Post: #1 Title: يا أستاذ الموصلي.....تعال شوف الفيديو دا Author: Kostawi Date: 02-26-2012, 01:49 PM
Post: #2 Title: Re: يا أستاذ الموصلي.....تعال شوف الفيديو دا Author: Elmosley Date: 02-26-2012, 04:16 PM Parent: #1
ياسلام دي اغنية الفنان الجميل سبت
الله يديهو العافيه
لكن والله السودان اتغيير ده زمان كان بكون مديح الراجل روحة جميله ومليان ايقاع
تشكر صديقي كوستاوي
Post: #3 Title: Re: يا أستاذ الموصلي.....تعال شوف الفيديو دا Author: Kostawi Date: 02-27-2012, 09:51 PM Parent: #2
Quote: الراجل روحة جميله ومليان ايقاع
تحياتي يا صديق الولد صوتو جمل yes لكن أنا مندهش في الألة الموسيقية دي البتتكون من علبة بتاعة لبن و قضب (حديدي) أو بلاستيك مقوى! عمل الحاجة دي كيف?
Post: #4 Title: Re: يا أستاذ الموصلي.....تعال شوف الفيديو دا Author: عماد شمت Date: 02-28-2012, 00:28 AM Parent: #3
ياسلام ياكوستاوي الله يديك العافيه
هذا الشاب الصغير مبدع حقيقي كنت اتمني لو اهتموا بيهو
ناس الموسيقي بدل القعاد في الشوارع وحتما حيكون
ليهو شأن كبير لانه عند حس موسيقي يكفي انه ماسك زمنه كويس
وبغني بدون مايفرق وكمان بي اله ابتكرها بنفسه من اشياء بسيطه.
مرة صادفت واحد في نفس عمر المبدع ديه وكان بعزف في علب ايقاع
قلت ليهو تعال معاي مركز شباب السجانة فرح جدا وفعلا جاء معاي ولقي
نفسه في المكان وكان اخر سعاده شويه شويه بقي عازف مرة مرة بطلع حفلات
وبعد خرجت من السودان بحوالي 15 عام شاهدته في تلفزيون السودان يعزف
دنب او كنكاس فسألت منه الاخ عمر احساس قال لي هو سجل نفسه مع ناس البوليس
اقصد موسيقي البوليس جوار المعهد الفني بعد طلمبة حجازي يعني بقي ليه شأن
والعزف علي الايقاع صعب للغاية وكل الموسيقيين بيعرفوا انه العمود الفقري
للموسيقي ...
استاذنا الجليل الموصلي ردك ماكافي اتمني ان تعود وتتحدث عن هذا الشاب
وموهبته ..
مرة تانيه شكرا كوستاوي ينعم الله عليك بكل ماتريد يارب
Post: #7 Title: Re: يا أستاذ الموصلي.....تعال شوف الفيديو دا Author: Elmosley Date: 02-28-2012, 02:23 AM Parent: #4
اوعدك ياعمده للعوده
تسلم
Post: #5 Title: Re: يا أستاذ الموصلي.....تعال شوف الفيديو دا Author: دينا خالد Date: 02-28-2012, 00:39 AM Parent: #3
بالجد دى موهبة عايزة رعاية لو كانت هناك دولة ... ياموصلى الانسان حقو حقيقى تشوف الموضوع دا !!
ـــــــــــــ لو شوفى صاح الشاب دا عنده شلل نصفى .. صاح؟!! ما عارفه لى قلبى وجعنى وشديد ..
Post: #8 Title: Re: يا أستاذ الموصلي.....تعال شوف الفيديو دا Author: Elmosley Date: 02-28-2012, 02:29 AM Parent: #5
دينا المقدره
هنالك العديد من المواهب في السودان تحتاج الى العناية والروايه
ولكن؟
جد الود ده بالغ في نوليف اله موسيقية مك صنع خياله
تحياتي
Post: #6 Title: Re: يا أستاذ الموصلي.....تعال شوف الفيديو دا Author: Elmosley Date: 02-28-2012, 02:22 AM Parent: #3
تعرف ياكوستاوي لوزرت الجامعات الامريكية الان حتشوف العجب في اقسام التآليف
المؤلفون الجدد (تعبوا من سماع الالات الموسيقية القديمه) وبقوا يختاروا آلات يصنعوها من خامات مستخدمة وغير مستخدمة
خصوصا للموسيقى الاليكترونيه
دحين وليدنا ده ما متقدم
تحياتي
Post: #9 Title: Re: يا أستاذ الموصلي.....تعال شوف الفيديو دا Author: محمد الجيلى Date: 02-28-2012, 05:57 AM Parent: #6
سلامات كوستاوي وأستاذنا الموصلي
زول بجد مُبدع وقدر يتمازج بين الأداء والعزف
مع إنو آلة بدائية لكن بديكـ إحساس كأنه بعزف في آلة ذات أوتار
....
غايتو ما غاظني إلاّ الناس البضحكوا ديل
ضحكاتهم ما برئية بتاتاً
Post: #10 Title: Re: يا أستاذ الموصلي.....تعال شوف الفيديو دا Author: Kabar Date: 02-28-2012, 06:46 AM Parent: #9
كستاوي..حبابك يا صديق و حباب استاذنا الموصلي.. معليش تعريجة صغيرة.. اكيد بتكون الصوت ده سمعتو من قبل كده..و لو كنت (زينا كده) بتسمع اذاعة الجيش الشعبي في الثمانيات (لمن كانت تبث من اثيوبيا)..و معاهو واحد تاني بلدياتنا اسمو ادور.. زولنا ده اسمو قساس كليبو ميري..و كنا ينحضر حفلاتو في امبدة الحارة اربعطاشر (مرة مرة كده برضك بهاء عبد الكريم بتجي تسوي لينا حفلات بحق القربي و الجيرة و كده).. اول شريط كاسيت اشرف عليهو الأستاذ صلاح ابن البادية..و اسمو (سارة)..و ده الزول المرقت منو (الليلة جمعة بكرة الإتنين).. المهم لغاية ما نلقى وكت و مزاج في الأيام الجاية.. الفكرة الأساسية هي لفت النظر لناس تحت.. و قسا س زول معاق (فاقد البصر).. نتمنى تعجبك الهدية..الإيقاع كرنق..و عندنا هناك الكرنق الرزم بتاعها ممكن يكون ربابة (نادر النوع ده).. او صفقة أو نقاقير..
قساس برضك غني مارشات كتيرة..و لديه اجمل المناحات التي قيلت في السلطان عجبنا و ابنته البطلة امنا و حبوبتنا مندي بت سلطان عجبنا..و هو القاعد يعزف على الربابة..
و دمت
كبر
Post: #11 Title: Re: يا أستاذ الموصلي.....تعال شوف الفيديو دا Author: Kostawi Date: 02-29-2012, 06:12 AM Parent: #10
Quote: ياسلام ياكوستاوي الله يديك العافيه
هذا الشاب الصغير مبدع حقيقي كنت اتمني لو اهتموا بيهو
ناس الموسيقي بدل القعاد في الشوارع وحتما حيكون
ليهو شأن كبير لانه عند حس موسيقي يكفي انه ماسك زمنه كويس
وبغني بدون مايفرق وكمان بي اله ابتكرها بنفسه من اشياء بسيطه.
أخي عماد شمت شكررررررا...(قرأتني)!
صديقي الموصلي كلامك شوية, لا يصل لحد إندهاشي.
دينا (الشبح) أول مرة أتفق معاك...بس شناتك (مرة) يا أخيتي...صلحيها و أنا حينها (سوف أكون من أول الراقصين ....البشير شنو!...علا يلحس عكازو) ...أفو.
Dear Kabar This فيديو مصور في قلب الخرطوم الولد عمرو 15 سنة الألة الموسيقية: علبة لبن Empty + قضيب رقيق(Rikaik) من الحديد or بلاستيك مقوى
الولد دا خامة فنية جاهزة in and out
علي بالطلاق(...Sorry to use this phrase) لو أنا Financially capable I will help him to the fullest……. The kid is talented and gifted. He deserves to be shown to the world.
____________________________________________ Thank u for the song It is a mazing that we have many talented people, but they are not been exposed to the media well it is one of the tiny package of what is called "the old Sudan"
Way to go ya Kabar
Post: #12 Title: Re: يا أستاذ الموصلي.....تعال شوف الفيديو دا Author: Elmosley Date: 03-01-2012, 01:50 AM Parent: #9