التحليل الموسيقي ابوعركي البخيت وواحشني

NOTE: The song will take some time to load for the first time, or you can just download it by clicking on the link in the bottom

ابوعركي البخيت وواحشني
ان ابا عركي ليس فنانا عابرا وليس موهوبا فقط انه دارس للموسيقي
ولديه اساليبه المتفرده ومدرسه قائمه بذاتها تستند الي الموهبه والعلم
والخبرة والجدية والالتزام الصارم بقواعد لعبة الابداع
وساتناول هنا احدي اغنيته الرائعة واحشني بالتحليل حيث تشرفت باعادة
توزيعها الموسيقي بطلب منه شخصيا مما جعلني ازداد اعجابا بهذا الانسان
الفنان المتواضع
اولا من حيث القالب اللحني فانه لايعتمد علي عفوية الارتجال مثل كثيرين
من معاصريه بل واضح انه يضع مسارا محددا للحن منطقيا يستند
كما هو معهود في التركيبة solutionالي بداية حقيقية وعقده وحل
اللحنية المنطقية
والاغنية من كلمات التجاني حاج موسي
اما المقام اللحني لهذا العمل الكبير فانه يعتمد اساسا علي مقام ري الكبير
مع مشاركة فرعية لمقام مي الخماسي hexatonic scaleالسداسي
المتفرع من المقام ري السداسي نفسه وهذا ما يجعل الاغنية تسبح في
ولكن بطريقة شفافة لااود ان modulationبحر من التحول المقامي
اطيل عليكم وادخل في تفاصيل عميقه ولكن اهم مايلفت النظر في
الاغنيه المقدمة الموسيقية غير الحرة وغير التقليدية حيث تميزت
بالايقاعية ودخول الغناء المباشر مما يفاجئ المستمع السوداني والذي جبل
علي مقدمة اخري تتلو الاولي ثم ياتي الغناء
وتستمر الاغنية بلازماتها الموسيقة المتجدده غير التقليدية
الي ان يكسر ابو عركي حاجز الرتابة بفاصلة موسيقية رائعة
ليدخل في المجال الفضائي لمقطع الا بعدك لما ترجع انا بحكي ليك الخ
مع لازمه موسيقية ساحره توصلنا الي كلمة تجربه خطيره جد حيث
قمة الدراما الموسيقية تمهيدا للقفلة التامه
حقيقة لقد اعتمدت في التوزيع علي عدة اشياءاولا من حيث البناء
الراسي هارموني اضافة بعدا مقاميا ثالثا للمقامين المذكورين انفا وهو
مقام ري الكبير اما من حيث البناء الافقي كاونتربوينت فقد اعتمدت علي ما
في اداء الاوركسترا ثم حولت contrary motion يسمي بالحركة العكسية
ايقاع الثلثيات في المنطقة الادائيه ولا احزان يابلد الي ايقاع الدليب وهي
حيث dynamicsكانت احدي مفاجاتي لابو عركي المبدع اما مايسمي ب
التفاوت من حيث القوة واللين فقد استخدمنا مايسمي كريشندو اى التدرج
في القوة او دومنويندو اي التدرج من القوة الي اللين ولنستمتع جميعا
بابو عركي الفنان الي ان ياتينا ابو الباشا بسيرة هذا الفنان العظيم في
هذا البورد العظيم والي لقاء تحليلي سماعي اخر
حاشية
كلمة لازمه في الموسيقي تعني
الفاصلة الموسيقية الصغيره او العباره المصغره التي تعطي المغني فترة
من الراحة مع تجميل الجملة الغنائية

If the song don't play on the background then Click Here

and just to make things easy .... check it out
and thanx mosley

Thanks Abu Khadra Is this kind of peace agreement

عندما يلتقى مبدعان ماذا تكون الحصيله سوى امتاع كل عاشق مفتن بهذا الفن الجميل الفنان الرهيف المرهف ابوعركى مدهش ومترع بالابداع وهو كما ذكرت استاذنا الجميل مزج الموهبه بالتحصيل العلمى والتطبيق وهذا ماميزه على كثير من ابناء جيله وكانت الحصيله هذا الكم من الادهاش اما ان تضع استاذى اناملك وعلمك فى هذا العمل المدهش وتتناوله بالتوزيع فهذا قمة الابداع وحقا واحشنى من اعظم الاعمال من حيث اللحن والتوزيع والاداء فى السنوات الاخيره .. وياليتك استاذنا تتناول لنا اغنية ياقلب بشئ من التحليل ونتمنى ان تكون التاليه من حيث التعاون الفنى وتلحقها بخاف واخواتها لتكتمل الروعه والابداع

عزيزي ابو عبده عقبال مانشوف جيلكم كله ملعلع وملء السمع والبصر
وطلباتك مجابه وماتنسي مكانة ابو عركي في دواخلي ولو طلب نور العيون
غالي هو والطلب رخيص

الاخوه الاحباب ناسف لحدوث تداخل لوجود تسجيلين وتمت المعالجه
نتمني لكم الاستمتاع بهذا العم

عزيزى الاستاذ الموسيقار يوسفاا لموصلى
وانت مالك هذة المدينة المهرمنة؟على حدثعبير المرحوم جمعةجابر انها خوالى الايام ومناكفات مجلة الاذاعة والتلفزيون والمسرح او تذكر؟ فى اعتقادى لو قدر لتلك المساجلات ان تستمرلوضعنا لبنة علمية لنقد موسيقى جاد تفخر بة مكتبتنا السودانية عشمنا كبير تفاؤلك وجدك واجتهادك اضم صوتى لصوت رفيقى وطبيق همى حمزة سليمان عايزيين نناقش تجر بتك الممتدة حتى الان ومشوارك مع التوزيع الموسقى خصوصا انو انت بالذات؟؟؟؟؟؟؟؟ متهم بموصلة الغناء السودانى تجربة شركة حصاد ؟تسلسلا حتى واحشنى واللة رايك شنو ولسة واحشنى.


من حقى اغنى لشعبى ومن حق الشعب على
لا بى ايدك تمنع قلبى
ولا قلبى كمان بى ايدى

عزيزي الفنان ذو الصوت الشجي انور
انت وحمزه سليمان شكلتما ركنا يركن اليه في عقد الجلاد
وها انتما تنقلانه الي هذا البورد مع زملائكما الاخرين
لدي الكثير كي اقوله خصوصا ياغالي في عيونا وعندما ينزل صلاح الباشا
بحثه او كتابه عني هذا الشهر يمكننا ان نبدا لان ما احمله من اسرار
وسطنا الفني فيه الكثير المفرح والمبكي وانا كمان منتظر ان تشنف
اذاننا باعمال جديده وقبل ما انسي عاوزك ترسل لي شويه دوبيت بي صوتك
عاوز اضيفه في احد مؤلفاتي للموسيقي الالكترونيه سوف يبث في مهرجان
شيمس باريزونا حاولت انا لكن لقيت نفسي ما قادر وقلت علي ايه
وانور قاعد

استاذنا الفنان يوسف الموصلى
لك الشكر سيدى وانت تنور مداركنا
وحقا الاستماع للعمل بعد قراءة التحليل الموسيقى يختلف ويعطيه بعدا آخر وهذا ما كنا نفتقده بحق ..
لى تساؤل عن الفنان ابوعركى
فلحن اغنية واحشنى تشابهب على مع لحن اغنية عن حبيبتى بحكى ليكم
لماذا
هل هنالك تشابه فى اللحن حقا ام انه تهيأ لى
وتساؤل ثانى
اجد نفسى طبيعيا مع الحان ابوعركى ولكنى لا اجد ذات الشىء مع الحان الاستاذ الجيلانى الواثق
ما هو الاختلاف فى نوعيات الالحان
ارجو ان تنورنا اكثر حتى نستطيع فهم الموسيقى بصورة افضل
لك شكرى الجزيل
ودمت لنا

من عجب ان الاغانى لا تعمل لدى ولكن هذه الاغنية اشتغلت
ليه يا سونا ؟؟؟

صديقي قرشو
لك الشكر وهذا العمل سيستمر باذن الله
ربما الاستايل جعلك تحس بشي من التشابه في الاغنيتين ولكني اري
انهما غير كذلك اما فهمك واحساسك بالحان عركي وعدمه في الحان جيلاني
الواثق ربما لان جيلاني كان يغني علي طريقة البوب ميوزك وتصاحبه
الاليكترونيات فقط ولكن في النهايه حب الناس مذاهب يغني المغني وكل
علي هواه

نسينا ان نحي ابوعركي وهو يعزف الكمان بشكل جيد ويعلم
اولاده الموسيقي منذ نعومة اظفارهم فهو نعم الاب

*salam ya nas*

Ustazna(**Elmosley**) ya nas
9ara7aa da 3amal rai33 jidan
o rabana iwafigak 3ala mou9alat
almoushowar ya nas. O at7ifna belmazeeed mn ibda3atk inta wo Ustanza alkabeer(**Abu_3arky**)ya nas

سويت هارت
ان هذا التشجيع هو الذي يزيد نار الابداع فينا اتقادا فلك مني
وبالانابة عن ابو عركي من الشكر اجزله

يا استاذ يوسف ... الصباح سمعت العمل و غيرتة في
بوست جديد تسهيلا للاجرأءت .. الان حبيت اسمعو تاني و اكتب مساهمتي
ما سمعت اي حاجة ... الرجاء معالجة ما حدث
يا بكري انا منتظر قرابة النصف ساعة الان
HELLLLLLLLLLP

Khider I have just come from out my house I found the same problem
I will email Bakry now

اتصل بي عازف الجيتار والبيز جيتار محمد عوض وهو من سباب العازفين
الذين ادت بهم ظروف السودان الي الهجره وهو لديه فكرة تطوير اسلوب
عزفه بالدراسه واكتشفت انه مسجل بالبورد ولكن له مده لم يتابع فمرحبا به
مشاركا مرة اخري

استاذنا الموصلي سلام
لقد وعدتنا قبل مدة بان تبحث عن اغنية البنيات في ضرام الدلاليك
انا غايتو كان لي مدة غايب من البورد وما عارف هل انت لقيتها ونزلتها ولا لسة ما لقيتها
انا خايف ابو عركي زاتو ما تكون عندو ههههها
المهم نحن في الانتظار
البياز
عوافي

ملحوظة
لو تعذر الحصول عليها فخوفي من غيرها من الدرر!!!!ا

عزيزي قوتا قود
حيث ان ذاكرتي مثل ذاكرة الدجاحه السودانية بالذات تقول ليها كر تجري
و تعود تاني لي نفس المكان عموما ممكن تلقلهاها لينا الاغنيه عشان
ياحللناها ياحللتنا

استاذنا الموصلي
انا الظاهر لي انو العنية دي حقو الواحد عدييييييييييل يقوم يتصل بي الاستاذ ابو عركي (انا قصدي انت) ويطلبا منو وينتظر بس

لانو حتي لو اتلقت حتكون كاسيت ومحتاجة تنزيل في الوب

المهم انا شايف الطلب بتاعي اعياك
والدليل انك رجعتو لي يعني (صادة رادة )ههههههههها

انا بدوري حافتش ليها وانشا الله الم فيها عشان نتحف بيها البواردة

سلامي لك وللحلوين الصغار

البياز
عوافي

ارجو ان تبحث وانا بدورى سوف اسال ابو عركي وربك يسهل

اخي الكريم استاذنا الغالي وفنانا المبدع وفقك الله لتنال درجة الدكتوراة حقاً لقد مررت بهذا البوست مرات بل كل يوم لاستمع للرائعه واحشني وحقا انها قد تركت ملامح كل شئ جميل فى دواخلنا وامثالك والاستاذ ابوعركي من اراد الكتابة فيهم يعجز عن ذلك لايجد من الكلمات التي تعطيكم حقكم فيما قدمتم ولذلك استاذي الكريم واخي الجليل الموصلي لقد وقفت مكتوف الايدي وعجزت عن التعبير لاقول لكم راي في هذا العمل الذي لايسعني الا ان اقول لكم وفقكم الله وامد لنا فى اعماركم لتانونا دائما بمثل واحشني وغيرها وتحياتي للاستاذ علها تصل عبركم الاستاذ الفنان ابوعركي ولكم خالص تحياتي
واحشني

* * *

والله فيك الخير كلو يا ام در

اخي الكريم استاذنا الغالي وفنانا المبدع وقفك الله لتنال درجة الدكتوراة حقاً لقد مررت بهذا البوست مرات بل كل يوم لاستمع للرائعه واحشني وحقا انها قد تركت ملامح كل شئ جميل فى دواخلنا وامثالك والاستاذ ابوعركي من اراد الكتابة فيهم يعجز عن ذلك لايجد من الكلمات التي تعطيكم حقكم فيما قدمتم ولذلك استاذي الكريم واخي الجليل الموصلي لقد وقفت مكتوف الايدي وعجزت عن التعبير لاقول لكم راي في هذا العمل الذي لايسعني الا ان اقول لكم وفقكم الله وامد لنا فى اعماركم لتانونا دائما بمثل واحشني وغيرها وتحياتي للاستاذ علها تصل عبركم الاستاذ الفنان ابوعركي ولكم خالص تحياتي
واحشني

عزيزي واحشني اهو ده الكلام السمح
يديك العافيه

I would like to show my highest appreciation for the great job you did considering the biography you did on our beloved national singer ,Mohamed Osman Wardi, to me, it was a whole source of knowledge to get to know about this great singer,nice job aswell considering Abu3araki,
all my regards

Dear Manubia
It is my honor to write about my Friend Mohamed wardi
My words can’t describe his greatness .Abu Araki is my brother
In music Art thank you for encouraging me.

since you are on line ,let me be a lil'bit selfish and grab this opportiunity and ask you ,if you may write about the use of (Tanbour)in our Nubian songs, becouse I believe most of us sudanses people have this believe thet this great musical instrument is used ,dominantly ,by our brothers ,Shaigyah, or shaigists ,as i fondly name them
regards

Dear Manubia
It is great to use the Tamboor in the modern songs
Wardi has done that once in Alwood and he played for me in Alsigade song
Almashaweer.I loved it and I’m planning to do that again

عرضحال



يا بكري ثلاثة ايام و لم نسمع و احشني بعد



نشكو اليكم الفاقة و العوز

Dear khider it looks like Bakri has solved the problem didn't he?

Dear Kider I'm waiting for your opnion

الاستاذ الموصلى

التوزيع فى غايه الروعه كنت بتوقع التحليل يوضح لينا القاعده والقمه

وسير التنميه من الجمله الاساسيه ومرورا بالنماء والتمهيد للقفله والقفله

وخط الغناء للاستاذ عركى والحليات التى قام باظهارها ونوعيه الاداء

التعبيرى له والخانات الحاده التى تعذف فيها الكمانات ولك شكرى

حمزة

حمزه الفنان
انني اقترح عليك ان تتحفنا بهذه الملاحظات الجميلة التي ذكرتها
وانتم اهل لذلك لما حباكم الله به من موهبة وعلم وبالله ماتكسل
من هذا الطلب ياحمزه

كلعادة تكتمل عناصر الابداع في حضرة من اهوي
و لدي بعض الاسئلة حول العمل

الاستهلال الايقاعي الاول يعطيك احساس التمتم رغم اختلاف ميزان الاغنية...هل هذا مقصود و لماذا؟1
الايقاع العام للعمل بطئ و مقيد لعركي اظنك احسست ذلك .. هل اذا كان اسرع سيعطي نتيجة مختلفة؟2
3الكتابةللكمنجات ليس هو توزيع الموصلي الذي نعرفة
يدخل الكمان اثناء العمل و يخرج و يبدو مبتور
في توزيع سابق و في اكثر من عمل لاحظت فكرة الكمان واضحة... لها بداية و نهاية و سبب... مثال
(البوم الحزن النبيل)
التتابع الذي يعقب (بس تاني لما بتسيبني و تسافر)4
تسبقة لازمة ما هو تبريرها؟
المرجع بتاع ( جد ) هناك سكتة يبدو زمنها اكبر من حرف الواو اظنها نوار كامل ... لماذا؟5
العمل في عمومة اكثر من رائع فهنالك
خط ممتاز للبيز جيتار+ توظيف جيد للالات خاصة البكلو .. كما و ان المقدمة الاولي كانت قمة الجمال و كذلك كان موفقا جدا توظيف الكونتربوينت داخل العمل عموما .. اعتقد ان هذا العمل ينقل موسيقانا نقلة نوعية
سؤال اخير استاذ يوسف هل التقيد الصارم بعملية الابداع يستوجب كل هذا التعقيد داخل العمل الموسيقي

شكرا استاذ يوسف

صديقي ابوخدره انت عمال تتاوق جاي وجاي وتكشف الله يكون في عونا
منك المهم اولا لك الشكر لمساهمتك الرفيعه
اما عن احساس التمتم في المقدمه فما هذا الا الروله ذات الثلتيات
وهذا من شرع وقانون الرولات
ثانيا ان الاداء الهادي البطئ هو الاكثر تعبيرا عن الالم والحزن النبيل ونحن
لاحقين شنو والجارين ليها شنو يابوخدره
ثالثا الكاونتربيونت الفي الغنيه دي بتاع الكمنجات خصوصا الحركه
لم يحدث في اغنيه سودانيه ولا حتي contrary motionالعكسيه
في شوق الهوي بتاع الموصلي
رابعا اما عن اللازمه فهي لزوم ما لا يلزم في الموسيقي لسد فراغ زمني
الم تسمع
وصف الخنتيله جمال تاجوج المافي متيله
بدلا عن مثيله اهو ده لزوم مالايلزم في الشعر المعادل لتلك اللازمه
ابو خدره مساهمتك قيمه والله يديك العافيه

الموصلى طبعا نحن جمهرة التربالة ما بنفهم فى شئ فى الكلام البتقولوا انت وناس خضر ديل
البنعرفو انو فى ابداع بشد الزول من عرقوبه وبجرجرو فى الواطة وبطلع زيتو عديل وبخليهو يرجف ويتصبب عرق وتصك اسنانو..

مرحى لك يا استاذ يا فنان

وعندى سؤال الصورة ده أخدتها متين يا سيدنا؟

عزيزي شرنوبي
اصحاب القلوب الرهيفه من امثالكم الله يكون في عونهم انا عارف النوع
ده من الغنا بخفف حدة الالم لديهم
وبعدين الفنانين جنهم وجن سؤال عمرك كم والصوره دي اخدتها متين
وخلي الطبق مستور

للماحضر وللماشاف

واحشنى
يالرسيت مراسيك جوة زاتى
واحشنى يا الخليت ملامحك فى حياتى
الا باكر لما ترجع انا بحكى ليك عن الحصل
وعن بعد المسافة وقربها
ولما يفارق زول عيون
غاليات عليهو كتير خلاص وبحبها
والله احكام يا قدر
والله احكام يا مسافة ويا سفر
بس تانى
لما بتسيبنى وتسافر خت فى بالك
انو دنياى فى مدارك
وجد لفافات الصبر انا دخنتها
حتى المقاطع فى غناى طوعتها
وغريبة غنت فرقة لا لا مش فرقة
فرحة لا لا مش فرحة
بتقصد شنو
ما عرفتها
بس يمكن اقول تجربة
خطيرة جد واجتزتها

الاستاذ الموصلى وصلتنى كلمات هذه الاغنية قبل اسبوع من السودان منقوشة
وها انا اكتبها مباشرة
لك التحية
والتحايا موصولة للاستاذ ابو عركى
وهو يعطر سماء الوطن
بالروائع

منعم وياللمصادفه
حقيقة ان العزيز ود البخيت فنان حتي النخاع
وشكرا ليك يامنعم وبحراره

الله عليكم يا مبدعين
اغانى الزمن الجميل
صوت رائعنا ابو عركى و توزيع استاذنا الموصلى كمان
و الله بختك يا سودانين الفيكم ناش جميلة زى ديل
موصلينا ابدعت و وصلت لينا قيمة فنية سمحةو علمتنا معنى ان نستمع بالجد
شكرا ليك شديد و يديك العافية
و تجيب 100 انشاءالله فى امتحاناتك

تحياتي المبدع بلا حدود الموصلي

نعم انها من روائع الغناء السوداني علي الااطلاق
الله عليكم ,مبدعين غير عادين يلتقيان ماذا تكون
المحصلة ( واحشني) القنبلة التي اتحفتمونا بها , لكم التحايا وتحليل موشيقي شاملا يدل علي تمكن فريد ,
في فن الموسيقي والتوزيع,

دقنه البجاوي

الله يديك العافيه يادقنه
وبالي في نغمات الشرق الحنونه وان شاء الله نهبشها قريب

شكرا حبيبن اسامه علي الميه
وانا كنت طمعان في تسعه وتسعين بس
تسلم

عمل صعب
الاستماع ليه صعب
متابعة حوار اللآلات مع بعض، والانسياب الحنى والمعانى الفى الكلام، وصوت ابوعركى الواعى ومقتدر، ولزمات الموصلى الزكية وتتعاكس وتتناسل وتتتوازى وتتقاطع، والتطور الدرامى للعمل
والزكرى المحفورة للعمل القديم ويوم ميلاده وزمن ابوعركى فى متناول الخاطر والابهار
ودنيامدحرجة

شكرا على اتاحتك لنا الفرصة للتنزه فى العالم الآخر، وركوب الخطر واجتياز الصعب

يا موصلى، ايها الرجل الغابة

والناس حطابة

بتنا الحديقه
وانتي بتكتبي وبتنفحي زهراتك وانا شن لي مولعه وموقده في حشاي ظاهر عليها دايره تمرق
وتسلمي ولاعدمناك ابدا

الله يا عم موصلي ويا ام در
الليلة قررت انبش البوست الفيه الاغنية دي تاني عشان ارفعه
لاكن سبقتوني
توارد خواطر غريب

تحياتي
زولة123

ازيك يازوله دي صاحبتك ام در ليها الفضل
وبعدين جيت وها انت تاتين ومعك كل هذا الذوق النساني والتذوق الفني

الاخ الموصلي
لك ولابوعركي الشكر
قبل فترة وصفه صديق لي بانه الفنان القامة وهواخر ماتبقي من الزمن السمح
لك الود وانت تعالج فينا بعضا من وجع الغربةواحلام الرجوع
زي عادتك دايما
سلام يازول
عبدالله جعفر

عزيزي عبد الله جعفر
لك انت التحايا العطره
ونحن مقصرين تب

بهديها ليكم

شكرا يا واحشننا بجد
وكمان خلينا
نهديها للصديق المحترم ابوحشيش
لزوم المتعه الاكاديميه

الاستاز الموصلي
لا اقدر ان اصف احساسي
عندما اسمع واحشني
من استازنا العظيم ابو عركي البخيت
مهما عبرت لا اقدر ان اصف روعة اداء الاستاز ابوعركي
فما بالك عندما يلتقي في عملا واحد
عملاقان مبدعان مثل الموصلي وابوعركي البخيت
اتمني لي استازي العظيم ابو عركي تمام الصحه والعافيه
ولك ايضا استازي الموصلي
لكم ودي
بيكو

عزيزي بيكو
تحياتي الخالصه
فعلا ان ابوعركي البخيت
فنان قل ان يجود به الزمان
وانسان دواخله انقي وافي من اللبن الحليب
لك ودي

استاذي العظيم..

التحيه لك وللفنان ابوعركي ...حفظكم الله ومتعكم بالصحه والعافيه..يارب...

طبعا يا استاذ الموصلى
زهجانه جات من السودان
موحوشه
ولسان حاله
واحشى يا الرسيت مراسيك جوه ذاتى
ولووووووووووووووووووول@ يا الفى السودان

اخي الحبيب حمزه
السودان ده متين الله يواليو بالعافيه ونمشي ليهو
متين والشوق كتلنا

زهجانه بي غيابك خليتي الناس زهجانه
مرحب بي عودتك المفرحانا

سلام الاستاذ موصلى

لك التحية وانت تتحفنا

والتحية موصولة للمبدع الفنان ابو عركى

واحشنى تحفه

تسلم عزيزي قرنفل وكلنا نحي ود البخيت

عزيزى يوسف.. عندما تلتقى الشمس بالمطر، يكون قوس قزح وتكون ألوان الطيف
التحية لك استاذى ولعركى الفنان بكل مافى الكلمة من معانٍ ٍ

Quote: حاشية كلمة لازمه في الموسيقي تعني الفاصلة الموسيقية الصغيره او العباره المصغره التي تعطي المغني فترة من الراحة مع تجميل الجملة الغنائية

حاشيتك استاذى اعادت لى ذكرى طريفة

كنّا شخصى وصديقى بكرى احمد المصطفى {سمندلاوى} قبل سنوات نستعد لتقديم حفلٍ موسيقى وكنّا نتمرن على اغنية {على قدر الشوق} وفى وسط الاغنية صاح الاخ بكرى مخاطباّ اياي {شُفتَ اللازمة دى صعبة كيف يابواللول؟} واجبته متّفقاً معه. وبادرنى احد الحاضرين متسائلاً بعد سماعه لحوارنا { انت يالؤى برضك عندك أزمة}.. وضحكنا انا وبكرى طويلاً

أبو هديل : أمتعك الله بمساحة صوتك ، و إمتداد عشقك للموسيقى المتأصلة فيك ، و فنك الذي تفرزه دفقاتا تتحف به البورداب الذين يحتاجون لها بين الفينة و الفينة ( حلوة الفينة دي ).

ألا توافقني أبو هديل أن أبو عركي لم يأخذ حقه من الإنتشار ؟ هذا الفنان بنفسه عبارة عن :

Modulation

صوته متفرد و قوي و عميق و حنون.

تسلم أبو هديل و فوق دربك يا أستاذنا.

ابو عركي مثل قمم جبال الهملايا
والذين يودون معرفة مابقمة تلك القمه عليهم التدرب علي ارتياد الصعب وهو الابداع العركي المتقن
اوافقك الراي ياجهينة العزيز

الموصلى الرائع

انت السما
مابنرضاالا بكل السما
والرضاببعض السماطموح ميت
اللحن هولك

يحفظك الله يادورنقاس
وان شاء الكريم نبقي عند حسن ظنكم

التحية ليك ياأستاذنا ومبدنا الموصلي ومن عبرك بحيى المبدع الكبير أبوعركي البخيت


شجن

عزيزي شجن اليم ان ابو عركي سيظل محفورا في ذاكرة شعبنا الي يوم الدين

وإنت كمان ياموصلي

من أرضناالبكر، خرج الكثير من الفنانين و المبدعين لكن بعضهم و بس هم القدروا يعكسوا لنا فنهم و أنفسهم كأجمل نماذج للانسان الجميل من خلال و بين و وسط الناس، سلامي لأولاد بلدناالموصلي و أبوعركي

وبلدنا بي خيرها العميم ياود الدويم
الجميله
لك الود

تسلم عزيزي شجن

وحشتنى

شكرا يالؤي علي الطله الحلوه