومشاركة ممثلين لوزارة الثقافة علي سبيل المثال فهنالك الكثير من المعضلات تمر حلولها عبرهم.

Quote: 4- الاوراق المقدمة هل تكون مفتوحة ام تحدد مواضيعها سلفا؟ 5- التوصيات لكي تكون نافذة او ملزمة تتطلب مشاركة جهات نافذه او سلطة هل سيتم دعوة الوزارات او الاجهزة الاعلامية المعنية بالامر ؟

لنعتبر هذا البوست هومؤتمر اسفيري للتحضير لذاك
بخصوص المشاركات فقد اجبت اعلاه عليها وكل جهة لها علاقة بالفن وانتاجه لابد من مشاركتها.

Quote: يضا اتمني ان تتم مناقشة : 1- دور الفنانين الكبار والملحنين في الاخذ بيد الناشئة من المطربين. 2- شركات الانتاج ودورها في تطوير فن الغناء الموسيقي في السودان نحن في النهاية اخي يوسف معكم قلبا وقالبا وان شاء الله تجدونا مساهمين معكم بكل امكانياتنا سدد الله خطاكم ووفقكم

اوافقك اخي العزيز وزميلي طارق
وفقك الله الجميع في خطاهم الجادة وصولا الي فن سوداني جاذب ومشرف
كل الود

Quote: [لحبيب موصلي: كل سنه وإنت طيب لا غبار علي الفكرة سوي أنها ممتازه و تحتاج لتعاون الجميع.. قرأت كل حرف هنا .. وسأعود لكتابة ما أراه وأتمناه من الفكرة. كل التحايا

في انتظارك ايها الشفيف
فنحن في مسيس الحاجة الي الكتاب
وما يقترحون
كل الود

وانت من الاسماء المعول عليها
لما عرفناه عنك من تجديد وهمة وفكر عميق
كل الود
يا زميل ياعزيز ومبدع بحق

آخي الحبيب وصديقي التشكيلي احمد العربي
هل نحلم بان تزين لوحاتك ولوحات خالد وبقية التشكيليين مثل هذا الموتمر
كل الود

أستاذي الموصلي ترحيبك تاج في راسي والله ،، وأنا على قدر الشوق ما يمد مديت على قدر الشوق ، فنحن في شوق للجلوس معك والنهل من معينك ولكن هي الغربة اللعينه جعلت هذا اللقاء غير ممكن ولكن كلي أمل في أن نلتقى يوم ما ، وإلى الملتقى لك مني كل الود والتقدير ،، وواصل في نشر المعرفة بيننا ,,

تحياتي : ياسر العيلفون

الاستاذ القامة الموسيقية والفنان
الموصلي
وللاوطان في دم كل حر يدا سلفت ودين مستحق
دائما ماتكون سباقا لما هو جديد ومفيد والفكرة لاغبار عليها واوكد علي اهمية التكنولوجيا في مثل هذه الامور وكما تعلم العالم اصبح قرية صغيرة بثورة الانترنت لذلك اقامة هذا المؤتمر في اي مكان داخل الوطن ام خارجه واحبذ اقامته في امريكا لكل التقنيات الحديثة المتوفرة هنا مع اتاحة الفرصة لكل المهتمين والحادبين علي امور الفن بالمشاركة والادلاء بارائهم بالطريقة التي يرونها تصب في مصلحة هذا المؤتمر.

لك كل الود والاحترام

احييك يا متولي وبجيك راجع للرد علي مقترحك
كل الود

العزيز متولي علي مالك

Quote: وللاوطان في دم كل حر يدا سلفت ودين مستحق دائما ماتكون سباقا لما هو جديد ومفيد والفكرة لاغبار عليها واوكد علي اهمية التكنولوجيا في مثل هذه الامور وكما تعلم العالم اصبح قرية صغيرة بثورة الانترنت لذلك اقامة هذا المؤتمر في اي مكان داخل الوطن ام خارجه واحبذ اقامته في امريكا لكل التقنيات الحديثة المتوفرة هنا مع اتاحة الفرصة لكل المهتمين والحادبين علي امور الفن بالمشاركة والادلاء بارائهم بالطريقة التي يرونها تصب في مصلحة هذا المؤتمر

اتفق معك تماما
في هذا الامر فان التكنلوجيا اصبحت العامل الاهم في هذا القرن وربما ستكون لهدة قرون قادمة فهي الاختراع ذو النفس الطويل
ولكننا نريد للمؤتمر ان يكون في السودان وسنحاول توفير كل وسائل التكنلوجيا
اما الحضور الانساني فمهم للغاية وهذا توجد (بذرته) بالسودان
نريده مؤتمرا يحتضن مهرجانا ناتجا عن ورش موسيقية
كل الود

يا الف مرحب بيك يا ياسر في اي زمان واي مكان وروحنا سداده
كل الود

Quote: لأستاذ الموسيقار الموصلي كل عام وأنتم بخير ولك التحية وأنت تحاول جاهداً أن تصنع من الفسيخ شربات كما يقولون لأن الساحة الفنية السودانية الآن تعج بانصاف المبدعين في شتى ضروب الفن وهذا باين وجلي وما محتاج لوصف أكثر من ذلك ،، وفعلاً لابد من وقفة للتصحيح وللتقنين وإلا سيضيع تراث وتاريخ الفن السوداني الماضي والحاضر ونحن فعلاً نحتاج لمن يأخذ بيدنا لبر الأمان وسط كل هذه الضوضاء والقوقاء ، فالمشروع كبير وعظيم ونتمنى أن يوفقك الله فيه وأن تجد العون والسند من كل فنان ومهتم بالفن ،، نحن طبعاً بره السودان وبقينابنتفرج من بعيد فقط على الوضع لكن قلوبنا معكم ... تحياتي : ياسر العيلفون

حبيبنا ياسر اليد الواحدة لا تصفق
ايدكم معانا من كل المسافات
كل الود

Quote: تعريفات المغني = فنان العازف = فنان الملحن = فنان الموزع = فنان الشاعر = فنان المؤلف الموسيقي= فنان

موصلي سلامات و كل عام و انت بخير

و الله يا خينا نسيت اهم حاجة من تعريفات الفنانين الفوق ديل؟

لطفي

Quote: موصلي سلامات و كل عام و انت بخير و الله يا خينا نسيت اهم حاجة من تعريفات الفنانين الفوق ديل؟

لطفي كل سنه وانت طيب
اها ما قلت لي

Quote: لطفي كل سنه وانت طيب اها ما قلت لي

او هي دي دايره ليها قول, المهم بنعتبرها ليك سهوا (ركعتين)

ياخي نحنا ناس قريحتي راحت ديل الفناين الاساسيين
يعني المستمع هو الفنان رقم و احد, صحي ما عارفين السلالم الموسيقية من البراميل عند البناء وكليهما يستعملهما البنائين, لكن كل خلجة من خلجات جسمنا ترقص طربا, للموسيقي و عازفها و الفنان و صوته و الشاعر و مقدرته و الملحن و امكانياته, فجمع كل هذه الفنيات, تعمل عمل السحر فينا فيكون النتاج الطبيعي هو اهتزاز اجسادنا طربا تعبيرا رقصا للفنان الاول المستمع (البوتقة)

ارجو ان اكون قد ابنت

لطفي

لك التحيه على هذه الفكره الرائعه......................بوست موفق وموضوعى وآن آوانه





====
فوق الى حين نعود برواقه

Quote: لك التحيه على هذه الفكره الرائعه......................بوست موفق وموضوعى وآن آوانه ==== فوق الى حين نعود برواقه

تشكر يا ابو الزمل على هذا التقريظ

يا ام جبين بدري
انا ما بدري
ان اوان حظي
ام
علي بدري؟؟؟؟؟

Quote: او هي دي دايره ليها قول, المهم بنعتبرها ليك سهوا (ركعتين) ياخي نحنا ناس قريحتي راحت ديل الفناين الاساسيين يعني المستمع هو الفنان رقم و احد, صحي ما عارفين السلالم الموسيقية من البراميل عند البناء وكليهما يستعملهما البنائين, لكن كل خلجة من خلجات جسمنا ترقص طربا, للموسيقي و عازفها و الفنان و صوته و الشاعر و مقدرته و الملحن و امكانياته, فجمع كل هذه الفنيات, تعمل عمل السحر فينا فيكون النتاج الطبيعي هو اهتزاز اجسادنا طربا تعبيرا رقصا للفنان الاول المستمع (البوتقة) ارجو ان اكون قد ابنت لطفي

معقوله انتم جميعا مثل الامير استرهازا
(في السودان استرهازي)
نحن نجهز ونتعب ونكنس وننظف ونطبخ ثم نستحم ونلبس بما يليق بمقامكم
ونغني ليكم وانتو ندخنو في الكدوسات
نحن بلاكم مابنسوى
كل الود فقدابنت وقد استبنا

في انتظار كل الذين وعدوا بالحضور

الاستاذ الفنان الموصلي

اولا مبروك اقتراح مؤتمر للفن الموسيقي، وربنا يسهل ليكم

طلبتك في استشارة في بوست مخصوص عشان ما نحرف البوست هنا عن مسارو
لكن يبدو انك لم تنتبه له، وطالما احنا لحوحين في طلب العلم والمعرفة
قلت النجيبو ليك بهنا.

الاستاذ الموصلي .. تحية .. ما رأيك في هذه التجربة الغنائية

باختصار هذه هي قضية البوست

Quote: التجربة بتاعت الشباب هي غناء سوداني وكلمات سودانية بموسيقي غربية غربية تماما

واقترح انكم تناقشوا الظاهرة دي في المؤتمر

تحياتي

Quote: الاستاذ الفنان الموصلي اولا مبروك اقتراح مؤتمر للفن الموسيقي، وربنا يسهل ليكم طلبتك في استشارة في بوست مخصوص عشان ما نحرف البوست هنا عن مسارو لكن يبدو انك لم تنتبه له، وطالما احنا لحوحين في طلب العلم والمعرفة قلت النجيبو ليك بهنا. الاستاذ الموصلي .. تحية .. ما رأيك في هذه التجربة الغنائية باختصار هذه هي قضية البوست Quote: التجربة بتاعت الشباب هي غناء سوداني وكلمات سودانية بموسيقي غربية غربية تماما واقترح انكم تناقشوا الظاهرة دي في المؤتمر تحياتي

شكرا عزيزي احمد على التنبيه
والله العظيم لم اره
العتب على النظر ياخوي
وكمان انشغالي بكم بوست خلاني اركز على اللون الاحمر
فقط
كل الود وبجيك بالحيل

Quote: وكمان انشغالي بكم بوست خلاني اركز على اللون الاحمر

ما تقول لي مريخابي هههههههههههه

دا شيء طبيعي فعلا بالنسبة للناس كلها، انها احيانا واحيانا كثيرة لا تركز الا على اللون الاحمر

ما عراف بكري ما سواهو ازرق لييه

تحياتي ولا عتب يا استاذ

كمستمع فقط بساهم في اقتراح المؤتمر، اقول، اتمنى ان تأتوا بالتاريخ لتطوير الحاضر لمستقبل أجمل
للموسيقى السودانية، وبالتاريخ لا اعني التاريخ القريب ثلاثينات واربعينات الى السبعينات، لا، قصدت
تاريخ الموسيقى العالمي نفسه، ستجدون ان بعض منشأة هو السودان او حضارة وادي النيل.

في مكان ما قريت ولكني محتاج لتوثيق المعلومة من كم مصدر ان وزنة الاوتار (ما بفهم كلامكم دا) ولاني
قريتو باللغة الانجليزية فقد تصعب على الترجمة، المهم، وزنة الاوتار و التون (رياضيا) والتي اكتشفها (كما يزعم)
فيثاغورث، ما هي الا لطشة من لطشاته الكتيرة من معابدنا الفرعونية. نظرية فيثاغورث نفسها ملطوشة من هندسة الاهرامات

في كتاب ابني للرياضيات وجدت معلومة ان فيثاغورث بنظريته (المثلث القائم الزاوية) استفاد منها المصريون لبناء الاهرامات (عيون منططة
وراس داير يتشقا نصين)

تحياتي

نقزقز معاك حبه حبه يا ابو حميد

Quote: ما تقول لي مريخابي هههههههههههه دا شيء طبيعي فعلا بالنسبة للناس كلها، انها احيانا واحيانا كثيرة لا تركز الا على اللون الاحمر ما عراف بكري ما سواهو ازرق لييه

ده سر كشفناهو زمان وغطيناهو تاني
هسع انا
هلاريخابي ههههههه

Quote: كمستمع فقط بساهم في اقتراح المؤتمر، اقول، اتمنى ان تأتوا بالتاريخ لتطوير الحاضر لمستقبل أجمل للموسيقى السودانية، وبالتاريخ لا اعني التاريخ القريب ثلاثينات واربعينات الى السبعينات، لا، قصدت تاريخ الموسيقى العالمي نفسه، ستجدون ان بعض منشأة هو السودان او حضارة وادي النيل.

زميلنا عثمان عجبين طرح الفكرة بشكل اخر
اي بمعني ان تكون اول واخر الموتمر واشار بعدم جدوى المطروح ان لم يستند الي ماقاله
ولكنني من منظورك اعتقد انها ممكن تكون ورقه وعثمان من اقدر الناس عليها
تحياتي

الاستاذ الموصلي
تحياتي
حقيقة لم اقرأ البوست من اوله، زي ما قلت ليك انا كنت جاي لغرض معين
ورجعت وقرأت، اولا ما كان لي ان البس طاقية ما مقاسي، واتدخل في امور
لا خبرة لي ولا دراية بها، واتمنى منكم كمتخصصين ان تسمحوا لنا "المستمعين" او "المستهلكين"
لانتاجكم ان نعبر مره مره.

بيدي كتاب اسمه "قصة الحضارة في السودان" لكاتبه سبو عبدالله كان نتاج لمجموعة من
السودانيين انشأوا في مصر الستينات جمعية على ما اعتقد اسمها "احياء التراث السوداني"

اني هاو، الكتاب بركز على تطور الفنون باشكالها المختلفة عبر الحقب التاريخية في السودان
لم انتهي من الكتاب الى الآن.

الكاتب شكله شيوعي لانه من الاول قال حيبني تحليله من باب المادية التاريخية.

ما اتذكره الآن وقد يكون مرتبط بكلام احد الاخوة، عن ارتباط الموسيقى وتطورها
بالحالة السياسية وحالة الناس من القمع او عكسه، ان تطور الموسيقى في وادي النيل
جزء كبير منه جاء كنتيجة للسخرة والتعب والارهاق الشديد الذي مورس على الطبقة العاملة
او العبيد الذين جلبوا لبناء الاهرامات. فكانت الموسيقى والدف للتخفيف عن حالة التعب ...الخ
بمعنى آخر انه تأكيد لمقولة ان المعاناة تولد الابداع

معليش، شغلتكم، وبخليكم لطرحكم الجميل

ولو لقيت طريقة اجيب ما قد ينفع التاريخ فبالتاكيد سوف انقله هنا

تحياتي

Quote: معليش، شغلتكم، وبخليكم لطرحكم الجميل ولو لقيت طريقة اجيب ما قد ينفع التاريخ فبالتاكيد سوف انقله هنا تحياتي

منو القال ليك ياخ
=======
نحن في غاية الانبساط
وانا لسه ما كملت ردود مساهمتك الاولى
بقزقز فيها واهي التانية جات حلوه
بالله عليك ات لنا بكل ماتراه مفيدا لمؤتمرنا المآمول
محبتي

Quote: بيدي كتاب اسمه "قصة الحضارة في السودان" لكاتبه سبو عبدالله كان نتاج لمجموعة من السودانيين انشأوا في مصر الستينات جمعية على ما اعتقد اسمها "احياء التراث السوداني" اني هاو، الكتاب بركز على تطور الفنون باشكالها المختلفة عبر الحقب التاريخية في السودان لم انتهي من الكتاب الى الآن. الكاتب شكله شيوعي لانه من الاول قال حيبني تحليله من باب المادية التاريخية.

ليس بالضروره يا احمد فقد كتب الثيرون عن المادية الجدلية او التاريخية
دون ان يكونوا بالضرورة شيوعيون
المهم كدي بالله ورينا هنا شنو قال وياريت لو وريتنا من وين نحصل عليه
كل الود

Quote: ما اتذكره الآن وقد يكون مرتبط بكلام احد الاخوة، عن ارتباط الموسيقى وتطورها بالحالة السياسية وحالة الناس من القمع او عكسه، ان تطور الموسيقى في وادي النيل جزء كبير منه جاء كنتيجة للسخرة والتعب والارهاق الشديد الذي مورس على الطبقة العاملة او العبيد الذين جلبوا لبناء الاهرامات. فكانت الموسيقى والدف للتخفيف عن حالة التعب ...الخ بمعنى آخر انه تأكيد لمقولة ان المعاناة تولد الابداع معليش، شغلتكم، وبخليكم لطرحكم الجميل ولو لقيت طريقة اجيب ما قد ينفع التاريخ فبالتاكيد سوف انقله هنا تحياتي

اكيد حينفعنا ونحن في الانتظار والله

Quote: في مكان ما قريت ولكني محتاج لتوثيق المعلومة من كم مصدر ان وزنة الاوتار (ما بفهم كلامكم دا) ولاني قريتو باللغة الانجليزية فقد تصعب على الترجمة، المهم، وزنة الاوتار و التون (رياضيا) والتي اكتشفها (كما يزعم) فيثاغورث، ما هي الا لطشة من لطشاته الكتيرة من معابدنا الفرعونية. نظرية فيثاغورث نفسها ملطوشة من هندسة الاهرامات في كتاب ابني للرياضيات وجدت معلومة ان فيثاغورث بنظريته (المثلث القائم الزاوية) استفاد منها المصريون لبناء الاهرامات (عيون منططة وراس داير يتشقا نصين) تحياتي

عمك فيثاغورث ده انا كنت من معجبي نظريته
مربع الوتر في المثلث القائم الزاويه يساوي مربعي الضلعين الاخرين
وهي النظرية التي حببتني في الهندسة ومن ثم الرياضيات بعد ما كنت (مكجنهم)
يجي زمن القاهو ليك واحد من اساطين علم ونظرية الهارموني الموسيقية
الاوتار حسب احجامها ونوع خامتها لها ذبذبات تحسب رياضيا عند العزف
كل الود

أبوهديل
أشواقي حين تسعي إليك تشتاق
والوطن يشغلني ويمنعني عنك وأشياءأخر
رغم كل مرارت التجربة التي خضناها معا
مازلت علي العهد
وعندما تصير لأشياءماهي الأشياء.....وتسقط كل الأقنعة الزائفة....
سوف تجدني يدك....وساعدك الأيمن...مازلت مثلك قابضا علي جمرة من نار
مثل هذا التفكير....لايصدر إلأ من فنان ملتزم...وأنت تجسدهذا لألتزام... نصا ومعني
سوف أواصل الجلوس علي رصيف الأنتظار.....وقد ذهب يوليو ولم يحركوا ساكنا
لاأدري لماذا?
إن الفرق بيني وبين بني أبي وبين بني عمي لمختلف جدا
إن هدموا مجدي بنيت لهم مجدا
وإن أكلوا لحمي وفرت لهم لحومهم
وإن زجروا طيرابنحس تمر بي زجرت زجرت لهم طيرا تمر بهم سعدا
ولست أحمل الحقد القديم عليهمو فليس خادم القوم من يحمل الحقدا
سوف أصدقك العهد وإن إستدنت مرة أخري ومازال كاهلي وظهري مثقل بها
ولكن لاأحتاج أن أذكرك
بأن دين هذ االوطن والشعب العظيم
لن تحله وتعفيه ملايين الدولارات وإن وجدت
كما تغني الراحل مايكل جاكسون
I will be there
وأنت تعرفني وتعرف ما أقول
لك كل الحب والتقدير
أخوك د متوكل

سلام سيد البيت
استاذ الموصلي
والضيوف الكرام ما يبدو لي في ضيفات

والله قريت البوست كله عشان ما يكون الكلام متكرر

اها قمت صنفت روحي مع ناس لطفي السادة المستمعون والمستمعات
وبما انه تنظيم المؤتمرات والفعاليات المشابهة من ورش عمل وسمنارات وودورات تدريبية دخل في دارة اختساسنا
نقوم ندلو بدلونا في حدود اللوجتسيك بعيدا عن الجوانب الفنية من Themes وغيره حيث لا يفتأ ومالك في المدينة .

استنادا على مداخلتي خالد كودي والاستاذ طارق اضافة الى مبادرة مفترع البوست استاذ الموصلي وتعليقاته على المداخلات يمكن ان :
نقوم بتلخيص ما سبق ذكره في النقاط التالية:
اهمية تنظيم مؤتمر معني بالموسيقى السودانية
أولا ً: مؤتمر يعني اسم وشعارات
- مقترحات لاسم المؤتمر:
- .............
- وعليه مقترحات لشعاره

ثانايا: والتي تلعب دورا في تحديد الاسم والشعارات وهي:
- تحديد اهداف عامة واهداف تفصيلية للمؤتمر
- ونتائج مباشرة وغير مباشرة وطويلة المدى للمؤتمر
لمن نخت ما سبق بمسمياته نقدر نحدد المحاور
ومن خلال المحاور نحدد الانشطة ان كانت في شكل اوراق عمل او مجموعات نقاش او مجموعات عمل كلها تصب لتحقيق الاهداف المعنية
وبناء عليه يتم تحديد الشخصيات التي تعد لهذه الاانشطة ويقوم معنيين بالاشراف على التنفيذ
يمكن اعتبار محاور الاخ كودي اساس لتحديد المحاور بصورة ادق
وعموما المحاور لا نشاط بتتكون من مكونات ليها علاة بالمصطلحات على المستوى الاكاديمي البحت وبعد ذلك يتم ربطها بالسياق المعني وهنا السياق السوداني وواقعه وتطور موسيقاه واهيمة اعتبار الثقافات السودانية المتباينة في ذلك كما ورد في مداخلة احدهم
بحيث يكون لمؤتمر ذو رسالة اعمق وتتقاطع مع الجوانب السياسية والاجتماعية والثقافية والاقتصادية للسودان، اضافة الى المقارنة بين تطور الموسيقى في دول ذات سياق اجتماعي ثقافي سياسي مماثل (التباين)


ثالثاً:
في حاجة ضرورية تمت الاشارة اليها سابقا وهي ضرورة تحديد جسم كيان هيئة جهة تتبنى تنفيذ هذا واجهات اخرى ترعاه.
بالنسبة لتنظيم مؤتمر لا بد من اسم موجود ا تكوين لجنة خصيصا لتنفيذه من خلال هيئة مؤسسة او منظمة موجودة اصلا ودائرة الموسيقى احد محاور عملها
رابعا: تحديد الفئات المستهدفة:
ومما ذكر اعلاه يمكن تصنيفها لثلاث فئات
الاكاديميين والباحثين في كمجال الموسيقى السودانية
الفانانيين الشباب (بنات اولاد)
الاعلام الفني
وممثلي لقطاعات المجتمع يمثلون المستمع او المتلقي
وبالتاكيد قدامى الفنانيين والموسيقيين والموسيقيات

خامسا تحديد المكان الذي سينعقد فيه امؤتمر
وهنا تمت عدة مقترحات بمبرراتها ويمكنني ان اقترح مؤتمر او اثنين احداهما خارج السودان والاخر في السودان

سادسا: ضرورة اعتماد اسلوب تشاوري في كل ما ذكر اعلاه بالتشاور مع الفئات المستهدفة لكي نتجنب العمل الفوقي ويكون المؤتمر فعلا يعبر عن احتياجات ورغبات المستهدفيات/ات

سابعا:
ضرورة توفير ميزانية ضخمة تؤمن نجاح هذا النشاط ومتابعة تنفيذ توصياته

ثامناً:
ساعود لاحقا للنقاش بعد نسم ع رايكم في ما تقدم


سادسا:
عينت روحي مساعد منسق للمؤتمر كدي بالعافية مش نحن احد الفئات المستهدفة السميعين يعني

Quote: اها قمت صنفت روحي مع ناس لطفي السادة المستمعون والمستمعات وبما انه تنظيم المؤتمرات والفعاليات المشابهة من ورش عمل وسمنارات وودورات تدريبية دخل في دارة اختساسنا نقوم ندلو بدلونا في حدود اللوجتسيك بعيدا عن الجوانب الفنية من Themes وغيره حيث لا يفتأ ومالك في المدينة .

اسمحي لي بان استخدم اغنية الرائع محمد الامين مع قليل من التحريف للضرورة ردا علي حوارك
======
ماهو باين ترررم بااااين تررم باين باين في الحوار تررارامرم
واضح ياصفيه من الجهد الذي بذلتيه بانك من ذوي الخبرة
ويالحظنا جميعا

Quote: ثامناً: ساعود لاحقا للنقاش بعد نسم ع رايكم في ما تقدم سادسا: عينت روحي مساعد منسق للمؤتمر كدي بالعافية مش نحن احد الفئات المستهدفة السميعين يعني

مرحبا بك كبيرة للمنسقين ومنسقة لتنسيقهم
ونحن في انتظار عودتك باذن الكريم
كل الود

Quote: ولكن لاأحتاج أن أذكرك بأن دين هذ االوطن والشعب العظيم لن تحله وتعفيه ملايين الدولارات وإن وجدت كما تغني الراحل مايكل جاكسون I will be there وأنت تعرفني وتعرف ما أقول لك كل الحب والتقدير أخوك د متوكل

الحبيب د متوكل
كم تحملنا في سبيل هذا الوطن سويا من اذى
ولم لا فانه الوطن وكفى
سعيد جدا بان اراك هنا مرة ثانية برغم علمي بانك مقل
وانتظر منك بعض الافكار ولنا فيك اعتمادا وعمادا
كن بخير دوما وسلامي ومحبتي لاسرتك الكريمة
التي لم يسمح لي الزمن في ذلك النشاط المحموم بزيارتها
وانت كنت معي وادرى
عشمي في زيارتي القريبة القادمه ان اتشرف بذلك
محبتي

حبيبنا موصلي ....

يظهر إنو البوست ده كان مردوم بالكبسيبة الكانت حاصلة في المنبر ... وما شفتو إلاّ هسة ....

نقراهو بي رواقة ونجيك ....

____
التوقيع:

Quote: وجيب لينا معاك عماد وباقي الشكلنجيه في بوستك داك

واحد من (الشكلنجية في البوست داك)

... بالتوفيق يا أستاذ ...

______________________

الصورة من قروب الفنان عمر جعفر في الفيس بوك

حبيبنا الصحافه
اذكر الاغنيه دي الحب يا ام سماح
مع الشاب الجميل عمر جعفر
واحده من اغنياتي الكعبات
ما قالوا ما عندي غير على قدر الشوق هههههههه
سبحان الله
======================
ياخي لو عندك من صور جنوب ديل بالله ينوبك خير
رسلهم لي في ايميلي
عشان عايز انزل بوست عن هذا النادي العريق ورجاله ونسائه
كل الود

Quote: حبيبنا موصلي .... يظهر إنو البوست ده كان مردوم بالكبسيبة الكانت حاصلة في المنبر ... وما شفتو إلاّ هسة .... نقراهو بي رواقة ونجيك .... ____ التوقيع: Quote: وجيب لينا معاك عماد وباقي الشكلنجيه في بوستك داك واحد من (الشكلنجية في البوست داك) )

محمد غيب وتعال تلقانا نحن يانا نحن
مع المحن التي اصابت هذا الموقع
كل الود وفي انتطارك

دائما تحدث عن جمال هذا المكان

وعندما اتحدث عن من يجملونه

لا اذكركـ.....!!!!!

لانك تجمل كل الامكنة

وفقك الله وانت تقدم يد

العيون لجميع الفنانين الشباب

ننتظر منك الكثير ايها الجميل

موصلي.....

كن بالف خير

الاخ الموصلى

استهل مداخلتى بالاتى

Quote: مزيد من الورش والمؤتمرات والمحاضرات والعروض الحرة لنرتقي بفنوننا مودتي ومحبتي

كلام سليم

Quote: أستاذنا الموصلي وضيوفه الكرام... مواصلة لما ذكرته في مداخلة سابقة بأن تكون ثمرة المؤتمر جائزة سنوية لأفضل المبدعين في مجالات فن الغناء المختلفة،

لا اوافق فلجان التحكيم فى السودان تحديدا ليست نزيهة والجوائز بتنضرب تحت تحت وخير مثال ميلاد الاغنيات وبعدين وين عثمان الاطرش الفاز بمهرجان الثقافة الثالث من مصطفى سيد احمد الفائز الثانى وعبد المنعم الخالدى الفائز بالمركز الثالث مصطفى والخالدى اليوم قمتان غنائيتان اما الاطرش فقد اختفى وانت تعلم وانا اعلم ماذا حدث للاطرش صاح قرض على كده فلا داعى للتشهي

Quote: عفوا..اشعر بالاجدوي من هذا المؤتمر، لا بل اري بان الوصف الامثل لمثل هكذا نشاط هو (مركز بحثي وتوثيقي) لان الاهداف المعلنة من قبلكم ليست اهداف مؤتمر بل نواة لمؤسسة.

بالعكس تماما فالساحة الان امتلات بالفنانين والمصيبة الاكبر انو الاعلام والصحافة الفنية داخلين بثقلهم ودايرين يقولوا للناس نحن اللى ممكن نصنع الفنان الشغلانة اصبحت صناعة وليس فن. الفنان فى نظرى عمر وكفاح مرير شوف محمد الامين كم سنة عانى ومصطفى سيد احمد حاولوا النيل منه حتى بان سموه لفترة طويلة الواعد مصطفى سيد احمد. الصراع لازال مستمر

Quote: برايئ ان المؤتمر الذي سيعمل علي تطوير الموسيقا يجب ان يكون هدفه(المراجعة الشاملة لتاريخ النشاط الموسيقي والمؤسسات التي تخدمه في السودان)...التاريخ الذي كبل الموسيقا واقعدتها.

Yes

ساعود

إبراهيم عبد الحليم

Quote: Yes ساعود إبراهيم عبد الحليم [Profile]

Yes

نحن في انتظارك

Quote: دائما تحدث عن جمال هذا المكان وعندما اتحدث عن من يجملونه لا اذكركـ.....!!!!! لانك تجمل كل الامكنة وفقك الله وانت تقدم يد العيون لجميع الفنانين الشباب ننتظر منك الكثير ايها الجميل موصلي..... كن بالف خير]

هارون دياب
لك التحية دوما
اسمي في لسانك
واسمك في (لساني)
كلو بالخير والحمد لله

Quote: تعريفات المغني = فنان العازف = فنان الملحن = فنان الموزع = فنان الشاعر = فنان المؤلف الموسيقي= فنان

والجمهور فنان علي قول صديقنا العزيز لطفي
ونؤمن عليه

لنا عودة لمواصلة الردود

لاحقا كنت قد انزلت البوست في عدة مواقع اشارك فيها ونقلت لهم اللينك لمزيد من الاراء
سانقل الض منها ها
فهنا الصديق مجاهد ابراهيم من
sudaneseoffline.net
صورة رمزية مجاهد ابراهيم

تاريخ التسجيل: Jan 2009
المشاركات: 6,712

Ok, I Give Up
سلام استاذنا
فكره جيده نرجو فيها الاختصاصيه
اتفق وكودى
يعنى يحدد اللوغ- الزمان- المكان -المحاور
شخصيا ارى قيام المؤتمر داخل السودان
مجرد قيامه داخل السودان يقطع نصف طريق التجديد..!!
ارى ان تكون الاصوات الجديده وكل " العمل الفنى ومجالاته"
برامج مصاحبه للمؤتمر"احبذ بسعر رمزى او رعاية الشركات الوطنيه نظير ترويج اعلانى"رافد لمالية المؤتمر ومصاريف الاعداد"
اتمنى ان تكون احد محاور او اوراق المؤتمر "تفعيل او تأسيس وتضمين
حصص العمل الفنى فى المدارس وتوفير الادوات"المسرح والفنون" كأنجع الطرق فى رعاية الموهبين وصقل تجاربهم منذ الصغر ولا امانع فى اعداد ورقه فى هذا الصدد مع ذوى الخبره
تضامنى الاكيد والفكره

الأغنية السودانية.. من المحلية إلي آفاق العالمية

و هذه عودة لمشاركة الموصلي و لو القليل من المسئولية الجسيمة التي وقعت على عاتقه غصبا عنه!
أولا إزيك يا موصلي بعد غيبة, و بعد زيارتك التاريخية للوطن الحبيب و لو جار علينا.. بالمناسبة سبقناك بالزيارة , و دا بعض من أسباب إنقطاعنا.. مع أننا إتناقشنا في بوست متعلق بعثمان النو.

المهم يا زول, الفكرة مهمة طبعا, و أنا رأي أنه "الموسيقى" هي أس مشكلتنا الغنائية و عقبة بروزها عالميا و ليس الشعر أو قلة الأصوات الجيدة.
لا تزال فكرة الأوركسترا عندنا تعاني أزمة البدائية ضمن كثير مما نستمع إليه و عليه لا يزال العمل الأوركسترالي عندنا يتسم ب"الإزعااااج"! لا زلنا نخلط الآلات الموسيقية بطريقة مزعجة و كل عازف يعيش و يعبر براه و النتيجة عبارة عن "ورشة مزيكية" و أعتقد أن المكونات الآلاتية لأوركسترتنا التقليدية المعروفة منذ أن تحولنا للموسيقى في غنانا لم تعد قادرة على إعانتنا للخروج بموسيقانا الثرة و المتنوعة نحو العالمية و لا بد من مراجعة هذه " المينتاليتي الموسيقية", كفانا كمنجات كل واحدة تنوني بطريقتا و أكورديون بيعرض براهو و آلات نافخة كل تبكي على ليلاها دا غير البنقز و الطبلة و ثانية الأثافي الإسمها هندسة الصوت, مع أنه كل دا إختلف عن الحالة في السبعينات و التمنينات و تطور كتير لكنه لا يزال يلف و يدور حول "الأوركسترا التقليدية و للأسف نحن أمة تعودت على "الإزعاج الموسيقى" حد الإدمان و خراب الإضنين التي لا يمكن علاجها إلا بمعجزة نتمنى أن يجود علينا بيها المؤتمر المزمع, و إيدينا معاكم.
مودتي أيها الفنان الشفيف.

Quote: الأغنية السودانية.. من المحلية إلي آفاق العالمية و هذه عودة لمشاركة الموصلي و لو القليل من المسئولية الجسيمة التي وقعت على عاتقه غصبا عنه! أولا إزيك يا موصلي بعد غيبة, و بعد زيارتك التاريخية للوطن الحبيب و لو جار علينا.. بالمناسبة سبقناك بالزيارة , و دا بعض من أسباب إنقطاعنا.. مع أننا إتناقشنا في بوست متعلق بعثمان النو. المهم يا زول, الفكرة مهمة طبعا, و أنا رأي أنه "الموسيقى" هي أس مشكلتنا الغنائية و عقبة بروزها عالميا و ليس الشعر أو قلة الأصوات الجيدة. لا تزال فكرة الأوركسترا عندنا تعاني أزمة البدائية ضمن كثير مما نستمع إليه و عليه لا يزال العمل الأوركسترالي عندنا يتسم ب"الإزعااااج"! لا زلنا نخلط الآلات الموسيقية بطريقة مزعجة و كل عازف يعيش و يعبر براه و النتيجة عبارة عن "ورشة مزيكية" و أعتقد أن المكونات الآلاتية لأوركسترتنا التقليدية المعروفة منذ أن تحولنا للموسيقى في غنانا لم تعد قادرة على إعانتنا للخروج بموسيقانا الثرة و المتنوعة نحو العالمية و لا بد من مراجعة هذه " المينتاليتي الموسيقية", كفانا كمنجات كل واحدة تنوني بطريقتا و أكورديون بيعرض براهو و آلات نافخة كل تبكي على ليلاها دا غير البنقز و الطبلة و ثانية الأثافي الإسمها هندسة الصوت, مع أنه كل دا إختلف عن الحالة في السبعينات و التمنينات و تطور كتير لكنه لا يزال يلف و يدور حول "الأوركسترا التقليدية و للأسف نحن أمة تعودت على "الإزعاج الموسيقى" حد الإدمان و خراب الإضنين التي لا يمكن علاجها إلا بمعجزة نتمنى أن يجود علينا بيها المؤتمر المزمع, و إيدينا معاكم. مودتي أيها الفنان الشفيف.

المعز
كيفك ياراجل ياجميل
اول مره اشوف كمنجاتي بيقول الحقيقه
حول ان كل عازف كمان عندنا ربيحاول اظهار براعتو بعيدا عن وحدة العمل ومهما كان العمل العملو طاعم اذا اخذناه بانفراد الا انه يضر بجماليات الناتج الاجمالي وهنا ثالثة الاثافي (تتحكر وتخلف كرعينها فوتقعد فوق ضهرنا)
\ولكن دعني انصف فرقة البساتين والسمندل والفرق الحديثة فقد لاحظت انتباههم حديثا لهذا الكوجين
مع الاحترام الكبير لاساتذتي من السابقين
ولنخرج من حديثك هذا بنظرية (تنظير الجقلرة السودانية لالة الكمان) لتصبح جزء من الاداء الجماعي للوتريات
وبهذا نرضي الجقلرجيه ونتفادي السمك لبن تمرهندي ونحصل علي الجمال
انصافا للمبدعين الجدد من الشباب قد بداو طريقا صحيحا
امشي زورني في صالتي للعرض ب
sudanesesongs.net

محبتي واحترامي

حاضر عزيزي الموصلي, سوف أزورك مع أني زرتك من قبل
أنا يا موصلي ما كمنجست و إن كانت من أحب و أعظم الآلات عندي و ياما
تمنيت إجادتها و فعلا إقتنيت واحدة و دخلت خط 18 لكن لسة ما جبت قون
و ما أحلى المران عليها مع السمندل و مع "عيونك كل ما أعاين"!
علاقتي تطورت أكتر مع الكيبورد قبل أن تلدغني الكمنجة شر لدغة!
إشارتي لمشكلة الكمنجات كأزمة وردت كمجرد مثال و فقرة في بحر أزمتنا
الأوركسترالية, و الحمد لله تخلصنا من دوشة الجيتار الكهربائي و بقى لطيف
نوعا ما.. و فعلا المجموعات الموسيقية الذكرتها ما قصرت رغم أن تجربتها
لا تخلى من شوائب مع أن الكمنجات فيها كانت الأكثر جمالا و "عالمية"!
موضوع الأوركسترا الفي بالي بعيد بعد تام عن الأوركسترا التقليدية و دا
موضوع طويل لكن قبل ذلك نحتاج لمجهود لفرتقة المعني ب"العالمية" و هل كل
أغنياتنا قابلة للعلمنة و كيفية معالجة مسألة "الهوية" لأغنيتنا و كيفية
التصرف في ذلك حتى يتم تأهيلها للخروج من حدودها المحلية.. وووو

Quote: [ حاضر عزيزي الموصلي, سوف أزورك مع أني زرتك من قبل أنا يا موصلي ما كمنجست و إن كانت من أحب و أعظم الآلات عندي و ياما تمنيت إجادتها و فعلا إقتنيت واحدة و دخلت خط 18 لكن لسة ما جبت قون و ما أحلى المران عليها مع السمندل و مع "عيونك كل ما أعاين"! علاقتي تطورت أكتر مع الكيبورد قبل أن تلدغني الكمنجة شر لدغة! إشارتي لمشكلة الكمنجات كأزمة وردت كمجرد مثال و فقرة في بحر أزمتنا الأوركسترالية, و الحمد لله تخلصنا من دوشة الجيتار الكهربائي و بقى لطيف نوعا ما.. و فعلا المجموعات الموسيقية الذكرتها ما قصرت رغم أن تجربتها لا تخلى من شوائب مع أن الكمنجات فيها كانت الأكثر جمالا و "عالمية"! موضوع الأوركسترا الفي بالي بعيد بعد تام عن الأوركسترا التقليدية و دا موضوع طويل لكن قبل ذلك نحتاج لمجهود لفرتقة المعني ب"العالمية" و هل كل أغنياتنا قابلة للعلمنة و كيفية معالجة مسألة "الهوية" لأغنيتنا و كيفية التصرف في ذلك حتى يتم تأهيلها للخروج من حدودها المحلية.. وووو

معز عزفت كمنجه يعني عارف الحاصل
المسالة ليس في كيفية الاوركسترا ياعزيزي
فهنالك العشرات من انواع الاوركسترات في مختلف انحاء العالم
ولكن المشكلة التنفيذ الموسيقي والتاليف لهذه الاوركسترات
بصورة تحفظ التوازن الموسيقي المنطقي بينها
كل الود
ولك عميق الشكر

ونقلنا هذه المشاركة القيمة من موقع
drmoiz.com
للاستاذة الصديقة الرائعة اميره عمر بخيت
==================
حقيقة يا ريت لو فعلا يقوم المؤتمر و على اسس واضحة و دعم فعلي من المسئولين و تجد توصياته الاهتمام الفعلي و الحقيقي حتى لا تتحول التوصيات الى اوراق يحتفظ بها في الأرفف.

في ظواهر كتيرة حميدة و غير حميدة في الفن السوداني و محتاجة اوراق و ورشات عمل لدراستها و بالتالي تثبيت الصالح و توجيه الطالح للمسار الصحيح و ده طبعا ما ح يحدث الا بدراسة الوضع من المختصين انفسهم و رعاية التوصيات من الدولة من خلال اعلامها و توجهها الثقافي العام و رعاية الفن بكافة اشكاله و اقامة المسارح و رعاية مراكز الشباب و ارجاع الموسيقى كمادة تدرس في المدارس

من الظواهر إن صح التعبير التي اقترح اقامة ورشات عمل لدراستها

* وجود فنانين بعدد خيالي و اصوات جيدة رغم (تشابهها) بدرجة قد يصعب فرزها مما يعني عدم التفرد او وجود التوجيه الصحيح من متخصصين لمساعدتهم لاستخدام امكانياتهم بصورة متميزة

*و ملاحظ حتى الالحان لو كانت جميلة برضها متكررة او مأخوذة من الحان قديمة و البعض من المثقفين يميل لالحان معقدة او غير سلسة و بعيدة عن روح الطرب مما يخل بسلاسة مهمة الاغنية في توصيل (رسالة) و اكيد لا تنتشر بالصورة المطلوبة و تظل اسيرة منتديات او جلسات خاصة باصدقاء الفنان

و في المقابل تجد بعض الاغاني الحديثة و ذات الالحان الجميلة تحمل كلمات دون المستوى المطلوب و بدرجة تجبرك انك تستخسر جمال اللحن فيها .

* أعتقد انه لدينا فنانين يستحقوا الدراسة كظواهر مجددة مع اختلاف الاجيال كالفنان محمود عبد العزيز كجيل لاحق لجيل الفنان مصطفى سيد أحمد

و الفنان الشاب طه سليمان كظاهرة حديثة تستحق الدراسة لاسباب عديدة اولها

انه كنت بحضر في برنامج مع فنانين شباب و لاحظت تركيزهم الشديد على التحدث عن الفنان طه سليمان كمثل أعلى و كمجدد و اذكر انه احدهم قال نحن من هنا بنقول لطه سليمان سير و نحن من خلفك ..

ده بالاضافة لأنتشار اغانيه و كرأي خاص جمال صوته و جمال الحانه و لكن .. للأسف طه سليمان ممن ساهم على نشر الإغنية الهابطة في هذا الجيل و حتى جيلنا ممن سبق هذا الجيل اصبح يكاد لا ينفك من استماعه و بطرب لتلك الأغاني رغم تحفظ تحفظ البعض (رسمياً) على الكلمات و لكن لابد من مواكبة الفن السوداني الحديث بشكل ما
و حقيقة يا استاذ الموصلي سمعت حوارات فنانين شباب و اهتمامهم بالسوق و العائد المادي و الخ .. و ده حق مكفول للفنان لأنه ده أكل عيشه و لكن هل تكمن المعضلة في ما ينشره الفنانون من ثقافة غنائية جديدة ام في المجتمع نفسه و ما يطلبه من الفنانين

و يبدو ان الهوة اصبحت كبيرة بين الفن المنتشر و الفن القائم على اسس مدروسة

فيما يخص الفنان صاحب اللونية الخاصة و الاغاني الخاصة المؤسف انه بيحارب من المستمعين نفسهم بصورة مقصودة او غير مقصودة اولاً لأننا اعتدنا أن نتقبل الفنان الجديد من خلال ترديد اغاني قديمة و من ثم يتبعها باغنية اغنيتين خاصات لزوم (تبيض الوجه) امام النقاد لكن كمستعمين قد لا نتوقف في اغانيهم الخاصة و قد لا تجد اي نوع من الانتشار او الاهتمام .. و اكيد هنالك عوامل يجب دراستها هنا فيما يخص المستمع السوداني و قنوات الدخول له و لتقبله للجديد و دور الإعلام

* ظاهرة فنانين المنتديات الاسفيرية تحتاج ايضاً دراسة

* و ظاهرة المجموعات الغنائية و رعايتها بحيث انها تقدم الجديد باسس موسيقية و اداء صوتي مميز غير التكرار و الحركة التماوجية الملازمة للفرق دي .. يعني مثلا يا استاذ لو عدنا لفن المديح و اخدنا على الشاعر و الامين القرشي لوجدنا جمال هارموني عجيب في تبادلهم كوبليهات المدحة نفسها في مقابل شبابنا بيغنوا كلهم مع بعض و كانهم بيرددوا صلاة في كنيسة

اسفة للاطالة و لكن لدي الكثير لأقوله و قد اعود لأطرح ايضاً موضوع الاستمرارية
و معضلة (توريث) الغناء ما بين الفنانين القدامى و الفنانين الشباب و ما يمكن ان يقدمه قدامى الفنانين للفنانين الشباب

كل الود و المحبة

Quote: مؤتمر لتطوير الفن الموسيقي السوداني بمساعدة الناشئة من الفنانين/ الفنانات

يا أُستاذ
مساء الـخير

جاهزين لأيّ مقترحات مفيدة





تـحاياي

Quote: يا أُستاذ مساء الـخير جاهزين لأيّ مقترحات مفيدة تـحاياي

تسلم عزيزي لؤي وخاتنكم لعوزه ان شاء الله

ودي مشاركة من خالد على
sudanesehome.com
بخصوص موضوع الاخذ بالناشئة ماعندي اضافة اكتر من كلام الاخوان لكن بس احب الفت النظر للناس الربنا اعطاهم موهبة كبيرة سوى في مجال التلحين او الغناء .. مثلا في مجال الغناء اخد عندك منار وعافية حسن وشريف الفحيل ... الناس ديل عندهم موهبة كبيييرة واصوات رهيبة فيعني اطلب منك بشكل شخصي الاهتمام بالناس الموهبتهم ظاهرة بشكل اكبر عشان مايضيعو في النص ساي .. بعدين لو مالقو رعاية كبيرة ممكن الواحد يكسل ولا يزهج ولا يحبط او يتجه للساهل من الغناء ( غنا الحفلات ) ويترك الطريق القويم !! يعني مثلا شوف فهيمة عبدالله زولة غناية مافي كلام لكن مع مشاكلها مع قناة النيل الازرق طوالي اختفت وممكن جدا تختفي بي عدلها
فياخي حقو بشكل اسعافي سريع جدا يقوم مجموعة من الموسيقيين بتلحين الحان جديدة على اسس علمية وسليمة للشباب الجدد ديل ويختو رجلهم على بداية الطريق الصحيح

صفيه النقيه
اها بعد ده شغلك جه
تحياتي

ودي مشاركة رائعه من ابورزقه من موقع د معز دون كوم



وأضف لتلك التعريفات .. المستمع = فنان
(سواء كان "السميعة" في جلسات الاستماع وورش عمل ميلاد الأغنيات .. وبالطبع فإن أرائهم وسمكراتهم هامة ومكملة ..
أو المستمع للأغنية بعد إنتاجها وطرحها بشكلها النهائي باعتباره "المستهلك النهائي" وتأثيره سلباً وإيجاباً)
وأسمح لي أن أعود بمزيد من التفصيل لهذه التعريفات ومكامن الخلل التي أدت إلى عدم تطور الأغنية من وجهة نظري ..
ولي تحفظ في المصطلح المتداول هذه الأيام والذي يقول (تدهور الأغنية) وأعتقد أن الأصح هو (عدم تطور الأغنية) ..
لأن التدهور يكون من أعلى إلى أسفل .. والتطور يكون من أسفل إلى أعلى .. وأنا اعتقد أننا وقفنا كثيراً في محطة قد تخطاها الآخرون من سنين سواءً في المفردة المغناة .. أو اللحن .. أو التوزيع .. أو فالنقل في صناعة الأغنية بشكل عام ..
إذاً هو ليس تدهور .. بقدر ما هو عدم تطور ومواكبة ...

دعني أولاً أبدأ بـ (الشاعر = فنان)

الشباب يبحث عن مفردة تعبر عن واقعهم الحالي .. بينما الشعراء ما زالوا يكتبون عن هجر الحبيب .. وبعد المسافة .. والغربة .. وحاول يخفي نفسو في زمن أصبح فيه التلاقي والتواصل مع المحبوب لا يشكل عائقاً .. مفردات ظلت قابعة على صدر الأغنية ومفروضة على الملحن والمؤدي والمستمع لأكثر من نصف قرن وتعبر عن جيل قد يكون نصف من عايشه وعايش المعاني التي يتغنى بها الشاعر قد مضى إن لم يكن معظمه ..

والمتتبع لتطور الشعر الغنائي يجد أن المفردة المغناة تغيرت وتطورت حسب العصر في فترات تتناسب والأجيال المتعاقبة .. ولكن هذا التطور توقف كثيراً في المحطة التي يقف فيها الآن منذ القرن الماضي .. الأمر الذي ادى إلى اختلال واضح بين التعبير .. والحاجة .. مما جعل الشباب يتخبط باحثاً عن مفردات تعبر عن جيله وفكره .. وما أتاحته له الحياة من سبل تواصل .. وتعبر عن حاجاته .. والأمثلة كثيرة والمجال لا يسعها هنا .. وأحسب أن المطلوب إيصال أفكار والنقاش يأتي لاحقاً ..

أذاً أرى أنه يجب أن تكون البداية بالمفردة الغنائية التي تحتاج إلى تغيير ..

الناشئة المبدعين بحاجة إلى شعراء مجددين .. ومفردة جديدة .. تعبر عن جيلهم ..

أتمنى أن تكون فكرتي قد وصلت في هذا المجال ..

لي عودة .. ولذلك الحين لك مني كل الحب .. والأمنيات بالتوفيق والنجاح

وهذه من قمر الانبياء بسودانيس اوف لاين

ستاذنا الجليل موصلي..
لك التحية بدءاً والاشواق ..
وأنت مازلت تحمل هموم الفن في بلدنا الحبيب..
,اشفق عليك عزيزي من هذا العبء..
لعلمي أنك حرفي( Professional )في مجالك لا شك في ذلك..
فكرة المؤتمر ممتازة..
بل ضرورة لأدخال الغناء والموسيقى في السودان لل (ICU) ..
عودتك تعطينا الامل في نجاح هذه العملية ..
بعد ان يئسنا من حل ونحن يومياً نشاهد الفضائيات السودانية وهي تعج بالفوضى والاسفاف ..
أتمنى ان لا يتدخل في هذا المؤتمر أهل السلطة..
فهم - ضمن مشروعهم الحضاري - ما أودى بنا الى هذه المراحل المتدنية ..
كما ارجو ان لا يعتمد على بعض الفنانيين (حسب تعريفك لهم أعلاه) ممن تمرغ على ابواب السلاطين ..وانحروا الى الدرك الاسفل..

عزيزي موصلي
معك بقلوبنا ..وكل ما نستطيع ..

دمت بكل خير

Quote: صفيه النقيه اها بعد ده شغلك جه تحياتي

شكرا استاذ الموصلي


مشغولة شوية الايامات دي

ما في زول يجيب لينا كلامي من الصفحة الاولى

صفية

Quote: شكرا استاذ الموصلي مشغولة شوية الايامات دي ما في زول يجيب لينا كلامي من الصفحة الاولى صفية

صفيه النقيه
برغم مشعولياتك الا ان عشمنا كبير
طبعا بعد تلخيصك الفحصي في الفحة الاولى
جا كلام تحتو كثير في نفس الصفحه
انا حاجيب ليك كلامك الاول هنا لكن بتحتاجي ترجعي الفحة الاولى وتاخذي مالم تتطرقي له
وتلمي الكلام كلو بي هنا بلييييييييييييييييييييييييييييس ههههههه

.

Quote: .وتلمي الكلام كلو بي هنا بلييييييييييييييييييييييييييييس ههههههه

اوكي نو بروب
انت تامر


سلام

صفية

يا سلام عليك يا صفييييييييييييييه

وينك ياهشام ياخ
ماعندك حاجه جديه مكربه وجاهزه ؟؟؟

Quote: وينك ياهشام ياخ ماعندك حاجه جديه مكربه وجاهزه ؟؟؟

دعوة لإعدام آلة الكمان من الأوركسترا السودانية.

Quote: دعوة لإعدام آلة الكمان من الأوركسترا السودانية.

الحبيب هشام
نختلف معك في هذا
ولكن لو تغيرت الدعوة لتكون
دعوة الى تغير توظيف الة الكمان في الاغنية السودانية فنحن معك فيها

ياصفياااااااااااااااااااااااااااااااااااااااااااااااااه
عيييييييييييييييييييييييييييييييييك
عووووووووووووووووووووووووووووووووووووووك
هازوله وينك ياخيتنا

دفره

أستاذنا العملاق موصلي
لك التحايا والتجلة وأنت تناضل وتثابر على تطوير ثقافتنا الموسيقية
وترهق كاهلك بالعبء الثقيل والهم الكبير لت(.........)ير اغنيتنا وموسيقانا ...
أنا في رأيي المتواضع المشكلة مشكلة فقر في الثقافة والذوق عندنا كسودانيين ...
سواء أن كان هذا الفقر والقصور لدى المستمع أو لدى الموسيقي ..
سواء أن كان هذا الموسيقي دارس ولا ( جربندي )...
فالدارس منا مما يتخرج من معهد الموسيقى ( أو كلية الموسيقى والدراما ) حتى تجده ينظر مع أنه لا يساهم بأي معالجات فعلية وهو يشارك في ال (سواطة ) الحاصلة في فرقنا الموسيقية التقليدية ..
ودائما عندي يقين بأن التعميم مخل ..
فهنالك بعض الرموز وبعض الخريجين ممن أسهموا إسهاما فاعلاً في القفز بتكوينات فرقنا الموسيقية في أواخر الثمانينات وحتى منتصف التسعينات .
وكانوا فتية حملوا لواء التجديد ...
وكنت أنت أستاذي الموصلي من رواد تلك الثورة التصحيحية أيام السمندل وأيام بدايات عقد الجلاد ...
وقد تأثر بتلك الثورة جيلي من الموسيقيين فتأسست فرقة النورس ... وبدأ الكل يقل تلك التجارب ويتأثر بها ...
نعود للسواطة التي إعتادت عليها آذاننا ..!
لما تكون الفرقة فيها خمسة كمنجات وتعزف كل الخمسة كمنجات دي ومهاهن الأكورديون والساكسفون والترمبيت ومرات الأورغن والفلوت و و و ،،، لما ديل كلهم يعزفوا نفس الحروف الموسيقية في نفس الزمن ونفس الترتيب ..يكون فايدة الإجتماع الكبير ده والجيش ده شنو ...
وأظن المشكلة في رأيي هنا تكمن في فقدان جانب التوزيع الموسيقي والتوظيف الآلي ... وفهم دور كل آلة بحسب طبيعتها ..
المشكلة التانية - في رأيي برضو - ونحن أفارقة - الإيقاعات ....
يعني نحن أكتر بلد بيمتاز بتنوع إيقاعاته يخيل لي في الدنيا ..
بس التنفيذ ونوع الآلات المستخدمة وتوظيفها برضو مشكلة ...
يعني أنا ما عارف لو إستخدمنا الطار والآلات الصغيرة وأرهفنا السمع لطريقة الخليجيين في إيقاعاتهم وسنكبتها الأشبه بالهندية ... ووضوحها ...مش بيكون أفضل ...؟
شكلي كده ما قدرت أوصل النقطة دي كويس
لكن يقيني إنك حتفهمني يا دكتور ..!!!

عموما بالتوفيق وكلنا من خلفكم ونشد من أزركم ...

Quote: لما تكون الفرقة فيها خمسة كمنجات وتعزف كل الخمسة كمنجات دي ومهاهن الأكورديون والساكسفون والترمبيت ومرات الأورغن والفلوت و و و ،،، لما ديل كلهم يعزفوا نفس الحروف الموسيقية في نفس الزمن ونفس الترتيب ..يكون فايدة الإجتماع الكبير ده والجيش ده شنو ...

عثمان الجميل
قطعا لبعض الفرق مثل السمندل دورا كبيرا في محاولات التمرد
وكانو شجعان في النقر علي باب المستمع الى آن اقنعوه
ولان التوزيع الموسيقي في معهد الموسيقي كان قد اوكل الى خبراء
برغم اختلاف الناس حول معالجاتهم، و لا زالت مصر التي فاتتنا عزفا وتوزيعا وغناءا بفراسخ
تستعين بالخبراء ولقد حاولت الادارات السابقة تحت كلمة الحق التي يراد بها باطل (التاصيل)
تجريد العمل الموسيقي من تعدد التصويت الذي تميز به في السابق
وارجو آن تنتبه ادراة الكلية والجامعة وشعبة الموسيقي الى ذلك
وان يكون الابداع الفني مستقلا بعيدا عن المفاهيم السياسية
فقد كان كل من الاوركسترا والكورال اميز مما هو عليه الحال الان
فقد رايت بعض الفيديوهات التي احبطتني برغم جمال العزف والاداء
الا آن الاوركسترا الان آخذت دور الكورس في الحقيبة وهذا شيئ محبط
بالمناسبة انا كنت معجب بانتهاج فرقة النورس اسلوبا متقدما حاولت آن تخطت فيه خطي
المتمردين وبقليل من الاشراف كان من الممكن آن يحدث له تطويرا اكبر
ما هي اخبارهم الان؟؟؟
فاهمك كويس ولك التحية

كلام عثمان دا يا موصلي قريب من كلامي و الأفكار شبه متطابقة
أغنيتنا لا زالت موغلة في المحلية رغم اجتهادات بعض الفرق
و العازفين, في حلاقة و نضافة حاصلة لكن:
- لا بد من التوقف كثيرا في حتة "الإيقاع" دي.. بتلقى في اجتهاد
من ناحية التنويت و التوزيع و المعالجات لكن الإيقاع هو الإيقاع
عبارة عن كركبة عالية و غير موزونة مع الباقي و كان دايرين مثال
"سمندلي" زاتو بجيبو ليكم خليكم من الباقين! الفايدة شنو إنك تشيل
ليك بودي مارسيدس و تقعدو في لساتك كارو! نحن لازلنا نعتقد أن البنقز
و الطبلة ديل نزلوا لينا مع آدم و حواء و نموت بيهم! ممكن نوظفهم لكن
ما يبقو لينا الكل في الكل! في اجتهادات نعم لكن لازلنا نعيش على عقلية
الإيقاع القديم!
- الميلوديا .. الميلوديا! محتاجين نقصقص ريشها دا لأنه بنتكلم بالآلات أكتر من الغنا زاتو و حتى كتير من اللازمات الموسيقية تحس بأنها ممكن يتم
إختصارها عشان كدا أغنيتنا سلبة و بنعتمد على جيش من العازفين مهما كانت
طبيعة الأغنية!
- توظيف الكمنجات دا ممكن أقترح ليه تعليق بسيط: أنه مجموعة الكمنجات تشكل أو تكون عبارة خلفية "منوتة" تأتي من بعييييد بحيث ما تكون هي الآلات الطاغية و دا جزء من مهام:
- هندسة الصوت!

Quote: كلام عثمان دا يا موصلي قريب من كلامي و الأفكار شبه متطابقة أغنيتنا لا زالت موغلة في المحلية رغم اجتهادات بعض الفرق و العازفين, في حلاقة و نضافة حاصلة لكن: - لا بد من التوقف كثيرا في حتة "الإيقاع" دي.. بتلقى في اجتهاد من ناحية التنويت و التوزيع و المعالجات لكن الإيقاع هو الإيقاع عبارة عن كركبة عالية و غير موزونة مع الباقي و كان دايرين مثال "سمندلي" زاتو بجيبو ليكم خليكم من الباقين! الفايدة شنو إنك تشيل ليك بودي مارسيدس و تقعدو في لساتك كارو! نحن لازلنا نعتقد أن البنقز و الطبلة ديل نزلوا لينا مع آدم و حواء و نموت بيهم! ممكن نوظفهم لكن ما يبقو لينا الكل في الكل! في اجتهادات نعم لكن لازلنا نعيش على عقلية الإيقاع القديم! - الميلوديا .. الميلوديا! محتاجين نقصقص ريشها دا لأنه بنتكلم بالآلات أكتر من الغنا زاتو و حتى كتير من اللازمات الموسيقية تحس بأنها ممكن يتم إختصارها عشان كدا أغنيتنا سلبة و بنعتمد على جيش من العازفين مهما كانت طبيعة الأغنية! - توظيف الكمنجات دا ممكن أقترح ليه تعليق بسيط: أنه مجموعة الكمنجات تشكل أو تكون عبارة خلفية "منوتة" تأتي من بعييييد بحيث ما تكون هي الآلات الطاغية و دا جزء من مهام: - هندسة الصوت!

انت مدعو يالمعز لحضر المؤتمر حين قيامه باذن الله
فقد طرحت افكار متعددة نتفق معك في الغالب الاعم ونختلف في القليل
مثل مفهوم العالمية
وقصقيص الميلودي
كل الود