واحسرتاه (تري هل يحتاج اهل الموسيقي في السودان الي امير استرهازي اخر؟)

أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه
الي الذين يلومون الموسيقيين السودانيين علي تخلف موسيقانا عن ركب العالميه
فلنتمعن جميعا في هذه القصة
ولنقارن بين فيينا في القرن الثامن عشر والسودان في القرن 21
ولنري كم من القرون يتخلف سوداننا عن الركب
لقد كان يوجد في فيينا واوروبا بشكل عام من الاغنياء من يهتمون بالفن والموسيقي اهتماما بليغا
وقدموا اموالهم بشكل متحضر جدا كي يعينوا الموسيقيين للقيام بعملية التاليف والعزف
والمثال هنا يجسد العلاقة بين المؤلف العظيم جوزيف هايدن المولود في 1732 المتوفي في 1809
والاسره الارستقراطيه للامير استرهازي
هايدن واحد من اعظم ثلاثة موسيقيين كلاسيكيين انجبهم العالم في القرن الثامن عشر
هو وموزارت وبتهوفن اما بتهوفن فقدامتد ليشمل القرن التاسع عشر ايضاليصبح رائد الموسيقي
الرومانتيكيةايضا
عندما شب هايدن عن الطوق وبدأت عليه علامات النبوغ
تلقفه الامير الهنغاري استرهازي واحتضنه في قصره (استرهازا) وحينما طلب هايدن عدد خمس وعشرين عازفا لم يتردد الامير فعينهم ليتفرغوا للتمرين اليومي علي مؤلفات جوزيف هايدن وكانت تدفع لهم رواتب مجزيه وحوافز عاليه نظير تمارينهم الموسيقية وعروضهم المستمرةعدة مرات في الاسبوع
فانتج هايدن من الاعمال الكثير والكثير جدا في فترةوجيزة جدا لايقارن
معه اي فنان سوداني ناهيك عن اختلاف مستوي الانتاج نفسه من حيث التوزيع الموسيقي والبناء اللحني
وفكرة البناء في اللحن (البون شاسع).
وعندما توفي الامير جاء ابنه وغير الوضع وفصل الموسيقيين واوقف المشروع ولكنه اشتري بيتا راقيا لهايدن كنوع من الوفاء وانتقل هايدن الي لندن ونجح نجاحا باهرا وحينما توفي استرهازي الابن جاء استرهازي الثاني واعاد هايدن لكي يفاخر واعاد كل ماكان قد تم نسفه
هايدن من اعظم المؤلفين في التاريخ ومن اغزرهم انتاجا رفيعا
برغم اننا نمتلك الاغنياء الا اننا لانتمتلك منهم من هو قلبه علي تطوير الفن السوداني
تري هل تبين لنا قادم الايام شيئا جديدا عسي ولعل
والمثال الحالي يبين لكم مدي اهتمام هايدن بالالحان الشعبية وتطويرها وتنويعها لينتج انتاجا رفيعا
السيمفونيه رقم 104 لهايدن الحركةالرابعه النهائيه

تسلم يا موصلي علي تسليط الضؤ علي هذا المكان من الابداع
دائما ينتابني الاحساس بالخوف عندما نفكر في اصحاب الاموال
ورعايتهم للفن والابداع .. ويخطر علي بالي التوجية نحو افكار محددة
وفكرة الربحية علي حساب الابداع ... وخصوصا ان اصحاب الذوق العالي عندنا اكثرهم كان من المفلسين .. اتمني ان يفكر اصحاب الاموال والاغنياء في رفد هذا الجانب ... بكل تجرد واعطاء المبدع الحرية الكاملة لاختيار مداة الابداع حتي لو كانت ضد توجهات هذا الرأسمالي
....

عزيزي عمك تنقو شكرا لمساهمتكالرفيعه وقلقك المشروع
نكتب عسي ولعل هنالك من يشعر بالامنا وامالنا تجاه الموسيقي السودانيه
لك المحبة

ازيك وكيف حالك
ياخى والله انت زول طيب وعلى نياتك
ياخى نحنا زمان لمن كنا فى البلد وانت نفسك عايشت الحاجة
دى كتير ,,, الناس المروقين هم الكانو بملحونا ويبيتونا القوا
ومابدفعوا الشئ المتوقع خليك من من اساهمو بى زى الهتمام الفوق دا.
بتذكر فى ايام كدا شباب من آل قنجارى ابتدو يخلقو علاقات معانا وبدوا
يمهدو لينا الاجواء للتمارين فى المنتجعات الرهيبة بتاعتهم
لكن حتى دى نفسها انا بفتكرها كانت فورة بتاعت شباب ساكت
غايتو الله معانا ياخوى .
انت كيف اخبارك والاولاد ازيهم
انا شهر 2 نازل السودان اجازة اسبوعين
بعد ما ارجع ح اكتب ليك تقرير فنى عن الحاصل هناك بالطبط
اها يازول ماتشيل هم كبير انا عارفك قلبك حنين وهميم
لكن بجى اليوم البحقق حلمنا دا باذن الله
ولك حبى

الحبيب سمندلاوي تمشي وتجي بالسلامه
وياريت اهلنا في البورد يقرو كلامك ده عشان يعرفوالحاصل
ويناقشونا
وانا في انتظار عودتك

تم التعديل بحمد الله وادخال الحركه كامله
يابكري اتذكر الاسره السودانيه والتي كنا نطلق
علي اسم منزل رب الاسره منزل استرهازي
وسنعود لتكملة القصه

الموسيقيين هم الضحيه

الاستاذ الموصلي

لك التحية وكل سنة وانتم طيبين
في السودان الناس محتاجة ان تعطي الموسيقى دورها الحقيقي في اهمية وجودها في حياتنا دون التعامل معها باعتبارها شيء ثانوي
اهل الموسيقى يحتاجون الى من يفهمهم ويقدر موسيقاهم حتى يبدعوا فيقدموا للاخرين ثروتهم الفنية

ولك الشكر على الوصلة الموسيقية الجميلة

المقدره جدا مايا
اشكرك علي المساهمة الايجابية
في مشكل الموسيقي السودانية
والتي ليس لها مكان في حسابات الاثرياء

حبيبنا ابو هديل

تعرف ، انا كنت حفلتين بكرههم بى الله واحد ، لمن فنان يجى
يقول لى الحفلة فى العمارات شارع كم او فى الرياض
مع إحترامى لافراد قلة ولكن ! كنت زى فى حالة ضغط للنفس
لحد ما ما أتخارج ، كنت بلقى فيه نسوان جهلة ، تباهى بى كمية دهب
اطفال قليلين ادب وابهاتهم اكتر قلة ادب ، جهل مركب
الفنانين عبارة عن ظاهرة لازم تكتمل ، وكان غنوا معاك بره الزمن
وشتارة ، الله يستر الكلام كتير والجاهز ليهو جاهزين ليهو .

الحبيب ترهاقا
يلا فتو
وشتان مابين الغني لدينا والغني هناك بكسر الغين وفتحها ان شئت
وهي المسافة بين الصورة الاخيرة من انتاجنا

الفني في القرت الةاحد والعشرين وانتاجهم في القرن الثالث عشر حتي
لي اسرتك السلام

اذكر ايام كان المعهد في اوج نشاطه كنت انا بالسنةالنهائية بل قبلها بفترة تعرفت الي الصديق احمد يوسف حمد واسرته الكريمه وكان والده امد الله في عمره يوسف حمد
من المولعين بالموسيقي والموسيقيين فنقل تلك العدوي لابنه يوسف حمد بل لكل الاسره
وكانت علاقه جميله بينهم وكثير من الفنانين ثم اضحت معي اكثر خصوصية بعدتخرجي واختياري معيدا بالمعهد وكان من طلابي النجباء عازفو الكمان ميرغني الزين احمد باص وبكري سمندلاوي عثمان مبارك وغيرهم
وعازف الجيتار د الفاتح حسين وعازف البيزعثمان النو الاكورديونست احمد ساطور الفنان الرائع علي السقيد ومجموعةكبيره لن يسع المكان لذكرهم
كان ال يوسف حمد يستضيفوننا بانتظام بمنزلهم او بمزرعتهم ويهيئون لنا اسباب الضيافةوالجوالفني الراقي وكنا نقدم اعمالنا سعيدين بتلك العلاقة دون المطالبة بمال او غيره
كان الموسيقيون يصفون منزل الاستاذ يوسف حمد دعابة بقصر الامير استرهازي
يتبع

الاعزاء الزملاء ساطور وسمندلاوي
ماقصرتو تب
مايا المقدره شكرا لذوقك العالي

العزيز يوسف
المشكله عندنا فى السودان عدم وجود تربيه موسيقيه منذ الصغر،يعنى لو فى حصص بتاعة موسيقى ولو مره فى الشهر فى مدارسنا ماكانوا الجماعة اياهم بشتغلو بى تكديس الفحم والعيش وبيعها فى السوق السوداء
مش حرام انو مايكون فى السودان بلد المليون ميل مربع محلات لبيع الادوات الموسيقيه؟

تصور يابشري زمان الدنيا كانت بي خيرها
وكان عندنا كشك في امدرمان ببيع
وكان عندنا في السوق الافرنجي محلات غريب الله
وكان في الديم محلات التومه لصناعة الاعواد
هسع الناس الرأسماليين ديل اليتلحلحو شويه
ماضروري زي ناس استرهازي لكن هلي الاقل يعملوا حاجه نافعه ولو مره واحده

الاخ الاستاذ الموصلي التهنئة بالعيد اولا وموضوع رعاية المبدعين من قبل بعض الرأسمالية الواعية وهم قلة تكون مجدية ومفيدة لو تم الدعم من خلال دعم اتحاد الفنانين بالالات الموسيقية وانشاء استديوهات تسجيل بالدار وصالات مجهزة للبروفات وانشاء مستشفى حاص للفنانين وشركة تأمين وتسهيلات للمشاركة في المهرجانات الداخلية والخارجية واشياء كثيرة اخرى

عزيزي الفاتح مقترحاتك قمه في المنطقية بس مين يقول
البغله في الابريق
كل سنه وانت طيب انت والاسره

واموسيقاه

أستاذى الجميل موصلى
لك حبى وسلامى وأجمل الامانى وكل عام وانت والاسرة بخير ومن عواده باذن الله
استاذى الحبيب مأ أجملك وانت تحمل هم الفن والوطن ..
كنا فى موقع سابق من هذا البورد تحدثنا عن رأس المال الجبان فى السودان وعن نظرة من يمتلكه للفن ..
الان نسمع عن رجلين أعمال بالسودان ربنا أنعم عليهم بالمال وهم محبين لأهل الفن ولكن يدفعون لمن يغنى كلماتهم والحانهم الشخصية وأحدهم أشترى عدد وافر من أوركسترا الاذاعة وأصبحت فرقته الخاصة والتى يدفع لها رواتب وحوافز بل ويشترى لهم البيوت لكى يبرفوا مع من يشترى لكى تغنى أعماله ووقع فى هذا المحظور كثير من كبار الفنانيين عمرا فى الوسط الفنى كماوأنصاف المواهب التى تعج بهم الساحة الان .. وللأسف لم يوظف هذا المال لتثبيت الجميل والاراتقاء به الى عوالم الرقى ..
نتطلع الان الى أمير لإمارة أهل الفن مثل استرهازى يفتح خزائن الدولة للرقى بالفن ورعاية المبدعين حتى تثمر جهودهم تطورا وابداعا..
لك حبى استاذى ولن نقنط من رحمة الله وننتظر يوما يولد فيه من رحم السودان الرحيم أسترهازى يحقق أحلامنا..
لك حبى وتقديرى أستاذى الجميل

خطاب يافنان يا ابن المعهد
استرهازي نفسه كان عازفا بارعا

الفرق في الحالتين
ان استرهازي
يعمل للقيمه الفنيه العامة ومن ذكرت
يعمل لنفسه
وهذه ايضا محموده
اي ان من قام بذلك فقد كفي بعض العازفين شر البلية
في بلادنا التي اضحي الاورغ سيد الموقف فيها
غايتو خليها علي الله ياعزيز
كل سنه وانت طيب انت وشجرتك الظليلة وثمارها

أستاذنا الموصلي
عندنا جدّاً لينا ما من الناس الكبارات ديل ولا حتى عندو غير عشمو في ربنا بداية الخريف وفرحة في وكت الدرت , ورادي ناشونال أب صرة
مرة فتح الرادي داير يسمع الأخبار صادف وردي بغني , وصادف مقطع قولا أحبك وفي المقطع ده صادف الجزء الآخير , يعني المدة بتاعة كلمة أحبك , قفل جدنا الرادي خريفين كان ما أخاف الكضب ,
قصدي من الكلام ده الفهم البشوفوا بيهو الناس الموسيقى والفن عموما , وهاك كم مسرح في السودان مؤهل يستقبل زوارو عز النهارية والسخانة تلحم , يعني معروش , إنشاء الله سعف , أو حتى صيوان إيجار بتاع كزام زي حفلات الحدايق زمان قبل ما يزيدوها شهر وكانت مايو .
وعندك في الخرتوم الكبيرة دي كلها أستاد واحد تامي وتاني نص تامي ونص منتظر الدعم وبنيان مخازن التمباك , و و و
الناس العندها قروش , أديها إستثمار في الدولار وتخزين الصلصة والكبريت ولو في طريقة يخزنوا تلج رمضان كان عملوها
سمعنا إنهم بقوا يبيعوا الموية في بلد شاقيها نيل نصين , عقبال يبيعوا شقا للمواطن غلبان ديمة ده .
نسيت مهرجان الخرتوم للموسيقى حصل عليهو شنو , وهسع ده مش مشروع ممكن يجيب دولار , وقت دايرين دولار ناس حسن ؟ حسن منو ؟
بيع
أبنوسي

نعم

ماصرفتو راجع الضرايب ولا مالكم يا موصلى....؟

تماضر نحن صرفنا النظر عن الصرف لانو من زمان مافيش
وانتي كيف
كل سنه وانتي طيبه

اااي نعم ياشفيف
وربنا ينعم عليك بما يقدرك
علي تنفيذ اعمالك الحلوة علي اكمل وجهه
آمين ياب

العزيز تبلدي
علي سردك الواقعي ده
اذن احسن نشوف لينا شجرة تبلدي
نشيل الزمباره ونسكت نضرب

العزيز موصلي
يبدو أنك نجحت في تفتيق الجروح أكثر مما الححت في التسأؤل والرجاء بميلاد استرهازي سوداني يحمل عناء الارتقاء بالفن عموما والموسيقى على وجه الخصوص00 ولكن دعني اطرح حملي من الاسى قليلاً بغية تخفيف العبء ولأبدأ بهذه الحكاية ذات الصلة: لعلك تذكر وبعض الاخوة بالبورد تلك الدعوة التي اطلقتها(الموصلي) في مد يد العون لمشروعكم المتجاوز (مدرسة الموصلي للموسيقى) والتي تعنى بتربية جيل موسييقي سوداني من أبناء الشتات، وقتها تم الاتفاق على الحد الادنى من الاسهام أن يكون 25 دولاراً لمن استطاع ذلك سبيلا0 لحظتها لا تتخيل مدى سعادتي بالمشروع حتى أنني وطنت النفس على بذل جهد تكون نتيجته مفاجأة سعيدة لك ولكل من يحمل معك هم المشروع0 واضمرت الفكرة وضنيت بها عليك حتى اللحظة من باب المفاجأة0 وكانت خططتي تعتمد أن ابشر بالفكرة بين سودانيي مبلورن والعمل على جمع أكبر قدر مما تيسر من المال لدعم هذا المشروع الطموح وكان مبلغ ظني أن الظروف الآن تغيرت نحو الافضل اقتصاديا الى حد ما ويمكن الآن الارتقاء بالاهتمامات بعد أن تجاوزنا الحاجات الاولية0 للانسان وبالفعل شرعت في تنفيذ خطتي بالاتصالات والملاحقة لكل من اصادفه من السودانيين وكلي أمل في النجاح والمراهنة على أن الناس الآن لم يعد الفن لديهم ترفا أو تزجية وقت بقدر ما أنه ضرورة ملحة والاسهام فيه لا يقل عن الاسهام بأي عمل حيوي آخر يسترعي الاهتمام0 النهاية المحبطة لهذاالحلم الطموح هو جزء من الرد على تساؤلك أو الحقيقة موضوعك الحيوي0 فحتى اللحظة لا املك سوى حصتي المتواضعة من المبلغ المتفق عليه (25 دولار) مع كثير من التجاهل أو الوعود الجميلة في افضل الاحوال وبي من الخجل والحزن ما يمنعني من ارساله بهذه الطريقة ، لأن ارساله هو نهاية الأمل أو الاذعان للهزيمة وبالتالي موت الحلم0

عودة للموضوع، ارى كما اشار الاخ تبلدينا أن الاشكال هو اشكال مجتمع كامل لا تحتل الفنون موقعاً مريحا في بنية وعيه، بل الاصح أن الثقافة السائدة تعزز من تعميق دونية الفنون في بنية اللا وعي ولا تنسى تلك المراوحة بين حرمة الفن وتحليله وما تفرزه من قهر سايكولوجي يرمي بظلاله على الاجيال عبر الزمان والمكان0
فاسترهازي هو ابن مجتمعه ولم ينشا هكذا من فراغ بل هو نتاج طبيعي وفق شروط الحضارة التي أنتجته والتي يمثل الفن احدى روافدها المهمة في تجذير وعي الفنان والارتقاء به0 أما النماذج عندنا فهي تأتي بشكل جزافي لا يتفق مع معطيات ثقافة المجتمع المتخلفة ولذلك سرعان ما تتلاشى كظواهر لا تملك أدوات رسوخها0 ولكن يبقى الثابت هو تلك النظرة المتخلفة اتجاه الفن والتي تغذيها دوما تلك المفاهيم الروحية القادمة من الأزمنة القروسطية0 وها نحن في هذا الزمان الغاشم فرض علينا التاريخ أن نكون شهود عيان لاسواء مذبحة تعرض لها الفن والفنانين وهي للمفارقة الفترة التي سوف يعرفها التاريخ لاحقا بفترة "دولة المشروع الحضاري" !!0
أعلم جيدا كم انت مهموم بوطن يحتل فيه الابداع والمبدعون حيزا عظيما من اهتمام دولته ومواطنه على السواء، ولا شك أن الطريق لا تلوح له في الافق "على الاقل حالياً" بوادر انفراج ولكن يتبقى لجهودكم الحثيثة وحفركم الصخر ذلك الطعم الذي يتذوقه التاريخ جيدا ويظل يحفظ نكهته طازجة في اضابير الخلود0

ودمتم
عبد الخالق السر

نحن في السودان عندنا استرهازيات كتاااااار
ود الجبل استرهازي
صلاح ادريس استرهازي
الخ .. الخ
بس هم مشغولين شوية
لكن قطع شك كان بفهمو الكلام دة ماكانو بتاخرو

الموصلى..المره دى جيتك جاده..

فى GRANTS
كتيره جدا فى امريكا وفى الانترنيت عشان الموسيقيين والمبدعين يتفرغوا لاعمالهم..

انا بفتش ولمن ارسى..بوريك..

والشكوى لغير الله مذله..

الاحبه عطبراوي خدوري العريس
وتماضر
بجيكم بعدين ليكم شكري

تماضر بت شيخ الدين الايام دي شايف دعواتك تقيله
وناجعه
بعدما تلقيه وتدينا معلوماتك القيمه
اكشحيهم بي فاتحه
بالله

خدوري العريس
كدي انكت لينا زياده من الجماعه ديل
اصلو العرس وزنقتو بتصحي الذاكره

شكرا ياعطبراوي علي المساهمة (الماكنه)
وايضا مشروعي لتسجيل سي دي لاعمال وطنيه طرشق
وقدابدي الرغبةفي التبرع من الكرام فوق الاربعين شخص
وتبرع بالفعل منهم اريعه فقط
ولكني عذرهم معاهم فالناس ظروف
ولكن سوف ننحت الصخر علنا نجد فيه زهرا يانعا

الحاضر يكلم الغايب

وين الحديقه يابتنا

هاك اها ..امرك مقضى..باذن الله

http://www.mingomedia.com/music.edu/pastgrants.html

داك فى المدارس..هاك ده للناس المحترفين

http://www.gimpsy.com/dir/Find/professional/artist/?PHP...se=GRANTS&country=-1

يـوسـف،
الســـودانيون فى العقــود الأخيــرة بقت ما عنـدهـم أى قروش..
والشــايفهم عنـدهـم قـروش ديل ما حقتـهــم.. وإنت عارف الحـرامى يصــرف القروش كيف.. أخــر حاجــة يفكــر فيهـا دعـم الفنــون!
زمـان لما الناس كانت عنـدهـا قروش بحق، تتذكــر كان مستوى الفن كيف.

خلاص ياعزيزي ابو الريش قنعنا منهم تب
وحنشوف اولاد جون الجابتهم لينا تماضر وأكيد ما حيقصروا
تسلم

تماضر
يالك من حديقة غناء
شكرا لك
سأستنزفهم الي درجة استمتاع شعبنا
بالضياء الفني السوداني
في فضاء العالم

Sudanese Music Abroad, an article by Amir Ibrahim

http://azzaorg.org is a technical Cyber Community run by Engineer Amir Ibrahim. The article above is from his website

العزيز
Sudnawi
شكرا علي تنبيهي للمقال
ويستحق الاشاده عليه
لك الود

الفنان الجد جد موصلى . سعدت كثيرا بما كتبت وحزنت معك . ما يحدث لنا من ترهل وانهماك فى السخافات شى لا يمكن تبريره او غفرانه انما فى السياق العام للحياة وطبيعتها المتعالية على كل ما هو اصيل وحقيقى فان المشلكة مفهومة . الموضوع ليس موضوع اهتمام بالموسيقى فقط القصة اكبر لان الذائقة بكاملها مشوهة ومرهقة جراء الامراض الاجتماعية والاقتصادية ومشاكل الحجر على الشعور وملامسة الجمال باشكاله الكثيرة ما دق منه وما ظهر . المشكلة فى الضلام يا موصلى فى العتمة التى تحجب عن قلوبنا مغانى الموسيقى وجروح الكمنجات الدامية . لم اتمكن من سماع ما تفضلت به على البورد .هناك مشكلة لا ادرى اين . لكنى مولعة بالكلاسيك عموما وبالاخض موتسارت فى symphony no 4 violin. عموما شكرا وارجو ان يجد ندائك صداه بشكل عملى

ياللمصادفة العجيبه
لم اطلع علي بوستك هذا
ولكنني قرأت قصيدتك في البوست
خاصتك وقد اندهشت
وهاهي مساهمتك في هذا البوست
مع حديثك عن موتسارت تنم عن
ذوق رفيع واعدك بهذه السيمفونيه
مع التحليل في البوست القادم

علي فكره واضح انك محتاجه الي ريل ون بلير
وهاك ممكن تنزليهو مجانا لمدة 14 يوم
او بسعر خفيف علي طول الخط
http://www.real.com/player/