أنا من وداعتكـ .. (عمل مشتركـ )

أنساك كيف
وأنتِ الرسمتِ محبتك
فوق الفؤاد
وأنا من وداعتك ورقتك شلته المداد
وكتبت فيك حسنك نده ..
حسنك نده فيني القصيدة
وانا صوتي كان مبحوح عليك
ملهوف عليك
أحترت فيك
واحترت في وصفك أنا
حسنك نده
شلته القصيدة وجيت عليك
يا ريتو من أول نده
حسنك نده
احلامي باتت بين ايديك
اشواقي من فرط الوله تتشابى ليك
زي الفراش وقت الدعاش بيظللك
بكت العيون تستعطفك
بقيت تايه من سنين أتوسلك
إنتِ الجنان وإنتِ السعير وإنتِ الملك
ومنو الملك قلبي الشغوف
غير الجفون ترشق نبال ما أنبلك
بقيت محتار وخوفي العليك
حسنك نده
أحساسي بيك مرهف نبيل
واشعاري منك وليك سبيل
يا غالية لو القاك
طول عمري برحل ليك
اصلو العشم قربك
أو نظرة من عينيك
حسنك نده
أنا هسه راجع ليك
لو استريح عندك
وأفرد جناحي عليك

حسنك نده
وأنا شوقي كان أكبر
وحبي كان أنضر
متمني يوم أوصل
أو حتى أحلم بيك
حسنك نده جواي صوت عشقك
نساني طول هجرك
قربني من وصلك
أهداني أحلى كلام
حسنك نده
طاف الفراش كل الحقول
عبر المدى
نادي العصافير والطيور
قال ليهم الحسن النده
في زهرتك عشق الندى
جاني الصدى وقال فيك قول
غرد شدى وقال أحلى قول
حسنك نده
مديتي ايديك وبسمتي
ولي همستي اتذكرك
حسنك نده
وأنساك كيف
وانتي الرسمت محبتك
فوق الفؤاد
وانا من وداعتك ورقتك شلته المداد
وكتبت فيك حسنك نده ..
حسنك نده فيني القصيدة
وانا صوتي كان مبحوح عليك
ملهوف عليك
أحترت فيك
واحترت في وصفك أنا
حسنك نده
شلته القصيدة وجيت عليك
يا ريتو من أول نده
حسنك نده
بقت احلامي بين ايديك
بقت اشواقي تنده ليك
بكيت ملهوف بنادي عليك
بقيت تايه بعيد عنك
بقيت محتار وخوفي عليك
حسنك نده
أحساسي مرهف بيك
واشعاري منك وليك
يا غالية لو القاك
طول عمري برحل ليك
اصلو العشم قربك
أو نظرة من عينيك
حسنك نده
أنا هسه راجع ليك
لو استريح عندك
وأفرد جناحي عليك

كلمات:
**حسين محي الدين
**الأستاذ/ هاشم طه محمد


الأستاذ هاشم طه شاعر وكاتب متميز .. بالباب هلا فتحتم يا...أهل سودانيز اون لاين

حسنك نده
وتاه في زحمة الأيام
وتاه واحتار في الغربة وجداني
حسنك نده موسيقى بنكهة الأحلام
والأحلام بقت هاجس بيه فقدت عنواني

** كلمات:
الطيب احمد الطيب