بين الفن الملتزم والفن الانتهازي الرخيص

حكي لي صديق من تلامذتي في معهد الموسيقي والمسرح في اول ايام الانقاذ بان زعيمهم الترابي قد نبههم الي خطورة الفن والفنانين
الملتزمين قائلا لهم ان كانت المعارضة قد جاءت الينا بالسلاح
فنحن ايضا لدينا السلاح وان جاءت الينا بفنانيها فاننا لا تملك
فنا موازيا
ونصحهم بان يعاملو الفنانين بشتي الاساليب لاستيعابهم
بالترغيب او بالتهديد وقد عجزو مرار في ذلك عن طريق الترغيب الحكومي وهاهم الان يحاولون من خلال عملائهم اغتيالي معنوبا
لذا فعليهم ان يعلموا انني مثل جبل التوباد لاتهزني مثل تلك الاراجيف وسيستمر نضالي من اجل الوطن دوني وذلك الموت الحق وليموتو بغيظهم لإنني لن اتوقف عن النضال لان ذلك من اجل شعبنا الابي
ولن اتوقف عن الابداع والتجديد الحقيقي حتي يرتوي شعبنا الظمآن
الي الفن الرفيع
لذا اناشد الاعزاء ود عزه شيبه وود سلفاب وسيف الجامعه وسمندلاوي وغيرهم من المناضلين بالعوده ولن نترك هذه الساحه
لسدنة النظام الحالي وسنقاوم حتي النصر
واهديهم من شعر الراحل المقيم مصطفي سيد احمد والحاني
بين سجن وبيت اشباح
وعطاله ودم مباح
ومزله تودي الغربه
والغربه جراحا جراح
والحل فوق بلدك ذاتا
تتحدي سلاح بسلاح
تهزم خفاش العتمه
ويعم سوداننا صباح

ولايزال حشد القوي المضاده مستمرا والجماعه شغالين كويس اسماء اختفت وبانت فجأه
وانا صامد

الموصلى لماذا تفكر للمرة الثانية فى ظلم مهيرة .. إن من تصدوا لك ليسوا كلهم تبع الحكومة ومن دافع عنك فى موضوع مهيرة لم يكونوا كلهم ضد الحكومة .. أسمح لى أنت تريد أن تسيس موضوع مهيرة والهجوم الذى شنه ضدك البعض فى هذا البورد لتصرفك غير المقبول من قبلهم .. لماذا كتبت هذا البوست لتنتهى من الازمة التى قامت بسبب سوء التفاهم بينك ومهيرة تريد أن تجعل من تلك الازمة مشكلة سياسية فى هذا البورد ؟؟ لماذا هذه المراوغة .. أتمنى من إدارة البورد أن تفطن لمثل هذه المراوغات وكون أن لك أسم كبير هذا لا يعنى أن تجرح الناس ؟

بالله ياود العجمي انت متأكد
وايه مشكلتك انت معاي كمان
انتو مش بتدافعوا عن الحريه ياخي ماتسيبوني اكتب هسع انا جبت سيرة مهيره
يااخوانا مالكم

ود العجمى سلام ... قبل قليل هاتفتنى إحدى الصديقات العزيزات وقالت لى بأنها لاتأبه للأسماء الرنانة إطلاقاً ، ذلك لأن جواهر مثلاً صارت الإسم الأول متخطية بذلك كل الفنانين والفنانات السودانيين وبلا منازع ، ومع اتفاقى مع صديقتى العزيزة إلاّ إننى لم استطع أن أكتمها إعجابى بجواهر بدرجة ما .. إذاً من هذا المنطق وإذا تعاملنا بنظرية صديقتى ، فإن كتيرين من الفناين والمبدعين حيروحوا فيها ياود العجمى مهما كانت درجة تقديس البعض لهم هنا أو هناك

ود العجمى سلام ... قبل قليل هاتفتنى إحدى الصديقات العزيزات وقالت لى بأنها لاتأبه للأسماء الرنانة إطلاقاً ، ذلك لأن جواهر مثلاً صارت الإسم الأول متخطية بذلك كل الفنانين والفنانات السودانيين وبلا منازع ، ومع اتفاقى مع صديقتى العزيزة إلاّ إننى لم استطع أن أكتمها إعجابى بجواهر بدرجة ما .. إذاً من هذا المنطق وإذا تعاملنا بنظرية صديقتى ، فإن كتيرين من الفناين والمبدعين حيروحوا فيها ياود العجمى مهما كانت درجة تقديس البعض لهم هنا أو هناك

شكرا ليك يا مارد وما كانت محريه فيك الان اتضحت الامور بالنسبة لي
يامناضل

وفعلا جواهر فنانه رفيعة المستوي لاصحاب الذوق العالي غير المتدني وشهرتها فاقت الفنانه الكبيره حنان بلوبلو
ياسلاااااااام

الأستاذ الفنان / الموصلي
عن اي قوي مضاده تتحدث
ياخوي نحن في منتدي ولا حرب
بكل اسف هناك بعض الناس تعودت
علي الهتاف والتهليل
وحين لا تجده تلجأ الي اسلوب القوي المضاده
انا شخصيا" ليس لدي
خصومه او عداء معك
أو مع اي شخص اخر
ولا انتمي الي جهة او شللية في هذا البورد
وكفانا اوهاما

يا اخوي انت هسع مجقلب مالك انا جبت اسمك ولا جبت سيرتك
ياخي انت مباريني من بوست لبوست ان شاء يدوك ماجستير في يوسف الموصلي
ارحمنا وارحم نفسك بالله

علي فكره انا لا احتاج لتهليلك وفروا عليك وبطل تعمل فتن زي ماعملت في موضوع مهيره عايز تكررالموضوع مع مارد
ده بعدك انا ومارد مهما اختلفنا بينا كل احترام سحابه وستنقشع العب غيرها

اترك الحكم للأخوة الزملاء علي
رد وتعليق استاذنا الكبير

شوف يا ابو عثمان انا ماعندي اي شعور سيئ تجاه اي شخص انا والله بستقطع من وقت اولادي السته ودراستي وحتي شغلي الاساسي والفن عشانكم لكن المسأله لم تعد حوارا فكريا بل اصبحت اساءات واصارك القول
انا مابشكر نفسي لكن طول عمري بحترم الصغير والكبير
وللتاكيد شوف بوست ود العجمي عن الفن السوداني في وجود فنانين معاه يبادلونه الراي في البورد وشوف اسلوبه في الطعان
وشوف اختياره للتوقيت
وشوف ردو المباشر علي البوست ده
وانا عارفو كان منتظر رد فعلي
وعلي فكره انا بحترم زملائي الفنانين جدا كبيرهم وصغيرهم وبحترم المذاهب في حب الناس لكن بكره الاسلوب بتاع الطعان وانا مامحتاج لشهادات من ناس
عليه ارجو ان تتفهم غضبتي وثورتي

يا توفيق الموصلى أنا لم أقصد شىء بالبوست بتاعى عن وردى وعثمان حسين ومصطفى وهؤلاء العملاقة الذين نقف له إجلالا وإحتراما كيف لا وشرائطهم مع داخل غرفنا ننوم ونصحو عليها .. وليسوا هم وحدهم فيروز وعبدالحليم حافظ .. يعنى يا توفيق الموصلى الواحد بيسمع كويس عشان كدا أنا نزلت بوستى لأنو تقريبا كلام العبقرى وردى فيه حقائق كثيرة .. يجب علينا يا يوسف أن نحاسب أنفسنا أولا فنانين أو سميعه ماذا قدم كل من فى مجاله .. هل قدم شى يذكر أم أن إعتمد فقط على الفهلوة و التلون والظهور؟؟ سؤال هذا لا أقصد به أحد بعينه

بالله انت اكتشفت الليله الحكايه ديه ولا من زمان بالله عليك استحي
الفنانين الانت بتتكلم عنهم ديل كلهم خضعوا لي قكري الموسيقي وقدراتي بما فيهم وردي نفسوا ولو عايز تعرف القيمه الحقيقيه وراي الفنانين ديل في الموصلي ممكت تجيبها ليك بالوثائق الا اذا كنت بتفهم في الفن احسن من وردي والله ايه ايها الشخص المحترم

نفس التعقيب .. بتوضيح أكثر في الأسفل ..
لأنو البعض فهمني غلط

الله يستر علينا يامودك من هذه العصابه وانا استغرب ان ينجرف شخص مثل الاخ العزيز مارد في هذا التيار يبدو ان الغضب يعمي البصائر احيانا
ولكن لايزال الامل موجود ولا زال الاصرار موجود وانا حأقعد ليهم غصه وانتو ياشباب المستقبل خلو بالكم كويس

ده لشريطي الحزن النبيل والبت الحديقه من توزيعي وقيادة الاوركسترا ياود العجمي والبقيه في الطريق
http://elmosley.org/html/album1.htm

كيف نستمع لك بعد ان صنفتنا بالعصابة
يا استاذنا الكبير لمجرد ان خالفناك في الرأي
الفن لايتجزأ

يا مودك يا ولدى
أرجع لكتاباتى وكتابات أبو عثمان وشوف انت بتتكلم عن منو.. أما أستاذنا مارد فانت لم تعرفه بعد... مودك ما تأخذ الاشياء وتحكم عليها انطباعيا.. انت بتسعى لأنك تكون كاتب كبيرة ولا زم تنظر للأمور دون عواطف.. الانتهازية موجود فى الناس بمختلف الوانهم .. ودا ما موضوعنا يا ولدى

أما توفيق الموصلى سأرد عليه لاحقا

ود العجمي
أنا اتكلمت في تعقيبي عن الكيزان في السودان
و ما في رأسي زول محدد
لأني أصلا ما قريت تعقيباتكم .. لأنها كانت موجهة الي الأستاذ الموصلي
فقط عبرت عن رأيي في نظام الجبهة الاسلامية و خططو لوأد الابداع
و ضمير الغائب يعود علي الجبهة الاسلامية و ليس علي أحد بعينه
كل ما قصدتو : أنا ضد خطط الجبهة الاسلامية لوأد الفن ..
فلا تفهمني غلط

محمد

موديك
ليس هناك خيار ثالث
اما ان نتمسح في بلاط السلطان الموصلي
أو
نكون جبهجية
فعلا حكاية غريبة
حتي انت يا مارد طلعوك جبهجي
لن نهتف
ولن نطبل
ولسنا بجبهجية

وده في حفل لندن اللي
اعقب تسجيل شريط ارحل وعزف في الاوركسترا 8
عازفين من انجلترا
في مسرح هاكني امباير بلندن سنة 92
من توزيع الفنان المجهول الماعارف حاجه في الفن ياود العجمي
http://elmosley.org/html/album2.htm

وده في مصر اثناء تسجيل كلمه
وبعض التسجيلات بصوت العرب
تشرفت فيها بقيادة الفرقتين الماسية احمد فؤاد حسن والذهبيه صلاح عرام
وهذا ما لم يفعله موسيقار في تاريخ الموسيقي السودانيه
كفاك ولا نجيب ليك المكتوب بالله عليكم خليكم امينين مع نفسكم
http://elmosley.org/html/album3.htm

أبو عثمان
أنا لم أتمسح ببلاط أحد
أنا تحدثت عن خطط الجبهة الاسلامية لوأد الابداع
فلا تفهمني غلط
أنا فقط قصدت : انني ضد خطط الجبهة الاسلامية لوأد الابداع و لم أذكر أحدا بعينه ..
و ضمير الغائب يعود علي السلطة
فلا تسئ فهمي

محمد

معليش يا موصلى ولدنا مودك دخل فى الموضوع وكنت داير أشرح ليه بعض الاشياء عشان فضلت الخروج والعودة مرة تانية... أنا أعرفك تماما منذ زمن بعيد وأنت قد لا تعرف ذلك أعرفك قبل القاهرة وأعرف كل ما قدمته وما ستقدمه .. وصدقنى إن أكثر أغانى وردى بعد عن الناس تلك التى لجأ ليك فيها .. واذا أردت أن نتناقش بصورة أكثر جدا فبالله عليك لا تراوغ وتلجأ لصفات ليست فينا .. ثم ماذا بعد أنت تصورت أنا جبهجية وأنا أعرف ميولك الفكرية تماما ولم أقلها لأحد لأن ذلك لا يخصنى ولا ينقص أو يزيد شى فى النقاش اذا أستطعت أن تسمى ما يحدث بيننا الان نقاش.. أنا فى انتظار المزيد .. بالمناسبة لم أدخل على اللنك .. ولن أدخل لكن يحب أن تتأكد أن كلما ما ستقدمه سيكون مكرر عندى .. وأعود وأطرح سؤالى بصورة أخرى .. هل يستحق فنانى جيلكم كل هذه الضوضاء والهتاف ؟؟؟
سؤال أجبنى عليه بنفس باااااارد ودون أى تصورات مسبقة

نعم ياسيدي
يستحق انا لا اعلم مدي درايتك بالموسيقي
لكن عشان ما اكون منحاز لجيلنا او لنفسي افضل ان تسال السؤال ده لموسيقار اخر اما عن رايي الشخصي فاننا قد احدثنا تحولا كبيرا في موسيقانا ونقلناه من رتابة وحيدة الصوت الي متعددته
ولو عايز نماذج ممكن نديك اغنيات في شكلها القديم وشكلها الجديد
لقد عدلنا في التأليف الفورم الموسيقي الملتوي الي سوي
لقد طورنا اداء الاوركسترا تطويرا كبيرا يعتمد علي الداينامكس بعد ان كانت تعزف بنفس القوه من الشده وهذا اسواء انواع العزف
شكرا للاتجاه الجاد في الحوار وان كنت تريد حوارا جادا فانا علي اتم استعداد
ولي قدام وعشان تثبت حسن النيه واستمر معاك امسح توفيق دي من كل البوستات
واكون شاكرا

واضيف ياود العجمي انه رقم رايك في توزيعاتي فقد استعان بي وردي في اعماله التي سجلناها في لوس انجلس اظن ان اهل مكة ادري بشعابها

حكاية توفيق دى شنو يا موصلى

والله يا جماعة ضحكتونا أوووووووووووووووووووووووووووووووووووووووى

لاننا نجحنا في التوفيق بين بعضنا البعض وربنا يوفقك انت كمان تتلم معانا ونرحب بيك جدا
قول امين

ممكن قبل ما تزعلوا مني تفهموا معني تعقيبي ؟
هنا عرضتو بي شكل واضح

Quote: زعيمهم الترابي قد نبههم الي خطورة الفن والفنانين الملتزمين قائلا لهم ان كانت المعارضة قد جاءت الينا بالسلاح فنحن ايضا لدينا السلاح وان جاءت الينا بفنانيها فاننا لا تملك فنا موازيا ونصحهم بان يعاملو الفنانين بشتي الاساليب لاستيعابهم بالترغيب او بالتهديد وقد عجزو مرار في ذلك عن طريق الترغيب الحكومي

أستاذ الموصلي
كما قيل
لنا عقد الجلاد .. و لهم نمارق
لنا مصطفي سيد أحمد .. و لهم قيقم
هكذا كانت خطة الجبهة الاسلامية .. وأد الفن في مهده ..
و مطاردة الابداع و ووأده اينما كان
عشان الكيزان ما عندهم ابداع فبيحاولو يشوهوا ابداع الآخرين ..
ما تفهموني غلط المرة دي
أنا ما قصدت زول محدد .. أنا قصدت الكيزان ككيان كلي
أنا فعلا بتأثر لما كلامي يتفهم غلط
عشان كده لغيت تعقيبي الفوق .. و وضحت قصدي هنا بشكل واضح
كل الخير
مودك

كلامك واضح جدا يا مودك وامشي نوم نوم العاقيه وانا قاعد هنا

الأخ موديك
شكرا لتعقيبك
وقد تفهمت ذلك
ولكن اذا رجعت لرد الاستاذ علي تعقيبك
تجده هو الذي اساء استخدامه وجيره لصالحه وحذرك من العصابه
اللي هم نحن
اخر عمرنا اصبحنا عصابه
ومن الذي اطلق التسمية؟
فنانا الكبير
ولماذا؟
لاننا لم نهتف
لن نهتف

ياعثمان عليك الله ارحم نفسك انا اصلا ماجبت سيرتك الا لمن انت دخلت البوست واهو انت برضو بتهتف لكن ضدي وانا ماعندي اي مشكله شخصيه معاك ايه رايك تجي نتحاور بي عقل زي ماود العجمي بدا هسع صدقني خلينا ننسي الانفعالات ديه

ود العجمي .. أبو عثمان
قولوا لي انكم هسعدي فهمتوني صاح عشان أقدر أمشي انوم

مودك

دكتور الموصلي لك التحاياولنا الفخر بكم مجددين وموثقين للموسيقي السودانية وكتجربة شخصية لي يعني يمكن التجديد جعلني ارجع واسمع الحقيبة والاغاني القديمة من جديد واتخيل واقول لو كرومة ده كان وجد الامكانيات الحالية كان عمل شنو اوخليل فرح او الفلاتية لكن هذا لم
ينقص من صورتهم امامي بل بالعكس ديل ناس وقفوا في وقت كان الفن فيه محارب حرب ضروس ولا ادري لماذا يحاول البعض هنا ان يصورك بصورة اخري واطلب منك ومنهم دعونا نستفيد نناقش اسهامك واسهامهم نستفسر منك ومنهم ونلاحظ ان هناك الاف الناس يطلعون علي هذا النقاش وياريد لو تدونا مراجع علمية وبرضو نشوف مسالة الفنان والتزامه بقضايا وطنه وزي ما بقولو اهلنا لو النفوس اطايبت البلد بتشيلنا فكدي يالعجمي والمارد والموصلي افيدونا المارد والعجمي هل انتم مهتمين اعني عندكم دراسات ام مستمعين ومتذوقين مثلي كده
مودك لك الود

ابايزيد شكرا لك يا راقى.. وصدقنى نحنا محتاجين فعلا للنقاش .. لكن صدقنى لن نتناقش داخل هذا البوست تحديدا واذا اراد الموصلى النقاش عليه أن يكتب بوست آخر وبإسم آخر ولا يعطى أى ايحاءات بأنه ضحية لتحالف معين .. وأن لا يذكر سؤء التفاهم بينه وبين د.مهيرة حتى صراحة أو رمزا .. عندها فقط ممكن أن نناقش تجربته وتجربة غيره من هؤلاء الذين معنا فى البوست

العزيز المحترم
Author: abdel abayazid
انا لما نزلت البوست لم يخطر ببالي الاساءه الي مهيره ولن يحدث هذا ابدا انما انا كنت معتقد بان اتجاه سياسي محدد يشجع استفحال المشاكل ويستهدفني تحديدا
ولما دخلو الاخوان العجمي وعثمان في البوست اصارحك القول انا انفعلت
وزعلت لانني كنت قد عاهدت نفسي ان لا اجيب سيرة مهيره الا عند الترحيب بها وعودتها كما نتمني باذن الله
وعشان كده بادلتهم المكايده ماادس عليك وعليهم انا بشر وبنفعل
وحتي لما بدات مع ود العجمي نقاش جاد بدأ ثانية يعود الي اسلوبه الاول وكأنه يقلل من قدري ومحاولتي لاصلاح ذات البين
وهذا البوست ليست المقصود به مهيره مطلقا بأكيد وجزم
عليه ليست لدي مانع علي قفل النقاش فيه
ولكم جميعا احترامي وان كان هنالك اختلافا

مودك
تصبح على خير و نوم العوافى

ود العجمي رسل لي مسنجر وريني اتجاهي السياسي
شنو ولو صاح حأقول ليك صاح
جد لانو ان داسيهو

أولا يا موصلى لن أغير شىء كتبته .. وثانيا لن أرسل لك فى الماسنجر ..لأن ذلك لا يهم فى النقاش أبدا على كل حال

ده كل اللي لقيتو من ردي ليك
لاحول ولا قوة الا بالله

استاذنا الكبير
وصفتنا بالمبني للمجهول
عشان دافعنا عن مهيره
ووصفتنا بالعصابة عشان انتقدناك
ماذا تريد اكثر من ذلك
لن نهتف
لك
أو ضدك

علي فكره
ده ردي الاخير عليك
اظنك مستمتع بانني منفعل معك
اها ودعتك الله اكتب كما تحب
ولكن ماتنسي ان ردودي ليك لم تاتي من فراغ
شكرا ليك انا اكتفيت وانت حر وده بورد حر

هلا ياشباب فى البداية انا محمد عبد العاطي ابويسرا وليس اسامة حسين ولقد تعزر علىً الدخول باسمي واطلب من الاخ بكري وناس الادارة معالجة امري واخشي ان اكون محظور
ياشباب نقاشكم اخذ منحي غير لائق بكم .ولقد تم تغيير موضوع البوست فياود العجمي اتمني ان تكون منطقي فى نقاشاتك الفنية والاستاذ يوسف ارسل لك نمازج من اعماله ياريت تناقشه فيها باسلوب علمي فني وهو مستعد كما قال ليسمع رايك وياابوعثمان موضوع مهيرة وهذا البوست شي مختلف ممكن تناقش موضوع الاخت مهيرة التى نقف جميعاً مع عودتها فى اى بوست آخر وياريت نوقف الاتهامات وانت يااستاذنا اتمني ان يكون نفسك بارد ومافي داعي للمشاحنات وانا اعتبر هذا البوست غير لائق بنا كاسرة واحدة نرجو ان نرتفع شوية .الشي الذى استغربه ان ابو عثمان وودالعجمي والموصلي جميعاً كتاباتهم كانت مميزة وياريت يكون ماجاء بالبوست سحابة صيف
اكرر انا محمد عبد العاطي ابو يسرا وشكراً لصديقي اسامة حسين الذى منحني هذه الفرصة وانا فى انتظار الادارة للافراج عني

عزيزي ابو يسرا نعم لم يكن للبوست اي اشاره للمحترمه الدكتوره مهيره ولكن ود العجمي فسره هكذا وانا اعذره فهذا البورد مليئ بالانفعالات هذه الايام وقد نخطئ جميعا وقد نصيب
لذا اناشد ودالعجمي قائلا له ليس لهذا البوست اي دخل مع دكتوره مهيره ان الصراع بيني وبيني ذلك الاتجاه السياسي
قد بدا في الثمانينيات حيتما كنت احضر للماجستير بكنسرفتوار القاهره وحينها تنافست مع دكتور مجذوب الخليفه في سكرتارية رابطة المبعوثين وكنت امثل الديموقراطيين وهو يمثل الجبهه وقد فزت عليه فصار مغضوبا علي شخصي منذ ذلك الحبن
فبالله عليكم دعو موضوع دكتوره مهيره جانبا وانا مستعد للحوار مع الكل بكل ممنونيه وافتخار بصرف النظر عن المستوي الثقافي او العلمي للمحاور او الاكاديمي
فكلنا من السودان الحبيب
وشكري لك العميق با ابا يسري
ولننتهز هذه الفرصه يا ود العجمي لنجعل ختامها طيبا

الأستاذ/ ابويسري
تحية واحترام
لو رجعت لمداخلاتي بهذا البوست
تجد انني لم اخرج عن نطاق الادب والاحترام
ولكن ماذا نغعل
عندما يصفنا الاستاذ الكبير علي هواه
عندما يسئ لنا بوصفنا بالعصابة
والكثير
المشكلة الحقيقية هي:اذا لم تصفق وتهلل؟؟
سوف يتم تصنيفك علي الفور
الي الجهات المضاده
الجبهجية
العصابات
الأستاذ اخطأ في حقنا وعليه الاعتراف بذلك

شكرا لحرصك وغيرتك
الف شكر

اخي عثمان
اعتذر عن وصفكم بالعصابة وهو تعبير انفعالي
لانكم ترجمتم البوست انه موجه لمهيره وهاانذا بهدوء انفيه لكم وارجو ان تصدقوا قولي هذا

معاكم محمد ابو يسرا
انا لم اقل انك خرجت عن الأدب ياباوعثمان حاشاك خاصة انني اعرفك جيداً انا ضد ان يصفكم الاستاذ الموصلي بالعصابة وانا لاابرر له هذا بالرغم من انكم وصفتوه بانه يحب التهليل وهذا امر خطأ منك واكيد هو كتب بردة فعل على اتهاماتكم له والموضوع اصبح مشاحنات لاداعي لها واذا استمرت ستكون نتائجها اسوأ لذلك اتمني ان تصفو النفوس وننقاش قضايانا بصدور رحبة والتحية لكم ولمبدعنا الموصلي

مشكور ابا يسرا عداك العيب وانا بدوري اعتذرت لهم عن ذلك

معاكم محمد ابو يسرا
تشكر يااستاذ الموصلي وانا ممتن لك والله واقدر لك اعتذارك ولقد كبرت في نظري اكثر ومااروعك وانت تعتذر وانا متاكد من ان المداخلة القادمة ستكون اعتذار من الاخوة ود العجمي وابو عثمان وشكراً لمبادرتك استاذنا ويلا ياابو عثمان فى انتظار مداخلتك الآخير لنختم هذا البوست بشي رائع

ان شاء الله تكون با ابو يسرا قريت رد ود العجمي ولا تعليق لاني لن ازايد علي اعتذاري
لكن البوست مستمر والنضال مستمر

المبدع العزيز الموصلي

تحياتي

وكل سنة والبورداب بخير

ما عارف الحاصل شنو

من فترة وانا منقطع

لكن شكل الموضوع مسخن شديد

انا ما بقول غير حاجة واحدة

انه الناس بتنتقد النجاح
وعمر الناس ما بينتقدوا الفشل

واضيف أن لكل مبدع رؤية خاصة تختلف عن رؤية الناس الآخرين
فهذا التمييز هو الذي جعله مبدعاً
وهذه الصفات / مبدع/فنان/رسام/حريف لا يطلقها الشخص على نفسه بل يطلقها الناس عليه
ويكتسبها بشهادة الناس
وليست مثل محام/ مهندس/ دكتور/ وغيرها فهي يكتسبها الشخص بالشهادة
العلمية

فأنت مبدع
ولو البعض غير مصدق لذلك
فإن ذلك لن يضير الغالبية العظمى


لكم جميعا حبي



جمال

عزيزي جمال
الموضوع الانا كاتبو ده راي قديم ومعروف عني
لكن ماعارف الاصرار علي تفسيره بشكل معين
عموما انا عارف الناس شعورها تجاهي شنو والعارف عزو مستربح
وانا الناس القاعده تسيئ لي ديل عفبت منهم لله والرسول بلغة السودان وحأحاول بقدر الامكان ما احتك بيهم تاني
والعافيه درجات ياعزيزي جمال

يا ابو عثمان حقك علينا والله عاوزين نستفيد ويا ريد لو ما نتمسك او ما نحكها شديد كده
العجمي برضو حاتحرد البوست ده يا خوانا ده ما ببقي حقوا شوية نعاين بمسولية
وسوال لكم ماهو دور الفنان تجاه وطنه؟ وهل الذي لاينحاز الي قضايا وطنه فنان؟

abdel abayazid
تسلم ياعزيزي ونرجو ان لا يحمل البوست معاني ابعد من المقصود والتأويل لايجدي في هذا الامر
لو راجع هؤلاء الاخوه كثير من بوستاتي السابقه قبل المشكله الاخيره
لوجدوها ذاخره بهذه المعاني
ولكن تزامن هذا البوست مع المشكله الاخيره ذهب بالبعض الي التأويل الذي هو شيئ غير مؤكد
تسلم ياعزيزي وانا بخير وتمام التمام

خيرا فعلتم بأن قفلتم هذا البوست .. فهو من الاساس مبنى على وهم وما دعانى للكتابة فيه يا أستاذى أبويسرا هو أننى شممت فيه رائحة الظلم نفسها تفوح من جديد .. الموصلى نحن من أكثر الناس الذين يعرفون امكاناته .. لكن علينا جميعا أن نجلس ونحاسب أنفسنا من المخطئ .. ,اجمل شىء هو حينما يخطىء الانسان عليه أن يعود ويقول أنا أخطأت على فلان .. أنا شخصيا لا أعنى نفسى ولا أظن أن أبوعثمان أو مارد يعنيان نفسيهما أبدا . نحن نعنى قصة الظلم المعروفة منذ ثلاثة ايام .. انا لا أطالب الموصلى بالإعتزار لمهيرة . هذا الامر مضى فقط أنا أطالبه أن يسكن عن الموضوع ولا يتلون ويعطى ايحاءات بالموضوع الذى هو فيه ظالم.. حسب وجهة نظرى... أتمنى أن تكون هذه آخر مشاركة فى هذا البوست

تشكر حبيبي ود العجمي
لقد اعتذر الاستاذ الموصلي وكنت اتمني اعتذاركم ايضاً لانك لم تفصح من اول مداخلة لك عن اساب وكتابتك والتي اوضحتها ىخيراً وهى ان الموصلي اشر بصورة ما الى مهيرة فى هذا البوست كان ياعزيزي تناقش معه هذا الامر بدل ان تتناول مسيرته الفنية وتشكك فيها انا لااريد ان افتح الموضوع من جديد وعلى كل حال اخونا الموصلي اعتذر ولم يطالب باعتذاركم وهو كان من اوائل من ناشد بعودة مهيرة التي قلت لكم انني اكثر الناس تعاطفاً معها وحتماً ستعود مهيرة الى المنتدي وسيقود الاستاذ الموصلي حملة اعادتها والتحية لكم جميعاً وفوا النية ياشباب
ويابكري ابوبكر رجع لى اسمي لكي اشارك به والا فتحت لكم بوست يكون اخطر من هذا اكرر تحياتي لك استاذنا الموصلي

عزيزي ابا يسرا انا لم اشير الي مهيره ولكن البعض اتخذ منها وسيله للمناكفه
كما انني لم اخطئ معها قبل ثلاثة ايام ولا نريد فتح هذا الموضوع لكن كل مانمشي قدام في ناس برجعونا لي ورا
وارجو ان تعيد قراءة رد ود العجمي فانا لم اطالبه باعتذار لست في حاجة اليه ولكنه مصر في غمرة اختتامه ان يعيدنا الي المربع الاول
وتاني نبدأ الموصلي غلطان لا مهيره غلطانه بلاش يا اخوانا انا قاصد الجبهجيه عديل ومهيره ماجبهجيه
اظنك فهمت يا ود العجمي

حقيقة القصد اتفهم وكما قال الموصلي البوست حيستمر وفعلا ثبت ان البعض عاوز يثير مشاكل وشكرا لك يا موصلي وبالنقاش وبالروح الطيبة وبالهداوة نقدر نهزم الشر والشر ده عقلية وما ضروري الكوز يكون عنده اضان كوز لكن ممكن يكون عنده عقلية كيزان...
تاكيدا لكلامك يا استاذ موصلي ونحن في ايام الديمقراطية ابريل ناس الجبهة كتير منهم كان بيسمع استاذ وردي وطبعا لما جاءت الديمقراطية ظهرت علي السطح الاغاني الوطنية المباشرة حيث كل انسان وببساطة مكن يفهمها وكانت محظورة او لاتبث وبعضها انتج ايام الديمقراطية فما كان من قادة الجبهة الجبهة الا ان يعلنوا حربهم علي استاذ وردي وبدوا ينفرون عضويتهم من الاستماع اليه ولكل الفنانين الملتزمين

abdel abayazid
اشكرك بحراره لانك تفهمت وجهة نظري واتمني ان يفهمها هؤلاء
لاني ببساطه شديده ما حاقدر اضيع وقتي تاني في حوار ماهادف
ونرجو ان يوفقنا الله جميعا في رفعة الشعب السوداني وعودة الديموقراطيه المبرأة من الشوائب والحربة لنا ولسوانا
تسلم اخي العزيز واعتز بيك جدا والاخوان الاشقاء بظهرو في ساعة الحاره بظهرو في ساعة الحاره
انت نعم الاخ

سلامات
والتحيه للجميع
والاستاذ الموصلي طبعا كزول فنان ومعروف شعبيا من حقي اني اقول راي فيه وعلى الملأ لانو كفنان سوداني يعتبر حقنا يعني ثروه من ثروات الوطن
اولا كما ذكر الاخ ود العجمي انو أكثر أغانى وردى بعد عن الناس تلك التى لجأ ليك فيها واكيد ده ما راي الجميع لكن في راي كلام ود العجمي صحيح
وذكرت استاذ الموصلي ان اهل مكة ادري بشعابها وقصدت الفنانين طبعا لكن اعتقد الجمهور المستمع والذي يستطيع ان يميز هو ادرى من الخال وردي "اهل مكه".....
وختاما وزي ما ذكرت فوق ان الموصلي الفنان حقنا وده بيديني الحق اني اقول ليك انك مغرور حبتين

تاري اكه جلوسي

رايك علي العين والراس يا
abcde
وعلي فكره الخلاف في مسالة الفنون مامشكله ابدا
ايجور استرافنسكي اعظم موسيقي في القرن العشرين قابلت بعض اعماله للباليه في عروضها الاولي استهجانا وهي الان بمثابة النموذج الامثل للموسيقي الحديثه
وراي الجمهور معتبر جدا
ولكن المشكله لما الخلاف يكون موضوع تاني والتاس تحولو لي موضوع تاني
صدقني احترم رايك بشده

معاكم محمد ابويسرا وامر دخولي بغير اسمي يقلقني ولكن لابد من الكتابة فى هذا الظرف السيء الذي نمر به. اخي ود العجمي اراك لاتريد ان تحكم صوت العقل ونريد ان تشعل معركة من جديد بعد ان الامور هدئت نريد ان ترجعنا الي البداية التي تجاوزناها وبديت تتحدث عن الاوهام يااخي العزيز انا لااطلب منك ان تحجر على رايك ولكن اطالبك بالموضوعية والوضوح وبلاش تلميح وتجريح وامامك مشاركةاحد الاخوة
الذى ماقصر في ابداء رايه الذي لم يدعمه باي شي يسنده المهم كلام وخلاص وبرضو الاستاذ الموصلي مشكور تقبل كلامه غير المؤسس ورحب به ياريت تورونا عايزين شنو من الموصلي عشان يعرف يرد عليكم ؟
مع تحياتي
محمد عبد العاطي ابو يسرا

عزيزي ابو يسرا
الاخ abcde
يريد من لاعب الكوره المحترف يفهم في الموسيقي
احسن من الموسيقي المحترف وعايز الخواجه غير المستشرق يفهم في العربي احسن من العرب
وعايز العربي يفهم في النوبيه احسن من النوبي الرطاني جد
وهلم جرا علي قول الصادق المهدي اهو جدل بيزنطي
ولا يهمك يا ابويسرا انا قوي زي جبل الحديد
وصنديد بس الحاجه الوحيده النجحوا فيها هو جري الي المهاتره انظر الي عثمان لم يرزقه الله بعد اعتذاري بكلمة شكرا وكانه انتصر في معركه حربيه البطن بطرانه يا اخوي

كلامك يااستاذ موصلي لخص الموضوع كلة وبالامس الاخ ود عزة اشار لهذا الامر .بالنسبة للاخ ابوعثمان يستخدم الكمبيوتر من شركته لذلك توقع مداخلته في الغد وهو بالمناسبة انسان ارق من النسمة ونيتة ابيض من الحليب وهو كبير فعلاً ومن الآن اقول لك يااستاذ نيابة عنه صافية لبن وهو سيؤكد كلامى هذا فى صباح الغد .ربما تعتقد اخي الموصلي ان هذا البوست كان ضدك ولكن بكلماتك الطيبات ارتفعت كثيراً بسماحتك وطيبتك ولااملك الا ان اقول بارك الله فيك ووفقك فى جميع اعمالك ومعاً من اجل سودان جديد
اخوكم محمد عبد العاطي
ابو يسرا

حاضر يا اخي الحبيب ونحن في انتظارو
ونرحب به اخا وصديقا ويا دار ما دخلك شر
اشكر لك حرصك وامانتك وصفائك

الاستاذ والحبيب الموصلي
اولا الحمد لله إنك عرفت المخطط بسرعة وان تساهم الان في اشرف ساحة
ثانيا تعود السودانيون والمبدعين بشكل خاص تجاهل الاصوات النشاز من
مبدأ ان الاخرين سينصفونهم بما في ذلك الاساءة المقصودة والغير مقصودة وطبعا هذا خطاء شائع الحمد لله انك كما كنت رائدا فنيا
ها انت تعمل ايضا علي غرس مفاهيم جديدة في التعامل مع الذين ينظرون بشكل دونى للفن او يستخدمونه لاغراض أخر في دواخلهم
ثالثا هم يهربون من الساحات الحقيقة التي من المفترض ان يساهموا فيها بالرد علي الاقل راجع البوست الذي نقد فيه د.حسن مكي تجربتهم لتعرف كيف يهربون من ساحاتهم كما هربوا مرارا من إحتدام المعارك الفكرية والسياسية وتحويلها الي مهاترات اوافتعال المشاكل او الخ
من الاساليب المعروفة التي يمارسونها
رابعا ارجوك المواصلة حتي يُكشف القناع والزيف وحتي يعرف الجميع هذه الشاكلة من البشر . ولست أسفا إذا شعر اي واحد بان هذا الحديث يمسه
خامسا لعلهم الان زادوني قناعة بضرورة مواصلة الكتابة عن جرائمهم
وبالذات حول محاربتهم للابداع ولذلك ساواصل الكتابة في بوست الجبهة ومشنقة الابداع . وسبق ان قلت لك في بوست سابق انني لا اقراء هذه الاحداث معزولة عن السياق العام لاستهداف الفن
لك تحياتي يا ابو هديل

تسلم يا مبدع
وبالمناسبه انا في بوست العوده اهديتهم لحنك الرائع مع زينب عشان الناس تعرف ان فناني اليوم غير ويحبون الخير لبعضهم البعض وشايفك ما انتبهت لي بوست العوده الي سنار
تسلم وانا ابذل قصاري جهدي لاكون غايه في التهذيب كما رباني ابي وامي وامتي الحبيبه

الأخ العزيز الأستاذ يوسف الموصلى
عارف أحسن حاجة الواحد يعملها إنه يبعد عن الكى بورد فى لحظات الغضب ، ولايخفى عليك عزيزى إننى متأثر بما حدث فى موضوع مهيرة ، وزاد انفعالى لأننى فى حمية الغضب ربما فهمت إحدى عباراتك عن عودة مهيرة خطأعلى ما يبدو .. المهم والذى يجب أن نعرفه إن الإنفعالات لاتخدم قضايانا ، وبعد الصفاء سعدت بروحك وشفافيتك ، لذا دعنى أستمحيك لأحيى عنوة نضالك المتجرد العفيف لأننا نتوق معاً لفجر الخلاص . أخى لا عليك إن طاح تعبيرى فى لحظة غضب ، فلك منى الإعتذار مثنى وثلاث ورباع والله كلماتك مؤثرة جداً وتدل على الحب والتسامح ، وتدل على إنك فعلاّ أصيل وابن بلد يتفانى فى عشقها

لك الود

الأخ العزيز الأستاذ يوسف الموصلى
عارف أحسن حاجة الواحد يعملها إنه يبعد عن الكى بورد فى لحظات الغضب ، ولايخفى عليك عزيزى إننى متأثر بما حدث فى موضوع مهيرة ، وزاد انفعالى لأننى فى حمية الغضب ربما فهمت إحدى عباراتك عن عودة مهيرة خطأعلى ما يبدو .. المهم والذى يجب أن نعرفه إن الإنفعالات لاتخدم قضايانا ، وبعد الصفاء سعدت بروحك وشفافيتك ، لذا دعنى أستمحيك لأحيى عنوة نضالك المتجرد العفيف لأننا نتوق معاً لفجر الخلاص . أخى لا عليك إن طاح تعبيرى فى لحظة غضب ، فلك منى الإعتذار مثنى وثلاث ورباع والله كلماتك مؤثرة جداً وتدل على الحب والتسامح ، وتدل على إنك فعلاّ أصيل وابن بلد يتفانى فى عشقها

لك الود

ايها المارد الرائع ماذا اقول ؟لك التحية والتجلة ياسلام عليك ياجميل هكذا نريد ان نكون وفعلاً لازم نبعد عن الكي بورد لحظات الغضب كما قلت وجميل منك ان تعتذر للاستاذ الموصلي الذى اعتذر بدوره للاخوة ابوعثمان وود العجمي .الاختلاف لابد ان يحصل بس كل واحد يطرح رايه بادب واحترام وحتماً سيختم هذا البوست فى الغد ابو عثمان وود العجمي والي الامام والكفاح الثوري مستمر من اجل سودان ديمقراطي يقبل اراء الجميع ويعمل لسعادة الجميع والشكر لك استاذنا الموصلي
اخوكم
محمد عبد العاطي ابو يسرا

عزيزي ابو يسرا انت انسان شفيف وعفيف ومارد عزيز عليا كتير
وان شاء الله كل الامور تسير علي مايرام ونشهد عودة كل المبتعدين وعلي راسهم المحترمه مهيره وانا ساكون اول المستقبلين علي سلم طائرة البورد بالنغم الجميل والاحساس المفعم بالاحترام والود
تسلم

اخوتى الافاضل
لكم التحية والاحترام
الاستاذ الموصلى الموسيقار شخصية عامة ولكل الناس حق فيه وفى تقييم أعماله الفنية وهذا يحدده اختلاف الاذواق بين بنى البشر والا لبسنا لون واحد واكلنا صنف واحد وهكذا
ولكن دعونى اتحدث لكم عن يوسف الانسان فأنا أسعدنى الحظ أن أكون أحد طلبته فهو انسان قل ما تجد له نظير متواضع الى الحد الذى لايستشعرك بأنه الاستاذ وأنت الطالب للعلم منه طيب القلب رقيق المعشر حلو الحديث أخذنا منه العلم ونحن نستشعر بقربه منا ومحبته لنا وربطتنا به صلات قوية يمكن تسميتها بالابوه والاخوه والصداقة والمحبة
أنا لا اطبل ولا أهلل ولكن هذا ما أستشعرت قوله فى هذا الظرف عن استاذى الجميل الجليل
ولابد أن لكل منا أستاذ ترك فى نفسه مثل ما ترك فينا استاذنا الموصلى
فتعالوا أخوتى نرى الامور بعين روية ونضعها فى نصابها وأن لا نترك أنفسنا للهوى فنضل من بعد هداية
نحن هنا اخوة جمعنا حب السودان وحب بعضنا لبعض وليس القوى بالشده وأنما القوى الذى يملك نفسه عند الغضب
احييكم اخوتى وأتمنى لكم أمسية طيبة

عزيز كتر خيرك ومابتقصر يا اصيل
لكن انا هسع في غيابك انت والعزيز خدر شفقتونا عديل
ان شاء الله انتو طيبين انا البي كلو هين
وقول لي خدر حرم ما اجي اغني في عرسك كان ما اديتنا طله زي طلتك السمحه دي ياعزيز وسلامي لاسرتك التي نشتاق ملاقاتها

استاذى الجميل
تسلم ياغالى ويسلموا ليك الحلوين هديل واخوانها
ونحن بخير مادمتم انتم بخير
والحبيب خدر كان فى زيارتى من يومين وهو كذلك بخير
ربنا يديك الصحة والعافية ومازلنا طلبة فى محراب علمك

يديك العافيه وقول ليهو منتظرين منو شوية مشاغبات ظريفه
اصلو الظريف التاني ابو حراز بقي زوغ زي خدر

الفن رسالة سامية متى إنتفى عنها السمو إنتفت عنها صفة الفن ، ومما لا شك فيه أن هناك وجود ما لمجموعة من المرتزقة – إن جاز التعبير - الذين يدافعون عن الطغاة والطغيان معتبرين ذلك ضروريا لتأمين الاستقرار والامن في البلاد ، وأن من بين هؤلاء من يستل ما يدعيه فناً – والفن برئ منه - مثل السكين تماما او كالبندقية الرشاشة للطعن واطلاق النار على كل من يعارض لهم رأي أو فكر – إن كان لهم فكر - فيصيب منهم مقتلا متهما اياهم بالعمالة والتواطؤ وفي احسن الاحوال بالسذاجة او قصر النظر والانزلاق في مطب الانفعالات السرية وردود الافعال الطائشة . وهذا تعبير واضح وصريح عن نوع من الارتزاق الخطير لأن كل من يدافع عن الفساد والطغيان يقدم انموذجا لانحدار الفكر الثقافي والفني والإنساني ويكون في أحسن الأحوال غير قادرا على الخروج من لغة النفاق والدجل.

نتفق معك يا عزيزي الملا عمر تماما
وجملة وتفصيلا

اخي العزيز مارد
والله عندما قرات حديثك هذا ترقرقت عيناي بالدموع
لاني كنت منشطر بين احساسين الظلم الذي حاق بي
وايماني القاطع بان مارد قد فهمني خطا وايماني الشديد يرجولتك
ووطنيتك الحقه لذا كنت متاكدا من انك انسان اصيل وسوف تصحح هذا الوضع وقد كان يا اصيل يازميل الكفاح وتأكد بان النصر سيكون لشعبتا الكريم الابي وكل الخلافات بين الوطنيين ستزول لانها
عابره وسيبقي نضالنا وضاحا شامخا
وتسلم يا اخي الحبيب عافي منك وصافيه لبن

مساء الخير يا ناس

فى شنو مالكم على ود عمى ده؟

معليش يادريم سؤ تفاهم وكنا في مسيس الحاجه لصوت عقلك لكن هسع مافي عوجه يابت عمي

الاستاذ الموصلي والاخ ابو يسرا
بالتاكيد انا لم اقصد انو لاعب الكره المحترف يفهم اكتر من الموسيقار المحترف انا قصدت انو المستمع العادي عندو طريقة فهمو واستجابتو للفن وده ما بيعني انو بيفهم المصطلحات او كيفية الاداء اكتر من الفنان لكن يظل هو المعيار لاداء ذلك الفنان
واكبر دليل على حسن استماعنا هو عملقة ورفاعة مستوى الفن والفنانين عندنا مقارنة باي فن في بلد آخر مما ليس هو من الخفي عليكم
وكلامي كان بسيط وواضح وما عندو علاقه بكلام الصادق المهدي

عموما ياريت اختلاف الآراء يكون وسيله للنمو والمضي الى الامام
واشكرك استاذي على وسع صدرك وتقبلك لرأي

تاري اكه جلوسي

شكرا يا عزيزي
abcde
شعورك طيب بس انا كنت ماخد في خاتري من مغرور حبتين
ومافي عوجه نحن اخوان في الله وفي الوطن
وانت علي العين والراس
ورايك معتبر ومحترم
هل تذكر حوارنا الجميل السابق اها نفس الروح موجوده
وانت علي الرحب والسعه في اي وقت

استاذي
كما ذكرت لك انت زول حقنا فما في داعي تاخد في خاترك
معليش لاستخدام كلمة حقنا ... احتمال يكون قصور في القدره التعبيريه
وانا فخور بحوارنا السابق تقول لي متزكرو
وتاني دايما اختلاف الاراء بيودي لي قدام




ودوما
.
.
.
.
.
.
.
.

تاري اكه جلوسي

abcde
شكرا ياعزيزي
نحتلف نتفق نحن اخوه ونحترم بعض
وانا سعيد بمعرفتك ثانية
لغاية حرف ال
Z

الصديق العزيز ود العجمى حقيقة ليس كل المستمعين ملزمين ان يحيوا ويتذوقوا كل الفنانين مهما كانت مقدراتهم الفنية
وكل فنان له لونيته وادائه وخاصة اذا كانو فى مراحل تارخية مختلفة
وحقيقة الاستاذية لاتعطى للفنان شئ من المجاملة ولكن لامكانيته ومساهماته وعطائه ، والاستاذ الموصلى يعد من اساتذة معهد الموسيقى وهذا الانجاز لم يكتسبه منحة انما باجتهاد
وهناك بعض الفنانين تخندقوا فى الصفوف الاولى مع الشعب السودانى ايمانا بقضيتهم تجاهه ولم يندفعوا امام بريق واقراءات السلطة وارتضوا ان يعيشوا فى شقق متواضعة وضغوط ماليه والتزامات اتجاه اسرهم
هناك من الفنانين فى القاهرة من قبض الثمن ورجع الخرطوم ومن استغل الفن لاغراضهم الخاصة
لكن هناك من الفنانين معروفين للكثيرين فى المناسبات الوطنية كانو اول من يحضر ليشارك بابداعه
منهم الاستاذ يوسف الموصلى وسيف الجامعة على سبيل المثال دون ثمن
لهذا ياصديقى نحنوا الموصلى لا يعنى لنا انه فنان فقط وانما مناضل فى الصفوف الامامية لهذا اعتقد هذه اساءه فى حق قامة كالموصلى اتمنى ان لاتساهم مع اعداء الوطن والمنبتين فى هجومهم ضد الموصلى وكا وضح الموصلى انه لم يعنى بالعصابة او الجبهحية كل الوطنين رغم اختلافه الراى
لهذا ارجوا ان لا تضع نفسك فى خندق الاخوان المسلمين فى هجومهم على الموصلى ونحنوا قادرين ان نهزمهم مهما طالت الايام
شكرا صديقى العزيز مارد
استاذنا الموصلى مزيدا من العطاء مزيدا من الصمود

الاخ العزيز
امبدويات لك تحياتي
اولا لك شكري الجزيل علي تفضلك الكريم بالدفاع عني
ويبدو انه كان هتاك لبس احدث سؤ فهم للبوست الذي انزلته
والحمد لله عاد الصفاء بيني وبين ود العجمي وابو عثمان ويبدو ان البوست بتاعك نزل قبل اعتذارهما الكريم
وانا ايضا قد اعتذرت لحدتي في الرد عليهما
وهؤلاء الاخوان هم في خندق الوطن فلك ولهم جميعا العتبي حتي ترضون سلمتم جميعا

الأخ الأستاذ/ الموصلي
تحية طيبة
اشكر لك اعتذارك وقد سبقتنا في الفضل
وارجو ان تثق بانه لاعداء لي معك او مع اي زميل بالبورد
اكرر ما قاله مارد بانه يجب ان نبتعد عن البورد
في لحظات الانفعالات
لك العتبي وللجميع
اذا كنا قد اضعنا وقتهم فيما لايفيد
اعتذر لك وللجميع
والف شكر

ابا عثمان هل تعلم انك جدي فانا يوسف عثمان محمد بلال
وانت تعلم مكانة الجد لدي الاحفاد
وكي لا نجعل منك عجوزا فانت كبير بمعني روحك الطيبه
يحدث الخلاف دائما وهو ظاهرة صحيه ان تعدي روح الانفعال وقد انفعلنا جميعا والسبب اعتقد روح التوتر التي كانت قد سادت البورد
فلنعمل جميعا علي ان نجعل من روح الحوار بردا وسلاما علينا جميعا وان اختلفنا الي اخر مدي
تسلم عزيزي ولك محبتي

استاذنا يوسف الموصلى أولا صباح الخير يا شفيف

الموضوع كما قال صديقى أبويسرا وأستاذى العزيز مارد إختلاف رأى بين أخوة وناس وجهتهم واحدة وأمانيهم واحدة وإختلاف الرأى لا يفسد للود قضية . فأنت مبدع ولا يمكن أن ينكر أى شخص هذا .. فأرجو أن نقفل هذا البوست هنا .. لأننى أشم أن هناك بعض الايادى بدأت تتداخل وهى لا تعلم لماذا نحن نتحاور ولماذا نحن منفعلين .. أكرر اعتزارى وودى والتحية لأبويسرا ومارد وأبوعثمان وقبلهم التحية لك يا أستاذنا يوسف الموصلى.. وأكرر إعتزار وودى

لاحولة نسيت أحيى
abcde
التحية له
أما أمبديات فله من التحايا والأشواق كمية بقدر هامة فريق الاصدقاء وليالى نادى الرابعة والشيخ دفع الصائم وجلسات كثيرة وجميلة وجرائد حائطية وندوات وذكريات أمبدية مفعمة بروائح النضال والروح الابية.. وسلامى لأولادو

تحياتي لكم اخوتى ود العجمي وابو عثمان وشاكرون ومقدرون تفهمكم والتحية لكل من دخل وشارك وتحية خاصة للمارد وابو هديل

العزيز ابا يسري
لك مني السلام ياحمامة السلام
فانت انسان بمعني الكلمه والاعزاء ود العجمي وعثمان ومارد رجال بمعني الكلمه ونحن سعيدين بيهم ايما سعاده
ارجومن الاخ ودي العجمي ان
يقبل اعتذاري ثانية وثالثة ورابعه
كما ارجو من الذين يريدون الدخول والمساهمه ان يركزوا علي الخير الذي حدث وان نناقش فن الجبهة والفن المضاد وهكذا تحياتي لكم جميعا

العزيز ود العجمي
لك محبتي وتقديري
وشكري الجزيل علي تفهمك الرائع لمقاصدي
ويبدو اننا جميعا انفعلنا بلا ان نجعل من البوست وسيلة خيره للوصول الي نتائج اجمل
اقدر جدا دفاعك الرجولي عن دكتوره مهيره وان كان في الامر سؤ فهم لمقصدي الاساسي ولكن كان يحب علي ان اقابل انفعالك بهدؤ ولكنني فقتك انفعالا وارتفعت نار اللغة الحواريه وها نحن جميعا نعود الي ما يتبغي ان يكون عليه الحوار بيننا
عليه استميحك عذرا استمرار الحوار
في سماحة السودانيين الوطنيين
ودمت يا انسان يارائع

ويجب ان نركز اهدافنا في عودة الهدؤ الي هذا البورد وعودة الطيور المهاجره اليه وعلي راسهم د مهيره

يا اخوانا البوست ده ما فني ده بوست سياسي

افتكر ان الفنان الملتزم هوالذي يربط همومه بقضايا شعبه وهمومه ويسخر هذا الفن من اجل شعبه ده اعتقادي انا
وايضا بفتكر ان دكتور الموصلي احد الفنانين الملتزمين
لاانحيازه التام وتبنيه لقضايا شعبه ويميزه عن الفنانين الاخرين علي حسب معلوماتي اجتهاده في مجاله وبحثه وسعيه الحثيث لنيل اعلي الدرجات العلمية في مجاله لذلك عندما
تدخلت في هذا البوست كنت اتوقع ان اجد نقاش جادي وفي الصميم لكن وجد هجوم وتعدي علي احد اللذين يقفون في
الصفوف الامامية للدفاع عن الوطن ووقفت وقدمت مداخلة
للرجوع بالموضوع الي لبه وتدخل الاخ ابو يسرا وتصافي الناس ولم نجد اجابة وحقيقة اسفت لاسلوب ود العجمي ومن اصراره علي قفل البوست مرتين لماذا؟
ثانيا بعد الاعتذار محاولته برمي اللوم علي تداخل بعض
الايادي وانه الناس دي ما عارفة نحن منفعلين ليه وبنناقش في شنو مع كل احترامي لك النقاش هنا عام وعشان
ما يكون فيه تجريح الواحد مفترض يحسب الف حساب لكلامه واذا كان ده الفهم اتصل انت والمارد والموصلي تلفونيا واتناقشوا لكن ما ممكن تطرح موضوع علي النت وتطلب من الناس ما تتدخل وارجو ان لا تفهمني غلط.
وللعودة للنقاش
من هو الفنان لملتزم؟ في اي خانة تضع الاستاذ حمد الريح؟ وشكرا

العزيز ابا يزيد لقد كان سؤ تفاهم وقد اعتذر الناس لبعض في شجاعه امام الجميع وهذه محمده كبيره وانا بالتاكيد اشكر لك وقفتك الاصيله معي والشجاعه
واعتقد ان الاخ العزيز ود العجمي سيواصل الحوار معنا من منظور القضيه الاساسيه الفن الملتزم والفن الانتهازي
واعتقد انه غير مختلف معنا في الموضوع عليه يمكن ان يستمر الحوار الجيد المفيد خصوصا ونحن نحتفل بعودة العزيزه مهيره لك محبتي
الاخوه الاعزاء مارد وعثمان وود العجمي لقد طلبت عودة البوست تلبيه لرغبة الكثيرين الذين يريدون الاحتفال بروحكم الطيبه مع النقاش الجاد المستمر لكم حبي جميعا

سلام يا اولاد البلد ستكون هذه مشاركتي الآخيرة فى هذا البوست وساترك الفرصة لاهل الاختصاص لمناقشة قضايا الفن وساكون متابع
وياموصلي ود العجمي دة سميع كويس وهو من مدمني الجلاد وساورا وبيفهم فى الفن كويس واكيد سيثري معك الحوار ومع الآخرون لكم جميعاً شكري وتقديري على سماحتكم ورحابة صدركم وكلكم كنتوا كبار لكنك يا استاذ موصلي انت اكبرنا جميعاً بطيبتك

شكرا ابا يسرا
اها ديل كلهم انا درستهم الموسيقي
ودي فايدة جيلنا الجديد وانا عجوزهم
ود العجمي مرحبا بك مناقشا فنيا وانا جاهز يلا تعال
ويا ابا يسرا انت ماشي وين مافي تاني طريقه ليك سيك سيك معلق فيك

الليلة شنو الحلاوة دى يا جماعة

ما داير أعود للوراء ابدا لكن بس فى حاجة صغيرة داير أقولها لأبايزيد وأرجو أنو ما يعقب عليها عشان الحوار يمشى بصورة حلوة وكلنا دايرنها .. كان هناك سوء تفاهم والحمدلله ذهب بخيرو وبشرو ولو أنو ما فيه شر فالود محفوظ والاحترام للأستاذ الموصلى متوفر غصبا عننا لأن الموصلى انسان شفيف ولا أقول هذا مجاملة ابدا وأرجع لكل مداخلاته فى البورد كلها ستجده يطيب خواطر الناس ويداعب فلان ويرطن مع علان وصورته المبتسمه نجدها تصابحنا تنم عن الطيبة والالفة .. أما أكاديمياته فلا يستطيع أحد أن ينكرها وأبداع لن ينكره أحد .. وتحديدا لن ننكرها نحن أقول أنا وأبوعثمان ومارد صديق الموصلى ورفيق درب نضاله .. لكن ما حدث أبدا لا يعنى أننا كنا نقول ما نعنى - فى هذا البوست- لأنه كان ملئ بالعواطف والمشادات والايحاءات التى أنا شخصيا نادم عليها وهذا البورد أنت تراه هذه الايام مشحون بالمصادمات والمشاحنات بعضها نبيل مثل ما حدث فى هذا البوست ؟
أسف يا جماعة أن عدت بكم للوراء ولكن كان لا بد من ذكر ذلك واذا خرجت عبارة منى فهى وليدة تلك المشاحنات التى أقولها صريحة أنها آلمتنى كثيرا.. أخطأنا فى حق استاذنا العفيف الموصلى هذه حقيقة وأنا أعترز له للمرة الثالثه ولن أتوانى فى الاعتزار اليه ابدا طالما أنى تطاولت عليه..والحمد لله هو برحابته المعروفة قبل اعتزارنا وتفهم بل بالعكس هو إعترز وسبقنا على الفضل كما قال أبو عثمان
الخط عندى سيء لأبعد الحدود وسأعود لأ تناقش وأستفيد من هذه العبقرية الموسيقية لا حقا واتفاعل مع هذا المد الاريحى الشفيف
شكرا وحتما سأعود بإذن الله سأعود وأحمل اليكم جميعا الودوالنقاش المثمر والمفيد ورؤى لا أحسبها ستكون جديدة على الاستاذ الموصلى .

اخي ابا يزيد لقد نكبت بلادنا كثيرا بفنانين
لهم انتاج نحترمه ولكنهم الو علي انفسهم بالتمسح علي اعتاب ابواب السلاطين
واذكر واقعة لفنان لا داعي لذكر اسمه هنا انه كان معنا في رحلة دعانا اليها موسيقار ضابط في سلاح الموسيقي
ويبدو ان مجموعه من الضباط في الرحله كانت مخططه للتحرك في اليوم التالي وكنا لانعلم ذلك هذا في اول عهد الانقاذ
تم اكتشافهم في مساء ذلك اليوم واعتقالهم بعد الرحلة
وجائني ذلك الزميل بخبر اعتقال المجموعة قائلا خساره ان نجحوا لكان لنا ثلاثة اصدقاء في مجلس الثورة الجديد
وعندما راني اضحك استدرك قائلا مافي مشكله لدينا اصدقاء في المجلس الحالي ايضا
تخيل

ان الفن الملتزم اخلاق ومثل وحريه
والفن الانتهازي تقوقع واستسلام وخنوع الي مالايشبه الفنان

يا دكتور انت ما تجيب اسم زول لكن انا بجيب

وابداء ليك بحمد الريح فنان الجبهةالاسلامية اختار ان
يضع الشعب جانبا ويشارك في برلمان الحكومة يعني شنو مساهم في تشريع وقرارات السلطة دون استثناء بما فيها التي تعتدي علي حقوق الفنانين وهناك فنانين وقفوا امام االدكتاتوريات ورفضوا الركوع لها وببساطة واذكر طرفة تحكي عن الراحل المقيم النعام ادم ان ابوعاج جاءه مرة
وقال له انت يا النعام الفنانين ديل كلهم غنوا لي الا
انت ليه رد عليه النعام انا قاعد اغني للبنات انت بنت
وهناك الكثير من الفنانين الذين ابدعوا ولم يكن لهم موقف محدد الا انهم لم يقفوا ضد مصالحهم الفنية ولم يقفوا مع ابتزال الفن واتمني ان يواصل الناس في النقاش

والله يا ابا يزيد وسط المشاكل دي ضحكتني لامن انكفيت علي قفاي النعام بعملها الله يرحمو

هذه الكلمات من الاخ مارد وهو نزلها فى البوست التاني وانا احسب ان هذا هو مكانها الصحيح عذراً اخي مارد
*****************************************************
الأستاذ الموصلى والاخوة الكرام

أسمحوا لى ! كما تعلموا فإن سوء الفهم الذى حدث فى هذا البوست جاء عارضاً ومؤقتاً، ولكنه كان نافعاً جداً لأنه عبر عن قوة روابط المحبة والحميمية ، وأبان أن العض عليهما بالنواجذ بات أمراً ضرورياً وحاسماً، وقد كان جميلاً أن لا يقترب من هذا البوست صاحب غرض أو مزايد .. لذا فقد زاد تقدير الذين اختلفوا لبعضهم البعض ، وعادوا أكثر صفاءاً وإشراقاً ومودة وحميمية ، ويقينى أن آخرون فرحوا لسوء التفاهم العابر ، ولكن فليروا الآن ويعلموا كم أن مقدار المحبة قد تضاعف بيننا وساد الفهم الواعى مكان الإنفعالات العابرة ، عشان كدة ده ذاتو بقى درس عظيم لينا كلنا.. بمعنى إنه يجب أن لانسمح للآخرين فى التدخل بيننا لتغذية أى سوء تفاهم بيننا بأى كيفية ومهما كان ، وإن تدخلوا بتطفل فلايجب ان نسمع لهم، أو نعيرهم أى أهتمام ، والبوست ده ممكن يستمر الآن إن أردتم ذلك ، لأكثر من غرض نبيل ، لأنه ببساطة عنوانه ماساهل وقضيته ماساهلة

فى الختام (خلوا بالكم من زهوركم) . ولكم"الياسيمين وللحاقدين الرماد" ، وهذه مأخوذة من الأخ أسامة الخاتم وبدون استئذان منه ، لأنه أسامة ببساطة من أهل الدار ولايحتاج منى لاستئذان

ابا يسرا الجميل ومارد الرائع اطمئنوا الان البوست ماشي في السليم ياسليمي الذوق مع حبي

ألف شكر ياأبايسرا

والله توار دخواطر عجيب حقاً ، غايتو فهمتنى جنس فهم!!لأنى بعد النشر تأكدت بأن ماكتبته نزل فى البوست "الماقاصده ، وكنت عايز استغيث للمساعدة لأنه زى ماعارف ماعندى أى فنيات

أكرر الشكر

ابا يسرا هذا البوست خلق ليسير في الاتجاه الصحيح تسلم اخي الحبيب وقد كان

عزيزي مارد انا متأكد ان روحنا واحدة لكن الجسد مشتت بين كلفورنيا الامريكية ومصراتة الليبية اتمني ان نلتقي فى السودان
مداخلاتك بحق فى الصميم وانا مقدر مشاعركم انت وحبيبنا الاستاذ الموصلي

حقيقة انا جادي جدا وعاوز الناس تناقش المهم يادكتور انت بس اقراء لانو انا ما عاوز ادخلك في مشاكل مع العالم دي اي الفنانين السودانين وبسمع الناس بتتكلم كثير جدا عن اعتقالات في الماضي لاستاذنا المبدع محمد الامين
نسبة لاناشيده الوطنية الحماسية وعدم انصياعه للسلطات والاغراء فالتحية له
طرفة اخري سمعتها عن المبدع ترباس وانه عندما جاء نظام الانقاذ غني له هبت ثورة الانقاذ وعندما سالوه الناس ياترباس كيف تغني لناس زي ديل وكده يقال انه رده كان غشوني والله والجماعة حكوها معاهو غشوك كيف يا ترباس قال لهم ياخي ديل غشو الشرنوبي ما يغشوني انا
الشرنوبي سفير مصر حينها

اذكر وعندما كان عمري 14 عام تناقشت مع الاستاذ مارد عن اشعار المبدع اسماعين حسن وكنت معجب به بدرجة كبيرة فقال لي مارد انه فنان تبع مايو ولارجاء منه فقلت له أنا مايهمني مع من هو انا تهمني اعمله فقط وقلت له ناقشني فى كتاباته فقال لي ان هذه الاشياء لاتنفصل مادام هو مع هذا النظام معناه ماعندوا اى ابداع وطالت المدة على ذلك النقاش وانا الآن فى عمر النبوة كما يقول الحبيب ابو عثمان ولازلت القضية تدور فى راسي ولم اجد اي حل للمعادلة آمل ان نجد فى هذا البوست مايجيب على تلك الاسئلة القديمة .الاستاذ مارد تفتحنا على حلقات النقاش التي كان يشارك فيها فى اول منتدى للنقاش الحر وكان صاحب المنتدي الخال عبد الرحيم ابو الكبار وكان اسم المنتدي (الحضرة) وكانت كل قوانين المنتدى فى يد رئيسه وكثيراً ماكان يطرد بعض الحضور اذا لم يكونوا فعالين وكان فارس النقاشات بلا جدال هو اخونا مارد وكانت لنا ايام

الاخ ابو يسرا سلامات
اعتقد ان الفنان دائما يكون موقفه صعب جدا ولان السياسة لاتعرف الثوابت عشان كده دايما الفنان يجب ان يكون في جانب الشعب لا السلطة وعندما جاءت ما يو جاءت بشعارات تعبر عن مطالب الشعب وطرحت مشاريع وخطط وسياسات وجدت القبول والتائد من قطاعات كبيرة ومن ضمن هذه القطاعات كان بع الفنانين المؤثرين امثال الاستاذ وردي وشعراء كمبارك حسن خليفة وغيرهم وسرعان ما انحرفت مايو عن قضايا الجماهير سرعان ما انتبه هولاء
وتخلوا عنها بل سخروا جهودهم من اجل اسقاطها وافتكر انهم كانوا تجربة لبقية الفنانين الملتزمين وعرفوا ان التمجيد والتبجيل للشعب وليس لحزب او سلطة معينة وقضايا الشعب هي المقياس وكما ذكر لك المارد لاتنفصل هذه من تلك لكن يظل الابداع هو الابداع في النهاية ونحن نعشم ان ينحاز كل المبدعين الي قضايا شعوبهم

الشربيني ياابا يزيد

انا زاتي قلت الشربيني ولا يا ربي .... شكرا الموصلي



همسه للموصلي
ريحني ورد لي على رسالتي ليك في الماسنجر حتى لو كان الرد سلبي

تاري اكه جلوسي

تسلم ياعزيزى ماشايف رساله منك جات في الماسنجر كدي قول خير ورسلها تاني

معليش يا شباب الشربيني
لكن الشرنوبي ام الشبرويشي ديل برضو بكونو غشو وشكرا علي المتابعة الدقيقة

شكرا ليك ياجاد ودغري فعلا كلهم واحد ونحن بنوثق معاك تسلم

up

يديك العافيه يا
abcde

المبدع الموصلي وكل الاخوة في البورد

يحزنني كثيرا عاداتنا نحن السودانين
أننا لا نأخذ حجم فنانينا
ومبدعينا بعين الإعتبار ونحاول دائما
ان نقلل من قيمتهم ونرغمهم على التواضع
دائما، عند لقاءهم نحاول ان نتجاهل وجودهم
ونتجاهل احساس الرهبة بوجود شخص مشهور بيننا
ونحاول ان نغرس رأسه في التراب ان حاول رفعها او
احسسنا انه يرفعها علينا
لماذا لا نعطيه من الحب والإعجاب
على قدر ما يقدمه لنا
لماذا نحرمه حقه في الإحترام والتقدير
ولماذا لا نغفر له خطاياه ، ونترصد له البسيط منها؟؟؟؟؟؟

دوما اذا فكرتم في الموضوع وتخيلتم كيف نعيش وكيف نفكر
وكيف لا نحب ان نكترث للمشهورين منا كأننا ننبذ نجاحهم
الذي هو جزء منناونهلل للغريب!!!!!!!
ودائما اذا كان من اتى بفعل جديد سوداني
نستل له السيوف
(بين قوسين)
طبعاتوجد نسبة قليلة لا ينطبق عليهم قصدي


أكره ان يأتي شخص لا يفهم في الفن ليتطاول على فنان عملاق
ويوهم نفسه انه منصف ولا يهتم بشهرته ولا يهتز لفنه
وأكره ان يأتي شخص اخر لا يفهم في الأدب لينقد اديب
وقاريْ متطلع
وأكره ان ينتقد كذلك مفكر ومبدع ومثقف من اشخاص
هم بعيدين تماما عن محوره

ولا يدورون في فلكه
لما لا نترك مثلا حوارالفن والموسيقى عندما يتحدث العظماء
عنه ان يخوض غمار النقاش عظماء مثلهم
واتمنى من مبدعينا الا ينجرفو في مناقشات
مع من يجهل اصل الموضوع وانما غرضه التجريح

لماذا الانتقاد الجارح الصريح في هذا البورد من قبل
من هم اقل علما عن هذا النقد واقل دراية
ولماذا لا نتمسح في بلاط مبدعينا
هل تعلمو كم من مبدع ومخترع ومثقف وووو سوداني لم يلقى
حظه في وطننا الغالي
ويلقى التجاهل من الدولة او الشعب
ولكن الدولة والشعب يتمسحان في بلاط الغريب
ونحن لا نملك الكثيرين من هؤلاء
لكن امكن ده سببه الدم السوداني الحار

كل ما يحدث في هذا البورد يدور في نفس المحور
انسان اخطأ ،، واعتذر بعدها بطريقة ما
والبعض انفرد بابراز دوره ، فيكرر عليه خطأه
كأنه يريد توضيح يخصه
ثم ياتي اخر يود توضيح يخصه وحده
،
دون التفات على ماسبق له ذكره
وعلى ذاك المخطي ان يقر ويعترف ويستحمل
كل هؤلاء الذين هم في الأصل ليسوا اصحاب مشكلة
ولكن اصحاب حق كما ينسبون لانفسهم

فيتفردوا في الجرأة والشجاعة على اظهار خطأ الاخر
والنيل منه وكأنها الفرصة الوحيدة والهدف المنشود


ونفتح سيرة والف سيرة في نفس الموضوع
وتدور الرؤؤس

وتأتي دورة اخرى عن الكاتب فلان ومانشره
من اخلال للأدب
ولازاما لنا احتراما لمكانته ان يكون النقد في كتاباته
لا في شخصه كما فعل البعض وابى البعض الاخر
الى التوجيه لشخصه واسمه شخصيا
وتتفتح الافواه بعدها حول هذا الموضوع

لا نعيب الحوار ولا المناقشة
ولكن اتمنى ان يكون شخص مبدعينا بعيد عن هذه المهاترات
ويكون الحديث حديث ادب وفن
ولا تخدش كبريائهم ولا مجدهم
وأتمنى منهم ايضا عدم الخوض في هذا الغمار
وارجاعهم دوما الى النص محور النقاش
حتى عند خروجهم منه،،،،،،ا
فإن لم يعجبك منهم شي لتنقد الشي
ولا تنقد الشخص لانك تجهله

مع انهم اوفياء
وانهم والله كرماء
واسعي الصدر جدا
وحبوبين جدا
ولا املك الا الانحناء

اتمنى من الكل الالتفات لهذا
واتمنى من إدارة البورد ان تنبه لهذا

وخصوصا وانها تسعى لضم العظماء والمبدعين
ليكونو لنا ذخرا
فلننصفهم ونحيهم
ولا تخيفوهم
يا اعزائي بهذه المشاحنات الدون المستوى
ودمتم

العزيزه هوزي اسمحي لي بان
اشد علي يد قطعتك الادبيه الرائعه
وعلي يدك الراثعه التي خطت هذا العمل الرائع
واسمحي لي ان اضيفه لموقعي في الانترنت
اما الاخوان الذين شاركو معي في هذا البوست
فقد تصافيت معهم وتفهمو ان موضوعي لم يكن موجها
لاي شخص وعرفو كيف انني احترم الناس والمواقف
وعرفت انهم خافوا ان يكون اتجاهي الي وجهة معينه
ولكن اعتقد ان استمرار هذا البوست هو عبره لنا جميعا لنكون بعيدين
عن الكيبورد ساعة الانفعال
فغلطة الشاطر بي الف
انحني لك احتراما

فى رأى يا أبويسرا أن الابداع لا يمكن أن يتجزأ والمبدع دوما يتقدم الناس العاديين بالرؤى وبعد النظر لذلك تجده دائما تواق للحرية والديمقراطية .. وهناك عهود ظلامية قفز فيها المبدعين فوق الاوصاد وأبدعوا وذلك لا يعنى أن الكبت يولد الابداع أبدا.. حينما يكون المبدع مقيد ومحاصر يلجأ للحرية الكامنة فى داخله فتأتى برد الفعل الدرر الموجودة فى الزات المبدعة .. والضد يظهر حسنه الضد كما يقال أما الحرية والديمقراطية فهى دائما ما نجد أن المبدعين فيها يبدعون أكثر فإنتاجهم حينها لن ينبع من الحرية الزاتية فحسب بل ينتج من تفاعل ثقافى نظيف وأنظر لديمقراطيتنا الاخيرة رغم شوائبها كم ليلة شعرية حضرتها .. وكم حفل محترم حضرته وكم منتدى وكم قصة قرأت وفكرة جديدة ناقشتها ؟ ستجد أن المقارنة غير منطقية بين الابداع الديمقراطى والابداع فى عهود الظلام

أما الفنان الملتزم والفنان الانتهازى فسأعود لموضوعه لا حقا

فى رأى يا أبويسرا أن الابداع لا يمكن أن يتجزأ والمبدع دوما يتقدم الناس العاديين بالرؤى وبعد النظر لذلك تجده دائما تواق للحرية والديمقراطية .. وهناك عهود ظلامية فقز فيها المبدعين فوق الاوصاد وأبعدوا وذلك لا يعنى أن الكبت يولد الابداع أبدا.. حينما يكون المبدع مقيد ومحاصر يلجأ للحرية الكامنة فى داخله فتأتى برد الفعل الدرر الموجودة فى الزات المبدعة .. والضد يظهر حسنه الضد كما يقال أما الحرية والديمقراطية فهى دائما ما نجد أن المبدعين فيها يبدعون أكثر فإنتاجهم حينها لن ينبع من الحرية الزاتية فحسب بل ينتج من تفاعل ثقافى نظيف وأنظر لديمقراطيتنا الاخيرة رغم شوائبها كم ليلة شعرية حضرتها .. وكم حفل محترم حضرته وكم منتدى وكم قصة قرأت وفكرة جديدة ناقشتها ؟ ستجد أن المقارنة غير منطقية بين الابداع الديمقراطى والابداع فى عهود الظلام

أما الفنان الملتزم والفنان الانتهازى فسأعود لموضوعه لا حقا

اتفق معك تماما يا ود العجمي في ان الديموقراطيه
هي اجمل وعاء لتناول البداع في كل شيئ
وانا مستغرب الناس ديل دايرين فرقنا بتاعت الكوره تفوز كيف وهم منهزمين داخليا علي سبيل المثال ويسيطر عليهم الاحساس بالقهر

لا السلاح بمسح حبر مسكوب ضنا وهم واغتراب
لا الليالى الداكنة تبعد خطوة فى درب الاياب
وبين صميم المعنى والشوق ارتجيك
سكة فى خاطر الغنا
لوحة الوطن العنيد
لفحة النسمة الحنين
شهقة الوجع العنا

زمراوي الكلام الحلو ده حق منو ممكن نتسلبط

استاذ الموصلى
الكلام بتاعى ومرحب بالسلبطة وحقوق النشر محفوظة
رغم ذلك ....

ياخي ده كلام موهط تب
لوماعندها باقي هي كده حلوه ولوفي نشوف
وانا عاشق لما قل ودل

نشوف ليها تكملة رغم انهااوفت فى وصف الارادة
المزيد قادم ردا على الفن المبتزل عمليا واولباول

عزيزي زمراوي والله قريتها تاني وتالت
وما محتاجه ده نص رفيع القامه
فارع الطول

صوتى فى صوتك هدير
شوق مطامير الهوى
تكية الريح فى النخيل
ومضة فى قول اتروى
شفع الشارع وسام
ضحكة الاطفال تميل
ترفدك نهر احتمالى
وعلى من صوتك مصير
شهقة الخاطر سوا
والعتامير لابتجير
حزن منسوب البحر
لاالسلاح بمسح حبر مسكوب ضنا وهم واغتراب

نبصم بالعشره تم استلامه
وانا سوف اعود بالبوست بورداب الدوحه الي المقدمه واضيقه الي النصوص