Post: #1 Title: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 02:31 AM
منذ نشر ذلك الخبر والايملات غمرت حسابي فالطيب هو فنان عظيم بمعنى الكلمة ونهديه هذا التحليل المبسط لاحد اعماله الخالدة وقد مداني الموسيقي صلاح سري بتلفونه وساتصل به بعد ساعات نظرا لفرق الزمن
تبدا الاغنية بجملة موسيقية متكونة من عبارتين أ -- ب ثم ثم عبارة اخري ايقاعية لحنية مستوحاه من الموسيقى الرئيسية ثم تعاد الموسيقى مرة أخرى بكل تفاصيلها مع زيادة الجزء الاخير تمهيدا لدخول الغناء ويبدا الطيب بالمطلع او المذهب عباره غنائية متصاعدة ثم تهبط (قالو لي انساه اخ) (تتكرر العبارة لحنيا مع تغيير الكلمات انسى كل الماضي الخ) ثم يتصاعد اللحن الى قمة المطلع بقوله فات وخلاك للزمن ضاعت آمالك سداً ==================== عوده الى الموسيقى ولكن بلا تكرار ثم الدخول الى الكوبليه الاول يبدا بالسنين العشت فيها الخ لحن متصاعد الاجابة تاتي في أقوى من قول العوازل بلحن أكثر خفوتا وهنا تكون عبارة من جزئين كان ذلك الجزء (1أ) من الكوبليه الجزء ب لوخلاص قلبك نسي الايام الخ جزء منه يتكون من الجزء الف لحنيا ولكن جزء منه يتغير بقوله برضي راضي في الغرام كم من ضحايا يصل فيه الى قرار صوتي جميل وتنويع بين العلو والخفوت في المدى الصوتي ثم تاتي إعادة كاملة لهذين الجزئين مع تمهيد يصل الى مانسميه بالكسرة وكانت موسيقى سريعة الايقاع الداخلي للحن فيه مميز حتى يصل الى بالامل صبرت قلبي والموضوع الجديد بالقطع يتغير فيه الضرب الايقاعي وكذلك السرعه الى سرعة اكثر بالامل صبرتو قلبي بعبارة موسيقية جديدة مختلفة تتلوهاعبارة أخرى ترد عليها بقوله وعشت في دنيا الاماني ويعاد اللحن مرة اخرى بكلماته وبكلمات جديدة اضافية ثم ياتي الجزء الاخر وهو لانفع دمعي السكبتو الخ بعبارتين تتجهان الى قرار الصوت حيث يرتفع الصوت انزلاقيا قليسندو ثم كسرة موسيقية أخري بضرب ايقاعي مختلف ولحن مختلف يتكون من ثلاث عبارات ثم يدخل الى منطقة الغريب عن اهلو الخ عبارة موسيقية جديدة ترد عليها عبارة أخري مصيرو يرجع ============ يعاد اللحن مع بعض التنويع في ينسى الامو وشجونو ثم الاعادة لكل موضوع الغريب عن وطنو أخيرا يعرج الطيب الجميل الى الا قلبي في هواك الخ بعبارة جديدة رائعة متنوعة وينتهي اللحن بقفلة متباطئة وجميلة == نحبك يامبدع والله يطول عمرك http://www.sudaneseonline.com/video/alsineen.mp3
Post: #2 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 02:49 AM Parent: #1
شكرا للعزيز معاويه محمد وليت أحدكم ساعدنا بفتح الكود مباشرة
Post: #3 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:15 AM Parent: #2
السنين
قالو لي انساه وامسح من خيالك كرياتو انسى كل الماضي ابعد عن طريقو وعن حياتو فات وخلاك للزمن راحت امالك سدا ليه تحن من تاني ليه ليه تفكر في صلاتو ================= السنين العشتا فيهامعاك هنايا اقوى من قول العوازل واسمي من كلمةوشايه لوخلاص قلبك نسى الايام معايا برضي راضي في الغرام كم من ضحايا بس تأكد ياحبيبي انو حبك في دمايا =========== بالامل صبرت قلبي وعشت في دنيا الاماني أهدهد الشوق بين ضلوعي واترجم الالام اغاني تروي للناس ير عابي وتحكي ليهم ماشجاني لانفع دمعي السكبتو ولا شفع عندك حناني ============== الغريب عن اهلو مهما طال غيابو مصيرة يرجع تاني لي أهلو وصحابو ينسي الامو وشجونو ينسى حرمانو وعابو الا قلبي ياحبيبي في هواك طال اغترابو
Post: #5 Title: Re: غواص في محيط النغم (السنين) وصوت السودان الحزين الطيب عبد الله Author: hamid brgo Date: 06-06-2007, 03:27 AM Parent: #3
العزيز: الجميل الموصلي- سلامات والله عندما فتحت البوست كنت استمع الي احدي اغتياته الموغلة في الحزن الخجول لا يمكنني تخيل وطن الا بكم و معكم... ايها المبدعون
حامد
Post: #9 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:51 AM Parent: #5
الان يمكنك الاستماع اليها مع القراءة ويمكنك تتبع خطوطها تسلم اخي حامد برقو ويسلم زميلي الي أحببت صوته الي ينضح صوته الدافي بنداء الجمال
Post: #63 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-14-2007, 02:09 PM Parent: #5
امد الله في عمرك لتمتعنا بالجديد دوما
Post: #4 Title: Re: غواص في محيط النغم (السنين) وصوت السودان الحزين الطيب عبد الله Author: محمد مختار جعفر Date: 06-06-2007, 03:24 AM Parent: #2
الأستاذالفنان / الموصلى لك تحيتى العطرة وتقديرى ... ... أعجبنى التحليل كثيرا ، وأعدت قراءته .. الطيب عبد الله أحد الذين أضافو كثيرا لعصر النهوض والإرتقاء بالفن الغنائى السودانى. هذا الفنان الموهوب القادم من شندى آنذاك شمال السودان ما أجمل أغانيه العذبة الشجية الحنينة ... ولى عودة .. ولك شكرى ...
محمد مختار جعفر
Post: #6 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:30 AM Parent: #4
الحبيب محمد مختار عملناه في عجالة ولكن بحب وبعد شويه نجي للتحليل المقامي تسلم ياجميل
Post: #8 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:42 AM Parent: #2
Post: #44 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-10-2007, 07:23 AM Parent: #2
الف اهلا بالفنان العظيم
Post: #7 Title: Re: غواص في محيط النغم (السنين) وصوت السودان الحزين الطيب عبد الله Author: Mannan Date: 06-06-2007, 03:38 AM Parent: #1
تحليل رائع وتشريح فنى راقى لاغنية جميلة... والله شعرت كأننى استمع للآغنية نفسها.. هل ممكن استاذى تحلل لينا يا فتاتى وهى رائعة اخرى من روائع الرائع الطيب عبدالله
نورالدين منان
Post: #10 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:53 AM Parent: #7
غالي والطلب رخيص يا استا منان أعدك بعد أن ننجض ها البوست ويأخ حقه نمشي ليا فتاتي والحقيقة كنت افكر فيهما سويا ليتك تسمع الان يفتح التسجيل مع قراءة التحليل
Post: #11 Title: Re: غواص في محيط النغم (السنين) وصوت السودان الحزين الطيب عبد الله Author: hamid brgo Date: 06-06-2007, 08:15 AM Parent: #10
**********
Post: #12 Title: Re: غواص في محيط النغم (السنين) وصوت السودان الحزين الطيب عبد الله Author: hamid brgo Date: 06-06-2007, 08:22 AM Parent: #11
دي كيف................؟
عارف المناسبة... مناسبة السنين...بس ما قدرت استمع ليها براي
Post: #13 Title: Re: غواص في محيط النغم (السنين) وصوت السودان الحزين الطيب عبد الله Author: عاصم الطيب قرشى Date: 06-06-2007, 08:37 AM Parent: #12
يااااااااسلااااااااام
يا استاذ
أكاد اتنفس دعاش الموسيقى
والهام الحب فى الزمن السمح
بسلامة الفطرة, صدق التعبير وانسياب الفكرة
يا سلام علينا الكنا اسيادها
ويا حسرتنا على الحس الشفاف
تشكر يا فنان
Post: #15 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 10:50 AM Parent: #13
شفت كيف السهل الممتنع الصعب ياعاصم
Post: #14 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 10:34 AM Parent: #12
ليك المحبة يا حامد
Post: #16 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 11:21 AM Parent: #14
في محادثة طويلة مع صديقي الاستاذ الكبير الطيب عبد الله كانت المشاعر الفياضة والاحاسيس الجميلة ويشكركم علي حسن المشاعر ويبلغكم حبه الاكيد
Post: #17 Title: Re: غواص في محيط النغم (السنين) وصوت السودان الحزين الطيب عبد الله Author: hamid brgo Date: 06-06-2007, 11:33 AM Parent: #16
Quote: في محادثة طويلة مع صديقي الاستاذ الكبير الطيب عبد الله كانت المشاعر الفياضة والاحاسيس الجميلة ويشكركم علي حسن المشاعر ويبلغكم حبه الاكيد
اما نحنا نحبكم الاتنين...... يا للوفاء... يا الموصلي
Post: #18 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:12 PM Parent: #17
تسلم ياحامد تعرف قال لي الطيب الجميل أنه يعذر ويسامح الذين بثوا الخبر ولا يشك في حسن النوايا ثم ضحك وقال لي ساخرا (ياخي مش كانوا يستنوا لغاية مالوزير يذيع الخبر اصلو الحكومات بتستنى موت الفنانين لتذيع الخبر ويكون ذلك خير تكريم
Post: #62 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 10:36 PM Parent: #12
حامد اخوي انت البنيه دي عاجباك
Post: #19 Title: Re: غواص في محيط النغم (السنين) وصوت السودان الحزين الطيب عبد الله Author: Dr. Ahmed Amin Date: 06-06-2007, 03:28 PM Parent: #1
أستاذنا الموصـــــلي
ربنا يطول في عمرك وعمر فنانا الخجول الحساس الطيب عبدالله وحقيقة أغنياته غوص عميييييييق داخل القلوب المتعطشة...
أمتعتنا بهذه الوصلات وخليتنا نرجع سنيييييين .... أحمــــد
Post: #20 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 03:39 PM Parent: #19
دكتور أحمد ويطول عمرك والحقيقة الاستاذ الطيب من الفنانين الذين تاثرت بهم وبأساليبهم حفظه الله لنا ذخرا
Post: #36 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-08-2007, 10:42 AM Parent: #19
ياسلااااااااام يادكتور ربنا يديك العافية هديتك اكثر من بديعة تسلم
Post: #21 Title: Re: غواص في محيط النغم (السنين) وصوت السودان الحزين الطيب عبد الله Author: Mutwakil Mahmoud Date: 06-06-2007, 04:11 PM Parent: #1
أبوهديل لله درك يالك من عالم فالعالم من تعلم وعلم وتواضع ومازلت تقف في مقام لك وحدك رب أغفر لهم فأنهم لايعلمون ياليت قومي يعلمون يا رمز الوفاء والمعرفه أشواقي حين تسعي إليك تشتاق ولنا لقاء قريب أخوك د.متوكل
Post: #22 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 05:41 PM Parent: #21
لن اكتفي من الترديد يادكتور متوكل بانك واحد من ثلاثة اعتز بهم فيما قدموه للموسيقى السودانية 1-دكتور متوكل 2- صلاح محمد ابراهيم 3- د معز عمر بخيت تسلم
Post: #23 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-06-2007, 07:57 PM Parent: #22
مقام هذه الاغنية هو الخماسي
Post: #24 Title: Re: غواص في محيط النغم (السنين) وصوت السودان الحزين الطيب عبد الله Author: حبيب نورة Date: 06-06-2007, 08:40 PM Parent: #23
غايتو
..... غايتو مشتاق ليك!!!
Post: #26 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-07-2007, 00:15 AM Parent: #24
يها الشاعر الجميل ومنو الما مشتاق ليك ياخ
Post: #25 Title: Re: غواص في محيط النغم (السنين) وصوت السودان الحزين الطيب عبد الله Author: Summanism Date: 06-06-2007, 10:36 PM Parent: #23
ايها الموصلي الجميل يا من اذا لحن و غنى اطرب و اذا وزع ابدع و اذا كتب اضاف 1- الف شكر طمنتنا على ولدنا الحنون و انت تعرف انه سوماني اي من اب يمني في شندي و قد عرفته عن قرب هنا في صنعاء عندما حضر لزواجه من ابنة عمه في صنعاء 2- اريد رقم الهاتف حتى اتصل به فقد سمعت انه متعب نفسيا في السعودية و غير مستقر في مدينة واحدة 3- و اخيرا نريد تشريحك لاغنيته ( نبع الحنان ) التي ارددها دائما و قد اخبرني انه كتب كلماتها ايضا تقبل تقديرا بلا حدود من اخيك نزار غانم
Post: #27 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-07-2007, 00:23 AM Parent: #25
حبيبنا شيخ الطريقة السومانية تشرفنا دوما بوجدك العبق حاضر ياسيدي انت تأمر راجع الماسنجر بعد خمس دقائق
Post: #28 Title: Re: غواص في محيط النغم (السنين) وصوت السودان الحزين الطيب عبد الله Author: hamid brgo Date: 06-07-2007, 03:31 AM Parent: #27
Quote: اصلو الحكومات بتستنى موت الفنانين لتذيع الخبر ويكون ذلك خير تكريم
الله في...!
Post: #29 Title: Re: غواص في محيط النغم (السنين) وصوت السودان الحزين الطيب عبد الله Author: عواطف ادريس اسماعيل Date: 06-07-2007, 05:25 AM Parent: #28
حبيبنا الموصلي !!!
بهذا البوست استطعت أن تدغدغ أحاسيسنا التي ظلت في حالة غيبوبة طويلة لعدم وجود مبدعين جدد إلا
قليلا ,, فشكرا لك على هذا الإختيار الموفق وشكرا للفنان صاحب الصوت الحزين الطيب عبدالله فقد أسعدنا
ردحا من الزمن الله يسعده ,,,
Post: #30 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-07-2007, 05:41 AM Parent: #29
عزيزتنا عواطف بينما يرزح السودان تحت نير الاجترار فنيا لازالت اغنيات الطيب تحمل بين جوانحها اجمل الفكر والاحاسيس لك من ودي هميمه
Post: #31 Title: Re: غواص في محيط النغم (السنين) وصوت السودان الحزين الطيب عبد الله Author: Summanism Date: 06-07-2007, 12:15 PM Parent: #29
العزيزة ابدا عواطف من المقولات التي اتذكرها للطيب عبدالله عندما قابلته هنا التالي 1- انه لم يلحن لشاعر اكثر من اغنية واحدة 2- انه يكتب بعض اغنياته مثل نبع الحنان التي اهديها لكل مغترب و مغتربة 3- انه يميل للحزن في اغنياته لان الحزن اصدق من الفرح كعاطفة انسانية ما رايك يا بت شيخ ادريس السوماني
Post: #33 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-07-2007, 05:51 PM Parent: #31
في انتظار الشفيفة
Post: #42 Title: Re: غواص في محيط النغم (السنين) وصوت السودان الحزين الطيب عبد الله Author: عواطف ادريس اسماعيل Date: 06-09-2007, 05:51 AM Parent: #33
أنا كنت بمشي على أمل كان بيه يوم فرحتني !!!
Post: #41 Title: Re: غواص في محيط النغم (السنين) وصوت السودان الحزين الطيب عبد الله Author: عواطف ادريس اسماعيل Date: 06-09-2007, 05:48 AM Parent: #31
حبيبنا السوماني جدا !!!
وطبعا كلنا في السومنة شرق ,,
لقد صدق أبو طارق في قوله وأنا برضو أضيف وجهة نظر أخرى وهي أن الصدق أحد سمات اليمنيين التي
اكتسبوها من سحر الطبيعة وصدقها معهم وشكرا على الإهداء الجميل يا نبع الحنان ,,
Post: #32 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-07-2007, 02:18 PM Parent: #28
Quote: [الله في...!...!
صدقت
Post: #34 Title: Re: غواص في محيط النغم (السنين) وصوت السودان الحزين الطيب عبد الله Author: othman mohmmadien Date: 06-07-2007, 08:47 PM Parent: #32
حبيبنا وصديقنا الموصلي وينك يا أخينا الطيب بن عبد الله فنان يتسم بالذكاء الفني والحس الشعري العالي والحانه تثير كوامن النفس ،أما على صعيد اختيار الطيب للكلمة او اللحن فهذا شأن آخر، لا بد له أن يقطف ثمار نجاحه الذي خط حروفه بتروي واهتمام بتفاصيل الامور كل أمور الأحاسيس السودانية إن كان لنا حس سوداني متفرد. لم أجد شخصا تصل كلماته للقلب قبل أن تصل للسان مثل الطيب عبد الله. ولكن حينما تستمع لأغنية كده كده يا الترلة في الاذاعات العربية ييصيبك الدوار وتنداح كل أحاسيس الغناء الشجي المكمونة في دواخلنا إلى نوع من الاستغراب والدهشة والحزن كذلك لماذا يا موصلي ... لماذا .... يا موصلي .... هل من إجابة ولو حلم. والغريب عن وطنه مهما طال غيابه مصيره يرجع تاني لآهله وصحابه .... الخ إلا قلبي يا حبيبي في هواك طال اغترابه
Post: #35 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-07-2007, 09:10 PM Parent: #34
أاااااااااااااااااااااااااااااااااااااااااااااااااااااااااه ياعثمان كفاك ولا أشرح
Post: #37 Title: Re: غواص في محيط النغم (السنين) وصوت السودان الحزين الطيب عبد الله Author: Summanism Date: 06-08-2007, 11:16 AM Parent: #35
لن تبعث الموسيقى و الغناء و الرقص العربي من مواته الحالي الا اذا تغذت المراكز بالاطراف بمعنى الالتفات لجواهر الموسيقى و الفنون الادائية السودانية و هي كنز بل كنوز لا تفنى احدها السلم الخماسي الذي يقدم امكانيات مغايرة للرتابة المميتة في موسيقى العرب الحالية التي تكاد تنحصر مقاميا في مقام الكورد و ايقاعيا في ايقاع الرومبا و الله عيب يا احفاد ام كلثوم و عبدالوهاب و عبدالحليم و فيروز البتقدموه ده في فضائياتكم و لكن الجاهل عدو نفسه استمروا خربوا الوجدان العربي وكمان الانساني فقد خرجتم من التاريخ سياسيا و اقتصاديا وحضاريا موسيقيا
Post: #38 Title: Re: غواص في محيط النغم (السنين) وصوت السودان الحزين الطيب عبد الله Author: سلمى الشيخ سلامة Date: 06-08-2007, 12:30 PM Parent: #1
الطيب عبد الله حائط مبكانا بصوته الاليف وسهله الممتنع اداء هادئ وصوت يبعثك من مرقد الحزن ليدخلك اليه فى كل اغنياته اجد اننى ابكى يبكينى صوته مثل كثيرون غيره من المغنيين لعل الراحل هاشم ميرغنى كان احد تلاميذه فى مدرسة العواطف الغنائية لكنه انقطع عن مستمعيه بسفره الى خارج السودان مع ذلك ظللنا نستمع اليه ونبحث عن اشرطته التى ما كنا نحتاجها كثيرا الا للربط حيث نحغظ اغنياته عن ظهر قلب وكلما فاض الحنين كانت الغريب عن وطنو مهما طال غيابو مصيرو يرجع تانى لاهلو وصحابو ينسى الامه وشجونو ينسى حرمانو وعذابو الا قلبى فى هواك طال اغترابو شكرا ليك ابوهديل
Post: #39 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-08-2007, 05:29 PM Parent: #38
سلمى بت الشيخ سلامه
Quote: الطيب عبد الله حائط مبكانا بصوته الاليف وسهله الممتنع اداء هادئ وصوت يبعثك من مرقد الحزن ليدخلك اليه فى كل اغنياته اجد اننى ابكى يبكينى صوته مثل كثيرون غيره من المغنيين لعل الراحل هاشم ميرغنى كان احد تلاميذه فى مدرسة العواطف الغنائية لكنه انقطع عن مستمعيه بسفره الى خارج السودان مع ذلك ظللنا نستمع اليه ونبحث عن اشرطته التى ما كنا نحتاجها كثيرا الا للربط حيث نحغظ اغنياته عن ظهر قلب
يسلم بؤٍك
Post: #40 Title: Re: غواص في محيط النغم (السنين) وصوت السودان الحزين الطيب عبد الله Author: othman mohmmadien Date: 06-08-2007, 08:56 PM Parent: #39
Quote: أاااااااااااااااااااااااااااااااااااااااااااااااااااااااااه ياعثمان كفاك ولا أشرح
لم أكتفي حبيبنا الموصلي فآه قالوها قبلنا آه لو أى تفيد مجروح
Quote: حائط مبكانا بصوته الاليف وسهله الممتنع اداء هادئ وصوت يبعثك من مرقد الحزن ليدخلك اليه
المهم أنه يكتم الاهات التي تتململ على المراقد هل آن الآوان لتفجيرها
Post: #43 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-09-2007, 12:00 PM Parent: #40
نعم يجب ان تنفجر تلك الالام فالسكوت هنا قطعا ليس من ذهب ولا من فضة حتي تسلم ياعثمان
Post: #45 Title: Re: غواص في محيط النغم (السنين) وصوت السودان الحزين الطيب عبد الله Author: Alsa7afa_30 Date: 06-10-2007, 05:27 PM Parent: #43
بالأمل صبرت قلبي و عشت في دنيا الأماني أهدهد الشوق بين ضلوعي و أترجم الآلام أغاني تروي للناس سر عذابي و تحكي ليهم ما شجاني
من أحب الأغاني الى قلبي..
يديك العافية يا أستاذ.. بس غرقتنا في محيط النغم!!
يا ترى من هو شاعرها؟؟
Post: #48 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 02:35 AM Parent: #45
ولدنا الحلو شاعرها الطيب عبد الله نفسه تسلم
Post: #51 Title: Re: غواص في محيط النغم (السنين) وصوت السودان الحزين الطيب عبد الله Author: Omer Elsheikh Date: 06-11-2007, 06:19 AM Parent: #38
العزيزه سلومه كل التحايا والأشواق صدقتى. وكان تحليل أستاذى جميلآ كما عودنا دوما. كنت وصديقى ال(Muez)ولفترة طويله نتناول أغانى الأخ الفنان الطيب عبدالله نعزفها ونغنيها ونتمعن كلماتها ويحتفظ Muezبالنصوص ويالهامن روعه. ولكن رحلتى مع الطيب عبدالله تبدأبالسنه الأولى إبتدائى بمدرسة الرشادالإبتدائيه قرب قصرالشباب والأطفال وأكاد أجزم أن أرى الأستاذ الطيب كل يوم فى الطريق إلى المدرسه حيث كان يسكن غرب مدرسة المؤتمر الثانويه وتمر السنين ويختفى الفنان ونتعلم الموسيقى ونفهم الكلمات ونتجاوب مع كلاهما.وتمر السنين والتقى بالفنان الطيب عبدالله فى نهاية الثمانينات (تقريبابعدعقدين من الزمان كأحد أعضاء الفرقه الموسيقيه المصاحبة له وليس بعيدا من مكان بداية اللقاء (المورده-نادى الفنانين).وكانت البدايه دوما(السنين). وأن أنسى لاأنسى جمهور المستمعين بالفندق الكبير.
عمرمنصور.
Post: #46 Title: Re: غواص في محيط النغم (السنين) وصوت السودان الحزين الطيب عبد الله Author: Haytham Abdulaziz Date: 06-10-2007, 07:11 PM Parent: #1
الحبيب الموصلي عساك بخير......
انا من أشد المعجبين بالأستاذ الطيب عبدالله و منذ بداية الثمانينات عندما بدأ الفنان فيصل الصحافة
يتغنى بأغانيه .. و بالذات أغنيتي .. كيف هان عليك يا حبيب تسلاني ... و أرض الحبيب... شعرت
بمعناها بعد الإغتراب ... فهو فعلاً غواص ماهر في محيط الفن السوداني .. فخالص التحايا له... و
متعكم الله جميعاً بالصحة و العافية ..
Post: #47 Title: Re: غواص في محيط النغم (السنين) وصوت السودان الحزين الطيب عبد الله Author: نهال الطيب Date: 06-10-2007, 07:51 PM Parent: #46
أستاذي القدير الموصلي
شكرا جميلا على ينبوع الطرب الذي يسقي ويفيض
مودتي
Post: #54 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 10:57 AM Parent: #47
عاشقة الفنون الولهة وجودك هنا بيدعم عشاق لوحات الطيب عبد الله تسلمي
Post: #49 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 02:38 AM Parent: #46
حبيبنا هيثم الطيب هو الشجن الاليم وهو الغريد تسلم
Post: #50 Title: Re: غواص في محيط النغم (السنين) وصوت السودان الحزين الطيب عبد الله Author: الزاكى عبد الحميد Date: 06-11-2007, 04:20 AM Parent: #49
من أجمل الأغاني السودانية.. واكتسبت بعداً آخر بعد التحليل الموسيقي الذي أوردته أيها المايسترو الرائع.. أقول هذا وما يزال صدى جلساتك الرائعة بالنادي السوداني بمسقط يشنف آذاننا..
الله يخليك يا ود القبايل ويعطيك من نعمه بقدر ما أنت تعطي لهذا الشعب من فرح يدغدغ مشاعرهم كما الطل في الثرى العطشى..
لك ودي وكثير احترامي وتقديري
الزاكي
Post: #52 Title: Re: غواص في محيط النغم (السنين) وصوت السودان الحزين الطيب عبد الله Author: الطيب شيقوق Date: 06-11-2007, 07:42 AM Parent: #50
Quote: تحليل رائع وتشريح فنى راقى لاغنية جميلة... والله شعرت كأننى استمع للآغنية نفسها.. هل ممكن استاذى تحلل لينا يا فتاتى وهى رائعة اخرى من روائع الرائع الطيب عبدالله
والله يا يوسف اخوى الاغنية دى فيها حاجة كده ما عادية وهى الاغنية التي ربما يكون حافظ كلماتها اى سوداني - انا شخصيا دى الاغنية الحافظ كلماتها كلها - وزمان وقت ال .... الجماعة بقولوا لى يلا يا الطيب اسمعنا اياها ومعروفة الاياها دى هي نفسها .
والله يا يوسف اخوى لما انتكى ليك بالمقطع البيقول (بالامل صبرت قلبيييييييييي وعشت في دنيا الاماني تن تن تن ) الجماعة كلهم ينتكوا ليك معاى لانهم ّّّّّّّّّ!!!!!!!!!!!!!!
Post: #56 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 11:05 AM Parent: #52
الرجل (الرجل) الطيب شيقوق ولماذا لا تميل ولا يتمايلون طربا فانت الطيب بس رسل لينا الشريط اما الطيب عبد الله فما زالت اعماله تجلس مع القمم في زمن يسيطر عليه الاجترار وتجلس علي ظهره عملية التآصيل اياها مودتي
Post: #55 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 10:59 AM Parent: #50
حبيبنا الزاكي شكرا لمروركم المفرح وحمدا لله علي سلامة الجميع بمسقط التي احببت كل مافيها ولابد من عودة
Post: #53 Title: Re: غواص في محيط النغم (السنين) وصوت السودان الحزين الطيب عبد الله Author: Alsa7afa_30 Date: 06-11-2007, 09:34 AM Parent: #1
Quote: شاعرها الطيب عبد الله نفسه
لا إله إلا الله!!!!!
ما شاء الله ما نسحر الراجل..
ياخي دا رهيـــب!!
Post: #57 Title: Re: غواص في محيط النغم (السنين) وصوت السودان الحزين الطيب عبد الله Author: الطيب شيقوق Date: 06-11-2007, 11:18 AM Parent: #53
Quote: بس رسل لينا الشريط
هيييييييييييييع ات قايل داك زمن شريط ولا ديك لحظة شريط !!!!!!!!!!!!
معزتي
Post: #61 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 12:12 PM Parent: #57
الظاهر عليهو شريط ذكريات
ورحت في حالك نسيتني
Post: #58 Title: Re: غواص في محيط النغم (السنين) وصوت السودان الحزين الطيب عبد الله Author: abuguta Date: 06-11-2007, 11:20 AM Parent: #53
Quote: الغريب عن وطنو مهما طال غيابو مصيرو يرجع تانى لاهلو وصحابو ينسى الامه وشجونو ينسى حرمانو وعذابو الا قلبى فى هواك طال اغترابو
اول مرة سمعت هذه الابيات بصوت الطيب الحنين من كشك ليمون فى ابقوتة ووقتها انا فى المرحلة الابتدائية صدقنى يابو هديل شربتها مع كباية الليمون وصارت تزن فى اذنى وانا اجى اصنقر ومرات ادك حصة ما يعد الفطور عشان اسمع الاغنية دى وكنت بتامل فى كلماتها وانا الذى لم يفارق احضان امه يوما واحدا,,,تصور بعدها مشيت الثانوى وسمعتها فى المقاهى ..ثم مشيت الهند وسمعتها فى بومبى عن واحد صاحبى,,,صدقنى اسى لى زمن ما سمعتها الا اليوم وطوالى تذكرت كباية الليمون ذات السكر الحادق والثلج المكسر,,, تحياتى لليمونى منوت,,, يقولون ان هذا الفنان موجود فى جدة مرمى فى وحل الغربة شكرا يابو هديل ياشربات
Post: #60 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 11:48 AM Parent: #58
[
Quote: يقولون ان هذا الفنان موجود فى جدة مرمى فى وحل الغربة شكرا يابو هديل ياشربات
في عهد الاجترار والتآصيل كثير منا تم رميه قهرا خارج البلاد بينما ارتمي البعض منا في احضان الاجترار ابو قوته استمتع بالمبدعين الحقيقين الي ان تعود العافية الي فننا
Post: #59 Title: Re: غواص في محيط النغم (السنين) وصوت السودان الحزين الطيب عبد الله Author: Elmosley Date: 06-11-2007, 11:33 AM Parent: #53
نعم هو الطيب وهو نعم الفنان ربنا يمد في عمره ولي كل الفخر في ان اكتب عنه
