تواصل خريجى وطلبة الجامعات والمعاهد الهندية

Post: #1
Title: تواصل خريجى وطلبة الجامعات والمعاهد الهندية
Author: elsharief
Date: 09-23-2003, 06:15 PM
Parent: #0

الاخوه الاعزاء مواصلة لبوست الاخ ابوقوتة وزكريات ايام الهند هذا البوست بدون عنوان لموضوع والمواضيع مدروكه للجميع

Post: #2
Title: Re: تواصل خريجى وطلبة الجامعات والمعاهد الهندية
Author: abuguta
Date: 09-23-2003, 06:43 PM
Parent: #1

شكرا متولى على فتح هذا البوست

طبعا دى قليل من شلة ناغبور الذين استطعيت ان اذكرهم فى هذه العجالة

نبيل القاضى- جاء المدينة سنة 75 درس صيدلة-عنده صيدلية فى شارع الحرية دا كان اول واحد

ناجى وليام
احمد الحسين ناصر
محمد فتحى
احمد الدانبو
حمد بسيونى
مصطفى الامين (اكشن) عضو البورد اكسرورت7
عبد الواحدعلى الحسين
عبد الخالق على الحسين
صالح السراج
شاذلى سيد احمد فرحان
عباس حسن
عبد العظيم عقل
محمد عبد الرحمن
عبد الحى
عماد الدين زيدان
كدمبس
زهير يوسف
صلاح سياسة
فريد خليل رستم
محمد ابو زيد
هويدا ابو زيد
اولاد مجيد
اولاد االتجانى
صبرى مختار
نادر حاج موت
مصطفى اب ردا
حسين الصادق
صديق العربى
ادم محمد احمد
نصر الدين بانكوك
شيخ شرف
بها الدين احمد بلة
هالة الحمراء
هالة الخضراء
راوية وكوثر
وفاق وايمان
منى وماريا
منال ونجلاء
عاطف الحلبى
شيخ طارق
حيدر زيدان
علاء زيدان
عثمان وعبد اللطيف
امير ادم هارون
د. ادم
ماج
منوت
دوت ود السفير
و51 من الاخوة الجنوبيين كانو فى ناغبور
......................
ابنا الرصيف
ابقوتة
جمال طارق
زهير محمد الحسن
زكى
نادر وجعفر
عماد السعودى
ابو الحسن
عبد القفار
حافظ
ولسع...اقائمة تطول

Post: #17
Title: Re: تواصل خريجى وطلبة الجامعات والمعاهد الهندية
Author: Rawia
Date: 09-24-2003, 08:23 PM
Parent: #2

ابقوته ...نسيت اسمي لي.... انا ما قريت في الهند لكن حااحشر روحي معاكم و كمان شايفه بوست ناس باكستان برضو ماشه ليهو ...شفت دا تقول عليهو شنو ما عا رفه لكن انا بفتكر دي فرصه كويسه تعرف حاجات من الزملا في البورد فاسمحوا لي تطفلي..

بي المناسبه انت من ابقوته البلد ...انا لي فيها ذكريات اكثر من رائعه .....منتظره الاذن والرد

Post: #18
Title: Re: تواصل خريجى وطلبة الجامعات والمعاهد الهندية
Author: abuguta
Date: 09-24-2003, 08:36 PM
Parent: #17

اهل بيك راوية
اسمك موجود شوفى اللستة مرة تانية ا
بعدين انا من ابقوتة شحمها ولحمها الحى الجنوبى جنب حى الزراعة او عشرة بيوت ..ابوك كان محاسب ولا مفتش
بالله احكى الذكريات...لما تحكى الذكريات...الحوش حوشك

Post: #21
Title: Re: تواصل خريجى وطلبة الجامعات والمعاهد الهندية
Author: Rawia
Date: 09-24-2003, 08:57 PM
Parent: #18

ابقوته ياذكي راويه الفي اللسته واحده تانيه..ما نفس الاسبلنق...لوووووول لكن مقبوله منك

اما عن ابقوته خالي كان مفتش هناك و كنا بنقضي الاجازه عندو و كمان في مدني الثانويه كان معانا بنات من ابقوته...كانت اجمل ايام... سوق الربع ومكتب عبد الجليل و كمان مشينا عرس بت العمده... واستاذ الرياضيات بتاعنا كان من ابقوته استاذ احمد

طبعا ممكن ادفع اي مبلغ الان في انشاالله ربع كيلو سنكيت من سوق الربع

Post: #98
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-01-2003, 10:53 AM
Parent: #21

لماذا الغياب يا شباب الهند

Post: #3
Title: Re: تواصل خريجى وطلبة الجامعات والمعاهد الهندية
Author: kamalabas
Date: 09-23-2003, 06:56 PM
Parent: #1

فكره جميله يا متولي
وبالمناسبه نحن كم في البورد؟؟
ومتي بداء كل من الدراسه ومتي تخرجنا وفي اي المدن؟؟

واين نحنالان؟؟
لانو من امبارح وحتي اكتشفت خريجيين جدد من الهند
لم اكن اعرفهم
وعرفت ان الاخ نصاراحد اعضاء المنبر هو نفسه
علاء الدين نصار احد قيادات القوي المستقله في مطلع
التسعينات
في الي مزيد من التعارف والتواصل ...
كمال الدين محمد عباس

Post: #134
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-27-2003, 03:19 PM
Parent: #3

وين بقية الشباب

Post: #4
Title: Re: تواصل خريجى وطلبة الجامعات والمعاهد الهندية
Author: Shalabi
Date: 09-23-2003, 07:16 PM
Parent: #1

العزيز الرائع دوما الشريف,,
الاخوه الافاضل زملاء رحلة ارض المهاتما ونهرو ارض العود والصندل بلاد الافيال والعجائب ,, شبه القاره الهنديه ,,حيث الايام الخوالي ومتعة الحياة الطلابيه والمعترك السياسي حيث اختلاف الرأي لايفسد للود قضيه ومجتمع الترابط والتواصل في صوره قل ان تتكرر..
التحيه لشباب بونا الحنونه في مختلف الحقب والازمنه دفعة دفعة من نعرفهم ومن لم نتشرف بمعرفتهم فدماء الانتماء وعشق الوادا باو والبيجيه رابطة توحد الجميع .

اتمنى ان يعود تواصل الجميع كما كان ولتكن دعوة الشريف بداية التواصل وخالص التحايا للاعزاء الغالي جدا احمد ابوقوته والاخ كمال ودمتم,,,

Post: #5
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-24-2003, 08:54 AM
Parent: #1

الاخوه الاعزاء شباب الهند

مهاجرـ نصار ـ كمال عباس ـ ايهاب ـ ساين ـ شلبى ـ الراسخ ـ ود العباسيه ـ ابو مهند ـ بكتاش ـ سلفر ـ ابا يزيد والبقبه منو يا مهاجر فى هذا المنبر
منتظرين تواصل الزكريات

Post: #6
Title: Re: تواصل خريجى وطلبة الجامعات والمعاهد الهندية
Author: BAKTASH
Date: 09-24-2003, 11:16 AM
Parent: #1

سلام ..لرائعين الهند جميعا...

Post: #7
Title: Re: تواصل خريجى وطلبة الجامعات والمعاهد الهندية
Author: ايهاب
Date: 09-24-2003, 12:04 PM
Parent: #6

صباح الورد
كلكم
تاني في
belsharif
عرفتو يا متولي
والساحر
كمان

بكتاش مشتاقوون يا رجل
كميات

شكرا يا شريف على فتح البوست واتوقع الكثيرين

تعريف كبدايه
ايهاب السني
1993-1999
بونا
bcs
الكامب كوريجن وتاني الكامب

Post: #14
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-24-2003, 06:13 PM
Parent: #7

اضافه لشباب الهند فى المنبر
خضر حسين ـ خالد الوسيله

Post: #8
Title: Re: تواصل خريجى وطلبة الجامعات والمعاهد الهندية
Author: نصار
Date: 09-24-2003, 12:57 PM
Parent: #1

شكرا الشريف على هذا النفاج المطل على الامس الجميل

الاخ كمال عباس ابدا لم يمر اسمك عابرا اول ما رأيته هنا فى المنبر
حمل معه نسمات الذكرى
اذكر جيدا اخى
سقى الله ايام رشدى عبد المنعم
و الاحبة

سعيد بلقاءك الاسيرى
و التحايا لرفاق الدرب

Post: #9
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-24-2003, 01:48 PM
Parent: #8

الاحباب الكرام

مشغول ولي عودة

Post: #10
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-24-2003, 02:08 PM
Parent: #9

قلنا نهيجكم شوية كدا ونرجع الذكريات

Post: #11
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-24-2003, 02:19 PM
Parent: #1

تسلم يا مهاجر الرحلة ده كانت متين الى لونافلا وازكرت مع ايام الخريف ولاشنو وطبعا عملوا طريق جديد من بونا الى بومبى ويستغرق ساعتين ونصف بعيدا عن الجبال الكثيفة وتقبل تحيات الاخوه بيف وامير صالح واخبار شباب فداسى شنو ناس د.محمد كمال ومعاوية وعاصم زين العابدين

الاخ نصار
كل الاشوق واخبار كمال حسن على شنو تقبل تحيات الاخ مبارك عبد الخالق

Post: #12
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-24-2003, 02:41 PM
Parent: #11

الاخ الشريف

والله الشباب تمام

معاوية في السودان

محمد كمال يدرس في جامعة في مدني

عصام في نيو يورك

واخوك في جدة الحفرة

صدق عادل تطش ناوي يتزوج
مش القيامة قربت بالطريقة دي

تقبل تحيات عبدالطيف البعثي اتصل علي اليوم الصباح وهو في الطائق

سلامي للتبير ايضا اذا موجود

Post: #13
Title: Re: تواصل خريجى وطلبة الجامعات والمعاهد الهندية
Author: abuguta
Date: 09-24-2003, 04:06 PM
Parent: #12

سلام

سلام اليكم
سلام
سلام عليكم
وسط هذا الزحام
من رمى بكم
فى هذا الخضم
وجعلكم تتوقوا
الى السلام
وتركتم
احبتكم حيارى
ما بين حياة
وفقر وحمام
اهى العلوم
من جنى عليها
وسط عالمنا
المسقر بالسقام
ام الترحل والتنزه
وتغير الاماكن
والكلام

بومبى :- اول يوم وصلت فيه كلابة ووجتها ملىء سودنة
وكنت متخيل نفسى كانى كلوبس يريد ان يكتشف بلاد العالم الشرقى لكن
وجدتها مكتشفة ومؤسسة لها قواعد واحزاب معرضين ومؤيدين وفنانين وفرق كرة وروابط ...فعرفت الحقيقة فى اننى جئت متاخر خالص

Post: #138
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-01-2003, 11:59 AM
Parent: #13

وين الشباب

Post: #15
Title: Re: تواصل خريجى وطلبة الجامعات والمعاهد الهندية
Author: ودالعباسية
Date: 09-24-2003, 07:52 PM
Parent: #1

الشباب الرايع اهل الهند الاعزاء

تحياتى لكم جميعا وشكرا يا الشريف على فتح هذا البوست الذي سوف يكون عملاق بعمالقة

اهل الهند ونتمنى ان ننشر بعض من زكرياتنا الجميلة وبرامجنا ورحلنا ونتكلم عن

المبدعين فى مجال الرياضة والفن والسياسة طبعا يا الشريف

اتمنى من كل الشباب المشاركة ويا مهاجر اتحفتنا بالصور

وعلى فكره الحاج ودبخيتة واسامة الطويل مكسرين قاعدين فى السودان

مع تحياتى

Post: #16
Title: Re: تواصل خريجى وطلبة الجامعات والمعاهد الهندية
Author: ahmed_asad
Date: 09-24-2003, 08:04 PM
Parent: #1

سلاااام الاخ الشريف و كل الاخوة (ناماستى)
والله فكرة رائعة جدا هذا التواصل و اتمنىان يذكر كل منا اسم المدينة التي درس بها
عن نفسي درست ببونا الحنونة كما يطلقون و لي عودة

Post: #19
Title: Re: تواصل خريجى وطلبة الجامعات والمعاهد الهندية
Author: ahmed_asad
Date: 09-24-2003, 08:38 PM
Parent: #1

الاخ مهاجر تحياتي الحارة للاخ عبد اللطيف خليل "البعثي"
و مساحة للاخت راوية "الهند كبيرة" ما تتخوفي من الطلة و حبابك ع10رة

Post: #20
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-24-2003, 08:49 PM
Parent: #19

الاحباب الكرام

جون بالله البلد ديك بتتنسي

انا في الاجازة الجاية يا زواج يا بونا واحد في الاتنين

ويا الشريف جهز الحال والدار

والله نكاد نموت من الشوق الي بونا الحنونة

الاخ احمد يبلغ سلامك الي عبداللطيف لكن احمد منو

ابو قوتة راجع المسنجر ضروري جدا وصية في الذمة من زول عزيز

Post: #22
Title: Re: تواصل خريجى وطلبة الجامعات والمعاهد الهندية
Author: ايهاب
Date: 09-24-2003, 08:58 PM
Parent: #20

احمد اسد
شريطي وينو
شلتو ليك سته سنين مشيت بيهو بمبري ولي هسه ما رجعتو
LOoOOoOoOOoOoOooOooOoOoOoolz
كيفك يا احمد و كيف شباب بمبري كلهم

مهاجر والله صور تعذب سااي
كل طالب جا بونا اكيد المناظر دي بتمثل ليهز حاجه
خصوصا الانطباع الاول في اول يوم
يعني الواحد يصل بومبي يقول يرجع بي الطياره الجابتو
ومن ما يصل مشارف لونافلا و يشوف المنظر دا بقول تاني ما بيرجع كلو كلو
يا حليل الخريف يا متولي
و يا حليل بونا
اوضتي كيف معاك انشاء اله ماسكه لي هسه
ما تفرط فيها
لانها تحوي اجمل ذكرياتي
بداتها في صقر
و انهيتها في صقر
تعرف حتى البفلو الكان مكرهنا مشتاق ليهو
تحياتي للجميع

Post: #23
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-24-2003, 10:21 PM
Parent: #22

ايهاب
يا حليل صقر والكامب

والله اول اسبوعين كانوا في صقر وكانت احلي ايام لانها كانت كلها اكل ونوم وسينما واجراءات الجامغة

مناظر لونافلا دي خليها بس الواحد قاعد هنا في جدة والله الا تمشي احياء معينة حتي تشوف ليك زهة طايرة كدا كلها اشجار ظل
اي حليل الشلالات والبحيرة

بالله يا متولي امشي اضرب لي متون كرم جوب في الدايمون كوين ومعاها

شاي كارب في قهوتنا بالله عم اسماعيل موجود
برضو شاي بالنان في قهوة الاتحاد
وسلامي الي اكبر الجلاق وكل اهل الكامب وخالتك البتعمل الطعمية ديك جنب قهوتكم

بالله احكي لينا عن القدامي مين موجود الان

ايخاب شوف ليك اسبوع وامشوا حصلوا باقي الخريف هناك

Post: #24
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-24-2003, 10:22 PM
Parent: #22

ايهاب
يا حليل صقر والكامب

والله اول اسبوعين كانوا في صقر وكانت احلي ايام لانها كانت كلها اكل ونوم وسينما واجراءات الجامغة

مناظر لونافلا دي خليها بس الواحد قاعد هنا في جدة والله الا تمشي احياء معينة حتي تشوف ليك زهة طايرة كدا كلها اشجار ظل
اي حليل الشلالات والبحيرة

بالله يا متولي امشي اضرب لي متون كرم جوب في الدايمون كوين ومعاها

شاي كارب في قهوتنا بالله عم اسماعيل موجود
برضو شاي بالنان في قهوة الاتحاد
وسلامي الي اكبر الجلاق وكل اهل الكامب وخالتك البتعمل الطعمية ديك جنب قهوتكم

بالله احكي لينا عن القدامي مين موجود الان

ايخاب شوف ليك اسبوع وامشوا حصلوا باقي الخريف هناك

Post: #29
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-25-2003, 09:31 AM
Parent: #22

شباب الهند

سلامات
فى البداية نرحب بالاخت راوية ونقول ليها الدار دارك

الاخ كمال عباس
احكى لنا عن زيارتك للسودان واخبار الشباب وطبعا يا شباب وخاصه الذين لم يعرفوا كمال من الدفع الجديده بعد مغادرة كمال من الهند كمال هو من مؤسسى اتحاد الطلاب السودانيين وعضو لجنة رآب الصدع المشتركة وسكرتير عام ل قبل الوحدة تعلمنا منه الكثير حول المفاهيم النقابية السليمة وايضا مؤسس للتجمع الوطنى الطلابى الهند .... بالله كيف اخبارك واخبار الاخ عبدالسلام
الاخ نصار
من قيادة جنوب الهند وله اسهمات جيده حول العمل السياسي والنقايى بالهند من اوئل المؤسسين للطلاب المستقلين اى تنظيم القوى المستقله الحره
الاخ مهاجر
طبعا معروف لجميع الشباب وهو واكب الفترتين وتحياتنا للاخ عبد اللطيف والاخ تطش وقهودكم بخير واسماعيل تمام تصدق اسماعيل قبل فترة فى بتاع موتر صدمه وكان راقد مستشفى والان بخير

Post: #25
Title: Re: تواصل خريجى وطلبة الجامعات والمعاهد الهندية
Author: alrasikh
Date: 09-24-2003, 10:33 PM
Parent: #1

تحيه عظيمه للرائعين دوما شباب الهند الذين تجمعوا باختلافتهم الجغرافيه والفكريه فصهروها فكانت اعظم تلاحم فقدناها في الوطن الام.
الشريف متعك الله بالصحه والعافيه.
مهاجر اتمني لك كل التوفيق والسعاده.
بكتاش الرائع وكفى.
ايهاب وسلام نوره شباب الهند وربنا يرزقم ببنت تطلقون عليها هند.
اسدوكمال ونصار الف تحيه.
كل الرائعيين مذيد من التواصل.

Post: #26
Title: Re: تواصل خريجى وطلبة الجامعات والمعاهد الهندية
Author: ايهاب
Date: 09-24-2003, 10:52 PM
Parent: #25

والله يا ريت يا مهاجر
لكن بع دا وين مافي طريقه ببقى جري و طيران
نخليها لي الخريف الجايي كدا
اخبارك شنو بالله شايف وصفاتك ماشه تمام
لما مريت بي فداسي اتزكرتكم كلكم و قعدتا اخمن يا ربي بيت فلان بكون بي وينو بيت فلان بكون بي وين
اخبار الشباب الجنبكم شنو

حبينا الراسخ
تسلم على الاماني الطيبه وعايزين نسمع جميل اخبارك كمان
والله كنتا متوقع القاك في السودان وكدا
ورينا الحاصل شنو

Post: #27
Title: Re: تواصل خريجى وطلبة الجامعات والمعاهد الهندية
Author: abuguta
Date: 09-24-2003, 11:28 PM
Parent: #26

واحدة حنكوشة من بنات ناغبور لما جاءت جديدة كانت ما بتاكل سمبوسة
ولما ضربها الجوع ..والشيكات انقطعت من ناس ابوها بقت تشيلها فى شنطتها

السمبوسة

السمحة قالت فى حديثة
لا لا ما باكل سمبوسة
ولا ايدى بتعرف تدوسة
بس جيب لى حبة جكناية جوسة
احى.... يالوسة
نحن هنا زى الكديسة
اى حاجة قادين ندوسة
مرة كسره ومرة ويكة
ومرة سمبر ومرة دوسة
بنركب مواتر روسينا كاشفة
والناس فى دلهى عاملة خوذة
كل وقتنا سنمات فى قهاوى
والناس قاعدة تذاكر فى دروسه
دى ما اكلة ظريفة ياحليوه
انحنا ما قاعدين نكوسة
نحن لو لها ما بنعيش
ونحن بنموت فى السمبوسة
انت ما اكلتيها بالدهى
وانت ما ذقتها ياكنجوسة
الزمن مشى والشيكات انقطعت
من ناس ابوها واخوها موسى
السمحة مرة لقيتها قاعدة
فى المكتبة عاملة هيصة
قالت لى انا من زمان راجياك
جبت ليك هدية جابتها لى معاها نوسة
تلقاها فى سودانا الحبيب
فى الابيض ..وبابنوسة
انا اتخيلت فولنا داك
او تسالى خالى سوسه
فتحت شنطتها الظريفة
العاملة زى شنطة رئيسة
وطلعت لى من بين الكتب
قطعة سمبوسة

Post: #28
Title: Re: تواصل خريجى وطلبة الجامعات والمعاهد الهندية
Author: sign
Date: 09-25-2003, 00:25 AM
Parent: #27

بالغت في دي يابوحميد..
سؤال برئ ..السامبوسة كانت فيج..ولا ننفيج؟..أنا كنت بحبها فيج..في الكافيناز أحلي..و قدامك أمبدكر شايل كتابو..أعني أمبدكر سيدالاسم..تحية لأمبدكر السوداني..ما بعيد..في الام جي رود ..و أحسن شاي برضو الكافيناز..
مهاجر..نشكرك علي الصور..جميلة بحق وحقيقي..

Post: #30
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-25-2003, 09:36 AM
Parent: #26

ودالعباسية حمدلله على السلامة ويالا يا شباب والزكريات الهند الجميله ... ايهاب ـ احمد اسد ـ ساين والشباب الغائبين
شاعرنا ابوقوتة
عايزين قصيدة حول الصور التى تم انزالها من مهاجر

Post: #31
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-25-2003, 10:30 AM
Parent: #30

الاحباب زملاء الدرب

طبعا كمال محمد عباس كان طول النهار بنكش في شعروا ويناقش ولا يمل من النقاش نقابي بمعني الكلمة
اثري الساحة سياسيا ونقايبا تعلمنا منه الكثير له منا كل الشكر والتقدير

لكن كان ما بعزمنا في القهوة بعزم الجماعة وعمك اسماتعيل كان بفضحوا ويفت العزومات البتكون خلال عدم تواجدنا

وعمك اسماعيل يقول دا اخو عبدالسلام كيف يقول كمال كومنست ما كويس
تذكر يا كمال عمنا العزيز اسماعيل ودا يا جماعة صاحب قهوة ياما قام بخدمة كثير من الاخوان ويحبنا مثل اولاده وكنا نكن كل الاحترام والتقدير

حقيقي الهنود احبونا لاننا تحدثنا لغتهم وعشنا معهم بكل ما في مجتمعهم من مفارقات وتاقلمنا معها

يا جماعة انا ما شايف الصور النزلتها الليلة الحاصل شنو

mcl />**

الاغنية مهداة للهنود خارج الهند ولي اخونا امير صالح برضو يا متولي وبيف وابو بالله سلامي الحار ليهوا

Post: #32
Title: Re: تواصل خريجى وطلبة الجامعات والمعاهد الهندية
Author: abuguta
Date: 09-25-2003, 06:17 PM
Parent: #31

الاخ متولى
انا زرت لونافلا مرتين وكتبت ابيات فيها لكن وين مشت ما عارف
من ما شفت بوستك بقيت اقلب فى الكراسات القديمة لكن ما لقيتها
لكن عشان اكتب واحدة جديدة الا نجيكم زيارة عشان نجدد الدم ونهيج الذاكرة
لكن وجدت واحدة جنبها كتبتها فى الجار منار حيدر اباد وين ناس حيدر اباد ما شايف واحد منهم
اسمها فتاة الجار منار-يعنى المارات الاربعة وهى عبارة عن بوابة قلعة بنتيت ايام ملوك اقرا العثمانين-وهى كانت عبارة عن جبل ونحت فى مانها وصار ذلك المبنى العجيب البديع

فتاة الجار منار

سلمت جفونى من دمعها الحار
ورمت به عجلا على خدى مدرار
رحماك ياربى من ست الجمال
تحت البراقع ذات الوقار
عيونها خفية لقلبى قد سرقت
عندى وقوفى على الجار منار
فاصبحت مصروعا من قزف النبال
كأنى بينى وبينها ثأر
ياملوك اقرا انى غريب
اريد النجاة بباب المقار
او مدونى بعتاد قبل ان اقتل
او اضربوا صلحا اوقفوا النار
قروية هى فى مشية التيه
يفوح شذاها كدكان عطار
عربية الاصل قطنية اللون
كأن مسقاها من خزان مكوار
كفى عن مغازلتى ماكنت صاحبك
فانى شغفت بحب المنار
أألله اوجدته فى هذا المكان
ام تصوير رسام وصنع نجار

Post: #69
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-11-2003, 04:48 PM
Parent: #32

شباب الهند لماذا الغياب
السنى
ابوقوتة
نصار
مهاجر
الساحر
السنجك
كمال عباس
ابايزيد
ايهاب
الراسخ
احمداسد
ابومهند
حامد على
بكتاش
والبقية

Post: #33
Title: Re: تواصل خريجى وطلبة الجامعات والمعاهد الهندية
Author: ahmed_asad
Date: 09-25-2003, 08:44 PM
Parent: #1

سلاماااااااااااااات الأخ ايهاب السني
كيق الحال والله نشتاقين كتير.... وشريطك بذكرو تمام الماخليتني أسمعو داك مش "لووووولااااااات كتيرة" تحياتك للشباب تصل

Post: #34
Title: Re: تواصل خريجى وطلبة الجامعات والمعاهد الهندية
Author: ahmed_asad
Date: 09-25-2003, 08:57 PM
Parent: #1

الاخ مهاجر,
أنا احمد أسد لم نحظى بوجودكم حينما قدمنا
تحياتي للجميع

Post: #35
Title: Re: تواصل خريجى وطلبة الجامعات والمعاهد الهندية
Author: khalid elwasila
Date: 09-25-2003, 10:09 PM
Parent: #1

dear brother mutwali
thanks for this great work
go ahead man
khalid elwasila abbas
india hyderabad(right now)

Post: #36
Title: Re: تواصل خريجى وطلبة الجامعات والمعاهد الهندية
Author: abuguta
Date: 09-25-2003, 10:22 PM
Parent: #35

خالد الوسيلة
تحياتى
الى شباب حيدر اباد ومهدى بتنام وخيرات اباد وعثمانية هوسبتل
وعمتك ست الصندلة وايضا تحيانا الحارة لكل الاخوة -سامى بتاع الجريف موجود ولا خلاص خلص
وتسلم ياوطنى

Post: #37
Title: Re: تواصل خريجى وطلبة الجامعات والمعاهد الهندية
Author: ودالعباسية
Date: 09-26-2003, 12:39 PM
Parent: #1

الاحباء الاعزاء

تحياتى ليكم جميعا

والله يامهاجر الاغنية جميلة وذكرتنا الافلام ناس شاروخ خان وخالتك مادوري وخالتك كاجول

الشريف تحياتى لك وتحياتى لجميع الاخوة فى بونا وبالاخص بيف ومامون ابو والاخ بكتاش وكل

العقد الفريد من الايام الخوالى وكل طالب جديد نهل من تلك البقعة

الاخوان هنا شباب الهند كلهم تمام التمام وحتى فى السودان الشباب بخير

وعلى فكرة اول من وصلتة السودان بعد يومين كان زواج الاخ عصام ابوزيد وكان عبارة عن

ملتقى شباب الهند فى السودان الحفلة كانت بى

الحاج عبداللة

عبدالله عبدالمجيد

التيمان احمد ومحمد

وكان موجود فالولة

وكان من الحضور

معتصم الشيخ

خالد كديس

خالد محاري

هشام محمد اسماعيل

الفاتح ترنة

بدرالدين شيطان الجبل

نورالجليل

حمزة

ابوبكر مهدي (بوكو )

اشرف مامون

كزام

ديل البتزكرهم لحتى هسة

فكانت حفلة جميلة جدا كانت ناقصة ابو وعادل بيف

مع تحياتى

Post: #38
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-26-2003, 06:24 PM
Parent: #1

شباب الهند

سلامات

مرحب بالاخ خالد الوسيله ومنتظرين طله الاخ خضر حسين

ود العباسيه
نحسدكم على مناسبة الصديق عصام ابوزيد ومن خلال نشر اسماء الشباب فعلا روعه المناسبة واخر الاخبار ود بخيته فى ليبيا

الاخ ايهاب

شاهده صوره المناسبه عند بكتاش وفى انتظار الصوره وطبعا الايميل معاك

كمال عباس ـ نصار ـ خضر حسين منتظرين الطله

مهاجر
غادرنا امس الى الولايات المتحده الامريكية عصام عثمان ارصد المعلم تصحبه السلامه ووصلنا اليوم ايمن فداسى يبلغك التحايا

Post: #39
Title: Re: تواصل خريجى وطلبة الجامعات والمعاهد الهندية
Author: ابو مهند
Date: 09-26-2003, 07:32 PM
Parent: #1

الاخوة شباب الهند الرائعين
كل التحايا العطرة
اولا ياجون الف مبروك للاخ الرائع عصام ابوزيد ووالله امس كنت بحكي لي واحد من الاخوان في طرفه من طايفه
حمد الف لعودة اسامه الطويل للسودان وعقبال البقية
يا احمد اسد انت وين الان الهند ولا مكان تاني
الى لقاء شلف

Post: #40
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-27-2003, 10:10 AM
Parent: #1

الاخ ابومهند كيف ياراجل واخبارك واخبار الاولاد والشباب فى السلطنة التحايا للجميع

Post: #41
Title: Re: تواصل خريجى وطلبة الجامعات والمعاهد الهندية
Author: khalid elwasila
Date: 09-27-2003, 04:27 PM
Parent: #1

ابوقوته

سلامات يارايع
تشكر على الكلمات الجميله ده
الشباب كلهم بخير بسلمو عليك
سامي عبدالرحمن لسع معنا في الحفره الكبيره ده وهو ايضا بخير
اخوك وسيله

Post: #42
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-29-2003, 10:10 AM
Parent: #1

نصار
مهاجر
كمال عباس
ايهاب
ابومهند
خالد الوسيلة
ودالعباسية
ساين
بكتاش
الراسخ
خضر حسين
ابايزيد
سلفر
وشاعرنا ابوقوتة
والبقية.....
فى انتظار زكريات ايام الهند

Post: #43
Title: Re: تواصل خريجى وطلبة الجامعات والمعاهد الهندية
Author: خضر حسين
Date: 09-29-2003, 10:42 PM
Parent: #1

up

ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث

Post: #44
Title: Re: تواصل خريجى وطلبة الجامعات والمعاهد الهندية
Author: elsharief
Date: 09-30-2003, 02:59 PM
Parent: #1

الاخ خضر حسين
كيف اخبارك والشباب متوقعين فى اليومين زيارتك الى بونا

Post: #45
Title: Re: تواصل خريجى وطلبة الجامعات والمعاهد الهندية
Author: مهاجر
Date: 09-30-2003, 08:20 PM
Parent: #44

زملاء الدرب

متولي انت نسيت الساحر والسنحك معانا هنا
وهما لابدين ليهم زمن

متولي وصية لابناء اتحاد الطلاب السودانيين انوا يزوروا ويفعلوا موقع الدار

www.sudindia.net

سلامي الي العزيز ايمن وادينا اخبار المقابلة متين وهو جاهز ولا لسة

ولي عودة انشاء الله

Post: #46
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-01-2003, 03:18 PM
Parent: #1

نرحب بالاخوه الساحر والسنجك ونتمنى الزياره الى الموقع

الاخ مهاجر
تقبل تحيات الاخ ايمن ومنتظر نتيجة المعاينة وسوف اوفيك باخباره اول باول
بخصوص الموقع حماس الشباب فى سودان نت قل شديد والموقع جاهز بس فى احجاب من الزياره وما معروف السبب شنو غياب الاخ سلفر اثر وممكن ننقاش هذا الموضوع لان الموقع هو الوجود الحقيقى والفعلى لشباب الهند لاننا نحنا هنا اقلية ولك شكرى على التطرق لهذا الموضوع الهام وننتظر مسامهة الجميع

Post: #47
Title: Re: تواصل خريجى وطلبة الجامعات والمعاهد الهندية
Author: ودالعباسية
Date: 10-01-2003, 11:48 PM
Parent: #1

الشباب الرايع وينكـــــــــــــــــــــم

Post: #48
Title: Re: تواصل خريجى وطلبة الجامعات والمعاهد الهندية
Author: abuguta
Date: 10-02-2003, 07:07 AM
Parent: #47

الا هبى بدالك فاصبحينا
ولا تزرى خمور البنقرينا
وكاساقد شربت بكلكتا
واخرى فى دلى وفى بونا
وانا سوف تصلنا التذاكر
وانا مثلك ياخليجى مسافرونا
وقد اغتدى والناس فى اسرتهم
ببنفسجن خير المواتر لونا
وكم احضرت اللحمة من سدر
فسلقت البصل فصارت مسبكونا
ولقد حببتك يابلومة فافهمى
فان الحب اخره جنونا
ولقد ذكرتك والاسكريم فى يدى
وراس كونج ومنقاه الحنونا
ودت تقبيل الاسكريم لان داعب
شفتاك فى اليوم مليونا
اوتذكرين يوم حضورك حفلة
قبل النهاية قلتى الى جلونا
كل القلوب صارت تدق بدقة حذاك
وصارت كل الكراسى محركونا
وكم غيرت موترى عسى
انال رضاك ياذات العيونا
وكم رهنت جوازى عسى
اوفر وجبة فاكون ضمن الفايزونا
وكم كم ثم كم كم
وكم عزمتك فى المطاعم مثل ارجونا
ولو تركتك عفونا بنيتى
فان قومى فيك مكسرونا
ولقد خرجت وبارتناتى مرة
الى جقت فصار السودنة فينا محملقونا
ففاروا فورة فى من يليهم
وفرنا فورة فى من يلينا
فآبو بالسامبوسة منوعات
وجينا بالهنود مقرنينا
الا لا يعنكبنا احد علينا
فنعنكب فوق عنكبة المتعنكبينا
اذا بلغت البرلومة لنا اسبوعا
صار الكبار فيها مكسرونا
واذا بلغ البرلوم لنا يوما
ركب الياماها واللونا

ناغبور

Post: #49
Title: Re: تواصل خريجى وطلبة الجامعات والمعاهد الهندية
Author: الساحر
Date: 10-02-2003, 12:28 PM
Parent: #1

الاخوة الاعزاء تحياتي
طبعا اخر خبر
عادل تطش طلع كتاب اسمه ايام في الهند كتاب اكتر من رائع
وانشاءالله لو لقيت فرصة بنزل من ابواب هنا وفيه توثيق لتاريخ الاتحاد
المهم تحياتي للجميع
وعندي صور انشاءالله برضو اقدر انزلها
الساحر -- الرياض

ـــــــــــــــــــــــ
اغني لشعبي ومين يمنعني
اغني لقلبي اذا لوعني

Post: #50
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-03-2003, 03:08 PM
Parent: #49

الاخ الساحر مرحب بيك وتحياتى للاخ عادل تطش ومنتظرين انزال الصور وزكريات بونا الحنونة

Post: #51
Title: Re: تواصل خريجى وطلبة الجامعات والمعاهد الهندية
Author: سناري
Date: 10-03-2003, 03:22 PM
Parent: #1

الأخ الشريق أبو قوته وكل الأحباب رفقاء أجمل رحلات العمر لكم خالص التحايا ولتلك الأرض التي ظننا في بعض لحظات التعب أنها قد أخذت منا الكثير وعند فراقنالها أكتشفنا حجم ذلك الأمل والحب الذي تجسد في أروع العلائق الإنسانية التي ربطت بين طلاب الهند فغدونا مثل يضرب في التواصل والوفاء ...
لكم كل الحب وأمل في تواصل هذا العطاء الرائع .

Post: #52
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-04-2003, 09:35 AM
Parent: #1

مرحب بالنيل الازرق وسنارى وزيارتك الى بوست الزكريات الجميلة وكيف اخبار الصديق المهذب الطيب اسماعيل وجميع شباب سنار بالهند

Post: #53
Title: Re: تواصل خريجى وطلبة الجامعات والمعاهد الهندية
Author: abuguta
Date: 10-04-2003, 12:37 PM
Parent: #52

نيو دلهى
ياحليل اولاد دلهى اولاد الحضارة
وعصرهم الزاهى زمن النضارة
اياك كانت الدنيا تجرى بنعيمة
قبل ما يغفلو بابة السفارة
تلقى الواحد خالف الرجل فوق الرجل
وحارق السجارة

ِاولاد الخليج

ديمة عاملين هيصة
عاملين ضجيج
ساكنين شقق عاملين هجيج
بتقرو كورسات حاجة سمحة
وراكبين مواتر سرعة ميج
كدا ياولاد الخليج
انتم مولودين صغار
لونكم فاقع فيه النضار
ديمة شايلين نوار
مالكم ودخان السجار
لو ما الجواز لونه بلو
اقول جاين من النرويج
سنة ياناس الخليج
ديمة شيكاتكم بالسريع
ولو الولد فلس دا يوما فظيع
الولد عايز ينتحر عايز يضيع
ونلقاكم فى التلفون بكاكم اجيج
عيب ياناس الخليج
نحن شيكاتنا قاعدة تتاخر شهور
ديمة داكين وجبة فطور
الولد عايز يقاوم عايز يثور
واشكال عجيبة وجسم هزيل
نموت ياناس الخليج
عايز اغترب ياخوان
عشان القى عملا ضمان
اروق واعيش فى امان
واسافر بطيران الخليج

ابقوتة

Post: #54
Title: Re: تواصل خريجى وطلبة الجامعات والمعاهد الهندية
Author: ahmed_asad
Date: 10-04-2003, 05:55 PM
Parent: #1

الاخ أبو مهند :شلف
تحايا و أشواق عالقة بجدار الامصار و سمبويسس و دروب الدكن
كيف الأحوال و الله مدة, أنا بالهند تحياتي لكل الشباب بطرقكم

Post: #55
Title: Re: تواصل خريجى وطلبة الجامعات والمعاهد الهندية
Author: مهاجر
Date: 10-05-2003, 09:38 PM
Parent: #54

الساحر

عملتا فيني واخذت الكتاب وانا كنت منتظر الطباعة

علي العموم نحنا في الانتظار
ووين السنجك ياخي

Post: #56
Title: الف تحيه
Author: Shalabi
Date: 10-06-2003, 06:26 AM
Parent: #1

,مليون سلام لشباب بونا الحنونه ومليون تحية للشريف علي جهده للم الشمل , والاستمتاع بذكريات بونا الحنونه مع اخوة قل ان يجود الزمان بمثلهم ,
الاخ عباس فداسي رغم الاختلاف السياسي تبقى اخ من رموز بونا ومعاصر لمعظم الاجيال التي مرت على المدينه فلك التحيه وحرصك على التواصل مع الجميع دلاله علي نقاء سريرتك.
التحيه لتطش ود الحله والجار الغالي والعم تطش عزيز واصيل فاليمتعنا ببعض ما كتب عن بونا.
تعظيم سلام للاخ العزيز احمد صديق بله ابوقوته علي كلماته الحلوه وياريت نشوف اولاد ابوقوته والخيران ناس هشام عيسى ومصطفي طاحونه عفوا مصطفى ابوقوته في المنتدى
والسلام ختام,,,,,,

Post: #57
Title: Re: الف تحيه
Author: مهاجر
Date: 10-06-2003, 03:31 PM
Parent: #56

شكرا لك اخ شلبي

ونحنا في الهند كنا اخوة لا يوجد مثيل لهم الان في اي بلاد يدرس بها سودانيين

الاخ تطش طبعا بعد خلاص جهزناهوا للزواج لقي ليهو ضربة قوية في الشغل وقام غير رايوا وقال ناجل شوية

وخزلنا معاهوا
لانوا انا طلعت معاهوا فيوقت من الهند والان قلت ليهوا لو اتخارجت انت في الزواج انا محصلك

لكن تقول شنو
علي العموم عيزكم تعرفوا انوا اتحاد الطلاب السودانيين صرح وجامعة اقوي من جامعة بونا نفسها لانوا غرس فينا مبادي لن نتخاذل ع ولن نتراجع عنها وتعلمنا في مدرسته كل شي ينفع بلادنا وغرس فينا الوطنية الحقة عرفناها من البعثي والشيوعي والاتحادي والمستقلين وكل اخوانا رفقاء النضال
تعلمنا منهم برغم خلافاتنا الفكرية
اول من علمني دروس في النقابة هو الزعيم راضي خليل ودا معروف للكل جبهة ديمقراطية كنا داخل الاتحاد اسرة واحدة سوي حزبك ممثل داخل اللجنة او خارجها
ومن خلال اجتماعت الاحزاب الوطنية قبل ضم الاتحادين تعلمت منهم كثير من الاشياء انتفعت منها في حياتي العملية والحزبية
لذلك ارجو من كل اخواني في بونا ان يهتموا باتحادهم

ولكم منا كل الحب والتقدير

Post: #60
Title: Re: الف تحيه
Author: elsharief
Date: 10-07-2003, 03:39 PM
Parent: #56

الاخوه مهاجر وشلبى

لكم التحايا
نفتخر بتجربة الهند علاقتنا الاجتماعية لاتؤثر عليها العمل السياسى ...

Post: #58
Title: Re: تواصل خريجى وطلبة الجامعات والمعاهد الهندية
Author: Hamid Ali
Date: 10-06-2003, 05:54 PM
Parent: #1

الأخ الشريف والأخوة زملاء الدراسة السلام عليكم وتحية خالصة لكم مرة أخرى .. ولك ياالشريف على هذا التواصل وهذا الجهد المقدر ... سنة الحياة فرقتناولكنك تهدينا بعض رحيق الماضي العذب من خلال هذه الإطلالة .. لك التحية والشكر مرة أخرى وكل المنى أن يتواصل الجهد بمداومة الإخوة على التواصل .
بالمناسبة كيف أخبار مبارك عبد الخالق وكل الشباب بالهند وياريت تدينا شوية من أخباركم وأخبار البلد ديك .
الأخ الطيب أسماعيل حاليابالرياض وقد رزق بطفل وكل شباب الهند في السعودية على تواصل رغم صعوبة الحال ووحشة غربة المكان .
تحياتي للجميع على أمل التواصل .

Post: #59
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-06-2003, 06:19 PM
Parent: #58

الاخ حامد على

شرفت البوست وطبعا يا شباب حامد على اول رئيس لاتحاد الطلاب السودانيين الهندومن قيادة الحركة الطلابية بالجنوب ومن شباب مدارس وجودك بيننا اضافة نوعية للزكريات الهندية وتحياتى الخاصة للصديق المهذب الطيب اسماعيل ونفتقده فى هذا التواصل , مبارق عبد الخالق بخير واوصل له تحياتك

Post: #61
Title: تواصل خريجي وطلبة الجامعات و المعاهد الهندية
Author: ELSUNNI
Date: 10-07-2003, 04:41 PM
Parent: #1

الاخوان الاماجد

خريجي الهند
اعضاءومتابعي البورد الكرام

خالص التحايا لكم جميع

وتحية خاصة للاخوين متولي عبدالله ادريس ود بونا و شاعرنا احمد ابوقوته غريبة ما تذكر اولاد الجزيرة المرحوم عادل وعصام مسعودية و الاسماء كلها من الديناصورات حتى اني شكيت انك تكون حضرتهم لان معظمهم ان لم يسافر 88 فسافر بعدها بقليل وانت من ابناء 88 العصافير والله اطفال الحجارة( بهزر معاك ما تطلع فيني قصيدة الاسماء دي كانت في بنغلور في اول التسعينات).

يمكن تكون دي اول رسالة عبر سودانيز اون لاين وبشكر الاخ بكري لاتحاته لينا هذه الفرصة و احي فيه هذه الروحة الوطنية التي لايصيبها الملل

ارجع ليكم يا ناس الهند
كمال محمد عباس
نصار
مهاجر
وكل الاخوان
قد تصل رسالتي هذه الصفحة وقد تصل الى العنوان الرئيسي لاني مبتدئ

لكم التحايا

راشد موسى السني ناغبور/بونا

Post: #62
Title: Re: تواصل خريجي وطلبة الجامعات و المعاهد الهندية
Author: abuguta
Date: 10-08-2003, 08:05 AM
Parent: #61

الاخ راشد
تحياتى
اسف اسف لعدم ذكر الفطاحلة....عصام والمرحوم عادل وراشد ابناء المسعوديةاذكر اول مرة جيت فيها الهند-ناغبور- سنة 90 وزرتهم وكان ثالثهم صلاح سياسةوقد مررنا على ميدان الكركيت الشهير ووقفت مندهشا لهذه اللعبة الغريبة..فرد عليهم صلاح ساعرفها له فى كلمة واحدة..بتعرف التيوة فقلت ليه كمان حريف فيهافقال لى خلاص انت باعتبارك لاعب كركيت
ووقتها وجدتك..انتقلت الى بونا..وجيتنا فى بعض الاحتفالات
فلك ولعصام التحية ولاخونا عادل الرحمة
والى ابناء الجزيرة هذا الاهداء

الجزيرة

انى محييكم ياعقولنا النيرة
مرحبا بكم فى ذكرى الجزيرة
واصالة كمنت فى تلك البقاع
فباقية ما بقيت شمس الظهيرة
وبساط موشى للجلوس والممشى
وزغرودة ام عند الضريرة
فانحدر الازرق من تلك الهضاب
بصوته الهادر عند الدميرة
كانه اخت تزف اخاها
ترقص فرحا تحمل الشيلة
والابيض الوادع يسير الهوينى
فى ليلة زفافه لبس الحريرة
فكان العناق عند الخرطوم
وموعد الحب وموكب السيرة
فتدفق الماء فولدت الخضرة
واكتمل الجمال فى بنت مهيرة
فكانت الدنيا وتكون الكون
ووجدت بحار واناسى كثيرا
فصارت قارتنا فى قلب عالمنا
وفى قلب افريقا سودانا شهير
وقلب المرء ما دام فى الصدر
فكل الدنيا قد صارت جزيرة

ابقوتة

Post: #63
Title: Re: تواصل خريجي وطلبة الجامعات و المعاهد الهندية
Author: elsharief
Date: 10-08-2003, 05:26 PM
Parent: #61

مرحبتين يا رائد وهذه هى فكرتك فى لم شمل شباب الهند وجودك بيننا أضافة حقيقية لتكملة مشوار التواصل وأطلب منك مواصلة المسيرة لجمع شباب الهند وفى انتظار الطله لقيادة هذا البوست

Post: #64
Title: Re: تواصل خريجى وطلبة الجامعات والمعاهد الهندية
Author: ودالعباسية
Date: 10-08-2003, 09:05 PM
Parent: #1

شباب كيفنكم

مرحب مرة تانى بالاخ راشد وان شالله يكون اضافة حقيقية للمنبر

الشباب الحلوين وينكم ما ظاهرين يعنى الحاصل شنو

بالمناسبة يا راشد انا كل ما اكون عايز اسجل فى الويب سايد بتاعنا ما بتوفق فما عارف

السبب شنو بالله ادينا تفاصيل

والله يا شباب الايامات دي فى الدوحة يتحفنا الموسيقار الاستاذ

محمد الامين بالموسيقى والنغم الجميل وكنا نتمنى تكونو معانا

والى لقاء

Post: #65
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 10-09-2003, 11:28 AM
Parent: #64

مرحبا بتواصلنا ونامل ان يمتد الى افاق اوسع لتضم مع زكرياتنا كل احلامنا لوطننا الذي عانى كثيرا من سياسات حكامنا على مر الدهور نامل ان نطور من توسع افاقنا واحتكاكاتنا بشعوب العالم الاخرى لنطور اسلوب حياتنا و ومعيش شعبنا لينعم بالرفاهية التي لازلنا نحلم بها عانينا كثيرا من التغرب وعانى غيرنا من بني شعبنا فهل سكبنا خبرتنا و افكارنا لنغير واقعنا الى الافضل اعلم انه من الصعب علينا ان نرجع جميعا لكن التغيير يمكن ان يتم من اي مكان مع وجود هذا التطور التقني لكن هناك في بلادنا من يفتقد لقمة العيش و الدواء لمريضه والكثير الكثير من المعاناة التي تبكينا وتزيد تعاستنما هل حلمنا بوطن حر ديمقراطي وتنمية شامل وعدل ومساواة و ان الكثير يعتقد من يعاني هم اهل الجنوب والغرب لا انكر ذلك لكن المعاناة في الخرطوم لاحدود لها دعك من شرقنا الحبيب تحضرني طرفة للاخ خالد الدبل وطبعا هو من اولاد الصحافة ذهب في مناسبة في شهر اغسطس الماضي لاحدى القرى في الجزيرة تبعد من الكاملين حوالي 50 كيلو متر و حكى لي مأسيهم في تلك الرحلة التي واكبت الخريف يومين من السفر و كيف ان اهل المناسبة اخبروهم انه لم يكن هناك داعي لحضورهم لان من يمرض عندهم في الخريف يدعون الله ان يسهل له وان لايمتد مرضه كثيرا حتى لايتعذب لانه في كل الاحوال ميت (طبعا المعلومة ليست جديدة على لاني من المنطقة) لكن طريقت رواية خالد والاستغراب البادي لي في وجهه من ان هذه المنطقة لاتبعد 150 كيلو متر من العاصمة كيف يكون حالها هكذا هناك الكثير الكثير من المآسي
بلدنا التصحر انهيار البيئة الخ
كلها تحتاج لوطنيين غيورين
انا واثق من ان كل رواد هذا البورد هم من النخبة امل ان لا يكون هنالك فشل

و نواصل

Post: #66
Title: Re: تواصل خريجى وطلبة الجامعات والمعاهد الهندية
Author: حمزاوي
Date: 10-09-2003, 11:46 AM
Parent: #1

السلام عليكم جميعاً

ابلغكم سلام زميلكم / سمير ابراهيم عبدالعزيز
خريج جامعة دلهي سنة 1992م

طبعاً انا مكلف من قبل زميلكم ومن له اي رسالة فأنا مستعد لتوصيله له ونحن تحت الخدمة والشكر كل الشكر لك يا استاذ الشريف

وللجميع التحية والتقدير

Post: #67
Title: Re: تواصل خريجى وطلبة الجامعات والمعاهد الهندية
Author: abuguta
Date: 10-09-2003, 12:35 PM
Parent: #66

الاخ سمير مرحب بيك
تحياتى
ما ظنيت بعرفك...لانى علاقتى بدلهى علاقة سفارة..لكن بذكر واحد اسمه عادل امه موظفة فى البنك العربى...كان بجينا فى ناغبور...ومرة نزلت مع اولاد الببزن بهار...وكنت بمشى جانياكيا بورى ..عشان ابيع شيكى..وبعد ما احضر فلم فى سينمتها العجيبة ..واقلب نظرى ..فى اسواق الفرو..التى كانت تجلب الخواجات...واكل فاست فود..بركب الركشة على طول الى كابلى هوتيل..ونظام الدين بالليل حيث البريانى ..والشية والكباب..وقبل مواعيد القطر ب 7 ساعات بمشى باليكا بازار...عشان بشترى الاقمصة الهزازة الملونة..وبعدها الى نيو دلهى استيشن..عشان اركب قطار التمل..او الجنوب...حيث نمر بعد ساعتين من دلهى باقراء موطن عجائب الدنيا السبعة التاج محل واساطيره التى كنت اسمع بيها عندى جدى..ومرورا بالشلالات والاشجاروالغابات..ندخل اقليم الان. بى وعاصمته بوبال ذات ال1500 مئذنة وبها تاج المساجد ..وهى مدينة قديمة
وبعد 17 ساعة مسيرا بالقطر ندخل اقليم المهراجا وعاصمته ناغبور مدينة اليوسفى..منظر اشجاره وهى تحمل ثماره الاخضر والاصفر يذكرنى بحواشات ابقوتة...فى موسم قطننا طويل التيلة وانا عابر اليها من الخرطوم بعد ان امر بمشروع سندس الصحراوى..تطل اشجار الهشاب التى تحيط بتلك المدينة..التى حوت كل ذكريات الطفولة..

حمزاوى هذه هى العولمة..ماهو وجه الشبه بين مدينة فيها اعرق جامعة بها 250 كلية..واخر عهدى بيها هنالك سلفة لشوارعها تقاوم الزلازل.. وبين.. قرية من قرى الجزيرة اتكأت فى سهلة شرق النيل الابيض...بيوتها تسبح فى برك الماء..عندما تدمع سماواتها المكحلة..كعروس فى يوم زفافها....خلى سمير يكتب لينا ذكرياته عن نيو دلهى
وتسلم ياحبيب

Post: #177
Title: Re: تواصل خريجى وطلبة الجامعات والمعاهد الهندية
Author: عبدالرحيم ابوحراز
Date: 12-21-2003, 12:04 PM
Parent: #66

السلام عليكم ورحمة الله تعالي وبركاته
ما قصرتم بالذكرى يا أخوه أنا مافي معلوم إنديا
برحب بذكريكم الجميلة، والرحلة الطويلة, والمعاناة الأليمة! وعلي حساب مين يا ترى طلعت الوليمة؟.
وربنا يرجع إخوانا كلهم في دول المهجر ويرفع البلاء وينزل الشفاء!! القصة مشوقة داير الواحد يعرف تفاصيله, و عن المنطقة الجميلة.

Post: #68
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-09-2003, 03:52 PM
Parent: #1

نرحب بالعريس عبدالرحيم ابايزيد وألف مبروك وبيت مال وعيال ويامرحب والعودة للمنبر

الاخ حمزاوي
شكرا يا حمزاوي للزيارة وتحياتنا للاخ سمير

الرائد راشد
واصل فى مشوار لم الشمل للشباب

Post: #70
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-13-2003, 04:04 PM
Parent: #1

نرحب بالاخ سليمان ابراهيم سليمان

suliman ibrahim

تاريخ التسجيل: 11-10-2003
مجموع المشاركات: 2

ان تكون مشاركتى الاولى فى هذا البورد عن الكاتب الكبير على محمد على المك ليست صدفة وما قادنى الى ذلك هو اننى وفى جميع المراحل والتعرجات التى مرت بها حياتى كان لعلى اثر واضح فى حياتى على المك ادخل فى حياتى
اشياء كتيرة اصبحت ثوابت فى فلك الروح
تقول الحكمة {انت ماتاكل} لكن على جعلها انت ما تقرأ
والكتابة عن على المك تحتاج الى تلك الادوات والمعاول التى تحفر فى نفسك دروب ومجاهل لم تكن تعرفها ولا حدثك بها احد يقول على فى فى قصة {أن الناس عندنا يقيسون عمق أبارهم بالرجال فيقولون البير دى طولها سبعة رجال}
من منكم فكر فى البير وعمقها الم اقل لكم انه يجعلك تكتشف زاتك عندما تقرأ على لا لم اقل ذلك
اولى محاولات على فى الكتابة والتاليف كانت بمدينة مروى
ففى عطلة الصيف وهو طالب بالمدرسة الاسطى كان يحرر مجلة نصف شهرية بخط يده اسماها {قسمتى كده} الم اقل لكم ذلك لا لم اقل ذلك
فى عام 92 وحين احكمت جيوش الظلام والقبح على الرقاب
كنت خارج السودان انهل واستنشق عبير الحرية فى بلاد الهند الجميلة حين استقبلت الخبر كانت بعض الكتب والمقالات التى كتبها بحوذتى بعضا منها كان موت على المك أشبه بنوع من الجفاف والتصحر الذى يصيب الارض والذرع
او ان تترك معلق بين السماء والارض
قمت انا وبعض الاصدقاء باصدار جريدة اسميناها الفجر
ساعدنا كثيرا فيها الاخ الامدرمانى الكارزيمى ابوبكر الصديق على والاخوان محمد الخير خليل وطارق احمد عبدالله ومحمد سيد خطاب كانت الجريدة تحكى عن اعمال الراحل وسيرة ذاتية عنه نعم رحم الله ذاك الذمان البهى
وكنا فى كل عام وبدار اتحاد الطلاب السودانين نقيم له ليلة وفاء له بسم جمعية النيل الثقافية
تغيرت اشياء وغابت اشياء منذ ذلك لكن يظل على المك دائرة الاهتمام الاولى التى تقودنا الى مواطن الجمال وابداعات الكتابة
تذكرت الان ما قاله الرئيس الهند عبد الكلام وهو بالمناسبة عالم .قال ان العبقرية هى تحويل الاشياء المعقدة الى اشياء غير معقدة وهذا لعمري ما قام به
على المك وقادنا الى ذلك
شكرا الاخ بكرى وسلامى الى الاخوان اولاد الهند الجميلين بالبورد وخارج البورد و لنا عودة

Post: #71
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 10-16-2003, 09:43 AM
Parent: #1

يزداد تواصلنا تألقا بقدوم اخونا سليمان ابراهيم سليمان ونامل في ان يوفر واحة للقاء كل بلابلنا المغرد بالخارج والداخل و فاتني ان احي صديقي احمد مصطفى اسد و ابارك له الزواج و تحياتي لكل الشباب معه بالشرقية (المملكة) الساحة في السودان تعج بالاحداث من السلام و وزيارة السيد رئيس جمهورية الهند المرتقبة في اكتوبر 21 و عدد من البرامج لرابطة خريجي الهند وجمعية الصداقة السودانية الهندية بالاستفادة من الليال الرمضانية و اجواء الخرطوم المهيئة في هذه الايام التحية للاخ الشريف و الاخ احمد ابوقوته ولجميع الاخوة بالبورد

ويزداد تواصلنا

ونواصل

Post: #72
Title: Re: تواصل خريجى وطلبة الجامعات والمعاهد الهندية
Author: مهاجر
Date: 10-16-2003, 03:20 PM
Parent: #71

الاخ راشد مرحبا بك معنا مرة اخري

ارجو ان تعطي الشباب في السودان فكرة عن موقع الدار حتي يقوموا يتنشيطه
هنا المغتربين ديل بقوا ناس معايش وزمنهم بقي جري وطيران

اخوك عباس فداسي

Post: #73
Title: Re: تواصل خريجى وطلبة الجامعات والمعاهد الهندية
Author: suliman ibrahim
Date: 10-16-2003, 06:46 PM
Parent: #72

الاخوة ابناء الهند الحميمين الجميلين
الكتابة عن علاقاتنا وصداقاتنا واتجاربنا لم تحن موعيدها بعد وهي فى كل الحالات تصير كتابة عن الذات والنفس وخلجاتها وفى تلك الحالة تكون الكتابة صعبة ومهمة شاقة لا نستطيع تحملها
فأنتم النفس والذات وانعكاس الروح
ابان عودتى للسودان فى اجازة رافقنى قريب من اهلنا وكل الزيارات كانت من امدرمان الى بحرى وام دوم واطراف الخرطوم وضواحيها وكنا نتجازب اطراف الحديث وننسى ما حولنا وكانت الونسات حميمة لدرجة
ان قريبى هذا اعتقد اننا نسكن كلنا فى شقة واحدة وقال بالحرف الواحد لابد انها شقة كبيرة فقلت له ان الذى كنا معه الان كان يدرس فى مدينة اخرى قابلته فى القطار وانا فى طريقى الى دلهى ،فقال ساخرا يعنى الونسة والعزومة دى كولها كانت عشان كمسارى القطر
امرنا عجيب وغريب لكن نظل نحن هكذا اصدقاء فى كل بلد وفى كل ركن من اركان الدنيا
التحية الى الاخ الشريف متولى والاخ العزيز الرائد والراشد راشد موسى السنى فهو رجل هميم يسعى لتقريب الناس ولملمة الشتات وكذلك فعل الشريف متولى لهم منا اجمل التحيات ودمتم
الاخوة هنود التبنى فى البور او خارجه لكم منى تحياتى واشكركم لكم ماقادنى الى هذا البورد هو انتم وسعيد جدا ان اكون منكم ولكم
وتذوب كل الاشياء لتشكل انتمانا الى بعضنا فقط نظل اولاد الهند الحنينين الجميلين
الاخ الصديق راشد اذا كان سوف يقوم رئيس الوزراْء الهندى بزيارة
الى السودان يوم 21 اكتوبر معنها مرسلو اخونا العزيز بكتاش اوكمان بفتش عن اخوناالعزيز الحاج عبدالله عشان الكورال
لهم منا جميعا التحيات والسلام
يا شباب عايز اخبار عن اخونا عبد الرحمن عبد الشكور والاخ سامى مهدى الكوفى لهم منا التحية
ومبروك للاخ عبد الرحيم ابايذيد رجل هادىء الطباع لازلت احتفظ له
بذلك المقال بجريدة مهراشترا هرلد او الاندين اكسبرس له منى التحيه
الاخ الرسام الفنان ايهاب السنى الف مبروك تزكرتك حين كنا فى ذلك العام انا والاخ العزيز حمزة الامين قد اوكلنا لك ههمة رسم بورترية للكاتب الكبير على المك لنستعين بها لليلة الوفاء له بدار الاتحاد وكانت الصعوبة فى نقل صورة النعى الى البورترية
عاد التاريخ هنا لكن بشكل آخر لامكبرات صوت ولا مداخلات ولا فرص
مباشرة او غير مباشرة او حسمته العشة ولا لسه ولاشؤون دار ولا عادل تطش آه ثم آه ترى من يعيد لنا كل هذا الجمال والروعة
ودمتم ودمتم

Post: #82
Title: Re: تواصل خريجى وطلبة الجامعات والمعاهد الهندية
Author: إسماعيل وراق
Date: 10-23-2003, 01:30 PM
Parent: #73

الأخ سليمان إبراهيم
لك التحية ولشباب الهند أطيب الأمنيات
أستوقفني سؤالك عن الأخ سامي مهدي الكوفي، وهو الآن بالمملكة العربية السعودية، تحديداً مدينة الرياض، وآتى من السودان قبل شهر يعني مغترب لنج.
أما الأخ عبد الرحمن عبد الشكور فعلمت من الأخ الصادق خليفة بأنه بالسودان، وربما يكون بالسعودية قريباً.
لك مودتي

Post: #84
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-25-2003, 05:19 PM
Parent: #82

الاخ اسماعيل وراق
شكرا على الطله ومرحب بيك فى البوست وتحياتنا لكل شباب الدويم بالسعودية ,الصادق خليفه,سامى الكوفى, الهادى هليس , عبدالحفيظ والجميع

Post: #88
Title: Re: تواصل خريجى وطلبة الجامعات والمعاهد الهندية
Author: suliman ibrahim
Date: 10-27-2003, 07:36 PM
Parent: #82

الاخ /اسماعيل وراق
لك التحية وانت تأتى لى بأخبار الاصدقاء تحياتى
للصديق سامى الكوفى وقل له{باب الفصل كاسحبو موج }
وعبرك اجمل تحيه للاخ عبد الرحمن عبد الشكور شاعرنا المرهف
وايضا للاخ ود الصحافه الصادق خليفة

ودمت اخى ولو امكن وعلى الماسنجر ان ترسل لى ايميل الكوفى
ولك التحيات على هذا الاهتمام الراقى ودمت

Post: #74
Title: Re: تواصل خريجى وطلبة الجامعات والمعاهد الهندية
Author: bit omdur
Date: 10-16-2003, 10:19 PM
Parent: #1

لكم التحية بت امدر من مدراس

Post: #75
Title: Re: تواصل خريجى وطلبة الجامعات والمعاهد الهندية
Author: sign
Date: 10-17-2003, 09:49 PM
Parent: #74

مرحبتين بت أمدر الجميلة..
و الدار تسع السني وسليمان..
* خالد*

Post: #76
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-19-2003, 05:14 PM
Parent: #1

الخرطوم: سونا

يبدأ البروفسير ابوبكر زين العابدين عبدالكلام رئيس جمهورية الهند زيارة رسمية للبلاد اليوم الاحد علي رأس وفد عال المستوي تستغرق ثلاثة ايام يجري خلالها مباحثات مع الفريق الركن عمر البشير رئيس الجمهورية بشأن تطوير وترقية العلاقات الثنائية ودعم اوجه التعاون المشترك بين البلدين .

وقال السفير يوسف فضل الناطق الرسمي بأسم وزارة الخارجية ان زيارة الرئيس الهندي للسودان تعتبر زيارة تاريخية باعتبارها اول زيارة يقوم بها رئيس هندي للسودان منذ الاستقلال.

واضاف ان هذه الزيارة تعتبر دفعا وتعزيزا للعلاقات الثنائية بين البلدين وستتيح للرئيسين تبادل وجهات النظر في القضايا الثنائية والاقليمية والدولية كما تتيح للوزراء من الجانبين التشاور للوصول لاتفاقيات ثنائية في المجالات كافة وبخاصة المجال الاقتصادي وتفعيل الاتفاقيات القائمة بينهما . .

وعلمت (سونا) ان برنامج زيارة رئيس جمهورية الهند يتضمن لقاءات مع نائب رئيس ورئيس المجلس الوطني /البرلمان/ وعدد من الوزراء بينهم وزيري الخارجية والطاقة والتعدين ويشهد جلسة المجلس الوطني يوم الثلاثاء القادم كما يلتقي يخريجي الجامعات الهندية كذلك باعضاء الجالية الهندية بالسودان .

وسيتم في ختام المباحثات يوم الاربعاء القادم التوقيع علي عدد من الاتفاقيات بين البلدين

Post: #77
Title: Re: تواصل خريجى وطلبة الجامعات والمعاهد الهندية
Author: ايهاب
Date: 10-19-2003, 05:28 PM
Parent: #76

حبايبنا البوناب والهنداب اجمل الاماسي
الاخ راشد والاخت بت امدر
مرحبا بكم شرفتو البوست وسعدنا بلقياكم
العزيز سلبمان
مرحب بك مره اخرى في البورد
يا سلام عليك وانت تحكي الذكريات العذبه والتجربه الهنديه الفريده
تعرف يا سليمان انو حت ما شرط انو تكون لاقيت الزول في الهند زاتو او قرا معاك في نفس الفتره او المدينه
يكفب ان تكونا قد تواجدتما هناك في فتره ما لكي تشعر ان الحاله واحده وانك تعرفه من زمان حاجه كدا زي السحر يا سليمان
كل الود والتحايا

Post: #78
Title: Re: تواصل خريجى وطلبة الجامعات والمعاهد الهندية
Author: abdelrahim abayazid
Date: 10-19-2003, 07:31 PM
Parent: #1

سلامات ياشباب
الاخ الشريف لك التحية والتجلة
سوف اعلق علي خبر زيارة رئيس الهند الي السودان بما
السيد ابوكلام سوف يقابل خريجي الهند فاتمني ان تصله الحقيقة وقبلها شكرنا وامتنانا لدولة الهند وشعبها الذي احتضنا وقدم لنا الكثير عبر العقود الماضية فلقد كان دعما مقدرا واستفدنا كثيرا من تجربة شبه القارة الهندية الديمقراطية الا ان زملاء لنا درسوا معنا ونهلوا من نفس الكتب حاولوا تشويه تلك التجربة مستخدمين موهلاءتهم العلمية في صياغة القوانين التي تكبت الحريات
وفي حياكة المكايد وان هولاء وحكامهم يا سيادة الرئيس لايزالون يحرمون زملاء لهم من حق التعين في اروقة الحكومة
لاختلاف اراءهم وولاءهم السياسي وانتماءهم القبلي انهم ياسيادة الرئيس مترددون ويمغضون ان يحكمهم مسيحي او شخص ليس بمسلم فهل توافقهم وانت رئيس دولة الديانات المتعددة وانت مسلم في دولة الهندوس.
مرة ومرات مرحبا بكم في قلب افريقيا الذي ينبض خارج الصدر وشكرا كثيرا.

Post: #79
Title: Re: تواصل خريجى وطلبة الجامعات والمعاهد الهندية
Author: Hamid Ali
Date: 10-19-2003, 10:23 PM
Parent: #78

الأخوة رفقاء أجمل دروب الحياة سلام .. وسعيد بلم الشمل مرة ثانية عبر هواء طلق ليس فيه كبت لحرية أو إغتيال لطموح ... شكراً أخونا بكري فقد أصبح المنتدي يذكرنا بأيام الهند السابقات التي تعلمنا فيها معنى الحرية وإحترام الراي الأخر وإن كبر الإختلاف معه .
الأخ الشريف وبقية الأخوة الكرام زيارة السيد رئيس الهند تحي في النفس ذكريات أيام علمتنا الكثير في بلد أكبر ديمقراطية في العالم ونحن نقترب من ذكرى أكتوبر الخالدة وثورة الطلاب الأولي ... فدعونا نجعل إحتفالنا بأكتوبر هذه المرة ذو نسمة هندية ... ونقراء من جديد سيرة أخوة لنا وهبونابنضالهم وصبرهم .. حلم كنا نعيشه ونحن طلبة جدد عندما جئنا إلى حياة طلابية ومجتمع متشتت ... فصنعوا لنا هذا الحلم ولموا شمل الطلاب في كيان واحد ... التحية ألف مرة .. والتحية بقدر المسافات البعيدة التي تفرق عليها خريجي الهند للأخوة الذين قادوا لجنة رأب الصدع وجمعوا شمل الطلاب ... قصتهم يجب أن تقراء من جديد ونخلص للإيجابيات الكثيرة التي نتجت عنها ... لانها تشبه ما يحدث اليوم ... وما يحدث في كل المجتمعات السودانية التي مزقتها الفرقة والشتات ... في الرياض تشتت السودانيون لرابطتين وكذا حالهم في معظم دول الشتات ... وفي السودان عانا شعبنا من إزدواجية الشتات في حكومة القصر وحكومة المنشية ... ويعاني اليوم من إزدواجيات (إن صح التعبير) في تقرير مصيره ووحدته ... ما سلمت من الشتات الحكومة أو المعارضة ... أو حتى الأحزاب السياسية .. ولم ينجح في لم شمل الشتات (حسب علمي المحدود) إلا أولئك الشباب عبر لجنة رأب الصدع دون وصياية أو جبر من جهة ودون تدخل جهات أخرى لتحمي مصالحها ... كانت جهود سودانية صرفة ومن أهل الشتات أنفسهم لأنهم أمنوا بالوحدة خيار وغياة لهذا نجحوا ..
لهم وهم يتفرقون في كل أنحاء السودان والعالم التحية والتقدير .. وياليت أن يكون إحتفالنا بذكرى 21 أكتوبر القادمة بالإرتياح على نسمة هندية نقييم فيها هذه التجربة الرائدة ونؤرخ لهواء الشباب .. كل يدلو بدلوه ويعطينا رأيه وما خفي عنا ...
لكم التحية مرة أخرى .

Post: #80
Title: Re: تواصل خريجى وطلبة الجامعات والمعاهد الهندية
Author: Hamid Ali
Date: 10-20-2003, 10:03 PM
Parent: #79

سلام كل الشباب ...
أكرر الدعوة للتذكير ...
وكل عام وأنتم بخير ... وكل عام والوطن حر و بخير .

Post: #81
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-22-2003, 04:32 PM
Parent: #1

الاخ حامد على

سلامات
عبرك التحايا لجميع خريجى وطلبة الهند وممثل فى أتحادهم الوطنى وفق دستوره المنحاز لقضايا الطلاب والوطن , والتهنئة للجميع بثورة أكتوبر .

وفى أنتظار رائدنا راشد السنى وعكس اللقاء المفصل بين خريجى الهند والرائيس الهندى

وحمدلله الف على عودة العضو النشط أبوقوتة

Post: #83
Title: Re: تواصل خريجى وطلبة الجامعات والمعاهد الهندية
Author: abuguta
Date: 10-24-2003, 01:12 PM
Parent: #81

كومبيوتر

اى حاجة كومبيوتر
الساعة كومبيوتر
والنضارة كومبيوتر
والجزمة كومبيوتر
ياحليل زمن النقر
كانت الدنيا طايرة راكة
مرة كفر ومرة وتر
بس الليلة كلامن كل بقى
كومبيوتر
الزواج بالكومبيوتر
والطلاق بالكومبيوتر
والحب بالكومبيوتر
والموت بالكومبيوتر
انا مالى والكوبيوتر
انا مالى وعيشة الضر
كنت عايش مرتاح وفى السوق
عامل سيوبر
ديك بضاعة رابحة
وديك خاسرة
مرة تركيا ومرة مصر
بس ابوى اصر وقال لازم
ادرس كومبيوتر
عشان بيتنا فيه كومبيوتر
وامى صاجة بكومبيوتر
وعندها حلة perjure
حتى حواشتنا فيها كومبيوتر
الزراعة بكومبيوتر
والسقاية بكومبيوتر
والحصاد بالكومبيوتر
عشان مافى حاجة فى بيتنا تخسر
انا لازم ادرس كومبيوتر
جيت لقيت (ناغبيور) ظريفة
ما فيها عيون حاملة شر
لكن القلوب عليمها الله
هى تراها دافنة سر
بس لما جيت اتصعد
العواجيز صارت تنظر
مرة قالو عنى كوز
ومرة قالو شيوعى حر
ومرة قالو وقالو قالو
انى بسكر
ودا كله عشان انى قاعد بدرس
كومبيوتر
مافى ناس عاملين فيه ادميشن
من سنة حفرو البحر
لا دايرين امشو ابوظبى
ولا دايرين يسافرو قطر
بس قاعدين لشغل التنظر
انا ذاتى حاقعد انظر
النشوف مين الفينا يخسر
ما اى حاجة كرهت احمد
حتى حركات الprinter
ولما اكتب برامج
The output equal error
حتى اللونا منى زهجت
وفى النهاية عملت موتر
وعلقت ليه شعار سودانير
بس الموتر بمشى خطوة خطوة
واللستك جديد قاعد يبنشر
ولو الواحد عايز يحب
برضو هنالك من ينظر
ولو دخلت معاههم معاينة
بطلعونى واحد صَغير
بس هى قالت لى عشان
تبقى قيس وابقى ليلى
وتبقى روميو وابقى جولييت
وابقى عبلة وتبقى عنتر
انا لازم تدخل معسكر
انا مالى والمعسكر
ومال وبلدى وحكومة عسكر
عشان كلامك كومبيوتر
وانت ذاتك cpu
وانت ذاتك كومبيوتر
فى مشيك لاكى رايحة ولاكى جاية
ولاكى ماشة ولا كى راجعة
متل حركات الprinter
عشان عيونك يامزرزر
انا اتعلمت الكومبيوتر
كومبيوتر
كومبيوتر
كومبيوتر

ابقوتة

Post: #85
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-25-2003, 05:22 PM
Parent: #1

شباب الهند رمضان كريم تصوموا وتفطروا على خير

Post: #86
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-27-2003, 04:52 PM
Parent: #1

لماذا الغياب يا شباب الهند

Post: #87
Title: Re: تواصل خريجى وطلبة الجامعات والمعاهد الهندية
Author: suliman ibrahim
Date: 10-27-2003, 07:17 PM
Parent: #86

الاخ والصديق العزيز/الشريف
ورمضان كريم وتصوموا تفطروا على خير وتمنتاتنا لكل بورداب الهند الجميلين الحميمين دوام الصحه والعافية ولكل
الجموع الطلابية بشبه القارة الهندية وكل المحاربين القدماء
كما شبههم اخونا العزيز {معاوية كلابور الشهير بماو}
ورمضان الهند له طعم خاص ومميز جدا وفيه زكريات جميلة جدا
وممتعه
تبدأ بالافطارات الجماعية للاسر والروابط وعزومات الاصدقاء
لتجد نفسك وكما يقول الاعزاء عبدالله صالح {جحا} وسلك {البرنامج مليان}
من المواقف الطريفه فى عام من الاعوام قدم لى ابن حلتنا العزيز
خالد الدبل دعوة فطور فى منطقة الدكن حيث يسكن وكان الافطار جماعي فيه الاخوان علاء الدين تيتاوى وكرياكو والريس صلاح احمد عبد الرحيم وزميل البورد علاء الدين نصار واميتاب والريس اسحاق
ووليد ابوراس ومن مدراس الاخ جلال حامد المهم مجموعه كبيرة من الافاضل وكنت لا اعرف مكان البيت جيدا المهم اتفقنا ان نتقابل قبل الافطار على الشارع الرئيسى الذى يفضى الى البيت
لظرف ما تاخرت 3دقائق بعد الافطار لاجد خالد يقف بالقرب من
رجل يبيع {الواده باو}وهو ممسك بثلاث سندوتشات واده
وقفت امامه فقال وقبل ان اسلم عليه {بتعاين مالك ما احلل صيامى كمان }
ايام والله جميلة كانت لم ولن تعوضنا عنها باريس ولا فينا ولا ليل لندن ولا واشنطن ولا نوافير روما وحسناواتها
فقط تبقى لنا زكرياتنا نعيدها فى كل مره حين نشعر بالضيق حتى و لو كنا على اشارات المرور .
تحياتى لكم ودمتم

Post: #89
Title: Re: تواصل خريجى وطلبة الجامعات والمعاهد الهندية
Author: Shalabi
Date: 10-28-2003, 07:21 AM
Parent: #1

شباب الهند الرائعين,,
كل سنه وانتم طيبين وتصوموا وتفطروا علي خير,,,
يا الشريف انشاء الله تمام وبالله لما تفطر اديها بيجيه حااااره من عمتك العجوزه جوار قهوة ماجستك ,,, وبالليل امشى مؤمن بوره وما تقصر من الحلويات وقول دي لي شلبي واحساسي معاك ياشريف عارفك ما بتاع سفسفة لكن ده رمضان وكل بيهون ,,
تحياتنا للشباب وتحيه خاصة لشباب نوباتيا الاصيلين ,,
ودمتم

Post: #90
Title: Re: تواصل خريجى وطلبة الجامعات والمعاهد الهندية
Author: إسماعيل وراق
Date: 10-28-2003, 11:03 AM
Parent: #89

الأخ الشريف
وجميع شباب الهند الرائعين
أنا أعتبر نفسي واحد من شباب الهند رغم دراستي بجامعة الخرطوم، ويرجع ذلك لصداقتي مع كثير من شباب الهند الرائعين، هنا في مدينة الرياض وحدها أعرف ما يقارب العشرين شخصاً.. فحقاً هم رائعيين.

الأخ سليمان إبراهيم
سأرسل لك عنوان الأخ سامي الكوفي لاحقاً، وهو كما قلت لك وصل الرياض قبل شهر، وسأبلغه تحياتكم جميعاً.

Post: #91
Title: Re: تواصل خريجى وطلبة الجامعات والمعاهد الهندية
Author: ahmed_asad
Date: 10-28-2003, 12:00 PM
Parent: #1

shabab elhind..... ramadan kareeem
dear ibrahim suliaman
you are most welcome ,it`s your home too
my regards to:
sami alkofi
alsadiq khalaifa

Post: #92
Title: Re: تواصل خريجى وطلبة الجامعات والمعاهد الهندية
Author: kamalabas
Date: 10-29-2003, 04:17 AM
Parent: #1

الاخوة الكرام
تحية
زفاف
أتصل بي هاتفيا الاخ عادل نصر ابوبكر ــ عدولي أو
اللعيب ــ من بنسلفانيا وأخبرني بأن حنه الاخ
عصام الجاك يوم 27 ـ11ـ القادم وزواجه يوم 29 ـ11ـ
بألبني نيو يورك ـ نتمني له زواجا سعيدا
كمال

Post: #93
Title: Re: تواصل خريجى وطلبة الجامعات والمعاهد الهندية
Author: Shalabi
Date: 10-29-2003, 07:00 AM
Parent: #1

سلام شباب الهند,,
وبما ان الكلام اصبح كلام عرس فقد اتت الانباء من السودان بأن موعد زفاف الاخ الزميل الرائع عمر عبد المنعم عمر (بومبي - بونا) قد تحدد له عيد الفطر المبارك بالخرطوم وربنا يتمم على خير والف مبروك للاستاذ عصام الجاك وللرائع عمر منعم وعقبال الشريف والحاج عبدالله وعقبالكم ياشباب.

Post: #94
Title: Re: تواصل خريجى وطلبة الجامعات والمعاهد الهندية
Author: alrasikh
Date: 10-29-2003, 11:32 AM
Parent: #1

الاخوه الكرام رمضان كريم وربنا يحقق الامانى.
الشريف كيف رمضان معاك حتى الان ما عارفين اراضيك؟
الرائع سليمان حقيقه الذكري لاتباح مخيلتي هل تتذكر محلات الخانه جوار الموتم ماركت والذ الماكولات والشيرا
شلبى شنو الشباب كولهم عروس ونحن في انظارك ولا مستنىالشريف وبكتاش .
حبيبنا ايهاب كيف عامل مع رمضان وهو الاول في العشه الزوجيه.
اخونا مهاجر كيف مع رمضان؟ياحليل شفاجي ماركت ومومن بوره.

Post: #95
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-30-2003, 11:46 AM
Parent: #1

التهنئة موصولة للاخوه عصام الجاك وعمر منعم بمناسبة الزواج ونتمنى لهم حياة زوجية سعيدة

Post: #96
Title: Re: تواصل خريجى وطلبة الجامعات والمعاهد الهندية
Author: ودالعباسية
Date: 10-30-2003, 06:18 PM
Parent: #1

الاخوان شباب الهند الاعزاء

رمضان كريم وتصوموا وتفطروا على خير

يتواجد معانا هذه الايام ضيفا عزيزا علينا الاخ طارق بريقع فى زيارة قصيرة للدوحة

وهو فى ضيافت شباب اولاد الهند

وبكرة يا شباب عندنا اول فطور لشباب الهند

اتفضلوا معانا

بالمناسبة لو كنت بعرف انزل صور كنت حا انزل ليكم صور الفطور

Post: #97
Title: Re: تواصل خريجى وطلبة الجامعات والمعاهد الهندية
Author: elsharief
Date: 10-31-2003, 11:05 AM
Parent: #1

شباب الهند بالدوحة رمضان كريم وسلامى للاخ طارق بريقع ويا ود العباسية فى انتظار انزال الصور ومافى مشكلة ايهاب موجود

Post: #99
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-01-2003, 08:19 PM
Parent: #97

الاحباب والزملاء كل سنة وانتوا طيبيين

قبل يومين اتصلت علي عادل بيف وكان في الاتحاد ومشغلين كمان حنان النيل والله اخذني الشوق بصورة قوية الي بونا الحنونا

مبروك للزعيم ورفيق الدرب الاستاذ عصام الجاك شيخ النقابة واستاذنا

بالله ياكمال بلغوا سلامنا وكل الزملاء وخاصة اخونا اللعيب وادينا اخباروا هل تزوج ام لا

الف مبروك للاخ عمر عبدالمنعم

وين راشد يا جماعة
عارفين رمضان سخن في السودان

Post: #100
Title: Re: تواصل خريجى وطلبة الجامعات والمعاهد الهندية
Author: ايهاب
Date: 11-02-2003, 00:38 AM
Parent: #99

سلام حبايبنا
اولا مبروك لي العجوز عصام الجاك وعقبال ياقي الديناصورات
loOoOoOoOoOoOoOooOoOLZ
بالامس كان افطارنا على كورنيش الدوحه كالعاده في كل رمضان
و كان تجمع قرابه الثلاثين من شباب الهند و طبعا الاغلبيه الكاسحه لي ناس بونا
من 84 ولي جاي
كانت لمه ابعاد و شي فوق ان يوصف والله شعور اجمل من جميل
غلفه الحنين والذكريات للاسف صور بالفيدو لكن حا اشيل الشريط من تيتاوي وانزل منو صور في اقرب فرصه
كما اننا نلتقي يوميا في قهوتنا
طبعا عاملين لينا قهوه هنا برضو
باقي الدار
هههههههههههههههههههههههههه

Post: #101
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-03-2003, 10:12 AM
Parent: #99

الاخ ايهاب فى انتظار انزال الصور

Post: #102
Title: Re: تواصل خريجى وطلبة الجامعات والمعاهد الهندية
Author: BAKTASH
Date: 11-03-2003, 12:44 PM
Parent: #1

سلامات شباب الهند الروعة....ألف مبروك للشرفاء ود الجاك وعمر منعم وعقبال قندس ومتولي والحاج عبدالله ومعتصم الشيخ ........وأنا.

Post: #103
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-05-2003, 09:53 PM
Parent: #1

وين الشباب

Post: #104
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-05-2003, 10:16 PM
Parent: #103

الشريف رمضان كريم
والف مبروك لك وللاخ بكتاش

نتمني ان يتم الموضوع علي خير انشاء الله ونراسلكم من هناك باذنه تعالي

نعم هناك غياب تام للاخوة في الدار هنا

اتصلت قبل كام يوم بالاخوة في بونا بيف ومعمر وايمن وحقيقة كانت لحظة حلوة استعدنا فيها ايام جميلة

نفقتد الاخ سليمان وبقية العقد الفريد
العريس ابا يزيد مخاصمنا ولا شنو

سلامي لكل الاحباب معاك

ولي عودة

Post: #106
Title: Re: تواصل خريجى وطلبة الجامعات والمعاهد الهندية
Author: abdelrahim abayazid
Date: 11-05-2003, 11:12 PM
Parent: #104

يا مهاجر سلامات ورمضان كريم

ما في خصومة ياخوي متابعين ومعاكم طوالي
ما سمعنا رائك ومساهمتك في المهرجان
تحياتنا لك ولجميع الشباب طرفكم

Post: #111
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-06-2003, 09:42 PM
Parent: #106

الاخ مهاجر

شكرا لك وأى جديد سوف اكتب لك فى الماسنجر

الاخ نصار

هذه هى تجربتنا النقابية والذى نفخر بها
وهذا هو تلفون الاخ عصام الجاك
0017173504506

Post: #105
Title: Re: تواصل خريجى وطلبة الجامعات والمعاهد الهندية
Author: نصار
Date: 11-05-2003, 11:10 PM
Parent: #1

الشباب النضير..رمضان كريم
الف مبروك للعزيز ود الجاك بالله يا الشريف لو عندك طريقة اتصال بيه مدنا بيها...من ابرز ذكرياتى فى الهند ما كان فيها ود الجاك فى معتركات النقابة و السياسة و هو بالحق يفرض على من يتفق معه و من يختلف احترام لشخصه وتقدير لمقدراته...
اذكر فى الدورة الثانية للاتحاد الموحد كانت المفاوضات شاقة وقد بدأت منذ منتصف الدورة الاولة و كانت التنظيمات تستكثر علينا الانفراد بالمجلس الادارى و الهيئة التنفيذية و الصراع اصبح شكلة غريب بعد انحسار الكيزان ...المهم المفاوضات كانت تسير موازية للمؤتمر المركزى و بعض التنظيمات كانت ترى حتمية قيادتها للاتحاد برغم الاغلبية الكبيرة لصالحنا ..الحكاية جرت الى ان انتهت اعمال المؤتمر و لم نصل لشئ فقام ود الجاك بتقديم اقتراح يتمشى مع رغبتنا و ضغط على التنظيم الطموح بلا سند قاعدى وكنا فى منزل احد اعضاء هذا التنظيم فقاموا مثلوا التنظيم بالانسحاب و تركونا فى منزلهم ...كلفنا الاجتماع انا و عصام و بريقع بالاتصال بقيادة المنسحبين و محاولة لملمة الموضوع...المهم قابلناهم و طلبوا مهلة نلتقى بعدها فى الايست استريت و فى مساسقتنا دى مرينا بالدار نشوف الحاصل شنو اول ما شافنا الاخ ياسر حسن السكرتير الثقافى و عضو لجنة الانتخابات نادى على الحضور و قال ليهم تعالوا عشاننعلن المجلس الادارى الجديد...بعد شوية اشوفلك الخلعة و الدهشة فى وش بريقع و عصام و رضوا الى داخل الدار ليجدوا ياسر ميت من الضحك و قال ليهم شنو يا جماعة ح تتفاوضوا لى متين الوفود عاوزة تسافر حلونا...الجماعة افتكرونا بعناهم بالرغم منانهم كانوا بقولوا اننا ما خسيسين لكن عنيدين.
بعد نهاية الموضوع حبينا نتناول اول وجبة من الصباح و لقينا عند الايرانى اخر سندوتشين و قدامنا احد اعضاء التنظيم الغاضب حنسناهوا ان يتركهما لى و الريس صلاح عبد الرحيم قال انه ما ح يترها و اردف هو انتوا عاوزين تخادوا كل حاجة لوول
سقى الله تلك الايام

Post: #107
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-05-2003, 11:27 PM
Parent: #105

الاخ العزيز عبدالرحيم

راي في المهرجان كتبتوا من زمان في اقدم بوست من كام شهر كدا
وحااكتب تاني انشاء الله بس الراس مليان اليومين ديل وشغل كتير شديد

الاخ نصار حقيقة كانت ايام جميلة
وين ياسر الان

Post: #108
Title: Re: تواصل خريجى وطلبة الجامعات والمعاهد الهندية
Author: نصار
Date: 11-05-2003, 11:45 PM
Parent: #1

نعم مهاجر

ياسر حسن فى الامارات و اظن انه عنده علاقة عمل مع الهند

Post: #109
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-05-2003, 11:53 PM
Parent: #108

شكرا نصار

حقيقة الاخ ياسر قدم لاتحاد الطلاب السودانيين الكثير من وقته وخبرتوا

سلامنا اليه

الاخ عبدالرحيم وين عصام حامد نتمني ان يكون عضو معنا في المنبر

خالص تحيانا له

Post: #110
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-06-2003, 00:00 AM
Parent: #109

نتذكر الاستاذ عصام حامد وقيادة كورال اتحاد الطلاب السودانيين 92

[

Post: #113
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-07-2003, 05:08 PM
Parent: #110

الاخ العزيز مهاجر

زكرتنا أيام جميله وكورال الاتحاد والمبدعين عصام حامد ومحمدحسن أبوصلعه والحاج عبدالله ومحمد زردية,وشكرا للصورة الجميله

Post: #115
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-09-2003, 01:26 PM
Parent: #110

الاخوة الاماجد رواد البورد و تحية خاصة لخريجي الهند

كل التحايا والاشواق لكم

انتم في مهاجركم و المستقرين معتا بالداخل وكلنا امل ان نلتم في بلد حر ديمقراطي ،

تتقاوت مشاركاتنا نحن المستقرين في السودان بسبب الكهرباء او بسبب عطل في الجهاز (لا اراكم الله مشاكل الصيانة في السودان ليس في مجال الكمبيوتر بل كل المجالات) او بسبب موفر الخدمة او بسبب الاجتماعيات او بسبب الفلس لا اراكم الله له.

قد يكون الكثير من المشتركين في سودانت يلمون بمسألة رابطة خريجي الهند و كذلك جمعية الصداقة السودانية الهندية حقيقة نحن في الرابطة عانينا كثيرا من عدم التزام الخريجين المتواجدين في السودان و تحديدا في الخرطوم (الخرطوم بحري ام درمان) وما جوارها بعد التزامهم بالمشاركة في اجتماعات ولقاءات الرابطة واعتقد ايضا الاخوة في جمعية الصداقة يعانون من ذات الاشكال ، نجاول نحن في اللجنة التمهيدية لخريجي الهند و الاخوة في جمعية الصداقة توحيد الجهود لتفعيل النشاط و اعتقد ان الاخوة في جمعية الصداقة بما يتمتعون به من دعم لوجستي من الدولة قد نجحوا في الحصول على دعم لانشاء نقر لجمعية الصداقة من الشركة الهندية نايل قانق مبلغه 100 الف دولار مبدئيايكمل فيما بعد الى 450 الف دولار و طبعا متوفر لديهم الارض التي منحت لهم من قبل الدولة في الجديقة الدولية، نحن في الرابطة لازلنا نعاني من عدم اهتمام الخريجين بالالتفاف جول الرابطة كما اعتقد ان الجمعية ليس بها سوى اربعة من النشطاء باللجنة وبعض المتعاونين امل ان نوفي هذا الموضوع حقه من النقاش
ان اراء الاخوان تفيدنا جدا
ونواصل

Post: #112
Title: Re: تواصل خريجى وطلبة الجامعات والمعاهد الهندية
Author: نصار
Date: 11-06-2003, 10:05 PM
Parent: #1

Got it
thaks bro Elsharief

Post: #114
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-08-2003, 12:15 PM
Parent: #1

أحتفال أتحاد الطلاب السودانيين الهند بمدينة بنقلور عام 2000 والاسبوع الثقافى للأتحاد وأستقلال السودان

Post: #116
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-09-2003, 01:45 PM
Parent: #114

الاخ الشريف متولى

خالص التحايا

سوف اوافيكم بتفاصيل زيارة الرئيس انشاء الله في رسالة قادمة

الى ذلك الحين لكم التحايا

Post: #117
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-12-2003, 10:49 AM
Parent: #1

الاخ راشد السنى

فى انتظار تفاصيل زيارة الرئيس الهندى واللقاء مع خريجى الهند

Post: #118
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-12-2003, 01:32 PM
Parent: #117

الاخ متولي خالص التحايا

زيارة الرئيس الهندي العالم بروفيسر زين العابدين ابوبكر هي اهم زيارة لمسئول عالمي بعد زيارة كوفي عنان الامين العام للامم المتحدة بل قد تكون اهم منها بغض النظر لاهمية الرئيس الهندي المسئول عن ادخال الهند لمنظومة الدول النوويية و مدير بنامجها النووي لسنوات اهتمت الحكومة السودانية اهتمام عالي بهذه الزيارة من ناحية امنية و استراتيجية كشريك في البترول السوداني و فتح مجال للاستثمارات الاخرى في السودان كانت الزيارة مدتها 3 ايام وحقيقة تم تخصيص مدة مصف ساعة لمقابلة جمعية الصداقة والجالية الهندية عبر المراسم الجمهورية وتم تحديد عدد 30 شخص لهذه المقابلة وتمت في فندق الهيلتون بالمقرن تمت دعوتي للحضور لكن امتنعت عن ذلك لقناعة محددة سوف اوضحها لاحقا. تم خلال اللقاء حسب ما وصلني ان تبرعت الشركة الهندية للبترول نايل غانقا بمبلغ 100 الف دولار و خاطب الرئيس الحضور و كذلك شريف التهامي و عدد من الحضور كلمات صغيرة لان بنامج زيارة الرئيس كان مضغوط حسب تعبير السفير الهندي

Post: #119
Title: Re: تواصل خريجى وطلبة الجامعات والمعاهد الهندية
Author: abuguta
Date: 11-12-2003, 02:47 PM
Parent: #118

اشتقت لهند وقصائدى الفصحى

حين رايت اهلها فى شوارع البطحاء

وبساطة قوم جلبتهم حياة

فصار رزقهم بين الغربة والمنفى

Post: #120
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-14-2003, 05:10 PM
Parent: #1

الشباب وين

الرائد
نصار
مهاجر
كمال عباس
ايهاب
شلبى
حامد على
بت امدر
الساحر
السنجك
ابايزيد
خضر حسين
سليمان ابراهيم
خالد الوسيلة
بكتاش ناصر
الراسخ
beelsharif
sig
alsa7afa

Post: #121
Title: Re: تواصل خريجى وطلبة الجامعات والمعاهد الهندية
Author: Shalabi
Date: 11-15-2003, 07:32 AM
Parent: #120

الاخ الشريف ,,
لك التحية دوما ولشباب الهند الاصيلين,,
والله ياشريف بس شوية مشغوليات مابين زحمة العمل وتجهيزات السفر الي ارض الوطن لقضاء عطلة العيد في ربوع البلد بعد تسعة سنوات لم اصادف فيها مناسبة عيد عشان كده قلنا نعملها المره دي وكمان فرصه نحضر زواج الاخ عمر منعم ونتواصل مع شباب الهند بالسودان الاعزاء عماد اسماعيل وطه قاضي والدش والبقيه ,,
وانشاء الله ناوي السفر يوم الخميس وسأحاول التواصل حتى ذلك الموعد مع الوعد بلحظات توثيقيه مع السباب في السودان وانبسط ياراجل ليك على زواج عمر ومطعم التوحيد عندك في البورد ,,,
وتسلم ياشريف ,,
العزيز ابوقوته اتحفنا بروائعك يارجل والله ليك وحشه ,,,
ودمتم,,,,

Post: #123
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-16-2003, 12:54 PM
Parent: #121

شلبي ربنا يوصلك بالسلامة قلت زواج عمر عبدالمنعم مسقط والله زول تاني ياريت تحدد لينا تاريخه وتقرئه سلامنا ومباركتنا

Post: #122
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-16-2003, 12:47 PM
Parent: #120

الاخ متولى و الاخوان المتواجدون بالهند الايام الفاتت مفروض انكم مشغولين جدا بالمؤتمر العام للاتحاد امل ان تفيدونا باخباره ومستجداته واخبار بونا واتحادها

Post: #124
Title: Re: تواصل خريجى وطلبة الجامعات والمعاهد الهندية
Author: Shalabi
Date: 11-17-2003, 07:33 AM
Parent: #1

العزيز السني ,,
الله يخليك ياراجل وكل سنه وانت طيب ,,,
الاخ عمر عبد المنعم عمر خريج بومبى وبونا من نشطاء العمل الديمقراطي والسياسي ,, شايقي من جلاس ومن سكان الخرطوم - الكلاكله القبه ,, قضى قرابة العشر سنوات بالهند جلها بمدينة بومبي ,,,
اها اظنك عرفتو ياالسني ؟
والله حسب اتصاله الاخير تحدد ايام العيد للزواج بس متين دي انا ما متأكد بالضبط .
انشاء الله عقبال الجميع وعقبال ديناصورات الكامب .

Post: #125
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-19-2003, 07:40 PM
Parent: #124

انا لله وانا اليه راجعون

توفى الى رحمة الله في حادث حركة بالمملكة العربية السعودية اخي وصديقي وبارتنتي محمد عثمان عطاالله (الجاهز) ادعو له بالمغفرة ونسأل المولى ان يتقبله القبول الحسن
لاحول ولاقوة الا بالله

ربي اجعل قبره روضة من رياض الجنة واسكنه مع الصديقين والشهداء وحسن أولئك رفيقا

Post: #126
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-20-2003, 08:50 PM
Parent: #125

لا حول ولا قوة الا بالله

اللهم اغف له وارحمه
والهم اله وذويه الصبر الجميل

Post: #129
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 11-22-2003, 01:54 PM
Parent: #126

الاخوان عباس مهاجر عبدالرحيم ابايزيد متولى

لا اراكم الله مكروها في عزيز لديكم

المرحوم محمد عثمان درس ببونا في الفترة من 92 الى 96 اداب لغة انجليزية وكان من سكان فاطيما نقر و زول حبوب اخو اخوان وشيخ عرب البسمة لا تفارقه ابدا كان وطني عيور ومن غير انتماء سياسي لجهة محددة أكاديمي و و كان عضو نشط في رابطة ابناء الجزيرة شارك في اكثر من لجنة كان يتفاعل مع نشاطات الاتحاد و مارك في سكرتارياته
ادعو له بالرحمة والمغفرة

Post: #127
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-20-2003, 10:04 PM
Parent: #1

انا لله وانا اليه راجعون

له الرحمة والمغفره

Post: #128
Title: Re: تواصل خريجى وطلبة الجامعات والمعاهد الهندية
Author: abdelrahim abayazid
Date: 11-20-2003, 10:14 PM
Parent: #127

له الرحمة والمغفره

Post: #130
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-24-2003, 12:30 PM
Parent: #1

شباب الهند كل سنة وانتوا بخير

Post: #131
Title: Re: تواصل خريجى وطلبة الجامعات والمعاهد الهندية
Author: mustadam
Date: 11-24-2003, 01:12 PM
Parent: #1

ألسلام عليكم وكل عام وأنتم بخير و السودان وطن للجميع وحر معافى من أمراض القهر وديمقراطى دون شق أو طق.
أخوكم وزميلكم الناجى عطا المنان من أبناء مدينة كوستى 1990-1994
جامعة بومباى يغريكم السلام ويود االآنضمام للبورد ارجو الدعم حتى ومناشدة الريس بكرى .
أخوكم أو عمكم مصطفى

Post: #132
Title: Re: تواصل خريجى وطلبة الجامعات والمعاهد الهندية
Author: مهاجر
Date: 11-25-2003, 11:37 AM
Parent: #131

الاحباب زملاء الدرب
كل سنةوانتوا طيبيين
والله عيد بونا افضل من جدة هنا غربة بمعني الكلمة
وشغل يوم العيد

مرحب اخونا الناجي

اخوك عباس فداسي ( بتاع السياسة ما بتاع الكورة )

Post: #133
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-26-2003, 12:43 PM
Parent: #1

شكرا للأستاذ مصطفى على الطله وسلامنا للصديق ناجى عطا المنان وندعمه بلا حدود للمنبر والانضمام اليه ونتمنى المبادره تكون من الامارات

Post: #135
Title: Re: تواصل خريجى وطلبة الجامعات والمعاهد الهندية
Author: يا بت يا نيل
Date: 11-28-2003, 06:06 PM
Parent: #1

مرحبابكل شباب الهند,تحية خاصةللخريجين من الجنوب,
وبنجلور,
المدينة الرائعه...
اريد ان اعيد...
في ذاكرتي خطونا الضاحك في الطرقات...
وحلم البتسامة تلك...
ياتيني الان يفجرني.....

Post: #137
Title: Re: تواصل خريجى وطلبة الجامعات والمعاهد الهندية
Author: elsharief
Date: 11-29-2003, 01:30 PM
Parent: #135

نرحب بالأخت يابت يانيل وعبرك التحايا لخريجى وطلبة بنجلور ونتوقع أسهاماتك فى المنبر وزكريات الهند

Post: #136
Title: Re: تواصل خريجى وطلبة الجامعات والمعاهد الهندية
Author: kamalabas
Date: 11-28-2003, 06:59 PM
Parent: #1

كل عام وأنتم بخير يا طلاب وخريجي الهند
كمال

Post: #139
Title: Re: تواصل خريجى وطلبة الجامعات والمعاهد الهندية
Author: إسماعيل وراق
Date: 12-01-2003, 12:44 PM
Parent: #136

الشريف وصحبه من الهنود
هاك بعض أسماء الهنود من أعرفهم ولي بهم صلات طيبة
1- الصادق خليفة آدم
2- الصادق خليفة علم الهدى
3- وليد عبد القيوم
4- وليد عبد الرحمن
5- عبد الرحيم أحمد سليمان (ود الجدي)
6- أسامة الرومانسي
7- طه عبد الرازق
8- سامي مهدي الكوفي
أها كفاك ولا أزيدك

Post: #140
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-02-2003, 12:34 PM
Parent: #1

الاخ اسماعيل وراق

شكرا لك بمعرفة شباب الهند وهذه بعض الاسماء بالرياض من خريجى الهند

عباس حسين
محمد عبدالله
حاتم جريس
خالد كشول
مامون خضر
ياسر شلقامى
ومره اخرى شكرا لك ياصديق خريجى الهند

الف مبروك للرائع عريس الحمى عصام الجاك

Post: #142
Title: Re: تواصل خريجى وطلبة الجامعات والمعاهد الهندية
Author: Mohamed Mohyieldin
Date: 12-04-2003, 07:36 AM
Parent: #140

شباب أرض طاغور والمهاتما لكم مني ألف سلام وتحية متمنيا أن يدوم هذا التواصل الحميم الذي أصبح مثالاً يحتذى به ومفخرة لكل شباب الهند

ودمتم طيبين ومتواصلين

وشكر خاص للأخ متولي على هذه المبادرة النبيلة

Post: #143
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-04-2003, 09:06 PM
Parent: #142

مرحب بالأخ والصديق العزيز محمد محى الدين وكانت ايام نقر رود وشباب اللودج

Post: #141
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-03-2003, 01:37 PM
Parent: #1

نرحب بالأخ والصديق مأمون خضر وانضمامه للمنبر يألف مرحب

Post: #144
Title: Re: تواصل خريجى وطلبة الجامعات والمعاهد الهندية
Author: abuguta
Date: 12-05-2003, 05:42 PM
Parent: #141

الاخ متولى
وشباب الهند الظرفاء

كل عام وانتم بخير
وكيف العيد عندكم زى زمان ام زاد حلاوة ,انا كنت بتذكر اهلى
فى العيد والحوامة بين منازل الاقارب عشان كدا بعد الصلاة كنت بدخل فى حالة هستيرية ودبرسة ما تفكها منى الا لما اطلع فى السطوح واشوف
هضبة الكن زرقنت سحاباتها وزمجر رعدها كانها الجزيرة فى زمن الخريف

كدى شوفو العدية دى

عدت ياعيد من غير طعم
فصارت حياتى فى يومك وهم
فلا كبير ينادى للصلاة يابنى
ولا طفل يجيبك بقولة نعم
لا اختا تسكب على ملابس عطرا
ولا امى نعيمة وصوتها النغم
ولا امونة اختى دلال اسرتنا
تلك البراءة من بعدها عدم
اين بنو خلولتى واين جموعهم
وبيتنا الثانى وابن عمنا الشهم
يليت شعرى والشوق يحدونى
كنت طرت اليكم بسرعة سهم
وصليت معكم فى ذاك المصلى
وخرجنا بعدها لراقة الدم
وطفنا الحى بيتا فبيت
فلا رجل تفتر ولا ذلك الفهم
لكنى بليت بكسر جناح
وحياة مهانة فى بلد العجم
كرهت هندا وحبها النائى
حتى رمت به بعيدا فى قمة الهرم
كرهت قومها وتلك عاداتهم
كرهت معابدهم والاهم رام
فياشباب احيكم فى عيدك هذا
فلنجمع شتاتا ونرفع علم
ونمحو امية جذورها ضربت
فى تلك البلاد مئذ القدم
ونوقد نارا ونصلح ارضا
ونغرس غرسا لشجرة علم
فانتم الامل وانتم الغرس
وانتم شموس وانتم همم
فسيروا سويا الى الامام
ولنحى حياة مثل الامم

ناغبور 94
عيد الاضحى

Post: #148
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-10-2003, 09:14 AM
Parent: #144

نرحب بالأخت أنوار عبدالوهاب ونتمنى عاجل الشفاء لزوجها ابراهيم

Post: #152
Title: Re: تواصل خريجى وطلبة الجامعات والمعاهد الهندية
Author: omr aziz
Date: 12-11-2003, 10:59 AM
Parent: #148

كل سنة وانت طيب ياشريف وسلامي لكل شباب الهند الحلوين وكل سنة وانتو طيبين.

Post: #153
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-11-2003, 09:14 PM
Parent: #152

مرحب بالأخ عمر ومزيد من التواصل

Post: #145
Title: Re: تواصل خريجى وطلبة الجامعات والمعاهد الهندية
Author: يا بت يا نيل
Date: 12-06-2003, 10:42 AM
Parent: #1

up

Post: #150
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-10-2003, 05:26 PM
Parent: #145

التهنئة موصولة للأخ عبود احمد النصيح ونتمنى له حياة زوجية سعيدة

Post: #146
Title: Re: تواصل خريجى وطلبة الجامعات والمعاهد الهندية
Author: Shalabi
Date: 12-09-2003, 06:58 AM
Parent: #1

الاعزاء الغاليين ,, لكم التحية والحب دوما وكل سنه والجميع بخير وربنا يحقق الاماني بمناسبة العيد اعاده الله بالخير واليمن والبركات ,, جاءت التهنئة متأخره شوية بسبب قضائي لعطلة العيد بالسودان بعد تسعة سنوات من فقدان نكهة العيد في الشتات,,,والله لكن هو ماااا عيد بكل طقوسه القديمة العزيزه علي قلوبنا من تواصل واحاس بطعم الفرح في ابتسامات الصغار وفرح الكبار رغم ظروف الحياة الصعبه الا ان يوم العيد لم يفقد بريقه ومعناه لدي شعب بلادي.
جمعتنا ايام العيد باخوة اعزاء من شباب الهند بالداخل فكان طه سيد قاضي نعم الرفيق والذهب الذي لا يصدارغم تقادم السنين وكذا مرتضى الشفشيف واعادتنا ابتسامات احمد بي دي المشهوره الي ايام بونا الحنونه ومداعبات ابوبكر الدش الي مقاهي اورنقاباد واشاي الكط..
جمع من رفقاء الدرب قضيت معهم اجمل الاوقات ومع العتيق الحاج عبد الله كانت امتع اللحظات في حضرة ست الشاي بوسط السوق العربي ,, وكان لقاء الاخ عبد الحميد بومبي بعد طول سنين واخوة اعزاء كثر جمعنا بهم منزل الاخ عمر عبد المنعم ايام عرسه الذي كان ملتقى شباب الهند من شتى انحاء العاصمة فكانوا بحق قمة التواصل والترابط ,,
ولنا عوده..

الف مرحب بالاخ الزميل الرائع كروعة الفونج وحضارة سنار القديمة ,, المبدع دوما الراقي ادبا والعالي خلقا ,المأمون خضر ود سنار الغيور ,, وليتحفنا بابداعه المعهود.
وحتى الملتقى,,,,,,,,,,,,

Post: #157
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-13-2003, 03:43 PM
Parent: #146

الأخوه نصار وكمال عباس فى انتظار مداخلتكم لمنافشة تجربة الحركة الطلابية بشبة القارة الهندية

Post: #147
Title: Re: تواصل خريجى وطلبة الجامعات والمعاهد الهندية
Author: Elmamoun khider
Date: 12-09-2003, 06:23 PM
Parent: #1

شباب الهند
الامل الواعد و المستقبل المنشود
تحياتي القلبية الحاره
والشكر اكوام لاخوان الشريف و شلبي علي حفاوة الاستقبال وربنا يديم التواصل .
والتهاني موصولة للاخ عمر عبد المنعم بمناسبة زواجه الميمون وعقبال بقية الشباب .

Post: #149
Title: Re: تواصل خريجى وطلبة الجامعات والمعاهد الهندية
Author: ايهاب
Date: 12-10-2003, 11:16 AM
Parent: #147

شباب الهند عموما كل سنه وانتو طيبين
ازييك يا شلبي و يييييييييين الحي بيك نسيتنا ولا شنو
طبعا انا من اللخمة في حاجه مهمه نسيتا وارجو منك السماح والمغفرة يا ملك
و حمد لله على السلامه و بختك بي عيدك في السودان مع الاهل والشباب الحلوين

العزيز الشريف كل سنه وانت طيب تحياتي للجميع بي هناك و في انتظار اخر الاخبار السعيدة

الغالي مامون نورتا البوست والبورد كلو والله امبارح بالصدفة عرفت انك بقيت عضو في البورد ونزلتا ليك كلام كتير في بوستك الاول لبكن هسه لا لاقي البوست لا لاقي الكلام
بمشي اكتو تاني هسه لاحتفي بلقيياك ولو بورديا

كل الود والتحاياو المحبة للجميع

Post: #154
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-11-2003, 09:16 PM
Parent: #149

حمدالله الف على السلامة يا شلبى وشكرا لك وعكس مناسبة زفاف الأخ عمر منعم

Post: #151
Title: Re: تواصل خريجى وطلبة الجامعات والمعاهد الهندية
Author: Shalabi
Date: 12-11-2003, 10:48 AM
Parent: #1

الاخوه الاعزاء رفقاء الدرب الشريف وود السني والمأمون ,,,
لكم التحية والتقدير ,,,,
العزيز ايهاب لك خالص الدعوات بحياة زوجيه سعيده ودي طبعا المره الرابعة التي اهنئك فيها وما كتيره عليك ياود السني ,والله ماناسينكم وحاولت الاتصال بك مرارا ايام زواجك ولكن يبدو انك بدلت الرقم القديم ,, ياراجل مافي عتب والزعل مرفوع ومشاغل الدنيا معروفه والناس بتقدر ظروف بعض ياراجل فمافي عوجه وبالمناسبه انا سافرت عن طريق اديس ابابا وكذا العوده وان كنت قد قضيت بها خمس ساعات بالمطار الا انك كنت اول ما تذكرته وانا بين هؤلاء القوم السمحين خلقا واخلاقا الراقين شديييييييييييييد ....
والله يا الشريف صاحبك الحاج الاب الروحي لشباب الهند هناك وبي دي المنسق الاجتماعي للمجموعه ,, وطبعا زواج عمر منعم كان لمة شباب لكن والله عمر منعم ده حتى في يوم عرسه ما كان جادي ,,, وطبعا لم اتمكن من لقاء الاخت سوسن وان كنا على اتصال بالتلفون وكان الامل ان نلتقي في يوم زواج عمر منعم ولكن لتعارض اليوم مع زواج احد الاقارب لم اتمكن من الذهاب للحفل بعد ان كنت قد حضرت الحنه في الليله الاولي بحضرة كل الشباب ...
يا اخوانا ويييييييييييييييييييييييين العزيز الراسخ؟؟؟
تحياتنا للجميع...

Post: #172
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-17-2003, 04:25 PM
Parent: #151

نرحب بالأخ ابوتميم

بانجلور _ الهند

Post: #155
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-11-2003, 09:21 PM
Parent: #1

هنالك مبادرة من الأخ علاء الدين نصار بمناقشة تاريخ الحركة الطلابية بشبة القارة الهندية فى بوست اخر واقترح للأخ علاء الدين نصار للفائدة للجميع ان نناقش هذا الموضوع فى هذا البوست لكى يتثنى للجميع المشاركة والمساهمة ولك شكرى

Post: #156
Title: Re: تواصل خريجى وطلبة الجامعات والمعاهد الهندية
Author: انوار عبد الوهاب
Date: 12-12-2003, 08:02 PM
Parent: #1

الاخوة والزملاء الكرام خريجي الهند ..

لكم سلام وتحية ...وللشريف لهذه اللفتة البارعة وكلنا يملك ذكريات عظيمة وجميلة من الكلية ودار الاتحاد ومعاناة ايام الطلبة وعنفوان الشباب اذكركم جميعا واحييكم واتمني ان نتواصل من خلال هذي الدار

انوار عبدالوهاب

Post: #158
Title: Re: تواصل خريجى وطلبة الجامعات والمعاهد الهندية
Author: نصار
Date: 12-13-2003, 04:27 PM
Parent: #1

للشريف تحياتى

لا ما كتابة تاريخ بس فى مداخلة مع الاخ عادل عبد العاطى تطرقت الى جزء من حكايتنا نحنا تنظيم القوى المستلة الحرة و قلت ليهو من التجربة ان التركيز على الطرح و محاورة الناس بأسلوب لا يتناقض مع ما تطرح تكسب طرحك مصداقية و تيسر لك الوصول الى عقول الناس التى تبادلك احترام بأحترام حينما تجدك و طرحك جديرين بالاحترام انت لو عاوز التاريخ خلى عمو كمال عباس يبدى الما حضرناهوا و نحنا نواصل فى الباقى مع انى اتمنى ان يتوفر لهذا الامر قلم محايد و فيما اعتقد انه فى اجتهادات من بعض الاخوة....اما حكاية سرد احداث و معايشات ما بنقصر فيها المشكلة انها كلها ذات طابع سياسى و نقابى و بينى و بينك بتكون ملونة بلون القمح و الواضح ما فاضح لووووووووووووول

تسلم عزيزى

Post: #162
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-14-2003, 10:17 PM
Parent: #158

نرحب بالأخ وليد ونتمنى التواصل قى هذا البوست

حامد على ألف حمدلله على السلامة

مهاجر تقبل تحيات الشباب والأخ ايمن

فى انتظار اراء الجميع حول بداية النقاش وتجربة الهند الثره فى كل الجوانب ونسأل عن رائدنا راشد

Post: #168
Title: Re: تواصل خريجى وطلبة الجامعات والمعاهد الهندية
Author: ELSUNNI
Date: 12-15-2003, 01:46 PM
Parent: #162

كل عام وانتم بخير وعيد سعيد وربنا يحقق اماني الجميع

الاخ متولى الشريف لك خالص التحية و شكرا لي سؤالك واكمل ان اكون مواصلا معكم

تهنئة وتحية للاخ عصام محمد الجاك وبيت مال وعيال وتهنئة للاخ عمر عبد المنعم والف مبروك وكما لا يفوتني ان اهنئ الاخوان الزين شاركناهم فرحتهم المعز احمد الشيخ (عضو المؤتمر التوحيدي - بونا) والاخ المبدع د. عماد كنوزي و اللاعب الحريف ابن مروي واركويت خالد محاري و يوسف احمد المبارك الحجاج الطويل و محمد الحافظ ود مدراس الذين احتفلنابهم في ايام الفائته و عقبال الجميع ،

اناشد الاخوان حامد على كمال محمد عباس والشريف و نصار والاخت انوار و عباس فداسي و كل المشاركين القدامي و الجدد واعتقد مامون خضر (شقيق النذير خضر صديقي) و ايهاب و غيرهم من الجدد يمكن ان يفيدونا في المرحلة التي لم نواكبهاونحن من خلفكم نشد من أزركم

ولنا عودة

Post: #170
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-16-2003, 11:48 AM
Parent: #168

الف حمدالله على السلامة يا السنى واصل فى قيادة هذا البوست للتواصل
والف مبروك على لم شمل الأخ ابومهند

Post: #159
Title: Re: تواصل خريجى وطلبة الجامعات والمعاهد الهندية
Author: Elmamoun khider
Date: 12-13-2003, 04:52 PM
Parent: #1

الاعزاء شباب الهند

ان تاريخ الحركه السياسية بشبه القارة الهندية ارث عظيم يمثل كل الطلاب الذين درسوا بالهند لذلك علينا ايجاد طريقة لحفظ هذا التاريخ مكتوبا و حاليا توفرت طرق كثيره يمكن ان تساعد في جمع كل التاريخ الشفاهي و المكتوب يمكن الوصول اليه من الارشيف اما الشفاهي ما زال الافراد موجودون ممكن الاستعانه بهم عن طريق مثلا أنشاء( قروب اون لاين في الياهو ) ودعوة كل الشباب كتابةافادة بما لديهم من تاريخ وكل في الدولة الموجود فيها ممكن اساعد بجمع الافادات ثم تلخيص كل الحصيلة و ارسالها الي نفس الاشخاص للاتفاق حول الاحداث التاريخية المختلف عليها ثم تتم الاجازة هذه طريقة مقترحة ويمكن ان نفتح باب لكل الشباب ان يبحثوا عن طريقه لجمع هذا التاريخ و مساله ان ممكن اللون السياسي يوثر علي شكل الافادة دي بقت ماوارده لان المساله حفظ تاريخ مشترك يعبر عن الجميع ويحفظ للجميع الارث الذي طال ما دار صراع من اجل ان يبني , وحتي الصراع زاتو كان من اجل المصلحة العامة .. فهيا الي البحث عن طريقة جيده لصياغة هذا التاريخ الثر لكل الطلاب الذين درسوا بالهند . الشباب القدام عليكم بالبداية الشريف و نصار وكمال حسب الاقدمية طبعا و نحن سوف ناتي في النهاية ايهاب و شلبي و بقية الشباب الموجود

Post: #160
Title: Re: تواصل خريجى وطلبة الجامعات والمعاهد الهندية
Author: Hamid Ali
Date: 12-13-2003, 09:58 PM
Parent: #159

الإخوة شباب الهند السلام عليكم
أعود للذكريات معكم والعود إليكم أحمد، بعد إنقطاع بسبب ظروف الغربة التي ما زالت تلاحقنا وبشراسة في هذه البلاد، أسرق من الزمن بعض اللحظات لأشاطركم الذكريات، في البدء أرحب الأخت أنوار عبد الوهاب وزوجها لها التحية ومرحب في البورد إضافة جديدة لشريان ذكريات الهند النابض، وأنتهز هذه الفرصة أيضاً لأزف أسمى آيات التهاني للعزيز حمتو من مدراس بمناسبة نيله لشهادة الدكتورة، لقد أستطاع الأخ حمتو أن يقهر جامعة مدراس العصية وينتزع منها أعلى الشهادات، ألف مبروك حمتو ونفع الله بك البلاد.
الأخ الشريف موضوع توثيق تاريخ الحركة الطلابية بالهند فكرة جميلة وتستحق العناء، وأعتقد أن تاريخنا بالهند كان ثر وهذا البوست دليل واضح على عظمة هذا التاريخ وهذه المسيرة، أعتقد يا علاء الدين أنه وإن تداخلت الألوان السياسية في تقيمنا لمسيرة الهند، فإنها ربما ساعدت في وضوح الرؤية لأنها كانت جزء هام وأساسي من هذه المسيرة المملوكة لكل طلاب الهند بكل إتجاهاتهم وطيف ألوانهم السياسية.
ياريت نقراء ونحلل بعد فترة أعتقد أن الوقت فيها مناسب للنظر للماضي بشي من التبصر، وقد كنت طرحت في هذا البوست فكرة تقييم تجربة لجنة رأب الصدع ولكنها لم تجد إستجابه في ذلك الوقت، ومسيرة لجنة رأب الصدع جزء هام من تاريخنا الطلابي في الهند. أرحب مرة أخرى بالفكرة وفي إنتظار فتح الباب، وأتمنى أن يكون بعد بداية العام الجديد حتى نضمن إستمرارية المشاركة وتواصل البوست .
ودمتم.

Post: #161
Title: Re: تواصل خريجى وطلبة الجامعات والمعاهد الهندية
Author: مهاجر
Date: 12-14-2003, 02:22 PM
Parent: #160

سلام يا شباب الهند
كيف حالكم
مرحب بالاخت انوار معنا

متولي كيف اخبار الشباب
سلامي الي ايمن والشباب

Post: #164
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-15-2003, 12:29 PM
Parent: #161

ألف مبروك للرائع عريس الحمى عصام الجاك

Post: #163
Title: Re: تواصل خريجى وطلبة الجامعات والمعاهد الهندية
Author: انوار عبد الوهاب
Date: 12-14-2003, 10:28 PM
Parent: #1

الاخوة الاعزاء ..حامد علي -مهاجر لكم التحية والسلام ...حامد علي لنا ذكريات كثيرة منذ الاتحاد وحتي الوحدة بين الاتحاديين ابارك اقتراح الاخرين بمناقسة هذا التاريخ العريق بحقائق والنهل من تجربة الاتحاديين ومن ثم الوحدة ..شكرا لسوالكم عن ابراهيم وهو بخير ..

انوار عبدالوهاب

Post: #165
Title: Re: تواصل خريجى وطلبة الجامعات والمعاهد الهندية
Author: مهاجر
Date: 12-15-2003, 12:38 PM
Parent: #163

الحبيب متولي
مبروك للاخ عصام
كنا نتمني ان يحتفل بين اهله الجعليين وبين عشيرته

Post: #166
Title: Re: تواصل خريجى وطلبة الجامعات والمعاهد الهندية
Author: ايهاب
Date: 12-15-2003, 12:41 PM
Parent: #163

الف مبروك العزيز عصام الجاك
والف مرحب بالاخت انوار

Post: #167
Title: Re: تواصل خريجى وطلبة الجامعات والمعاهد الهندية
Author: نصار
Date: 12-15-2003, 01:08 PM
Parent: #1

عارف يا شريف

ود الجاك لو كان نظموا ليهو ندوة ولا طلعوا بيهو بشيلتهم ليهو دى فى مظاهرة كان ح يكون اسعد لوووول

الف مبروك تانى
و بيت مال و عيال

Post: #169
Title: Re: تواصل خريجى وطلبة الجامعات والمعاهد الهندية
Author: Hamid Ali
Date: 12-15-2003, 08:19 PM
Parent: #167

عصام الجاك ألف مبروك .. وبيت مال وعيال ...
وزي ما بقولوا أهلنا الغبش تغلبه بالمال وتغلبك بالعيال
... مبروك تاني وألفين سلام

حامد علي

Post: #171
Title: Re: تواصل خريجى وطلبة الجامعات والمعاهد الهندية
Author: alrasikh
Date: 12-16-2003, 01:20 PM
Parent: #1

الاخوه الافاضل تحيه الشوق الاحترام لجميع الاخوه والاخوات .مبروك للاخ عصام الجاك العرس وبيت مال وعيال .الترحاب بالزميل مامون خضر في البورد .الاخ ايهاب الواحد شايف عطاك قل دى مشغوليات العرس؟ الغالى شلبي تحياتي ليك بالله عليك شباب الهند كيف وجتهم في الاجازه الواحد في غايه الشوق الى اؤليك النفر.
غادرالهند متوجه الى كندا عوض جيلانى فرح وهو من خريجى مدراس وعمل ماجستير احياء دقيقه في بونا واتمني له التوفيق والعقبه لباقى الشباب.

Post: #173
Title: تواصل خريجى وطلبة الجامعات والمعاهد الهندية
Author: Abir Abdulla
Date: 12-19-2003, 06:50 PM
Parent: #1

مرحبابكل خريجي الهند..
والاعزاء في الارض التي منحتنا الكثير ..
واخذت منا الكثير...
والتحايا الخاصة لخريجي الجنوب..
شكر خاص للشريف علي اتاحة هذة الفرصة الرائعة..

Post: #176
Title: Re: تواصل خريجى وطلبة الجامعات والمعاهد الهندية
Author: elsharief
Date: 12-21-2003, 09:20 AM
Parent: #173

نرحب بالصديقة عبير عبدالله ومزيدا من التواصل

ونرحب ايضا بالأخ الصادق خليفة ومزيدا من التواصل

الصديق شلبى واسئلتك حول تعاون السفارة الهندية مع خريجى الهند وفى انتظار السنى ومزيدا من التفاصيل

Post: #174
Title: Re: تواصل خريجى وطلبة الجامعات والمعاهد الهندية
Author: Shalabi
Date: 12-20-2003, 06:24 AM
Parent: #1

الاعزاء الغاليين ,,,رفاق البلد الرائعة سلام,
اتمنى ان يدوم تواصلنا عبر هذا المنتدي مع بداية العام الجديد بعد قفل البورد وبداية البوستات الجديده واقترح ان يكون البوست بنفس الاسم وادارة الاخ الشريف كما هو الحال الان , حفاظا على التواصل ..

التقيت اثناء زيارتي للسودان بعدد كبير من زملاء الهند ,, الكثير منهم يقضى فترة الخدمة الوطنية بالتدريس والبعض الاخر مازال في الانتظار ,, علمت من بعض الاخوه ان السفارة الهندية عملت على نفخ الروح في جسد اتحاد طلاب وخريجي الجامعات الهندية وذلك بالتعاون مع الشركة الهندية للبترول التي تبرعت بمبلغ معتبر لدعم هذا الاتحاد لتوفير دار ومكاتب ,, كما ان اللجنة المسيره لامر الاتحاد والتى نشطت عقب زيارة الرئيس الهندي اجتمعت بالسفير الهندي ومدير الشركة الهندية الذين وعدوا باستيعاب وتوظيف خريجي الجامعات الهندية في الشركة الهندية للبترول في القريب العاجل ...

المصدر : تجاني بومبى ,,, وشباب التوحيد ,, والعهدة على الراوي.
مع تحياتي للجميع ,,,,,,,,,,

Post: #175
Title: Re: تواصل خريجى وطلبة الجامعات والمعاهد الهندية
Author: الصادق خليفة
Date: 12-20-2003, 08:15 PM
Parent: #174

الاخوة الاجلاء شاب الهند ، الاخ الشريف صاحب البوست

تحية طيبة بطعم البيجية و الدهي و الدال و الراجمة وبابوجيه و بصوت القطارات و الكوندكتر و الجنرل كومبارتمنت بتاعت الجباته، تغمرني سعادة لا توصف وانا اري هذا البورد لشباب في تقديري هم قمت الوعي و النضال في دروب العلم في شتي مجالاته من اقاصي البلاد الى نهاية حدودها من بوبال الى مدراس ومن دلهي الى ميسور واتي وبنقلور وبونا الحنونه وبارودا وجبل بورد و ناكبور واديبور واحمداباد وحيدر اباد ونازك وستارة وارونقبادوغيرها ، يالكم من رائعين وانتم تسطرون صفحات التاريخ بنضالكم الثر حيث اننا لا زلنا نفتخر بتلكم التجربة الرائعة التي كانت على مستوى عالى من الوعي و الادراك بقضاينا تجربة توحيد الاتحاد تحت مسمى اتحاد الطلاب السودانيين ، الله و الله الواحد مبسوط لاعلي درجات الانبساط لهذا اللقاء عبر هذا البورد وعندنا الكثير لكي نقوله عن تجربة الهند و طبعا اخوكم من خريجي بارودا اقليم قجرات 1994م وطبعا دفعت 1989م وبعدين عاوز اقول حاجة في الصادق خليفة ثاني غيري و هو من بونا و مدراس و هو من الدويم وانا ايضا من الدويم لكن هو اكبر مني شويه يا جماعة . التحية لك يا اخ الشريف و التحية لك مجدا بفتحلك لهذا البوست . ودمتم ايها الاخوه جميعا ولكم تحية برائحة صندل ميسور
ولي عوده