يامخرجي تلفزيون السودان والنيل الازرق هاكم الحقيقة المُرة!!!!!!!

معقول تكون مسلسلاتكم مافيها الموسيقى التصويرية
من الموصلي
بالغتوا عديل كده
ياخي وبدون غرور أخوكم العبد لله الوحيد الدرسها من مؤلفي السودان
والوحيد الذي يتعامل مع كل (السوفتويرات) البتساعد في خلق الصوت والمؤثر المناسب للموقف الدرامي
كوميديا كانت أو تراجيديا
اها انا بقولها ليكم صريحه كده
لو رسلتو السيناريوهات حرم اسلمكم موسيقى تصويرية ماحصلت
وبعدين اظنكم عارفين إنو الموسيقى التصورية في عالمنا الحاضر بقت تلعب
دور كبير جدا جدا جدا

اللهم قد بلغت فاشهد

ولنا عودات

ورايكم وإيدكم معانا ياجماعه

الأخ الموصلي

أين يا صديقي الدراما السودانية ؟

حتى تتعب وتؤلف لها الموسيقى التصويرية ؟

يا صديقي الدراما السودانية تحتاج لمن يقيل

عثرتها وتعود كما كانت 00

محاولات ومحاولات لكن النتيجة تقديم اعمال باهتة

وضعيفة في المضمون والمحتوى 00

سوف تضيع موسيقاكم سدى وسط هذا الخضم 00


مع مودتي 000

عثمان العزيز

ياخ ماتحبطني أنا مسخن جدا
وجاد جدا
ياخي مامعقول الواحد يتعب

والبلد تتعب في الزول ويروح سدا

it is nice to respond

هيييييع , دا الكلام , عارفك نجييييض!

بالجد كدا هناك اعمال درامية تحتاج موسيقاك

المعبرة , بس ياناس هوى , احسن ليكم تسمعوا

كلام ود عتمان بلال دا. وبالمرة كدا الدعوة موجهة للكتاب

والمخرجين امثال قاسم ابوزيد ويحيا فضل الله ومنعم شوف وتماضر وبت فاطنة
وكثيرمنهم انت تعرفهم.

تحياتى

والله يابكري انا بزعل جدا لما اسمع دراما سودانية بلاشغل نجيض
مع إحتلرامي لجهود مقدره بس يا أخوانا دي شغلانه ماها موهبة فقط
دي مدروسه تماما والموهبه بتديها دفعاتها الكبيره
وانا جاهز والميه تكضب الغطاس

الاخ الـحـبيـب الـحـبوب،
الـموصـــلـي،

تـحـيـة الـود والاعــزاز،

كـلامك كـلام زول متخـصـص وفـاهـم أهـميـة الـموسـيقـي فـي حـياة البشــر. لـكن التلفزيـون السـودانـي ما بتعامل مع الـموسـيقـي لانهـا.... " حـرام!!!!". هـل تصــدق انـو التلفزيون مانع عـرض افلام مباريات الـتنـس النســائيـة!!!!،مـع انو الـمشاهـدين السـودانيين بشـوفوا الافـلام دي من محـطات التلفـزة الخـليـجيـة!!!.

... واسـتغربت انك بتشــوف التلفـزيـون السـودانـي !!! يازول انـت ماخـائـف من الآيــدز!!.
لـك مـودتـي.

والله انا ماعندي دش لكن اصحابي كل مايعزموني في نهاية الاسبوع بفتحوا لي القنوات
أها قام راسي انفتح
هسع الغنا خليناهو لي راجل المره
خلو لينا الموسيقى التصويرية قبال مايجيها راجل مره
ولا شنو بالله يابكري

تسلم

و الله دا عرض ممتاز لو رفضوهوا بس يكونوا عاجبهم الحال المايل
و بعدين يا عزيزي عثمان للموسيقي التصويرية دور كبير جدا في
تخليق المناخ الدرامي يمكن بموسيقي مدروسة و مسبوكة يتحسن اداء
الممثلين و الطاقم الفني كله
يمكن نتصور الشغلانة بالنسبة للقامين بالعمل زي حل الكلمات المتقاطعة
او وضع الاجابة الصحيحة في الخانة الفارغة.

الاخ الـمـوصـلـي سلامـات

ما رايك في مبارك محمد علي والدكتور ود السـراج

أنا عارف انو في شباب مجتهدين
لكن عشان تعمل فيلم سكور ده موضوع تاني وعشان تطوع البرامج عشان تخلق أصوات جديدة
لاحظ لي كلمة (تخلق) يعني ماتمشي تشيل مؤثرات جاهزه ده موضوع تاني
ده شغلي تماما بلا مواربه
وربنا يقدرني للرجعه عشان أعلمو للناس وللشباب

تسلم

والله يانصار مصداقا لقولك أنا بخش السينما مرتين في الاسبوع لمشاهدة الافلام الجديدة وطبعا الموسيقى التصويرية والقصه دي ليها عشر سنوات هنا في اميركا
ووالله كل البعملوه الناس ديل انا بسويهو
الفرق ديل امريكان وبعملوا بامكانات ضخمه
وانا سوداني سجمان ساكت
أها ناسنا ديل أخير ليهم يتلمو علي

ولا شنو بالله

.... الـكـرة الآن فـي ملـعـب التلفـزيـون،...آهــا كلامكـم شـنو فـي عـرض الاخ الفنان الكـبيـر الـموصــلي????.

الله يديك العافيه
أنا ابوك ياهديل

أخــوى الرائع/ الموصــلى
أسـأل العلى القدير يـســمع منـك ونشــوفك عمـا قريب فى الســودان حـراااااام والله أمـثـالك بعيدين عن الوطن .... فالوطن يحـتاجـكم والوطـن يناديـكم.
تســـلم يأأصـــيـل

ابن كسلا الرائع

والله نحن في مسيس الحاجة الى الوطن الغالي

والقدم ليها رافع
اضعف الايمان نشتغل من هنا عشان خاطرو الغالي لمن نصل باذن الله

Quote: الـكـرة الآن فـي ملـعـب التلفـزيـون،

إن شاء الله يختوها في الـ واطة .

استاذي الموصلي ...

انت ما عارف الموسيقى حرام ...

و بتنجس الدراما ولة شنو ..؟؟


كدي خلي الممثلة تطلع طرحتها و هي بتمثل انها في المطبخ ..

بعد داك اديها موسيقى ...






خربشة:


الموثرات الصوتية في الونسة السودانية كيف معاك ؟

ياخي ديل الواحده نايمه بتكون محجبه ياني مساله ماليها علاقة بالواقع

لكن الديموقراطيه جايه

ولا انا بحلم
عزيزنا
Sobajo

ويشتو في القون ما في الاوت

العزيز الموصلي


فعلا الدراما السودانية ..تحتاج وتحتاج...


بس الناس ديل يكرّبو شغل المسلسلات دي شوية

ويبعدونا من (الراكورات) الكتيرة

غايتو ياشيخ منعم انا جاهز
والباقي عليهم وعلي رب العالمين

اللهم قد بلغت فاشهد

يديك العافيه

سلام عليك يا موصلي,

آخر زيارة لي للسودان حضرت "وراما" في الحقيقة مش دراما.. بحضر فيها و بيني و بين نفسي أقول في حاجة ما راكبة عدلها!.. أتاري هو غياب الموسيقي التصويرية! .. دراما كانت "صانة" لمن تقرب تشيل التلفزيون تفنو في راس البيت,

غايتو إنت جهز ليك كم كرتونة موسيقي تراجيدية و الباقي علي الله,

Quote: معقول تكون مسلسلاتكم مافيها الموسيقى التصويرية من الموصلي بالغتوا عديل كده ياخي وبدون غرور أخوكم العبد لله الوحيد الدرسها من مؤلفي السودان والوحيد الذي يتعامل مع كل (السوفتويرات) البتساعد في خلق الصوت والمؤثر المناسب للموقف الدرامي كوميديا كانت أو تراجيديا اها انا بقولها ليكم صريحه كده لو رسلتو السيناريوهات حرم اسلمكم موسيقى تصويرية ماحصلت وبعدين اظنكم عارفين إنو الموسيقى التصورية في عالمنا الحاضر بقت تلعب دور كبير جدا جدا جدا اللهم قد بلغت فاشهد ولنا عودات

استاذ الموصلي
دا كلام زول شنطو جاهزة تب وراجع بكرة دي.. بس بقول ليك كما قال الشاعر حميد ينعي ابريل
خوفي لاتلحق رفيقك!!!!!!

ابو حميد اخوي كلام شنو لا انا عايز اقدم الفن الدرستو للشعب الحبوب هو نحن عندنا حب غير الشعب السوداني

ليت الوطن استعدل وغشوه ديموقراطيه حلوه ليت ذلك لطرت الي هناك مثل الباتريوت

والله يامحمد اشتقت لاخواني الخمسه واخواتي الاتنين واولادهم وبناتهم لكن بالحال الشايفو ده الله يكون في عون السودان

بس حتي رمن هنا حقو مانحرم الشعب السوداني العظيم من الدم الصرفو فينا ولا شن رآيك

وتب ماتخاف علي ابو هديل

ياريت يوصل هذا النداء إلى المعنيين بالأمر، مع انو التساؤل قائم أين الدراما نفسها؟ حتى في رمضان الماضي حرمنا من الدراما السودانية سواء كانت جيدة أم لا، واتجاه التلفزيون في الاعتماد على شركات الإنتاج التي تسعى بدورها لتقليل الكلفة الإنتاجية للعمل حتى تحقق بعض الربحية عند بيعه لتلفزيون السودان الجهة الوحيدة التي تشتري مثل هذه الأعمال، طالما هناك ليست أي خطط تسويقية لترويج الدراما السودانية لأكثر من جهة، سوف تكون كل هذه الشركات أسيرة لتوجيهات وميزانيات التلفزيون القومي.
يعاني الدراميون كثيرا من هذه الشركات التي تضن عليهم في الكثير من الجوانب المهمة لإخراج العمل الدرامي بالشكل المطلوب من أثاثات وأزياء وديكورات وغيرها من المتطلبات، فلا أظنهم موسيقارنا الموصلي سوف يلتفتون قريباً إلى أمر الموسيقى التصويرية أو لعل البعض في إنتظار " مرة الراجل" لولوج هذا المجال!!
والله يعينا وإياكم..

أستاذنا الفاضل الموصلي.. أحسن ليك تسحب كلامك ده.. وإلا فكيف لك أن تؤلف موسيقى تصويرية لدراما لا يستطيع فيها الممثل التمييز بين التعبير الوجهي عن الحزن والتعبير الوجهي عن الاندهاش.. أو تراه في موقف الغضب مشمئزا!! الدراما السودانية تفتقر أبسط أسس الأداْء السليم.. فضلا عن هزالتها في وضع السيناريوهات والإخراج.

.

Quote: ابو حميد اخوي كلام شنو لا انا عايز اقدم الفن الدرستو للشعب الحبوب هو نحن عندنا حب غير الشعب السوداني ليت الوطن استعدل وغشوه ديموقراطيه حلوه ليت ذلك لطرت الي هناك مثل الباتريوت

الشقيق العزيز / الموصلي
لك التحية و الاحترام ..وبالتاكيد الشعب سيبادل ابنائه المبدعين حبا بحب وفاء بوفاء ...
وليتنا (نغني ونحلم و((نمثل)) باطمئنان ديمقراطية بنين وبنات في حضن الشعب صمود وثبات) ..
الدراما السودانية كسائر كل الانشطة الثقافية و الاجتماعية والرياضية والسياسية تعاني الكثير
من المصاعب وبها كل انواع القصور ....
احيي واثمن مبادرتك الرائعة ...ومادام الفنون بمجملها ومن ضمنها الدراما تجسد الواقع الماثل
وتعكس صورة المجتمع ...فستكون كل الموسيقى التصويرية ذات طابع حزين وحزين جدا ...



.

الجبيب جمال نعم فان الحال في السودان يغني عن السؤال
ولكن ايا كان الامر فان الفن هو تعبير كل جوانب الحياة
بكل تقلباتها
ونحن جاهزين لكل انواع الاعمال

محبتي

اعتقد ان المسآلة ليس الممثلين فقط المسالة اكبر بكثير برغم آنني اعلم ان الكثيرين من ممثلينا ممتازون جدا في المسرح
ولكنهم ينقلون اسلوب المسرح الي التلفيزيون فتكون تعبيراتهم اكبر من حاجة الكاميرا بكثير
مما يخلق المفارقة ولكن قد يكون السناريو او ربما المخرجين لعبوا دورا في هذا الامر
اذكر انه تم تصويري بكاميرا واحدة في اغنية بلدنا نعلي شانا فاصبحت رانا الذي يتحرك عوضا علي الكماميرا وتفعيل المونتاج وخدث ماحدث

لذينا الثيرين من المجيدين
هل تعلم ان جميع الدارسين بمعهدي السينما والمسرح باكاذيمية الفنون بمصر قذ احرزوا احسن نتيجه وتفوق الكثيرين منهم علي المصريين
انظر اين هم من المصريين الان

Quote: واتجاه التلفزيون في الاعتماد على شركات الإنتاج التي تسعى بدورها لتقليل الكلفة الإنتاجية للعمل حتى تحقق بعض الربحية عند بيعه لتلفزيون السودان الجهة الوحيدة التي تشتري مثل هذه الأعمال، طالما هناك ليست أي خطط تسويقية لترويج الدراما السودانية لأكثر من جهة، سوف تكون كل هذه الشركات أسيرة لتوجيهات وميزانيات التلفزيون القومي.

الحبيب راكوبه ده الكلام العجيب
تري كم يدفع التلفزيون للمسلسل
وكم تدفع الشركات للطاقم من مخرجين وكتاب سيناريو ومصورين وفنيو الديكور
وممثلين وغيرهم؟
علما بان الاعمال الدرامية تتطلب ميزانيات كبيره

حبيبنا المعز
والله عندنا فنانين بس المشكله انهم مقيدين بغدة حاجات اهمها (الكنجالات) بلغة الموسيقيين
يعني ناسنا بصرفو كويس في الاسقبالات والوداعات
اما الفن فهو ترف حضاري مابعده ترف

تسلم

Quote: اضعف الايمان نشتغل من هنا عشان خاطرو الغالي لمن نصل باذن الله

عزيزنا الجميل موصلي
أدوات إبداعك ممكن تتيح ليك تشتغل من (هنا)، لكن عشان الإبداع يكتمل في ناس ما ممكن يشتغلوا من بره. يعني هسة معاك في بلاد العم سام بت شيخ الدين دي، حيتحرم منها الجمهور السوداني لي متين؟

أنا ما ميال للإحباط .. لكني أتفق تماماًً مع المتداخل القال إنو الدراما عندنا متأخرة شديد. وإنت كمان ذكرت إنو الواحدة تكون نايمة في سريرها ومحجبة. أنا ما عارف تكون عندها مشوار في الحلم؟

سؤال لأهل الدراما: ليه الممثل عندنا بتحس دائماً إنو بيمثل؟ وليه بتحس دائماً إنو بيقرا من نص؟

لك الود .. والله يهدي القائمين على أمر التلفزيون

الموسيقار الفنان
موصلي
لمست حقيقة موجعة وهي إستسهال العمل الفني وتوفير مال الإنتاج لبنود أخرىبدلا عن الصرف الكافي لعنصر من عناصر الدراما ، مثلا بدلا من تسجيل الموسيقى بفرقة كاملة او بتوزيع على خطوط رقميةمتعددة يعطى العمل لمؤلف دون رؤيةمتكاملة من المخرج وكلفتة لتخرج الموسيقى في فترة غير كافية لنضج العمل ..هناك من برع في وضع اعمال خالدة مثل المنصوري وأعماله المسرحية وهو من أول من وضع موسيقى تصويريةوحقق فيها رسالة ماجستير وهو خارج الوطن صالح عركي ومسرحية نبته مع جمعة جابر ابوعركي البخيت وقطار الهم وطائر الشفق الغريب مع هاشم صديق .. كان كل شئ ماشي تمام ولكن تراجعنا للوراء بسرعة مخيفة .. اعمال أنس العاقب والموسيقى التصويريةللدراما التلفزيونية،وظهور نجوم جديدة واعدة ولكن يحتاجون الى الوقت لأن العمل الفني يكتسب نضوجه من خلال التراكم.. ولكن هذا الحماس لن أضيعو امسمك عندك ,,
الرجاء عنوانك بسرعةلأرسل لك مشروعي القادم
وهو التوجه نحو السينما
الفيلم الأول
الحب المستحيل
سيناريو أمين محمد أحمد
عن فترة الهمباته
الفيلم الثاني
غربة
تدور حوادثه في هولاندا
وده مشروع الموسيقى فيه خلطة بين الموسيقى السودانية والأوربيه
وطبعا انت الأن اكتسبت تجربة صقلتها بالخبرة والعمل الموسيقي اليومي مع خبرات متعددةانا واثق انك سوف تضيف الكثير ،يكفي انك حولت النقلةالحقيقية للموسيقى السودانية
في السنوات الأخبرة وهذا موضوع يحتاج الى بوست تاني ,,نحن لانلمع فنانينا , اليس كذلك...؟؟

الفنان الجميل محمد السني دفع الله

شكرا للمعلومات القيمة من عارف ومن جوه الخيمه الفنيه

نعم الحبسب ابو عركي له اسهامات كبيره ومقدره
خصوصا فب الدراما الاذاعية والقطر لازال (ماش) في اضاني
كما ان المنصوري الجميل هو استاذي بمركز شباب السجانة
قبل دخولي المعهد وله باعه الطويل مع الموسيقى التصورية في المسرح
والتلفزيون ونبارك له انجازاته الاكاديمية
==============
ما أنابصدده هو الموسيقى التصويرية على النمط الحديث حيث تلعب الموسيقى الاليكترونية
دورا ضخما في عمل المؤثرات
حيث لم تعد معظم المؤثرات تؤخذ من الجاهز ولكن يتم تصميمها بواسطة المؤلف وفق رؤيته
كما انه يكون المشهد السينمائي أما المؤلف ليتم تأليف المؤثر ليتماشى مع ايقاع
المشهد أما الموسيقى المعزوفة فيمكن أن تؤلف من وحي السيناريو المكتوب.
==============================
شكرا لذكر السينارست الكبير أمين محمد أحمد هذا الرجل القدير
بالله داير تلفونه وايميله ضروري جدا
=================
ارشح لكم الابن محمود عبد المنعم الدارس باميركا للتصوير والمونتاج
ليته اصبح مساعدا لك في هذه الاعمال
عنواني
Yousif Bilal
966Trinity-Ave#E
Seaside,CA93955
USA

يالسني خلي بالك من موضوع الابن الفنان ممدوح عبد المنعم ومنتظرك لي معلومات امين محمد احمد

العزيز محمد ابو العزائم
ياخوي تماضر لي هسع ماجات خاشه البوست ده مع انها
وعلى حد تعبيرها (شايفااااااااااااااااااااه)
دايرها كمان تديكم من ابداعها وتمثل وتخرج
لا نحن بنحلم

قد تكون المشكلة ليست التمثيل وقد يساهم المخرج كثيرا
في الناتج لانه يفترض الا يقبل غير اللقطات المعبرة عن الموقف بصدق

تحياتي

الرائع يوسف الموصلي
سمعت من كثيرين أجانب أن السودانيين قوم لا يحسنون الـ Finishing ، البدايات دائما عندنا جيدة ولكن في التهاية نقوم (نخرمج) ... أنا مدمن على مشاهدة القناة السودانية بالرغم من (المغص) الذي تصيبني به من بعض ما تبث ، ولكن الدراما السودانية من ناحية النص ومهما كان موغلا في المحلية إلا أنه متماسك وجيد ، الممثلين لديهم الخبرة والدراسة الكافية (خاصة على المسرح) ولكن تحدث الكارثة عند اللمسات الإخيرة والهامة جدا وهي استخدام الموسيقى التصويرية وفي بعض الأحيان تكون مجرد (كركبة) لزوم تمامة الجرتق...
أولا أحييك على هذا العرض الرائع وعلى هذا التواضع والإنحناءة للوطن وأنت الذي يجب أن نسعى له لا أن بسعى لنا.
ثانيا أحييك على وفائك للبلد \بالرغم من ظلمه وأظنك عملت ببيت الشعر والذي أزعجونا به في الإبتدائية : بلادي وإن جارت على عزيزة.
ثالثا أتمنى ممن يقرأ رسالتك هذه أن يهتم بما جاء فيها فهذا عرض سوف يريح آذاننا وأدمغتنا من تلك الموسيقى التي لا تشبه النص ولا تحمل أي من دلالاته...
لك الشكر نيابة عن الثلاثين مليون سوداني

نعم فالموسيقى التصويرية لم تعد ديكورا ولكنها أصبحت روح العمل
قد يقول قائل نحن نعلق فشلنا على شماعة الامكانات ولكن صدقني
ان الجهات المنتجة من تلفزيون وغيره لا تعطي الاعمال الدرامية ولو واحد من عشرة مما تعطيه الدول الاخري في العالم الثالث
===============
أحب بلادي ياعزيزي ولقد اصبح هذا العالم صغير ويمكن التواصل من أي مكان
شمرا عزيزي كمال

أخونا الموصلي
التلفزيون عاوز كتير وخليني أسألك هل إتصلت بي ناس التلفزيون وعرضت عليهم مثل هذه الأفكار ولم تجد تجاوباً منهم ، وبما لديك من خبرات علمية وعملية في مجال الموسيقى كيف يمكن أن تسهم مع غيرك في تطوير الفن السوداني بصفة عامة والموسيقى بشكل خاص وهل جغرافية المكان تقف حجر عثرة في إسهاماتك أم أن ذلك لم يعد له أثر لتوفر سبل الإتصال السريعة والمختلفة.

لا بصراحة لم أتصل عزيزي الملا عمر
ولكن هم يعرفون الموصلي ويعرفون اخباره
ماذا درس وماذا فعل ولم يبادروا
وهاأنذا ابادر
وجغرافية المكان لم تعد حاجزا لان المكان قد توحد بفضل التكنلوجيا

Quote: إن شاء الله يختوها في الـ واطة .

المشكلة إنهم قاعدين يشوتو (ضفارى) .. يا أخوانا (الدراما) عندنا (متخلفة) لدرجة بعيده جدا .. كيفن يكون عندنا دراما وممثلين وما عندنا (صناعة سينما) وما عندنا (كتاب قصة) و(كتاب سيناريو) ... يا الموصلى يا خوى (موسيقت) شنو -بالتاء المفتوحة- الداير تعملا للناس ديل عليك الله أعمل لينا (أغانى) خلينا (نتسلطن) وسيبك من حكاية (الجماعة) ديل !!! إنت بتنفخ فى قربه مقدوووووودة !!! هذا مع تحياتى

الفاتح جبرا

والله ياعزيزي الفاتح
على سبيل المثال لا الحصر
انا قريت سيناريو للكاتب الدارس المجيد
الاستاذ أمين محمد أحمد باللغة الانجليزية
بعنوان (مندكورو) حاجه تفرح وعرضه على بعض المتخصصين الامريكان وانبسطو جدا منه
على فكره أمين درس كتابة السيناريو باكاديمية الفنون بمصر
الله يكون في العون ياخوي
تحياتي

والله يا موصلي فعلاً كلامك في محلّو
واقول ليك كلام: عثمان سيد احمد والفاتح جبرا ديل مايحبطوك
والله الموسيقى التصويرية تكاد تكون تمثل 75% من نجاح الأعمال
الدرامية .. ياخي اسي انـا اولادي لمن يكون في فيلم كرتون الموسيقى
التصويرية هي البتلفت نظرهم ليها .. وامكن يكون فعلاً في ضعف في اعمالنا
الدرامية عموماً لكن مالو نحن ما نمسكها حاجة حاجة ولنبدأ بالموسيقى التصويرية
التي هي (ملح العمل) .

Quote: اها انا بقولها ليكم صريحه كده لو رسلتو السيناريوهات حرم اسلمكم موسيقى تصويرية ماحصلت

والله ما قصرت تب والكورة بقت في ملعبهم بس انشاء الله لياقتم تكون كويسة ويساعدوك بالشوت في الزوايا

يا الموصلي
خليك من الموسيقي التصويرية وركز علي السيناريو هل نحنا عندنا سيناريست محترفين مافي زول بيعرف يكتب سيناريو في السودان ومعروف إن السيناريو الجيد يوفر مساحات كبيرة للموسيقي التصويرية مما يساعد علي حبكة المسلسل أو الفيلم أو المسرحية أضرب ليك مثال صغير في خلل السيناريو في المسلسلات السودانية مثلا مقطع من مشهد شخص حيركب عربية في المسلسل من أمدرمان إلي الخرطوم تقوم الكاميرا بتاعت المخرج تباري العربية من أم درمان لحدي ماتصل الخرطوم لمدة قد تصل الي أكثر من نص ساعة في رتابة شديدة في حين لو كان في سيناريو محبك ومخرج نجيض هذا المشهد مفروض يأخد دقيقتين من زمن المسلسل يعني ببساطة يصور فقط منظر الشخص وهويركب العربة في أمدرمان ومنظره وهو نازل من العربة في الخرطوم بمعني إنو الشخص وصل مع موسيقي تصويرية بأيقاعات توحي بالرحلة

استاذى موصلي


أتفق تماماًً مع المتداخل القال إنو الدراما عندنا متأخرة شديد

لك احترامي وتقديري




Dr Shihab Elafatih -kuala lumbur

يادكتور شهاب
المريض بعالجوه ولا بفكوه عكس الهوا
لازم الناس تعمل بجد

محبتي

حبيبنا صلاح
على سبيل المثال لا الحصر
انا قريت سيناريو للكاتب الدارس المجيد
الاستاذ أمين محمد أحمد باللغة الانجليزية
بعنوان (مندكورو) حاجه تفرح وعرضه على بعض المتخصصين الامريكان وانبسطو جدا منه
على فكره أمين درس كتابة السيناريو باكاديمية الفنون بمصر
وهسع موجود بالامارات العربيه بس خليهم يقولو ليهو عوك
الله يكون في العون ياخوي

طبعا يا امير الاحبه
عثمان سيد احمد والفاتح جبرا
محبطين من الحاصل لكن حقو نحن كلنا
مايحصل لينا احباط ونحاول ولينا اجر المحاوله
بتفق معاك في كل الذي ذكرت

ما عايز أغير موضوع البوست، لكن أستأذن الأستاذ موصلي في تخريمة ذات علاقة بالموضوع. وهي:
في أكتر من متداخل ذكروا أن الدراما عندنا متأخرة. وأنا شايف إنو في عدد من الأعضاء دراميين أو مهتمين بموضوع الدراما، أذكر منهم - ولا أحصرهم في - تماضر شيخ الدين ومحمد السني دفع الله. يا ترى نطمع في رأيهم، أو توضيح لهذا التأخر؟

بتفق معاك ومفروض هم يكونوا اكثر الناس تداخلا في هذا البوست
لانهم اهل الحل والربط

تحياتى يا موصلى

الأخ عثمان سيد أحمد عبر عما كنت أود قوله

Quote: الأخ الموصلي أين يا صديقي الدراما السودانية ؟ حتى تتعب وتؤلف لها الموسيقى التصويرية ؟ يا صديقي الدراما السودانية تحتاج لمن يقيل عثرتها وتعود كما كانت 00 محاولات ومحاولات لكن النتيجة تقديم اعمال باهتة وضعيفة في المضمون والمحتوى 00 سوف تضيع موسيقاكم سدى وسط هذا الخضم 00

فالدراما مثلها مثل كل مخرجات المجتمع الأخرى، لا تنفصل عما يجرى هناك

أحى همتك وغيرتك وحرصك على تجميل وتجويد الأشياء دائما

ولا عدمناك إن شاء الخالق تعالى

موصلي .. سلامات يافنان

ربما تكون أحد من تحتاجهم الدراما السودانية , إضافة إلى مناخ مواتي لأعمال فنية غير مسيسة

الممثل السوداني لا يقل عن رصفاءه في محيطنا العربي والإفريقي , لكنه مكبل , ولا يجد نفسه إلا

بالمسرح , لغياب الرقيب نوعاً ما , ولعدم حاجته إلى دعم تقني مكلف كما في الدراما التلفزيونية

والسينمائية ..

مبادرة تحتاجها الدراما ..


أعود ..

أتفق معك تماما عزيزي كمال

وفي انتظارك

الحبيب مطر العشم
اين ذهبت تفاؤلاتك وتلك الاماني السندسية
دعنا نحاول عسى ولعل يا صديقي العزيز

استاذنا الجليل الموصلى..
حتى لو عملت اروع موسيقى تصويريه.
الشغلانه حتبقى شترا وما جايه..
لان الممثلين "عُوورا" ومابيعرفو يمثلو
والمخرج جاهل ويدفعك ما تتعايش مع الحدث
الديكور هزيل وشُغل "لِتييك"
الاضاءه مشغلينها ببابور جاز ..
كل شئ غلط فى غلط ...
ووضع موسيقى تصويريه جيده لن يخدم غرض
وربما تتضر من وجود اسمك فى هذه الاعمال الهزيله ...

لو داير النصيحه ..
احسن تنسق مع اصحاب المواهب الحقيقيه وتقومو بعمل
جماعى متطور من جميع الجوانب ...
اهم شئ العمل ده تتم مراجعته مليون مره قبل عرضه ...
يكفينا عرض درامى واحد جيد كل عشره سنين..

كل الود والاحترام

الاستاذ الموصلى والاخوة الاحباء تحياتى وودى.
الموضوع سمح وشيق بس مع احترامى للطرح المقدم.
الدراما السودانية والموسيقية التصويرية كجزء مهم جدا منهايعتبر خسارة قروش سااااااااى !! انا اقول ليك ليه.
اهم شى فى الدراما بكل اجزائها ومكوناتها هو المتلقى وهو المشاهد. المشاهد الان اصبح متزوق لثقافات تانية ومهتم بمشاكل تقدم له من حلال دراما مسرح احداثها خارج اطار المليون ميل مربع.
انا عشان ابدع فيما اقدم محتاج تفاعل تزوق فهم للرسالة المقدمة ودا ما موجود عشان كدا احسن نوفر القروش او نستخدمها فى تغيير هذه الثقافه او نلمها ونقدم مادة درامية متكاملة محتاج الى شريوت او 5 زجاجات من الكوكاكولا عشان تهضمها.
استاذى الموصلى انا افهم تماما يعنى شنو القعاد وراء الكمبيوتر والاجتهاد وكمية الوقت الممكن يستهلكة عمل موسيقى تصويرية عشان كدا اخاف انو يكون مافى تفاعل بعد دا كلو والا واحد متسلق على مهنة النقد الفنى يطلعه ليك فلسفة وجرع اكاديمات فوق طاقة الاستحمال.
يا مهتمييييين غيروا اولا ثقافة المتلقى.

احترامى وودى لك استاذى الموصلى.

جمال سعيد

الجميل جمال

الاتتفق معى
أن التذوق الفني والجمالي تربية
السبب الحقيقي لعدم تجاوب الجمهور بالشكل
المطلوب مع الدراما السودانية
هو ان التلفزيون رباهم على المسلسلات العربية الاخري
لانه لا يريد ان يكلف نفسه مشقة
دفع التكاليف الباهظة لعمل سوداني ممتاز
أما عن النقد فلا خوف علينا منه ولا نخافه
لانه لايصح الا الصحيح
اذا ثقافة المتلقي لاتتغير الا اذاسعينا نحن بتغييرها
من خلال الانتاج السوداني المجود المصروف عليه المستمر
(ولا يغير الله مابقوم حتي يغيروا ما بانفسهم) صدق الله العظيم

ولك محبتي

حبيبنا النصري
كلامك لايخلو من المرارة
اختلف معك في مايخص الممثلين والمخرجين
واتفق معك ان الاعمال لا ترقى الى نظيراتها في الدول الاخري
ولكن هذا يعزو الى عدم ايمان القائمين على الامور بالدور الهام
للدراما لذلك فهم يستهينون بها ولا يعطونها اي ميزانية ولو معقولة
ولو الحد الادني
ربما ميزانية مسلسل عربي تساوي ميزانية التلفزيون السوداني
نحتاج الى انتفاضة ثقافية حول مفهوم جدوى الفن

لك المحبة

أديك دى بس هى قديمة

واحد بتاع مزاج جاهو واحد قال ليه ابوك مااااااااااااااات

الراجل قال ليه ( قنق .... ققنق .... قنقققققققققققققققققق )

ادينا ليها فى نوتة !!!!!!!!!!!!!!!!!!!!!!!!!!!!!!!!!!!!!!!!!!

نتمنى ان يتم ذلك
فى وطن معافى
يعرف قيمة المبدع
ورغم ذلك نتمنى ان نسمع منهم ردا
لهذا العرض الراقى
شكرا لك الموصلى

يسمع منك يااااااااااااااااارب

تاتاتاتااااااااااااااااااااااااا
تاتاتاتااااااااااااااااااااااااا
تاتاتاتااااااااااااااااااااااااا
تاتاتاتااااااااااااااااااااااااا
تتتتم تتتتم تتتتم تمتمتمتم

Quote: لو رسلتو السيناريوهات حرم اسلمكم موسيقى تصويرية

الموصلي

تحياتي يا استاذ ..

الجماعة ديل ملوك السيناريوهات ابعد منهم احسن ليك

هسه لو رسلوا ليك سيناريو مقتل محمد طه ولا اعتقال

الطاهر ساتي ديل بتلحنوا كيف ..

قل يلحنهم الذي كتبهم اول مره !!

تحياتي

منعم

هنالك السناريو الذي لاننساه ابدا لهم اذا كتبوه
تسليم السلطة للشعب وعدم تكرار الانقلابات

العزيز الفنان موصلى

نحن نفتقدك ليس فى الموسيقى التصويريه لدرامتنا ( الهزيله )
فحسب ، بل نفتقدك أيضا فى مجالات أخرى كثر :
فى تطوير موسيقانا
فى إنتشارها خارج حدودالبلد ...
فى تهذيب و تشذيب الذوق العام ..
فى رعاية الموهوبين من النوابغ الذين أفسحوا المجال
لراجل المره ( مرغومين )
و لــ .... و لـــ ...... ألخ ،

لا أملك إلا أن أدعو لك و لكل الآخرين من المعقوده عليهم آمالا عراض
أن يرد الله غربتكم لأحضان وطن حنين و دافىء لتسعدوا به و يسمو بكم .

الحبيب مصدق

أعترف واقر بالتقصير

ربنا يقيل عثرة البلاد حتى تعود كل الطيور المهاجرة لتبني عشة السودان الجميلة
مع الاحباب في الداخل

Quote: وانا سوداني سجمان ساكت

تبرى انتا من السجم ياخوى..يتسجّمو براهم ، مادام موصلى ما معاهم

شكرا على كلمة السر
التي بحت بها
يابشرى

اللي في عينيك مقيله

صلاح موسى ..

Quote: هل نحنا عندنا سيناريست محترفين مافي زول بيعرف يكتب سيناريو في السودان

عندنا إتنين معانا في البورد لو بقوا الفرصة زول بيلحقم ما في ..

الفاتح يوسف جبرا ومعاذ حسن ..

أقرا السيناريوهات بتاعت الفاتح عشان تقتنع ..
وأقرا معاك حكايات معا حسن عشان تآمن !!!

صلاح موسى ..

Quote: هل نحنا عندنا سيناريست محترفين مافي زول بيعرف يكتب سيناريو في السودان

عندنا إتنين معانا في البورد لو بقوا الفرصة زول بيلحقم ما في ..

الفاتح يوسف جبرا ومعاذ حسن ..

أقرا السيناريوهات بتاعت الفاتح عشان تقتنع ..
وأقرا معاك حكاوي معاذ حسن عشان تآمن !!!

ناذر

انت بي جدك

طيب وين الناس ديل
تحياتي

الاستاذ/ الموصلى
الموضوع جميل وشيق والموسيقى التصويريه والمؤثرات الصوتيه جزء لايتجزاء من نجاح العمل الدرامى , ولكن فى ظل الصرف الشحيح من تلفزيون السودان للاعمال الدراميه يظل الحال كما هو ..... ضعف شديد من حيث القيمه الفنيه للعمل الدرامى من تصوير ومونتاج وديكور واضاءه ووووو... يعنى بى اختصار الانتاج الفنى .
ولايمكن ان ينصلح الحال الا اذا تعددت قنوات التلفزيون الخاصه , اعنى بذلك دخول راسمال خاص فى الانتاج وكثرة المنافسه واماكن العرض , وتجربة الكاسيت اكبر دليل وانت بى نفسك شاهد على ذلك .
وتمنياتى لك بالتوفيق والسداد

احمــد خضــر

العزيز احمد خضر

اتفق معك لم يعد العمل الفني
مجرد نص جميل وسيناريو جيد وممثلين ممتازين

هنالك أهم شئ الا وهو تهيئة الجو المناسب من حيث الكاميرات الحديثة الديكور
والملابس وتعدد الكاميرات وأجهزة المونتاج الجيدة
وتوفير كل الامكانات المساعدة الاخري

تخيل مؤلف موسيقي يؤلف سيمفونية ولا يجد امامه الا عازفين مبتدئين بالات لاتصلح!!!

فوق لمن اجي راجع

في انتظار ريحان الجميل

بركاتك ياشيخ السني

شيخ السني بحضر في رد طويل

الحكاية مهمة ولابد من رؤيا متكاملة وكثير من المتداخلين فتحوا مواضيع
اساسية في مسألة عرض الفنون وترويجها وتقديمها بصورة جذابة ومتقنة
ادينا فرصة انتهي من المقال بتاعي وجايكم
يكفي انك فتحت موضوع حقيقي
مودتي

اذا قالانتظار واجب

بس رسل لي تلفون امين وايميله يديك العافيه

السلام عليكم ورحمة الله وبركاته

ألاخ الموصلى..

أنا علاقتى بالفن...

متذوق جيييد....

أها لكن عندي شئ ياريت لو تساعدنى فيهو وليك الموسيقه التصويريه بتاعته..

أها من فتره نفسى أمثل.. أيه رأيك فى قصه حياة شاب سودانى عادى خلى البلد

وجا لى آخر الدنيا وبدأت هموم الغربه و..........

أها عندى أخوان ما بفضلم عليك عباقره فى مجال الفن.. وفيهم زول دكتور

عديل في الاخراج وكاتب عبقرى... لو حنستو وكتب لى السناريو وحاجات السينما

ديك... وأخوى العزززيز السنى ده أدانى حبة دروس علميه وصقل فينى حبة

الممثل الجواى... وظبطنا التمثيليه/ فيلم........مابتكون خبطه ?????

أنا جاهز .. اها Are you in

على رحمه

خلاص أول مايجهز السيناريو ياعلي
وتجهز كل ادوات انتاجك أنا موسيقتي
تجي طائعة مختارة

Quote: لو حنستو وكتب لى السناريو وحاجات السينما ديك... وأخوى العزززيز السنى ده أدانى حبة دروس علميه وصقل فينى حبة الممثل الجواى... وظبطنا التمثيليه/ فيلم........مابتكون خبطه ????? أنا جاهز .. اها Are you in على رحمه

لكن يا (على رحمة) بعدين لازم تغير إسمك ده وتعمل ليكا إسم فنى لأنو (على رحمه) ده إسم (ثيردباكات) !! I am just joking

لك التحية
عزيزي الفاتح
ياخي بس خليهو يمثل كويس الاسم هين

الموسيقار الموصلي:
تحياتي..

من بين كل هذه المداخلات اعتبر أن أهم مداخلة كانت هي مدلخلة الأخ الملا عمر والذي سألك سؤال كان يجب ان تقف عنده كثيراً ..
جميع المتداخلون ومع احترامي لهم هاجوا وماجوا وكالوا للتلفزيون والدراما ما كالوا وقد يكون لهم الحق في ذلك ولكنهم تجاهلوا ان يسألوا الموصلي هذا السؤال..
اولاً اختلف معك ان تكون المبادرة من شخص في قامة الموصلي عبر وسائل الإنترنت لهكذا طلب وارجو ان لا يكون تبريرك هنا أن سودانيز صارت مقروءة وصارت المتنفس و و و و ممايقوله متوهموا النضال هنا ..
ولكن ليتك خاطبت القنوات الرسمية ومن ثم يكون موضوعك هنا ردة الفعل إذا ما وجدت التقصير منهم ..
النقطة الأهم يا استاذ الموصلي هو عجبي من معظم المتداخلين الذين إقتنعوا تمااااااااااماً أنك ستقدم موسيقى تصويرية تحل مشكلة الدراما السودانية مع علمي بأن معظمهم لم يستمع للموسيقار الموصلي في هذا المجال بل اكاد أجزم ان معظمهم تفاجأ أصلاً أنك متخصص في هذا المجال..
نعم انا متأكد من الاستاذ الموصلي متخصص ودرس هذا المجال وله في شهادات عليا وربما قام الموصلي بعمل موسيقى تصورية لدراما لم اشاهدها ولكني طيلة هذه الفترة لم استمع لموسيقى تصويرية كانت من عمل الموسيقار الموصلي وأرجو منك يا موصلي تعدد لينا دراما كنت انت من قمت بتوزيعها طيلة حياتك وتواجدك في السودان حتى نستطيع ان نقيم الموصلي بتاع الموسيقى التصويرية زي الموصلي الموسيقار والفنان ..
نحن شعب مجامل جداً يا موصلي وكل المتداخلين جو وقفوا معاك وأيدوك دون الوقوف على ماضي الموصلي في الدراما السودانية وكلهم رموا اللوم على التلفزيون في حين انهم لم يسألوك هل اتصلت بهم أم لا ..
وها انت تؤكد لهم انك لم تتصل بهم فكان الأحرى بهم ان يقولوا لك حاول يا موصلي ومن ثم نرى ما الذي سيحدث ..
اختلافي معك يا استاذ الموصلي يكمن في ان الفنان يتحدث عنه إنتاجه وأعماله أكثر من تصريحه وإعلاناته وهنا اتمنى ان تفهم قصدي ...
فلو أننا مثلاً عندما شاهدنا مسلسل (أقمار الضواحي) كواحدمن أروع المسلسلات السودانية وقرأنا في المقدمة أن الموسيقى التصويرية قام بها الموصلي حينها سنطالب نحن بالموصلي ..
ربما تفجأ البعض هنا بأنك متخصص في هذا المجال وربما حاولت انت يا استاذ ان تنبه حتى البعض على أنك متخصص في هذا المجال وهذا أن دلّ على شئ انما يدل على تقصيرك انت أولاً قبل التلفزيون وقبل ناس الدراما في إنك ربما ركزت على الغناء والموسيقى الغنائية أكثر من التصويرية فكان لابد من أن تكون بعيداً عن هذا الوسط وكان عليك حينها ان تتحمل كل خرمجاتنا في الدراما طالما ان متخصص مثلك هجرها ..
كل التمنيات لك يا استاذ الموصلي في مشوارك الذي بدأته ولكن وجب التنبيه يا موسيقار ان الأعمال هي التي تتحدث وليتنا نرى نموذجاً أو نامذج لدراما قام الموصلي بعملها أكثر من أن نقرأ أن الاستاذ الموصلي يقدم ويطرح نفسه المظلوم وان التلفزيون السوداني والدراما السودانية هي الظالم والمقصر..
تخريمة :
موسيقنا التصويرية ومع احترامي لروادها هذه الايام إلا انها تقليدية وكعععععععععععععبة ..
يعني لو المشهد بالليل يجيب ليك صوت ابو الجندب ولو مشهد بتاع حرامي تسمع (ددنق تنقش كررش) وهكذا ..
نتمنى ان نخرج من عنف الزجاجة ..
لك ودي ..

مرحب بعودتك ياعمر

قبل ما اجيك لكلامك المفصل عندي وليك حاجتين
١- دراسة التاليف الموسيقي في الولايات المتحدة والدول الغربية
تتخللها دراسة الموسيقي التصويرية التي من آهم اعمدتها الموسيقي الاليكترونية
(ما الاورغن)
٢- الجماعه ديل عارفين منو الموصلي وقرا وين وما محتاجين لتعربف لانهم من آهل الاعلام

لحظه انا سمعت انك مغني هل مشيت لي ناس عرس قلت ليهم لارم تتفقو معاي اغني ليكم؟
ياخي الفنان عندو كرامه يعني المسالة مامحتاجه انا بس عايز اساعد الدراما السودانية

طيب في اكاديمية الفنون بالقاهرة انا عملت الموسيقي التصويرية لفيلم مريود قصة الطيب صالح
وعملت الموسيقي التصويرية لمسرحية العودة الي سنار قصة الكاتب الكبير محمد عبد الحي

ومش كده كمان مثلت دور البطولة لفليلم حفنة تمر اخراج محمود يسن والبطله معاي هاديه طلسم

لي قدام بجيك بالتفصيل

الاستاذ المحترم الموصلى...اهدى اليك هذا الموضوع الذى كتبته قبل فتره
****
الدراما السودانيه...دراما بِشَكل الفناء...!

• يصر القائمون على أمر الدراما فى بلادنا-وبصوره مستمره- على تقديم صوره (قاتله) للمجتمع السودانى ..!
• الصدفه وحدها جعلتنى أشاهد خمس دقائق من المسلسل السودانى الذى يُبث هذه الأيام...وخلال الخمس دقائق-تلك-رأيتُ الآتى:
  • الممثله فائزه عمسيب تخرج متسحِّبه من منزلٍ ما منتصف الليل..تحمل بعض الأكياس...تعترضها بلقيس عوض كما النمره...تطلق فى وجهها مجموعة سباب وشتائم..!
  • شخص يأتى كى يوقظ أمه من النوم ليجدها قد فارقت الحياه(!)..فيصيح باكياً بصوره هستيريه..
  • على مهدى وشخص آخر يقومان بتوثيق أحدهم داخل جراج...وهو يئن من شدة الألم...وعلى مهدى يأمر رفيقه بألا يطلق سراح المعتقل...!
• وفى العام الماضى وأثناء عروض إسبوع المرأه بجامعة الأحفاد...وقد تزامن ذلك بفقدٍ عزيز فى أسرتنا...فلملمت أطرافى وتابعت فعاليات الإسبوع عسى أن تنتشلنى من أحزانى...وفى أول عرض مسرحى تُفتح خشبة المسرح لتخرج الينا مجموعة أشباح متوشِحه بالبياض..وظلام دامس يحيط بهم...(إنه الفناء بذاته)...فغالبتنى أحزانى وإبتعدت بى الخُطا لتلاحقنى أصوات العويل و(السكليبه) المنبثقه من الساوند سيستم!
• وكلنا يذكر مسلسل دكين الذى سُفكت فيه دماء كل المشاركين فيه !
• حتى مسلسل الشيمه- الذى إعتبره البعض مميزاً-أصر مؤلفوهو على إنهاءه بصوره مأساويه لا تتسق مع معالجته الهادئه لقضيته المطروحه..!
• وحتى النكات التى تكررها الجماعات المسرحيه المنتشره لم تنفك من أسر الأحزان...والفناء...وحوادث الحركه..!
• نعلمُ-تماماً- أن المجتمع السودانى يمر الآن بظروف حرجه يظللها الإهتزاز السياسى...وتحيط بها الحروب...ويهزمها الفقر...ومن واجبات الدراما العمل على إخراج المجتمع من وهدته هذه...وليس بترسيخ لغة الإنهزام والإحباط
• ولكى لا نبخس الناس أشياءهم نقول أن حلقات متاعب التى كانت تقدمها فرقة الأصدقاء...كانت تتميز بحِس إخراجى عالى...وذوق فنى رفيع...ومعالجه راقيه...لكن كغيرها من الأشياء الجميله كان مصيرها التوقف...لتطفو الى السطح-مرةً أخرى- الأعمال الفطيره
• لا أملك-فى النهايه-سوى أن أتساءل:هل نضب معين الجمال فى بلادنا؟!

****

سألنى صديقى الحكيم:لماذا تُصر على متابعة كرة القدم فى بلادنا بالرغم من خسائرها (المتلتله) بالخمسات والستات؟!
فقلتُ له:-على الأقل- هى الشى الوحيد فى بلادى الذى لا يحتوى على (خسائر) فى الأرواح...!ه

ياسلام يامكي


بجيك راجع تاني

Quote: سألنى صديقى الحكيم:لماذا تُصر على متابعة كرة القدم فى بلادنا بالرغم من خسائرها (المتلتله) بالخمسات والستات؟! فقلتُ له:-على الأقل- هى الشى الوحيد فى بلادى الذى لا يحتوى على (خسائر) فى الأرواح.

يالحكمة

الحاجات الجميله لسه يومها ما جا !
خليكم لسه شويه , لى عودة الزمن
الجميل ! .. تحياتى يا موصلى ..
مامون

ليت ذلك الزمان اتي ياصديقي
مامون

Quote: لو رسلتو السيناريوهات حرم اسلمكم موسيقى تصويرية ماحصلت

عافي منك دنيا واخرة يا ضؤ القبيلة ومقنع الكاشفات

الفنان المبدع الساحر/الموصلى
جميل أن القاك بعد تلك الليلة الرائعة بمسقط التى ستظل محفورة فى الذاكرة
التى أشجيتنا بها بمصاحبة العازف الشاب/عمر الزبير
الذى قلت فى حقه كلمات فى تلك الليلةهى بمثابة وسام من موسيقار عالمى نفتخر به
فنحن معك...ونرد لصاعك الصاع صاعييين
وتقبل تحيات الاسرة وخصوصا الإبن عمر
ولك مودتى
ام عمر

ياسلااااااااااااام ياسميه يامرهفة
ما آسعدني بلقياك يومها وما آسعدني بالتعرف الي الابن العزيز عمر

بلغيه انني لم آنساه آبدا فهو في ذاكرتي لادبه الجم وعزفه البديع وقدراته الممتازة (نمسك الخشب)

آحيي فيك شعرك الجميل واحيي فيك ابنك البديع عمر حفظكما الله لبعضكما


ويومين كده وبجي آجادعك في بوستك الجميل

خالص المحبة والاحترام

طيب السيرة والسريرة

شكرا لك فكلامك يزيدني اصرارا علي كلامي

محبتي

Quote: شكرا لك فكلامك يزيدني اصرارا علي كلامي

تاني انت يا استاذي ما عايز ليك اصرار طالما حلفت بام احمد ولدك .

معزتي

اولا
صديقي واستاذي الموصلى سعدت لحماسك هذا واحبط من اهل الوجعه
الدراما السودانيه محتاجه الى فهم الناس لها ومعرفه كيفيه عملها لو اتفقنا انو الظروف السياسيه الراهنه غير مناسبه للابداع والله ياجماعه فى زول في التلفزيون اسميناهو (على مقص) على ياسين كان مدير الدراما هسه ماعارفو بقى مدير شنو؟
المهم انو دايما كان بقصقص الدراما دي زي الترزي ويحلف ازا زول عارض القص يقول والله على جثتي
تخيلو معى ياناس (الناس الشانه حمله على الدراما سااااااكت وبدون مبرر ناس الدراما تعبانيين من الادارة ومن المشاهدين الاعزاء الذين قبل مايشوفو العمل يقول ليك (بالله سيبك دراما شنو حول القناه دى)اها ده مثل اسالكم سؤال
منو البحضرنا ياجماعه منو؟ارفع ايدك؟
والله يا الموصلى البوست جميل وانا حا افتح ليكم بوست هشان الناس تعرف نحن عانينا كيف فى زمن الكيزان ديل والله على مااقول شهيد
عليش
مخرج/ممثل

شكرا حبيبنا محمد

انا متاكد من آن بلادي تضج بالفنانين الدراميين علمي
بالمعاكسات والعواقب التي تقف حجر عثرة امامهم

في انتظارك

تسلم

سلام ابو هديل ........
والله عضم الضهر أعوج ..... وباين حا نموت .. قبل ما نوصل أفكارنا

قالوا البلد الما فيها نمساح بقدل فيها الورل

متأكد أنك فاهمني

فاهمك ياسوركتي

الله يهون

الي حين العودة اليه

تب مفهوم ياسركتي

سلامات يا أستاذنا...

الدراما السودانية يزيد عمرها عن الـ50 عاما على ما أعتقد و لكن للأسف حتى اليوم لا مكان لها في خارطة الدراما العربية..إلى اليوم يؤدي الممثل الدور بمنتهى التكلف و التصنع في الأداء (لغاية ما عروق وشو كلها تظهرّ!!)

هل المشكلة في الدراسة أو التأهيل الأكاديمي؟؟
هل المشكلة في قلة المواهـب؟؟

في انتظار المختصين للإجابة على هذه التساؤلات.


أما عن الموسيقى التصويرية فهي بالتأكيد ركن أساسي من أركان العمل الدرامي..و لكن أعود و أطرح السؤال..أين هي الدراما التي تستحق موسيقى تصويرية من تأليف الموصلي؟؟؟
هذا ليس مدح للموصلي كما سيعتقد البعض فالرجل لا يحتاج أن أمدحه,و لكن ,ان كان السيناريو ضعيف أو/و الممثلون غير مجيدون أو/و المخرج غير متمكن فهل الموسيقى التصويرية ستؤدي إلى نجاح العمـل؟؟




أعتقد أن المنبر عامر بمجموعة من الدراميين و الدراميات.....فأين هــم ليجيبواعلى هذه التساؤلات؟؟

ولدنا الصحافابي

السودان ووممثلينه بخير ومخرجيه بخير المشكلة ادارية بحت وتتعلق تحديدا بالميزانية الخاصة بالعمل الفني

Quote: ٢- الجماعه ديل عارفين منو الموصلي وقرا وين وما محتاجين لتعربف لانهم من آهل الاعلام لحظه انا سمعت انك مغني هل مشيت لي ناس عرس قلت ليهم لارم تتفقو معاي اغني ليكم؟ ياخي الفنان عندو كرامه يعني المسالة مامحتاجه انا بس عايز اساعد الدراما السودانية

الأستاذ الموصلي:
صباحات الله بي خيرا..
طيب كويس جداً يا استاذ واتفقنا على مسألة الكرامة للفنان دي ولكن برضو المعادلة ما إتوزنت..
بمعنى إنو إعلانك من هنا من المنبر على تقديم يد العون للتلفزيون تعادل الشخص اللي قالوا ليهو " أضانك وينا فقال هدييك " ..
لا اعتقد ان هناك فرق بين أن تعلنها هنا او تعلنها لهم مباشرة طالما انك اعلنتها ..
يعني يا استاذ السيناريو المتوقعوا إنت شنو بعد كتابة البوست ده ؟؟؟
هل متوقع إنو ناس التلفزيون يقروهوا وبعد داك يتصلوا بيك ؟؟
ولّا متوقع واحد من الزملاء الاعضاء يشيلو ويمشي لي ناس التلفزيون ويقول ليهم شوفوا الموصلي قال ما عندو مشكلة يساعدكم ؟؟؟
أهو يا استاذ شفت كلامي؟؟ كل الطرق تؤدي إلى روما فعشان كده انا كان في رأيي تجيب الموضوع من النهاية وانت تخاطب التلفزيون ..
وتدعم الموضوع ده بي أعمال ونماذج يا استاذ لأنو برضو الشهادات والسمعة الطيبة والشهرة لا تكفي ..
انا عاتب على المتداخلين هنا يا موصلي لأنهم بي صرااااحة كده ما سمعوا الموصلي وهو بيعمل موسيقى تصويرية ورغماً عن كده باركوا ليك البوست بل وذهبوا لأبعد من ذلك
وسلموك الراية لإنقاذ الموسيقى التصويرية والدراما في بلادي!!!!!!
مش ممكن الموصلي يعمل موسيقى تصويرية تقليدية وتفشل التجربة ؟؟؟
مش ممكن الموصلي تواجهو الصعوبات البيقولوها الناس المختصين من معاكسات للشغل؟؟؟
مش ممكن الموصلي يفتش لي شماعة في حالة الفشل بعذر الأمكانيات و و و ؟؟
يبقى مفروض الناس ما تستعجل الحكم وما تعتمد على الموصلي الموسيقار بس ..المفروض تشوف وتسمع اعمال الموصلي وبعد داك تؤيدك !!!
نحن شعب مجامل وشعب إنطباعي ..
صدقني يا موصلي نفس الكلام ده لو كتبوا مبارك محمد علي ولو كان هو عضو معانا هنا كان حا يتكتب ليهو نفس كلامك ده
مع العلم إنو مبارك محمد علي بيعمل معظم الموسيقى التصويرية !!!!!!
اعمالك اللي ذكرتها يا استاذ بكل المقاييس هي حاجة ما ساهلة وتجارب (بالرغم من قلتها) إلا انها بتكون اكسبتك خبرة لكن يبقى السؤال:
كم من المشاهدين في السودان استمع لها؟؟؟
وكم حتى من المتداخلين في هذا البوست سمع بها؟؟؟
الناس الهنا حالياً خالطين بين الموصلي الموسيقار والموصلي بتاع الموسيقى التصويرية ..
صدقني يا استاذ لو كان ود اللمين عضو معانا هنا وقال (يا ناس التلفزيون انا بعمل ليكم موسيقى تصويرية) كان البورد ده وقف على كراع واحدة وماف زول كان حا يقول لي ود اللمين
ياخ كدي اول شي سمعنا شغلك التصويري ..!!
فكلهم معتمدون على ود اللمين اللي لحن زاد الشجون وبتتعلم ويا ريت و و و
انا مصرّ على إقحام تجربة حصاد (عنوة) لتأكيد انه ليس كل ما يقدم من اقتراحات من مقبول ونجاحه مضمون بنسبة مئة في المئة( ما تهتم بي الجزء ده عشان ما يؤثر في مجرى البوست)..

ختاماً وعن نفسي يا استاذ الموصلي ستجدني الاكثر فرحاً وسعادة لو نجحت تجربتك ولو تشجعت انت قليلاً وطلبت الموضوع مباشرة من التلفزيون مدعماً ذلك بأعمالك تاركاً الشهادات والتخصص جانباً ..

ومعك ننتظر ما ستفضيه الايام المقبلة حول هذا الموضوع ..
مودتي..

كدي ياعمر قبل ماتسرح تاني في حصاد وتجربة الموصلي فيها

اجب علي هذا


ماهي الموسيقي التصوريه وكيف تتم صناعة الصوت وماهي علاقته بالمشهد الدرامي
وكيف يتم الحكم عليه بالنجاح او الفشل
هل بمثل سماع المزاج للاغنيه

كيف انت تحكم علي نجاح موسيقي تصويرية او فشلها؟

بعد الاجابه نخش معاك في التفاصيل

نسيت اقول يعجبني فيك دايما انك باستفهاماتك بتفتح لي الطريق لتوصيل الصحيح من المعلومات
ولك الموده

الأستاذ الموصلي:
ماهي الموسيقي التصوريه وكيف تتم صناعة الصوت وماهي علاقته بالمشهد الدرامي
وكيف يتم الحكم عليه بالنجاح او الفشل
هل بمثل سماع المزاج للاغنيه

انت بتسأل وعايز إجابة علمية ولا بتسأل وعايز إجابة مشاهد كل يوم بينتظر الساعة 8 مساء تجي ويجر البمبر ويقعد في نص الحوش وفي يدو كيس تسالي؟؟
انا عمر الفاروق ذلكم المشاهد البسيط صاحب كيس التسالي والبمبر وتوقيتي مظبوط مع الساعة الثامنة لبداية المسلس وحا اجاوب من المنطلق ده ..
انا البعرفو إنو الموسيقية التصويرية هي التي تجعل المشاهد يشاهد بأذنه ..
والموسيقى التصويرية عندي بي مفهوم بسيط المقولة التي تقول:
والأذن تعشق قبل العين أحياناً ..
عن نفسي استمتع بموسيقى تصويرية سماعياً فانسى المشاهد حتى كما حدث لي في مسلسل رأفت الهجان مثلاً ..
وعن نفسي استمتعت بليالي الحلمية والمال والبنون وما قدم فيها من موسيى تصويرية ..
وعن نفسي استمتعت جدا جدا جدا بما قدم في مسلسل حسن ارابيسك ..
ولا ادخل الافلام الاجنبية في حساباتي فانا مستمتع بكل ما يقدم فيها من موسيقى تصويرية لذا لا احددها ..
لو عايزني اجاوب ليك بي صورة أسهل ..اقول ليك اتخيل معاي المسلسل بدون موسيقى تصويرية !!! يعني كلام وبس!!!
حينها سيكون من السهل للمستمع العادي تعريفها..
أما ما تعريفها العلمي فانا بكل تأكيد غير ملم به ولا اعرفه ..

وبما انك لمحت لنقطة مهمة وهي انني بإستفاهمي افتح افاق للنقاش فصدقني هذا ما ارنو اليه وهذا هو المقصد ..
ولعلك الان ترى الفرق بين ان تكون متلقي لدعوات الثناء والتصفيق دون لفت الانتباه لتقديم الاهم والافيد ونقل الصورة الصحيحة ..
وهذا ما نريده من الموسيقار الموصلي ..

تحياتي..

أنا سالت السؤال لان ناس كتيرين بفتكروا انو الموسيقى التصويرية هي التي يؤلفها الموسيقي لمقدمة مسلسل ما ومره مره تجي تاني أثناء المسلسل مثلا
وهذا يستطيعة معظم الملحنين الجيدين من الفنانين
ولكن المقصود بالموسيقى التصويرية هنا هو ماذكرته أنفا كجزء بسيط من الموضوع بالاضافة الى الاتي
1- وضع موسيقي تعبيرية تلعب فيها الموسيقى الاليكترونية جانبا مهما والمقصود هنا بالموسيقى الاليكترونية (ليس الاورغن او الجيتار او غيرهما من الالات الموسيقية وانما هي العملية الجديدة في خلق الاصوات الجديدة المناسبة للحدث او المشهد الدرامي المعين
فمثلا ممكن أقعد جمبك وأخليك (تقح) وأسجل صوت قحتك ثم أخلق منه مئات الاصوات الجديدة من خلال برامج كومبيوترية تدرس للمؤلفين مثل (ماكس أو بيك- وغيرهما وهي برامج لها قدرات تفوق السنسسايزر بمراحل كبيرة جدا وبعد تجميع هذه الاصوات بطريقة معين يتم إختيار الجملة المعينة للموقف المعين. وهذا لايمنع من أن تكون هنالك بعض (الكباري او اللنكات الموسيقية او الغنائية في النصف عبر الطريق الى النهاية.
أها ده كلام الفنانين العاديين مهما كانوا كبار مابيقدروا يعملوه
باختصار يستطع المؤلف ان يخلق من أي صوت وان كان جلبة وضوضاء كل مايحتاجه المخرج في عمله من معادل موضوعي)
أها ان شاء الله اكون وصلت ليك المعلومه

تحياتي وتقديري وتفهمي

Quote: وتدعم الموضوع ده بي أعمال ونماذج يا استاذ لأنو برضو الشهادات والسمعة الطيبة والشهرة لا تكفي .. انا عاتب على المتداخلين هنا يا موصلي لأنهم بي صرااااحة كده ما سمعوا الموصلي وهو بيعمل موسيقى تصويرية ورغماً عن كده باركوا ليك البوست بل وذهبوا لأبعد من ذلك وسلموك الراية لإنقاذ الموسيقى التصويرية والدراما في بلادي!!!!!! مش ممكن الموصلي يعمل موسيقى تصويرية تقليدية وتفشل التجربة ؟؟؟ مش ممكن الموصلي تواجهو الصعوبات البيقولوها الناس المختصين من معاكسات للشغل؟؟؟ مش ممكن الموصلي يفتش لي شماعة في حالة الفشل بعذر الأمكانيات و و و ؟؟ يبقى مفروض الناس ما تستعجل الحكم وما تعتمد على الموصلي الموسيقار بس ..المفروض تشوف وتسمع اعمال الموصلي وبعد داك تؤيدك !!! نحن شعب مجامل وشعب إنطباعي ..

عمر انا بحترم راييك جدا لكن لاحظت انك حامل كتير على اراء الاخرين

برغم ان فيهم متخصصين موسيقى ودراما

بعدين نماذج يدوها لي منو هو أصلو الزول
الوحيد الدرس القصة هو العبد لله الضعيف المفتقر

يعني تفتكر غير متخصص عندو الصلاحية في أن يحكم على عمل المتخصص؟؟

Quote: انا البعرفو إنو الموسيقية التصويرية هي التي تجعل المشاهد يشاهد بأذنه .. والموسيقى التصويرية عندي بي مفهوم بسيط المقولة التي تقول: والأذن تعشق قبل العين أحياناً .. عن نفسي استمتع بموسيقى تصويرية سماعياً فانسى المشاهد حتى كما حدث لي في مسلسل رأفت الهجان مثلاً .. وعن نفسي استمتعت بليالي الحلمية والمال والبنون وما قدم فيها من موسيى تصويرية .. وعن نفسي استمتعت جدا جدا جدا بما قدم في مسلسل حسن ارابيسك .. ولا ادخل الافلام الاجنبية في حساباتي فانا مستمتع بكل ما يقدم فيها من موسيقى تصويرية لذا لا احددها ..

دا كلام سمح ومعقول
أها واظنك عرفت الفرق حتى بين الموسيقى التصويرية المصرية او العربية وبين الغربية

أها الاستايل الغربي ده اخوك بقدر عليهو تب
وهسع في طالب في احدى الجامعات الامريكية بعمل في دراسه عن مؤلفاتي وده بوست حينزلو شخص اخر عشان ماتبقى شكارتها دلاكتها

طيب عشان نعمل الموسيقى بالموستوى داك محتاجين الى الآتي

1- الجانب الموسيقي المألوف يجب ان ينفذ باوركسترا ضخم على الاقل مجموعة الوتريات
وطبعا الضخامة دي بتفسرها التسميه للموسيقى التصويرية نفسها الا وهي
Film scoring
والاسكور هنا المقصود به ذلك الدفتر الكبير الذي يحمل كل الخطط والافكار اللحنية المصاحبة للمشاهد المرئية تلفزيونية كانت أم سينمائية حيث يستطيع قائد الاوركسترا قيادتها بقراءة الاسكور واصدار الاشارات للآلات كي تلعب أدوارها.
2- الموسيقى الاليكترونية الخاصة بالمؤثرات الصوتية الجديدة مقدور عليها في كومبيوتري
ولا مشكلة في ذلك وهذه تخفف من الميزانية الخاصة بالتسجيل .
3- التسجيل الاوركسترالي يتم في استديو محترف لكي يخرج الصوت بطريقة فعالة ويجب ان يكون مهندسه قدير.

وبعد ده كلو يجب ان تساعد الجهات الاخري المخرجين والممثلين بالامكانات الفنية اللازمة والميزانية الكافية لتغطية الديكور وأجورهم قطعا حتى يتفرغوا للتجويد لان مشكلة الاجور هي آفة الفن السوداني عموما فالفنان لا يستطيع التفرغ لتجويد فنه لان ذلك الفن لايؤكله عيش في بلادنا.
نعم المنتجين قد يواجهوا بصعوبة بيع مسلسلاتنا الى دولة أخرى ولكن ثمن تثقيف الشعب السوداني والنشء وتربيته على تراثنا الغني لا يعادله مال, لذا فعلى الدولة أن تتحمل جزء كبير من التبعات بدل ذلك الصرف البذخي في بعض الفارغ.

ونواصل

سلامات يا أستاذنا..

يعني الصوت البيطلع لمـا وا حد يدي زول بونية(لتضخيم الأكشن) زي ما بيحصل في الأفلام الهندية يعتبر موسيقـى تصويريـة؟؟


عمـر الفاروق..

أقول ليك كلام؟ واصل و أنا معاك عشان الأستاذ يطلع العندو كلو

طلعت محاور من الدرجة الأولى

ذلك اسلوب عفى عنه الدهر ياولدنا الجميل ولو مؤلف او مخرج استخدم اسلوب المؤثرات القديم فانه يطلق عليه بالانجليزية

Mickey mousing

Quote: Mickey mousing

وصـف رهيـب

مش كده بالله

لو خليت بالك من افلام

ميكي ماوس ده الاسلوب القديم

الاستاذ الموصلي:
سؤال والله عارفو أشتر وحساس وربما يكون بايخ لكن هو سؤال مباشر ..
هل ستقدم تعاونك مع التلفزيون مجاناً أم بالمقابل المادي؟؟؟

عمر عشان خاطرك شغل يدي مجانا في المرة الاولي وهم يدفعوا للاوركسترا والاستديو

ولا ادفعهم انا كمان واحرم ناس هديل وجوغتها منها:؟؟؟

الاستاذ الموصلي
وتاكيد لكلامك عن اهمية الموسيقي التصويرية افلام الممثل العالمي الكبير شارلي شابلن والتي كنا نضحك معها بالساعات
آن الاوان لنقلة كبيرة في تحويل درامتنا الي مصاف الدراما العالمية ولنعطي الخبز لخبازه
مودتي

صديقي متوكل

صدقت ياصدوق ولكن من يقول

(البغلة في الابريق)

من يقول؟