فيديوكليب على قدر الشوق كان فتحا جديدا ولكن تلفزيون السودان تجنب عرضه!!!!

من اخراج المخرج العراقي مروان بغدادي وتصوير لؤي محمد عثمان ومونتاج سهيل الجابري تم هذا العمل في نهاية التسعينيات حث ارسلته هدية للتلفزيون السوداني ولكن تم اعادته اليّ بواسطة دكتور الفاتح الطاهر الذي كان قد سلمه للتلفزيون
وللقصة بقية!!!
في المرة الثانية كنت قد صورت سهرة سريعة مع الاستاذه المذيعة جديه عثمان حرم البروف معز وأهديتها الاغنية لتضيفها للسهرة ولكن يبدو أن شيئ ما منع الامر
نحن نريد لاغنيتنا ان تنطلق ونريد لتلفزيوننا وقنواتنا أن تبلغ الثريا ولكن بالتعاون المشترك
وبحرية التعبير الفني التي لاتخدش حياء المجتمع السوداني (ككل)

مرحب يابلد وكل عام وانت بخير انت والعيال
واضح انو الاعمال الثرة ماعادت ذات اهمية ولذلك
دعهم فى طغيانهم يعمهون.

الشغل مشوّق شديد ولكن الصوت مقطّع لدرجة مزعجة
ارجو الانتباه او ارساله لى لرفعه على موقعى
لك الحب

نعم يا أستاذ عمل رائع

أذكر أنني شاهدته منذ بضع سنين في قناة تلفزيون عجمان من الأمارات العربيه و تساءلت

لماذا لم أشاهد هذا العمل في التلفزيون السوداني أو أقرأ عنه في أيي مكان؟

أتمنى أن تتحفنا يهكذا عمل مرات و مرات

و دمت

الصديق مالك لقد بث هذا العمل من تلفزيونات دبي وابوظبي ايضا
لك الود

الاخ موصلى سلام

ما كانو يستلموه و ما يبثوه على الهواء

هم ما بتعبو يفتشو الناس ولما تجيهم حاجه

جاهزه يرجعوها .

دى مصيبه كبيره الله يكون فى العون , هو زاتو

بركه الرجعوه والناس شافوه هنا

لو كان عندهم من الزمن داك كان لحقوه ليك

شرايط ام كلثوم وحفلاته الاقيمت فى جوه السودان.


بجى تانى

في انتظارك ياشيخ حمد


محبتي

العزيز سمندلاوي
نترك هذا الامر للاخ ياسر طيفور او الصديق احمد خضر
ليعالجا المسالة الفنية
هو عندي مسموع جيد جدا
في انتظارك

عزيزنا الأستاذ الموصلي
كل سنة وإنت طيب
آداء رائع وحرفية عالية في التصوير والإخراج وهو لاشك ينافس الفديو كليبس العربية الأخرى وليس مثل تلك الأغاني سيئة الإخراج وضعيفة التصوير (رغم جودة الأداء فيها) التي تطل علينامن خلال الفضائية السودانية .. لكن اذا داير تعرف سبب رفضهم له حاول ولو لدقائق أن تفكر بعقلية النفاق الإسلاموي التي تسيطر على التلفزيون والتي لاتزال تصر على لبس الحجاب لكل المذيعات والفنانات (وإن تنازلوا بعض الشيء عن ذلك فيما يخص الفنانات في الآونة الأخيرة) وربما لو بعثته الآن لكان له شأن آخر والا أقول ليك أرسله لقناة النيل الأزرق اذ أن لهم ذوق رفيع فيما يبثون .. أما نحن فنحمد الله أن يسر لنا "يوتوب" تلفزيون الجماهير ..
عمر

الاستاذ/ الموصلى
تحياتى
عمل جميل ومميز ومزيدا من الابداع والتواصل
النساء غير السودانيات غير ملزمين بى لبس الحجاب والدليل على ذلك الممثلات فى المسلسلات
السوريه والمصريه وظهورهم فى شاشه القناه السودانيه من غير حجاب .
والمضحك فى الامر ظهور الممثلات السودانيات فى بعض الاعمال الدراميه بالتوب وهى نائمه
او اثناء التواجد فى المنزل مما افقد الدراما الكتير فما بالك فيديو كليب والنساء من غير حجاب
والله يكون فى عون المشاهد , والخوف مع هذا الهوس المتواصل نشاهد النصف الاعلى للشاشه
ويتم حجب النصف الاسفل عشان عوووووووووووووووووووووووره .


احمــد خضــر

سلامات... وكل عام وانت بخير

ارجو معالجة الخلل لم أتمكن من المشاهدة فيه تقطيع لدرجة مزعجة

الحبيب بهاء نترك هذا الامر ونحول هذا الطلب الى كل من الاستاذ احمد خضر
وياسر طيفور
ولك المودة

الأستاذ الموصلى
قالوا إن مدير التلفزيون السابق إبتدر عهده بقرار منع فيه السجائر والتمباك !
هذه العقليات لن تفهم ما تقدمه من إبداع . .

Quote: شرايط ام كلثوم وحفلاته الاقيمت فى جوه السودان

شريط حفلة أم كلثوم سجلوا فيه أغنية ( متين ياالله نتهنا ونعود لى نقزو مسكنا) !

الاخ العزيز موصلي
كل سنة وإنت طيب
والله العظيم قبل شوية وانا في طريقي
الى البيت من العمل كنت ارددهذه الاغنية
وقلت في نفسي لما اصل البيت حانزل بوست باسم
(علي قدر الشوق) واطالبك بتنزيلها فيه
وكنت اردد هذه الغنية رغم اني كنت مشغل الرائع
الجابري في اغنية من طرف الحبيب وكانت بينهما قرينة
وعندما حصلت البيت اول شئ فعلته جلست علي النت وفتحت المنبر
واذا بي اول ما اجده امامى هذا البوست
فقلت ياسبحان الله شنو التوارددا
ولي عوده
مع خالص الود و التحايا

القلوب شواهد ياعزيزي معتصم
ولهذه الاغنيه حكاوي حنجي ليها

تحياتي

طيب ياعزيزي عزان

أغنيتي انتي ليا صممت رقصاتها الفنانه القديره هاديه طلسم
وصورت تلفزيونيا يرقصها اربعه بنات واربعه شبان كانت اروع مايكون
وأحدثت تأثيرا كبيرا لدرجة
أن حفلات الاعراس بالخرطوم كانت تحفل بهذه الرقصة
بمجموعه مختلفه في كل مرة أغني فيها الاغنيه
تفتكر بتكون موجوده؟

عزيزي احمد نحن نثق في كوادرنا السودانية بالتلفزيون وإمكاناتهم الرائعة
ولكن على إدارته التحرر من نير السياسة الحكومية وعلى الحكومة
أن تترك التلفزيون في حاله
لك الشكر

لربما عزيزي عمر ان أعطينا فنانينا ومخرجينا بعض من الحرية
ثم قليل من الامكانات المادية لدخلنا سوق المنافسة بتفردنا
لك الود

مش حرام عليك , عليك الله شغل زى ده حارم منو الناس مالك

ما عايز اقول تستاهل يعنى ما شمتان فيك , لكن درس افهمه ياسيد الناس

الحمدلله ناس التلفزيون ابوه وجبته لينا هنا

طيب حاجة تانى زى دى والحساب ولد

انا بحلم ليك باستديو انتاج وصالة عرض

اتوقع عرض هذا الكليب بعد ان يمشوا اولاد ال......................

تحياتى ياحقنا

ابوالسارة

حجبوه من عينى...الا من قلبى لا
ماقدرو حجبوووووووووهو
وها نحن نشاهده الان..الم اقل من قبل
ان السودان جميلا بابداعات ابنائه
سلمت الموصلى

يديك العافية صديقي عبد المنعم

حقكم ونص وخمسه ياعلوبه
أحب السودان لذا فاريد له ماهو أحسن من ذلك بكثير وعلى
اهبة الاستعداد

أستاذ الموصلي ..

حقيقة أول مرة أشاهد هذا الفيديو كليب .. حيث أنني غادرت السودان منذ منتصف التسعينات وإنقطعت فترة طويلة جدا عن متابعة الجديد ..


نعم حقيقة :

Quote: فيديوكليب على قدر الشوق كان فتحا جديدا ولكن تلفزيون السودان تجنب عرضه!!!!

ولكن ماذا نفعل مع هذه الإشكالية وعدم تفهمها :

Quote: نحن نريد لاغنيتنا ان تنطلق ونريد لتلفزيوننا وقنواتنا أن تبلغ الثريا ولكن بالتعاون المشترك وبحرية التعبير الفني التي لاتخدش حياء المجتمع السوداني (ككل

كامل تقديري وإمتناني لك ..

ود الخال حبابك مليون ياغالى

ولا تزعل حالك هم الخسرانين اكيييييييييييد!!

بالمناسبة منتظراك لمواصلة ماانقطع من حديث عشان مااخد خطوات براى ترجع تشاكلنى وتزعل منى لو مااخدت مشورتك ..سمح ؟

Quote: تفتكر بتكون موجوده؟

بكون سجلوا فيها : خيار من خيار !
الأستاذ الموصلى:
كنت قاعد فى حفلة تكريم الاستاذ محمد خليفة فى نيوجرسى , وكان لى فى أمريكا يا دوب يومين.كانت بالجدأجمل إستهلال !
كنت وعدت الأستاذة هادية بعد الحفلة أنسخ ليهامنى تسجيلات نادرة للبلابل من التلفزيون السودانى , وحاولت أتصل عشان أعرف عنوانها ما قدرت , فلو عندك ليها سكة . .
أخيرا:
لو لسه فى كلفورنياأنا جنبك فى أريزونا!

الفن عندك لا يضدأ ايها الغالي لانه رسالة مفعمة بالجمال والخير

دمت لنا وللقيم الرفيعة

اهلا بشاعر الجمال الذي طوع الكلمة
اهلا برحيم

ليك علي عنوان هاديه

والبنيه سودانيه اصيله مهذبه غايه في التهذيب

ربنا يحفظها ويعلي مقامها

تسلمي يابت العمه
بالتوفيق باذن الله

العزيز ناذر

كل الحب والتمني لك بغزو غابة الفن ونيل الصيد الثمين

محبتي

حقيقه وجدت الفيديو كلب صدفه فى الyoutube
فوجدت نفسى اشاهده كم مره وانا ما مصدق ما اراه
لاننا تعودنا على الفيديو كلبات السودانيه وفيها الكثير من المفارقات
الا دا عشان كده اصبح شاز وغريب لما رايته اول مره

فقمت بانزاله فى بوست الاخ كوستاوى كعيديه

وكننته فاكر نفسى الوحيد الاكتشفو لكن اتاريهو الشعب السودانى كلو ما شافو

حرام مثل هذا الابداع يغيب عن العيون

الاستاز الموضلى
انا متاكد انو ياما فى الجراب يا حاوى
لتكن فرصه لنا لمشاهده ما حجبه التتار عنا فى السودان

دوما جميل ايها العبقري
عمل قمه في الروعه
وربنا يحلل عقدة من لسان
المتسلطين على الابداع
مودتي
كل سنه وانت بالف خير

الفنان التشكيلي
الجميل رقولا وفعلا
الا يتاج هذا البوست الي لوحة من ابداع بنانك الرفيع

شكرا عزيزي يوسف
علي مساهمتك التعرفيه اللطيفة
اها نعمل شنو
نحن عايزين نقدم حاجه وعندنا الكتير جدا
بس العقبات هي التي تحول بين الفنان السوداني
ومنافسة الاخرين بل والتفوق عليهم

قمة في الإبداع يا أستاذ


تقطيع الصوت ده عندنا نحن والله فيه من أول بسيط يعني


ياريت لو بالإمكان تزود أكثر من مكتبتك الخاصة



تحياتي



واسبه

الأستاذ الموسيقار يوسف الموصلى
فى السنين الأخيرة معظم الفنانين الأثيوبيين وثقوا أعمالهم فى فيديوهات جميلة،
وكل مرة أشاهد لهم فيديو كليب جديد، أتسائل: أين فيديوهاتنا وأين نحن منهم؟؟
أقارب بالفن الاثيوبي دون غيرهم لأنهم -على حسب إعتقادى- أقرب إلينا ثقافيا، جغرافياً، وحتى إقتصادياً
لان للإقتصاد دورا مباشراً أوغير مباشر للنهضة الثقافية و الفنية... ومن الناحية الثانية، لا أهمل
جانب الحرية الثقافية المعدومة عندنا، والتى بدونها يظل الفن والفنان أسيرا ما (يتفضل) به أصحاب
المشروع الحضارى من هامش المشاركة.
وكنت دائماً أعلق (تأخرنا) وعدم مواكبتنا الفنية على أصحاب المشروع الحضارى.
وانتهى إلى أن الفن جزء لا يتجزأ من فشلنا فى المناحى الأخرى
فكيف نتطور فنياً، ونحن نتراجع فى كل شئ؟؟؟
حاجة مؤسفة جداً، انو الواحد يشاهد عمل سودانى جميل كهذا متأخراً بالرغم من قدم إصداره..
لو كان العمل لغير الموصلى- المعارض للتوجه الحضارى المزعوم-، لكان أخذ نصيبه من تلفزيون السودان
الذى هو فى أشد الحاجة لهكذا عمل..
وبهذا الحرمان، يعاقب شعب كامل بعدم الإستمتاع بكل ما هو جميل
وتكتوى الأذن والعين وتضرس الأسنان بما أعدوه لنا سلفاً من أسلمة
التحية لك يا أستاذ موصلى
لقد أجبت على أسئلة كثيرة أطرحها دوماً الى نفسى، ولم تجد الحل.
**الفرقة المصاحبة ما عارف ليه ذكرتنى بمدينة -نيو أورليانز- وفرق الجاز العتية المنتشرة هنالك**
هامش:
العندهم مشكلة تقطع فى الصوت أو الصورة،
دى مشكلة download من سرعة الأنترنت connection
لأن الملف كبير جدا، نسبة لformat الملف..
لو صبرتم على ال buffer، الكليب سوف يعمل بدون تقطع
وأى زول عند HiSpeed internet، ما مفروض يواجه المشكلة دى
تحياتى للجميع
ونشكر المبدع الموصلى

العزيز ياسر طيفور
لا ادري كيف اعبر لك عن شكري
فلك المحبة

Salah Waspa
هل ياتري ذلك قد يكون نوع الانترنت المستخدم
لذا ارجو الصبر علي الفايل حتي ينزل كاملا اذا لم يكن عنك الكيبل او الدي اس ال انترنت

استاذي الجليل كل سنه وانته طيب
الجاتك في غنيتك سامحتك

الفنان المبدع الموصلى
عيد سعيد
رجوعك الى السودان ضرورى وعاجل
لك التحيه
أخيك عثمان

الاستاذ/ الموصلى
تحياتى
الاخ/ ياسر طيفور وضح المشكله
وممكن المشاهدة من خلال هذا الرابط
http://www.youtube.com/watch?v=i3XzhRXmTeI

احمــد خضــر

حبيبنا عثمان حاااااضر

من عيونا

وانت طيب ياريحان
ضحكتني والله
أها ظبت الاغنيه ولا لا

مبدعنا الرائع الموصلي

فعلاً قمة في الابــــــــداع

ولو التلفزيون السوداني قدم روائع زي رائعة على قدر الشوق

اكيد حنصل للعالمية

استاذنا يوسف ،، الله يديك العافية ،، وما يحرم الفن السوداني من ابداعك

تسلم يا وطن

عشان كده ياأستاذ موصلي يدي على يدك
تعال نعمل لينا شركة للصوتيات والمرئيات
للفن السوداني يكون مقرها دبي ويكون لها قناة
فضائية أو عدة قنوات متخصصة على غرار A R T مثلا !!!
والله ما شايف أي حل لمشكلة الإزدواجية التي
يعاني منها السودان حاليا خلاف ذلك 00
والسؤال هل فعلا يمكن توجيه رأس المال
للأستثمار في مثل هذا المجال ؟؟

انا جاهز ياعزيزي إن وجد راس المال فان الباقي سهل
ومقدور عليه ومربح


مودتي

والله يانانا السودان مليان بالمبدعين
وبالواعدين لكن شن نسوي

الله كريم علينا وكل سنه وانت طيبه

تلفزيوننا المصان يا استاذنا الموصلى الذى منع هذه الاغنية الجميلة يبث فى هذه اللحظة اغنية سنتر الخرطوم والتى تقول فى مطلعها كلام فى كلام يا عوض دكام ... الى اخره من الغناء الهابط جدا جدا
وليس غريبا
فهذا المدعو التلفزيون لن يعود الى عافيته الا اذا خرج منه هؤلاء الشواذ والشذاذ وضيقى الافق
والله يا استاذنا الاغنية جميلة جدا جدا مع انى لم اتمكن من مشاهدتها لكنها فى ذاكرتى منذ التسعينيات.
وكلام فى كلام يا تلفزيون

العزيزموصلى
تحياتى وكل سنة وانت طيب
شكرا لك ايها الفنان الرائع
كلمات جميلة منتقاه تعبر عن ذوقكم الرفيع
والحان تطرب الحجر وصوت جميل يضاف الى ثروتنا
الوطنية التى لم يستطيعوا ان ينهبونها
متعك الله بالصحة والعافية
عبدالواحدابراهيم

جميل يا موصلي.
ياسيدي أثرك لن يمحوه أحد.
شاهدت قبل شاهدت برنامج عن النوابغ، افتتحه المذيع الشاب
بعبارة "على قدر الشوق ما يمد، أعزاءنا المشاهدين، مدينا.."
هذا المذيع ربما لم يلتقيك في الحس من قبل، ولكنه التقاك
في المعنى كما يدل استخدامه للكمات التي أوصلها له فنك النبيل.

دكتور حيدر
ونحن على قدر شوقنا فقد مدينا وحبل شوقنا لن ينقطع
عن سودان الحب
تسلم

كلك ذوق يا أبو عبده
وتشجيع تب مابقع واطه

عزيزي محمد أحمد سنهوري
شكرا للطله
ونرجو ان يعيد المسؤولون عن التلفزيون
رؤاهم ونرجو ان يساعدهم مسؤولي التميل الحكومي
وبلاش ملطشه لفننا

لك التحيه على هذا العمل الرائع..
بس ما عرفنا طريقه نحفظو...
لو حولوتو لى فورمات موسيقى عاديه ورفعتو لينا يكون جميل جميل منك..
تحياتى لك مره أخرى -أستاذ موصولى- والتحيه موصوله لضيوفك الجميلين...

الحبيب مكي
اها ماطلبته انا اجهل فيه
من (هناي داك)
وده تعبير عشان تختار اجهل زول بتعرفو

لك الود

تسلم يازول يارائع يااستاذ ياموصلي

كل سنة وانت طيب
والسنة الجاية ان شاءالله نكون مدعوين لحفلة بالموصلي في يوم 1-1-2008م
وكلها غناء وطني

الحبيب طارق وباذن الله تكون حفله حاشده ومحشود ليها
تقبل خالص محبتي

الحبيب أستاذ يوسف ...

انت عارف البير وغطاه .... الجماعة هنا متمسكين حتي الان بقوانينهم البائسة

ولكن الي متي ..... ؟

نحن الان بوجودنا هنا نعاني ما نعاني ..... لك كثير ودي

الحبيب الموصلى....تحياتى ....

سيكون أول فيديو كليب ناجح بالسودان وتجتمع فيه كل عوامل النجاح وأرجوك رجاء خاص أن يتم التعامل مع قناة زول الفضائية والتى مقرها بالامارات فهى الوحيدة التى يمكنها أن تنشر هذا الهمل الجميل لأنها قناة ليست لها أى علاقة بالكيزان وتعمل على بث كل الابداعات السودانية المدفونة بحرية تامة
ويمكننى أن أفعل ذلك اذا أرسلت لى المادة بعد الاتفاق على الأشياء المعروفة فى حال بثها

العزيز بهاء الدين
انت مفوض تماما في كل مايخصني معهم
وانا متبرع لهم بعدة أغنيات على ان يقوموا هم بانتاج الفيديو كليب
ومستعد للسفر من اجل ذلك إن أرادو بل ولتكن هذه بداية تعاون حقيقية معهم لتبني الاصوات الشابة

ولك المودة

الصديق الفنان سوركتي
وانتم من التخصصين نتمني ان يوفقكم الله
وتساهموا في جو صحي

كل سنه وانت طيب

يا لك من رائع يا يوسف...

لماذا لا يقدم عمل متكامل كهذا العمل في تلفزيوننا القومي؟

او حتى في قناة النيل الأزرق؟

الموصلي


والله حاجة قمة الروعة

لكن مرمي الله منو برفعو خليهم في عفنهم وخبوبهم ده

صديقي العزيز سيف

الله كريم علينا

تسلم

الشاعر الثوري زمراوي لك كل المحبة

اتفقنا يا حبيب ... بالمناسبة أنا أمس اتصلت عليك تلفونيا فى الساعة الواحدة صباحا بتوقيت الامارات وما عارف عندكم كم وما كان فى رد أدينى المواعيد المناسبة ليكم هناك

اتصل بي مابين الخامسة فجراوحتى العاشرة صباحا
بتوقيت الامارات
لك الود

سلامات الموصلي ..
جمَّلتَ يومي ..
كل الود ..

استاذنا الموصلي عمل مقدر ورائع ما تهتم الفن الاصيل يدخل قلوبنا ويصل الناس

بكل الطرق بس نقول الجهل مصيبة ...

أغنيتي انتي ليا صممت رقصاتها الفنانه القديره هاديه طلسم
وصورت تلفزيونيا يرقصها اربعه بنات واربعه شبان كانت اروع مايكون
وأحدثت تأثيرا كبيرا لدرجة

اغنيه انت ليا فعلا في حقبة السبعينات عملت ضجة كبيرة وخرجت من المألوف

(بالشارلستون والشعر الخنفس قمصان ملونه علي مااظن) ولكن التصوير علي ما اذكر

ابيض واسود...

وكنت اتوقع مشاهدتها في من الامس ..فعلا هناك شيا ما!! والا لماذا يرفضون

بث هذه الاغنية ؟؟ اين العيب والخلل ؟؟؟انا اعتقد انه ده عمل مقنع جدا صوت وصوره وموسيقي

علي كل حال السودان سيشاهد هذا العمل ومن خلال التلفزيون...طال الزمن او قل ..

تسلم كتير حبيبنا موفور العافيه

Quote: اغنيه انت ليا فعلا في حقبة السبعينات عملت ضجة كبيرة وخرجت من المألوف (بالشارلستون والشعر الخنفس قمصان ملونه علي مااظن) ولكن التصوير علي ما اذكر ابيض واسود... وكنت اتوقع مشاهدتها في من الامس ..فعلا هناك شيا ما!! والا لماذا يرفضون

العزيز عماد شمت

لا اعتقدأنني سأجدها في مكتبة التلفزيون فهي اغنيه ورقصة متطرفة
بلغة التلفزيون السوداني
لكن لو أن هنالك أي من السودانيين المهتمين بالتنسيق
لديه هذا التسجيل لانتي ليا
سوف أهديه عمري!!!


محبتي

ونحن ايضا قد أضحي يومنا جميلا بقدومك الميمون
ياخنساء

فنانا العزيز
الموصلي

بالرغم من أن الملف قد أخذ الكثر من الوقت
و أنتظرت كثيرا لكي أشاهد العمل
الا أنني سعيدة لانني صبرت علي التحميل

كل الود و التحية
و الشكر علي هذا العمل الرائع
و كل عام و أنت بخير

غادة

العزيزة المهذبةو الخلوقة
غاده عبد العزير خالد
انا فخور بك ايما فخر واتشرف جدا
بانك شمس في هذا البورد مع الشموس
نورتي البوست
بلغي سلامي لصديقي
العميد وتحياتي

يا استاذ يارائع الموصلى,

عمل جميل وصوتك العذب خلانى اعيد الاغنية مرات ومرات فعلا انت مبدع يا استاذ وربنا اخليكم لينا ولى بلدنا ...

كل سنة وانت طيب استاذنا

الصديق حسن الجيلي
شكرا لهذا التشريف
شرف الله قدرك


محبتي

تعيش يالموصلي ومنتظرين المزيد..

احمد حجازي- كلورادوا

الصديق آحمد حجازي
شكرا للتشجيع
ولك المودة

موصلي...
والله انت انسان فنان...مرهف و مبدع، و الاهم كمان مسكون بحب الوطن و رغبتك في علوه..لكن الجماعة ديل ما وجدوا مدخل للجمال إلا و طمسوه أو صدوه..و بادعاءات مزيفة.
العمل جميل جدا و محترم...و بيشبه السودان وأصالته و جماله.

عمل جميل وصوتك العذب خلانى اعيد الاغنية مرات ومرات فعلا انت مبدع يا استاذ وربنا اخليكم لينا ولى بلدنا ...

كل سنة وانت طيب استاذنا
Slamat Ya Ustaz , it is true i idid repeated it more and more , i saw you last year in that discution about Dr, Garang and you sang a very lovely song , am still waiting for it to be released , you did not stay for long , i thought i will get a chance to chat with you ,but, i did not hppen ., sorry. for the sudanse T.V , omdurman and all FM we have, it theam like they had been directed to reshape and twist our sudanese music to that arbic Music , which am not against it but not on our identity.
this y we need you and the rest of your colleuges to raise space to disccus this issue vey seriusly

لك الشكر عزيزي عبد الباقي
نعم وعلينا رآن نتعامل مع التراث بعلمية محسوبة وبشفافية
لك الود

كلنا نسعي الي رفعة الوطن
عزيزي بشير اما آلاغنية التي غنيتها في
وجود فقيد الوطن قرنق فقد انزلتها في البوست السابق
وسارفعها لك كما انك ستجدها في
youtube.com
فقط اكتب فيا البحث
yousif elmosley

الاستاذ الموسيقار الموصلي ..
عيد مبارك وكل عام وكل الناس بي الف خير..
جميل ان تكون اول مداخلة لي معك وان تكون على قدر الشوق ولكنها كعادتي ربما ستمثل الصوت النشاز بين جميع المداخلات ..
حدث ما كنت اتوقعه ومع احترامي لكل المتداخلين ولكن توقعت تمااااااااما ان الجميع سيثني على العمل والجميع سيهاجم التلفزيون والجميع سيقسم ان هذا لعمري اجمل فيديو كليب شاهده طيلة حياته ..
لا اشك في مقدرات المتداخلين ولا انصب نفسي ناطقاً بإسم التذوق ولا اقف هنا موقف المشاتر لاراء الناس والمترصد للموصلي ولكن ..!!
كنت اتمنى لو يتداخل معك شخص ليحلل هذا الكليب دون ان يكتفي فقط ب " راااااااائع " .. " جميل يا ساتاذ " .. " عمل متكامل يا موسيقار " .. ووووو
طيب خلونا نعمل مقارنة بين الكليب تبع الموسيقار الموصلي وكليبات كثيرة قدمها فنانون شباب بثت وتبث سواء على تلفزيون السودان والنيل الازرق ..
طيب تعالوا ناقشوا الموصلي في العمل والافكار الفي الفيديو كليب الخلتكم تقولوا انو كليب مميز !!!!!
ما هو المميز في الكليب وجعله مختلف وجعله ربما يقفز بالاغنية السودانية للعالمية ؟؟؟؟ البنات السمحات الفيهو ؟؟؟؟ البت الممشطة وماسكة جيتار ؟؟؟ الوضوح في التصوير ؟؟؟ الصوت ؟؟ السيناريو المصاحب للكليب ؟؟؟؟
مع كل الاحترام يا موسيقار ولكن الكليب تقليدي ويشبه كثير من الكليبات التي تم بثها في ذلك الزمن من مختلف الفنانين العرب ..
فرقة موسيقية وظهور لعازفين بصورة منفردة كل شخص مع الة معينة مجموعة بنات " كورس " يظهرن من فترة لأخرى وشخص هو السيناريو موضوع الكليب ...
طيب بالنسبة للصوت اون لم تخني الزاكرة فالتسجيل واضح جداً إنو التسجيل القديم المأخوذ من شريطك الأول الذي ربما كان في نهاية الثمانينات وبداية التسعينات ذلك الشريط الذي احدث ضجة وانا واحد من الذين احبوه جداً وكنت اسميه " يا الهجروك عليّة " ..
طيب المعروف انو الكليب دوماً بيطلع كدعاية لي شريط كاسيت نازل في السوق فلاحظ معاي يا موصلي الفرق في الفترة ما بين تقديمك للكليب وما بين تسجيلك له في الكاسيت ..
وربما كنت سا اقول انه كليب جديد لو قام الموصلي بتسجيل الكليب في نفس فترة نزول الكاسيت وحينها اتوقع ان التلفزيون كان في ايام الديموقراطية يعني لا كيزان ولا يحزنون ..
طيب يا موسيقار انا بي صراحة في الكليب ده ما عارف لييه بيتم التركيز على الة الساكسيفون وعازفها مع العلم إنها اكثر الة ما ظاهر صوتها ك " صولة " مثلاً .. (على الاقل انا هنا عندي ما ظاهر ليها صوت مميز" ..
لكن من وجهة نظري إنو تم اختيار الالة لأنها في الكليبات فلعلاً بتكسبو ناحية جمالية ولكن فقط اذا كان فعلاً في تلك اللحظة الصوت الواضح هو صوت الساكس ولكن للاسف في الكليب العندك بيجيبو بتاع الساكس في حين انو العزف عزف وتريات !!!!!
حتى السناريو معظمه متمثل في ظهور الفنان والفرقة الموسيقية والكورس ونادراً ما يظهر الشخص موضوع السناريو وهنا لا اتدخل في عالم الاخراج ولكن ده من الحاجات البتخلي الكليب تقليدي ..
الاغنية جميلة ماف كلام ..الاداء ممتاز ماف كلام ..لكن مشكلتنا يا موصلي هنا في البورد الناس بتسمع كلامك انت وما بتسمع الطرف التاني ..
وتووووووووشك اخر هجوم واخر اساءة دون معرفة الحيثيات ..
لا نطالب بالتقليدية في الكليبات وما بنقول مثلاً إنو أغنية " بحر المودة " للفنان جبارة إنها كليب ..
يعني مش لمن يقول "ركبوا اللواري " يقوم المخرج يجيب لوري ماشي أو لمن يقول " شايلة الحليلي على المراح " يقوم يجيب ليهو حلة في زريبة ..
الفنان وليد زاكي الدين قدم كليبات جميلة جداً تم عرضها في التلفزيون السوداني وهي ربما اجمل من الكليب المقدم حاليا ولكن لم نسمع احد اشاد بها من المتداخلين وكلهم ادونا احساس انو ده اول كليب يشوفوهو بالمستوى ده ..
وهنا تكمن المجاملة يا موسيقار..

لو بالجد الناس عايزة تعرف الفيديو كليبات على اصولها ويعرفو الابداع الحقيقي ويعرفوا قيمة الفن السوداني في زمنه ويعرفو اننا فعلاً سبقنا زمننا كانوا يستدلوا بي أول كليب ربما في الوطن العربي للفنان الرقم " عثمان حسين " ..
الكليب امكن اتعمل في الخمسينات أو الستينات وبتظهر معاهو " اثيوبية " لابسة توب ابيض وهم في البحر ..
قمة الروعة في زمن لم يدخل فيه التلفزيون لمعظم البلاد العربية ..
حقيقة يا موسيقار سبب مداخلتي هنا هو ذلك الاندهاش الذي ابداه المتداخلون وكأنهم يرون لأول مرة كليب لمطرب سوداني وعلى هذه الشاكلة ..
صدقني حتى في التسعينات هناك كليبات بنفس هذا المستوى وربما شاهدها معظم المتداخلون فلا ادري ما الجديد في الموضوع ..
لا ابخسك الاشياء يا موصلي فانت موسيقار وفنان ولكن الكليب مثله مثل الكثير من الكليبات ولا يعكس فناً سودانياً خالصاً ولا يعكس حتى تراث سوداني اللهم الا لبس الثياب للكورس..
ارجو ان تنظر لمداخلتي من الجانب المليان منها وسيبك من الجزء الفاضي منها ..
تحياتي..

تخريمة :
عندي إحساس إنو الزول الظاهر في الكليب ده هو المخرج زاااااااااااااتو وغايتو بالعافية كده لقا ليهو فرصة دخل نفسو في الكليب
دي خارج النص يا موسيقار وعشان بس تبتسم

ود الفاروق
كل سنة وانت طيب
أولا أحيك على المداخلة الممكن تقود الناس فى حتة فنية بحتة وتسوق الناس لحوار ونقد إيجابى ..
طبعاً أنا كزول أطريت على الكليب من جانب تطريبى بحت، لا علاقة له بالفنيات لأنو بصراحة ما عندى المعرفة البتأهلنى لذلك.
ولكن أظنك غفلت عن العامل الزمنى..
إذا كان الكليب بمنظور اليوم، انت شايفو عادى
طيب لو الكليب عرض عند إصداره، كان ح يكون برضو عادى؟؟؟
الحتة التانية طالما الكليب عادى وأمثاله عرضت فى التلفزيون،
ليه تم رفض هذا الكليب؟؟؟
على الأقل يأخذ نصيبه كغيره
تحياتى

Quote: Re: فيديوكليب على قدر الشوق كان فتحا جديدا ولكن تلفزيون السودان تجنب عرضه!!!!

كلامك في محلو ياياسر
شوف العنوان بتاع البوست وقد ارتكز علي كلمة كان
ولكن من حيث التكنيك هو الاعلي حتي الان فيما شاهدت

عمر الفاروق كل سنه وانت طيب
آنا ما حآرد عليك بالتفصيل هسع لانني بالبيت
وكومبيوتري هنا ماكنتوش لزوم الموسيقي
وحروفه العربية ناقصة الالف المقصورة والهمزة بانواعها وهذا يضايقني
ولكن
لابد لي من الاشارة بان راييك محل تقدير واحترام بنفس
القدر الذي نقدر ونحترم رآي المشجعين وماعهدنا فيك الشطحي
واشهد لك بالتهذيب وان خالفت (للسقف)
=========
ولكن في خطوط عريضه
١ـ هل تعلم كم يكلف الفيديو كليب؟
٢-الا تستحق محاولتي (آجر المحاولة منك)
٣-هل محاولتي آقل درجة من المعروض في التلفزيون بشكل عام؟
===
جاوب علي الاتي وساعود اليك غدا بالتفصيل
===========================
تخريمه علي قولكم
ياخوي انت مالك كل ما انا اسخن مع التلفزيون انت بتدافع عنهم؟؟
اها الليله هم حيتصلو بي فلهم الشكر

Quote: مع كل الاحترام يا موسيقار ولكن الكليب تقليدي ويشبه كثير من الكليبات التي تم بثها في ذلك الزمن من مختلف الفنانين العرب ..

ياسر طيفور:
كل سنة وانت طيب ..
بالمناسبة لو ركزت في الجملة الفوق دي حا تلاحظ إني كنت خاتّي العامل الزمني في حساباتي فهكذا كانت معظم الكليبات في ذلك الزمن وربما كانت الافضل..
وحتى ضربي للمثال في كليبات وليد زاكي الدين لأنها كانت في ذلك الوقت لو ما الفرق سنة سنتين ..
بالمناسبة انا كمان زّيك أكتب من منطلق المستمع العادي وانقل احساسي فقط بعيداً عن التخصصية ..

تخريمة :
ياخ كان تكتب مداخلتك دي بي الإنجليزي عشان تصيع اخوك ويفتكرك بتنبز

أخي الفاضل موصلي
ونحن بقدر ذلك الشوق
نتعجب ونتساءل ما دخل الفن بالسياسة
وما دخل تلفازناالعروس
تلفازناالمحروس
المنمق الطاؤوس أن يكون آداة إغتيال لفنان مثلكم
============
أيها المتأمرون على إدارة ذلك الجهاز
أعلموا جيداً أن الفنان ملك للجميع وبالتالي نطالب بحقنا في رؤية قامة سامقة كالموصلي
نعم أريد أن اراه الآن - من حقي أن أطلب ذلك
============
لا تتعجب في زمن العجائب يا موصلي

الصديق الفنان عثمان محمدين

وليت الاشكالية كان الموصلي فقط
ولكنها ثقافة شعب بكامله
لك الود شدو حيلكم

الموسيقار الموصلي:
تحياتي..
زي ما قلت ليك انا ما لاعب ليك فردة باك يا موصلي وبكل تأكيد لك اجر المحاولة وتقدير المجهود ..
لكن كمان عشان نكون حقانيين اكتر ندي اي زول الحق المستحق لكن بصراحة اتفزتني المداخلات اللي ادت الحق وخلت معاهو بقشيش فزادت عن الحق..
تعرف يا موصلي لو كان لقيت بس مداخلة واحدة شاتت في الاتجاه المعاكس قبل مداخلتي كنت حا اكتفي بمتابعة البوست دون ابداء الرأي لكن انا حسيت انو البوست ده ممكن يصل لي الف مداخلة وكلها حا تكون سيناريو مكرر:
عمل جميل ورائع يا موصلي ..
يدر الموصلي شكراً ليك يا فلان يا ذوق ..
وبي كده ما حا نطلع بي اي شي مفيد سوى مشاهدة الكليب الذي ربما لم يشاهده الكثيرون ..
الاسئلة اللي طرحتها اسئلة مشروعة يا استاذ وحا اجاوب ليك عليها بعيدا عن التخصصية ومن وجهة النظر الشخصية :

Quote: ١ـ هل تعلم كم يكلف الفيديو كليب؟

نعم الفيديو كليب مكلف جداً يا موصلي ولكن كمان ما تنسى التكلفة تحددها جودة الكليب واماكن التصوير وعدد المشاركين في العمل واوقات التصوير وساعات العمل في الكليب والاكسسوارات و و و و ..
لكن بالنسبة لي الكليب موضوع النقاش يا استاذ فيبدو بي صراحة كده إنو الكليب ما كلف كتير من حيث المنصرفات وطبعا انا هنا ما بقصد هو كلف كم عشان يطلع لكن قاصد من حيث التصوير وعدد المشاركين والاكسسوارات واماكن التصوير بعيدا عن تكلفة الانتاج ..
طيب تعال نشوف يا موصلي ..
الكليب يبدو إنو تم تصويره في مكان واحد " خصوصاً المنطقة الواقف فيها انت " وربما تكون اتصورت مرتين مرة بالصباح ومرة بي المسا ..وربما في نفس الوقت مع اختلاف الاضاءة (احتمال ضعيف)..
والملاحظ انو التسجيل تم في وقت واحد لأنك ظاهر بي نفس اللبسة في جميع لقطات الكليب ..
وده معناهو يا موصلي انكم ما تعبتو كتير في تفتيش اماكن للتصوير وانتقال من مكان لمكان لمطابقة المقاطع مع احداث معينة اللهم الا حركة الشخص التاني في الكليب ..
بصراحة يا موصلي وعشان نكون واقعيين وبعيدا عن الاحباط في كلامي لكن الكليب ده بي صورتو الحالية ما اتوقع فيهو تعب للفنان بحيث يوقف هنا ويرجع يعيد من هنا ويقطع دي وترجعوا ليهو دي ويقيف في دي ويسوي دي و و و و و و ..من الحاجات المتعبة في الكليبات ..
انا ما عارف التسجيل تم كيف لكن بما انك قلت المصور واحد ربما حا تكونوا تعبتو لكن يا موصلي لو ركزت معاي حا تلقا انو الكليب ده ممكن يتعمل بي كل سهولة وما يكلفك شي غير تلاتة كاميرات تصوير !!!
تجيب تلاتة يصورك بي كاميرات فيديو عادية وكل واحد يصور من زاوية (بالضبط زي تصوير الاعراس) ويكون في زول ماسك الجهاز بتاع (المكس) ويختار اللقطات من كل كاميرا وانت تغني الاغنية بالضبط(كما تغنيها في الاعراس) ويكون في مسجل شغال وراك عشان تتاطابق حركة الشفايف مع الصوت !!!
يبقا يا موصلي بالجد الكليب ده بي صورتو دي ما حايكلف اي شي لأنو العملية دي في السودان تتم بتأجير من " محلات الفيديو لتصوير الاعراس" والتكلفة 500 الف جنيه لمدة 3 ساعات " تعادل 250 دولار فقط"
ويا موصلي ما تزعل مني في الارقام دي وتفتكر ده تبخيس للعمل لكن انا بقصد انو العمل ده بي صورتو دي كان ممكن يتم بي الوضع ده ..
لكن شوف الفرق لو كان الموصلي عمل الكليب ده في اكتر من مكان بي اكتر من لبسة وبي اكتر من شكل " لووك" ولو الاستاف الوراك ده بيظهر كل مرة بي شكل وفي مواقع مختلفة وفي ازمان مختلفة حينها فقط ممكن نقول الكليب ده تحديداً مكلف !!!! لكن بصورته الحالية مفروض ما يكون كلف كتير لكن مع كل ذلك انت ادرى بي ميزانية الكليب ده ..

Quote: -هل محاولتي آقل درجة من المعروض في التلفزيون بشكل عام؟

لو بتقصد مقارنة الكليب بتاعك بما يقدم من كليبات سودانية الان الاجابة حا تكون نعم هو اقل من المعروض الان وخصوصا تلك التي تقدم في قناة النيل الازرق ..
ولو رجعت الشريط 8 سنوات للخلف حا اقول ليك هو افضل من كليبات كتيرة اتقدمت في تلفزيون السودان ولكن كمان هو اقل درجة من بعضها ..
بي صورة عامة يا استاذ الموصلي العمل عمل موزون ولكن لا يدعو للاندهاش وجعله كليباً كان يمكن ان ينقلنا للعالمية كما نوه بعض المتداخلين ..وهو عامل عليه ملاحظات كثيرة في الاخراج وفي التصوير وفي السيناريو وفيهو ثغرات كتيرة ...

Quote: -الا تستحق محاولتي (آجر المحاولة منك)

نعم بكل تأكيد تستحق محاولتك الإشادة فلا التفريط في حقك مطلوب ولا الإفراط في ما قدمته مطلوب ..
لكن بصراحة يا استاذ اعيب عليك تأثيرك على رأي المتداخلين ربما بطريقة لم تقصدها ولكن من خلال كتابتك أوحيت للمتداخلين بأن هذا العمل عمل متكامل وعمل متميز وعمل لا يمكن رفضه ..
وكان الافضل لو الناس شافت الكليب وجو ناس مختصين وفتفتوهو من كلو وناقشوهو من مجاميعو و وروك السلبيات والايجابيات عشان تديك دفعة لإنتاج كليب اخر لتلافي العيوب وزيادة الايجابيات ..
اكرر يا موصلي نحن كسودانيين " وانا واحد منهم " عندنا داء خطير اسمو المجاملة لكل معارفنا وصدقني يا موصلي لو ما كنت عضو معانا هنا وجابو ليك كليب هنا حا تلقى ليك زول من المشاترين يكتب فيك زي ما بيكتبو في كتير من الفنانين الما اعضاء هنا وبيقدموا في اعمل مميزة وكويسة وبعد كده محاربين ..

تحياتي تاني يا موسيقار..

تخريمة :

Quote: ياخوي انت مالك كل ما انا اسخن مع التلفزيون انت بتدافع عنهم؟؟

الدبابة الواقفة جمب باب التلفزيون الزول القاعد جواها اللبسة حقتو الترزي الخيطها ليهو جار اولاد عمة صحبي ...
ده علاقتي بي التلفزيون يا موصلي ..

وعشان اجيك الصباح وبتاعنا بكره براحه كده وامزمز بمزاج
حاقول ليك قول لقريبك
اباريقك في دبابه
مساويكك في دبابه وعاد لمتين في دبابه
لاجايب خبار آهلك
ولا آخبارك في زول جابا

تخريمة قوية

شكرا للمرور اللطيف يا ابو عبده

الصديق اللدود تحياتي ها انذا اعود اليك وبالتفصيل

Quote: طيب خلونا نعمل مقارنة بين الكليب تبع الموسيقار الموصلي وكليبات كثيرة قدمها فنانون شباب بثت وتبث سواء على تلفزيون السودان والنيل الازرق .. طيب تعالوا ناقشوا الموصلي في العمل والافكار الفي الفيديو كليب الخلتكم تقولوا انو كليب مميز !!!!!

نستفتح بالقول نعم وحسب ماشاهدت شخصيا ليس هنالك افضل من هذا وحتى الان وعشان نكون عمليين ياعمر جيب أحسن واحد شفتو هناك هنا وخلينا نشوفو ونعمل المقارنه bring it on

Quote: ما هو المميز في الكليب وجعله مختلف وجعله ربما يقفز بالاغنية السودانية للعالمية ؟؟؟؟ البنات السمحات الفيهو ؟؟؟؟ البت الممشطة وماسكة جيتار ؟؟؟ الوضوح في التصوير ؟؟؟ الصوت ؟؟ السيناريو المصاحب للكليب ؟؟؟؟ مع كل الاحترام يا موسيقار ولكن الكليب تقليدي ويشبه كثير من الكليبات التي تم بثها في ذلك الزمن من مختلف الفنانين العرب ..

نعم هو قريب من فيدوهات الفنانين العرب زمان وهسع كمان وده التمييز بتاعو

Quote: فرقة موسيقية وظهور لعازفين بصورة منفردة كل شخص مع الة معينة مجموعة بنات " كورس " يظهرن من فترة لأخرى وشخص هو السيناريو موضوع الكليب ... طيب بالنسبة للصوت اون لم تخني الزاكرة فالتسجيل واضح جداً إنو التسجيل القديم المأخوذ من شريطك الأول الذي ربما كان في نهاية الثمانينات وبداية التسعينات ذلك الشريط الذي احدث ضجة وانا واحد من الذين احبوه جداً وكنت اسميه " يا الهجروك عليّة "طيب المعروف انو الكليب دوماً بيطلع كدعاية لي شريط كاسيت نازل في السوق فلاحظ معاي يا موصلي الفرق في الفترة ما بين تقديمك للكليب وما بين تسجيلك له في الكاسيت .. ..

وهذا ديدن معظم المخرجين في العالم التداخل التقطيع المونتاجي والحشدز واتفق معك انه التسجيل القديم لعلى قدر الشوق وهو من ناحية الكوالتي الصوتيه يقف متفردا الى الحد البعيد فقد أشرف على تسجيله أحد احسن المهندسين العرب فلماذا نبخل على الناس به, كما انه ليس بالضرورة أن يصاحب الفيديو نزول شريط لان هذا ليس بقانون فهنالك الكثير من الفيديوهات اتعملت في العالم دون أن يكون الغرض منها انزال شريط

Quote: طيب يا موسيقار انا بي صراحة في الكليب ده ما عارف لييه بيتم التركيز على الة الساكسيفون وعازفها مع العلم إنها اكثر الة ما ظاهر صوتها ك " صولة " مثلاً .. (على الاقل انا هنا عندي ما ظاهر ليها صوت مميز" لكن من وجهة نظري إنو تم اختيار الالة لأنها في الكليبات فلعلاً بتكسبو ناحية جمالية ولكن فقط اذا كان فعلاً في تلك اللحظة الصوت الواضح هو صوت الساكس ولكن للاسف في الكليب العندك بيجيبو بتاع الساكس في حين انو العزف عزف وتريات !!!!!..

عمر ركز معانا شويه التسجيل ده مكس بين الالات الوتريه والات النفخ الخشبية والنحاسية بل في بعض اللازمات لو ركزت شويه في الاستماع حتسمع الات نفخ فقط وبدون وتريات والساكسفون من اهم الات النفخ وهو مع الترمبيت والهورن والترمبون يشكل اللازمات الموسيقية الهارمونية لذا فانني أشيد ببراعة المخرج العراقي ودقته في السمع

Quote: حتى السناريو معظمه متمثل في ظهور الفنان والفرقة الموسيقية والكورس ونادراً ما يظهر الشخص موضوع السناريو وهنا لا اتدخل في عالم الاخراج ولكن ده من الحاجات البتخلي الكليب تقليدي .. الاغنية جميلة ماف كلام ..الاداء ممتاز ماف كلام ..لكن مشكلتنا يا موصلي هنا في البورد الناس بتسمع كلامك انت وما بتسمع الطرف التاني .. وتووووووووشك اخر هجوم واخر اساءة دون معرفة الحيثيات ..

حتى الان لازال المخرجون يركزون على الفنان في فيديوهاتهم وهذا شئ طبيعي فالمستمع يريد ان يرى من يغني اكثر حتى وان كان هنالك سيناريو يرمي الى تفسير النص والموسيقى. بالنسبة للناس انا بحترم رايهم زي مابحترم راييك وإن خالف فما المشكلة في ذلك هل لابد أن يخالفني الاخرون الرأي ليكون رأييهم محترم؟ تعرف ياعمر هات دليل واحد إنو أنا هاجمتك هجوم شخصي أو اي واحد آخر بينما أنا كفنان سوداني تعرضت الى اساءات بالغة هنا الى درجة اسرتي وفي بوستات انت كنت صاحبها كما أن الكثيرين اتهموني بان بالي طويل أكثر من اللازم بل إن بعض زملائي من الفنانين المتابعين لما يدور هنا طالبوني بالابتعاد. هل تيقنت الان ياعمر كيف أعاني من الذين يقفون مني على النقيضين بينما أنا صامد لانني أتعلم من هنا(أخذا وعطاءا) وقد يفسر البعض مخالفتي لهم في الراي بانها اساءة أو تقليل من الشان وهذا خطأ كبير فأنا يشهد الله لا أكن أي ضغينة حتى لأولئك (الذين يسيئون الى شخصي دون أي سبب كما أشهد لك بانك في خلافك نبيل وواضح مهما بلغت درجة ذلك الخلاف وهذا ما يجعلني دائما اتشجع لمحاوراتك وأحبها

Quote: الفنان وليد زاكي الدين قدم كليبات جميلة جداً تم عرضها في التلفزيون السوداني وهي ربما اجمل من الكليب المقدم حاليا ولكن لم نسمع احد اشاد بها من المتداخلين وكلهم ادونا احساس انو ده اول كليب يشوفوهو بالمستوى ده .. وهنا تكمن المجاملة يا موسيقار..

بالمناسبة انا معجب بهذا الفنان المجتهد المحترم وقد سمعت أيضا انه قد عرض لي عدة أغنيات في برنامجه وهذه روح تدل على فنان يثق في نفسه (مزيد من التقدم)
نعود لحديثك هل منكم من عرض له هذه الفيديوهات هنا ولم يشجعه الناس أتمنى أن اشاهد ماقلته وهذا سيجعلني أموت سعيدا. نعم هذا اول كليب بالشكل ده لانه عرض بواسطة القنوات التالية قبل عدة سنوات1-عجمان2-دبي3-ابوظبي بينما أهديته هدية لله والرسول للتلفزيون السوداني فلم يعرض (عمر خليك منصف)

Quote: لو بالجد الناس عايزة تعرف الفيديو كليبات على اصولها ويعرفو الابداع الحقيقي ويعرفوا قيمة الفن السوداني في زمنه ويعرفو اننا فعلاً سبقنا زمننا كانوا يستدلوا بي أول كليب ربما في الوطن العربي للفنان الرقم " عثمان حسين " .. الكليب امكن اتعمل في الخمسينات أو الستينات وبتظهر معاهو " اثيوبية " لابسة توب ابيض وهم في البحر ..قمة الروعة في زمن لم يدخل فيه التلفزيون لمعظم البلاد العربية ..

عثمان استاذنا وموسيقاه رائعة كشخصه الفريد ولكن من ناحية فيديو كليب ستظلم استاذنا الكبير اذا ادخلته في هذه المقارنه مع إحترامي لرايك والمجهود الذي بذل في ذلك الوقت
1-ذلك الفيديو فيهو مشكلة عدم ارتباط بين الصورة والاداءSynchronization وهذا مفهوم بالنسبة لذلك الزمان2- كما ان الكاميرا فيه لا تتحرك بينما يتحرك المغني والشخصية المصاحبة ليس فيه مونتاج مطلقا بينما اهم مقومات الفيديو كليب والسينما المونتاج.
ولكنه عمل مقدر جدا بمعيار ذلك الزمان ونشيد فيه بجرأة فناننا الكبير عثمان حسين في غقتحام عالم الحداثة.

Quote: حقيقة يا موسيقار سبب مداخلتي هنا هو ذلك الاندهاش الذي ابداه المتداخلون وكأنهم يرون لأول مرة كليب لمطرب سوداني وعلى هذه الشاكلة .. صدقني حتى في التسعينات هناك كليبات بنفس هذا المستوى وربما شاهدها معظم المتداخلون فلا ادري ما الجديد في الموضوع .. لا ابخسك الاشياء يا موصلي فانت موسيقار وفنان ولكن الكليب مثله مثل الكثير من الكليبات ولا يعكس فناً سودانياً خالصاً ولا يعكس حتى تراث سوداني اللهم الا لبس الثياب للكورس.. ارجو ان تنظر لمداخلتي من الجانب المليان منها وسيبك من الجزء الفاضي منها .. تحياتي..

عزيزي عمر دعك من الاخرين أنا لازلت مندهشا لبراعة ذلك المخرج الذي انجز هذا العمل في عدة أيام

Quote: تخريمة : عندي إحساس إنو الزول الظاهر في الكليب ده هو المخرج زاااااااااااااتو وغايتو بالعافية كده لقا ليهو فرصة دخل نفسو في الكليب دي خارج النص يا موسيقار وعشان بس تبتسمÏÇÆãÇ ÇÊÔÌÚ áãÍÇæÑÇÊß æÃÍÈåÇ

لا ده ما المخرج ده سوداني ومعانا هنا في سودانيس أونلاين وبقرا في كلامك بينما المخرج عراقي من بلاد الرافدين
تخريمه
أنا دائما مبتسم لوجودك لانك بتطلع مني حاجات كتيره ولك الشكر
ولي عودة الى الجزء الثاني من مداخلاتك

Quote: لكن كمان عشان نكون حقانيين اكتر ندي اي زول الحق المستحق لكن بصراحة اتفزتني المداخلات اللي ادت الحق وخلت معاهو بقشيش فزادت عن الحق.. تعرف يا موصلي لو كان لقيت بس مداخلة واحدة شاتت في الاتجاه المعاكس قبل مداخلتي كنت حا اكتفي بمتابعة البوست دون ابداء الرأي لكن انا حسيت انو البوست ده ممكن يصل لي الف مداخلة وكلها حا تكون سيناريو مكرر:

ياعمر انت مفروض ماتغضب ولاتتهم الناس بالمجاملة لانك ما دخلت قلوبهم ده رايهم وعلى فكره فيهم متخصصين في مجالي الموسيقى والدراما والصورة المرئية ولما يشوفو كلامك عنهم ربما ياخدو في خاطرهم منك أنا انسان بسيط جدا لاني غنيان ولا املك في هذه الدنيا الا فني ومساهماتي المتواضعة معكم هناولم ارمي ابدا الى تجريم التلفزيون السواني بقدر ما رميت الى حفز حكومتنا الفتية الى الاهتمام بالفن السوداني وعدم حشره في عمليتهم التاصيلية ورسالتي واصلة وواضحة وجميع هؤلاء الذين شجعوني يفهمون رسالتي تماما وحتى من لديهم موقف مخالف يفهمون رسالتي وانت على راسهم فالنقد ياعمر وانت انسان ذو معرفة مقدرة ليس هو اظهار السلبيات فقط وليس هو اظهار الايجابيات فقط اما الاستماع والمشاهدة فهي الاستحسان او عدمه فالناس هنا نظرو الى المسالة ليس من منظور نقدي ولكن من منظور الاستحسان فعادة الانسان الذي لايعجبه عمل ما لايعلق عليهفلربما هنالك ايضا من لم يعجبهم العمل.

Quote: عمل جميل ورائع يا موصلي .. يدر الموصلي شكراً ليك يا فلان يا ذوق .. وبي كده ما حا نطلع بي اي شي مفيد سوى مشاهدة الكليب الذي ربما لم يشاهده الكثيرون ..

اساسا البوست مطروح لكي يشاهد الناس الفيديو والحمد لله في فترة وجيزة قد شاهده الكثيرون مقارنة بما يطرح هنا اما ردودي على من أعجبه العمل فلابد من رد ذوق هل لديك اي طريقة اخري للرد على المعجبين ياعمر؟؟ كيف ترد أنت على الذين يستحسنون طريقتك في الغناء؟؟؟
وبجيك راجع

استاذنا الكبير (الموصلى ) مساك الله بالخير والعافية

صدقنى اول مرة اشاهد هذا الابداع وان كانت الاغنية محفورة فى ذاكرتى منذ سنوات ، واحييك

واصدقك القول مرات فى حاجات فى البلد دى غريبة ومحبطة ومنها منع بث هذا العمل - ان كان هناك مانع - ولا املك الا صادق تقديرى لك و(اشياء اخرى ) ساخصك بها ان تيسر سبيل التواصل معك واتمنى بصدق ان اراك فى الخرطوم ولو بضعة ايام صدقنى يا موصلى هناك اجيال تسطو على اذواقها عصابات من المفسدين والمفسدات وبالمناسبة لا علاقة لهذا بالكيزان والجبهة ولك الود والشوق المديد

شكرا أخي محمد حامد جمعه على مرورك ويسرني جدا أن اعرف منك
حتى نستطيع توجيه جهودنا الى الهدف المنشود الا وهو رفعة الفن السوداني
ولك الموده وكل سنه وانت طيب

Quote: نعم الفيديو كليب مكلف جداً يا موصلي ولكن كمان ما تنسى التكلفة تحددها جودة الكليب واماكن التصوير وعدد المشاركين في العمل واوقات التصوير وساعات العمل في الكليب والاكسسوارات و و و و ..

Quote: واضيف ليك نوعية الاستدويوهات ومن هو المخرج ومن هو المونتير لكن بالنسبة لي الكليب موضوع النقاش يا استاذ فيبدو بي صراحة كده إنو الكليب ما كلف كتير من حيث المنصرفات وطبعا انا هنا ما بقصد هو كلف كم عشان يطلع لكن قاصد من حيث التصوير وعدد المشاركين والاكسسوارات واماكن التصوير بعيدا عن تكلفة الانتاج .. طيب تعال نشوف يا موصلي ..الكليب يبدو إنو تم تصويره في مكان واحد " خصوصاً المنطقة الواقف فيها انت " وربما تكون اتصورت مرتين مرة بالصباح ومرة بي المسا ..وربما في نفس الوقت مع اختلاف الاضاءة (احتمال ضعيف)..

كدي عد المشاركين من بنات والاولاد وعازفين وممثلين شوفهم كم وكدي عاين تاني شوف التصوير تم في كم موقع وماتركز بس علي انا

Quote: والملاحظ انو التسجيل تم في وقت واحد لأنك ظاهر بي نفس اللبسة في جميع لقطات الكليب .. وده معناهو يا موصلي انكم ما تعبتو كتير في تفتيش اماكن للتصوير وانتقال من مكان لمكان لمطابقة المقاطع مع احداث معينة اللهم الا حركة الشخص التاني في الكليب ..ÈÇáßíÒÇä

ربما يكون عندي لبستين من نفس النوع أو ربما بعد يومين وديت الهدوم للمغسله يا عمر دي كلها احتمالات لكن سؤالي هل عدم تغيير الملابس يحدد عد الايام؟؟ وهل بالضرورة من الاساس تغيير الملابس؟؟

Quote: بصراحة يا موصلي وعشان نكون واقعيين وبعيدا عن الاحباط في كلامي لكن الكليب ده بي صورتو الحالية ما اتوقع فيهو تعب للفنان بحيث يوقف هنا ويرجع يعيد من هنا ويقطع دي وترجعوا ليهو دي ويقيف في دي ويسوي دي و و و و و و ..من الحاجات المتعبة في الكليبات ..

طبعا لازم تعرف ياعمر انه في الاخراج التلفزيوني والسينمائي فان الكاميرا ايضا تتحرك
والمونتير الذي يقوم بالمونتاج هو الذي يمكنه أن يجعل من اللقطة الواحده خمسين لقطة وذلك باستعانته بالتكنلوجيا الحديثة

ولي عودة مع محبتي

Quote: انا ما عارف التسجيل تم كيف لكن بما انك قلت المصور واحد ربما حا تكونوا تعبتو لكن يا موصلي لو ركزت معاي حا تلقا انو الكليب ده ممكن يتعمل بي كل سهولة وما يكلفك شي غير تلاتة كاميرات تصوير !!! تجيب تلاتة يصورك بي كاميرات فيديو عادية وكل واحد يصور من زاوية (بالضبط زي تصوير الاعراس) ويكون في زول ماسك الجهاز بتاع (المكس) ويختار اللقطات من كل كاميرا وانت تغني الاغنية بالضبط(كما تغنيها في الاعراس) ويكون في مسجل شغال وراك عشان تتاطابق حركة الشفايف مع الصوت !!!

والله لكن السودان تطور جدا ياعمر طيب مادام في الاعراس بعملوا كده معناه انو التلفزويون بعمل احسن ومعناه اننا في القمم مع الدول المتقدمة في تقنية الفيديوكليب
طبعا حكاية تطابق الشفايف مع الصوت دي عندها أجهزه زي النار هسع أها انت لو كنت منصف كنت تشوف كيف أن هذا المخرج كان بارعا فتجد الروله في الدرمز تطابق ايقاعيا الرولة في درمز التسجيل ودي صدقني صعبه جدا تحتاج الى تقنية عالية وحس موسيقي عالي

أنا شاهدتى مجروحه
لأنى من معجبيك . . . لكن الموضوع دا ما بخليهوا يمر ساكت

ابوالقاسم قور

شكرا دكتور ابو القاسم فانتم اهل مكة واهل مكة ادرى بشعابها
نحن في إنتظار دلوك

يقول الموصلى:

Quote: نستفتح بالقول نعم وحسب ماشاهدت شخصيا ليس هنالك افضل من هذا وحتى الان وعشان نكون عمليين ياعمر جيب أحسن واحد شفتو هناك هنا وخلينا نشوفو ونعمل المقارنه bring it on

وبما أنه سبق ان قال:

Quote: لكن لو أن هنالك أي من السودانيين المهتمين بالتنسيق لديه هذا التسجيل

فإننا و "للتنسيق" فقط، نهديه:

ما بندّيك رضانا!

شكرا اخي تبارك فقد ارحتنا من عناء البحث واظن هذا مايبحث عنه الفاروق ايضا
اذا فلنترك المجال للمتخصصين
سوركتي خريج المونتاج بمعهد السينماباكاديمية الفنون بالقاهرة
ودكتور ابو القاسم قور استاذ النقد بكلية الموسيقى والمسرح
ومحمد السني دفع الله الفنان الكبير

وليت ايضا تبارك يعمل لينا مقارنة تحليلية عن المونتاج والاخراج في الاغنيتين
ومعهما السيناريو

وسوف يظل الاخ الفنان الموسيقار الموصلي قمه عاليه وعلم يرفرف في جميع انحاء العالم ... ويقول انا سوداني انا ....

رائع يا استاذ كما عهدناك

مرحبا اخي العزيز سمير وشكرا على تشجيعك ودعمك

لو عروضوه لكذبت نظرتي فيهم و أصبحوا من اهل المشاعر النبيلة .

يا أستاذنا

نظرة الناس وتذوقهم للأشياء تشي بدواخلها حتى التي اجتهدوا في اخفائها عن الآخرين
و( قد تنكر العين ضوء الشمس من رمد ) أو ما ما هو أسوأ

لك حبي

Quote: قد تنكر العين ضوء الشمس من رمدáß ÍÈí

حبيبنا
أحمد النور منزول لك هميم الود معك عميق الاتفاق

عزيزي الأستاذ الموصلي،

أسعد الله يومك،

أغنية على قدر الشوق من الأغنيات التي أحب الإستماع إليها وأرددها.
وعلى الرغم من الأخراج الجميل للأغنية لكن بصراحة من ناحية نظري ظهور التصوير بسرعة وتداخل الصور
في بعضها بهذه الطريقة يزغلل العيون وقد يكون سببا في عدم عرض التلفزيون السوداني للأغنية.

مع فائق تحياتي وتقديري.

أها قارن بينها وبين اغنية الفنان الشاب الطموح وليد زاكي الدين
وقل لي أيهما أكثر سرعه وزغلله للعيون من منظور المونتاج

==============

كمانلاحظ أن كثير من قنوات الخليج عرضتها (على قدر الشوق)

لك الشكر الجزيل على المرور

Quote: كدي عد المشاركين من بنات والاولاد وعازفين وممثلين شوفهم كم وكدي عاين تاني شوف التصوير تم في كم موقع وماتركز بس علي انا

الاستاذ الموصلي:
انا ختيت عدد العازفين في حساباتي وعدد الكورس ..وده السبب الخلاني اقول ليك انو الكليب يكاد يشبه ما يقدم في الأعراس..
لأنو العازفين واقفين في نفس الاماكن في الغالب ..
طيب يا موصلي اذا كان الفنان بيطلع حفلة كااااااااااااملة وبيغني فيها من 9لحدي 11 وبيغني فيها امثر من 12 اغنية وبيكون " العدّاد" حقو 2 مليون اي ما يعادل الف دولار..
بيكون نصيب العازف منها نقول مئة الف جنيه اي ما يعادل خمسين دولار ..
طيب ما بالك بي كليب من الواضح إنو تم لي أغنية واحدة في وقت واحد وبي نفس المجموعة ؟؟؟ تعرف مفروض نقول شنو ؟؟؟
نقسم ال2 مليون على 12 (عدد الاغاني) عشان نشوف فعلاً نصيب كل واحد من عازفينك الفي الكليب نصيبو كم !!!!!!
طبعاً الحسبة دي انا قصدت بيها الكليب ده تحديدا يا استاذ لأنو زي ما قلت ليك من الواضح ماف تعب شديد ..لكن لو كان العازفين بيتحركو من مواقعهم وبيصوروا في ايام مختلفة ومواقع مختلفة وبي زوايا مختلفة كنت حا اقول ليك ندخل الجماعة في الحسبة ..
صدقني يا استاذ انا مُصر ومُلح إنو الكليب ده تحديدا ما كلف مالية كتيرة للتصوير ..

Quote: ربما يكون عندي لبستين من نفس النوع أو ربما بعد يومين وديت الهدوم للمغسله يا عمر دي كلها احتمالات لكن سؤالي هل عدم تغيير الملابس يحدد عد الايام؟؟ وهل بالضرورة من الاساس تغيير الملابس؟؟

لو كلامك ده صحيح يبقى مع احترامي للمخرج فهو ما عندو بعد نظر وما عندو قوة ملاحظة ..
وبالمناسبة تغيير الملابس ما بيحدد عدد الأيام لكن بيحدد مدى تعب الفنان والمخرج في التسجيل ..
وكان من المممكن انك تسجل بي اكتر من لبسة في نفس الوقت لكن ده طبعا حا يكلفكم توقيف التسجيل وتغيير المواقع والاوضاع ودي الحاجة الانا قصدتها واللي بتكسب الكليب نوع من التغيير والرتابة ..
وده بيقودنا لي سؤال مهم .. وهو ما الغرض من الكليب ؟؟؟؟؟
مش مشاركة العين في الأغنية ؟؟؟ ومش كمان برضو عشان الرتابة ما تحس بيها في الأغنية ؟؟؟
ومرات كتيييرة تلاقي الزول مركز مع المشاهد اكتر من الاغنية نفسها ..
الكليب بتاعك يا موصلي مافيهو الحاجات دي .. ولو تلاحظ حا تجد انو الواحد من أول مشاهد ممكن يكتفي بي سماع الاغنية دون الحوجة للمشاهدة ..
الفنان واقف في نفس الحتة بي نفس اللبسة ..
الكورس نفس الوجوه بي نفس الازياء في نفس المكان مع نفس الصوت والحركة ..
التركيز اكتر على البت الممشطة مع نفس الابتسامة ...
بتاع الساكس بي نفس الاسلوب ونفس التمايل مع كل الصولات ..
يبقا صدقني فقط سيكتفي المشاهد بمتابعة الجزء الأول من الكليب ويغيب لمعظم الوقت لأنو بعد فترة طويييلة بيجي مشهد جديد ..

Quote: والله لكن السودان تطور جدا ياعمر طيب مادام في الاعراس بعملوا كده معناه انو التلفزويون بعمل احسن ومعناه اننا في القمم مع الدول المتقدمة في تقنية الفيديوكليب

صدقني يا موصلي بالجد في السودان بيصوروا الاعراس كده ..
ومش الاعراس بس حفلات التخرج كمان ..
اما بالنسبة للتلفزيون واحد من العاملين في داخل التلفزيون قال لي يا عمر الامكانيات والاجهزة (خصوصا الكاميرات) من احدث الكاميرات ولكن يوجد عيب لدي ادارة التلفزيون في عدم تدريب الكوادر عليها لمعرفة استخدامها بصورة تفيد من امكانياتها..

Quote: طبعا حكاية تطابق الشفايف مع الصوت دي عندها أجهزه زي النار هسع أها انت لو كنت منصف كنت تشوف كيف أن هذا المخرج كان بارعا فتجد الروله في الدرمز تطابق ايقاعيا الرولة في درمز التسجيل ودي صدقني صعبه جدا تحتاج الى تقنية عالية وحس موسيقي عالي

قبل فترة كان في برنامج في قناة النيل الازرق بيجيب مواهب في التصوير وكليبات يقوم بعملها شباب هاوي ..
والله يا موصلي الموضوع لا احتاج لي نار ولا احتاج لي نفاخو ..
الشباب كان بيشيل اغنية لي اي فنان (النور الجيلاني مثلا) ويقوم يعمل فيها بيغني فيها ويضيف ليها مشاهد تمثيلية وكانت في قمة السهولة ...
تعرف يا موصلي :
جيب لي اي شريط لي محمود عبد العزيز وانا مستعد اغني ليك مع محمود ده بالضبط وبي ادق التفاصيل وما محتاج حتى استمع لي الشريط وهو شغال فمن درجة حفظي لي شرايط محمود مستعد اطابقها ليك بالاداء لمن تحتار !!!!!!
الموضوع عايز حفظ بس يا موصلي ومعاهو زي ما قلت حبة حس فني..


طيب يا استاذ نمشي لي حتة تانية ...
انت قلت لي ماف كليب احسن من الكليب بتاعك ده وطالبتني اجيب ليك واحد اجمل منو وأهو جاك الرد من شخص تاني بالرغم من انو ده ما اجمل كليب لي وليد لكن برضو بيدي احساس انو افضل من الكليب بتاعك ..
لكن ده ما المهم اسة ..
المهم انا عايزك توريني ليي الكليب بتاعك ده اجمل كليب وما هي مميزاته وما هي النواحي الجمالية فيهو (خلينا من حق الناس اسة )
وشنو البيخليهو مميز وشنو البيخليهو ينطلق بينا للعالمية ؟؟؟
واتمنى انك ما تقول لي نخلي الكلام ده لي ذوي الاختصاص لأنك انت اكثر زول مختص وملم بي كل خبايا الكليب ده ..
وخلينا نتاقش في ردك عشان يكون اخد وعطاء...

بالمناسبة الكليب بتاعك ده فيهو خطأ كبيير جداً بالنسبة لي اغنية سودانية ..!!!
المفروض يكون في نص مكتوب مصاحب لي الأغنية لأنك سيد العارفين كل الدول العربية بتشوف انو كلامنا ما واضح خصوصاً في الأغاني ..
ولا شنو؟

تخريمة :
بالمناسبة يا استاذ ما تنسى إنو جواهر فنانة سودانية وعاملة كليبات اجمل بكثييييييير من الكليب الخاص بيك المعروض هنا ..
وجواهر قدمت كليبات وجدت قبول عالمي ومعجبين واغاني وصلت للتوب 10 وتصدرت القائمة ..
اتمنى إنك ما تقول لي يا عمر جواهر قالت انها مصرية أو جواهر قدمت اغاني ما حقتنا أو أو أو ..
فكلنا يعرف من هي جواهر وما هي جنسيتها مهما قالت في وسائل الاعلام ..
مش جواهر سودانية برضو يا استاذ ومسموح ندخلها معاكم في المقارنة دي ؟ ولّا يفتح الله ؟

تحياتي..

عمر ياخي قطعت نفسي
ماتنسي انو نحن كبرنا
عموما قبل ما ارد عليك بمزاج
هو هسع المشكلة دي كلها لانو انا نزلت الفيديو القديم ده بتاع على قدر الشوق
ولمت التلفزيون السوداني لانو مابثاه؟؟
وجاييك
مع المحبه لانك محاور محترم

الاخ الـحبيـب الـحبوب،
الـمـوصــلي،
كـل عـام وانتـم بخـيـر وعافيـة وامدك اللـة بتمام الصـحـةالـموفـورة،

" تلفـزيون الســودان!!!!!???" -

حبيبنا بكري الحمد لله انت هنا
آيييييي تلفزيون السودان

ونسيت ان انوه لعبد الله عبد الوهاب كارلوس الناقد الكبير
وناس تماضر وعشه بت فاطنه وكل عصابة معهد الموسيقى والمسرح بجانبيه الموجودين هنا وهم كثر

Quote: الكليب بتاعك يا موصلي مافيهو الحاجات دي .. ولو تلاحظ حا تجد انو الواحد من أول مشاهد ممكن يكتفي بي سماع الاغنية دون الحوجة للمشاهدة .. الفنان واقف في نفس الحتة بي نفس اللبسة .. الكورس نفس الوجوه بي نفس الازياء في نفس المكان مع نفس الصوت والحركة .. التركيز اكتر على البت الممشطة مع نفس الابتسامة ... بتاع الساكس بي نفس الاسلوب ونفس التمايل مع كل الصولات .. يبقا صدقني فقط سيكتفي المشاهد بمتابعة الجزء الأول من الكليب ويغيب لمعظم الوقت لأنو بعد فترة طويييلة بيجي مشهد جديد ..

شكرا لذكرك كل هذه التفاصيل لانك ابرزت المجهود المبذول بطريقة أخرى
ياعزيزي تبديل الملابس او المواقع ليس شرط لاخراج اغنية ذات مقطع واحد والاخراج نفسه مثل التاليف الموسيقي هو رؤيه في النهايه يعني هل ممكن انت تلوم فنان تشكيلي في انه رسم لوحته بقلم الرصاص فقط وعلى ورقة بيضاء برغم انواع الالوان الكثيرة التي توفرت؟؟؟
وبجيك

الأستاذ الموصلي:
نحن حقو نتفق على حاجات ..
أول حاجة انا ما بشنف في العمل وبضييع في المجهود بقدر ما بقارن الكليب بي كليبات أخرى طرحت في السوق سواء في تلك الفترة أو الفترة الحالية ..
وبالتالي انا باني نقدي (المجوبك )ده على هذا الأساس وشغال على سبيل المقارنات فعشان كده بتلقاني بعاين مبدئياً في الجانب السلبي ..
وكمان بحاول اغير ليك رأيك في الكليب وشوية كده تتنازل عن مقولة إنو أفضل كليب سوداني دي ..
تخريمة :
لا أخفي عليك إنو الميزة اللي بيتفوق بيها الكليب بتاك عن معظم الكليبات اللي بتتصور في السودان هو وضوح التصوير اللي بيخليهو زي باقي الكليبات العربية الحالية ..

عزيزي عمر
حاشاك التبخيس ولكنها وجهة نظر لك نحترمها وسنواصل الحوار معك فيها لانك
رجل ذو خلق وزي ما انت عندك مشاغلاتك انا برضو عندي
أنا الى حد كبير قادر افهمك فانت تنحاز الىعدة اشياء
1- جيلكم من المبدعين وايمانكم بقدراتهم وهذه لك فيها الف حق
2-انحيازك للثقافة السودانية وان كان مصدرها الوسط فقط حتى وان كان ذلك الوسط قد استعارهامن ثقافات أخري وليست سودانية اصيلة.
3- تمسكك دوما بان السودان والسودانيين قادرين على فعل هذا وذاك.

وانا اتفق معك في كل ذلك ولكن اختلف معك في الكيفية والتفاصيل الدقيقة وأحيانا غير الدقيقة
وسنواصل

الفنان يوسف الموصلي سلام
قلت اصبر شوية واشوف موضوع هزة البوست حيمشي الي اي اتجاة
اولا / عمل جميل كما عهدناك فنان ومبدع
ثانيا/ لقد قدمت مادة فنية قد يراة البعض متواضعة بل نراها بطولية في وقت
انحازة المموول / اي من يملكون المال في عالم الفن للشكل وليسة للمضمون
وبعد كل هزة ما المطلوب من الفنان ان يبيع بعض من اعضا جسمة لكي يوفر المادة
لتوفير التقنية العالية من تصوير ووو لارضا جمهور معجبي فنة ومن خلال متابعتي من
غرب لمشواركم الفني اللزي كان لي الشرف ان اكون احد جنودة والمجهود الغير عادي
اللزي بوزل من اجل تطوير الفن السوداني احب ان اشكرك لهزة الجمال وطولة البال

كتب الأستاذ نادر السودانى:

Quote: في وقت انحازة المموول / اي من يملكون المال في عالم الفن للشكل وليسة للمضمون

فى لهجة مجاملة واضحة (نسبةً للتناقض!)

ونقول:

منذ متى تحسب الجماليات بأسهم بورصة المموّلين فى عالم الفن؟

وما العيب فى الميول للشكل؟

وأين المضمون؟
____________________________
باكورت: أين الما مضمون؟

ليتك عزيزي تبارك
تخبرنا عن عدم وجود الشكل وكذلك المضمون في هذا
الفيديو كليب ثم تعرفنا نسبة الى ماهية النص
كيف يكون الشكل والمضمون في هذه الحالة
مع التقدير

نادر كيف حالك
شكرا لمرورك ونتفق معك
في ان الذين لايعرفون تماما كم يكلف الفيديو لم يكلفوا انفسهم
لمعرفة ذلك
ولو بالاستناد الى شيخنا (قوقل) حفظه الله
تسلم

يوسف عافي منك لقد سبقتني بي ثواني لطرح نفس السوال للاخ تبارك وفي انتظار الرد

وهو كذلك عزيزي نادر واكيد وجهة نظره ستثري النقاش

الأغنية على المستوى الموسيقى (الشكلانى) هى تحدّى ما ساهل فى الغنا السودانى (كلمة حق أريد بها ما أريد بها)
لاكين على مستوى المضمون عادية (Average)، اغنية عاطفية عادية فى قالب موسيقى جميل.

على مستوى الفيديو كليب، فهذا ليس من تخصصى










بعد
(ولو استنّيتنى أخلّص كورس "Digital Vedio Production" الباخد فيهو فى "Westmoore College" حالياً، ممكن بعد داك الوِّح ليك بالشهادة عشان اتطنقع عليك)

بتفق معاك في انها في المضمون مجرد اغنية عاطفيه
أعتقد انها تتميز شعرا بانها النص العمودي القصير جدا
وتعبير مديت الشوق كان جديدا وقتها
وهسع عندي اغنيتين للمقطع الواحد فقط
للشاعرين
خطاب حسن احمد
وسعد الدين ابراهيم
تخريمه
والله بعد تاخد الشهاده اتطنقع زي ماداير على شرط
نلقى كجه في مهاراتك الجديده

الموصلي رسل لي فايل الفينالي لعمل الازم وكية في تبارك الزمان كان صحبي

الأستاذ نادر،

انا صحبتك ما ببدّلا حتى لو نكرتنى زاتو!

الموصلى: ما بتغلبك حاجة فى التلحين والأداء لو لقيت ليك نص شعرى بى مستوى التحدّى. وشوّقتنا لى التجارب الجديدة مع "خطاب" و "سعدالدين ابراهيم".

لو قريت التحليل العايز انزّلو بكرة فى الأغنية السودانية فى بوست معز، حتكتشف انو فى اشكاليات كبيرة جداً ممكن تجاوزا فى المراحل الأولية خالس! عموماً ات شديد ولضيض فى التلحين والأداء ولو انك مؤخراً بقيت نمطى شوية فى التوزيع (بقصد شريط عمر بانقا ولو انو الأغانى ما ساهلة).

Quote: والله بعد تاخد الشهاده اتطنقع زي ماداير على شرط نلقى كجه في مهاراتك الجديده

مهاراتى الجديدة متركّزة على الـ Animation أو التحريك يعنى الاّ اتطنقع على توم وجيرى!
وشايفك كجيت شركك من هسة!

خلاص يازول بجيكم بي غادي
لكن بالله ماتشاكلني
كان اتطنقعت عليكم وكده

الموصلى يا يوسف

ياصديق الاصفياء وصفى الاصدقاء

ح اقاضيك يوما على فعلتك تلك

هذا عمل يهدا لتلفزيون ساحات الفداء

ده ياسيدى تلفزيون الكيزان وليس السودان

سلام أستاذ الموصلي..

مجهود مقّدر ويستحق الإشادة.. بالتأكيد..
طبعا الأغنيه محببة ... وجميلة جدا..

إلا أني أتفق مع كثير من النقاط التي ذكرها عمر الفاروق..
خصوصا في حتة التقليدية في الكليب... (وأيضا الإفراط في المجاملة من ناسنا )
المنتج النهائي أقرب الى جزئية من concert
منها الى فيديو يتطلب الكثير من الanimation اللي يفتقده الكليب
بإختصارأعطي الكليب B أو B minus

ولا تنسى أن متلقي اليوم... أيا كان مقّره..
سيحكم على الكليب بمرجعية عالميه..
والنوايا... الظروف.. العقبات... وغيرها لن تكن في المعادلة..
(ياريت )

أكثر ما لفت إنتباهي (واثار شجوني) في هذا الخيط..
ليس جودة الكليب وغيره..
وإنما إدماننا لإجترار القديم..
أغنية خرجت الى النور منذ قرابة العشرين سنة!!
(بغض النظر عن حلاوتها)
ومازلنا ندور في فلكها..

عندما قرأت عنوان البوست..
كان أول رد فعل..ياااه ’على قدر الشوق؟‘!!

ولنا عودة..

العزيزه نجوان الف مرحب وبباقات الزهور

Quote: سلام أستاذ الموصلي.. مجهود مقّدر ويستحق الإشادة.. بالتأكيد.. طبعا الأغنيه محببة ... وجميلة جدا..

شكرا على التشجيع وهذا مهم للفنان

Quote: إلا أني أتفق مع كثير من النقاط التي ذكرها عمر الفاروق.. خصوصا في حتة التقليدية في الكليب... (وأيضا الإفراط في المجاملة من ناسنا ) المنتج النهائي أقرب الى جزئية من concert منها الى فيديو يتطلب الكثير من الanimation اللي يفتقده الكليب بإختصارأعطي الكليب B أو B minus

معليش نختلف في مسالة الافراط في المجامله دي ونقوم نحترم راي الاخرين بطريقه
ديموقراطيه اليس كذلك
B to B- is very nice for me Thanks a lot
ساردد لك ماقلته للفاروق يانجوان وهو أن الاخراج رؤيه مثلها مثل اي ابداع وقابلة
طبعا للنقد والاختلاف حولها ولكن ليس هنالك قانون يجعل الفيديو كليب (ماحفله فقط)
علما بان المخرج مروان بداها بي زول نايم وساعه دقت وقام كسرها وحبيب منتظر حبيبتو الماجات واحد كسر ليهو عودو بينما هو منهمك في الشوق الى ان التقى بالحبيبة في عربتها
هل ده كلو بيحصل في حفله؟؟؟
طبعا المخرج له الحق في استخدام الanimation او عدمه اي في النهاية هي رؤيه فقد شهادت الكثير جدا من الفيديوهات الحديثة غير مستخدم فيها هذا الاسلوب ويمكن أن نأتي بأمثلة اذا لم يتفق بيننا على ان استخدام الانيميشن ليس قانونا نهائيا ولكنه اسلوب من الاساليب وطريقة من الطرق

(ياريت )

Quote: ولا تنسى أن متلقي اليوم... أيا كان مقّره.. سيحكم على الكليب بمرجعية عالميه.. والنوايا... الظروف.. العقبات... وغيرها لن تكن في المعادلةأكثر ما لفت إنتباهي (واثار شجوني) في هذا الخيط.. ليس جودة الكليب وغيره.. وإنما إدماننا لإجترار القديم.. أغنية خرجت الى النور منذ قرابة العشرين سنة!! (بغض النظر عن حلاوتها) ومازلنا ندور في فلكها..

متفق معاك وانا ماقلت ده احسن فيديو في العالم ولكن قلت ان هذا الفيديو الذي سجلنا في (التسعينات)
لاحظي نحن في 2007 لم يرى النور بفعل التاصيل وما إليه
برغم أنني لا اري في الحداثة ان يحكم عليها بمتى ولكن بكيف فلا زال 90 بالمائه
يلحنون الان بطريقة ماقبل كرومه
..

Quote: عندما قرأت عنوان البوست.. كان أول رد فعل..ياااه ’على قدر الشوق؟‘!!

لك الود وفي انتظار حوارك القيّم يانجوان
وانا بعتبرك مكسب كبير للبوست

الحبيب الرجل الشفيف
والصديق العزيز
تعرف يابدر الواحد في صراع مرير
بين التواصل مع الجمهور ومصارعة الاحباط
فتم إختيار الجمهور والشعب والقفز فوق
ألم كل المحبطات
لك الود كله ومشتاقين لي
دوحه تانيه

Quote: و قريت التحليل العايز انزّلو بكرة فى الأغنية السودانية فى بوست معز، حتكتشف انو فى اشكاليات كبيرة جداً ممكن تجاوزا فى المراحل الأولية خالس! عموماً ات شديد ولضيض فى التلحين والأداء ولو انك مؤخراً بقيت نمطى شوية فى التوزيع (بقصد شريط عمر بانقا ولو انو الأغانى ما ساهلة)

نحن تاني بنخلي ناس النقد يسمعوا العمل الجديد قبل وبعد التوزيع
عشان يعرفو كمية السمكره والبوهيه الحصلت
الكترابل

Where is dr. Goor

الاستاذ / الموصلى
كل سنة وانت طيب مع العيال
دا عمل من اعمالك المميزة دائما"
وحرام يبث فى تلفزيون السودان وسط هذا الضجيج
والناس القاعدين فى رئاسة التلفزيون ديل اسمهم
اعـداء النجــاح .

والله صدقني عزيزي عبد الدائم أنا بعمل في الحوار ده
وماعارف منو هسع المسؤول في التلفزيون ونقدي كلو مبني
على التلفزيون كلو ككيان وهسع الفيديو كليب البثيناهو ده قديم وقد يكون الكثيرين
بالذات الذين يعيشون في الخارج أو حتى في السودان ويشاهدون الاحدث قد يروا فيه مسالة أكثر من عاديه وقد يكون معاهم حق بس في النهايه الظلم وقع على جهتين
1- الجمهور السوداني الكريم
2- ويوسف الموصلي المغلوب على امره ولم يجد جهده تقديرا من البعض ولم يتفهموا حتى الظروف والملابسات
لك هميم الود

اها يا اخوانا انا علي سفر

خلو بالكم من البوست
واصلو الحوار
معارضه+حكومه
حواركم مفيد وجميل والخلاف لايفسد للود قضيه

Quote: نحن تاني بنخلي ناس النقد يسمعوا العمل الجديد قبل وبعد التوزيع عشان يعرفو كمية السمكره والبوهيه الحصلت الكترابل

طيب لو عندك علب بوهية لونا وااحد، بنستفيد شنو من الكمية؟

Quote: خلو بالكم من البوست واصلو الحوار معارضه+حكومه

عشان تانى ما تفطّنا
كان مفروض تقول:



معارضة+حكومة+سودانيين

(ونأوى إلى جبل لا يموت - يسمّونه "الشعب" - نأبى الفرار ونأبى النزوح)

الرائع يوسف الموصلي

أعتقد أن تلفزيون السودان قد تجاوز الآن مرحلة (التأصيل) التي تتحدث عنها.. لكن فعلاً الكليب أفضل من أن يعرض على شاشتهم على كل الأحوال...

أتمنى أن تقوم بتقديمه إلى قناة النيل الأزرق.. وأنا متأكد من أنهم سيكونون أكثر من متحمسين لعرضه على المشاهدين...

موضوع التأصيل دا خلاص انتهى.. من ما بقت الفرق الراقصة الأثيوبية تقدم عروض يومية في الميريديان ويجيبو دعايتها في التلفزيون


بالنسبة للفيديو

بصراحة كدة ما كنت مركز في التصوير شديد عشان كنت معظم الوقت مركز مع البت والمشاط والجيتار

خليني أحضرو تاني وأرجع ليك

عزيزي ايمن كيفك لا الجماعه ديل مما بدو التاصيل بسمحو بسفور غير السودانيات وان كانن مسلمات عربيات وغيرهن
ويامورو بحجاب السودانيات
مودتي

الدليل والبرهان بالتحليل وتحليل دقيق وتفكيكي يتم فيه تحديد نوعية الهارمونية المستخدمه واسلوب الكاونتربوينت المستخدم ان كان موجودا هذا من منظور البناء اما من منظور الالات فنرجو افادتنا بكبفية استخدامها وبتداخلاتها الكلام دخل الحوش

لي قدام

فـوق، لان الـشـيئ الجـميـل لايمـوت!!

واســأل: الايطــالع وزيــر الاعــلام مايكتـب عـن سلبيــات وزارتـة???-

Thanks dear bakri I hope he hear our voices

Quote: الدليل والبرهان بالتحليل وتحليل دقيق وتفكيكي يتم فيه تحديد نوعية الهارمونية المستخدمه واسلوب الكاونتربوينت المستخدم ان كان موجودا هذا من منظور البناء اما من منظور الالات فنرجو افادتنا بكبفية استخدامها وبتداخلاتها الكلام دخل الحوش

بالمناسبة، البوست دا بكرى ابوبكر غتّس حجرو وين؟ انا كاتب الرد وما قادر انزّلوا!

لي قدام

لي قدام

______________________________________
والله خوّفتنى عديل كدة!
انت قلت لى بكرى يغتّس حجرو ولاّ شنو؟

تبارك الا كان في زول تاني لابد ليك انا يشرفني جدا التحاور معاك وماتنسى انو انا عكليت وود اشلاق البوليس الغربي خشيت الكوره ملح عشرات المرات
تسلم ولي قدام

تسلم يا موصلى

المهم التحليل قاعد، وبفكّر اغيّر فيهو شوية وانزّلو كبوست منفصل!

وياهو دة التلفزيون الابا يبث ليك؟


ولك التحايا

شكرا ياتبارك وللحق فان السودان دولة سبقت كل الدول العربية في ذلك الامر
ونرجو ان تتاح لها القرصة مرة اخري للسبق

ولك الود