هذه الاغنية تم تآليفها مباشرة بعد تنفيذ حكم الاعدام في شهيد الحريه الاستاذ محمود محمد طه بواسطة الديكتاتور نميري. وبعد نزولها بثلاثة اشهر قامت انتفاضة الشعب السوداني في ابريل عام 1985 التي انتصرت وهاهو التاريخ يعيد نفسه هذا العام 2012 ونتمنى له الانتصار. -------------------------------------------------- This song was composed immediately after the execution of a martyr freedom hero Mahmoud Mohamed Taha by dictator Nimeiri. Three month after releasing it, the uprising of Sudanese people occurred in April 1985 and prevailed. Here is history repeating itself this year 2012 and we wish the the victory for our new revolt. --------------------------- من كلمات عبد القادر الكتيابي الحان وتنظيم موسيقي واداء يوسف الموصلي انتاج موسيقي اسامة علي اخراج ايهاب ابا سعيد انتاج ناس جوطة ------------------------------
اشوفك طالعه من الشوف علي طبقات عروق الجوف وبيت المال ومن ابروف وشارع النيل ونازله عديل على عين الحجب عينك متل ماقبيل سهم درويشك الفقران نزل لاساهي لاغبيان علي تمرة قلب غردون يصفي البينو مابينك متل ماقبيل اشوفك تصحي تمحي الليل وتمسحي من جرايد الغير حساب دينك واشوف قرشك يسير في السوق واشوف قطنك ملايه على البحر والبر كفن لي من كتف خيلك سرق خيرك ولا خلى الصغير يكبر ولا خلى القليل يكتر ولا يابس ولا أخدر -------------------------
Post: #2 Title: Re: دعوه للثورة Invoking Revolution جديد Author: Elmosley Date: 08-08-2012, 11:54 AM Parent: #1
Invoking Revolution
Lyrics by A. Alkitayaby
Translation Dr. Aziz A Batran
Composer Singer
Yousif Elmosley
++++
I see the revolution come of age,
Filling my inner soul,
Smiting the oppressors in the guts, and more,
I see the revolution Livid with the rage,
Vanquishing the force of darkness,
And settling old scores,
I see your currency,
In the market place, its value restored,
I see your cotton,
Woven into a sheet that broad,
Spread over see and land,
A shroud wrapped round the corpse,
Of the gangster who fettered your land,
Plundered the country of its wealth,
Won’t let the shoots of its strength,
Nor the meager multiply,
But wreaked havoc,
Sending the green to
Post: #3 Title: Re: دعوه للثورة Invoking Revolution جديد Author: ناذر محمد الخليفة Date: 08-08-2012, 02:22 PM Parent: #2
Quote: اشوفك طالعه من الشوف علي طبقات عروق الجوف وبيت المال ومن ابروف وشارع النيل ونازله عديل على عين الحجب عينك متل ماقبيل سهم درويشك الفقران نزل لاساهي لاغبيان علي تمرة قلب غردون يصفي البينو مابينك متل ماقبيل اشوفك تصحي تمحي الليل وتمسحي من جرايد الغير حساب دينك واشوف قرشك يسير في السوق واشوف قطنك ملايه على البحر والبر كفن لي من كتف خيلك سرق خيرك ولا خلى الصغير يكبر ولا خلى القليل يكتر ولا يابس ولا أخدر
الاستاذ الموصلي سلامات ورمضان كريم
تتوجع وتتألم مخاضها طويل مسربل بي دماء الشهداء وبي نواح اطفال ثورة جايا بي غبن الغلابة ودمع التعابة والنصر المبين فجر الحرية يشرق عدل سودانا جديد
مودتي
Post: #19 Title: Re: دعوه للثورة Invoking Revolution جديد Author: Elmosley Date: 08-09-2012, 11:17 AM Parent: #15
Quote: الاستاذ الموصلي سلامات ورمضان كريم
تتوجع وتتألم مخاضها طويل مسربل بي دماء الشهداء وبي نواح اطفال ثورة جايا بي غبن الغلابة ودمع التعابة والنصر المبين فجر الحرية يشرق عدل سودانا جديد
مودتي
الحبيب عبد العزيز شكرا للكلمات الرائعة اذا الشعب يوما اراد الحياة فلابد آن يستجيب القدر
Quote: استاذنا ما تعمل رايح من سؤال ناذر دا .... لانو انا موافقه عليه برضو ....
دينا عارفين الصيام مجهجهك والمكاواه دي بتروح في العيد ههههههههههه الآغنيه دي موصلية حتى النخاع اتسجلت في الٌآذاعه سنة 1986 ودكتور النور حمد كان في الكورس كمان آها نعلي فشيت غبينتكم ----------- بس سيف مرحبابو ودولاب غناي مفتوح ليهو
Post: #17 Title: Re: دعوه للثورة Invoking Revolution جديد Author: أسامة خلف الله مصطفى Date: 08-09-2012, 00:28 AM Parent: #13
Quote: لن نخيب ظن شعبنا فينا ولن يخيب حسن طننا بل ايماننا به
ماك هويّن سهل قيادك.... سيد نفسك مين أسيادك...
ما أروع الفنان حينما تتلاقى أحاسيسه بنبض الشارع.... قراب السبعون عاما مضت قبل أن يصدق إيمان وإحساس الشابى بالشارع التونسى وإستجابة القدر....
تسلم وتعيش ياطارق مما قمنا وشفنا الشارع قلنا الشارع هو البيعلم
Post: #25 Title: Re: دعوه للثورة Invoking Revolution جديد Author: Elmosley Date: 08-10-2012, 09:54 AM Parent: #23
غياب آماني العجب ونجلاء سيد آحمد وتراجي مصطفى وآحمد ابنعوف وهشام هباني عن هذا البوست يدعو للحيرة
Post: #26 Title: Re: دعوه للثورة Invoking Revolution جديد Author: ibrahim fadlalla Date: 08-10-2012, 02:57 PM Parent: #25
Quote: اشوفك طالعه من الشوف علي طبقات عروق الجوف وبيت المال ومن ابروف وشارع النيل ونازله عديل على عين الحجب عينك متل ماقبيل سهم درويشك الفقران نزل لاساهي لاغبيان علي تمرة قلب غردون يصفي البينو مابينك متل ماقبيل اشوفك تصحي تمحي الليل وتمسحي من جرايد الغير حساب دينك واشوف قرشك يسير في السوق واشوف قطنك ملايه على البحر والبر كفن لي من كتف خيلك سرق خيرك ولا خلى الصغير يكبر ولا خلى القليل يكتر ولا يابس ولا أخدر
كلام زي الدهب ...ولحن زي الدهب وأداء زي الدهب .. عمرو ما بيصدي ..
شكرا ليك أستاذي الموصلي ...وللكتيابي ..ولكل من شارك ... --------------------------------------------------------- ويا الكتيابي .. وفيك بخاطب الشعرا ، كلام دينا ده ما ترموهو الواطة ..والمهدية خير مثال..
Quote: شكرا ليك أستاذي الموصلي ...وللكتيابي ..ولكل من شارك ...
شكرا لكم انتم يا ابراهيم فانتم زادنا كل الود
Post: #27 Title: Re: دعوه للثورة Invoking Revolution جديد Author: ناذر محمد الخليفة Date: 08-10-2012, 03:28 PM Parent: #25
سلام موصلي ..
Quote: آها نعلي فشيت غبينتكم
ما فشيتا لسع اصبر لي أكتب مداخلتي ..
عندنا عادة ما لطيفة في السودان ما عارف في باقي الدول في ولا مافي ..
يكون في فنان عندو أغنية وجمهورو بيحبها وبيحب لحنها يقوم الفنان دا يتنازل للأغنية دي لي فنان تاني أو يتنازل عن اللحن لصالح كلمات تانية .. صراحة دي بتعمل ربكة وعدم أستساغة للحن الجديد أو الكلام المركب في اللحن مهما كانت روعتو ..
سيف الجامة زاتو عندو مرات البتاعة دي .. أول ما جا السودان تمت أستضافتو في منتدى الخرطوم جنوب .. كان عندو أغنية اسمها (الخلاني أحبك اكتر) .. غنية روعا بالجد وهو قبل ما يرجع اداها لي معتز صباحي ومعتز غير اللحن ..
سيف الجامعة في المنتدى طلبت منو يغني الأغنية دي وهو ما قدر يغنيها وكان تبريرو أي اغنية بيديها لي فنان تاني بينساها طوالي ..
طيب نحن المعجبين بالاغنية بصوت فنانا الأصلي ذنبنا شنو ؟!!
وحتى اغنية طبل العز ضرب سيف الجامعة اتنازل عن اللحن وغناها لي صالح اذاعة الكوثر بعد ما فرغ الأغنية من كلماتا الأصلية ودخل فيها كلمات في مديح المصطفى صلعم ..!!!
والموصلي إنت برضك مرات بتعملا .. أغنية يا مستطاب ما كان مفروض تديها لي شروق ابو الناس ابدا لأنها بقت ما غنيتك ولا غنيتا بقت غنيتنا نحن المستمعين .. وبرضو اغنية حبيتك حقيقة الاديتا للبلابل ..!!
يعني أغنية الكتيابي دي أنا أول مرة سمعتها من سيف الجامعة في البوم مريم ومي وخلاص إنطبعت علي كدة وهسي عندك ما قادر استسيغا أو أستوعبا ولو جاءت مبرأة من كل عيب .. ما عارف أمكن في ناس تانية بتحب تداول الأغاني والألحان المكررة وسط الفنانين لكن أنا مرات ما بهضم الحتة دي ..
Post: #33 Title: Re: دعوه للثورة Invoking Revolution جديد Author: متوكل الحسين Date: 08-11-2012, 00:33 AM Parent: #31
تحياتى أستاذ الموصلى وأسرتك الكريمة و من ضمنها ولدك الذى شرف السودان فى أمريكا . أنا أخ حسين فى أيوا وعم لمريم الحسين و نادين صديقة أطفالك . سوف أكتب عن invoke ويالها من كلمة غنوصية و سحرية بيد أن أهل القانون توشحوها رسما . أتمنى أن أجد لك رقما تلفونيا
Post: #34 Title: Re: دعوه للثورة Invoking Revolution جديد Author: Elmosley Date: 08-11-2012, 00:43 AM Parent: #33
بعد اذن صديقي الاديب د بشرى الفاضل دعني آؤجل ردي عليك وآرد على الاستاذ متوكل الحسين عشان التلفون عزيزي متوكل لك التحيه ولمريم ونادين وابويهما وآسرتيهما منتظرين كلامك عن Invoke وغنوصيتها وسحرها تلفوني 8318696651 كما آنه موجود في البروفايل بتاعي لك المحبه
Post: #35 Title: Re: دعوه للثورة Invoking Revolution جديد Author: Elmosley Date: 08-11-2012, 01:18 AM Parent: #34
بعد التلفون تحادثت محادثة طويلة في عمقها قصيرة في زمنها وكان بودي آن تمتد مع الاستاذ متوكل تحاكينا فحكى وحكيت وتصادف الكلام عن دعوة للثوره فتذكرت آيامي والراحل المقيم محمد وردي بالقاهرة في الثمانينات حينما اتصل بي تلفونيا بعد نصف ساعة من تنفيذ الحكم الجائر على الاستاذ محمود محمد طه اتصل بصوته الحزين في ذلك الوقت وقال لي يوسف هل تصدق تم تنفيذ الحكم على الاستاذ فقلت له اني متابع فقال لي هذه اللحظة انتهيت توا من تلحين قصيدة محجوب شريف ياشعبا تسامى ياذاك الهمام تشق الدنيا ياما وتطلع من زحاما زي بدر التمام ------- فقلت له ياللمصادفة فقد انتهيت توا من تلحين دعوه للثورة Invoking Revolution من شعر الكتيابي وقد تحقق قول الاستاذ هذا آو الطوفان وتحقق ايضا تصديق وايمان الفنان بذلك القول فاندحرت الديكتاتوريه ومحاولات التسلط باسم الاسلام
Post: #36 Title: Re: دعوه للثورة Invoking Revolution جديد Author: متوكل الحسين Date: 08-11-2012, 02:35 AM Parent: #35
الكلام دخل الحوش دا حوش أهلك يا بروف الموصلى لو تخليت عنه ما خلاك
Post: #44 Title: Re: دعوه للثورة Invoking Revolution جديد Author: Elmosley Date: 08-13-2012, 11:46 AM Parent: #27
Quote: يعني أغنية الكتيابي دي أنا أول مرة سمعتها من سيف الجامعة في البوم مريم ومي وخلاص إنطبعت علي كدة وهسي عندك ما قادر استسيغا أو أستوعبا ولو جاءت مبرأة من كل عيب .. ما عارف أمكن في ناس تانية بتحب تداول الأغاني والألحان المكررة وسط الفنانين لكن أنا مرات ما بهضم الحتة دي ..
كدي اسمعها تاني باعتبار انها حقت الموصلي مش اونسه قال قالو سمح القول في خشيم سيدو هههههه
Quote: والموصلي إنت برضك مرات بتعملا .. أغنية يا مستطاب ما كان مفروض تديها لي شروق ابو الناس ابدا لأنها بقت ما غنيتك ولا غنيتا بقت غنيتنا نحن المستمعين .. وبرضو اغنية حبيتك حقيقة الاديتا للبلابل ..!!
يامستطاب ياناذر
لازالت موصليه ولكنها كانت نوع من التواصل بين الاجيال فغنتها شروق واخرون
