واخيرا ظهر عمر بانقا بصوته الحنين الرويان

عام ونيف وان في حالة جري وسككان مع ثلاثة من الزملاء الفنانين كي ينضموا الي هذا البورد
وهم هاديه طلسم وعلي السقيد وعمر بانقا وحفيت ارجلي من الجري وتحقق ذلك قبل شهور ولكنه كالعادة لم يدخل فقام الكومبيوتر بالواجب ثم صحيناه ثانية بعد ان وصلت الي منزله العامر
لعمل السي دي الجديد له وقامت بيننا شمطه حول نشاطه والحمد لله قد ابدي حماسته
لاجده امامي قائلا انه لن ينقطع عن هذا النشاط فقلت له ربما اغيب عن هذا البورد بعد وقت قريب للتحضير للسمستر الحاسم واريد ان اعود فاجدك قاب قوسين ادني من عدد بوستاتي
فله ولكم المحبةوستجدونه مشاركا فعالا انسانا متواضعا بشوشا
ولكم الود

السلام عليكم يا موسيقار



نرحب بكل العمالقة من اهل الفن الجميل

ومنتظرين ال سى دي بفارق الصبر

وتمنياتنا ليك بالتوفيق فى اخر السميسترات


والى الامام

شكرا عزيزي ود العباسية علي الترحاب الجميل والسي دي في الطريق باذن الله

اهلا عمر بانقا


ريحه الحبايب

مرحباً بعمر بانقا
وبكل فناني بلادي الحلوين

ما ظهر يا الموصلي

وكمان بالمرة صحي لينا هادية والسقيد
الاتنين ديل طعم الغنا زاتو... وكريم
الكلام الطاعم...

ياســــــــــــــــــــــــــــلام

مرات براي كده اتخيل السقيد بالعود وشرطا بالعود
وهادية بيغنو سوا ... فالعود عند السقيد ولا اشطر اوركسترا
والصوت عند هادية تريان وواثق ووحلو...

كدي اتخيلو معاي الاتنين يغنو رجعنالك
وكيف نوصف رجوع القمرة لي وطن القماري
بايقاع دليب خفيف انشاء الله في تربيزة
وصوت وتر حاد من السقيد ..مع صوت كمبارس خفيف
فيه بنتين وتلات اولاد..

والله يا جماعة حاجة زي دي واحشاني لما جايبا لي الهم



لا حولة..

ويا رب اللوتري تجيب لنا فيزا عشان امشي اسمع الفي راسي ده كلو

المحترم نزار
اها ظهرت بالجلابيه والتوب وسروال ومركوب
بس ناقص الجبه والصديري والسيف والسكين
واشاركك التمني بان ينضم كل من الرائعين هاديه والسقيد
ولك تحياتي

شكرا لك عزيزي وراق
ونتمني ان نكون عند حسن ظنكم بنا

العزيزه راويه
الشكر علي ترحيبك الحميم
وينك انتي
نسأل عنك انا وامنه والابناء
باسل وبشار

الاحباب
ود العباسيه وراويه اسماعيل وراق
ونزار حسين
شكرا لكم وعمر هسع جايي وانا معاه غي البيت

مرحب عمر بانقا.. ابدا ما ناقص اي شي
بس نحن الناقصين صوتك وابداعك..

ومرحب حبابك

مليون الف مرحب
بالاستاذ والفنان القدير
عمر بانقا

ويافنانا كلك ذوق

وشرفنا فعلا

تمنياتي

الاخت العزيزة هوزى
شكرا على الترحاب
اتمنى ان اكون عند حسن ظنكم

تسلمي ياعروس البورد

اهلاً بيك عمر بانقا ، ونورتَ المنبر ..

أستاذ يوسف ، كل سنة وانت طيب ، ليك وحشة ..
شكراً لك تقديمك عمر بانقا ..
اها اتحلّيت من زنقة الإمتحانات ولا لسه ؟؟

الاستاذ
الموصلى
تسلم يا اصيل دائما تأتينا بكل جميل
مرحبا بك عمر بانقا قامة فنية سامقة بيننا
ملايين التراحيب بك ويا للايام الجميلة
والسودان دائما مشرقا بمبدعيه
مودتى

عام سعيد يااستاذ يوسف ومليون مرحب بي عمر بانقا الخطير ..
ومطلوب منك الكتير .. الكتير
وح ننزفك لحدي ما البقية تجي ..
شد حيلك معانا
لينا مليون سنة من صوتك
قربنا ننساهو

تمبس ياخطير شكرا ليك يا اخو الاخوان

وانت اسعد ياتمبس
وعقبال نجيب ليكم مزيد من المبدعين
لك الود

اخونا المفضال الشاعر الرقيق عبد المنعم
شكرا ليك كتير وسعيدين انو نكون معاكم في هذا المنبر
الوطن مع امنياتي بلقاء فني

شاعرنا الرقيق ادامها الله مود معكم ياطيبين واحبه

شكرا عزيزي لؤي والبيت منور باسيادو

الحمد لله يالؤي
اتحلينا بالسلامه وشكرا علي الطله الحلوه

اهلا بالحلوين وعام سعيد ونشاط شديد،ومرحب بالطله ياعمر وخليك دايما معانا

عمر بانقا
امس في سيرتك
انا وتراث وود النو
كنا نحثه على الاشتراك في البورد
ليته يفعل
ليكتمل عقدكم العطر هنا

الف مرحب
والدار نورت

مابتقصري ابدا يالجندريه وبت بلد جد

الجندريه ينهمل شكري اليك كالمطر مدرارا
وبالتاكيد ان الاخ الحبيب عثمان النو ان انضم الينا غهو اضافة حقيقية الي هذا البورد
بلغيه تحياتنا اليه وكل الجلاداب

في ارتعاشات المداين
في الصبا المهدور وهايم
كنت بحلم اني بحضن في عيونك


شكرا أخي بشري سليمان ونتمني ان نكون عند حسن الظن بنا

تشكر يابشري الجميل
وصدغه صوتك لما جاني
الحروف حسيتها اصدق

مرحب بالفنان عمر بانقا وشوشناالعبير بانضمامك للبورد وسعدنا باول اشراقات عام البوردالجديد وفى انتظار بقية الكوكبة
استاذنا الموصلى عدمعاى اول خبطة فنية فى العام الجديد وهكذا انت جميل وتزداد تألقا عبر بوستاتك
كل سنه والجميع بخير

بانقا!!!!!!
حبابك ملايين النوتات الموسييقية...

لا تفرحوا بعالم سعيد
فبعد كل قيصر يموت
قيصر جديد و بعد كل ثائر يموت
أحزان بلا جدوى
و دمعة سدى

انا كل ما اسمع رميتك دي أصاب بحالة من ال.......
كان انتا صوتك رويان نحنا عطشى

لك يا طبيق همى اشواقى وتحيه من القلب
شكرا بعطر الجلاد كله
وشكرا الاستاذ الموصلى
وسعدت جدا اليوم بسماع صوتكما
لى عوده معكم فى هذا البوست

الحبيب عمر ايميلى هو
[email protected]

تحياتى

ســــــــلامات يا فنان
والله يا عم يوسف دة خبر بي مليون جنية
و يا عمر
انا والله التي شيرت دة ما بلبسو .. و بتبرع بيهو لي ملجأء الايتام
يا حليلك يا عمر
و حبابك تـــــاني
اخوك جدا خدر

خدوري شايفك مبسوط واخر دانس
تسلم

يا(طارق) باب المحبة بشدة لست بحاجة بأن تكون (طارق)
له فهو مفتوح لك علي مصراعييه
مع محبتي لك (ياخدر)
ووينك انت ياراجل تحياتنا لكل الشباب

ياشلال النغم القادم من عمق الرهافة
أأنت ات الينا؟
لك عميق المحبة

حمزه صديقي الفنان المبدع
لقد افتقدناك كثيرا والله
حاجه فيك تخلي الزول ضهبان
ربنا يديم التواصل وتحياتي لاسرتكم الكريمة

ادونا معاكم حبة مويه يامانديلا

ترحيبك الفنان يدل علي رهافة احساسك

هذا موسم فك التسجيلات يابلدي ياحبوب وانا قون خطير
وان شاء الله اسدها ليكم سده شديده

تسلم ياحبوب وانا من ايدكم دي لي ايدكم دي

تشكر ياذوق ونتمني ان نكون قدر العشم

أهلين بعمر بانقا،، لا نريدك وحدك.. أين نصفك الحلو شقيقتنا آمنة..؟
أستاذي الموصلي،، دوما أفخر بأنك مقدمي للمنبر وأتباهى بكل الزملاء والحبايب الذين تقدمهم،،
كل عام وأنتم بخير،،

العزيزة رجاء انت البهاء وبك دنيا بوردنا بهيه

اهلين وسهلين يارجاء ووينك انتي
العافيه درجات وامنه في الطريق
وهي تغريك كثير السلام ودايره ارقامك الهاتفيه
تحياتي

شكرا الاخ الاستاذ الموصلي واهلا وسهلا ويامرحبا بعمر بانقا الصوت الدافيء

أهلا بالأستاذ عمر بانقا صاحب الصوت الشجي!

شكرا يا أستاذ موصلي، دائما تحمل إلينا عبق الزهور والمفاجآت السارة!

إيمان

ايماني لايتطرق اليه الشك يا ايمان بان هذا البورد يستحق كل جميل

ده من ذوقك العالي يا ايمان وشكرا علي الترحيب

عزيزي الفنان الفاتح يس لا شكر علي واجب
وسلامي للاولاد

اخونا الفنان المبدع الفاتح يس شكرا ليك
يارجل ونتمني ان نكون امتداد لكم

مرحبا بالمبدع عمر بانقا مشاركا ومساهما بالبورد
وشكرا
كمال عباس

تشكر ياكمال ويلا ياعمر شد حيلك

مليون سلام
ومراحب
والشوق يا عمر(رطل)
ايما سعاده هذه ونحن نستقبل عامنا الجديد
وربنا يكبر القبيله
ويا استاذ يوسف عمرك طويل اميين عشان يوم شكرك ما اجى
وخلونا نسمع ونشوف
وكل سنه وانتو طيبين
انورعبد الرحمن

ياصديقي افتقدناك كثيرا
وماعارف ليه تذكرت في هذه اللحظة تحديدا
قيام النعامة وارنب نط والشمس بتطلع بي وين
لك التحايا ايها الصديق المفضال والشوق مطر
بلغ تحياتي للاسرة الكريمة

الله لا عاد ايام ارنب نط وعينك الساعه 12؟؟؟
ونمره كامله عد؟؟
والله حكاية فارايه؟؟
وحمرة الشيخ والابيض والمطره ونحن الطيور ايها الانسان
وقبلها الخور الابيض؟؟
والمناقل وما ادراك ما المناقل؟؟؟
وبورتسودان؟؟؟؟
والكشافه البحريه؟؟
ومدنى؟؟؟؟
والخرطوم شرق؟؟
والقياده العامه؟؟؟
ونادى الضباط؟؟
وشوية مداوسات فىبعض العروض؟؟
دى بعض من الايام الشينه السمحه؟؟؟
ولكنك كنت فى منظومه جميله لها وجه اخر تحدى وكابد كل الصعاب
وغنيت وابدعت واسست لمدرسه
ضريت فى جذور الحقيقه وصارت مثلا يحتذى به ومضربا للامثال
افتقدك صديقى وافتقد فيك الوجعه والفزعه كنت انوى ان ارسل لك
هذا الكلام فى الماسنجر الخاص ولكنى اثرت الاعلان
حتىتشبع احشائنا الجوعى للقاء وصفاء جلادى اصيل فيه كل الوان وانواع العطور عمريه وحمزاويه وافتقدك طياره؟؟ تقف جوار شريف؟؟ وتتمر لى صولو؟؟ ليس كما احمد مظهر؟؟ ولا تكل تكل؟؟ ولكن بصوت اصيل قوى جميل
الحمد لله الذى سخر لنا هذا حتى نتواصل
ولنا لقاء فى ال14 او بانت شرق والله العمارات
اقول ليك نمره 2 والله السجانه وكل الذكريات الجميله
ليك التوفيق فيما تصبو اليه وسلامات الى باسل وام باسل وبشار
اخوك انور

أهلا بالرائع الشفيف عمر بانقا ماردونا عقد الجلاد كما كنا تسميه وشكرا للموصلي الرائع الفنان على نجاحه في استقدامه لهذا البورد الذي يؤكد كل يوم أهميته وجدواه.

وما تنسى يا أنور كذلك بيت شارع البلدية وصوت الطمباري عمر يسافر فينا ويملؤنا بالدهشة والحنين.

مرحب يا عمر وكل التحايا لآمنة والأولاد الذين لم نحظ بلقياهم بعد وتلفونك لو سمحت

دالــي رحمة الله الحبوب

انور الجميل هلت الانوار بعودتك مصطحبا قلمك
الرشيق ثانية فمتي تصطحب لنا صوتك الشجي مرة؟

لك الف شكر ياكمال

مرحب بالمبدع عمر بانقا واضافة نوعية للمبدعيين فى المنبر وشكرا للمسيقار الأستاذ الموصلى

تشكر علي العشم ايها الشريف

مليون سلام
ومراحب
عمر بانقا وشكرا للمسيقار الأستاذ الموصلى
AnwarKing

شكرا ايها الملك الجميل

الشريف الله يديك العافيه وانشاءالله نكون قدر عشمك ياالحبيب

الاستاذ الموصلي تحيانا .والف مرحب بالعزيز بانقا وكمان شوق شديد.وسلام لي آمنه وباسل.وتحيات من هناء ومنذر ولينا.ومبروك مقدما السي دي وماتنسوا النسخه بتاعتنا حق الزماله وكده.

اخوك

وليد يوسف

ايها الجلادي الرهيف تحياتنا واشواقنا ولك الشكر
والاخت الفنانه الرائعة هناء ومنذر ولينا
ونسختكم محجزوة قبل وبعد المكساج

عزيزي الشريف لك المحبه

زميلي الوليد

Quote: متي احظي بسماع صوتك ومتي تنزل لنا اغنيه فكل معارفي يشيدونك بك وبهناء والتي قرأت لها مقالا يدل علي وعي موسيقيي كبير اها انا بحنسكم والرسول فيكم

ارحب بالاستاذ الصديق عمر , وعمر لديه مواهب تنافس فنه والشكر للاستاذ الموصلي المبدع جالب المبدعين

اهلا بيك عمر يابانقا
اضافه حقيقه لهذه البورد
اقامه طيبه اتمناها لك
وفى انتظار ابداعك يا راجل ياراقى.

وانا علي اتم الاستعداد للاسهام مع الجميع
في هذا البورد يامحمد ولك الشكر الجزيل

وين مشى ترحيبي الطويل بعمر بانقا وبوحي الحميم ليه . قعدت اكتب فيه زمن من ليلة امبارح . معقول أكون ختيته في بوست تاني ؟ المشكلة يكون ضاع ولا اتمسح . صراحة شديدة ما بقدر اكتب واحد زيو تاني . أنجدوني عليكم الله البلقاه في أي حته يرجعوا لي هنا .

الشكر لك يابهاء علي كرم الترحيب

عزيزى عمر بانقا

رغم انه الترحيب بيك جاء متاخر لاطلاعى على هذا البوست الان لكن اقول ليك الف مرحب بيك وحليلك وحليل ايامك وفرقة الشباب فى عروس الرمال الذاهية وحفلاتنا الصباحى فى بـارةوايام لاتنسي والف مرحب ولنا لقاءانشاء الله والحى بيلاقى ياعمر وتحياتى لك ولاسرتك

مـدام شامى

ياااااااحليلك يا عمر . كم أشتاقك . وكم أتحسر على غياب صوتك عن "عقد الجلاد" .
دعني أتكلم بصراحة : لقد عاديت جداً انضمامك إلى مجموعة عقد الجلاد ، كنت حيينها سياسياً متشدداً وغبياً ، وكنت أحتج كيف تقبل "عقد الجلاد" شخص قادم من مجموعة "الكيزان" الغنائية (نمارق) . عبّرت عن احتجاجي لصديقي الحميم جداً عثمان النو ، وقد تم ذلك على هامش أول حفلة تشارك فيها مع (عقد الجلاد) ، واذكر ان عكرمة ود عثمان ، وكان حينها طفلاً في سنواته الأولى ، اتفق معي في الرأي . وقال لي أبوه : "يابابا نحن عمر ده ما عاوزنوا ، هو ذاتو أطول من المايكرفون"
لم يجادلنا عثمان النو ابداً بل قال جملة واحدة : "عمر لعّاب" . وبعدها تأكدت تماماً من صدق كلمة النو ، وعرفت إنك فعلاً لعّاب فعلاً .
عندما أسمع تسجيلات عقد الجلاد وأنت ضمنها كنت أتساءل كيف كان لهذه المجموعة أن تقوم وتستمر بدون هذا الصوت وبإسهاماته المتفردة في أغاني المجموعة ؟ وظللت أشعر ان صوتك واحد من أهم الأصوات في المجموعة ، وأصبحت مولعاً به .
ولعلك شعرت بذلك خلال تلك الأيام النديات التي قضيتموها في صنعاء . وكرّمتنا بأن كنت في معظمها معنا في تلك الشقة الصغيرة المتواضعة .

وعندما علمت انك وأنور وسليمان فارقتم المجموعة ظننت ان تلك نهاية "عقد الجلاد" . ولكن ما شاء الله كان النو ساحراً عندما استطاع ان يفاجأنا باستمرار وخروج المجموعة مرة أخرى من تحت الرماد ، تماماً ، كالعنقاء وبأصوات جديدة ممتلئة بالجمال وقدرة الإبداع .

أقمت ندوة في صنعاء قبل شهر تقريبا ، تحدثت فيها عن الأصوات التي فقدتها عقد الجلاد ، وعن كيف كانت تلك الأصوات مركزية وهامة وضرورية لوجود المجموعة واستمرارها ، وقدمت في الندوة نماذج سماعية من تلك الأصوات ، وفي مقدمتها صوتك وصوت أنور , وسليمان ، وقبلكم منال ومجاهد والآخرين ممن فقدتهم المجموعة . ثم تحدثت بعد ذلك عن قدرة الفنان المبدع عثمان النو على إحياء المجموعة رغم فقد هذه الأصوات . وأسمعت الحاضرين أغاني شريط المجموعة الأخير (فأجاني النهار) مع التعليق على كل أغنية فيه ورصد الأصوات الجديدة فيه . لقد كانت ندوة ناجحة جداً وحضرها عدد كبير من السودانيين والمهتمين اليمنيين .
حظيت قبل أيام بلقاء استمر لعدة ساعات مع عثمان النو في مطار صنعاء وقد مر به (كونكشن) في طريقة إلى السودان من جيبوتي حيث شاركوا هناك في مهرجان القرن الأفريقي ، تحدثنا طويلاً عن المجموعة ، وأسالته بإلحاح كيف فرطوا في عمر بانقا أنور وسليمان ، ولعدة ساعات ظللت استمع للنو وهو يدافع عنكم , ويبرر هجرتكم , ويعبر عن امتنانه وحبته وتقديره التام اليكم وتفهمه الكامل لأسباب هجرتكم , وحتى الدفاع عنها .
لهذا المبدع الكبير كل التجلة والتقدير . ولكم الأمنيات كلها بتحقيق كل ما تصبوا إليه ؟
عثمان تراث
صنعاء

الاحبة
بهاء بكري
محمد الشيخ
والنجمة اللامعة ShiningStar
لكم مني هميم الود

نورتا البورد.....
تحياتي ليك و لي عازف الليل.....

شكرا كثيرا ايتها النجمة اللامعة

صديقي وحبيبي عمر بانقا مرحب بيك في بيتك والله مشتاقين شديد لي روحك السمحة ومزحتك اللطيفة وقفشاتك وتلك الرحلات يااااااااااااااه كلام كتير لكن المجال ما بسمح نخليها ترحيب والباقي شوية شوية بجي بالتدريج
وشكري وعرفاني وودي للراجل الساكيك زمن موصلي

كنت مخليه البوست ده للتحليه..

اصلو ما قايله لما ادخل بلقى قيه عمر بانقا..قلبا...وجلبابا..

انا كنت عندى جفاف فى الحلق من..كثرة..النبيح...اليومين الفاتن..

لكن حنجرتك..المرحمنه يا عمر..حتخلى حبالى الصوتيه...تنوم..قفا..

ياسيد الكل

نورك جهر..تب..

قبيل ضرب لى المقداد..قال جايى يزورنا..وجايب لي معاه هديه من على السقيد...شريطو الجديد

اتمنى انى اعرف اشكرو..الشكر البستحقو هنا قدام الناس ديل..

واعوه دعوه مجدده للدخول للمنتدى...والصديقه هاديه...عشان اماكنهم شاغره


لك كل الاحترام.. يا عمر...وليطيب لك المقام...انشا الله معانا

اختي وصديقتي الفنانه تماضر شيخ الدين
شوقنا ليك مطر شكرا علي ترحابك وسلامة صوتك
وانتي البوديك تكوركي شنو
الكوراك ده خلي لينا نحنا
الله يديك العافيه
واناويوسف الموصلي
بنعمل ونجهز لسي دي جديد
وهديتك في الطريق وان شاء الله تعجبك من هسع
لك التحية والمحبة والاحترام

تسلمي يابتنا الحديقه
وسلمي علي شبابك
وبالله شدي حيلك معاي وكلمي الناس الحلوين ديل ديل يجو
وليك عندهم دلال

اين انت ايها الصديق الحبيب الجميل
من ديك وعيك والله زمان
ماكنت اتخيل لقاؤك بهذه السهولة وشكرا لقريتنا الالكترنوية
والتي تقرب المسافات البعيدة
والله سعدنا بسماع صوتكم الجميل
وان شاء الله لسه صوتك جميل كما عرفناه
ونحن كنا خايفين منافستك فتنفسنا الصعدا حينما سافرتم
ياراجل ياظريف
تحياتي

الف مرحب بيك
اخى عمر
اتمنى لك اقامة سعيدة هنا
وشكرا لاستاذنا وتاج راسنا الموصلى الذى لا يأتى الا بالجميل

العزيزه بيان
العروسه ماشاء الله عليها وحاجزينها لي شوبان الموصلي
لك المحبه

الأستاذ عمر المبدع الفنان، الف مرحب و الشوق مطر والله. كلي شوق لسماع أخبارك وآخر أعمالك

اخى الفنان المبدع اسامه الف شكرا ليك واناسعيد جدا بمعرفتك
وانشاء الله يدوم التواصل

مابتقصر ياحلو الروح والمعشر (والصوت) كما قال لي عمر بانقا

مرحبا ويا أهلا بعمر الفنان

وشكرا يا موصلي 000 دايما انت كدة 000كريم لحد الثمالة

يلا يا عمر 0000نحن في الانتظار

سوركتي ولدنا الحلو
لك مني ومنه التحايا العاطرات

و يا خال شكرا ليك و مرحب بضيفك و صديقى العزيز عمر بانقا و عليك الله الحقنى باغنية ليه علشان اضيفهافى صفحة الاغانى

العزيز الصديق المضياف
لنا عظيم الشرف بالانتماء لهذا الوطن الكبير وشكرا ليك كتير ياالحبيب
بخصوص الاغنيه اعدك فى اقرب فرصه
تحياتى

اخونا سوركتى الف شكر
ربك يقدر ونكون عند حسن الظن
تحياتى

بكري ابو بكر
صوره يوسف عسل
لو سمحتوا حاخد لي فيها سحبه بعد صوره احمدوني دي

العزيز موصلي
اخــــــــــــــــــــــــــيرا اصبحت قادره على سماع الاغاني البتنزلها وفعلا شكرا لزميل البورد الساعدني فيها



عمر وانا كمان سائله منكم شديد و اتمنى اشوف امنه كمان عضوه معانا في البورد

ولو تعذر عليك الله خليها مرات تكتب بي الاشتراك بتاعك
دا كلو عشان مشتاقين ليها شديد

ود بانقا ..
لكن ما خطير بالجلابية
أحب هذا البورد لأنه يجمعنا بكل من نحب
فمليون مرحب المبدع بانقا
ومليون تحية للرائع الموصلي
وأتمنى أن نرى منكما عملاً مشتركا.
ويا عمر آخر حفل حضرتو ليك كان تخريج أبناء الصحافة بجامعة النيلين بمرافقة العازف قصاص قبل ثماني سنوات تقريباً ليلة لن أنساها ما حييت .
مش حرام تحرمنا كل هذه السنوات من ابداعك.

الاخ كبسيبه
الشوق مطر يارجل
ماشاءالله ذاكرتك حديد

اعتقد الحفله دى كانت فى نادى التنس
امابخصوص العمل المشترك مع الاستاذ يوسف الموصلى
نحنا فعلا فى ورشه عمل ليل نهار لاخراج شريط جديد بالتعاون مع الصديق الفنان حمزه سليمان
تحياتى

الف مرحب بالفتات الجميل عمر
خاجة كدة من وردى وشى من عركى
صوت ريان واحساس عالى بالغنا
كانت مدهشة حفلاتكم فى صنعاء
وسهرتكم الجميلة فى منزلنا بصنعاء بصحبة انور وهندى تذكر اليوم داك ياتراث
نحياتى لامنة والابناء

شكارين لك مبدعنا الاستاذ الموصلي واهلا وسهلا ويامرحبا ببلبل عروس الرمال ودرة السودان المغرد عمر بانقا .


ود العوني - ديمقراسي

الاحبه محمد سيد احمد وdemocracy
لكم مني اصدق التحايا والمني

بانقا....
وين انت ياخي والله حرام عليك ماممكن تسعدنا بى صوتك وتحبسو مننا فجاة كده لمن سمعت بى تواجدك هنا جيت جاري.. عليك الله عاوزين نسمع صوتك جديدك وقديمك
ويا موصلي ما عارفين نشكرك كيف لكن بقول ليك الله يديك العافية

ابو طويله ومعاويه الوكيل
شكرا لترحابكم الكريم بعمر الحبوب

كل سنة و انتم طبيون
معاويه الوكيل من لندن يحيي جميع الاصدقاء و يعتذر عن الانقطاع
تحبة خاصه لعمر بانقا مع رجاء التواصل الانساني و الابداعي
قطعا الحياة اجمل باسهمامات المبدعين
لكم الود والمني

ود بانقا شنو انت جيت تسلم علينا وتاني ما نشوفك ولا شنو ؟
ولا شنو ؟
ولا شنو ؟
ولا شنو ؟

الاخ كبسيبه
حاجه فيك تخلى الزول ضهبان
شكرا ليك كتير عن السؤال
بس مشغولين الايام دى شديد بموضوع الشريط
وشغالين شغل شديد مع الاساتذه الموصلى وحمزه سليمان وحفيظ عثمان النو
وربك يوفق
وهديتك جاهزه
تحيات

ألف مرحب بعمر بانقا الفنان الرائع المعطاء والإنسان الحلو المعشر الخفيف الظل والله أيام يا عمر

شكرا يا موصلي يا اصيل على إقناعك لعمر على التواصل مع أحبابه عبر هذا البورد الذي يثبت كل يوم فائدته وجدواه

ومرة أخرى ألف مرحب يا عمر

دالي رحمة الله الحبوب

مرحبا" بمبدعنا درة كردفان الرائع ، وعطر السودان الفايح ولك منىالشوق والتجلة .

ود العونى

الاعزاء
دالي الحبوبو
democracy

شكرا لكما وهذا البورد يستحق كل جميل

حبيبنا بو هديل

شكلك لو ما لميت الفنانين ما حترتاح ، والشقى ده نكدته
من وين ، قلت عشان اشوف خبراته اول ما إنت نزلت
البوست عملت ليهو مسنجر وحاتك لى حسع ،

مرحب بيك يا ابو جلابية وتوب وشكرا لاستاذنا ابوهديل

الفنان عمر بانقا
مرحبا بك و انت تضيف وترا في قيثارة البورد
و الشكر موصول لأبي هديل

يا مرحب بالفن والمبدعين..
والبورد نور..
مرحبتين عمر بانقا
وتسلم يا موصلي وكمل جميلك ببقية العقد.

ترهاقا يازولنا السمح صاحبك عمر لسع كيشه في النت اصبر عليهو شويه
ابوجهينه دائما طلاتك فرايحيه
خالد الجميل انتم اهل الود والترحاب
تسلموا

ارفع هذا البوست عيدية للجميع
لم اجد اجمل من عمر بانقا لاهديه اليكم مجدداً مع تباشير فجر اليوم الأول من العيد المبارك
اعاده الله علينا وعليكم بكل ما تتمنون وقد تحقق كله .

تسلم ياتراث
وكل سنه انت والجندريه بخير

شكراً ياموصلي ياحبوب يامبدع
لكن عمر تجاهلني تماماً . رايته وقد رد كل على الناس فرداً فرداً ، وتجاوزني ، اخشى ان اكون قد كتبت شيئاَ أغضبه ، وانا اعلم انني لم اكتب عنه الا حباً محضاَ .
فله العزر ان قلت شيئاً لا يحبه .