سلام ومعزة ورجاء ابنتى فاطمة المهدى ,تعزف الة الفلوت قرابة الثمانية سنوات ويزيد,وهى بحسب تقارير المدرسة متفوقة فى ادائها,وفيل انها عازقة بالفطرة فى اول اختبار لها مع الة الفلوت,طبعا للدقة نحن بنحمد الله على ان ابنائنا فى مدارس تهيئ لهم فرص الأبداع وأكتشاف المواهب وتنميتها. اما عنى شخصيا دائما أحرص عن ان ارى بناتى يتذقون الفن السودانى و أضعف الأيمان ان تتربى فيهم حاسة سمع متميزة فى الطرب للأيقاع والغنى السودانى,واعتقد أننا نجحنا لحد ما !! بدليل مشاركتهن فى المناسبات السودانية ,وان كان فى الغالب الأعم يجهلون معانى الغنى وغالبية الكلمات ,لكننا نكتفى على الاقل بفطرة الايقاع والحس السودانى السليم فى تذوق اللحن,ودى محمده لا تشعر بها الا عند مقارنتهم برصفائهم أصحاب الشتارة الجميلة , وافتكر انا منهم اذ لا اجيد العزف ولا الرقص هههههه فاطمة تم انتدابها كعازفة فلوت,والصغيرة امنه بالرقص للأشتراك فى اوبرا تحت عنوان
WHAT BROUGHT US HERE: A NEW COMMUNITY OPERA
Calgary Opera is excited to present What Brought Us Here - A New Community Opera based on the separate journeys of three exceptional individuals from Bosnia, Sudan and Iran. Composer Arthur Bachmann and Librettist Clem Martini bring these stirring stories together with music inspired by the traditional folk music of their originating countries in a unique production that speaks to us all. Limited tickets may be available. To inquire about tickets or join the waiting list, please email Emily Forrest, Education Coordinator at [email protected].
بعد هذا الشرح الوافى نحن نحتاجكم يافنانين بمدنا بنوت فلوت لعازة فى هواك ولن ننسى ايامنا ,وياريت نطمع ايضا فى مدنا بنسخة او معلومة كيف نتحصل على او نسخة من كتاب أغنيات سودانية لدكتور الفاتح الطاهر. (نوت فلوت) ملحوظة طم طم قامت بكتابة عزة من نفسها وهى غير مرتاحة بأن تقدم بها العمل النهائى!!! فى رجاكم
زميلتنا القادمة بقوه بثينه انه لشيئ جميل آن يرتقي ابنائنا سلم الموسيقي ومقام الاوبرا آي خدمه نحن جاهزين آي نوت للفلوت سودانيه نحن جاهزين وهذا وعد مني يمكن آن نكتب لها للفلوت بمصاحبة الات اخرى آن ارادت آو منفردة كل الود وبالتوفيق لها ولي عوده
الموسيقار الحبيب موصلى اولا اعتذر لأنشغالى ببدء العام الدراسى مع البنات.. ياعزيزى كعهدك هميم وسباق,هى سوف تقوم بعزق منفرد ولها فقرة فى نصف الأوبرا,و فاطمة بتعتقد ان نوتة عازة قصيرة او هى بعد المعالجة الفردية من جانبها صارت قصيرة !! الأمر بين يديك ياسيدى الفاضل يمكنك ان تكتب لها نوتة عزة مكتملة و نوتةأخرى لأغنية على نفس النمط ممكن ان تضيفها بعد عزة مع نوتة لى لن ننسى ايامنا مضت.. وبالطبع هى لن تنسى صنيعك هذا فهم جيل اتربى فى بلدان علمتهم ان يكون شاكرين لاقل القليل فما بال اهتمام موسيقار بقامتكم . لكى نكون عمليين ايمليى [email protected]
Quote: الموسيقار الحبيب موصلى اولا اعتذر لأنشغالى ببدء العام الدراسى مع البنات.. ياعزيزى كعهدك هميم وسباق,هى سوف تقوم بعزق منفرد ولها فقرة فى نصف الأوبرا,و فاطمة بتعتقد ان نوتة عازة قصيرة او هى بعد المعالجة الفردية من جانبها صارت قصيرة !! الأمر بين يديك ياسيدى الفاضل يمكنك ان تكتب لها نوتة عزة مكتملة و نوتةأخرى لأغنية على نفس النمط ممكن ان تضيفها بعد عزة مع نوتة لى لن ننسى ايامنا مضت.. وبالطبع هى لن تنسى صنيعك هذا فهم جيل اتربى فى بلدان علمتهم ان يكون شاكرين لاقل القليل فما بال اهتمام موسيقار بقامتكم . لكى نكون عمليين ايمليى
ياسلام عليك يابثينة فكرة لطيفة أن نعمل معالجة لعزة لالة الكمان وذلك سيكون في قالب التنويع الموسيقي Variation تحت عنوان تنويعات لعزه الخليل فلوت --- Variations the on a theme Azza (Khalil Farah) Flute By Yousif Elmosley --------------------- How about that Fatima
عارف يأموصلي فاطمة لو محظوظة كانت تكون جوا ركم بالمدينة معانا الفنانين الشباب عمر منصور كمان وعبد اللطيف ضرار جيتار ولو لقوا فرقة ممكن يعملوا شغل جميل وبالتالي يحيوا موات المدينة! فاطمة سوف تبدأ البروفات يوم عشرة سبتمبر لذلك لو تكرمت بإرسال نوتة عزة (فلوت )مع اضافة مناسبة نحصل بيها الأوبرا. كتير مقدرين وممتنين..
ياموصلى على قول المصريين (خت فى بطنك بطيخة صيفى) ههههه.. لمدة سبعة سنيين متواصلة ماعندها نسبة اقل من 95% she was a Flute leader in the band تسلم فى رجاك
يابثينة الماك هينة قلتى لى فاطمة بتعزف فلوت ؟ يا حلاتنا وكبرنا كمان ياريت لو تلاقى طريقة تتصلى بالاخ عبد الله محمد عبد الله اولا لانه عازف فلوت وتانيا لانه قطع شك بتكون عنده المقطوعة دى وبعدين عندك ميسرة غاندى وعندك عمر منصور وحمد اسماعيل وعلاء الدين ابراهيم وعمر فتح الله وتانى منو ياربى ؟ ديل كلهم ما حاقوا ؟يخثى تحياتى يا زولة سمحة من النيل ملامح روحها
سلمى ياسلامه وفى محبتك تلقى الروح سلامها بختنا بهؤلاء النادرين..لكن أظنها دنيا الشتات والمشغوليات ,والوعود مابتنفع مع تربية بلدان الخواجات دايرين أمسك لى واقطع ليك (مساخه شديده)كان شفتينى مزرزره و يعدوا لى فى كم الوعود,طبعا هى زارت هولندا وبلجيكا وفرنسا لى تروس وصاحبة الصادق شيخ الدين وغاندى,وبتكيف ليها ضرار شديد,لكن النصيحه ماطلبنا من عمر منصور,وقلنا كدى نشوف الموصلى بأعتبار انه بيكون هديل زرزرته فى نوته وزمن ضيق هههههههه مرورك بيرفع ذبذبة أحساسى بغض النظر عن شكل يومى!!!!
Quote: سلمى ياسلامه وفى محبتك تلقى الروح سلامها بختنا بهؤلاء النادرين..لكن أظنها دنيا الشتات والمشغوليات ,والوعود مابتنفع مع تربية بلدان الخواجات دايرين أمسك لى واقطع ليك (مساخه شديده)كان شفتينى مزرزره و يعدوا لى فى كم الوعود,طبعا هى زارت هولندا وبلجيكا وفرنسا لى تروس وصاحبة الصادق شيخ الدين وغاندى,وبتكيف ليها ضرار شديد,لكن النصيحه ماطلبنا من عمر منصور,وقلنا كدى نشوف الموصلى بأعتبار انه بيكون هديل زرزرته فى نوته وزمن ضيق هههههههه مرورك بيرفع ذبذبة أحساسى بغض النظر عن شكل يومى!!!!
العزيزه بصينه انا من تالاي ضمان مرسل ليك تنويعات على آغنية عزه للفلوت وماعارف الخلاني اكتب الكمان شنو بسم الله كمان زي ما قالت ليك زميلتنا العزيزه سلمي شوفي الموسيقيين التانين وعلى رآسهم صديقنا الحبوب عازف الكمان عبد الله محمد عبد الله وغيرهم لنساهم جميعا مع بتنا اما انا كمؤلف موسيقي متخصص فانني على قدم وساق تحت الخدمه
العزيزه بثينه راجعي ايميلك فقد تم ارسال النوته ك PDF & Picture & I have also sent the midi sound for her so that she will be able to recognize the changes that I added to the great song
عزة فى هواك ويا الموصلى نحن فى حواك وصلت عزة تتختمر حتى ايميلاتنا ,واخيرا الله بيض وجوهنا مع عيال عزة الكنديين..فأن لعزة سحرا يسكنك اينما كنت وكيقما كنت.. ولأم عزة بت الشيخ سلامة وكل سلالة المبدعين ,أهديكم عزة بصوت اولادها ..ويظل البوست مرفوعا حتى نهاية الشهر ليرفع بمشاركة اولاد عزة بملامح متداخلة..
العزيز الموصلى طم طم ليها يومين بدات تشتغل شوي شوية ,وذلك لأنها دا اسبوعها الأول فى الجامعة وكعادة (البرالمة) لخمة شديده, ومستنين الاسبوع دا يرحل عشان نستقر شوية,توجهاتكم! تنوية للكرام المتابعين لهذا البوست من حقكم علينا ايصال المعلومة: لقد أرسل الموصلى (لعازفين بزعمهم) !!تسعة ايميلات غير المداخلات اعلاها,نوت وتعديل ونوت صوتية لعزة وتطوير وحكاية الى ان وصلنا مرحلة ياماما (he is amazing) ومثل ما قال المثل (المابيعرفك يجهلك),عاجزين عن الشكر يافنان. ايضا الموسيقار بتاع الأوبرا شاف بعض النوت التى أرستلها وبدوره أضاف لعزة اضافة,وطالبها بأن تحفظها!!! وعلى أى حال رأسها الأيام دى شغال كيمياء وأحياء. أحتراماتى
غايتو يابثينه بعد ما اسمغع بتي عزه واتكيف سوف اغمرها بالنوت الموسيقيه وهاك اريج الموصلي عندما كانت في بداية السنه الا ولى بالجامعهجامعه تخصص كمان هسع هي في تالته وبخلانه علي بي فيديوهاتها كل الود
ياسلام ياسلام ياسلام ود الوز عوام ماشاء الله حاجة تجعلنا جميعا نفخر بوليداتنا فى هذه البلدان وتبرد شئ من نيران اغتراباتنا متشكرين على العزف الراقى ولأريج التحايا