تم بحمد الله تجهيز السي دي لعبد الرحمن عبد الله والباقي عليكم وعلي الله

وبعد عمل لمدة سته ايام متقطعه بمعدل خمس ساعات يوميا تم الانتهاء من المونتاج واعادة اصلاح الكوالتي لاعمال خاصه بالزميل الفنان عبد الرحمن عبد الله وتم التعديل
في مستوي الحدة والغلظه وقي مستوي الرفيرب والايكو وتم تعدل بعض المقدمات والنهايات وارجو ان يكون قد وفقني ربي في ان اقدم شيئا متواضع للزميل الحبيب عبد الرحمن عبد الله
والاغنيات في السي دي ستكون

Quote: موال الطيف مع اغنية ضابط السجن كباشي لوبرضي /او الليموني قميريه شقيش ماكفاك يالماشي جمب النيل يابلومي موال متين الهاوي ياتومي طريتا موال ساعه ساعه/مع جدي الريل

زمن السي دي
حوالي 66.89
دقيقه تقريبا
الاعزاء كانتونا ودكتور الصاوي وشنتير
وصلاح غريبه ممكن واحد فيكم يرسل لينا صوره بالايميل
وبالله الزعلان يخلي زعلو والحردان يخلي حردتو عشان عبد الرحمن الجميل وقالو عشان خاتر عين تكرم الف عين

يسعدني ويشرفني ان احجز اول نسخة منك عبر سودانيز اون لاين يا استاذي فضلا عن استعدادي لتوزيعه في هولندا بعد ان خاطبت مجموعة من الموسيقيين لعمل حفل عام يعود صالحه لعلاج الاستاذ عبد الرحمن عبدالله

اها ياناس كباشي ان شاء الله تكونو سمعتو كلام الطاهر الحبوب ده
يديك العافيه ومابتقصر

يسعدني ويشرفني ان احجز اول نسخة منك عبر سودانيز اون لاين يا استاذي فضلا عن استعدادي لتوزيعه في هولندا بعد ان خاطبت مجموعة من الموسيقيين لعمل حفل عام يعود صالحه لعلاج الاستاذ عبد الرحمن عبدالله

ايها الرائع دوما استاذنا الموصلى كان رأى فيك ولازال حقا موصل للخير والجمال
امنياتنا للاستاذ عبد الرحمن بعاجل الشفاء
لاناقة لى اهديها ولا مال
فليسعد النطق ان لم يسعد الحال

والله معاكم وثقتنا فى اولاد عزة كبيييييييرة

الاصيله عديله يكفينا منك ان تتوهجي بالكتابة والدعاء والمشاركه الوجدانيه ففي هذا خير عميم
تسلمي

العزيز الموصلي

هذا عمل رائع

سأخبر الأساتذة هنا عادل التيجاني ومدني النخلي

وسيفرحوا كثيرا

أنت تعرف أن هناك لجنة في الدوحة شكلت من قبل

وقام التيجاني بجهود جبارة وربنا يوفق

العزيز عماد
شكرا واهلا بيك تاني
سلامي الحار ليهم ولو قدرو وزعوا كميه في الدوحه معاكم ده حيكون جميل سلام لي مدني وعادل التجاني وكل من يسال عنا
لك ودي

الفنان الانسان موصلي

لك التحيه والاجلال علي هذا الابداع الرائع .. وعلي وقفتك الرائعه التي تستحق وبحق عليها لقب رجل الانسانيه لكل عام
كما ادعو ربي ان يزيل عن بلوم السودان الداء وعاجل الشفاء وان يعود غريدا متعافي من كل سقم
اللهم آمين
اسأل الله ان يحقق هذا المشروع الغرض المرجو منه .. واسأل الله ان يوفقكم لعمل كل ما هو جميل
رجائي ان يتكاتف الجميع لنجاح هذا المشروع بالتعاضض والنظر للهدف المرجو بعيدا عن اي اختلافات قد تأثر سلبا.. لان الهدف سامي وواحد وان تعددت الافكار

وانا بدوري اطالب بعدة نسخ لي ولاصدقائي .. كما ارجو منك تكليفي باي عمل ترونه مناسبا لخدمه غريدنا عبدالرحمن عبدالله والاه الله بالعافيه واصبغ عليه نعمتها

لكم التحيه يا من تحملون انسانية الانسان في كل مكان واي زمان
احتراماتي

الله يفتح عليك كمان وكمان ويديك اللوتري الكبير الشحمان ياللكلك هوب
المهم انا عايز هسع تشوفو لي زول اسمو صلاح غريبه
كان مهتم بالموضوع لكن يبدو انو انشغل كمان هسع
الشخص القائم علي الامر زعلان وما جانا تاني
الاخ كانتونا
المهم انا داير صوره لعبد الرحمن ما تكون استخدمت في غلاف سابق
عشان في صديق هنا اسمو كمال حسيب فنان رائع عايز يساهم بالتصميم بتاع الغلاف
لكم محبتي

اخى الموصلي
وفقك الله لفعل الخير ...]
بالمناسبة انحنا الفنانين ديل مابنعرفهم ...العيب فينا ولا في منو
shereef

امدرماني الجميل ازيك
معقول ياخي
عبد الرحمن عبد الله هو الصوت الرنان القادم من غرب السودان معقول
ماسمعت شقيش قول لي مروح والله تسمعها تجن عديل
عموما مافي لوم اللوم علي اعلامنا النايم
وفي حالة غفوه
لك الود

العزيز الموصلي

ما في مشكلة بس نعرف شكل الألية

عموما عادل سيتشجع للموضوع أنا متأكد من ذلك

ان شاء الكريم
ننسق معاكم وخليك علي اتصال

i will buy one but please notify me

يديك العافيه يا امدرماني
حاضر يا اصيل

تسلم يا استاذنا الموصلى
والتحية لك والتحية للرائع عبدالرحمن عبدالله
نسال الله ان ينعم عليه بعاجل الشفاء
ودمتم دخرى للفن واهل الفن

وعندى باقى كلام بقوله فى الماسنجر

شكرا ياعجب ولا عدمناك
وفي انتظارك

الانسان الشفيف الموصلي. عمل عظيم و شهادة ناطقة على انسانيتك. شفى الله مبدعنا عبد الرحمن عبد الله

أنا لست مقيماً بالسعودية .. و حقيقة لا أمتلك اي صورة لعبد الرحمن عبد الله. واذا كان اي أحد من الاخوة بورداب السعودية بيعرف صلاح غريبة ممكن يكلمه مباشرة للحصول على صورة عبد الرحمن و ارسالها لك .. لان صلاح غريبة هو الأقرب لمكان إقامة عبد الرحمن عبد الله

متعك الله بالعافية و كتب لك النجاح في كل خطوة

شكرا ياشنتير وعودتك حميده
وارجو ان تقنع صاحبك الجدع كانتونا
يجي راجع ونواصل الكفاح عشان خاطر عبد الرحمن

الاخ الاستاذ يوسف .. ح اتصل بالاخ كانتونا اليوم إن شاء الله .. و اتمنى ان يكون موجود

لا أظن أن بمقدور الاخ كانتونا تجاهل هذا الموضوع .. فهو زول جدع زي ما قلت .. و كريم بطبعه .. و الطبع غالب لصاحبه

فيك مطر العشم كلو
وانا عملت ليهو ايميل

شكراً جزيلاً الأستاذ الموصلي
سوف أعرّف روابط كردفان بالرياض بذلك
وأطلب منهم تبني مهمة التوزيع بالرياض
وعاجل الشفاء نتمناها للبلبل الغِريِد

شكرا عزيزي ايمو بس ياريت تحاول الاتصال بعبد الرحمن وترسل لي بالايميل صوره ولو تاريخا قديم عشان نعمل تصميم للغلاف
لازم وبسرعه يا ايمو
يديكم العافيه وربنا يشفي حبيبنا عبد الرحمن عبد الله

المبدع/ الموصلى ياقريبنا

نحي وندعم العمل الجميل
ونسأل الواهب باسط الأرض ورافع السماء أن ياخذ بيد الفنان عبد الرحمن
أحجز نسختى وأتمنى أن نعرف طريقة الحصول

خالص الود
دبيب

سباااااااااااااااااق
يا ابوهديل
وحقيقى اغنيات جميله ورائعه
واذا ما اسميتم السى دى
اقترح تسميته
يا ضابط السجن
لانها من الاغنيات المتفرده فى حسها اللفظى
واللحنى
ونجد الفنان عبد الرحمن عبد الله فى تاليفه
لم يحصر نفسه فى المردوم
ونجده حاول كثيرا فى صياغه نفسه
مدنيا متجاوزا حدود الخصوصيه
وهذا هو السودان
وربنا يشفى مبدعنا
عبد الرحمن عبد الله

الحبيب الانسان الموصلى

حقيقة اخى لقد وفيت وعدت وهانت تختزل الكلام الكثير فى عمل مثمر فقد تحدثنا جميعا كثيرا فى ذات الموضوع وقد اصبحت لنا الان القدوة لتحويل الكلام الى عمل ولذا اهيب بالجميع ان يعملوا على التوزيع بقدر ما يستطيعوا للوقوف بجانب بلبل السودان الغريد وكما اتفقنا سلفا سيدى فانابة عن بورداب جدة اقول لك حالما تنتهى من الصورة وطباعة الكمية المحددة فارسل لنا الف نسخة لجدة فقط ويقينى ان اهل الرياض والشرقية لن يقلوا عن ذلك الرقم ابدا ان لم يزيدوا وبكده نكون عملنا حاجة حقيقية من خلال هذا البورد..

كلمات الشكر لن توفيك حقك اخى الموصلى فقد ضربت لنا هنا اروع الامثلة فى الاخلاص والوفاء ونرجو ان تجد دوما فى حياتك من يكافيك وفاء بوفاء ومعروفا بمعروف..

مع تحياتى وشكرى الجزيل لك

شكراليك استاذنا الاصيل الجميل ابا هديل نسختي ساحجزهامن الموزعيين باوربا وبالتحديد ابني دكتور الصاوي شكرا ليك كتير ياموصلي فانت اسم علي مسمي

شكرا ليك يا استاذه دوما
وطبعا حتشجعي الناس الجمبك يقتنو النسخ
تسلمي

تسلم اخي قرشو ان شاء اله مسالة انسخ هذه تتم اما في لندن او نرسل ماستر مع الاغلفه لكل بلد ويتم النسخ ذاتيا
المهم المساله سيتم علاجها

تسلم ياحمزه وحيتم ارسال الف نسخه ليكم في الامارات ياريت
يتم توزيعا كلها بغير طريقة السوق يعني بالبلدي
عشان تتفادو مسالة المصنفات وكده
وافتكر في ناس في الامارات العربيه التزمو بالتوزيع
فكرة ضابط السجن حلوه واسم جميل علم

يسمع منك يارب
بس ورينا انت وين
وانا حافتح ايميل جديد اسمو
[email protected]
او
[email protected]
لتسجيل اسما الراغبين في الشرا غير الموجودين في دول حيكون متوفر فيها وكلاء

الاستاذ الانسان
بس مدنا بالمعلومات
والباقى علينا وعلى الله

يديك العافية

ان شاء الله كل المعلومات حتتوفر

تحياتي استاذ الموصلي وهنيئا بتكملة العمل الموجه للخير والبر

الاخ كباشي مسافر وسيعود قريبا، وهو كما اسلفت لك عنده نسخة من السي دي المحلية بتاعتنا وكذا هنا في هولندا، والطريف ان اختيارنا كان لنفس الاغنيات هذه ربما بنفس الترتيب، والقلوب عند بعضها

للأسف الصور التي عندنا هي صور عبد الرحمن القديمة الموجودة في غلاف الشرايط، وللأسف عندنا صور جديدة ولكنها يا أخي لا تصلح لهذا الأمر، في رأيي، فعبد الرحمن يرقد داخل الجبص من الراس وحتى الكتفين وذلك بسبب المشكلة التي في فقرات العنق ولدي صورة بالجبص اذا اردتها ولكن صدقني لا تصلح لغلاف السي دي، لذلك رأيي ان نستخدم الصور القديمة

الخالة دوما اذا وصلت اوروبا ادينا خبر حتى نرسل لك نسخة بالبريد ان شاء الله

الاخ شنتير والاخ الطاهر يكنكم الحصول على نسخ من السي دي منا، اما الطاهر فقريب مافي مشكلة، وارجو السعي في تنسيق اقامة الحفل، رغم معرفتي السابقة بصعوبة العمليات اللوجستية لحفل كهذا فالمغني جاهز ولكن حجز الصالة وايجارها وطبع التذاكر وتوزيعها وعمل الدعاية الخ الخ الخ هي الاشياء التي اقعدت الناس عن عمل الحفلات سواء في السودان او لندن او السعودية لذلك فضلنا عدم انتظارها واستخدمنا اسلوب التبرعات المباشرة وهي الآن في طورها الاخير والحمد لله

شنتير سنرسل لك بالبريد يا شيخ العرب، وكذا الاخ الحليلة اذا قرأ هذا البوست اطمنه بان نسخته قريبا ستصله باذن الله

عزيزي د الصاوي اتمني ان نلتقي قريبا في اوروبا باذن الله وان سيعد بمعرفتك القيمه
الحقيقه انا عايز حتي ولو صوره قديمه بس ما من الغلاف يعني لو نفس الصوره الفي الغلاف السابق بس الاصليه يكون احسن
وانا لغاية هسع عارف انو في ناس قاعدين في الرياض قرب عبد الرحمن ياريت لو تكرم واحد منهم وعمل ليها اسكان ورسلهالينا بالايميل والمساله مابتاخد دقيقتين
المهم عايز خلص من مسالة التصميم عشان نرسل ليكم كل الحاجات مع بعض عشان تعملو الكميات الللازمه وارسالها
فعلا القلوب شواهد واحتمال في نسخ الماسترات اليوم اعيد الترتيب
وان شاء الله المونتاج
حيعجبكم جدا
تسلم عزيزي الصاوي

شـــــــغل نضـــــيف

تشكر يا اسامه
وارجو ان تبلغ سلامي لرؤي والفارس

تســــــــــــلم يا دكتور الصاوي .. و الله من قبيل اصنقع و ادنقر محتار في طريقة الحصول على السي دي. و ما في اي طريقة لطلب كميات منه للتسويق لان زي ما انت عارف السودانيين هنا تفتش ليهم بمنقاش ما تلاقيهم .. و لو طلبت نسخة واحدة فسوف لن تساهم باي شيء مقارنة بطلبات ناس السعودية و الدول الاوربية و امريكا الشمالية
أنا ح اكون في انتظار النسخة يا دكتور .. و لك مني الشكر كله

قريبي الأنسان يوسف

والله وفي في زمن عز فيه الوفاء...
أخوك هذه الأيام في الرياض...
أرجوك ان تحدثنى عن ماذا يمكننى تقديمه لهذا الأنسان الجميل؟
على أتم الأستعداد لتقديم الواجب....
فقط ورونى أعمل شنو؟

مع تقديري

بالحيل حبيبنا زمراوي
اها بالله اصلو وسلم عليه وبلغه تحياتي وطمئنه
عن المشروع الماشي وجيب لينا منو اي صوره اصليه مناسبه ولو ارسلتها لينا يالايميل يكون رائع
وانا عارفك حبوب

المتوهج الاستاذ الموصلي
تحيه واجلال واحترام لشخصكم الاكرم
ربنا يديك العافيه ودعوتنا للاستاذ الفنان عبد الرحمن عبدالله بعاجل الشفاء

oudenoord
لك مني الحب كله
والشكر الجزيل

لله درك ايها الفنان الانسان
فى بلد تاكل بنيها
وتتارجح بين النيران
والاهمال
وتعاقب هذا الصديح الجميل المربى
وهذا الفنان ذو الرؤيه
وما كولاج ضابط السجن ببعيد؟
لك الود والمحبه استاذ يوسف
وعجل الله شفاك استاذنا عبد الرحمن
وتعود لملء ماكانك فى خارطة الغناء السودانى
استاذ يوسف انا على استعداد لتوزيع عدد يتجاوز نصف الالف نسخه هنا فى هولندا
وبلجيكا والمانيا
وربما باريس
عنوانى هو لمن توكل له مهمة التوزيع للتنسيق
karel de groetelaan41
5615sp
Eindhoven
Nederland
A.A.Ali
with my greetings

هل هل اولادنا جو
ما تقصر يا انور ونجازيك في السي دي بتاعك ونسمع صوتك الخرافي
يديك العافيه

صديقي المبدع الانسان الموصلي
حييت على هذا العمل الجبار
الغريبة ، كنا انا وصلاح غريبة امس فى تأبين د. محي الدين صابر نتحدث عن هذا الامر وسأحدثه الآن عن هذه التطورات
كنت اقترحت على الاخ غريبة ان يتم تكوين لجنو موسعة فى الرياض والولايات المتحدة والخرطوم بشكل اساسي ، ثم عدد من العواصم الاخري لتتولي مسألة التنسيق والمتابعة لهذا الامر واتفقنا مبدئيا على ان تضم فى الرياض المهندس صلاح غريبة ورئيسي جمعيتي الابيض وبار وفى الولايات المتحدة انت ود. متوكل وسيزور غريبة الخرطوم قريبا وفى الغالب سيتم اختيار اعضاء آخرين هناك اضافة للدكتور الصاوي وكانتونا وبقية الاخوة
عموما تهانينا وما زالت هناك خطوات يفترض ان يقوم بها الاخوة وهى اقناع الاستاذ عبدالرحمن بالسفر الى امريكا ، وتسهيل امر سفر ابنائه الى السودان وتأمين حياتهم هناك
عموما هناك تطورات انت تعرفها كما اخبرني الاخ غريبة بأنه تحدث بها اليك عبر الماسينجر
وسأكلمه الآن لتأمين صورة للسي دي
ربنا يجعل ذلك فى ميزان حسناتكم

تسلم صديقي العزيز خالد وانا راجي الصوره بسرعه عشان نعمل ليهو تصميم يليق بمكانتو في قلوبنا وعبد الرحمن يستاهل كل خير

دوما مهموم بقضايانا وقضايا اخوانك المبدعين ودوما تسارع فى الخيرات وتجيب المستغيث لكل هذا نحن وكل السودان مهوسييين بحبك لانك والله تفوق حسن الظن يا استاذ لك
تحياتى وحبى ودايما رافع راسنا فوق والله الله يخليك

ود الجعلي
ان وجودي معكم هنا يعطيني كل الاسباب الوطنيه الصادقه لعمل شيئ مفيد والفضل يرجع لتشجيعكم ولله من قيل ومن يعد
تسلم عزيزي

الاستاذ الموصلى
نفتخر بيك على هذا العمل الانسانى الرائع وعاجل الشفاء للفنان عبد الرحمن عبدالله

الشريف بجد لك محبتي واحترامي

الموصلي الفنان
لك التحية والحب
هذا بيان بالعمل وجعلك الله سباقا
أنا عاتب على ناس السعودية كثيرا في موضوع عبد الرحمن ولا أعلم لم الانتظار والناس لو تبنت حملة جمع ريال واحد لعلاج عبد الرحمن عبد الله لكانت جمعت مليوني ريال إذا كانت جادة
وقد لمست حماسا من الأخوة قرشو وعويس وغيرهم الآن ، آمل ان يترجم هذا الحماس إلى عمل تماما كما عمل مبدعنا الموصلي
لك الشكر أيها الفنان الرائع ولعبد الرحمن عاجل الشفاء

ود قاسم مافي عوجه تب هذا لا يساوي قطره من عطاء عبد الرحمن عبد الله الثر
ولك محبتي الاخويه

استاذ الموصلي
تحياتي وشكري

الصورة التي لدينا ستصلك على البريد بتاعك خلال دقائق ان شاء الله واذا لم تجدول صورة احسن منها فقد تفيد لأن السرعة مهمة ايضا، والله اعلم نحصل على صورة جديدة للاستاذ عبد الرحمن

نحن بانتظار الاخوة في الامارات حتى تصلهم الماستر من الاستاذ الموصلي ليقوموا بتوزيعها كما وعدوا من قبل

أخي انور ستصلك السي دي قريبا ان شاء الله بعد ان لمينا في عنوانك وح تصلك حاجات تانية لعل عبد الله قد اخبرك عنها


ووفق الله الجميع

شكرا عزيزي الصاوي
فعلا سرعة الايقاع مهمه فالوقت من ذهب
وناس انور ديل امسكو فيهم قوي
تسلمو كلكم

شكرا دكتور الصاوي فقد استلمت الصوره
وحنعمل بيها لو ماجاتنا واحده افضل بس دي حلوه

الانسان
الموصلي
يديك الصحة ويخليك يااصيل

وما تعودنا منك غير ذلك مكتوب عليك ان تكون متي مااحتاجك الاخرون
وانشاالله ربنا يقدرنا نساهم من هنا

لك الود
عبدالله جعفر

مابتقصرو ابدا يا عبد الله وانا اتوقع نجاح كبير لهذا المشروع
نسبه لاهتمام الجميع به
وعقبال ماندخل عبد الرحمن الاستديو هنا
ونعمل ليهو تسجيل عالمي ان شاء الله بعد الشفاء
تسلم اخي الحبيب

عذرا للجميع للتاخير في الرد بسبب ظروف طارئة
وشكرا للسوداني الرائع الموصلي وكل المساهمين في انجاح هذا المشروع النبيل وكل الذين ( شالو ) هم موضوع عبد لارحمن وجعلوه جزء من قضاياهم ، والذي يدل على عظمة ابن السودان ووقفته مع الشدائد
وكما ذكر لكم الاخ خالد عويس باننا وبالامس كنا نتناقش في نفس
الموضوع لياخذ وضع جدى
وبصراحة فاننا وبشكل يومي نتناقش في موضوع عبد الرحمن وجعلناه هاجسنا وبل ولدينا الكثير من المعالجات التي تقدم بها البعض ونحاول حاليا بان نحلل هذه الحلول للوصول الى انجحها

اما عن السي دي فنحن في جمعية ابناء الابيض بالرياض ونيابة عن ابناء كردفان بالرياض نتبنى تسويق هذا السيدي بما تراه مناسبا وبخاصة وانني الآن في منصب السكرتير الثقافي الاعلامي لجمعية ابناء الابيض ولي علاقة وثيقة مع ابناء جمعيات وروابط كردفان الكبرى في الرياض ولهذا فانني على استعداد كاف لما تريدونه منا في الرياض ويكون ذلك عبر التواصل عبر الايميل
[email protected]
او
[email protected]
هاتف
+96653114175

اما عن الصور فانني على استعداد لارسل المزيد من الصور عن عبد الرحمن قبل الحالة المرضية التي هو فيها والوضع يحتاج ليوم او اثنين لعمل اسكانر لها وسارسلها لك اخي الموصلي
اما عن عبد الرحمن فاننا فتحنا منتدى خاص بعبد الرحمن ضمن منتديات عروس الرمال لمناقشة موضوعه ووضع الرؤى والمعالجات لحالته من جميع الجوانب وذلك وفق لما طرحانه انا والاخ خالد عويس بالامس اثناء حفل تابين محي الدين صابر ومن خلال مناقشتي التي تمت اليوم مع بعض ابناء الابيض ومنهم خير الشيخ وحمودة احمد الحاج كشولا وغيرهم
ونتمنى من الجميع زيارة المنتدى الخاص بعبد الرحمن

عبد الرحمن قيثارة النغم في زمن الصمت اضغط هنا

صلاح غريبه
اتوقع منك الصور
وكمان زرنا الموقع جميل وربنا يوفقكم فيهو
وشدو حيلكم وجميعا نتكاتف من اجل هدف سامي
ونبيل
ولكم ودي

شكراً يا موصلي...ياها المحرية فيك...نسأل الله الشفاء الكامل للفنان الإنسان عبد الرحمن عبد الله
وعبد الرحمن عبد الله راجل راقي الحس والإحساس..وصوتو مطاوعو...ومع أني راجل فنان وذواقه...عبد الرحمن عبد الله راقي بجميع المقاييس.أنا شخصياً هو الفنان الوحيد الذي أحبه فى الغرب.لأنو مبدع...مع إحتفاظي على تقديري الخاص لعبد القادر سالم.. الذي قد كانت تربطني به صداقة... والجماعة الباقين برضو..ناس ابراهيم موسي ابه.....ديل بقدرهم..ناس صديق عباس...والليل الطويل غابت نجومو... المطر إنهمر زادت غيومو.... إلا أن عبد الرحمن عبد الله قد خرج من نطاق المحلية الي كل ارجاء الوطن الأم...أحب عندو أغنية الرايقة...وأحب عندو...المنديل...وأحب عندو. الأغنية التي أظهرته..البلوم...بالإضافة الي هذه الأغنية التي بثثتها أنت هنا.. الليموني..وهي أغنية تراث....فإن أنت قمت بهذا العمل يا موصلي..فهو عمل من أهل عرفان لأهل العرفان....

سودانوبس
شكرا لمشاركتك الرائعه
اقدر كلامك الجميل
الحقيقه انا ما عملت حاجه غير اني شلت اعمال مسجله في كاستات اخترت التسجيلات الاحلي من ناحية الكوالتي وعملت فيه تعديلات لتحديث الكوالتي ومونتاج بسيط لزوم التجديد اما الجهد كلو فلعبد الرحمن
والمجموعه الموسيقيه
يعني انا من الناحيه الفنيه الموسيقيه ليسن لي يد في الموضوع
وعبد الرحمن جميل وانت انسان شفاف لك
مودتي

سلام يا أستاذى الرائع...
مبدئياً داير نسخة...
بس نعرف بى كم وكيف نوصل المبلغ والإستلام وكده؟؟؟
ومواصلة لجهودكم فانا مستعد للتوزيع هنا فى بورتسودان وتقديم كل ما يمكن تقديمه...
لك الأحترام يا سيدى...
أنور

شكرا ياملك
مسالة توزيع الاشرطه واستلام المبالغ دي مسئولية د الصاوي وكباشي والجماعه الاخرين كمان مكانك هو البحدد منو البستلم
وحننسق
تشكر يا اخو الاخوان

اين سيتم انتاج الاغلفه هل تريدونه هنا يادكتور الصاوي
عشان نوريكم التكلفه

الاستاذ الرائع دوما ..الموصلى ..فيك الف خير والله وربنا يشفى لينا فنانا المبدع عبد الرحمن عبد الله .. نيابة عن بورداب مسقط نتمنى ان تزودنا بمجموعة من السى دى .لكى يتم توزيعها هنا وانا شخصيا مستعده اساهم فى هذا العمل الانسانى كاقل واجب تجاه احد ابناء بلدنا الاوفياء .. .. ..
ونتمنى التوفيق من رب العالمين .
تسلم يا موصلى يا انسان يا اصيل ..

اولا يا سومه بالغتي في الغيبه
ديه ووحشتينا كل اهل البورد
نحمد الله علي عودتك الميمونه ونستبشر بك خيرا
وشكرا علي مبادرتك الانسانيه
ودكتور الصاوي حديث سومه محول ليك

Salam dear Yousif
Dear Dr. el Sawi.
All respected participants
I'm deeply sorry to participate so lately and that is only because of my circumistances.
Thanks Dear Yousif , though I strongly believe that it is U whom we know from so long time.
Dear Dr. el Sawi
I'm sure that U won't 4get me and me likewise.
I hope to call U dear Ustaz el Moseley soon ISA.

الحبيب موصلى

دايما طالع الأول كما عودتنا...حريص على مساعدة الملهوف والمحتاج ...حريص على توثيق الابداع

أدام الله عليك وعلى أسرتك الصحة والعافية.

كيف أحصل على نسختى؟

طبعاانا جاهل فى موضوع التسويق ...ناس أكاديميين ساكت ..لكن ذواقة

ارجو الافادة بالطريقة

لك كل الحب يا مبدع

الاستاذ المبدع الموصلي

أسرت قلوبنا بمواقفك الانسانية ربنا يزيدك ويقويك

مشكلة المبدعين في بلدنا انهم دايما منسيين بعد ما يكبروا او يمرضوا
انت مشكور الآن فتحت باب لمساعدة الفنان الكبير عبدالرحمن عبدالله في محنته
آمل ان يتواصل مثل هذا العمل منك ومع غيرك

سؤالي:-0

كيف يمكن الحصول على نسخة من السي دي في المنطقة الشرقية بالسعودية؟

أبو هديل
جعلها الله في موازين حسناتك ، و هذا ما كنا نتعشمه فيك ، فأنت هميم الفن الأصيل.
دمت ذخرا.
أرجو أن ننسق لعمل حفل في الرياض بإسم الفنان عبد الرحمن و توزيع السي دي. سأنسق معك في الماسنجر.
تحياتي

عزيزنا أبو هديل
تحياتي
دي الكانت محرية فيك. وفقك الله و سدد خطاك.
أضم صوتي لصوت بعض الإخوة للتنسيق لعمل حفلات خيرية بالسعودية و توزيع هذا السي دي. سأنسق معك بخصوص الرياض.
و أرجو أن ننسق أيضا بخصوص طريقة توصيل السي دي للسعودية.سلمت

Dear Ostaz Mosli

Many thanks for every thibg

I need my CD copy, how can I get it?

Be blessed

Fras

اخي الكريم استاذ الموصلي

الغلاف والسي دي نقترح طباعتهم محليا لتوفير تكاليف النقل والارسال، ارسلوا لنا فقط الماستر من كل واحد، واطبعوا هناك الكمية التي تحتاجونها للتوزيع في امريكا فقط، وسنرسل لكل من السعودية والامارات ماستر وهم عندهم امكانية انتاجها هناك ان شاء الله

الاخت سوما سوف ننسق مع الاخوة في عمان للتوزيع هناك واذا تعذر الامر سنرسل لكل راغب على عنوانه الشخصي من السعودية مثلا

الاخ الحليلة لك التحية ولن ننساك ان شاء الله، الاخ بشرى م ك ارجو الافادة بمكان سكنك وان شاء الله نجد لك وسيلة للحصول على الاسطوانة


لكم جميعا الود والتحية

Dear Ustaz AlMosili

Great job...Keep going
I will be more than glad to help in distribution in Muscat. I can coordinate with Board members who are in Muscat(Soma and others) and as for sending the money, it can be done thru many ways...Just let me know when the CD is ready.
Allah Ma3akum

اخى الموصلى
جزاك الله عنا كل خير وجعله الله فى ميزان حسناتك

ونحن بدورنا جاهزين لما ترونه مناسبا

فقط افيدونا وان شاءالله من الان نسخنا محجوزة