Post: #1
Title: من قتل البلابل
Author: abdalla elshaikh
Date: 05-02-2006, 07:45 PM
Parent: #0
من قتل البلابل
ظللت اتابع ألفضائية السودانية ولمدة طويلة ولكن لم
أري علي الاطلاق أية أغنية تخص البلابل وحتي عندما تبث لهن أغنية
فتأتي صوت بدون صورة
ولذا طرحت هذا السؤال من قتل البلابل وأتمني أن أسمع من هادية
وآمال وحياة
عبدالله عبدالوهاب
|
Post: #2
Title: Re: من قتل البلابل
Author: الطيب بشير
Date: 05-02-2006, 09:38 PM
Parent: #1
.
مسـاء الإبداع يا رائع
أظـن أن قانون التسريحة و الخمار و زينتهن و ما إليه هو السبب
كان الطيب مصطفى، قريب الرئيس الذي ارتكب التلفزيون و هو ظالم لنفسه، قد قرر أن غطاء الرأس شرط أساسي لكل حرمة تظهر على الهواء..كان من المفارقات أن ترى في الدراما سيدة سودانية ولدها بيصحي فيها من النوم..تقوم مهلوعة و خمارها مربووووووط في أمان الله !!
لو سألت علينا كنت عرفت نحن اللـيلة وين
كنت أوّل لما نحن نغيب ثواني تقول سنين
غيّـروك يا وحيدنا؟..و لاّ صابت ريدنا عين
إنت ما مجبور علينا نحن مجبورين عليك..
أبقى أسأل على البلابل..هن قالن ..إيه؟؟..اللي بسأل مااااا بتوه..
.
|
Post: #4
Title: Re: من قتل البلابل
Author: abdalla elshaikh
Date: 05-03-2006, 07:22 PM
Parent: #2
آخ ياألطيب بشير من هذا ألقبح ألذي أعدم لون المنقة ألشايل
المنقة. وآخ من هذا ألقبح الذي أعدم عشة صغيرة كفاية علينا
وآخ من هذا ألقبح والذي لايرى في ألمرأة إلا كونها ماعونا للجنس
ألبلابل يا صديقي ساهمن في صياغة وجداننا لما يزيد عن ربع قرن
فكيف يجي واحد مهووس جنسيا ومخرب أخلاقيا ويأمر بإعدام هذا الوجدان
ياجماعة انا قاعد هنا في ممفيس مقر [الفيس برسلي]وأشعر بالمكانة
التي يوليها ألأمريكان لهذاألفنان يحجون الي بيته إسبوعيا.
أما نحن سنظل نهتف ياألأمريكان ليكم تسلحنا
دعواتكم يا أصدقاء من أجل الــــــــبلابل
عبدالله عبدألوهاب
|
Post: #3
Title: Re: من قتل البلابل
Author: عبدالله محمد أحمد
Date: 05-02-2006, 11:37 PM
Parent: #1
تابع القناة الاريترية، إذ عادة ما تبث أعذب الحان البلابل، و لا تحلم برؤيتهن في تلفزيون السودان المهووس. كل شئ مفروض علينا حتى ما نسمع و حتى ما نرى.
|
Post: #5
Title: Re: من قتل البلابل
Author: abdalla elshaikh
Date: 05-03-2006, 08:00 PM
Parent: #3
يـا عبدالله والله دي مهزلة فنان تلداه من بين حشاك تمش تستمع ليهو
عند ألجيران وين أخونا سبدرات صاحب أغنية عشة صغيرة ووين التجاني حاج
موسي صاحب ألأغنية البازخة[بتعرف إنت مابتعرف]بل وأين ألصديق عثمان جمال الدين زوج ألبلبلة حياة ?ولاغمرهم قبح ألإنقاذ ونساهم أحاسيسهم
|
Post: #6
Title: Re: من قتل البلابل
Author: WADKASSALA
Date: 05-03-2006, 08:51 PM
Parent: #5
بتعرف إنى من اجلك مشيت مشوار سنين وسنين
مشيت فى الليل الى الغربة على الكلمات ودمع العين
وعشتك لما فارقتك حروف تغنى بيك حنين
بتعرف؟أنت ما بتعرف أنحن بحبكم...هايمين
***
ودارت دورة الأيام ونحن مع الزمن أغراب
متين تحقق اللقيا ومتين يتقابلوا الأحباب
شربنا دموعنا ما روينا حملنا الشوق ملانا عذاب
وقلنا نجرب الصحرا جنينا تعبنا كله سراب
***
قليل فى حقك المشوار بدور من أجلك أمشى كمان
وتحفى رجولى تقطر دم وأصبح فى الطريق عطشان
محبة كتيرة فى قلبى ودعوة تمجد الإنسان
وإنت نموذجى الطيب نموذج يلهم الفنان
|
Post: #7
Title: Re: من قتل البلابل
Author: Alshafea Ibrahim
Date: 05-04-2006, 01:34 AM
Parent: #1
البلابل
يا تاريخا لا يتكرر في ساحة الغناء السوداني ، لكن التحية والتقدير
والله يجازي أصحاب المشروع الحضاري - الذي حرق ودفن بسرعة جنونية كل الإرث الجميل للسودان من غناء ومديح - أنه الشيخ العارف بالله (الطيب مصطفى) صاحب مقولة (التلفزيون ما وسيلة ترفيه)
والله مشتاق اشوف أغنية كاملة من أغاني البلابل في السبعينيات مع متوكل كمال سهرات التلفزيون زمان أيام الخميس والثلاثاء - وآه لو لقيت كل هذه السهرات على سي دي ؟؟ طرب ونغم وغناء واشباع حتى ال....
مع تحياتي
الشفيع
|
Post: #8
Title: Re: من قتل البلابل
Author: قلقو
Date: 05-04-2006, 03:01 AM
Parent: #7
الأخوة المتداخلون
لماذا فقط تصبون جام غضبكم على العنصرى البغيض الطيب مصطفى حامى حمى الأخلاق والذى نصب نفسه وصيا على الأسلام والمسلمين؟! فأنا قد اجد العذر له فهو احد مهووسى الأنقاذ وهو يعتقد بأن الله قد وكله بهداية الشعب السودانى الضال..لكننى لن اجد العذر مهما أجتهدت فى ذلك لشخص كنت اعتبره فنانا وينتمى لقبيلة الفنانين وذلك الشخص يدعى (انس العاقب)..فهذا الشخص كان هو الأداة التى استعملهاالطيب مصطفى وأشباهه فى تنقية الأغانى السودانية من الكلمات والألفاظ امثال اغانى القبلة السكرى لعثمان حسين و ياطرير الشباب لسيد خليفة وأدر الكاس على العشاق ووحياة ابتسامتك الخ....من عيون الغناء السودانى , لأنها كما قال اولئك المهووسين اغانى تحض على الشرك والرذيلة..فتأملوا!!!
نعم انه انس العاقب وحسين خوجلى وحفنة من المرتزقة الذين ارتكبوا هذه الجرائم فى حق الفن السودانى وهم انفسهم يحتاجون الى اعادة النظر فى ......
اذن لا تندهشوا اذا قتلت البلابل ومنى الخير والفلاتية وفاطمة الحاج وام بلينة وثنائى النغم وكل صوت نسائى جميل فى حياتنا..والبركة فى حنان النيل الذى قيل بأنها قد اعتزلت الغناء الذى اكتشفت مؤخرا بأنه حرام وقالت بأنها ستتفرغ للمديح.....عديلة ومبروك عليها..ومبروك على انا شخصيا لأن صوتها اصلا لم يكن يطربنى .
مع تحياتى
|
Post: #9
Title: Re: من قتل البلابل
Author: محمد مختار جعفر
Date: 05-04-2006, 06:48 AM
Parent: #8
يا أخ عبد الله بن الشيخ
لك التحية والتحية مربعة كمان
تساؤلك فى محله ومشروع بل ومن حق كل
المعجبين السودانيين أن يطرحوا هذا
التساؤل لأن الملكات الإبداعية أيا كان نوعها
هبة من الله وليس من حق أحد حجرها على الناس
ويرى الكثيرون منا أنه ليس فى إبداع البلابل
ما يشين سوى كان فى الأداء أوالمظهر العام لهن بل كن
غاية فى السلوك والإحترام وهن يؤدين تلك الأغنيات
الخالدات ويكفى أنهن تركن بصمة جلية فى خارطة الوطن
الفنية الغنائية وخلدن الغناء النسائى السودانى فى أبهى
صوره وتعدد ألحانه ذلك النغم الشجى الذى لن ولم يتكرر
فى سماء الغناء السودانى ، بل يكفى ما تقلده الإعلام
السودانى من وشاحات وتكريم بسبب عطائهم الثر والمتميز
أتمنى لهن الصحة والعافية ولكل من تداخل معك ، أخ عبد الله
لك التحية والشكر ...محمد مختار جعفر ..
|
Post: #15
Title: Re: من قتل البلابل
Author: abdalla elshaikh
Date: 05-10-2006, 07:12 PM
Parent: #9
محمد مختار جعفر
شكرا علي ألمرور فالبلابل كن ظاهرة إجتماعيه وقف
بجانبها ألأستاذ وألمربي طلسم إذ قذف بهذا ألجمال في وجهنا ألمجدور فأبتسم
ألوجه جمالا وصار يغني ويغني...
ألبنريدو تايه ياحليل ألبريدنا
ولكن هاهو ألقبح حط علي ألوجه فتجدر ألوجه
|
Post: #38
Title: Re: من قتل البلابل
Author: abdalla elshaikh
Date: 06-08-2006, 05:51 PM
Parent: #8
ألأخ قلقو....
فعلا يجب أن لانتأسي علي [ألطيب مصطفي]..فهذا هو مشروعه..ولكن ألأسف كل ألأسف لهؤلاء ألفنانين وألذين أسسوا وساهـموا في تعميق معني ألجمال بيننا..فـلماذا إصرارا وقصدا,يقتلون جـمالا هم ساهموا فيه
وهنا سأذكر هذه ألأسـماء والتى قيل أنها ساهـمت في وأد[ألأغنيات].وهم ..أنس ألعاقب وعبدألرحيم محمد سعيد[OVER]وأسامه سالـم صاحب نظرية [ألـمسرح ألعابد].. ورأس [ألصوت]حايلحق[ألتجاني حاج موسي].. وللـمسؤلية ألتأريخية نريد منهم إيضاحا
|
Post: #13
Title: Re: من قتل البلابل
Author: abdalla elshaikh
Date: 05-06-2006, 05:12 PM
Parent: #7
ألأخ ألشفيع إبراهيم
ألطيب مصطفي لو قنعان من الدنيا مايمشي ألآخرة
معا من أجل ألبلابل
|
Post: #10
Title: Re: من قتل البلابل
Author: Salwa Seyam
Date: 05-04-2006, 07:41 AM
Parent: #1
كان من المفارقات أن ترى في الدراما سيدة سودانية ولدها بيصحي فيها من النوم..تقوم مهلوعة و خمارها مربووووووط في أمان الله !!
|
Post: #11
Title: Re: من قتل البلابل
Author: توتي فروتي
Date: 05-04-2006, 12:43 PM
Parent: #10
حجبوك من عيني ليه يا ترى
قدموا اعذب وارقى وانقي الكلمات
لا يجوز دسدسة التاريخ الفني لهذا الصرح
|
Post: #12
Title: Re: من قتل البلابل
Author: abdalla elshaikh
Date: 05-04-2006, 06:41 PM
Parent: #11
ياجماعة شكرا ليكم علي الدخول والجلوس في صالون البلابل الفني
وهو اصلا صالون يمتد من نمولي لحلفا القديمة ومن بورتسودان وحتي
الجنينة غرب النيل
عندما جئت لاجئا هنا في ممفيس ساكنت إحدي ألأسر وكنت أعتقد
أنها من جنوب أفريقيا .وهم كانوا يعتقدون أنني من أريتريا وكنا نتواصل بعضناألبعض باللغة ألأنجليزية.
وفي يوم من ألأيام إنبجس صوت البلابل من مسكنهم بأغنية عشة صغيرة كفاية علينا.فدخلت عليهم من دون إستئزان ورقصت ثم رقصت .وعندما إلتفت إلي إحداهن صاحت طربا:-ينصر دين البلابل
فيا جماعة من يجمعنا الطيب مصطفي أم البلابل?
|
Post: #14
Title: Re: من قتل البلابل
Author: abdalla elshaikh
Date: 05-09-2006, 08:31 PM
Parent: #10
سلوي صيام مبروك ليك ألعرس يابت إنت مسكت ليك زول مهود في بلاد ألله
زاده ألشعر والمسافات
أجي لموضوع ألبلابل ياستى ديل فرحونا في ظل هجير كردفان وخاصة لامن يغنن[ عشه صغيرة ماكفاية علينا ]
بعدين الناس ديل مالهم مع المرأة والله يومتها في التلفزيون
شفت لي واحد ذو وجه مكفهر ودقن ماليه الشاشه .لامن يجيبو سيرة ألمرأة يمسك نخرتو
|
Post: #16
Title: Re: من قتل البلابل
Author: نادية عثمان
Date: 05-10-2006, 08:21 PM
Parent: #14
ياحليلهن !!
لكم نشتاق سماعهن والله !!
طيب جيبوهم لينا هنا ياجماعة الله لو ممكن ؟!!
عبد الله الشيخ
شكرا نبيلا لتفقدك فقدنا للجمال !!
|
Post: #17
Title: Re: من قتل البلابل
Author: Alshafea Ibrahim
Date: 05-11-2006, 05:52 AM
Parent: #1
وين تمبس ومعتصم وبقية العقد الفريد منتظرين أي شيء للبلابل
بليز
|
Post: #18
Title: Re: من قتل البلابل
Author: abdalla elshaikh
Date: 05-11-2006, 06:49 PM
Parent: #17
نــاديه عثمان ما أعذب بسمتك
يا شفيفه ألبلابل ديل أنا داير تلفزيون ألسودان
يقدمهم لينا صورة وصوت..مش صوت بدون صورة أو يورينا الصورة
ضاعت فين.
وأخيرا سلمي لي علي صديقي الفنان ألإنسان حسان والمرهف محمد عبد ألوهاب
|
Post: #19
Title: Re: من قتل البلابل
Author: نادية عثمان
Date: 05-11-2006, 08:22 PM
Parent: #18
| Quote: وأخيرا سلمي لي علي صديقي الفنان ألإنسان حسان والمرهف محمد عبد ألوهاب |
ياسلاااااااااااااام
والله ديل اجدع ناس ياخ !!
بالله هم اصحابك من متين وماكلمتنى ؟!!
|
Post: #20
Title: Re: من قتل البلابل
Author: abdalla elshaikh
Date: 05-11-2006, 08:34 PM
Parent: #19
يا ناديه يا.....
ديل أصدقاء ألروح وأنا إسمي عبد الله عبدالوهاب[كارلوس]لكن
ألأمريكان سموني عبدالله ألشيخ
|
Post: #21
Title: Re: من قتل البلابل
Author: abdalla elshaikh
Date: 05-12-2006, 06:16 PM
Parent: #18
ألشفيع سلامات
وين أصحابك خليهم ينزلوا البلابل صورة وصوت
|
Post: #22
Title: Re: من قتل البلابل
Author: WADKASSALA
Date: 05-12-2006, 06:28 PM
Parent: #21
الأستاذ/ كارلوس
سلامات
والله مشتاقين لزبارة الضـريـح فى ممفيـس جاييكم زيارة فى ممفيس جاى أزور ضريح ألفيس بريسلى ونقعد العصـرية على ضـفاف المسيسيبى ونشغل شريط عـشــه صغيره.وبالمناسبه السـبحة المعلقا إبنك خالد مازلت أحتفظ بها.
تـقـديرى
|
Post: #23
Title: Re: من قتل البلابل
Author: othman mohmmadien
Date: 05-13-2006, 01:56 AM
Parent: #22
والمؤسف حقاُ أنني حضرت لقاء العام السابق مع بشير عباس بل عدة لقاءات على القناة السودانية فتعجبت عن عدم ذكر أي سيرة للبلابل من قبله في إحدى هذه اللقاءات,,
ألا يعد ذلك إغتيالاً من قبله اي بشير عباس
بالرغم من أن جزء من شهرته قد اتبنى على عطائهن.
|
Post: #25
Title: Re: من قتل البلابل
Author: abdalla elshaikh
Date: 05-13-2006, 03:00 PM
Parent: #23
ألأخ عثمان تحياتي
أنا ذاتي حضرت هذه ألحلقة وتأسفت جدا لبشير عباس
لأنو ما جاب ذكرة لتأريخ هو نفسه جزء منو
ولكن يكبر ألأسف في حالة ألتجاني حاج موسى بوصفه ألمسؤول عن ألمصنفات
ألأدبية وألفنية وطارق جويلي رئيس قسم ألموسيقي بالتلفزيون.
ياجماعه ..ألرجال ديل رقدو ملوص ولا أكلوهم بترول
|
Post: #24
Title: Re: من قتل البلابل
Author: abdalla elshaikh
Date: 05-13-2006, 02:47 PM
Parent: #22
وليد كسلا يا تاكا أنا عارف عند تسجيلات للبلابل
فيا أخي أربط لينا شريط هنا
|
Post: #27
Title: Re: من قتل البلابل
Author: abdalla elshaikh
Date: 05-13-2006, 04:50 PM
Parent: #26
ألسني يا شفيف
حأذكرك حاجه لكن ما تبكي...تذكر..رأس ألسنة بتاع[92]..كنا في شقتك
بالجيزه[ألقاهرة]وكانوا جمع من ألفنانين كلهم جو هاربين من حكومة
[ألناس ديل] كانت عقد ألجلاد وكانوا بيحكوا عن إعتقالهم وكان هناك
عبدالعظيم حركه وكان بيحكي عن ألإهانة والضرب ألذي تعرض له
وكان هناك كمال ترباس وهو يرد علينا عندما سألناه لماذا غنيت [هبت ثورة ألإنقاذ]فرد قائلا ياجماعة ديل غشو [ألشربيني]مايغشوا ترباس.وكان هناك
يوسف ألموصلي وأحمد ألبكري ثم بشير عباس وألبلبله آمال طلسم. فعزف بشير
وغنت آمال. ففي تلك أللحظة ترآي لي ألوطن كما حبيبة [جــمـاع]ألتي
راقصها نادما:-
أنت ألسماء بدت لنا واستعصمت بالبعدعنا
|
Post: #28
Title: Re: من قتل البلابل
Author: محمد سنى دفع الله
Date: 05-13-2006, 05:29 PM
Parent: #27
بعدها سافر عبدالعظيم حركةالى السعودية ونعاه الناعي وتشتت الاحباء في بقاع الارض وأصبحنا نطالع في الجرائد مقالات لسودانية يكتبون من فجاج الدنيا تخيل واحد كتب مرة من نيكاراقواعن نقد ذاتي لحزب الاتحادي !!!! تخيل ؟ والان جمعتنا هذه المساحة الاسفيريةنرمي عليها ودع حنيننا..
مازلت تجمع الحكايات للاطفال ؟؟ انا جمعت مادة لأكتب عن تاريخ الوطن للطفال ونفذت حكاية
(0بيانجي ) وهو بالعربي ، بعانخي ومعه تراهجي ،، وسلطان عجبنا ..
كيف هي مشاريعك لكتب الاطفال والكتب المفرهده فرحة للتسلية ولاضاعت الاحلام مع الشتات والرزق التلاقيط ، واحشني ياود الشيخ ودايما اتذكرك حينما مات محمد ودالزعيم اتذكرتك لانو في يوم كنت بسمع في تسجيل لموسيقى الحياة مهنتي ذاك المســلســل الذي جعلك تبني فصول المدرسة في قريتكم بعد ان عبيت الناس بالحماس .. كانت الموسيقى تنبعث من الحهاز حاملة جينات دهشتها
على العود محمد أزهري والجيتار صلاح حسن أحمد وماأجمل العزف ويا لبديع النغم ..
يأخوي نحن بقينا ناس ذكريات !!عشان كده انا بقيت بفكر لي بكرة وبس وربك اسهل ..
|
Post: #29
Title: Re: من قتل البلابل
Author: abdalla elshaikh
Date: 05-13-2006, 06:09 PM
Parent: #28
ألأخ السني نحن بقينا مخزن ذكريات وماأبأس ألحال عندما تصير
مخزن للذكريات
أحاول حتي ألآن معالجة موضوع إعادة بناء ألحكاوي ألشعبيه لهؤلاء
ألأطفال عسي ولعل أن ننقذ مايمكن إنقاذه خاصة مع ألصناعة ألضخمة
ألتي تنتجها ألمصانع ألأمريكية في هذا ألمجال
معا من أجل ألبلابل
|
Post: #30
Title: Re: من قتل البلابل
Author: Alshafea Ibrahim
Date: 06-08-2006, 04:05 AM
Parent: #1
الأخ عبد الله الشيخ
ما زلنا منتظرين
من قتل البلابل؟
|
Post: #31
Title: Re: من قتل البلابل
Author: Alshafea Ibrahim
Date: 06-08-2006, 05:02 AM
Parent: #1
أخي عبد الله
وصلتني بالإيميل مساهمة من الأخ عبد الدائم ( جدة) السعودية ، أنقلها كما جاءت للفايدة وهي كالآتي
أخوتي :
كل من يسمع ويطرب لغناء وفن البلابل هو بالحق إنسان راقي وأنا ما حا قدر اكتب عن البلابل اكثر من ما كتب عنهم المبدع الطيب صالح ، لكن اذكر وأنا صغير كنت دائما أتوقف إمام الراديو لأحفظ أغنية( الـبسأل ما بتوه) وكنت احتار واتلخبط ما بين التلاتة أصوات واحدة تطلع والثانية تنزل والثالثة تجر النغمة من فيهم هادية ومين فيهم أمال ومين حياة ، وفضل حبهم يجرى فى دماي لأنهم ادخلو السعادة في قلوبنا حتى لو كانت سعادة مؤقتة بمجرد سماع أغنية .
والبلابل ليست ظاهرة فنية كما يردد البعض بل هم محطة فنية فى تاريخ الغناء السوداني يجب ان يتوقف الكل عندها وأيضا هم أصبحن محطة مكانية ارتبطت باسمهم فى حى اركويت بالخرطوم ولا زلت أتذكر في الثمانينيات( البلبلة) امال طلسم وهى طالعة الصباح وتقود عربتها ( ال سيهان بيرد) والباروكة (الكاربة) وهى ماشة للتسجيل فى الإذاعة ، وجراءة (هادية ) أمام الكاميرا حتى يخيل لى أنها الفنانة السودانية الوحيدة التي تعرف كيف تواجه الكاميرا وذى ما بقولوا أعمامنا العازفين القدامى هادية العمود الفقري للبلابل ، وأمال الأنثى الهائمة وحياة الصغيرة أم رقبة (حزوز) ، ولدخول البلبلة حياة في عالم الغناء قصة ، لأنها كانت عند تكوين البلابل صغيرة وتجلس أمام المبدع الموسيقار بشير عباس وتسمع البروفات وتكتب الاغانى فى طرف المـنـديـل حقها وتحفظ وتردد ما أخواتها إلى أن اقتنع بها الموسيقار بشير عباس وضماها للبلابل .
ويسعدني اقدم ليكم هنا جميع اغانى البلابل وسأحاول لاحقا كتابة كلمات الاغانى ، وللعلم أن جميع الألحان للموسيقار بشير عباس
الاغـنــيـــــة الـكـلـمـات
1- رياح الشوق الشاعر الكبير الهادى ادم
2- قطار الشوق الـشاعر الـــذكـــار
3- نور بيتا الشاعر صلاح حاج سعيد
4- رجعنالك عبدالباسط سبدرات
5- مـشــوار الشاعر سيف الدين الدسوقى ( بتعرف انى من اجللك )
6- مـوجـــة الشاعر سيف الدين الدسوقى ( ما فى انسان يحكى ليكم )
7- حـبايبنــا الشاعر التجانى حاج موسى
8- البسأل ما بتوه الشاعر اسحق الحلنقى
9- عشة صغيرة الشاعر اسحق الحلنقى
10- سكة مدرستنا الشاعر اسحق الحلنقى
11- طير الجنة الشاعر اسحق الحلنقى
12- لـون المنقة الشاعر اسحق الحلنقى
13- مشـينا الشاعر اسحق الحلنقى
14- طـيبة اهـلنـا الشاعر اسحق الحلنقى
15- زهر الريحان الشاعر على سلطان
16- نحـيـيك الشاعر على سلطان
17- حب وآمل الشاعر على سلطان ( الليلة مسافر للدار مغادر )
18- البنريدو تايه الشاعر على سلطان
19- حلوين حلاوة الشاعر على سلطان
20- على نيـاتـنا الشاعر على سلطان
21- خاتم المنى الشاعر على سلطان
22- مشــاويـر الشاعر على سلطان ( نسيتنى انا وخلاص يعنى )
23- الاسمرانى الشاعر جعفر فضل المولى
24- ود القبائل الشاعر جعفر فضل المولى
25- متعالى علينا الشاعر جعفر فضل المولى
26- يا نجوم الشاعر جعفر فضل المولى
27- الصبيان بشرو الشاعر جعفر فضل المولى
28- سلافة الفـن عندى مسجلة شريط فيديو اعرف مين الشاعر وارجع ليك
29- عمـر الهـنا عندى مسجلة شريط فيديو اعرف مين الشاعر وارجع ليك
30- لـيل اشــجن عندى مسجلة شريط فيديو اعرف مين الشاعر وارجع ليك
31- كل النجوم الشاعر مدنى النخلى
32- اسأل الليل الشاعر على آحمد
33- تـتـبارك الشاعر محمد عبدالله برقاوى
كما تغنت البلابل بالكثير من اغانى الحقيبة واغانى جيل الرواد منها :-
1- فى الطيف والصحيان 2- حبيتو ما حبانى 3- اقول انساك
4- بين اليقظة والاحلام 5- مستحيل عن حبك آميل 6- العيون الفيهن نعاس
7- قائد الاسطول 8- عنى مالم 9- الامــان
10- الشرف الباذخ 11- نسمات الشمال 12- بريــدك
13- وينك انتى الطال غيابك 14- الشاغلين فؤادى
15- صابريه ( نوبى ) 16- عديلة ويه ولو وين هجلى ( نوبى )
وهنا لا انسى مقولة البلبلة هادية طلسم فى سهرة عام 89 م مع المرحوم الفكي عبد الرحمن عندما طلب منهم أغنية لعائشة الفلانية فردت قائلة لا نحب أن نغنى اغتنى الرواد حتى لا ندخل فى غناء مغلوط ، تخيل قامة ذى قامة البلابل بكل هذا التواضع ، وشتان ما بين جيل الأمس وجيل اليوم والتلفزيون يقدم لنا فنانة بادئة اسمها (مها عبد العزيز) لتغنى اغانى البلابل بكل ارتباك وعدم ثقة وتشويش للحن وللاداء والمشكلة كان بعزف ليها فى نفس السهرة الموسيقار بشير عباس وكانما حاله يبحث عن الـفـردوس الـمفـقـود ، ومن قبل تغنى جمال فرفور باغانى البلابل واصدر شريط كاسيت يحمل اسم روائع الموسيقار بشير عباس شريط لا لون له ولا رائحة وفى غاية الغرابة والظاهر الفنانين الشباب الى الان ما عارفين الفرق بين اعجابهم بفنان معين وبمحاولة التسلق بقامة ذلك الفنان
وتحياتي لجميع المعجبين بإبداعات البلابل ، وأحاول المرة القادمة كتابة كلمات الاغانى .
اخوك / عبدالدائم سيداحمد / جدة 00966504609597
[email protected]
|
Post: #39
Title: Re: من قتل البلابل
Author: abdalla elshaikh
Date: 06-08-2006, 06:13 PM
Parent: #31
ألإخوان..ألشفيع إبراهيم وعبد ألدائم سيدأحمد
لكم أن تتخيلوا فداحة هذه ألكارثه..أكثر من أربعين عـملا فنيا نرمى بهم في مزبلة ألنسيان..فما أبأسنا وما أتعسنا.. فكيف ندخل مع ألأمـم ألراقية با ألألفية ألثالثة
والـمؤسف أن [سبدرات]وفي حواره مع ألشاعرة ألخليجية[نجاح ألـمساعيد]كان متكئا علي صوت ألبلابل وليس ألصورة وهن يشدون[عشة صغيرة كفايه علينا]ولـم يتكئ على[قاف]ثورة ألألغاز
|
Post: #45
Title: Re: من قتل البلابل
Author: Elmosley
Date: 06-09-2006, 10:04 AM
Parent: #31
الحبيب كارلوس
بجيك براحه وانا متابع بس كنت داير اشوف الناس بتقول شنو
عزيزي الشفيع اضف لك
ان البلابل غنن
عمر الهنا وشاعرها مكاوي الحان انس العاقب
وليل الشجن للشاعر عزيز التوم الحان انس العاقب
من توزيعي
وخاتم المنى لا اتذكر الشاعر الحان موسى محمد ابراهيم
وغنن من أغنياتي القديمة بالاضافة الي وينك انتي (بريدك ياحبيبي بريدك) من شعري والحاني
ومن أغنياتهن الجديدة في الطريق اليكم
أغنية الطريق شعر يحي فضل الله
نار هواي شعر ابو قطاطي
كبرياء من شعر السر أحمد قدور
وكلهن من الحاني
ونرجو أن يوفق الدكتور متوكل في اعادة هذا العقد الفريد بالسرعة المطلوبة
فالزمن سراق
|
Post: #46
Title: Re: من قتل البلابل
Author: abdalla elshaikh
Date: 06-09-2006, 05:26 PM
Parent: #45
مـوصلي ...فعلا ألزمن سراق...يلا إنفجر ألحان عشان[ألبلابل]يغنن..فالقبح قد.. غطي كل ألـمسام
|
Post: #57
Title: Re: من قتل البلابل
Author: Elmosley
Date: 06-13-2006, 10:21 AM
Parent: #46
حاضر ياعزيزي بس انا زعلان من (عمةدهن الفقري) هاديه
فقد انشغلت عن الفن بحياتها الخاصة وأحملها المسؤلية كقائدة
ورائدة من رواد الحداثة في الفن الغنائي في ذلك.
|
Post: #32
Title: Re: من قتل البلابل
Author: 3mk-Tango
Date: 06-08-2006, 06:31 AM
Parent: #1
الاخ عبدالله الشيخ .. تحياتي ..
والله ماشي علي نوم قريت البوست دا ووقفتني الجملة دي تحديدا وحسيت بي زعلك
Quote: والله دي مهزلة فنان تلداه من بين حشاك تمش تستمع ليهو
عند ألجيران |
وحلفت ما امشي انوم كان ما سمعتك البلابل ... ووعد افضي ليك كل اغاني البلابل
الموجودة عندي في البوست دا ..
هاك سكة مدرستنا .. والتحية لك ولكل المتداخلين في البوست ..
|
Post: #40
Title: Re: من قتل البلابل
Author: abdalla elshaikh
Date: 06-08-2006, 06:57 PM
Parent: #32
ألأخ تنقو
تعيش إنت والحلنقى والبلابل ..ياأخى إنتم خطفتونى[كاف]من غربة لزجة في أقاصى[ألأطلسي]ورميتم بي في مراسي وطنى..هل تري أرجع يوما..حاملا صحوي حلما.[مقطع من قصيدة ألعودة إلي سنار]للشاعر ألبازخ[محمد عبدالحى]تغنين به ألبلابل..وأذكر أنني وقبل أن أحال للصالح ألعام من [مـصلحة ألثقافة]تحصلت علي هذا ألتسجيل من ألإذاعة وقمنا بتشغيله[كخلفية]إتكأت عليها ألإحتفالية ألتي أقـمناها بـمناسبة [موت]ألشاعر[عبدألحي].بظن أن [عبدألحي]لـم يـمت وإنـما[إنسرب]عـميقا,في وجداننا,فكانت في ذلك أليوم موسيقي[ألسمندل]وأناشيد [عقد ألجلاد]ولوحات[صلاح سليمان والطاهر بشري]وخطابات ألشاعر[مـحمدألـمهدي ألـمجذوب]ألفكهة..وكان كل ذلك[معطن]بصوت ألبلابل وهن يشدون..[ وهل تري أرجع يوما]..وفي نهاية ألحفل إنزوي بي[علي ألـمك]جانبا وقال لي[بصوته ألرخيم ذاك]..(عليك ألله يا كارلوس لامن أموت أعملوا لي حفلة.. زي دي ..فأنا بكره حكاية كان ألفقيد دمـث ألأخلاق]
ولكن خرجت أنا للـمنافي أبحث وطنا ..ومـات [علي ألـمك]..إنهن[ألبلابل]أللائ صحون هذه ألذكري
|
Post: #49
Title: Re: من قتل البلابل
Author: abdalla elshaikh
Date: 06-10-2006, 04:09 PM
Parent: #32
أم بارح كان يدافع إسـماعيل عيساوي وبحماس عن جهاز ألتلفزيون وقال إنهم.. سيقبلون كل ألـمقترحات لتلبية رغبات ألـمشاهدين..وبوصفى مشاهد [مـجدوع]فى أقاصي ألدنيا.. أطلب مـنه أن يتحفنا ولو بطرف أغنيه للبلابل[ صوت وصورة]..فأنا في ألإنتظار ...فهل ستفعلها ياعيساوي?
|
Post: #33
Title: Re: من قتل البلابل
Author: Hadia Mohamed
Date: 06-08-2006, 07:22 AM
Parent: #1
كارلوس
سلامات ومشتاقين يا صديق.
شنو ما جايبين ليك العازفين, ما شفتهم؟؟
اخر حرفنة فى المونتاج ؟
بعدين قالو العايز يشوف كل حاجة احسن ليه تلفذيون النيل الازرق هناك بى القروش تنتعش النفوس والرخيص المجانى دة ما فيه حريم الا محجبات ومدنقرات وخجلانات .
تحياتى لابتسام والعيال .
|
Post: #41
Title: Re: من قتل البلابل
Author: abdalla elshaikh
Date: 06-08-2006, 07:12 PM
Parent: #33
هاديه بدرالدين شخصيا
كيف حالك وكيف حال ألأستاذ يحي فضل الله....أصلو دا تلفزيون عابد.. علي طريقة ألـمسرح ألعابد بتاع أسامه سالـم ..ولا..هى قناة[عابده] كما يسـميها[ إسحاق أحـمد فضل الله]....شفتي ألناس ديل[ظلنطحيه]كيف?
|
Post: #34
Title: Re: من قتل البلابل
Author: Mutwakil Mahmoud
Date: 06-08-2006, 08:49 AM
Parent: #1
الأخوه الأعزاء عبدالله الشيخ
والطيب بشير
وعبد الله محمد أحمد
ودكسلا
والشفيع ابراهيم
قلقو
محمد مختار
وحبيبنا السني دفع الله
والمرهف عمك تنقو
والأخوات سلوي صيام
ناديه عثمان
وهاديه
لن يستطيع أحد أن يتجرأ أو حتي مجرد التفكير في قتلهن لأنه لايمتلك تلكـالقوة فهي لله وحده خالق كل شئ وهو القاهر فوق عباده
هن أخواتي وأخواتكم/ن
قامات شامقه في سماء الفن السوداني
ورغم حزني علي هاشم ميرغني
سوف أصدقكم القول بأنهم حيات فوق كيد الكائدين
وأنا أوثق لهم أعمالهم الفنيه
وسوف أسمعكم جديدهم لأثبت لكم ذلك
فقد حسبت أنكم
حتي عليهم بقيتو ما بتسألو
حاشاكم
بس دهـ أسم الأغنيه الجديد بتاعتهم
سوف أتحادث مع صديق موصلي الذي يساعدني في هذا العمل الكبير والذي لم يكتمل بعدـومجموعة أمريكيه وسودانيه سوف تنفذ هذا المشروع الفني الكبير
سوف أسأله أن ينزل هذه الأغنية الجديده في ثيابها الأولي قبل أن تكتمل
ليهدأ بالكم
أمسكوا الخشب
أخوكم د.متوكل
|
Post: #43
Title: Re: من قتل البلابل
Author: abdalla elshaikh
Date: 06-08-2006, 07:22 PM
Parent: #35
ألأخ مـهيب...تشكر على هذا ألعطر ألـمعتق
|
Post: #42
Title: Re: من قتل البلابل
Author: abdalla elshaikh
Date: 06-08-2006, 07:16 PM
Parent: #34
ألأخ متوكل....في إنتظارك...ووين رأي ألـموصلي كـمؤرخ موسيقي
|
Post: #36
Title: Re: من قتل البلابل
Author: Hadia Mohamed
Date: 06-08-2006, 11:17 AM
Parent: #1
(وأخيرا سلمي لي علي صديقي الفنان ألإنسان حسان والمرهف محمد عبد ألوهاب)
نادية
دى قلبتى فيها هوبه عدييييل
وكان عرفتى البلابل صاحباتو تقولى شنو
دة الفنان و الناقد عبد الله عبد الوهاب مؤسس المركز السودانى للثقافة والاعلام بالقاهرة.
وكان محرر الصفحة الثقافية لجريدة الايام فى الذمن السمح.
|
Post: #37
Title: Re: من قتل البلابل
Author: Alshafea Ibrahim
Date: 06-08-2006, 11:17 AM
Parent: #1
ود الشيخ
البوست ده بشتريه منك أوكي
شكرا تنقو شكرا د متوكل
تنقوا بليز سمعنا حاجة تاني وثالث
اخوكم
الشفيع
|
Post: #44
Title: Re: من قتل البلابل
Author: Hadia Mohamed
Date: 06-09-2006, 09:27 AM
Parent: #1
كارلوس لكن ما لقيتك
Single
فى البروفايل تقدر ليه يا ود الشيخ خالد.
|
Post: #47
Title: Re: من قتل البلابل
Author: abdalla elshaikh
Date: 06-09-2006, 05:34 PM
Parent: #44
هاديه..ماتقلقى..صاحبتك إبتسام قاعده [سيك سيك معلق فيك]..لكن لزوم[ألقشره]في ألبورد
|
Post: #48
Title: Re: من قتل البلابل
Author: abdalla elshaikh
Date: 06-09-2006, 05:35 PM
Parent: #44
هاديه..ماتقلقى..صاحبتك إبتسام قاعده [سيك سيك معلق فيك]..لكن لزوم[ألقشره]في ألبورد
|
Post: #50
Title: Re: من قتل البلابل
Author: Alshafea Ibrahim
Date: 06-11-2006, 12:39 PM
Parent: #1
ود الشيخ
تعرف في أخوان أعزاء لديهم مشاركات لا غنا عنها
بس ما عندهم عضوية أنا راح انقل مشاركات الآخ عبد الدائم من جده
وعنده صديق بالرياض صاحب اراء ثرة وممتازة بحاول كمان انقلها
فليكن البوست
عاليا
|
Post: #51
Title: Re: من قتل البلابل
Author: abdalla elshaikh
Date: 06-11-2006, 05:05 PM
Parent: #50
ألأخ ألشفيع.....فليكن ألبوست عاليا...ألبلابل
|
Post: #52
Title: Re: من قتل البلابل
Author: ترهاقا
Date: 06-12-2006, 01:33 AM
Parent: #51
اخــــــــــــونا كارلوس
ويييييييييييييين الحى بيك ؟ مشيت مرقتها فى ممفيس
البلال إنشاء الله حيجوا بقوة اكتر من قبل
وليك ولاسرة الكريمة التحية - أحمد ساطور
|
Post: #55
Title: Re: من قتل البلابل
Author: abdalla elshaikh
Date: 06-12-2006, 07:28 PM
Parent: #52
ألفنان أهمد ساتور[طبعا يا جماعه أحـمد ساطور دا لامن دخل معانا ماكان بيعرف عربي وكانت أكثر محاضرة بتزهجو هي محاضرة جعفر ميرغني عن أللغة وألصوتيات]لكن كان بيعزف أي آلة تقابلوا..بجانب ذلك فهو[حلفاوي]ساخر
وينك يا ساطور ووين ألفاتح يسن
|
Post: #53
Title: Re: من قتل البلابل
Author: Alshafea Ibrahim
Date: 06-12-2006, 02:07 AM
Parent: #1
أخي ود الشيوخ
أخونا عبد الدائم سيد أحمد ( جدة) أرسل لي مشاركة صغيرة هي
(وصلنى اتصال من الاخ كمال على الله مقيم بالرياض واحد الاخوة الزوار يشيد بالموضوع ويذكرنا بأن شاعر اغنية قطار الشوق هو الشاعر على محجوب من عطبرة واول من غناها هو الذكار
كما اسعدنى كثير ظهور الموسيقار يوسف الموصلى معنا فى هذا البوست لانه سوف يشكل اضافة ومرجعية حقيقة لنا ، ونحن بنقول ليهو وينك انت الطال غيابك
ولكم التحايا / عبدالدائم سيداحمد
|
Post: #58
Title: Re: من قتل البلابل
Author: Elmosley
Date: 06-13-2006, 10:24 AM
Parent: #53
انا موجود وجاييكم باذن الله
أها سؤال عرضي وبالبلدي
(نعلك الشفيع ابراهيم الضو ياخوي؟؟؟)
|
Post: #54
Title: Re: من قتل البلابل
Author: Alshafea Ibrahim
Date: 06-12-2006, 02:29 AM
Parent: #1
نحـيـيــــــك : كلمات عــلى سـلطان
*****
نحييـك وما بتحـيينـا ونرضيـك مـرة ارضـينـا ....
احكـم فـينا بالدايـرو .. ده ريـدك وانقـسم ليـنا ....
* * * *
خـلاص اخـترت ناس غـيرنا ...
وهـم اغـروك تخـليـنا ....
بقـيت لمن تشـوفـنا كمـان ....
بتهـرب من تـلاقـينا ...
كانـك ما عـرفـتنـا يـوم ...
ولا طـليـت فى عـيـنـينـا ...
* * * *
نـلاقـيك والصباح نعـسـان ....
وتـتحـاشـانـا يا زيـنــة ....
زمـان الحـال ده ما حالـك ...
ولا طـبعـك تجـافــينـا ....
اتـاريـك كـنت خـادعـنـا ....
سـرابـك مـوجـو غـاشــيـنا .......
عبدالدائم سيداحمد
جدة 00966504609597
[email protected]
|
Post: #56
Title: Re: من قتل البلابل
Author: Alshafea Ibrahim
Date: 06-13-2006, 03:55 AM
Parent: #1
رجـعـنـالـك : كلمات عبدالباسط سبدرات
رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة
وبـفـرح عـودتـنا رفـت زغـردت كلـمات حـنـيـنـة
رجـعـنـالـك عشـان تـاه الـفـرح مـن دارنــا
رجـعـنـالـك وانـت ديــــــــار فـرحنــــا
رجـعـنـالـك عـشـان نـاحــت سـواقــيـنا
رجـعـنـالـك وبـكـت شـتـلات قـمـحـنــا
رجـعـنـالـك عـشـان يـسـكـت جـرحـنـا الانـت جـارح قـلبـو بجـراحاتـنا آحنـا
رجـعـنـالـك وكـيـف نـرفـض رجـوع الـقـمـرة لـوطـن الـقـمارى
يـا الـتقـوقـى على نخـيـلاتـنا الـقمـارى ...
وانـت واحـش نـيـل وطـنـا عـلـيـنا شـمـتـه الصحارى
رجـعـنـالـك عـشـان انـت الـجـرف الـفـيـهو شــتلات حـنـة لـفـرح الـقـبـيـلـة
رجـعـنـالـك عـشــان جــرتــقــنـا وسـيـرتـنــا وجـديــلـة ..
رجـعـنـالـك نـغـنـى فـرحـنـا فـيـك ونـقـول عـديـلــة
يـفـرح الـلـيـل بـفـرح صـنـدل يــفـوح يـكـســـى الـقـبـيـلــة
عبدالدائم سيداحمد
جدة 00966504609597
[email protected]
|
Post: #59
Title: Re: من قتل البلابل
Author: 3mk-Tango
Date: 06-13-2006, 02:09 PM
Parent: #1
[qb]
التحية لقناة اريتريا التي جعلتنا نعيش سودان زمان
____
البلابل ..
بشير عباس ..
عوض دكام ..
الفكي عبدالرحمن ..
نسيتني انا وخلاص يعني
|
Post: #60
Title: Re: من قتل البلابل
Author: 3mk-Tango
Date: 06-13-2006, 02:13 PM
Parent: #1
الفيديو اهداء للاخ /عبدالدائم سيداحمد
الذي نتمني ان نراه معنا قريبا في سودانيز اونلاين
فهو من الناس الذين تتمني معرفتهم ..
|
Post: #61
Title: Re: من قتل البلابل
Author: abdalla elshaikh
Date: 06-13-2006, 06:52 PM
Parent: #60
يـــا...تنقو يارائع
ياأخي إنت غسلت صدأ سنين وسنين ..ياأخي ناس تلفزيونا مكرهننا ألحياة تطلع من[عائشة ألغبشاوي]يعتر ليك [عبدالله عقيد]..تزوغ منو يقابلك بتاع ألتأصيل والتفصيل[أحـمدعلي ألأمام]..تقول[سيك ولا ميك]..يكشحوا ليك[قفة]مليانه وعاظ في وجهك ....لو قلت ليهم عايز ألبلابل..يقولوا ليك إنت [طابور خامس ومندس وشيوعى كـمان وكـمان]
|
Post: #62
Title: Re: من قتل البلابل
Author: Elkhawad
Date: 06-13-2006, 08:11 PM
Parent: #61
هادية وامال طلسم ... حفل في واشنطون للجالية الارترية والسودانية 2003
الاغنية من الاعمال الجديدة ... ان ما لاخبتا ولا كيف استاذ يوسف ؟؟
|
Post: #63
Title: Re: من قتل البلابل
Author: Alshafea Ibrahim
Date: 06-14-2006, 03:33 AM
Parent: #1
يا تنقو يا عمك
يا رائع وينك من زمان فاتح لينا؟
أها الأخ عبد الدائم قال ليك إهداء أغنية واحدة ما كفاية الرجل طماااااع وعاوز أغنية تاني -
مع شكرنا وتقديرنا
|
Post: #64
Title: Re: من قتل البلابل
Author: Alshafea Ibrahim
Date: 06-14-2006, 05:13 AM
Parent: #1
شوفوا الزول الرائع (عبد الدائم) كتب لي شنو
(تحية خاصة وشكر خاص جدا للاخ عمك تنقو وشكرا للهدية اغنية نسيتنى انا وخلاص يعنى ( مشاوير ) وشكر خاص للاخ نزار الخواض للمجهود الرائع القدمو لينا وشكر للاخ مهيب والرابط الانت منزل فيهو اغنية نور بيتنا ( محجوب ) عندنا فى السعودية وما قدرنا نشوف الاغنية التى صاغ كلماتها الشاعر صلاح حاج سعيد ومناسبة الاغنية هى زيارة خــال البلابل لهم فى البيت بعد غربة طويلة ( وقالو ليهو نور بيتنا ) وما اروع المقطع البيقول :
شوف شتلاتك كيف نشوانة
والفل فرهد فرحان بالجيه
والريحان طربان يتمايل
والمقصود بشتلاتك هنا هم البلابل
والفل ( والدتهم )
والريحان ( والدهم )
وكما لايفوتى ان اذكى التحايا للاخ عبدالله الشيخ والاخوة المشاركين الشفيع ابراهيم والموسيقار يوسف الموصلى ودكتور متوكل محمود - الطيب بشير – عبدالله محمد احمد – ود كسلا – قلقو – محمد مختار جعفر – ترهاقا – سلوى صيام – هادية محمد – نادية عثمان – توتى فروتى – عثمان محمدين – محمد السنى دفع الله
وللكل اهدى اغنية طيبة اهلنا للشاعر اسحق الحلنقى - غناء هادية طلسم
نلقى وين طيبة اهلنا او وطن يشبه وطنا ...
نحن والله ظلمنا روحنا لما هاجرنا ورحلنا ...
******
يا القمر يا الدمت ناير طلعتك فى الغربة سودة
نحن مهما يطول بعادنا بكرة لابد لينا عودة
ارضنا الواسعة الخضيرة وين تفوت تلحق حدودا
يا حليل آم در بلادا"
بعرفا بتاريخ صمودا
لا رعت غير ريدنا ريدة
لا رضت فرسان بدلنا
*****
اشتهيت جلسة عصارى فى الوطن وسط الحبايب
منظر الطير الخدارى مع السواقى الدايرة دايب
يا قدر غربتنا مرة ياما ورتنا العجايب
بس مصيرنا نعود ديارنا وتبقى يا خاطرنا طايب
نمشى نروى عطش قلوبنا ومن شراب النيل عسلنا
عبدالدائم سيداحمد
جدة 00966504609597 [email protected]
|
Post: #65
Title: Re: من قتل البلابل
Author: Alshafea Ibrahim
Date: 06-15-2006, 03:42 AM
Parent: #1
اغنية تتبارك كلمات : محمد عبدالله برقاوى
* * * * * * * * *
مرحب بيك يا الزاهى نضارك ...
نور ليلنا بنوارك ....
زتنا بهجة يزيد مقدارك ...
وعاد تتبارك ما تتشارك ...
*****
ليه بطول فى اسفارك ...
مشتاقين واحشنا نضارك ...
سألين وين كيف اخبارك ...
جيتنا اليوم ما احلى مزارك ...
زتنا بهجة يزيد مقدارك ...
وعاد تتبارك ما تتشارك ...
*****
الحفلة ازدانت بازهارك ....
عطرك فاح واتجلى سمارك ...
كل من شارك غنى وبارك ...
ارقص وفرح قلبى الدارك ...
زيد بهجتنا يزيد مقدارك ...
وعاد تتبارك ما تتشارك ...
*****
قمر الحى شرفت ديارك ...
اوعه تغيب من تانى حذارك ...
ما تحرمنا من انوارك ...
ما بنفارق نحن مدارك ...
زتنا بهجة يزيد مقدارك ...
وعاد تتبارك ما تتشارك ...
عبدالدائم سيداحمد
جدة 00966504609597
[email protected]
|
Post: #66
Title: Re: من قتل البلابل
Author: abdalla elshaikh
Date: 06-15-2006, 08:58 PM
Parent: #65
عبدألدائـم سيدأحـمد
أكتب فأنت تعرف ألبلابل أكثر منى
|
Post: #67
Title: Re: من قتل البلابل
Author: منصوري
Date: 06-16-2006, 01:25 AM
Parent: #1
الحقيقة السؤال مشروع.. الحقيقة أنا مقياسي للفن السوداني الأستاذ الفنان الموسيقار محمد وردي.. بالرغم من أن قوله صراحة ماقاعد يرضي بعض الفنانين... وردي أشاد بالبلابل وقال إضافة للساحة الفنية مع إنو في ناس حاولوا يجرجروه عشان يقول راي عكس كدة بصفتو هو مبدع الساحة الفنية.. ووردي لما يثني على زول فعلاً قاعد يكون إضافة فعلاً.. اثني على الأستاذ عبد الرحمن عبد الله وقت ظهوره في السبعينات وكان بحق تفرد.. واثنى على فنان الطمبور صديق أحمد وفعلاً كان تفرد وردد بعض أغاني صديق أحمد في التلفزيون..كمثال(ناس الله على جمالا).. الحس الفني العالي يشم ريحة الفن الجديد هبوطاً أو صعوداً.. ما ضروري وردي ...أي ذو حس يشم ذلك..
.............
عائشة الفلاتية وصتهم على الغناء وكانت معجبة بهم..
.........
إضافات البلابل في ساحة الغناء السوداني مميزة وراقية.. الكلمات الحديثة.. الأوكسترا المكتملة.. النوتة الموسيقية كاملة الأبعاد.. والموزعة توزيعاً عصرياً.. وعتاة العازفين..ساعدوهن في ذلك...
..............
ومن حسن حظهن أن إحتضنهن الموسيقار المتفرد بشير عباس.. حتي حينما يعزف على العود برفقتهن تشعر بأن العود كأنه أوكسترا كاملة.. من الإبداعات في توليد النغمة المتوالفة الى نغمات مترددة متعددة كأنها أمواج مياه تدخل القلب.. وترتفع بذوق المستمع والمشاهد السوداني..
الإضافات التي أضفنها البلابل في تاريخ الغناء الجيد في الساحة السودانية عجزن عنه كل من أتين بعدهن
لا حنان بلو بلو
ولا ندى القلعة
ولا غيرها
.... كلام يحكي مسيرة المجتمع السوداني.. مأخوذ من الوسط لا الهابط ولا المتزمت..
هن نفسهن البلابل من أسرة عريقة.. بنات ناس..
ولذلك.. العرس.. الهجرة.. التحجيم.. هو الذي قتل هذه المواهب مبكراً..
|
Post: #68
Title: Re: من قتل البلابل
Author: Alshafea Ibrahim
Date: 06-17-2006, 05:11 AM
Parent: #1
الاخ العزيز عبدالله الشيخ شكرا" لهذا الاطراء واتمنى ان اكون وفقت فى كتابة كلمات الاغانى وان يتحفنا الاخ تنقو بالصوت والصورة معا" ، ونحن صراحة مدكنييين ليكم حاجات كتيرة جدا" وحننزل قريب ومن ضمن الاشياء دى اغنية رياح الشوق واغنية موجة والاغنتين البلابل اوركسترا كاملة وحتشوف وتسمع ادائية الروعة وروعة الاداء ، والبسأل ما بـتـوه كلمات اسحق الحلنقى
البسأل ما بتوه دارنا نحن قريبة ليه ...
انت ما مجبور علينا نحن مجبورين عليك ...
* * * * * *
كان سألت علينا كنت عرفت احنا الليلة وين ...
كنت اول لما آحنا نغيب ثوانى تقول سنين ...
غيروك يا وحيدنا ؟ ولا صابت ريدنا عين ...
اشتهينا تكون معانا .. ما لقينا حنان عينيك ...
انت ما مجبور علينا نحن مجبورين عليك ...
**********
مرة شفناك يا الحنين طالى فى حارتنا صدفة ...
جابنا ليك الريد وجينا الحصل جابتا الفه ...
ولا لالا آلجابنا ليك .. لو بتطرا دربنا عرفه ...
ان سرحت شويه فينا وما رجيتنا عشان نجيك ...
انت ما مجبور علينا نحن مجبورين عليك ...
*********
لسه مستنين تجينا ناسى طالبنك زيارة ...
يا جمال فرحتنا شاتل الصباحة بالنضارة ...
كان عمرنا زمان وروح .. فى رجاك ما راح خسارة ...
انت ما تفكر تجينا .. نحن بالافراح نجيك ...
انت ما مجبور علينا نحن مجبورين عليك .
عبدالدائم سيداحمد
جدة 00966504609597
[email protected]
|
Post: #69
Title: Re: من قتل البلابل
Author: Alshafea Ibrahim
Date: 06-17-2006, 09:51 AM
Parent: #1
قوة ملاحظة : تنقو والاخوة المشاركين لكم التحية فى اغنية نسيتنى انا وبالتحديد فى كوبليه ياما طال مشاورى حياة طلسم نست بداية الكوبليه فأشرت بكتفها الى هادية التى تجلس بجوارها بمعنى الكوبليه الجاى شنو ردت عليها هادية بتحريك اطراف اصابعها ( يمين ويسار وبعدين طوالى ) بمعنى ياما طال مشوارى من غير المشاهد ما يحس باى حركة والابتسامة تكسو وجوههم ، فهل واحد فيكم لاحظ الحركة دى ؟
نسيتى انا وخلاص يعنى مافى طريق يرجعنى ...
ما بقول ارجع اصافيك الاقى العزة تمنعنى ..
*********
ياما طال مشوارى بقى مشاوير ....
لا آنت حسيت بالعليا ولا فرحت قلبى المقادير
ذى زولا" بغالب فى الندم لا ليهو سكة ولا مصير ...
مكسور جناح عصفور حزين ...
مشتاق يشوف مشتاق يطير ...
ساعتو تمشى وتحترق ...
شايله فرح يطاوى العبير ...
*********
انا بسأل كل زول فى الدنيا عن حالكم وحنيكم ...
بسالم كل زول فى الدنيا من أيـديـا ليمينكم ...
مكسور جناح عصفور حزين ...
مشتاق يشوف مشتاق يطير ...
ساعتو تمشى وتحترق ...
شايله فرح يطوى العبير ...
عبدالدائم سيداحمد
جدة 00966504609597
[email protected]
|
Post: #70
Title: Re: من قتل البلابل
Author: Muna Khugali
Date: 06-17-2006, 12:51 PM
Parent: #69
ولما تجي سـيرة البلابل..يجـي معاها احـساس بالرغبة العارمة في الاستماع للإسـتمتاع ..
ربمـا كـن هـن الظـاهـرة الفنية النسائية الوحـدة التي تستمر في الاستقرار والانتشـار داخـل وجـداننا...
وأعتقـد كما قال أحـد المتـداخـلين..هـذا هـو السبب في ايقاف اعمالهم المرئيـة..فللبلابل حضـور فـني خطـير ومـؤثر..خـاصـة ان تسجـيلاتهم كـانت وهن في سـن صـغيرة..يعني تأثيرهـن علي الشباب كـبير...وهـذا شـيئ خـارج خطـة مغتالي الجمال والتوثيق...فالشباب يجـب غسل مخه وحصـره داخـل نظـريات مريضـة وعقيمـة!
وملبسهم الجميل الراقي ضـد مايقـدمـونه هم مـن نظـرية تري اتساق جمال المرأة وصـوتها وأدائها عـورة كـبيرة يجـب حجـبها ..فـإن لم يكـن حجـاب يغطـي عقـول فـارغـة كـما تشرح السـعـداوي فهـو حجـاب علي الصـورة!
وأعتقـد ان الواجـب الآن توثيق أعمـال البلابل وايجـاد تسـجيلاتهن كـاملة قبل ان تنالها يـد الهـوس السارحــة في حـياتنا...
شـكرا علي هـذا البوسـت الجـميل.... والتحية لجـميلات الفـن هادية... وآمـال... وحـياة...
وللأب الروحي بشير عباس....
مـني خـوجـلي
|
Post: #73
Title: Re: من قتل البلابل
Author: abdalla elshaikh
Date: 06-28-2006, 07:50 PM
Parent: #70
مني خوجلي يا..يارئعة
ألبلابل إغتالهن ليل ألتعب ألطويل
والذي [وشح]سواده علي كل إخضرار
|
Post: #71
Title: Re: من قتل البلابل
Author: Alshafea Ibrahim
Date: 06-25-2006, 02:18 AM
Parent: #1
الاخت منى خوجلى سعداء جدا بمشاركتك والاغنية دى هدية ليك
البنريدو تايه : كلمات : على سلطان
البنريدو تايه يا حليل البريدنا ...
احكام الليالى متين كانت بايدنا ....
********
الناس بسألونا مالكم ذى حيارا ...
حالكم ما براهو شمعاتكم سهارا ...
ونقول للحبايب ريحان النضارة ...
من فاتنا الحنين شالت الروح ودارا ....
********
ولا عشان زمانا ما بشبه زمانو ...
ولا عشان حنانا اكتر من حنانو ...
ما عارف مكانا عارفين وين مكانو ...
راجع لينا بكرة ونحن صباح امانو ...
********
زمان كان بسأل علينا كان طولنا منو ...
ايه جده فى عيونو بشوفا غريبة عنو ...
يمكن دى الليالى شالت حسن ظنو ...
ما السمحين بسامحو والحلوين بحنو ...
عبدالدائم سيداحمد
جدة 00966504609597
daiem5@maktoob.
|
Post: #72
Title: Re: من قتل البلابل
Author: khaleel
Date: 06-25-2006, 05:20 AM
Parent: #71
تحياتي لك
وانت تطرق هذا الموضوع
للبلابل اعظم التسجيلات بالتلفزيون
وهم يلبسن الماكس ايام الدنيا الجميلة
نعم لهم رجعنالك
وياخاتم المني وعشة صغيرة وكل الروائع
كل املي الا يكون الطيب مصطفي قد اباد هذا الارث الجميل
واذا فعل هذا يكون قد قتل جزء كبيرمن وجدان هذه الامة
|
Post: #74
Title: Re: من قتل البلابل
Author: abdalla elshaikh
Date: 06-28-2006, 08:11 PM
Parent: #72
ألأخ خليل....
وعلي حسب علـمي إن كل هذا ألـموروث ألفني قد أبيد
ولذلك قـمت بكتابة هذا ألبوست..ولاأزال أسأل حتى أجد ألإجابة
وسؤالى هو سؤال ألناقد[ألـمؤرخ]..ومن وجهت لـهم السؤال يعلـمون هذه
ألحقيقة
وأكرر سؤالى لهؤلاء ألإخوة إبتدءا بالتجانى حاج موسي وأنس ألعاقب
وعثمان جمال الدين وعبدالباسط سبدرات وإسـماعيل عيساوي وسهام الخوض
وأسامة سالم وعبدألرحيـم[OVER]..فأنا لاأسأل ألطيب مصطفي إذ تلك هي قناعاته ..ولكن أسأل أولئك ألفنانون لأنهم ينتـمون لـمشروع ألبلابل
ألفني
عبدالله ألشيخ..أو عبدالله عبدالوهاب[كارلوس]
|
Post: #75
Title: Re: من قتل البلابل
Author: Alshafea Ibrahim
Date: 06-29-2006, 02:25 AM
Parent: #1
الطيب مصطفى ؟؟؟؟؟؟
منظر ومنفذ مشروع الإعلام الجهادي وذلك لترسيخ دولة الخلافة الراشدة ، هو المسئول عن ضياع إرث الشعب السوداني برمته الموجود بمكتبة التلفزيون والإذاعة لصالح مشروع دق طبول الحرب المقدسة
|
Post: #76
Title: Re: من قتل البلابل
Author: abdalla elshaikh
Date: 06-29-2006, 07:01 PM
Parent: #75
ألأخ ألشفيع
ألطيب مصطفي هو ألآمـر ولكن
لدي من ألـمعلومات أن بعض أفراد ألقبيلة
[قبيلة ألفنانين]قد ساهم في هذه ألـمأساة ولذلك
وجهت إليهم هذا ألإتهام بغرض أن ينفوا عنهم
هذه ألتهمة كتابة وعـملا بأن يبث ألتلفزيون ألسودانى
أية أغنية للبلابل وهن يلبسن[ألـماكس ألطويل]..وفي
هذا ألجانب[جانب ألبث]أخص ألزميل إسـماعيل عيساوى
|
Post: #77
Title: Re: من قتل البلابل
Author: Alshafea Ibrahim
Date: 07-09-2006, 09:31 AM
Parent: #1
الاخ الشفيع لك الشوق كلو ، لو سمحت نزل مشينا بما فيه التعليق ادناه
************************
مشينا دى اغنية الرئيس السابق جعفر نميرى المفضلة قالو كان بجلس فى المسرح وبأشر باصبعيهو الاتنين للبلابل كدا ^ ^ ^ ^ بمعنى غنو مشينا ، ويـلا نسمع سوا مشينا ^ ^ ^ ^
مشينا .. مشينا .. مشينا
فى طريق الحب مشينا ...
غير عذابو يا ناس ما لقينا ...
*****
ما لقينا غير اساهرو ...
وحبايب ضنو وجارو ...
ما رحمو دموع عينينا ...
ولا حنو مرة علينا ....
*****
قبالنا كتير احتارو ...
فى سحرو وفى اسرارو ...
الظلت خافيه علينا ...
تتلون تلعب بينا ...
****
رغم عريض اخاطرو ...
ورغم لهيبو ونارو ...
فرضنا البيهو رضينا ...
لو حتى الشوق يضنينا ...
****
مشينا .. مشينا .. مشينا
عبدالدائم سيداحمد
جدة 00966504609597
[email protected]
|
Post: #78
Title: Re: من قتل البلابل
Author: Elkhawad
Date: 07-13-2006, 09:22 AM
Parent: #77
مشينا .. مشينا .. مشينا
|
Post: #84
Title: Re: من قتل البلابل
Author: abdalla elshaikh
Date: 07-27-2006, 06:15 PM
Parent: #83
ألأصدقاء...
معذرة..فالبوست هذا دائما يتمنع في أن أفتتحه مثل عذرا
ليلة[ألدخله]..شكرا ياشفيع وشكرا ياعبدالدائم والذي عرفنى بالبلابل أكثر مـما أعرف وشكرا يالؤي يافنان علي هذه ألصور ألنادرة والتى مسحت قبحا عالقا بجدار ألذاكرة سنينا عددا
|
Post: #85
Title: Re: من قتل البلابل
Author: سامي عبد الوهاب إدريس
Date: 08-01-2006, 07:04 AM
Parent: #82
الأخ لؤي
لك التحية
دي طلعتها من وين!!!!!!!!!!
صورة في منتهى الجمال
والتحية للعمالقة الموجودين في الصورة
|
Post: #86
Title: من قتل البلابل
Author: عادل جبارة
Date: 08-01-2006, 08:24 AM
Parent: #1
الأخ عبد الدائم
ياخي إنت كلك ذوق ومليان فن بس ليه ماكلمتني من زمان عن هذا البوست الرئع بعدين ياجماعة الخير عبد الدائم ده ما تشوفوليهو واسطة يدخل البورد !!!
التحية لكل الأخوان على هذه المعلومات الثرة والصور النادرة التي تعود بنا الى ذلك الزمن الجميل والذي سيعود حتما جميلا ،
|
Post: #87
Title: Re: من قتل البلابل
Author: abdalla elshaikh
Date: 08-01-2006, 06:05 PM
Parent: #86
رسالة خاصة جدا لبكري ابوبكر
يا بكري مـمكن تفسح مـكان لـ[عبدالدائـم]وذلك لأنه يـمتلك معلومات..بـمعنى آخر هو مخزن معلومات..وفي ظنى ان موقعكم لـما إكتسبه من صدقية لكثير من الجهات الـمهتمة بالشأن السودانى..فإنه حتما يحتاج لأمثال عبدالدائـم
|
Post: #88
Title: Re: من قتل البلابل
Author: filan
Date: 08-03-2006, 04:28 AM
Parent: #87
سلامات
19 أغنية للبلابل تجدوها على هذا الرابط :-
http://www.3aza.com/vb/showthread.php?t=715&page=1&pp=10
4 فيديو و 15 صوت
يا محب بتلقى الأغنية الجبتا رابطها بالفلاش هنا بالفيديو ومكتملة كمان.
الخواض الجميل من الزمن الجميل لابد أن يكون بحوذتك دوماً شيئ فريد ونادر
و كذلك الأخ لؤي .
دمتم بخير .
|
Post: #93
Title: Re: من قتل البلابل
Author: ياسر نجيلة
Date: 09-07-2006, 04:54 AM
Parent: #90
كما عهدتك دائما يا عزيزي عبدالدائم
كم هائل من المعلومات المنمقة والمنظمة والثرة كنظافتك يا "نضيف"
نرجو أن تنال العضوية باسرع وقت لأنك فعلا اضافة ثمينة لهذا البوست وغيره
لأني أعلم كم المعلومات التذي تختزنه في ذاكرتك ومكتبتك
|
Post: #94
Title: Re: من قتل البلابل
Author: ياسر نجيلة
Date: 09-07-2006, 05:26 AM
Parent: #93
ودي اضافة جديدة من حبيبنا عبدالدائم سيد أحمد لأغنية حبايبنا- وصلت هسع عبر البريد سخنة نار
Quote: نزل الاغنية دى فى بوست البلابل
برضو نحن ما بنسى حبايبنا
حبايبنا : للشاعر التجانى حاج موسى
حبايبنا .. قرايبنا وبخاصمونا ...
خصامكم لما زاد طول ...
ولامن أنتو فى الاول جرحتونا ...
قلنا قـلو نتلاقى ...
تعاتبونا وتلومنا وفى الاخر تصالحونا ...
*********
لما زاد خصامكم لينا وفات حدو ...
والقايلنو يبقى عتاب اسفر لينا عن جدو ...
بحر ريد وانتو بعاد يوماتى بزيد حدو ...
*********
تغلطو آنتو ونسامح وما بنقدر نخاصمكم ...
ما آصلو الهوى بجامل بنسينا العذاب كلو ...
فى ظلم الهوى وزلو ينسينا العذاب كلو ...
وينسينا العذاب كلو الضقناهو من مرو ...
لما عيونكم الحلوات تعاتبنا ...
ونرجع نحن مجبورين نسامحكم ... حبايبنا
عبدالدائم سيداحمد
! [email protected] |
|
Post: #95
Title: Re: من قتل البلابل
Author: انا بنت النيل
Date: 09-07-2006, 05:33 AM
Parent: #94
الله ..فعلا اغنيات البلابل شلالات من مياه عذبة تدخل القلب
|
Post: #96
Title: Re: من قتل البلابل
Author: محمد جمعه جوده
Date: 09-07-2006, 07:06 AM
Parent: #1
هم الماتو حين البلابل براهم !!!!
|
Post: #97
Title: Re: من قتل البلابل
Author: ياسر نجيلة
Date: 09-18-2006, 03:35 AM
Parent: #96
ويواصل عبدالدايم النضيف كتاباته في هذا البورد :
Quote: فى حلقة الامس من برنامج كل الجمال تقديم الفنان الشاب وليد زاكى الدين استضاف الشاعر عبدالرحمن مكاوى شاعر اغنية روح معاك عمر الهنا للبلابل وبدأ الشاعر بالقاء كلمات القصيدة مع خلفية صوتية فقط للبلابل بترديد الاغنية وهذا يدل ويؤكد ان جميع روائع البلابل تم قتلها ومن المؤسف فى نفس ا! لحلقة تاتى لقطة للغناية هاجر كباشى ( بالحجاب سبحان الله كانما المشاهد لم يشاهد لبسهم فى بيوت المناسبات ) ولقطة اخرى للغناية ندى القلعة ( مكشكشة بالدهب والحنة واكيد جاية من بيت سماية ولا حنة عروس والعداد تقيل ) وكمان موعدنا الاسبوع القادم مع زبيــدة الانقاذ وتغريد جبرة ومنال بت حاجة سعيدة وحنان لـبط فى سهرة رمضانية ممتعة ، وصحيح ذى ما بقول الشاعر مكاوى روح معاك عمر الهنا يا بلابل
عبدالدائم سيداحمد
[email protected]
|
|
Post: #98
Title: Re: من قتل البلابل
Author: ياسر نجيلة
Date: 09-18-2006, 06:03 AM
Parent: #97
ودي كلمات اغنية "عمر الهنا" من الرائع لؤى شمت - له عاطر التحايا
Quote:
عمر الهنا : كلمات الشاعر عبدالرحمن مكاوى
روح معاك عمر الهنا يا الفرقتك تمت سنة ...
وهى شوية من عمر الزمان لكين كتيرة علي انا ...
******
الليل يطول بهمنا ... وجيتك علينا تهمنا ...
مستنى بعد الحول شنو ... وراجى الظروف هى تلمنا ...
******
سفرك نشوفو حلم حلم ... وسكتنا بيك يا ريت تلم ...
مالو الفراق طول كده ... ولا زمان قال نتحرم ..
*****
الناس يجونا ويسألو ... بيتنا الغمام ما ظللو ....
ما الزول خلاص قرب يعود ... خبر الرجوع ما رسلو ....
|
|
|
