Post: #1
Title: ما بين دكين.... صلاح تمساح
Author: Omar Bob
Date: 07-06-2008, 09:40 PM
اصدقائي صلاح تمساح وتيسير شبرين تربط بينهم كل العلائق الممكنه في الدنيا
اما دكين فلا يربطه بهم شئ وكنت حتي التقيته اعتقد ان الرباط الانساني العادي الذي يربط كل الناس لا يربطه بهم
**
في يوم وصول دكين للدوحه وقد تم التنسيق علي ان نلتقيه في سوق واقف مساء
وانا كلي لهفه لاري هذا الدنقلاوي الوغد سليط اللسان
في حوالي التاسعه مساء وانا استعد للذهاب الي حيث التجمع
جاءني هاتف من طارق ابو شوك واخبرني ان هناك من يريد ان يسلم علي
جاءني الصوت من الطرف الاخر مالوفا لم يقل اكثر من جملتين حتي تعرفت عليه
انه صوت صديقي في المنافي صلاح تمساح, علمت منه انه والاسره في طريقهم للسودان
***
صلاح تربطني به المعرفه منذ ايام الجامعه في منتصف ثمنيات القرن الماضي
لم نكن اصدقاء حينهاولكن دوما هو مرتبط عندي ببيت الشعر الشهير الذي قاله قرشي ادريس عندما صارح احدي حسناوات الافتصاد بحبه بعد تردد كثير فلم تتواني تلك الحسناء بانزال الشاكوس باقصي ما تملك من قوه في راس قرشي ادريس, فذهب قرشي الي صلاح شاكيا باكيا وقال بيته الشهير
جاءت تمتطي المجد وتركب الرياح
وانباءتني بوقوع الفجيعه يا صلاح.
*****
دخلنا انا وصلاح الي السفاره الامريكيه في يوم واحد في بدايه التسعينات
في محاوله منا للخروج من الجب في تلك الايام الكالحه السواد
ابتعلتنا ارض العام سام الواسعه فذهب هو الي جهه وانا الي اخري
في منتصف التسعينات جاءنا مهاجرا الي كولمبوس اوهاويو حيث كنا نسكن انا وصديقي الداف(قدس الله سره)
****
تيسير شبرين بنت الفنان التشيكلي الاشهر في السودان بروفسير شبرين كانت اقرب الي من صلاح في فتره الجامعه
عندما ربط الله رباط المحبه والزواج بصلاح وقدمت الينالتقيم مع زوجها الميمون في كولمبوس
توثقت المعرفه وارتفعت الي صداقه متينه
كل الشباب الذين كانوا في كولمبوس في تلك الفتره هم من كانت بينهم علاقات قديمه ايام الجامعه في الفتره ما بين 83 حتي 93
عمر بوب
الداف
الصاوي
صلاح تمساح وزوجته تيسير شبرين
جمال حسن
مصطفي بوب
طارق محمد الامين وزوجته لبني عاطف
محمد جاد كريم
طارق عبد القيوم
توطدت بيننا العلائق القديمه و اصبحنا كالاسره الواحده تجمعنا الزكريات و الهم نحو مستقبل ملئ بالعلم و الدولارات من تلك البلاد الطيب اهلها(رغم ماكينه الاعلام العربيه التي تصورها عكس ذلك)
***
علمت من صلاح انهم عابرون الدوحه لليتهم تلك وسيغادرونها صباحا
اذن لابد مما ليس له بد وان اتوكل علي الحي الذي لا يموت و ابيع دكين الوغد في تلك الليله
هلي ان التقيه في اليوم التالي
وقد وطنت نفسي الا اعلمه باننا بعناه من اجل اصدقاء اخروون خوفا من لسانه السليط
اما الان وقد دجناه - ولو الي حين- بالمشاوي فحق لي ان اتكلم
******
التقيت صلاح وتيسير في بيت درير و اماني سنجه وتلك كانت مفاجأه اخري فانا لا علم لي بوجودهم في الدوحه الا في تلك الليله
وتسامرنا و معنا طارق ابو شوك وجاءت اسماء شخوص كثر
الصاوي
عصام جبر الله
طه سليمان -ود الزين- مش الفنان
راشد خالد
معتصم حسان
واحتل حادث التسمم الشهير الذي حدث لبعض اولاد دفعتنا ( الشرفانين) في زواج اخت تيسير كثير من حديثنا وقفشات درير الذي يبدوا انه عاني ما عاني من اثار ذلك التسمم
ووجدتهم هم كما هم فقط تمددوا من تيسير وصلاح وتماره اضافو الي ذلك علي واموره اخري هرب اسمها من الذاكره الخربه
تونسنا كثيرا في تلك الليله واستعدنا ذكريات وونسات الجامعه التي انتقلت بحذافيرها الي كولمبوس نعيدها ولا نملها
نحن جيل وانا لا ادري ان كان هو فقط جيلنا ام كل الاجيل لا نريد ان ننفك من اسر منتصف ثمنيات القرن الماضي
هل لانها كانت اجمل الفترات ام اننا نريد ان نوهم انفسنا ان الزمن لم يتحرك كثيرا من تلك الفتره
|
Post: #2
Title: Re: ما بين دكين.... صلاح تمساح
Author: Omar Bob
Date: 07-06-2008, 09:46 PM
Parent: #1
العنوان كان يجب ان يقرأ
ما بين دكين ...صلاح تمساح وتيسير شبرين
|
Post: #3
Title: Re: ما بين دكين.... صلاح تمساح
Author: عبدالكريم الامين احمد
Date: 07-06-2008, 09:50 PM
Parent: #2
هلا يا هندسة..
وكنت عارف بانك لمن تلقي مساحة وزمن وتعود الي هنا تاتي معك سيرة الزمن السمح
..
لكن عصام جبرالله ده سيرتو الجابها شنو ذاااتو الدوحة دي.
تجيبو سيرتو يقوم يجي ناطي لينا في الدوحة دي يسممنا ساكت
مواصلين ومتابعين وقوووول
|
Post: #4
Title: Re: ما بين دكين.... صلاح تمساح
Author: Omar Bob
Date: 07-06-2008, 09:59 PM
Parent: #3
سلامات يا كيكي:
صاحبك عصام جبر الله جاءت سيرتو تاني, يوم
غداء ابو ساندرا وطبعا صاحبنا الكبير عايز يطبل لزميلو
لكن بما انو انا نواه انفكيت من المركز و الشغلانيه ما فارقه معاي تاني وصحبه عصام جبر الله تشفع لي
طبعا قمت نتفت ليك ريش عصام كيتا في ابو ساندرا حتي بهت الذي كفر
|
Post: #5
Title: Re: ما بين دكين.... صلاح تمساح
Author: Omar Bob
Date: 07-07-2008, 07:03 AM
Parent: #1
من اليمين لليسار:
تيسير شبرين, صلاح تمساح, درير, طارق ابو شوك, عمر بوب
|
Post: #6
Title: Re: ما بين دكين.... صلاح تمساح
Author: Siham Elmugammar
Date: 07-07-2008, 07:05 AM
Parent: #1
Quote: قرشي ادريس, فذهب قرشي الي صلاح شاكيا باكيا وقال بيته الشهير
جاءت تمتطي المجد وتركب الرياح
وانباءتني بوقوع الفجيعه يا صلاح. |
Quote: عمر بوب
الداف
الصاوي
صلاح تمساح وزوجته تيسير شبرين |
Quote: الصاوي
عصام جبر الله
معتصم حسان |
|
Post: #9
Title: Re: ما بين دكين.... صلاح تمساح
Author: Omar Bob
Date: 07-07-2008, 09:15 AM
Parent: #6
سلام يا سهام:
طبعا انا عارف الاسماء دي يا سهام بتعيد لك كثير ذكريات الزمن الجميل
هناك اسماء اخري جاءت ضمن الونسه نسيت ذكرها اولا:
سيسا الحاج الطاهر
احمد عثمان
عبد اللطيف حمد
محمد السبكي
مامون السبكي
عبد اللطيف عثمان الرجل الصوفي الذي اصبح يري ما لا نري ويسمع ما لا نسمع
او (The holly man) كما يناديه ابناء راشد خالد
|
Post: #7
Title: Re: ما بين دكين.... صلاح تمساح
Author: حمزاوي
Date: 07-07-2008, 08:23 AM
Parent: #1
| Quote: وانا كلي لهفه لاري هذا الدنقلاوي الوغد سليط اللسان |
اخوي بوب
مسكاقمي
تسمع بالمعيدي خير من ان تراه
دكين هذا هزيل لا يكاد يرى بالعين المجردة
سبحان الله في اثنين صلاح تمساح في السودان
يمكن يظهر اكتر كمان
انا بعرف دكتور صلاح تمساح ( الكرماوي )
ابن عطبرة حي الداخلة
|
Post: #11
Title: Re: ما بين دكين.... صلاح تمساح
Author: Omar Bob
Date: 07-07-2008, 10:17 AM
Parent: #7
ازيك يا حمزاوي يا خي
دكين ده بقي ولدنا تب معيدي ام غير معيدي
| Quote: سبحان الله في اثنين صلاح تمساح في السودان |
تعرف مره انا بطالع في الصحف السودانيه لقيت واحد عضو في مجلس اداره نادي المريخ اسمو
عمر بوب - رحمه الله فقد انتقل الي رحمه مولاه-, انا طبعا اتحنفشت وقلت ده منو المستغل اسمي ده وكمان داخل بيهو مجلس اداره نادي المريخ
اها بعد البحث لقيت ولدهشتي الشديده انو اسمو يطابق اسمي الرباعي عمر محمد علي بوب ومهنتو الهندسه تماما كمهنتي
بس هو اكبر مني عشان كده قطعت الحركه عشان ما تبقي القصه في رقبتي وانا الانتحلت الاسم
السودان ده بلد العجايب
|
Post: #8
Title: Re: ما بين دكين.... صلاح تمساح
Author: أبو ساندرا
Date: 07-07-2008, 08:55 AM
Parent: #1
أهلآ يا بوب
دائمآ حديث الذكريات ، الذكريات بيكتبوها كده يارطاني
حديث ذي شجون
حسيت بشجنك
وإندياح قلمك
ياهندسة
وكويس إنك مسكت تلك اللحظات بالكتابة عنها
فالذكريات صدى السنين الحاكي
وبشأن:
Quote: طبعا قمت نتفت ليك ريش عصام كيتا في ابو ساندرا
حتي بهت الذي كفر |
كيف ما { يبهت } ويفقد لونو
وانت عمال تفت فيهو
وفي المابجيب إسمو
غايتو يا عصام جبر الله إلا تقدم سي في جديدة
|
Post: #16
Title: Re: ما بين دكين.... صلاح تمساح
Author: Omar Bob
Date: 07-07-2008, 12:11 PM
Parent: #8
سلامات يا ابو ساندرا
| Quote: الذكريات بيكتبوها كده يارطان |
نحنا يا حبيب منتظريين الشفيع الجزولي يكمل لينا المعجم النوبي
عشان تاني عربيكم ده ذاتو ما نكتب بيه
بالله كدي اتخيل انو عماد عبدالله ودكين ديل بيكتبو كتابتهم دي باللغه النوبيه مش حتمشي تتعلمها ولا علي كيفك
واذا ما اتعلمتها نحنا بنشيل رشيده والبنات اللهم تبعنا ونخليك قاعد في السهله
|
Post: #10
Title: Re: ما بين دكين.... صلاح تمساح
Author: esam gabralla
Date: 07-07-2008, 09:35 AM
Parent: #1
تعرف يا بوب امبارح شفت عنوان بوستك ده و قلت اللهم اجعلو خير، دخلت قريت كتابتك و تااااخ عرفت روحى اتعوقت و انك هبشت جرح الحنين و هيجتو ...
و جرح الحنين الايام دى - و لاسباب كتيرة و متنوعة - حالتو صعبة، 16 سنة من السودان و من الاصحاب ديل
يا عمر غايتو العملتها الليلة كبيرة
جاءت تمتطي المجد وتركب الرياح
وانباءتني بميلاد الفجيعه يا صلاح.
Quote: طارق ابو شوك
عمر بوب
الداف
الصاوي
صلاح تمساح وزوجته تيسير شبرين
درير و اماني سنجه
الصاوي
عصام جبر الله
معتصم حسان |
لا و الصورة كمان
|
Post: #12
Title: Re: ما بين دكين.... صلاح تمساح
Author: Siham Elmugammar
Date: 07-07-2008, 11:09 AM
Parent: #10
يا بوب اوع السمان ديل تكونو انتو؟؟؟؟؟؟؟؟؟؟
سبحان مغير الاحوال
ما كنتو مسلوعين يا شباب و الا دى الترطيبة القسرية
لكن الله يجازيك الليله تورت علينا حنيييين سنننننننييييييييين
ياخ تقول التمنينات؟؟؟؟!!
بوب اقول ليك حاجة العمر وقف هناك
بالمناسبه ما بنقدر نجيب اسمها التى انبئت بميلاد الفجيعة
قرشى ادريس يالله يالله يالله ...بس دايرة لى قعده واحده معاهو لو جاد بها الزمان
صديقى من الزمن الحنين... وعشان تعرف الحنية كيف؟؟؟
اخر مره اتكلمت معاهو قبل سنين كده قال يا سهام انتى ما صحبتى ياخ انتى اختى لزم
الله حى
____________________________
تخريمة : ابوحبيب ده قبل كده كاتب فينى قصيده
و مرسلها لى بالبريد !!! اااااى البريد بتتذكروهو
ياخ دى صاحبكم (الكان جبنا اسمه الهواء بقسمه) ما عملها
|
Post: #18
Title: Re: ما بين دكين.... صلاح تمساح
Author: Omar Bob
Date: 07-07-2008, 12:24 PM
Parent: #10
ازيك يا عصام
غايتو اليومين الفاتو ديل سيرتك جات كتير في الدوحه
انت بس قول خير اللهم اجعله خير
كتبت انا
Quote: ]جاءت تمتطي المجد وتركب الرياح
وانباءتني بوقوع الفجيعه يا صلاح. |
وكتبت انت
Quote: جاءت تمتطي المجد وتركب الرياح
وانباءتني بميلاد الفجيعه يا صلاح. |
غايتو يا عصام انا روايتي بسند صحيح حتي تمساح هيمسلف
انا ما عارف اسانيد روايتك منو؟
كدا رصهم لينا هنا عشان نعرف انو سندك صحيح
ولا واحد من المغرضيين في السلسله ممكن يضعف ليك روايتك
|
Post: #13
Title: Re: ما بين دكين.... صلاح تمساح
Author: esam gabralla
Date: 07-07-2008, 11:24 AM
Parent: #1
هاكم اتجهجهوا معانا شوية
الصاوى ـ تيسير ـ تمساح ـ و الصديق الخاص جدا امير حسن ادريس
و كوم عيال
| Quote: ياخ دى صاحبكم (الكان جبنا اسمه الهواء بقسمه) ما عملها |
كضاااااابة ... وانا شاهد ...
نصور ليك اختام البوستة؟
كتار بينسو او يتناسو بعد العرس و العيال
بالمناسبة جزء من "الرسائل" عند حسين بشتونى/شقرور وانا عندى صورة تخرجكم الكبيرة
|
Post: #14
Title: Re: ما بين دكين.... صلاح تمساح
Author: Siham Elmugammar
Date: 07-07-2008, 11:31 AM
Parent: #13
لاحوله امير حسن.... والله زمااااااااااااااان
الله يكسبك انت و بوب طلعتو زيتنا
عصام يا سدنة
Quote: كضاااااابة ... وانا شاهد ...
نصور ليك اختام البوستة؟ |
قلنا قصايد..شعر
يا عالم
جوابات فى رز
|
Post: #15
Title: Re: ما بين دكين.... صلاح تمساح
Author: esam gabralla
Date: 07-07-2008, 11:36 AM
Parent: #14
قصائد؟ شعر؟
يجيبهم ليك من وين؟ شلالي على محسي و معرس عفاضة
قايلاهو شايقي 
و كمان فقر و لئيم
|
Post: #17
Title: Re: ما بين دكين.... صلاح تمساح
Author: Siham Elmugammar
Date: 07-07-2008, 12:21 PM
Parent: #15
يا عصام انت بقيت عنصرى والا شنو يا...... 
|
|