الي السودانيين في لاس فيجاس وما حولها تعالو لحفلنا في MGM

يغني فيه الفنانون
اصاله نصري
خالد
رضا عبد الله
=============
يوسف الموصلي سيشارك في الاغنية الاخيرة المشتركة
لجون لينون الخنافس
Imagine
عازف الكمان المبدع احمد باص سيشارك بالعزف مع كل الفنانين
وقد استلم النوت الموسيقية الخاصة بذلك
هذه دعوه لكم لتشهدوا بداية مشروع كبير باذن الله
تحياتي

بداية كبيرة جد يا أستاذنا الموصلي

وبالتوفيق ليك وللحبيب باص وللعزيزة دان
وده الشغل لا بلاش... MGM


21 Nov ده كان قربوهو ولا بعدوهو شوية كان تلقانا قدامك
آآآآآخ ومليون أأأأأخ على الشغل وسط الويك إند
وطبعا ده بأعتبارنا من سكان أطراف LV وضواحيها


وتحياتي الخالصة يا دكتور ليك وللمعاك


وآه...

Imagine

Imagine there's no heaven
It's easy if you try
No hell below us
Above us only sky
Imagine all the people
living for today

Imagine there's no countries
It isnt hard to do
Nothing to kill or die for
No religion too
Imagine all the people
living life in peace

You may say Im a dreamer
but Im not the only one
I hope some day you'll join us
And the world will live as one


Imagine no possesions
I wonder if you can
No need for greed or hunger
A brotherhood of man
Imagine all the people
Sharing all the world

You may say Im a dreamer
but Im not the only one
I hope some day you'll join us
And the world will live as one

**********************

تخيـــــــــل

تخيل لو لم يكن هناك فردوس
سيكون سهلا ً لو حاولت
و لا جحيم تحتنا
و تعلونا فقط سماء
تخيل لو أن كل الناس
عاشوا ليومهم

تخيل لو لم يكن هناك بلدان
ليس صعبا ً أن يحدث
لا شيء يستحق القتل أو الموت لأجله
و كذلك لا عقيدة
تخيل لو أن كل الناس
عاشو حياتهم فى سلام

قد تقول إني حالم
لكنني لست الوحيد
الذي يتمنى أن نلتقي يوما ً
و يصبح العالم واحدا ً

تخيل لو لم يكن هناك أملاكا ً
أتساءل إذا تمكنت
فلن يصبح هناك حاجة للطمع أو الجوع
و الناس أخوة
تخيل كل الناس
يتشاركون كل العالم

قد تقول إني حالم
لكنني لست الوحيد
الذي يتمنى أن نلتقي يوما ً
و يصبح العالم واحدا


...

أستاذ الموصلى
سلامات
وعليك الله بعد ما تكرب الأغنية حقت ( جون لينون ) دى
عربى وعجمى تجدع لينا منها شخلوب ضرورى يا أستاذ
تحياتى

Quote: وعليك الله بعد ما تكرب الأغنية حقت ( جون لينون ) دى عربى وعجمى تجدع لينا منها شخلوب ضرورى يا أستاذ تحياتى

ياسلام ياشيخ عثمان ولد موسي
ده الكلام الله يديك العافيه
آوعدك بانني سانزلها هنا
كامل المحبة

عليك الله اعمل (سك ليف) وتعال
ياخي طولنا ماشفناك
آعملها اجازه

ساقوم بوضع التدوين الموسيقي
مع بعض اللمسات الموصلية الخفيفة
لاغنية فيروز نسام الهوي
وسيتغني بها الجميع
http://www.youtube.com/watch?v=TUbQcxsJwWQ
كل التحايا
تعالو الينا وابقو معنا

باذن الله وجودكم يشكل تشجيعا كبيرا
ويسهم في ان يكون الفن السوداني ممثلا بصورة اكبر في المرات القادمة

بالتوفيق يا معلم
خبر جميل

تشكر ياخدوري
اها اذا وصلت هنا رسل لي تلفونك بالله

MGM Grand
صورة من الخارج

المسرح الداخلي
يعزف ويغني فيه
مشاهير المغنيين في العالم

العزيز الموصلى
ارجو تسجيل هذا المهرجان على سى دى وتسويقة هنا فى السودان
وبالتوفيق انشاء اللة

قطعا حيسجلوه ياطارق
وباذن الله اول ما احصل على نسخة
ابثها ليكم هنا
خالص مودتي

بختكم وبالتوفيق يا الموصلي

أخخخخخ لو كان فى امكانية حضور بالمراسلة كنت ح اكون حاضر قبل أصالة ذاتها

الفتح شكرا علي طيب الاماني
فرصة طيبة للتعرف علي الفنانين من بلاد اخري
والاحتكاك بهم وتبادل الافكار الفنية
مودتي

الحبيب الفنان احمد باص
تستطيع ان تلبس هذه (البرنيطة)
الخواجاتية لال كابوني في يوم
الحادي والعشرين من شهر نوفمبر لتعبر
عن عازفي الكمان الموهبين في بلادنا

يا كجونكا
للاسف بصل بعد الحفلة بي يوم
22 نوفمبر
ما عندي حظ

برسل ليكـ رقم التلفون لمن اصل

باذن الله يا ابو خدره
اميركا ترحب بك

انا متآكد بان لاس فيجاس فيها سودانيين
لكن يبدو انه لايوجد منهم عضو في سودانيس اونلاين

لقد تم اختياراحمد باص للعزف في هذا الحفل ومع تلك الاوركسترا الرفيعة
للاسباب التالية
١- انه موسيقي جاد لدرجة رفيعة
٢- رجل ملتزم
٣- الاحتكاك المتبادل

لقد تم اختياراحمد باص للعزف في هذا الحفل ومع تلك الاوركسترا الرفيعة
للاسباب التالية
١- انه موسيقي جاد لدرجة رفيعة
٢- رجل ملتزم
٣- الاحتكاك المتبادل

**

Quote: يوسف الموصلي سيشارك في الاغنية الاخيرة المشتركة لجون لينون الخنافس Imagine عازف الكمان المبدع احمد باص سيشارك بالعزف مع كل الفنانين وقد استلم النوت الموسيقية الخاصة بذلك

حبيبنا الموصلي
تحياتي
ده شغل حيكون متخم بالإبداع كما عودتنا دائما وأغنية Imagine دي حقيقة إختيار سيوبر.
تحية خاصة لأحمد باص وميكائيل وكل كوكبة الشباب المعاكم.

متعك الله بالإبداع

معزتي المعروفة

(ساقوم بوضع التدوين الموسيقي
مع بعض اللمسات الموصلية الخفيفة
لاغنية فيروز نسام الهوي
وسيتغني بها الجميع)


موصلي ياحبيب

الله يا رائع
اختيار موفق للأغنية الجماعية للسيدة
ذات السحر فيروز و(نسم علينا الهوى)
بهذه الأخبار الجميلة المفرحة

هنيئاً لكم وهنيئاً للمجموعة بكم
ألقوا عليهم من سحركم أنت والمبدع أحمد باص
وأنتم الأعلون

وهنيئاً للحضور

كامل المودة

يا سلام يا خال
بالتوفيق
دا مكانك الطبيعى

حبيبنا اباذر
باذن الله تتهيا لك
فرص احسن منهذه
فانت أهل لذلك

الصديق عبد الرحيم
اول مره اسمع الاغنيه دي حينما طلبيت مني البرموتر توزيعها
يالحظي الما حلو لكن صدقني
لكن مستمتع بالعمل في توزيعها
الذي كاد ان يكتمل
تمنياتكم بالتوفيق
كل الود

حبيبنا الفنان الفاتح ميرغني
نعم انه حدث
وجميل ان يلتقي مثل هذا الجمع
من كل حدب وصوب لتتوحد ارواحهم علي خشبة المسرح
عقبال ما تعزمونا في اليابان
محبتي

عنب وفاتنا

أحححح

إبراهيم

يا استاذ موصلي تعظيم سلام
ده النشاط البنفتش ليهو لموسيقيينا وفناني السودان
الاحتكاك والتواصل والتبادل في مشاركاتنا عالميا واكيد الفوائد ح تكون كبيره من مثل هذه التجارب

تحياتي للموسيقار المبدع الاستاذ احمد باص




تحيه خاصه
المبدعين ميكائيل الضو ومجدي العاقب وايضا لكل باقي العقد الفريد

Quote: ده النشاط البنفتش ليهو لموسيقيينا وفناني السودان

الموصلى الحبيب

الظاهر عليك مشغول بالنوت والتوزيع الخ

dear yousef

for sure this will be an amazing event

i wish if i could attend

thumbs up

ابو البنيات
سلام كتير ليك ولي امهن
هسع مش كان تكونوا معانا
ياسلام
كل الود

نقشتني والله يا ابراهومه
والله زنقة حبيبك
وخ٢صوصا كمان عامل فيها طالب

ليتك كنت معنا يازميل
اعلم انك مهموم بنا وبك
سلامك يوصل باذن الله

ياخي مافت شئ يا ابراهومه
اعملوا لينا واحد في بلدكم
تسلم

بالتوفيق يا استاذنا في هذا العمل الضخم

يا أستاذ موصلى .
البغنى فى ال GRAND ده
تانى بتلحق ؟؟؟.
ده المسرح الطلع أجمل الفنانين فى العالم .
ناس شان جون .
وجود فنان سودانى فى مكان زى ده . ده كلام سمح شديد ويشرف كتير .
بالتوفيق أنشاء الله .
تحياتى

ده مكانك الحقيقي
والف امنية جميلة
ليتحقق هذا المشروع الخالد
واتمنى ان تصلنا الحفلة في شرائطها واسطوانتها المدمجة
في اسرع وقت
هذا مكانك الحقيقي
والذي افتقدته الموسيقى السودانية في التوزيع والانتاح الفني
محبتي ابدية

Quote: ه مكانك الحقيقي والف امنية جميلة ليتحقق هذا المشروع الخالد واتمنى ان تصلنا الحفلة في شرائطها واسطوانتها المدمجة في اسرع وقت هذا مكانك الحقيقي والذي افتقدته الموسيقى السودانية في التوزيع والانتاح الفني محبتي ابدية]

اخي وصديقي وحبيبي
وزميل النضال الاكاديمي والفني
دوما لكلماتك وقع في نفسي كبير
لن اضيع ماتبقي من عمري سدا
ساحاول المستحيل
وابذل جهد المقل
الكبر حصل لكن الطاقة موجوده والحمد لله
لازال شبابي الفني يشتعل
كن طيبا وطمنا علي المدام

حبيبنا
لدينا الكثير جدا من مبدعينا
جديرين بهذا المكان
فيهم من تعاكسه الظروف
وفيهم من يعاكس نفسه بنفسه
كل الود ياجميل

شيخ عثمان
اها كمان الجماعه طلبوا مني اشتغل ليهم
Imagine
تخيل اها دي ما مسؤولية قدر الضربه؟؟
الله يكون في عوني
علي بان أسعى

hالعزيز حمزه بابكر
شكرا علي التعضيد والتشجيع النبيل
تقبل محبتي ومودتي

يسرنا ان نقابل من يشرفنا هناك
لنعبر عن شكرنا

الاستاذ الموسيقار يوسف الموصلي

انت اهل لهذا المكان

بالتوفيق

وسننتظر التفاصيل

يا لها من ليلة

ليتنا كنا حضوراً

الموصلى الحبيب
قبل يومين جابوا فى التلفزيون القومى سهرة مع عزالدين هلالى الذى ذكرك وتحدث عنك بكل حب وأغنية أنتى لى

إبراهيم

Quote: الموصلى الحبيب قبل يومين جابوا فى التلفزيون القومى سهرة مع عزالدين هلالى الذى ذكرك وتحدث عنك بكل حب وأغنية أنتى لى إبراهيم

ابراهومه العزيز
د هلالي ده
هو اخي الذي لم تلده امي

Quote: يا لها من ليلة ليتنا كنا حضوراً

نعم
وفي لاس فيجاس
الجنان في الدنيا
والليالي تدور
ام دي ليله وجمعت بين
شموس وبدور
-----------------
اكيد كنت حتشرفنا والله

حبيبنا ايوب
شكرا لها الشعور الطيب
هي محاولة للخروج من القوقعة
كل المودة

Quote: ده مكانك الحقيقي والف امنية جميلة ليتحقق هذا المشروع الخالد واتمنى ان تصلنا الحفلة في شرائطها واسطوانتها المدمجة في اسرع وقت هذا مكانك الحقيقي والذي افتقدته الموسيقى السودانية في التوزيع والانتاح الفني

كلام السنى الفوق دا ابصم عليهو بالعشرة
بالتوفيق
يا استاذ
هشام

ولدنا الفنان الجد الجاد
الف شكر علي جميل مشاعرك
وباذن الله اكون عند حسن ظنكم

لمزيد من (المعاينة)

[ ده مكانك الحقيقي
والف امنية جميلة
ليتحقق هذا المشروع الخالد
واتمنى ان تصلنا الحفلة في شرائطها واسطوانتها المدمجة
في اسرع وقت
هذا مكانك الحقيقي
والذي افتقدته الموسيقى السودانية في التوزيع والانتاح الفني

وقفتكم ياطارق رجوليه وانسانيه
ونحنا زي المواقف دي بتورينا
من انصار تقدم الفن
ليك كل الحب

Quote: نعم وفي لاس فيجاس الجنان في الدنيا والليالي تدور ام دي ليله وجمعت بين شموس وبدور

ومكاتب العرس المتوفرة
أححححححح

ابراهومه داير تدبل ولاشنو
الشخصيه الجميله
الفي الفيديو بتاعك داك
دي مازوجتك ولا انا غلطان؟

كم أشتاق لسماع (نسم علينا الهوى)

هذه الدرة الرحبانية التي تلاقت مع
ألق السيدة الساحرة فيروز

يقيني يا موصلى أنك قادر على دهشة
الرحابنة أنفسهم في التوزيع والاحساس
الراقي

أمنيتي أن تتاح لنا فرصة السمع لهذا
العمل العالمي

وعندما تصل السيدة فيروز للمقطع
( خدني على بلادي)

تتوقف الأشياء

شكرا يا ابو عبده
وعشان خاطر تذوقك الراقي
اول ما اصل البيت
حاخت ليك النوته الجديدة لالة الكمان الاول من توزيعي
ومعها جزء بسيط من الاسكور العام
الالات المشتركة هي
الدرمز والطبول
البيانو والاورغ
الناي والفلوت
الات النحاس
الوتريات
كمان اول
كمان ثاني
وتسيلو
الباص جيتار
الجيتار
الكورس
المغنيين
لك مودتي

فوق عشان الناس يشوفوا النوت دى ده الشغل و لا بلاش

ال رحبانية ال

صديقي ابراهومه
احييك وكل الاخوه في سودانيس اونلاين
من لاس فيجاس

وين ياصديقى دا شغل برا

تلبد وتقطس وتجى مارق ليك بنصيبه

وشايفك عملت نايم مننا

تحياتى ياصديقى وليقدام

حبيبنا عمر ود بانقا نحييك من لاس فيجاس
مدينة الجمال الصاحي
ياخي ما تتوكل وتجي علينا
مشتاقين ومنتظرين
انت عارف اخوك لبدنجي درجه اولي
ياريت تجي علينا في كلام كتير في دماغي
ليك
كل الود

بحمد الله تمت البروفة الاولي وكانت قمة المتعة
مع اوركستر فدم افرادها
من باريس ومن مصر
واميركا
وكان دور عازف الكمان الجميل
احمد باص ممتازا ومقدر

عمر بانقا سيشرفنا بالحضور
وهذا خبر سعيد
انما يدل علي الاهتمام
وقد اسعدنا جميعا هذا الخبر بما في ذلك
دون ايلدر
كل الود ومرحب ياعمر

Quote: عمر بانقا سيشرفنا بالحضور وهذا خبر سعيد انما يدل علي الاهتمام وقد اسعدنا جميعا هذا الخبر بما في ذلك دون ايلدر كل الود ومرحب ياعمر

Oh Las Vegas

ابراهيم الجميل
كيفك ليتك كنت معانا في البروفات
عشان تشوف براك انو الناس بتحترم الموسيقي الجاد
وبرغم هذا الاحتفال وعظمتو
وانو التمثيل السوداني
فيهو يتمثل في التوزيع الموسيقي لاغنيتين خالدتين
عالميا وعربيا بايدي سودانية
الا ان هذا البوست لم يجد يدا ترفعه الي اعلي المانشيتات
نحن راضون ياعزيزي
لك تحيات
عمر بانقا الذي حضر البروفة الثانية
وسيشارك معي بتمثيل السودان في اغنية جون لينون
كما ان احمد باص يشرفنا باشتراكه مع كل الفنانين المشاركين
كل الود

Quote: الحبيب الفنان احمد باص تستطيع ان تلبس هذه (البرنيطة) الخواجاتية لال كابوني في يوم الحادي والعشرين من شهر نوفمبر لتعبر عن عازفي الكمان الموهبين في بلادنا

استاذنا المبدع الموصلى .. \
مزيد من النجاحات البتخلينا نزيد شبرين لي فوق ..
ونحس بالدنيا ما ساعيانا .. وشايلين روحنا في السماء ..
ربنا يطول عمركم ويوفقكم .. ولي قدام ..
------------------------------------------------------
امانه في عنقك .. تحيات طيبات .. ماليها حدود للاكرم احمد باص ..
وقول ليهو اختك عفاف الصادق بتبلغك تحياتها وشوقها الما ليهو حدود ..
واجدع لي رقمه في الخاص ..

Quote: مزيد من النجاحات البتخلينا نزيد شبرين لي فوق .. ونحس بالدنيا ما ساعيانا .. وشايلين روحنا في السماء .. ربنا يطول عمركم ويوفقكم .. ولي قدام .. ------------------------------------------------------ امانه في عنقك .. تحيات طيبات .. ماليها حدود للاكرم احمد باص .. وقول ليهو اختك عفاف الصادق بتبلغك تحياتها وشوقها الما ليهو حدود .. واجدع لي رقمه في الخاص ..

الاستاذه عفاف الصادق بابكر
الف شكر من القلب
لشخصية نعتز بها
وتسلمي علي جميل الامنيات
-----
اما بخصوص الفنان وعازف الكمان المتمكن احمد باص
فقد شهدته بام عيني فنانا جادا
وعازفا ياتي قبل الاخرين للبروفات
ويذهب بعدهم
وساجدع لك تلفونه قطعا
======
كما شرفنا الفنان الجميل عمر بانقا ضيفا عزيز
ولكننا اجبرناه علي المشاركة
فسيغني معي مقطعا من اغنية
اماجن آو تخيل لفنان الخنافس جون لينون

جميل من عمر بانقا ان يشارك
بهذه الروح الوثابة

Quote: جميل من عمر بانقا ان يشارك بهذه الروح الوثابة

وأسأل الله ان تنال فقرتكم رضاء واعجاب الكل ..
مع الامنيات الطيبات بالنجاح الظاهر وملموس ..
شكراً .. وصلنى في الخاص .. ولكم الود والتقدير

بالتوفيق يا استاذنا والنجاح الدائم...

تحياتنا لكل افراد قبيلتنا هناك...نحمل لكم كثير من الشوق والحب ولاإنتماء...

نجاحكم هنالك نجاح للوطن ورفع لقيمته....وقيمنا جميعاً كموسيقيين

نتمني ان نراكم دائماً فوق الثريات العوالي...

ما تبخل علينا برفع المشاركة هنا وفوراً...


تحياتنا لاسرتك الكريمة...

عوض الله بشير ...
حواء المنصوري

الف شكر حبيبنا عوض الله
ودوما امنياتك سابقانا
ودوما وفي وخلوق

هميم ودي لك يا
عوض الله بشير ...
ولست الذوق الطيف
حواء المنصوري
الف الف سلام

عفاف الصادق
تحياتي استطيع ان اقول الحمد لله
الحمد لله وبنجي نكي ليك

سناتيكم بالصور والاخبار لاحقا

up

الفنان الجزائري الشاب خالد
والفنان السوداني عمر بانقا

up

لا عدمناك ياطارق
بكره بجيب ليكم الصور باذن الله

up

الف شكر حبيبنا عمر ونبدأ الصور الان باللقطة العجيبه
الانت اخدتها لي اثناء البروفه النهائية قرب المسرح
غايتو شيل شيلتك مع تاج السر الملك في اللقطه دي
وفي الصورة يظهر عازف الكمان البارع في الشاشة الخلفية
للمسرح المهول

عمر وشخصي مع اعظم عازف ايقاع قابلني
وهو يعزف على الاقاعات الشعبية الافغانية والهندية ذات
الصوت الطروب الرخيم ادهشني هذا الفنان والله

عازف الكمان الذي شرفنا هناك
احمد باص في لقطة فريدة مع الفنان العراقي
رضا العبد الله وهو فنان بديع وجاد واغنياته
ذات وقع رائع وكتابته لالات الكمان غاية في الصعوبة
ولكنها سماعا غاية في الجمال
احمد اجتاز التجربة معه بنجاح متوقع لما عرف عنه من جدية

احمد باص في حجرة البروفات الشاسعة الواسعة
يراجع النوت الموسيقية الخاصة باغنيات الفنان العراقي رضا العبد الله
ياربي كيف قد حسبوها؟؟

عمر بانقا وشخصي نؤدي الجزء الخاص بنا في
اغنية اماجن (تخيل) من تأليف عضو الخنافس العملاق جون لينون
وتشرفت باعادة توزيعهاموسيقيا لتؤديها مجموعة الفنانين الاساسيين
والضيوف من شتى الدول

كل سنة وانت واسرتك بخير
الف مبروك هذا النجاح المبهر

وانت طيب صديقي الدكتور الفنان
سنستمر في هذا الطريق الذي استصعبه البعض
ممن نحب وبالتأكيد نحتاج اليهم لاحقا فهم ليسوا باقل من المشاركين ان جدوا




بانقا وباص وشخصي واحد السودانيين الذين اتوا للحفل

صوره اوضح لثمانية مغنيين علي خشبة المسرح في
MGM GRAND

العصابة السودانية




تقرير مفصل عن الحفل في الموقع العالمي
افرو بوب

http://www.afropop.org/multi/feature/ID/919/Sahra:%20Ar...0by%20Banning%20Eyre

ابو هديل
أشواقي حين تسعي الليك تشتاق
من احضان أمي الكبري التي وبحول الله انجبتني وارضعتني حب الوطن وعلمتني ماهي المنافي وماهو الوطن كما يقول صديق عمري ورفيق دربي ألراحل المقيم فينا الأستاذ الخاتم عدلان والذي ا فتقده بشدة هذه الأيام ورجاحة عقله السياسيه ليشارك معنا في انقاذ أمنا الأخري من ليل دامس ونفق مظلم مسدود لن يجليه الأ رب العالمين وهو القاهر فوق غباده
هكذا وباختصار شديد اصور لك شعوري فلك الله يا سودان ولكن سوف نظل ومعك قابضين علي الجمر وان احرقنا وافني باقي عمرنا
بالصدفة المحضة وعند ابن خالتي العزيز تحصلت علي كمبيوتر وسرقت بعض الوقت ثاني أيام العيد وكل سنه وانت طيب لأطلع علي المنتدي لأري نتيجة هذا الجهد الجميل والمقدر والذي يدفع بنا في طريق العالمية درجة اخري ولست ولن أندهش بعد اليوم لأنني كنت علي يقين حينما أخترتك وعزمنا العقد سويا قبل 15 سنة وقبل أن تختفيTWA والتي حملتك لي لمدينة لوس أنجيليس بانك أعلم ,اقدر واجدر من يقود سفينة الفن السوداني ألأصيل هذه ووسط هذه الأمواج المتلأطمة الي شواطي ومواني العالمية وفقك ألله
سلامي وتقديري ل Dawn ,والمشاركين معك
ما زلت علي عهدي اقوم بمجهود جبار نيابة عنك هنا في السودان مع اخوتي الأساتذه هاديه أمال محمديه والمعز ووليد وعبد الحليم وسعد الطيب واكرت وحاتم مليجي وطلبة المعهد بمساعدة ومعاونة معتز تروتسكي انشاء الله بوضع لبنات عمل ضخم وخطة محكمة تكمل لنا ما نود ان نفعله في مجال العالمية ورد الجميل للمعهد الذي أنجبكم كلكم جميعهم علي العهد وأتشوق لنلتقي هنا في ديسمبر قبل عودتي الي لوس انجيليس في مطلع العام الجديد
في انتظارك
الجميع يغرونك السلام
لك وللأسره حبي وتقديري
أخوك دكتور متوكل

اخي الحبيب د متوكل محمود
كيف لا (اذكر) جمالك ففي مجال الاخلاص لموسيقانا السودانية
من غير الموسيقيين
لم تر عيناي مثالك
هذا ليس تبادل مشاعر كما يتبادر لاذهان البعض انها الحقيقة التي لم ولايراها البعض
اخلاصك امره عندي لاشك فيه تجاربنا سويا التي اتت بي الي لوس انجلس خصيصا لهذا الامر بدعوة منك مسجلة
في تاريخ النهوض بالموسيقي السودانية
والتجارب دوما اخي الحبيب تتعرض لبعض الهنات مثلها في ذلك مثل
كل التجارب الاجتماعية السياسية الاقتصادية الفنية عبر التاريخ
ولكن العبرة بالايمان بالهدف والعبرة بالصمود تجاه تحقيقه مهما كانت الالام يجب ان نحقق الاحلام
ولنا في زميلينا احمد باص وعمر بانقا العبرة
احمد باص الرجل الشغوف للعلم والتعلم حيث يرزح تحت نير الاكاديميات الان في صبر ايوب
لانه يري الهدف واضحا تآكد تماما من ان الاحتكاك بالاخرين انما هو تبادل للخبرات والمعارف لايعدله مال ابدا
فكان نجما في كون ذلك المحفل والصور تروي وكفي
اخي الحبيب عمر بانقا كان يعلم تماما جمال الموقف تسنده في ذلك زوجة عظيمة صالحة
حفظها الله فطار الينا متبرعا وكان حضوره شعلة اشعلت في نفسينا الحماس فاشعلنا الحماس فيه بالتبادل
وكان عمر نحلة في ذلك المحفل سرعان ماتعرف الي الموسيقيين العالميين وسرعان ما احبوه
وعندما صعد الي المسرح لنغني جميعا (تخيل) او Imagine
لقد استقبل الجمهور ذلك الحضور بتصفيق حماسي اذهلنا برغم ان عدد السودانيين داخل الصالة الضخمة لم يتعدي الاربعة
اذا فذلك التشجيع الحماسي قد اتانا من غير السودانيين في ذلك المحفل المختلط وكان ذلك التشجيع المهيب ان يحدث
لاي من مبدعينا وكلهم مقتدرون وذوي هبة الهية عالية
اما Dawn Elder
فقد كانت نجمة المحفل من حيث الجهد المبذول وكانت كالنحلة لايهدا لها بال ولم يسعها الوقت لتغيير ملابسها في اليوم الختامي
والاهم من ذلك انها منحازة لنا نحن السودانيين وتعترف دوما في سيرتها بفضلنا عليها وهذه شيمة الكرام
فهي تضع موضوع تسجيلاتنا بلوس انجلس مع الاستاذ الزميل محمد وردي علي كل طاولة مفاوضات قبل كل المشاريع
العظيمة التس نفذتها فقد اصبحت من كبار البروموترز في اميركا والعالم يتودد اليها كل الفنانين من كل الاتجاهات بينما هي تحفظ الود
مستمرا لنا
عندما قال احمد باص للفنان التونسي الذي طار معه من لوس انجلس للحفل
بان دون ايلدر قد اختارت يوسف الموصلي ليقوم بتوزيع اغنيتي
نسم علينا الهوي من اغنيات فيروز والرحبانية
والاغنية التي اكتسحت العالم
Imagine
لنجم الخنافس جون لينون
قال الفنان التونسي طالما اختارته دون ايلدر لعمل ذلك فهذا امر مفروغ منه
هكذا اصبح ينظر اليها الاخرون وهكذا مازالت وفية لفناني السودان
دكتور متوكل انا احبك لله فالله
وساظل وفيا لك ولجهودك المقدرة والتاريخ وحده سيضع
الخط الفاصل بين الجد واللعب
تحياتي لوالدتك العظيمة الجليلة التي هي في مقام والدتي
وبلغ محبتي الي السودان الي حين حضوري
وبالله لا تعد قبل تلاقينا هناك
لانني اريدك ان تشاهد بام عينيك حكايتي عنك هناك لاهلك واهل السودان
اخوك يوسف الموصلي

مقتطف من افرو بوب
Fairuz, a string section of top-flight players from as far afield as Sudan and Israel, fantastic percussionists including Luis Conte of Cuba, and then the vocalists: maestro Yousif Elmosley and Omar Benaga from Sudan, Andy of Iran, Grammy nominee K.C. Porter, Def Jam recording artist Karina Pasian, and a talented young Tunisian singer/bandleader, M.C. Rai. This is not even a complete list. To well exploit such a range of talent within the context of three bands from Iraq, Egypt, Algeria and France—some of them unaccustomed to making room for others—would have required considerably more rehearsal time and the firm hand of a determined and tactful musical director.

قليل من التنظير في الموسيقي السودانية لا باس به

خالد ومغنية الدومنيكان يتناقشان مع ود السودان الموصلي في البروفة الاخيرة قبل الحفل

قليل من التنظير في الموسيقي السودانية لا باس به

خالد ومغنية الدومنيكان يتناقشان مع ود السودان الموصلي في البروفة الاخيرة قبل الحفل

احمد باص الفنان
مع الشاب خلد

فنانيين تملوا العين والله
رفعتوا راسنا يا موصلي و بانقا و باص

شكرا كتير

خدوري النقي
ونحن نتمني لك نجاحا باهرا في جولتك الامريكية
كل الود

ياسلالالالام انجاز عظيم .. يرفع رأس السودان عاليا..
بارك الله فيكم .. اساتذتنا موصلي .. باص .. عمر ..
مزيدا من النجاحات .. وامنيات صادقه بحصد كل جميل ..
كل سنة وكلكم طيبين ..

عفاف الصادق
الشفيفة ذات العفة
من امثالكم نستمد القوة والعزة والعزم والتصميم علي
النضال الفني
الله يخليك لينا

Quote: يوسف الموصلي سيشارك في الاغنية الاخيرة المشتركة لجون لينون الخنافس Imagine عازف الكمان المبدع احمد باص سيشارك بالعزف مع كل الفنانين وقد استلم النوت الموسيقية الخاصة بذلك هذه دعوه لكم لتشهدوا بداية مشروع كبير باذن الله تحياتي

ياااااه حبيبنا يوسف
واخى وصديقى وقدوتى باص
احبكما حبا جما...
منذ نزول هذا الاعلان هنا,
ضاعت الاحرف والكلمات لوصف
درجة الفرحة التى غمرتنى
ومازالت, لم استطع الكتابة هنا
ولكن ما ان انتهى البرنامج حتى رفعت
سماعة التلفون وهاك ياحكى وهاك
يا انبساطة ومباركات جاءت مجمعة
باركنا العيد وباركت ليهو المشاركة
التى ابدا لم تكن مفاجاة لى, لماذا؟
لانى اعرفه واعرف مقدرته وجديته المؤطرة
بالمسؤلية , هى سعادة وقبطة لى اولا وهدية
ورمز لنا يعكس صلاحية تعبير Yes We Can نحن
معشر الموسيقيين السودانيين واكيد اكيد
هو نجم ولفت الانظار واكيد كان حضور مميز وعبقرى
................

لك كل الود وتقاسيم الحب والاعجاب الغالى
يوسف

دي المحرية فيك ياود رفاعه الفنان
نفسك ابيه وروحك هنيه
وكمان رضية
تسلم

تسلم انت وفى انتظار اللمسات الموصلية!

شكرا حبيبنا بكري
والموصليه جايه باذن الله

بدون تعليق

تعليق ونص

الشاب خالد ده آه عايشة كدى دى موا

إبراهيم عبد الحليم

والله الزول ده في المسرح
فظيع فنان شامل
يادكتور

هاك المسرح ده

بسام قائد اوركسترا في نيويورك
وعمل كثيرا مع المؤلف الكبير زياد الرحباني تشاركنا
سويا في تنفيذ التوزيع الموسيقي للاغنيات التي وزعتها
ثم قاد الاوركسترا على خشبة المسرح له جائزة تقديرية في الموسيقى
التصويرية في السينما الامريكية

الأستاذ يوسف الموصلي

كل سنة وانت طيب

مشاركة فاعلة ستصب ايجابا لمصلحة الفن السوداني

بكل تأكيد ونراهن على أن القادم أحلى وأكثر دهشة

وتميزا وننتظره بذات الشغف والترقب الجميل لاننا

نعلم أن بداخلك كنوز إبداعية ..

كن بالف خير

الرائع دوما الموصلى
شكرا على هذة الصور الجميلة وهى تشرف كل سودانى وكل عربى انت شرف لكل عربى لان هذا المسرح تغنى فية عمالقة الفن العالمى
اتمنى توثيق هذة المهرجانات العالمية على اسظوانات لكى نحتفظ بها للاجيال القادمة
ومزيد من التقدم ومزيد من المهرجانات فى الفترة القادمة انشاء اللة

ياطارقا باب الامانة والصدق
يارافعا لمعنويات الفنان
لك محبتي

حبيبنا عماد
ـاخرت عن الرد نسبة لوفاة صديقي العزيز الاستاذ نجم الدين
يرحمه الله
انت ايضا من العضوية النشطة المفيدة المثقفة
حفظك الله

والله رجعنا للقرايه تانى

العزيز موصلي
جميل انك لازلت محافظا على الاقتحام
وعدم الخوف أو في سياق آخر الاحتكاك
وتبادل المعرفة.
صًدقني لن يأتي أحد-عربيا او غيره-
في يوم ما للعاملين بالغناء والموسيقى
في السودان محتفيا بهم ومنتظرا
تكرمهم بالمشاركة العالمية
وتفضلهم بفنهم، ليس لعيب فيهم
ولكن -كما تعلم- ليس هكذا تدار العمليةوالابداعية
الموسيقيية.
كما كنت اقول منذ ايام القاهرة الاحتكاك ثم الاحتكاك
وبعدين نقعد نتكلم عن العالمية وغيرها.
تحياتي وتقديري الدائم لك
مع صادق التحايا لأحمد باص و عمر بانقا.
تخريمة:
تحايا شديدة للأولاد (حينها) الشباب (حاليا)
وللعظيمة دوما أمهم

الحبيب نزار
كل سنه وانت واسرتك بالف خير
نعم نحن نحتاج لحركة افضل وتواصل واتصال افضل
واحتكاك افضل مع الاخرين
لن يعرفك احدا مالم تظهر امام الاخرين ومالم تعمل معهم
السودان لا يحتاج الي فنانين
ولكن يحتاج الي بروموتر سوداني
يخترق الحاجز النفسي السوداني
ويقتحم بتشجيع من الفنانين
من منطلق الثقة بالنفس
فالسودان ولود جدا من حيث الفنانين
كل المودة يا صديقي

ده الكلام يا ودبانقا
انا عارف انو الحماس انتشر في داحلك
كالنار في الهشيم
بالتوفيق دوما

في فقرة الفنان العراقي رضا العبد الله
تظهر الاوركسترا ويجلس فناننا الماهر احمد باص في الصفف
الاول لالات الكمان والصف الاول عادة للمعلمين الكبار

وفقكم الله يا موصلي و بانقا و باص و جميع من شارك في هذه المناسبة العظيمة
المزيد من النجاح و التوفيق و المزيد من التقدم للموسيقى السودانية‘ عشنا الحدث في
روح اخونا عمر بانقا المشرقة لحظة بلحظة
شكرا لكم جميعا
الملك

للنظر

up

تشكر بارفيع المقام