Post: #1
Title: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-30-2005, 11:23 AM
اولا
من يعرف منكم الشاعر الرشيد ادم عنوانه وايميله تلفونه
يضعه هنا (لانني اريد نص قصيدة سوداني سوداني)
ثانيا
الي عموم البورداب من يحفظ فيكم نص اغنية
| Quote: شيئ عجيب في غرمك يافريع ياسمين |
او يمكنه انزالها هنا صوتا لكم جميعا الشكر والمحبة والامتنان
|
Post: #2
Title: Re: نداء لبورداب الرياض ولعامة البورداب(لي طلب او اثنين)
Author: Rakoba
Date: 08-30-2005, 12:05 PM
Parent: #1
أستاذنا الموصلي
هذا نص الاغنية
Quote: أجسامنا ليه جسمين !!
أجسامنا ليه جسمين ..
روحنا واحده وكيف اتقسمت قسمين
شي عجيب في غرامك يافريع ياسمين
أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين
سايقاني بسمة فاهك در عقيد ومتين
لولاها مالي صالح في الظلال والتين
يالفريد في ظرفك زي صداقتك وين
ما أظن تكون ولا بدعت قبل في التكوين
يامن أسرت فؤادي ملكته في اليدين
ياملفت الأنظار يا ناير الخدين
نحن الجميع مادمنا قلوبنا متحدين
تبقى الصداقه قرابه ونكسب الودين ... |
|
Post: #4
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-30-2005, 05:16 PM
Parent: #2
لك الحب كله ياراكوبه
|
Post: #3
Title: Re: نداء لبورداب الرياض ولعامة البورداب(لي طلب او اثنين)
Author: tmbis
Date: 08-30-2005, 12:10 PM
Parent: #1
لبيك يا استاذ يوسف ..
بعد شوية ح نتلاقى كلنــا وحنشوف ليك موضوع الشاعر الرشيد آدم ..
وبحاول اتصل بالاستاذ الشاعر حسن السر ( بخاف اساءل عليك الناس )
أو الأستاذ حسين حمزة ( جسمي انتحل كيف العمل )
وإن شاء الله نجيك بالمفيد ..
|
Post: #5
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-30-2005, 05:17 PM
Parent: #3
ياسلاااااااام ياتمبس
والله تمام التمام
الاتنين اصحابو خصوصا حسين حمزه
وبلغهم جميعا التحايا
تسلم ياحبوب
|
Post: #6
Title: Re: نداء لبورداب الرياض ولعامة البورداب(لي طلب او اثنين)
Author: نادية عثمان
Date: 08-30-2005, 06:02 PM
Parent: #5
وانا بهديك أغنية
مالك مجافى الناس
عايش براك فى غربة
مانحنا ناس خيلانك
واشلاقنا نعمة وصحبة
على راحتك ياود خالى .. ومعليش يادنيا !!!!
|
Post: #10
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-30-2005, 06:40 PM
Parent: #6
معقوله ياناديه يابت العمه
لاعاش من يعاديك او يجافيك ولو دقيقه
|
Post: #8
Title: Re: نداء لبورداب الرياض ولعامة البورداب(لي طلب او اثنين)
Author: معتصم دفع الله
Date: 08-30-2005, 06:20 PM
Parent: #5
كيفك يا أستاذ
زي ما قال ليك تمبس حا نجيب ليك الخبر اليقين ..
الغريبة أمس كنت على إتصال مع الشاعر الرقيق حسين حمزة ..
وأداني كم قصيدة حا أقوم بإنزالها هنا ..
بكرة إن شاء الله حا أساله ليك وأجيب ليك خبر عن الشاعر الرشيد ..
تحياتي ومحبتي ..
|
Post: #12
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-30-2005, 06:41 PM
Parent: #8
تشكر حبيبنا معتصم
وفي الانتظار
|
Post: #13
Title: Re: نداء لبورداب الرياض ولعامة البورداب(لي طلب او اثنين)
Author: معتصم دفع الله
Date: 08-31-2005, 05:13 AM
Parent: #12
أستاذناالموصلي
تحياتي ..
إتصلت اليوم على أستاذنا حسين حمزة وهو يبلغك كثير سلامه وتحاياه ..
وقام بإعطائي تليفون الأستاذ الرشيد أدم ..
وبالفعل كلمته وهو سعيد بسؤالك عنه ويبلغك تحياته وفي إنتظار مكالمتك ..
تليفون هو 00966500373290
ودا برضو تليفون الأستاذ حسين حمزة 00966501075995
محبتي وتقديري ..
|
Post: #7
Title: Re: نداء لبورداب الرياض ولعامة البورداب(لي طلب او اثنين)
Author: altahir_2
Date: 08-30-2005, 06:08 PM
Parent: #1
انا طبعا الا اشوف ليك طريقة شئ عجيب فى غرامك .
عندى احساس انو راكوبة نقل منها جزءا . هى شاعرها منو ؟؟
|
Post: #9
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-30-2005, 06:37 PM
Parent: #7
الاغنية للشاعر صالح عبدالسيد أبو صلاح
|
Post: #11
Title: Re: نداء لبورداب الرياض ولعامة البورداب(لي طلب او اثنين)
Author: Mohamed Adam
Date: 08-30-2005, 06:40 PM
Parent: #1
الطيب ميرغنى شكاك
عرض/نهله عوض
أغنية يافريع ياسمين روحنا واحدةوكيف انقسمت قسمـين
" أذكر ونحن صبيه صغار كان جوار منزل الشيخ بابكر بدري الثاني ونطلق عليه " بيت أم مالك " حيث يسكن الخال مالك بدري والدته واخوته كان جوار منزلهم تسكن أسره وكنا نستمع من على الحائط للغناء حيث كن يرددن " جانى مرة " وتكل العجلة بره " ثم يواصلن بأغنية "يا فريع ياسمين روحنا واحده وكيف اتقسمت قسمين " وكان أحد أقاربهـم يحضر ببسكليت ويرتدى جلابية والرأس كاشف ويترك العجلة متكوله على الحائط قرب الباب ويدخل المنزل وكنا نعتقد آنذاك انه المقصود بالأغنية لانه تكل العجلة بره " والأن كلما استمع لأغنية يا فريع ياسمين " يمر أمامى شريط مسجل لتلك الأيام ومنظر ذلك الحائط الذي كنا نسترق السمع منه وذلك الشاب بجلبابه الأبيض النظيف والبسكليت ماركة " رالى" وذلك الباب من الصنط الذي يفتحه ليدخل والشابة تغنى " جانا مره وتكل العجلة بره...... أيام ؛؛؛ "
|
Post: #14
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-31-2005, 05:29 AM
Parent: #11
شكرا عزيزي محمد
والذكريات دايما جميله
|
Post: #15
Title: Re: نداء لبورداب الرياض ولعامة البورداب(لي طلب او اثنين)
Author: صديق الموج
Date: 08-31-2005, 07:01 AM
Parent: #1
Quote: Quote: أجسامنا ليه جسمين !!
أجسامنا ليه جسمين ..
روحنا واحده وكيف اتقسمت قسمين
شي عجيب في غرامك يافريع ياسمين
أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين
سايقاني بسمة فاهك در عقيد ومتين
لولاها مالي صالح في الظلال والتين
يالفريد في ظرفك زي صداقتك وين
ما أظن تكون ولا بدعت قبل في التكوين
يامن أسرت فؤادي ملكته في اليدين
ياملفت الأنظار يا ناير الخدين
نحن الجميع مادمنا قلوبنا متحدين
تبقى الصداقه قرابه ونكسب الودين |
راكوبة والموصلى التحيات الشداد وحسنا فعلتم لكن استميحونى عذرا ان اعدل
بعض الاغلاط والتى لا اظن انها غير املائية عشان الحقيبة تغيير الحرف فيها
بغير المعنى..وغيرتى عليهايحول بينى وبين التكسير واليكم التعديل.
وفؤادى يعجز عن افكارى فى التخمين
وحواسى تحسد نظرى لحسنكم تضمين
شايقانى بسمة فاهك ودر عقيدو متين
وهناك بيت ناقص يقول عجزه
ودين محمد حق لا يقبل التلوين
والان اكتب من ما يسمى ذاكرة حتما سوف اعود للمراجع واتيكم كجهينة ولكن بالنص اليقين
لكم الود مثنى وثلاث ودمتم،،
|
Post: #16
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-31-2005, 10:19 AM
Parent: #15
انت صديقا الموج والجميع وراجنك
تسلم
|
Post: #17
Title: Re: نداء لبورداب الرياض ولعامة البورداب(لي طلب او اثنين)
Author: مهيرة
Date: 08-31-2005, 12:18 PM
Parent: #16
الأخ الكريم الاستاذ الموصلى
والأخت الكريمة الأستاذة نادية مختار
طبعا الاخوة الكرام لبوا النداء وجابوا ليكم النجيضة مشكورين.
لى طلب عندكم وارجو ألا تردونى صفر اليدين وهو:
نرجو دعمكم الأدبى والاعلامى بنشر قضية ضرائب المغتربين اعلاميا وفى المنابر المختلفة فى
القاهرة والولايات المتحدة ولكم منا جزيل الشكر.القضية مشروحة فى بوست بعنوان:-
** مساهماتكم: لرفع قضية دستورية ضد قانون ضرائب المغتربين **
ولكم الشكر والعرفان
تحياتى
|
Post: #18
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 08-31-2005, 09:09 PM
Parent: #17
الاخت العزيزه د مهيره
مشروعك هو مشروع كل ذي حق في بلاد الغربة
يستحق الدعم وانت تستحقين الاشادة
اعدك بان اكون من المخلصين له لانه في مصلحة كل مغترب
وفقك الله وايانا جميعا في هذا الامر الهام
|
Post: #19
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 09-02-2005, 05:15 AM
Parent: #1
ياناس تمبس ومعتصم انتو وين انا راجيكم
|
Post: #20
Title: Re: نداء لبورداب الرياض ولعامة البورداب(لي طلب او اثنين)
Author: Elmosley
Date: 09-03-2005, 05:22 AM
Parent: #1
ياناس تبمس
|
Post: #21
Title: Re: نداء لبورداب الرياض ولعامة البورداب(لي طلب او اثنين)
Author: nasiradin
Date: 09-03-2005, 05:40 AM
Parent: #20
يا نعم
حضرنا و لم نجدكم
فألقينا السلام
يا ريت لو أقدر أعمل حاجه
ناصر البطل
|
Post: #22
Title: Re: نداء لبورداب الرياض ولعامة البورداب(لي طلب او اثنين)
Author: معتصم دفع الله
Date: 09-03-2005, 12:42 PM
Parent: #21
Quote: أستاذناالموصلي
تحياتي ..
إتصلت اليوم على أستاذنا حسين حمزة وهو يبلغك كثير سلامه وتحاياه ..
وقام بإعطائي تليفون الأستاذ الرشيد أدم ..
وبالفعل كلمته وهو سعيد بسؤالك عنه ويبلغك تحياته وفي إنتظار مكالمتك ..
تليفون هو 00966500373290
ودا برضو تليفون الأستاذ حسين حمزة 00966501075995
محبتي وتقديري .. |
يا أستاذنا ..
ياخي أنا رديت عليك من يوم الأربعاء ..
وجبت ليك التليفون وتحياتهم كمان ..
فوووووق لمن تجي ..
|
|