أأمة المساجد يدعون إلى الجهاد فى الخرطوم.

بدأ أأمة المساجد فى الخرطوم بأعلان الجهاد على المسلمين فى الاحياء،

وبدأت الدعوات باستخدام الاسلحه الناريه،

وبدا الموت ، ومزيدا من الموت.

هذه هى الأخبار القادمه من الخرطوم

هذا هو وقت إعلان الجهاد

اكسوسيست...

ياتو جهاد؟؟

و ضد منو؟؟

حتطلعوا تجاهدوا ضد الجنوبيين كلهم..عشان شوية عشرات من الشماشة عملوا العملوه..؟؟

يا ربي ليه ما بتعلنوا الجهاد ضد باقي البلد..

لماالشماشة من شماليين و غيروا يقوموا في مظاهرات ..

و يكسروا العربات..و ينهبوا المحلات..

و يموت كم زول تحت الرجلين..؟؟؟؟؟!!!


أعظم الجهاد أن تجاهد نفسك..ضد شهواتها..

بما فيها شهوة الإنتقام...

Quote: هذا هو وقت إعلان الجهاد

كعهدكم أبدا، تقودون الله الى الحروب الخسرانه

دعوات الجهاد، والتسليح شملت المدن الأخرى!

خالد
بدون كذب
حقه الناس في الفترة دي تكون صادقة مع نفسها
كل مافي الامر انه استخدمت مكبرات الصوت في المساجد
لتنبيه المواطنين بتعليمات الجهات الامنية

والله يا عزيزي
ما وقت كذب دا .. اديها يومين كدا
وتعال اسرح ذي ما داير
بس هسع في ناس بتموت
ومشاكل كبيرة حاصلة
سوا للجنوبيين او الشماليين
الوضع غير مطمئن
وما ناقص كذب وتلفيق

Quote: خالد بدون كذب حقه الناس في الفترة دي تكون صادقة مع نفسها كل مافي الامر انه استخدمت مكبرات الصوت في المساجد لتنبيه المواطنين بتعليمات الجهات الامنية

انما حقو أمثالك يتوجسوا الصدق مره واحده فى حياتهم،

لقد قام ويقوم الكثير من أأمة المساجد فى الخرطوم وغيرها من المدن السودانيه بالتحريض على ان يسلحوا المواطنين أنفسهم بالاسلحه الناريه،وكاذب من ينكر ذلك.

أما اعلان الجهاد فهذا ماتم ويتم ايضا، وأى انسان يعرف السودان يعرف من هم نماذج أأمة هذه المساجد ، يعرف تاريخهم،فدعوات الجهاد تجاه الجنوبيين ليست غريبه عليهم، ولم نسمع بأن تغييرات واسعه قد تمت فى هذه المساجد شملت أأمتها.

يمكنك ان تلفق مع الآخرين ، ولكن لا يمكنك أن تفعل هذا معى.

وأنت من الذين يستدلون بعلاء الدين الذى يكتبب عن شراء العبيد وبصحبتهم العصى!

علاء الدين يوســـف .. يكتب من الخرطوم .. ( شاهد عيان )

Quote: والله يا عزيزي ما وقت كذب دا .. اديها يومين كدا وتعال اسرح ذي ما داير بس هسع في ناس بتموت ومشاكل كبيرة حاصلة سوا للجنوبيين او الشماليين الوضع غير مطمئن وما ناقص كذب وتلفيق

اين التلفيق هنا؟
ومن الذى يلفق؟

انت تستدل بأحاديث أمثال علاء الدين العنصريه، وترد عليه بوجه هناك، وتأتى لتبدوا وكأنك متوازنا هنا!!!

وللحق وجه واحد، دعنى أتفق معك فى اننا أمام مشكله كبيره،
يتعرض لها الجميع، شماليين وجنوبيين، ولكن دعوات الجهاد لن تحلها، وخطاب أمثال علاء الدين لن يحلها، وكذبك لن يحلها أيضا.

يكونوا طيروا ليك السكرة من راسك الليلة

Quote: بدأ أأمة المساجد فى الخرطوم بأعلان الجهاد على المسلمين فى الاحياء، وبدأت الدعوات باستخدام الاسلحه الناريه، وبدا الموت ، ومزيدا من الموت. هذه هى الأخبار القادمه من الخرطوم

العزيز /خالد كودي

تحية طيبة

و حتي لا يكون الكلام عائما عليك بتزويد الناس باسماء ائمة المساجد و باسماء المساجد نفسها سوي كان ذلك في الخرطوم و احياءها... او في الاقاليم ما دمت تمتلك مثل هذه المعلومات الواردة من السودان... لان كلامك هذا لا يخلو من التعميم المخل... و ان كنت لا استبعد مثل هذه الاحداث لان البيئة الثقافية السودانية حبلي بخطاب الهوس العرقي و الديني ...الخ ... و لكن لقد آن اوان تحديد مصادر الاخبار و تفاصيلها حتي لا تكون الحكاية سايبة ساي... هذا هو صلب الموضوع و من غير زعل

و لا و الف لا لاستخدام العنف ضد المدنيين العزل من اهل السودان... سوي كان ذلك باسم الله او باسم النضال او باسم الهوس العرقي ... او باسم من استشهدوا من اجل تغيير المعادلات الظالمة في السودان.

Quote: بدأ أأمة المساجد فى الخرطوم بأعلان الجهاد على المسلمين فى الاحياء، وبدأت الدعوات باستخدام الاسلحه الناريه،

الى هذا الحد كرهت لغة الضاد! دا جمع تفجيخ لكلمة امام!
ليه الأئمة ديل ملة ايه يعلنوا الجهاد على المسلمين!
ودا ال Whishful thinking اللي لازم تعترف بيهو يا همام قاعد برة وداير تولعها جوة!
شخصيا أنا اولى بقرنق منك أيها المثقف المستنير!
جني

بدأ أأمة المساجد فى الخرطوم بأعلان الجهاد على المسلمين فى الاحياء،

وبدأت الدعوات باستخدام الاسلحه الناريه،

وبدا الموت ، ومزيدا من الموت.

هذه هى الأخبار القادمه من الخرطوم



Underlined doesn't make much sense. Are you sure you are OK
May be too tired or something

الاخ خالد
إذا كان الائمة دعوا بالمايكرفون في حيز
محدود ، انت الان تروج لدعوتهم بما هو اسرع
ايهما أخطر ؟؟؟؟؟

Quote: Underlined doesn't make much sense. Are you sure you are OK May be too tired or something

نعم انا بخير ، وسلامى لحباب!

Quote: الاخ خالد إذا كان الائمة دعوا بالمايكرفون في حيز محدود ، انت الان تروج لدعوتهم بما هو اسرع ايهما أخطر ؟؟؟؟؟

هذا مايجرى فى السودان، وان كان من أحد يريد فعل شيئا فاليوقف هذه المجازر ونزيف الدم.

اخي الاستاذ خالد كودي ..لك التحية ..ومرحبأ بعد غيبتك عن المنبر ..

ارجو ان تشاركنا بالرأي والتوقيع ......
http:// نداء الوطن ..توقيعات من اجل اصدار بيان لدرء الفتنة ..

Quote: لقد قام ويقوم الكثير من أأمة المساجد فى الخرطوم وغيرها من المدن السودانيه بالتحريض على ان يسلحوا المواطنين أنفسهم بالاسلحه الناريه،وكاذب من ينكر ذلك.

ان يقوم ائمة المساجد بتحريض المواطنين بتسليح انفسهم واتخاذ الحذر فهذا امر ايجابي وعقلاني ولكن ان يدعوا للجهاد ضد اخوانهم الجنوبيين فهذا امر خطير جدا فليس كل ابناء الجنوب بالعاصمة انخرطوا في الاحداث كما ان الرجرجة والحثالة الذين قاموا بهذه الافعال ليس كلهم جنوبيون فمنهم اللصوص والمجرمون والقتلة ودعاة الفتنة من غير الجنوبيون
كنت في محادثة هاتفية مع قريبي بالخرطوم وهو مقدم بقوات الشرطة وقد اخبرني بان ائمة بعض المساجد في ام درمان قد دعوا للجهاد وبعضهم يصرخ وا اسلاماه وا اسلاماه ؟؟؟؟

لم يكذب خالد كودي في هذا الخبر بل هو حقيقة وقد سبقني في هذا البوست فانا هنا اتضامن معه والاخ محمدين لدرء الفتنة ووقف الدماء وكل يعمل على هذا من موقعه وجماعته وحزبه وقبيلته
** أأمة **

هذا الرسم يذكرني باخت عزيز اسمها رودا مردا زميلة كانت بالمنبر اخبارا شنو يا خالد

Quote: الى هذا الحد كرهت لغة الضاد! دا جمع تفجيخ لكلمة امام! ليه الأئمة ديل ملة ايه يعلنوا الجهاد على المسلمين! ودا ال Whishful thinking اللي لازم تعترف بيهو يا همام قاعد برة وداير تولعها جوة! شخصيا أنا اولى بقرنق منك أيها المثقف المستنير! جني

أصبحنا نتغالط فيما لاينفع مانحن بصدده،

لك قرنق، فما قيمة التنافس عليه الآن؟

ما مات لأجله من مبادىء و هى ارساء قيم السلام والعدل والمساواه، فان كنت تدعوا لهذا فلك كل السودان.

Quote: ما مات لأجله من مبادىء و هى ارساء قيم السلام والعدل والمساواه، فان كنت تدعوا لهذا فلك كل السودان.

وهو غاية ما احلم به وأتطلع اليه ولم يشهد تاريخنا المعاصر قائدا ناضل من أجل هذه المبادئ مثل قرنق وأخشى أن يكون هو الأول والأخير‍‍‍!ووطن يجسد هذه القيم على الارض قطعاسيتسع للجميع
جني

أشقائي خالد كودي و جني
مساء الخير
أرجوكما بإسم الحزن و القواسم
المشتركة في بلد منكوب ألاّ تذهبا
بعيداً
لكما كل المودة والإحترام

ليك حق يا خالد كودي تقول كده
عندك منو في السودان انت عشان تخاف عليهو..
ضمنت انو اسرتك كلها بره..مش؟
وجاي تكذب هنا ودجل..
زول بجيك جوي بيتك داير يقتل ويحرق حتربع ليهو ادينك؟..
.
.
عظما يا خالد
انت زول عديم صدق وانسانية..
.
.
غيرنا بالله
بلاش نفاق وفتن معاك

Quote: أشقائي خالد كودي و جني مساء الخير أرجوكما بإسم الحزن و القواسم المشتركة في بلد منكوب ألاّ تذهبا بعيداً لكما كل المودة والإحترام

سمعا وطاعة
جنى

الأستاذ خالد،
إن صح هذا الخبر -الذي لا أستبعد أنه صحيح- فإن الحرب
الأهلية بكل عنفوانها ستتجدد. وهذه المرة في العاصمة.
وليس مع الهوس الديني والعنصرية البغيضة والقهر غير نزيف
الدم.
هذا الوضع ينذر بدمار كبير، نسأل الله أن يجنب بلادنا إياه.

أجدد ندائي للشقيقين خالد كودي و جني
عشمي في حسن إستجابتكماوالتوقف كبير

سؤال تاني؟
قول لي بس الشعب الغلبان ده زنبو شنو؟؟
دايريين يقتلو ولا يحرقو ما يمشو يحرقو..
الترابي ولا باقي الزفت الطلعو دينهم ودينا ديل..
كدي قول لي
اطفال الروضة وبائع الخضار وبتاع التكسي زنبهم شنو؟

و أنا زيك يا أستاذ عثمان
جني و خالد خندقم واحد و ما عارف الخلاف في شنو?

At least, this is not the right time
for widening our differences

عليكم الله خلونا نطلع من المصيبه الإترمينه فيها دي.
الواحد ما عارف يحزن وله يغضب وله......

الأخ عثمان محمد صالح،

أستشهاد جون قرنق ليس أمرا عادى ، فالسودان مقدم على مفترق طرق ، اتمنى من مدعى الوطنيه استيعاب ذلك.

شكرا على كل حال لك ايها الشفيف، فأمثالك هم الذين ينتبهون الى الخطر الكبير فالترفع صوتك فى كتاباتك داعيا الى تدارك ماهو هو قادم من فتنه.

Quote: ان يقوم ائمة المساجد بتحريض المواطنين بتسليح انفسهم واتخاذ الحذر فهذا امر ايجابي وعقلاني ولكن ان يدعوا للجهاد ضد اخوانهم الجنوبيين فهذا امر خطير جدا فليس كل ابناء الجنوب بالعاصمة انخرطوا في الاحداث كما ان الرجرجة والحثالة الذين قاموا بهذه الافعال ليس كلهم جنوبيون فمنهم اللصوص والمجرمون والقتلة ودعاة الفتنة من غير الجنوبيون كنت في محادثة هاتفية مع قريبي بالخرطوم وهو مقدم بقوات الشرطة وقد اخبرني بان ائمة بعض المساجد في ام درمان قد دعوا للجهاد وبعضهم يصرخ وا اسلاماه وا اسلاماه ؟؟؟؟ لم يكذب خالد كودي في هذا الخبر بل هو حقيقة وقد سبقني في هذا البوست فانا هنا اتضامن معه والاخ محمدين لدرء الفتنة ووقف الدماء وكل يعمل على هذا من موقعه وجماعته وحزبه وقبيلته

ليس هنالك شيئا ايجابيا فى العوه الى تسليح نصف المواطنين للأنتقام من النصف الآخر، فليس من كاسب فى مثل هذا الاقتتال، انما الامر يجب ان يتسلح المواطن بمعرفة ان على الدوله حمايته. فعلى السلكات أن تحمى مواطنيها.

صحيح ان من قام بالشغب الكثير من السودانيين و منهم من هو غير جنوبى.
وأتمنى ان يعمل الجميع لوقف اراقة الدماء .

وشكرا مره أخرى للاستاذ عثمان محمد صالح

Quote: ** أأمة ** هذا الرسم يذكرني باخت عزيز اسمها رودا مردا زميلة كانت بالمنبر اخبارا شنو يا خالد

الأخت رودا مردا بخير وهى و عدد من الاصدقاء يبنون موقعهم هنا:

http://www.sudan-margins.org

Quote: ليك حق يا خالد كودي تقول كده عندك منو في السودان انت عشان تخاف عليهو.. ضمنت انو اسرتك كلها بره..مش؟ وجاي تكذب هنا ودجل.. زول بجيك جوي بيتك داير يقتل ويحرق حتربع ليهو ادينك؟.. . . عظما يا خالد انت زول عديم صدق وانسانية.. . . غيرنا بالله بلاش نفاق وفتن معاك

انما اهلى كغيرى فى قلب الموت.

ولم ادعوا الى تربيع الايدى عند الاعتداء انما دعوت الى سيادة القانون.

وانت هو الذى عديم صدق وانسانيه.

Quote: وانت هو الذى عديم صدق وانسانيه.

ارميني محل ما ترميني..
اصلاً نحن من نوعكم دا اكتفينا..
.
.
خالد ما تلف الموضوع..
الغاية في استعمال الجوامع.. كانت
انو ينبهو المواطنيين عشان يجتمعو ويحمو نفسم
ومكبرات الصوت في الجوامع كانت الخادم الوحيد لتوصيل الرسالة.
ما اكتر
.
.
وصدقني الماسكيين عصي وغيرو..
فيهم الشيوعيين
وجنوبيين
وناس مؤمنيين بقضية الجنوب اكتر منك..
لكن لازم يدافعو عن نفسهم.
.
.
علي حال القائديين هذه المظاهرة
ما اكتر من مشاغبيين ناشريين للفتنة..
وانت واحد منهم..

الاعزاء

خالد وزوار بوسته اعزيكم جميعا

وقد سمعت نفس الخبر الذي سمعه خالد ومحمد حسن العمده

وهو دعوة ائمة الجوامع لتسليح المدنيين والرد على الجنوبيين

ذكر الاخ برير ضرورة ذكر الجامع واسم الامام

لا اعتقد يا برير لو كنت مكاننا وان تتحدث لاحد من اهلك

ومنفعل بالمأساة ان تفكر هذا التفكير البوليسي

كذلك لنن نتكلف سعر مكالمة اخري لنرجع لناس سودانيز اون لاين

لنؤكد ماذا سمعنا بالظبط

ولماذا دوما هذه الاتهامات

انا متأكده لو انزل ود العمده هذا البوست لما قيل له هذا الكلام

في نظري دوافع خالد معروفه من كلماته

واي منكم لو سمع كلام مثل هذا لفكر في بوست بنفس العنوان.

ادين هذا المسلك غير المسؤل لبعض الائمه.

واتمنى ان تسيطر الدوله على الخطاب العام

وهي قادره ان تفعل.

كلمه اخيره لجني

استعير احرف كوستاوي :

Quote: جني و خالد خندقم واحد و ما عارف الخلاف في شنو?

تراجي.

Quote: ذكر الاخ برير ضرورة ذكر الجامع واسم الامام لا اعتقد يا برير لو كنت مكاننا وان تتحدث لاحد من اهلك ومنفعل بالمأساة ان تفكر هذا التفكير البوليسي

العزيزة/ تراجي

البركة في انفعالاتك انت ... كمان حتي الانفعالات عاوزين تزايدو فيها علي الناس... يا له من قرف... و كيف عرفتي بان (اهلي) علي ما يرام باستخدامك لمفردة لو المسكينة... و عليك الله وريني درجة انفعالي كم ... لانه واضح من حديثك بانك قادرة علي تحديد درجات انفعالات الاجنة.

هذا ليس يالتفكير البوليسي يا صاحبة الانفعالات الكبيرة و المدوية ... ولكنني اطالب بفضح الطغاة مستخدمي المساجد و بشفافية واضحة ... و من حقك ان تقولين عنه تفكير بوليسي لانني عقيد في جيش الرب الانقاذي السري.

معليش ياتراجى،
علينا التركيز فيما هو مفيد.

اخي برير اعزيك ونفسي وكل الشعب

في فقدنا العظيم

لا ادري لماذا هذه الهجمه الشرسه

اعذرك فالوقت وقت ازمه

لا اشكك في حزنك على قرن

لا اشكك في حرصك على المواطنين بكل طوائفهم واعراقهم

اعتذر بشده لو فهمت كلامي خطأ بأنه تشكيك فيك

لكني ادعوك صادقه

بان لا تنقل صراعات قديمه لذا الظرف

واذا كنت مخطأه اعتذر ايضا.

مواقفك وكتاباتك واضحه لدي

ولا مجال للمزايدات.

انفعالاتي مبالغ فيها اشكرك واقول انك صادق

فانا غريبه على عالم السياسه لاني امارسها بحس الانثي و الام

اكره واحب واحاول ان اعتدل!!!!!!!!!

على فكره كثيرا ما يطالبني زوجي بدقة اكثر في امر ما

واستخدم نفس العباره (اتركني من حسك البوليسي هذا)

فأعذرني لو اعتقدت خطأه ان اهل المنبر يمكن ان يفهموني

كأهل بيتي!!!!!!!!!

تحياتي لك وتعازيي مرة اخري.

تراجي.

العزيزة/ تراجي

انا آسف جدا ... و لكنني بصراحة شديدة ازعجتني مفردتك القائلة بان حسي بوليسي ... فليس هنالك اي مبرر لا ادبي و لا اخلاقي يجعلني ان اكون صاحب حس بوليسي.

و ارجو اكون معك صادقا و اقول لك بانني كنت صادقا في كلامي عندما طلبت من كودي فضح هذه المساجد و كذلك فضح الائمة... لانني لا استبعد استخدام المنادين بانفصال الجنوب لهذه المساجد لتمرير مثل هذه الخطابات يعني الموضوع بالنسبة لي اكبر من ذلك بكثير ... فالمساجد لا تخاطب عقول الناس في الكثير من الاحايين و انما تخاطب عواطفهم لتجييشها.

و ارجو ان اكون صادقا معك كما احسست ذلك من ردك علي هجمتي الشرسة ضدك بانني لا انقل هنا لا صراعات قديمة و لا جديدة مع اي شخص... فقد انتهي بالنسبة لي عهد تلك الصراعات التي لن يستفيد منها احد... و انا صادق في ما قلته لك .

نعم يا تراجي اتفق معك بان الوقت وقت ازمة و نحن لم نخرج من هذه الازمات منذ الازل و لكن عهد الازمة لا يبرر اتهام الناس بالحس البوليسي .

عموما حصل خير و معذرة للمرة الثانية و الجايات اكثر من الرايحات و لك العتبي حتي ترضي يا عزيزة.

برير
تراجي

I love u both

برير كوستاوي خالد كودي

جميعكم احبائي واخوتي

الوطن يحتاجنا جميعا

فالنقف مع الوطن وحماية الابرياء من الطرفين

وربنا يصبرنا جميعا

تراجي.

لقد قام ويقوم الكثير من أأمة المساجد فى الخرطوم وغيرها من المدن السودانيه بالتحريض على ان يسلحوا المواطنين أنفسهم بالاسلحه الناريه،وكاذب من ينكر ذلك.


هو شنو الكاذب

الناس بتدافع عن نفسها دي فيها شنو ولا الا يموتو حتين يكونو ما عنصريين

Quote: العزيز محمد سليمان اعزيك ونفسي والحمد لله سيادنا الامريكان قالوا موديين اثنيين مسؤلين كبار للخرطوم كدي النشوف فلسفة ناس علاء الدين وغيرهم من الاوباش كيف حيقدروا يهبشوا جنوبي ثاني. تراجي.

لييييييييييييية يا بلد

خالد كودي...

Quote: كعهدكم أبدا، تقودون الله الى الحروب الخسرانه

ألله عزَّ و جل يقود و لا يقاد..

أرجو أن تحترم قدسية إلهنا لدينا...

و أن تعبر عن نفسك و رأيك دون أن تمس هذه القدسية...

فمن شأن ما تفعله أن يصرفنا عما تقول مهما كانت قيمته...

أو في الحقيقة تتلاشى قيمة أقوالك إذا ما أتت مقرونة بما يسيء لله عزّ و جل...

Quote: وهو دعوة ائمة الجوامع لتسليح المدنيين والرد على الجنوبيين

وهولاء أقلية شريرة يصطادون في الماء العكر من أجل مصالحهم الخاصة
لا لدولة الدينية ولا للقتل ولا للفتن ولا للأجندة السرية
اذا لم نستوعب المرحلة فسوف تستوعبنا المرحلة
جنى

بروفسور/ خالد كودي..
العظمة لله..
أضبط المصطلح...
.
كلامك غير دال على معناهو..

Quote: بدأ أأمة المساجد فى الخرطوم بأعلان الجهاد على المسلمين فى الاحياء،

تفتكر...
يا بروف..

إنو أئمة المساجد ديل ناس نصاح..
من يجاهد من..
الفقد جلل.. والمصاب .. صار مصابين..

بعدين أئمة المساجد ديل.. ياتم البيقودو ربهم تعتقد..
وبيعتنقو ياتو دين...
كيف يتم إعلان الجهاد على المسلمين..

يا نبي هدى الفتنة العرقية..

دي غايتو صورة مقلوبة...
وشعبيط.. في الهواء..
معليش ..
تعيش وتآكل غيرها..

وزي ما بيقولو..
خيرها في غيرها..
لإحتفالية..
أعظم..


والعظمة لله..

لا يا أئمة المســـاجـــد... اقد أخطأتم خطأً فظيعاً

الأخ خالد كودي
والأخوة الأعزاء

نعزيكم وانفسنا في هذا الرحيل التراجيدي لرجل السودان في هذا
القرن وقرون قادمات

وصلت اليوم من الخرطوم وهي تفوح منها رائحة العنصرية والبغضاء
وماهي الأ نتاج لثقافة احادية ظلت الأنقاذ تحقن بها دماء الشباب
والشيوخ طيلة 16 عاما

نعم اخي خالد

لقد سمعت بعض أأمة المساجد يدعون للجهاد وللقتل
وبالتحديد جامع حي الفردوس بالخرطوم
وكذلك جامع بوسط شمبات

وقد تحاورت مع احد الأخوة وهو يحمل فأسا ،، وسألته هل هذا الفاس
للدفاع عن نفسك وبيتك ام ماذا ؟؟ وهل سبق ان قتلت شخصا

فقال لي هذا الفاس لقتل اي جنوبي اجده في الحي ،، ولم اقتل قبل ذلك
لكن سوف اقتل الأن ،، فسألته لماذا ؟؟ فرد قائلا لأن امام المسجد قد
قال لنا ذلك ،، واحتد النقاش بيني وبينه وتجمع رفاقه وكادت ان تحدث كارثة
سوف اعود لك بمزيدا من التفاصيل والصور عن مشاهدات عيانا بيانا

لا نبكيك يا قرنق لكنا نقاتل من اجل سودان جديد يسع الجميع

Quote: نعزيكم وانفسنا في هذا الرحيل التراجيدي لرجل السودان في هذا القرن وقرون قادمات

ولد ده

حمد لله على السلامة يا حنين الله يستر ما تجي تقولي الظرف ما بستحمل وووو

Quote: نتاج لثقافة احادية ظلت الأنقاذ تحقن بها دماء الشباب والشيوخ طيلة 16 عاما

ونتاج ثقافة نيو سودان العنصريه ايضا ناس خالد ما قصرو تب

Quote: وكادت ان تحدث كارثة

لوووووووول ومرقتها في الرياض الله ستر الحمد لله يا زول على السلامة دحن البحر الاحمر ما غيرو مكانووووووو ؟؟؟؟

الاخوة الكرام
من قال لكم ان أئمة المساجد بيدعوا للجهاد اليوم ديل بيدعو للجهاد من زمان
والكلام دا ما بيدعوا ليهو من فراغ الكلام دا موجود فى الكتاب والسنة

مسيرة الجهاد ما ضية الى يوم القيامة ولابد لأئمة المساجد أن يدعوا الى الجهاد

قال تعلى (يَا أَيُّهَا الَّذِينَ آمَنُواْ إِذَا لَقِيتُمُ الَّذِينَ كَفَرُواْ زَحْفاً فَلاَ تُوَلُّوهُمُ الأَدْبَارَ ) صدق الله العظيم الأنفال 15

(وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلّه فَإِنِ انتَهَوْاْ فَإِنَّ اللّهَ بِمَا يَعْمَلُونَ بَصِيرٌ ) الانفال 39

(وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ ) الانفال 60

(يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ إِن يَكُن مِّنكُمْ عِشْرُونَ صَابِرُونَ يَغْلِبُواْ مِئَتَيْنِ وَإِن يَكُن مِّنكُم مِّئَةٌ يَغْلِبُواْ أَلْفًا مِّنَ الَّذِينَ كَفَرُواْ بِأَنَّهُمْ قَوْمٌ لاَّ يَفْقَهُونَ ) الانفال 65

إخواني الكرام من منكم يفكر لهذا الدين ؟؟

هل أنتم تفكرون لهذا الدين ؟؟

لماذا تنحوا باللائمة على أئمة المساجد عندما يدعوا المواطنيين المسلمين الى الجهاد ؟
أتريدون أن تطمسوا شعائر الدين

ام ماذا تريدون ؟

اتريدون لجزة الدين أن تنطفئ ام ماذا تريدون
من أنتم حتى تضعوا لأئمة المساجد الشروط واللوائح ومتى يدعون الناس ومتى لايد عون الناس

ما ذا تعرفون انتم عن هذا الدين ؟

الى ماذا ترمون الوصل اليه ؟

هل أنتم أئمة مساجد ؟




لقد أصبح المتطاولون والمتطاولات على هذا الدين ينعقون هنا وهناك لا هم لهم سوى النيل من هذا الدين , يريدون أن يسوقوا لهذه العلمانية البغيضة ويردون أن يطمسوا الدين حتى لا تكون له كلمة ولكن هيهات لهم نحن لهم بالمرصاد ما أبقانا الله أحياء

اللهم أنصر جندك الموحدين اللهم انصر هذا الدين واخز كل من يريد النيل من هذا الدين وانضر كل من يريد لهذا الدين ان يعلو
آمين

Quote: هل أنتم أئمة مساجد ؟

ليه شايف علينا إيه!
طيار مهندس دكتور قول حاجة كدا أمال الطيش يشتغل شنو!!
جني

Kodi,Bireer , Mekashfi and jinni
I hope we will Name And Shame who is involve . Mekashfi you went too far, we should support the Sudanese authority to overcome this crisis

تأكد باننى ساعلق على دعوات الهوس هذه و المهوسيينعند توفر وقت أطول.

ياكودي
أأمة يعني شنو؟
يدعون للجهاد علي المسلمين ؟؟؟ دي كيف, قصدك يدعون المسلمين للجهاد؟؟

كودي في صمتك خير للبلد
راجع البوست
وكت الرجال الجد جد جا

Quote: كودي في صمتك خير للبلد

(وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلّه فَإِنِ انتَهَوْاْ فَإِنَّ اللّهَ بِمَا يَعْمَلُونَ بَصِيرٌ ) الانفال 39



الأخ كودى بالله رجاء خاص بأن تحترم حرمة الميت الذى تتخذه شعارا لك أن تزيل صورته إحتراما له ولمشاعر أهله

والسلام

لمصلحة من كل هذا؟

لا تتواروا خلف دعوات فارغة

هناك الآن في الخرطوم من يقود خط يهدف لزرع

الضغائن في النفوس عند كل الأطراف

حتي يسهل له تنفيذ مخططه .

والكارثة أن هذا المخطط يسير وفق هواهم

لن أكرر ما كتبته في هذا البوست

Re: عاجل ... اخبار عن مقتل اللواء فاولينو متيب


.

Quote: ياكودي أأمة يعني شنو؟

المقصود ائمه.


يدعون للجهاد علي المسلمين ؟؟؟ دي كيف, قصدك يدعون المسلمين للجهاد؟؟

نعم هو المقصود

Quote: كودي في صمتك خير للبلد راجع البوست وكت الرجال الجد جد جا

بل فى حديثك الوجه القبيح للعنصريه.

وان كنت تعتقد ماتدعوا اليه وهؤلاء الائمة يدل على "الرجاله" فبئس الرجاله
بل وبئس الانسانيه.



و حقيقة بلدنا يمر بمثل هذه المآسى لان امثالك يتحدثون عن قيم "الرجوله"

ياكودي شكرا ياخي علي الشتيمة في النهاية إنت ود بلدي وأنا حبي لوطني الكبير تمنعني أن أرد علي قولك هذا:

Quote: بل فى حديثك الوجه القبيح للعنصريه. وان كنت تعتقد ماتدعوا اليه وهؤلاء الائمة يدل على "الرجاله" فبئس الرجاله بل وبئس الانسانيه. و حقيقة بلدنا يمر بمثل هذه المآسى لان امثالك يتحدثون عن قيم "الرجوله"

وللقراء الكرام أعيد نشر ماكتبت يوم أحداث العاصمة المؤسفة
ولك أنت أيضا ياكودي علك تترك التهور وترى الوطن بمنظار أوسع ذي أبعاد قومية ووطنية عميقة.

Quote: وكت الرجال الجد والنسوان الجد جا شدو حيلكم الســـودان بلدنا بخيره وشره وجباله وصحاريه ووديانه الســـودان بلدنا وماعندنا غيرو تب وما كايسين لينا بديل غيرو بلدنا كان أبينا وكان رضينا نحن فاضل لينا شنو ولا عندنا شنو غير بلدنا والله ما عندنا التكتح والبلد دي منو البخاف عليها كان ما خفنا عليها نحن السودانيين كلنا, بي شماليننا وجنوبننا وشرقيننا وغربننا نحميها لازم كان رطنا رطانة وكان رطنا عربي وكان كتبنا وكان قرينا ياها بلدنا وياهو مصيرنا والبلد دي ياناس مابتبقي كعبة ولابتبقي سمحة الا بينا انحن نحن البنسويها ونحن البنصلحها ونحن البنخربا. أها الوكت ده مو وكت ساهل ده وكت الرجال البصح بصح والنسوان البصح بصح وكت الرجال الجد والنسوان الجد يلا الراجل يبقي راجل والمره التبقي مرة والنربط حزامنا وننكرب تب, الوكت ده يا ناس السودان بدور الحكمة والصدق مع الناس ومع نفسك دي, أها إنتو دايرين سودانا ده يبقي صومال ولا بيروت زمان دايرين النيران تولع فيهو كلو من شمالو لي جنوبو ومن غربو لي شرقو, ديارين ده, ما كفانا الألاف الماتو في الغرب وما كفاية الملايين الماتو واتشردو في الجنوب والجيعانين في الشرق والشمال ما كفانا والله العظيم كفانا وأهلنا المساكين ديل والله ما بستاهلو القاعدين نسويهو فوقهم ده, الناس ديل ترباله ورعاوية ومنو الفي السودان ده من نمولي لي حلفا ومن زالنجي لي كسلا الماهو تربالي ولا رعاوي الناس اهلنا ديل القاعدين في الريف وفي الخلا والقاعدين يموتو من الجوع والمرض والحروب بساووا سبعين في المية من عدد شعبنا. الليلة دي كان ماحكمنا العقل البلد بتضيع وبتخرب خرابا والله بعدو تاني ما بتصلح ونحنا كلنا عارفين البحصل ده بحصل لانو في ناس مظلومين ظلمتهم الحيكومات وما ظلموهم الرعاوية والترباله الماليين السودان وناس الحيكومات ديل همهم في كراسيهم ديل . الشماليين كتلوا الجنوبيين والجنوبيين بنتقموا وبكتلو الشمالين والشماليين كتلو الغرابة والغرابة بدورو برضو ينتقمو والشراقة برضو بدورو ينتقمو والكلام ده مدور من زمـــان مو من الاستقلال وجاي من زمن المهدية وكمان قبالا وعشان كدي الساقية دي مدورة ومدورة وتب ماها واقفة علا الرجال والنسوان يكربو بطنهم ويقيفو وقفه الشجعان من أجل البلد دي ومن أجل الوطن ده, منو فيكم المابحب السودان ومنو فيكم المابسهر الليل كلو عشان يسمع ليهو خبر عن بلدو والله كان كضبتو علي نفسكم وغشيتوها مابينفع أنتو السودان ده كلكم بتعزوهو وبتحبوهو وياهو بلدكم عزكم ومحل أهلكم الطيبين وحبوباتكم الريحتن ترد الروح البلد دي بلدكم كلكم وانتو كلكم اخوان نفس الخلقة والاخلاق ومصيركم واحد واكلكم ياهو الكسرة والعصيدة كان بي اللبن وكان بي الملاح. الناس بتدور تفرقكم بدورو يودوكم لي ورا وكان إنتو ماعرفين دي تكونو غبيانين ولا متغابين واللمتحان ده القاعدين نحل فيهو ده إمتحان مو ساهل ولكن والله مو صعب بالحيل بس بدورنا كلنا نقيف صف واحد ونتحد ونغفر ونتسامح كلنا مجروحين ومنكوبين عشان كدي أنا قلتا الوكت بدور الرجال الجد والنسوان الجد لانو التحدي كبير , أها إنت كان راجل جد عاين لي بلدك كلها زي مابتعاين لي بطن بيتك وسوي البتقدر عليهو واكتر عشان البلد تسلم وتبقي طيبة وكان إنتي مره جد قومي بي دورك ودورك أكبر من دور الرجال الجد جد ديل والمرة الجد هي البتحافظ علي بطن بيتها والسودان ده ياهو بطن بيتك الكبير. يلا أنشروا التسامح والحب بيناتكم والله كلكم ناس طيبين وأقويا ومافي شي بغلبكم كان نويتو وصفيتو النوايا واتوكلتو علي الله , والناس البتقوليكم لابد من مواجهة الحقيقة قولولم الحقيقة بنواجها وكلو زول ياخد حقو واكتر والكرامتو إنداست بنعزو والجرحو كبير بنضمدو ليهو والإتيتم بنبقالو أم وأبو والجيعان فينا بنقاسمو الكسرة والرغيفة , قولولهم لكن كفانا كتال ودمار وموت خلاص تاني ماداير نسمع صوت الرصاص ومادايرين نبقي فرجة العالم كلو يتفرج فوقنا, والله الرجال الجد والنسوان الجد مابرضو يبقو فرجة وما برضو يظلمو اهلهم ويكتلوهم. يلا ياناس من الليلة دي ابقو يد واحدة وضمدوا الجروح وعاينو للبلد الراجياكم دي.

:

Quote: الأخ كودى بالله رجاء خاص بأن تحترم حرمة الميت الذى تتخذه شعارا لك أن تزيل صورته إحتراما له ولمشاعر أهله والسلام

أثني بشدة

لا اري شيئا في صورة الميت..الصورة صورة في اخر الامر..سمعت بان اكرام الميت دفنه ولكني لم اسمع من قبل بامر صورته..هل من الواثجب دفنها هي الاخري!

عن إذنك يا خالد
الأخ EXORCIST7
حمدا لله علي السلامة وبركة الشفناك طيب.
أراك تناشد الأخ خالد بتغيير صورة الميت إحتراما له ولمشاعر أهله بقولك

Quote: الأخ كودى بالله رجاء خاص بأن تحترم حرمة الميت الذى تتخذه شعارا لك أن تزيل صورته إحتراما له ولمشاعر أهله

هل تتذكر صورتك القديمة؟ الم يكن فيها ايذاء لمشاعر اهل المذبوحين؟ بالمناسبة انا مازلت محتفظ بيها، تحب تشوفها؟

الصاوي

شكرا حنين و زوار هذا البوست ،
سارجع للكتابه فيه عندما يتوفر الوقت.

خالد كودي...



Quote: كعهدكم أبدا، تقودون الله الى الحروب الخسرانه

Quote: ألله عزَّ و جل يقود و لا يقاد.. أرجو أن تحترم قدسية إلهنا لدينا... و أن تعبر عن نفسك و رأيك دون أن تمس هذه القدسية... فمن شأن ما تفعله أن يصرفنا عما تقول مهما كانت قيمته... أو في الحقيقة تتلاشى قيمة أقوالك إذا ما أتت مقرونة بما يسيء لله عزّ و جل...

متى اصبح "الله " حكرا عليك؟

اعبر عن نفسى كما اشاء ولا اخضع الى اى ارهاب دينى .

فى السنوات الماضيه مات ملايين السودانيين بدعاوى هؤلاء الارهابيين من ائمة المساجد فى السودان، والايام السابقه لم تكن الا امتداد لذلك المسلسل الخاسر.