--------------- خوفي علي السودان من جهوية الشهداء من جهوية الأحزان ومن جهوية الوجدان نيالا الآن جميعاً ....حثما كنا نكونُ الآن هنالكَ حولَ من سقطوا من الشهداءِ والجرحي نيالا الآن وليس غداً نمدُ مع الهتافِ يداً ونخرجُ من شعابِ الإرضٍ قاطبةً لتسقطَ دولةُ الطغيان هنا الخرطوم هنا بحري هنا أمدرمان نيالا الآن...نيالا الآن ...نيالا الآن
Post: #10 Title: Re: حتى محجوب شريف بقى داير يلحق السوق .. فتأمل! Author: عمر صديق Date: 08-01-2012, 02:36 PM Parent: #8
يا جماعة نطلب قصيدة ( وبيك يامايو يا سيف الفدا المسلول نشق اعدانا عرض وطول .............
وسنظل نرفع قصائد هم خلوها
فوق السارية منسية وعشان يبنو اشتراكية
ولن ننسي
ياحارسنا وفارسنا
Post: #9 Title: Re: حتى محجوب شريف بقى داير يلحق السوق .. فتأمل! Author: احمد الأمين على إدريس Date: 08-01-2012, 02:32 PM Parent: #5
Quote: لكأنها من تأليف فخري أو ذاكر سعيد
صراحة ووضوح وجرأة وممكن توزع منهم برااااحة
بس المزاجية بإفراط ..!!
غايتو رب ضارة نافعة مطبقة معانا فى حالة توقيف التيار حيث تفرغ حسين ملاسى لابراز مواهب عدة فى اكثر من مجال منها النقد الشعرى كما فى هذا البوست وايضاً الرجل صال وجال اثناء الثورة والاحتجاجات حتى وصف بانه قاد جمعة الكهرباء لوحده ولا يزال مواصلاً فى الكهرباء حتى حسبته دينا خالد كهربائى (والمقصود يعمل بالكهرباء وليس المهنة ) :)
حسين العفو ياخ وليك كل الاحترام والتقدير وكل سنة وانت طيب
Post: #19 Title: Re: حتى محجوب شريف بقى داير يلحق السوق .. فتأمل! Author: عمر صديق Date: 08-01-2012, 03:27 PM Parent: #13
معتصم انت اظنك شيوعي لانك تحاول تغبيش الرؤي
وان كنت كذلك فما عليك ملامة
لانني لم ازيد في ان نقلت ابيات للشاعر محجوب شريف
وحينها كان ابناء السودان يقتلهم الشيوعيين بالالاف في ودنوباوي والجزيرة ابا وبيت الضيافة
وكانت هتافاتكم
لاتحفظ بل اعدام
والحسم الثوري واجب وطني
وكان غناءكم ان نشنق ان نقتل اسهل من القاء تحية
Post: #16 Title: Re: حتى محجوب شريف بقى داير يلحق السوق .. فتأمل! Author: هشام عباس Date: 08-01-2012, 02:53 PM Parent: #12
يا اخى الله يرحم والديك يعنى انت شايف الكارثة دى مجرد سوق الناس تتنافس للظهور فيه ؟؟ لهذه الدرجة مات فيك الضمير وفقدت الاحساس بالبشر وبارواح الناس ؟؟ وهل تظن ان محجوب شريف التاريخ والقامة هو الرجل الذى يبحث عن سوق بعد كل حصاد السنوات والتجارب والمواقف هذه ؟؟ وحتى ان فرضنا ان لك رايى فى قوة القصيدة نفسها هل الاهم هو تعبير محجوب شريف عن المه وفجيعة وطنه ام سلاسة الكلمة وقوة المعانى والموسيقى ؟؟؟ يا اخى ورب الكعبة تعرف الكارثة شنو ؟؟ الكارثة ان يكون محجوب شريف سودانى وانت وامثال عمر صديق سودانيين اتفووو عليها بلد
Post: #15 Title: Re: حتى محجوب شريف بقى داير يلحق السوق .. فتأمل! Author: وائل عبدالخالق مالك Date: 08-01-2012, 02:49 PM Parent: #1
Quote: "محجوب شريف - نيالا الآن
--------------- خوفي علي السودان من جهوية الشهداء من جهوية الأحزان ومن جهوية الوجدان نيالا الآن جميعاً ....حثما كنا نكونُ الآن هنالكَ حولَ من سقطوا من الشهداءِ والجرحي نيالا الآن وليس غداً نمدُ مع الهتافِ يداً ونخرجُ من شعابِ الإرضٍ قاطبةً لتسقطَ دولةُ الطغيان هنا الخرطوم هنا بحري هنا أمدرمان نيالا الآن...نيالا الآن ...نيالا الآن
-------------- محجوب شريف"
ٍ
محجوب شريف وبوصفه شاعر وانسان قبل كل شىء حركته احداث شعب السودان بنيالا واراد ان يعبر عنها بطريقته الخاصة رجل ومواطن وشاعر وانسان اسمه محجوب شريف تضامن مع دماء الاطفال والطلاب والابرياء من ابناء السودان ونساءه فى نيالا ورغم وجعه وألمه الذى مؤكد انه احس به مثلنا جميعاً الا ان هذا لم يلغى عنه صوت العقل والمنطق فجاء ليذكرنا ويقول : خوفي علي السودان من جهوية الشهداء من جهوية الأحزان ومن جهوية الوجدان نيالا الآن الرجل هناك لا يكتب شعراً فقط وانما لو كنتم تفهمون هو يصوغ موقف ويعبر عن مبدأ سياسى واجتماعى لا ينفصل عن مجمل الصورة التى تمر بها البلاد ونيالا تحديداً
هذا هو موقف ورؤية وتضامن محجوب شريف الذى استطاع اليه سبيلا يوم الاحداث له خالص التحية وكل المجد والود والخلود رغم ما يمر به من مرض وكبر ووهن ...
الآن ما هو موقف المدعو ملاسى ومن شايع موقفه البغيض هذا ؟؟؟ ماهو موقفك انت ومن معك من احداث نيالا ودماء ابناءها وبناتها المستباحة برصاص الشرطة والامن والرباطة ؟؟؟ ماهو موقفك انت ومن معك من حكومة تمتهن الفساد والنفاق والقتل والاغتصاب ؟؟؟
أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار.
Post: #20 Title: Re: حتى محجوب شريف بقى داير يلحق السوق .. فتأمل! Author: منتصر عبد الباسط Date: 08-01-2012, 03:54 PM Parent: #18
Quote: ولن ننسي
ياحارسنا وفارسنا
نميري فعلاً كان حارس وفارس ولم يكذب الشاعر حينما قال حتى ولو غير موقفه لاحقاً وتغير المواقف في الحكم على الاشخاص ليس عيباً في ذاته . وفي ذات الوقت لا تعيب الشخص الذي كانت تجاهه هذه الواقف فهذا الموقف لا يسلب صدقية الموقفين الاول ولا الثاني فقد يكون صادقاً في الموقف الاول ثم الثاني ... تغيير المواقف محمود بل مطلوب الذي لا يتغير في مواقفه هو مثل الحجر داخل الكهوف المنقوش عليه بعبارات منذ آلاف السنين لا تلج اليها لا شمس ولا رياح لتغيرها ... أما البشر الذين يملكون عقولاً يدركون بها وضمير حي وقلوب تنبض بالحياة ...لابد أن يكون لهم في كل حدث موقف فالمبادي ثابتة ولكن الاحداث متغيرة فالمواقف تتغير بتغير الأحداث مع ثبات المبادي والمواقف تثبت ولا تتغير بتغير الأحداث مع تغير المبادي الحجل بالرجل ...وهذا الثبات هو التبعية المطلقة مع بيع الضمير وهو (أنا معك على كل حال فلابد أني لا أرى لا أسمع لا أتكلم )
Post: #22 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-01-2012, 04:17 PM Parent: #20
ان يتأدب حسين ملاسي امام تجربة حياتية من الطراز الانسانى الرفيع كمحجوب شريف .. فذلك ما لا يؤمل فيه .. وأما رؤيته لقصيدة محجوب شريف فمخير هو فيها يري ما يشاء .. وأما أن يري إنو المسألة سوق, فذلك إنحطاط معلوم عنه.. تمام زى انحطاط زول زى عمر صديق فى مقام الناس هذا ..
Post: #23 Title: Re: حتى محجوب شريف بقى داير يلحق السوق .. فتأمل! Author: عمر صديق Date: 08-01-2012, 04:24 PM Parent: #22
Quote: ان يتأدب حسين ملاسي امام تجربة حياتية من الطراز الانسانى الرفيع كمحجوب شريف .. فذلك ما لا يؤمل فيه .. وأما رؤيته لقصيدة محجوب شريف فمخير هو فيها يري ما يشاء .. وأما أن يري إنو المسألة سوق, فذلك إنحطاط معلوم عنه.. تمام زى انحطاط زول زى عمر صديق فى مقام الناس هذا ..
اللهم اني صائم
وان الاساءة حينما تاتي من اشباه الشيوعين مثلك فهي مفخرة لنا
Post: #21 Title: Re: حتى محجوب شريف بقى داير يلحق السوق .. فتأمل! Author: محمد إبراهيم علي Date: 08-01-2012, 04:07 PM Parent: #18
ما سمي بقصيدة لا ترقى لمستوى ان تكون قصيدة لمحجوب شريف يمكن ان نعتبرها بيانا سياسيا يعبر عن موقف محجوب شريف او خواطر تعبر عن صدمته في ما حصل في نيالا لكن قصيدة فلا والف لا
Post: #24 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-01-2012, 04:25 PM Parent: #21
باشمهندس محمد ابراهيم على .. تحياتى واحترامى ..
المسألة ليست فى القصيدة ومحتواها الفنى يا محمد .. المسالة فى لحقان السوق .. فالمحتوى الفنى يتفق الناس حوله ويختلفون ولكن .. مين الادى واحد زى ملاسي الحق فى الحكم على زول زى محجوب شريف انو داير يلحق السوق .. الكلام ده اعوج شديد .. والله الذى لا اله الا هو ذلك أتفه من أن يرد فى خاطر أتفه الخلق .. محجوب لو كانت المسألة عندو سوق ما كان كتب عن جهوية الاحزان ..
Post: #25 Title: Re: حتى محجوب شريف بقى داير يلحق السوق .. فتأمل! Author: ناصر المحسى Date: 08-01-2012, 04:36 PM Parent: #24
Quote: اللهم اني صائم
وان الاساءة حينما تاتي من اشباه الشيوعين مثلك فهي مفخرة لنا
تصومو فى جحيم انت وصاحب البوست
انتو منو عشان تتكلمو على محجوب
يا انصاص الرجال
Post: #26 Title: Re: حتى محجوب شريف بقى داير يلحق السوق .. فتأمل! Author: عوض محمد احمد Date: 08-01-2012, 04:40 PM Parent: #24
عمر صديق حكومتك كاتلة للتو 12 شابا اقلاهم عمرو 20 سنة لم نقرا لك ادانة لهذه الجريمة و جاى بكل برود و قوة عين تتكلم عن قصيدة (لاحظ قصيدة مش كلاشنكوف) لا تملك اى مسوق اخلاقى للحديث عن قصيدة الجزولى او حتى عن جرائم الحجاج بن يوسف و انت جزء من منظومة قتلت و تقتل عشرات الالاف من شعبنا منذ اكثر من عشرين عاما قليلا من الحياء و الاتساق مع النفس فما كتبته اقرب للمثل السودانى عن الشايلة الموس و ..........
Post: #27 Title: Re: حتى محجوب شريف بقى داير يلحق السوق .. فتأمل! Author: عمر صديق Date: 08-01-2012, 04:52 PM Parent: #26
Quote: عمر صديق حكومتك كاتلة للتو 12 شابا اقلاهم عمرو 20 سنة لم نقرا لك ادانة لهذه الجريمة و جاى بكل برود و قوة عين تتكلم عن قصيدة (لاحظ قصيدة مش كلاشنكوف) لا تملك اى مسوق اخلاقى للحديث عن قصيدة الجزولى او حتى عن جرائم الحجاج بن يوسف و انت جزء من منظومة قتلت و تقتل عشرات الالاف من شعبنا منذ اكثر من عشرين عاما قليلا من الحياء و الاتساق مع النفس فما كتبته اقرب للمثل السودانى عن الشايلة الموس
يابروف بل ذلك اقرب لمنطقكم انتم ويصدق عليكم المثل (رمتني بداءها وانسلت ) وان كانت ادانتي للامر ليس محلها هنا ولكن لدي بوست حول احداث نيالا ولااظنك اطلعت عليه بل اخذتني بسؤ الظن المعهود عندكم واما تحدثي عن قصيدة فلماذا اغضبكم؟ وجعلكم تفقدون صوابكم ؟ اليس هي قصائد لشعراء شيوعيين؟ ام انها تتبع لنا في المؤتمر الوطني مالكم كيف تحكمون؟
Post: #28 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-01-2012, 04:53 PM Parent: #24
كل يوم في هذا المنبر يستهجون تقديس الاحزاب الطائفية لرموزها ويقدسون هم رموزهم
وهل محجوب شريف اكبر من ان يقال رائي فيه او في قصيدته ؟!
ما كل يوم في هذا المنبر تكتب اراء في الصادق والترابي والميرغني ومعيط وزعيط
اشمعنى ؟!
وفعلا القصيد لاها في مستوى مجوب شريف ولا ها في مستوى نيالا ولا ها في مستوى الحدث الكبير
محجوب عودنا انه يكتب في مواظيع اصغر من هذه كلام مذهل القصيدة حسب رائي الشخصي ان اعجب الناس او لم يعجبهم ضعيفة وكتبت على عجل
واحمد الله ربي الذي خلقني ... ولم يجعلني كوز معفن سارق لقوت الشعب وقاتل لابناء الشعب ... الحمد لله
Post: #32 Title: Re: حتى محجوب شريف بقى داير يلحق السوق .. فتأمل! Author: عمر عبد الله فضل المولى Date: 08-01-2012, 05:44 PM Parent: #29
Quote: أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار.
هشام هباني يا ابن العم لك التحية
Post: #33 Title: Re: حتى محجوب شريف بقى داير يلحق السوق .. فتأمل! Author: عبدالعزيز حسين عبدالرحيم Date: 08-01-2012, 05:52 PM Parent: #32
إبتسامة (ما) حاولت مداراتها وإعجاب شديد (علني) بالسخ الحصل لي ملاسي في البوست دا لكن القصيدة دون المستوى للاسف وكتبت على عجل وماغلطة محجوب بل الغلطة غلطة ناشرها قصائد وأشعار محجوب شريف وخاصة ياحارسنا وفارسنا تستحق التعليق على أستار الكعبة وهي قطع شعرية في منتهى الفن والجمال وأحسن من صور من الشعراء السودانيين بس هو ما مطالب باصدار قصيدة في كل موقف شخصيا ولاحتفظ بالجميل من شعره في ذاكرتي بطلت أسمع أو أقرأ لمحجوب شريف الحالي
أدين وفي العلن برضو ولاول مرة حكاية إنكشارية وبقايا مبالغة فعلا مبالغة
Post: #41 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-01-2012, 07:59 PM Parent: #40
ويظن شيء كعمر صديق اننى أسيئه !!
المهم .. "ليس هناك أحد فوق النقد" الجماعة رددوها بحكمة إفريقية تتجاوز روحانية الشهر الكريم الفوقنا ده !! .. الف مبروك والله .. وهو رمضان عجيب هذا الذى يفك فيه أسر من هم كتبارك .. حمدا لله على السلامة يا رجل يا رافض .. وتعال بالله ورينا منو الادى ملاسى حقوق تسجيل وبث حالة انفعال محجوب شريف بالحدث .. اما وقد دار محور سؤالك حول منو الادانى الحق اقول انو الكلام ده أعوج .. فهو عوج الكلام ذاتو ( حتى محجوب شريف بقى داير يلحق السوق ) الا لو كان ملاسي هذا الها يعلم مافى الانفس وما تخفى الصدور .. الامر الذى لم ازود به بعد ..
Post: #43 Title: Re: حتى محجوب شريف بقى داير يلحق السوق .. فتأمل! Author: عمر صديق Date: 08-01-2012, 08:27 PM Parent: #41
Quote: ويظن شيء كعمر صديق اننى أسيئه !!
اما وانك وصلت هذا الحد فلزام علي ان اتعامل معك منذ الان كلاشئ !!!!!!!!!!!
لحـقت السـوق فتجمع شـاقي الجيوب و لاطمي الخدود وهم مغيبون في كهوفهم
ينالون من محجوب , رأيك كان عن الاسـتعجال وضعـف القصـيدة فوجدوها فرصة للتقليل منه
و انتزاع لقب شـاعر الشـعب منه و هم يبكون دون ان يغرفوا على ماذا
المهم سـيرة و انفتحت
و اظن انه قـد جانبك الصواب في سـبب الاسـتعجال فليس محجوب من يفكـر في السـوق ايا كان
و لا اظنك قد شــققت قلبه فعرفت مقصـده
و يظـل محجوب شـاعرا للشــعب و إن ضاق القتلة بذلك
Post: #44 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-01-2012, 08:39 PM Parent: #42
تبارك ..
ياخى انا لم أقل ابدا انو حسين ملاسي أعوج .. لم أقلها ولا أضمرها .. فاذا صوبت الموضوع ده اكون من الشاكرين .. ولقد نبهناك فلا تنسي يا زول .. عشان نواصل معاك على ميه بيضه زى ما بقولو اخوانا المصريين ..
حتى خلته سيختم القصيدة ب: "فالذكرى ناقوس يدق في عالم النسيان"!
Post: #47 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-01-2012, 09:05 PM Parent: #44
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار. )
غير السمحة راوية بت العباسي .. لم بفتح الله على احد ان يدين الهجوم الشخصي والمباشر والمتعدي لحسين ملاسي الى مجموعة مقدرة من السودانيين
كان يمكنك أن تنتقد النص من حيث البناء والتعبير والسهولة الممتنعة التي عودنا عليها محجوب وهنا قد يختلف أو يتفق البعض معك أما أن تتحدث عن (لحقان) محجوب (الأشرف)للسوق فهذه ليس من شيم الذي كاد أن يكون نبيا محجوب شريف أخطأت خطأ جسيما محجوب إن كان من أهل السوق وهم كثر في سوق زلعة الابداع السوداني لكان أغنى أغنياء المبدعين نسبة للتهافت الكثيف المنحدر عليه منذ وصول هذا النظام الدكتاتوري الى سدة الحكم
Post: #48 Title: Re: حتى محجوب شريف بقى داير يلحق السوق .. فتأمل! Author: ابن النخيل Date: 08-01-2012, 09:17 PM Parent: #46
القصيدة ضعيفة نعم... لكن ملاسى خانو التعبير
تحياتى
Post: #50 Title: Re: حتى محجوب شريف بقى داير يلحق السوق .. فتأمل! Author: حمد عبد الغفار عمر Date: 08-01-2012, 09:29 PM Parent: #48
حسين ملاسي حيقعد يورم في فشفاش الناس كدا بس
نادوا ليهو لنا مهدي
هي الوحيدة الختتو في علبو وورمت ليهو فشفاشو
Post: #49 Title: Re: حتى محجوب شريف بقى داير يلحق السوق .. فتأمل! Author: salah ismail Date: 08-01-2012, 09:29 PM Parent: #46
== الشعر...ومحجوب شريف..التقاء ابدي... ===================================== الظل..لايبحث عن احد ولا يتألم من اقدام العابرين...فوقه الي الابد... كن ظلاً...كما تشاء... فلن يهم قرب الظل من سيده... ولن يضيره شيئا...اذا ابتعد... ======== الفرق...شاسع...بين من يصنع الحدث ...وبين من لا يستطيع ان يكون... الا شاهدا....اذا انحني سيده...لوهلة... رأيته...سجد... 08/01/2012
Post: #51 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-01-2012, 09:43 PM Parent: #49
Quote: تبارك ..
ياخى انا لم أقل ابدا انو حسين ملاسي أعوج .. لم أقلها ولا أضمرها .. فاذا صوبت الموضوع ده اكون من الشاكرين .. ولقد نبهناك فلا تنسي يا زول .. عشان نواصل معاك على ميه بيضه زى ما بقولو اخوانا المصريين ..
رضوخًا عند تهديد الأخ محمد المشرف بالمياه السوداء ... نصحح:
لم يقل أحد أن تبارك شيخ الدين مضحك
كما لم يقل أحد أن محمد حيدر المشرف متناقض
وأيضًا لم يقل أحد أن حسين ملاسي أعوج
الله يخلّي لينا "المية البيضه" ...
... المهم ....
Post: #52 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-01-2012, 09:49 PM Parent: #51
Quote: وهو رمضان عجيب هذا الذى يفك فيه أسر من هم كتبارك ..
ربما يكون الله أيضًا "داير يلحق السوق" يا مشرف ... أفلا تتأملون؟
فذكّر ... فإن الذكرى ناقوس يدق في عالم النسيان ..
... المهم ....
Post: #53 Title: Re: حتى محجوب شريف بقى داير يلحق السوق .. فتأمل! Author: Salah Abdulla Date: 08-01-2012, 10:02 PM Parent: #52
القصيدة ضعيفة ، ولا ترقى لمستوى أعمال الأستاذ محجوب شريف.. ده رأيي، ورأي ناس تانيين ، المشكلة شنو يعني ؟؟ قد تحمل القصيدة الكثير جداً من المعاني السامية ولكن هذا لا ينفي ضعفها من حيث الصياغة والبنيان.. يمكن يكون حسين خانو التعبير في قصة لحقان السوق ولكن هذا لا يغير من أمر القصيدة في شئ!!
أربأ بالأخ هشام هباني الإنسياق وراء هذه النبرة العنصرية المقيتة..
Post: #54 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-01-2012, 10:03 PM Parent: #52
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار. )
حتى الان لم يفتح الله على احد من الذين اقاموا الدنيا ولم يقعدوها على ملاسي ان يدينو ادانة خجولة لهذا الكلام البغيض المنقول عاليه الموجة لملاسي واسرته واقربائه واقرباء اقربائه
اما "نيالا الآن .. نيالا الآن .. نيالا الآن" فأقرب ل"إلى الأمام .. إلى الأمام .. إلى الأمام .. ثورة .. ثورة .. ثورة"!
Post: #57 Title: Re: حتى محجوب شريف بقى داير يلحق السوق .. فتأمل! Author: الرفاعي عبدالعاطي حجر Date: 08-01-2012, 10:37 PM Parent: #54
Quote: صدقت يا ملاسي
أمس من قريت الهراء بتاعه دا قعدت اضحك
محجوب شريف اوضح انه متملق عاوز يخت طوبته من الأول
سبحان الله والله من مصائب المنبر على الحروف ان يكتب مقابل المشرف امثال عبدالعزيز بجد سبحان الله ( تالتن بالله شوف ليك حاجة غير الكتابة فأنت غير مؤهل نصيحة لوجه الله ..... يااخي من الصدق مع النفس ان تقول لا اعلم فهي موجزة .
............................................
تعالوا نقرأ معاً ما كتب إله الشعر البسيط الشريف / محجوب شريف
"محجوب شريف - نيالا الآن
--------------- خوفي علي السودان من جهوية الشهداء من جهوية الأحزان ومن جهوية الوجدان نيالا الآن جميعاً ....حيثما كنا نكونُ الآن هنالكَ حولَ من سقطوا من الشهداءِ والجرحي نيالا الآن وليس غداً نمدُ مع الهتافِ يداً ونخرجُ من شعابِ الإرضٍ قاطبةً لتسقطَ دولةُ الطغيان هنا الخرطوم هنا بحري هنا أمدرمان نيالا الآن...نيالا الآن ...نيالا الآن
-------------- محجوب شريف" خوف من جهوية الاحزان والشهداء وجهوية الوجدان ( ما اعظمه من خوف ) دعوة للإلتفاف حول انه دم سوداني واحد لا ينتمي إلا لارض السودان والسودانوية ( فما اعظم الانتماء لو نعلم فهو يوحدنا بلا ادنى شك والوحدة حول الوطن والاعتزاز بالسودانوية اعظم من اي جهة اودين او وجد آخر ) فما انبلها من دعوة بسيطة لزول علمنا معنى البساطة فلنمد يداً ولنخرج من شعاب الارض قاطبةً كلنا اجمعين ونهتف لم يقل لنحمل السلاح فلنهتف ضد دولة الطغيان فما اعظمها دعوة لنبي الشعر ولنهتف هنا ام درمان , هنا بحري هنا نيالا هنا الديم هنا السودان يوحدنا ........ ارى ان محجوب هو محجوب وشريف وعظيم يحفظه الله ويعافيه فهو وجدان شعبنا واحساس جيلنا فله التحية . برغ ما يعاني يشعر بهموم شعبه ولص كافوري يقتل في ابناء شعبه اليافعين من دون ال20.
ملاسينا (الصغير) بيكون قاصد "سوق أُم دفَسُو" بـ نجالا!
شاعر الشعب إنسان مرهف ينفعل مع شعبنا ويتألم للموت الموجه.. والصمت عنه
هو يخطئ ويصيب.. وهذى سنة الحياة
ولكنه يتراجع عن أخطائه.. ويصححها وهذة شيمة يفتقدها حسين وعمر!
وأحسب أن عمدتنا االهباني .. مثله مثل محجوبنا الشريف
______________
أتفق مع الباشمهندس أبوحميد في أنها بيان عام للعالمين
Post: #61 Title: Re: حتى محجوب شريف بقى داير يلحق السوق .. فتأمل! Author: عبدالعزيز حسين عبدالرحيم Date: 08-02-2012, 06:02 AM Parent: #59
Quote: السوق ياتو؟
سوق الكرور والخرد الممكن يبيع فيه الهراء دا بي لقب شاعر الشعب أو أديب المرحله أو مفكر العصر
وممكن برضه يكسب جائزة مجامله زي حقت الطيب صالح
Post: #62 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-02-2012, 08:13 AM Parent: #61
تبارك ..
يعنى مثلا "الزول ده متناقض " كجملة .. هى جملة ما بطاله,, ويمكن تكون جيدة عند بعض المقيمين فى ده السوق ..
"الزول ده مضحك " شوية مزعجه وبحسب المقام .. ويفضل نسبتها للكلام.. كلام محمد حيدر .. كلام الله .. كلام عباس الخ او كمان تنسبها لى نفسك -ظرافة منك ولطفا- كقولك "تبارك ده مضحك" وذلك ما جاء فى الشرح البسيط اللاحق ..
"الزول ده أعوج " الجملة دى تحديدا .. لم أقلها ولا أضمرها نحو الاخ حسين ملاسي..
Post: #63 Title: Re: حتى محجوب شريف بقى داير يلحق السوق .. فتأمل! Author: عاطف مكاوى Date: 08-02-2012, 08:34 AM Parent: #62
أولاً : هل قال الشريف محجوب شريف ... أن هذه قصيدة جديدة ؟ ... وبالتالي بعث بها للصُحف والمجلات والمطابع؟ ثانياً : هل فعلاً الشريف محجوب شريف من الذين يبيعون أنفسهم لمن يدفع أكثر أو من الذين يعملون (للحاق بالشهرة) بإعتبار أنه يفتقدها؟ ثالثاً : ألا يرى صاحب البوست بأن عنوان بوسته يُصنفه ضمن الذين يتربصون لإغتيال شخصيات الذين من الصعب أن تُغتال شخصياتهم؟ رابعاً : ألا يكفي محجوباً شُهرة .. منذ أن كتب (يا حارسنا وفارسنا) وعمره ساعتئذ ١٧ عاما حتي يومنا هذا ليبحث عنها في كلمات لا تذيد عن (٢٠ كلمة) خامساً : أليس لوضع شاعر الشعب الصحي الذى عاني ويُعاني منه بسبب المعتقلات وإنحيازه لجانب جماهير شعبه أى إعتبار عندما يتناوله البعض بالخير والشر؟
Post: #64 Title: Re: حتى محجوب شريف بقى داير يلحق السوق .. فتأمل! Author: على ميرغني Date: 08-02-2012, 10:01 AM Parent: #63
تماما مثل ما فعلت العرب مع رباعيات الخيّام تركت ما كتبه في العلوم والرياضيات واهتمت برباعيات الشعر التي خطها في الهامش محجوب شريف قصد التنبيه الى الخطر الاكبر الجهوية في تسمية الشهداء والاحزان (الموت) وهي لمن ارجع البصر كرتين واضحة وضوح الشمس محجوب شريف يحذر من تحول الوضع الى القتل على الهوية تكون قصيدة ضعيفة (وهي غير ذلك) فليس هذا المهم المهم ان نرى ما بعد مقتل طلبة نيالا أليست هي الصوملة بعينها
Post: #65 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-02-2012, 10:06 AM Parent: #64
يتحدثون ويشرحون القصيد وما فيها وانها تتحدث عن الجهوية والعنصرية وووواااااااااااااااااااا ورررووووووووك
ويتهمون حسين ملاسي بقصر النصر وعدم التعمق ورؤيته للمعاني الكبيرة التي قصدها الشاعر محجوب
ثم
بعد كل هذه المحاضرات .. تجاوزا هذا الكلام العنصر المباشر الموجه لحسين ملاسي في نفس البوست
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار. )
ده يسوه شنو ده
Post: #66 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-02-2012, 01:15 PM Parent: #65
القصيد يدافعون عنها بحجة انها تتحدث عن مفاهيم كبير
ضد العنصرية ضد الجهوية
ضد وضد
وعندما يحدث تحيز جهوي وعنصري في نفس البوست
يصمتون ؟
بت ال###### الشعيرية
Post: #67 Title: Re: حتى محجوب شريف بقى داير يلحق السوق .. فتأمل! Author: mustafa mudathir Date: 08-02-2012, 01:20 PM Parent: #65
الأخ حسين ملاسي محجوب في ألمانيا الآن يتعالج من مرض مزمن في رئيتيه. رئتاه تعملان بربع كفائتهما. من سريره، وعبر الهاتف، أرسل هتافاً لثوار نيالا. هذه القصيدة هي مساهمته في اللحظة. ليس هناك حجم أو مقاس للقصيدة ومحجوب لا يكتب لتصابوا أنتم بالتخمة المجانية! أكثر ما يغضب محجوب ومن يعرفونه (وأناعديله وصديقه ومن معجبيه) أكثر ما يغضبه أن يأتي اسمه في اي جملة مفيدة مشتملة على كلمة سوق. محجوب يمقت السوق ولن يلحق أي سوق ما دام حياً! والقصيدة عكس ما قال الباشمهندس وأيده آخرون قصيرة ولكنها ليست ضعيفة شعرياً وموزونة لم يعرف كيف يقرأ الشعر. ومن يرى غير ذلك فيلقرأها مشكولة لأنها مكتوبة بالعربي الفصيح. محجوب لا ينطق عن الهوى في الشعر. وتدعونا نتأمل؟ نتأمل ماذا وأنت موغل في جهلك وعدم حساسيتك وعازم على تثبيت صورتك الصحفية ببضع كلمات تعج على الدوام بالأخطاء. ؟ومن أخطائك أنك تنقل دون تمحيص الصحفي المتوقع.
Quote: جميعاً ....حثما كنا نكونُ الآن
هذه العبارة حبنت أن تصححها لأن لا معنى لكلمة حثما فهي حيثما وأنت بالقطع تدري ولكنك تجبن عن تحمل مسؤوليتك كحامل للواء الاستنارة. محجوب انفالي جداً من مثل هذه الترهات وأرجو أن لا تعود لها. ثم سوق ماذا؟ وشنو الما بتلحق دا؟ وشنو حتى؟ ضع امثلة حتى يحترمك القراء.خ
Post: #68 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-02-2012, 01:26 PM Parent: #67
يحتفلون بقصيد لمحجوب تستنكر الجهوية والعنصرية
ويدافعون عن القصيد .. ولا يدافعون عن المعاني التي نادت بها
حتى الان طناااااااااااااااااااش كامل لللاستعلا والعنصرية والجهوية التي مورست في هذا البوست تحت سمع وبصر الحرس
Post: #69 Title: Re: حتى محجوب شريف بقى داير يلحق السوق .. فتأمل! Author: adil amin Date: 08-02-2012, 01:30 PM Parent: #67
Quote: حتى محجوب شريف بقى داير يلحق السوق .. فتأمل!
والله يا ملاسي تاخذ اوسكار في جمع الشيوعيين في البورد بضربة واحدة محجوب شريف شاعر كبير ولكن ماذا ضاف له الحزب الشيوعي سوى المخازي
Post: #169 Title: Re: حتى محجوب شريف بقى داير يلحق السوق .. فتأمل! Author: طه جعفر Date: 08-04-2012, 01:33 AM Parent: #69
Quote: والله يا ملاسي تاخذ اوسكار في جمع الشيوعيين في البورد بضربة واحدة محجوب شريف شاعر كبير ولكن ماذا ضاف له الحزب الشيوعي سوى المخازي
يا عادل امين أمرك مفهوم انت و ملاسي و غيرك زي عادل عبد العاطي طول ما السيوعيين موجودين فستسيطر عليكم عقدة نقص و احساس بالتفاهة يحتاج الي معالج نفسي. فقط تذكر شيوعيي عطبرة المجيدة امثال محمد عبد الخالق الهام عبد الخالق العم عيدروس و عبد الله الحاج القطي بكري جبريل عوض جبريل سيد احمد الخطيب اميرة عبد الخالق مكي الاحمدي و الشهيد ابوبكر الاحمدي عز الدين عيدروس عماد عيدروس بثينة امام محمد عبد الله المرحوم صديق عمر حامد خرشي رباب ابو شوك سلوي سعيد و القائمة لا تشتمل علي ابيك بالضرورة!!!!!!!!!!!!! إيه المخازي العندهم شنو بالله ورينا؟ هل تعرف من هم أشرف من هؤلاء يا ناقص يا مهزوم المخازي ملياك انت و نوعيتك يا عادل امين استحي علي حالك يا مجهول
Post: #70 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-02-2012, 01:31 PM Parent: #67
لحقان السوق القاصدو حسين ملاسي واااضح وما بيحتاج تأويل لكن انتو مصرين تسوقو حسين لي حتة ما قصدها وانتو كلللكم عارفين المقصود.. القصيدة ضعييييفة جداً وملتقة للأسف ..ما مكتوبة بي أي إحساس .. ما بتشبه محجوب شريف..والناس البتحب محجوب شريف بالجد مفروض تقول ليهو قصايد على الشاكلة دي ممكن تنسف تاريخه..
"محجوب في ألمانيا الآن يتعالج من مرض مزمن في رئيتيه. رئتاه تعملان بربع كفائتهما." "أكثر ما يغضب محجوب ومن يعرفونه (وأناعديله وصديقه ومن معجبيه) أكثر ما يغضبه أن يأتي اسمه في اي جملة مفيدة مشتملة على كلمة سوق."
إن كان ذلك كذلك – يا عديله و صديقة و معجبيه – فإنني استبدل طواعية و بطيب خاطر (السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه.
"محجوب في ألمانيا الآن يتعالج من مرض مزمن في رئيتيه. رئتاه تعملان بربع كفائتهما." "أكثر ما يغضب محجوب ومن يعرفونه (وأناعديله وصديقه ومن معجبيه) أكثر ما يغضبه أن يأتي اسمه في اي جملة مفيدة مشتملة على كلمة سوق."
إن كان ذلك كذلك – يا عديله و صديقه و معجبيه – فإنني استبدل طواعية و بطيب خاطر (السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه.
Quote: والله يا ملاسي تاخذ اوسكار في جمع الشيوعيين في البورد بضربة واحدة محجوب شريف شاعر كبير ولكن ماذا ضاف له الحزب الشيوعي سوى المخازي
عادل أنا من مدمني قراءة كتاباتك ولكنك هذه المرة خارج الموضوع
Quote: لحقان السوق القاصدو حسين ملاسي واااضح وما بيحتاج تأويل لكن انتو مصرين تسوقو حسين لي حتة ما قصدها وانتو كلللكم عارفين المقصود.. القصيدة ضعييييفة جداً وملتقة للأسف ..ما مكتوبة بي أي إحساس ..
عمر تفسيرك هذا لاعلاقة له بلحقان السوق كما أن محجوب لايحتاج شهرة هذه واحدة وليس من راغبي المال هذه ثانية
Post: #74 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-02-2012, 02:07 PM Parent: #72
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار. )
كلام واضح جدا ومنسجم تماما مع القصيده
Post: #75 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-02-2012, 02:20 PM Parent: #70
يبدو أن تأويل لحقان السوق وااضح ؟! ويبدو وااضح جدا تبعا لذلك انو الناس عايزه تسوق حسين لى حته هو ما قاصدها؟! ويبدو ذلك لا يكون الا كراهية فى حسين او فراغ منهم او اى اسباب مشابهه ويبدو واضح جدا انو محجوب ما كتب القصيده بى احساس .. خلى الاحساس بى جنبه وقام كتب القصيده بحسب الواااضح .. كما ويبدو واضحا جدا انو الحزب الشيوعى طرفا فى ذلك الموضوع ..
اذن .. كامل الاعتذار لحسين ملاسي .. والذى لا اله الا هو ما كنت عارف الحاجات دى هو الجهل بهذه الاشياء الواضحة ليس الا يا سحس .. هذا ولا يفوتنى تدوين ادانتى لكلام هبانى عن بقايا الحملات الانكشارية كتابةً.. وإدانة الحزب الشيوعى .. وإدانتى انا ذاتى ..
كلمات مثل السوق والمولد لا يليق استخدامها عند الحديث عن محجوب شريف كما كتب لك مصطفى مدثر
هذه الكلمات تؤلمه في أحواله العادية، فما بالك وهو في وضعه الصحي الحالي المعروف للجميع
كنت مع الرجل قبل ثلاثة أسابيع رأيته كيف يجاهد بنَفَسه الضيق كي يطالع النت ليقرأ ما يكتب في المواقع السودانية
لو تعرف يا حسين كم سيكون متألما الآن لهذا الوصف، لما كتبت ما كتبت
كان بإمكانك أن تعنون لبوستك بـ: قصيد ضعيفة لا تشبه محجوب شريف
أي كلمات من هذا القبيل، ويختلف معك الناس أو يتفقوا
لكن كلو إلا الإساءة التي تقتل الشعراء عدييل كدا
وكم من شاعر مات نتيجة تهمة ظالمة
اعتذر يا حسين اعتذارا حقيقيا ولن ينقص ذلك منك شيئا
Post: #77 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-02-2012, 02:28 PM Parent: #76
يا معاويه .. حسين شنو البعتذر ؟! حسين ده نعتذر ليهو نحنا المافهمناه تأويلاً !!
Post: #78 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-02-2012, 02:32 PM Parent: #76
بقوا اتنين
ثم
تجاهل الباقين معنى القصيد ودافعوا عنها في روحها
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار وبالطبع الطفيليات لا تلد الثمار. )
هذا كلام مكتوب في صدر هذا البوست الذي فيه قصيده تتحدث عن عدم العنصرية والجهوية
Post: #79 Title: Re: حتى محجوب شريف بقى داير يلحق السوق .. فتأمل! Author: قصي مجدي سليم Date: 08-02-2012, 02:45 PM Parent: #76
لولا عنوانه لوافقت ملاسي في كلامه ولولا هجمات الناس لداخلته أيضا ولولا أن المقام أكبر من السخرية.. لسخرت من بعضهم اللهم ارحم شهداءنا في نيالا والحقنا بهم لا خوارين ولا جابنين ..
والحق يقال: قصيدة لا تشبه محجوب شريف في شيء (بلا سوق ولا يحزنون) يا ملاسي.. فالرجل عاش لفنه ووطنه وحزبه مخلصا لهم وهو القائل (ما غبت شارب كاس) و (سلاما يامديد القامة ويا شعبا سديد الراي) محجوب رفع الشعر الى قمة الأخلاق الانسانية فأدبه الشعر بغيرما عادة... وأدب محجوب الأدب.. محجوب عاش ليغير مفهوم آية قرآنية في أذهان الناس.. ونجح "رضي الله عنه" في ذلك.. فصار الشعراء من أمثاله لا يتبعهم الا الفالحون أطال الله في عمر محجوب وأدام عليه الصحة والعافية ورحم حميد.. وحمد له وشكر وحفظ القدال وأزهري وصلاح حاج سعيد وأمثالهم من جيل شاعر بحق -ولولا مخافة الشطط لقلت: جيل آخر الشعراء
Post: #80 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-02-2012, 03:57 PM Parent: #79
يا موصلي انا ما فسرت في مداخلتي ما يعنيه ملاسي..والجملتين حقاتي اي واحدة براها ..تفسيري لي ضعف القصيدة كلامي انا .. اعتقد ملاسي في اخر مداخلة وضح تمااااما فهمي الفهمتو من لحقان السوق لما وبكل ذكاء استبدل ليكم السوق بي المولد .. واعتقد كلام ملاسي في وادي وفهمكم العايزين تجرجرووهو ليهو في وادي تاني ..
Quote: يا موصلي انا ما فسرت في مداخلتي ما يعنيه ملاسي..والجملتين حقاتي اي واحدة براها ..تفسيري لي ضعف القصيدة كلامي انا .. اعتقد ملاسي في اخر مداخلة وضح تمااااما فهمي الفهمتو من لحقان السوق لما وبكل ذكاء استبدل ليكم السوق بي المولد .. واعتقد كلام ملاسي في وادي وفهمكم العايزين تجرجرووهو ليهو في وادي تاني ..
بكل ذكاء!!!! فليقم هو بتعريف المولد لنا أو ليتك قمت أنت بذلك فهل هو المولد أم سوق الزلعة فيه نعم قد تكون هذه القصيدة الهاتفة ليست في مصاف بنات أفكار محجوب انها مجرد انفعال سريع بالحدث قد يصحبه انفعال رفيع ربنا يديه الصحة انني هنا لا أهاجم ملاسي بل أنتقده في الجزئية تلك فقط
Post: #84 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 00:30 AM Parent: #83
يا موصلي صدقني لو كانت إنفعالات كانت ح تطلع في ثوب حماسي مرتب يتناسب وعظمة المناسبة ..لكن لمن يكون تلتيق بيكون ظااااهر..صدقني وانت سيد العارفين تتجلى عظمة الشاعر ويكتب أجود الأشعار عندما ينفعل ... السواهو محجوب شريف ده ما إنفعال ده فعلا لو ما لحقان مولد فهو مبادرة لي دق أول خيمة في المولد .. عارف يا موصلي مرة استضافو اشرف الكاردينال اللي قال هو من أشعر أشعااار العرب وأيام كانت طالعة موضة الوحدة الجاذبة وما ادراك ما اتفاقية السلام قال للمذيع ووقتها كان الكوباني ..قال ليهو انا كتبت بهذه المناسبة واحدة من أعظم القصائد ثم أبتدر القصيدة قائلاً: وبدل اللغم نزرع قصب ...!!! غايتو بعدها قال شنو انا ما عرفت لأني كنت حوولت القناة .. أها أسة قصيدة محجوب شريف دي بدل اللغم نزرع قصب..
Post: #85 Title: Re: حتى محجوب شريف بقى داير يلحق السوق .. فتأمل! Author: lana mahdi Date: 08-03-2012, 01:41 AM Parent: #84
يا هباني لو دايرين نرجع كل زول لمكان الهجرة الجاء منه مش سودانيز أونلاين براهو ال حيفضى لكن حتى السودان جوة حيفضى...السودان كله نتاج هجرات وتمازج.. ملاسي زول سغيل ....نعم...جداً...لكنه سوداني كاااااامل السودنة...برغم الحمار -بفتح الحاء والميم- والشعر المسبسب وصورته لما كان عمره 16 سنة وكان مسرح شعره إبراهيم عوض(:(:(:(: محجوب شريف؟ أصبتنا في مقتل يا ملاسي...الكلمات ما حلوة لكن الغرض نقي ونبيل وما لحاق المولد البتة..
Post: #86 Title: Re: حتى محجوب شريف بقى داير يلحق السوق .. فتأمل! Author: Mohamed Yassin Khalifa Date: 08-03-2012, 03:03 AM Parent: #85
Quote: إن كان ذلك كذلك – يا عديله و صديقة و معجبيه – فإنني استبدل طواعية و بطيب خاطر (السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه.
جا يكحلها قد عينها...!
ســلامتك يا شاعر الشعب.. وملاسي المتأمل ده كرامتك!
Post: #87 Title: Re: حتى محجوب شريف بقى داير يلحق السوق .. فتأمل! Author: Elmosley Date: 08-03-2012, 03:53 AM Parent: #84
Quote: السواهو محجوب شريف ده ما إنفعال ده فعلا لو ما لحقان مولد فهو مبادرة لي دق أول خيمة في المولد ..
وهنا يكمن مربط خطآ رؤيتكما حيث سقتما الحقيقة سياقة الي متاهات التعميش تحياتي
Post: #88 Title: Re: حتى محجوب شريف بقى داير يلحق السوق .. فتأمل! Author: mustafa mudathir Date: 08-03-2012, 06:02 AM Parent: #87
استاذ يوسف يا صديق كيفك مع الصيام بالله ديل ممكن يلقوا فرصة في محجوب شريف حتى؟ للسخرية والتبخيس. بعدين ياخي البيقول ضعيفة وفي واحد قال شوية والتالت أظنه قال زيدوني البقول ضعيفة دا وتحديداً اسمه عمر فاروق ما يجي يورينا ضعيفة وين. الشاهد أن مناسبة القصيدة في نظرهم ما قيافة ذاتا وما بتستاهل ولذلك هي فرصة للنيل من فكرة الناس الثابتة عن محجوب انه شاعر الشعب. يجي الاخ عمر يقول لينا ضعيييييفة دي كيف شعراَ وكمان ما كتبها باحساس. كيف تقيس الاحساس في الحالة دي يا سيجموند فرويد عندك أنالوج اسكيل في شكل نبلة تفكه لمحجوب ويفكه ليك راجع؟ أقنعنا بأنك بتعرف تقرا شعر صاح خاصة لما يكون مشكولً. يا موصلي الجو العام الخلقوا المدعو خوجلي دا ولا منو؟ ملاسي ومن ورائه الأخ الناقد عمر فاروق جو بتاع تخذيل وفرصة لهز المسلمات وخلق بلبلة في العتاد الفكري والروحي لانتفاضة اسقاط النظام وتحويل وزر محجوب من لحاق السوق لدق خيمة في طرف المولد هي ليست سوى بلطجة فكرية. المكاواة السودانية ديك لما تكتر بتبقى مسيئة. والراجل على فراش مرضه مش كتر خيره يكتب كلمة كلمتين يمكن يطلع منهم هتاف أو شعار وقد حدث كثيرا في لاأيام الفائتة. الراجل عيان بدل يقولوا حمد الله على سلامته يقولوا شايل قصيدته يفتح بيها خيمة في طرف المولد. بالله في اهانات أكتر من كدا؟ وبعدين مالو لو زول قال في قصيدة نزرع بدل لغم قصب. أولا دا لا يمكن مدخل القصيدة والقصة كلهاملفقة عشان محجوب يقارن بهذا الشاعر الوهمي المبهوت.
Post: #90 Title: Re: حتى محجوب شريف بقى داير يلحق السوق .. فتأمل! Author: Bushra Elfadil Date: 08-03-2012, 07:12 AM Parent: #88
لله دركما يا مصطفى مدّثر ويا موصلي وبقية المتداخلين في حق الشاعر محجوب شريف. محجوب قال عبر التسجيل مباشرة انفعاله بما جرى للمتظاهرين اليافعين الذين حصدوا أرواحهم في نيالا . كان جرح نيالا ينزف وقلب الشاعر ينزف ولذا جاء هذا الانفعال الصادق ومحجوب لم يكن يهمه إن كان هذا شعرأً أو نظماً أو حتى بياناً كان يهمه ايصال صوته المساند الواعي بتعقيدات ما يجري في السودان. حسين ملاسي أو حسين الملا C همه الشاغل استخراج القفشات والمفارقات والملح والطرائف ليمتع جمهوره في البورد ولا يهمه حتى لو أصبحت نيالا تورا بورا .من كل دمائها التي سالت جاء ليتحدث عن تخريجة قطعها من رأسه عن محجوب والسوق لأن انفعال محجوب بمأساة نيالا كان أسرع من قفشاته هو الملا سي في المنزلة بين المنزلتين بين دماء الشعب وعسف الحكومة. أما عمر الفاروق فليجب على السؤال التالي: هل تمنع أن يستفيد الشاعر من قدرته في النظم لايصال صوته بهذه الكيفية لمن أصابهم الرصاص في الشوارع؟ هل تمنعه من ايصال صوته لمجرد أن النظم لا يعني شيئاً لذائقتك؟
Post: #105 Title: Re: حتى محجوب شريف بقى داير يلحق السوق .. فتأمل! Author: Elmosley Date: 08-03-2012, 11:17 AM Parent: #90
عزيزي بشرى لك الود الكثيف والله لو كان الكلام نقدا تحليليا (بيت بيت ) لما قلنا شيئا فالنقد يرفع من قامة الابداع ولكن تعبير يلحق السوق او المولد في حق العارف بالله محجوب شريف هي كلمة آقل ما يمكن آن يقال عليها آنها تنضح فجورا
Post: #104 Title: Re: حتى محجوب شريف بقى داير يلحق السوق .. فتأمل! Author: Elmosley Date: 08-03-2012, 11:05 AM Parent: #88
شاعرنا الهمام مصطفي الله آكرم انا في الحقيقة لم آهتم بالتعليقات على النص فهذا حق للجميع ولهم ابداء الراي متاح ولكن ما همني هنا محاولة الاقلال والابخاس لواحد من آنبل ما آنجب السودان بايراد كلمات مثل السوق والمولد تحياتي
Post: #89 Title: Re: حتى محجوب شريف بقى داير يلحق السوق .. فتأمل! Author: خالد الأيوبي Date: 08-03-2012, 07:04 AM Parent: #87
. يا جماعة ملاسي عارف الكلام دا كلو .... كان ممكن ينتقد القصيدة و يقول رأيه فيها و يسمع رأي غيره . وهو موقن تمام أنه (لحقان السوق) و محجوب شريف ما بتلاقوا . معليش نقول (لحقان واجب) لكن يبقي حسين ملاسي كيف لو ما رفع ليه ضغط كم زول زي الموصلي دا في كل بوست!!
أنا الرفع ضغطي بالجد عبد العزيز دا
Quote: محجوب شريف اوضح انه متملق عاوز يخت طوبته من الأول
. !!!! .
Post: #91 Title: Re: حتى محجوب شريف بقى داير يلحق السوق .. فتأمل! Author: دينا خالد Date: 08-03-2012, 07:45 AM Parent: #89
Quote: إن كان ذلك كذلك – يا عديله و صديقه و معجبيه – فإنني استبدل طواعية و بطيب خاطر (السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه.
Quote: اما "نيالا الآن .. نيالا الآن .. نيالا الآن" فأقرب ل"إلى الأمام .. إلى الأمام .. إلى الأمام .. ثورة .. ثورة .. ثورة"!
Quote: حتى خلته سيختم القصيدة ب: "فالذكرى ناقوس يدق في عالم النسيان"!
لوووووووووووب
اشهد بان هذا الملاسى فنان ومجنون ... لقد صنعت يومى ياخ ....
الدفاع الماموضوعى وعاطفى دا خيبه فى وجه المعجبين ... كل ما قاله حسين صحيح لو تركنا فسحة للامل فسحة لقبول الاخر ... فسحة للربيع !!
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
ـــــــــــــــــــــــــــــ وليد .. قول اتنين انا اشجب وادين بصورة مطلقة اى اشارات او ايحاءات عنصرية رغم انها تاريخيا كانت مصدر فخر ... اشجب كلام هبانى بشدة مش لانو الصوت وصلنى بل من ناحية مبدئية جدا ومش عشان بيوصل ناس تانيين غير حسين ذى ما قال وليد لكن عشان حسين ذاتو فى الاول !
Post: #92 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-03-2012, 08:20 AM Parent: #91
عارفة يا دينا .. ويشهد المنبر منذ اول يوم وانا بكتب في تفاصيل بروفايلي سنة 2004 في المنبر ده كتبت شعرائي المفضلين هاشم صديق ومحجوب شريق ومن اليوم داك تغيرت حاجات كتيرة في البروفايل الا ديل لحدي هسع لو زرت البروفايل ستجدينهم كما هم
القصيدة ضعيفة ..وما بتشبه محجوب شريف ده راينا العجبو عجبو والما عجبو يشرب من اقرب محيط جمبو
اهما حاجة يا دينا التقديس لمحجوب وقاصيده .. يوهمنا حراس الفضيلة .. انهم يستمدون قدسيتها من معانيها وكانهم يفهمون هذه العاني
طيب لو بفهموا هذه المعاني لماذا لم يدينو العنصرية والجهوية التي تم ممارستها في هذا البوست الذي فيه قصيده يتم تقديسها لانها تتحدث عن معاني عظيمة ضد الجهوية وضد العنصرية او كما يقولون ؟!!!!
نفاق ليس الا
كتب ملاسي فاهتاج الناس وكتب هباني فصمت الناس
والقصيدة ما سمحة
Post: #93 Title: Re: حتى محجوب شريف بقى داير يلحق السوق .. فتأمل! Author: معاوية الزبير Date: 08-03-2012, 08:44 AM Parent: #92
يا وليد رمضان كريم
رسالتك وصلت من أول مداخلة العنصرية مدانة، والقصيدة في نظرك ضعيفة
طيب ممكن تمشي خطوة لي قدام وتقول لينا
كيف لم تلحظ الإساءة التي وجهها ملاسي إلى محجوب شريف الذي تحتفظ به في بروفايلك كشاعر مفضّل كيف يكون شاعرك المفضل وتسكت عندما يُوصف بأنه يلحق السوق أو المولد، إذا كان هو كذلك فلماذا لا تزيله من بروفايلك
وبعدين
Quote: القصيدة ضعيفة ..وما بتشبه محجوب شريف ده راينا العجبو عجبو والما عجبو يشرب من اقرب محيط جمبو
معقوله دي طريقة حوار في نقد قصيدة ! طيب كان بقيت رئيس للسودان، كان شلّتنا في الشوارع ولاّ كيف
Post: #99 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-03-2012, 09:46 AM Parent: #93
معاوية الزبير كل سنة وانت طيب وعيد سعيد
(((معقوله دي طريقة حوار في نقد قصيدة ! طيب كان بقيت رئيس للسودان، كان شلّتنا في الشوارع ولاّ كيف)))
يا معاوية الزبير وانت والباقين كان بقيتو رؤساء كان اعدمتو ملاسي ده في الشارع ولا كيف ؟
ووكت فكرتي وصلت من فبيييييييييييييل ووكت انت شايف العنصرية التم ممارستها هنا مطنشها مالك ؟؟! موش القصيدة العاجباك دي بتنادي بعكس العنصرية
(((كيف يكون شاعرك المفضل وتسكت عندما يُوصف بأنه يلحق السوق أو المولد، إذا كان هو كذلك فلماذا لا تزيله من بروفايلك))) لانه كتبت على عجل
انت فسرت السوق بي فهمك انت وعاوز تلبسني ليه انا وملاسي غصب انا فهمي بانها لحقت السوق والمولد انها كتبت على عجل ولا شي اخر
وما الداعي لان ازيل محجوب من برفايلي !!!! انا اساسا ما مقدسو .. عندي هو شاعر مجيد ويظل شاعر مجيد لا اكتر ولا اقل .. دي قصيده واحد من مجموع قصايدو ما عجبتني وشايفها شبنه وما سمحة وقصيده واحد من مجموع قصايدو ما سبب بخليني اشيلوا من برفايلي واذا الراي ده بيفسر كما يتم تفسيره هنا على اساس انو محاولة تخزل وخزلان لثورة وحلة جديد
ده ياها طريقة نقد القصيدة يا معاوية !!!!!!
فتاني بقول القصيدة ما عاجبـــاني لول في زول حا يحاول يغير فهمي ده بي وهمة الثورة والتخزيل والخزلان فليشرب من البحر الما عاجبو
مجوب انا ما مقدسو انتو المقدسنو ومعاملنو معاملة هُبل انا هو بالنسبة لي زول كويس وسوداني وشاعر مجيد وعاجبني
والقصيدة ما سمحة
Post: #94 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-03-2012, 08:46 AM Parent: #92
والله انا حكاية تقديس هذا (اللاحق المولد) أصلو ما فهمتها ...
كدى فهومنا براحة كدا ... بيحصل شنو لو محجوب شريف كتب قصيدة تافـهـة؟
(باعتبار انو "نيالا الآن نيالا الآن" احسن من القرآن ظاطو)
ابن حلال يحي يفسر لينا الخنوع بتاع "مساجينك مساجينك"
تعالوا جربوا اسجنوني انا ود الشريف دا ... شوفوني كان "بغرد" في أسر زول ... ولاّ انا ابيت حراصة وهو يبيت في قصر ...
فسّروا لينا تناقض الضجة في الرادي والخطب الحماسية والقصائد الهتافية الركيكة البتقول "ولا بالضجة في الرادي ولا الخطب الحماسية"
محجوب مين يا عم ... دا راجل طيب وبيقدم قدر عقلو ونيتو ... انا شخصيًا بستمتع بى شعرو المكلفت دا ...
انتو الغير محتملين بتاتًا ...
... المهم ....
Post: #95 Title: Re: حتى محجوب شريف بقى داير يلحق السوق .. فتأمل! Author: عاطف مكاوى Date: 08-03-2012, 09:09 AM Parent: #94
سؤالي لا يزال قائماً :
هل قال شاعر الشعب ... أن هذه قصيدة يجب أن تجد مكانها ضمن دواوين شعره الكثيرة؟
-------------------------
شكراً د. بشرى الفاضل
Post: #96 Title: Re: حتى محجوب شريف بقى داير يلحق السوق .. فتأمل! Author: عاطف مكاوى Date: 08-03-2012, 09:12 AM Parent: #95
Quote:
هل قال شاعر الشعب ... أن هذه قصيدة يجب أن تجد مكانها ضمن دواوين شعره الكثيرة؟
أم أن عليه أن لا يقول أى قول آخر غير الشعر ... ؟
---------------------
ما قاله ... صديق الموج صحيحاً .... ويجب أن نتوقف عنده.
Post: #97 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-03-2012, 09:22 AM Parent: #96
أتى عاطف مكاوي مدافعاً فأخرجها من جنس الشعر جميعاً .. فتأمل!
Post: #98 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-03-2012, 09:27 AM Parent: #96
Quote: يا موصلي الجو العام الخلقوا المدعو خوجلي دا ولا منو؟ ملاسي ومن ورائه الأخ الناقد عمر فاروق جو بتاع تخذيل وفرصة لهز المسلمات وخلق بلبلة في العتاد الفكري والروحي لانتفاضة اسقاط النظام
والله انا كنت خايف على سيدي الجنرال عمر البشير صلى الله عليه وسلم ومولانا شيخ علي عثمان عليه رضوان الله ...
بعد ما اتضح لي انو قصيدة المولد دي هي "العتاد الفكري والروحي لإنتفاضة اسقاط النظام" (ولن اسأل عن "المسلمات")
اطمأنت مهجتي وروحي ... وصارت تردد بهدوء ... نيالا الآن ... نيالا الآن ... نيالا الآن ... نيالا الآن ...
(ما خاتي القال: "فانعم بطول سلامةٍ يا عمر") بالله حالتكم ثوار؟ صه يا كنار وضع يمينك في يدي كيف؟
... المهم ...
Post: #100 Title: Re: حتى محجوب شريف بقى داير يلحق السوق .. فتأمل! Author: معاوية الزبير Date: 08-03-2012, 10:08 AM Parent: #98
Quote: ووكت فكرتي وصلت من فبيييييييييييييل ووكت انت شايف العنصرية التم ممارستها هنا مطنشها مالك ؟؟! موش القصيدة العاجباك دي بتنادي بعكس العنصرية
يا وليد أنا ما مطنش العنصرية المتكررة بحق ملاسي، لكن إدانتها أصبحت من المسلمات هسه أنا قاعد في المكتب وجنبي واحد من الصباح عطس زي عشرة مرات، أول مرتين قلت ليهو يرحمكم الله بعد داك نسيتو
Quote: يا معاوية الزبير وانت والباقين كان بقيتو رؤساء كان اعدمتو ملاسي ده في الشارع ولا كيف ؟
يا زول أنا كنت داير جون قرنق يحكم السودان، تقولي اعدم الزول اللحمر دا (شفت العنصرية المبطنة دي) وأنا القدامك دا يا وليد سليل خلطة حلب مع زنوج
عموما غفر الله لكم ولنا، وقوموا إلى صومكم
Post: #101 Title: Re: حتى محجوب شريف بقى داير يلحق السوق .. فتأمل! Author: Elmosley Date: 08-03-2012, 10:22 AM Parent: #91
اشهد بان هذا الملاسى فنان ومجنون ... لقد صنعت يومى ياخ ....
الدفاع الماموضوعى وعاطفى دا خيبه فى وجه المعجبين ... كل ما قاله حسين صحيح لو تركنا فسحة للامل فسحة لقبول الاخر ... فسحة للربيع !!
شهوة لبلاد تطالب ابناءَها باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
=================================== ===================================== طالما انك يادينا تعشقين نقد ملاسي وفنه المجنون وسوقه ومولده كان عليك الا تخلطي بين مقدمة مقالك وقصيدة الشاعر مريد البرغوثي دون الاشارة اليه كحق آدبي ودون الاشارة الي آي وصلة من الوصلات الكثيرة التي تحمل هذه القصيدة واشرف لنا قصيدة محجوب التي تنظرين اليها من آعلى ملايين المرات حفظك الله محجوبا
Post: #102 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 10:49 AM Parent: #101
يا مصطفى مدثر: الأنلوق إسكيل ما عندي انا الأنلوق إسكيل عملوا محجوب شريف براااااهو يا اخوي بي قصايدو البيحكي عنها التاريخ ..انا كل العملتو سفيت وقارنت ليس أكثر ..أو كما يقول سورج للعماري الجيد :سف وقارن .. بعدين عجبتني قصة مشكولة دي ..قالوا واحد مغترب عشرين سنة رجع السودان نهااائي وأباطو والنجم ..صاحبو سألو عملت بيت ؟ قال ليه ولأ..اشتريت عربية طيب؟ قال ليهو لأ..عرست؟؟ بررضو لأ.. قال ليهو طييب إنت غربتك دي استفدت منها شنو؟؟ زولنا مد ليهو يدو اليمين وكفه مضموم وقال ليهو : هااك كان راااجل ألوووي دي.. :) دحين يا أخوي انت شبكتنا كان راااجل شكل القصييدة دي ..وبعد داك شوف روعتا..
Post: #103 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-03-2012, 11:00 AM Parent: #102
زولنا مد ليهو يدو اليمين وكفه مضموم وقال ليهو : هااك كان راااجل ألوووي دي.. :)
هاهاهاهاهاهاهاهاهاهاهاهاهاهاهاهاهاهاهاهاها
والله نكتتك دي اسمح من القصيده
Post: #106 Title: Re: حتى محجوب شريف بقى داير يلحق السوق .. فتأمل! Author: معاوية الزبير Date: 08-03-2012, 11:22 AM Parent: #103
محجوب يتوسط حرمه أميرة والناقد أحمد طه أمفريب (ألمانيا - يوليو 2012)
Post: #107 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-03-2012, 11:29 AM Parent: #106
ربنا يشفيه ويرفع بيده ويحفظه
___________ لكن برضو القصيدة ما سمحة :-)
Post: #140 Title: Re: حتى محجوب شريف بقى داير يلحق السوق .. فتأمل! Author: محمد طه نوح Date: 08-03-2012, 02:42 PM Parent: #80
ذي ماقال الاستاذ هشام هباني عنوان ازدرائي سخيف في حق قامة وطنية يجلها شعبها ولن يطالها امثالكم من قراد الزمن الردئ.
هناك ناس شرفاء وعظام والعظم لله
وهناك ناس ؤجراء امثال هالا
Post: #174 Title: Re: حتى محجوب شريف بقى داير يلحق السوق .. فتأمل! Author: Zomrawi Alweli Date: 08-04-2012, 08:11 AM Parent: #79
ياخي حسين ملاسي دا مسيخ او كمال قال هباني عنوان ازدرائي سخيف في حق قامة وطنية يجلها شعبها ولن يطالها امثالكم من قراد الزمن الردئ.
Post: #108 Title: Re: حتى محجوب شريف بقى داير يلحق السوق .. فتأمل! Author: Elmosley Date: 08-03-2012, 11:48 AM Parent: #1
والله جات بي فائده هسع انتهيت من اللحن الاساسي وخلال ثلاثة آيام سيتم التوزيع الموسيقي وخلال اسبوع ان شاء الله يتم التنفيذ الموسيقي ثم يومين تلاتة يكون الفيديو والادويو جاهزين لآغنية الثوره --------------------
"محجوب شريف - نيالا الآن لحن وتوزيع يوسف الموصلي --------------- خوفي علي السودان من جهوية الشهداء من جهوية الأحزان ومن جهوية الوجدان نيالا الآن جميعاً ....حيثما كنا نكونُ الآن هنالكَ حولَ من سقطوا من الشهداءِ والجرحي نيالا الآن وليس غداً نمدُ مع الهتافِ يداً ونخرجُ من شعابِ الإرضٍ قاطبةً لتسقطَ دولةُ الطغيان هنا الخرطوم هنا بحري هنا أمدرمان نيالا الآن...نيالا الآن ...نيالا الآن
-------------- محجوب شريف"
Thanks Mr. Mallasi. Without your opinion about this poem I wouldn't have heard about it with that extremely speedy way of which Mr. Mahgoup Shereef has composed it in revolutionary Manner
استاذنا وملاذنا محجوب شريف لك كامل الصحة باذن الله تسمع نيالا الان قريبا بكامل عدتها وعتادها آتتني الفرصة من السماء كي التقي بك في عمل فني
وشكرا حبيبنا معاويه الزبير على الصوره ياااااااااه
Post: #109 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 12:05 PM Parent: #108
Quote: والله جات بي فائده هسع انتهيت من اللحن الاساسي وخلال ثلاثة آيام سيتم التوزيع الموسيقي وخلال اسبوع ان شاء الله يتم التنفيذ الموسيقي ثم يومين تلاتة يكون الفيديو والادويو جاهزين لآغنية الثوره
بختتتك يا ملاسي ..جات بوست فييي صمة خشمك بعنوان : هل يلحق الموصلي السوق ؟ :) :) :)
يا موصلي ما تيلك الهاشمية ساي..مرمي الله مااا بيترفع ..لو عايز تلحن في اعمال ممكن تكون أجمل أو حتتى اطلب من محجوب شريف يكتب ليك واحدة تكون أقوى ..لأنو الثورة البتتكلم عنها دي إلا تكون قاصد الثورة الحارة 94.. ابدا ما ممكن شعبا لهبت ثوريتو ..يجي يثار بي نيالا الان.. تخريمة : طيب يا موصلي ما تخليني ارسل ليك قصيدة الكاردينال بتاعت بدل اللغم نزرع قصب دام ما بقيت تلحن أي شي..
Quote: بختتتك يا ملاسي ..جات بوست فييي صمة خشمك بعنوان : هل يلحق الموصلي السوق ؟ :) :) :)
فعلا ياريت ملاسي يطلع لي بوست زي ده لآنني فعلا آود آن آلحق بسوق محجوب شريف الذي ليس فيه غير الذهب والآلماس والياقوت والبلاتين والزبرجد ياااااااااااااااااه لينا الشرف ياخ والمويه (تكضب الغطاس) ههههههههههههههههههههيييييييييييييييييييييييييييع انا ابو جاكومه انا ابوزرد انا الكجور
Post: #111 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 12:35 PM Parent: #110
Quote: الذي ليس فيه غير الذهب والآلماس والياقوت والبلاتين والزبرجد
بعد القصيدة دي ممكن تضييف ليهم والفالصو .. وإنت للأسف يا الموصلي قررت تشييل من الفالصو رغماً عن كل الزبرجد والياقوت المعروض..
ما تزعل مني يا موصلي لكن الايام دي عندك طريقة بتذكرني بي الراحل ياسر عرفات .. ياسر عرفات كان لو عزموهو سماية بيجي ..حايم بي طيارتو اليوم كلو .. دحين انت بقيت تلحن ساااي اي كتابة ..لي اي كاتب..أي شعر..لي أيي متشوعر!!! مالك يا استاذ؟؟؟
Post: #112 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 12:35 PM Parent: #110
Quote: الذي ليس فيه غير الذهب والآلماس والياقوت والبلاتين والزبرجد
بعد القصيدة دي ممكن تضييف ليهم والفالصو .. وإنت للأسف يا الموصلي قررت تشييل من الفالصو رغماً عن كل الزبرجد والياقوت المعروض..
ما تزعل مني يا موصلي لكن الايام دي عندك طريقة بتذكرني بي الراحل ياسر عرفات .. ياسر عرفات كان لو عزموهو سماية بيجي ..حايم بي طيارتو اليوم كلو .. دحين انت بقيت تلحن ساااي اي كتابة ..لي اي كاتب..أي شعر..لي أيي متشوعر!!! مالك يا استاذ؟؟؟
Quote: [دحين انت بقيت تلحن ساااي اي كتابة ..لي اي كاتب..أي شعر..لي أيي متشوعر!!! مالك يا استاذ؟؟؟
بل هذه من القصائد التي تمتلئ احساسا دافقا وتفاعلا عظيما مع الدم المراق ومحاولات تفعيل الفراق ياسلااااااااام يامحجوب والله نشكر ملاسي ونشكر عمر الفاروق غيرهما ممن شجعونا على القراءة المتآنية حيث اكتشفنا وبروية مكمن الجمال ونبوغ الخيال في قصيدة نيالا الثورية العظيمة
Post: #116 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-03-2012, 12:53 PM Parent: #114
الله عليك يا موصلي يا فنان ياخ نفسك طويل وبالك رايق وبتفهم الناس وتفسر بحسن نيه
الله يديك العافية
المهم قد يصنع اللحن الممتاز من كلمات ما على قدر كده اغنية قوية كل يوم في شكلة مع حرمنا المصون حول والدها ( محمود فلاح ) انا رائي انه ملحن عظيم لكن ما بعرف يكتب شعر وددلت ليها بي الفطن الوسيم وفي غفلت رغيبي ويانجوم الليل وان حمامي واخريات حتى حبايبي الحلوين اغنية نشرها لحنها وليست كلماتها
أعيدوا القراءة وفقا للآتي: خوفي علي السودان من جهوية الشهداء من جهوية الأحزان ومن جهوية الوجدان نيالا الآن جميعاً .... حيثما كنا نكونُ الآن هنالكَ حولَ من سقطوا من الشهداءِ والجرحي نيالا الآن وليس غداً نمدُ مع الهتافِ يداً ونخرجُ من شعابِ الإرضٍ قاطبةً لتسقطَ دولةُ الطغيان هنا الخرطوم هنا بحري هنا أمدرمان نيالا الآن ...نيالا الآن .. .نيالا الآن
Post: #119 Title: Re: نيالا الآن.. لتسقط دولة الطغيان Author: دينا خالد Date: 08-03-2012, 01:05 PM Parent: #115
kkkjbccdd
Post: #117 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 12:54 PM Parent: #113
نيالا .. وآه من ضيقة الحالة .. وشعب ظروفو بطالة .. بلد مسروقةمنهوبة .. وداك الفيل نقول لي الضل مين شالا؟.. وسمرا دموعا بلالا.. تقول ااا ناس حلمت وشوفت.. شوفت الفقر شوفت الموت وشوفت ولادنا جهالة .. وشوفت الروح رخيصة خلاس تموت بي رصاص الغدر والحيكومة لا هاميها ولا جايي على بالا.. سمرا حزينة لا أكتر ففال الله ولا فالا.. ناس مهمومة بي امة .. وناس في القيل والقالا..
نيالا...نيالا..نيالا..
تخريمة : القصيدة دي تقرأ مشكلة بالله ..نجرتها أسسسة وفي انتظار التلحين
Post: #118 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 01:04 PM Parent: #117
Quote: وددلت ليها بي الفطن الوسيم
حولااااا يا ولييد ..بالله دي طلعت تبعكم ؟؟ والله يا وليد الأيام دي هذه الأغنية أغنيتي المفضلة بسمعا قبل الاذان بتاع الصبح ومنها اصلي وانوم ..بقيت لي سحووور بس.. مستمتع بيها أيما إستمتاااع كنت .. لكن أسة بعد معلومة انها تبع حرمكم المصون دي غالبا تاني ما أسمعا إلا في الستوت :) :) :) يا وليد الفطن الوسيم دي اغنية عظيمة لحناً شحمااااانة ..وحتى في كلماتا والله أنيقة .. بس انت شكلك ما قاعد تقراها بي التشكيل.. كدي جرب اقراها الفطنو والوسيمو ..
Post: #120 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 01:09 PM Parent: #118
Quote: kkkjbccdd
دينا خالد عشرة العضم لسة ما دخلت .. ولا المعنى ببطن الشاعر؟
Post: #121 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 01:09 PM Parent: #117
بمناسبة البرغوثى .. وانا دينا دى خلاص فقدت الامل فيها رغما عن حسن الظن الاجمل والذى كان .. ورغما عن ذاك ال "من بعيد لى بعيد" .. شغف أزرق الفكرة نحو المطارت الانثويه الرحيمة .. ولكن ما يعنينى فى نهاية المطاف هو .. ما قد أدعوه ب .......... لا أدرى ولكن .. الشهوات إستقامه وراء الحس الانسانى البسيط للانسان فى الداخل الفلسطينى.. وعاينى ..
شهوة للرجال الذين شهوة لوجود الرجال الذين بنوا فى المضافه بيت الكرم وبيت النكات اللئيمه بيت التهكم من كل عال قوى بيت التهكم من كل عال قوى .. عال قوى .. عال !! قوى !
وسبحانه الذى ألقى فى وجوهنا نضرة المعجبين .. والله ما فضل ليك الا تقولى لينا لا أحد فوق النقد .. أو تهتفى فى وجوهنا -وجوه المعجبين تلك التى ارتديناها زلفى نحو القصيدة- أن لا لتقديس الشعراء والساسة .. وانت تعلمين جيدا وجيدا جدا أن من تدافعوا ما تدافعوا هنا لمصادرة عبقرية المجنون ملاسي فى نقد القصيدة .. أو حتى أعجابا بالقصيدة .. ويحق لهم الاعجاب بها ولقد أعجبتنى ولم أنبت ببت شفة واااحده حول ذلك ! ولا هم تدافعوا تقديسا لمحجوب وهذا الهراء وقد قيل هنا بمنتهى ال .... تدافعوا فى الضد من قلة أدب حسين ملاسي فى حق الرجل .. وحق الرجل ده تحديدا حق حار انتزعه انتزاعا وعنوة واقتدار .. ويعلم الناس كيف شالو زى الجمرة وظل راكز عليهو .. ولا أعلم صدقا فيم التغابى .. فيم هذا التغابى ؟!..
عموما ولهذا الحديث صلة بالدجاج الكريم الذى قاسمنا خنه والنملة التى أقسم محجوب شريف بشرفها وإستقامة النص والتهكم من كل عال قوى و الشغف الازرق النار بك والذى ضاع شمار فى مرقه و .. تلك الغويشايه ..
غويشة مي ومريومه
تماما زي حمامايه
لم تعرف لها زوجا
ولم تعرف لها تومه
وحيده وجوه عشايه
غويشة السترة والحوبه
ومن تعب التي ظلت
ترتق للصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا وزيتا
وكم من باقي ماهيه
يشيلا السوق كما هي
بلا سكة رفاهيه
ولا حتة قماشايه
تساسق مكتبا وبيتا
كما كل الافنديه
حبيبة فول وعيشايا
تساهر ابرتا وخيطا
مكنتا مِن زمن ياما
تحت الداما دواره
وكل زراره نواره
تفرهد في قماشايا
تخليهو القديم لنجي
يبقي المافي من مافي
ويبقي البلدي افرنجي
تقول للذله حاشايا
طوبى لمحجوب شريف .. و ..
شهوة لوجود الرجال الذين بنوا فى المضافه بيت الكرم وبيت النكات اللئيمه بيت التهكم من كل عال قوى وبيت المساء الطويل بطول الجدال واخبار كل البلاد كأن الحصيرةَ من تحتهمْ هيئةٌ للأُمَمْ
Post: #122 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 01:17 PM Parent: #121
تعرف يا تبارك الزول البسيط الشايفو فى تصاوير أتى بها البعض هنا وهم مخطئون .. هذا الرجل البسيط جدا .. أكبر بكثير جدا من الهراء الكتبتو انت هنا .. هذا الرجل مشكلتو انو لم يكتفى بمعاقرة الذات .. الامر الذى لو كان لكان الها مما تحسبون ..
مؤسف جدا ..
Post: #126 Title: Re: حتى محجوب شريف بقى داير يلحق السوق .. فتأمل! Author: دينا خالد Date: 08-03-2012, 01:43 PM Parent: #122
لوووووووووب يا استاذنا ال موصلى يعنى انا كتبت (شهوات مريد) على اساس انو دا كلامى انا ؟ لالالا دى بالغت فيها مبالغة بل وقلبت فيها الهوبه مرتين ! وصنعت لى يومى ذى تلاته مرات كدا ... راجع كم بوست فى سودانيز دى انا نزلت الشهوات؟ لما بقت ذى ما قال ليك المدير ما محتاجة ذاتوو ! . طيب ياخ لما انت شايل للحقوق مسطرة ملخبط كلامى مع كلامك فى مداخلتك بالطريقة دى لييه يعنى يانى انا الهامله !! و ما لقيت للشهوات دى هسه لينك تجيبو هنا الا موقع دار جعل دا ؟ لالالالالالا كان كدا انت قاصد تخوفنى دا تحرش ....
ــــــــــــــــــــــــــــــــــ لحن ذى ما داير ... اصلو الغنا دا الكلام على المغنى ما على الشعر ونحن بعد ما تتعب انت دا كلو .. لو قررنا ما نسمع ما بنسمع المافى شنو ؟؟ مش كل زول حر فى لغاليغووو ؟
Quote: لوووووووووب يا استاذنا ال موصلى يعنى انا كتبت (شهوات مريد) على اساس انو دا كلامى انا ؟ لالالا دى بالغت فيها مبالغة بل وقلبت فيها الهوبه مرتين ! وصنعت لى يومى ذى تلاته مرات كدا ... راجع كم بوست فى سودانيز دى انا نزلت الشهوات؟ لما بقت ذى ما قال ليك المدير ما محتاجة ذاتوو ! . طيب ياخ لما انت شايل للحقوق مسطرة ملخبط كلامى مع كلامك فى مداخلتك بالطريقة دى لييه يعنى يانى انا الهامله !! و ما لقيت للشهوات دى هسه لينك تجيبو هنا الا موقع دار جعل دا ؟ لالالالالالا كان كدا انت قاصد تخوفنى دا تحرش ....
هو دفاع واهن يستند على عصاة لينة لا تقوى على الوقوف
أتفق مع الأخ ملاسي هذه القصيدة منظومة لا تشبه شاعر الشعب الضخم محجوب شريف الرقم الكبير في بلاط الشعر ولا ترقى لمستوى الحدث واختلف مع الأخ ملاسي في عنوانه الذي لا يليق ولا يصح على قامة محجوب شريف إذ لا ينقصه مجد ولا شهرة ولا سبق نضال حتى يلحق.
Post: #125 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 01:38 PM Parent: #123
خطأ الذين اوردوا هذه التصاوير والفيديو أنهم جعلوها فى غير موضعها الكريم .. فكانت بذلك عرضة للنزق الاسفيري و لحالة من اللامبالاة بأشياء حميمة تخص ذاكراتنا ..
وخطأئي هنا وصفى لعمر صديق شيء .. لا يحق لى ذلك وأعتذر -حقيقةً- من الناس ومنه شخصياً.. هو زول كامل الاهلية .. ولربما يكون ذلك هو المؤسف فى الموضوع اصلا ..
الموصلي يا عمر حاول يلحق السوق – الجد جد – بالخلاف البين النو و عقد الجلاد و ما لحق .. فخليهو يحاول يلحقو ب(نيالا الآن و ليس غداً) عله يلحق .. و هيهات!
الموصلي يا عمر حاول يلحق السوق – الجد جد – بالخلاف البين النو و عقد الجلاد و ما لحق .. فخليهو يحاول يلحقو ب(نيالا الآن و ليس غداً) عله يلحق .. و هيهات!
Quote: الموصلي يا عمر حاول يلحق السوق – الجد جد – بالخلاف البين النو و عقد الجلاد و ما لحق .. فخليهو يحاول يلحقو ب(نيالا الآن و ليس غداً) عله يلحق .. و هيهات!
بل ملاسي بعد أن فشلت محاولاته التسلقية حينما قامت مجموعة راي بقيادة النو واستمرار عقد الجلاد وصدق حدس الموصلي عقرت قريحته فقرر التسلق على شجرة محجوب شريف السامقة فتأمل
Quote: خطأ الذين اوردوا هذه التصاوير والفيديو أنهم جعلوها فى غير موضعها الكريم ..
أمال يجبروا الناس (تعترف) بإنو القصيدة مبدعة كيف .. ما ياهو بجنس دا.!
Post: #133 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 02:18 PM Parent: #132
Quote: أمال يجبروا الناس (تعترف) بإنو القصيدة مبدعة كيف .. ما ياهو بجنس دا.!
نعم .. هذا هو الموضع غير الكريم .. موضعك هذا ومقالتك أعلاه ..
Post: #135 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 02:29 PM Parent: #133
Quote: حبابي الحلوين
غايتو يا وليد لو في شي ح يخليني اقيف معاك وادعم رايك فهو الاغنية دي..خصوووصا بعد عرفت كتبوها في منو :) :) :) :)
ياخ تحياتي لي حرمكم المصون وقول ليها رمضانك كريم شديد..
Post: #136 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 02:33 PM Parent: #133
الشاهد فى الامر أنو الدخلتها الانقاذ فى أهل السودان ما حاجه هينه .. وهى أبعد بكثير من خيالات الناس الذين مازالوا يحملون فى بالهم الكثير من حسن الظن بالناس .. رحم الله محمود محمد طه .. والله لقد قال مقالة هى الأعظم إطلاقا .. "أنهم يفوقون سوء الظن العريض" ولوقت قريب كنت أظن أن الشخصية الإنقاذيه محدودة بذاتها فى مسألة سوء الظن التى أشار اليها الاستاذ.. الآن أعلم يقينا أن الانقاذ مشروع حضارى يفوق سوء الظن العريض .. وما نتج عن هذا المشروع ليس "كيزانا" و "وانقاذيين" ما نتج عن ذلك المشروع هو شخصية سودانية مشوهة .. وبالتحديد فى الخرطوم والمدن المسماة كبيرة ..
Post: #134 Title: Re: حتى محجوب شريف بقى داير يلحق السوق .. فتأمل! Author: قصي مجدي سليم Date: 08-03-2012, 02:26 PM Parent: #109
Quote: والله جات بي فائده هسع انتهيت من اللحن الاساسي وخلال ثلاثة آيام سيتم التوزيع الموسيقي وخلال اسبوع ان شاء الله يتم التنفيذ الموسيقي ثم يومين تلاتة يكون الفيديو والادويو جاهزين لآغنية الثوره
أما وقد حدث هذا فقد آن أوان الاسهاب لا الاقتضاب..
استاذنا العزيز يوسف الموصلي تحية واحترام.. بالطبع فأنت حر في أن توزع ما تشاء من الألحان وأن تموسق ما تشاء من الكلمات.. ونحن كبشر نشأنا على جيلكم وألحانكم وغنائكم لنا الحق أيضا في نقد ذلك ووجب عليكم سماعنا كجمهور ومعجبين (كمان)
أولا فإن هذه الحملة على ملاسي لا مبرر لها اطلاقا.. وكما أن ملاسي قد اخطأ في انتقاء عبارته إلا أن معظم المعلقين هنا قد جانبهم الصواب أكثر من ملاسي، وما استطاع أحد أن ينقد ملاسي بصورة دقيقة ولا محايدة!! مجرد عويل وبكاء و (إخوانيات: وهذا بالذات في شأنك وأستاذي مصطفى مدثر، وأستاذي بشرى الفاضل) وغيركم .. جيل من تربى وقام وعمل وهو يعرف محجوب الانسان قبل الشاعر، ويحفظ له حقه.. ولكن ما هذه خطيئة ملاسي ولا يعيبه أن علاقته مع (محجوب شريف) لا تتعدى ابداعه الفني المنشور لخلق الله.. وهو ينتقد محجوبا كما ينتقد المتنبي أو ابا العلاء أو جبران أو التجاني..
المتنبي والله كان عنصري هنا، وكان بذيء هنا، وفجاءة يبرز لملاسي (الطيب صالح، أو عبدالله الطيب) ويقولا له: يا زول انت ما نصيح.. المتنبي ده كتب (لك يا منازل في القلوب منازل) ولو قالها وحدها لكفته!! إلا أن لملاسي هنا شريك عتيد.. لا يحبذ المتنبي كأشعر العرب وهو أستاذهما (طه حسين)... ولربما سكت القوم.. (مجرد كلام توضيحي لا غير)..
هذه القصيدة (مجازا) من اسوأ الأشعار التي سمعت (لا من محجوب) بل من كافة شعراء الكون.. ولن يغير هذا الرأي ملابسات صنعها من شاكلة:
Quote: كان جرح نيالا ينزف وقلب الشاعر ينزف ولذا جاء هذا الانفعال الصادق ومحجوب لم يكن يهمه إن كان هذا شعرأً أو نظماً أو حتى بياناً كان يهمه ايصال صوته المساند الواعي بتعقيدات ما يجري في السودان.
لأنها أيضا تظل قصيدة دون الحدث وعظم الفاجعة.. والعذر في ذلك أن (محجوب قد كان مريضا) أطال الله في عمره ومتعه بالصحة والعافية.. وأما صوت محجوب فهو قد وصل منذ آلاف السنين في كل ثائر ضد الظلم وكل فنان أصيل وما ضر محجوب أن خانه تعبيره في هذه فلكل (جواد كبوة، ولكل فارس نبوة) ولكن عجبت لأستاذنا الموصلي أن يختار هذه القصيدة وهو القائل:
Quote: نعم قد تكون هذه القصيدة الهاتفة ليست في مصاف بنات أفكار محجوب انها مجرد انفعال سريع بالحدث قد يصحبه انفعال رفيع ربنا يديه الصحة انني هنا لا أهاجم ملاسي بل أنتقده في الجزئية تلك فقط
فهلا أنتظر أستاذنا انفعال محجوب الرفيع ليقدمه شعارا للثورة وأحداث نيالا! أم يتعجل ذلك بفعل وصفه هو بأنه : ليس من مصاف بنات أفكار محجوب!
أم هي الأخوانيات مرة أخرى؟
عفوا للتطاول فلقد سببه رؤية الظلم
ولكم محبتي
Post: #138 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 02:40 PM Parent: #134
Quote: ولكن عجبت لأستاذنا الموصلي أن يختار هذه القصيدة وهو القائل:
Quote: نعم قد تكون هذه القصيدة الهاتفة ليست في مصاف بنات أفكار محجوب انها مجرد انفعال سريع بالحدث قد يصحبه انفعال رفيع ربنا يديه الصحة انني هنا لا أهاجم ملاسي بل أنتقده في الجزئية تلك فقط
فهلا أنتظر أستاذنا انفعال محجوب الرفيع ليقدمه شعارا للثورة وأحداث نيالا! أم يتعجل ذلك بفعل وصفه هو بأنه : ليس من مصاف بنات أفكار محجوب!
أم هي الأخوانيات مرة أخرى؟
عفوا للتطاول فلقد سببه رؤية الظلم
تحياتي ياقصي كنت مخطئا في ردي الأول اذ أعماني حبي لمحجوب بالدفاع السلبي دون أن أرى جماليات هذه (الأغنية) المشروع ولكن ما الفرق عندكم بين الأغنية أو الانشودة والقصيدة؟؟؟؟ هي مشكلة السودان كله(أخص المثقف منه) ومشكلة أن أغنينا مازالت محلك سر هنالك ياقصي في العالم كله شيئ اسمه Song writing ليس المطلوب فيها أن تكون الأغنية من المعلقات ألسبع ولا مثل الالياذتين كما فعل هوميروس هي اغنية أو أنشودة بسيطة أجزم بأن الشعب سيلتهمها اقداما سؤال ألم تجد في كلام ملاسي عن محجوب مايدعوك حتى لعتابه دعك من اللوم؟ تحياتي ومحبتي ولا ياتين أحدا ليقول أنني أريد تحييدك
Post: #143 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 03:14 PM Parent: #142
ده كلام عجيب يا قصى !..
Quote: جيل من تربى وقام وعمل وهو يعرف محجوب الانسان قبل الشاعر،
طيب الناس بتتكلم فى شنو ؟!! فلنقول انا بعرف محجوب الانسان قبل الشاعر .. ولنفترض كمان انو ما عندى ذاتو علاقة شاعر ومتلقى بى محجوب .. وملاسي اخطأ كما قلت أنت فى انتقاء عبارته فى حق الزول ده ..
Quote: وكما أن ملاسي قد اخطأ في انتقاء عبارته
ونقول -إمعانا ساى- انو ملاسي ده طاهر تماما وكأنو نزل للتو من السماء وخالى تماما من الاثقال البشرية فى هذا المكان .. فكيف يكون خطأ الناس اكبر من خطأه وهو المخطى .. وكيف نقايس الخطأ ؟! كيف نقايس الخطأ ؟! بى مقياس منو ؟! مقياس احدهم القال انو الجملة تحتمل تأويلا جميلا .. ولا مقياسى أنا الذى أرى أن لذلك الزول الاسمو محجوب شريف الحق الكامل فى التمتع بما كسبت يديه .. وانو ما كسبت يديه ده هو الاستقامة التى لا تتفق فى وجهة نظرى وآخرين مع اشاره ملاسي الناس هذا .. وتتعارض معها كل التعارض كمان .. وبحيث يبدو محجوب شريف متكسبا من جثث القتلى .. ومتاجر بالاكفان كما يقول الخطاب الانقاذى فى هذا المنبر عن كل الذين قد ينفعلوا بقضية كهذه .. ويقينى انك متابع المنبر جيدا لا متاوقات خفيفة .. وأما بعد.. اليس ذلك مقياسا محتملا يا قصى واقل خطأً ؟! وده واحد ..
اتنين .. وللكلام (الساى) فصلنا ما بين الشاعر والانسان .. لاكن الكلام ده صاح يا قصى ؟!
تحياتى ..
Post: #144 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 03:15 PM Parent: #142
Quote: هنالك ياقصي في العالم كله شيئ اسمه Song writing
ده كلام حلو جدا يا موصلي.. كونك تقتنع بي إنو ما كتبه محجوب شريف اسة ده رايتنق سونغ دي واحدة من الحاجات الكويسة .. مشكلتك يا موصلي بتناقض نفسك بي نفسك ..إنت في محاولاتك الأخيرة بديت تفرض علينا رأي إنو دي ملحمة ومعلقة وديوانية عدييل.. الكلام ده كلام مصنوووع وده البنقول فيهو من الصباح ..وانتو مصرين تقولوا ده إحساس ... بس أهو جات منك راييت سونغ وكده .. انت قايل ده شنو يا موصلي طيب؟؟؟ ده ما السوق القاصدو ملاسي ظاااااطو..:)
Quote: ده كلام حلو جدا يا موصلي.. كونك تقتنع بي إنو ما كتبه محجوب شريف اسة ده رايتنق سونغ دي واحدة من الحاجات الكويسة ..
مالهاال Song writing عيبها لي ومن قال لك أن كتابة الأغنية صناعة ان الذين كتبوا المصطلح قالوا كتابة والكتابة هنا تشمل النص تارة واللحن تارة والتوزيع تارة أخرى وقد تشملهما جميعا في كثير من الألحان لعله قد (وقع ليكم)
Quote: هذه القصيدة (مجازا) من اسوأ الأشعار التي سمعت (لا من محجوب) بل من كافة شعراء الكون..
حكم يا قصي صادر عن حنق لا حذق. وفيما يتعلق ب(شعراء الكون) فانظر كيف ذهبت بعيداً في اطلاق الاحكام. الكون كله يا قصي لا الكرة الأرضية وحدها؟أين الدكتور محمد قرضي عباس؟ هذا نقد يحتاج لنقد مقارن كوني إذ ربما تكون هناك دنياوات أخرى في هذا الكون. وأغفل حكمك يا قصي من ناحية أخرى التاريخ. هل تقصد أسوأ الاشعار في كل التاريخ البشري؟ يا سيدي العزيز قصي انزل رجاء من هذه التهويمات الغاضبة التي تحاكم الأجيال إلى متن قصيدة محجوب شريف وناقش ضعفها لكن بعد ان تفرغ وقد نساندك عرج إلى عبارة ملا سي الموجعة : لحقان السوق وهذه لن يساندك فيها ولن يساند الملا سي إلا قلة .
يا ناس والله البتعملوا فيهو دا كلام عجيب، عبارة داير يلحق السوق كتعبير معروف إنوبيعني (الإستعجال) لا غير.
هسه أنا فهمتا الكلام دا كدا، وملاسي ممكن يكون قاصد دا أو ممكن يكون قاصد معنى سئ.
أنا ما عجبتني القصيدة ويمكن فعلاً شاعرنا انفعل بالاحداث في نيالا وكتب (القصيدة) وهي اشبه بالبيان السياسي.
الإعتراض على ملاسي في عبارة بقى داير يلحق السوق (الإستعجال) ما عندو أي سند غير (المابيدورك في الضلام يحدر ليك)
وإذا كان الإعتراض على ملاسي فيما يُمْكِن قراءته فيما وراء السطور، فهذا إعتراض مُبَرَّر، على اساس إنو كل شخص عندو زاوية شوف وقراية مربوطة بتراكمات متعلقة بأشياء كثيرة (المعرفة الشخصية، تجارب سابقة إلخ)، ودي ما حتتحل بسهولة وحتتحول لنقاش (دائري).
الفرز بتاع (عنوان) ملاسي والقصيدة (في عضمها) مطلوب.
أها القصيدة في عضمها بالنسبة لي أقل من عادية وما إنفعلت معاها (أنا الصادق اسماعيل).
بالنسبة للموصلي القصيدة جميلة وانفعل نعها لدرجة أنه سيلحنها.
ما في مشكلة،
المشكلة لمن يجى زول يقول ليك والله القصيدة دي ما سمحة وإنتا بتجامل ساكت.
يعنى زول داير يخش جوه انفعالاتك ويحدد ليك تسمع كيف وختا ليك معايير بتاع ذوق وتذوق خاصة بيهو (هو).
يعنى أنا مثلاً بحب (بلال موسى) الفنان، وبحب فنانين تانين، وفي فنانين كبار ما بيطربوني خالص، يعنى عشان أي زول جا وقال الزول دا صوتو سمح خلاص، صوتو سمح او كعب دا بالنسبة ليك يا فردة، خلينا نحنا برانا نقرر.
عشان كده كونوا القصيدة دي عجبت ناس فالقصيدة دي معناها بالنسبة للناس ديل قصيدة جيدة ومافي سبب لتفتيش نواياهم ونقول ليهم لا والله عشان الزول دا صاحبكم وعشان الشللية وهلما.
ناس ما عجبتهم القصيدة دي وجهة نظرهم لكن كمان ما يجو يشبكوا الناس الباقين إنو لازم يعترفوا إنو القصيدة ما جميلة.
Quote: الفرز بتاع (عنوان) ملاسي والقصيدة (في عضمها) مطلوب.
أها القصيدة في عضمها بالنسبة لي أقل من عادية وما إنفعلت معاها (أنا الصادق اسماعيل).
بالنسبة للموصلي القصيدة جميلة وانفعل نعها لدرجة أنه سيلحنها.
الصادق رمضانك كريم ياخي مالك تقلب الماضي فعلا مستقبليا وانت ذاك اللغوي الضليع أنا لم أقل بانني سألحنها وإنما قلت قد لحنتها لذا فمحاولة اثنائي كالحرث في البحر لكن بعض أهلنالا يعرفون يغني المغني وكل على هواه ولم يقرأو على كيفي ولم يسمعوا زينه وعا-ج-ب-ا-ن -ي (حتى)
Quote: القصيدة ضعيفة ..وما بتشبه محجوب شريف ده راينا العجبو عجبو والما عجبو يشرب من اقرب محيط جمبو
وليد المبارك ...سلام انت ماعارف نحن قاصدين شنو ؟ محجوب ما بشر مش القصيدة دى لوحدها، عنده كم قصيده مليون زول عندهم فيهم راى ومن حقهم ومن حق اى زول ينتقد حتى المتنبى ، ولا يوجد كلام فوق النقد ما عدا كلام الله سبحانه وتعالى ما بشار بن برد كتب: ربابة ربة البيت تصب الخل فى الزيت يعنى عشان كتبها بشار نقول دى قصيدة عصماء؟ نحن فى عنوان ملاسى العايز يلحق بيه سوق الشهرة ده فهل محجوب فى موقف يبحث به عن شهرة او لحيق سوق؟ ويبقى الؤد،،،،
Post: #151 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-03-2012, 05:31 PM Parent: #150
Quote: القصيدة ضعيفة ..وما بتشبه محجوب شريف ده راينا العجبو عجبو والما عجبو يشرب من اقرب محيط جمبو
هذه الجزئية لا تستحق الذهاب لاقرب محيط يا وليد.. شخصيا أحترم رأيك جدا فى ضعف القصيدة .. وأري أن يحترم الجميع ذلك دونما مجابدة ورهق ..
Post: #153 Title: Re: حتى محجوب شريف بقى داير يلحق السوق .. فتأمل! Author: Balla Musa Date: 08-03-2012, 05:47 PM Parent: #151
سلام يافطاحلة..
محجوب شريف دا سموه شاعر الشعب ما شاعر الصفوة.. والشعب هنا تعنى شاعر العامة منهم.. يعنى بكتب الكلام البسيط ومعبر وسهل على لسان أى شماسى فى شوارع السودان..
لو ملاسى قاصد مواكبة الحدث أو السبق حسنا.. لو قاصد سوق الشهرة بكون زول بكاوى ساكت..
أما السادة النقاد نقدا غير أدبيا فهم كالطير الخماص.. تطير حيث البساتين بفواكهها فتنتقى البلحة والجوافة والمنقة, وكل ترابلة السودان يعرفون أن ماينقده الطير من الفواكه هو الأحلى والأجود إلا أن الطير يجعله لايصلح إلا لفم التربال وعياله وفى هذا رحمة من الله, حتى لاتباع كل الفواكه ويأكل زارعها الدراهم. عشان كدا زمااان قلنا تبقى أديب أساسى ويكتب فيك ملاسى ودى صورة لأم بتغنى وبتلاعب فى طفلها وتتمنى له الأمانى الجميلة.هذا لمن يعرفون كيف ينقد الطير فاكهة البستان.
فالقصيدة فعلا على منوال سهل وشعبى من شاعر العامة من الشعب.. ولها موضوع لم يطرق وهو القتل بدافع عنصرى لشباب خرجوا كما خرج شباب العاصمة الذين اكتفى النظام بمسيل الدموع فى مواجهتهم.. وفيها دعوة لتفويت الفرصة على النظام بتفريقنا الى هامش ومركز, ولنثبت ذلك يجب أن نتحرك حيث من قتلوا والآن وليس غدا..
ومن ناحية وزن وقافية فليس بها أى خلل..
طيب قصيدة بها موضوع ودعوة سامية وبسيطة وموزونة ومقفية, تانى فضل شنو عشان تكون قصيدة جيدة..
شاعر شعبى بسيط كتب الكلمات الآتية كمطلع لقصيدة قيلت فى الخمسينات: يابيوت السويس يابيوت مدينتى استشهد تحتك وتعيشى انتى
وفنان لحنها لحن حلو وظلت حية منذ ذلك التاريخ حتى أصبحت شعار الهتافات فى ميدان التحرير تغنى يوميا من كل الشباب وتلهب حماسهم..
والله يا أستاذ موصلى ربما تضعك هذه القصيدة مع زرقاء اليمامة من أهل الفن وعلى يدك ستكون أجمل أغنية تخلد دماء نيالا.
Quote: والله يا أستاذ موصلى ربما تضعك هذه القصيدة مع زرقاء اليمامة من أهل الفن وعلى يدك ستكون أجمل أغنية تخلد دماء نيالا.
د بله موسى ( العتب على النظر) أخوك عجز ههه أنا لحنتو ومبسوط من لحني فجراليوم الجمعة 2 صباحا ومتيمن الا أخت ليهو توزيع موسيقي غاية في العلو هذه الليلة مع صباح ومساء الغد ان شاء الله واصرف عليهو دم قلبي كي يتم تنفيذو بصورة أحدث وهذا هدية مني لاسكات فلتان بندقية الانقاذ وليس الشتارة لأن الشتارة تموت بعد حين قليل من مولدها كل الود
Post: #154 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-03-2012, 05:53 PM Parent: #151
Quote: ما تجي مدلدل يدينك المرة دي وقالت ليك لاخظ انو دي مشاعر واحاسيس ما شبط
بالله يا وليد وصصل ليها الكلام ده : سببين منعوني من الجية للسودان رمضان والعيد ده ..واحد فرعي والتاني رئيسي أما الرئيسي منهم فياهو وصايا حرمكم المصون دي :) :) :)
تخريمة : يا موصلي في دعاية في تلفزيون السودان بتاعت محل تجاري إسمو يا بلاش.. فيهو جزء المرا بتقول لي عمي الراجل يا بلاش ده : والريحة دي شنو ؟؟ فهو بيقول ليها : شمي ساااااااااااااي..
Quote: الصادق رمضانك كريم ياخي مالك تقلب الماضي فعلا مستقبليا وانت ذاك اللغوي الضليع أنا لم أقل بانني سألحنها وإنما قلت قد لحنتها لذا فمحاولة اثنائي كالحرث في البحر
حسب ما فهمت من كلامك أنها لم تخرج بعد للناس فأعتبرناها في المستقبل.
شفت يا حسين مره جابو لقاء قدييم مع حسن عطية المذيعة سالتو قالت لى معظم الناس بقولوا انو كلامك فى الغنا ما مفهوم وانك بتاكل الحروف بطريقة صعبه .. رايك شنو فى الكلام دا ؟ بترد على الناس البقولو الكلام دا بى شنو؟؟ قال ليها بى اريحية شديدة : مرة سجلت لى اغنيه لى رمضان لى ناس الاذاعه ولم تبث وقتها واترمت ... اها بعد كمممم سنه لما رمضان فاجاهم جو جاريين لى عايزين يعيدوا تسجيل الاغنية .. وانا نسيتها ما حافظها قالوا لى بنفتح ليك التسجيل القديم اها لما فتحوا والله يا بتى ما فهمت اى ى ى حاجه خليهم الناس ..... لوووووووووب ... شفت الشفافية دى كيف !
انا متاكده انو محجوب شريف لو جاء راجع من المانيا وسمعوها ليه ح يقول دا شنو دا ؟؟ دا شعرى انا ؟
ـــــــــــــــــــــــــــ ف دحين ياااااا الموصلى اخاف ان تطلع بعدين رويال مور ذان ذا كينيق !!
Post: #164 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-03-2012, 11:52 PM Parent: #163
يا جماعة انا الصفحة التانية اتلخبتت علي وما قادر اقرا بالله واحد ينقل لي السيد بشاشا قال شنو ؟
لانو كلامو ما ظاهر لي
Post: #165 Title: Re: حتى محجوب شريف بقى داير يلحق السوق .. فتأمل! Author: حافظ انقابو Date: 08-04-2012, 00:22 AM Parent: #164
Post: #170 Title: Re: حتى محجوب شريف بقى داير يلحق السوق .. فتأمل! Author: Rawia Date: 08-04-2012, 02:55 AM Parent: #167
Quote: بالله واحد ينقل لي السيد بشاشا قال شنو ؟
يعني حيكون قال شنو؟ هم البؤين (الحامضين) بتوعو ماغير فيهم ولا حرف ولا شولة
إضافة واجبة
Post: #171 Title: Re: حتى محجوب شريف بقى داير يلحق السوق .. فتأمل! Author: عادل شلبي Date: 08-04-2012, 03:07 AM Parent: #170
رحمه الله علية الفنان النوبي حسين لالا في لقاء تلفزيوني المذيع قال لحسين لالا رائيك شنوة في سيدة الغناء العربي ام كلثوم عمنا حسين قال والله عندها مستقبل
Post: #172 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-04-2012, 04:27 AM Parent: #171
أها بمناسبة "سيدة الغناء العربي"
البقّى محجوب شريف "شاعر الشعب"؟
(السؤال دا جادي ... خصوصًا انو عوض جبريل وهيثم عباس عندهم شعبية اكتر من محجوب شريف!)
... المهم ....
Post: #173 Title: Re: حتى محجوب شريف بقى داير يلحق السوق .. فتأمل! Author: mustafa mudathir Date: 08-04-2012, 07:10 AM Parent: #172
تبارك سلام من تحت النخرين كدا! حاجة بقدر أعملها في حد عندو اعتراض؟ أول حاجة ح أعملها الصباح، ح أعمل ليك أن فريند اللي هي بال يو إن (مش البتجيب اللاجئين) ولكنها البتنفي عن المحبوب كربة من يحبه زي ما قالت توني براكستون أن بريك ماي هارت! أريت لو عندك فهماً قدر دا عشان تفهم انك بتسيئ لمحجوب وهو قال مثل بت براكستون ما قال شاعرهاولكن في موقف آخر ساكن فيني هواك وبريدك، جوا القلب النبض بصونك. "دا لو ترجموهو وغناهو شرحبيل كنت تدحرجتوا مساطيل في الصالة من روعة الكلام" لكن ركز لي على النبض: شايف وظيفة النبض دا زي عسكري المرور ومن ضمن من ينظمهم الحبيبة لا تصيبها عربية ولا كارو! وحات الله من الصباح انت ماك صحبي في الفيس بووك وشايلك شايلك تسأل منو البقّا محجوب شاعر الشعب؟. ومستني اجابة؟ بعدين عرفت انو الناقد الهمام الذي عجز عن أن يأتينا بغلطة واحدة لغوية أو عروضية في صيحة محجوب المبحوحة لناس دارفور (منو فيكم كان انت كان حسين ملاص (بالصاد) كان عمر الفاروق دا رفع سماعة وسأل أي زول في نيالا؟) وهناك الواد الهايج أوي في انو محجوب يكتب شعر. ود اسمه عبدالعزيز حسين مين ما عارف، منو فيكم كتب عن الصبية الذين أرداهم نظام الموت في نيالا؟ منى صاح ألو أكلم نيالا؟ عندكم كود نيالا؟ محجوب جابو من جو بلدة صغيرة في المانيا دون أن ينسى أن يشفط من الاوكسجين وهو يقدر ينسى لكن انت لما تجي تشفط يا تبارك ممكن تشفط وانت ناسي، موش؟ عرفت انو الناقد الهمام دا تبعكم وهاأنذا أصرخ يا تماضر ويا وافر ويا رشا يا محترمين ادركوا كيف يخاطب إخوانكم القوم الذين تعرفون! يعني تشفقوا عليهم وكدا. صحيح بيعيشوا كويس بطريقة ملاسيأ! ياخي يا تبارك أذكر أنني من أضفتك لقائمتي يعني سعيت ليك أنا وندمان. كويس؟ أعتقد انو دينك بيسمح بالردة أو حتى لو ماسمح ياخي أنا لساني ماكلني فاعتقني بمعنى لا تذكرني لا أنت ولا عمر الفاروق. الطبيعة البيعوية بتاعت تضافركم مع عميل النظام دا أنا بتزكم أنفي. شكراً ياخي للقراءة.
Post: #175 Title: Re: حتى محجوب شريف بقى داير يلحق السوق .. فتأمل! Author: عمر الفاروق Date: 08-04-2012, 09:36 AM Parent: #173
Quote: (منو فيكم كان انت كان حسين ملاص (بالصاد) كان عمر الفاروق دا رفع سماعة وسأل أي زول في نيالا؟)
نجن خلينا ..إنت فييي عضمك ده ضربت؟؟ بعدين ممكن سؤال سغمبروتي كده ؟؟ محجوب شريف ده بيعرف فيجوال بيسك؟؟ بيعرف سيكول سيرفر؟؟ بيعرف دلفي؟؟؟ محجوب شريف عبر لي ناس نيالا بي قصيدة باعتبار إنو شغلتو شاعر ..انا ياخ عبرت لي ناس نيالا بي برنامج عملتو بي الدوت نت شن دراك إنت ؟؟؟ أييي زول بيعمل حاجتو وبعد داك الناس بتجي تقييم هل الحاجة دي نافعة ولا ما نافعة ..كويسة ولا كعبة .. يعني انا اسة مثلا البرنامج العملتو بي الكمبيوتر الرسلتو لي دعم شباب نيالا ده طلع فيهو فايروس ورجعوهو لي ونهرزوني نهرزة السنين .. شن دراك إنت ..
تخريمة : بالمناسبة يا مصطفى كلامي ده لو قريتو مشكول صدقني ح يطلع سمح..أوووعك تقراهو بي الدارجي عشان ما تشوفو كعب سمح؟
Post: #176 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-04-2012, 11:03 AM Parent: #175
Quote: أول حاجة ح أعملها الصباح، ح أعمل ليك أن فريند اللي هي بال يو إن
كنت على يقين بأن مصطفى مدثر – و على الرغم من صفاقته المعهودة – لن يتجرأ على تبارك بأكثر من "ح أعمل ليك أن فريند اللي هي بال يو إن" !
Post: #177 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-04-2012, 11:23 AM Parent: #176
نفس السؤال دا سألتو مريم فخر الدين عن منوا البقى فاتن حمامة "سيدة الشاشة العربية" على الرغم من عادية تمثيلها مقارنة بالأخريات؛ فانتبه القطيع و نقاد القطيع لغبائهم و لذكاء(منتج) أطلق عليها اللقب الذي تلقفوه ترديداً كالببغاوات!
Post: #178 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-04-2012, 11:29 AM Parent: #177
نفس السؤال دا سألتو مريم فخر الدين عن منو البقى فاتن حمامة "سيدة الشاشة العربية" على الرغم من عادية تمثيلها مقارنة بالأخريات؛ فانتبه القطيع و نقاد القطيع لغبائهم و لذكاء (منتج) أطلق عليها اللقب الذي تلقفوه ترديداً كالببغاوات!
Post: #179 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-04-2012, 11:56 AM Parent: #178
شاعر الشعب سيدة الشاشة العربية أمير العود سيدة الغناء العربي الإمبراطور ملك الترسو فنان إفريقيا الأول راقصة مصر الأولى فارس الأغنية العربية قيثارة الشرق معبودة الجماهير أفراح الشعب الخ .. الخ .. الخ ..
البوست أغلق منذ أن أتيت لنا بصورة محجوب شريف - مريضاً - لتتسول بها إعجاباً للقصيدة.
Post: #193 Title: Re: حتى محجوب شريف بقى داير يلحق السوق .. فتأمل! Author: طه جعفر Date: 08-04-2012, 11:19 PM Parent: #179
شاعر الشعب سيدة الشاشة العربية أمير العود سيدة الغناء العربي الإمبراطور ملك الترسو فنان إفريقيا الأول راقصة مصر الأولى فارس الأغنية العربية قيثارة الشرق معبودة الجماهير أفراح الشعب الخ .. الخ .. الخ
ما بالاحمر اعلاه كتبه الاستاذ حسين ملاسي. نجم المنبر بلا منازع. معبود جماهير سودانيزاونلاين. ناقد الزمن الفلاني. سيد القلوب المشبوبة بحب الجمال. و معشوق البت الفي صورة بروفايل دينا خالد.
حسين ملاسي سيد العارفين. كاتب الكلمتين. نجم النجوم. صاروخ البوستات صانع الايام. days maker مبهج العاشقين و ترقبوا!!!!!! حسين ملاسي صائد قلوب العذاري !؟ حبيب وليد مبارك مبعث الحكمة عند تبارك الما بتشارك
و كلام فنانتك المصرية المغمورة عن فاتن حمامة يا حسين نوع من الحسادة و الغيرة فكلماتها لم تغير شيء لان فاتن حمامة هي فاتن حمامة و بس
Quote: فس السؤال دا سألتو مريم فخر الدين عن منو البقى فاتن حمامة "سيدة الشاشة العربية" على الرغم من عادية تمثيلها مقارنة بالأخريات؛ فانتبه القطيع و نقاد القطيع لغبائهم و لذكاء (منتج) أطلق عليها اللقب الذي تلقفوه ترديداً كالببغاوات!
شاعر الشعب سيدة الشاشة العربية أمير العود سيدة الغناء العربي الإمبراطور ملك الترسو فنان إفريقيا الأول راقصة مصر الأولى فارس الأغنية العربية قيثارة الشرق معبودة الجماهير أفراح الشعب نسرين سوركتي الخ .. الخ .. الخ ..
Quote: البوست أغلق منذ أن أتيت لنا بصورة محجوب شريف - مريضاً - لتتسول بها إعجاباً للقصيدة.
التحت دي مداخلة لي سابقة منتصف الليل الماضي
Quote: عموما يا شباب الأستاذ محجوب مرحّب بهذا الاختلاف حول قصيدته ويقول إنه ضروري وطبيعي تجاه أي إنتاج
وبخصوص الصورة لم يمانع أيضا، وشخصيا أنا نزلتها لأنها جزء من المشهد ، وليس لأي سبب آخر كما تراءى للبعض
يعني لم يكن السبب كسب نقاط على حساب ما هو إنساني، حسب ما فهمت من مداخلة الصديق د. المشرف
والتي وجدها ملاسي مقشَرة
اما انت ما بتقرا (والله ما عايز أقول ما بتفهم) أو لا تصدق الناس أو لك غرضك الخاص
بعدين اليوتيوب مليااان بأشرطة الفيديو التي يظهر فيها محجوب منهكا
وصحة الأستاذ معروفة لكل المهتمين والمعجبين بشعره وغيرهم
أتسول؟! بي صورة مرضه عشان اقنعك ؟! الله لا يغفر ليك حقي في سوء الفهم دا يا حسين ملاسي
Post: #185 Title: Re: حتى محجوب شريف بقى داير يلحق السوق .. فتأمل! Author: بدر الدين اسحاق احمد Date: 08-04-2012, 04:50 PM Parent: #184
ملاسى دا تطير عيشتو يتضامنو معاهو فى محنتو كيفن مع القطيع دا
قول (3 ) يا وليد الشفت ..
Post: #186 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-04-2012, 05:59 PM Parent: #185
معاوية الزبير يا صديق .. يا هندسه ! ياخى كيف تفهم كلامى بهذا المنحى العجيب والمعكوس .. اعتراضى كان فى انزال الصورة فى هذا الموضع غير الكريم .. والاشارة واضحة .. ولاننى أعرف تماما سيكلوجية الانسان السودانى اللئيم فى هذا الزمن اللئيم .. ما كنت لاجلب هذه الصورة هنا .. وكذلك محاولة الدكتور صدقى كبلو ما كنت لأكتبها .. وكلام الاستاذ مصطفى مدثر فى المداخلة الأولى .. وأى كلام يفترض الأريحية والاستقامة فى هذا الموضع .. ولسانى حالى انو الكلام ده ما بنفع فى حظيرة اللؤم هذه .. الامر الذى يكون قد بلغك الآن تماما بمداخلة ملاسي الناس الاخيرة ..
واقول ليك كلام يا معاويه .. سيكون لى الحق فى أن ازعل منك والله .. واوع يكون كلام انو (عم) محجوب موافق على نشر الصورة ده ردا على كلامى ؟!! حينها ساقول لك أنى أستحق منك تقديرا أكبر من ذلك بكثير ..
سلام يا صاحبى .. وأما بعد "بتاعت الصادق اسماعيل" ألسنا من باب الشجى آ زول ؟! ما طيب !؟ المغزى كيف ؟!!
Post: #187 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-04-2012, 07:06 PM Parent: #186
Post: #188 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-04-2012, 07:29 PM Parent: #187
الله يرحم "العندليب" و "العندليب الأسمر" ...
يا مصطفى ... على وزن "أن بريك ماي هارت" ... نقول ليك:
أن فريند ماي .... عيييييييك ...
(ياخي ما تزعل زعل شخصي يعني ... لأنو انا ما حا اتوقف عن حب شعر محجوب شريف بسبب قصيدة ركيكة أو لقب تجاري!)
... المهم ....
Post: #190 Title: Re: حتى محجوب شريف بقى داير يلحق السوق .. فتأمل! Author: قصي مجدي سليم Date: 08-04-2012, 09:41 PM Parent: #188
إلى أستاذنا بشرى الفاضل وهو يتنزل إلى نقدنا (ولست بساخر) كما يعلم عني ---------------------------------------------------------------------
اضاءة أولى:
Quote: قال أبو تمام: لا تسقني ماء الملام فإنني ** صب قد استعذبت ماء بكائي و يقال إن مخلدا الموصلي بعث إليه بقارورة يسأله أن يبعث له فيهاقليلا من ماء الملام فقال لصاحبه قل له يبعث إلي بريشة من جناح الذل لأستخرج بهامن القارورة ما أبعثه إليه.
اضاءة ثانية:
كتب أستاذنا بشرى:
Quote: حكم يا قصي صادر عن حنق لا حذق. وفيما يتعلق ب(شعراء الكون) فانظر كيف ذهبت بعيداً في اطلاق الاحكام. الكون كله يا قصي لا الكرة الأرضية وحدها؟أين الدكتور محمد قرضي عباس؟ هذا نقد يحتاج لنقد مقارن كوني إذ ربما تكون هناك دنياوات أخرى في هذا الكون. وأغفل حكمك يا قصي من ناحية أخرى التاريخ. هل تقصد أسوأ الاشعار في كل التاريخ البشري؟ يا سيدي العزيز قصي انزل رجاء من هذه التهويمات الغاضبة التي تحاكم الأجيال إلى متن قصيدة محجوب شريف وناقش ضعفها لكن بعد ان تفرغ وقد نساندك عرج إلى عبارة ملا سي الموجعة : لحقان السوق وهذه لن يساندك فيها ولن يساند الملا سي إلا قلة .
في ما يتعلق بـ(الحنق) و (الحذق) فهو يشبه ما قاله شارح نهج البلاغة حين قال:
Quote: و في الاستعارات ما هو مستقبح و ذلك كقول أبي نواس : بح صوت المال مما ** منك يبكي و ينوح و كذلك قوله : ما لرجل المال أضحت ** تشتكي منك الكلالا و قول أبي تمام : و كم أحرزت منكم على قبح قدها ** صروف النوى من مرهف حسن القد و كقوله : بلوناك أما كعب عرضك في العلا ** فعال و لكن خد مالك أسفل فإنه لا مناسبة بين الرجل و المال و لا بين الصوت و المال و لا معنىلتصييره للنوى قدا و لا للعرض كعبا و لا للمال خدا.
ولست أعلم لي حنقا في هذا الأمر، ولقد اشكل علي حقيقة أي حنق يعني أستاذنا بشرى! ولو عمدت للتخريجات من أقواله لفهمت أنه حنق على الأجيال أو حنق أجيال من خلال لازمة قوله : ((ا سيدي العزيز قصي انزل رجاء من هذه التهويمات الغاضبة التي تحاكم الأجيال))!! وعموما فإن كان بي أمر في هذا المشهد يستحق أن يقال فهو أني لا أحب أشعار جيلي ولا جيل من سبقوني بعشرة أعوام من عمري كحبي لأشعار (حميد والقدال ومحجوب)!! فكيف يعتورني الحنق عليهم! أوليس في مقالاتي التي كتبت في هذا المنبر وغيره ما شرح أمري بصورة كافية لأستاذنا بشرى! أوليس لمحاورتنا في سيء الذكر (سودان فور اول) ما يجعله يحسن الظن بي في هذا الأمر! لشد ما يعجبني أن ينقدني الناس.. ولشد ما يحزنني أن يسيء فضلائهم الظن.. وهذه تالله من الحوالق ولكن حسبنا بأنا (لله وانا اليه راجعون).
الأمر الأعجب هو النقد الأغرب الذي قدمه أستاذنا بشرى.. والأغرب ما نقله عني في أعلى مداخلته ثم التخريجات (التي لولا ظلمها) لكانت جنسا أدبيا جديدا يضاف الى الخيال العلمي:
Quote: وفيما يتعلق ب(شعراء الكون) فانظر كيف ذهبت بعيداً في اطلاق الاحكام. الكون كله يا قصي لا الكرة الأرضية وحدها؟
وكأن الكرة الأرضية وحدها ليست (كونا)!! وقد قلت لعله يقصد شيئا غير العربية التي نتحدثها -وهو ما سنتناوله لاحقا- ولكنه لا بالعربية ولا بمستعمرينا الاحباء من بني جورج و (خادمهم المطيع: إمعانا في حنق الأجيال) لا يستقيم له العجب ولا يسلم! ولا يضره إن قلت شعراء الكون.. أو ال Universe ولقد قيل أن المرء عندما يكتهل (كأستاذنا بشرى وأستاذنا الموصلي وصديقي ملاسي- عشان ماف زول يزعل مني في وصفي) يسمى (كنتي).. وده والله العظيم عربي فصيييييح! ما به الكون؟ هل صار عيبا أم أمرا معييا على الفهم! خصوصا عندما تخصصه بقولك:
Quote: هذه القصيدة (مجازا) من اسوأ الأشعار التي سمعت
وسمعت هنا مضمومة التاء فيرجع ضميرها للعبد لله!! ولو فارقتني (الحشمة الأكادمية) لقلت من اسواء الاشعار مطلقا.. ولا كون ولا يحزنون! فعندما أخصص بأنها كذلك (وفقا لي أنا كمستمع، وأقول : شعراء الكون) فهل يذهب المستمع إلى كون غير الذي (أسمع أنا)!! ويقول أستاذنا:
Quote: إذ ربما تكون هناك دنياوات أخرى في هذا الكون.
وأقول ممعنا في الحذق بصنيعة أجيال خلت وتعقدت بعقادها: خذوا دنياكم هذه ف................................ ايه بئى التمامة ؟!!!!! ولنحضر نقادنا ليخبروا العقاد وينقدوه في أمره!!
Quote: وأغفل حكمك يا قصي من ناحية أخرى التاريخ. هل تقصد أسوأ الاشعار في كل التاريخ البشري؟
ولو كان صح لأستاذنا ما استقبل من أمره وعنا (علم الكونيات Cosmology) أفليس من البداهة أنها تعني (حجم مساحة زمكانية)!! فلو كان اسوأ ما كتب المتنبي: فكل من خلق اللله أو لم يخلق:: محتقر في همتي كشعرة في مفرقي فتلك اسوأ منها.. ولكن لعل أستاذنا بشرى ينسى دائما لازمتي (سمعت أنا).
Quote: يا سيدي العزيز قصي انزل رجاء من هذه التهويمات الغاضبة التي تحاكم الأجيال إلى متن قصيدة محجوب شريف وناقش ضعفها
لقد رددنا على موضوع (الغضب ومحاكمة الأجيال).. وأما موضوع القصيدة.. فليس هناك ما يقال أكثر مما قلنا.. وإنه من العوار في (نظري) أن أتعامل معها بجدية النقد (فأميز عجالتها من هتافيتها من سطحيتها من لغتها غير الشاعرية البتة ومن مباشرتها غير المحمودة)
واما قولك:
Quote: لكن بعد ان تفرغ وقد نساندك عرج إلى عبارة ملا سي الموجعة : لحقان السوق وهذه لن يساندك فيها ولن يساند الملا سي إلا قلة .
وأرجو لك أن تعرج على مداخلتي الأولى في هذا البوست، وعلى قولي في مداخلتي الثانية:
Quote: وكما أن ملاسي قد اخطأ في انتقاء عبارته
ولكني لا أقبل ان اصف ملاسي بسوء الأدب..فهو رجل مهذب حيث ما وجدته، دمث الأخلاق، وعلى مروءة، وهو صديق وفي لا أعرفه أسما على هذا البورد بل أعرف سمته وإن اخطأ عاتبته على ذلك ولا أهابه أو أستنكف عن الحق.. ولقد فعلت..
وليد والله العظيم ما كنت عارف انو المشكله ديه متجذره في الموقع منذ امد طويل و قديم لااااااااااااااااااااحول إلا محجوب شريف يا حسين ملاسى.... شكرا ياخ
Post: #191 Title: Re: حتى محجوب شريف بقى داير يلحق السوق .. فتأمل! Author: وليد محمد المبارك Date: 08-04-2012, 10:04 PM Parent: #189
(فهو رجل مهذب حيث ما وجدته، دمث الأخلاق، وعلى مروءة، وهو صديق وفي )
وانا على ذلك من الشاهدين
سجن سجن غرامة غرامة
Post: #192 Title: Re: حتى محجوب شريف بقى داير يلحق السوق .. فتأمل! Author: قصي مجدي سليم Date: 08-04-2012, 10:13 PM Parent: #189
ولأعزائي الموصلي ومحمد حيدر المشرف كلمة -------------------------------------------- ما قابلت (محجوب شريف ) في حياتي كلها الا مرة واحدة.. كنا في منزل أخينا الجمهوري (بركات) واستمعنا فيها لشعر محجوب من محجوب .. ولكني منذ طفولتي كنت أعجب كيف يناقض الانسان أسمه بهذه الصورة!! فمحجوب هذا كان يجب أن يسمى (المكاشفي)... كيف صنع رجل واحد برؤيته الثاقبة أملا في نفوس الناس كالذي صنعه محجوب وكيف يستشرف رجلا مستقبل شعبه بتدوين تاريخه كما صنع محجوب وكيف يستطيع كل فناني الدنيا أن يدانوا محجوبا في تقييده للعبارة حتى سهلت وأمتنعت في آن.. وكأنه يقول للشعر (كن) ف (يكون)!! يا والدة دينك كم؟ دين الوطن كمين؟ وكأنه يجادع العبقري الثاني حميد حين يقول بشايقيته الرائعة: ما شكيت (شح) الليالي ولا بكيت (نح) شلتو حالي
علا .. أو إلا في عرف الأعراب ما استطعنا مثلهم أن نصرخ: يا وطن عز الشدايد!! وكأنهما يتمثلا قول العبقري الفذ في زمانه الفيتوري: كلما زيفوا بطلا قلت: قلبي على وطني.......
محجوب في نظري وطن.. ومحجوب ليس بملك لنفسه ولا حزبه ولا أسرته ولا شعبه.. فهو ملك للدنيا (الكون) وعلينا أن نسمعها عبق العبارة الفاتنة ومحجوب قد كان أمة تأمر بالمعروف (حا نبنيهو البنحلم بيهو يوماتي.. وطن شامخ وطن عاتي.. وطن خير ديموقراطي) وتنهى عن المنكر (كل سنكي أحسن يبقى مسطرينا) وتتألم وتنتشي ببطولات ابناءها (اعدام!! اعدامنا بتقصد اعدام! الموت لو شنقا حتى الموت.. الموت لو رميا بالرصاص .. ياهو الموت) محجوب قد كان أمة.. وحميد كذلك وكما أن الأمة تسير الى المجد فإنها قد تتنكبه في بعض الأحايين وما نقدنا للأمة أو محجوب إلا من باب المحبة لا من باب الهدم والردم واني أعذيكما أن تصيحا علينا صيحة أم الضو (انخمد نوم) فلا جهجهة تنيخ بعير تقدمنا ولا تساب يقحط نقدنا وهذا عهدنا ما حيينا
Quote: هذه القصيدة (مجازا) من اسوأ الأشعار التي سمعت (لا من محجوب) بل من كافة شعراء الكون..
عزيزي قصي حاشا أن اقصد بالحنق ما قصدت . كن اقصد حنقك من سماع هذا النص من شاعر أعرف مدى تقديرك له.وليكن قصدك ما سمعت من شعراء الدنيا فهل تضعها في مرتبة واحدة مع ماسمعت من قصائد من نوع : الريس ما نوريقا ريسنا أسد الله البضرع ومثل هذا كثير مما اسمعك الإعلام قسراً. أنا اعتقد أن محجوب صاغ بياناً في نظم لا قصيدة.هو لم يسمها قصيدة. وعلينا أن نحاكم النص على هذا الأساس.
Post: #205 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-05-2012, 04:39 PM Parent: #204
Quote: بوست تحفة .. متلمين فيو كل شبيحة مطعم الباشا
Quote: واني أعذيكما أن تصيحا علينا صيحة أم الضو (انخمد نوم) فلا جهجهة تنيخ بعير تقدمنا ولا تساب يقحط نقدنا وهذا عهدنا ما حيينا
لكما محبتي واحترامي
الحبيب قصي ليست لدي ادني شك في صدق نواياك تجاه محجوب آو حبك له كشاعر انسان دفاعك عن ملاسي نقدره ونحن لا يهمنا الواقع الانساني لملاسي على الارض فهذا شآنه مع اهله وعشيرته واصحابه على ارض الواقع حيث تعلمت ذلك في سلامنا الاخوي الحار حينما التقينا لاول مرة في احتفال دال بشرحبيل وكان هاشا باشا لطيفا ولكنه في هذا السايبر قناص آشر وانا له لقانصون
Post: #207 Title: Re: حتى محجوب شريف بقى داير يلحق السوق .. فتأمل! Author: تبارك شيخ الدين جبريل Date: 08-05-2012, 05:41 PM Parent: #206
وفاتن حمامة هينة؟
انت ما سمعت الشاعر (داير يلحق السوق) قال:
الجمال يا حمامة فاتن وفيه ألوان من المفاتن
(اتخيل لي باقيها: الذكرى ناقوس يدق في عالم النسيان)
هذه مداخلتي الأولى والرئيسية عشان ما تتعب وترجع ليهايا تبارك
Quote: كلمات مثل السوق والمولد لا يليق استخدامها عند الحديث عن محجوب شريف كما كتب لك مصطفى مدثر
هذه الكلمات تؤلمه في أحواله العادية، فما بالك وهو في وضعه الصحي الحالي المعروف للجميع
كنت مع الرجل قبل ثلاثة أسابيع رأيته كيف يجاهد بنَفَسه الضيق كي يطالع النت ليقرأ ما يكتب في المواقع السودانية
لو تعرف يا حسين كم سيكون متألما الآن لهذا الوصف، لما كتبت ما كتبت
كان بإمكانك أن تعنون لبوستك بـ: قصيد ضعيفة لا تشبه محجوب شريف
أي كلمات من هذا القبيل، ويختلف معك الناس أو يتفقوا
لكن كلو إلا الإساءة التي تقتل الشعراء عدييل كدا
وكم من شاعر مات نتيجة تهمة ظالمة
اعتذر يا حسين اعتذارا حقيقيا ولن ينقص ذلك منك شيئا
تعرف يا تبارك في كل مداخلاتي لم أحكم على القصيدة لأنني لست مؤهلا لذلك وهذا لا يمنع الاعتراف بأنها هزتني كل ما انتقدته هنا هو عنوان ملاسي الصادم، وقلت إن تهمة باطلة أو إساءة يمكن أن تقتل إنسانا فائق الحساسية مثل الشاعر، أي شاعر، وكان في ذهني الراحل صلاح عبد الصبور، الذي مات بنوبة قلبية إثر نقاش مع عدد من المبدعين المصريين في جلسة بمنزل أحمد عبد المعطي حجازي الذي -حسب رواية زوجة عبد الصبور السيدة سميحة غالب وآخرين- اتهم (مع عدد من الحضور) شاعرنا بموالاة الرئيس أنور السادات طمعا في الكسب المادي.. الخ وطلبت من ملاسي الاعتذار عن هذه الإساءة، ولو فعل ذلك لما واجه وواجهنا هذا الكم من السباب والسخرية والتحقير
تعرف يا طبارك الذي ليس بيده شيء لو كان موضوع التشبيح -هنا- المذكورة لخضنا مع الخائضين
المافي شنو ونحن محسوبين مع شماشة الاسافير ..
لكن محجوب شريف .. ابداً لانو محجوب .. لانو شريف
انتهى (البيان)
--------
انتو يون هشام آدم بالمناسبة دي .. او ديك -الفوق- دي ذااااتا
Post: #219 Title: Re: حتى محجوب شريف بقى داير يلحق السوق .. فتأمل! Author: محمد حيدر المشرف Date: 08-05-2012, 10:03 PM Parent: #218
قصى ... سلامات آ زول وكيف الحال !
تعرف !!
Quote: واني أعذيكما أن تصيحا علينا صيحة أم الضو (انخمد نوم)
وهذا الملاسي يَنُونِي ب "النقد" أخير ننخمد نحنا .. وليس عندى موقف تجاه "أم الحسن" الا التشتيت الجميل الذى مارسته .. وبالتأكيد لم أتبنى خطها هنا .. وأدهشنى جدا هذا الإستدعاء !!
سلام ..
Post: #220 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-06-2012, 08:55 AM Parent: #219
Quote: غايتو الليلة العديل المعجب المشكول بيكون جاهو شلل ارتعاشي في اللجنة المركزية العصبية
ليس العديل المعجب المشكول بل العديل الصديق المعجب المشكول.
Quote: أها كبشر دا برضو ... قال ليك السوق عديل وليس سوقك المجاز دا ...
لو بكبشر زي دا كان فتحتو سوق عديل و ليس مجاز!
Post: #221 Title: Re: حتى محجوب شريف بقى داير يلحق السوق .. فتأمل! Author: Hussein Mallasi Date: 08-06-2012, 11:33 AM Parent: #220
أنكر بشرى على قصي أن يصف القصيدة بأنها قصيدة سيئة ثم – و بكل طيبة - جرد القصيدة من كونها قصيدة .. فتأمل!
Post: #222 Title: Re: حتى محجوب شريف بقى داير يلحق السوق .. فتأمل! Author: بدر الدين اسحاق احمد Date: 08-06-2012, 01:25 PM Parent: #221
Quote: وقلت إن تهمة باطلة أو إساءة يمكن أن تقتل إنسانا فائق الحساسية مثل الشاعر، أي شاعر، وكان في ذهني الراحل صلاح عبد الصبور، الذي مات بنوبة قلبية إثر نقاش مع عدد من المبدعين المصريين في جلسة بمنزل أحمد عبد المعطي حجازي الذي -حسب رواية زوجة عبد الصبور السيدة سميحة غالب وآخرين- اتهم (مع عدد من الحضور) شاعرنا بموالاة الرئيس أنور السادات طمعا في الكسب المادي.. الخ
ستتحمل المسئولية كاملة يا ملاســـى ..ولو بعد حيــن
