Post: #1
Title: متى دمعـت عيـناك آخـر مـرة ؟؟
Author: Elkhawad
Date: 06-23-2002, 09:10 PM
Parent: #0
احبابنا
الحياة رحلة سفر .. وموانئها محطات نقف فيها لحظات منها ما يفرحنا ومنها ما
نحمله من حزن ووجوه نلتقي بها .. منها ما نتجنبه ومنها ما يألف القلب ..
ولحظات نذرف بها الدمع ولكن من اللحظة هذه نقف حائرين نتساءل معاً ...
متى دمعت عيناك آخر مرة؟.
|
Post: #2
Title: Re: متى دمعـت عيـناك آخـر مـرة ؟؟
Author: تــاجوج
Date: 06-23-2002, 09:17 PM
Parent: #1
والله يا خواض دي الحاجة الوحيدة الما بفلس منها رغم انك لو سالته اي زول من الاهل حيقولوا ليك قبل سنتين لانه اكره انه زول يشوف دموعي رغم انها كتيرة ومتوفرة دائما......لكن الدموع انواع....ونفسي فعلا اجرب دموع الفرح لو في حاجة بي النوع ده..... بالنسبة لي متين اخر مرة,رغم انه السؤال تعسفي لكن قبل شوية دي يعني قبل نص ساعة كده........
ودمتم
|
Post: #3
Title: Re: متى دمعـت عيـناك آخـر مـرة ؟؟
Author: KOSTA
Date: 06-23-2002, 09:18 PM
Parent: #1
ابن العم الخواض
سلام
يارجل دموع الرجال عزيزة و غالية
و لكن بينى و بينك كده فى الغربة الئيمة هذه و للضغوط التى تنيخ الجبال الرواسى .. نحتاج للبكاء بحرقة كمان حتى نزيل الاحزان
صدقنى هذه الدموع تغسل الكثير من درن النفس و من مخاض اللحظات الجذلى ....
اتراه عصى الدمع ذاك الذى فى خاطرنا ؟؟؟
|
Post: #4
Title: Re: متى دمعـت عيـناك آخـر مـرة ؟؟
Author: Elkhawad
Date: 06-23-2002, 09:27 PM
العزيزه تاجوج
ربنا يدينا دموع الفرح
ولو عرفت يدربا عليك الله وصفي لي
العزيز كوستا
دموعنا قاسيه
لاكن بتجي دائما صادقه وفي زمنا
شكرا ليكم
ونسمع البقيه
|
Post: #7
Title: Re: متى دمعـت عيـناك آخـر مـرة ؟؟
Author: Wad Aljaili
Date: 06-23-2002, 09:35 PM
يا عزيزي لا دمعت عيناك
بل قل ضحكت شفتاك
بالاهات والونات
غابت البسمات
تاهت في دنيا الحسرات
فقدنا الضحكات المدويات ذات الرنات
الضحكات ذوات العبرات الصافيات
فقدنا بسمات المسرات وإن جاءت
تراه صفروات لا تحمل غير غابات
ملائها الشوك بالذكريات
قد اخذتني عند بعيدا
كان ضاحكا باسما مرحا
وامسى بائسا يابسا حسرا
لا يدري اين صابحا ماسينا شاردا
|
Post: #10
Title: Re: متى دمعـت عيـناك آخـر مـرة ؟؟
Author: Elkhawad
Date: 06-23-2002, 09:39 PM
Parent: #7
حبيبنا ود الجيلي
ما هم مترادفات
ولا رايك شنو
|
Post: #11
Title: Re: متى دمعـت عيـناك آخـر مـرة ؟؟
Author: Wad Aljaili
Date: 06-23-2002, 09:41 PM
Parent: #10
متردفات
غائبات
حاضرات
|
Post: #12
Title: Re: متى دمعـت عيـناك آخـر مـرة ؟؟
Author: Elkhawad
Date: 06-23-2002, 09:50 PM
Parent: #11
الدموع ام الابتسامات
|
Post: #13
Title: Re: متى دمعـت عيـناك آخـر مـرة ؟؟
Author: Wad Aljaili
Date: 06-23-2002, 09:53 PM
Parent: #12
يا جنا ما جابت الدم
|
Post: #50
Title: Re: متى دمعـت عيـناك آخـر مـرة ؟؟
Author: jini
Date: 01-16-2003, 03:09 PM
آخر مرة أسمعنا مرة
Jini
|
Post: #5
Title: Re: متى دمعـت عيـناك آخـر مـرة ؟؟
Author: zahjana
Date: 06-23-2002, 09:30 PM
Parent: #1
اخي الخواض،آخر دموع لي قبل سنه في وفاة والدتي.
وحسي اثناء الرد علي هذا البوست.
|
Post: #6
Title: Re: متى دمعـت عيـناك آخـر مـرة ؟؟
Author: Elkhawad
Date: 06-23-2002, 09:32 PM
Parent: #5
اختي زهجانه
للوالده الف رحمه وربنا يديك الصبر
لاكن هسه الببكيك شنو
|
Post: #8
Title: Re: متى دمعـت عيـناك آخـر مـرة ؟؟
Author: zahjana
Date: 06-23-2002, 09:36 PM
Parent: #1
اخي الخواض،بكيتني انت الله بعلم ،بسؤالك عن الدموع.
|
Post: #9
Title: Re: متى دمعـت عيـناك آخـر مـرة ؟؟
Author: Elkhawad
Date: 06-23-2002, 09:38 PM
Parent: #8
يعني ما براي .... لقيت لي زول يجاملني
ولو في الدموع
|
Post: #14
Title: Re: متى دمعـت عيـناك آخـر مـرة ؟؟
Author: du3ash
Date: 06-23-2002, 10:10 PM
Parent: #1
اخر مرة قبل شهر كده
اختلفت مع اخي الاصغر في موضوع مادي
........البكاني انو عمرنا ما اختلفناحتى واحنا اطفال
|
Post: #15
Title: Re: متى دمعـت عيـناك آخـر مـرة ؟؟
Author: rummana
Date: 06-23-2002, 10:57 PM
Parent: #14
الخواض
عيناي تدمعان يوميا
لأن دموعي تنزل لكل شيء للفرح ..الحزن ..للألم
you name it..
الدموع غسول الروح
وللبعض أصدق تعبير
|
Post: #16
Title: Re: متى دمعـت عيـناك آخـر مـرة ؟؟
Author: حلم الأماسي
Date: 06-24-2002, 00:31 AM
Parent: #15
تحياتي اخي الخواض
والله انا الليله بالذات كبيت جنس دمووووع في الدنيا دي لكن لما شفت البوست ده استغفرت وصبرت قلت انا ما برااااي .... وعلى قول اختنا رمانه الدموع ممكن تنزل لكل شي سواء فرح او حزن.... وربنا يكفينا شر الدموع في الحزن
وراء البسمـــــات ...كتمت دمــــوع
|
Post: #17
Title: Re: متى دمعـت عيـناك آخـر مـرة ؟؟
Author: Pearl
Date: 06-24-2002, 00:53 AM
Parent: #16
mmm ana babki besor3a shadeeda y3ni
dmoo3i 3la khadi daymn..
awal mobari7 konta zahajana shadeed
fa konta babki oo kida..laken jad bakeet
gabl isboo3in youm al graduation..
kan youm al bika..gaitoo al sowar 6al3at 7alata
7ala...
|
Post: #18
Title: Re: متى دمعـت عيـناك آخـر مـرة ؟؟
Author: Elkhawad
Date: 06-24-2002, 08:42 PM
Parent: #17
اختي دعاش ربنا لا يجيب الاختلاف
وانشاء الله الجايات دموع فرح ساااااي
رمانه الفريق
هي لاكن ما كمانا
واتهرينا من كتره الغسيل
لووووووول
تسلمي
حلم الاماسي
شفتي الابتسامه البتطلع من خلف الدموع
دي هي زاته المطلوبه
لاكن ما تكتريها
تسلمي ياستي
Pearl
يعني يااختي
شغاله غسيل الروح ذي ما قالت رمانه
والف الف مبروك علي التخريخ
شباب انا عارف دموع الرجال قاسيه لاكن ورونا برضو
وفضفضو شويه
|
Post: #19
Title: re:
Author: غدى
Date: 06-24-2002, 09:46 PM
Parent: #1
تحياتى الخواض
اخر مره بكيت فيها قبل شويه لما قريت قصه
beckham
القصه التى ابكت العالم
تحياتى غدى
|
Post: #20
Title: Re: re:
Author: kov_123
Date: 06-25-2002, 05:36 AM
Parent: #19
آخر مرة قبل سنتين
وبعدها لم تدمع عيني دمعا مرا مثلها.
|
Post: #21
Title: Re: re:
Author: Al-Masafaa
Date: 06-25-2002, 07:09 AM
Parent: #20
وراء البسمات كتمت دموع و بكيت من غير تحس بي
|
Post: #22
Title: Re: متى دمعـت عيـناك آخـر مـرة ؟؟
Author: noha_g
Date: 06-25-2002, 10:34 AM
Parent: #1
ربما ذكر البكاء و الدموع يبكيني و أنا التي ما كانت تدمع عينان إلا في الشديد القوي و لكن عندما رحلت وحيدة من دار أهلي إلى غربتي و و جدتني حبيسة جدران منزلي و ذكرت أحبتي والدي ، أخزاتي و أخي و كيف كنا نتسامر و ينتقد كل منا الآخر و لحظات صفائنا التي ما فتأت تطل علي و أنا أكابد من الغربة و الوحشة و الوحدة ما أكابد و ليت لي قلبا كتلك الصخرة الصماء إذا لما بكيت و لكن الدموع تجري كلما عانق صوت الفنان وردي برائعته الطير المهاجر مسامعي و أجدني و دونما سابق اصرار و ترصد أذرف الدمعات الحرى على من خلفتهم في دياري
و يا أحبتي لكم مني التحية و أدام الله لكم جمعكم و أتم عليكم الصحة و العافية أينما حللتم
|
Post: #23
Title: Re: متى دمعـت عيـناك آخـر مـرة ؟؟
Author: shogon
Date: 06-25-2002, 10:50 AM
Parent: #22
كان لك ان تسالي متى ابتسمنا اخر مره ؟
اني ارى انا في زمن ضاعت فيه البسمه
زمن نبحث فيه كثيرا عن ظل بسمه نتفيا فيه
من لسعات سياط مواقف الحزن التي نمر بها كل يوم
لا بل كل لحظه ،،،،،، فليس شرط ان تدمع اعيننا لنعرف بان الحزن
....موجود
تحياتي
|
Post: #24
Title: Re: متى دمعـت عيـناك آخـر مـرة ؟؟
Author: shogon
Date: 06-25-2002, 10:52 AM
Parent: #22
كان لك ان تسال متى ابتسمنا اخر مره ؟
اني ارى انا في زمن ضاعت فيه البسمه
زمن نبحث فيه كثيرا عن ظل بسمه نتفيا فيه
من لسعات سياط مواقف الحزن التي نمر بها كل يوم
لا بل كل لحظه ،،،،،، فليس شرط ان تدمع اعيننا لنعرف بان الحزن
....موجود
تحياتي
|
Post: #25
Title: Re: متى دمعـت عيـناك آخـر مـرة ؟؟
Author: malaz
Date: 06-25-2002, 09:22 PM
Parent: #1
|
Post: #27
Title: Re: متى دمعـت عيـناك آخـر مـرة ؟؟
Author: bitalneel
Date: 06-25-2002, 10:25 PM
Parent: #25
اخوتي لكم جميعكم التحية
الخواض تساؤلك عن متي ذرفنا الدموع اخر مرة
ذكرني بما كان يقال لنا ونحن صغار ..وتحديدا للأولاد
يا ود بتبكي مالك ذي البنات .. يعني البنات مسموح
يبكوا أما الأولاد المساكين فلا وحقيقي فعلا مساكين ......أن
تبكي وتمتلك القدرة علي ذرف الدموع فذلك نعمة واي نعمة
اي كان الدافع أوالمسبب لهذا البكاء..قد تبكي من جراء
الم تحسه ، اذن فسيخف المك فانشغالك بذرف الدموع يخفف من وقع
هذا الألم..قد تبكي متأثرا بموقف تراه امامك ستخفف هذه الدموع اذن
من هول ما رأيت ..وقد وقد ..وقد تبكي ايضا من شدة الفرح ومن
عظم السرور والرضا وهنا ايضا الدموع مفيدة فهي تعمل علي معادلة
الاحساس الداخلي وكم التفاعل مع اللحظة وفوق هذا كله فهي امر
صحي جدا اذ انها تخلصنا من الاملاح الزائدة عن حاجة الجسم وعادة ما تجد
انك بعد انتهاء حالة البكاء وذرف الدموع تعود اكثر هدؤا وتشعر براحة داخلية
اعتقدت ولفترات طويلة انني ولأكون شخصا قويا فيجب الا ابكي
مؤخرا وجدت أنه كان جدا خاطئ هذا الاعتقاد..لذا فلا اتواني الان بأن اذرفها هذه الدموع لأنني بعدها أكون اكثر راحة .. اعتقد ان اخرها كان البارحة
|
Post: #26
Title: Re: متى دمعـت عيـناك آخـر مـرة ؟؟
Author: shagan_aleem
Date: 06-25-2002, 10:11 PM
Parent: #1
الأخ الغالى الخواض ربنا اخليك لتقليب مواجعنا ومآسينا
فى الحقيقة سؤالك واضح وصريح لكن والله أنا شخصيا مابقدر ارد عليو
تعرف ليه ؟ لأنو انا منتظر السؤال الآتى : متى جفت عيناك من الدموع
تلقانى برد عليك بالرد الاتى : ولا لحظة لأنو مافى شئ بفرح بعد كدة
لما نعانى منه سواء كان فى بلاد الوطن او فى بلاد المهجر واقل اسى الاقيه الانسان هو الغربة والأكبر مافى الغربة هو الدموع طبعا دموع اسى اكيد ومافى لحظة عينك بتدمع فرحا وأنا بعتذر ليك أخ خواض اذا كان خرجت من نطاق الموضوع لكن هذا الحاصل لكل سودانى فى أرض المهجر
و يردد المثل البقول مابريدك ولا ببقى بدونك
والتحية ليك ياخواض وسؤالك فى الجرح
ولك منى كل الود والاحترام والتقدير
ودمت ياخواض
الدنيا ليل غربة ومطر
وطرب حزين وجع تقاسيم الوتر
شجن اليم
|
Post: #28
Title: Re: متى دمعـت عيـناك آخـر مـرة ؟؟
Author: salam
Date: 06-26-2002, 05:33 AM
Parent: #1
السلام عليكم
بصراحة الموضوع ده جاني في جرح
انا من اصعب الناس دموعا مع انو معروف ان النساء اكثر بكاء من الرجال و لكن لا ادري ما الحل و انا اريد ان اتعلم البكاء لانفي البكاء احيانا كثيرة راحة و تخفيف عن النفس و تنفيس
سهلة انت كالطفولة
صعبة كدمع الرجال
مرفأ للمنى المستحيلة
و للطيور الخيال
__________________________________
...وطني عيناك
...و سأسهر عليها
....خوفا من ان اعيش لاجئا بلا وطن
|
Post: #29
Title: Re: متى دمعـت عيـناك آخـر مـرة ؟؟
Author: zahjana
Date: 06-26-2002, 01:40 PM
Parent: #1
ملاذ تسلمي ياعسل.
|
Post: #30
Title: Re: متى دمعـت عيـناك آخـر مـرة ؟؟
Author: bamseka
Date: 06-26-2002, 03:21 PM
Parent: #29
|
Post: #31
Title: Re: متى دمعـت عيـناك آخـر مـرة ؟؟
Author: OmDur
Date: 06-26-2002, 03:52 PM
Parent: #30
لا يعرف الرحمة ، من لم تجد الدموع طريقا الى عينيه
الكلام دة صحيح ؟؟
انا ببكى كتير 00
وعدة مرات بكيت وبحرقة
احيانا اعتبره ضعفا
لكن دائما ابحث عما يريحنى
|
Post: #32
Title: Re: متى دمعـت عيـناك آخـر مـرة ؟؟
Author: Elkhawad
Date: 06-26-2002, 04:27 PM
Parent: #31
غـــدي
kov 123
المســـــافه
نهــــي
شجــون
مـلاذ
بت النـيل
شجن الاليم
ســلام
زهجانه
بامسيكا
امدر
شكرا ليكم علي المشاركه
ولي قدام
|
Post: #33
Title: Re: متى دمعـت عيـناك آخـر مـرة ؟؟
Author: رومانسي
Date: 06-26-2002, 04:32 PM
Parent: #32
الخواض
سلام يا تاجنا
لا تنكا الجرح القديم
ولكن ...شردت احداها قريبا
يوم ان جلست للحلاق لاسامره فقص لي شعري
لك المودة
|
Post: #34
Title: Re: متى دمعـت عيـناك آخـر مـرة ؟؟
Author: khider
Date: 06-26-2002, 04:35 PM
Parent: #32
انا غايتو يا الخواض بسد الساحة و بقعد ببكي
و القصة دي بتحصل كل فترة بصورة منتظمة
و اخر مرة لمن امي زعلت مني الاسبوع الفات
اها دة جعلي جديد بكا
الله يحرجك يا المحرج
في داعي تفتح موضوع زي دة ؟
|
Post: #35
Title: Re: متى دمعـت عيـناك آخـر مـرة ؟؟
Author: 3asoola
Date: 06-26-2002, 11:51 PM
Parent: #34
woooooob ana min aldimooooo3 dy ma ba7ib asma3 seerta a'7ir mara dam3at 3aynay allyyyyyyylaaaaa dy wo ya rab taawreena dimoo3 alfara7
|
Post: #36
Title: Re: متى دمعـت عيـناك آخـر مـرة ؟؟
Author: Elkhawad
Date: 06-27-2002, 01:26 AM
Parent: #35
رومانسي
تسلم ياغالي
خدر
هيـــــــــــــع
اركز ياجنا
عسوله
ربنا يجعل كل دموعنا دموع فرح
قولي آمين
|
Post: #37
Title: Re: متى دمعـت عيـناك آخـر مـرة ؟؟
Author: 3asoola
Date: 06-27-2002, 01:46 AM
Parent: #36
amyyyyyyyyyyyyn ya ran jam3aaaaaan inshalla wo alla yasma3 minaaaaaaak......
|
Post: #38
Title: Re: متى دمعـت عيـناك آخـر مـرة ؟؟
Author: Al-Masafaa
Date: 06-29-2002, 08:46 AM
Parent: #37
عزيزي الخواض
انا بكل صراحة و وضوح بتبكيني من جوة الجوة اغنية لمصطفي سيد أحمد اسمها سيان يقول مقطعها
تنفست صوتك احسست انك في البعد و القرب سيان
فأوحي اليك ميلاد حب جموح الرقاب
ميلاد حب طموح الملامح
فيبقي يهيب بنا ان نغني
و نتحدي الزمان الردئ
فبالله كان عندك الحقنا بيها خلينا الننفس الام الغربة دي شوية
|
Post: #40
Title: Re: متى دمعـت عيـناك آخـر مـرة ؟؟
Author: Tumadir
Date: 06-29-2002, 01:45 PM
Parent: #39
انا والبكا نسيج واحد
مخلوفين من نفس الخلايا
ومجدولين على تفس الثوب... ثوب الحزن
ببكى لى عشرة سنين على فراق السودان
امى اتوفت السنة الفاتت
بنزف دموع كل يوم
كتبت ليها
ياملاك الموت حين حللت ضيفا عند امى ذات صبح
بالله هل كانت كعادتها ظريفة؟
قصيدة.طويلة امكن انشرها يوم
تبكينى صورنها المبتسمة لنا وللحياة وهى معلقة وجامدة على الجدار
تبكينى اغنية الخرطوم بدونك لحنان النيل ومحمد الامين بالعود ومابينهما
ابكتنى دموع الولد من قبيلة الدينكا الذى قابلته فى مكتب اللاجئين وبعد سالمتو وطايبتو سالتو
عن امه فما اجاب .... بكى بس
انا ابكى على امى فى هذا العمر ابكى عليها بفقد ويتم
ماباله هو الطفل؟
كم منهم اليوم يعيشون اليتم المقنن؟
كم من اطفال السودان المحرومون نتناسى؟
كم من نساء ورجال السودان سوف لن يرون والديهم الكبيرين حتى يفارقون الحياة؟ ولايجدون ما يفعلون؟
وكم منهم من لايجدون الوقت ليبكون
انا لاافهم لماذا لايبكىمن لايبكون؟
انا ابكى فى سرى وفى جهرى
امام الجمهور تبكينى شخصياتى التى امثلها
والبكاء فى هذه الحالة هو موضوع متشعب آخر
لكن له نفس المفعول
الغسل والكى
الغسل للوجدان والكى لمواضع النزف
البكاء نعمة
|
Post: #41
Title: Re: متى دمعـت عيـناك آخـر مـرة ؟؟
Author: ابوحراز
Date: 06-29-2002, 11:13 PM
Parent: #1
كاذب من يقول أن الرجال لايبكون
وهذه الدموع التي يقولون أنها غالية وعزيزة
تنهمر فجأة بغزارة كشلالات نياغارا
ولا نستطيع أن نحبسها حتى ولو كانت قلوبنا كالحجارة
من منكم لم يبكي عندما شاهد جسد الدرة الطري وهو تخترقه رصاصات الهمجية
ومن منكم لم يبكي عندما شاهد حليب الطفلة ايمان حجو يختلط بدمائها
ومن منكم لم يبكي ونحن نشاهد الطفل السوداني الجائع والذي ينتظره النسر ليموت ومن ثم يأكله
من منكم لم يبكي على اغتصاب الأطفال
وترمل الأمهات
ومن منكم لم يبكي على فقدان عزيز لديه
كيف يكون شعورك عندما تحادث والدك بعد غربة طويلة
تضحك معه ويضحك معك
تمزح معه بكل الوان الطيف
ثم قبل ان يكتمل هذا اليوم
وقبل ان يزول صدى صوته القوي
يأتيك فجأة خبر كالصاعقة
لقد مات
|
Post: #42
Title: Re: متى دمعـت عيـناك آخـر مـرة ؟؟
Author: تــاجوج
Date: 06-29-2002, 11:57 PM
Parent: #41
انا طبعا جاوبته علي السؤال بس لي تعقيب بسيط لي الاخت تماضر والاخ ابو حزار,,الاخت تماضر والله السطر القريته في رثاءك للوالدتك بكاني من روعته والمعاني الفيه فيا ريت تنشري لينا الباقي,,,ما كنا قايلين في ناس بي الروعة دي معانا هنا
الاخ ابو حزار,,,,بي صراحة حابة ابعت ليك تقديري وتحياتي علي الكلمات القليلة المعبرة و البصمة الجميلة والفهم العالي البلقاه في كل رد ليك,,,صدقني رغم انك عضو جديد لكن لما القى اسمك علي اي موضوع حتى لو قريتو بدخل تاني بس عشان اقرا ردك,,لك تحياتي علي فهمك العميق
ودمتم
|
Post: #43
Title: Re: متى دمعـت عيـناك آخـر مـرة ؟؟
Author: ابوحراز
Date: 06-30-2002, 06:30 AM
Parent: #1
الى تاجوج مع التحية
لك الشكر بقدر مساحة السودان
ولك التقدير بقدر قامة نخيله وشموخ رجاله وشرف نسائه
صحيح أنني دخلت حدثيا على الموقع
لكنني أعيش بينكم الآن وكأنني أعرفكم من سنين
وجدت الطيبة فيكم دون غباء
ووجدتكم فعلاً أنكم جميعا لاتصدأوون ولاتصدأوون ولا تصدأوون
معادنكم الرجولية أكثر صلابة
ومعادنكم الأنثوية أكثر بريقاً ولمعاناً
اننا أحياناً نبكي حتى ولم لم نريد أن نبكي
دموعنا في بعض الأحيان تريد أن تتمرد
وأحياناً تريد أن تهتف
وأحياناً تريد أن تترجم أحاسيسنا ومشاعرنا تجاه الآخر
لك التحية تاجوج
وأنا في غربتي اعتز دائماً للأخرين عندما يقولون لنا
أن لهم سوزان وجاكلين وديانا
فأقول لهم : نحن لنا مهيرة وتاجوج
فيصمتون ويصمتون ويصمتون
ابوحراز
|
Post: #44
Title: Re: متى دمعـت عيـناك آخـر مـرة ؟؟
Author: المسافر
Date: 06-30-2002, 04:32 PM
Parent: #1
الدمعة في الأحداق
عهد من زمان الكون
درية المعنى
أمية الحديث
تلتحف المتاريس العريقة
وتتدثر بالسكون
بدت لنا يوم دثرها التراب
براحتيه ومنقار الغراب
يوم هابيل وقابيل
مكنونة منذ الازل
منذ العهود والوعود والترانيم والتراتيل
في صحوها ينتجع السحر
لمسة منها ينابيع السحر
في قدرها امر قدر
برد السحائب والمطر
ولون الزهر
انفاس مضمخة بالعطر
قول وسؤال مستتر
دمعة الاحداق ميراث البشر
|
Post: #45
Title: Re: متى دمعـت عيـناك آخـر مـرة ؟؟
Author: Elkhawad
Date: 01-15-2003, 02:08 AM
Parent: #44
ومازالت
الدموع هي المتنفس
تغسل الاهات
زمن
تفرض مساحه
من الجمل
تطرح سؤال
لو كانت الدمعات تكفي
هل كان عليك جفت
لون الاهات بارده
ما كانت عليك وقفت
|
Post: #48
Title: Re: متى دمعـت عيـناك آخـر مـرة ؟؟
Author: SAdo7
Date: 01-15-2003, 01:06 PM
Parent: #45
عزيزى الخواض
لم يعد فى الماقى عين تدمع فقد انحسرت وجفت
المنابع من كثرت ما اعطت من دموع اصبح الدمع
فينا دمعا معنويا فقد اصبحت لحظات الفرح تمر علينا
كظل الكسوف لا تتعدى دقايق يعقبها هجير ساخن
وبرغم التجديد الدائم للحظات الفرح الا اننا بكل اسف
لم نعد نتذوقها فقد ماتت خلايا الاعصاب التى تنقل احساس
الفرح . . زبلت وهى فى ريعان شبابها و هى غير قابله للتجديد
ومازلنا ننظر بعين الامل لعلماء الاستنساخ بان ياتو بما لم ياتى
به الاوائل الا اننا سنظل نسحق لحظات الكابه ببساط الامل
بغد مشرق ولك تقديرى
|
Post: #46
Title: Re: متى دمعـت عيـناك آخـر مـرة ؟؟
Author: Modic
Date: 01-15-2003, 07:53 AM
Parent: #1
عزيزي الخواض
سؤال مفروض كل زول يسألو لي نفسو
أنا ببكي لكن مستحيل زول يشوفني ببكي
زمان في المدرسة وكت الجلد كنت أكتر زول بثبت و ما ممكن أبكي ..
لكن في أشياء بتدفع للبكاء أكثر من الألم
الحزن .. صوت مصطفي سيد أحمد .. الغربة .. ذكريات الظلم القديمة
و أنا من النوع السوداوي اللي بيجتر الذكريات و يعيش حزنها مرة أخري ..
لكن أنا ببكي من أجل الآخرين أكثر من بكائي لنفسي ، لكن ببكي من وراهم ..
أما في أحزاني الخاصة فأنا بهرب ما ببكي .... حبوبتي بتقول أنا قلبي ما جافي و دمعتي قريبة .. رغم اني ما بكيت قدامها ولا مرة .. لكن هي كاشفاني كويس .. لأنها ربت أبوي ذاتو اللي رباني
طبعا كلامي ملخبط شديد لكن هسعدي صحيب من النوم
كل الود
محمد
|
Post: #47
Title: Re: متى دمعـت عيـناك آخـر مـرة ؟؟
Author: مهاجر
Date: 01-15-2003, 10:54 AM
Parent: #46
الدموع اجمل شي في الغربة
بس يوم العيدما لقيت طريقة اتصل علي امي
لانوا شبكة الجوال صعبة جدا
والكبائن بالصف وصف طويل لدرجة
وعيدت عليهم ثالث ايام العيد
اما الدموع التي افرح لها فهي في حب الحبيب المصطفي
صلي الله عليه وسلم
ةوايضا لصحابته وسيرتهم
خاصة عندما يتحدث الشعراوي او كشك او عمرو خالد حديثا عن السيرة النبوية
ايضا اي طفل مريض لا استطيع النظر اليه
وعندنا هنا لحظات ظلم في المملكة تبكي في بعض الاحيان الانسان
في المطار حتي لو مشيت استقبل شخص او عمل عندمااري الناس تودع بعض وتسقبل اهلهااقول
متين نرجع ونعيش مع اهلنا
تلك هي المعضلة
|
Post: #49
Title: Re: متى دمعـت عيـناك آخـر مـرة ؟؟
Author: كحلوش
Date: 01-15-2003, 01:30 PM
Parent: #1
إني لأصنـع من حـطـام نـوائــبــي شمسا تطل على شفا أهدابي
و أصوغ من غصص العذاب ملاحمي و أقيم من أعواده محرابي
الخواض:
دايرين نبكي لكن مافي دموع ، وهسي انا اديت البت عزة دي كف كان تقدر تبقى ، قالت دايره البكى لاكن ما قادرة
الله يدمع عيونا من خشية الله ،قول امين
|
Post: #51
Title: Re: متى دمعـت عيـناك آخـر مـرة ؟؟
Author: jini
Date: 01-16-2003, 03:15 PM
Parent: #1
ذلك الجميل المسكون بالجمال الذي أطربنا واشجاناوأضحكنا حلق في سماواتنا بلبلا غريدا ثم رحل عن دنيانا و كنا نؤمل أن يحمل لواء الطرب الغريد من العملاق عثمان الشفيع ولكنه رحل سريعاوفي النفس شئ من حتي بعدأن أضأء دنيانا المعتمة مثل شهابا وهاجا شأنه شأن النيازك شديدة الضياء قصيرة العمر بعد أن اغتالتة قوى الظلام بطعنة غادرة أصابته و أصابت محبيه في الصميم
أغتالوا ملاكا قلبه عامر بحب الناس لا يعرف قلبه الا الحب
والبفوت ريدتنا يمشي *******برضو نفرح بجديدو
رحم الله أبوشهاب البلبل الصداح خوجلي عثمان
JINI
|
|