اليوم أنعي لكم عقد الجلاد ... تغمدها الله بواسع رحمته

ماتت الله يرحمها


كما ماتت الكثير من الاشراقات الابداعية

مراسم التشييع الان على قناة النيل الازرق

وهكذا اطفأت اخر شمعة أمل في عالم الإبداع

غادرها المؤسسون قبل الغرق


د. منال بدر الدين

عوض الله

مجاهد

حمزة سليمان

وغيرهم

وغيرهن


ثم الراس الكبير عثمان النو

وغيره وغيره

وأخيرا الخير

غرقت عقد الجلاد

وغرق معها اخر منقذ ابداعي

رحل مصطفي سيد احمد


ورحل وردي


ورحل حميد

وراحت نعمة شمار في مرقه


يبدو ان جمر القضية اصبح رماد

الفن رسالة

يحفظها التاريخ

ومما لا شك فيه

ان التاريخ سيحفظ

ما كان لعقد الجلاد من إبداع


في زمن مضى

الاهلية هلت

عطبرة


نعمة


كبعض الامثلة

تشابه الجميع

ولم تعد هناك بصمة مميزة لعقد الجلاد


الله يجازي من كان السبب

يا اخوي عقد الجلاد ماتت وشبعت موت لما فصلو منها عوض الله

مات الابداع عندما تامر بعض افرادها علي عوض الله

Quote: يا اخوي عقد الجلاد ماتت وشبعت موت لما فصلو منها عوض الله

Quote: يا اخوي عقد الجلاد ماتت وشبعت موت لما فصلو منها عوض الله مات الابداع عندما تامر بعض افرادها علي عوض الله

سيف مساعد

تموت الاشجار واقفة


وتموت عقد الجلاد غرقا

وابقى مارق

يا نمارق

ما عارف ليه يا جمال ,,
عقد الجلاد ما زالت بخير .. هي فريق موسيقي عملاق له بصمات واضحة في مسيرة الفن الغنائي السوداني المعاصر .. ورغم فقدهم لبعض المؤسسين ومنهم الموسيقار عثمان النو إلا أن الفرقة مازالت بخير ولا أدري لماذا الهجوم عليها وأنها ماتت ألخ .. إن الفن لا ينقد هكذا وبمثل تلك السطحية .. عليك بتقديم الأعمال ثم الإشارة إلى سلبيات هذه الأعمال وحتى لو وجد عمل ليس جيدآ فهذا لا يعني الحكم بموت المغني ونعيه بمثل ما فعلت .. وتقبل إحترامي وتقديري.

يا جمال كيفنك
عقد الجلاد روحها ود النو
ولم مشى ود النو مشت الروح











تليشة:
يا عادل كيفنك
ود النو كان ساكن في بيت قريب منكم في الفسحة الجنب الجمعية
وهناك طلع العبقرية دي كلها
كنت شاهدا على ذلك
رمضان كريم يا حبيب

Quote: يا عادل كيفنك ود النو كان ساكن في بيت قريب منكم في الفسحة الجنب الجمعية وهناك طلع العبقرية دي كلها كنت شاهدا على ذلك رمضان كريم يا حبيب

ود جبرين ..
كيفنكم ورمضانكم أكرم ..

بالحيل الأصدقاء عثمان النو وزوجته الأستاذة نجوى عموري .. كيف أنساهم ياخ
حقيقة سمعت بهذا الخلاف وأسفت له .. عثمان النو هو مؤسس الفرقة وعقلها ومفكرها منذ ( يا شبيه البدر حسنآ و ضياء) أولى أعمال الفرقة آنذاك .. ولم يكن الخلاف يتعلق بالفن بالطبع ولكن في رأيي بأن الفرقة بالرغم من الخروج الكبير لبعض أعضائها مازالت بخير .. تحياتي لك وللأسرة الكريمة.

طارق ود جبرين

كلامك صحيح

روح الفن هو الابداع


وعندما يموت الابداع

ينتحر الفن

حقو نطلع مظاهرات بشعار

الشعب يريد ابداع عقد الجلاد

عادل نجيلة

ليتك شاهدت سهرة النيل الازرق اليوم لتشهد دفن العقد

لم تعد عقد الجلاد تختلف عن البقية

الموت هنا للابداع

انا انعي الابداع متمثلا في فرقة كان لها بصمة

وضاعت البصمة

Quote: عادل نجيلة ليتك شاهدت سهرة النيل الازرق اليوم لتشهد دفن العقد لم تعد عقد الجلاد تختلف عن البقية الموت هنا للابداع انا انعي الابداع متمثلا في فرقة كان لها بصمة وضاعت البصمة

الزميل الفاضل جمال ..
لا أدري بالضبط إي عمل يخلو من الإبداع ..! أما إذا كنت تطلق هذه الصفة بصورة عامة على أداء الفرقة وأعمالها تكون ظلمتهم والله .. لقد شاهدت لهم عرضآ في المسرج القومي بأمدرمان قبل أشهر قليلة و أستمتعت به جدآ .. عقد الجلاد مازالت من أحسن المجموعات الموسيقية على مستوى السودان ولا أبالغ إن قلت المنطقة . التحية لهذه الفرقة المتقدمة دومآ .. تحياتي ورمضان كريم

http://www.facebook.com/IgdAlgalad


اللنك أعلاه للصفحة الرسمية لعقد الجلاد على الفيسبوك .. أعتقد بأنه شئ جميل أن تنقل لهم رأيك مباشرة فيما لم يعجبك أداءهم له. بالمناسبة للصفحة 22 ألف مشترك ..

ما هو وضع الراحل عبدالمنعم الخالدي
من عقد الجلاد؟

عقد الجلاد مشروع فنى كبير نجح
زحافظ على النجاخ لسنوات (.........)يلة
تماسكت الفرقة بالرغم من التغيرات
وتينع كل يوم ازاهير جديدة فى روضتها الغناء


فى حلقة الامس قدموا اغنيات لوردى وزيدان وعثمان حسين

الاغنيات المختارة تؤدى بشكل فردى
كانت المجموعة تغنى باداء يشبه الفردى لذلك لم نتبين طابع الاداء المتنوع الذى تميزت به عقد الجلاد

ظهر الاداء المتفرد والممسز للفرقة
عند اداء اعنية يابابا لمحجوب شريف

تخريمة

اثناء اداء الاغنية
ظهر الشريط

من كلمات محمود شريف

بعد فترة تم التصحيح
شعر محجوب شريف

مازن الجمال


معاي معاي في الدرب الطويل

الإحلال والابدال والتغيير والتجديد

شريان الحياة للاستمرارية

ولكن ان يتم ذلك على حساب الابداع

اوصل الرصيد الابداعي للفرقة صفرا

الخوف من اصدار شيكات ابداعية من غير رصيد

فمصيرها سيكون غياهب سجون الذاكرة الفنية

ياجمال لماذا هذا الحكم القاسي وبدون حيثيات
انا من المتابعين منذ ميلاد الفرقة وحتى اليوم حيث اشتعل الرأس مني شيبا
لم ترتبط عقد الجلاد يوما بفرد وكسرت قاعدة الزعيم التاريخي ان صح التعبير!
أمس حضرت جزء كبير من السهرة وهي مخصصة لأغاني لم نسمعها منهم من قبل ويمكن تمت بروفاتها على عجل
ولكن استمتعت برائعة زيدان بنادي عليك!
نعم هؤلاء الشباب أوجه جديدة علينا للعقد(أغلبهم) ولكنهم في طريق التطوير والتحديث سائرون حسب اعتقادي الفني البسيط

Quote: عقد الجلاد مشروع فنى كبير نجح زحافظ على النجاخ لسنوات (.........)يلة تماسكت الفرقة بالرغم من التغيرات وتينع كل يوم ازاهير جديدة فى روضتها الغناء فى حلقة الامس قدموا اغنيات لوردى وزيدان وعثمان حسين الاغنيات المختارة تؤدى بشكل فردى كانت المجموعة تغنى باداء يشبه الفردى لذلك لم نتبين طابع الاداء المتنوع الذى تميزت به عقد الجلاد ظهر الاداء المتفرد والممسز للفرقة عند اداء اعنية يابابا لمحجوب شريف

كلام زي السكر

تحياتي للجميع ولعقد الجلاد التي جعلتني أطرب لأدائها لمدة ربع قرن متواصل without fail

ود الشيخ
عازف دلوكة سابق

Quote: في رأيي بأن الفرقة بالرغم من الخروج الكبير لبعض أعضائها مازالت بخير .. تحياتي لك وللأسرة الكريمة

محمد الشيخ

طارق ميرغني

رمضان كريم عليكم احبائي


انا اتفق معكم لانكم تتكلمون عن تاريخ عقد الجلاد

ولكني اكتب عن مستقبل عقد الجلاد كقراءة مما وصل اليه الحال


فرق كبير في اداء الفرقة لاغنيتين والمقارنة بينهما


المصير التي غنوها زمان

وبنادي عليك التي غنيت بالامس


فرق السما للواطة

غاب الابداع وغابت شمس الجلاد

بالامس

غابت حيوية الخير


فغابت حركة المسرح


وغاب تفاعل الجمهور

العزيز جمال
رمضان كريم

عقد الجلاد مدرسة للغناء الجماعى تخرج منها الكثير ومازالت
ومنذ تاسست هذه الفرقة الى يومنا هذا مرت بكثير من الازمات مثلها مثل غيرها من الفرق
ولكنها تجاوزت تلك الازمات والصعاب
منذ البداية وخروج د منال والجميع توقع موت الصوت النسايئ فى العقد
فاتت لنا بالمبدعة نهلة عبد المنعم
وخروج الاستاذ عوض الله رغم الخسارة الكبيرة بل مازالت فى العطاء
وبعد ذلك الاستاذ حمزة سليمان وعمر بنقا
والخير يعتبر من الحديثين فى العقد
وبمثل مااتت به وبغيره
قادرة على الابداع بكل جديد
والفرق بين الجلاد وماذكرت من المبدعين الذين رحلو عنا ومازال فنهم بيننا ورحلت الاجساد
ولكن الجلاد مستمرة بالجديد من المبدعين على خشبة المسارح الى مالا نهاية
ولك التقدير

Quote: عقد الجلاد مدرسة للغناء الجماعى تخرج منها الكثير ومازالت ومنذ تاسست هذه الفرقة الى يومنا هذا مرت بكثير من الازمات مثلها مثل غيرها من الفرق ولكنها تجاوزت تلك الازمات والصعاب منذ البداية وخروج د منال والجميع توقع موت الصوت النسايئ فى العقد فاتت لنا بالمبدعة نهلة عبد المنعم وخروج الاستاذ عوض الله رغم الخسارة الكبيرة بل مازالت فى العطاء وبعد ذلك الاستاذ حمزة سليمان وعمر بنقا والخير يعتبر من الحديثين فى العقد وبمثل مااتت به وبغيره قادرة على الابداع بكل جديد والفرق بين الجلاد وماذكرت من المبدعين الذين رحلو عنا ومازال فنهم بيننا ورحلت الاجساد ولكن الجلاد مستمرة بالجديد من المبدعين على خشبة المسارح الى مالا نهاية ولك التقدير

ياسر ...
مشتاقين والله .. تحياتي لك و للأسرة الكريمة ,, و رمضانكم كريم

هذه فرقة جاكسون 5 ، ومن ضمنها مايكل جاكسون
راقب الأصوات المتنوعة لأعضاء الفرقة ....
هذا أول السبعينات
والغناء بجميع الأصوات بتنوعها ، غايب تماماً لدينا ...!!!!

*

Quote: عبد الله الشلقيني : هذه فرقة جاكسون 5 ، ومن ضمنها مايكل جاكسون راقب الأصوات المتنوعة لأعضاء الفرقة .... هذا أول السبعينات والغناء بجميع الأصوات بتنوعها ، غايب تماماً لدينا ...!!!!

عبد الله

في اول لقاء تعريفي للفرقة عند تاسيسها في التلفزيون القومي

قال مؤسسها عثمان النو

انهم اتخذو طريقة الاداء الجماعي من طريقة المديح في السودان

كل صوت بيمثل آلة موسيقة

لم تكن هناك موسيقى في اغاني عقد الجلاد

بل كوردات وريزم وباص

وكان كل المولودي في الاصوات

ضاعت الابداع

وضاعت الاصوات

وتدخل الكيبورد ليتم الناقصة

Quote: ياسر السيد : العزيز جمال رمضان كريم عقد الجلاد مدرسة للغناء الجماعى تخرج منها الكثير ومازالت ومنذ تاسست هذه الفرقة الى يومنا هذا مرت بكثير من الازمات مثلها مثل غيرها من الفرق ولكنها تجاوزت تلك الازمات والصعاب منذ البداية وخروج د منال والجميع توقع موت الصوت النسايئ فى العقد فاتت لنا بالمبدعة نهلة عبد المنعم وخروج الاستاذ عوض الله رغم الخسارة الكبيرة بل مازالت فى العطاء وبعد ذلك الاستاذ حمزة سليمان وعمر بنقا والخير يعتبر من الحديثين فى العقد وبمثل مااتت به وبغيره قادرة على الابداع بكل جديد والفرق بين الجلاد وماذكرت من المبدعين الذين رحلو عنا ومازال فنهم بيننا ورحلت الاجساد ولكن الجلاد مستمرة بالجديد من المبدعين على خشبة المسارح الى مالا نهاية ولك التقدير

عزيزي ياسر

نعم مرت الفرقة بأزمات ولكن لم تصل لأزمة في الأبداع

الإبداع مات فصارت كغيرها من جوغات المشروع الحضاري

Quote: محمد الشيخ لماذا هذا الحكم القاسي وبدون حيثيات أمس حضرت جزء كبير من السهرة وهي مخصصة لأغاني لم نسمعها منهم من قبل ويمكن تمت بروفاتها على عجل هؤلاء الشباب أوجه جديدة علينا للعقد(أغلبهم) ولكنهم في طريق التطوير والتحديث سائرون حسب اعتقادي الفني البسيط

محمد الشيخ

ان تضيف وجها
يعني ان تستمر للاحسن
ولكن ان تضيف تراجعا

يعني نهايتك

يا أخوانا هسع الاداري الاول في عقد الجلاد
هو
عوض الله
كدي قولو بسم الله
الحلقه أنا ماشاهدتها
ولكن مادام هم تغنوا فيها بخصوصية
للمتوفين من فنانين فهذا قطعا لن يكون اسلوب عقد الجلاد
عقد الجلاد بخير
وراي عثمان النو بخير
دعوا الف زهرة تتفتح
ولا تتأثروا ببعض كبوات الأحصنة
فهي ستقوم وستركض بعنفوان
ورمضان كريم يا صديقي جمال

Quote: الحلقه أنا ماشاهدتها ولكن مادام هم تغنوا فيها بخصوصية للمتوفين من فنانين فهذا قطعا لن يكون اسلوب عقد الجلاد

سلامات يا استاذ يوسف ..
سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون
ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة ..
وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها ..
لا اعتقد ان عقد الجلاد كانت في حاجة لأن تظهر بهذا المستوى الهزيل جدا .. جدا
اصوات بعدت عن الهارموني المعروفة به عقد الجلاد ..
اغاني زيدان لا تقدم بهذه الطريقة الجنايزية ..
واغاني وردي سمفونيات قديمة جدا يمكن ان يتغنى بها اي كائن حي بصورة افضل مما قدمت به بالامس
اتفق واختلف .. في تاثر المجموعة بغياب بعض الاصوات ..
لكن
حضرت اعمال كثيرة لعقد الجلاد بعد كبوتها الأخيرة .. قطع شك ما كانت بنفس الشكل الباهت الذي ظهرت به حتى من ناحية الاوكسترا ..
من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟

يا شباب عقد الجلاد .. لا للمجازفه .. لا للمجازفة..


تحياتي يا جمال ..

طارق جويلي في رمضان الفات ولا القبليهو ما عارف
في حلقة مع هيثم كابو قال حرفيا:
اذا جاء عثمان النو راجع للفرقة انا حا اكون ضد ان يدير الفرقة
حفاظا على تاريخ عثمان النو

الكلام دة في طياته في الكثير الكثير
اما «حفاظا دي» زي الزول العايز يقول ليك حا اعمل ليك خشاف من التركين




عشان الناس ديل يرجعوا زي ما كانوا
قعدوا طارق جويلي دة في الواطة





تليشة:
عرض الله لو رجع للفرقة دي بتكون بداية قوية لي عودة الفرقة
وبداية ممكنة لي عودة عثمان النو

Quote: طارق جويلي في رمضان الفات ولا القبليهو ما عارف في حلقة مع هيثم كابو قال حرفيا: اذا جاء عثمان النو راجع للفرقة انا حا اكون ضد ان يدير الفرقة حفاظا على تاريخ عثمان النو الكلام دة في طياته في الكثير الكثير

طارق جبريل

عشان كده انتهت عقد الجلاد

Quote: من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟

ماقال الا الحق
تحياتى للجميع

Quote: سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة .. وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها

هلا العزيز تمبس
اثق في رأيك الفني جدا
كل الود

إخوتي الأجلاء



الحمد لله ان البوست بدا ينال مقصده

وسأعود لكم بالردود

في رأيي البسيط والمتواضع إنو ما حصل في السهرة اللي إتغنوا فيها عقد الجلاد بي أغاني الغير هي دليل إبداع وتجويد وتفرد لهذه الفرقة لأنو وبي بساااطة شديييييدة ده بيأكد إنو الفرقة فرقة اساسها رووحا واعمالا وليس اعمال الغير..ياخ فيكم زول سمع كابلي لمن تغنى للراحل وردي في ليلة تكريمه ووردي كان حضولا؟؟؟ شوفتو كابلي ده عولق اغنية وردي بتاعت 19 سنة دي كيف؟؟؟ تفتكروا كابلي صوتو ما سمح ولا ما بيعرف يأدي؟؟؟ بكل بساطة كابلي ما بيكون فكر انو يوم يغني لي وردي وإن كان معجب ومستمع ممتاز وصديق لي وردي..
لو في عيب يؤخذ على الفرقة هو عدم التجهيز والإعداد مع إنو تم الإعلان للحلقة دي منننن أول يوم في رمضان وقالوا يا جماعة عقد الجلاد يوم كده ح تقدم اغني للراحلين ..وعليه مفروض يكونوا قرروا يغنوا شنو وكيف..
عقد الجلاد برضو فووتت فرصة ذهبية تأكد بيها للجمهور السوداني إنو هي عندها الطاقة والقدرة للتغني بي اغاني عامة عاطفية كانت ام موضوعية زيهم زي اي فنان منفرد ويأكدو إنهم فقط إختارو هذه اللونية من الغناء فقط لحبهم للعمل الجماعي لا لتغطية الصوات ..
انا لو كنت مدير لي فرقة عقد الجلاد في الحلقة الفاتت دي كنت ح أعمل حاجة ذكية جدددا جدددا ..أنقروا شنو ؟؟؟
أتغنى بي أغاني للمراحيم ديل غير مسموعة وغير متداولة !!! وبي كده عقد الجلاد كانت ح تضرب مليووون عصفور بي حجر واحد..
تمييز ..تفرد..إتقان ...إحياء..وتمجيد..وفعععلا تأبين وتخليد..
لكن للأسف وقعوا في خطأ وتغنوا بي المسموع فسهلت المقارنة وبقا اي زول من السهل جدا يحكم على الفرقة بي الفشل..
لأنو مثلا مهما تغنى زول لي وردي بي نور العين فما ح يغنيها احسن من ود اللمين ..ومهما تغنى زول بي أخونك لي زيدان فما ح يغنيها احسن من الراحل نادر خضر..وهكذا..
عقد الجلاد ابدا ما عقرت بعد النو ولا عقرت بعد انور مع إنو انا بالجد بعتبر الفقد الأكببببر في عقد الجلاد هو عمر بانقا ومن ثم عوض الله أنور ومن ثم الخير فشبكة ..(ملاسي ما تجي تحذف شبكة سمح؟ :)
عقد الجلاد كان فيها صاحب الصوت والإمكانات الصوتية الضعيفة حمزة سليمان وصاحب الصوت الأضعف مجاهد ومع إنهم ممكن يكونوا ملحنين ممتازين لكن اصواتهم لا ترقى للمستوى بتاع الباقين ..
عقد الجلاد شاخ فيها صوت أنور وبقا عاااادي بيجليها وصوتو يروووح ويتحشرج ..
عشان كده قصة إنو عقد الجلاد تهرم دي ما واردة عندي..
الدقسة الوحيييدة الفي عقد الجلاد إنهم بعد نهلة عبد المنعم لحددددي أسة ما قدرو يجيبو ليهم صوت نسائي مبدع وقوي ومميز ..ودي همسة لي الفرقة ..تيييك كييير للعنصر النسائي وقصة انو خريجات معهد موسيقى دي براها مااا كافية ...ارجعوا جيبو بت صوتا مميز وسيبو المجاملات ..
بالمناسبة لو الفرقة فقدت إبداعها بعد رحيل عثمان النو فالمعادلة وبكل بساطة مفروض تكون إنو الفرقة الإستلمها عثمان النو هي المفروض تسييطر على الساحة مش؟؟؟ لكن أييين عثمان النو اليوم ؟؟؟؟؟ تراهو حايم من قناة ساهور لي قانة كافور ..وبالعودة ..

تخريمة :
لقيتوني كيف وانا بقول ليكم رايي البسييط المتواضع ده ؟؟ :) :)

تحياتى يا استاذ
نجيلة
والله مشتاقين وينك

وهنا يظل السوال قائما ؟
عقد الجلاد فقدت الكثير من اعضاءها
عوض الله
حمزه سليمان
عمر بانقا
عثمان النو
مجاهد عمر
الخير
منال بدر الدين
نهلة عبد المنعم
وغيرهم الذى لم بستمر كثيرا
ولازالت الفرقة تعطى وتعطى من ابداع الى ابداع
اين هولاء الاعضاء الذين تركو الفرقة من خارطة الغناء السودانى
واين موقعهم الان بين الفنانيين

والاستاذ عمر الفاروق اتاكم بالمفيد

تحياتى

والله يا ياسر لو عفيتني من أستاذ دي تكون ما قصرت ..انا زول بعااام ساي :) :) ..

بالمناسبة انا ما لصيق بي الفرقة وما متابع لي دهاليزها لكن عندي إحساس غريييب إنو الزول الإسمو عركي بتاع افيقاع ده هو خلف معظم كفاوي الفرقة لييي ما عارف :) :) :)..
الزول ده مكنكش في الرفقة دي بي صورة غرييييبة ..كل العازفين في الفرقة بيحصل ليهم إحلال وإبدال إلا الزول ده قااااعد وصااااني .. ووشو ابدددا ما مريييح :)..
هوووي ده مجرررد إحساس بتاع زول فاكيها في روحو ويدددعي إنو بيملك الحاسة السابعة ..

Quote: تخريمة : لقيتوني كيف وانا بقول ليكم رايي البسييط المتواضع ده ؟؟ :) :)

مع اختلافات طفيفة مع ماجاء هنا
لكن لقيناك تمام وقرط على كده وبلاش تحوم في سوق المولد ياصديقي
ههههههههههه

الزميل جمال السنوسي ..
أسمح لي بأن أنقل هذا اللنك لصفحة الفرقة على الفيسبوك لأنني أعتقد بأنه وردت بعض الآراء حول أداء الفرقة الأخير تستحق أن تصل إليها مباشرة وهذا النقل في محل إستزاده وليس إنتقاصآ من رصيد الفرقة.

Quote: الزميل جمال السنوسي .. أسمح لي بأن أنقل هذا اللنك لصفحة الفرقة على الفيسبوك لأنني أعتقد بأنه وردت بعض الآراء حول أداء الفرقة الأخير تستحق أن تصل إليها مباشرة وهذا النقل في محل إستزاده وليس إنتقاصآ من رصيد الفرقة.

الزميل الجميل عادل نجيلة


مسموح لك وبنفس القدر مطلوب منك

نقل الردود التي في الفيس بوك عن هذا البوست من صفحة الفيس بوك الخاصة بالفرقة

سلام للجميع
واخص الأستاذ الموصلي بتحية خاصة .. واقول ليك والله قمة الخذلان انك تكود كلام عمر الأخير ده
يا موصلي والله قصتك عداك مع عثمان النو خلتك تبصم علي كلام خارم بارم مثلا عمر قال انو عركي
عازف الايقاع هو ممكن يكون سبب بلاوي عقد الجلاد لانه فقط قاعد الزمن ده كلو ده كلام يا اخوانا عمر
بعضم كيبوردو قال هو بعام ساكت هل انت ايضا بعام ساكت يا استاذ والله يا جماعة القصة بقت صعبة البتخلي
استاذ زيك يوافق علي انو مجاهد الساب عقد الجلاد قبل الانقاذ يطلع اي كلام وعمر بانقا الغنى مع نمارق
اقبل علي دربنا لو كنت حيرانا .. هو فقد عقد الجلاد والله البلد بقت بلا تماسيح ولا ورلات حتى والله انا أسف

انا من اشد المعجبين بتجربة عثمان النو في عقد الجلاد
لكن اقول ايضا ان شمت محمد نور ملحن بارع وفنان
يحبهو جمهور عقد الجلاد بشكل خرافي ونجاحه في تلحين
نص القدال الاخير طواقي الخوف زاد من احترام ومحبة
جماهير عقد الجلاد له .. للاسف الناس بقت تتشفى في عقد الجلاد
انا لم اعلق علي حلقة المراحيم .. لكن عقد الجلاد قاعدة وفنانة وحلوة
اسمعوا طواقي الخوف
استاذي موصلي ارجوك اترفع ارجوك عشان يحترمك جمهورك

Quote: انا من اشد المعجبين بتجربة عثمان النو في عقد الجلاد لكن اقول ايضا ان شمت محمد نور ملحن بارع وفنان يحبهو جمهور عقد الجلاد بشكل خرافي ونجاحه في تلحين نص القدال الاخير طواقي الخوف زاد من احترام ومحبة جماهير عقد الجلاد له .. للاسف الناس بقت تتشفى في عقد الجلاد انا لم اعلق علي حلقة المراحيم .. لكن عقد الجلاد قاعدة وفنانة وحلوة اسمعوا طواقي الخوف

معتصم ود الجمام

نؤكد لك ان عقد الجلاد حياتنا

لذا عندما يزورها موت الابداع

نموت جميعا

Quote: واخص الأستاذ الموصلي بتحية خاصة .. واقول ليك والله قمة الخذلان انك تكود كلام عمر الأخير ده يا موصلي والله قصتك عداك مع عثمان النو خلتك تبصم علي كلام خارم بارم مثلا عمر قال انو عركي عازف الايقاع هو ممكن يكون سبب بلاوي عقد الجلاد لانه فقط قاعد الزمن ده كلو ده كلام يا اخوانا عمر بعضم كيبوردو قال هو بعام ساكت هل انت ايضا بعام ساكت يا استاذ والله يا جماعة القصة بقت صعبة البتخلي استاذ زيك يوافق علي انو مجاهد الساب عقد الجلاد قبل الانقاذ يطلع اي كلام وعمر بانقا الغنى مع نمارق اقبل علي دربنا لو كنت حيرانا .. هو فقد عقد الجلاد والله البلد بقت بلا تماسيح ولا ورلات حتى والله انا أسف

ما حكايتك معي يا معتصم
ولماذا دوما تفترض سوء النيه

آنا ابديت اختلافي مع عمرفي بعض ما قاله لم آذكر ذلك لضيق الوقت
لولا آنك معتصم ود الجمام لقلت ان الكاتب لايفقه شيئ في اللغة العربيه
---
ياسيدي آنا والنو عسل على لبن واشتغلنا شهرا كاملا بالاستديوهات في اخر زياراتي ودعاني للاستماع لراي
وحضرت لهم بروفة كاملة وخاطبتهم
بمساعدة قائدهم المبدع الكبير
ويوم سفري تغدينا سويا
مالكم ياهؤلاء ولم الاستعجال
انا كنت في طريقي لتوضيح موضع خلافي مع عمر في بعض الجوانب التي ذكرتها
واهمها موضوع عثمان ومجاهد
--------
لو انت يا معتصم متابع كتاباتي هنا في اليومين الماضيين
لعرفت شعوري ومحبتي وتقديري لعثمان
ولعقد الجلاد ولراي
لا آملك الا ان آقول

Quote: مع اختلافات طفيفة مع ماجاء هنا لكن لقيناك تمام وقرط على كده وبلاش تحوم في سوق المولد ياصديقي ههههههههههه

سلام ورمضان كريم والله ما عندي ليك غير الاحترام يا استاذ

معليش لو زعلتك والسلام

خلاص ياسيدي
آعلم محبتك لزملائك
ولكنك لاتفوقني في ذلك
كن طيبا والسلام ومافي عوجه

يا معتصم ده بخصوص عقد الجلاد وعثمان في هذا البوست نفسه

Quote: يا أخوانا هسع الاداري الاول في عقد الجلاد هو عوض الله كدي قولو بسم الله الحلقه أنا ماشاهدتها ولكن مادام هم تغنوا فيها بخصوصية للمتوفين من فنانين فهذا قطعا لن يكون اسلوب عقد الجلاد عقد الجلاد بخير وراي عثمان النو بخير دعوا الف زهرة تتفتح ولا تتأثروا ببعض كبوات الأحصنة فهي ستقوم وستركض بعنفوان ورمضان كريم يا صديقي جمال

وده بخصوص النو ومجموعة راي قبل يومين


Re: (عثمان النو) ومجموعة ( رأى) الغنائية الاثنين 6 أغسطس .

وده بخصوص مجاهد

http://www.sudanesesongs.net/index.php?showtopic=98555

اذن من صاحب الخذلان هنا؟؟؟؟؟؟؟

Quote: ‎#السودان_ينتفض #SudanRevolts (قبل قليل) أخبار من مناطق مختلفة: * هتافات جماهيرية عالية ضد نظام الظلم والاستبداد عقب حفلة عقد الجلاد بامدرمان.. ... L

يا ود الجمام يا اخوي كلام عركي ده قلت فوق كلام إحساس حاسيهو ما مبني على أي قصة أو خلفية..قصة كنكشتو في الإيقاع دي فعلا حاجة غريبة بالمناسبة ..
وانا لمن اتكلمت عن مجاهد اتكلمت عنو من ناحية صوتو ضعييف وما خالص خصوووصا لما كشف روحو بي تجارب الاداء الفردي واتضح إنو صوتو مشيول من الفرقة ..
انا ما بيهمني عمر بانقا يكون كوز يكون جوز يكون موز انا بيهمني صوت عمر بانقا وغنا عمر بانقا..يعني اسة بي فهمك ده الكيزان مفروض يقولوا وردي صوتو كعب وما بيغني؟؟
بالمناسبة اديك كلام تاني اطلعك بيهو انت زااتك بعام ساي؟؟؟ شمت الحانو موووقلة في التكرار والتقليدية ..بيلحن ليهو عشرة قصايد بي نففس الوتيرة وفي نصهم كده بتقوم واحدة تلتق .. اسة اديني اييي قصيدة وقول لي يا عمر هااك لحححن الاغنية دي بي حس شمت وشوفني كان ما لحنتها ليك!!! بس ده ما بيمنع إنو شمت عندو بعض الألحان الجميلة لكن العموم بقا مكرر ومستهلك يعتمد في أساسه على ايقاع السيرة ثم كسرة بعد مقطعين تلاتة ..
تكرار ما بعدو تكرار..

(سلامات يا استاذ يوسف ..
سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون
ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة ..
وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها ..
لا اعتقد ان عقد الجلاد كانت في حاجة لأن تظهر بهذا المستوى الهزيل جدا .. جدا
اصوات بعدت عن الهارموني المعروفة به عقد الجلاد ..
اغاني زيدان لا تقدم بهذه الطريقة الجنايزية ..
واغاني وردي سمفونيات قديمة جدا يمكن ان يتغنى بها اي كائن حي بصورة افضل مما قدمت به بالامس
اتفق واختلف .. في تاثر المجموعة بغياب بعض الاصوات ..
لكن
حضرت اعمال كثيرة لعقد الجلاد بعد كبوتها الأخيرة .. قطع شك ما كانت بنفس الشكل الباهت الذي ظهرت به حتى من ناحية الاوكسترا ..
من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟

يا شباب عقد الجلاد .. لا للمجازفه .. لا للمجازفة..)

هذا ما كتبه الاخ تمبس

يا جماعة


جاييكم والله

بس الجمعة ورمضان لمن يتلاقو

الحالة بتبقى صأبة

الحبيب المبدع الجميل وآحد آحب الاصوات الى نفسي حمزه
حقيقة الآمر آنا لم اشاهد الحلقة
ولكنني دوما لا آعتمد السهرات التي تنقل
من مسارحنا
فدخول الصوت من هناك الى الاستوديو
دوما تشوبه شائبة
هذا من حيث النظرية
ولا آود الدخول في مقارنة بين وردي وعقد الجلاد
فهذين خطين متوازيين لا يلتقيان في الاسلوب والطريقة
ولكنهما ملتحمان في الريادة كل على طريقته
لن يستطع موصلي او تمبس آو اي كائن حي آن ينتقص من عقد الجلاد
ولكن يبدو آن حبنا لعقد الجلاد قد وصل حد الغيره عليها

تعيش ياحمزة وعاشت عقد الجلاد زخرا لبلادنا

Quote: الحبيب المبدع الجميل وآحد آحب الاصوات الى نفسي حمزه

والله يا موصلي ما تعدي على حقوقك السمعية لكن بالجد انا قصة صوت حمزة سمح دي ما واقعة لي..
حمزة ملحن بارع ومجيد..بس كمغني وصوت جميل عن نفسي عندي فيها مليون إستفهام..
غايتو للضمان كده لو الكوود الجابو حمزة فوق ده وقال نقلا عن تمبس هو موافق عليهو فلييهو علي انزل ليهو تسجيييلو هو زاااتو حمزة سليمان ده في حلقة مع النيل الأزرق احتفالا بي سودانير تقريبا..ياخ دي حمزة سليمان غنا فيها بي سووء يعلم الله حمزة زااتو لو سمعو ينكرو ..

Quote: والله يا موصلي ما تعدي على حقوقك السمعية لكن بالجد انا قصة صوت حمزة سمح دي ما واقعة لي..

حبيبنا عمر
لم نتعد على ذوقك فلا تتعدى على ذوقنا
يقول الكتيابي
على كيفي آرقع جبتي آو لا آرقعها
----------------
آعتقد جازما بان حمزه سليمان
آحد الاحسن عشرين مبدعا آنجبهما السودان في الموسيقى
وهذا على كيفي ومقصرين برضو

Quote: آحد الاحسن عشرين مبدعا آنجبهما السودان في الموسيقى

فضلاً ليس أمراً يا موصلي تكتب لي العشرين ديل وبالمرة اشوف ترتيب حمزة ده وين ؟؟
ولو إنك كنت حريييف في استخدامك لي تعبير في الموسيقى وليس الغناء لكن برضو نقبلا منك ..
يلا يا حبوب اديني اللستة واكون لك من الشاكرين ..

Quote: فضلاً ليس أمراً يا موصلي تكتب لي العشرين ديل وبالمرة اشوف ترتيب حمزة ده وين ؟؟ ولو إنك كنت حريييف في استخدامك لي تعبير في الموسيقى وليس الغناء لكن برضو نقبلا منك .. يلا يا حبوب اديني اللستة واكون لك من الشاكرين ..

كل دقشه بي زولا
وكل زول بي لستتو
حلاة لقلك
ود الاشلاق محتفظ بالسر ده لي كتابو القادم في الطريق
لكن انت لو داير تطلع لستتك طلعها ويشرفنا الاطلاع عليها
يا صديقي

نتفق أول إنت قاصد فنان وصوتو جميل ولا موسيقي ؟؟؟
عشان بعدين ما تخمني وتقول لي انت قاصد بتانية ولا بتارية :)
لو فنان بديك لستتي ..وبي طبيعة الحال ليس حمزة في القائمة لحدددي المية سبعة وتسعين ..
لو موسيقيين فده نضما تاني اعفيني منو فلا يفتى ومالك في المدينة ده جنكم البتعرفوهو وعندكم ليهو فهم

Quote: نتفق أول إنت قاصد فنان وصوتو جميل ولا موسيقي ؟؟؟ عشان بعدين ما تخمني وتقول لي انت قاصد بتانية ولا بتارية :) لو فنان بديك لستتي ..وبي طبيعة الحال ليس حمزة في القائمة لحدددي المية سبعة وتسعين .. لو موسيقيين فده نضما تاني اعفيني منو فلا يفتى ومالك في المدينة ده جنكم البتعرفوهو وعندكم ليهو فهم

دعني أولا أصحح لك بعض المفاهيم

الفنان هو المبدع Creator
وهو يشمل الموسيقي والمغني والعازف والموزع والمؤلف
كفروع
كل من هؤلاء يكون مبدعا تحت عباءة فنان بان يجودو
عملهم ويبدعوا في ذلك
--------------
الموسيقي
كلمة واسعة وهي تشمل
المغني / الملحن / المؤلف / العازف/ الموزع / المنفذ الموسيقي
اها صلح لي سؤآلك

تحية طيبة و سلام علي الجميع

تابعته البوست دا من لحظة قرأت العنوان لأنني بصراحة اهتم بفرقة عقد الجلاد
و مثلي و مثل عدد كبير من الشباب و الشابات نعتبر هذه الفرقة تاريخ شخصي
عاصرت معنا و عاصرنا معها الكثير و الكثير .
تابعت البوست لكن صراحة لم اجد فيه نقد مؤسس للفرقة بل كل ما وجدته نعي دون
توضح اسباب لذلك لم اهتم بالرد و ظللت اتابع و لكن بعد مداخلة اخونا (تمبس*)
و مداخلة اخونا (عمر الفاروق) وجدت محفز للحوار و النقاش حيث أني اتفق بنسبة
100% مع مداخلة تمبس فقط احب ان اؤكد علي نقطة جوهرية خصمت من رصيد الفرقة
(في وجهة نظري) الكثير و الكثير وهي:- لفترات طويلة كانت الفرقة تطلع المسرح
و تشتغل و هي ناقصة ... ايوة مرات تكون ناقصة صوت نسائي و مرات ناقصة صوت رجالي
و مرات تكون ناقصة آلة ، هذا الأمر تكرر كتير شديد و لم يكن يرضني ولا يرض اخرين
و يخصم من الفرقة و يجعل الجميع يتسأل:- هل هم في حوجة فقط للنقود؟
دي النقطة الجوهرية في نظري .

بخصوص عمر الفاروق :-
يا عمر الفاروق بطل انطباعية ياخ
و الله عركي دا اللطف خلق الله قاطبة
و انت تحديداً لو اتعرفته عليهو
حتعلق رسمممي معاهو .
بعدين شنو تقول مكنكش في الايقاع
و في الفرقة الله يا عمر أنت مستهون
بالايقاع و لا شنو؟ ما ياهو طارق جويلي
مكنكش في الكيبورد وفي الفرقة ليه
ما قلته كلامك دا؟! ولا داك كيبورد
كبييييير ودا حتت ايقاع سااااي؟!
غايتو مرات تصادف معاك زي غارزيتو
و مرات تجليها واااااقفه هاهاها

بس بالجد يا عمر الفاروق لو قدرته
اقنعته (الكُجنكه) الموصلي دا يطلع
لستت ال20 نفر تكون ما قصرته و بعد
الموصلي يطلع اللسته الا يشوف ليهو
بلد تاااني غير و طن من لا وطن له
دا لووووووووووووب

Quote: ابعته البوست دا من لحظة قرأت العنوان لأنني بصراحة اهتم بفرقة عقد الجلاد و مثلي و مثل عدد كبير من الشباب و الشابات نعتبر هذه الفرقة تاريخ شخصي عاصرت معنا و عاصرنا معها الكثير و الكثير . تابعت البوست لكن صراحة لم اجد فيه نقد مؤسس للفرقة بل كل ما وجدته نعي دون توضح اسباب لذلك لم اهتم بالرد و ظللت اتابع و لكن بعد مداخلة اخونا (تمبس*) و مداخلة اخونا (عمر الفاروق) وجدت محفز للحوار و النقاش حيث أني اتفق بنسبة 100% مع مداخلة تمبس فقط احب ان اؤكد علي نقطة جوهرية خصمت من رصيد الفرقة (في وجهة نظري) الكثير و الكثير وهي:- لفترات طويلة كانت الفرقة تطلع المسرح و تشتغل و هي ناقصة ... ايوة مرات تكون ناقصة صوت نسائي و مرات ناقصة صوت رجالي و مرات تكون ناقصة آلة ، هذا الأمر تكرر كتير شديد و لم يكن يرضني ولا يرض اخرين و يخصم من الفرقة و يجعل الجميع يتسأل:- هل هم في حوجة فقط للنقود؟ دي النقطة الجوهرية في نظري .

سفبان نابري

لك التحية

ما كتبه تمبس هو المقصود من البوست

لان عقد الجلاد هي ملك الغبش من الشعب السوداني

ودخلت قلوبنا من اول يوم

كان لا بد ان ندق جرس

عندما تتأطر وتنزلق لمشروع حضاري

وتفارق سكة الابداع


تسعدني مشاركتك

وكتابتك مفيدة للجميع

تسلم

الاخ عمر الفاروق رمضان كريم

الذات المتضاربة مع ذاتها لا تعرف من هى فكيف ستعرف غيرها ؟المشكلة فى النقد الفاروقى تصدرة المكتمل لى ارائه و لشخصيتة المنقلقة فى ثوابتها المعرفية الضئيلة لكنها اصبحت تتواجد و تنمو و تتواصل من خلال تمثيلها لحكاية وجودة الاسفيرى .... عليك فحص تجلياتك النقدية فى سرد نقدى تحاول ان تسال فيه نفسك من انت ؟ و فى حال تأكدت من هويتك النقدية لابد من ان تسمى نفسك و تعرفها بأنك ليس رقم نقدى نسبة لاصطدامك بحضارة ولا مكان للتخلف الفكرى الذى لم يواكب التجديد و الذى يبقى الناقد فى تصورة ما بين الحياة و الفكرة هو سمووه من خيالاته الشخصية لواقع حال الفكرة و مناقشتها لا ان تدخل تجلياتك النقدية الخيال العلمى الفاروقى و تقديمه فى تكنلوجيا معلوماتك و تحكى عن ذاتك لتحصل على ما وصلت اليه بعد تدمير دماغ اصابته الذاتية اسألك اخى الفاروق عمر من الذى امر حسن عطية اميرا للعود ؟ اما هم نفس النقاد امثالك .... أيعقل ان يناقش وردى كما نوقش سرور و كرومة ؟ الى متى ستظل هذه العقلية السطحية ؟ ايعقل بعد كل هذا ؟ التصور لعقد الجلاد بوجود شخص ما و نظرة فرد لا يرى ابعد من بصرة والله لو انزلنا مساهمتنا على سطح كوكب لقال الناقد من امثالك لا يمكن ان تحتفل الكواكب بالقمر
الفكر النقدى عندك يااخى عمر ليس ناضجا ومن خلال تعابيرك وإسلوبك وتراصى كلماتك وصياغتها تدلل على عدم مؤهلاتك الثقافية وأن النقد بكل تنوعه عندك ما يزال اقل نضجا و أكثر بدائية وهذا لا يعطيك الحق فى ان تجد حيزا لاسقاطك النقدى الذى لا يؤهلك على خوض مجازفة نقدية فنية
ـــــــــــــــــــــــ
الهمباتة
تشوف الغيمة
فى مقلة مراية السهلة
راخية رموشة
تنت فى ام شديدة القهوة
جاته الدوشة
فى طاقة منام هلواسة لاوذ ود قزح
طربان وشايلة الهوشة
ختفت توبة قال اخ
نست باب حوشة فاتح
و المطور الليلة كيف ملبوشة
ــــــــــــــــــ
اذا سمحت حاول لحن النص دة
و نعطيه برضو لشمت و نشوف لحنك انت و لا لحن شمت
واخيرا اتمنى ان تسمع هذه الاغنية منى و تستفيد من المحاضرة فى الصوت من خلال ادائها

عارف يا سفيان يا نابري...؟ واقول ليك حاجة وتصدقا؟
أهم ىلة في عقد الجلاد ده هي البونقز ..وانا معجب أيييما إعجاب بطريقة عزف عركي لهذه الاة وانا بقول عزف لأنو عركي ما بيدق أو يضرب البونقز ..عركي بيعزف بونقز ..والحركة دي انا ما شوفتها في زول وما سمعتها إلا من فايز مليجي لما عزف زاد الشجون ..مليجي ده كان بيعزف زاد الشجون رسمممي والله اصصصلو ما كان ماسك زمن وايقاع..وده البيعملو عركي..
ما تفتكر كنكشة جويلي ما في بالي وكذلك كنكشة شمت ..فهذا الثلاثي هو القاسم المشترك في الكنكشات ..بس لما جبت سيرة عركي زي ما قلت ليك إمكن لتجهمو وصنة ولبدتو المريييبة دي :) :) :)..
يا سفيان اخوك ما سائل في غارزيتو والله ..ما تشوفني بعام كده :)

حمزة سليمان :
رمضانك كريم وتصوم وتفطر على خير..
حقيقة والله قريت مداخلتك لي تلاتة مرات وما فهمتك عايز تقول شنو أو عايز توصل لي شنو ؟؟ بس عموما أوعدك بي إرجاع البصر كرتين فيها بعد الفطور إمكن كبسة الراس دي من دخول رمضان لي اللحم في الثلث التاني..

اتمنى ان لا ينقلب اليك بصرك خاسئا حسيرا
و تحاول تفهم كلامى
اذا غلبك تفهم غناى

لالالا غناك فاهمو أرجو أن لا يتشابه عليك البقر...
انا الما عاجبني صوتك وبشوف إنو دون مستوى الفنان المحترف خصوصا في الفترة الفاتت دي ..
ملحن ماف كلام والله وكثيرا ما اردد الحانك في خلوتي وانا ادندن لعقد الجلاد..لكن طيييلة تجربتك الفنية وظهورك منفرداً ما كنت مقنع واداءك فيهو كتيير من العادية وصوتك نفس الكذلك ..
دي كل القصة ..

طيب يا موصلي سؤالي مباشرة وبدون تعريفات:
حمزة سليمان صوتو جمييل كمغني؟؟

Quote: طيب يا موصلي سؤالي مباشرة وبدون تعريفات: حمزة سليمان صوتو جمييل كمغني؟؟

يشبعني طربا والقا وينعش
ذاكرتي بهواء الطرب الاصيل

Quote: يشبعني طربا والقا وينعش ذاكرتي بهواء الطرب الاصيل

ح اعتبر انو إجابتك جمييييييييييييييل
يعني المقصود بي أعظم عشرين موسيقي دي شاملا الغنا والصوت؟؟ ولا موسيقى تلحين؟

لا تأخذن الفنان في جانب واحد
ستكون قد ظلمت أي فنان تأخذه بهذه الطريقة
حمزه بجمع كل هذه الصفات فهو أحد هؤلاء العشرون
------
تخريمة لسفيان نابري
لستتي مابتمرق
ده عشم ابليس في الجنه
ههههههههه

Quote: هذا ما كتبه الاخ تمبس

الاستاذ المبدع حقا

حمزة سليمان

سيد باب السنط
وطق طقطرق يا بن


أين انت يا رجل

انت وغيرك من مبدعي بلادي

عليكم حمل ثقيل

وهو الرقي بالذوق الفني العام للامة

كيف تستنهض الامة ويواصل الشعب مسيرته نحو التقدم

فالفن رسالة بناء وليس معول هدم

Quote: بالمناسبة اديك كلام تاني اطلعك بيهو انت زااتك بعام ساي؟؟؟ شمت الحانو موووقلة في التكرار والتقليدية ..بيلحن ليهو عشرة قصايد بي نففس الوتيرة وفي نصهم كده بتقوم واحدة تلتق .. اسة اديني اييي قصيدة وقول لي يا عمر هااك لحححن الاغنية دي بي حس شمت وشوفني كان ما لحنتها ليك!!! بس ده ما بيمنع إنو شمت عندو بعض الألحان الجميلة لكن العموم بقا مكرر ومستهلك يعتمد في أساسه على ايقاع السيرة ثم كسرة بعد مقطعين تلاتة .. تكرار ما بعدو تكرار..

عمر الفاروق
ما ياهو ده السبب الخلانا نفتح البوست

تكرار ما بعدو تكرار

يعني الابداع نضب

يعني العطش الفني

يعني الموت الاكلينيكي


وارجع اقرا البوست ده من جديد

انت ما مختلف معانا

انت ما فهمتنا بس

Quote: --- ياسيدي آنا والنو عسل على لبن واشتغلنا شهرا كاملا بالاستديوهات في اخر زياراتي ودعاني للاستماع لراي وحضرت لهم بروفة كاملة وخاطبتهم بمساعدة قائدهم المبدع الكبير ويوم سفري تغدينا سويا مالكم ياهؤلاء ولم الاستعجال انا كنت في طريقي لتوضيح موضع خلافي مع عمر في بعض الجوانب التي ذكرتها واهمها موضوع عثمان ومجاهد

يا سلام يا موصلي

على الحلقة التي سجلتها مع عقد الجلاد في النيل الازرق

كل مرة ناس النيل الازرق بيعيدو منها اغنيات

روعة وسلاسة وتدفق لشلالات الابداع

ليتك تعود

تلقود سفينة الفن الابداعي من جديد

Quote: لو في عيب يؤخذ على الفرقة هو عدم التجهيز والإعداد مع إنو تم الإعلان للحلقة دي منننن أول يوم في رمضان وقالوا يا جماعة عقد الجلاد يوم كده ح تقدم اغني للراحلين ..وعليه مفروض يكونوا قرروا يغنوا شنو وكيف.. عقد الجلاد برضو فووتت فرصة ذهبية تأكد بيها للجمهور السوداني إنو هي عندها الطاقة والقدرة للتغني بي اغاني عامة عاطفية كانت ام موضوعية زيهم زي اي فنان منفرد ويأكدو إنهم فقط إختارو هذه اللونية من الغناء فقط لحبهم للعمل الجماعي لا لتغطية الصوات .. انا لو كنت مدير لي فرقة عقد الجلاد في الحلقة الفاتت دي كنت ح أعمل حاجة ذكية جدددا جدددا ..أنقروا شنو ؟؟؟ أتغنى بي أغاني للمراحيم ديل غير مسموعة وغير متداولة !!! وبي كده عقد الجلاد كانت ح تضرب مليووون عصفور بي حجر واحد.. تمييز ..تفرد..إتقان ...إحياء..وتمجيد..وفعععلا تأبين وتخليد.. عقد الجلاد

عمر الفاروق

اقرا كلام تمبس ده كويس

وشوف من اول البوست

مذا عنيت بالموت

عنيت الابداع

عندما يموت الابداع

بنموت نحن

Quote: سلامات يا استاذ يوسف .. سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة .. وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها .. لا اعتقد ان عقد الجلاد كانت في حاجة لأن تظهر بهذا المستوى الهزيل جدا .. جدا اصوات بعدت عن الهارموني المعروفة به عقد الجلاد .. اغاني زيدان لا تقدم بهذه الطريقة الجنايزية .. واغاني وردي سمفونيات قديمة جدا يمكن ان يتغنى بها اي كائن حي بصورة افضل مما قدمت به بالامس اتفق واختلف .. في تاثر المجموعة بغياب بعض الاصوات .. لكن حضرت اعمال كثيرة لعقد الجلاد بعد كبوتها الأخيرة .. قطع شك ما كانت بنفس الشكل الباهت الذي ظهرت به حتى من ناحية الاوكسترا .. من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟ يا شباب عقد الجلاد .. لا للمجازفه .. لا للمجازفة.. تحياتي يا جمال ..

تمبس

والله ده الكلام الخلاني افتح البوست

انت قلت كل شي جواي

يمكن انا ما رتبته

لكن دي الحقيقة

نحن اتربينا على حاجة امنة

ونعمة

وقطر عطبرة

ولا نقبل ان نرحل ونسكن في القصور


تسلم يا صديقي
ورمضان كريم

وتحياتي لزميل البورض

Quote: يا أخوانا هسع الاداري الاول في عقد الجلاد هو عوض الله كدي قولو بسم الله الحلقه أنا ماشاهدتها ولكن مادام هم تغنوا فيها بخصوصية للمتوفين من فنانين فهذا قطعا لن يكون اسلوب عقد الجلاد عقد الجلاد بخير وراي عثمان النو بخير دعوا الف زهرة تتفتح ولا تتأثروا ببعض كبوات الأحصنة فهي ستقوم وستركض بعنفوان ورمضان كريم يا صديقي جمال

صديقي الجميل

واستاذنا الفاضل

الموصلي

لمن يصل الموت لآخر نخلة إبداع في وطني
من حق الجميع ان نعمل على علاج اسباب الموت

فالفشل اصبح هو السواد الاعظم

وعقد الجلاد نقطة ضوء في بحر الظلام

إخوتي
صاحب المفترع جمال
المتداخلون
أستاذي الجميل موصلي
اخي وصديقي ودفعتي الحبيب حمزة

شاء القدر ان أشاهد نهاية الحلقة مسار النقاش ولم استمع الا لآخر عمل قدم فيها وكان من ألحان اخي وصديقي ودفعتي شمت.
شمت فنان مطبوع وصاحب بصمة لا تغفلها الحواس وهو الثابت المتحرك في العقد منذ ان انتظم شكلها الذي عرفت به في النصف الثاني من ثمانينات العقد المنصرم.
الأصوات الشابة الجديدة في المجموعة أصوات جميلة ولكن مازال أصحابها لم يكونوا شخصيات لهذه الأصوات وتحرر في الأداء فهم يؤدون اللحن كما لقن لهم ولهذا يغيب التنوع
العمل الاخير الذي قدم كان طويلاً جداً وهذا ما ادخل الرتابة والملل على المستمع حتى مع تغيير الإيقاع لم يمنح العمل الانفكاك من ذلك الشعور.
لم يعد للمستمع الصبر ولا الزمن للأعمال الطويلة وان كانت مشحونة بالإبداع.
لم استمع للأعمال التي قدمت للفنانين الذين ارتحلوا ولذلك لن استطيع تقييم الأداء.

الزمن لا يتوقف وليس هناك ثوابت وعقد الجلاد ثيرمومتر طبيعي في حياة تحكمها أمزجة بشر تختلف وتتألف.

حمزة دع أعمالك تتحدث عنك ولا تدخل تفنيدها ولا تجعل ردة الفعل تفقدك اتزانك المعهود. انت مبدع ودوماً ردك مزيد من الإبداع.
صديقي عمر الفاروق رمضان كريم. قد نختلف وقد نتفق بان التذوق حالة خاصة جداً ولائحة العشرين لو منحت لكل السودان ربما لن تجد فيها اثنين متطابقتين.

لكم محبتي جميعاً
عبدالعزيز خطاب

Quote: شاء القدر ان أشاهد نهاية الحلقة مسار النقاش ولم استمع الا لآخر عمل قدم فيها وكان من ألحان اخي وصديقي ودفعتي شمت. شمت فنان مطبوع وصاحب بصمة لا تغفلها الحواس وهو الثابت المتحرك في العقد منذ ان انتظم شكلها الذي عرفت به في النصف الثاني من ثمانينات العقد المنصرم. الأصوات الشابة الجديدة في المجموعة أصوات جميلة ولكن مازال أصحابها لم يكونوا شخصيات لهذه الأصوات وتحرر في الأداء فهم يؤدون اللحن كما لقن لهم ولهذا يغيب التنوع العمل الاخير الذي قدم كان طويلاً جداً وهذا ما ادخل الرتابة والملل على المستمع حتى مع تغيير الإيقاع لم يمنح العمل الانفكاك من ذلك الشعور. لم يعد للمستمع الصبر ولا الزمن للأعمال الطويلة وان كانت مشحونة بالإبداع. لم استمع للأعمال التي قدمت للفنانين الذين ارتحلوا ولذلك لن استطيع تقييم الأداء.

عزيز

العزيز

رمضان كريم


إن ما جعلني أن أكتب هذا البوست هو ما ذكرته من رتابة وملل والحرص على تقديم اعمال الغير دون اي مجهود

فما قدمته عقد الجلاد في هذه الحلقة من اغاني الراحلين خصم الكثير من مشوارها الفني

وجعلها مثلها مثل اي فرقة جماعية من الفرق التي انتشرت مع المشروع الحضاري

عقد الجلاد إرث وهدف ومباديء

عقد الجلاد نفاج للابداع

لا نقبل ان تصبح جوطة وسط الجوطة

أرجو ان يستمر النقاش لمعرفة الاسباب ومعالجتها إن أمكن

كتب الأستاذ حمزة سليمان معلقاً على مداخلة صديقنا عمر الفاروق بخصوص صوته ( أى صوت حمزة سليمان )

Quote: الاخ عمر الفاروق رمضان كريم الذات المتضاربة مع ذاتها لا تعرف من هى فكيف ستعرف غيرها ؟المشكلة فى النقد الفاروقى تصدرة المكتمل لى ارائه و لشخصيتة المنقلقة فى ثوابتها المعرفية الضئيلة لكنها اصبحت تتواجد و تنمو و تتواصل من خلال تمثيلها لحكاية وجودة الاسفيرى .... عليك فحص تجلياتك النقدية فى سرد نقدى تحاول ان تسال فيه نفسك من انت ؟ و فى حال تأكدت من هويتك النقدية لابد من ان تسمى نفسك و تعرفها بأنك ليس رقم نقدى نسبة لاصطدامك بحضارة ولا مكان للتخلف الفكرى الذى لم يواكب التجديد و الذى يبقى الناقد فى تصورة ما بين الحياة و الفكرة هو سمووه من خيالاته الشخصية لواقع حال الفكرة و مناقشتها لا ان تدخل تجلياتك النقدية الخيال العلمى الفاروقى و تقديمه فى تكنلوجيا معلوماتك و تحكى عن ذاتك لتحصل على ما وصلت اليه بعد تدمير دماغ اصابته الذاتية اسألك اخى الفاروق عمر من الذى امر حسن عطية اميرا للعود ؟ اما هم نفس النقاد امثالك .... أيعقل ان يناقش وردى كما نوقش سرور و كرومة ؟ الى متى ستظل هذه العقلية السطحية ؟ ايعقل بعد كل هذا ؟ التصور لعقد الجلاد بوجود شخص ما و نظرة فرد لا يرى ابعد من بصرة والله لو انزلنا مساهمتنا على سطح كوكب لقال الناقد من امثالك لا يمكن ان تحتفل الكواكب بالقمر الفكر النقدى عندك يااخى عمر ليس ناضجا ومن خلال تعابيرك وإسلوبك وتراصى كلماتك وصياغتها تدلل على عدم مؤهلاتك الثقافية وأن النقد بكل تنوعه عندك ما يزال اقل نضجا و أكثر بدائية وهذا لا يعطيك الحق فى ان تجد حيزا لاسقاطك النقدى الذى لا يؤهلك على خوض مجازفة نقدية فنية ـــــــــــــــــــــــ الهمباتة تشوف الغيمة فى مقلة مراية السهلة راخية رموشة تنت فى ام شديدة القهوة جاته الدوشة فى طاقة منام هلواسة لاوذ ود قزح طربان وشايلة الهوشة ختفت توبة قال اخ نست باب حوشة فاتح و المطور الليلة كيف ملبوشة ــــــــــــــــــ اذا سمحت حاول لحن النص دة و نعطيه برضو لشمت و نشوف لحنك انت و لا لحن شمت واخيرا اتمنى ان تسمع هذه الاغنية منى و تستفيد من المحاضرة فى الصوت من خلال ادائها

أصدقكم القول
كان ذهني مشغولاً بـ ( رد الفعل ) الفاروق عمر وهو يقرأ هذه المداخلة
ما خيب الفاروق ظني وأتانا برده الذي صيرني مجنوناً في نظر أبنائي بسبب نوبة الضحك الهستيرية التي أصابتني

Quote: حمزة سليمان : رمضانك كريم وتصوم وتفطر على خير.. حقيقة والله قريت مداخلتك لي تلاتة مرات وما فهمتك عايز تقول شنو أو عايز توصل لي شنو ؟؟ بس عموما أوعدك بي إرجاع البصر كرتين فيها بعد الفطور إمكن كبسة الراس دي من دخول رمضان لي اللحم في الثلث التاني..

____________

أشخاص أتمنى مطالعتهم لهذا البوست

- دينا خالد .... لترى كيف سكت فاروقنا عن الكلام المباح
- البروف أمين محمد سليمان ...... ليرى كيف يكون البل على أصوله
- الفنان عاصم البنا ......... ساى كدا
- ( الفنانة ) شروق أبو الناس ..... ودواخلها تهتف " يعني فالح يا عمر الفاروق تتشطر على أنا الغلبانة دي "

عاطف يا عمر ..
رمضان كبير..

بالمناسبة وانا جادي فعلا غلبني اقرا المداخلة بي صورة صحيحة وما اكضب عليك إمكن السبب الرئيسي انا شايفو الركاكة مع إنو في كنهها تحمل كلام مثقفاتية لكن في حاجة في النص ضايعة حمزة ما قدر يعبر عنها إمكن لأنو كتب منفعل ..
كدي يا عاطف وعشان تفهمني ده أوول سطر انا غلبني اقراهو عديل ناهيك عن افهمو ..كدي إنت شوفو وأديني رأيك

Quote: ؟المشكلة فى النقد الفاروقى تصدرة المكتمل لى ارائه و لشخصيتة المنقلقة فى ثوابتها المعرفية الضئيلة لكنها اصبحت تتواجد و تنمو و تتواصل من خلال تمثيلها لحكاية وجودة الاسفيرى ....

يعني مثلا المنقلقة دي قاصد بيها المنغلقة من الإنغلاق ولا من القلق (أكيد ما بقصد بدر الدين قلق)..
جودة دي قصد بيها من الإجادة الإسفيرية ولا بيقصد وجوده ..

كلامي ده يا عاطف اقراهو بعيد من تريقات عمر ..انا طبعا ما مصحح لغوي وقادر أفهم لغة النت تكتب ساي وانا واحد من الناس بكتب ساي القاف محل الغين الذال والزاي وإضافة للكلام الدارجي البكتبو واو بدل ضمة و و و ..فده ما تصحيح بقدر ما هو إلتباس عشان افهم المعاني..

Quote: عليك فحص تجلياتك النقدية فى سرد نقدى تحاول ان تسال فيه نفسك من انت ؟ و فى حال تأكدت من هويتك النقدية لابد من ان تسمى نفسك و تعرفها بأنك ليس رقم نقدى نسبة لاصطدامك بحضارة ولا مكان للتخلف الفكرى الذى لم يواكب التجديد و الذى يبقى الناقد فى تصورة ما بين الحياة و الفكرة هو سمووه من خيالاته الشخصية لواقع حال الفكرة و مناقشتها

ده الجزء التاني ..برضو كدي اقراهو يا عاطف و في مخيلتك عاطف الروائي القاص سمح؟؟ ويا قولهم في قصيدة محجوب شريف الجديدة باقي لي دي ياها المحتاجة أن تقرأ مشكولة !!!مفروض يوضح اقيف وين واكمل من وين وين الشولة ووين النقطة واااي سمح انت وعسل انت..


عارف يا عاطف مداخلة حمزة دي ذكرتني فنان أدروب إستضافوهو في التلفزيون في برنامج ..المقدم شبكو ليك ح اسألك سؤال:
التداخل ما بين السلم السباعي والسلم الخماسي في بؤرة تجتمع فيها ملاقحة الشعوب في ثوب ارجواني قرب البعيد وجعل العالم قرية صغيرة مما اتاح للديبلوماسية الشعبية ان تأطر أطر واضحة وجلية لا تخفى على العين المجردة ..أين أدروب من كل هذا ؟؟

أدروب رد ليهو :
والله بالغوا ..
وترررن ..ترررن ..ررررن أدى ليك العود ضربتين كده وتوووشك خش ليهو في أغنية ..

طبعا ح أبدأ مداخلتى لك بصفة القول
الاخ عمر
وإنك لم تبتدر مداخلتك لى بصفة كاتبا أسمى على طول
هذا دليل واضح للفارق الفكرى بينى و بينك
انا لا اعمق النقد فى نفسى لانسى ابسط الصفات بين المتناقشين
وأقول لك مرة اخرى
الاخ عمر الفاروق
ليبقى النقد واحد اراك انجرفت وراء تشكيلى اللغوى اكثر من الموضوع
واعنى ان يبقى نقدك فى موضوع لا عدد اخطاء
ولان النقد اساس هويتك لذلك تعددت فى مواضيعك النقدية
فى موضوع واحد حاول ركز انت فى أى موضوع تنتقد؟؟

الاخ عمر

( وترررن ..ترررن ..ررررن أدى ليك العود ضربتين كده وتوووشك خش ليهو في أغنية ..)

هذا ما كتبته انت

ولى عودة فى مستوى مفردتك

الاخ عاطف عمر
تصوم وتفطر على خير
تخيل انى امتنعت عن الضحك
شكرى العميق لمداخلتك الرائعة

تحياتي وسلامات عزيزنا الموسيقار الكبير حمزة
رمضان كريم

Quote: الاخ عاطف عمر تصوم وتفطر على خير تخيل انى امتنعت عن الضحك شكرى العميق لمداخلتك الرائعة

اتابع بمزاااااج نقاشك مع عزيزنا الفاروق عمر


لا تعليق لدى حالياً

فاروقنا يا عمر

Quote: برضو كدي اقراهو يا عاطف و في مخيلتك عاطف الروائي القاص سمح؟؟

ياخوى كدى أولن بالتبادي

عاطف الروائي القاص دا منو ؟؟
يطرشني ويعميني كان سمعتا بيهو أو شوفتو

أما إن ذهب خيالك ( الواسع ) لشخصنا الضعيف فأقول لك
صاحبك ( عاطف عمر ) علاقته بالرواية والقص كعلاقة البروف أمين سليمان بالشعر الحديس
أنا رجل بيعرف شوية معلومات عن الخرسانة المسلحة والحديد
وباقي الحاجات ( تلاقيط ) سااااااى كدا



_____________________

أقول قولي هذا
ولم تنقطع بعد نوبة الضحك الهيستيرية

Quote: عاطف يا عمر ..

هكذا خاطبت عاطف نفس الكذلك يا حمزة علماً بي إنو تربطني علاقة أحسب إنها ودية ولطيفة بيني وبين عاطف ..ووالله ابدا ما جا في بالي تحليلك الغريب وعجييب الوصلت ليهو ده ..وارجع لي معظم مداخلاتي ناادراً ما أعنون بي مفردات من شاكلة الأخ دي..مرة مرة بشاغل بي يا حبوب ويا وديع ووو..وغالبا ما انادي الناس بي اساميها ساي كده ..

الأخ الأكبر حمزة سليمان ..
والله اخونا وتاج راسنا وأيييو شي وده أبداً ما عندو علاقة بي كلامي الفوق داك فعليك الله ما تعوس لي الابري بي الحلو مر..
قصة التشكيل دي ما تركز فيها شديد بس حقيقي الكلام ما مرتب وانا والله ما فهمتو وإيه رأيك حتتتى بعد الفطور غلبني افهمو ..في داخله في فكرة كويسة عايز توصلا عني بي إني زول متهجم على الشغلانة وخاوي وغير مثقف وجاهل ومتسلبط و و و ..وده كلللو كلام كويس واصلو ما بغالطك فيهو ..دي وجهة نظرك وده شوفك ..
انا ما بنتقد في مشوار حمزة الموسيقي اللحني ..انا لي الليلة ولييي بكرة ولي بعدو مرتكز على تجارب حمزة الغنائية الفردية اللي ظهر بيها عبر التلفزيونات وكان الاداء الصوتي بتاعو باهت جداً وخصوووصا في حلقة شاهدتها عبر هارموني او زول ما متذكر إضافة لي تجربة عبر قناة النيل الأزرق كانت يا قول السعوديين من العميل للنخيل ..مايك وساوند سيستم وسودانير فكانت إختبار حقيقي لي صوتك بدون استديوهات والباي باك وحركات العمليات التجميلية للأصوات ..
الظروف ما ساعدتني انزل ليك نماذج من الاعمال دي واخليك انت وباقي الاعضاء بمن فيهم الموصلي تقييموا فيها عشان نشوف قصة العشرين المبشرين بي كتاب الموصلي دي فهمو فيها شنو .؟

يا عمر .. حمزة سليمان تشفع له باب السنط و ( عالجني يا عابدين شرف) و لو لم
يلحن غيرهما لكفتاه كسباً في عقد الجلاد لألف عام .. أها .. شبكة دا شنو البيشفع ليهو؟!!

أما كتابات الموصلي – إن هنا أو هناك فليست سوى
حركات علاقات عامة ساكت .. فلا تأبه لما يقول.

أما ود الجمجام و عاطف مكاوي فدا يلتخو بي دا.

Quote: أما كتابات الموصلي – إن هنا أو هناك فليست سوى حركات علاقات عامة ساكت .. فلا تأبه لما يقول

Quote: محمد سعيد احمد : الاغنيات المختارة تؤدى بشكل فردى كانت المجموعة تغنى باداء يشبه الفردى لذلك لم نتبين طابع الاداء المتنوع الذى تميزت به عقد الجلاد

طبعا يا ود سعيد هذا هو القصد من البوست

لماذا هذا الظهور السالب للفرقة

الاجابة هي .. موت الابداع

Quote: حمزة سليمان تشفع له باب السنط و ( عالجني يا عابدين شرف) و لو لم يلحن غيرهما لكفتاه كسباً في عقد الجلاد لألف عام .. أها .. شبكة دا شنو البيشفع ليهو؟!!

ملاسي

قف تأمل

أحبائي

كم جميل ان نلتقي هنا لمناقشة قضية رأي عام

قد أكون من بدأ

ولكني أتشرف برأي جميع الزملاء الأجلاء


فالموضوع عام يحق لكل منا أن يدلو برأيه

وسأعود لكم بالردود


البوست ملك كل عضو زميل بورد ابي

ومفتوح لكل المشاركات


ولغير الأعضاء وكل من يود أن يشارك برأي

يمكنه مراسلتي على بريدي الخاص

[email protected]

وسوف اقوم بنشر كل ما يصلني من مشاركات كما هي في هذا البوست

أما عركي .. فالرجل بركة .. و أحسب أن عقد الجلاد لم تعمر – هكذا - إلا بفضل بركته.


_____
له التحايا؛ التقدير؛ و الأمنيات الطيبة.

Well, this is totally unfair

إن الله قد وهب ما يعرف ببلاد السودان الكثير من النعم..

وهبها لحكمة يعلمها هو وحده..بدل النيل الواحد كذا نيل..

وهبها - لحكمة يعلمها هو وحده ... حاج الماحي وود أبشريعة..وحياتي..وود سعد..والبرعي...وغيرهم

وهبها...سرور وكرومة والأمين برهان وبادي محمد الطيب وخدر بشير والتاج مصطفى وعثمان حسين

ووردي ومحمد الأمين...وغيرهم من الأنهار العذبة....حلو؟؟

وهبنا الله ..له الحمد والمنة...عقد الجلاد..

نبعاً ومعيناً لا ينضب...

يتشكل...يتخلق..يتعملق..يثمر..يخضر..يجدب..يزبل أحياناً...عادي جداً...

إنت يا جمال يا صديقي..

ما تراكا بتموووووووووت كدي في الهلال...

الهلال دا طوااااااااالي فريق الأحلام؟؟؟

ما ترا يوم كويس ويومين كعب...صاح؟؟

وتييييييييب..

أقين...ذس إز توتالي أنفير....والله صحي...

=========
عمر الفاروق...حمزة سليمان... ممكن شوية موضوعية؟؟
=========


خلاص...النوم بعد كدا..سلام

..

سلام يا أساتذة
في البدء ممكن إنزال نموذج من اغاني عقد الجلاد مثار الجدال رأفه بنا مع ان ذلك لن يؤثر في الحكم علي عقد الجلاد
الاخ عمر ما هو تقييمك لضعف الصوت؟ هل هي مقارنه مع اعضاء الغرفه ام فنانين آخرين؟
شخصيا ًً, أنا مستمتع جداً بصوت الاستاذ حمزه ومستمتع اكثر بألحانه (شكرًا ملاسي)
التحيه لك استاذ حمزه والإعجاب والأستاذ الموصلي وشكرا لسودانيزاونلاين ان جعلت هذا ممكناًً
وشكرا جمال

الاخ عمر الفاروق
الموهوهبين هم صناع الابداع و ما زوالوا مستمرين فى الحفاظ على أولياته
و ما زالوا مستمرين فى النضال من اجل المحافظه على التفكير المنطقى الراكز على العقل
لذلك يا اخى عندما تود ان تدخل نفسك فى نقد الموهبين تريس كثيرا لانك لا تنتقد فى علم اجتماع
واحسب انك تنتقد من خلال عقل تلفزيونى عقل شغال بالتلفزيون متناسى علاقة الابداع بالروح
احسب يا اخى إنك اضعفت موضوع البوست ، و العقلية التى ترتكز منها فى نقدك الفنى عقلية طابها الحس الذاتى
المرهون بحالة نفسية وقتية لحظه مشاهدتك لا عقلية تحليلية تحاول ان توثق من خلال نقدها للمشهد الثقافى

يا حمزة .. أردم عمر الفاروق بالنحوي بتاعك دا عله يرعوي

هنا في شنو والجوطه في شنو
طال مافي عمر الفارق ابو اضان نضبفه دا معناها في نقد فني
معليش انا طبعا حتى صاحب البوست لم استطع اقرا ماذا كتب وماذا قال
ولكن ايضا من العنوان نعيت معه عقد الجلاد وولكن كما قال اخونا الفنان مصطفى محود هنا لكل جواد كبوه
وسوف تظل عقد الجلاد هي الشجره المثمره للنجوم وسوف تعود كما كانت في يوم من الايام

Quote: الاخ عمر الفاروق الموهوهبين هم صناع الابداع و ما زالوا مستمرين فى الحفاظ على أولياته و ما زالوا مستمرين فى النضال من اجل المحافظه على التفكير المنطقى الراكز على العقل لذلك يا اخى عندما تود ان تدخل نفسك فى نقد الموهبين تريس كثيرا لانك لا تنتقد فى علم اجتماع واحسب انك تنتقد من خلال عقل تلفزيونى عقل شغال بالتلفزيون متناسى علاقة الابداع بالروح احسب يا اخى إنك اضعفت موضوع البوست ، و العقلية التى ترتكز منها فى نقدك الفنى عقلية طابها الحس الذاتى المرهون بحالة نفسية وقتية لحظه مشاهدتك لا عقلية تحليلية تحاول ان توثق من خلال نقدها للمشهد الثقافى

كلام حلو يا استاذ حمزه ولكن مفروض عقد الجلاد تسمع نقد الشارع لها حتى تمشي في الطريق السليم
امكن الان اقرب زول لي من هذه الفرقه انور والدكتوره منال بدر الدين عضو سابق
انور لينا زمن بنفتش فيهو عشان نقول له ماذا اصاب عقد الجلاد وامكن الخلافات الاخيره هي سبب المشكله وذهاب
الفنان ( النو ) اما دكتوره منال خلاص ما اظن نحتاج لها في شي لانها انفصلت من زمنا بعيد والان تحاول ان تشق طريقها

Quote: الأخ حمزة .. تحياتي.. إنت بالمناسبة بي مداخلتك الأخيرة دي أكدت لي إنك ضارب برة التختة.. يا زول إنت غرقان في الإبداع لي إضنيييك ..ودي ما عايزة كلام ..لكن إنت مغني غير جييد في نظري.. يعني بي كلامك ده مفروض هيثم مصطفى يكون مغني جيد؟؟ ما هو برضو زول مبدع في كرة القدم .. إنت مبدع ومبدع شديد في مجال التلحين ومرات تتجلى في اللحن بي عبقرية منقطعة النظير..(ومرة مرة بتطش زي ما لحنت كلامك الختيتو لي داك..) فيا حبوب انا ما ناكر عليك الإبداع فركز معاي عشان ما تبهتني بي درابك الكبار كبار ده ..

وهنا كما قال اخونا عمر الفاروق ولا اختلف معه في ان الاستاذ حمزه زول مبدع ومبدع شديد ولكن
لم يعجبني عندما كان مع عقد الجلا لان انا بشوف امكانياته الصوتيه واللحنيه تفوق عقد الجلاد كمجموعه وانطفى هذا النور
وسط عمالقه فرقة عقد الجلاد والان يمتلك له اخونا عماد احمد عضو المنبر والموثق الكبير لها كثيرا من اعمال
الاستاذ حمزه سليمان وجلسنا وتحدثنا كثيرا عنه ولكن لو في طريقة نرفعها هنا كنا رفعناها لكم حمزه فنان وملحن هائل ومبدع بحق وحقيقة
ولكن برضو لايمنع ان نقول الان نرى اشباح عقد الجلاد..
ياحليل زمن كنا بنجلس لهم قدام المسرح مثلنا مثل الطلبه لكي نستمتع بهم
.
.
جمال السنوسي ياخي عندي نظريه فنيه اسمها ( الخيال السمعي ) يظهر ماسمعت بيها يعني ماتنتقد وتزعل نفسك
ساكت لان الوضع العام ما متحمل النظريه بتقول تسمع اي زول بس لازم في نفس الوقت ترجع بخيالك للفنان الاصل
وتعيش هذه الحاله وتستمتع بها ...
.
.
الاخ الفنان حمزه سليمان لم توفق في الرد للاخ عمر الفاروق حين فصلت الفن عن علم الاجتماع وباقي العلوم
حتى النقد الخالي من العلميه يكون ضعيف ويعتبر مجرد راي

يا حمزة .. أردم عمر الفاروق بالنحوي بتاعك دا عله يرعوي

الأخ حمزة ..
تحياتي..
إنت بالمناسبة بي مداخلتك الأخيرة دي أكدت لي إنك ضارب برة التختة..
يا زول إنت غرقان في الإبداع لي إضنيييك ..ودي ما عايزة كلام ..لكن إنت مغني غير جييد في نظري..
يعني بي كلامك ده مفروض هيثم مصطفى يكون مغني جيد؟؟ ما هو برضو زول مبدع في كرة القدم ..
إنت مبدع ومبدع شديد في مجال التلحين ومرات تتجلى في اللحن بي عبقرية منقطعة النظير..(ومرة مرة بتطش زي ما لحنت كلامك الختيتو لي داك..)
فيا حبوب انا ما ناكر عليك الإبداع فركز معاي عشان ما تبهتني بي درابك الكبار كبار ده ..

الاخ عمر
لم تفهمنى و حتظل على عدم فهمك هذا
ارجع لى موضوع البوست
وانا اقصد هنا عقد الجلاد و حقيقى قصدت اكتب المداخلة دى عشان اعرف استنباطك
ماذا اقصد؟ فى مداخلتى هذا
عقد الجلاد كلهم موهبين و ستظل تقدم قوالب لحنية وادائية سابقة لكل الذهنية التى انت تستمع بها
و حاول ارجع لكل مداخلاتى

الاخ وليد عبد اللطيف
رمضان كريم وأشكرك

فى كل مداخلات الاخ عمر وصلت لى حقيقة، هى انطباعية النقد لدى عمر
ولم تكن هنا حرفية فى الفكرة النقدية له
تنقصة كثير من الحساسية السمعية و التحليلية التراكمية التى يجب ان تنبنى عليها
الفكرة المستحدثة للعمل الفنى او للمغنى و للاداء
ــــــــ
حقيقى قصدت ان لا اكتب اسم عقد الجلاد و إستأثرت على نفسى ولهم كلمة ابداع
وكنت حقيقى اقصدهم و عقد الجلاد مشروع غنائ كبير لا يمكن لى عمر الفاروق ان ينتقدها بذائقته التى يحملها،
لابد من الحساسية العالية لدى الناقد
ــــــ
النقاد الفنيين هم الذين وصفوا بيتهوفن بانه قنطرة بين الكلاسيكية و الرومانتيكية و كان النقد الفنى يوازى
العمل الفنى فلم يقل بيتهوفن بانه هو الذى صنع عصر الرومانتكية لكنه وضع لبناته الاولى وقاموا بتحليل هذه اللبنات النقاد الفنيين لذلك يا اخى وليد كان لزامامن النقاد الفنيين ان يواكبوا حساسية الفنان و تصوراته و انفعالاته فى ترجمته لها موسيقيا وهذا ما ينقصه النقاد الفنيين عندنا
من وجد فرصة اسفيرية لينتقد من خلال نظره غير واعية تصاحبها اسقاطات نفسية لحالة وقتيه اسهم اسهاما سلبيا فى تقديم وجه نظره الغير واعية فى المشهد الثقافى عموما .

Quote: و حاول ارجع لكل مداخلاتى

ما عصرت عليهو شديد كدا!

الاخ الحبيب حسين ملاسى

من الذى انتقدت تجربة عازة فى هواك عندما قدمها كورال معهد الموسيقى و المسرح توزيع الموسيقار الكورى العالمى اوشان ؟؟

من الذى وصف حسن عطية اميرا للعود ؟؟؟

ــ

هذه هى نفس المدرسة النقدية التى يتبعها الاخ عمر الفاروق ،، والى متى ستظل هذه المدرسة فى نهجها هذا ؟؟

ــ

اقول وبكل صراحة عقد الجلاد لم تلقى حظها من النقد الذى يوازى منتوجها الفنى ، ( نحن فى شنو و النقاد الحسانية فى شنو)

اخوتي

اجبتي

كل من كتب سطرا على هذا البوست

رددت عليكم

ولكن يبدو ان الردود جاءت في الصفحة الأولى


نرجو متابعة الصفجة الاولى ايضا

حمزة يا سليمان ..
عاين قصة أكتب الأخ والأخت وو الحاجات دي غلبتني ياخ فمشيها عادي سمح؟
والله هجمتني فييي صمة خشمي ..
وكما يقول الجكس ..أكييييد ما قاصد!!

إنت اللي مفروض ترجع تعيد قراية مداخلاتي وما هنا بس لالالا في الأرشيف..
عقد الجلاد دي انا اتربيت على يدها ومن أووول يوم ظهور ليها وانا متابع لصيق بي حفلات عقد الجلاد وحافظ لمعظم اغانيهم وامتلك كل الكاسيت المطروح ليهم ومتى ما اتيحت لي فرصة في السودان بحضر حفلة حفلتين ليهم ..
انا في حياتي كلها خشيت حفلات جماهيرية لي تلاتة فنانين (طبعا حسب عقد الجلاد كلها فنان واحد سمح؟)
محمود عبد العزيز..الراحل نادر خضر وعقد الجلاد..وتتميز عقد الجلاد بي إنو دخلت ليها جغلومية حفلة ..وأديك معلومة بسيطة ..
في فترة كنت طالب كنت رئيس جمعية الحاسوب في الجامعة جبنا فيهم عقد الجلاد مرتين لإقامة حفل التخريج..
يلا انا طييلة مشاهداتي لي عقد الجلاد ما حصل إنتقدتها في إسلوب غنائها ..
إنتقدت اعضاء فرقة انا بشوف هم ليسوا بقامة الفرقة الغنائية ..وممكن يكونوا ملحنين عازفين أو حتتى في داخل المجموعة وداسين صوتهم بي حنك الهارموني وما ادراك ما الشغل التحت فده شأنهم لكن انا لما سمعتهم براهم لقيت كيسهم فاضي صوتياً..
إنت كنت واحد منهم يا حمزة ..
ومجاهد واحد منهم يا حمزة ..
بل وحتتتتى منال بدر الدين تكاد تكون منهم لول ان شفعت لها يا جمال النيل والهاااهااات حقتا دي..
قلت أنور حالياً صوته هرم وما عاد انور زمان اب صوت سنييين وجرس..
قلت أعظم أصوات مرت على الفرقة كانت عمر بانقا في المقام الأول وعوض الله بصوته الحنين والخير ..وشبكة في حال رضى عنه ملاسي :)
ياخ اقول ليك حاجة تضايقك أكتر؟؟؟ انا عندي راي في صوت شريف شرحبيل زااااتو ..أها كيف ليك..
يلا لكن ده ابدا ما ممكن ينفي إنو شريف ملحن بارع ..وما بينفي إنو حمزة ملحن من العيار الثقيل..
عليك الله يا حمزة في نهار رمضان ده ما تقولني كلام ما قلتو ..انا بحب عقد الجلاد المجموعة لو ما زييك أكتر منك وده ديدن المعجبين البيحبو الحاجة أكتر من اسيادا..بحب الهلال اكتر من أيي زول بيلعب في الهلال وكذلك ممكن احب عقد الجلاد اكتر من افرادها..
انتقدت التجربة النسائية الحالية واللي ليها فتتترة في حالة توهان وعندم انضابطاية واخيرا بقوا تامنها خريجات معهد موسيقى اكتر من كونهم موهوبات ..
واسة انتقدت الاداء الباهت لي السهرة وطريقة اداء اغاني الغير ..بالرغم من إنو ما كان اتنقاد بقدر ما كان إعجاب وتباهي بي إنو عقد الجلاد ما بتعرف اغاني الغير لأنو عندها مخزونها وما احتاجت لي زول عشان تقلدو وتحاكيو ..

حمزة يا اخوي كان بالع حبوب ثقافة ثقافة فانا ما مسئول من إني أستحملا ولمجرد إنك عايز تجي تكتب كلام دراب وقولني كلام ما حقي ..
اختصرت ليك فكرتي الفيك دي كلها هنا..عايز تقبلا وتهابشيني فيها حبابك..عايز تقبلا وتسكت برضو حبابك ..عايز تقول كلامك الحقك ممكن نفترع خط تاني ..
حلوين حلوين؟

Quote: إنت يا جمال يا صديقي.. ما تراكا بتموووووووووت كدي في الهلال... الهلال دا طوااااااااالي فريق الأحلام؟؟؟ ما ترا يوم كويس ويومين كعب...صاح؟؟ وتييييييييب.. أقين...ذس إز توتالي أنفير....والله صحي...

يا محمود يا صديقي يا فنان

نعم نموت عشقا في الهلال ولمن يكون كعب بنقول كعب

ونموت عشقا ايضا في عقد الجلاد

ولمن يموت الابداع فيها بنقول ماتت

عقد الجلاد زول معانا

بنور لينا الطريق

وبيرفع لينا الذوق العام

وبيرسم لينا الخرطة

عشان نمشي لي قدام

اها النور ده لو طفوهو

حنخش معهد الامل

و حنسمع بطريقة برايل

Quote: نعم نموت عشقا في الهلال ولمن يكون كعب بنقول كعب ونموت عشقا ايضا في عقد الجلاد ولمن يموت الابداع فيها بنقول ماتت

آل يعني الولد "فير" خالص..

الهلال كعب قول كعب..

عقد الجلاد كعبة قول كعبة..

كدا فير.. غير كدا ما فير..

النيل لا يموت..يا جمال..

..

.

عاطف عمر

الزول الجميل

موضوعنا هو عقد الجلاد

حبيبة الشعب

ونحن بانتظارك فيما كتبنا

ياحمزه انا رسلت ليك ايميل هام
جدا لاعلاقة له بالبوست
بالله شوفو
واديني المعلومات المطلوبه
لامر هام
تحياتي

Quote: ياحمزه انا رسلت ليك ايميل هام جدا لاعلاقة له بالبوست بالله شوفو واديني المعلومات المطلوبه لامر هام تحياتي

يا موصلي

الرسالة داخل البوست على مسئولية صاحبها

تسلم يا استاذ

عمر الفاروق ما تنسى تركز على العِرفة اثناء تركيزك مع الصوت وانت بتقيم في اصوات الفنانين

Quote: يا موصلي الرسالة داخل البوست على مسئولية صاحبها تسلم يا استاذ

اكيد يا ابو جمال
يديك العافيه

تحياتي وسلامات عزيزي جمال
رمضان كريم
هذا هو عنوان بوستك

Quote: اليوم أنعي لكم عقد الجلاد ... تغمدها الله بواسع رحمته

وهذه هى مداخلتك الرئيسة

Quote: ماتت الله يرحمها كما ماتت الكثير من الاشراقات الابداعية مراسم التشييع الان على قناة النيل الازرق

ليس في البوست ثمة مادة للنقاش
هو صيوان عزاء
يعني بالبلدي كدا ( بيت بكاء )
وفي بيوت البكاء يجتمع الناس بعد ( الهمهمة ) ... بعضهم يقرأ الفاتحة وبعضهم لا يقرأ شيئاً البتة ،
بعد ذلك يجلسون ( أكوام أكوام ) بعضهم يناقش الكورة وبعضهم يناقش السياسة وبعضهم يناقش أحوال الفريق والحلة وبعضهم يغتاب أهل المتوفي بل والمتوفي ذات نفسو ....

وبعد كل هذا
إيه قصة ( موضوع البوست هو عقد الجلاد ) ؟؟؟
قصدك.. المرحوم ؟؟

عزيزي عاطف عمر

نعم بيت بكاء وتعزية ونواح

على شمس الابداع عقد الجلاد

وقد بلغني قبل قليل من صديق صدوق

إن الأسوأ لم أشاهده لعقد الجلاد

وهي المشاركة التي قامت بها الفرقة

في مهرجان وردي الوطن بالطابية

وما قاله شمت عن ضعف الاعداد للمشاركة

Quote: . جمال السنوسي ياخي عندي نظريه فنيه اسمها ( الخيال السمعي ) يظهر ماسمعت بيها يعني ماتنتقد وتزعل نفسك ساكت لان الوضع العام ما متحمل النظريه بتقول تسمع اي زول بس لازم في نفس الوقت ترجع بخيالك للفنان الاصل وتعيش هذه الحاله وتستمتع بها ... .

وليد عبد اللطيف

رمضان كريم يا صديقي يا جميل

لو مشينا بنظريتك دي

وما نزعل من اي شي يحصل للبلد

يبقى فايدة وطنيتنا شنو

نحن لازم نعمل على المحافظة على كل جميل من جيل إلى جيل

وتغيير الأسوأ للأحسن

ونظريتك دي والشغالين بيها هم سبب تدهور كل الاوجه الجمالية والقيم الاصيلة

ونضوب ينابيع الابداع

ومن بقي منهم آثر الخروج المر من البلد ( الموصلي نموذجا)


تسلل :

قبل عامين او ثلاثة تقريباعاد الموصلي ليستقر بالسودان ويصبح استاذ في معهد الموسيقى
حسب الوعود التي تلقاها للعودة الطوعية

السؤال : لماذا عاد الموصلي من جديد لامريكا

جمال السنوسي سلامات ياحبيب

Quote: ونظريتك دي والشغالين بيها هم سبب تدهور كل الاوجه الجمالية والقيم الاصيلة ونضوب ينابيع الابداع

النظرية بتاعتي دي يا جمل يظهر ماقدرت تستوعبها جيدا لان لها مقومات لم تجدها في كل انسان بالساهل
الا بمن تشبع بالفن الراقي الاصيل وكيف تعامل معه في يوم من الايام
ياحلو مايحصل في عقد الجلاد يحدث في اي مجال وفي جميع الاوساط وفي ظل الوضع الراهن ومثل هذه الاشياء لا تتجزا
في يوم قاعدين مع الفنان الشاعر ابو امنه حامح وحتى في يوم قالها في احدى الصحف
قال يقولون المعناه تصنع الابداع فكيف ابدع وانا بطني خاويه وحتى مالاقي قوت اولادي ابحث لهم عن الاكل ولا ابحث عن الابداع
يعني ياجمال قصة تنعي عقد الجلاد عقد الجلاد مثله مثل هلال مريخ يخرج النجوم وتعتبر مدرسه ثابته وتاكد انا تخسر كما تخسر باقي الموسسات المدنيه
ولكن تاكد في يوم سوف تعيد عافيتها وتعيد بريقها
قبل ماتعني عقد الجلاد انعي وزارة الثقافه في البلد وانعي ايضا حكومة البلد عقد الجلاد مشكله بسيطه
سوف تتحسن مع تحسن البيئه فهمت كلامي يا جمال نحنا مانقعد نكنكش في الحاجه ونعمل من الحبه قبه
هههههههههه لكن كلامك فوق دا ذكرني نكته طريفه مع السد العالي المدرب المعروف سليمان فارس
جاهو احد الصحفيين وقال له ما اسباب تدهور كرة القدم
قال له .. انت عندك علاقة بكرة القدم في يوم لعبت كرة القدم
الصحفي قال .. لا
سليمان فارس قال ... طيب اكتب واحد ودا اكبر سبب لتدهور كرة القدم

عشان كدا ياحبيب عشان نجي نتقد عقد الجلاد فنيا لازم الانسان يكون ملم وعارف جيدا عن الموسيقى ودروبها
لان القصه ماسمع بس وانطباعات لحظية ومزاجيه وقتيه لازم النقد يكون مؤسس وعلمي بحت
.
.
نحن عشاق الجمال اين ماكان الجمال
وبهديك لحن الختام

مــــن بـــعــيد لـــبـعـــيد وريــــنا جــــمـــالــــــــك

لــــو لــحــظــات قليلة مــــن بـــعــيد لــــبــعــيد

لــــو ســمــحــت ظروفك اســـــــــمـــــح لـــى اشوفك

مــــا يــــكون منـى خوفك انـــــا عاشـــــــق الــــفضـيـلة

واــمــثل الــــنــبـــيــلة

الـــحــسـن الاكــــــيـــــــد والـــــــحــــب الــــمــنـــزه

عـــن اغــــراض وكــيد الــــروح اكـــرم نــبــيــلــة

بــــل اعـــظــم خـــصيلة فـــى الــســودان اصــيــلة

حــســبــى اللـــه فـيـك مــن هــجــرك و نــفــو رك

يــا اروع مــثــال فــى الــحــب و الــخـــــصـــــال

وعــــلى كــل حـــال

هـــى كــانــت و صـــال روحــك روح جــمــيلة

للاخــلاق زمــيلة ...

برضو تقول لي نحنا من يزعزع ويهد اركان الجمال ياجمال

Quote: حــســبــى اللـــه فـيـك مــن هــجــرك و نــفــو رك

وليد...كيفك ورمضان كريم عليك وعلينا...

رحم الله العملاق عوض الجاك..

ولعل الكوت أعلاه حسب ما أحفظه من زمان خالص يقرأ هكذا:

بس بالله فيد...من هجراني ظلماً ماذا تستفيد؟؟

والله تعالى أعلم..

ثم إنه الأغنية دي فعلاً عظيمة ونبيلة... وذوقك معافى تب ما تشغل بالك بجمال صاحبي دا..

..

.

Quote: هـــى كــانــت و صـــال روحــك روح جــمــيلة

بل الصحيح يا وليدنا:

هجرانك وصال روحك روح جميلة للأخلاق زميلة

لو عايز تستمع بالأغنية دي بصوت عوض الجاك حاضرين..

أما لو عايزها في اليوتيوب بصوت على السقيد الشجي فتفضل الآن:


http://www.youtube.com/watch?v=-kZGhkXEf2k&fe...re=player_detailpage


مع جزيل المحبة والتقدير ،،،

..

إخوتي
صاحب المفترع جمال
المتداخلون
أستاذي الجميل موصلي
اخي وصديقي ودفعتي الحبيب حمزة

شاء القدر ان أشاهد نهاية الحلقة مسار النقاش ولم استمع الا لآخر عمل قدم فيها وكان من ألحان اخي وصديقي ودفعتي شمت.
شمت فنان مطبوع وصاحب بصمة لا تغفلها الحواس وهو الثابت المتحرك في العقد منذ ان انتظم شكلها الذي عرفت به في النصف الثاني من ثمانينات العقد المنصرم.
الأصوات الشابة الجديدة في المجموعة أصوات جميلة ولكن مازال أصحابها لم يكونوا شخصيات لهذه الأصوات وتحرر في الأداء فهم يؤدون اللحن كما لقن لهم ولهذا يغيب التنوع
العمل الاخير الذي قدم كان طويلاً جداً وهذا ما ادخل الرتابة والملل على المستمع حتى مع تغيير الإيقاع لم يمنح العمل الانفكاك من ذلك الشعور.
لم يعد للمستمع الصبر ولا الزمن للأعمال الطويلة وان كانت مشحونة بالإبداع.
لم استمع للأعمال التي قدمت للفنانين الذين ارتحلوا ولذلك لن استطيع تقييم الأداء.

الزمن لا يتوقف وليس هناك ثوابت وعقد الجلاد ثيرمومتر طبيعي في حياة تحكمها أمزجة بشر تختلف وتتألف.

حمزة دع أعمالك تتحدث عنك ولا تدخل تفنيدها ولا تجعل ردة الفعل تفقدك اتزانك المعهود. انت مبدع ودوماً ردك مزيد من الإبداع.
صديقي عمر الفاروق رمضان كريم. قد نختلف وقد نتفق بان التذوق حالة خاصة جداً ولائحة العشرين لو منحت لكل السودان ربما لن تجد فيها اثنين متطابقتين.

لكم محبتي جميعاً
عبدالعزيز خطاب

عزيز ازيك وكيف ولدنا البيانست

كل الود

أستاذي الجميل موصلي

رمضان كريم

الأشواق والأمنيات

نحن بخير ولله الحمد

. رزين اصبح يتمرد على البيانو (العمر) ولكنه عندما يجلس عليه تشعر بان الروح قد دبت للبيانو كان ترك الكلاسيك وعامه الماضي اكمله في دراسة بوب اند جاز

يزن كذلك مجتهد وهو اكثر مراناً ومازال كلاسيكيا.

أخبارك انت والأسرة.

تحيتنا والود

- حمزة سليمان كان بقول في كلام مهم في البوست ده عن النقد و علاقتو بالمعرفة .. ليه وقف ؟

- عمر الفاروق الشناف :) انت لسه مصًر انو الابداع شرطو الرئيس هو مزاج عمر الفاروق ؟

- انا ما حضرت الحلقة " ما عندي عربسات" لكن ابتسار تجربة عقد الجلاد في بوست نعي ليها يا جمال و من حلقة واحده كارثة بكل المقاييس و بتوري ضعف النقد فينا و بتنفي عننا كشعب الذائقة السمعية ، الفن يا فنان لا يحاكم وفق محاكم التفتيش اعلاه . ارجع البصر كرتين يا جمال .. انت زولا ماك هين .

- التحيات لجميع الفنانيين و الزملاء المشاركين في البوست .

أستاذي الجميل موصلي

رمضان كريم

الأشواق والأمنيات

نحن بخير ولله الحمد

. رزين اصبح يتمرد على البيانو (العمر) ولكنه عندما يجلس عليه تشعر بان الروح قد دبت للبيانو كان ترك الكلاسيك وعامه الماضي اكمله في دراسة بوب اند جاز

يزن كذلك مجتهد وهو اكثر مراناً ومازال كلاسيكيا.

أخبارك انت والأسرة.

تحيتنا والود

تسلم يا عزيز وربنا يحفظو
خلوه على مزاجه
تحياتي للآسرة الكريمه

يا مصطفى ياسلام عليك وعلى فنان مدني عوض الجاك

Quote: هجرانك وصال روحك روح جميلة للأخلاق زميلة

بل تقريبا الاصح لان سمعتها زمان وزمان جدا حتى لمن جيت اكتبها باقي الابيات هنا نسيتها عشان كدا عملت ليها كوبي بيست لو ملاحظ
هجران لي وصااااااال ورواحك روح جميله
على كل حال تشكر على التصحيح و التعديل لم احلاظ لها
لكن انا المحيرني جمال السنوسي دائما الانسان الذي له علاقة بالفن دائما النقد بكون فيه متريس شديد
وزي ماقلت ليك ماتمر به عقد الجلاد لايختلف عن مايمر به كل مواطن سوداني في هذه الفتره
حتى الشباب الجد ديل اكيد زي ماقال اخونا عزيز لسه محتاجين تكوين شخصية مع الاصوات
عشان كدا انا بقول نقد جنال السنوسي نقد بتاع لحظه مزاجيه يفتقر للعمليه

Quote: الزمن لا يتوقف وليس هناك ثوابت وعقد الجلاد ثيرمومتر طبيعي في حياة تحكمها أمزجة بشر تختلف وتتألف.

بالله بعد كلام الاستاذ الفنان عزيز موش مفروض اكون بروف بعد كدا في النظرية الجيده بتاعتي ( الخيال السمعي ) دا حالتو انا زول سمع بس لادارس ولا حاجه

Quote: انا ما حضرت الحلقة " ما عندي عربسات" لكن ابتسار تجربة عقد الجلاد في بوست نعي ليها يا جمال و من حلقة واحده كارثة بكل المقاييس و بتوري ضعف النقد فينا و بتنفي عننا كشعب الذائقة السمعية ، الفن يا فنان لا يحاكم وفق محاكم التفتيش اعلاه . ارجع البصر كرتين يا جمال .. انت زولا ماك هين . - التحيات لجميع الفنانيين و الزملاء المشاركين في البوست .

يعني هسه جمال السنوسي دا يبلع البوست دا ولا شنو غايتو البوست الطلعت فيهو انا هادم اللذات دي مكيفني شديد على قول خدر ارجع السمع كرتين ياجمال لان الناس السمعنا وقعدنا تحتهم خليك في السودان هنا في البلد دي طلال مداح وفنان العرب محمد عبده وازيدك كمان ضربنا معاهم الكبسه في صينيه واحد (تبس ) ههههههههههههه

الفنان خدر ...
تحيه خاصه من هنا صراحه في زول ليل من ناسنا الزمان سميع درجه اولى رسل لي كم واحد من الشغل بتاعك ياخي كيفني ليك في حناني زاتو
بالجد متعتني والله

جمال السنونسي ... انت الصباح الضاحك ... انت الغروب الباسم
تحياتي ليك ولكل ضيوفك ياحلو

نسيت آن اذكر في غمرة انفعالي
مع تعليق ود الجمام
آن آذكر بآن عركي العازف رجل يشهد له بخلقه النبيل
وهو من المخلصين لعقد الجلاد بشكل قد يكون غير مسبوق

Quote: لكن انا المحيرني جمال السنوسي دائما الانسان الذي له علاقة بالفن دائما النقد بكون فيه متريس شديد وزي ماقلت ليك ماتمر به عقد الجلاد لايختلف عن مايمر به كل مواطن سوداني في هذه الفتره حتى الشباب الجد ديل اكيد زي ماقال اخونا عزيز لسه محتاجين تكوين شخصية مع الاصوات عشان كدا انا بقول نقد جنال السنوسي نقد بتاع لحظه مزاجيه يفتقر للعمليه

يا وليد عبد اللطيف

ياخ يبدو لي ان رمضان قد دخل عضمك قبلنا

انا وانت بنقول في نفس الكلام

ما حدث للابداع من تدهور مريع

وصل الآن لعقد الجلاد

وصرنا لا نفرق بين احمد وحاج احمد

كله عن العرب مديح

عشان كده

كان لازم ندق الجرس

ونجيب الناس يكتبوا

ويحللوا

ويصححوا الغلط

لأن عقد الجلاد

ملك الغبش

ولسان حالهم

ودفتر يومياتهم

حليل عقد الجلاد

لمن كانت عقد

هسه بقت سبحة

Quote: ابتسار تجربة عقد الجلاد في بوست نعي ليها يا جمال و من حلقة واحده كارثة بكل المقاييس و بتوري ضعف النقد فينا و بتنفي عننا كشعب الذائقة السمعية ، الفن يا فنان لا يحاكم وفق محاكم التفتيش اعلاه . ارجع البصر كرتين يا جمال .. انت زولا ماك هين .

خدر

الفنان الجميل


كل ما قلته صحيحا

ولكن ليس الحكم من حفلة واحدة كما تظن

تنازلت الفرقة عن خطها

وتناقص الابداع اللحني والادائي

وتغير الاعضاء

الفن رسالة

تقود المجتمع للامام

عقد الجلاد

كانت تقود أمة الشباب السوداني

لن نقبل لها أن تترك القيادة

او تقود بتهور

القيادة فن وذوق

والفن قيادة

Quote: حقيقى قصدت ان لا اكتب اسم عقد الجلاد و إستأثرت على نفسى ولهم كلمة ابداع وكنت حقيقى اقصدهم و عقد الجلاد مشروع غنائ كبير لا يمكن لى عمر الفاروق ان ينتقدها بذائقته التى يحملها، لابد من الحساسية العالية لدى الناقد

الاستاذ حمزة سليمان

ايها المبدع الجميل

سيد باب السنط

نرجو يا عزيزي ان تسهم معنا في تقييم ما يحدث لعقد الجلاد الآن كي نستفيد من رايك خاصة وانت احد اعمدتها فيما قدمته وتقدمه من اعمال

رسمت لنا املا في صباح مشرق لوطن اكبر واجمل

شوفو الزمن الجميل

دي عقد الجلاد

فهل يعود الزمن

يا جمال النيل

والخرطوم بالليل

ويا جمالك يا عقد الجلاد

حليل زمنك