اسالي الشوق سعد الدين ابراهيم عادل الصديق وابوهديل

العزيزان الحبيبان سعد الدين ابراهيم
وعادل الصديق وجهان لعملة واحده الا وهي الابداع
الشفاف
وانا على سفر من آمري الي السودان اهديكم من الحاني
هذه الكلمات الرائعة للبديع سعد الدين
والعزف والغناء الجميل لعادل الصديق
فسعد الدين هو من الشعراء الذين اشعلوا ثورة التمرد بل هو آحد روادها الاوئل منذ
حكايه عن حبيبتي عند ابو عركي والعزيزه عمر الشاعر وفتحي حسين
وكلاهما ابدع
النص
=====
آسالي الشوق في عيوني
قدر ايه جواي مساحتك
قايده في صدري المشاعل
من وهج نيران سماحتك
يالكبرتي معاي وصرتي
ماليه كل الصوره انتي
كان مسورني الاسي
يالجيتي للفرح انتصرتي
وكنت بلقاك بي همومي
وياما صابرتي وصبرتي
كان مسورني الاسي
يالجيتي للفرح انتصرتي
وكنت بلقاك بي همومي
وياما صابرتي وصبرتي
يوم يشيل الليل نجوم
تجيبي في النجمات تختي
حبي زي ضلك معاكي
يبذر الثقة في خطاكي
لانك الضحكه العميقة
الجاتنا في ساعة التباكي
وانتي محبوبتي الوفيه
كلما اتعب تقيدي الشعله فيا
شوفي من ساعة عرفتك
الكلام جننتو كيف
قدر حبك داير اغني
بس اجيب من وين حروف
وانتي مطبوعه في دواخلي
قصيده بي حبر النزيف
========
تخريمه على قول ناذر

وتسلم ياعادل يا ملك العود

يوم يشيل الليل نجومو

تجيبو في النجمات تختو

ياسلام عليكم

عمل جميل جدا

تحية لكم جميعا استاذنا الموصلي وعادل وسعد الدين

بتنا الشفيفه البديعه

قريبا سنلتقي في اغنية سويا

كل التحايا الممكنه

ياهو الزول ده

عادل الصديق

موصلي يافنان

سلام ياجميل

Quote: يالكبرتي معاي وصرتي ماليه كل الصوره انتي

اسالي الشوق

وعلي قدر الشوق

والكثير المثير

ومسيرة ابداع لم ولن تنقطع باذن الله

يديك العافية

Quote: اسالي الشوق وعلي قدر الشوق والكثير المثير ومسيرة ابداع لم ولن تنقطع باذن الله يديك العافية

اخي الحبيب هارون

اكيد رسالتك واصله

تسلم

عادل الصديق فنان سوداني وعازف عود قد لايجارى

اولا فقد تعلم العود على البارع محمد الامين واغنياته العذبه تخرج من قسم التاليف

ثم هاجر للخليج فعزف الموسيقى العربية واصبح تكنيكه عال وبديع بالاضافة لاختيارته لاعذب الحان الاخرين

عزيزنا الموصلي

ازيك يا جميل

انا ما دارس موسيقى

لكن بعزف ( دكاكيني في البيت )

غايتو كل شي سمح في النص

وعادل مافيهو كلام

واتخيل لي زي السمعتها قبل كده

ليه ما عارف

نقيد للحن


اولا زي السمعتو قبل كده في احد اغنياتك المشهورة

ولعى ما اعتقد بيشبه الاماني السندسية ( مع تسريع الايقاع ) في بعض اللزمات

غايتو انا لو مغمض وما قريت اسم الملحن بقول الحان الموصلي

وبعدين
شوف باقي الناس المهتمين بالفن

يمكن كلامي ده كلام جربندية
وامية موسيقية

بس بيني بينك
ش
اضاني نظيفة

واسال منها محمود مصطفى محمود صاحبي

تسلم يا استاذ وتحياتى للاستاذ سعد الدين ابراهيم.

Quote: تسلم يا استاذ وتحياتى للاستاذ سعد الدين ابراهيم.

تسلم انت يا دكتور

والتحايا توصل للنقي سعد باذن الله

Quote: عزيزنا الموصلي ازيك يا جميل انا ما دارس موسيقى لكن بعزف ( دكاكيني في البيت ) غايتو كل شي سمح في النص وعادل مافيهو كلام واتخيل لي زي السمعتها قبل كده ليه ما عارف نقيد للحن اولا زي السمعتو قبل كده في احد اغنياتك المشهورة

مابتحتاج لشهاده ابننا البديع

فانت شاعر مرهف ومتذوق مشهود له

مع انك في الرياضه (اقل من الشعر) دي شكله مني ساكت هههه

الاغنية دي انت سمعتها ذاتها زمان بي صوتي وعلقت عليها وكيفتك

وطبعا الفنان روح تسلم ياذوق

ياموصلى شعللت النيران مرة اخرى
رجعت لى وهج نيران استوديوهات
عمار الشريعى فى الوكت داك...
وهنا زدت الشعللة وبقت نيران موقدة
والجميل عادل الصديق ذلك الكوكب الذى
اتى من كوكب آخر غير الكواكب التى نعرف
اما سعد ابراهيم فهذا حديث آخر وان اردت
ان تعرفو, فماعليك إلا ان تعرف الشوق المدفق
ومساحات الحب التى لاتحدها حدود....
اما انت, فانت موقد شرارة الحب وماالنار
إلا من مستصغر الحب....
مساحات الحب مرسلة للغالى ودالصديق
ولك عزيزى الشاعر المرهف سعدالدين ومثلها
لك انت حبيب الروح يوسف....

Quote: شوفي من ساعة عرفتك الكلام جننتو كيف قدر حبك داير اغني بس اجيب من وين حروف

الأخ العزيز يوسف الموصلي

لطالما أسرني ذلك المقطع. ما زلت محتفظاً بألبوم القاهرة (أستديو المقطم)، استمع لأغانية بانتظام وتحديداً هذه الغنية، وكذلك سهم طائش.

أبلغ ما قيل خلال الـ 20 عاماً المنصرمة.

Quote: يالجيتي للفرح انتصرتي وكنت بلقاك بي همومي وياما صابرتي وصبرتي كان مسورني الاسي

ياسلام يا استاذ والله قمة الروعة


مشتاقين يا استاذ والله اها الجية صاح يوم 31 وللا كلام جرايد


خالص الود

Quote: ياسلام يا استاذ والله قمة الروعة مشتاقين يا استاذ والله اها الجية صاح يوم 31 وللا كلام جرايد خالص الود

ياسر صديقي ده كلام اخوك ما كلام جرايد

وباذنه تعالى اصل بطيران الامارات في الساعه سته و ٣٥ مساء الاحد

٣١ اكتوبر وللشوق حدود يا عزيزي ولا ايه

Quote: [الأخ العزيز يوسف الموصلي لطالما أسرني ذلك المقطع. ما زلت محتفظاً بألبوم القاهرة (أستديو المقطم)، استمع لأغانية بانتظام وتحديداً هذه الغنية، وكذلك سهم طائش. أبلغ ما قيل خلال الـ 20 عاماً المنصرمة.

لافض فوك ف والله سعد الدين ده ما نصيح وجنو في الشعر كلكلي

ده قال
شدو اوتار الضلوع انا بحكي ليكم عن حنانا

وقال سلميلنا علي ضفايرك موجه موجه

وقال يدق باب الزمن ويفتحلنا البيبان وووووووووووو يااااااااااااه

تسلم ياحسن ويا حليل المقطم

Quote: ياموصلى شعللت النيران مرة اخرى رجعت لى وهج نيران استوديوهات عمار الشريعى فى الوكت داك... وهنا زدت الشعللة وبقت نيران موقدة والجميل عادل الصديق ذلك الكوكب الذى اتى من كوكب آخر غير الكواكب التى نعرف اما سعد ابراهيم فهذا حديث آخر وان اردت ان تعرفو, فماعليك إلا ان تعرف الشوق المدفق ومساحات الحب التى لاتحدها حدود.... اما انت, فانت موقد شرارة الحب وماالنار إلا من مستصغر الحب.... مساحات الحب مرسلة للغالى ودالصديق ولك عزيزى الشاعر المرهف سعدالدين ومثلها لك انت حبيب الروح يوسف.... [Click to get more.]

نعم اخي الحبيب بكري فقد كانت كمنجتك تجول

مع بقية الزملاء في وديان هذه الاغنية

وتعمل فيها عزفا وحنانا وتعبيرا

سلام ليك ياخلوق

Quote: سعد الدين ده ما نصيح

يعني إنت النصيح؟

يا موصلي أحبذ أن أمدحك وأعدد مواهبك وإبداعاتك في محفل لا تكون أنت فيه. ولكن هذا لا يمنع أن أذكر بحكم معايشتي لتلك الفترة الجميلة كيف تنازلت عن أغانٍ جميلة لمطربين آخرين بمجرد أن أبدوا رغبة في غنائها.

Quote: ياسر صديقي ده كلام اخوك ما كلام جرايد وباذنه تعالى اصل بطيران الامارات في الساعه سته و ٣٥ مساء الاحد ٣١ اكتوبر وللشوق حدود يا عزيزي ولا ايه

تصل بالسلامة يا استاذ
ونحن من هسه بنمشي المطار

اكيد للشوق حدود



خالص الود

يا سلام ياخ ...

يا سلام على عادل الصديق .. دا الشغل ولا بلاش ..

صدق قبل كم يوم كنت خاتي الكلمات دي في (ستيتص) الفيس بوك :

Quote: يالكبرتي معاي وصرتي ماليه كل الصوره انتي كان مسورني الاسي يالجيتي للفرح انتصرتي وكنت بلقاك بي همومي وياما صابرتي وصبرتي يوم يشيل الليل نجوم تجيبي في النجمات تختي

وكنت كايس لي الشاعر الكتبا ..

لصقتها في الأول في بشرى سليمان .. بشرى جا وقال دي ما تبعو .. والغريبة قال حا يسأل سعد الدين يوريهو دي تبع منو ..

بعد شوية لصقتها في حسن الزبير .. لكن جاني ولدو عثمان وقال لي إنها حقت سعد الدين ..

الأغنية دي مدرسة في اللحن والكلمات .. وهسي بعد ما سمعتها عند دمبعلو العود دا لقيتا مدرسة في العود برضو ..

يا موصلي صدق أو لا تصدق هذه الأغنية أنا كنت بغنيها بمصاحبة الاورغ من أنا في تانية ثانوي .. ورغم صعوبة الميلودية حقتا وتركيب لحنها الفريد .. ضغطت العازف كم يوم حتين قدر يطلعا بي شكل مناسب يقدم للجمهور ..

وصراحة زولي داك الأغنية ديك غلبتو وتعبتو وأنا إقترحت ليهو الاغنية دي .. غايتو ربنا يوفقوا فيها ...!!

Quote: كايس لي الشاعر الكتبا .. لصقتها في الأول في بشرى سليمان .. بشرى جا وقال دي ما تبعو .. والغريبة قال حا يسأل سعد الدين يوريهو دي تبع منو .. بعد شوية لصقتها في حسن الزبير .. لكن جاني ولدو عثمان وقال لي إنها حقت سعد الدين .. الأغنية دي مدرسة في اللحن والكلمات .. وهسي بعد ما سمعتها عند دمبعلو العود دا لقيتا مدرسة في العود برضو .. يا موصلي صدق أو لا تصدق هذه الأغنية أنا كنت بغنيها بمصاحبة الاورغ من أنا في تانية ثانوي .. ورغم صعوبة الميلودية حقتا وتركيب لحنها الفريد .. ضغطت العازف كم يوم حتين قدر يطلعا بي شكل مناسب يقدم للجمهور .. وصراحة زولي داك الأغنية ديك غلبتو وتعبتو وأنا إقترحت ليهو الاغنية دي .. غايتو ربنا يوفقوا فيها ...!!

ناذر الجميل

ياخي عمك سعد الدين ده بصمتو واضحه

اصلو مشاتر فاتت عليك كيف

لكن كويس كوست لي اتنين حلوين برضو

صاحبك كدي استنا لمن اجيكم

كل الود

نشوفك بخير باذن الله يا ياسر

Quote: [يعني إنت النصيح؟ يا موصلي أحبذ أن أمدحك وأعدد مواهبك وإبداعاتك في محفل لا تكون أنت فيه. ولكن هذا لا يمنع أن أذكر بحكم معايشتي لتلك الفترة الجميلة كيف تنازلت عن أغانٍ جميلة لمطربين آخرين بمجرد أن أبدوا رغبة في غنائها.

حبيبنا حسن ياخي نحن كلنا لاقين شنو من الفن

غير رفعكم لمعنوياتنا والله كان ما دي كان الجماعه كلهم بطلو غنا

كل الود

Quote: اسالي الشوق

يا الله يا الله يا الله ياخـي
عندي كـم من الذّكريات مع الأُغنية دي
مع الصّديق العزيز بكري أحـمد المصطفـى ( سـمندلاوي )
هرينا الأورقن والكمنـجة

يا ترى بتتذكّر يا بكّور ؟





أب جاكومة مالك علينا ؟

أستاذي الجميل الموصلي

محبة وشوق وتحايا

ما أجمل أن يكتمل الإبداع في وجود ثالوث بركان إبداع ثائر..

سعدالدين/ موصلي/ عادل الصديق.. ياااااااااااااه

أهداني عادل الصديق بعض من تسجيلاته في العام 88 وكانت المشاعل تشعلل مكامن الإحساس في أحد التسجيلات

أدمنتها حباً ..

ثم كان مولد ألبوم المشاعل .. فكان رفيق أيام نهلنا من علوم الموسيقي من معين علمكم الغزير..

الأغنية دليل على ريادتكم التجديد في التأليف وهو دخول علم ( الماديوليشن ) الإنتقال من السلم الى آخر في العمل الموسيقي

الحبيب عادل الصديق بخل على الساحة الفنية بالملكات الكبيرة التى وهبها الله له وطوعها بالدراسة والمعرفة..

لك التحية استاذي الجميل
وعظيم مودتي والأمنيات للأخ الصديق عادل الصديق ولأستاذ سعدالدين

عبدالعزي خطاب

أبو هديل
ما سامعين أي شي

رغم أنني على ثقة بأن وراء الأكمة ما وراءها من إبداع

ألحقنا يا أبو هديل يطريقة أخرى
دمتم

Quote: أبو هديل ما سامعين أي شي رغم أنني على ثقة بأن وراء الأكمة ما وراءها من إبداع ألحقنا يا أبو هديل يطريقة أخرى دمتم

ياريس ده كلام شنو ياخ

كدي فتش اضانك وين

الناس دي كلها سامعه

بكري ده يكون معاكسك ساكت

خلاص نكلم لؤي او سمندلاوي يشوف صرفه

تسلم

Quote: الحبيب عادل الصديق بخل على الساحة الفنية بالملكات الكبيرة التى وهبها الله له وطوعها بالدراسة والمعرفة.. لك التحية استاذي الجميل وعظيم مودتي والأمنيات للأخ الصديق عادل الصديق ولأستاذ سعدالدين عبدالعزيز خطاب

نعم اتذكر ياعزيز اول مره اغنيها كان في المسرح القومي
ورجاني معجب بعد الوصله وهناني عليها قائلا اغنيتك الجديده
حلوه يا استاذ بس لكن مره مرقت من السلم
قلت انت كده تمام
=====
اما زميلك وصديقك عادل فقد كتلنا فيهو كسودان وككلية موسيقى
سوء حظنا انو انا ماحضرتو وكان والله قاتلت في تعيينه
غايتو ادي الله وادي حكمتو
اها اخبار وليدنا الموهوب شنو
كل الود

Quote: يا الله يا الله يا الله ياخـي عندي كـم من الذّكريات مع الأُغنية دي مع الصّديق العزيز بكري أحـمد المصطفـى ( سـمندلاوي ) هرينا الأورقن والكمنـجة يا ترى بتتذكّر يا بكّور ؟

كيييف يالووووولى ياخ؟ ودى حاجة
بتتنسي يافردة؟ دى ماكانت ايام
الهنا والحاجات الجميلة....
"سجمى رى مى" اى المـــشاعل
شئ مابخلص ولابنتهى

يمين الماوس وحفظ الهدف باسم
عشان نسمع المشاعل بالاوركسترا








المــــشـــــاعل

الحبيب استاذنا الاصيل الموصلي ...



شكرا ليك علي مشاركتنا الابداع



الانحناء لكل هذا الجمال




محبتي

Quote: سالي الشوق سعد الدين ابراهيم عادل الصديق وابوهديل

ويا لمثلث الابداع الذهبى ........نعجز عن الوصف والتعبير

عادل الصديق فنان عملاق ذو صوت عميق وقوى وانه الفنان المرهف فى زمن الغفله...........لم يجد الحظ الاعلامى الذى يستحقه بعد

يا الموصلى ما تشبعنا من هذه الدرر ياخ

Quote: ويا لمثلث الابداع الذهبى ........نعجز عن الوصف والتعبير عادل الصديق فنان عملاق ذو صوت عميق وقوى وانه الفنان المرهف فى زمن الغفله...........لم يجد الحظ الاعلامى الذى يستحقه بعد يا الموصلى ما تشبعنا من هذه الدرر ياخ

زميانا العزيز محمد زكريا
تسلم ياذواق
اهو لازالت المحاولات جاريه
طالما النفس طالع نازل

Quote: [الحبيب استاذنا الاصيل الموصلي ... شكرا ليك علي مشاركتنا الابداع الانحناء لكل هذا الجمال محبتي

الصدوق وليم اندريه

حضورك البهي دوما ينثر الورود
في ديارنا
فالف اهلا

Quote: كيييف يالووووولى ياخ؟ ودى حاجة بتتنسي يافردة؟ دى ماكانت ايام الهنا والحاجات الجميلة.... "سجمى رى مى" اى المـــشاعل شئ مابخلص ولابنتهى

يا بكّور
سلامات

ذكّرتنـي مـختار زمان فـي الـمعهد
بداية السّيـمفونيّة
( سي ري سي فا سي فا ري فا ري سي )
هو النّهار كُلّو : ( رَفَسِي رَفَسِي رَفَسِي )





وعُذراً أُستاذ يوسف

Quote: أب جاكومة مالك علينا ؟

كده

مش في زول قال الموصلي ماعندو غير على قدر الشوق

بس قلنا نجيب مثال من الاغنيات الفيها كلمة شوق (هههههه)

وعشان انت شريتني زمان في لندن كمان

مع انك حافظ كويس

الأخ العزيز سمندلاوي

Quote: يمين الماوس وحفظ الهدف باسم عشان نسمع المشاعل بالاوركسترا

شكراً جزيلاً

You made my day .. literally

الساعة الآن 08:00 صباحاً بتوقيت الإمارات

Quote: كده مش في زول قال الموصلي ماعندو غير على قدر الشوق بس قلنا نجيب مثال من الاغنيات الفيها كلمة شوق (هههههه) وعشان انت شريتني زمان في لندن كمان مع انك حافظ كويس

هههههههههههههههههه
لا حولاااااااااااا
لكن لقيت بطنك كبيـرة خلاص
معقولة بس تكون شرّة ؟
ما كانت شرّة على الإطلاق
لكن كانت مفاجأة وصولك بريطانيا على عجل ونيّة مغادرتك سريعاً
وإتصعّبت فكرة وصولـي السّريع وقتها
وعُثمان محيي الدّين العزيز ما قصّر
ونـحن فيها
ذاتنا طوّلنا من حاجاتك العجيبة دي
والله بكري دا يشهد الشّريط داك مرّقناهو كروشاية كروشاية
وتـحديداً على قدر الشّوق ديك بـمقدّمتها العجيبة




زمن جـميل ياخ

Quote: هههههههههههههههههه لا حولاااااااااااا لكن لقيت بطنك كبيـرة خلاص معقولة بس تكون شرّة ؟ ما كانت شرّة على الإطلاق لكن كانت مفاجأة وصولك بريطانيا على عجل ونيّة مغادرتك سريعاً وإتصعّبت فكرة وصولـي السّريع وقتها وعُثمان محيي الدّين العزيز ما قصّر ونـحن فيها ذاتنا طوّلنا من حاجاتك العجيبة دي والله بكري دا يشهد الشّريط داك مرّقناهو كروشاية كروشاية وتـحديداً على قدر الشّوق ديك بـمقدّمتها العجيبة

ماتعتمدو على كلام الراحل مصطفي سيد احمد
واصفا ذاكرة الموصلي بذاكرة الدجاجه (في حاجات كده مابتتنسي)هههههه

وطبعا مع الكروشات الموسيقية انت وبكري مليتو كروشكم بالكوارع

Quote: وطبعا مع الكروشات الموسيقية انت وبكري مليتو كروشكم بالكوارع

يا أُستاذ
مساء الـخير

جدادة شنو ؟ مع الكروش دي ، دي ذاكرة فيل عديل

طبعاً أنا قاصد الشّريطين ، ( على قدر الشّوق فـي شريط شوق الهوى )
جنّك أشواق

الكروش والكوارع دي ذكّرتنـي الباشكاتب
قالوا جاهو واحد يبشّر فيهو وقال ليهو :
( يا أُستاذ شال النّوّار )
الباشكاتب قال ليهو :
( طيّب كويّس الـما شال ليهو روند )




وُدّي

Quote: أبو هديل ما سامعين أي شي رغم أنني على ثقة بأن وراء الأكمة ما وراءها من إبداع ألحقنا يا أبو هديل يطريقة أخرى دمتم

Quote: ياريس ده كلام شنو ياخ كدي فتش اضانك وين الناس دي كلها سامعه بكري ده يكون معاكسك ساكت خلاص نكلم لؤي او سمندلاوي يشوف صرفه

أبو جهينة وأبو جاكومة
سلامات


دي أسألي الشّوق جاهزة مع فتح البوست

تـحاياي

( لـحفظ أُغنية أسألـي الشّوق )

.

تسلم يا لؤي

يديك العافية يا إبن الخال ( لؤي )

أبو هديل

العمل بلا شك قمة في الأداء و التطريب
أما أنامل عادل الصديق فقد إلتفّتْ بالأوتار في حميمية و غزل رقيق. فله القومة

في الدقيقة الثانية و خمسة و أربعين ثانية تقول يا أبو هديل :

إنتصرت

بدون تعليق

من وهج نيران سماحتكم التلاتة ( سعد الدين ، الموصلي ، عادل )

Quote: من وهج نيران سماحتكم التلاتة ( سعد الدين ، الموصلي ، عادل )

الاستاذ ديامي

ومن ذوقكم وتذوقكم نحييكم
كل الود

Quote: في الدقيقة الثانية و خمسة و أربعين ثانية تقول يا أبو هديل : إنتصرت بدون تعليق

وما اجمل الانتصار للفرح ياريس

Quote: يديك العافية يا إبن الخال ( لؤي )

يا ريّس
سلامات

الله يعافيك




تـحاياي

Quote: هو النّهار كُلّو : ( رَفَسِي رَفَسِي رَفَسِي )

شكرا يا معلم
و شكرا عادل جننت موصلي و سعدالدين و جننتنا معاهم
عحبتني فكرة آداء ( قدر ايه) وعلامة الاستفهام الختيتها بي صوتك
بديع يا فنان شكرا






ياريس
اخوك مضروب انفلونزا الما طيور من اليوم داك لحدي اسه
بلحقك بي تلفون قبل السفر

Quote: ياريس اخوك مضروب انفلونزا الما طيور من اليوم داك لحدي اسه بلحقك بي تلفون قبل السفر

الف سلامه ياخدوري
وبالنسبه للتلفون طبعا
Sudanese
ان شاء الله ههههههههههه

أماني سندسية مسمكرة ..
هذا والله أعلم ..
سلامات يا موصلينا ..

الاستاذ الموصلي
سعد الدين ابراهيم شاعر عملاق
عادل الصديق فنان وعازف علي العود خطير
لكن حسب راي المتواضع اللحن تفوق
ياريت لو مرقته لينامن الدولاب التسجيلات القديمه
(عبد التواب عبدالله)
تمنياتي بقضاء اجازه ممتعه وسط الاهل والاصدقاء .....

وقبـل شهر
كانت الإبتسامات والذّكريات السّعيدة
تملأ هذا البوست مرحاً


ربّنا يتغـمّد الأخ والصّديق العزيز بكري
بواسع رحـمته ومغفرته ويتقبّله القبول الـحسن
مع الصّدّيقيـن والشّهداءِ وحسن أولئك رفيقا

ويلزمنا وزوجته الـمكلومة أميـرة وصغارها
والأشقّاء عوض وأزهري وسميـرة
وجميع آل وذوي بكري وكُلّ أفراد الأُسرة
ورفاعة الدّامعة وجـميع معارفه
الصّبـر الـجّميـل والسُّلوان وحُسن العزاء

إنّا لله وإنّا إليه راجعون
اللهم ارحم بكري واسكنه فسيح جنّاتك
اللهم باعد بين بكري وبين خطاياه كما باعدت بين المشرق والمغرب
اللهم نقِّ بكري من الخطايا والذّنوب كما يُنَقّىَ الثّوب الأبيض من الدّنس
اللهم اغسل بكري بالثّلج والماء والبرد
اللهم ابدل بكري داراً خيراً من داره وأهلاً خيراً من أهله
اللهم اجمعنا وبكري في مستقرّ رحمتك
اللهم إنّا نسألك بإسمك الأعظم أن توسّع مدخل بكري
اللهم آنس في القبر وحشة بكري
اللهم ثبّت بكري عند السُّؤال
اللهم لقّن بكري حجّته
اللهم باعد القبر عن جنبات بكري
اللهم اكف بكري فتنة القبر
اللهم اكف بكري ضمّة القبر
اللهم اجعل قبر بكري روضةً من رياض الجّنّة ولا تجعله حفرة من حفر النار
اللهم إن كان بكري محسناً فزد في إحسانه ، وإن كان مسيئاً فتجاوز عن سيّئاته
اللهم الحِق بكري بالشُّهداء
اللهم افتح على بكري نافذةً من الجّنّة واجعل قبره روضةً من رياضها


عزائي الحار وصادق مواساتي لزوجته الـمكلومة أميـرة وصغارها
ولأشقّائه عوض وأزهري وسميـرة
ولـجميع آل وذوي بكري وكُلّ أفراد الأُسرة
ورفاعة الدّامعة وجـميع معارفه



إِنَّا لِلَّهِ وَإِنَّا إِلَيْهِ رَاجِعُوُنْ