Post: #1 Title: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-14-2013, 10:57 PM
ياخي البت دي غنايه لمن الغنا ذاتو فات حدو والله جن كلكي عدييييييل آخ متين الداينميكية في الاداء نشوفها عندنا يارب
ودي كانديس واحده فيهما ستفوز بالايدول بلا شك الاولى كان فازت ولا مافازت فهي خليفة ويتني هيوستن بلا جدال ----------- شيخ عثمان لعلك متابع
Post: #2 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-15-2013, 02:31 AM Parent: #1
أستاذنا الموصلي سلامات وط ؟؟؟؟؟ الجماعة قالوا ويتني نفضت القبر ! حولا . سانديس دي يا يوسف يا أخوي أجمل حلقوم شفتو في حياتي . بتخيل دقش المنافسة حيكون تقيل تقيل . وحنتابع معاك يا أستاذ ... لك التحية
Post: #3 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-15-2013, 02:50 AM Parent: #2
طبعا الاتنين غنايات جد ولو اني مايل شويه لي امبر لان صوتها مطوعاهو ومنساب غايتو اي واحده فيهما تفوز مافي مشكله لو شفت امبر دي في غنا السكسكه حتجن ههههه
Post: #4 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-15-2013, 04:11 PM Parent: #3
Everyone talks about Angie Miller being the favorite to win American Idol 2013, but how can you count Candice Glover out of that talk? Check out her performance and tell me your thoughts:
Join us tonight on RealityRewind.com for our American Idol 2013 Live Recap. Let’s watch together and see who was eliminated on American Idol Season 12! Get all the scoop from our partner site AmericanIdolNet.com. Subscribe to our Email and RSS or like us on Facebook and follow us on Twitter for all our latest updates.
Post: #5 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-15-2013, 05:01 PM Parent: #4
الغريبة انو الاتنين اتنفضو الموسم الفات مش حاجة تحيير
Post: #6 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-16-2013, 02:14 PM Parent: #5
اليعجبك جد في الشعب ده يا يوسف بناتو متحديات . عاصيات علي المستحيل .. صعبات في المشيء العديل وفي الدروب الموكرة . وزي ما قال : صاحبنا عماد عبدالله : يلعن أبو الأسد زأتو . الناس ديل يحيروك .. ويجرجروك لي مكانات بعيدة علينا نحن المهاجرين المساكين المعنكلين بهموم مصاريف السودان وحال البلد المحنكل . هسع أنا مالي ومال الغناء السمح ده . ؟؟؟ زمان جيت البلد دي أقعد سنتين ونص بس لي ع ن تتبدل الحكومة وأرجع .. بس مع زي البنيات ديل ( يحلها حلال الشبك .)
يا الموصلي الزولة دي بتخليك تصدق وتحلف ( شيء كان فلاي ) زيها وزي ال ( 707 )
Post: #7 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-16-2013, 10:29 PM Parent: #6
لكن مجموعة الحكام رائعه ومحترفين وبعد ولدنا داك اتنفض اما امبر آو كانديس واحده فيهن بتوفوز
مستوي من الغنا بديع وشفهم بيحبو بعض كيف شوف النقاء يااااااااااه
Post: #8 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-17-2013, 04:07 AM Parent: #7
الحلقة كانت بديعة كانت قمة .. قالوا عنها كلام كتير . بس أنا كيفتني في الحلقة الفنانة نيكي مناج لحظة حزنت علي عملية النفض غير العادلة . ثم دخول فيلب فيلب بي جيتارو أبورقبة . فيلب يا أستاذ الموصلي أستلم في الحلقة دي شيك بي مبلغ 4 مليون دولار بعد تسجيلو لي CD جديدة . عليك الله شوف الشافع ده .
Post: #9 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: HAYDER GASIM Date: 03-17-2013, 04:49 AM Parent: #8
Quote: وحال البلد المحنكل
عزيزنا الموصلي ... تسلم,
ما قدرت أسمع الغنا, وليس لسبب يختص بالفيديو , وإنما لسبب يخص جهاز الكمبيوتر الذي أستخدمه, لاكين كمان إتمنظرت, وبصراحة عجبوني البتين عجبا عجابا ... وأكيد حا نشوفم قريب في قلب الميديا وفي وسط مسارح الغناء والطرب, كيتا على الكانون.
ثم ... على جنبه كده, دعني أحيي الصديق عثمان موسى, برغم إنو ما خش في بوستي بتاع بيونسي, وأقول ليهو شكرا على كلمة {محنكل} دي, والتي لولا طريانو ليها ولولا بثه الإسفيري لكانت قد سقطت من ذاكرتي اللغوية, فربما لعشرين عاما ما سمعتها ولا رددتها. إنجوي يور تايم وهابي ويك إند
Post: #12 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-17-2013, 02:45 PM Parent: #9
Quote: عزيزنا الموصلي ... تسلم,
ما قدرت أسمع الغنا, وليس لسبب يختص بالفيديو , وإنما لسبب يخص جهاز الكمبيوتر الذي أستخدمه, لاكين كمان إتمنظرت, وبصراحة عجبوني البتين عجبا عجابا ... وأكيد حا نشوفم قريب في قلب الميديا وفي وسط مسارح الغناء والطرب, كيتا على الكانون.
ثم ... على جنبه كده, دعني أحيي الصديق عثمان موسى, برغم إنو ما خش في بوستي بتاع بيونسي, وأقول ليهو شكرا على كلمة {محنكل} دي, والتي لولا طريانو ليها ولولا بثه الإسفيري لكانت قد سقطت من ذاكرتي اللغوية, فربما لعشرين عاما ما سمعتها ولا رددتها. إنجوي يور تايم وهابي ويك إند
الجميل حيدرقاسم اكيد حتشوفهم حاول تابع قناة فوكس الثانيه في الاربعاء القادم 8 مساد بتوقيت تورونتو بعدين الناس ديل بغنوا وانفاسهم مترعة بالحرية ومشبعة بثقافة مجتمع يكاد تآليه الفنانين عشان كده طريقتهم في الاداء تفوقنا بفراسخ ---- اما محنكل هذه فنحن شفع ما بنعرف كلامكم ده هههههه
Post: #10 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-17-2013, 11:20 AM Parent: #8
نيكي عندها فوضى ظريفه ودمها خفيف اما ماريا كاري فهي ست العقل ولبذوق والادب وتحليلها الموسيقي قمة الرقي يااااااااااااااااه
Post: #11 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-17-2013, 02:21 PM Parent: #10
حولا ! بعد السلامات يا ود قاسم . بيونسي ؟ ياخ داير توديني مقابر حمد النيل في الليل دأك ؟ يا ود قاسم في حفل الرئيس في وأشنطن اليوم دأك الناس رقدت جرجير . 36 عربية مطافي نوع أبو 18 خرطوش كانت في أتم الأستعداد . الرئيس نفسو قال في حفلة تنصيبي التانية داير بيونسي ياود قاسم . تقول لي تعال .
... ياخ السلامات جملة
ومعليش
Post: #13 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-18-2013, 01:57 AM Parent: #11
يا حيدر قاسم هسع عليك الله شيك ال CD حق فيلب فيلب ده ما بيبنيلو سد في بلد السدود ؟؟؟؟ ... والله جد مسكين الفنان في بلدنا
Post: #14 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-18-2013, 11:50 AM Parent: #13
ياخي بس كان ينتجو بيهو 12 عمل سوداني راقي للفنانين الشباب ولا شنو يا عثمان
Post: #15 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-18-2013, 01:35 PM Parent: #14
ياموصلي مبيعات البيبسي دقت في السماء بعد ما بيونسي ضحكت ساكت لبتاع دكان البيبسي في الدعاية . ودايرني أجيه في البوست المكهرب .. ... علي كل حال يوم الاربعاء حيكون يوم رهيب لكم التحية
Post: #16 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-20-2013, 05:01 PM Parent: #15
Quote: علي كل حال يوم الاربعاء حيكون يوم رهيب لكم التحية
اها الليلة اليوم بناتنا الاتنين حيتألقن لو صوت خلال الفيس بوك مع موقع الايدول عنك خمسين صوت قسمها بطريقتك على البنتين والمسالة سريعة جدا بس كلكات
Post: #17 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-21-2013, 03:37 AM Parent: #16
كلما ناس اميركان ايدول يختاروا غنا الخنافس للمتسابقين انا بزهج لان الغناء هو طريقه واستايل واستايل الخنافس غريب شويه بيحتاج للخنافس نفسهم
غنى الجميع بصعوبه وتفوقت كانديس لانها اختارت اب بيت سونغ وبرغم ذلك فقد اعطيت كل اصواتي لامبر لانها غنت اصعب الاغنيات من ناحية اللحن غايتو الحلقه الجايه حيرجعوا لي اميركا وغناها السمح
Post: #18 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-21-2013, 12:38 PM Parent: #17
قمت الصباح سمعت امبر بصفاء فوجدتها متفوقه برغم صعوبه الاغنيه وكذلك كتنديس ساتي اليها لاحقا
Post: #19 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-21-2013, 09:24 PM Parent: #18
المرة دي كانديس جننت غنا السكسكة جن هييييييييع
Post: #20 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-22-2013, 02:06 AM Parent: #19
بعد ده لعب تقيل يا أستاذ
Post: #21 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-22-2013, 02:09 AM Parent: #20
والله بعد المخارجه من الخنافس الكلام دخل الحوش
Post: #22 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-22-2013, 11:00 PM Parent: #21
يا اخوانا ايدكم معانا ههه
Post: #23 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-23-2013, 12:06 PM Parent: #22
قال الصديق صلاح ابراهيم في رده بالفيس بوك
Quote: يا أستاذ.... مش بقولوا عندنا (.... مكسرة فيني ضلعة)!! أقول بصراحة: البت آمبر كسرت فيني كل الضلع.. عليك النبي شوف القوام الممشوق ده، وشوف الفستان الذي ارتدته في الحلقة الأخيرة وروعة تشكيله كأنما صنع له ا هي فقط. أخيرا غناها عذاب وهي في شخصها عذاب وعذاب. بالمناسبة دخلت موقع (أميركان آيدول) لأصوت لها مرات ومرات.. ولكن وجدت أن التصويت يقتصر على المتواجدين في أميركا فقط. وعليك الله لو شفتها قول ليها وكلمها عن شخصي العاشق لفنها ويتمنى لها التوفيق. رد · أعجبني · متابعة المنشور · الخميس، الساعة 11:29
Post: #24 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-25-2013, 12:08 PM Parent: #23
ياحبايب اي واحد ممكن يساعدنا بالتصويت لامبر اذا عندو حساب في الفيس بوك
بالذهاب الي موقع Americanidol.com Then vote for Amber Holcomb وعندو الحق في 50 صوت المواعيد في التصويت كالتالي 1- الاربعاء السابعة والربع مساء بتوقيت غرب الولايات المتحدة (كالبفورنيا) 2. الاربعاء الساعة التاسعة والربع توقيت منتصف الولايات المتحدة (شيكاغو وايوا) 3.الاربعاء العاشرة والربع بتوقيت شرق الولايات المتحدة وكندا (واشنطن ) ------------ 4. الخميس الخامسة والربع فجرا بتوقيت السودان 5. الخميس الساعة السادسة والربع صباحا بتوقيت الخليج العربي 6. الخميس الساعة الثامنة والربع صباحا بتوقيت لندن
ايدكم معانا بالله
Post: #25 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-25-2013, 12:48 PM Parent: #24
الجمعة الفاتت يا أستاذ كان في شابات وشباب من رأبطة هارلم للفنون عاملين ركن نقاش مدهش .. الشباب جابو فنان عمرو 81 سنة من جزر الكاريبي أتكلم كلام جميل عن مستقبل الغناء وصناعة الفن . ( وعرج علي علايل كانديس )
Post: #26 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-25-2013, 04:36 PM Parent: #25
الحبيب عثمان كانديس غناية تب لكن كمان الكمنجة امبر مابنقدر نخليها تب تعرف امبر دي جن الغنا ذاتو في نظري
شوف Keith Urban المحكم قال ليها شنو "لماذا يا امبر تجعلين الامر صعبا على الجميع" امبر بتختار اغنيات غاية في الصعوبة وبتؤديها بتكنيك عالى جدا لكن يبرضو قلبي مع كانديس صاحبة الصوت العريض المهول ياريت اميركا تفهم
Post: #27 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-25-2013, 04:51 PM Parent: #26
I believe in your singing Amber
Post: #28 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-27-2013, 00:33 AM Parent: #27
اها ابقو جاهزين
Post: #29 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-27-2013, 12:25 PM Parent: #28
شوفو كيرتس ده غناي كيف وماعازين الحصل ليهو يحصل لامبر آو كانديس
Post: #30 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-27-2013, 07:54 PM Parent: #29
ماتنسي ياصلاح ضروري وباقي 7 ساعات للتصويت وهسع الساعة 3 مساء تقريبا بتوقيت واشنجطون. اصواتكم معانا ياشباب just GO to americanidol.com choose vote and click Amber's picture and press (+) 50 times and that will give her 50 votes.
Post: #31 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-28-2013, 02:42 AM Parent: #30
اجمع القضاة الليله بان امبر لايمكن ان تقارن
ولمعت كانديس ايضا انهما الاجمل
بالله صوتوا ليها عندكم ساعتين بعد 10 دقائق من الان
Post: #32 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-28-2013, 03:12 AM Parent: #31
الليلة يا أستاذ امبر كانت ختريه . والوعلة الجميلة كانديس برضو كانت موية نار . دحين يا أخوي باكر كان صبحنا في الدنيا دي بننضم عن لمعان كانديس ولصفان امبر .. تحياتي
Post: #33 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-28-2013, 12:36 PM Parent: #32
Quote: الليلة يا أستاذ امبر كانت ختريه . والوعلة الجميلة كانديس برضو كانت موية نار . دحين يا أخوي باكر كان صبحنا في الدنيا دي بننضم عن لمعان كانديس ولصفان امبر .. تحياتي
غايتو اي واحده من الاتنين ديل تفوز ياعثمان انا راضي وسعيد ياسلام ياخ
Post: #34 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-28-2013, 06:27 PM Parent: #33
البنوت التلاته كيه كدي للزميل عثمان موسي وكية كدي للصديق صلاح ابراهيم بالفيس بوك
Post: #35 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-29-2013, 08:42 AM Parent: #34
لماذا الاصوات الرجاليه لا تستطيع المنافسة هذه المرة تحديدا
Post: #36 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 03-29-2013, 01:33 PM Parent: #35
يا أستاذ الموصلي عليك الله شوف حجم أمكانيات الناس ديل قدر شنو . شوف نظام غرف التسجيل والتحضير والاستعداد وتعال نتفرج في تدريب المتنافسين قايتو البرنامج بيدي كل وأحد من المتنافسين حقو وبعدين الشعب الأمريكي هو صاحب الحق .
Post: #37 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-29-2013, 03:55 PM Parent: #36
Quote: يا أستاذ الموصلي عليك الله شوف حجم أمكانيات الناس ديل قدر شنو . شوف نظام غرف التسجيل والتحضير والاستعداد وتعال نتفرج في تدريب المتنافسين قايتو البرنامج بيدي كل وأحد من المتنافسين حقو وبعدين الشعب الأمريكي هو صاحب الحق
عليك الله ياعثمان هسع كل القنوات العربية شغالة تقليد في البرامج الأمريكية التسابقية يعني حتى ما قادرين نخترع ونقترح اسماء لنا لمثل هذه البرامج ناسنا في السودان تفوقوا فقط (بتسمية تجوم الغد) مع انو فيهو كم من العيوب هائل ويحتاج الى تنظيم وغربلة ضخمة. غايتو البنوت الخمسة الفضلن ديل أي واحدة منهن حتكون نجمة كبيرة ايا كان وضعها في مقبل الاسابيع. يخيل ناس اللجنة عندهم ميل أكتر لامبر ربما بالاضافة للصوت القوام الرشيق والحركة المتقنة والنفس غير العادي لكن كلهن يسرن القلب وزعلان انا عشان نفضوا الود بتاع شيكاغو (تصويت ظالم) وسابو لاندرو الراجل بنشز كتير مع تعاطفنا لحالتو الخاصة.
Post: #38 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: جواهر ابراهيم Date: 03-29-2013, 05:42 PM Parent: #37
سلام كتيير استاذ الموصلي وتحية لضيوفك السمحيين ديل تسجيل شكر و متابعة . . امبر دى حاجة مبالغة...!! ديفيد فوستر بيكون حسة بيجهز ليها شغل كارب.... والعقودات جاهزة ... و "رد كاربت" و قرامي و اوسكارات فى السكة ان شاء...تستاهلم بجدارة ...
رأي : ما مهم شديد تاخد الايدول...لانو دربها مرق تب...بس تلقى ليها مدير اعمال جادى و ناس ما تقيد موهبتها.. وكمان هى تستعد كويس لمتاعب الشهرة..
و يلا ... بتنا أمبر...... اوييييييىىىى
Post: #39 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-30-2013, 01:39 AM Parent: #38
Quote: امبر دى حاجة مبالغة...!! ديفيد فوستر بيكون حسة بيجهز ليها شغل كارب.... والعقودات جاهزة ... و "رد كاربت" و قرامي و اوسكارات فى السكة ان شاء...تستاهلم بجدارة ...
رأي : ما مهم شديد تاخد الايدول...لانو دربها مرق تب...بس تلقى ليها مدير اعمال جادى و ناس ما تقيد موهبتها.. وكمان هى تستعد كويس لمتاعب الشهرة..
و يلا ... بتنا أمبر...... اوييييييىىىى
فعلا ياجواهر البت امبر ولدت نجمه وماريا كاري قالت ليها انا منتظره الالبوم بتاعك بشوق بصرف النظر عن ما يترتب عليه البرنامج من نتائج تسلمي ونهديك هذا الانترفيو الاخير بعد الحلقة الاخيره
Post: #40 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-30-2013, 11:34 AM Parent: #39
امكانيات مهولة وتخطيط سليم واخاص منقطع النظير
Post: #41 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: د. ياسر عبد القادر Date: 03-30-2013, 12:20 PM Parent: #40
سلامات يا شباب
مع انو علمنا محدود في الموسيقي لكن أمبر يا موصلي.......حاجة رهيبة
عثمان: بتاع البيز المع كانديس كان ما أخاف الكضب أقول كان بيعزف في الداون تاون سلفر سبرنق في الويكندز مع واحدة كدا
Post: #42 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-31-2013, 00:15 AM Parent: #41
Quote: سلامات يا شباب
مع انو علمنا محدود في الموسيقي لكن أمبر يا موصلي.......حاجة رهيبة
عثمان: بتاع البيز المع كانديس كان ما أخاف الكضب أقول كان بيعزف في الداون تاون سلفر سبرنق في الويكندز مع واحدة كدا
ايوه والله ياد ياسر تخيل هي وكانديس اتنفضوا المره الفاتت بواسطة المحكمين ----- بعدين تعال انت البوديك سيلفر سبرنغ شنو؟؟؟؟؟؟
Post: #43 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: د. ياسر عبد القادر Date: 03-31-2013, 07:05 AM Parent: #42
سلامات تاني يا أستاذنا
أنا من مواطني سيلفر سبرنق يامان....ميريلاندي خدمة يمين و عرق جبين
انت فاكرني من ضهاري فرجينيا زي عثمان ولا شنو؟ (-:
Post: #44 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 03-31-2013, 02:00 PM Parent: #43
ومنو الما من ميريلاند يا دكتور انا ملاصقك للمطار ذاتو BWI هييييييييييييييييع نحن ناس حي المطار
Post: #45 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-01-2013, 10:04 AM Parent: #44
كانديس في "تم تم" آميريكي كارب
Post: #46 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-03-2013, 06:11 PM Parent: #45
اليوم عركة السبعة الفضلوا
ارشح واحد من الأولاد أن يذهب والا فسوف تكون مفاجأة قاتلة
Post: #47 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Khalid Kodi Date: 04-03-2013, 06:31 PM Parent: #46
استاذنا موصلى ،
تحياتى،
((لماذا الاصوات الرجاليه لا تستطيع المنافسة هذه المرة تحديدا ))
امبر وكانديس من مشاهداتى المحدوده للبرنامج مغنيتين ممتازتين، ولكنهما ليس (original) يعنى ماخترات للدرجه المفى زيهن !
من ناحية ال (originality ) انا أرشح (Burnell Taylor) !! للفوز بالمسابقه ..
تشارط ؟
.
Post: #48 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-03-2013, 07:14 PM Parent: #47
د خالد لعلك طيب ياخي امبر دي الفن الغنائي ذاتو ود امو وابوه يعني شنو ما اصليات دي عشان مواليد اميركا ههههه برنيل مغني ميه الميه وبختو في الترتيب الثالث بس أخاف عليهو من التصويت الظالم هو وأمبر مريا كاري قالت لامبر انا منتظرة البومك ايا كانت نتائج التصويت هنا وكل الحكام اجمعو أنها ويتني الصغيره وكانديس ماساهلة برضو وبشارطك ربما برنيل يبقى ضحية الشاب اللي عندو مشكلة في الكلام صوتو ماكعب لكن عندو نشاز كتير بس التعاطف معاهو شديد اها الشراط كم لي كم ههههههه
Post: #50 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Khalid Kodi Date: 04-03-2013, 07:36 PM Parent: #48
تحياتى استاذنا الموصلى،
(يعني شنو ما اصليات دي عشان مواليد اميركا ههههه)
أقصد إمكاناتهم الصوتية وطريقة أداءهم ، فرغم إمكاناتهم الكبيره هن ليس متفردين بمايمتلكونه من مقدرات على إمتيازها! يعنى فى الساحه العديد منن الفنانات اللائى يشتركن معهن فى المهارات ويتفوقن عليهن من نفس جيلهن !
Post: #52 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-03-2013, 08:46 PM Parent: #50
موافق خصوصا انو عندي مشروع كده ناقص 100 دولار ههه اخونا ده بره الفوز بالاميركان ايدول
Post: #49 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Mahmoud Mustafa Mahmoud Date: 04-03-2013, 07:24 PM Parent: #47
هسي يا خالد كودي زولك دا ما ياهو الخالق الناطق الجيلي دا؟؟؟
نفسك أبية أجمل أغاني الدنيا...
..
.
Post: #51 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Khalid Kodi Date: 04-03-2013, 07:45 PM Parent: #49
Mahmoud Mustafa Mahmoud تحياتى، والله زولك ده مابطال ، لكن كمان مالدرجة ولد لويزيانا ده!
عليز تخش فى الشراط مع الموصلى ؟ (ممكن ننقص ليك) ، وممكن ناخدك بالتقسيط المريح كمان ! (:
.
Post: #53 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Khalid Kodi Date: 04-03-2013, 09:02 PM Parent: #51
(موافق خصوصا انو عندي مشروع كده ناقص 100 دولار ههه اخونا ده بره الفوز بالاميركان ايدول )
يازول أنا نضفته الجزلان من ( السنجلس) .. كان مايجو الجماعه يقولوا لينا هذا ثراء حرام !
Post: #54 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-03-2013, 09:14 PM Parent: #49
تقصد في الشكل ولا في الصوت يامحمود يافنان
Post: #55 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-04-2013, 01:03 AM Parent: #54
ليل الليلة يا أستاذ الموصلي الدلاليك حتكون تقيلة . الليلة يا موصلي الحلة بصل والمسرح آمبر .. آمبر يا موصلي زي ما قال الفنان التربال ود السافل : قال : آمبر سويتي البدع .. وفرحتي هادا المجتمع يا بتنا ... شوف عيني سكر نقع .. .. نفس وصف ود السافل : الجدي العام وأنتنا .. يا بتنا . ...
Post: #56 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: جواهر ابراهيم Date: 04-04-2013, 03:19 AM Parent: #55
يا اساتذة الابديت-لو ممكن- بالفيديوهات لكل ما هو آمبر ما متابعة الTV
شكرا استاذ الموصلي على فيديو الانترفيو...فيهو كلها ثقة واريحية.. آمبر العنبر التى تسر السمع و النظر...
غلطانين نفضوها المرة الفاتت...لكن النفضة جات بى فايدة...الثقة زادت و شعبيتا كمان... ولو ما فازت ان شاء الله يكون حظها زى جينفر هدسن ثبتت اقداما برغم انو سايمون نفضها وبعدها طلعت فوق زى الصاروخ وحفرت اسم صعب يتمسح تانى..
Post: #58 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-04-2013, 04:06 AM Parent: #56
Quote: يا اساتذة الابديت-لو ممكن- بالفيديوهات لكل ما هو آمبر ما متابعة الTV
شكرا استاذ الموصلي على فيديو الانترفيو...فيهو كلها ثقة واريحية.. آمبر العنبر التى تسر السمع و النظر...
غلطانين نفضوها المرة الفاتت...لكن النفضة جات بى فايدة...الثقة زادت و شعبيتا كمان... ولو ما فازت ان شاء الله يكون حظها زى جينفر هدسن ثبتت اقداما برغم انو سايمون نفضها وبعدها طلعت فوق زى الصاروخ وحفرت اسم صعب يتمسح تانى..
زميلتنا العزيزه جواهر هسع بسك النت لونزلت بجيبها ليك لكن غالبا بفكوها في النت بعد النتائج بكره انا براي في حرفنتي في النت اديتها 350 صوت
Post: #57 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-04-2013, 04:03 AM Parent: #55
Quote: ليل الليلة يا أستاذ الموصلي الدلاليك حتكون تقيلة . الليلة يا موصلي الحلة بصل والمسرح آمبر .. آمبر يا موصلي زي ما قال الفنان التربال ود السافل : قال : آمبر سويتي البدع .. وفرحتي هادا المجتمع يا بتنا ... شوف عيني سكر نقع .. .. نفس وصف ود السافل : الجدي العام وأنتنا .. يا بتنا .
والله امبر حيرتنا ياعثمان الليله الحكام يقفوا ليها للمره الكم كده وزميلاتها الغنن معاها الاغنيه الثلاثيه اشادن بها غايتو الله يغتيها من عين الحسود
Post: #59 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Mahmoud Mustafa Mahmoud Date: 04-04-2013, 10:12 AM Parent: #54
أستاذنا الجميل أبو هديل..
كيفك مع آمبر....أنا غايتو كانديسابي ساااااااااااااااي...
Quote: تقصد في الشكل ولا في الصوت يامحمود يافنان
قصد في الثقة وملامح الأداء...رغم إنه طبعاً مافيش مقارنة من أساسو...
بس الجيلي طبعاً - شأن الكثيرين من أبناء جيله - لم يجد enough guidance
بل أحياناً تشعر إنه اللجنة قاعدة تتلذذ بالقسوة على أمثال الجيلي من شبابنا المسكين..
..
"طبعاً قدر ما حاولت إنه راس السوط ما يصلك يا موصلي...لقيت ما في فايدة"..
هههههههههههههه
تحياتي يا جميل..
..
.
Post: #60 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-04-2013, 11:18 AM Parent: #59
Quote: أستاذنا الجميل أبو هديل..
كيفك مع آمبر....أنا غايتو كانديسابي ساااااااااااااااي...
Quote: تقصد في الشكل ولا في الصوت يامحمود يافنان
قصد في الثقة وملامح الأداء...رغم إنه طبعاً مافيش مقارنة من أساسو...
بس الجيلي طبعاً - شأن الكثيرين من أبناء جيله - لم يجد enough guidance
بل أحياناً تشعر إنه اللجنة قاعدة تتلذذ بالقسوة على أمثال الجيلي من شبابنا المسكين..
..
"طبعاً قدر ما حاولت إنه راس السوط ما يصلك يا موصلي...لقيت ما في فايدة"..
هههههههههههههه
تحياتي يا جميل..
.
يا ابو الزمل ياخ السودان بعييييييد من الكلام ده اما انا فامبرابي ولكن التاليه لها عندي هي كانديس امبر دي كمنجه متقنه في الالفية الثالثه اها ياجواهر شوفي الحكام وقفوا على حيلهم من الطرب د كودي رسل المية دولار ههههه
Post: #61 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Khalid Kodi Date: 04-04-2013, 02:54 PM Parent: #60
ولدنا ده متميز بالبنيات الدرامية فى صوته فى الملمح والدرجه وتوظيفهما. وبالمناسبة ( التراكيب الدرامية) هى إحدى البنيات الغائبه فى الغناء السودانى، او تظهر (بحياء) ان وجدت !
برضو ولدنا متميز إنو مافى فنان فى امريكا فى هذا الوقت من جيل ال 18- 25 يتغنوا ا بألق ورقى خارج (السائد) ..
الحاجه التالته ولدنا برضو خرج من (نمط) جيله من الغناء داخل مدارس (الهيب هوب) أيا كانت، وأيضا كشاب أسود ومن لويزيانا إختياره لما ادى من اغنيات حتى اليوم يعتبر إتساع فى إمكانات تذوفه وافقه الموسيقى- فلويزيانا تحديدا غنية بألوان بعينها من الغناء ... وصعب جدا للمغنين الشباب ان يتحرروا من هذه الالوان لحضورها وتجددها المستمر وتاثيرها فى القوى فى الموسيقى الامريكية السائده فى كل الازمنه. فشوف ولدنا ده إختار أولا أغنية من اللون الاقحوانى للآليس وولكر ..ثم وإختار لينون والبيتلز..اغنية أنا هنا تعتبر كلماتها (مغامره) وكلا من لينون والبيتلز تعتبر كلمات اغنياتهم مغامره وطريقة أداءهم للأغنيات كما تعرف اعتبرها النقاد (منشزه) وربه ساكت... ولكنهم نجحوا لأنهم كسروا قواعد السائد وغنوا خارج قوانينه .. وايضا نجحوا فى ان يفرضوا على المستمعين تطوير مقدراتهم لكى تمكنهم من تذوق المتفرد من تناولهم لترتيب الانغام.
يازول ولدنا ده كان ماجاب لينا ال 100$ بتاعتك دى يكون التحكيم فااااشل، والتصويت مخجوج تب.
وبعديل ماتنسى المظهر - حضور قوى مميز وتعبير بالوجه واليدين والجسد معبيرين دون إسراف!
أها الشابات ديل صحيح (غنيات) لكن فى إطار السائد فى صوتهم و أدائهم وحتى إختيارهم للأغنيات ! ولدرجة ما يمكن تصنيف أغنياتهم (جييزى) أو (تآآآكى) يعن غناء (حلاوه حلاوه) كده ... غالبا ماتنساه بعد مايبسطك وانت تستمع له !
كدى ياموصلى شوف ولدنا ده ادى هذه الاغنية باى درجه من التميز و التماسك لدرجة إمتلاكها - شوف كيف يستطيع أن يتحكم فى الانتقال مابين المحايد والدرامى من ناحية ومابين إدخال ترجمته الخاصة لكلمات الاغنية وحروفها الموسيقية ... ختر ختر خترى ...
وكدى يازول شوف الزول ده أدى اغنية (أنا هنا) دى كيفن
$100 بس ، وأحسن ليك تدفع مقدما الدنيا اول شهر.
Post: #62 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-04-2013, 03:56 PM Parent: #61
د كودي انت كان مفلس خليناك لكن امبارح كل الخبراء المحكمين لم يقفوا احتراما الا لآمبر
Post: #63 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-05-2013, 02:06 AM Parent: #62
ولدنا ده متميز بالبنيات الدرامية فى صوته فى الملمح والدرجه وتوظيفهما. وبالمناسبة ( التراكيب الدرامية) هى إحدى البنيات الغائبه فى الغناء السودانى، او تظهر (بحياء) ان وجدت !
برضو ولدنا متميز إنو مافى فنان فى امريكا فى هذا الوقت من جيل ال 18- 25 يتغنوا ا بألق ورقى خارج (السائد) ..
الحاجه التالته ولدنا برضو خرج من (نمط) جيله من الغناء داخل مدارس (الهيب هوب) أيا كانت، وأيضا كشاب أسود ومن لويزيانا إختياره لما ادى من اغنيات حتى اليوم يعتبر إتساع فى إمكانات تذوفه وافقه الموسيقى- فلويزيانا تحديدا غنية بألوان بعينها من الغناء ... وصعب جدا للمغنين الشباب ان يتحرروا من هذه الالوان لحضورها وتجددها المستمر وتاثيرها فى القوى فى الموسيقى الامريكية السائده فى كل الازمنه. فشوف ولدنا ده إختار أولا أغنية من اللون الاقحوانى للآليس وولكر ..ثم وإختار لينون والبيتلز..اغنية أنا هنا تعتبر كلماتها (مغامره) وكلا من لينون والبيتلز تعتبر كلمات اغنياتهم مغامره وطريقة أداءهم للأغنيات كما تعرف اعتبرها النقاد (منشزه) وربه ساكت... ولكنهم نجحوا لأنهم كسروا قواعد السائد وغنوا خارج قوانينه .. وايضا نجحوا فى ان يفرضوا على المستمعين تطوير مقدراتهم لكى تمكنهم من تذوق المتفرد من تناولهم لترتيب الانغام.
يازول ولدنا ده كان ماجاب لينا ال 100$ بتاعتك دى يكون التحكيم فااااشل، والتصويت مخجوج تب.
وبعديل ماتنسى المظهر - حضور قوى مميز وتعبير بالوجه واليدين والجسد معبيرين دون إسراف!
أها الشابات ديل صحيح (غنيات) لكن فى إطار السائد فى صوتهم و أدائهم وحتى إختيارهم للأغنيات ! ولدرجة ما يمكن تصنيف أغنياتهم (جييزى) أو (تآآآكى) يعن غناء (حلاوه حلاوه) كده ... غالبا ماتنساه بعد مايبسطك وانت تستمع له !
كدى ياموصلى شوف ولدنا ده ادى هذه الاغنية باى درجه من التميز و التماسك لدرجة إمتلاكها - شوف كيف يستطيع أن يتحكم فى الانتقال مابين المحايد والدرامى من ناحية ومابين إدخال ترجمته الخاصة لكلمات الاغنية وحروفها الموسيقية ... ختر ختر خترى ...
هاردلك يافنان ياجميل د خالد والله مارضيتها لي برنيل كان مفروض يمشي لازارو لكن ماعارف اميركا دي بتصوت كيف بس انا قلسان وداير القريشات حقتي لكن اتوقع له مستقبل رهيب
Post: #64 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-05-2013, 03:05 AM Parent: #63
يا دكتور خالد كودي سلام عليك ومعليش والله يا خالد بنشاطرك الزعل في نفضان ولدنا . بس يا دكتور الحمد الله بعد هو ما وصل المرحلة دي .. الزعلة بتكون خفيفة . أكيد ماسورة القروش حتتبهل عليه . ياخ الزول ده صوتو والله بذكري عمنا عليه الرحمة لحظة يدروش ويترجم في نوبة الطريقة القادرية في كدباس . نيكي مناج يا خالد مندهشة منو الشافع . بس بيني وبينك الامريكان ديل في الغرف المسدودة عندهم كلام براو براو . وعندهم فهم خلاف فهمنا نحن الدرعنا السوشل سكيورتي ونحن كبار . غايتو البركة في آمبر دي . لو أتشالت تكون بي موية وكملت .
Post: #65 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: د. ياسر عبد القادر Date: 04-05-2013, 04:27 AM Parent: #64
أيوا و الله يا عثمان الامريكان (الاصليين مانحن) ديل فهمهم براهو
...غايتو أمبر دي لو طارت ....أنا بعتزل الكورة و إحتمال الطب ذاتو
موسيقارنا البالتيموري العزيز.....بالله إنت من حي المطار....أول أمس جيت شاقي بي فوقكم ماشي طوسون
ياخي قبل كم يوم خليت ليك الرقم...عموما خدو تاني 2403508485 نسمع منك يا يارائع
وإنت ياعثمان نديك فرصة اخيرة ...كان ماسمعنا صوتك بنسحب رقم التلفون و رقم السوشال ذاتو....تاني الا ترجع الحواشة (-:
Post: #67 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-05-2013, 05:15 PM Parent: #65
Quote: يوا و الله يا عثمان الامريكان (الاصليين مانحن) ديل فهمهم براهو
...غايتو أمبر دي لو طارت ....أنا بعتزل الكورة و إحتمال الطب ذاتو
موسيقارنا البالتيموري العزيز.....بالله إنت من حي المطار....أول أمس جيت شاقي بي فوقكم ماشي طوسون
ياخي قبل كم يوم خليت ليك الرقم...عموما خدو تاني 2403508485 نسمع منك يا يارائع
وإنت ياعثمان نديك فرصة اخيرة ...كان ماسمعنا صوتك بنسحب رقم التلفون و رقم السوشال ذاتو....تاني الا ترجع الحواشة (-:
ازيك يادكتور اسف والله ماشفت الرقم الا هسع واهو وثقناه ومابتقر تسحبو تاني الا اذا وسطت بكري ابوبكر انا طبعا في لينثيكم "حي المطار ذاتو" 10 دقائق لبالتيمور وسبع دقائق للمطار توقع الاتصال اليوم
Post: #66 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-05-2013, 09:02 AM Parent: #64
Quote: يا دكتور خالد كودي سلام عليك ومعليش والله يا خالد بنشاطرك الزعل في نفضان ولدنا . بس يا دكتور الحمد الله بعد هو ما وصل المرحلة دي .. الزعلة بتكون خفيفة . أكيد ماسورة القروش حتتبهل عليه . ياخ الزول ده صوتو والله بذكري عمنا عليه الرحمة لحظة يدروش ويترجم في نوبة الطريقة القادرية في كدباس . نيكي مناج يا خالد مندهشة منو الشافع . بس بيني وبينك الامريكان ديل في الغرف المسدودة عندهم كلام براو براو . وعندهم فهم خلاف فهمنا نحن الدرعنا السوشل سكيورتي ونحن كبار . غايتو البركة في آمبر دي . لو أتشالت تكون بي موية وكملت .
والله حزنت ليهو برنيل لكن طبعا هذا امر واقعي لان كل اسبوع حيطلع واحد ويبقو اتنين في المنافسة الاخيره بس كلم لي د كودي يرسل الميه بتاعتي
Post: #68 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Khalid Kodi Date: 04-05-2013, 05:41 PM Parent: #66
lمتين ده؟
ماشفته الحلقات الاخيره... ماشفته تلفزيزن لى زى اسبوع كده! غايتو لو ولدنا ده طلع ماعايزين نقول ليكم (مخجوجه) ولكن كلامى يتأكد من إنه فنان (بديل) مغاير، وخارج نمط السائد من (هشك بشك) سوق المينستريم! نقبل الهزيمه بعد طنطنه ... وياموصلى خرتنى ...وأعترف : (عايز منى 100$) أخخخخخ ده أنا كنه مضرب على قريشاتك بشكل (مابتدى حريف)!!
وبعد ده كلو ... الحايفوز بالمسابقه دى سيصعد ليضاف الى قائمه طويله من الفنانين/ات امثالهم المالين السوق... وولدنا برنيل سيصعد الى مرتبة مختلفه من الفنانين ...
...
Post: #69 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-05-2013, 09:00 PM Parent: #68
Quote: وياموصلى خرتنى ...وأعترف : (عايز منى 100$) أخخخخخ ده أنا كنه مضرب على قريشاتك بشكل (مابتدى حريف)!!
انت كان زعلان انا مابزعل وانت كان مبسوط سيدي انا بالاكتر --------------- تاكد يابروف انو برنيل سيكون له مستقبلا رائعا
Post: #72 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: د. ياسر عبد القادر Date: 04-06-2013, 05:12 AM Parent: #71
الاستاذ الدكتور يوسف الموصلي
ياخي أنا سعيد جدا بالحديث الراقي مساء اليوم.... حقيقة إستفدت جدا من التحليل العلمي لأمبر..أهو فهمنا حاجة غايتو
لو تعرف كيف مكالمتك الليلة خففت عني وقع المأساة....
سيكون التواصل بيننا...وسنكون الاسعد
تحياتي
Post: #73 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-07-2013, 02:15 PM Parent: #72
د ياسر ياخي والله سعيد ةدا انا بمعرفتك وافكارك كن بخير
Post: #75 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-10-2013, 11:57 PM Parent: #70
شاهدت وداع الشاب بيرنيل والجميع كتنوا متآثرين
Post: #74 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-10-2013, 11:09 AM Parent: #30
اليوم امبر وكانديس تستمران في سبر آغوار الغناء نتمنى لهما التوفيق
Post: #76 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-11-2013, 03:12 AM Parent: #74
اليوم الترتيب 1. كانديس 2;. امبر 3..كري البنوت غنايات تب وكانديس كانت قمة
Post: #77 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-12-2013, 00:52 AM Parent: #76
امبر ام جنا كلكي
امبر الرزينه
Post: #78 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-12-2013, 01:36 AM Parent: #77
هسع اللحظة دي الدافوري مولع نار . كماج بي دمو يا أستاذ . منافسة صعبة
Post: #79 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-12-2013, 02:15 AM Parent: #78
عثمان ازييك خلاص المنافسه بقت بنوت ساكت امبر قربت تتنفض ربك ستر لكن ربما خروج لازروا يغير جمهور تكساس الهسبانك لي بت بلدهم امبر فتنقلب الامور
غايتو في رآيي البنات اي واحده منهن تستاهل خصوصا امبر وكانديس وكري
غايتو كانديس جننت الغنا والجمهور والحكام هنا في الاغنية
Post: #80 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: جواهر ابراهيم Date: 04-12-2013, 03:47 AM Parent: #79
مباااااااااااالغة كانديس.....ياااااااااه لكن....ما ممكن love song دى كلام تا تاى كالاسو...!!
Post: #81 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-21-2013, 12:28 PM Parent: #80
Quote: مباااااااااااالغة كانديس.....ياااااااااه لكن....ما ممكن love song دى كلام تا تاى كالاسو...!!
المقدرة جواهر نآسف للتاخير بسبب الحزن على الزميلان اللذان رحلا كانديس عجيبه وامبر آعجب اسمعيها الاسبوع الفائت تغني واحدة من اصعب الاغنيات الامريكية بشهادة الحكام وهي للمغنيه البديعة باربار سترايسند وانا كموسيقي لم اسمع فنان قط يعمل قفله للاغنيه بصوته وبهذا الجمال الابداعي قفله ناعمه ملونه كحديقة ازاهير تعج بالفراشات
الجمهور الاميريكي بدا يفهم براعة امبر فاصبحت في الثلاث الاوائل وهذا يعني انها تتقدم اسبوع بعد اسبوع الى آعلى الهرم Stylistic curveball up ahead – in choosing a diva song for American Idol, Amber Holcomb went for a jazzy Barbara Streisand number, What Are You Doing The Rest Of Your Life. We were shocked, because it came completely out of leftfield for us.
And yet Amber delivered an impassioned, smoky, jazzy vocal that was as different to her earlier performance as day is to night. Chalk and cheese. And any other cliche you care to throw at the page. A flawless vocal. And one that redeemed Amber’s earlier ill-advised attempt to cover Mariah Carey. I think because of how smoothly she tackled this genre and how exquisitely she sang the song, it opened our eyes to the possibility that there’s more to Amber Holcomb than we’ve yet seen on American Idol. The big question is, will she survive this week and be able to show us?
Nicki Minaj told Amber that her performance was simply perfection and that she doesn’t get the recognition she deserves. Randy told Amber that it was the most difficult song for her to sing, yet praised her too for being classic and modern. Mariah was equally effusive about the performance and raved about Amber’s potential to be a huge star. Keith loved the surprise switch of genres that Amber pulled and just exactly how effortless she made it look.
Post: #82 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-23-2013, 10:52 PM Parent: #81
اغدا القاك؟؟؟
Post: #83 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-23-2013, 11:25 PM Parent: #82
يوم باكر صعب الجماعة يا أستاذ مجلدين ليه الدلوكة بي جلد مرفعين . كانديس السمحة حتقدل في الساحة قدلة الفاتحين .. وحنتابع السحر
Post: #84 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-23-2013, 11:55 PM Parent: #83
Quote: يوم باكر صعب الجماعة يا أستاذ مجلدين ليه الدلوكة بي جلد مرفعين . كانديس السمحة حتقدل في الساحة قدلة الفاتحين .. وحنتابع السحر
والله ياعثمان البنوت سخنن وفضلن الاربعه الخطرات اعتقد آن الموضوع سيصفي عل اتنين سمراوان وواحدة بيضاء ثم يصفي على واحدة سمراء وواحدة بيضاء والسمراء ستفوز في النهايه كان اهلنا الخواجات احتكموا لضميرهم ولو كمان ثفي علي السوداوين ده يكون يوم المنى وحينها ستفوز اما الكمنجه امبر آو الكنترباص كانديس وكلو عند السمر صابون ههه لكن بكره الغنا حيكون جد وحار
Post: #85 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-24-2013, 00:19 AM Parent: #84
قالوا يا أستاذ في اليومين الفاتو ديل مواسير الدولار كبت عليهن ال 4 . عقودات من كل الاتجاهات . البلد دي عجيبة لحظة تدفق عليك . ياخ المليون زي الطرادة .
Post: #86 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-24-2013, 00:22 AM Parent: #85
نحن لينا الله ههههههه عشان كده اميركا عظيمه
Post: #87 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-25-2013, 02:59 AM Parent: #86
الليلة أنجي موية نار يا أستاذ بس برضو أمبر خترية . نشوف باكر
Post: #88 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-25-2013, 04:12 AM Parent: #87
Quote: الليلة أنجي موية نار يا أستاذ بس برضو أمبر خترية . نشوف باكر
كلامك صاح ياعثمان انجى وامبر اليوم في القمه وبرغم ان كانديس هي الصوت الرويان فيهن الا انها عندها مشكلة اختيار وانا خايف على امبر من الشكر الكتير بتاع الحكام بيجيب ليها الجلا لكن الليله اديتها ليك 800 صوت ههههه وما تقول لي كيف حرفنه كده واضح من ميل الحكام انها الوحيده التي سينقذها الحكام لو اتنفضت وربما كانديس ايضا
Post: #89 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: الباقر ابوبكر ابراهيم Date: 04-25-2013, 04:16 AM Parent: #28
جاهزين
Post: #90 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-25-2013, 04:20 AM Parent: #89
الباقر لو انت مقيم باميركا وعندك حساب في الفيس بوك آو تويتر خش الموقع هسع وادي لينا بتنا امبر دي 50 صوت americanidol.com Then you will find vote click it and click her picture Amber Holocumb and you have 50 time voting just by clicking the + 50 times
Post: #91 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 04-26-2013, 01:30 AM Parent: #90
الحق يا أستاذ يوسف . جد الليلة خايف علي أمبر بعد كلام جيمي . ربك يهون ..
Post: #92 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 04-26-2013, 02:06 AM Parent: #91
امك البيض دوروا ههه امبر وكانديس مرقوا منها لان الحكام لم يستعملوا في المرات السابقه كرت الانقاذ فتم تآجيل النتيجه واصافتها للاسبوع القادم الله يستر عليهما عموما البنوت اشتهرن وماعندهن تعطيل تاني بس كنا عايزين واحده منهما تكون في النهائي تسلم ياعثمان ----------------- لو كان لي في الامر يدي لنصحت امبر وكانديس آولا على آمبر الا تختار الاغنيات التي ترضي الموسيقيين آعني الحكام وعليها اختيار الاغنيات التي ترضي الجمهور اما كانديس فعليها العكس آن تختار الاغنيات التي تتناسب مع صوتها العريض اها ده كان حصل ممكن نراهما مع بعض في الفاينال
Post: #93 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-02-2013, 10:52 AM Parent: #92
Quote: لو كان لي في الامر يد لنصحت امبر وكانديس آولا على آمبر الا تختار الاغنيات التي ترضي الموسيقيين آعني الحكام وعليها اختيار الاغنيات التي ترضي الجمهور اما كانديس فعليها العكس آن تختار الاغنيات التي تتناسب مع صوتها العريض اها ده كان حصل ممكن نراهما مع بعض في الفاينال
بالامس نجحت كانديس اختيارا واداءا فيما فشلت فيه امبر اولا للمرة الرابعه امبر اختارت اغنيه غايه في الصعوبة من الناحية اللحنيه ففيها ابعاد صعبة مثل الهبوط الى بعد السابعه ثانيا كررت آغنيه غنتها ولم تغنها بجودة المرة الاولى ويبدو آن الكلام الهارش للموسيقي الذي احضروه للنصح اثر في نفسياتها وده راجل ماعندو اتيكيت ولا مخ التهاني لكانديس وتمنياتنا بالتوفيق لامبر والاخريات لازلت امل ان تتجاوز امبر هذه المحنة فان استطاعت الفوز لتكون من الاحصنة الثلاث فانها ربما تفوز بالاميركان ايدول
Post: #94 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-03-2013, 02:05 AM Parent: #93
الليله ودعت امبر المنافسه وصعد الثلاثه الذين آدوا بشكل افضل الحلقة السابقه واعتقد آن اميركا كانت عادله ماعدا شخصي الذي لم يتواني في اعطاء كل الاصوات لها برغم زعلي منها المهم في الامر آن توقعاتي لها كنجمه بانها سوف تكون الاكثر انتشارا من الباقيات نحييها ونتمنى لكانديس الفوز واصواتي القادمه لها بلا شك
Post: #95 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 05-03-2013, 02:06 AM Parent: #93
والله جد حزين معليش يا أستاذ بس برضو كانت زي اللمبة . وباكر حتناهل عليها العروض .. أمبر سمع وشوف يا أستاذ .
Post: #96 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-03-2013, 02:30 AM Parent: #95
Quote: والله جد حزين معليش يا أستاذ بس برضو كانت زي اللمبة . وباكر حتناهل عليها العروض .. أمبر سمع وشوف يا أستاذ .and#195;and#211;and#202;and#199;and#208; .
انا حزنان لكن كمان في النهايه واحده بس حتفوز لذا فان اختيار الاغنيات بطريقه صحيحه حسب المرحله مساله مهمه جدا يعني لو كانت اختارت واحده من كلاسيكيات ويتني كان لمعت اكثر المهم لما الواحده توصل المرحله دي دربها مرق الحكايه حتصفي على انجي وكانديس ما لم تحدث مفاجآة بيضاء الاسبوع القادم كل الود
Post: #97 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Nagat Sid Ahmed Elshiekh Date: 05-03-2013, 03:17 AM Parent: #96
Quote: ونتمنى لكانديس الفوز واصواتي القادمه لها بلا شك
وهو كذلك تمنياتنا وأصواتنا لكانديس ..
Quote: الحكايه حتصفي على انجي وكانديس ما لم تحدث مفاجآة بيضاء الاسبوع القادم
الله يستر يا استاذ وربما توقعاتك تكون حقيقة كما في السنين الفاتت كنت من المعجبين بصوت الشاب Joshua وقد راح مثل آمبر.
Post: #98 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-03-2013, 10:28 AM Parent: #97
Quote: الله يستر يا استاذ وربما توقعاتك تكون حقيقة كما في السنين الفاتت كنت من المعجبين بصوت الشاب Joshua وقد راح مثل آمبر.
صدقتي يانجاة والله جوشوا ده اخوه ما جا في البرنامج ده كلو كلو يعني هسع تكساس البيضاء ولايه امبر دي كان صوتت ليها بالكامل كانت فازت اتمنى فوز كانديس ولكن آنجي دي مع عزفها العجيب للبيانو مع الحاجات الاثنيه غالبا تفوزها وربك يستر اما من ناحية الغنا فكانديس كانديس
Post: #99 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-08-2013, 09:19 PM Parent: #98
خلاص نحن حولنا المؤشر الى The Voice الاولاد البغنو فيه لو كانو جو في اميركان ايدول كان قلبو السحر على الساحر وكمان البنات "نستثنى امبر وكانديس"
Post: #100 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-08-2013, 09:36 PM Parent: #99
Post: #101 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 05-08-2013, 10:17 PM Parent: #100
وينك يا أستاذ ؟ ياخ دي أيام تفوت فيها ؟ آمبر اليومين ديل هي ضيفة عموم البرامج .. أكيد الزولة حتنجح في درب الفنون أكيد . أهو منتظرين اليوم . البيانو موت يا أستاذ
Post: #102 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 05-09-2013, 03:05 AM Parent: #101
Post: #103 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 05-10-2013, 01:56 AM Parent: #102
ألف مبروك
Post: #104 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-10-2013, 11:56 AM Parent: #103
ياسلام ياعثمان كانديس تتقدم الصفوف بقوه وبعد خروج آنجي "الفرونت ونر" المفاجئ فان فوز كانديس اصبح شبه مضمون
Post: #105 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Elmosley Date: 05-17-2013, 01:18 PM Parent: #104
برغم اشغالي بحفل كندا وندوتها الا أن فوز كانجيس قد أسعدني جدا ياسلام ياخ
Post: #106 Title: Re: الحقونا من الغنا السمح ياعثمان موسي آمبر وكانديس ياساتر لا حول Author: Osman Musa Date: 05-17-2013, 01:31 PM Parent: #105
سلامات يا أستاذ ياخ الفرحة عمت البحر والبر . شايف يا أستاذ ؟ ياهو كلامي الزمان من بدايات البوست عن حبيبة الأمة كانديس . ياخ يوم أمس كان أجمل يوم في تاريخ التلفزيون الامريكي ياخ ده كان مونديال ضخم وعجيب . شوف كمية المطربين الحاضرين . يا سلام