Post: #1
Title: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 07:33 PM
Parent: #0
وحياة الدم في العروق ماببقى موية .. عارفاك حردان وزعلان قدر شنو .. لكن كدي بس تعال نتفاهم سمح ؟!!
|
Post: #2
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 07:37 PM
Parent: #1
لو كل عضو في المنبر تكفل بارجاع وأحد من الرائعين الحردانيين والله بترجع للمنبر عافيتو ورونقو وجمالو ..!!
تعالوا نتراهن ؟!!
يامعز ممكن تحنس لينا الموصلي يرجع ؟!
|
Post: #3
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 07:40 PM
Parent: #2
ومنو يقدر يرجع لينا القامة ، الإنسان والأديب المبدع فضيلي جماع ياناس الله ؟!!
|
Post: #4
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 07:44 PM
Parent: #3
ياخطاب رأيك شنو ترجع لينا الجميل شوقي بدري ؟!
|
Post: #5
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 07:46 PM
Parent: #4
ود الصايم الرسول فيك رجع لينا تمبس ومو وحميدة العريس ياخ .. سمح ؟!
|
Post: #6
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: الشفيع عوض شوشتا
Date: 12-22-2008, 07:49 PM
Parent: #5
عثمان محمد صالح
لو تذكرونه
-----------------
نادية
سلامات
|
Post: #7
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 07:56 PM
Parent: #6
شوشتا ياقريبي الجميل وبركة الرجعت لينا غنت كمان والله
Quote: عثمان محمد صالح
لو تذكرونه |
وهل يُنسى مثل عثمان محمد صالح ياصديقي ؟!
والله موجود ومحفور إسمه عميقاً في الذاكرة وليته يعود !
تقدر ترجعو لينا ؟
|
Post: #8
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:00 PM
Parent: #7
محمد السني دفع الله ياصحبي الغالي
ممكن ترجع لينا صاحب التداعيات الإنسان الجميل يحى فضل الله ؟!
|
Post: #9
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:03 PM
Parent: #8
إنعام حيمورة رجعي لينا روزمين سمح؟
|
Post: #10
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:06 PM
Parent: #9
البرجع لينا شيري والهترشات الحلوة ليهو هدية عديل كده ..!
|
Post: #11
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:10 PM
Parent: #10
آمنة مختار رجعي لينا تراجي مصطفى وتراجي مصطفى رجعي لينا آمنة مختار بالله !
إنتو الناس ديل مشوا وين ؟!
|
Post: #12
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:14 PM
Parent: #11
بهاء عيسى رجع صحبك عصام الخواض برضو حردان صاح ؟!
|
Post: #13
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:18 PM
Parent: #12
منى خوجلي الحبيبة بتقدري ترجعي لينا ماما دومة طبعا صاح ؟!
|
Post: #15
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:26 PM
Parent: #13
بكري أبو بكر ياسيد هذا الحوش الصرح العظيم
حلفتك بي ربنا الخلقك وسواك ترجع لينا د. بيان الحبيبة فهي من الأقلام الجميلة والشيقة في هذا المنبر وإنت عارف ..سمح؟
وعليك الله مع إطلالة العام الجديد ده رجع كل المفصولين للصالح العام والغير عام عليك الله العظيم سمح ؟
قول سمح بالله وعارفة قلبك أبيض أنا يااخوي الغالي ..
|
Post: #31
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Muna Khugali
Date: 12-22-2008, 10:26 PM
Parent: #13
حاولت وفشلت..
أظنها ما بتحبني زي ما بحبها
لكن بواصل في المحاوله..
|
Post: #34
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 10:43 PM
Parent: #31
منى بت العم الراحل المقيم الخليفة عوض خوجلي
منو دي الفشلت ؟!!
منى خوجلي تفشل ؟
بالغتي قولي كلام غير ده ياخ !
| Quote: أظنها ما بتحبني زي ما بحبها |
أها عاد تعالي يا أغلى ماما دومة عشان توري منى الحب ده كيفنو سمح ؟
| Quote: لكن بواصل في المحاوله.. |
وأنا متأكدة من إنو منى لا تعرف اليأس ولا المستحيل .. راجينك وفي يدك بوكيه ورد هدية رجوع ماما دوما سمح ؟
|
Post: #26
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: انعام حيمورة
Date: 12-22-2008, 09:24 PM
Parent: #9
نادية .. حمد لله على السلامة ..
التحية عبر هذا البوست للاستاذ ود حلتنا الموصلي .. وبقول ليه امانة عليك ترجع .. بالاماني السندسية
باذن الله ارجع روزمين ..
وبتمنى رجع كل من ذكرتي ..
بوست محنة !!
|
Post: #27
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 09:55 PM
Parent: #26
نعومة بت حيمورة ياغالية
الله يسلمك لي من كل شر يمة
| Quote: التحية عبر هذا البوست للاستاذ ود حلتنا الموصلي .. وبقول ليه امانة عليك ترجع .. بالاماني السندسية |
ياموصلي أها كمان زي بت حيمورة دي بكسرو خاطرها ؟!
| Quote: باذن الله ارجع روزمين .. |
عاد كان ماشفنا ليها مداخلة هنا تكوني اتلومتي ياعسلنا ..
تعالوا نحانن بعضنا .. ياسلام يانعومة ياخ !
كدي نزلي لي أغنية (سوقني معاك ياحمام) في البوست ده عشان نحب بعضنا وسودانا وسودانيتنا أكتر وسودانا فوق .. والأماني السندسية سمح؟
|
Post: #29
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: انعام حيمورة
Date: 12-22-2008, 10:17 PM
Parent: #27
شكرا يا ندوية
والله ما عندي الاغاني الطلبتيها بحول الطلب لي واحد من الاخوان الصحافة 30 ممكن !!
ويارب ترجع كل الغايبين
|
Post: #39
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 08:05 AM
Parent: #29
نعومة حبيبو
| Quote: والله ما عندي الاغاني الطلبتيها بحول الطلب لي واحد من الاخوان الصحافة 30 ممكن !! |
والله حسام الصحافة تلاتين ذاتو بقى مسجل غياب وهو من أروع باعثي الفرح والجمال في المنبر ..
الصحافة إمبس تود إر سي ياخي ؟
|
Post: #14
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: محمد البشرى الخضر
Date: 12-22-2008, 08:22 PM
Parent: #1
ندوية كيفك...
ما تنسي سليكة (رشا حاتم ) و الخنساء باللاي
|
Post: #16
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:32 PM
Parent: #14
محمد البشرى الخضر ياشقيقي الغالي
| Quote: ما تنسي سليكة (رشا حاتم ) |
طيب رشويا بت حاتم يرجعها لينا منو تفتكر ؟!
الخنساء حبيبتي بترجع بس مشغولة شوية بمرض شقيقتها الصغرى ربي يشفيها ياااارب
أها إنت متبرع ترجع منو عن جد ؟!
|
Post: #18
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:35 PM
Parent: #16
أخو الخير عثمان رغيم كيفك
أها حاترجع لينا حنين للبلد الحنونة متين ؟
|
Post: #17
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-22-2008, 08:35 PM
Parent: #14
|
Post: #20
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: ناهد بشير الطيب
Date: 12-22-2008, 08:42 PM
Parent: #17
قبال ماامرق مادايرة منى زول
رايك شنو اجيب ليك رجاء واسماء الجنيد ولؤى شمت ؟
|
Post: #24
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:54 PM
Parent: #20
ناهد بت أبوي المبدع بشير الطيب
حبابك مليون ياغالية
وتلفونك راح مني ياخ !
وحاة الله عارفة لسانك الحلو وقلبك الطيب وبتقدري ترجعي زي عشرة من أروع الغائبين .. عليك الله همتك معانا والبتقدري ترجعيهو تجيبيهو لينا هنا بالله
| Quote: رايك شنو اجيب ليك رجاء واسماء الجنيد ولؤى شمت ؟ |
أدها وأدود على رأي أهلنا المصريين .. عاد راجينك بالبشارة ووالله وحشتنا بت الجنيد بشعرها الرائع وبت العباسي بموضوعاتها الدسمة وود شمت بروعة الحانو ومداخلاتو الطيبة .. رأجينك البورداب وعارفينك قدر القول يمة يلا شدي حيلك سمح؟
|
Post: #22
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 08:45 PM
Parent: #17
دندونة بت خالد أرجعي ورجعي لينا فيصل نوبي أخوي سمح؟
|
Post: #19
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Hassan Makkawi
Date: 12-22-2008, 08:40 PM
Parent: #14
يا بكرى روق.. وأ سمع ليها بت عثمان
قاتليك الحبايب غابوا منى زمان
وفانوسنا القديم زى شكلو جاز كملان
برد الليل غشانا وفضيت الحيشان
الله... يا شتا..أرحم زويل بردان
جيب ليها الأهل..عارفك رهيف فنان
ويا ود القبايل راسك ملالالالان تيجان
مجبتى للجميع
|
Post: #21
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-22-2008, 08:44 PM
Parent: #19
الحبيبة نادية .. ..
الناس دي كلها دايرنهم معانا في حوش الطيبة والحب .. ..
اما عصام فمنتظرنه يجي القاهرة بس ونتصرف معاه بخصوص
العودة للمنبر ..
وماتنسي سفيان نابري .. وشددي علي روز
|
Post: #23
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: هشام حسن
Date: 12-22-2008, 08:49 PM
Parent: #21
نادية سلامات
التعديل (مزااااج)
كيف تمام
بيني وبينك مكرر
|
Post: #32
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 10:32 PM
Parent: #23
هشام حسن سلامااااااااات
إنت صحي البوست ده نعلو ماشالو الهواء
يلا بترجع لينا منو ؟
|
Post: #28
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 10:13 PM
Parent: #21
بهاء عيسى أخوي شقيقي الذي لم تلده أمي
| Quote: الناس دي كلها دايرنهم معانا في حوش الطيبة والحب .. .. |
عليك الله الدنيا شن فيها ياود أمي .. ياريت والله كل الناس تحب بعضها وتحانن بعضها وكل زول يجبر بي خاطر أخوه وربنا يديم المعروف بين الناس ياااارب
| Quote: وماتنسي سفيان نابري .. |
دي مسئوليتك يابهاء ولا مابتقدر ؟
روز ..حاترجع بإذن الله ، ثم مجهود نعومة ولا شنو يانعوم ؟!
|
Post: #25
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 09:24 PM
Parent: #19
حسن مكاوي سلامات
Quote: يا بكرى روق.. وأ سمع ليها بت عثمان
قاتليك الحبايب غابوا منى زمان
وفانوسنا القديم زى شكلو جاز كملان
برد الليل غشانا وفضيت الحيشان
الله... يا شتا..أرحم زويل بردان
جيب ليها الأهل..عارفك رهيف فنان
ويا ود القبايل راسك ملالالالان تيجان |
ود مكاوي جد إشتقنا للحبان
ناس زي الدهب جد بملوا في الميزان
كفانا شقا وغياب وتغييب مع الحردان
أخت بتجيب أخو ويانا الأهل وأخوان
منبر بكري فوق مازيو في الحيشان
جمّع شملنا وفي الغربة بقى سودان !!
ماأعدمك يارب وخليك قريب سمح؟
|
Post: #30
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-22-2008, 10:24 PM
Parent: #25
Quote: عليك الله الدنيا شن فيها ياود أمي .. ياريت والله كل الناس تحب بعضها وتحانن بعضها وكل زول يجبر بي خاطر أخوه وربنا يديم المعروف بين الناس ياااارب
|
الحب في المنبر دعوة مرفوعة مهما كانت الاحوال ولن نكل عن
الدعوة للحب والعمل علي رفع هذا الشعار .. والمناصرين هذا
الشعار كثر في هذا المنبر ولله الحمد وبهم ومعهم سيكون وجودنا
في هذا المكان المحبوب لنا .. شكرا نادية
|
Post: #40
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 08:27 AM
Parent: #30
بهاء عيسى ياشقيقي الغالي
Quote: الحب في المنبر دعوة مرفوعة مهما كانت الاحوال ولن نكل عن
الدعوة للحب والعمل علي رفع هذا الشعار .. والمناصرين هذا
الشعار كثر في هذا المنبر ولله الحمد وبهم ومعهم سيكون وجودنا
في هذا المكان المحبوب لنا .. شكرا نادية
|
ده الكلام !
شكراً وفيراً بهاء
وخليك قريب دائما ونرفع شعار المحبة لوجه رب العالمين العظيم وربي يديم المعروف بين الناس يارب ..
|
Post: #33
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmuez
Date: 12-22-2008, 10:34 PM
Parent: #1
يا سلام يا نادية
ده شغل خطر , و لا بد من عودة الرائعين جميعا .. سوف أتصل بالموصلي و اشوف الحاصل إيه
تحياتي,
|
Post: #35
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-22-2008, 11:21 PM
Parent: #33
عبد الدائم سيد أحمد ياقريبي العزيز
إنت وعدت هيثم ترجع لينا لؤي شمت لأنو ركيزة أساسية من ركائز الفرح والنغم والجمال في المنبر أها ونحنا في إنتظارك توفي بي وعدك ، وبالمرة كمان رجع لينا معاك صلاح غريبة موش من بورداب جدة شايفاهو ليهو ساعتين مافيش 
|
Post: #36
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Yasier Elsayed
Date: 12-22-2008, 11:56 PM
Parent: #35
الرائعة / بروعتة هذا البوست
نادية
مافى زول محدد فقط هذه الرائعة مع روعتك تكفى لرجوع كل ا لعصافير الحلوة
|
Post: #42
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 08:42 AM
Parent: #36
الإنسان الجميل ياسر السيد
تسلم من كل شر يارب
| Quote: مافى زول محدد فقط هذه الرائعة مع روعتك تكفى لرجوع كل ا لعصافير الحلوة |
تسلم وياريت يرجعوا كل طيور المنبر المهاجرة منو طوعا وقسراً ياريت والله !
ياسر الحاجة الهدية الإنت جايبها ماظهرت عندي إنت شايفها ؟
|
Post: #98
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Yasier Elsayed
Date: 12-24-2008, 01:24 AM
Parent: #42
الانسانة الراقية الجميلة/ نادية
ارجو ان تكون الاغنية اشتغلت معاك (( سوقنى معاك ياحمام ))
غالية والطلب جميل
|
Post: #136
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 11:04 PM
Parent: #98
ياسر الجميل
Quote: ارجو ان تكون الاغنية اشتغلت معاك (( سوقنى معاك ياحمام ))
غالية والطلب جميل |
والله للأسف ماشغالة مع انو عندي صحبتي قالت سمعاها كدي جيب الرابط طيب ممكن ؟
معليش تاعباك معاي لكن بحب الأغنية دي شديد سمح ؟
|
Post: #138
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Yasier Elsayed
Date: 12-25-2008, 01:28 AM
Parent: #136
الغالية / نادية
صباحك جميل ومافى تعب ياراقية
( سوقنى معاك ياحمام )
http://sudaniyat.net/up/uploading/hmam.mp3
|
Post: #140
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 01:41 AM
Parent: #138
الغالي ياسر
Quote: صباحك جميل ومافى تعب ياراقية
( سوقنى معاك ياحمام ) |
ياسلاااااااااام عليك ياخ
أخيرااااااا سمعتها
و
سوقني معاك ياحمام
أحبك ياوطن !
|
Post: #41
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 08:35 AM
Parent: #33
المعز العزيز
Quote: يا سلام يا نادية
ده شغل خطر , و لا بد من عودة الرائعين جميعا .. سوف أتصل بالموصلي و اشوف الحاصل إيه
تحياتي, |
موش تتصل بس عليك الله ، لكن ترجعو لينا معاك ونلاقي ليهو مداخلات في البوست ده ذاتو ويرجع ينور المنبر بوجوده الطيب سمح؟
منتظرنك وعارفة ود الخال الموصلي مابكسر بخاطرنا موش ياأبو هديل ؟
|
Post: #37
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خالد العبيد
Date: 12-23-2008, 01:11 AM
Parent: #1
سلام يا نادية
افتقد
نصار الحاج
عاصم الحزين
محمد مدني " صاحبي الكعب"
محمد صلاح " بن بن "
رجاء العباسي
|
Post: #38
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: mohmed khalail
Date: 12-23-2008, 02:43 AM
Parent: #37
ندوية سلامات
تكلمت مع استاذنا الموصلي قبل اكثر من شهر عن حال المنبر واسباب توقفه وللرجل مآخذ منطقية
اتمنى ان اراه بيننا مرة اخرى
|
Post: #46
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 09:23 AM
Parent: #38
الأستاذ محمد خليل سلامات
| Quote: تكلمت مع استاذنا الموصلي قبل اكثر من شهر عن حال المنبر واسباب توقفه وللرجل مآخذ منطقية |
أيوة أنا برضو إتكلمت مع الموسيقار الموصلي وعارفة انو أسباب توقفه قوية من شدة زعلو وحزنو على حال المنبر وبعض تصرفات سيد المنبر لكن الموصلي عمود وركيزة أساسية من ركائز المنبر ده مع جميلين آخرين ونحنا مالينا ذنب يحرمونا من وجودهم وروعة بوستاتهم وفوائدها العظيمة صاح ؟!
كدي حاول معاهو تاني وماظنيتو يكسر بخاطرك سمح ؟
|
Post: #44
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 08:55 AM
Parent: #37
خالد العبيد يازميل
كيفك ياشقيق
عاين
Quote: افتقد
نصار الحاج
عاصم الحزين
محمد مدني " صاحبي الكعب"
محمد صلاح " بن بن "
رجاء العباسي |
لو كل زول مفتقد زول إتصل بيهو وجبر خاطرو وكلمو إنو الناس بتسأل عليهو وجابو لينا هنا بيكون عمل عمل بديع جدا وده النحنا عايزنو ..!
يلا بتتصل على الشباب ديل وترجعهم لينا متين ياخ 
|
Post: #43
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: طارق ميرغني
Date: 12-23-2008, 08:45 AM
Parent: #1
Quote: لو كل عضو في المنبر تكفل بارجاع وأحد من الرائعين الحردانيين والله بترجع للمنبر عافيتو ورونقو وجمالو ..!!
|
الاستاذه ناديه لو الناس كلها تعمل بما جاء اعلاه والنفوس اتطايبت مش شودانيزاونلاين وبس، السودان كلو كان جاتو عافيتو ولك ودي.
|
Post: #45
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 09:16 AM
Parent: #43
الفنان الجميل ياسر تمتام
رجع لينا عمر إحساس بالله
ولما عمر يرجع بنخليهو يرجع لينا اسرار بابكر
وتقوم أسرار تجيب لينا نانسي عجاج تكتب وهي عضوة معانا
وتقوم نانسي تغني لينا بلداً هيلي أنا
ويقوم يجي طارق الأمين المبدع عضو المنبر وصاحب كلمات الاغنية يتكلم لينا عن النص البديع ده
بالله لو ده حصل موش بيكون منبرنا ده روعة عديل ياتمتام ياخ ؟  
|
Post: #47
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 09:36 AM
Parent: #43
إلانسان الجميل الدواخل طارق ميرغني
| Quote: الاستاذه ناديه لو الناس كلها تعمل بما جاء اعلاه والنفوس اتطايبت مش شودانيزاونلاين وبس، السودان كلو كان جاتو عافيتو ولك ودي. |
كلامك صاح والله
وتعال خلينا نبدأ من الحوش ده وهو سودانا المصغر ومنو يارب تتطايب النفوس ويعم السلام والأمن والمحبة في كل سودانا قادر ياكريم ..
أها ماقلت بترجع لينا منو من الغائبين ؟!
|
Post: #48
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 09:43 AM
Parent: #47
ياموصلي كان جيت راجع برجعوا لينا معاك ناس كتار سمحين عليك الله تعال ياخ ( وجه منتظر ومؤمل شديد ) !!
|
Post: #49
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خضر حسين خليل
Date: 12-23-2008, 10:04 AM
Parent: #1
شيخ الموسيقيين يا الموصلي
والله أنا إفتقدك للغاية هنا
حضرت في الوقت الذي تخيرت أنت فيه الغياب
المنبر دة بي بساطة بدونك والجميلين الغايبين
شئ لا يحتمل ، أرجع
(نشيل الكتف الغنا الميل)
أرجع ليعود للمكان أريحيته
عد يا موصلي يا يازول ياكيك
ــــــــــ
العزيزة نادية
أشكر لك هذه المبادرة
هي محاولة جادة لاستعادة المنبر الذي لطالما نفتقد
شكري وإحترامي اللامحدود
لك ولكل الذين يسعون من أجل منبر معافي
سلمت نادية
|
Post: #50
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 10:14 AM
Parent: #49
الإنسان السمح من جواه خضر حسين خليل
سلامات ياصديق
Quote: شيخ الموسيقيين يا الموصلي
والله أنا إفتقدك للغاية هنا
حضرت في الوقت الذي تخيرت أنت فيه الغياب
المنبر دة بي بساطة بدونك والجميلين الغايبين
شئ لا يحتمل ، أرجع
(نشيل الكتف الغنا الميل)
أرجع ليعود للمكان أريحيته
عد يا موصلي يا يازول ياكيك |
أها يايوسف معقولة بس تكسر خاطر الطيبة والروعة والكلام الحنون ده ؟
خضر
Quote: العزيزة نادية
أشكر لك هذه المبادرة
هي محاولة جادة لاستعادة المنبر الذي لطالما نفتقد
شكري وإحترامي اللامحدود
لك ولكل الذين يسعون من أجل منبر معافي
سلمت نادية |
إنت وأنا وكل المعانا في الحوش ده نجتهدعشان يرجع لينا المنبر بكل الناس السمحين الزمان واسهامات الروعة بالموجودين الآن ولكل مجتهد نصيب .. وربنا بجبر خاطرنا أكيد موش ؟
أها إنت رجع لينا نفرين تلاتة وتعال بشرني برجوعهم هنا في البوست ده منتظراك سمح؟
|
Post: #51
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خضر حسين خليل
Date: 12-23-2008, 10:21 AM
Parent: #50
نادية الجدعة
ازيك مرة تانية
عارفة يانادية أمس بس رفعت فراش البوست التحت دة
حسيت بإني قلت الكلام العايز أقولو وإتمنيت انو الناس تجي تناقش
الذين نناجيهم يانادية صدقيني لم يبتعدوا من هنا
بأخوي وأخوك ولئن عادوا لمناشدة هنا وهناك
فسيغيبون مرة أخري طالما ظل القبح واللؤم مستشرياً هنا
أثق في أن الكثيرين يحاولون بكل ما لديهم من قدرة
الحفاظ علي هذا المكان لائقاً ونظيفاً
فلنحاول يانادية أن نصحي صاحب الأمانة
ولنطالب بعودة بكري أبوبكر صاحب المنبر أولاً
والله كريم
سلمت نادية
معــاً لعودة سودانيز أونلاين !!!
|
Post: #52
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خضر حسين خليل
Date: 12-23-2008, 10:23 AM
Parent: #51
دي الخلاصة يا نادية للذين يطيقونها فدية طعام مسكين!!
من أهم الإشكالات التي لا تخطئها عين :
(1) ضعف الأداء الإداري لادارة المنبر .
(2)العلاقة بين مالك المنبر والأعضاء علاقة صفوية ولا علاقة لها بالمؤسسية
(3)المنبر لم يعد جاذباً لكثير من الأقلام والقراء علي حد سواء لماذا !!!؟
ذلك يرجع للتكتيكات الذكية التي استخدمها بعض المهمومين لتفريغ المنبر من قضاياه
التي كان يطرحها بل لتفريغ المنبر من شعاره الأساسي الذي اتخذه ليكون وطناً لمن لا وطن
له ومنبراً لمن لا منبر له .
(4)المنبر صار يغذي بشكل رئيسي لقضايا لا تخدم الوطن في شيء بل تساهم في دق الإسفين بين
أبناء الوطن الواحد ذلك بتسيد الخطاب العنصري (من الفريقين) (سلطة + معارضة) .
المقترحات :
(1)النظر أولاً في تطوير لائحة المنبر وإشراك الأعضاء والقراء في صياغتها . بإعتبارها
العاصم الوحيد في حسم ماقد يختلف حوله الناس وبإعتباره شريعتنا هنا ككتاب في هذا
الموقع .
(2)إعادة النظر في حالات الفصل التعسفية التي طالت الكثيرين من الشرفاء دون أي جرم
ارتكبوه .
(3)التفكير بشكل جدي لخلق إدارة يتم اختيارها بشكل ديمقراطي .
أخيراً :
هذا كتابنا نقدمه لإدارة المنبر والأعضاء/ت والقراء والحق مكفول لكل من لديه إضافة أو
حذف لمجمل تلخيصنا أعلاه ، ومعاً من أجل عودة سودانيز أونلاين وطناً حقيقياً لمن لاوطن له
ومنبراً غنياً وأكثر ثراءاً لمن لا منبر له .
وأقول قولي هذا وإستغفر الله العظيم
خضر
ديسمبر2008
|
Post: #54
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 11:18 AM
Parent: #52
المنبر ده كنت بقراهو قبل اسجل فيهو وأنا مندهشة
بروعة الناس الفيهو كنت ومازلت وساظل !
وبعدت وجيت وجيت وبعدت وسجلوا معانا ناس جميلين
وكل ما بنضم لينا زول بفرح بعمار الحوش المرشوش طيبة ومحنة
في المنبر ده الزول بلاقي تنوع كتابة وإختلاف بشر كل زول فيهو جمال بخص روحه براها وبس
هنا لاقيت ناس إتشرفت بوجودي معاهم شديد ، فيهم القاعدين معانا لسة الحمد لله وفيهم الإختفى ونتمنى على الله يعودوا جميعهم نساء ورجال قريبا يارب
هنا ممكن الزول يقرا قصيدة عصماء لفضيلي جماع
وتداعيات يحى فضل الله
وأهازيج د. إشراقة مصطفى
وجمال كتابة روزمين
وإبداع قصص وأشعار أبو جهينة العميقة
وأريحية بوستات السني دفع الله
وقفشات ود الصايم
ولذاذة أسابيع ود البشرى
وطعامة كتابة تمبس
ونقاء كتابة مو
وطيبة كتابة ود المسلمي
ويشوف وجه بت حيمورة الطيب من خلال طرحها
ومساندة تراجي مصطفى لقضايا تؤمن بها وتدافع عنها باستماتة
وحنية كتابة حنين للبلد
ومصادمة كتابات آمنة مختار
وروعة بوستات النغم في بوستات لؤي شمت
وجنون وهترشات ولذاذة كتابات شيري وبت قضيم
فلسفة بوستات كيكي العميقة
بنات عوض خوجلي التلاتة بجميل إبداعهم
بت الأحفاد تعالي ياخ
أغنيات شجن وجنون صوت عجيب لطارق أبو عبيدة
أسطر حسين ملاسي ذات الدلالة العميقة المعاني وخير الكلام ماقل ودل
عقلانية بوستات سعد الدين عبد الرحمن
والعظمة والأهداف السامية في بوستات عمران حسن صالح
تصويبات د. إيمان صالح المهمة والمفيدة
طرح رجاء العباسي للقضايا بشكل عميق وسلس وجميل
مشاغبات البت الحديقة دينا خالد
البوستات الوردية للزول الجيل فيصل نوبي
الطرح الهادئ والراقي لإنعام عبد الحفيظ
البوستات العلمية الهادفة د. ايمان أحمد
الروعة في حروف تماضر شيخ الدين والسهل الممتنع
اشعار عبد الله وداعة الحنونة
والحان ضياء ميرغني المموسقة
وجنون غبداع طارق الأمين
وتميز ناذر الخليفة
وبساطة محمد عادل وطيبتو
جماهيرية بقال
روعة كتابات د. شوقي بدري
طعامة ودراما وكوميديا سلمي الشيخ سلامة وهادية بدر الدين
قضايا وموضوعات عواطف محمد إدريس
أشعار هاشم محمد خلف الله
جمال روح إسماعيل محمد أحمد عباس
رقة ومصادمة كتابات نهال كرار
كتابات الأديب عثمان محمد صالح .. ياحليلو والله
سلاسة وخفة روح كتابات لنا مهدي
خفة دم وجدعنة كتابات راوية العباسي
كتابات ياسر طيفور الضاحكة
وموضوعات تيسير عووضة الشيقة
سخرية كتابات الفاتح جبرا المدهشة
مشاغبات ود شيقوق اللطيفة
وإبداع الأديب الشقليني
ورقة كتابات الأديب عصمت العالم
وناس وناس وناس كتااااااااار وكتاااااااار جدا عارفين إنهم في الخاطر حتى لو ماكتبت أسماءهم لو موجودين في المنبر بحمد الله حاليا ..أو غائبين عننا ..لكنهم لم ولن يسقطوا من الذاكرة ونرجو أن يعودوا ويظلوا هنا دوما بكثافة حضورهم الأنيق والمهم جدا في هذا الحوش الصرح العملاق ..
فهم قد أثروا المنبر بروعة كتاباتهم الجميلة والمهمة والمفيدة وخفيفة الدم وكل أنواع وأشكال الكتابة ..
|
Post: #157
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: إيمان صالح
Date: 12-25-2008, 02:10 PM
Parent: #54
تصويبات د. إيمان صالح المهمة والمفيدة
نادية كل سنة وانتي طيبة
تصويباتي ياتا؟ انا كرنقو؟
يا بت امي سويتي لي عشراقة
الموسيقار الموصلي البركة بالشوفة
وكل سنة وانت طيب ياخوي
|
Post: #158
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 02:26 PM
Parent: #157
د. إيمان صالح
سلامات وحبابك مليون
وكل سنة وإنتي ومن تحبينهم أجمعين بألف خير وسلامة
Quote: نادية كل سنة وانتي طيبة
تصويباتي ياتا؟ انا كرنقو؟
يا بت امي سويتي لي عشراقة |
تصويبات اللغة العربية المهمة والمفيدة .. ربنا يديك العافية يارب
|
Post: #56
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 11:43 AM
Parent: #52
خضر حسين
Quote: دي الخلاصة يا نادية للذين يطيقونها فدية طعام مسكين!!
من أهم الإشكالات التي لا تخطئها عين :
(1) ضعف الأداء الإداري لادارة المنبر .
(2)العلاقة بين مالك المنبر والأعضاء علاقة صفوية ولا علاقة لها بالمؤسسية
(3)المنبر لم يعد جاذباً لكثير من الأقلام والقراء علي حد سواء لماذا !!!؟
ذلك يرجع للتكتيكات الذكية التي استخدمها بعض المهمومين لتفريغ المنبر من قضاياه
التي كان يطرحها بل لتفريغ المنبر من شعاره الأساسي الذي اتخذه ليكون وطناً لمن لا وطن
له ومنبراً لمن لا منبر له .
(4)المنبر صار يغذي بشكل رئيسي لقضايا لا تخدم الوطن في شيء بل تساهم في دق الإسفين بين
أبناء الوطن الواحد ذلك بتسيد الخطاب العنصري (من الفريقين) (سلطة + معارضة) .
المقترحات :
(1)النظر أولاً في تطوير لائحة المنبر وإشراك الأعضاء والقراء في صياغتها . بإعتبارها
العاصم الوحيد في حسم ماقد يختلف حوله الناس وبإعتباره شريعتنا هنا ككتاب في هذا
الموقع .
(2)إعادة النظر في حالات الفصل التعسفية التي طالت الكثيرين من الشرفاء دون أي جرم
ارتكبوه .
(3)التفكير بشكل جدي لخلق إدارة يتم اختيارها بشكل ديمقراطي .
أخيراً :
هذا كتابنا نقدمه لإدارة المنبر والأعضاء/ت والقراء والحق مكفول لكل من لديه إضافة أو
حذف لمجمل تلخيصنا أعلاه ، ومعاً من أجل عودة سودانيز أونلاين وطناً حقيقياً لمن لاوطن له
ومنبراً غنياً وأكثر ثراءاً لمن لا منبر له .
وأقول قولي هذا وإستغفر الله العظيم
خضر
ديسمبر2008 |
الا هل بلغ خضر اللهم فأشهد !!
وبرضو خليك هنا ونحاول سوا كلنااااااا سمح؟
|
Post: #55
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 11:31 AM
Parent: #51
خضر حسين سلام تاني وعاشر ومليون
Quote: نادية الجدعة
ازيك مرة تانية
عارفة يانادية أمس بس رفعت فراش البوست التحت دة
حسيت بإني قلت الكلام العايز أقولو وإتمنيت انو الناس تجي تناقش
الذين نناجيهم يانادية صدقيني لم يبتعدوا من هنا
بأخوي وأخوك ولئن عادوا لمناشدة هنا وهناك
فسيغيبون مرة أخري طالما ظل القبح واللؤم مستشرياً هنا
أثق في أن الكثيرين يحاولون بكل ما لديهم من قدرة
الحفاظ علي هذا المكان لائقاً ونظيفاً |
كلامك عين العقل ياخضر لكن تعال عليك الله مانيأس كلو كلو سمح ؟
والله لو رجعوا تلاتة برجعوا ستة وطالما رجعوا ده ببقى لينا دليل عافية نبني عليهو ونمشي لي قدامونمسك فيهم قوي عشان مايمشوا تاني .. إنت بس حاول وحاول وماتزهج .. الزهج هو البخلينا نهجر نفوسنا وبيوتنا ناهيك عن منبر في الأسافير صاح ؟!
Quote: فلنحاول يانادية أن نصحي صاحب الأمانة
ولنطالب بعودة بكري أبوبكر صاحب المنبر أولاً
والله كريم
سلمت نادية |
ياناس كلام خضر أخوي ده صاح أفقدوا لينا بكري ياناس أمريكا والدول المجاورة عليكم الله وتعالوا ورونا خبرو شنو بالجد والله !!!!!!!
|
Post: #53
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: عماد محمود علي
Date: 12-23-2008, 10:52 AM
Parent: #50
أخي العزيز الكريم يوسف الموصلي
كل سنة وانت وحبائبك بالف خير ونعمة دائمة ..
| Quote: وحياة الدم في العروق ماببقى موية .. عارفاك حردان وزعلان قدر شنو .. لكن كدي بس تعال نتفاهم سمح ؟!! |
يا الموصلي ياخي نادية دي ما بردوا ليها طلب ... ونحن جميعاً في شوق لعودتك التي طالت ، ظنناها فترة نقاهة ولكنها طالت ... هيا عزيزي نحن في إنتظارك تسبقنا الاشواق الدفينة ....
شكراً نادية فانت حقاً رومانة هذا المنبر ......
|
Post: #57
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 11:51 AM
Parent: #53
عماد محمود على الزول أبو قلب دهب
حبابك مليون ياغالي
| Quote: ظنناها فترة نقاهة ولكنها طالت |
لا مانقاهة ولا شئ ياعمدة .. حردان عددددديل وزعل شدييد .. يلا بس خليك معاي هنا لحدي مايرجعوا كل الحردانيين سمح؟
|
Post: #59
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 12:14 PM
Parent: #57
وأحد
إتنين
تلاااااااااتة
يلا شوفوا منو الجاييكم بعد شوية سمح؟
|
Post: #61
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: عماد محمود علي
Date: 12-23-2008, 12:16 PM
Parent: #57
| Quote: يلا بس خليك معاي هنا لحدي مايرجعوا كل الحردانيين سمح؟ |
سمح يابت امي سمح .... أها هاادي قعدة بس بالله ما تطول علينا ياالموصلي المتلك مابحرد ولا بزعل لان قلبك أبيض من الحليب ....... تعال قبل ما رجليني ديل يتكلبشوا من القعاد .. سمح ؟
|
Post: #62
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 12:22 PM
Parent: #61
عماد
| Quote: سمح يابت امي سمح .... أها هاادي قعدة بس بالله ما تطول علينا ياالموصلي المتلك مابحرد ولا بزعل لان قلبك أبيض من الحليب ....... تعال قبل ما رجليني ديل يتكلبشوا من القعاد .. سمح ؟ |
عمدة في أثناء ما انت منتظر جية الموصلي دور تلفونات وأفقد لينا عمران حسن صالح بالله سمح؟
وجيبوا وتعال الزول ده غيابو طال عسى ماشر ياخ !
|
Post: #65
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 12:31 PM
Parent: #58
أبو مريم حبابك مليون
| Quote: والله أنا ما بعرف منو زعل من ياتو،،،، لكن الفنان ده غناي والأغنية جميلة... مش يرضو سبب عشان ترجعوا؟ |
إنت بس تعال وخلينا من الزعل وجيب لينا معاك صور حفلة عركي لما تتعمل باذن الله وعلى فكرة عملت لعركي خبر عن حفلتو في بلجيكا في صفحة من القاهرة سلام بأخبار اليوم شفتو ؟!
|
Post: #114
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Abu Mariam
Date: 12-24-2008, 11:51 AM
Parent: #65
تسلمي يا نادية زشكراً ليك ودي الحارينهافيك.
أنت قاعدة في القاهرة؟ أنا افتكرتك رجعت السودان وشغالة مع ناس هارموني، ده كلام يلخبط
أو شغالة من منازلهم؟
المهم لك الود أينما كنت
صادق شيخ الدين
|
Post: #60
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: ALZOLZATOO
Date: 12-23-2008, 12:15 PM
Parent: #1
انا زاتي كنت زعلااان وحردان
لكن بوستيك ده رجعني اصلوا انا خفيف كيس نايلون بس
معا" لعودة كل البورداب المفصولين والحردانين
اطالب بشدة عودة كل من
دكتورة بيان - يابكوري بالله دي بيفصلوها
لؤي شمت - برضو بطالب بي عودتو
الاستاذ الموصلي زول مامحتاج توصية واكيد ح يرجع
تمبس اظنو كاتلاهو الغيرة صاحبو حميدة عرس وهو لسع عذابي ربنا يعينك على الصيام ياتامبا لووول يكه
شكرا ندوية للمطالبة بعودة المنبر كما كان
خير رو
زاتوووو
|
Post: #66
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 12:52 PM
Parent: #60
زول زاتو يالذيذ يارااااايق
اQuote: نا زاتي كنت زعلااان وحردان
لكن بوستيك ده رجعني اصلوا انا خفيف كيس نايلون بس
معا" لعودة كل البورداب المفصولين والحردانين |
والله كان كده فلتحيا أكياس النايلون بس ماتطير من هنا تاني سمح؟
Quote: اطالب بشدة عودة كل من
دكتورة بيان - يابكوري بالله دي بيفصلوها |
سامع يابكري ياخ ؟!
| Quote: لؤي شمت - برضو بطالب بي عودتو |
يالؤي والله مفروض تجبر بخاطر الناس دي كلها وترجع ياخ سمح ؟
| Quote: الاستاذ الموصلي زول مامحتاج توصية واكيد ح يرجع |
الموصلي رجعتو ليكم بحمد الله وفضله وهو زول غالي مابكسر بخاطركم ..شفتو منور البوست كيف ؟
| Quote: تمبس اظنو كاتلاهو الغيرة صاحبو حميدة عرس وهو لسع عذابي ربنا يعينك على الصيام ياتامبا لووول يكه |
تامبا يافاكهة المنبر عليك الله ترجع ياخ وترجع لينا مو معاك وبعد داك العرس هين الكلام العافية ماتتأخر سمح؟
| Quote: شكرا ندوية للمطالبة بعودة المنبر كما كان |
شكرا ساي مابتنفع وريني حاترجع لينا منو ياخ ؟
أرتي حسبو
لكن تجي ومعاك زول غائب سمح؟
|
Post: #63
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-23-2008, 12:24 PM
Parent: #1
بنت عمتي ناديه النادية
وضيوفها العزاز الكرام
ساعود لاسباب عدة
١- علاقة الدم التي تربطني بهذا المنبر
٢- عشمي ان يفهم بكري ابوبكر اسباب هجرة الكثيرين ودي بتكون بالتلفون
٣- الترحيب بالاخوة والاخوات الجدد
-
بالاضافة الي
واجبات التعازي التي لم اعتد ان اتركها تذهب بلا مشاركة
عشمي في عودة كل الطيور المهاجرة
وفي موقع ينضح بالحب
ولكم جميعا محبتي
|
Post: #64
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-23-2008, 12:27 PM
Parent: #63
شكر خاص لكل الذين راسلوني بالايميل
او اتصلوا بي تلفونيا
ربما انها استراحة محارب
شكر خاص لمعز وناديه
|
Post: #67
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 12:59 PM
Parent: #63
يااااااااااااااااا
موصلي ياجميل
بركة بالعودة وشكراً لأنك جبرت بخاطر كل البحبوك وبحبو موسيقاك وبديع فنك يافنان وياإنسان جداً
Quote: بنت عمتي ناديه النادية
وضيوفها العزاز الكرام
ساعود لاسباب عدة
١- علاقة الدم التي تربطني بهذا المنبر
٢- عشمي ان يفهم بكري ابوبكر اسباب هجرة الكثيرين ودي بتكون بالتلفون
٣- الترحيب بالاخوة والاخوات الجدد
-
بالاضافة الي
واجبات التعازي التي لم اعتد ان اتركها تذهب بلا مشاركة
عشمي في عودة كل الطيور المهاجرة
وفي موقع ينضح بالحب
ولكم جميعا محبتي |
ده الكلام الجد !
شكرا ليك ياخ
وماتنسى هدف البوست كل زول يرجع يرجع لينا معاهو زول غائب .. حاترجع لينا منو ومنو ومنو ومنو ياود الخال الغالي ؟
|
Post: #69
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-23-2008, 01:15 PM
Parent: #67
حاضر ياناديه
انا سابذل جهدي معكم
لعوده كل الجميلين ليشكلو مع العضوية الجديدة
تناغم وهارموني جميل يشبه السودان الي في عقولنا
|
Post: #73
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 01:36 PM
Parent: #69
موصلي يازول ياسمح جدا
Quote: حاضر ياناديه
انا سابذل جهدي معكم
لعوده كل الجميلين ليشكلو مع العضوية الجديدة
تناغم وهارموني جميل يشبه السودان الي في عقولنا
|
ياخ والله أنا فرحانة بعودتك شديد جدا
ومتأكدة غنك ماحاتخلينا تاني وكمان حاتجيب لينا عشرة من المسجلين غياب ويدك معانا ياموصلي خلينا نفاخر بمنبر سودانيز الجامع لكل أهل السودان الجميلين باتجهاته الأربعة سمح ؟
|
Post: #70
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: حامد محمد حامد
Date: 12-23-2008, 01:17 PM
Parent: #67
مرحبا بعودة المبدع دوما يوسف الموصلى وفى انتظار البقية كامثال لؤى
شكرا للاخت نادية وانا حديث عهد بهذا المنبر كم انا فخور به
القوة للجميع
|
Post: #75
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 01:44 PM
Parent: #70
الاخ حامد محمد حامد الف مرحب بيك إضافة ثرة لمنبر سودانيز
| Quote: مرحبا بعودة المبدع دوما يوسف الموصلى وفى انتظار البقية كامثال لؤى |
فرحنا بعودة الموسيقار الموصلي ويارب مايمشي يخلينا تاني سمح يايوسف ؟
وياريت لؤي يكون بيقرأ كلامك ده وكلام كل الطالبوا بعودته في هذا البوست عشان يعرف حجم جماهيريتو الكبيرة عن جد ويرجع تنازلا عند رغبة قوى الشعب العاملة
Quote: شكرا للاخت نادية وانا حديث عهد بهذا المنبر كم انا فخور به
القوة للجميع |
حامد ونحنا فخورين بيك وبكل الاشقاء والشقيقات الجدد ومعا من أجل منبر جامع لكل أهل الوطن السمح السودان ..
|
Post: #68
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: تيسير عووضة
Date: 12-23-2008, 01:13 PM
Parent: #1
بوست جميل
ونبيل
زي ستو
__________
ياريت نشوف كل الأسماء الفوق دي معانا تاني ..
|
Post: #77
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 01:52 PM
Parent: #68
الحبيبة تيسير عووضة
حبابك ياراقية وجميلة
Quote: بوست جميل
ونبيل
زي ستو |
تسلمي ياستهن .. وطالما إنتي ومثيلاتك في المنبر النبل والجمال مابفوته خطوة بس إنتي خليك هنا وماتغيبي سمح؟
__________
| Quote: ياريت نشوف كل الأسماء الفوق دي معانا تاني .. |
ياريت براها مابتنفع ياتايسا ورينا حاترجعي لينا منو وياريت تبشرينا بعودة واحد من فرسان وفارسات الروعة على يدك قريب والله سمح؟
|
Post: #71
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خضر حسين خليل
Date: 12-23-2008, 01:23 PM
Parent: #1
Quote: ساعود لاسباب عدة
١- علاقة الدم التي تربطني بهذا المنبر
٢- عشمي ان يفهم بكري ابوبكر اسباب هجرة الكثيرين ودي بتكون بالتلفون |
كبير دايماً يا أستاذنا
تسلم ومرحباً بعودتك
|
Post: #72
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خضر حسين خليل
Date: 12-23-2008, 01:23 PM
Parent: #1
Quote: ساعود لاسباب عدة
١- علاقة الدم التي تربطني بهذا المنبر
٢- عشمي ان يفهم بكري ابوبكر اسباب هجرة الكثيرين ودي بتكون بالتلفون |
كبير دايماً يا أستاذنا
تسلم ومرحباً بعودتك
|
Post: #76
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-23-2008, 01:51 PM
Parent: #72
Quote: نادية الجدعة
ازيك مرة تانية
عارفة يانادية أمس بس رفعت فراش البوست التحت دة
حسيت بإني قلت الكلام العايز أقولو وإتمنيت انو الناس تجي تناقش
الذين نناجيهم يانادية صدقيني لم يبتعدوا من هنا
بأخوي وأخوك ولئن عادوا لمناشدة هنا وهناك
فسيغيبون مرة أخري طالما ظل القبح واللؤم مستشرياً هنا
أثق في أن الكثيرين يحاولون بكل ما لديهم من قدرة
الحفاظ علي هذا المكان لائقاً ونظيفاً
فلنحاول يانادية أن نصحي صاحب الأمانة
ولنطالب بعودة بكري أبوبكر صاحب المنبر أولاً
والله كريم
|
العزيز خضر :
القبح واللؤوم المستشري هنا يمكننا ان نزيله للابد لاباللوائح
ولا ببكري بل بضخ مزيد من الحب في وجه كل قبح ويمكننا ان نكون
كتلة داخل المنبر تقف ضد كل ماهو قبيح وتقف ضد اي عضو لايلتزم
بادب الحديث مع الاخر او يتعدي علي زميل ..
|
Post: #81
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 04:38 PM
Parent: #76
خضر سلامات
وهاك ورينا رأيك في كلام أخوي بهاء ده برضو سمح؟
Quote: العزيز خضر :
القبح واللؤوم المستشري هنا يمكننا ان نزيله للابد لاباللوائح
ولا ببكري بل بضخ مزيد من الحب في وجه كل قبح ويمكننا ان نكون
كتلة داخل المنبر تقف ضد كل ماهو قبيح وتقف ضد اي عضو لايلتزم
بادب الحديث مع الاخر او يتعدي علي زميل ..
|
|
Post: #87
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خضر حسين خليل
Date: 12-23-2008, 06:28 PM
Parent: #81
بهاء
اتفق معك في مجمل ما ذكرته
غير إني ارجع لأؤكد أننا بحوجة
لاستئصال القبح واللؤم
فلنعمل صادقين لاجل منبر معافي
وياريت نادية تطور فكرتها دي
وتعمل بوست جديد
بالمبادرة بتاعتها الانيقة دي
وكدة ممكن نصل
معاكم يا نادية وبهاء
وكل الانيقين هنا
|
Post: #97
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 01:18 AM
Parent: #87
خضر
Quote: فلنعمل صادقين لاجل منبر معافي
وياريت نادية تطور فكرتها دي
وتعمل بوست جديد
بالمبادرة بتاعتها الانيقة دي
وكدة ممكن نصل |
منبر معافى دي البنتمناها كلنااااا قبل نموت !!
انا بحمد الله رجعت ليكم زول جميل يلا واصلوا وربنا بكرمكم وبرضو ممكن نطور الفكرة بس انت خليك قريب سمح؟
|
Post: #78
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 02:02 PM
Parent: #72
خضر حسين ياصديق
شفت البشارة جاتنا كيف بفضل الله ثم مجهودك الكبير لعودة سودانيز أون لاين وناسها الحلوين قدام وجداد ياخ ؟!
يلا نشد ساعد على المجداف ونقول والله نحنا مع الطيور المابتعرف ليها خرطة غير سودانيز اون لاين رايك شنو ؟
|
Post: #74
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: ناذر محمد الخليفة
Date: 12-23-2008, 01:39 PM
Parent: #1
مرحب بعودة أستاذنا الموصلي ..
شكرا يا نادية ..
|
Post: #82
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 04:51 PM
Parent: #74
ناذر الخليفة العزيز
سلامات ياولدنا وعساك طيب إنت وبتنا ليمو
| Quote: مرحب بعودة أستاذنا الموصلي .. |
الف مرحب وملايين كمان بعودة الفنان الموسيقار الموصلي
لكن
اها أنا برضو عايزة أقدم ليك شكر كبير وإنت جايب لينا البشارة برجوع غائب عزيز .. حاترجع لينا منو ياناذر ؟
|
Post: #83
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 05:11 PM
Parent: #79
شكرا تاني وعاشر ياناذر وخليك قريب ومنتظرين البشارة سمح؟
|
Post: #80
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmuez
Date: 12-23-2008, 04:15 PM
Parent: #1
خطوة عزيزة يا موصلي و عقبال البقية النديين
نادية ما قصرتي تب
آي فيل قريت و الله .. و عاش الجمال , عاش ..
|
Post: #86
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 06:01 PM
Parent: #80
المعز العزيز
| Quote: خطوة عزيزة يا موصلي و عقبال البقية النديين |
الكلام ده كده ساي مابينفع ورينا إنت حاترجع لينا منو لاززززززم سمح؟
| Quote: آي فيل قريت و الله .. و عاش الجمال , عاش .. |
والله أنا ذاااتي والحمد لله لكن بتكتمل الفرحة بعودة كل الطيور المهاجرة فـ يلا في السكة نمد ومعانا الموصلي وكل الجميلين الهنا سمح؟
|
Post: #84
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: ناذر محمد الخليفة
Date: 12-23-2008, 05:28 PM
Parent: #1
!!!
| Quote: اها أنا برضو عايزة أقدم ليك شكر كبير وإنت جايب لينا البشارة برجوع غائب عزيز .. حاترجع لينا منو ياناذر |
حا أرجع ليكم رودا مردا ..!!
|
Post: #85
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 05:48 PM
Parent: #84
ناذر ود عمو الخليفة سلامات
Quote: حا أرجع ليكم رودا مردا ..!!
|
والله جادي ؟!!
ياسلام طيب ده خبر كويس الأخت رودا مردا وافقت ترجع ؟!
إتصلت بيها ووافقت ؟
ياسلام والله ياخ
أها وبترجع منو تاني لسا عندك إتنين تانيين سمح؟
|
Post: #90
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-23-2008, 07:42 PM
Parent: #85
ياااااااااااااااا
قوم المنبر لعام
البرجع لينا المدهشة تماضر شيخ الدين يكون ماقصر معانا وأهدانا أروع هدية مع إطلالة السنة الجديدة دي والله ..!
وحشتينا ياتماضر الحبيبة ووحشتنا كتاباتك الموغلة في الجمال والمغمسة بملح الجودة العالية والمبهرة بتوابل المحنة والسماحة .. عليك الله أرجعي يابت عمنا شيخ الدين سمح؟
|
Post: #88
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-23-2008, 06:49 PM
Parent: #1
الاحباب الحلوين
ناديه عثمان
معز
الشفيع
منى خوجلي
انعام حيموره
محمد البشرى الخضر
بهاء عيسى
ناهد بشير الطيب
حسن مكاوي
هشام حسن
ياسر السيد
خالد العبيد
محمد خليل
طارق ميرغني
خضر حسن خليل
عماد محمودعلي
ابو مريم
الزول ذاتو
حامد محمد حامد
بشير عووضه
ناذر الخليفة
===========================
لا املك غير أن اقول أحبكم جميعا
والى منتدى ندي فيه تصطرع الافكار لا الشخوص
فيه تتبادل المعرفة
وتقبلوا فائق احترامي
|
Post: #89
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: مامون أحمد إبراهيم
Date: 12-23-2008, 07:17 PM
الله عليك ياذا الوحه الصبوح !
مشتاقين يازول ياجميل ،،
تعال وأنثر الجمال هنا !
ألف حمد على السلامة يا موصلي .
ما يجي يوم شكرك يا نادية عثمان ،،
شكرن كثيرن .
|
Post: #91
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-23-2008, 07:47 PM
Parent: #89
سلمي الشيخ سلامة
فقد بحجم عائلي .. .. ولا رايك شنو
ياناديــــة ؟
|
Post: #122
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 07:20 PM
Parent: #91
يابهاء
سلمى الشيخ حبيبة الكل فقد مؤلم للمنبر ياريت ترجع لينا بسرعة جدا
وخليك قريب سمح؟
|
Post: #116
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 02:31 PM
Parent: #89
مامون أحمد سلامات يازول ياراقي
| Quote: ما يجي يوم شكرك يا نادية عثمان ،، |
تسلم ياغالي ومعا لعودة كل طيور المنبر المهاجرة سمح؟
|
Post: #105
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 06:31 AM
ود الخال
Quote: لا املك غير أن اقول أحبكم جميعا
والى منتدى ندي فيه تصطرع الافكار لا الشخوص
فيه تتبادل المعرفة
وتقبلوا فائق احترامي |
مانعدمك أبدا ان شاء الله ..قول آآآآآآآمين
|
Post: #106
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: عماد محمود علي
Date: 12-24-2008, 06:52 AM
Parent: #105
Quote: عمدة في أثناء ما انت منتظر جية الموصلي دور تلفونات وأفقد لينا عمران حسن صالح بالله سمح؟
وجيبوا وتعال الزول ده غيابو طال عسى ماشر ياخ ! |
الصحفية والاديبة نادية مختار ....
يسعد صباحك بكل خير ....
أجريت أمس اتصال بالرجل الراقي عمران حسن وأبلغته تحاياك وسؤالك عنه ، وهو يشكرك جزيل الشكر على تفقدك له ولاخوانك في المنبر ، وظرف العمل فقط هو الذي أبعده عنا خلال هذه الايام الفائته ووعدني بالعودة فور إنتهاء زحمة العمل بمشيئت الله .... وكذلك الاخ معتصم ( مو ) يغريك السلام وبقول ليك راجع بعد ثلاثة ايام للرياض وح يتفرغ للاحباب بعد إنشغالة بالمحبوب الاول .... وتمبس مشغول جداً ما بين العمل والرحول من العليا بعد تغيير السكن والله يعينه وسيعود إنشاء الله قريباً جداً بعد إن يتفرغ وينهي تأسيس سكنه الجديد ، ونتمنى بان يجعله الله له فاتحة خير وزيادة وبركه ...
شكراً نادية واتمنى عودة :
الاخوان الاعزاء :
عادل جبارة .
حبيب نورة .
أمير الجمري .
***********
والاخوات الفاضلات :
العزيزة ماما دومــــة .
خالـــدة البـــدوي .
د. رشا ســـــالم
الاستاذة / منال عوض خوجلي
الاخت / إنســانـــة .
د. وضـاحـــــــــــــة .
|
Post: #123
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 08:19 PM
Parent: #106
عمدة أخوي
تسلم ياغالي وماقصرت والله
وياريت ترجع لينا تلاتة من لستتك دي عليك الله سمح ؟
Quote: شكراً نادية واتمنى عودة :
الاخوان الاعزاء :
عادل جبارة .
حبيب نورة .
أمير الجمري .
***********
والاخوات الفاضلات :
العزيزة ماما دومــــة .
خالـــدة البـــدوي .
د. رشا ســـــالم
الاستاذة / منال عوض خوجلي
الاخت / إنســانـــة .
د. وضـاحـــــــــــــة |
|
Post: #92
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: محمد عبد الماجد الصايم
Date: 12-23-2008, 07:56 PM
Parent: #1
| Quote: ود الصايم الرسول فيك رجع لينا تمبس ومو وحميدة العريس ياخ .. سمح ؟! |
غايتو يا ندوية ختيتيني في حتة ضيقة خلاس
تعرفي .. مو اتهور ومشى عرّس .. وحاليا في فترة النقاهة وأكيد حيرجع!
حميدة عارفاهوا .. مكمل التهور بهناكـ .. شاف قصة مو وقام اتهور الليلة دي
أها .. الأخير دا متحير في أمر الاتنين ديل!
بالمناسبة
الليلة زواج حميدة .. ومو عريس في السودان
وبضمن ليكـ رجوع الـ 3 بتاعني ديل بعد نهاية مرحلة التهور دي
وعـــودة حميدة للأستاذ الموصلي
الله يديك العافية على نيتك الصافية
|
Post: #94
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: PLAYER
Date: 12-23-2008, 08:19 PM
Parent: #92
أصيل يا الغالي يوسف الموصلي
وأصيلة يا المحترمة نادية
تقبلا أنحنائي تقديرآ لكما
حكمة اليوم
المابعزك ما بتفقدك
والما بقدرك ما بستجيب لك
|
Post: #128
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 09:36 PM
Parent: #94
بلير الجميل جدا
حبابك مليون أخوي
Quote: حكمة اليوم
المابعزك ما بتفقدك
والما بقدرك ما بستجيب لك |
ياسلاااااام عليك يازول ياراقي
وانت والله وحشتنا بحكمك النبيلة فبالله ماتغيب سمح ؟
|
Post: #124
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 08:49 PM
Parent: #92
ود الصايم
حبااااااااااااابك
Quote: تعرفي .. مو اتهور ومشى عرّس .. وحاليا في فترة النقاهة وأكيد حيرجع!
حميدة عارفاهوا .. مكمل التهور بهناكـ .. شاف قصة مو وقام اتهور الليلة دي
أها .. الأخير دا متحير في أمر الاتنين ديل! |
ههههههه
وانت دورك شنو وممكن تتصرف لينا في حل المعضلة بتاعة الشباب ديل كيف وترجعهم لينا ياااااااخ ؟
|
Post: #93
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: الملك
Date: 12-23-2008, 08:10 PM
Parent: #1
سفيان نابرى
والفاتح وديدى
"وبالعكس"
|
Post: #135
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-24-2008, 10:56 PM
Parent: #93
ناجي الملك ؟؟
Quote: سفيان نابرى
والفاتح وديدى
"وبالعكس" |
بالغتا وديل لو مارجعتهم انت البرجعهم منو يااااااخ ؟!!
|
Post: #95
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-23-2008, 09:12 PM
Parent: #1
الاحباب
مامون احمد ابراهيم
محمد عبد الماجد الصايم
بليير
الملك
================
تنحني لكم هامتي احتراما
|
Post: #96
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: منصوري
Date: 12-23-2008, 10:06 PM
Parent: #1
والله عاد ماشاء الله..
نادية عثمان مختارإدريس رجعت لينا الموصلي الغالي
هو أولياء الله ديل لازم يكون عندهم دقون؟
ما الله( ممكن يجعل سرو في أضعف خلقو)
أيقنت أن نادية ولية..( موش ولية باللهجة السودانية..)
|
Post: #99
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Hisham Osman
Date: 12-24-2008, 01:29 AM
Parent: #96
هشام هباني
تراجي
ابوبكر ادروب
جعفر بشير
عمر علي
حامد برقو
|
Post: #139
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 01:34 AM
Parent: #99
هشام عثمان
Quote: هشام هباني
تراجي
ابوبكر ادروب
جعفر بشير
عمر علي
حامد برقو |
ياريت يرجعوا جميعهم يارب
إيدك معانا سمح؟
|
Post: #137
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 01:14 AM
Parent: #96
المنصوري يافنان جدا
Quote: والله عاد ماشاء الله..
نادية عثمان مختارإدريس رجعت لينا الموصلي الغالي
هو أولياء الله ديل لازم يكون عندهم دقون؟
ما الله( ممكن يجعل سرو في أضعف خلقو)
أيقنت أن نادية ولية..( موش ولية باللهجة السودانية..) |
شكراً جميلاً لأنك هنا وحيثما كنت أنت كان الفرح والطرب والجمال..
|
Post: #100
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 02:28 AM
Parent: #1
العزاز منصوري
وهاشم عثمان
سنحاول اعدة سودانيس الي سيرة تتحدث عنها اجمل
الكواكب
محبتي
|
Post: #101
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 02:29 AM
Parent: #100
ترقبوا سلسلة بوستاتي عن اساطين النغم في السودان
|
Post: #110
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: عبد الدائم سيد أحمد
Date: 12-24-2008, 10:21 AM
Parent: #101
بت عمى
Quote: عبد الدائم سيد أحمد ياقريبي العزيز
إنت وعدت هيثم ترجع لينا لؤي شمت لأنو ركيزة أساسية من ركائز الفرح والنغم والجمال في المنبر أها ونحنا في إنتظارك توفي بي وعدك ، وبالمرة كمان رجع لينا معاك صلاح غريبة موش من بورداب جدة شايفاهو ليهو ساعتين مافيش |
ووعد الحر دين عليـه ....
| Quote: ترقبوا سلسلة بوستاتي عن اساطين النغم في السودان |
كل سنة وانت طيب والسنة الجايه نشوفك على مسرح نادى الضباط
تحيي حفل الكريسماس ..
|
Post: #111
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 10:30 AM
Parent: #110
ابو عبده بذن الله
تحياتي للثلاثي صديقاتي
هاديه امال حياة
والجميل السقيد
|
Post: #156
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 01:32 PM
Parent: #110
عبد الدائم سيد أحمد ياإبن العم العزيز
حبابك مليون أبو عناب الحلوة
| Quote: ووعد الحر دين عليـه .... |
قدر القول أخوي ربنا يوفقك
خالص التحايا للبت الطعمة عناب ووالدتها والحجاج الأعزاء
كن بألف خير
|
Post: #142
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 01:57 AM
Parent: #101
| Quote: ترقبوا سلسلة بوستاتي عن اساطين النغم في السودان |
بس ماتنسى اتفاقنا تتنشر في الجريدة أولا ثم ننقلها هنا لتعم الفائدة باذن الله
|
Post: #141
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 01:50 AM
Parent: #100
الموصلي ود الخال
Quote: سنحاول اعدة سودانيس الي سيرة تتحدث عنها اجمل
الكواكب |
وعد ؟
عليك الله خليك هنا مهما حصل بيك المكان وبأمثالك ببقى سمح والله ..
|
Post: #102
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: عمر سعد
Date: 12-24-2008, 04:21 AM
Parent: #1
يا سلام عليك نادية
يا سلام .............
واللة المنبر دة كنت بريدو زمان قبل ما اشترك فيهو ...وبعد اشتركت فى الاول وجاتنى الكشة ابتعدت
وجيت تانى .......وندمتة ............................................................
واتمنيت البورد دة يعملو ليهو فورماتينق ليعود بورد 2004 فقط ولا عزاء للباقين بما فيهم انا
.........................................................................................
الموصلى الحبيب ليك وحشة لكن............................
عندى بوست بتاع تمتام فنان شعبى ولا حديث دايرك تبدا نضميك بيهو وسارفعة لك فى الصفحة الاولى
شكرا للحادبين على مصلحة البورد نقى ومعافى .....ووطن يسع الجميع .....
ووطن حقيقى لمن لا وطن لة .....................................
ولتشدد اللائحة .........والعدل................................وهامش حرية .
|
Post: #103
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: ديامي
Date: 12-24-2008, 05:22 AM
Parent: #102
من يرجع لنا
الخواض
ود عازة
تماضر شيخ الدين
ياسيكو
أسامة الخواض
من ؟
|
Post: #104
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: bakri abdalla
Date: 12-24-2008, 05:30 AM
Parent: #103
<a href="http://www.sudaneseonline.com/cgi-bin/sdb/2bb.cgi?seq=board&board=45" target="_blank">http://www.sudaneseonline.com/cgi-bin/sdb/2bb.cgi?seq=board&board=45
عثمان محمد صالح
محمدين محمد اسحاق
سارة عيسى
سوميتا
هاشم بدر الدين
عثمان ابو حراز
عادل عبد العاطى
|
Post: #107
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: حسن طه محمد
Date: 12-24-2008, 07:21 AM
Parent: #104
Quote: محمد السني دفع الله ياصحبي الغالي
ممكن ترجع لينا صاحب التداعيات الإنسان الجميل يحى فضل الله ؟! |
أستاذة نادية
حالا سارفع سماعة التلفون لاتصل بصديقي العزيز ود السني
وان كنت اجزم بانه قد استجاب لطلبك وفعل رغم علمي بانشغاله الكبير بموقعه " سودانوي ".
وفعلا اتصلت به ووهو وجه لك الدعوة للدخول في الموقع وسوف يخاطبك لاحقا.
مع تحياتي
|
Post: #108
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: داليا حافظ
Date: 12-24-2008, 07:46 AM
Parent: #107
ندوية ...كيفك يا حبيبة وكل سنة وانت بالف خير ..
والله المنبر مسيخ من غير "حنين للبلد " ...تعالي يا حنة .
ومفتقدة شدييييد كتابة تماضر شيخ الدين .
كذلك تبارك شيخ الدين ...وتانين وتانيات ..سبق ذكرهم .
مبادراتك دايما حلوة زيك .
|
Post: #168
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-26-2008, 01:23 AM
Parent: #108
داليا الحنونة
Quote: والله المنبر مسيخ من غير "حنين للبلد " ...تعالي يا حنة .
ومفتقدة شدييييد كتابة تماضر شيخ الدين .
كذلك تبارك شيخ الدين ...وتانين وتانيات ..سبق ذكرهم . |
ياريت براها مابتعمر منبر يلا ورينا تقدري ترجعي لينا منهم منو ؟
|
Post: #167
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-26-2008, 00:29 AM
Parent: #107
قريبي وإبن عمي الغالي حسن طه محمد
تسلم من كل شر ياغالي
Quote: أستاذة نادية
حالا سارفع سماعة التلفون لاتصل بصديقي العزيز ود السني
وان كنت اجزم بانه قد استجاب لطلبك وفعل رغم علمي بانشغاله الكبير بموقعه " سودانوي ".
وفعلا اتصلت به ووهو وجه لك الدعوة للدخول في الموقع وسوف يخاطبك لاحقا.
مع تحياتي |
ياسلام عليك يازول ياراقي وياسلام على ود السني الغالي
ياها المحرية فيكم والله
وبيكم المنبر بيكون سمح وبدعوتكم لعودة كل الجميلين زيكم ..
|
Post: #166
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-26-2008, 00:03 AM
Parent: #104
بكري عبد الله سلامات
Quote: عثمان محمد صالح
محمدين محمد اسحاق
سارة عيسى
سوميتا
هاشم بدر الدين
عثمان ابو حراز
عادل عبد العاطى |
تقدر ترجع لينا منهم منو ؟
|
Post: #160
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 02:57 PM
Parent: #103
ديامي سلامات
Quote: من يرجع لنا
الخواض
ود عازة
تماضر شيخ الدين
ياسيكو
أسامة الخواض
من ؟ |
قلنا كل زول يحاول يرجع البقدر يرجعو .. أها إنت ممكن ترجع لينا منو ؟
|
Post: #159
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-25-2008, 02:43 PM
Parent: #102
عمر سعد حبابك مليون أخوي
Quote: واللة المنبر دة كنت بريدو زمان قبل ما اشترك فيهو ...وبعد اشتركت فى الاول وجاتنى الكشة ابتعدت
وجيت تانى .......وندمتة |
كلنا بتجينا حالة الندم على العودة لما نلاقي الحال شين في المنبر لكن بنقاومها عشان لو كل زول مشى وحرد مابفضل زول ولا بكون في سودانيز أون لاين ..
خليك قريب وربنا يديم المعروف يارب
|
Post: #109
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 10:13 AM
Parent: #1
اللطاف الظراف
عمر سعد
ديامي
بكري عبد الله
حسن طه محمد
داليا حافظ
===============
يلا ادوها دفره ونحن معاكم قلبا وقالبا
لكم خالص لود
|
Post: #169
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-26-2008, 02:31 AM
Parent: #112
عمدة ياجميل
حمد لله على سلامة عمران
وجيب لينا تمبس عليك الله سمح ؟
|
Post: #113
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: محمد ابراهيم قرض
Date: 12-24-2008, 10:58 AM
Parent: #1
مرحب بعودة الموصلي وبقية الرفاق ..
لكن ..
منو البيقدر يرجع لينا الزول الرائع
جدا جدا جدا محمد قرض ؟؟؟؟!!!!!
|
Post: #115
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: خدر
Date: 12-24-2008, 12:59 PM
Parent: #113
والله يا ندو ما قصرتي تب
و الموصلي زي ما عارفاهو زول كريم
تحياتي استاذ يوسف و عودا حميدا
|
Post: #172
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-26-2008, 03:44 AM
Parent: #115
خدر
سلامات
ممكن ترجع لينا عثمان محمد صالح عليك الله ؟!
|
Post: #170
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: نادية عثمان
Date: 12-26-2008, 03:17 AM
Parent: #113
محمد قرض
Quote: منو البيقدر يرجع لينا الزول الرائع
جدا جدا جدا محمد قرض ؟؟؟؟!!!!! |
ممكن تكلم لينا حميدة يرجعو لينا سمح ؟
|
Post: #117
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 02:56 PM
Parent: #1
محمد ابراهيم قرض ترجعك احاسيسنا بيك
خدر صديقي الجميل انت بس نشكيك لي بارعه
وباذن الله تديك خمسمية مشوار للسوق يوميا
كل المحبه
|
Post: #118
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: الزوول
Date: 12-24-2008, 06:26 PM
Parent: #1
السلام عليكم
شكراً نادية ارجاع استاذنا يوسف الموصلي
وزي ما قال من سبقوني
هو واحد من أعمدة المنبر
....
تعرف استاذنا الموصلي
كثير ما يكون لدي مشروع بوست له صلة بالغناء أو الموسيقي
وأعد له ما استطيع من تسجيلات ومادة توثيقية
وفي خيالي مشاركات الأخوة ورفدهم وعونهم لي
....
عندما اتذكر غيبتك عن المنبر
وأنت الذي عودتنا
المتابعة المستمرة
والحوار المهذب
والعلم الغزير الذي لا تشوبه مسحة الغرور
عندما اتذكر غيبتكم انت وتمبس ومعتصم وعمك تنقو ...الخ
تصيبني حالة احباط .. أتخلى فيها عن ما نويته
شفت كيف؟؟
..........
وبمناسبة الغياب هذا
افتقد كثيراً اخي الباشمهندس أبوبكر سيداحمد والأخت ممكونة
...
|
Post: #119
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-24-2008, 06:36 PM
Parent: #118
يانادية .. ماتنسي الصحفي الخلوق الاخ الطاهر ساتي
| Quote: ترقبوا سلسلة بوستاتي عن اساطين النغم في السودان |
اخي الموصلي هذا الموضوع هام جدا ونحن نترقبه حتي ياتي .. ..
|
Post: #121
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 07:13 PM
Parent: #119
بهاء البهي
(قريبه ومابعيده)
ان شاء الكريم
|
Post: #120
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 07:08 PM
Parent: #118
Quote: عندما اتذكر غيبتك عن المنبر
وأنت الذي عودتنا
المتابعة المستمرة
والحوار المهذب
والعلم الغزير الذي لا تشوبه مسحة الغرور
عندما اتذكر غيبتكم انت وتمبس ومعتصم وعمك تنقو ...الخ
تصيبني حالة احباط .. أتخلى فيها عن ما نويته
شفت كيف؟؟ |
الزول السمح برغم أن الحصل لي هنا
لم يكن بالشيئ الهين
الا أنه ماكان عليَّ أن استجب لمحاولة ابعادي من هنا
وكان عليًّ الاعتراف بان الخير الموجود عميم في هذا
المنبر وأن الخيرين هم الغالبية الساحقة
أعاهدك بانك ستجدني دوما الا الشديد القوي
قول يامسهل
|
Post: #125
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Kostawi
Date: 12-24-2008, 09:03 PM
Parent: #120
|
Post: #126
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 09:07 PM
Parent: #1
ياسلام ياكوستاوي
والله الجماعه ديل دايرنهم تب
|
Post: #127
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: الطيب شيقوق
Date: 12-24-2008, 09:25 PM
Parent: #126
منصوري
Quote: نادية عثمان مختارإدريس رجعت لينا الموصلي الغالي
هو أولياء الله ديل لازم يكون عندهم دقون؟
ما الله( ممكن يجعل سرو في أضعف خلقو)
أيقنت أن نادية ولية..( موش ولية باللهجة السودانية..) |
اضم صوتي لصوتك فالاخت نادية لا تنقب الا عن الدرر واللآلي فلله درها فقد اتت بالمبدع الموصلي رغم استعصامه بالبعد عنا ردحا من الزمن
فمرحب بك اخي الاستا> الموصلي ونهنئك انت بتقديم الطبعة المنقحة للبلابل اللائي ما زادهن التواري عنا الا مزيد من البريق واللمعان
|
Post: #129
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-24-2008, 10:07 PM
Parent: #127
Quote: اضم صوتي لصوتك فالاخت نادية لا تنقب الا عن الدرر واللآلي فلله درها فقد اتت بالمبدع الموصلي رغم استعصامه بالبعد عنا ردحا من الزمن
فمرحب بك اخي الاستا> الموصلي ونهنئك انت بتقديم الطبعة المنقحة للبلابل اللائي ما زادهن التواري عنا الا مزيد من البريق واللمعان |
ويالفخرنا بكما
هنالك الكثير بيني وبين البلابل
ولن نصبر على المخفي مرة ثانية
تسلم صديقي العزيز شيقوق
|
Post: #130
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: الطيب شيقوق
Date: 12-24-2008, 10:13 PM
Parent: #129
الله يخليك يا امير
Quote: هنالك الكثير بيني وبين البلابل
ولن نصبر على المخفي مرة ثانية |
في انتظار المزيد الابداع يا استا>نا
|
Post: #132
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: عبدالله وداعه الامين
Date: 12-24-2008, 10:28 PM
Parent: #130
حبيبنا الغالي يوسف
عودا حميدا استاذنا وفنانا العظيم
المكان يزدان بمن هم في قامتك
كل سنة وانت والاسرة الكريمة بالف خير وعافية
والتحية الى الاخت الشاعرة والاستاذة ناديةعثمان
واملنا في عودة كل الطيور المهاجرة
ودي ومحبتي لكم جميعا
|
Post: #143
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-25-2008, 02:17 AM
Parent: #132
الشاعر الرهيف الجميل البكاي
ياسلاام ياخي انا في بوست بي هناك طلبت ديوان ولو ماعندك ديوان
ادينا برنده ولا راكوبه حتي
محبتي العميقة
واحترامي الاكيد
|
Post: #131
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: مزمل التريكى
Date: 12-24-2008, 10:24 PM
Parent: #1
Quote: عثمان محمد صالح
لو تذكرونه |
ده تحديدا واجعنى وجعه كبيره خلاص يا الشفيع
وكم تمنيت أن ينعم من لم يقرأ له
بما نعمنا به هنا فى ماضى الكتابات الثره
وهو ويحى فضل الله وبقية الاقلام الدافئه
ناديه وكل المرور ازيكم
كريسماس مجيد وكل عام وانتم أجمل ما تكونون
|
Post: #133
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: osama elkhawad
Date: 12-24-2008, 10:47 PM
Parent: #131
عزيزي ديامي
شكرا على سؤالك اللطيف عني
اطل من حين الى آخر وخاصة في بوست "الله في قيلولته الكونية"
اعدك ببوست عن الاستاذة فاطمة احمد ابراهيم بعد نهاية الارشفة.
مع خالص المحبة
المشاء
|
Post: #134
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: baha eassa
Date: 12-24-2008, 10:56 PM
Parent: #133
يانادية ماتنسي حبيبنا .. ..
لؤي شمت
|
Post: #145
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-25-2008, 02:20 AM
Parent: #133
اسامه
مشرف يا حلو
|
Post: #144
Title: Re: الموسيقار الجميل يوسف الموصلي .. حقك علي أنا .. ماتزعل .. وكدي تعال نتفاهم .. سمح ؟
Author: Elmosley
Date: 12-25-2008, 02:19 AM
Parent: #131
[
اهلا بيك وحباب المبدعين اللي ناديتهمQUOTE]ناديه وكل المرور ازيكم |
|