Post: #1
Title: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-25-2005, 01:35 PM
لاول مرة اوجد علي الانترنت الفنان حمد الريح في موقع سودانيزاون لاين دت اورق , ياناس ممكن يكون الكلام ده صح. امشو شوفو الحاصل شنو
|
Post: #2
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-25-2005, 01:48 PM
Parent: #1
الموصلي ممكن الكلام ده يكون صاح
|
Post: #3
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-25-2005, 02:47 PM
Parent: #2
ياسيف الكلام ده صاح والاخت ساره منصور مجتهده جدا وزوجها عاصم وربنا يوفقهم
في خطواتهم كلها واعتقد ان التركيز علي الجديه والطرح الجميل
سيجنبهم الم شر المزالق ويجعلهما من المساهمين في مسيرة تقدم الوطن
لك الشكر وانا متابع جهودهم
|
Post: #4
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-25-2005, 03:27 PM
Parent: #3
الاخ الموصلي صدقني كنت فاكر الكلام لعب, لكن وجدت الراجل والتلفون الجوال والبيت,
طيب نحن هنا بنتشاكل ليش , مفروض نقدم شي جميل وخاصة انو البورد بضم نخبة كويسة من البشر
|
Post: #5
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-25-2005, 03:50 PM
Parent: #4
اها ياسيف يلا نبدا من جديد
الخاين الله يخونو
|
Post: #6
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-25-2005, 06:28 PM
Parent: #5
والي الذين يدعون حماية الدين زورا وبهتانا
نذكرهم بمايقوله العلي القدير في كتابه الكريم
| Quote: انا نحن نزلنا الذكر و انا له لحافظون |
|
Post: #7
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-26-2005, 02:29 AM
Parent: #6
الموصلي
ناس الجبهه هوسوا الناس كل زول عايز يجي بالدين, لكن ما تقول لي انت حافظ لي البورد
اها بقيت شيخ الموصلي
لم اتوقع سارة منصور التي تتحدث عن الاسلام تجيب فنان في البورد , حسب معرفتي لها من هنا هي ايضا من ناس الظلام . لفيت المنابر كلها وجدت الصالح والطالح ,بس يختلف منبرها شويه بي الفنانين بادي الامر كنت حاسب الشغلة دعايه وتلفيق ذي اسم رودا عندنا هنا .
|
Post: #8
Title: Re: ياناس هوي ممكن يكون ده صاح الفنان حمد الريح اون لاين
Author: A.Razek Althalib
Date: 01-26-2005, 03:08 AM
Parent: #7
saif massad ali
| Quote: كنت حاسب الشغلة دعايه وتلفيق ذي اسم رودا عندنا هنا . |
ود مساعد... تقصد طاحونة هواء.....
ونفخ في قربة مقدودة...
أنا قلت أجي أشوف صديقي الرائع الفنان حمد الريح....
على الهواء مباشرة في www.sudaneseonline.com
عشان نمرق الإحباط الأنحنا فيهو ده...
بس لقيتك يا ود المساعد إنت ذاتك ما هين...
قال رودا IP قال.
للفنان الرائع أستاذنا الموصلي.... خالص الأمنيات.
كده أعمل معاهو روبرتاج عن جديدو شنو في اليومين الجايات ديل بعد قبايل العيد...
خالص الأمنيات لك وللجميع...
|
Post: #12
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 08:32 AM
Parent: #8
الصديق الاستاذ عبد الرازق
برغم اختلافي معك في بعض القضايا
الا انني اتابع كتاباتك باهتمام لان لغتك في الكتابة متقنه وانا اتعلم منها
بعدين الناس هنا بقت تفسر الاختلاف الفكري او السياسي بالعداوة
الله يجنبنا شرورها
انا اشكر علي اقتراح الربورتاج
لكني ماشايفك ماشي بي نظرية (زامر الحي اياها)
طبعا اكتر زول شارك هناا اخوك الموصلي قريب ال
12000
بوست
|
Post: #26
Title: Re: ياناس هوي ممكن يكون ده صاح الفنان حمد الريح اون لاين
Author: A.Razek Althalib
Date: 01-27-2005, 02:00 AM
Parent: #12
أستاذنا الرائع الموصلي...
| Quote: بعدين الناس هنا بقت تفسر الاختلاف الفكري او السياسي بالعداوة |
خلاف الرأي لا يفسد للود قضية...
لو بتتذكر حفلة إستقبال الطلاب الجدد في المنصورة بمصر....
وحكاية الفنانة حنان النيل مع فرقة عقد الجلاد....
لمن الظلاميين أفتو بتحريم صوت المرأة...
بس الزمن طال .... والعيب ما عليك... على الحال الأنحن فيهو...
وزمان يا أخوي الموصلي.... الناس قالت...
هل يصلح العطار ما أفسده الدهر....
| Quote: لكني ماشايفك ماشي بي نظرية (زامر الحي اياها) |
ديل عينة ناس بشاشا....
البشوفو زامر الحي ما يطرب...
على أنا أحب كل فن راقي... هادف... لبناء مجتمع متماسك....
وقوتنا في وحدتنا... والكلام الغير ده.... كان بقي فن ولا دانة أنا ما بعجبني...
أنا ماشي قبل ما يجي زولك بشاشا وينتن لينا أجواء.... الحوار الهادي..
خالص الأمنيات بالتوفيق....
|
Post: #28
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-27-2005, 09:44 AM
Parent: #26
عزيزي عبد الرازق
لا انسي ذلك
بس يبدو ان ذاكرتي اخير شويه منك
الحفل اساسا كنت انا فنانه ومعي اوركسترا السمندل
وطلبت حنان ان تاتي معي كضيفه وسعدت بذلك ايما سعاده
وعملتها ليهم مفاجأه لكن الجماعه ابو تب وقالو عنهم رايي انو صوت المراه عوره
اها الشمطه والعفار قامو
وانا اتزمت بالتعاقد معي لكن كنت مهروس منهم
ومن زول تاني خليهو في سرك هسع عشان العشره والملح والملاح
ربنا يدي شعبنا العزيمه ان يتقبل الراي والراي الاخر هذا الشعب الطيب المفتري عليه
البارحه اتصلت بي الاذاعة السودانيه
فقلت لهم السلام سمح بس اريت ساستنا يحافظو علي الاتفاقات وما ينطو منها
زي كل مره واريت الديموقراطيه تتحقق بمعناها السامي
ان شاء الله حيزيعوه انا حاسس بي كده
|
Post: #10
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 07:58 AM
Parent: #7
تعرف ياسيف نحن كلنا بشر وعندنا الاخطاء بس مابنتذكرها
لو بنتذكرها مابتجي عوجه
ساره هنا غلطت وغلطو عليها يعني (درون)
وهسع هي سايبه المشرف بتاع الموقع هناك الاخو سمير ابراهيم
المرات كتيره في النت العام والخاص (الايميلات) بخاطبني بمامعناهو
قاعد يقول الموصلي مادافع عن الاسلام والموصلي مادافع عن ناس فلان
والموصلي بدافع عن بكري الخ الخ والحمد لله انا بحتفظ بكل الرسائل من الناس البفتكر انهم اخوان واصدقاء
محبة وليس خوفا من الزمان الغابر وهذا زمانك يامهازل فامرحي
(اسوأ حاجه في الدنيا ان يتناقض الانسان مع نفسه)
عموما الغضب احيانا بعمي البصائر وانا مسامحو حتي تعود اليه بصيرته ويعرف يميز بين الصالح والطالح
وهذا لايمنع ان اقول قولة الحق وهو انهم يبذلون جهدا مقدرا وجميلا يستحق الاشادة في ذلك الموقع
|
Post: #11
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-26-2005, 08:20 AM
Parent: #10
الاخ الموصلي
تحية طيبة
تعرفت عليك في منزل محمد المعتصم حاكم في القاهرة بمصر الجديدة ومعي الاخ ادور لينو لو بتذكر ونحن في طريقنا الي كينيا, عرفت رجل غيور علي وطنك واولاد بلدك وتساعد كل انسان.
لا اعرف سر ما كتبه هذا الرجل, تاريخ انضمامي لهذا البورد شهر 8 سنة 2004 لا اعرف ما قبله
هل سارة منصور نفسها التي تم فصلها من هنا؟
لاني سوف اكتب الي هذا الرجل كلام عنيف اليوم , انت رجل تاج فوق رؤسنا , لك التحية من ابناء البلد عامه,لاينقص قدرك اذا كتب انسان له معك مشكلة عكس ما يروه بك الاخرين
انت الوصلي الذي قدم الكثير للاغنية السودانية
|
Post: #13
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 08:42 AM
Parent: #11
الاخ العزيز سيف
ساره منصور هي تلك التي اشرت اليها
وانا علاقتي معها وزوجها سمن علي عسل برغم كل شيئ
ودوما هي تاجا الي شخصي كاخ اكبر وانا سعيد بالتناصح معها وكثيرا ما استمعت الي نصائحي
فجنبتها شرور عداوات كثيره وهذا يحمد لها
ارجوك لا ترد علي سمير ابراهيم فهو قد فهم بنفسه حينما لم يهتم احد بالبوست السيئ الذي انزله عني
ان الناس هناك غير راضين بمايقول
للدين رب يحميه ياصديقي
Quote: والي الذين يدعون حماية الدين زورا وبهتانا
نذكرهم بمايقوله العلي القدير في كتابه الكريم
انا نحن نزلنا الذكر و انا له لحافظون |
والله ذكرتني بشخصيتين صديقتين
هما ادوارد لينو الانسان
ومحمد المعتصم حاكم
تسلم ياعزيزي
ماهو انا وانت مختلفين في بعض القضايا
شنو يعني القيامه قامت
وانا معاي اخواني من الام والابو مختلف معاهم اما فكريا او سياسيا
في اكتر من كده
|
Post: #15
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 09:48 AM
Parent: #13
شفت صاحبك حريف كيف
اها بعد البوست بتاعي الانا رديت عليهو ده
طوالي نزل بوست بي غادي
ده كلامي
Quote: ارجوك لا ترد علي سمير ابراهيم فهو قد فهم بنفسه حينما لم يهتم احد بالبوست السيئ الذي انزله عني
ان الناس هناك غير راضين بمايقول |
وده كلام البدون بعد عشره دقايق بي غادي
Quote: ارسل: الاربعاء يناير 26, 2005 3:38 pm موضوع الرسالة:
--------------------------------------------------------------------------------
سمير ابراهيم
اعتاد الكثير من الفنانين والممثلين علي التطبيل والاشادة
حتي ولو من باب & النفاق & لذا ستجد كلماتك هذه نارا
في جوف صاحبها وان كانت مجرد نقد & وشكرا |
|
Post: #16
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-26-2005, 10:17 AM
Parent: #15
قريت اخي الموصلي
ورديت ليهو
|
Post: #9
Title: Re: ياناس هوي ممكن يكون ده صاح الفنان حمد الريح اون لاين
Author: عمر الفاروق شيخ الدين
Date: 01-26-2005, 03:16 AM
Parent: #1
| Quote: كده أعمل معاهو روبرتاج |
الحقوا ابورزقة يا ناس قاعد يحضر الصبايا 
الاخ سيف :
الفكرة حلوووووووووووووووووة شدييييييييييييييد والله
ويااستاذنا الموصلي الخاين الله يخونو وياريت اول استضافة تكون ليك ..اها جاهز ؟؟؟ الو الو الو ..كل سنة وانت طيب
|
Post: #14
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 08:44 AM
Parent: #9
عمر الفاروق انا جاهز عدة وعتادا بس تعال
تسلم
|
Post: #17
Title: Re: ياناس هوي ممكن يكون ده صاح الفنان حمد الريح اون لاين
Author: عمر الفاروق شيخ الدين
Date: 01-26-2005, 10:27 AM
Parent: #1
الموسيقار الموصلي :
نحن جاهزين موية ونور ومتي ماقلتو تعالو بنجي بس عايزين نقطة الانطلاقة ومسكة الدرب وتاني تب ما بنفكو انشاء الله ..
نحن من المسجلين حديثا (بعد ده قدمنا خلاص) وممكن يكون في حاجات كتييرة انت اتناولتها عن شخصيتك الفنية ويمكن يكون في ناس بدرييي اتناولوها والواحد خايف من التكرار عشان كده راجين منك نقطة الانطلاقة ...
عموما انا في حاجات بي صراحة كده عندي استفسارات عنها بي خصوص التسجيلات الصوتية لبعض الفنانين اللذين قمت بتوزيع اشرطة الكاسيت لهم في شركة حصاد ..
والشئ الملاحظ في كثير من هذه التسجيلات ان الة (الايقاع) لا تظهر بشكلها المعروف والمعتادة عليه الاذن السودانية فتجده دائما يظهر كإيقاع الكتروني او يكون موجود ولكن بعييييد عن السمع .. والمعروف ان الاذن السودانية اذن محبة جدا لايقاع (البنقز ) و(الطبلة ) ..
دي رمية صغيرووووووووووونة كده والاسئلة كتيييييييييرة بس خت في بالك الكلام ده من هاوي شومتابع جدا للغنا السوداني ولكن غير متخصص ..
ليك الود ..
|
Post: #19
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-26-2005, 10:49 AM
Parent: #17
الاخوان الموصلي وعمر اها شغلوها موسيقي
|
Post: #20
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 11:31 AM
Parent: #17
عمر انت نازل بالتقيل
خليني بجيك بعدين بي رواقه
سيف قريت ردك المهذب وهذا هو المطلوب فلك الشكر
وناس ساره وعاصم ماقصروا بتكلمو معاي طوالي انا بجيهم
لاحقا
|
Post: #24
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 07:45 PM
Parent: #17
اتغق معك لان الايقاع في بعض الاعمال ظهر ضعيفا وهذا ليس سببه ان البنقز لم يكن موجودا
لقد كان موجودا ةلكن كان هنالك عيب في المكساج او خلط الاصوات
علما بان البنقز ليس اله سودانيه في الاصل
لذا فان استعمل القدامي الة البنقز كتجديد فمن باب اولي ان نستعمل الدرمز كتجديد
لك الف شكر
|
Post: #18
Title: Re: ياناس هوي ممكن يكون ده صاح الفنان حمد الريح اون لاين
Author: adil rahman
Date: 01-26-2005, 10:46 AM
Parent: #1
الأخ سيف مساعد
سانو
متابع لما يكتبه قلمك وتعجبني طريقتك في الرد بالمختصر المفيد، وجدت هذا البوست فرصة طيبة للتحية والسلام ، وكل عام وأنتم بخير
عادل عبدالرحمن
|
Post: #21
Title: Re: ياناس هوي ممكن يكون ده صاح الفنان حمد الريح اون لاين
Author: خضر عطا المنان
Date: 01-26-2005, 11:33 AM
Parent: #18
صديقي العزيز : سيف ود عوج الدرب
نعم أنه هو صديقي وحبيبي أبن توتي الفيحاء حمد الريح ..
ولو ساورك ادنى شك فماعليك الا الاتصال به فرقم هاتف منزله
هناك في sudaneseonline.org بجانب رده شخصيا على سائليه .
فالرجل ربطتني به صلة صداقة قديمة وود قوي تتجدد في كل مرة
كان يحل فيها ضيفا على تلك البلاد التي عملت فيها لسنوات
(اليمن والسعودية والامارات ) قبل مجيئ الى هذا البلد الصقيع !!!!..
ولي معه سلسلة مقابلات صحفية مطولة عن هموم الفن والفنان
في وطننا الحبيب.. كما أن الفضل يعود اليه في تعرفي على الملحن
المبدع ( التائه ) ناجي القدسي ( الساقية) وكذلك توأم روحه الذي راح
ضحية الهوس الديني المجنون المبدع البشوش : خوجلي عثمان .. رحمه الله .
أما بخصوص ورود اسم أختنا العزيزة : سارة ومنصور وزوجها صديقي العزيز
أيضاعاصم مهدي فهما يقومان ـ كما قال زمهريرنا في دفء المنافي
الفنان الموصلي ـ حاليا بجهد عظيم أستطاعا من خلاله بناء دار أنيق
أضحى ملاذا هو الآخر لكثير من أخوتي واخواتي في الشتات .. أنه عمل يستحقان
عليه كل الشكر التقدير دون شك .. وفي هذاالسياق ايضا لا يفوتني أن أنحني
لأخي وصديقي الحبوب الموصلي ولتلك الروح السامية السمحة الخالية من العقد
وتوابعها التي يعالج بها ما تصادفه من مشكلات كثيرا ما يجلبه له كونه أحد
مبدعي بلادي وشمسها التي لا تغيب في وهاد الشتات .. فالكبير يظل كبيرا حتى لو
تكالبت عليه كل نوائب الزمان ومصائبه!!!!!!!.
فالتحيةلك اخي سيف ولاخواني الأحباء : سارة وعاصم وسمير ابراهيم
والانحناءة لك يا موصلي .
خضرعطاالمنان
|
Post: #23
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-26-2005, 12:03 PM
Parent: #21
الزول النقي الصافي
اقول شنو عاد انت ياكا انت
|
Post: #22
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-26-2005, 11:45 AM
Parent: #18
الاخ عادل عبد الرحمن
سانو
الف شكرا ليك ياالحبيب مفروض ارد ليك من بدري لكن البوست داك راح علينا, ورودا شغلتنا ولكن حقك علي .تحياتي لافراد الاسرة الكريمة
|
Post: #25
Title: Re: ياناس هوي ممكن يكون ده صاح الفنان حمد الريح اون لاين
Author: عمر الفاروق شيخ الدين
Date: 01-27-2005, 00:59 AM
Parent: #1
الموسيقار الموصلي :
شكرا للرد ولكن اعتقد انه وعلي حسب قولك ادخال الدرمز في الغتاء السوداني نوع من التجديد ولكن المستمع لصوت الدرمز وطريقة عزفه عند السودانيين لا تشبه تلك الطريقة التي تعود عليها الناس خصوصا في شغل (الريقي) و (الراب) ..وكما هو معلوم فان الفنان الاسطورة بوب مارلي تكاد كل اعماله الريقي ان تكون قريبة من الالحان السودانية( من وجهة نظري) ولكن نجد طريقة العزف والايقاع مختلفة تمام عن تلك الموجودة في الكاسيت عندنا ..
كنت صغيرا بعض الشئ عندما اصدرت البومك الغنائي (الهجروك علي) واذكر حينها انه كانت هناك دعاية علي التلفزيون وكان ذلك ايام (معرض الخرطوم الدولي) اعجبت جدا بهذا الشريط وبطريقة التوزيع ووضوح الالات في وقت كانت هناك نمطية في التسجيل واذكر انني (اتعبطت ) و(اتشبكت ) في ناس البيت اللللللللللللللللللا تشترو لي الشريط ده واذكر انهم خيروني حينها بين الشريط أو طاقية المعرض والكورة والتي كنت كل عام اشتريها فوافقت علي العرض واخترت الشريط (طالبك طاقية وكورة)...
الان الاحظ اختلاف في التوزيع واستخدام الالات في اشرطتك الحديثة ربما التجديد كان مهما ولكن الا تعتقد معي ان تسجيل ذلك الشريط كان طفرة طفرة طفرة (بكتب ليك رسالة طوييييييييييييييييييييلة يا امي ) ...
راجيك ...
|
Post: #27
Title: Re: ياناس هوي ممكن يكون ده صاح الفنان حمد الريح اون لاين
Author: saif massad ali
Date: 01-27-2005, 02:48 AM
Parent: #25
الموصلي علي الصفيح الساخن
|
Post: #29
Title: Re: ياناس هوي ممكن يكون ده صاح الفنان حمد الريح اون لاين
Author: Elmosley
Date: 01-27-2005, 09:49 AM
Parent: #25
عمر بتفق معاك تب انو شوق الهوي فقري جدا وكان بمزاج وكان براهو
واتفق معاك بان الاشرطه التاليه مع بعض الاستثناءات شابها بعض العيوب في اظهار الايقاعات التي كانت اصلا مسجله
استني شويه واسمع الجديد الجاي العملتو لي للبلابل وعمر بانقا والسقيد الحبوب ابوعركي ولي روحي كمان
ارسل ليك كل الطواقي والكور الممكنه انت زول حلو بالله قرط علي كده
كدي نشوف تاني
|
Post: #30
Title: Re: ياناس هوي ممكن يكون ده صاح الفنان حمد الريح اون لاين
Author: عمر الفاروق شيخ الدين
Date: 01-28-2005, 11:21 PM
Parent: #29
الموسيقار الموصلي :
شكراً للمتابعة وراجي كورك بس بالله تكون اصلية يعني ما تجيب لي الكوور البتتقشر ديك ..
فجرت لي مفاجأة من العيار الثقيل بخصوص الفنان صاحب الصوت العجييييييييييييب جدا والانا بفتكر انو كان حاصر صوتو مع الفرقة العملاقة جدا عقد الجلاد الفنان عمر بانقا صاحب الصوت العجييييييييييييييييييييييييييييب وده البقدر اقولوا عن صوتو ...
وفي انتظار الكاسيت للبلابل وعركي وشخصك انشاء الله ..
تخريمة جديدة :
الة اخري استاذ الموصلي لا تجد سبيلها في الظهور وتستخدم كايقاع فقط بالرغم من ان العالم من حولنا والجوار تحديدا يتعاملون معها بصورة ملفتة وهي الة " البيز" ..لا ادري دائما هذه الالة عندنا في السودان وفي شرايط الكاسيت تحديدا لا تسمعها الا ان تسترق السمع لها استراقا ..لا تجد حظها في الظهور مع باقي الالات في التسجيل والاحظ ان الاخوة الاثيوبين في كثير من الكاسيت انهم يستخدمونها بصورة جميييييييييلة جدا وليس كدور الكمبارس " تمسك زمن " والسلام ..الة البيز الة راقية واذا توقفت تحس اذنك ان هناك شيئ ناقص ....
ولي عودة لو نفسك طويل ...
|
|