ياسر تمتام انت فنان شعبى ولا حديث؟

(******************************)

زمان كان بيكون فى الاعراس يوم الحنة فنان شعبى والدخلة بى فنان حديث؟

كان لمن نسمع فنان شعبى زى محمود على الحاج //عبد الوهاب الصادق (فرع بانت)

عبد اللة محمد // وو وو ووو ووو ووو ووووو

تتخيل الحفل ةتتخيل الفرقة كورس // رق // دنب // طبلة // بنقز//

والفرقة الموسيقية كمان//جيتار//اكورديون //جيتار//ايقاعات// اورغ// ووووووووووو

المداحين لمن يجو تعرف انو الحكاية فيها طارات // فقط

الان الحكاية جاطت جوطة شديدة على انا المستمع العادى

كلو عندو اوركيسترا

هل يستقيم انو الفنان الشعبى يغنى بى اوركسترا ونطلق عليهو فنان شعبى ؟؟؟؟؟؟؟؟؟؟؟

والفنان الحديث يغنى ايضا باوركسترا ونطلق علية فنان حديث ؟؟؟؟؟؟؟؟؟؟؟؟

والمداحين اورغ وجيتارات وبرضو نقول عليهم مداحين ؟؟؟؟؟؟؟؟؟؟؟؟؟؟؟؟؟؟؟؟؟؟

الحكاية اتلخبطت على سالت الفنان حسين شندى عند قدومة للدوحة هذا السؤال

قال لى انحنا اتطورنا !!!!!!!!؟ظهل الغناء الشعبى بالنمط القديم تخلف؟؟؟؟؟؟؟؟؟؟؟؟؟؟؟؟؟؟

افتونا يا اهل الاختصاص

ومعليش يا تمتام اذا لقيتك قدامى وشتك ضفارى طوالى عشان تانى تجى سودانيز اون لاين وما تسلم على

وجة ضاحك وجنبو وجة فيهو شوية خباثة ...............................

ما انسى كل سنة وانت طيب وكل اهل ابوروف وسوق الشجرة بخير ان شا اللة.

صديقى الجميل عمر سعد
والله مشتاقين كتير
كل عام وانت بخير

سؤالك طعمو ما حلو
لكن عشان أريحك أسال
ناس البيت و الحلة
لكن أريحك أنا بتاع
كل شى

محبتى

الاخ عمر سعد

دعني اوجه تساؤلي هذا للاخ ياسر تمتام من خلال بوستك هذا

الاخ ياسر تمتام

سلامات

انت فنان شعبي ولا حديث ولا طرفك بطبعو نعسان

أنا اول مرة لاقيتك مع اخونا مرتضى قيلي الله يطراهو بالخير

كنت تغني غناء الحقيبة على استحياء

شكلك ما كنت بتحب الاضواء, وكنت تتجنب الغناء في مناسبات الاهل والجيران

وفجأة انطلق ياسر تمتام واصبحت له تسجيلات واسم وشهرة

كيف حدث هذا؟

نتمنى ان تحدثنا عن تجربتك

كل عام وانتم طيبين
معروف -عمرسعد
حقيقى ماكنت أهفو لأكون
مطرب زايع الصوت على
قدر ما كنت أحب أحفظ و
أحافظ على هذا التراث
القيم،ومن ثم عرفنى بعض
الاصدقاء وكنت ّّانذاك بمدح
وعرفونى به،وتوالت مناسبات
الاعراس بالحى فوجدت نفسى
أغنى فى استحياء شديد،
فأمتدت الى أصدقاء من خارج
الحى بعدها أصبحت أرتاد
المنتديات الثقافية، اذ كنت
أحب الشعر والشعراء مما أكسبنى
المعرفة والتعارف فرحت أنجزب
للاضواء ولا أهاب الموقف ولكن
كانت هذه نقطة تحول0
أكتب الشعر البسيط وليس المعقد
أستفدت من فطاحلة الحى
* محمد البشير عتيق0
* خالد عبدالرحمن أبوالروس0
* فراج الطيب السراج0
---------
أما التجربة زادتنى معرفة
وعلاقات حميمة مع الكثير، ويكفى
حب الناس وهذا من فضل ربى 0
عندى الكثير لأقدمه للجمهور ولست
فى عجلة من أمرى ففى التأنى
السلامة ومنى السلام0

ولك التحية والود
الى هذه اللحظة أحافظ

الاخ معروف سند سلام ومتاسف على التاخير لظروف


اولا سؤالك بجاوبو ليك بسؤال من عندى ؟

انت رايك شنو فى انو الفنانين فى هارمونى يغنو بى البدلة وفى ساهور يمدحو بالعراقى

هل كلو القالة تمتام دى بيقصد بيها كدة لو بقت مديح نمدح لو بقت غناء نغنى

يعنى ممكن نشوف الفنانين اذا المنلوج بقى توب حا يبقو بتاعين منلوج

Quote: صديقى الجميل عمر سعد والله مشتاقين كتير كل عام وانت بخير سؤالك طعمو ما حلو لكن عشان أريحك أسال ناس البيت و الحلة لكن أريحك أنا بتاع كل شى محبتى

وانا بحب كلو

كل سنة وانت طيب يا جميل يا رايق

زنقتك انا عارف وحقك على بس واللة دة سؤال مؤرقنى جدا

وببحث عن جواب يعنى اسال منو مصعب الصاوى ما عضو معانا

لكن الموصلى جرب دة وجرب دة ممكن يفتينا لكن ابو هديل ما عارفو مالو الايام دى ما ظاهر

....................................................................................

ياأخينا
قول لداينا
ياخي لو غيرتي رايك
كلمينا
بس كمان كان نلقي كلمه
فيها انتي تشجعينا
ويبقي ياسر يشعر انو
لسه بيقود السفينه
ولسه أ(سعد) منتظرنا
ومشتهينا
انو كل الناس تقول
الراي وبالصوره الامينه
وانتو ناس البوست ده
منبع الكلمة الحنينه

Quote: ياسر تمتام انت فنان شعبى ولا حديث؟

كثيرون من الشباب الذين طرقوا أبواب الساحة الفنية الفنية أصواتهم جميلة
لكن الأستاذ ياسر تمتام ضمن قلة بسيطة منهم من أصحاب ( الأصوات البصمة )
أصحاب الأصوات البصمة هؤلاء هم من يصنعون مجد الأغنية إن هم إنتبهوا لعظمة الموهبة التي أودعها لهم الخالق الصانع العظيم . وحافظوا عليها وسعوا للكلمة الرصينة واللحن الذي يحفظ للكلمة معناها وصدق إحساسها .
لا أمل من تكرار قالة الفنان الكبير العاقب محمد حسن الذي كان عضواً للجنة إجازة الفنانين قال في ما معناه " لم نكن نجيز الصوت الجميل فقط ، فالأصوات الجميلة كثيرة . لكننا كنا نجيز ( الصوت البصمة ) الذي لا يشبه صوتاً آخر " .
لذلك كان لفناني ذلك الجيل شخصيات فنية متفردة ولا تشبه إلا نفسها.

لي تحفظ في تجربة الأستاذ تمتام في عالم المديح أرجو أن يتاح لي مجال لنقل رؤيتي له فيها .

شكراً عمر سعد
تحياتي لضيفك الأستاذ تمتام

شكرا عاطف وكل عام وانت
فى أتم عافية وحياك الله

راجى ملاحظاتك وكلى اّّزان
صاغية،سوا فى المنبر أو
فى الايميل لك التحية،،

الاخ عاطف عمر


كيفك وشكرا على المداخلة

لكن رايك شنو شايف تمتام عجبو رد ابو الريش جدا

وناس ناذر لابتين انا عارف انو الفنانين ما بيقولو رايهم فى زملائهم الفنانين

لكن القضية ليست تمتام القضية القول الفصل بين الحديث والشعبى ....


وهل ما نشهدة ردة ام تطور ....

الأخ عمر سعد ....
الأخ ياسر تمتام ..

المتداخلين الكرام

حسب فهمي المتواضع لمسألة (شعبي وحديث)، هناك خلط كبير في الموضوع. يعني إذا غنى مطرب سنة 1940 تحت مسمى "فنان حديث"، هل يظل "حديث" لحدي سنة 2008 والاّ حيكون قدم؟

ما يسمى إصطلاحاً "فن حديث" يفهمه الكثيرين على أنه ما تصاحبه آلات موسوقية (غير الآلات الإيقاعية)، والفن الشعبي هو ما يغنى بمصاحبة الآلات الإيقاعية مع مجموعة تقف خلف الفنان وتردد معه. وهذا - حسب فهمي - خطأ.

الفن الشعبي - لكل الشعوب - هو الأغاني والأهازيج التي تكون من واقع تراث هذا الشعب، غض النظر عن الآلات التي تؤديها.

بناء على الفهم أعلاه، فإن الأغاني التي يؤديها الفنان "علي ابراهيم اللحو" من أغاني حماس و(مناحة) إلى آخر الأغاني التي تحس أنها تأتي من صميم التراث الجعلي، تجعلني أقول - وبكل ثقة - أن المبدع اللحو هو فنان شعبي من الطراز الأوّل، وكل ما يردده هي أغاني شعبية.

______
سؤال مع سؤالك يا عُمر:
سمعت مرة فنان (بيلبس العمة وشايل رق، ووراهو كورس) بيغني بتتعلم من الأيام لمحمد الأمين، و"فتنت بيه" لإبراهيم الكاشف. ....... يا ربي تكون الأغاني دي إتحولت لأغاني شعبية؟

الجميل محمدأبوالريش
كل بهجةتدوم عليك مليون
سنة ،، وتطرد الآهات بعيد
خارج نطاق الازمنة،،

كل حرف خطته ايدك
كان صحيح و أضيف أيضا ان
كل المسميات هى ألة كذا
يعنى الة الرق ، الة العود
الة الطار0000000 كلهاتسمى
الآت الغناء وكلها قديمة قدم
الدهور00
أما عن فهمى لكلمة شعبى هو
( الفلكلور )نعم تعنى الرقصات
النمات،اللبس المنمق وهاكذا
هذه رؤيتى للكلمتين والله أعلم
---------
أما الفنان المقصود هو المرحوم
الاستاذ/بادى (حاج طه)له ملكة
كبيرة لكى يطرب الناس من أى سن
وأى قبيلة( بالله أسمع عندو ودمدنى)
وأدينى رأيك 000
الفنان هو الفنان المطرب
بأى وسيلة وشوف أبوداوود بالكبريتة

لك الود

الاخ العزيز استاذ ياسر

كل سنة وانت طيب

حقيقة من مداخلاتك وردودك

في بوست الترحيب بك لاحظت

مقدرتك الشعرية والرد المنمق والمموسق

فعرفت انني لست امام فنان فقط انما فنان واديب

وهي صفات قل ان تجتمع في شخص واحد ويا بخت الساحة الفنية

بجيل يعي الرسالة الفنية ويحميها بالاطلاع والثقافة

والتحية للاخ عمر على فتح البوست..




بالمناسبة يا ياسر

كان من المفترض ان يحي حفل زواجي في السنة الماضية الاستاذ ياسر تمتام

وذلك ببادرة جميلة من اخونا احمد المك ولكن شاءت الظروف ان يأخذ المهمة على

عاتقه صديقي محمد تبيدي ولكن منتظرنك في العرسة التانية

معزرة عمر استلمت منك البوست

من سوء حظى الا اكون معكم
عموما كل سنة وانت طيب
الاخ محمد لكن حكاية أغنى
ليك فى العرسة الجاية دى
ما معاك فيها الا تجيب
تصديق بالبصمة من الاولى
بعدها افكر فيه و اتأمل


عيدك سعيد00

Quote: معزرة عمر استلمت منك البوست من سوء حظى الا اكون معكم عموما كل سنة وانت طيب الاخ محمد لكن حكاية أغنى ليك فى العرسة الجاية دى ما معاك فيها الا تجيب تصديق بالبصمة من الاولى بعدها افكر فيه و اتأمل عيدك سعيد00

يا تمتام البوست دة عودى فيهو عود مرة

لو راجل رد ان ما جوك ناس اشراقة وتراجى بخيلهم ورجلهم .....

كدى ما وريتنا رايك شنو فى انو الفنان (يمدح+يغنى+(شعبى +حديث)+ كمان دخل فيها راب قالو)

ويمكن منلوجات اذا اناس محمدموسى وطارق ديل سوقهم رشح

Quote: بالمناسبة يا ياسر كان من المفترض ان يحي حفل زواجي في السنة الماضية الاستاذ ياسر تمتام وذلك ببادرة جميلة من اخونا احمد المك ولكن شاءت الظروف ان يأخذ المهمة على عاتقه صديقي محمد تبيدي ولكن منتظرنك في العرسة التانية

الاخ محمد خليل

انتو النسوان الساهلات لللعرس ديل بتلقوهم وين ؟

سؤال مع سؤالك يا عُمر:
سمعت مرة فنان (بيلبس العمة وشايل رق، ووراهو كورس) بيغني بتتعلم من الأيام لمحمد الأمين، و"فتنت بيه" لإبراهيم الكاشف. ....... يا ربي تكون الأغاني دي إتحولت لأغاني شعبية؟

الاخ ابو الريش سؤالك جميل جدا

هل المشكلة الاغنية واللبسة ولا اللوحة الكاملة للفن ان كان شعبى او حديث


طيب الكاشف كان فنان شعبى لكن حب يخرج من النمط دة وغنى الغناء الحديث

وغنى الحقيبة على الاخص بالنمط الحديث لكن لكن سمعنا ان غنت اغانى الحقيبة بى الحديث لكن لم نسمع العكس

ولا رايك شنو
السيد ابو الريش وينك يا فنان مختفى كدة

تحية لك ايها المرهف / تمتام وتحية خاصة لك ايها الفاضل / عمر سعد لفتح هذا البوست ، وحقيقة لست من اهل الفن من الناحية العلمية لمعرفة مدى الفرق فى لونية الغناء من الجوانب الشعبية والحديثة ودرجة القبول فيهما 0
ولكن اجد الاخ تمتام فنانا كاملا بأى من الطريقتين حيث يمتلك امكانيات عالية من التطريب وشد المستمع مع الاحتفاظ بصوته الحقيقى عكس مانسمعه الان من تغيير للاصوات بطريقة غريبة تفسد كل الاغنيات القديمة ، اضف الى ذلك طبيعة ياسر من ناحية الاختيار للقديم والذى يتوافق معه بالاضافة الى اختيار ماكتب حديثا وتم منحه له0
لك تحياتى تمتام واتمنى لك التوفيق فى ان تحفظ لنا القديم وتبدع فى الجديد ، وتحية لك مرة اخرى الفاضل /عمر

*
*
الأحباب كل سنة وأنتم بخير ،،،،،
كتب الرائع ياسر تمتام :

Quote: أما الفنان المقصود هو المرحوم الاستاذ/بادى (حاج طه)له ملكة كبيرة لكى يطرب الناس من أى سن وأى قبيلة( بالله أسمع عندو ودمدنى) وأدينى رأيك 000

طبعا الأستاذ ياسر يوضح أن الفنان الذي غناء (بتتعلم من الأيام) للكبير محمد الأمين هو البروف بادي بعد ذكر هذا الموضوع أعلي البوست . أخوي ياسر كلامك مظبوط حدث كل ذلك في مساجلة مماثلة لهذا الحوار و أشد بين الفنانين (الموسيقيين و أهل الحقيبة ) ذكر فيها فنانو الموسيقي أنه يمكنهم غناء الحقيبة بالموسيقي ولا داعي لغناءها بالرق والكورس بعد الآن ، بدأها الفنان عبدالكريم الكابلي بأن غني (وصف الخنتيلة) لأبوصلاح .... وردا علي ذلك إختار فطاحلة غناء الحقيبة وقتها أصعب الأغاني فغني الفنان عوض الجاك ( ضنين الوعد) لصديق مدثر و تبعه الفنان بادي بأغنية (بتتعلم من الأيام) .

ولكم ودي ،،،،،،،،،،،

الحبيب ود سعد

كل سنة وانت بألف خير .. وفى إنتظار الأخبار السعيدة!!

كنت أتمنى ومازلت أنتظر أن يجاوب ياسر تمتام الى أي الفرق المؤدية ينتمي .. حديثها أم شعبيها؟؟؟

كما أنه مازال يؤرقني سؤال منذ زمن طويل وربما نشأ معي منذ أن إستمعت للغناء وفهمت الموسيقي في أول عهدي قبل أن تصبح لي شغل شاغل وهم يهمني ..

ماهي مقومات الفنان حتي يصبح صاحب حيز في الساحة الفنية؟؟

وكيف نقيم الصوت (البصمة)؟؟

أطلت علينا القنوات الفضائية وحتي تواصل إستمراريتها وجد فنانيين الأحياء والأصدقاء فيها متسعاً ودخلوا كل بيت دون إستئذان!!

أتمنى أن تكون هذه مساحة للنقاش الجاد ولفتح كل الملفات المسكوت عنها فى الوسط الفني بكل جراءة ويكفينا مجاملة وتمجيد وتطبيل لكل من صفق له معارفه واصدقائه ليفرض علي الساحة الفنية اليباب .. كنت قد إتفقت مع الأخ شكرالله خلف الله بأن نفتح نوافذ لهذه الملفات وهي كثيرة ومعقدة وتشمل الإرث الفني وما تعارف بأنهم الفنانيين الكبار وعلاقتهم بالصغار فناً وحداثة ومآلات الوسط الفني وإجازة الأصوات وقواعد التعامل مع هذه الظواهر..عند زيارتي السابقة للسودان ولكن حالت ظروف مرض والدته شفاها الله بأن نلتقي وسأكون بعد خمسة أيام بالسودان لمدة أسبوعين أتمنى أن يسمح لي زمنى بأن أضع بعض الخطوط العريضه التي تسهم فى تصحيح كثير من المسارات..

الأخ ياسر تمتام أرجو أن لا يفهم بأنني أقصده فى شخصه وإنما تخصصي يفرض علي قواعد للسماع تفتقرها الساحة الفنية الآن إلا من قلة قليلة وبل نادرة فى كل الزخم الذي تضج به الإذاعات والفضائيات والمنابر الأسبيرية..

ولك ياصديقي ودفعتي الود كاملاً والشوق

عبدالعزيز خطاب

الاخ عزيز خطاب

منى لك تحيةمليئو مودة وامتنان
أساند كلامك بكل صدق ، ولابد ان
تكون هناك غربلة من أول وجديد
الى من يصلح ومن يأزى المسامع
أعلم علم اليقين ان هناك كمية
مأهولة من ما أسميهم بالفنانين
الفقاقيع ، وليس بيدنا شى نحن
الشباب من محو الآسار السالبة
فى زمن نام فيه الرقيب ، وظل
ساكن فى طور سكون الى متى ؟؟؟

** سبق وان قلت انا انتمى الى
فرقة التطور الحديثة مع الحفاظ
التام لكل موروث وعدم تشويهه
بالحفظ الجيد، والرواية الصحيحة
لأى تراث مع تحليتها بلزمات
موسيقية لا تخدش مضمون اللحن الاصلى
هذا فيما يخص أغانى الحقيبة والتراث
أما ما يخصنى من أغانى تجدنى استخدم
ماتوافرت الى من أحاسيس حديثة فى
استخدام كل ما يرضى السمع ولا أميل
بل لا أحبذ عمل الهرمنة الا اذا فى
موضعها، كما أحبذ اللحن الزى يظهر
التطريب الممكن عندى0

** اما القنوات الفضائية على يقين
تام، ان العنصر المادى له أثر فى
ذلك، ولا يخفى عليك ان الظروف المادية
لكثير منها لا يحتمل مصروفات فكانت
نتاج لذلك هذا الظهور الغير مرضى على
الاطلاق ، فأضم صوتى الى صوتك فى كل ما
سطرت من حروف تعنى الكثير اذا وجدت
آذان متفتحة وغيورة من دون اجفاف
أو حقد ، فهناك خامات صوت جميلة تحتاج
لأيدى وفية للأخذ بيدها00


أرجو أن أكون جاوبت
على كل سؤال وأعلم
ما دفعك للكتابة، هو
الحرص لتقويم ماكان
معوج لك التحية مجددا000000000

الاخ عبد المنعم

باللة زيدنا من هذة المساجلات اكتر واكتر


والنقطة العايز اثيرة هى الحقيبة والحديث او الشعبى والحديث الى اين

وهل اتت الحداثة لتكمل ام انها مدرسة لحالها نرجو مدنا بمزيد من المعلومات؟

الجميل عمر عثمان
ليك ألف تحيةواحترام
شكرا لكل تنويه جملت
به اطار البوست الهادف
أذيد، قبل كل هذه الاسماء
لا ننسى انو فى الاربعينيات
سجل عبدالله والماحى أغانى
بمصاحبة الاركسترا المتكاملة
فكانت أريج يضوع الى وقتنا
الحالى رفوف المكتبة الصوتية
باذاعة أمدرمان، موجودة ما
ضاعت؟؟، ولكن لا وجود لها فى
زحمة اللخمة ، مما يخول لنا
التحيز للاستاذ/عوض بابكر دايما
لانه يفرح القلوب 00

لكم الود كله00

الرشيد يتمدد شلال من الالق

لك التحية وكلنا من غير اهل الاختصاص وفقط نتسال لنعرف؟

لك الود

الرشيد شلال

ياخلى مرورك بالدنيا

انحنا شريحة المستمعين ديل اهم حلقة فى الدائرة دى .........

...................................................................................

...................................................................................

...................................................................................

Quote: الحبيب ود سعد كل سنة وانت بألف خير .. وفى إنتظار الأخبار السعيدة!! كنت أتمنى ومازلت أنتظر أن يجاوب ياسر تمتام الى أي الفرق المؤدية ينتمي .. حديثها أم شعبيها؟؟؟ كما أنه مازال يؤرقني سؤال منذ زمن طويل وربما نشأ معي منذ أن إستمعت للغناء وفهمت الموسيقي في أول عهدي قبل أن تصبح لي شغل شاغل وهم يهمني .. ماهي مقومات الفنان حتي يصبح صاحب حيز في الساحة الفنية؟؟ وكيف نقيم الصوت (البصمة)؟؟ أطلت علينا القنوات الفضائية وحتي تواصل إستمراريتها وجد فنانيين الأحياء والأصدقاء فيها متسعاً ودخلوا كل بيت دون إستئذان!! الزميل والاخ الصديق خطب لكانى كنت انتظر هكذا مداخلة لفك طلاسم كثير من الاشياء التى اختلطت على كمستمع عادى وصرت لا افرق بين ان كان الفنان الشعبى او الحقيبة يحتاج الة كم مايك لفرقتة ولا ادرى ان كان المداحين يحتاجون الى توصيلات لاجهزة ضخمة حتى يحلقو فى مدح الرسول . وهل يمكن ان اتعاقد مع (فنان) يمدح لى الصباح وقت الغداء ويغنى لى فى الحنة حقيبة بى رق ويجى تانى يوم بفرقتو يغنى اغانى عامة. أتمنى أن تكون هذه مساحة للنقاش الجاد ولفتح كل الملفات المسكوت عنها فى الوسط الفني بكل جراءة ويكفينا مجاملة وتمجيد وتطبيل لكل من صفق له معارفه واصدقائه ليفرض علي الساحة الفنية اليباب .. كنت قد إتفقت مع الأخ شكرالله خلف الله بأن نفتح نوافذ لهذه الملفات وهي كثيرة ومعقدة وتشمل الإرث الفني وما تعارف بأنهم الفنانيين الكبار وعلاقتهم بالصغار فناً وحداثة ومآلات الوسط الفني وإجازة الأصوات وقواعد التعامل مع هذه الظواهر..عند زيارتي السابقة للسودان ولكن حالت ظروف مرض والدته شفاها الله بأن نلتقي وسأكون بعد خمسة أيام بالسودان لمدة أسبوعين أتمنى أن يسمح لي زمنى بأن أضع بعض الخطوط العريضه التي تسهم فى تصحيح كثير من المسارات.. الأخ ياسر تمتام أرجو أن لا يفهم بأنني أقصده فى شخصه وإنما تخصصي يفرض علي قواعد للسماع تفتقرها الساحة الفنية الآن إلا من قلة قليلة وبل نادرة فى كل الزخم الذي تضج به الإذاعات والفضائيات والمنابر الأسبيرية.. ولك ياصديقي ودفعتي الود كاملاً والشوق عبدالعزيز خطاب

المقدر ..... عمر سعد

الموضوع والله أعلم ماشي في إتجاه غير الإتجاه الصحيح ..
وحسب معرفتي المتواضعة :

شعبي :
من قدم العمل الغنائي بمصاحبة ... (إيقاع وطبلة وكورس ورق .. ومؤخراً تم تحديث فن الغناء الشعبي بالمندلين والجيتار والباص جيتار .. وظل هو الفن الشعبي ) ...

حديث هو تقديم العمل الغنائي بمصاحبة الآلات الحديثة ( كمان وآآلات النفخ الممكنة و الجيتار والباص جيتار والأكورديون .. الخ ) وهو غناء قدم كما ذكرت بمصاحبة آلات حديثة وسمي الغناء الحديث .

وإذا تم تأدية العمل الغنائي الشعبي المؤدى أصلاًُُ بمصاحبة الآلات الشعبية السالفة الذكر إذا تم تأديته بمصاحبة الآلات الحديثة يصبح العمل الغناي حديث ..

ويا عمر .. الأخ تمتام بناء على ماذكر هو مغني يقدم أعمال غنائية شعبية أو حديثة بالقالب الحديث طالما هناك آلالات موسيقية حديثة .


والله أعلم


لكم الود والتحية

عمر سعد / ياسر تمتام..

الأخ الفاضل ياسر تمتام

لك مني تحية صادقة بعبق الود

أولاً أشكر جميل ردك وأثمن علي نبل أخلاقك..

وأسمح لي أوضح الفرق بين الفنان الشعبي والفنان الحديث .. وليس الفن الشعبي والفن الحديث

لأن الفرق بينهما كبير.. في الثاني وهو الفن الشعبي هو ما تعارف عليه بالآلآت المحلية الصنع والإبتكار وتعتمد علي صوت أو أصوات المؤديين وآلة الرق أو الشتم أو الربابة أو ماشابه من آلات مصاحبة وأصوات الكورس والصفقة وهو أشبه بما هو متعارف عليه بالفن الفلكلوري وهو يمثل منطقة معينة أو ثقافة محددة وهو ذا هوية واضحة.. وإذا تناولنا أغنية أمدرمان فهي مزيج من تلك الثقافات الوافدة لها وصاحبها تطور ملحوظ فى شكل الأداء والآلات المصاحبة منذ الأمين برهان والي إبراهيم الكاشف وهو الجسر بين الحقبتين.. أما الجزء الثاني من الشق الثاني وهو الفن الحديث فهو معروف بشكل التأليف الموسيقي والآلات المصاحبة والتوزيع الموسيقي وكل الزخم والتطور الذي يطرأ علي تنوع الآلات ومدي مهارات تكنيك العازفين.. وأنا لم أتي هنا بجديد فكل ماورد هو معروف للجميع ومدون .. ولكن!!

ماهو الفرق بين الفنان الشعبي والفنان الحديث؟؟؟؟؟؟؟؟؟؟؟؟؟؟؟

أولاً دعنا نستبعد من المقارنة فنانين فترة حقيبة الفن لأنهم غنوا حينها بما كان متاح لهم وكان جلهم صاحب صوت قوي ومميز وليس كلهم!!

أما الفرق بين الفنان الشعبي (وأتحفظ علي كلمة شعبي لأنها لها مداليل مختلفة) والفنان الحديث. يكمن في صوت المغني فهناك أصوات لم أجد لها مسمي علمي ( نعم هي من فصيلة التينور الأول أو الثاني او الباص البرتون والباص وكذلك الأصوات النسائية سبرانو أو ميزو سوبرانو أو آلطو ولا يخرج أي صوت بشري من هذه التصنيفات إلا الصوت (الأتوسترات) وهو المخنث من كل الجنسين.. ولكن ما أقصده بأنني لم أجد مسمي علمي لأن الأصوات أقرب ما ينطبق عليها ما أطلقه يوما أخي وصديقي الموسيقار إبراهيم محمد الحسن عازف الأورغ الأشهر فى ثمانيات القرن الماضي بأن الصوت ( بلدي ) أي غير محبب في المصاحبة الموسيقية للسمع والخاضعة لقواعد وأصول إستخراج الصوت والأداء والحليات الموسيقية والتطريب..الأصوات خاوية وغير عميقة ولا يعرف المؤدي كيف يتنفس وكيف يحافظ على الهواء فى بطنه وكثير من أبجديات فن إستخراج الصوت إن كان الصوت جميلاً أصلاً ..
أما الفنان الحديث فهو من يمتلك الموهبة والقدرة علي تطويع صوته ومحاكاة ومجاراة الموسيقي بالشكل المطلوب أن يكون..

عفواً هذه عجالة وأنا فى المكتب الآن وسأعود عندما أجد متسع من الوقت..

مودتى كامله لك مع تقديري

عبدالعزيز خطاب

الأخ الفاضل ياسر تمتام

لك مني تحية صادقة بعبق الود

أولاً أشكر جميل ردك وأثمن علي نبل أخلاقك..

وأسمح لي أوضح الفرق بين الفنان الشعبي والفنان الحديث .. وليس الفن الشعبي والفن الحديث

لأن الفرق بينهما كبير.. في الثاني وهو الفن الشعبي هو ما تعارف عليه بالآلآت المحلية الصنع والإبتكار وتعتمد علي صوت أو أصوات المؤديين وآلة الرق أو الشتم أو الربابة أو ماشابه من آلات مصاحبة وأصوات الكورس والصفقة وهو أشبه بما هو متعارف عليه بالفن الفلكلوري وهو يمثل منطقة معينة أو ثقافة محددة وهو ذا هوية واضحة.. وإذا تناولنا أغنية أمدرمان فهي مزيج من تلك الثقافات الوافدة لها وصاحبها تطور ملحوظ فى شكل الأداء والآلات المصاحبة منذ الأمين برهان والي إبراهيم الكاشف وهو الجسر بين الحقبتين.. أما الجزء الثاني من الشق الثاني وهو الفن الحديث فهو معروف بشكل التأليف الموسيقي والآلات المصاحبة والتوزيع الموسيقي وكل الزخم والتطور الذي يطرأ علي تنوع الآلات ومدي مهارات تكنيك العازفين.. وأنا لم أتي هنا بجديد فكل ماورد هو معروف للجميع ومدون .. ولكن!!

ماهو الفرق بين الفنان الشعبي والفنان الحديث؟؟؟؟؟؟؟؟؟؟؟؟؟؟؟

أولاً دعنا نستبعد من المقارنة فنانين فترة حقيبة الفن لأنهم غنوا حينها بما كان متاح لهم وكان جلهم صاحب صوت قوي ومميز وليس كلهم!!

أما الفرق بين الفنان الشعبي (وأتحفظ علي كلمة شعبي لأنها لها مداليل مختلفة) والفنان الحديث. يكمن في صوت المغني فهناك أصوات لم أجد لها مسمي علمي ( نعم هي من فصيلة التينور الأول أو الثاني او الباص البرتون والباص وكذلك الأصوات النسائية سبرانو أو ميزو سوبرانو أو آلطو ولا يخرج أي صوت بشري من هذه التصنيفات إلا الصوت (الأتوسترات) وهو المخنث من كل الجنسين.. ولكن ما أقصده بأنني لم أجد مسمي علمي لأن الأصوات أقرب ما ينطبق عليها ما أطلقه يوما أخي وصديقي الموسيقار إبراهيم محمد الحسن عازف الأورغ الأشهر فى ثمانيات القرن الماضي بأن الصوت ( بلدي ) أي غير محبب في المصاحبة الموسيقية للسمع والخاضعة لقواعد وأصول إستخراج الصوت والأداء والحليات الموسيقية والتطريب..الأصوات خاوية وغير عميقة ولا يعرف المؤدي كيف يتنفس وكيف يحافظ على الهواء فى بطنه وكثير من أبجديات فن إستخراج الصوت إن كان الصوت جميلاً أصلاً ..
أما الفنان الحديث فهو من يمتلك الموهبة والقدرة علي تطويع صوته ومحاكاة ومجاراة الموسيقي بالشكل المطلوب أن يكون..

عفواً هذه عجالة وأنا فى المكتب الآن وسأعود عندما أجد متسع من الوقت..

مودتى كامله لك مع تقديري

عبدالعزيز خطاب

Quote: المقدر ..... عمر سعد الموضوع والله أعلم ماشي في إتجاه غير الإتجاه الصحيح .. وحسب معرفتي المتواضعة

:


الفنان عيدابى

Quote: وما هو الاتجاة الصحيح :--ويا عمر .. الأخ تمتام بناء على ماذكر هو مغني يقدم أعمال غنائية شعبية أو حديثة بالقالب الحديث طالما هناك آلالات موسيقية حديثة .

طيب هو شعبى حديث ولا شنو ؟

الرجاء الافادة اكثر فى هذا الموضوع

Quote: الأخ الفاضل ياسر تمتام لك مني تحية صادقة بعبق الود أولاً أشكر جميل ردك وأثمن علي نبل أخلاقك.. وأسمح لي أوضح الفرق بين الفنان الشعبي والفنان الحديث .. وليس الفن الشعبي والفن الحديث لأن الفرق بينهما كبير.. في الثاني وهو الفن الشعبي هو ما تعارف عليه بالآلآت المحلية الصنع والإبتكار وتعتمد علي صوت أو أصوات المؤديين وآلة الرق أو الشتم أو الربابة أو ماشابه من آلات مصاحبة وأصوات الكورس والصفقة وهو أشبه بما هو متعارف عليه بالفن الفلكلوري وهو يمثل منطقة معينة أو ثقافة محددة وهو ذا هوية واضحة.. وإذا تناولنا أغنية أمدرمان فهي مزيج من تلك الثقافات الوافدة لها وصاحبها تطور ملحوظ فى شكل الأداء والآلات المصاحبة منذ الأمين برهان والي إبراهيم الكاشف وهو الجسر بين الحقبتين.. أما الجزء الثاني من الشق الثاني وهو الفن الحديث فهو معروف بشكل التأليف الموسيقي والآلات المصاحبة والتوزيع الموسيقي وكل الزخم والتطور الذي يطرأ علي تنوع الآلات ومدي مهارات تكنيك العازفين.. وأنا لم أتي هنا بجديد فكل ماورد هو معروف للجميع ومدون .. ولكن!! ماهو الفرق بين الفنان الشعبي والفنان الحديث؟؟؟؟؟؟؟؟؟؟؟؟؟؟؟ أولاً دعنا نستبعد من المقارنة فنانين فترة حقيبة الفن لأنهم غنوا حينها بما كان متاح لهم وكان جلهم صاحب صوت قوي ومميز وليس كلهم!! أما الفرق بين الفنان الشعبي (وأتحفظ علي كلمة شعبي لأنها لها مداليل مختلفة) والفنان الحديث. يكمن في صوت المغني فهناك أصوات لم أجد لها مسمي علمي ( نعم هي من فصيلة التينور الأول أو الثاني او الباص البرتون والباص وكذلك الأصوات النسائية سبرانو أو ميزو سوبرانو أو آلطو ولا يخرج أي صوت بشري من هذه التصنيفات إلا الصوت (الأتوسترات) وهو المخنث من كل الجنسين.. ولكن ما أقصده بأنني لم أجد مسمي علمي لأن الأصوات أقرب ما ينطبق عليها ما أطلقه يوما أخي وصديقي الموسيقار إبراهيم محمد الحسن عازف الأورغ الأشهر فى ثمانيات القرن الماضي بأن الصوت ( بلدي ) أي غير محبب في المصاحبة الموسيقية للسمع والخاضعة لقواعد وأصول إستخراج الصوت والأداء والحليات الموسيقية والتطريب..الأصوات خاوية وغير عميقة ولا يعرف المؤدي كيف يتنفس وكيف يحافظ على الهواء فى بطنه وكثير من أبجديات فن إستخراج الصوت إن كان الصوت جميلاً أصلاً .. أما الفنان الحديث فهو من يمتلك الموهبة والقدرة علي تطويع صوته ومحاكاة ومجاراة الموسيقي بالشكل المطلوب أن يكون.. عفواً هذه عجالة وأنا فى المكتب الآن وسأعود عندما أجد متسع من الوقت.. مودتى كامله لك مع تقديري

الحديث موجة للاخ ياسر تمتام الرجاء التفضل بالرد ولى تعقيب على كلام الفنان خطاب

الحبيب عمر سعد ..
وبقية الفنانين ...

إستوقفني ما سطره كل من تمتام وعيدابي ..
وكلاهما فنان لا يشق له غبار ...
بس يخيل غلي ان هذه الفكرة وهذا افصطلاح درجنا على تناوله وتداوله منذ أيام الكاشف ...وتحوله من الغناء الشعبي - بالفهم داك - إلى الحديث - بالفهم القديم داك - زاتو ...

ووجهة نظري تكمن في أن الحديث لا يظل أبداً حديثاً ..مع إستمرار وإزدياد رقعة ومظلة الغناء الشعبي

فحديث اليوم هو بالضرورة شعبي غداً ( شعبي دي ما تفهموها غلط أنا ما بتاع سياسة ) ..
فقديما سمي ذلك اللون بالحديث لمقارنته بما كان سائداً قبله وفي زمنه من آلات شعبية وبلدية ومحلية الصنع وكورس وكده ..
وبين الجيتارات والكمانات والأكورديون والبكلو والكونترباس وكمان القانون ...إلخ .

بعدها تطورت الأغنية والتقنيات الحديثة التي دخلت عليها وإتوسع الموسيقيين في إستخدام علوم الموسيقى الحديثة إبتداءً من التأليف نفسه ومروراً بالعلوم المستحدثة عندنا ( وهي قديمة عند غيرنا ) ..! من هارموني ( الذي لا يحب تمتام التوسع فيه ) وكونتر بوينت وغيره ...
حتى في التقنية والتوظيف العالي لمهارات العازفين والآلة نفسها والتعامل مع اللحن الأساسي للعمل ...
فصار مثلاً - في رأيي - حتى الأغاني التي تؤدى بالآلات الموسيقية لكن بالتقنية القديمة والتقليدية حتى في تركيب اللحن ، صارت بالمقارنه مع الأغاني التي دخلت عليها معالجات التنفيذ الموسيقي من توزيع وإستخدام للعلوم الحديثة والمهارات المتقدمة ، صارت أو ينبغي أن ينظر إليها بوصفها شعبية ...

المسألة نسبية يا أخوانا ....!
ولا ما كدي ؟؟

أخونا عثمان تحية واحترام

كلامك عين الصواب واراه مواكب
مع سير الكواكب ، نعم التطور
فى الموسيقى مستمر ، وما ننسى
تدخل الكومبيوتر فى كثير من
المعالجات من ضمنها الشعبى أو
التسجيلات القديمة ، يتدخل هنا
الكومبيوتر ونعمل تراكات بآلآت
جديدة فى شكل تراكات فتصبح نسخة
جديده مع ان المادة أصلا قديمة
فكما قلت هناك بلدان توسعت فى
علوم الموسيقى الحديثة ، فأين
نحن من كل هذا ،،؟؟
بعيدين كل البعد
هل توافقونى؟؟؟؟؟؟؟؟؟؟؟؟

Quote: المسألة نسبية يا أخوانا ....! ولا ما كدي ؟؟

الاخ الفنان دغيس

كدة يحول ملفك الى خطاب للافادة العلمية .

دى يعنى زى الجاهلية وما عرف بعدها بعصر الاسلام وسميت جاهلية الفترة قبل الاسلام ولكن هم ما كانو عارفين انهم فترة جاهلية سميت بعدهم (الموضوع ليس للمقارنة ولكن التشابهة)فى التسميات لللفترات

تعتقد انهم ما كامو عارفين الفترة انها فترة حقيبة وغناء شعبى والجو بعدهم سموهم كدة

طيب ماذا نسمى مرحلة ناس الكاشف اليوم كجيل فرفور وطة سلينمان

رفع لتعليق الاستاذ الموصلى


......................

(8)

صباح الخير ياعمر سعد ..

وعبرك التحية لي (تمتام) وبقية المتداخلين ..


للحقيقة الأزمة هي أزمة مصطلحات , ففن الغناء تم تصنيفه (أهلياً) وليس وفق منظور تخصصي
ومصطلح الفن الشعبي إبتدأ في العام 1964 , حيث أن الفنان الراحل / محمد أحمد عوض هو أول من أطلق
عليه لقب الفنان (الشعبي) ..
لأن الأغنية حينها كانت تنقسم إلى حقيبة وهي الأغنية ماقبل الكاشف ..
والحقيبة وهي ماخرج عنه الكاشف وعثمان حسين وحسن سليمان الهاوي ومن تبعهمإلى ما أصطلح عليه بالفن الحديث ..
ورغم أن (الكحلاوي) كان من جيل الكاشف وصديقه المقرب فقد لحقه اللقب بعيد إطلاقه على الراحل /
محمد أحمد عوض وهو الذي جاء بعده بسنوات طويلة ..

وحتى تسمية (الحقيبة) جاءت مؤخراً نسبة لأن الأستاذ/ صلاح أحمد محمد صالح كان قد إستخدم حقيبة ذات شكل مميز لحفظ إسطوانات غناء تلك المرحلة (إبان عمله بالإذاعة السودانية) ..

لذلك فإن كلمة فنان شعبي , ذات صلة بالتصنيفات التي كانت قد سبقتنا إلى (مصر) ..
وجاءت نسبة لتساؤل البعض :
يامحمد أحمد عوض ..إنتا البتغني فيهو شنو ده ؟
غناء بالرق والكورس ولكن اللحن شكله يختلف عن (الحقيبة)
كما أنه ليس بالغناء الحديث ..
فأطلق عليه فناً شعبياً ..
رحمه الله ..


____________________________________________

بالمناسبة إنتا يا(تمتام ) شعبي





_____________________
ولا (ليبيا) ..

Quote: 8) صباح الخير ياعمر سعد .. وعبرك التحية لي (تمتام) وبقية المتداخلين .. للحقيقة الأزمة هي أزمة مصطلحات , ففن الغناء تم تصنيفه (أهلياً) وليس وفق منظور تخصصي ومصطلح الفن الشعبي إبتدأ في العام 1964 , حيث أن الفنان الراحل / محمد أحمد عوض هو أول من أطلق عليه لقب الفنان (الشعبي) .. لأن الأغنية حينها كانت تنقسم إلى حقيبة وهي الأغنية ماقبل الكاشف .. والحقيبة وهي ماخرج عنه الكاشف وعثمان حسين وحسن سليمان الهاوي ومن تبعهمإلى ما أصطلح عليه بالفن الحديث .. ورغم أن (الكحلاوي) كان من جيل الكاشف وصديقه المقرب فقد لحقه اللقب بعيد إطلاقه على الراحل / محمد أحمد عوض وهو الذي جاء بعده بسنوات طويلة .. وحتى تسمية (الحقيبة) جاءت مؤخراً نسبة لأن الأستاذ/ صلاح أحمد محمد صالح كان قد إستخدم حقيبة ذات شكل مميز لحفظ إسطوانات غناء تلك المرحلة (إبان عمله بالإذاعة السودانية) .. لذلك فإن كلمة فنان شعبي , ذات صلة بالتصنيفات التي كانت قد سبقتنا إلى (مصر) .. وجاءت نسبة لتساؤل البعض : يامحمد أحمد عوض ..إنتا البتغني فيهو شنو ده ؟ غناء بالرق والكورس ولكن اللحن شكله يختلف عن (الحقيبة) كما أنه ليس بالغناء الحديث .. فأطلق عليه فناً شعبياً .. رحمه الله .. ____________________________________________ بالمناسبة إنتا يا(تمتام ) شعبي _____________________ ولا (ليبيا) ..

شكرا للمداخلة الدسمة
دى

احيي عمر سعد وضيوفه
خصوصا ياسر تمتام ونعتذر للحضور المتآخر
(قومه بي نمره واحد وكده)
زي ما كان بقول الراحل اميقو
=====

سمعت بي اسمك ياسر ولكن البعد عن الوطن لم يتح لي فرصة سماعك الا هنا
فاستمتعت بدعاش صوتك الاصيل
وانتعشت ثم انتعشت وبكل صدق
اها موضوع شعبي ولا ما شعبي
انا برجع ليكم تاني لانو الوقت عندنا هنا في كاليفورنيا واحده ونص صباحا
باذن الله بعد ذهابي للمكتب
واطلع المراجع بجيكم
تسلمو جميعا

Quote: اها موضوع شعبي ولا ما شعبي انا برجع ليكم تاني لانو الوقت عندنا هنا في كاليفورنيا واحده ونص صباحا باذن الله بعد ذهابي للمكتب واطلع المراجع بجيكم تسلمو جميعا

أها يا عمر ...
جالك سيد الشغلة زااااااااااتو ...!
طوريي ولقت عودها ..( الحناكيش يمتنعون )

Quote: احيي عمر سعد وضيوفه خصوصا ياسر تمتام ونعتذر للحضور المتآخر (قومه بي نمره واحد وكده) زي ما كان بقول الراحل اميقو ===== سمعت بي اسمك ياسر ولكن البعد عن الوطن لم يتح لي فرصة سماعك الا هنا فاستمتعت بدعاش صوتك الاصيل وانتعشت ثم انتعشت وبكل صدق اها موضوع شعبي ولا ما شعبي انا برجع ليكم تاني لانو الوقت عندنا هنا في كاليفورنيا واحده ونص صباحا باذن الله بعد ذهابي للمكتب واطلع المراجع بجيكم تسلمو جميعا

زى ما قال دقيس سيد القهوة جا ...........منو البرجة

وينك يا تمتام ...........................

Quote: أها يا عمر ... جالك سيد الشغلة زااااااااااتو ...! طوريي ولقت عودها ..( الحناكيش يمتنعون )

لا يا اخي الحبيب دغيس الشغله ماعندها سيد
فهنالك متغيرات كثيرة تحدث حتى في مفاهيم اللغة التي نتحدث بها وتلك التي نكتبها
الحقيقة وجدت في ارائكم جميعا اشياء مفيدة
وتمتام طبعا بيتحدث من موقع عمله كفنان متداخل مع نوعية التسجيل متعدد التراكات والتقنية الحديثة التي دخل فيها الكومبيوتر بكل عنفوانه
أها هسع انا بقراكم براحه والملم المعلومات لكن ببدا بي مقدمة بسيطة

ما الفرق بين
الاغنية الشعبية الفلكلورية؟
والاغنية الشعبية الشائعة؟
والاغنية الفنية؟
هذا من المنظور العالمي
ثم نناقش التصنيف من المنظور الفني السوداني
المتداول في الاندية الفنية السودانية والصحف والمجلات
حيث أن المفاهيم تبدلت حديثا ايضا بفعل تلهف من كان يطلق عليهم بفنانين شعبين
لاستخدام الاوركسترا كوسيلة تعبيرية
=================================================
وفق ماجاء في بحثي المضني للماجستير الذي قدمته في كونسرفتوار القاهرة بعنوان
(تصنيف المقامات الموسيقية في شرق وغرب السودان)
"باعتبارها مادة خام للتأليف)والذي اشرفت عليه الراحلة د سمحه الخولي مسؤولة قروفز ديكشنري العالمية تخصص العالم الثالث مع بروفيسور عواطف عبد الكريم رئيس قسم التأليف بكلية التربية الموسيقية جامعة حلوان ود ليلى الصياد رئيس قسم التأليف بكنسرفتوار القاهرة حينها
بالاضافة الى مارجريت توت الباحثة المجرية تلميذة اعظم من جمع الفلكور وعالجه (بارتوك بيلا)
جاءت التعريفات كالاتي
ونواصل

اختلفت الاراء كثير حول التسمية التي يمكن أ تُطلق على الاغنية المتداولة في المجتمعات الريفية وشبه الريفية والبدائية, فهل يطلق عليها الاسم المتعارف عليه (الأغنية الفولكلورية)؟ أم يطلق عليه اسم الاغنية الشعبية. كما يرى كثير من الكتاب والباحثين الذين يتحدثون العربية ويكتبونهاوكثيرا مانجد أن الاسم لا يغيير كثرا من معنى المُسمى والعكس صحيح وهذا لا ينفي وجود اختلافات دقيقة.
ونواصل

فعلى سبيل المثال يقول اسعد محمد علي في كتابه اصول الموسيقى الفولكلورية
1- الأغنية الفولكلورية والتي تسمى الأغنية الفولكلورية الحقيقية
Real Folk Song
هي الاغنية التي تنشاأ في المناطق الريفية الرعوية
والزراعية وهذا النمط من الغناء يتواجد بين الناس ويعيش طويلا
وهذه الاغنيات تتحدث عن المجتمعات في كثير من جوانبها الحياتية
أما لاأغنية الشعبية الشائعة فتتواجد
بالمدن عادة وهي معلوم مؤلفها ومصيبة هذا
النوع ان لم يواظب الاعلام في بثها فانها ربما تنسى
أو تتعرض لتغيير نتيجة انتقالها بين الناس شفاهةشانها شان النوع الاول.
وربما ناتي ببعض الامثلة لاحقا
ونواصل

sic 202--Choral Music
Musical Terms for April 29-May 1, 1998
Missa Luba
Duke Ellington, Sacred Concert No.1 (1965)

Folk Music--In popular usage, this term refers to music of oral traditions, often in relatively simple style, primarily of rural provenance, normally lacking an identifiable composer and performed by non-professionals, used and understood by broad segments of a population and especially by the lower socioeconomic classes, characteristic of a nation, society, or ethnic group, and claimed by one of these as its own. Since this is a romanticized picture that has often been imbued with political significance, the term "folk music" is avoided by specialists in ethnomusicology,the study of musical cultures.

Traditional Music--A term used by ethnomusicologists in preference to "folk music," this refers to types of music that are handed down within a particular culture, by a variety of means that may include oral transmission, written notation, study with professional teachers, or improvisation within culturally-defined parameters. Traditional music may have a place in society that makes it more like the Western conception of "classical" music than like "folk" music, but it does tend to be associated with rural societies or conservative areas of society.

Popular music-- Music accessible to a wide audience, distributed through the mass media as a commercial product. It tends to be associated with urban rather than rural cultures, and is performed by professional musicians.

Spiritual--A religious song used in English-speaking "free churches," especially in the United States, close to the style of popular music in the eighteenth and early nineteenth centuries. Related types were cultivated by both whites and blacks throughout the 19th century and into the 20th.

Gospel Music--The successor to spirituals, consisting of religious songs close to the style of late-nineteenth-century popular music. As with the spiritual, there are both white and black varieties.

Call and Response--Alternation between two performers or groups of performers, especially between a solo singer and a group of singers. Black American work songs and gospel music make use of this device, which may have derived from "free church" preaching style. American popular music adapts it, for example, in interplay between a blues or rock singer and a guitar, two sections of a jazz ensemble, and a soul singer and audience.

تصبيره كدي لمن اجي

كراعنا حاره

Quote: كراعنا حاره

كراعك حارة شنو يا دكتور ..!
نحن بس متابعين وفاغرين أفواهنا ...!
وتقول لي ماك سيد الشيئ ..!
نحيي فيك تواضع العلماء ..
متابعين ...

واصل الله يديك العافية ..

صدقني يادغيس
بعد سماعي لياسر بتمعن
تذكرت ايام السودان وبانت لي صورته الامدرمانية آو قل الخرطومية المثلثة
عندما كانت موسيقي ورقص الباليه في صالة غردون يقفان
علي نفس ناصية آحمد المصطفي وكرومه
كل الحب لكم جميعا
وبنرجع للمسميات تاني

Quote: Music Musical Terms for April 29-May 1, 1998 Missa Luba Duke Ellington, Sacred Concert No.1 (1965) Folk Music--In popular usage, this term refers to music of oral traditions, often in relatively simple style, primarily of rural provenance, normally lacking an identifiable composer and performed by non-professionals, used and understood by broad segments of a population and especially by the lower socioeconomic classes, characteristic of a nation, society, or ethnic group, and claimed by one of these as its own. Since this is a romanticized picture that has often been imbued with political significance, the term "folk music" is avoided by specialists in ethnomusicology,the study of musical cultures. Traditional Music--A term used by ethnomusicologists in preference to "folk music," this refers to types of music that are handed down within a particular culture, by a variety of means that may include oral transmission, written notation, study with professional teachers, or improvisation within culturally-defined parameters. Traditional music may have a place in society that makes it more like the Western conception of "classical" music than like "folk" music, but it does tend to be associated with rural societies or conservative areas of society. Popular music-- Music accessible to a wide audience, distributed through the mass media as a commercial product. It tends to be associated with urban rather than rural cultures, and is performed by professional musicians. Spiritual--A religious song used in English-speaking "free churches," especially in the United States, close to the style of popular music in the eighteenth and early nineteenth centuries. Related types were cultivated by both whites and blacks throughout the 19th century and into the 20th. Gospel Music--The successor to spirituals, consisting of religious songs close to the style of late-nineteenth-century popular music. As with the spiritual, there are both white and black varieties. Call and Response--Alternation between two performers or groups of performers, especially between a solo singer and a group of singers. Black American work songs and gospel music make use of this device, which may have derived from "free church" preaching style. American popular music adapts it, for example, in interplay between a blues or rock singer and a guitar, two sections of a jazz ensemble, and a soul singer and audience. تصبيره كدي لمن اجي

اذا فهم من هذا ان الاغنية الغربية تم اقتباسها من الكنيسة فى الاول بعد داك اتدرجت

هل ممكن المديح ببقى ركيزة الغنا العربى ........................................

ولا طبيعة المنطقة وقدم اغانى الحبش الللى السودان كان اصلا جزء اصيل من هذة المنطقة هو اللى ادى

تطور الاغنية فىى السودان وتدرجها الى الجديد المسى اغنية الراب

زمان الجماعه قسموا الموضوع
حقيبه وشعبي
وحديث
لكن باقيلكم في زول اسمو كرومه ده غني لينا
دمعة الشوق بمساعدة البيانو والكورس بي لحن هسع لو اديتو ليب اشانتي تقبض بيهو العالم
طيب بلاش ده
الخليل في عزتو
قالت عنه وعن الاغنية البروفيسور سمحه الخولي
امن هذه الاعمال اقرب ال العلمية
من اغنياتنا (تقصد الاغنيات المصرية)
من حيث القالب اللحني
ونواصل

بسم الحب
1/ ياسر تمتام



2/عاصم البنا وأمال النور

شكرا د بله علي الفيديو
وهذا ماكان ينقصنا
فقد اتاح لي المزيد النفاج علي هذا الفنان الجميل
وبعدين بنواصل التحليل

طيب حسب تصنيفات الاذاعة
فقد كان علي سبيل المثال
ميرغني المامون واحمد حسن جمعه واولاد الموردة


يندرجون تحت اسم فنان حقيبة بحكم آن الغالب الاعم لاغنياتهم كان من انتاج سرور وكرومه ومجايليهم
وكان عوض الكريم عبد الله وعبد الله محمد كانا يعتبران فنانين شعبيين
مع انهم بغنو نفس الاغنيات وبنفس الادوات وبنفس الملابس والكورس مرات في التلفزيون بكون واحد
محمد آحمد عوض كانوا بيقولو عليهو فنان شعبي برغم ان الحانه كانت آحدث من بعض الحان بعض المحدثين بس هو
بغنيها بالرق وهم بغنوا الحانهم بالعود مثلا استمعوا الي آغنيته (ايامي آنا ياباهي السنه)
هسع دي ما ريقي عديل من حيث القالب اللحني يعني قبل بوب مارلي ذاتو

طيب يخيل لي التفريق غاية في الصعوبة
الا اذا نظرنا الي المعالجات اللحنية من حيث القالب والتنفيذ الموسيقي
واسلوب التغني نفسه
وبجكم راجع

يا ودسعد ما تقول انا فرزعت
من الموضوع ابدا والله متابع
بى شغف شديد لأستاذنا الجميل
الموصلى وعنده تقف الاقلام جنبا
سلاح (انتباه) لكى نستفيد جميعا

تحية ود وتقدير لأستاذى
على كل حرف كتبه فى حقى مما
يجعلنى أكثرغيره وحزر فيما نقدم
له منى الامنيات الصادقة

مع كل الحب والتقدير

Quote: يا ودسعد ما تقول انا فرزعت من الموضوع ابدا والله متابع بى شغف شديد لأستاذنا الجميل الموصلى وعنده تقف الاقلام جنبا سلاح (انتباه) لكى نستفيد جميعا تحية ود وتقدير لأستاذى على كل حرف كتبه فى حقى مما يجعلنى أكثرغيره وحزر فيما نقدم له منى الامنيات الصادقة

ياسر
لاتعرف كم سعيد انا بوجودك وشباب مثل ابا ذر وعمر كمال
وغيركم من الاجيال التي فاتنا ان نآخذ وندي معهم
هل تعتقد انه يمكن لي ان افوت هذه الفرصه
انا حاسدكم حسدا نقيا علي التحامكم بجمهور ارضنا الطيبة
،متمني ان اكون هناك قريبا لنرسي قاعدة المحبة بين الاجيال
حتي تآتي الاجيال القادمة لتبدع في بيئة فنية نظيفه
خالية من بعض التعقيدات الماضية
كل الحب وبجيكم
عمر سعد والله ما سآلته لا يقدر بثمن

عمر وياسر وضيوفهم
معليش اخوكم الان متوك بي انفلونزا حاده
اها رفعنا ليكم البوست
وابقوا عليهو عشره
الموضوع غايه في الاهمية

امانه ما اتلومت ياعمر يا صديقي العزيز

متابعين يا أستاذنا .. ومنتظرين

"فشيتني" كتير .. لأنو الكلام قريب شديد من قناعتي الشخصية .. والفهم غير السليم لهذه التصنيفات.

____
لا بأس عليك (نرسل ليك قرض)؟

تسلم يا محمد
محتاج للقرض والله ودي
مشكلة البعد عن السودان
بجيكم راجع والموضوع مشوق وكبير وخلافي
كل الحب

Quote: زمان كان بيكون فى الاعراس يوم الحنة فنان شعبى والدخلة بى فنان حديث؟ كان لمن نسمع فنان شعبى زى محمود على الحاج //عبد الوهاب الصادق (فرع بانت) عبد اللة محمد // وو وو ووو ووو ووو ووووو تتخيل الحفل ةتتخيل الفرقة كورس // رق // دنب // طبلة // بنقز// والفرقة الموسيقية كمان//جيتار//اكورديون //جيتار//ايقاعات// اورغ// ووووووووووو المداحين لمن يجو تعرف انو الحكاية فيها طارات // فقط الان الحكاية جاطت جوطة شديدة على انا المستمع العادى كلو عندو اوركيسترا

الحبيب عمر سعد
لا الومك علي هذه الثورة وفقا للتصنيف الامدرماني الوسطي لماهية
ولنوعية الفنان
فانا مثلا بين سنة ٧١ و٧٣ كنت اصنف نفسي فنانا شعبيا
وفق نوعية الالات التي كنت استخدمهاوكنت علي وشك التخرج من الثانوي العالي
بنقز طبله ودمبا وكورس
وكانت اول فرقه لي اسمها بلابل الغربي تزامنت مع ظهور البلابل حينها
وعندما رحلت الي الصحافة تغير افراد الفرقة وتغير اسمها
لتصبح يوسف ود الصحافة
(آو يوسف جبرا) احيانا
كانت معظم الحاني من كلماتي
ولم يكن لها علاقة من حيث القالب بالاسلوب الذي نطلق عليه
الشعبي سوي الكورس والايقاعات
نسبة لعجزي عن التعامل مع فرقة موسيقية حديثة حينها
وكنت وفرقتي نلبس المناطلين
واللبسة الافريقية
اعترف انني كنت متاثرا من حيث التغني الصوتي
بعوض الكريم وبادي وغيرهم من النجوم حينها
ولكن من حيث الالحان كنت متآثراآكثر بمحمد آحمد عوض
وكنت استمع اكثر للاغاني الحديثة
بل ان اغنيتي المفضلة قد كانت الاحدث حينها
وهي ابو عيون كحيله جميل الصفات من الحان البديع عبد الرحمن الريح
تلميذ الحقيبة وابو الحداثة
وغناها ابراهيم عوض الفنان الذري والذي فجر الحداثة ينبوعا في كل المناحي
وبنجيكم

انه ولشدة الخلط الذي حدث في تسمية الاغنية الشعبية التي اعتمد الباحثون قديما
تعريفها بانها
(الاغنية مجهولة المؤلف وتنتقل بين الناس سماعا وتتغير من شخص الي اخر وفق ذلك السماع)
فقد وجد علماء علم (اجناس الموسيقي)
ِEthnomusicology
ان هذه التسمية لم تعد تكفي لشرح الاغنية التقليدية الشعبية
Traditional
بعد ان اصبح اسم
Pop / Popular music
اصبح يطلق علي الاغنية الشعبية الشائعة
وبرغم حسب معرفي بان ياسر تمتام فنان مشهور الان بالسودان
واغنياته شائعة الا آن صديقي عمر سعد ليس
مخطئا
فيما قال وفق المصطلح من منظور الفهم السوداني في وسطنا الفني
خصوصا فان لون الصوت لتمتام هو اكثر ميلا للون المديح الذي هو آصل ماسميناه بغنا الحقيبة آو حتي الغنا
الشعبي السوداني ابو جلابيه
فهو البحيرة التي نبع منها فن الوسط
الي ان تم تطعيمه بثقافة تاليف الغنية المصرية
ونواصل

بعد استلام (جهينة) لدفة الحديث في البوست، وزي ما قال تمتام كل الأقلام إصطفّت جانباً، أود السؤال عن ما قلت أعلاه، هل هو فهم صحيح من جانبي، أم عليّ تغييره. فقد ذكرت التالي:

Quote: الفن الشعبي - لكل الشعوب - هو الأغاني والأهازيج التي تكون من واقع تراث هذا الشعب، غض النظر عن الآلات التي تؤديها. بناء على الفهم أعلاه، فإن الأغاني التي يؤديها الفنان "علي ابراهيم اللحو" من أغاني حماس و(مناحة) إلى آخر الأغاني التي تحس أنها تأتي من صميم التراث الجعلي، تجعلني أقول - وبكل ثقة - أن المبدع اللحو هو فنان شعبي من الطراز الأوّل، وكل ما يردده هي أغاني شعبية.

أستاذنا د. الموصلي تناول الموضوع ليشمل كل الجوانب، بينما نحن (ناس قريعتي راحت) وضعنا الإجابة المباشرة حسب ما نرى، ويهمنا أن نعرف هل رأينا صواباً أم نعيد النظر فيه.

واصل يا حبيبنا

في الطريق للمواصلة

قبل البداية فان اجمل الاصوات التي سمعتها هي اصوات المداحين
انا شخصيا كنت بدك المدرسه وامشي في ميدان الامم المتحدة والسوق العربي وسوق الخدار
اسمع في المداحين طول اليوم
المديح ليس عيبا فاجمل الاغنيات في اميركا هي الاغنيات الدينية
ولي عودة

السلام عليكم جميعا ,

و مرحب بتمتام عضوا بهذا المنبر "دي برضو قومة بي رقم 1" لأنها أتت متأخرة لكن قالوا خيرا من ألا تأتي أبدا !..
تابعت النقاش الدائر هنا و كل النقاط المطروقة و استمعت للفيديوهين "تمتام و البنا و آمال النور" أعلاهما و حالما كونت فكرة
محاولا الإجابة على السؤال الهام الكامن في مادة هذا البوست فإذا بي أجد أن الموصلي قد وضع النقاط على الحروف بقوله:
(خصوصا فان لون الصوت لتمتام هو اكثر ميلا للون المديح الذي هو آصل ماسميناه بغنا الحقيبة آو حتي الغنا
الشعبي السوداني ابو جلابيه ,)

أنا أعتقد أن هذه هي النقطة الأهم ((اليوم)) لتحديد "طابع آداء" المغني المعني و أن مسألة كنه الخامة الصوتية , لونها , طبيعتها,
مخلها , محتواها , طابعها إلخ.. هي اللتي تطرق التساؤل داخل نفس المستمع , ربما كل المستمعين تقريبا , لكن قليلون هم الذين
يبادرون بطرح السؤال الذي طرحه عمر سعد هنا .. أنا شخصيا أشعر نفس الشعور و الرغبة في التساؤل حينما أكون في وضع
إستماع لفنانين كثر منهم على سبيل المثال: اللحو , ح. شندي , الفرجوني , عاصم البنا , و حتى الفتيات مثل سمية حسن , ندى
القلعة و مؤخرا حرم النور و آخرين و ..

أعتقد أن موضوع الآلات الموسيقية المستخدمة هو "عامل تقليدي قديم" من ضمن بعض العوامل اللتي تتشكل و تصنع رد الفعل المتعلق
بإحساس المتلقي و طبيعة تلقيه للمادة الغنائية .. الآلات هي عامل لم و لن يفقد أهميته في التصنيف و لن تستطيع أن تصنع من
الصوت ذي الطابع المدائحي/الحقيبي/الشعبي صوتا ذو طابع حداثي و العكس ! .. إليكم هذا النموذج إلي مما ذكرت إلي حين عودة:

أهم ماقيل عن تعريف الموسيقى الحديثةهو تلك الدرجة من تلك التجربة التذوقية لاولئك الذين يسمعون. وهذا يعني ان كل شخص لديه مفهو عن اي الفنانين واين الانواع الفنية تعتبر (حديثة) في نظرة السامع او الناقد لان نقد كل انواع الفنون هو مجرد راي ليس الا. والتعريف المجرد لماهو حديث او حداثة في القاموس هو أي شيئ متداول في وقتنا (الحاضر) ولكن عندما يكون التعريف في مقال عن الموسيقى فان الحداثة هنا تختلف عن الجدة لانه الحداثة هنا تعني تغييرات واستعارات وتجديدات مختلفة عما هو تقليدي.
===============================================================
يمكنني في هذا الامر
أن اقول بالنسبة للموسيقى الكلاسيكية وكلمة كلاسيكية هنا تشمل كل انواع الموسيقى الجادة والخاصة
مثل موسيقى عصر الباروك والكلاسيكية والرومانتيكية والكلاسيكية الحديثة ثم الموسيقى الحديثة وغيرها مما يندرج تحت كلاسيكي
فان كل نوع من هذه الانواع قام على تغيير كبير في النوع الذي سبقه مع الاحتفاظ بشيئ من العلاقة
ولي عودة

دخلت بشرقانية الغنا السمح وارهفت سمع القلب اللى بيحن

صوت جميل يدفىء غربتك الجواك والبراك

خاصة الاغنية دى- لمن تقفل معاى بشغلها فهى بمثابة حبة لاسكات نواح الحنين






======

كيفنك ياعمر ومشتاقين

الاخت الفاضلةاشراقة
أدخل خلسة دون اذن من عمر
عجبتنى عباراتك شديد،،،
واحسها بطعم الغربة التى شربت
منها سابقاعندما يخيم الصمت
فى الحواشى والاطراف فكنت اتذكر
أمدرمان فأغنى لأبوصلاح 00

صادفتنى 000 وذوّّّّْْدت نارى ضرام
أم لهيجا أحلى من صافى النحل00
فارقتنى و فارقت عينى المنام
قلبى من بين الضلوع فر و رحل00

ورنبا يقدرنا على اسعادكم
ودمتى00

Quote: قبل البداية فان اجمل الاصوات التي سمعتها هي اصوات المداحين انا شخصيا كنت بدك المدرسه وامشي في ميدان الامم المتحدة والسوق العربي وسوق الخدار اسمع في المداحين طول اليوم المديح ليس عيبا فاجمل الاغنيات في اميركا هي الاغنيات الدينية ولي عودة

حبيبنا واستاذنا العزيز يوسف

ينصر دينك ياخ

مش الاصوات وبس وكمان اللغة الشعرية وتناغم الكلمات وسحر القافية

والله انا ادين كثير جدا لي شيخنا الجليل عبدالرحيم البرعي بتعليمي سر الشعر

وسر ادراك تناغم الاحرف والكلمات والتلاعب في القافية

سر المديح غريب جدا وعجيب

يديك العافية حبيبنا

Quote: حبيبنا واستاذنا العزيز يوسف ينصر دينك ياخ مش الاصوات وبس وكمان اللغة الشعرية وتناغم الكلمات وسحر القافية والله انا ادين كثير جدا لي شيخنا الجليل عبدالرحيم البرعي بتعليمي سر الشعر وسر ادراك تناغم الاحرف والكلمات والتلاعب في القافية سر المديح غريب جدا وعجيب يديك العافية حبيبنا

تسلم ايها الشاعر الجميل

dania almelik

...........................................

Quote: امانه ما اتلومت ياعمر يا صديقي العزيز

حبيبنا الموصلى

ساتصل عليك هذا الويك اند لنمسح ما علق بنا من لوم

كن بخير ولكل زوار البوست كل سنة وانتو بخير

تسلم ياذوق يافهم ياطيبة

حبيبنا عمر سعد والجميل ياسر تمتام
كل سنة وأنت وبألف خير

ياخ والله عنوان البوست شكلة إتشمرت وإتحزمت وقلت أدخل أناصر أخوى عمر .. ودخلت لقيت العجب .. معليش يا ياسر عمك عجوز وطول من البلد وشوقتونا لسماعك .. يا ريت تنزلوا لينا موسيقى ما يوتيوب نستمتع بيها ..

كل سنة وإنتوا طيبين وكل ضيوفكم المعطرين بالموصلى الحبوب

كل سنه وانت طيب يارافت